ఐపీఎల్‌-2026లో ల‌క్నో సూప‌ర్ జెయింట్స్ పేల‌వ ప్ర‌ద‌ర్శ‌న కొన‌సాగుతోంది. ఆదివారం ఏకానా స్టేడియం వేదిక‌గా కోల్‌క‌తా నైట్‌రైడ‌ర్స్‌పై సూప‌ర్ ఓవ‌ర్‌లో ల‌క్నో ఓట‌మి పాలైంది. గ‌త సీజ‌న్ మాదిరిగానే ఈ ఏడాది కూడా ల‌క్నోకు ఏదీ క‌లిసిరావ‌డం లేదు. ఈ ఏడాది సీజ‌న్‌లో ఇప్ప‌టివ‌ర‌కు 8 మ్యాచ్‌లు ఆడిన ల‌క్నో.. ఆరింట ఓట‌మి పాలై పాయింట్ల ప‌ట్టిక‌లో ఆఖ‌రి స్ధానానికి చేరుకుంది. దీంతో ల‌క్నో దాదాపుగా ప్లే ఆఫ్స్‌కు రేసు నుంచి నిష్క్ర‌మించిన‌ట్లే. ముఖ్యంగా రిష‌బ్ పంత్ కెప్టెన్‌గా త‌న మార్క్ చూపించ‌లేక‌పోతున్నాడు. డగౌట్‌లో ప్లాన్లు నిమిష నిమిషానికి మారుతున్నట్లు కనిపిస్తోంది. ఒత్తిడి సమయంలో సరైన నిర్ణయాలు తీసుకోలేకపోవడం జట్టును దెబ్బతీస్తోంది. కేకేఆర్‌తో జ‌రిగిన మ్యాచ్‌లో ఇలాంటి లోపాలే స్ప‌ష్టంగా క‌న్పించాయి. ఆఖ‌రి ఓవ‌ర్‌లో దిగ్వేష్ రాఠీతో బౌలింగ్ చేయించ‌డం, సూప‌ర్ ఓవ‌ర్‌లో నికోల‌స్ పూర‌న్‌ను బ్యాటింగ్‌కు పంప‌డం వంటి నిర్ణ‌యాలు ల‌క్నో కొంప‌ముంచాయి. ఈ నేప‌థ్యంలో ల‌క్నో కెప్టెన్ రిష‌బ్ పంత‌పై భార‌త మాజీ ఓపెన‌ర్ వ‌సీం జాఫ‌ర్ సంచ‌ల‌న వ్యాఖ్య‌లు చేశాడు. పంత్‌ను కెప్టెన్సీ నుంచి త‌ప్పించి సౌతాఫ్రికా స్టార్ ఐడెన్ మార్‌క్ర‌మ్‌కు అప్ప‌గించాల‌ని జాఫ‌ర్ సూచించాడు. "ల‌క్నో సూప‌ర్ జెయింట్స్ ప్ర‌స్తుతం అయోమయ స్థితిలో ఉంది. వారి నుంచి ఇలాంటి ప్ర‌ద‌ర్శలు అస్స‌లు ఊహించలేదు. ఒక‌వేళ నేనే ల‌క్నో కోచింగ్ స్టాప్‌లో భాగ‌మైంటే వెంట‌నే కెప్టెన్సీ మార్పు చేస్తాను. పంత్‌ను కెప్టెన్సీ బాధ్య‌త‌ల‌ను త‌ప్పించి మార్‌క్ర‌మ్‌కు అప్ప‌గించేవాడ‌ని. అంతేకాకుండా బ్యాటింగ్ ఆర్డ‌ర్‌లో కొన్ని మార్పులు చేసేవాడిని.మార్క్రమ్, మిచెల్ మార్ష్‌లతో ఓపెనింగ్ చేయిస్తాను. . మూడో స్థానంలో నికోలస్ పూరన్, ఆ తర్వాత నాలుగో స్థానంలో రిషబ్ పంత్, ఐదో స్థానంలో ఆయుష్ బదోని. ఆరో స్థానంలో అబ్దుల్ సమద్, ఏడో స్థానంలో ముకుల్ చౌదరిలను బ్యాటింగ్‌కు పంపేవాడిని. పంత్ లాంటి ఆటగాడికి కెప్టెన్సీ సెట్ కాదు. అతడు కేవలం బ్యాటర్‌గా గానే ఆడాలి. అప్పుడే అతడు పూర్తి స్వేఛ్చతో ఆడి మ్యాచ్‌లను గెలిపిస్తాడు. కాబట్టి కెప్టెన్సీ విషయంలో లక్నో పునరాలోచన చేయాలి. కెప్టెన్సీ బారంపై పంత్‌పై మోపొద్దు. అతడి స్ధానంలో మార్‌క్రమ్‌ను కెప్టెన్‌గా చేయండి. మార్‌క్రమ్‌కు అద్బుతమైన కెప్టెన్సీ స్కిల్స్ ఉన్నాయి. అంతర్జాతీయ స్ధాయిలో సౌతాఫ్రికాను అతడు నడిపిస్తున్నాడు. అతడు అన్ని విధాలగా సమర్ధుడు అని జాఫర్ తన యూట్యూబ్ ఛానల్‌లో పేర్కొన్నాడు. అయితే జాఫర్ ఒక్కడే కాదు చాలా మంది మాజీలు పంత్ కెప్టెన్సీ నుంచి తప్పుకోవాలని సూచిస్తున్నారు. పంత్ కూడా అందుకు సముఖంగా ఉన్నట్లు సోషల్ మీడియాలో ప్రచారం జరుగుతోంది.పంత్‌ ఈ ఏడాది సీజన్‌ మధ్యలోనే కెప్టెన్సీ బాధ్యతల నుంచి వైదొగలనున్నాడని పలు రిపోర్ట్‌లు పేర్కొంటున్నాయి. కాగా అతడి కెప్టెన్సీలోని లక్నో గత సీజన్‌లో కూడా ప్లే ఆఫ్స్‌కు అర్హత సాధించలేదు. ఇప్పుడు కూడా అదే బాటలో పయనిస్తోంది.

ఐపీఎల్‌-2026లో లక్నో సూపర్‌ జెయింట్స్‌ వైఫల్యం కొనసాగుతోంది. కోల్‌కతా నైట్‌ రైడర్స్‌తో ఆదివారం నాటి మ్యాచ్‌లో రిషభ్‌ సేన ఓటమిపాలైంది. ఏకనా స్టేడియంలో నిర్ణీత 20 ఓవర్లలో ఇరుజట్లు సమానంగా 155 పరుగులు సాధించాయి. ఈ క్రమంలో సూపర్‌ ఓవర్‌ నిర్వహించగా.. లక్నో ఓటమి పాలైంది.సూపర్‌ ఓవర్‌ సాగిందిలా... ‘సూపర్‌ ఓవర్‌’లో తొలుత బ్యాటింగ్‌ చేసిన లక్నో మూడు బంతుల్లో ఒక్కపరుగు మాత్రమే చేసి రెండు వికెట్లు కోల్పోయి ఆలౌటైంది. మిస్టరీ స్పిన్నర్‌ సునీల్‌ నరైన్‌ వేసిన తొలి బంతికే నికోలస్‌ పూరన్‌ (0) క్లీన్‌ బౌల్డ్‌ కాగా... బౌండరీ వద్ద పావెల్, రింకూ సింగ్‌ పట్టిన చక్కటి రిలే క్యాచ్‌కు ఐడెన్‌ మార్క్‌రమ్‌ (0) వెనుదిరిగాడు. కెప్టెన్‌ రిషభ్‌ పంత్‌ (1 నాటౌట్‌) అజేయంగా నిలిచాడు.అంతా రింకూ మయంఇక రెండు పరుగుల లక్ష్యంతో బరిలోకి దిగిన కోల్‌కతా తొలి బంతికే గెలుపు ఖాతాలో వేసుకుంది. ప్రిన్స్‌ యాదవ్‌ బౌలింగ్‌లో రింకూ (4 నాటౌట్‌) తొలి బంతికే ఫోర్‌ కొట్టి జట్టును గెలిపించాడు. చివరి ఓవర్‌లో నాలుగు సిక్స్‌లు, ఫీల్డింగ్‌లో నాలుగు క్యాచ్‌లు, సూపర్‌ ఓవర్‌లో నాలుగు పరుగులు ఇలా... కోల్‌కతా విజయంలో ఎక్కడ చూసిన రింకూ సింగ్‌ ప్రతిభే ప్రస్ఫుటించింది. అతడికి ప్లేయర్‌ ఆఫ్‌ ది మ్యాచ్‌ అవార్డు దక్కింది.#KKR win the first SUPER OVER of the season 🤩@kkriders with a hard earned win after 42 overs of topsy turvy cricket 👏Scorecard ▶️ https://t.co/elFxwvCeWO#TATAIPL | #KhelBindaas | #LSGvKKR pic.twitter.com/yIoX0vQOMv— IndianPremierLeague (@IPL) April 26, 2026అతడిని ఎలా ఆడిస్తారు?మరోవైపు.. ఫామ్‌లో లేని నికోలస్‌ పూరన్‌ను సూపర్‌ ఓవర్లో ఆడించడం పట్ల లక్నో నాయకత్వ బృందంపై విమర్శలు వెల్లువెత్తుతున్నాయి. ఈ నేపథ్యంలో ఓటమి అనంతరం లక్నో కెప్టెన్‌ రిషభ్‌ పంత్‌ స్పందించిన తీరు కూడా వైరల్‌గా మారింది. ‘‘మాకు కచ్చితంగా విరామం కావాలి. మళ్లీ సరికొత్తగా తిరిగివస్తాం. ఇలాంటి మ్యాచ్‌లలో ఒత్తిడి సహజం.అయితే, మేము దీనిపై బహిరంగంగా స్పందించాల్సిన అవసరం లేదు. అంతర్గతంగా కూర్చుని చర్చిస్తాం. ఒకరూ.. ఇద్దరూ కాదు.. ఇది సమిష్టి వైఫల్యం. కాబట్టి జట్టులోని ప్రతి ఒక్కరు ఇందుకు జవాబుదారీగా ఉండాల్సిందే.పంత్‌ స్పందన ఇదేఇక పూరన్‌ విషయంలోనూ మేమంతా కలిసికట్టుగానే నిర్ణయం తీసుకున్నాం. సూపర్‌ ఓవర్లో ఎవరిని పంపించాలన్న ప్రశ్న వచ్చినప్పుడు ప్రతి ఒక్కరు నిక్కీ పేరునే సూచించారు. అతడు ఇప్పుడు అత్యుత్తమ ఫామ్‌లో లేకపోవచ్చు. కానీ ఇలాంటి పరిస్థితుల్లోనే నిక్కీ వంటి స్టార్లపై నమ్మకం ఉంచాలి.అయితే, ఇక్కడ మా వ్యూహం ఫలించలేదు. మ్యాచ్‌లో సానుకూల అంశాలను స్ఫూర్తిగా తీసుకుని ముందుకు సాగుతాము. కానీ ఈరోజు మాకు అంతగా కలిసిరాలేదు. అయితే, విరామం తర్వాత మళ్లీ సరికొత్తగా తిరిగివస్తామనే నమ్మకం ఉంది’’ అని పంత్‌ చెప్పుకొచ్చాడు. ఈ మ్యాచ్‌లో నికోలస్‌ పూరన్‌ 12 బంతుల్లో 9 పరుగులు మాత్రమే చేశాడు. మరోవైపు.. పంత్‌ 38 బంతుల్లో 42 పరుగులు రాబట్టగలిగాడు. చదవండి: IPL 2026: 'నీ సీక్రెట్స్‌ మొత్తం నాకు తెలుసు.. మా టీమ్‌పై నెమ్మదిగా ఆడు'

రాజస్తాన్‌ రాయల్స్‌ బౌలర్‌ నండ్రీ బర్గర్‌కు ఎదురుదెబ్బ తగిలింది. అతడి మ్యాచ్‌ ఫీజులో కోత పడింది. ఐపీఎల్‌ పాలక మండలి ఈ విషయాన్ని తాజాగా ధ్రువీకరించింది. ఐపీఎల్‌-2026లో భాగంగా రాజస్తాన్‌ బుధవారం లక్నో సూపర్‌ జెయింట్స్‌తో తలపడిన సంగతి తెలిసిందే.40 పరుగుల తేడాతోఈ మ్యాచ్‌లో తొలుత బ్యాటింగ్‌కు దిగిన రాజస్తాన్‌.. నిర్ణీత 20 ఓవర్లలో ఆరు వికెట్ల నష్టానికి 159 పరుగులే చేసింది. అయితే, బౌలర్ల విజృంభణ కారణంగా లక్నోను 119 పరుగులకే ఆలౌట్‌ చేసి.. 40 పరుగుల తేడాతో జయభేరి మోగించింది. రాజస్తాన్‌ బౌలర్లలో జోఫ్రా ఆర్చర్‌ మూడు వికెట్లు తీయగా.. నండ్రీ బర్గర్‌, బ్రిజేశ్‌ శర్మ తలా రెండు.. రవీంద్ర జడేజా, రవి బిష్ణోయి చెరో వికెట్‌ దక్కించుకున్నారు.అయితే, లక్నోతో మ్యాచ్‌ సందర్భంగా నండ్రీ బర్గర్‌ ఐపీఎల్‌ ప్రవర్తనా నియమావళిని ఉల్లంఘించిన కారణంగా శిక్ష పడింది. అతడు ఆర్టికల్‌ 2.5లోని లెవల్‌ 1 తప్పిదానికి పాల్పడ్డాడు. ప్రత్యర్థి జట్టు ఆటగాళ్లను రెచ్చగొట్టే విధంగా కవ్వింపు చర్యలకు పాల్పడటం.. దురుసుగా ప్రవర్తిస్తే ఈ నిబంధన కింద చర్యలు తీసుకుంటారు.2⃣ good catches by the #RR captain 🫡Nandre Burger 🤝 Brijesh Sharma with the wickets ✌️Updates ▶️ https://t.co/5SaPY8wfsc#TATAIPL | #KhelBindaas | #LSGvRR | @rajasthanroyals pic.twitter.com/bS8yT5QFYh— IndianPremierLeague (@IPL) April 22, 2026మ్యాచ్‌ ఫీజులో పది శాతం కోతఈ నేపథ్యంలో తప్పును అంగీకరించిన నండ్రీ బర్గర్‌కు మ్యాచ్‌ ఫీజులో పది శాతం కోత విధించడంతో పాటు.. అతడి ఖాతాలో డీమెరిట్‌ పాయింట్‌ చేర్చింది ఐపీఎల్‌ పాలక మండలి. ఇదిలా ఉంటే.. లక్నోతో మ్యాచ్‌లో నండ్రీ బర్గర్‌ నాలుగు ఓవర్ల కోటా పూర్తి చేసి కేవలం 27 పరుగులే ఇచ్చి రెండు వికెట్లు కూల్చాడు. లక్నో కెప్టెన్‌ రిషభ్‌ పంత్‌ను డకౌట్‌ చేసిన ఈ లెఫ్టార్మ్‌ పేసర్‌.. ఓపెనర్‌ మిచెల్‌ మార్ష్‌ (55) రూపంలో మరో కీలక వికెట్‌ దక్కించుకున్నాడు.చదవండి: టీమిండియాలోకి సంచలన ఫాస్ట్‌ బౌలర్‌

ఐపీఎల్‌ 2026లో భాగంగా నిన్న (ఏప్రిల్‌ 22) జరిగిన మ్యాచ్‌లో లక్నో సూపర్‌ జెయింట్స్‌ రాజస్థాన్‌ రాయల్స్‌ చేతిలో చిత్తుగా ఓడింది. ఈ మ్యాచ్‌లో లక్నో 160 పరుగుల స్వల్ప లక్ష్యాన్ని ఛేదించలేక 40 పరుగుల తేడాతో పరాజయంపాలైంది. మిచెల్‌ మార్ష్‌ (55) మినహా లక్నో బ్యాటర్లంతా దారుణంగా విఫలమయ్యారు. బదోని, పంత్‌, మార్క్రమ్‌ మరీ తీసికట్లుగా డకౌక్లయ్యారు. ఈ సీజన్‌లో లక్నోను ఇది ఐదో ఓటమి. ప్రస్తుతం ఈ జట్టు పాయింట్ల పట్టికలో చివరి నుంచి రెండో స్థానంలో ఉంది. ఈ ప్రదర్శనలతో లక్నో ప్లే ఆఫ్స్‌ ఆశలను వదులుకోవాల్సిందే. ఈ సీజన్‌లో ఆ జట్టు బౌలింగ్‌లో సత్తా చాటుతున్నా, బ్యాటింగ్‌లో మాత్రం ఘోరంగా విఫలమవుతూ వస్తుంది. ఈ ఓటమి అనంతరం జట్టు ప్రదర్శనపై కెప్టెన్‌ పంత్‌ తీవ్ర అసంతృప్తి వ్యక్తం చేశాడు. కెప్టెన్‌గా, వ్యక్తిగతంగా విఫలమవుతున్నందుకు తనను తాను నిందించుకున్నాడు. బ్యాటింగ్ వైఫల్యమే ఓటమికి ప్రధాన కారణమని అన్నాడు. వరుస పరాజయాల తర్వాత నిరాశలో ఉన్నట్లు తెలిపాడు. బయట కారణాలు వెతక్కుండా, లోపలే పరిష్కారాలు వెతుకుతున్నట్లు పేర్కొన్నాడు.పిచ్ పరిస్థితులపై స్పందిస్తూ.. కొంచెం సమయం తీసుకుని ఆడాల్సిందని అభిప్రాయపడ్డాడు. ఇన్నింగ్స్‌ను మరింత లోతుగా తీసుకెళ్లాల్సిందని అన్నాడు. ఓటమికి సాకులు చెప్పకుండా, బాధ్యత తీసుకుంటున్నట్లు తెలిపాడు.బౌలర్లపై ప్రశంసల వర్షం​ కురిపించాడు. గత మ్యాచ్‌తో పోలిస్తే అద్భుతంగా రాణించారని కితాబునిచ్చాడు. బౌలర్లు వారి పనిని సమర్దవంతంగా నిర్వర్తించారని, ఈ ఓటమి పూర్తిగా బ్యాటర్ల బాధ్యత అని అంగీకరించాడు.వరుస ఓటములు ఎదురైనా ధైర్యం కోల్పోలేదని స్పష్టం చేశాడు. బౌలింగ్‌తో పాటు తమ జట్టు బ్యాటింగ్‌లోనూ బలంగా ఉందని అన్నాడు. ఇప్పటికీ పరిస్థితులను అనుకూలంగా సామర్థ్యం తమకుందని విశ్వాసం వ్యక్తం చేశాడు. జట్టుగా తలెత్తుకుని ముందుకు సాగాల్సిన అవసరం ఉందని అభిప్రాయపడ్డాడు.

