కడప : వైఎస్ఆర్ జిల్లా రైల్వేకోడూరు మండలం కుక్కలదొడ్డి అటవీ ప్రాంతంలో పోలీసుల తనిఖీల్లో అక్రమంగా నిల్వ ఉంచిన ఎర్ర చందనం దుంగలు బయటపడ్డాయి. సుమారు రూ.కోటి విలువ చేసే ఎర్రచందనం డంప్ను స్వాధీనం చేసుకున్నారు. పరారీలో ఉన్న స్మగ్లర్ల కోసం పోలీసులు కూంబింగ్ నిర్వహించారు.
 
 మరోవైపు బ్రహ్మంగారి మఠం మండలం వట్టిమడుగు అటవీ ప్రాంతంలో నలుగురు ఎర్ర చందనం స్మగ్లర్లను పోలీసులు అదుపులోకి తీసుకున్నారు. వారి వద్ద నుంచి 48 ఎర్రచందనం దుంగలు స్వాధీనం చేసుకున్నారు.  రెండు బైక్లను స్వాధీనం చేసుకున్నారు.


 కడప :  ఎర్ర చందనం స్మగ్లర్లు మరోసారి బరితెగించారు. రైల్వేకోడూరు మండలం వాగేటి కోన వద్ద కూంబింగ్ నిర్వహిస్తున్న పోలీసులపై స్మగ్లర్లు రాళ్లు రువ్వారు. ఈ సంఘటనలో ఆరుగురు పోలీసులు గాయపడ్డారు. స్మగ్లర్ల చర్యకు ప్రతిచర్యగా పోలీసులు ఎదురు కాల్పులు జరిపారు. ఈ కాల్పుల్లో ఓ స్మగ్లర్ మృతి చెందగా, మిగిలిన వారు పరారయ్యారు.
 
 మరోవైపు పొండూరు మండలం బైపాస్ వద్ద వాహనాల తనిఖీల్లో భాగంగా ఆయిల్ ట్యాంకర్లో అక్రమంగా రవాణా చేస్తున్న ఎర్ర చందనాన్ని పోలీసులు స్వాధీనం చేసుకున్నారు. ఈ సందర్భంగా 50 ఎర్ర చందనం దుంగలను సీజ్ చేసి డ్రైవర్ను అరెస్ట్ చేశారు.