హైదరాబాద్ : హైదరాబాద్ కూకట్పల్లి ప్రశాంత్నగర్లో  జీపీఎస్  హైడ్రాలిక్ కంపెనీలో శనివారం ఉదయం ప్రమాదవశాత్తూ గ్యాస్ సిలిండర్ పేలింది. ఈ ఘటనలో ముగ్గురు కార్మికులు గాయపడ్డారు. వారిని చికిత్స నిమిత్తం రెమిడీ ఆస్పత్రికి తరలించారు. ఈ ప్రమాదంలో సత్యనారాయణ, మల్లారెడ్డి, శంషుద్దీన్ గాయపడగా వారిలో ఒకరి పరిస్థితి విషమంగా ఉన్నట్లు సమాచారం. మరోవైపు పోలీసులు కేసు నమోదు చేసి దర్యాప్తు చేపట్టారు. హైడ్రాలిక్ కంపెనీకి అనుమతులు ఉన్నాయా, ఈ ప్రమాదం ఎలా జరిగిందనే దానిపై విచారణ చేపట్టారు.