ఐపీఎల్‌ 2026లో లక్నో సూపర్‌ జెయింట్స్‌ పేలవ ప్రదర్శన కొనసాగుతోంది. జట్టు నిండా స్టార్లు ఉన్నా, మ్యాచ్‌ను గెలిపించే నాథుడు ఒక్కడు కూడా లేడు. ఈ సీజన్‌లో ఆ జట్టు ఇప్పటివరకు ఆడిన 7 మ్యాచ్‌ల్లో ఏకంగా 5 పరాజయాలు ఎదుర్కొంది. కేవలం 2 మ్యాచ్‌ల్లో మాత్రమే గెలుపొందింది.తాజాగా (ఏప్రిల్‌ 22) రాజస్థాన్‌ రాయల్స్‌ చేతిలో ఘోర పరాజయాన్ని ఎదుర్కొంది. ఈ మ్యాచ్‌లో తొలుత బౌలింగ్‌ చేసి ప్రత్యర్దిని 159 పరుగులకే కట్టడి చేసినప్పటికీ.. ఆపాటి లక్ష్యాన్ని కూడా ఛేదించలేక చతికిలపడింది. బౌలింగ్‌లో షమీ (4-0-30-2), ప్రిన్స్‌ యాదవ్‌ (4-0-29-2), మొహిసిన్‌ (4-1-17-2) రాణించారు. రాయల్స్‌ తరఫున బ్యాటింగ్‌లో రవీంద్ర జడేజా (43 నాటౌట్‌) రాణించాడు.అనంతరం స్వల్ప ఛేదనలో లక్నో ఆదిలోనే చేతులెత్తేసింది. ఆర్చర్‌ (4-1-20-3), బర్గర్‌ (4-0-27-2), బ్రిజేష్‌ శర్మ (3-0-18-2), జడేజా (4-0-29-1), బిష్ణోయ్‌ (3-0-23-1) ధాటికి 18 ఓవర్లలో 119 పరుగులకే కుప్పకూలింది. మిచెల్‌ మార్ష్‌ (55) ఒంటరిపోరాటంతో లక్నోను గెలిపించే ప్రయత్నం చేశాడు. ఇతను మినహా టాప్‌-4లో మిగతా ముగ్గురు (బదోని, పంత్‌, మార్క్రమ్‌) డకౌటయ్యారు.డక్‌ మాస్టర్‌ఈ సీజన్‌లో పంత్‌ వైఫల్యాల పరంపర కొనసాగింది. రాయల్స్‌ మ్యాచ్‌లో అతను 3 బంతులు ఆడి బర్గర్‌ బౌలింగ్‌లో ఔటయ్యాడు. ఈ డక్‌తో పంత్‌ ఓ చెత్త రికార్డును సొంతం చేసుకున్నాడు. ఐపీఎల్‌ చరిత్రలో అత్యధిక​ డకౌట్లైన వికెట్‌కీపర్‌ బ్యాటర్ల జాబితాలో ధోనిని (6) దాటాడు. 7 డక్‌లతో గిల్‌క్రిస్ట్‌తో కలిసి సంయుక్తంగా నాలుగో స్థానంలో నిలిచాడు. డక్‌ మాస్టర్ల జాబితాలో దినేశ్‌ కార్తీక్‌ (16), పార్థివ్‌ పటేల్‌ (10), నమన్‌ ఓఝా (8) టాప్‌-3లో ఉన్నారు.

ఐపీఎల్‌ 2026లో అత్యంత ఖరీదైన ఆటగాళ్లంతా ఘోరంగా విఫలమవుతున్నారు. లీగ్‌ చరిత్రలోనే అత్యంత ఖరీదైన ఆటగాడు రిషబ్‌ పంత్‌ (లక్నో కెప్టెన్‌, 27 కోట్లు), లీగ్‌ చరిత్రలోనే అత్యంత ఖరీదైన విదేశీ ఆటగాడు కెమరూన్‌ గ్రీన్‌ (కేకేఆర్‌, 25.2 కోట్లు), లీగ్‌ చరిత్రలోనే అత్యంత ఖరీదైన అన్‌ క్యాప్డ్‌ ప్లేయర్లు కార్తీక్‌ శర్మ (సీఎస్‌కే, 14.2 కోట్లు), ప్రశాంత్‌ వీర్‌ (సీఎస్‌కే, 14.2 కోట్లు), నికోలస్‌ పూరన్‌ (లక్నో, 21 కోట్లు), లియామ్‌ లివింగ్‌స్టోన్‌ (ఎస్‌ఆర్‌హెచ్‌, 13 కోట్లు), ఆకిబ్‌ నబీ (ఢిల్లీ, 8.4 కోట్లు).. ఇలా చెప్పుకుంటూ పోతే ఈ చిట్టా చాంతాడంత ఉంది.ఈ ఆటగాళ్లు ఆయా ఫ్రాంచైజీలు పెట్టుకున్న నమ్మకాలకు కనీస న్యాయం చేయలేకపోతున్నారు. అడపాదడపా ప్రదర్శనలతో మమ అనిపిస్తున్నారు. ప్రస్తుతం ఇలాంటి వారంతా ఫ్రాంచైజీలకు దించుకోలేని భారంగా మారారు. వీరిని ఏం చేయాలో ఫ్రాంచైజీలకు పాలుపోవడం​ లేదు. ఒక మ్యాచ్‌ కాకపోతే మరో మ్యాచ్‌లోనైనా రాణిస్తారు అని ఆశ పెట్టుకోవడం తప్పిస్తే, వారు చేసేదేమీ లేదు.ప్రస్తుతం ఇలాంటి వారి వల్ల ఎక్కువగా నష్టపోతున్న ఫ్రాంచైజీ లక్నో సూపర్‌ జెయింట్స్‌. ఈ ఫ్రాంచైజీ తరఫున ఆడుతున్న పంత్‌, పూరన్‌పై దాదాపు 50 కోట్ల పెట్టుబడి ఉంది. వీరి ఈ మొత్తానికి కనీస న్యాయం చేయలేకపోతున్నారు. పంత్‌ ఒకటి అరా ఇన్నింగ్స్‌లతో బండి నెట్టుకొస్తుండగా.. పూరన్‌ మరీ దారుణంగా ఉన్నాడు. ఈ సీజన్‌లో అతను ఆడిన 7 ఇన్నింగ్స్‌ల్లో కేవలం 73 పరుగులు మాత్రమే చేశాడు. అతని స్ట్రయిక్‌ రేట్‌ అయితే మరీ దారుణంగా (82) ఉంది.గత సీజన్‌లో సిక్సర్ల వర్షం​ (40) కురిపించిన ఇతను ఈ సీజన్‌లో కేవలం మూడే సిక్సర్లు కొట్టాడు. ఇలాంటి వారు ఏ జట్టుకైనా భారమే. పంత్‌ పరిస్థితి పూరన్‌ కంటే కాస్త బెటర్‌ అని చెప్పాలి. 7 ఇన్నింగ్స్‌ల్లో అతను 147 పరుగులు చేశాడు. ఇందులో ఓ అర్ద సెంచరీ ఉంది. మొత్తంగా పంత్‌ , పూరన్‌ కలిసి 49 కోట్లకు 198 పరుగులు చేశారు.కేకేఆర్‌ గ్రీన్‌ విషయానికొస్తే.. ఇతను కూడా పంత్‌ తరహాలో మమ అనిపించాడు. ఈ సీజన్‌లో అతనాడిన 7 మ్యాచ్‌ల్లో ఓ అర్ద సెంచరీ సాయంతో 162 పరుగులు చేశాడు. బౌలింగ్‌లో ఓ వికెట్‌ తీశాడు. ఇతనిపై కేకేఆర్‌ అతి భారీ అంచనాలు పెట్టుకొని ఉంది. బ్యాటింగ్‌, బౌలింగ్‌లో అదరగొడతాడని భావించింది. అయితే ఇతను గాయం పేరు చెప్పి అసలు బౌలింగ్ చేయడానికే మొగ్గు చూపడం లేదు. యాజమాన్యం, అభిమానలు నుంచి ఒత్తిడి ఎక్కువ కావడంతో గత 2-3 మ్యాచ్‌ల్లో ఏదో చేయాలంటే చేశాడు.ఇక సీఎస్‌కే అన్‌క్యాప్డ్‌ ప్లేయర్లు ప్రశాంత్‌ వీర్‌, కార్తీక్‌ శర్మ విషయానికొస్తే.. ఈ ఇద్దరిలో ఆ ఫ్రాంచైజీ ఏం చూసిందో ఏమో తెలీదు కానీ, వేలంలో కోట్ల వర్షం కురిపించింది. అయితే ఫ్రాంచైజీ పెట్టుకున్న నమ్మకానికి వీరు కనీస న్యాయం కూడా చేయడం లేదు. బ్యాటింగ్‌లో మెరుపులు మెరిపిస్తారని అనుకుంటే, వచ్చిన అడపాదడపా అవకాశాలను జారవిడుచుకున్నారు. ప్రశాంత్‌ వీర్‌ 2 మ్యాచ్‌ల్లో 49 పరుగులు, కార్తీక్‌ శర్మ 3 మ్యాచ్‌ల్లో 25 పరుగులు మాత్రమే చేశారు. ఈ కార్తీక్‌ శర్మ పరిస్థితి అయితే మరీ దారుణం. భారీ హిట్టర్‌ అని ఓవర్‌ హైప్‌ అందుకున్న ఇతగాడు కనీసం బంతిని కనెక్ట్‌ చేసుకునేందుకు కూడా ఇబ్బంది పడ్డాడు.లియామ్‌ లివింగ్‌స్టోన్‌ విషయానికొస్తే.. ఇతగాడికి అవకాశాలు రావడమే తక్కువగా వచ్చాయి. వాటిని సైతం ఒడిసిపట్టుకోలేకపోయాడు. 2 మ్యాచ్‌ల్లో కేవలం 15 పరుగులు మాత్రమే చేశాడు.దేశవాలీ క్రికెట్‌లో విశేషంగా రాణించడం ద్వారా ఐపీఎల్‌ అవకాశం దక్కించుకున్న ఆకిబ్‌ నబీ (ఢిల్లీ క్యాపిటల్స్‌) దారుణంగా నిరాశపరిచాడు. ఆడిన 2 మ్యాచ్‌ల్లో ఒక్క వికెట్‌ కూడా తీయకపోగా.. ధారాళంగా పరుగులు సమర్పించుకొని ఉసూరుమనిపించాడు.వీరి పరిస్థితి ఇలా ఉంటే, ఈ సీజన్‌లో ఫ్రాంచైజీల జేబులకు మరో రూపంలోనూ చిల్లు పడింది. కోట్లు పోసి కొందరు ఆటగాళ్లకు కనీసం అవకాశాలు కూడా ఇవ్వలేకపోతున్నాయి. వేలం సమయంలో జట్టు సమీకరణలను అంచనాల వేయలేకపోయిన కొన్ని ఫ్రాంచైజీలు కొందరు ఆటగాళ్లను భారీ మొత్తాలకు కొనుగోలు చేసి డగౌట్‌లో ఖాళీగా కూర్చోబెడుతున్నాయి. కొందరేమో (స్టార్క్‌, ఇంగ్లిస్‌, కమిన్స్‌) గాయాలు, ఇతరత్రా కారణాల వల్ల ఇప్పటివరకు జట్టుకు అందుబాటులోకి కూడా రాలేదు. ఈ సీజన్‌లో ఇప్పటివరకు ఒక్క మ్యాచ్‌ కూడా ఆడని ఖరీదైన ఆటగాళ్ల జాబితాలో కేకేఆర్‌ బౌలర్‌ మతీష పతిరణ (18 కోట్లు), జేసన్‌ హోల్డర్‌ (7 కోట్లు) తదితరులు ఉన్నారు.

లక్నో సూపర్‌ జెయింట్స్‌ యజమాని సంజీవ్‌ గోయెంకాకు ఇబ్బందికర పరిస్థితి ఎదురైంది. పంజాబ్‌ కింగ్స్‌తో మ్యాచ్‌ సందర్భంగా ఆ జట్టు అభిమానులు గోయెంకాకు కృతజ్ఞతలు చెప్పిన తీరు వైరల్‌గా మారింది. కాగా ఐపీఎల్‌లో 2022లో చేరిన లక్నో జట్టు కేఎల్‌ రాహుల్‌ సారథ్యంలో ప్లే ఆఫ్స్‌ చేరింది.రూ. 27 కోట్ల భారీ ధరకుఅయితే, సంజీవ్‌ గోయెంకా వైఖరితో విసిగిపోయిన కేఎల్‌ రాహుల్‌ (KL Rahul).. 2025 వేలానికి ముందు లక్నోను వీడాడు. గౌరవం లేని చోట తాను ఉండలేనని వెళ్లిపోయాడు. ఈ క్రమంలో మెగా వేలంలో రూ. 27 కోట్ల భారీ ధరకు లక్నో టీమిండియా మరో స్టార్‌ రిషభ్‌ పంత్‌ను కొనుగోలు చేసింది.రూ. 26.75 కోట్లకు పంజాబ్‌ సొంతంమరోవైపు.. 2024లో తమ జట్టుకు టైటిల్‌ అందించిన శ్రేయస్‌ అయ్యర్‌ (Shreyas Iyer)ను కోల్‌కతా నైట్‌ రైడర్స్‌ వదిలేసింది. ఈ క్రమంలో అయ్యర్ కోసం కూడా ఫ్రాంఛైజీలు ఎగబడగా.. పంజాబ్‌ రూ. 26.75 కోట్లకు సొంతం చేసుకుంది. ఈ నేపథ్యంలో పంత్‌, శ్రేయస్‌ ఖరీదైన ఆటగాళ్లుగా నిలవగా.. ఇద్దరికీ తమ ఫ్రాంఛైజీలు కెప్టెన్సీ బాధ్యతలు అప్పగించాయి.కెప్టెన్‌గా.. బ్యాటర్‌గా సూపర్‌ హిట్‌.. పంత్‌ విఫలంఅయితే, శ్రేయస్‌ ఇటు కెప్టెన్‌గా.. అటు బ్యాటర్‌గా సూపర్‌ హిట్‌ అయ్యాడు. గతేడాది 604 పరుగులు చేసిన ఈ ముంబైకర్‌ జట్టును ఫైనల్‌కు చేర్చాడు. మరోవైపు.. పంత్‌ మాత్రం దారుణంగా విఫలమై విమర్శలు మూటగట్టుకున్నాడు. గతేడాది కేవలం 269 పరుగులు చేసిన పంత్‌.. కెప్టెన్‌గానూ ఫెయిలై జట్టును ఏడోస్థానంలో నిలిపాడు.ఇక తాజాగా ఐపీఎల్‌-2026లోనూ పంజాబ్‌ జైత్రయాత్ర కొనసాగిస్తుండగా.. లక్నో వరుస వైఫల్యాలతో సతమతమవుతూ ఉంది. ముల్లన్‌పూర్‌లో ఆదివారం ఇరుజట్లు తలపడగా.. పంజాబ్‌ లక్నోను 54 పరుగుల తేడాతో చిత్తు చేసింది. ఈ క్రమంలో స్టాండ్స్‌లో ఉన్న సంజీవ్‌ గోయెంకాకు పంజాబ్‌ అభిమాని దిమ్మతిరిగేలా కౌంటర్‌ ఇచ్చాడు.రూ. 32 కోట్లు అయినా.. దయచేసి మీరే కొనుక్కోండి‘‘గోయెంకా సాబ్‌! పంత్‌ను మీ జట్టులోకి తీసుకున్నందు వేలవేల దండాలు భాయ్‌.. అతడు పంజాబ్‌ కెప్టెన్‌గా రానందుకు మాకెంతో సంతోషంగా ఉంది. ఒకవేళ తదుపరి వేలంలో రూ. 32 కోట్లు ఖర్చు చేయాల్సి వచ్చినా దయచేసి పంత్‌ను మీతోనే ఉంచుకోండి’’ అని సదరు అభిమాని గట్టిగా అరిచాడు.అయితే, ఇందుకు గోయెంకా మాత్రం థాంక్యూ అన్నట్లుగా నవ్వుతూ అభివాదం చేశారు. ఈ దృశ్యాలు నెట్టింట వైరల్‌ అవుతున్నాయి. కాగా ఐపీఎల్‌-2025 మెగా వేలం ముగిసిన తర్వాత రిషభ్‌ పంత్‌ చేసిన వ్యాఖ్యలే.. ఇప్పుడు ఒక రకంగా గోయెంకాకు ఎదురైన అవమానానికి కారణం.PBKS fan: Goenka sahab! Thank you for taking Pant, paaji many, many thanks! Shukar hai captain saadi Punjab team ch nahi aaya!Paaji, even if you have to give 32 crores, don't let Pant go, keep him with you!😭Meanwhile,blud Sanjeev Goenka laughing and giving a thumbs up🤣🙏 pic.twitter.com/dKB7s8ouIt— Rohan💫 (@rohann__45) April 20, 2026ఆరోజు పంత్‌ అన్న మాటనే తిప్పి కొట్టి..వేలం సందర్భంగా.. ‘‘నాకు ఒకటే టెన్షన్‌.. పంజాబ్‌కు మాత్రం అస్సలు వెళ్లకూడదు అని మొక్కుకున్నా.. నేను ఆడకూడదనుకునే ఒకే ఒక్క టీమ్‌ అది’’ అని పంత్‌ వ్యాఖ్యానించాడు. దీంతో అప్పటి నుంచి పంజాబ్‌ జట్టు ఫ్యాన్స్‌ అతడిపై గుర్రుగా ఉన్నారు. అందుకే ఇప్పుడు పంజాబ్‌లో పంజాబ్‌ చేతిలో పంత్‌ సేన ఓడిన తర్వాత గోయెంకాకు ఇలా పంత్‌ గురించి సలహా ఇచ్చారు.చదవండి: BCCI: వైభ‌వ్ సూర్య‌వంశీకి బిగ్‌ ప్ర‌మోష‌న్‌!

ఐపీఎల్‌ 2026లో భాగంగా నిన్న (ఏప్రిల్‌ 19) రాత్రి జరిగిన మ్యాచ్‌లో పంజాబ్‌ కింగ్స్‌ చేతిలో లక్నో సూపర్‌ జెయింట్స్‌ 54 పరుగుల తేడాతో పరాజయంపాలైంది. ఈ మ్యాచ్‌లో తొలుత బ్యాటింగ్‌ చేసిన పంజాబ్‌ అతి భారీ స్కోర్‌ (254-7) చేసింది. ప్రియాంశ్‌ ఆర్య (93), కూపర్‌ కన్నోల్లీ (87) ఆకాశమే హద్దుగా చెలరేగారు.అనంతరం కష్ట సాధ్యమైన లక్ష్య ఛేదనలో లక్నో చేతులెత్తేసింది. ఒక్కరు కూడా భారీ స్కోర్‌ చేయలేకపోవడంతో 20 ఓవర్లలో 5 వికెట్లు కోల్పోయి 200 పరుగుల వద్ద ఆగిపోయింది. మార్ష్‌ (40), బదోని (35), పంత్‌ (43), మార్క్రమ్‌ (42) మంచి ఆరంభాలు లభించినా భారీ స్కోర్లుగా మలచలేకపోయారు.జన్సెన్‌ (4-0-37-2), విజయ్‌కుమార్‌ వైశాఖ్‌ (4-0-30-1), చహల్‌ (4-0-36-1) లక్నో బ్యాటర్లను కట్టడి వేశారు. ఈ ఓటమి లక్నోకు వరుసగా మూడవది. 6 మ్యాచ్‌ల్లో రెండే విజయాలు సాధించిన ఈ జట్టు పాయింట్ల పట్టికలో 8వ స్థానానికి పడిపోయింది. మరోవైపు పంజాబ్‌ ఓటమనేదే ఎరుగక, వరుస విజయాలతో దూసుకుపోతూ పాయింట్ల పట్టికలో అగ్రపీఠంపై తిష్ట వేసింది. ఈ జట్టు ఆరింట ఐదు విజయాలు సాధించింది.మ్యాచ్‌ అనంతరం లక్నో సూపర్‌ జెయింట్స్‌ కెప్టెన్‌ రిషబ్‌ పంత్‌ జట్టు ప్రదర్శన, తన గాయం, బ్యాటింగ్‌ ప్లాన్స్‌ గురించి మాట్లాడుతూ ఆసక్తికర వ్యాఖ్యలు చేశాడు. గాయం గురిం​చి మాట్లాడతూ.. పాత గాయం (Left elbow) మానుతుంది. ఈ లోపే కొత్త గాయం (right hand) జతకలిసింది. అయినా పాజిటివ్‌గా తీసుకుంటాను (నవ్వుతూ).ఓటమిపై విశ్లేషిస్తూ.. ఒక్కటని చెప్పలేము. బౌలర్లు అద్భుతంగా బౌలింగ్‌ చేస్తున్నారు. బ్యాటింగ్‌లో మాత్రం కొన్ని సమస్యలు ఉన్నాయి. నెగిటివ్స్‌ మాత్రమే కాకుండా పాజిటివ్స్‌కు ఉన్నాయి. వాటిని బిల్డ్‌ చేసుకోవాలి. పంజాబ్‌ కింగ్స్‌ చాలా బాగా ఆడింది. వారికి క్రెడిట్‌ ఇవ్వాలి. బదోనిని ఓపెనర్‌గా పంపడంపై మాట్లాడుతూ.. ఇది ఈ మ్యాచ్‌కు ముందు తీసుకున్న నిర్ణయం కాదు. చాలా రోజుల క్రితమే అనుకున్నాము. టాపార్డర్‌కు ఫ్రీడం ఇవ్వాలని, మిడిలార్డర్‌ వారికి మద్దతుగా ఉండాలన్నదే మా ప్లాన్‌.జట్టు ప్రదర్శన గురించి మాట్లాడుతూ.. మా జట్టుపై నమ్మకం ఉంది. ప్రతి మ్యాచ్‌లో పాజిటివ్‌గా ఆడి, మెరుగుపడాలనుకుంటున్నాము.పంత్‌ వ్యాఖ్యలను బట్టి చూస్తే.. వరుస ఓటములు ఎదురైనా పాజిటివ్‌గా ఉండాలని అనుకున్నట్లు తెలుస్తుంది. ఈ సందర్భంగా అతని గాయంపై కూడా అప్‌డేట్‌ ఇచ్చాడు. బౌలింగ్‌ బాగానే ఉందని చెబుతూ, బ్యాటింగ్‌లో లోపాలను ప్రస్తావించాడు. బదోనిని ఓపెనర్‌గా పంపడాన్ని సమర్దించుకున్నాడు. ప్రతి మ్యాచ్‌లో మెరుగుపడాలని ఆకాంక్షిస్తున్నాడు.

ఐపీఎల్‌ 2026 సీజన్‌లో పంజాబ్‌ కింగ్స్‌ ఐదో విజయాన్ని నమోదు చేసింది. ఆదివారం ముల్లన్‌పూర్‌ వేదికగా లక్నో సూపర్‌జెయింట్స్‌తో జరిగిన మ్యాచ్‌లో పంజాబ్‌ కింగ్స్‌ 54 పరుగుల తేడాతో విజయాన్ని అందుకుంది. 255 పరుగుల లక్ష్యంతో బరిలోకి దిగిన లక్నో 20 ఓవర్లలో 5 వికెట్లు కోల్పోయి 200 పరుగులకే పరిమితమైంది. మార్కరమ్‌ (42 ), రిషబ్‌ పంత్‌ (43), మార్ష్‌ (40) పరుగులు సాధించారు. అయితే ఛేదించాల్సిన లక్ష్యం ఎక్కువగా ఉండడంతో లక్నో చేతులెత్తేసింది. పంజాబ్‌బౌలర్లలో మార్కో యాన్సెన్‌ 2 వికెట్లు తీశాడు. అంతకముందు పంజాబ్‌ యువ బ్యాటర్లు ప్రియాన్ష్‌ ఆర్య, కూపర్‌ కన్నోలీ విధ్వంసంతో తొలుత బ్యాటింగ్‌ చేసిన పంజాబ్‌ కింగ్స్‌ నిర్ణీత 20 ఓవర్లలో 7 వికెట్ల నష్టానికి 254 పరుగుల భారీ స్కోరు చేసింది. ప్రియాన్ష్‌ (93), కన్నోలి (87) తమ కెరీర్‌లో గుర్తుండిపోయే ఇన్నింగ్స్‌ ఆడారు. చివర్లో స్టోయినిస్‌ 29 పరుగుల మెరుపు ఇన్నింగ్స్‌ ఆడి పంజాబ్‌ భారీ స్కోరుకు బాటలు వేశాడు. లక్నో బౌలర్లలో ప్రిన్స్‌ యాదవ్‌,మణిమరన్‌ సిద్ధార్థ్‌ చెరో 2 వికెట్లు తీశాడు. లక్నోతో మ్యాచ్‌ ద్వారా ఈ సీజన్‌లో అత్యధిక స్కోరు చేసిన పంజాబ్‌ ఇప్పటివరకు ఆడిన ఆరు మ్యాచ్‌ల్లో ఐదింట గెలిచి (వర్షంతో ఒక మ్యాచ్‌ రద్దు) 11 పాయింట్లతో పాయింట్ల పట్టికలో తన అగ్రస్థానాన్ని మరింత పటిష్టం చేసుకుంది.𝘼𝙡𝙡'𝙨 𝙬𝙚𝙡𝙡 𝙩𝙝𝙖𝙩 𝙚𝙣𝙙𝙨 𝙬𝙚𝙡𝙡 😃Only smiles on the faces of skipper Shreyas Iyer, coach Ricky Ponting and.. Shashank Singh! #TATAIPL | #KhelBindaas | #PBKSvLSG | @PunjabKingsIPL pic.twitter.com/SQU5z3zNdy— IndianPremierLeague (@IPL) April 19, 2026

ఐపీఎల్‌ 2026 సీజన్‌లో పంజాబ్‌ కింగ్స్‌ ఐదో విజయాన్ని నమోదు చేసింది. ఆదివారం ముల్లన్‌పూర్‌ వేదికగా లక్నో సూపర్‌జెయింట్స్‌తో జరిగిన మ్యాచ్‌లో పంజాబ్‌ కింగ్స్‌ 54 పరుగుల తేడాతో విజయాన్ని అందుకుంది. 255 పరుగుల లక్ష్యంతో బరిలోకి దిగిన లక్నో 20 ఓవర్లలో 5 వికెట్లు కోల్పోయి 200 పరుగులకే పరిమితమైంది. మార్కరమ్‌ (42 ), రిషబ్‌ పంత్‌ (43), మార్ష్‌ (40) పరుగులు సాధించారు. అంతకముందు పంజాబ్‌ కింగ్స్‌ 20 ఓవర్లలో 7 వికెట్ల నష్టానికి 254 పరుగులు చేసింది. ప్రియాన్ష్‌ (93), కూపర్‌ (87) పరుగులు చేశారు. 18 ఓవర్లలో లక్నో 179/418 ఓవర్లు ముగిసేసరికి లక్నో సూపర్‌జెయింట్స్‌ 4 వికెట్ల నష్టానికి 179 పరుగులు చేసింది. మార్కరమ్‌ 28, ముకుల్‌ 16 పరుగులతో ఆడుతున్నారు.పంత్ (43) ఔట్‌.. మూడో వికెట్ కోల్పోయిన లక్నోపంజాబ్ కింగ్స్‌తో మ్యాచ్‌లో లక్నో సూపర్‌జెయింట్స్ 128 పరుగుల వద్ద మూడో వికెట్ కోల్పోయింది. 43 పరుగులు చేసిన పంత్ అర్ష్‌దీప్ బౌలింగ్‌లో ప్రబ్‌సిమ్రన్‌కు క్యాచ్ ఇచ్చి వెనుదిరిగాడు. 8 ఓవర్లలో లక్నో 89/18 ఓవర్లు ముగిసేసరికి లక్నో వికెట్‌ నష్టానికి 89 పరుగులు చేసింది. మార్ష్‌ (35), పంత్‌ (18) క్రీజులో ఉన్నారు.తొలి వికెట్‌ కోల్పోయిన లక్నోపంజాబ్‌ కింగ్స్‌తో మ్యాచ్‌లో లక్నో సూపర్‌జెయింట్స్‌ తొలి వికెట్‌ కోల్పోయింది. 35 పరుగులు చేసిన ఆయుశ్‌ బదోని విజయ్‌ కుమార్‌ బౌలింగ్‌లో బార్ట్‌లెట్‌కు క్యాచ్‌ ఇచ్చి వెనుదిరిగాడు. ప్రస్తుతం లక్నో వికెట్‌ నష్టానికి 63 పరుగులు చేసింది.255 పరుగుల భారీ లక్ష్యంతో బరిలోకి దిగిన లక్నో ఛేదనను ధాటిగానే ఆరంభించింది. 4 ఓవర్లు ముగిసేసరికి లక్నో వికెట్‌ నష్టపోకుండా 44 పరుగులు చేసింది. మార్ష్‌ 23, ఆయుశ్‌ బదోని 20 పరుగులతో క్రీజులో ఉన్నారు.లక్నో ముంగిట 255 పరుగుల లక్ష్యంఐపీఎల్ 2026 సీజన్‌లో పంజాబ్ కింగ్స్ అత్యధిక స్కోరు సాధించింది. లక్నో సూపర్‌జెయింట్స్‌తో మ్యాచ్‌లో 20 ఓవర్లలో 7 వికెట్ల నష్టానికి 254 పరుగులు చేసింది. ప్రియాన్ష్ ఆర్య (93), కూపర్ కన్నోలి (87) విధ్వంసం సృష్టించారు. చివర్లో స్టోయినిస్ (29) కీలక ఇన్నింగ్స్ ఆడి పంజాబ్ భారీ స్కోరుకు బాటలు వేశాడు. పంజాబ్ బ్యాటర్ల ధాటికి లక్నో బౌలర్లు దారాళంగా పరుగులు సమర్పించుకున్నారు. ప్రిన్స్ యాదవ్‌, మనిమరన్ సిద్దార్థ్ చెరో 2 వికెట్లు పడగొట్టారు. ఈ సీజన్‌లో పంజాబ్‌దే అత్యధిక స్కోరు. ఇంతకముందు ఇదే సీజ‌న్‌లో సీఎస్‌కేతో మ్యాచ్‌లో ఆర్సీబీ 250 ప‌రుగులు చేసింది.18 ఓవర్లలో పంజాబ్ 230/518 ఓవ‌ర్లు ముగిసేస‌రికి పంజాబ్ కింగ్స్ 5 వికెట్ల న‌ష్టానికి 230 ప‌రుగులు చేసింది. స్టోయినిస్ 19 ప‌రుగులు, శ‌శాంక్ సింగ్ 6 ప‌రుగుల‌తో క్రీజులో ఉన్నారు.శ్రేయస్ అయ్యర్ (5) రూపంలో పంజాబ్ నాలుగో వికెట్ కోల్పోయింది. ప్రస్తుతం 15 ఓవర్లలో 4 వికెట్ల నష్టానికి 193 పరుగులు చేసింది. అంతకముందు 93 పరుగులు చేసిన ప్రియాన్ష్ ఆర్య సిద్దార్థ్ బౌలింగ్‌లో మిచెల్ మార్ష్‌కు క్యాచ్ ఇచ్చి వెనుదిరగాడు. దీంతో పంజాబ్ 187 పరుగుల వద్ద మూడో వికెట్ కోల్పోయింది. కూపర్‌ (87) ఔట్‌పంజాబ్‌ కింగ్స్‌ 185 పరుగుల వద్ద రెండో వికెట్‌ కోల్పోయింది. ధాటిగా ఆడుతున్న కూపర్‌ 46 బంతుల్లో 7 సిక్సులు 8 ఫోర్ల సాయంతో 87 పరుగులు చేసి ప్రిన్స్‌ యాదవ్‌ బౌలింగ్‌లో మణిమరన్‌ సిర్థార్థ్‌కు క్యాచ్‌ ఇచ్చుకున్నాడు.9 ఓవర్లు ముగిసేసరికి పంజాబ్‌ కింగ్స్‌ వికెట్‌ నష్టానికి 101 పరుగులు చేసింది. ప్రియాన్ష్‌ ఆర్య 19 బంతుల్లో ఫిఫ్టీ మార్క్‌ను అందుకున్నాడు. కన్నోలి 40 పరుగులతో ఆడుతున్నాడు.ప్రియాన్ష్ మెరుపులు.. పంజాబ్ 63/1పంజాబ్ కింగ్స్ ఓపెన‌ర్ ప్రియాన్ష్ ఆర్య విధ్వంసం సృష్టిస్తున్నాడు. ఆరు ఓవ‌ర్లు ముగిసేస‌రికి వికెట్ న‌ష్టానికి 63 ప‌రుగులు చేసింది. ప్రియాన్ష్ 40, కూప‌ర్ క‌న్నోలి 23 ప‌రుగుల‌తో ఆడుతున్నారు.5 ఓవర్లలో పంజాబ్ 43/15 ఓవ‌ర్లు ముగిసేస‌రికి పంజాబ్ కింగ్స్ వికెట్ న‌ష్టానికి 43 ప‌రుగులు చేసింది. కూప‌ర్ క‌న్నోలి 15, ప్రియాన్ష్ ఆర్య 21 ప‌రుగుల‌తో క్రీజులో ఉన్నారు.ప్ర‌బ్‌సిమ్ర‌న్ డ‌కౌట్‌.. టాస్ ఓడి బ్యాటింగ్‌కు దిగిన పంజాబ్ కింగ్స్‌కు ఆదిలోనే షాక్ తగిలింది. మ‌హ్మ‌ద్ ష‌మీ బౌలింగ్‌లో ఓపెన‌ర్ ప్ర‌బ్‌సిమ్ర‌న్ సింగ్ డ‌కౌట్‌గా వెనుదిరిగాడు.టాస్ గెలిచి బౌలింగ్ ఎంచుకున్న ల‌క్నోఐపీఎల్ 2026 సీజ‌న్‌లో భాగంగా ఆదివారం ముల్ల‌న్‌పూర్ వేదిక‌గా 29వ మ్యాచ్‌లో పంజాబ్ కింగ్స్‌, ల‌క్నో సూప‌ర్‌జెయింట్స్ త‌ల‌ప‌డుతున్నాయి. టాస్ గెలిచిన ల‌క్నో సూప‌ర్‌జెయింట్స్ బౌలింగ్ ఎంచుకుంది. ఈ మ్యాచ్‌కు పంజాబ్‌ ఏ మార్పులు లేకుండా బరిలోకి దిగింది. మరోవైపు లక్నో ఒక మార్పు చేసింది. దిగ్వేశ్‌ రాఠీ స్థానంలో సిద్దార్థ్‌ మణిరమన్‌ జట్టులోకి వచ్చాడు.పంజాబ్ కింగ్స్: ప్రభ్‌సిమ్రాన్ సింగ్ (వికెట్‌ కీపర్‌), ప్రియాన్ష్‌ ఆర్య, కూపర్ కొన్నోలీ, శ్రేయాస్ అయ్యర్ (కెప్టెన్‌), శశాంక్ సింగ్, నెహాల్ వధేరా, మార్కస్ స్టోయినిస్, మార్కో జాన్సెన్, జేవియర్ బార్ట్‌లెట్, అర్ష్‌దీప్ సింగ్, యుజ్వేంద్ర చాహల్.లక్నో సూపర్‌జెయింట్స్‌: ఐడెన్ మార్క్రామ్, మిచెల్ మార్ష్, రిషబ్ పంత్‌(కెప్టెన్‌), నికోలస్ పూరన్, ఆయుష్ బదోని, ముకుల్ చౌదరి, మహ్మద్ షమీ, అవేష్ ఖాన్, ప్రిన్స్ యాదవ్, మణిమారన్ సిద్ధార్థ్, మొహ్సిన్ ఖాన్

లక్నో సూపర్‌ జెయింట్స్‌ కెప్టెన్‌ రిషబ్‌ పంత్‌ను ఆ ఫ్రాంచైజీ యజమాని సంజీవ్‌ గొయెంకా తిట్టాడని గత కొద్ది రోజులుగా సోషల్‌మీడియాలో ప్రచారం జరుగుతున్న విషయం తెలిసిందే. ఈ విషయంపై గొయెంకా ఎట్టకేలకు స్పందించారు. తాజాగా ఎన్‌డీటీవీతో మాట్లాడుతూ.. పంత్‌ లాంటి ఆటగాడిని తిట్టే పరిస్థితి ఎప్పుడూ ఉండదని వివరణ​ ఇచ్చాడు. నేను ఏది చేసినా వైరలవుతుంది, సోషల్‌మీడియాకు నేనో పంచింగ్‌ బ్యాగ్‌లాగా మారానని అన్నారు. బయట ఎన్ని ప్రచారాలు ఉన్నా, డ్రెస్సింగ్‌ రూమ్‌లో మాత్రం ఎలాంటి సమస్యలు లేవని స్పష్టం చేశారు. తన హావభావాలు పదేపదే తప్పుగా అర్దమవుతున్నాయి. ఇక నుంచి చేతులు వెనుక పెట్టుకుని మాట్లాడటం నేర్చుకుంటానని హాస్యంగా చెప్పారు.ఇదే సందర్భంగా ఆటలో తన జోక్యంపై కూడా వివరణ ఇచ్చారు. నేను ప్రొఫెషనల్‌ క్రికెట్‌ ఎప్పుడూ ఆడలేదు. ఆటగాళ్లకు నేను క్రికెట్‌ పాఠాలు నేర్పాలనుకోవడం మూర్ఖత్వం అవుతుంది. టెక్నికల్‌ వాళ్లు ఆ పనిని చూసుకుంటారు. నా రోల్‌ జట్టుకు సపోర్ట్‌ చేయడం మాత్రమే. నేను ఆటలో జోక్యం​ చేసుకుంటానన్న ప్రచారంలో ఎంతమాత్రం నిజం లేదని స్పష్టం చేశారు. కాగా, ప్రస్తుత ఐపీఎల్‌ సీజన్‌లో ఢిల్లీతో మ్యాచ్‌ పూర్తైన తర్వాత గొయెంకా పంత్‌ను తిట్టాడని సోషల్‌మీడియా కోడై కూసింది. ఆ మ్యాచ్‌లో లక్నో ఓటమి అనంతరం బౌండరీ లైన్‌ వద్ద పంత్‌ను తిడుతున్నట్లు ఉన్న వీడియోలు సోషల్‌మీడియాలో వైరలయ్యాయి. దీనికిపై అప్పుడే లక్నో అధికారిక సోషల్‌మీడియా ఖాతాలో ఓ వీడియో పోస్ట్‌ చేసి వివరణ ఇచ్చారు. అందులో గొయెంకా-పంత్‌ సరదాగా మాట్లాడుకుంటూ ఉన్నారు. అయితే ఈ వీడియోలను నెటిజన్లు నమ్మలేదు. ఫేక్‌ వీడియోలని కొట్టిపారేశారు. గొయెంకాకు కెప్టెన్లను తిట్టిన చరిత్ర ఉంది. గతంలో కేఎల్‌ రాహుల్‌ను కూడా దూషించాడు. ఇప్పుడు పంత్‌ను కూడా తిట్టాడని చర్చించుకున్నారు. తాజాగా గొయెంకా స్వయంగా వివరణ ఇచ్చినా నెటిజన్లు అతని మాటలు నమ్మే పరిస్థితుల్లో లేరు.ఇదిలా ఉంటే, ప్రస్తుత సీజన్‌లో లక్నో పరిస్థితి హాట్‌ అండ్‌ కోల్డ్‌గా ఉంది. ఈ సీజన్‌లో ఆ జట్టు 5 మ్యాచ్‌ల్లో 2 విజయాలతో పాయింట్ల పట్టికలో ఏడో స్థానంలో ఉంది. కెప్టెన్‌గా రిషబ్‌ పంత్‌ కూడా పెద్దగా ప్రభావం​ చూపలేకపోతున్నాడు. ఒక్క మ్యాచ్‌ మినహా వ్యక్తిగతంగానూ విఫలమవుతూ వస్తున్నాడు. లక్నో రేపు జరుగబోయే తమ తదుపరి మ్యాచ్‌లో పంజాబ్‌ కింగ్స్‌తో తలపడనుంది.

ఐపీఎల్ 2026 సీజన్ నుంచి లక్నో సూపర్ జెయింట్స్ కెప్టెన్ రిషబ్ పంత్ వైదొలగనున్నాడా? అంటే అవునానే అంటున్నారు భారత మాజీ క్రికెటర్ కృష్ణమాచారి శ్రీకాంత్. ఈ ధనధాన్ లీగ్‌లో భాగంగా బుధవారం రాయల్ ఛాలెంజర్స్ బెంగళూరుతో జరిగిన మ్యాచ్‌లో పంత్ గాయపడ్డాడు. ఆర్సీబీ పేసర్ జోష్ హాజిల్‌వుడ్ బౌలింగ్‌లో ఓ బంతి పంత్ మోచేతికి బలంగా తాకింది. దీంతో అతడు తీవ్రమైన నొప్పితో విలవిల్లాడాడు. వెంటనే ఫిజియో వచ్చి మ్యాజిక్ స్ప్రే చేసినప్పటికి అతడికి నొప్పి తగ్గలేదు. ఆ తర్వాత బ్యాటింగ్ కొనసాగించలేక మైదానాన్ని వీడాడు. మళ్లీ ఆఖరిలో పంత్ బ్యాటింగ్‌కు వచ్చినప్పటికి ఆసౌకర్యంగా కన్పించాడు. అతడు మొత్తంగా ఆరు బంతుల్లో ఒక్క మాత్రమే చేసి పెవిలియన్ చేరిపోయాడు. ఆ తర్వాత అతడు ఫీల్డింగ్ రాలేదు. పంత్ స్దానంలో నికోలస్ పూరన్ స్టాండ్ ఇన్ కెప్టెన్‌గా వ్యవహరించాడు. ఈ నేపథ్యంలో పంత్ గాయంపై కృష్ణమాచారి శ్రీకాంత్ కీలక వ్యాఖ్యలు చేశారు.ఐపీఎల్-2026 సీజ‌న్‌లో మిగిలిన మ్యాచ్‌ల‌కు రిష‌బ్ పంత్ అందుబాటులో ఉండేలా క‌నిపించ‌డం లేదు. ప్ర‌స్తుతం ల‌క్నో జ‌ట్టు చాలా బ‌ల‌హీనంగా ఉంది. ముఖ్యంగా వారి బ్యాటింగ్ విభాగం చాలా దారుణంగా ఉంది. కేవలం బౌలింగ్ మాత్రమే బాగుంది. ఈ సీజ‌న్‌లో ల‌క్నో ఇప్ప‌టివ‌ర‌కు ఒక్క‌సారి కూడా ప్ర‌త్య‌ర్ధి ముందు 200 ప‌రుగుల ల‌క్ష్యాన్ని ఉంచ‌లేక‌పోయింది. మార్‌క్ర‌మ్ ఒక చెత్త క్రికెట‌ర్‌. మిచెల్ మార్ష్‌, నికోల‌స్ పూర‌న్‌ను బెంచ్‌కే పరిమితం చేయాలి. ఈ ముగ్గురు భారీ స్కోర్‌లు సాధిస్తార‌ని వేచి చూడడం ముందు ఆపండి. వారి స్ధానంలో కొత్త ఆట‌గాళ్లకు అవ‌కాశ‌మివ్వండి. ఏదేమైన‌ప్ప‌టికి వారి బ్యాటింగ్ చూస్తుంటే ఈ ఏడాది ప్లే ఆఫ్స్ చేరే అవకాశం అస్సలు కనిపించడం లేదు శ్రీకాంత్ త‌న యూట్యూబ్ ఛాన‌ల్‌లో పేర్కొన్నాడు. ఈ ఏడాది సీజ‌న్‌లో ల‌క్నో ఇప్ప‌టివ‌ర‌కు 5 మ్యాచ్‌లు ఆడి రెండింట గెలుపొందింది. ప్ర‌స్తుతం పాయింట్ల ప‌ట్టిక‌లో ల‌క్నో ఏడో స్ధానంలో కొన‌సాగుతోంది.చదవండి: వైభ‌వ్ సూర్య‌వంశీకి సంబంధించి బిగ్ న్యూస్‌!

ఐపీఎల్‌ 2026 సీజన్‌లో రాయల్‌ చాలెంజర్స్‌ బెంగళూరుతో మ్యాచ్‌లో లక్నో సూపర్‌జెయింట్స్‌ పేలవ ఆటతీరు ప్రదర్శిస్తోంది. ఆర్సీబీ బౌలర్ల ధాటికి వరుస విరామాల్లో వికెట్లు కోల్పోతూ వస్తోంది. ఈ సంగతి పక్కనబెడితే ఆర్సీబీ బౌలర్‌ జోష్‌ హాజిల్‌వుడ్‌ వేసిన బంతి పంత్‌ను గాయపర్చింది. లక్నో ఇన్నింగ్స్‌ మూడో ఓవర్‌లో ఇది చోటుచేసుకుంది. 12 పరుగుల చేసి మార్కరమ్‌ ఔటైన తర్వాత పంత్‌ క్రీజులోకి వచ్చాడు. ఆ తర్వాత నాలుగో ఓవర్‌ హాజిల్‌వుడ్‌ వేశాడు. హాజిల్‌వుడ్‌ వేసిన తొలి మూడు బంతులను పంత్‌ జాగ్రత్తగా ఆడాడు. నాలుగో బంతిని పంత్‌ షాట్‌ ఆడే ప్రయత్నం చేశాడు. అయితే బంతి మిస్సయ్యి పంత్‌ ఎడమ మోచేతిని బలంగా తాకింది. బంతి బులెట్‌లా దూసుకురావడంతో దెబ్బకు పంత్‌ మోచేతి వాచిపోయింది. ఈ సమయంలో పంత్‌ నొప్పిని తట్టుకోలేక కన్నీళ్లు పెట్టడం కెమెరాలకు చిక్కింది. ఫిజియో వచ్చి పంత్‌ను పరీక్షించాడు. ఆ తర్వాత రిటైర్డ్‌ హర్ట్‌ అయిన పంత్‌ డగౌట్‌కు వెళ్లిపోతున్న క్రమంలో హాజిల్‌వుడ్‌కు గాయమైన తన మోచేతిని చూపించడం గమనార్హం. అయితే ఇన్నింగ్స్‌ 16వ ఓవర్‌లో బ్యాటింగ్‌కు వచ్చిన పంత్‌ ఎక్కువసేపు క్రీజులో నిలవలేకపోయాడు. క్రీజులో ఉన్నంత సేపు ఇబ్బందిగా కనిపించిన పంత్‌ ఆరు బంతులెదుర్కొని ఒక్క పరుగు మాత్రమే చేసి భువనేశ్వర్‌ బౌలింగ్‌లో సాల్ట్‌కు క్యాచ్‌ ఇచ్చి వెనుదిరిగాడు. గాయం తీవ్రత ఎక్కువగా ఉండడంతో పంత్‌ తర్వాతి మ్యాచ్‌ ఆడేది అనుమానమే. మ్యాచ్‌లో లక్నో సూపర్‌జెయింట్స్‌ 20 ఓవర్లలో 146 పరుగులకు ఆలౌటైంది. మిచెల్‌ మార్ష్‌ (40) టాప్‌ స్కోరర్‌గా నిలవగా.. ముకుల్‌ చౌదరీ (39), ఆయుశ్‌ బదోని (38) పర్వాలేదనిపించారు.Rishabh Pant gets a blow on his Elbow What a bowling this by RCB ❤️, Hazlewood ☠️ test match lines and result for him ! Krunal gets 2 wickets! #RCBvsLSG #IPL2026 pic.twitter.com/BvRTGLn4lo— Cricket IQ (@S17Anurag) April 15, 2026Rishabh Pant retired hurt, it's a big loss for the rcb.I hope he is fine and a comeback stringer, till then the opposition will miss him the t20s.💔 pic.twitter.com/qV8TPYrWjh— Sujeet Suman (@sujeetsuman1991) April 15, 2026

ఐపీఎల్ 2026 సీజ‌న్‌లో ఆర్సీబీ నాలుగో విజ‌యాన్ని న‌మోదు చేసుకుంది. బుధ‌వారం ల‌క్నో సూప‌ర్‌జెయింట్స్‌తో జ‌రిగిన మ్యాచ్‌లో ఆర్సీబీ 5 వికెట్ల తేడాతో విజ‌యం సాధించింది. ల‌క్నో విధించిన 147 ప‌రుగుల ల‌క్ష్యాన్ని ఆర్సీబీ 15.1 ఓవ‌ర్ల‌లో 5 వికెట్లు కోల్పోయి ఛేదించింది. కోహ్లి (49) టాప్ స్కోర‌ర్‌గా నిల‌వగా, ప‌టిదార్ (27), జితేశ్ శ‌ర్మ (23) రాణించారు. మ‌ధ్య‌లో వ‌రుస విరామాల్లో వికెట్లు కోల్పోయిన‌ప్ప‌టికీ చివ‌ర్లో టిమ్ డేవిడ్ (14 నాటౌట్‌), షెప‌ర్డ్ (14 నాటౌట్‌)_ఆర్సీబీని విజ‌య‌తీరాల‌కు చేర్చారు. ల‌క్నో బౌల‌ర్ల‌లో ప్రిన్స్ యాద‌వ్ 3 వికెట్లు, అవేశ్ ఖాన్ 2 వికెట్లు ప‌డ‌గొట్టారు. లక్నోతో మ్యాచ్‌లో ఆర్సీబీ ఐదో వికెట్‌ కోల్పోయింది. 23 పరుగులు చేసిన జితేశ్‌ ప్రిన్స్‌ యాదవ్‌ బౌలింగ్‌లో ముకుల్‌ చౌదరీకి క్యాచ్‌ ఇచ్చి వెనుదిరిగాడు. ప్రస్తుతం ఆర్సీబీ 13 ఓవర్లలో 5 వికెట్ల నష్టానికి 123 పరుగులు చేసింది. అంతకముందు 49 పరుగులు చేసిన కోహ్లి అవేశ్‌ ఖాన్‌ బౌలింగ్‌లో పూరన్‌కు క్యాచ్‌ ఇచ్చి వెనుదిరిగాడు. పడిక్కల్‌ (10) రూపంలో ఆర్సీబీ రెండో వికెట్‌ కోల్పోయింది. అవేశ్‌ఖాన్‌ బౌలింగ్‌లో భారీ షాట్‌కు యత్నించిన పడిక్కల్‌ హిమ్మత్‌ సింగ్‌కు క్యాచ్‌ ఇచ్చి వెనుదిరిగాడు. ప్రస్తుతం ఆర్సీబీ 8 ఓవర్లలో 2 వికెట్ల నష్టానికి 68 పరుగులు చేసింది. కోహ్లి (45), పటిదార్‌ (7) క్రీజులో ఉన్నారు.కోహ్లి దూకుడు..లక్నోతో మ్యాచ్‌లో ఆర్సీబీ స్టార్‌ విరాట్‌ కోహ్లి దంచికొడుతున్నాడు. బౌండరీల వర్షం కురిపిస్తున్న కోహ్లి 20 బంతుల్లో 6 ఫోర్లు, ఒక సిక్సర్‌ సాయంతో 40 పరుగులతో దూకుడుగా ఆడుతున్నాడు. ప్రస్తుతం ఆర్సీబీ 6 ఓవర్లు ముగిసేసరికి వికెట్‌ నష్టానికి 60 పరుగులు చేసింది.147 పరుగుల టార్గెట్‌తో బరిలోకి దిగిన ఆర్సీబీ ఫిల్‌ సాల్ట్‌ (7) రూపంలో తొలి వికెట్‌ కోల్పోయింది. ప్రిన్స్‌ యాదవ్‌ బౌలింగ్‌లో సాల్ట్‌ క్లీన్‌బౌల్డ్‌ అయ్యాడు. ప్రస్తుతం ఆర్సీబీ 3 ఓవర్లలో వికెట్‌ నష్టానికి 28 పరుగులు చేసింది. కోహ్లి (12), పడిక్కల్‌ (5) క్రీజులో ఉన్నారు.ఆర్సీబీ టార్గెట్‌ 147 పరుగులుఆర్సీబీతో జరుగుతున్న మ్యాచ్‌లో లక్నో సూపర్‌జెయింట్స్‌ 20 ఓవర్లలో 146 పరుగులకు ఆలౌటైంది. మిచెల్‌ మార్ష్‌ (40) టాప్‌ స్కోరర్‌గా నిలవగా.. ముకుల్‌ చౌదరీ (39), ఆయుశ్‌ బదోని (38) పర్వాలేదనిపించారు. ఆర్సీబీ బౌలర్లలో రషీక్‌ సలామ్‌ 4 వికెట్లు పడగొట్టగా, భువనేశ్వర్‌ కుమార్‌ 3, కృనాల్‌ పాండ్యా 2 వికెట్లు తీశాడు. కాగా లక్నోతో మ్యాచ్‌లో కృనాల్‌ ఐపీఎల్‌లో వంద వికెట్ల మార్క్‌ను చేరుకున్నాడు.పంత్‌ ఔట్‌..లక్నో సూపర్‌జెయింట్స్‌ ఆరో వికెట్‌ కోల్పోయింది. ఒక్క పరుగు మాత్రమే చేసిన పంత్‌ భువనేశ్వర్‌ కుమార్‌ బౌలింగ్‌ లో సాల్ట్‌కు క్యాచ్‌ ఇచ్చి వెనుదిరిగాడు. ప్రస్తుతం లక్నో 17 ఓవర్లలో ఆరు వికెట్ల నష్టానికి 124 పరుగులు చేసింది. 16 ఓవర్లు ముగిసేసరికి లక్నో సూపర్‌జెయింట్స్‌ 5 వికెట్ల నష్టానికి 119 పరుగులు చేసింది. ముకుల్‌ రాయ్‌ 27 పరుగులతో క్రీజులో ఉన్నారు. హాజిల్‌వుడ్‌ బౌలింగ్‌లో గాయపడిన పంత్‌ మరోసారి బ్యాటింగ్‌కు వచ్చాడు.నాలుగు వికెట్లు డౌన్‌ లక్నో నాలుగో వికెట్‌ కోల్పోయింది. కృనాల్‌ పాండ్యా బౌలింగ్‌లో రజత్‌ పటీదార్‌కు క్యాచ్‌ ఇచ్చుకుని అబ్దుల్‌ సమద్‌ డకౌట్‌ అయ్యాడు. ప్రస్తుతం స్కోరు 12 ఓవర్లకు 4 వికెట్ల నష్టానికి 90గా ఉంది. లక్నో మూడో వికెట్‌ కోల్పోయింది. కృనాల్‌ పాండ్యా బౌలింగ్‌లో మిచెల్‌ మార్ష్‌ బౌల్డ్‌ అయ్యాడు. 35 బాల్స్‌ ఆడిన కృనాల్‌ పాండ్యా 2 సిక్సులు, 3 ఫోర్ల సాయంతో 40 పరులుగు బాదాడు. ప్రస్తుతం స్కోరు 10 ఓవర్లకు 3 వికెట్ల నష్టానికి 75గా ఉంది. లక్నో సూపర్‌జెయింట్స్‌ 35 పరుగుల వద్ద రెండో వికెట్‌ కోల్పోయింది. హాజిల్‌వుడ్‌ బౌలింగ్‌లో పూరన్‌ క్లీన్‌బౌల్డ్‌ అయ్యాడు. ప్రస్తుతం లక్నో 7 ఓవర్లలో రెండు వికెట్ల నష్టానికి 40 పరుగులు చేసింది.ఆర్సీబీతో మ్యాచ్‌లో లక్నో సూపర్‌జెయింట్స్‌ కెప్టెన్‌ పంత్‌ గాయానికి గురయ్యాడు. హాజిల్‌వుడ్‌ వేసిన బంతి పంత్‌ మోచేతిని బలంగా తాకింది. దీంతో నొప్పితో విలవిల్లాడిన పంత్‌ను ఫిజియో పరీక్షించాడు. గాయం తీవ్రత ఎక్కువగా ఉండడంతో మైదానం వీడాడు. ప్రస్తుతం లక్నో 6 వికెట్ల నష్టానికి 35 పరుగులు చేసింది.తొలి వికెట్ కోల్పోయిన ల‌క్నోఆర్సీబీతో మ్యాచ్‌లో ల‌క్నో సూప‌ర్‌జెయింట్స్ తొలి వికెట్ కోల్పోయింది. 12 ప‌రుగులు చేసిన మార్క‌ర‌మ్ ర‌షీక్ స‌లామ్ బౌలింగ్‌లో ప‌డిక్క‌ల్‌కు క్యాచ్ ఇచ్చి వెనుదిరిగాడు. 4 ఓవ‌ర్లు ముగిసేస‌రికి ల‌క్నో వికెట్ న‌ష్ట‌పోయి 32 ప‌రుగులు చేసింది. టాస్‌ గెలిచి బౌలింగ్‌ ఎంచుకున్న ఆర్సీబీఐపీఎల్ 2026 సీజ‌న్‌లో భాగంగా బెంగ‌ళూరులోని చిన్న‌స్వామి స్టేడియం వేదిక‌గా రాయ‌ల్ చాలెంజ‌ర్స్ బెంగ‌ళూరు (ఆర్సీబీ), ల‌క్నో సూప‌ర్‌జెయింట్స్ త‌ల‌ప‌డుతున్నాయి. టాస్ గెలిచిన ఆర్సీబీ బౌలింగ్ ఎంచుకుంది. ఐపీఎల్‌లో ఆర్సీబీ, ల‌క్నోలు ఇప్ప‌టివ‌ర‌కు ముఖాముఖి పోరులో 6 సార్లు త‌ల‌ప‌డ‌గా.. నాలుగుసార్లు ఆర్సీబీ, రెండుసార్లు ల‌క్నో సూప‌ర్‌జెయింట్స్ విజ‌యాలు సాధించాయి. అయితే చిన్న‌స్వామి స్టేడియంలో త‌ల‌ప‌డిన రెండు సంద‌ర్భాల్లో ఇరుజ‌ట్లు చెరొక‌ మ్యాచ్‌ నెగ్గాయి.ఆర్సీబీ తుదిజ‌ట్టు: ఫిల్ సాల్ట్, దేవదత్ పడిక్కల్, రజత్ పాటిదార్‌ (కెప్టెన్‌), టిమ్ డేవిడ్, జితేష్ శర్మ (వికెట్‌ కీపర్‌), రొమారియో షెపర్డ్, కృనాల్ పాండ్యా, భువనేశ్వర్ కుమార్, రసిఖ్ సలామ్, జోష్ హేజిల్‌వుడ్, సుయాష్ శర్మ.ల‌క్నో తుది జ‌ట్టు: మార్క‌ర‌మ్‌, మిచెల్ మార్ష్, రిషబ్ పంత్ (కెప్టెన్‌/వికెట్‌ కీపర్‌), ఆయుష్ బదోని, నికోలస్ పూరన్, అబ్దుల్ సమద్, ముకుల్ చౌదరి, షమీ, అవేష్ ఖాన్, దిగ్వేష్ సింగ్ రాఠీ, ప్రిన్స్ యాదవ్.

ఇండియన్‌ ప్రీమియర్‌ లీగ్‌ (ఐపీఎల్‌) ఎందరో అనామక ఆటగాళ్లను వెలుగులోకి తీసుకొచ్చిందని లక్నో సూపర్‌జెయింట్స్‌ కెప్టెన్‌ రిషబ్‌ పంత్‌ తెలిపాడు. ముకుల్‌ చౌదరీ ప్రదర్శనపై మాటలు రావడం లేదని పంత్‌ పేర్కొన్నాడు. ఐపీఎల్‌ 19వ సీజన్‌లో గురువారం లక్నో 3 వికెట్ల తేడాతో కేకేఆర్‌పై సంచలన విజయాన్ని నమోదు చేసింది. మ్యాచ్‌ అనంతరం పంత్‌ మాట్లాడుతూ.. ‘ఏం చెప్పాలి.. ముకుల్ చౌద‌రీ గురించి మాట‌లు రావ‌డం లేదు. నేను అత‌న్ని తొలిసారి నెట్స్‌లో చూసిన‌ప్పుడే భ‌విష్య‌త్తులో మంచి బ్యాట‌ర్ అవుతాడ‌ని ఊహించాను. ఇవాళ కేకేఆర్‌తో మ్యాచ్‌లో ముకుల్ దానిని నిజం చేసి చూపెట్టాడు. అతడి అద్భుత ఇన్నింగ్స్‌ను కళ్ల ప్పగించి చూస్తూ ఉండిపోయాను. అనామక ఆటగాళ్లకు ఐపీఎల్ వెలుగునిచ్చింది. ఇప్పుడు ఆ జాబితాలో ముకుల్‌చౌద‌రీ కూడా చేరిపోయాడు. ఒక వ్యక్తిని మనం నమ్మినప్పుడు వారు అద్భుతాలు చేయగలరు. ఇలాంటి ప్రతి మ్యాచ్ కూడా జట్టులో ఏదో ఒక గొప్ప విషయం నిర్మితమవుతోందనే సంకేతాన్ని ఇస్తోంది. ఎస్‌ఆర్‌హెచ్‌తో మ్యాచ్‌లో ముకుల్‌ చౌదరీ మూడు బంతులు వరుసగా మిస్‌ చేశాడు. ఆ సమయంలో అతడి దగ్గరకి వెళ్లి కంగారు పడొద్దు.. భవిష్యత్తులో నీకు అవకాశాలు బాగా వస్తాయి అని చెప్పాను. తాజాగా కేకేఆర్‌తో మ్యాచ్‌లో ముకుల్‌కు ఆ అవకాశం రానే వచ్చింది. జట్టు కష్టాల్లో ఉన్న సమయంలో కడదాకా నిలిచి ఒంటిచేత్తో గెలిపించాడు. ఒక కెప్టెన్‌గా ఇంతకన్నా నాకేం కావాలి చెప్పండి.బదోని ఇప్పుడు మా జట్టులో సీనియర్ ప్లేయర్. అతనికి మేం ఇచ్చిన బాధ్యత అది. బదోని నుంచి మేం ఆశించే సహకారం ఇదే. షమీ కుర్రాడు కాదు. కానీ అతను జట్టుకు ఇచ్చే అనుభవం వెలకట్టలేనిది. అనుభ‌వ‌జ్ఞుడైన ఆట‌గాడు జట్టులో ఉండటం అద్భుతం. బౌలింగ్ యూనిట్ అంతా బాగా రాణిస్తోంది’ అని చెప్పుకొచ్చాడు.During Match Between LSG & SRH When Mukul Choudhary missed three balls, Rishabh Pant told him: “Don’t feel nervous, you’ll get many more opportunities in the future.”Today, Mukul Choudhary won the match single-handedly for Rishabh Pant’s LSG. 😭❤️pic.twitter.com/FhDIDunk1B— Cricket Central (@CricketCentrl) April 9, 2026చదవండి: ‘సైందవుడిలా అడ్డుపడి కొంపముంచాడు’

ఐపీఎల్ 2026 సీజ‌న్‌లో ల‌క్నో సూప‌ర్‌జెయింట్స్ బోణీ కొట్టింది. ఆదివారం ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో ల‌క్నో 5 వికెట్ల తేడాతో విజ‌యాన్ని అందుకుంది. 160 ప‌రుగుల ల‌క్ష్యాన్ని ఛేదించే క్ర‌మంలో ఇన్నింగ్స్ చివ‌రి ఓవ‌ర్ ఐదో బంతికి విజాయ‌న్ని అందుకుంది. కాగా రిష‌బ్ పంత్ (68 నాటౌట్‌) కెప్టెన్ ఇన్నింగ్స్ ఆడ‌గా.. ఓపెన‌ర్ మార్క‌ర‌మ్ (45) మ‌రోసారి మెరిశాడు. అయితే పంత్ త‌న శైలికి విరుద్ధంగా ఎక్కువ బంతులాడి అర్థ‌సెంచ‌రీ సాధించ‌డం ఆస‌క్తిగా క‌నిపించింది. ఢిల్లీ క్యాపిట‌ల్స్‌తో జ‌రిగిన తొలి మ్యాచ్‌లో ల‌క్నో సూప‌ర్‌జెయింట్స్ ఓట‌మి పాల‌వ్వ‌డంతో ఆ జ‌ట్టు య‌జమాని సంజీవ్ గోయెంకా కెప్టెన్ పంత్‌పై ఆగ్ర‌హం వ్య‌క్తం చేసిన‌ట్లు వార్త‌లు రావ‌డం వివాదాస్ప‌ద‌మైంది. ఇద్ద‌రు సీరియ‌స్‌గా చ‌ర్చించుకున్న వీడియోలు బ‌య‌టికి వ‌చ్చాయి. ఆ త‌ర్వాత ల‌క్నో ఫ్రాంచైజీ దీనిపై స్ప‌ష్ట‌త‌నిస్తూ పూర్తి వీడియోనూ విడుద‌ల చేయ‌డంతో వివాదం స‌ద్దుమ‌ణిగింది. కానీ ల‌క్నో కెప్టెన్ రిష‌బ్ పంత్‌లో మాత్రం ఆ భ‌యం పోలేద‌నిపిస్తుంది. ఈసారి కూడా ఓట‌మి చ‌విచూస్తే త‌మ బాస్ ఆగ్ర‌హానికి గుర‌వ్వాల్సి వ‌స్తుంద‌ని పంత్ భావించిన‌ట్లున్నాడు. అందుకే ఎస్ఆర్‌హెచ్‌తో మ్యాచ్‌లో పంత్ ఆఖ‌రిదాకా నిల‌బ‌డి జ‌ట్టును గెలిపించాడు. ఫలించిన మొక్కులు..మ్యాచ్ విజ‌యం అనంత‌రం పంత్ ద‌గ్గ‌ర‌కు వ‌చ్చిన సంజీవ్ గోయెంకా ఈసారి మాత్రం న‌వ్వుతూ అత‌న్ని హ‌గ్ చేసుకున్నాడు. కెప్టెన్ ఇన్నింగ్స్ ఆడినందుకు అత‌న్ని మెచ్చుకున్నాడు. అయితే మ్యాచ్‌ జరుగుతున్న సమయంలో లక్నో గెలవాలని సంజీవ్‌ గోయెంకా పదేపదే తన వద్ద ఉన్న వెంకటేశ్వర స్వామి ఫోటోకు మొక్కడం కనిపించింది. దీనికి సంబంధించిన వీడియో సోషల్‌ మీడియాలో వైరల్‌గా మారింది.#LucknowSuperGiants owner taking blessings of #LordVenkateswaraOm Namo Venkatesaya 🕉️pic.twitter.com/jqY6bfB4Se— Milagro Movies (@MilagroMovies) April 6, 2026ఇక ఎస్ఆర్‌హెచ్‌పై విజ‌యం అనంత‌రం సంజీవ్ గోయెంకా త‌న జ‌ట్టును మెచ్చుకుంటూ ట్విట‌ర్‌లో పోస్టు పెట్టాడు. ‘ఐపీఎల్ అనేది సుదీర్ఘంగా సాగుతుంది. ఒక జట్టు విజయం సాధించాలంటే సమయం, సహనం, జట్టు ఐకమత్యం అవసరం. ఇవాళ ఆ మూడు మా లక్నో జట్టులో ప్రతిబింబించాయి. పంత్ కెప్టెన్‌గా జట్టును దిశానిర్దేశం చేస్తే ఆటగాళ్లంతా క్రమశిక్షణతో దానిని అనుసరించారు. జట్టులో ఉండే సమన్వయం ఎదుగుదలకు తోడ్పతుంది. ఈ విజయం మాకు ఆరంభం మాత్రమే. ఇంకా చాలా దూరం ప్రయాణించాల్సి ఉంది. మున్ముందు మా ఆటలో మరింత పురోగతి కనిపిస్తుందని ఆశిస్తున్నా’ అని చెప్పుకొచ్చారు. మ్యాచ్‌లో తొలుత బ్యాటింగ్ చేసిన ఎస్‌ఆర్‌హెచ్ ఏ దశలోనూ ఆకట్టుకోలేకపోయింది. మిడిలార్డర్‌లో నితీశ్‌కుమార్ రెడ్డి, హెన్రిచ్ క్లాసెన్‌లు అర్థసెంచరీలతో రాణించడంతో ఎస్‌ఆర్‌హెచ్ 20 ఓవర్లలో 9 వికెట్ల నష్టానికి 156 పరుగులు చేసింది. అనంతరం లక్నో 19.5 ఓవర్లలో 5 వికెట్ల నష్టానికి 160 పరుగులు చేసి విజయాన్ని అందుకుంది.చదవండి: ఆర్సీబీతో మ్యాచ్‌.. ఓట‌మికి పూర్తి బాధ్యత నాదే!

సొంత మైదానంలో తొలి పోరు... మధ్యాహ్నం మ్యాచ్‌... బ్యాటింగ్‌కు బాగా అనుకూలమైన పిచ్‌... టాస్‌ ఓడినా ముందుగా బ్యాటింగ్‌ చేసే అవకాశం దక్కింది. అయినా సరే సన్‌రైజర్స్‌ హైదరాబాద్‌ 156 పరుగులకే పరిమితమైంది. 26 పరుగులకే 4 వికెట్లు పడినా... నితీశ్‌ రెడ్డి, క్లాసెన్‌ మెరుపులతో ఆ మాత్రం స్కోరు చేయగలిగింది. స్వల్ప లక్ష్య ఛేదనలో లక్నో సూపర్‌ జెయింట్స్‌ కూడా తడబడినా కెప్టెన్‌ రిషభ్‌ పంత్‌ ముందుండి జట్టును గెలుపు తీరం చేర్చాడు. తీవ్ర ఒత్తిడి మధ్య బరిలోకి దిగిన అతను దూకుడుగా వెళ్లకుండా పరిస్థితికి తగినట్లుగా ఆడి జట్టుకు విజయాన్ని అందించాడు. సాక్షి, హైదరాబాద్‌: ఐపీఎల్‌లో లక్నో సూపర్‌ జెయింట్స్‌ గెలుపు బోణీ చేసింది. తొలి మ్యాచ్‌లో ఓడిన ఆ జట్టు రెండో మ్యాచ్‌లో విజయాన్ని అందుకుంది. ఆదివారం ఉప్పల్‌ స్టేడియంలో జరిగిన పోరులో లక్నో 5 వికెట్ల తేడాతో సన్‌రైజర్స్‌ హైదరాబాద్‌ను ఓడించింది. ఈ సీజన్‌లో సన్‌రైజర్స్‌కిది రెండో పరాజయం. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ నిర్ణీత 20 ఓవర్లలో 9 వికెట్ల నష్టానికి 156 పరుగులు చేసింది. హెన్రిచ్‌ క్లాసెన్‌ (41 బంతుల్లో 62; 5 ఫోర్లు, 2 సిక్స్‌లు), ఆంధ్ర క్రికెటర్‌ నితీశ్‌ కుమార్‌ రెడ్డి (33 బంతుల్లో 56; 3 ఫోర్లు, 5 సిక్స్‌లు) అర్ధసెంచరీలు సాధించారు. వీరిద్దరు ఐదో వికెట్‌కు 63 బంతుల్లోనే 116 పరుగులు జోడించారు. ఐపీఎల్‌లో ఐదో వికెట్‌కు సన్‌రైజర్స్‌ తరఫున ఇదే అత్యుత్తమ భాగస్వామ్యం. అనంతరం లక్నో 19.5 ఓవర్లలో 5 వికెట్లకు 160 పరుగులు చేసి గెలిచింది. కెప్టెన్ రిషభ్‌ పంత్‌ (50 బంతుల్లో 68 నాటౌట్‌; 9 ఫోర్లు), మార్క్‌రమ్‌ (27 బంతుల్లో 45; 6 ఫోర్లు, 2 సిక్స్‌లు) కీలక ఇన్నింగ్స్‌లు ఆడారు. కట్టుదిట్టమైన బౌలింగ్‌తో సన్‌రైజర్స్‌కు కళ్లెం వేసిన లక్నో పేసర్‌ షమీకి ‘ప్లేయర్‌ ఆఫ్‌ ద మ్యాచ్‌’ అవార్డు లభించింది. సన్‌రైజర్స్‌ తదుపరి పోరులో ఈనెల 11న న్యూచంఢీగడ్‌లో పంజాబ్‌ కింగ్స్‌తో తలపడుతుంది. మెరుపు భాగస్వామ్యం... వరుసగా వికెట్లు కోల్పోవడంతో కాస్త జాగ్రత్త పడుతూ క్లాసెన్, నితీశ్‌ ఆరంభంలో నెమ్మదిగా ఆడారు. తొలి 13 బంతుల్లో క్లాసెన్‌ 8 పరుగులే చేయగా, నితీశ్‌ 13 బంతుల్లో 4 పరుగులే చేశాడు. అయితే ప్రిన్స్‌ వేసిన 11వ ఓవర్లో ఇద్దరూ చెరో సిక్స్‌ కొట్టడంతో జోరు మొదలైంది. 19 పరుగుల వద్ద ముకుల్‌ క్యాచ్‌ వదిలేయడంతో బతికిపోయిన క్లాసెన్‌ ఆ తర్వాత అవేశ్‌ ఓవర్లో 4 ఫోర్లు బాదాడు. ఈ క్రమంలో ముందుగా క్లాసెన్‌ 33 బంతుల్లో, నితీశ్‌ 30 బంతుల్లో అర్ధ సెంచరీలు పూర్తి చేసుకున్నారు. అయితే మరింత వేగంగా ఆడే క్రమంలో 2 పరుగుల వ్యవధిలో వీరిద్దరు వెనుదిరగ్గా... మరో 12 పరుగులు జోడించి రైజర్స్‌ తర్వాతి 3 వికెట్లు కోల్పోయింది. ఆఖరి 4 ఓవర్లలో జట్టు 5 వికెట్లు చేజార్చుకొని 33 పరుగులే చేయగలిగింది. రాణించిన మార్క్‌రమ్‌... ఓపెనర్‌గా చేసిన ప్రయత్నాన్ని లక్నో సారథి పంత్‌ ఒక్క మ్యాచ్‌కే పరిమితం చేశాడు. దాంతో మిచెల్‌ మార్ష్ (12 బంతుల్లో 14; 2 ఫోర్లు), మార్క్‌రమ్‌ లక్నో ఛేజింగ్‌ను ప్రారంభించారు. మార్ష్ తొందరగానే అవుటైనా, మార్క్‌రమ్‌ ధాటిని ప్రదర్శించాడు. ఉనాద్కట్‌ ఓవర్లో అతను 2 ఫోర్లు, 1 సిక్స్‌ కొట్టడంతో లక్నో పవర్‌ప్లేలో స్కోరు 53 పరుగులకు చేరింది. మరోవైపు పంత్‌ మాత్రం దూకుడుకు పోకుండా ప్రశాంతంగా బ్యాటింగ్‌ చేశాడు. అయితే కట్టుదిట్టమైన బౌలింగ్‌తో మూడు పరుగుల వ్యవధిలో బదోని (9 బంతుల్లో 12; 1 ఫోర్‌), నికోలస్‌ పూరన్‌ (1)లను అవుట్‌ చేయడంతో పాటు పరుగుల వేగాన్ని అడ్డుకొని రైజర్స్‌ పైచేయి సాధించే ప్రయత్నం చేసింది. ఈ దశలో పంత్‌కు అబ్దుల్‌ సమద్‌ (12 బంతుల్లో 16; 2 ఫోర్లు) కొద్దిసేపు అండగా నిలిచాడు. 43 బంతుల్లో పంత్‌ హాఫ్‌ సెంచరీ పూర్తయింది. చివర్లో ఉత్కంఠ... లక్నో విజయానికి చివరి 18 బంతుల్లో 19 పరుగులు కావాలి. దూబే 6 పరుగులే ఇచ్చి సమద్‌ను అవుట్‌ చేయగా, 19వ ఓవర్లో హర్షల్‌ 4 పరుగులే ఇచ్చాడు. దాంతో ఆఖరి ఓవర్లో 9 పరుగులు అవసరమయ్యాయి. ఉనాద్కట్‌ వేసిన తొలి రెండు బంతులను ఫోర్‌లుగా మలచిన పంత్‌ తర్వాతి రెండు బంతుల్లో పరుగు తీయలేకపోయాడు. అయితే ఐదో బంతిని మళ్లీ బౌండరీకి తరలించి విజయాన్ని ఖాయం చేశాడు.షమీ సూపర్‌... సీనియర్‌ పేసర్‌ షమీ ఈ మ్యాచ్‌లోనూ తన స్థాయిని ప్రదర్శించాడు. తొలి ఓవర్‌ చివరి బంతికి అభిషేక్‌ శర్మ (0)ను వెనక్కి పంపించిన అతను, తన రెండో ఓవర్‌ తొలి బంతికే ట్రవిస్‌ హెడ్‌ (8 బంతుల్లో 7; 1 ఫోర్‌)ను అవుట్‌ చేశాడు. ఇద్దరు విధ్వంసక ఆటగాళ్ల పని పట్టిన షమీ నాలుగు ఓవర్లలో ఒక్క బౌండరీ కూడా ఇవ్వకుండానే తన స్పెల్‌ను 4–0–9–2తో ముగించాడు. మరోవైపు కెప్టెన్ ఇషాన్‌ కిషన్‌ (4 బంతుల్లో 1), లివింగ్‌స్టోన్‌ (20 బంతుల్లో 14; 1 సిక్స్‌) కూడా వెనుదిరగడంతో స్కోరు 26/4 వద్ద నిలిచింది. పవర్‌ప్లేలో 22 పరుగులే చేసిన రైజర్స్‌ 10 ఓవర్లు ముగిసేసరికి 35 పరుగులకే పరిమితమైంది. ఆ మూడు సిక్స్‌లు...లక్నో స్పిన్నర్‌ దిగ్వేశ్‌ ‘నోట్‌బుక్‌’ రాఠీపై నితీశ్‌ రెడ్డి విరుచుకు పడ్డాడు. రాఠీ వేసిన ఇన్నింగ్స్‌ 15వ ఓవర్లో నితీశ్‌ మూడు సిక్స్‌లు బాదాడు. అప్పటికే జోరు మొదలు పెట్టిన నితీశ్‌ దూసుకుపోయాడు. లాంగాన్, లాంగాఫ్‌ దిశగా వరుసగా రెండు సిక్స్‌లు బాదిన అతను మరో మూడు బంతులకు లాంగాన్‌ వైపే అలవోకగా మరో సిక్స్‌ను మలిచాడు. ఈ షాట్లతో ఉప్పల్‌ స్టేడియం హోరెత్తిపోయింది. ఈ ఓవర్లో మొత్తం 22 పరుగులు వచ్చాయి. 5 ఐపీఎల్‌లో సన్‌రైజర్స్‌పై లక్నోకిది ఐదో విజయం. ఈ ఐదింటిలో నాలుగు ఛేజింగ్‌లోనే వచ్చాయి. ఈ నాలుగింటిలో మూడింట లక్నో ఐదు వికెట్ల తేడాతో నెగ్గడం విశేషం. ఒక మ్యాచ్‌లో ఏడు వికెట్లతో గెలవగా, మరో మ్యాచ్‌లో 12 పరుగుల తేడాతో విజయం అందుకుంది. స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: హెడ్‌ (సి) మార్క్‌రమ్‌ (బి) షమీ 7; అభిõÙక్‌ (సి) సిద్ధార్థ్‌ (బి) షమీ 0; ఇషాన్‌ కిషన్‌ (బి) ప్రిన్స్‌ 1; లివింగ్‌స్టోన్‌ (సి) పంత్‌ (బి) రాఠీ 14; క్లాసెన్‌ (సి) పంత్‌ (బి) అవేశ్‌ 62; నితీశ్‌ రెడ్డి (సి) ప్రిన్స్‌ (బి) సిద్ధార్థ్‌ 56; అనికేత్‌ (నాటౌట్‌) 2; దూబే (బి) అవేశ్‌ 0; శివాంగ్‌ (బి) ప్రిన్స్‌ 5; హర్షల్‌ (రనౌట్‌) 4; ఎక్స్‌ట్రాలు 5; మొత్తం (20 ఓవర్లలో 9 వికెట్లకు) 156. వికెట్ల పతనం: 1–1, 2–8, 3–11, 4–26, 5–142, 6–144, 7–144, 8–151, 9–156. బౌలింగ్‌: షమీ 4–0–9–2, దిగ్వేశ్‌ రాఠీ 4–0–46–1, ప్రిన్స్‌ యాదవ్‌ 4–0–34–2, సిద్ధార్థ్‌ 4–0–29–1, అవేశ్‌ 4–0–36–2. లక్నో సూపర్‌ జెయింట్స్‌ ఇన్నింగ్స్‌: మార్క్‌రమ్‌ (సి) లివింగ్‌స్టోన్‌ (బి) శివాంగ్‌ 45; మిచెల్‌ మార్ష్ (సి) నితీశ్‌ (బి) మలింగ 14; పంత్‌ (నాటౌట్‌) 68; బదోని (స్టంప్డ్‌) ఇషాన్‌ కిషన్‌ (బి) దూబే 12; పూరన్‌ (రనౌట్‌) 1; సమద్‌ (సి) లివింగ్‌స్టోన్‌ (బి) దూబే 16; ముకుల్‌ (నాటౌట్‌) 2; ఎక్స్‌ట్రాలు 2; మొత్తం (19.5 ఓవర్లలో 5 వికెట్లకు) 160. వికెట్ల పతనం: 1–37, 2–77, 3–102, 4–105, 5–139. బౌలింగ్‌: హర్ష్ దూబే 4–0–18–2, నితీశ్‌ రెడ్డి 1–0–14–0, ఉనాద్కట్‌ 3.5–0–50–0, ఇషాన్‌ మలింగ 4–0–30–1, హర్షల్‌ 3–0–16–0, శివాంగ్‌ 4–0–30–1.

ల‌క్నో సూప‌ర్‌జెయింట్స్ ఫ్రాంచైజీ య‌జమాని సంజీవ్ గోయెంకాపై బీసీసీఐ నిషేధం విధించాలని ఐపీఎల్ మాజీ చైర్మ‌న్ ల‌లిత్ మోదీ సంచ‌ల‌న వ్యాఖ్య‌లు చేశాడు. బుధ‌వారం ఢిల్లీ క్యాపిట‌ల్స్ చేతిలో పరాజ‌యం అనంత‌రం సంజీవ్ గోయెంకా, రిష‌బ్ పంత్‌ల మ‌ధ్య వాడివేడి సంభాష‌ణ జ‌రిగిన సంగ‌తి తెలిసిందే. వీడియోలో ఇద్ద‌రి మ‌ధ్య సంభాష‌ణ వినిపించ‌న‌ప్ప‌టికీ, గోయెంకా ముఖ క‌వ‌ళిక‌లు, పంత్ స‌మాధానం చెబుతున్న తీరు గ‌మ‌నిస్తే ఎంతో తీవ్ర‌త‌తో కూడిన చ‌ర్చ‌గానే క‌నిపించింది. తాజాగా ల‌లిత్ మోదీ సంజీవ్ గోయెంకా ప్ర‌వ‌ర్త‌న ప‌ట్ల అస‌హ‌నం వ్య‌క్తం చేశాడు. ‘లక్నో యజమాని సంజీవ్ గోయెంకా ఒక లూజర్‌, జోకర్‌. అతని ప్రవర్తన పట్ల నేను సిగ్గుపడుతున్నాను. మ్యాచ్‌లతో క్రికెట్ అభిమానులను అలరించడానికి ఇండియన్ ప్రీమియర్ లీగ్ (ఐపీఎల్‌)ను తీసుకొచ్చాము. అంతేకానీ క్రికెట్‌కు ఎటువంటి సంబంధం లేని ఒక ఫ్రాంచైజీ ఓనర్ ఆటగాళ్లపై అజమాయిషీ చెలాయించాలని చూడడం ఎంతమాత్రం సరైనది కాదు. ఒకవేళ ఇప్పటికీ నేను ఐపీఎల్ చైర్మన్‌గా ఉండుంటే సంజీవ్ గోయెంకాపై తక్షణమే నిషేధం విధించడంతో, జట్టులో అతని యాజమాన్య హక్కులను శాశ్వతంగా రద్దు చేసేవాడిని. సంజీవ్ గోయెంకా ఒక అవకాశవాది. నిజానికి ఐపీఎల్ నిబంధనల్లో ఇలాంటి ఘటనలపై చర్యలు తీసుకునేందుకు ఒక క్లాజ్‌ను ఏర్పాటు చేశాం. బీసీసీఐ ఆ క్లాజ్‌ను పరిశీలించి సంజీవ్ గోయెంకాపై చర్యలు తీసుకుంటే బాగుంటుంది. నిజాయితీకి అధిక ప్రాధాన్యమిస్తే మంచిదని నా అభిప్రాయం.’ అని చెప్పుకొచ్చాడు.I told you this guy @DrSanjivGoenka owner of @LucknowIPL is a complete looser and joker of the highest order - i am seriously embarrassed with his behaviour. I created the @IPL for fans and players alike. Not for this to happen every time every year. If I was still Chairman and… https://t.co/5mHzg8RAY1— Lalit Kumar Modi (@LalitKModi) April 2, 2026కనిపించేదంతా నిజం కాదు..అయితే సోషల్ మీడియాలో చక్కర్లు కొడుతున్న సంజీవ్ గోయెంకా, పంత్ సంభాషణకు సంబంధించిన వీడియోపై లక్నో యాజమాన్యం స్పందించింది. ‘మీ కంటికి కనిపించేవన్నీ నిజాలు కావు. పంత్‌, గోయెంకాల మధ్య సీరియస్ చర్చ జరుగుతున్న వీడియో క్లిప్పింగ్‌ను కట్ చేసి సోషల్ మీడియాలో షేర్‌చేశారు. కానీ అంతకముందు ఏం జరిగిందనేది ఎవరికీ తెలియదు. ఇప్పుడు దానికి సంబంధించిన పూర్తి వీడియోను మీ ముందు ఉంచుతున్నాం. నిజం తెలుసుకోండి’ అంటూ పోస్ట్ చేసింది.లక్నో యాజమాన్యం పోస్ట్ చేసిన వీడియోలో పంత్‌, గోయెంకాలు మాట్లాడు కోవడానికి ముందు నవ్వుతూ ఒకనొకరు ఆలింగనం చేసుకున్నట్లుగా ఉంది. ఆ త‌ర్వాత ఇద్ద‌రూ మ్యాచ్‌కు సంబంధించి సుదీర్ఘంగా చ‌ర్చించుకున్నారు. అప్పుడు రాహుల్‌.. ఇప్పుడు పంత్‌కాగా 2024 సీజ‌న్‌లో అప్ప‌టి ల‌క్నో సూప‌ర్‌జెయింట్స్ కెప్టెన్ కేఎల్ రాహుల్‌తో కూడా గోయెంకా ఇలాగే ప్ర‌వ‌ర్తించిన తీరు అప్ప‌ట్లో సంచ‌ల‌నంగా మారింది. బ‌హిరంగంగానే కెప్టెన్‌పై గోయెంకా అస‌హ‌నం వ్య‌క్తం చేయ‌డం విమ‌ర్శ‌ల‌కు దారి తీసింది. తాజ‌గా పంత్ విష‌యంలోనూ అలాగే వ్య‌వ‌హ‌రించాడ‌ని భావిస్తున్న త‌రుణంలో ల‌క్నో ఫ్రాంచైజీ కొత్త వీడియోను రిలీజ్ చేసి అనుమానాల‌కు తెర‌దించింది.Not everything you see is the true story, here’s the unfiltered post match vibes, when cameras don’t cut. pic.twitter.com/EiPMWrmlkQ— Lucknow Super Giants (@LucknowIPL) April 2, 2026చదవండి: ‘నేనైతే ఫుల్‌ హ్యాపీ’.. తెలుగు క్రికెటర్‌ భావోద్వేగం!

ఐపీఎల్‌ 2026లో భాగంగా నిన్న (ఏప్రిల్‌ 1) జరిగిన మ్యాచ్‌లో లక్నో సూపర్‌ జెయింట్స్‌పై ఢిల్లీ క్యాపిటల్స్‌ 6 వికెట్ల తేడాతో ఘన విజయం సాధించిన విషయం తెలిసిందే. ఈ మ్యాచ్‌లో లక్నో కెప్టెన్‌ రిషబ్‌ పంత్‌ వ్యక్తిగతంగా, కెప్టెన్‌గా దారుణంగా నిరాశపరిచాడు. ఓపెనర్‌గా బరిలోకి దిగి 9 బంతుల్లో 7 పరుగులు మాత్రమే చేసి రనౌటయ్యాడు.అనంతరం స్వల్ప లక్ష్యాన్ని కాపాడుకునే క్రమంలో బౌలర్లు అద్భుతమైన బ్రేక్‌ ఇచ్చినా, పంత్‌ తన పేలవ నిర్ణయాలతో గెలిచే అవకాశమున్న మ్యాచ్‌ను జారవిడిచాడు. పంత్‌ వ్యక్తిగతంగా, కెప్టెన్‌గా విఫలం​ కావడంపై ఇంగ్లండ్‌ మాజీ కెప్టెన్‌ మైఖేల్‌ వాన్‌ ఘాటుగా స్పందించాడు. ఓ పక్క సలహాలు ఇస్తూనే, మరోపక్క తలంటాడు.వాన్‌ మాటల్లో.. పంత్‌కు ఉన్న ప్రతిభతో ఏ దేశ క్రికెట్‌ జట్టులోనైనా స్థానం సంపాదించగలడు. టీమిండియాలోనే కాస్త కష్టం. ఎందుకంటే, ప్రస్తుత భారత జట్టులో ఇషాన్‌ కిషన్‌, సంజూ శాంసన్‌, జితేష్‌ శర్మ లాంటి మెరికలు ఉన్నారు. వీరితో పోటీ పడి నెగ్గుకు రావడం పంత్‌కు అంత ఈజీ కాదు.పంత్‌ మరో నిరుత్సాహకరమైన ఐపీఎల్‌ సీజన్‌ను భరించలేడు. అతను బ్యాటింగ్‌, కెప్టెన్సీ రెండింటిలోనూ మెరుగుపడాలి. నేను అతని స్థానంలో ఉంటే వైభవ్‌ సూర్యవంశీని గమనించేవాడిని. వైభవ్‌ ఆడే తీరు పంత్‌ను గుర్తు చేస్తుంది. పంత్‌ కెరీర్‌ తొలినాళ్లలో చాలా ధైర్యంగా ఆడేవాడు. ఇప్పుడా ధైర్యం కనిపించడం లేదు.ముందుగా పంత్‌ తన మైండ్‌ సెట్‌ను మార్చుకోవాలి. ఏ స్థానంలో బ్యాటింగ్‌ చేసినా 40-45 బంతుల్లో సెంచరీ చేయగలననే ధీమాతో ఆడాలి.నెక్స్ట్‌ టాస్క్‌ ఎస్‌ఆర్‌హెచ్‌లక్నో సూపర్‌ జెయింట్స్‌కు నెక్స్ట్‌ టాస్క్‌ ఎస్‌ఆర్‌హెచ్‌. ఏప్రిల్‌ 5న హైదారాబాద్‌ వేదికగా జరిగే ఈ మ్యాచ్‌లోనైనా పంత్‌ ఫామ్‌లోకి రావాలి. లేని ప్రయోగాలకు పోకుండా తన రెగ్యులర్‌ బ్యాటింగ్‌ స్థానంలోనే బరిలోకి దిగాలి. కెప్టెన్సీలోనూ చాలా మెరుగుపడాలి. ఒకవేళ తొలి మ్యాచ్‌ ప్రదర్శనే ఆ మ్యాచ్‌లో కూడా కొనసాగితే, పంత్‌కు కష్టాలు తప్పవు.వైభవ్‌ సూర్యవంశీ విషయానికొస్తే.. ఈ రాజస్థాన్‌ రాయల్స్‌ చిచ్చరపిడుగు తమ తొలి మ్యాచ్‌లోనే ఉగ్రరూపం ప్రదర్శించాడు. సీఎస్‌కేపై 15 బంతుల్లోనే అర్ద సెంచరీ చేసి తన జట్టును గెలిపించాడు.

లక్నో సూపర్‌ జెయింట్స్‌ కెప్టెన్‌ రిషభ్‌ పంత్‌ వ్యూహాన్ని ఇంగ్లండ్‌ మాజీ కెప్టెన్‌ కెవిన్‌ పీటర్సన్‌ విమర్శించాడు. ఐపీఎల్‌-2026లో భాగంగా ఢిల్లీ క్యాపిటల్స్‌తో బుధవారం నాటి మ్యాచ్‌లో పంత్‌ ఓపెనర్‌గా రావడాన్ని తప్పుబట్టాడు.బ్యాటింగ్‌ ఆర్డర్‌పై కూడా చర్చకాగా రూ. 27 కోట్ల భారీ ధరకు లక్నో గతేడాది పంత్‌ (Rishabh Pant)ను సొంతం చేసుకున్న సంగతి తెలిసిందే. అయితే, గత సీజన్‌లో అతడు బ్యాటర్‌గా పూర్తిగా విఫలమయ్యాడు. చివరి మ్యాచ్‌లో సెంచరీ మినహాయిస్తే మిగతా 12 ఇన్నింగ్స్‌లలో కలిపి 151 పరుగులే చేశాడు. దీంతో పంత్‌ బ్యాటింగ్‌ ఆర్డర్‌పై కూడా చర్చ సాగింది.తొలి మ్యాచ్‌లోనే దురదృష్టంఈ నేపథ్యంలో తన సత్తా చూపించేందుకు ఓపెనర్‌గా బరిలోకి దిగేందుకు సిద్ధమయ్యాడు. అయితే, సంజూ శాంసన్‌, ఇషాన్‌ కిషన్‌లతో పోటీ పడి భారత జట్టులో మళ్లీ చోటును ఆశిస్తున్న అతడిని తొలి మ్యాచ్‌లోనే దురదృష్టం వెంటాడింది. ఢిల్లీతో మ్యాచ్‌లో పంత్‌ మిచెల్‌ మార్ష్‌కు జోడీగా ఓపెనర్‌గా వచ్చాడు.ఈ క్రమంలో ముకేశ్‌ వేసిన బంతిని మార్ష్‌ నేరుగా ఆడగా అది బౌలర్‌ చేతికి తగులుతూ వెళ్లి స్టంప్స్‌ను ఎగరగొట్టింది. దీంతో క్రీజ్‌ బయట ఉన్న నాన్‌ స్ట్రయికర్‌ పంత్‌ రనౌట్‌ అయి నిరాశగా వెనుదిరగక తప్పలేదు. ఈ నేపథ్యంలో మరోసారి పంత్‌ ఆట తీరుపై విమర్శలు వస్తున్నాయి.నువ్వు నిజంగా ఓపెనింగ్‌ బ్యాటర్‌వేనా?ఇక ఇంగ్లండ్‌ మాజీ కెప్టెన్‌ కెవిన్‌ పీటర్సన్‌ సైతం ఈ విషయంపై స్పందించాడు. ‘‘లక్నో జట్టు బ్యాటింగ్‌ ఆర్డర్‌ డెప్త్‌ గమనించినట్లయితే.. రిషభ్‌ పంత్‌ అసలు ఓపెనర్‌గా రావాల్సిన అవసరం ఉందనే అనిపించదు. నిజానికి కాస్త వెనుకే అతడు రావాల్సింది. గత సీజన్లో తనను తాను డిమోట్‌ చేసుకున్న పంత్‌.. అకస్మాత్తుగా ఈసారి ఇలా ఓపెనర్‌గా వచ్చాడు.ఆటను ఆస్వాదించుఓపెనర్‌ లేదంటే వన్‌డౌన్‌ బ్యాటర్‌గా నిన్ను నువ్వు ఒత్తిడికి లోనుచేసుకోవద్దు. ఆటను ఆస్వాదిస్తూ ముందుకు సాగు. ఒత్తిడిని జయిస్తే నువ్వు రాణించగలవు. ఓపెనర్‌గా రావాలనే ఒత్తిడిలో ఇప్పుడేం జరిగిందో చూశావు కదా! ఇకముందు ఇలాంటి పునరావృతం చేయకపోతే మంచిది’’ అని పీటర్సన్‌ జియో హాట్‌స్టార్‌ షోలో భాగంగా పంత్‌కు సలహా ఇచ్చాడు.కాగా పంత్‌ తన టీ20 కెరీర్‌లో ఓపెనర్‌గా ఇప్పటికి 23 టీ20 ఇన్నింగ్స్‌ ఆడి 672 పరుగులు చేశాడు. ఇందులో ఓ సెంచరీ, ఐదు అర్ధ శతకాలు ఉన్నాయి. ఇదిలా ఉంటే.. ఢిల్లీతో మ్యాచ్‌లో లక్నో ఆరు వికెట్ల తేడాతో ఓడిపోయింది.చదవండి: నాకైతే భయం వేస్తోంది: వైభవ్‌ సూర్యవంశీపై పాక్‌ మాజీ క్రికెటర్ల వ్యాఖ్యలుA SIX TO SEAL IT! 🙌Sameer Rizvi does it in style 🥳@DelhiCapitals kick off their #TATAIPL 2026 campaign with a 6️⃣-wicket victory 👏👏Scorecard ▶️ https://t.co/lfP7dRNKfg#KhelBindaas | #LSGvDC pic.twitter.com/vVPkz5kqzd— IndianPremierLeague (@IPL) April 1, 2026

ఐపీఎల్‌-2026 టోర్నీని లక్నో సూపర్‌ జెయింట్స్‌ పరాజయంతో ఆరంభించింది. ఢిల్లీ క్యాపిటల్స్‌తో బుధవారం నాటి మ్యాచ్‌లో ఆరు వికెట్ల తేడాతో లక్నో ఓటమిపాలైంది. సొంతమైదానం ఏకనా స్టేడియంలో టాస్‌ ఓడి తొలుత బ్యాటింగ్‌ చేసిన లక్నో.. 141 పరుగులకే ఆలౌట్‌ అయింది.సమీర్‌ రిజ్వీ ధనాధన్‌స్వల్ప లక్ష్యంతో బరిలోకి దిగిన ఢిల్లీ నాలుగు వికెట్లు కోల్పోయి పని పూర్తి చేసింది. ఆదిలోనే ఓపెనర్లు కేఎల్‌ రాహుల్‌ (0), పాతుమ్‌ నిస్సాంక (1).. వన్‌డౌన్‌ బ్యాటర్‌ నితీశ్‌ రాణా (15) వికెట్లు తీసి లక్నో శుభారంభం అందుకున్నా.. సమీర్‌ రిజ్వీ (47 బంతుల్లో 70), ట్రిస్టన్‌ స్టబ్స్‌ (32 బంతుల్లో 39) అజేయ ఇన్నింగ్స్‌తో ఢిల్లీని గెలుపుతీరాలకు చేర్చారు.కోచ్‌, గోయెంకా సీరియస్‌.. పంత్‌ వివరణ ఇస్తూ..ఫలితంగా లక్నో జట్టుకు చేదు అనుభవం తప్పలేదు. ఈ నేపథ్యంలో ఓటమి అనంతరం లక్నో కెప్టెన్‌ రిషభ్‌ పంత్‌ (Rishabh Pant).. హెడ్‌కోచ్‌ జస్టిన్‌ లాంగర్‌, జట్టు యజమాని సంజీవ్‌ గోయెంకాలకు సీరియస్‌గా ఏదో వివరణ ఇస్తున్నట్లు కనిపించింది. ఇందుకు సంబంధించిన దృశ్యాలు వైరల్‌ అవుతున్నాయి.ఈ నేపథ్యంలో లక్నో మాజీ కెప్టెన్‌ కేఎల్‌ రాహుల్‌ (KL Rahul)కు సంజీవ్‌ గోయెంకా గతంలో చివాట్లు పెట్టిన విషయాన్ని నెటిజన్లు గుర్తుచేసుకుంటున్నారు. ఈ పరిణామం తర్వాత రాహుల్‌.. గౌరవం లేని చోట ఉండలేనంటూ లక్నోను వీడి ఢిల్లీ జట్టులో చేరిన సంగతి తెలిసిందే. ఈ నేపథ్యంలో పంత్‌కు కూడా ఇలాంటి పరాభవం తప్పదనే అభిప్రాయాలు వ్యక్తమవుతున్నాయి.Sanjiv Goenka and Rishabh pant 😭 pic.twitter.com/0RzMSkp0vE— Faiyaz (@FaiyazWhat) April 1, 2026అత్యధిక ధరకాగా ఐపీఎల్‌-2025 మెగా వేలంలో పంత్‌ను ఏకంగా రూ. 27 కోట్లకు లక్నో కొనుగోలు చేసింది. తద్వారా ఐపీఎల్‌లో అత్యధిక ధరకు అమ్ముడుపోయిన ఆటగాడిగా పంత్‌ నిలిచాడు. అయితే, అతడి ప్రదర్శన మాత్రం దారుణంగా ఉంటోంది. గత సీజన్‌లో బ్యాటర్‌గా పూర్తిగా విఫలమైన పంత్‌.. కెప్టెన్‌గా 14 మ్యాచ్‌లకు గానూ ఆరు మ్యాచ్‌లు గెలిపించగలిగాడు.ఓపెనర్‌గా, సారథిగా విఫలంఇక తాజా సీజన్‌లో తొలి మ్యాచ్‌లోనే బ్యాటర్‌, కెప్టెన్‌గా పంత్‌ విఫలమయ్యాడు. ఈసారి ఓపెనర్‌గా బరిలోకి దిగిన ఈ వికెట్‌ కీపర్‌ బ్యాటర్‌ 9 బంతులు ఎదుర్కొని కేవలం ఏడు పరుగులే చేశాడు. రనౌట్‌ అయి నిరాశగా పెవిలియన్‌ చేరాడు. దీంతో మరోసారి పంత్‌ ఆట తీరుపై విమర్శల వర్షం కురుస్తోంది. అయితే, తాను ఓపెనర్‌గా వచ్చి విఫలమైన అంశంపైనే లాంగర్‌, గోయెంకాకు వివరణ ఇచ్చినట్లు నెటిజన్లు భావిస్తున్నారు.చదవండి: IPL 2026: చరిత్ర సృష్టించిన మహ్మద్‌ షమీA SIX TO SEAL IT! 🙌Sameer Rizvi does it in style 🥳@DelhiCapitals kick off their #TATAIPL 2026 campaign with a 6️⃣-wicket victory 👏👏Scorecard ▶️ https://t.co/lfP7dRNKfg#KhelBindaas | #LSGvDC pic.twitter.com/vVPkz5kqzd— IndianPremierLeague (@IPL) April 1, 2026

గతేడాది లక్నో సూపర్‌ జెయింట్స్‌ కెప్టెన్‌గా పగ్గాలు చేపట్టాడు టీమిండియా స్టార్‌ రిషభ్‌ పంత్‌. మెగా వేలంలో లక్నో ఫ్రాంఛైజీ రికార్డు స్థాయిలో ఈ వికెట్‌ కీపర్‌ బ్యాటర్‌ను రూ. 27 కోట్లకు కొనుగోలు చేసింది. తద్వారా ఐపీఎల్‌ చరిత్రలోనే అత్యంత ఖరీదైన ఆటగాడిగా పంత్‌ నిలిచాడు.కెప్టెన్‌గానూ ఫెయిల్‌అయితే, ఐపీఎల్‌-2025లో పంత్‌ (Rishabh Pant) దారుణంగా విఫలమయ్యాడు. పదమూడు మ్యాచ్‌లలో కలిపి కేవలం 269 పరుగులు మాత్రమే చేయగలిగాడు. కెప్టెన్‌గానూ పంత్‌ ఫెయిలయ్యాడు. అతడి సారథ్యంలో లక్నో గతేడాది పద్నాలుగింట ఆరు మాత్రమే గెలిచి పాయింట్ల పట్టికలో ఏడో స్థానానికి పరిమితమైంది. ఈ నేపథ్యంలో పంత్‌పై తీవ్ర స్థాయిలో విమర్శలు వచ్చాయి.టీమిండియా రీఎంట్రీ కష్టమేముఖ్యంగా ఫామ్‌లేమితో సతమతమవుతున్నా రిస్కీ షాట్లతో మూల్యం చెల్లించిన తీరుపై మాజీ క్రికెటర్లు సైతం ఆగ్రహం వ్యక్తం చేశారు. ఈ నేపథ్యంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా పంత్‌ను ఉద్దేశించి తాజాగా కీలక వ్యాఖ్యలు చేశాడు. ఇప్పటికైనా పంత్‌ ఆట తీరు మారకపోతే.. భారత టీ20 జట్టులో అతడు తిరిగి స్థానం దక్కించుకోవడం కష్టమేనని అభిప్రాయపడ్డాడు.‘‘రిషభ్‌ పంత్‌ విషయంలో విమర్శలు రావడం సరైందే. సంప్రదాయ విరుద్ధ, రిస్కీ షాట్లు ఆడటం అనే చట్రంలో అతడు ఇరుక్కుపోయాడు. ఫామ్‌ను తిరిగి పొందే ప్రయత్నమే చేయడం లేదు. గతేడాది మొత్తం రిస్కీ షాట్లతో విమర్శలు మూటగట్టుకున్నాడు.సెలక్టర్లు అసలు పట్టించుకోవడం లేదుటీ20 ప్రపంచకప్‌-2024లో భారత్‌ చాంపియన్‌గా నిలిచిన తర్వాత టీ20 జట్టుకు అతడు దూరమయ్యాడు. మిడిలార్డర్‌లో వికెట్‌ కీపర్‌ బ్యాటర్‌గా సేవలు అందించే పంత్‌ గురించి ఇప్పుడు సెలక్టర్లు అసలు పట్టించుకోవడం లేదు.ఓపెనర్‌-వికెట్‌ కీపర్‌గా ఓ ఆటగాడు రాణిస్తుంటే (సంజూ), ఓపెనర్‌- వికెట్‌ కీపర్‌ లేదంటే వన్‌డౌన్‌లో ఆడే వికెట్‌ కీపర్‌గా మరొకరు (ఇషాన్‌) దుమ్ములేపుతున్నారు. కాబట్టి ఈసారి ఐపీఎల్‌లో సత్తా చాటితేనైనా తిరిగి జాతీయ జట్టులో పునరాగమనం చేసే అవకాశం అయినా పంత్‌కు దక్కుతుంది. ఏదేమైనా జాతీయ జట్టుకు ఆడటమే ప్లేయర్‌ అంతిమ లక్ష్యం కదా! యువరాజ్‌ సింగ్‌ మార్గదర్శనంలో పంత్‌ ప్రాక్టీస్‌ చేయడం శుభసూచకం. ఈసారైనా పంత్‌ ఉత్తమంగా రాణించాలి. లేదంటే భవిష్యత్‌ కష్టమే’’ అని ఆకాశ్‌ చోప్రా జియోహాట్‌స్టార్‌ షోలో తన అభిప్రాయాలు పంచుకున్నాడు. కాగా మార్చి 28 నుంచి ఐపీఎల్‌-2026 షురూ కానుంది.చదవండి: రూ. 15 వేల కోట్లకు అమ్మకం.. షేన్‌ వార్న్‌ వాటా ఎంతంటే?

ఐపీఎల్‌లో ఆలస్యంగా అడుగు పెట్టిన లక్నో సూపర్‌ జెయింట్స్‌ తొలి రెండు సీజన్లలో ‘ప్లే ఆఫ్స్‌’కు చేరి ఆకట్టుకుంది. అయితే గత రెండు సీజన్లలో జట్టు ఆటతీరు పేలవంగా ఉంది. వరుసగా రెండేళ్లు కూడా టీమ్‌ ఏడో స్థానానికే పరిమితమైంది. 2025లో రికార్డు మొత్తంతో కొత్త కెప్టెన్‌గా వచ్చిన రిషభ్‌ పంత్‌ చివరి మ్యాచ్‌ మినహా టోర్నీ అంతా విఫలం కాగా... ఇతర ఆటగాళ్లు కూడా అదే బాటలో ఉండటం జట్టును దెబ్బ తీసింది. ఐపీఎల్‌లో ఐదో సీజన్‌ ఆడబోతున్న లక్నో ఈసారైనా తమ అత్యుత్తమ ప్రదర్శన నమోదు చేస్తుందో లేదో వేచి చూడాలి. – సాక్షి క్రీడా విభాగం తొలి ఎనిమిది మ్యాచ్‌లలో ఐదు విజయాలు, తర్వాతి ఆరు మ్యాచ్‌లలో ఒకే ఒక్క గెలుపు! గత ఏడాది ఐపీఎల్‌లో లక్నో సూపర్‌ జెయింట్స్‌ పరిస్థితి. టోర్నీని మెరుగ్గా ఆరంభించినా ఆ తర్వాత అంతా గతి తప్పింది. ఈసారి అది పునరావృతం కారాదని జట్టు పట్టుదలగా ఉంది. మ్యాచ్‌ల సమయంలో ఆటగాళ్లను ప్రోత్సహిస్తూ, అవసరం అనుకుంటే ఆగ్రహాన్ని ప్రదర్శిస్తూ కనిపించే టీమ్‌ యాజమాని సంజీవ్‌ గోయెంకా అంచనాలు, ఆశలకు అనుగుణంగా రాణించడంలో మాత్రం టీమ్‌ విఫలమవుతోంది. తొలి సీజన్‌ తర్వాత టీమ్‌ కిట్‌ను పూర్తిగా మార్చిన మేనేజ్‌మెంట్‌ మూడు సీజన్లు దానిని కొనసాగించింది. ఏదైనా నమ్మకాల వల్ల కావచ్చు 2026 సీజన్‌ కోసం కూడా చాలా మార్పులు చేసింది. టీమ్‌ జెర్సీని పూర్తిగా మార్చేయడంతో పాటు లోగోను కూడా కొత్తగా డిజైన్‌ చేయించింది. మైదానంలో ఈ ‘సెంటిమెంట్‌’లు ఎలాంటి ఫలితాలు ఇస్తాయనేది ఆసక్తికరం. పంత్‌పై ఆశలు... టాప్‌–3 విదేశీ ఆటగాళ్లతో లక్నో బ్యాటింగ్‌ బలంగా కనిపిస్తోంది. మిచెల్‌ మార్‌‡్షతో పాటు మార్క్‌రమ్‌ ఓపెనింగ్‌ చేస్తాడు. వీరిద్దరు మంచి ఆరంభాన్ని అందిస్తే పూరన్‌ అదే ధాటిని కొనసాగించగలడు. పంత్‌ మూడో స్థానంలో ఆడటంపై చర్చ జరిగినా... ఈ ముగ్గురు బ్యాటర్లను చూస్తే పంత్‌కు నాలుగో స్థానమే ఖాయంగా కనిపిస్తోంది. పేసర్లతో ఫుల్‌... షమీ, నోర్జే, మయాంక్, అవేశ్, మొహసిన్, అర్జున్‌ టెండూల్కర్, నమన్‌ తివారి, ఆకాశ్‌ సింగ్, ప్రిన్స్, అర్షిన్, మార్‌‡్ష... రెగ్యులర్‌ బౌలర్లు, ఆల్‌రౌండర్లు కలిపి ఏకంగా 11 పేస్‌ బౌలింగ్‌ ప్రత్యామ్నాయాలు లక్నోకు అందుబాటులో ఉన్నాయి. స్పిన్‌ బలహీనం... ఐపీఎల్‌లో చాలా మ్యాచ్‌లలో స్పిన్నర్లు కీలక ప్రభావం చూపించడం ఖాయం. సూపర్‌ జెయింట్స్‌ హోమ్‌ గ్రౌండ్‌ లక్నో కూడా సగటు భారత పిచ్‌ల తరహాలో పేస్‌కంటే కూడా స్పిన్‌కే కొంత అనుకూలిస్తుంది. కానీ ఈ విషయంలో లక్నో బలహీనంగా కనిపిస్తోంది. ప్రధాన స్పిన్నర్‌గా లంక ఆటగాడు హసరంగను జట్టు ఎంచుకుంది. అతనిపైనే ప్రధానంగా భారం ఉంది. లక్నో జట్టు వివరాలు: పంత్‌ (కెప్టెన్‌), మార్క్‌రమ్, మిచెల్‌ మార్‌‡్ష, పూరన్, ఇన్‌గ్లిస్, బ్రీట్‌కే, హసరంగ, నోర్జే, హిమ్మత్, ముకుల్, అక్షత్, సమద్, షహబాజ్, అర్షిన్, బదోని, షమీ, అవేశ్‌ , సిద్ధార్‌్థ, దిగ్వేశ్‌ రాఠీ, ఆకాశ్‌ సింగ్, ప్రిన్స్, అర్జున్‌ టెండూల్కర్, నమన్‌ తివారి, మయాంక్‌ యాదవ్, మొహసిన్‌ ఖాన్‌.

ఐపీఎల్‌ 2025 సీజన్‌ ప్రారంభానికి ముందు జరిగిన మెగా వేలంలో భారత వికెట్‌ కీపర్‌ రిషబ్‌ పంత్‌ను లక్నో సూపర్‌జెయింట్స్‌ రూ.27 కోట్ల రికార్డు ధరకు కొనుగోలు చేసింది. ఐపీఎల్‌ చరిత్రలో ఒక ఆటగాడికి అంత ధర చెల్లించడం అదే తొలిసారి. అంతేకాదు కేఎల్‌ రాహుల్‌ స్థానంలో రిషబ్‌ పంత్‌కు కెప్టెన్సీ బాధ్యతలు కూడా అప్పగించారు. అయితే పంత్‌ మాత్రం గత సీజన్‌లో కెప్టెన్‌గా, బ్యాటర్‌గా పూర్తిగా విఫలమయ్యాడు. పంత్‌ తాను ఆడిన 14 మ్యాచ్‌ల్లో 269 పరుగులు మాత్రమే చేయడమే గాక కెప్టెన్‌గా జట్టును ప్లేఆఫ్స్ చేర్చడంలోనూ విఫలమయ్యాడు. ఈ నేపథ్యంలో గతేడాది డిసెంబర్‌లో జరిగిన మినీ వేలంలో పంత్‌ను జట్టు నుంచి రిలీజ్‌ చేయాలన్న ఆలోచన లక్నో సూపర్‌జెయింట్స్‌కు కలిగినట్లు తాజాగా వార్తలు వెలువడ్డాయి. బ్యాటింగ్‌లో విఫలమైన పంత్‌ అటు కెప్టెన్‌గానూ విఫలం కావడంతో జట్టు నుంచి రిలీజ్‌ చేయాలని లక్నో యాజమాన్యం భావించిందట. ఖండించిన గోయెంకా..అయితే ఒక్క సీజన్‌కే పంత్‌ను తప్పించడం సరికాదని మళ్లీ తమ నిర్ణయాన్ని వెనక్కి తీసుకున్నట్లు తెలుస్తోంది. పంత్‌ను జట్టు నుంచి రిలీజ్‌ చేయాలనుకున్నట్లు వచ్చిన వార్తలను తాజాగా లక్నో సూపర్‌జెయింట్స్‌ ఫ్రాంచైజీ యజమాని సంజీవ్‌ గోయెంకా ఖండించారు. పంత్‌ నిరాశజనక ప్రదర్శన చేసినప్పటికీ అతన్ని జట్టు నుంచి తొలగించాలని ఎన్నడూ అనుకోలేదని తెలిపారు. ‘నిజానికి గత సీజన్‌లో పంత్‌ కెప్టెన్‌ాా బాగానే చేశాడు. కానీ జట్టుకు కీలకమైన నలుగులు బౌలర్ల సేవలు కోల్పోతే అతడు మాత్రం ఏమి చేయగలడు. దీంతో పంత్‌ తన జట్టులో ఉన్న పరిమిత వనరులను ఉపయోగించుకొనే జట్టును సమర్థంగా నడిపించాడు. రిషబ్ పేలవ ప్రదర్శనతో జట్టు నుంచి తొలగిస్తారని ఊహాగానాలు కూడా వచ్చాయి. కానీ ఆ వార్తలు చూసి నేను చాలాసేపు నవ్వుకున్నా. సోషల్ మీడియా కేవలం తమ వ్యూస్‌ను పెంచుకోవడం కోసమే ఇలాంటి కల్పిత వార్తలను సృష్టించే పనిలో పడ్డాయి. పంత్ చాలా అద్భుతమైన ఆటగాడు. ప్రతీ విషయంలో సూటిగా స్పష్టంగా ఉంటాడు. ఫ్రాంచైజీ కోసం నూటికి నూరుశాతం కష్టపడతాడు. బ్యాటర్‌గా విఫలమైనా కెప్టెన్సీకి వంద శాతం న్యాయం చేశాడు. ఒక ఆటగాడి నుంచి అంతకంటే ఎక్కువగా ఆశించలేము. ’ అని చెప్పుకొచ్చారు. ఇక పంత్ ఐపీఎల్‌లో 125 మ్యాచ్‌లాడి 3,553 పరుగులు సాధించాడు.రాహుల్‌తో విభేదాలు..2022లో ఐపీఎల్‌లో గుజరాత్ ఐటాన్స్‌తో కలిసి అరంగేట్రం చేసిన లక్నో సూపర్‌జెయింట్స్ తొలి రెండు సీజన్లలో ప్లేఆఫ్స్ చేరుకుంది. కేఎల్ రాహుల్ కూడా జట్టును సమర్థంగా నడిపించాడు. అయితే 2024 సీజన్‌లో కేఎల్ రాహుల్‌, ఫ్రాంచైజీ యజమాని సంజీవ్ గోయెంకాల మధ్య విభేదాలు బయటపడ్డాయి. దీనికి తోడు ఆ సీజన్‌లో లక్నో లీగ్ దశకే పరిమితమైంది. దీంతో కేఎల్ రాహుల్‌ను జట్టు నుంచి రిలీజ్ చేయడంతో పాటు కొత్త ఆటగాళ్లను తీసుకున్నారు. ఈ సీజన్‌లో లక్నో సూపర్ జెయింట్స్ తమ తొలి మ్యాచ్‌ను ఏప్రిల్ 1న ఢిల్లీ క్యాపిటల్స్‌తో ఆడనుంది.చదవండి: అభిమానుల కన్నీటి పర్యంతం

ఐపీఎల్‌ 2022 సీజన్‌లో గుజరాత్‌ టైటాన్స్‌, లక్నో సూపర్‌జెయింట్స్‌ కొత్తగా ప్రవేశించాయి. తమ తొలి సీజన్‌లోనూ గుజరాత్‌ టైటాన్స్‌ చాంపియన్‌గా నిలిచి ఔరా అనిపిస్తే.. లక్నో ప్లేఆఫ్స్‌కు చేరి ఆకట్టుకుంది. 2023 సీజన్‌లోనూ లక్నో జట్టు మరోసారి ప్లేఆఫ్స్‌కు చేరినప్పటికీ తుదిపోరుకు అర్హత సాధించడంలో విఫలమైంది. 2024 సీజన్‌లో లీగ్‌ దశకే పరిమితమైన లక్నో 2025లో కెప్టెన్‌ను మార్చినప్పటికీ ఫలితం లేకపోయింది. దీంతో గత సీజన్‌లోనూ పంత్‌ కెప్టెన్సీలోని లక్నో సూపర్‌జెయింట్స్‌ జట్టు లీగ్‌ దశలోనే వెనుదిరిగింది. అయితే ఈ సీజన్‌లో మాత్రం గత అనుభవాలను తిరగరాస్తూ సమష్టి ప్రదర్శనతో సత్తా చాటాలని పంత్‌ సేన పట్టుదలతో ఉంది. అదొక్కటే ఊరట!మిగతా జట్లతో పోలిస్తే ప్లేయర్ల గాయాల బాధ లేకపోవడం ఒకింత ఊరటనిచ్చే అంశమని చెప్పొచ్చు. షమీ, నోర్ట్జే, మోసిన్‌‌ ఖాన్‌, ఆవేశ్‌ఖాన్‌, మయాంక్‌ యాదవ్‌ లాంటి పేసర్లు ప్రత్యర్థి వెన్నులో వణుకు పుట్టించగలరు. మరో వారం రోజుల్లో ఐపీఎల్‌ 19వ సీజన్‌ ఆరంభం కానున్న నేపథ్యంలో లక్నో బలాలు, బలహీనతలపై ఒక లుక్కేద్దాం.లక్నో జట్టులో హార్డ్‌హిట్టర్లకు కొదువలేదు. పొట్టి ఫార్మాట్‌లో తమ దూకుడైన బ్యాటింగ్‌తో మ్యాచ్‌ ఫలితాన్ని ఒంటిచేత్తో మార్చే శక్తి ఉన్న ప్లేయర్లు లక్నో సొంతం. ఇప్పటికే అంతర్జాతీయ క్రికెట్‌పై తమదైన ఆటతీరుతో ముద్రవేసిన మార్కరమ్‌, జోష్‌ ఇంగ్లిస్‌, నికోలస్‌ పూరన్‌, మిచెల్‌ మార్ష్‌ లక్నోకు కొండంత బలం. వీరిలో ఏ ఒక్కరు నిలదొక్కుకున్న మ్యాచ్‌ ఫలితం మారినట్లే.విదేశీ ప్లేయర్లే బలం..ఇటీవలి టీ20 ప్రపంచకప్‌లో అదరగొట్టిన మార్కరమ్‌.. మిచెల్‌ మార్ష్‌తో కలిసి ఇన్నింగ్స్‌ మొదలుపెట్టే అవకాశముంది. మరోవైపు గత రెండు సీజన్లలో 499, 524 పరుగులతో జట్టు బ్యాటింగ్‌కు వెన్నెముకగా నిలిచిన నికోలస్‌ పూరన్‌ లక్నోకు అదనపు ఆకర్షణ. అవసరమైతే కీపర్‌గా సేవలందించేందుకు సిద్ధంగా ఉండే పూరన్‌..మిడిలార్డర్‌తో పాటు ఆఖర్లో మెరుపులు మెరిపించడంలో దిట్ట. ఇక​ కెప్టెన్‌ పంత్‌ ఫామ్‌ కొంత ఆందోళన కల్గిస్తున్నది. గత సీజన్‌లో ఘోరంగా విఫలమైన పంత్‌ ఈసారైనా మెరుపులు మెరిపిస్తాడని ఫ్రాంచైజీ భారీ ఆశలు పెట్టుకుంది. ఈసారి ఇంగ్లిస్‌, నోర్ట్జే, హసరంగ వంటి ప్లేయర్లను వేలంలో తీసుకున్న లక్నో..వెటరన్‌ పేసర్‌ మహమ్మద్‌ షమీ, అర్జున్‌ టెండూల్కర్‌లను ట్రేడ్‌ ద్వారా ఎంపిక చేసుకుంది. అయితే 2023 వన్డే ప్రపంచకప్‌ తర్వాత జట్టులో చోటు కోల్పోయిన షమీ దేశవాళీ సీజన్‌లో దుమ్మురేపాడు.షమీ కథేంటి?తన సూపర్‌ స్వింగ్‌తో అటు సయ్యద్‌ ముస్తాక్‌ అలీ టీ20 టోర్నీతో పాటు రంజీల్లోనూ అదరగొట్టాడు 2027 వన్డే ప్రపంచకప్‌ కోసం ఇస్పటి నుంచే ప్లేయర్ల ఎంపికపై దృష్టి పెట్టిన బీసీసీఐ..షమీని పరిగణనలోకి తీసుకుంటుందా అన్నది చూడాలి. జట్టులో కొంత మందికి గాయాల బెడద తోడు ఫిట్‌నెస్‌ సమస్యలు జట్టుకు ప్రతికూలంగా మారనున్నాయి. మిస్టరీ స్పిన్నర్‌ హసరంగకు శ్రీలంక క్రికెట్‌ బోర్డు నుంచి ఎన్‌వోసీ మంజూరు కాలేదు. మరోవైపు దక్షిణాఫ్రికా స్పీడ్‌స్టర్‌ నోకియా తరుచూ గాయాల పాలు అవుతుండటం జట్టుకు ఆందోళన కల్గిస్తున్నది. బౌలింగ్‌ పరంగా పేపర్‌ మీద బలంగా కనిపిస్తున్న లక్నోకు ఫిట్‌నెస్‌ పెద్ద సమస్యగా మారింది. షమీ, ఆవేశ్‌ఖాన్‌, మయాంక్‌ యాదవ్‌ పూర్తి సీజన్‌ జట్టుకు అందుబాటులో ఉంటారా అన్నది అనుమానమే. ఇక ఐపీఎల్‌ 2026 సీజన్‌లో లక్నో సూపర్‌జెయింట్స్‌ తమ తొలి మ్యాచ్‌ను ఏప్రిల్‌ 1న ఢిల్లీ క్యాపిటల్స్‌తో ఆడనుంది.చదవండి: బెదిరింపులకు లొంగని 11 ఏళ్ల చిన్నది!

ఐపీఎల్‌ 2026 సీజన్‌కు మరో వారం రోజులు మాత్రమే మిగిలిఉంది. దీంతో ఆయా జట్ల ఆటగాళ్లు ప్రాక్టీస్‌లో చెమటోడుస్తున్నారు. రిషబ్‌ పంత్‌ సారథ్యంలోని లక్నో సూపర్‌ జెయింట్స్‌ ఈ సీజన్‌లో సరికొత్త జెర్సీతో బరిలోకి దిగనుంది. ఈ నేపథ్యంలో టోర్నీ సన్నద్ధతకు ముందు అయోధ్యలోని రామజన్మ భూమిని దర్శించుకుంది. శనివారం కెప్టెన్ రిషభ్ పంత్, ఫ్రాంచైజీ యజమాని సంజీవ్ గొయెంకా సహా క్రికెటర్లు అయోధ్య బాలరాముడి దీవెనలు అందుకున్నారు. ఐపీఎల్‌ 19వ సీజన్‌ ఘనంగా ఆరంభించాలని రాముడిని కోరుకుంటున్నట్లు లక్నో ఫ్రాంచైజీ తెలిపింది.ఈ సందర్భంగా శనివారం తమ టీమ్ అయోధ్య రాముడిని దర్శించుకున్న ఫోటోలను లక్నో సూపర్‌ జెయింట్స్‌ ఫ్రాంచైజీ సోషల్ మీడియాలో పంచుకుంది.‘రాముడికి ప్రార్ధనలు చేయడం కొత్తమే కాదు. ఐపీఎల్ కొత్త సీజన్ ప్రారంభం కాబోతున్న వేళ.. మా జట్టు ఆటగాళ్లందరు ఆలయంలో పూజలు నిర్వహించారు. ఆ రాముడి ఆశీర్వాదం ఉంటే అన్నీ అనుకూలంగా జరుగుతాయి’ అని సంజీవ్ గొయెంకా ఏఎన్‌ఐతో తెలిపాడు.ఐపీఎల్‌లో మూడుసార్లు ఫ్లే ఆఫ్స్‌ వరకూ పరిమితమైన లక్నో సూపర్ జెయింట్స్ గత సీజన్‌లో తీవ్రంగా నిరాశపరిచింది. రిషభ్ పంత్ కెప్టెన్సీలో ఆరే విజయాలతో నాకౌట్‌కు ముందే నిష్క్రమించింది. అయితే.. ఈసారి కొత్త జెర్సీతో ఆడనున్న లక్నో మైదానంలో చెలరేగిపోవాలనుకుంటోంది. ఢిల్లీ క్యాపిటల్స్‌తో ఏప్రిల్ 11న మ్యాచ్‌తో లక్నో టోర్నీలో అడుగు పెట్టనుంది.

ప్రపంచవ్యాప్తంగా కోట్లాది మంది అభిమానులను సంపాదించుకున్నాడు టీమిండియా దిగ్గజ క్రికెటర్ సచిన్‌ టెండుల్కర్‌. అంతర్జాతీయ క్రికెట్‌లో ‘న భూతో న భవిష్యతి’ అన్నట్లుగా ఏకంగా వంద సెంచరీలు సాధించిన ఏకైక బ్యాటర్‌గా చరిత్రకెక్కాడు. ఇలాంటి ఇంకెన్నో చిరస్మరణీయ రికార్డులను తన ఖాతాలో వేసుకున్నాడు ఈ లెజెండరీ బ్యాటర్‌.ఇప్పటికీ గుర్తింపు అంతంతమాత్రమేఇక సచిన్‌ తనయుడు అర్జున్‌ టెండుల్కర్‌ కూడా తండ్రి బాటలో ‍క్రికెట్‌ను కెరీర్‌గా ఎంచుకున్నాడు. కానీ ఇప్పటికీ తగినంత గుర్తింపు తెచ్చుకోలేకపోయాడీ 26 ఏళ్ల ఆల్‌రౌండర్‌. దేశీ క్రికెట్‌లో తొలుత ముంబైకి ఆడిన అర్జున్‌.. తర్వాత గోవాకు మారిపోయి అక్కడ అదృష్టం పరీక్షించుకుంటున్నాడు.ఇక ఐపీఎల్‌లో తండ్రి సచిన్‌ మెంటార్‌గా ఉన్న ముంబై ఇండియన్స్‌ (MI) తరఫున 2023లో అరంగేట్రం చేశాడు అర్జున్‌. ఇప్పటికి మొత్తంగా ఐదు మ్యాచ్‌లు ఆడి మూడు వికెట్లు తీయడంతో పాటు 13 పరుగులు చేశాడు. అయితే, ఐపీఎల్‌-2026 మినీ వేలానికి ముందు అర్జున్‌ను వదిలేసిన ముంబై.. లక్నో సూపర్‌ జెయింట్స్‌ (LSG)కు అతడిని ట్రేడ్‌ చేసింది.ఈసారి లక్నో తరఫున అయినా అవకాశాలు అందిపుచ్చుకోవాలని అర్జున్‌ నెట్స్‌లో తీవ్రంగా శ్రమిస్తున్నాడు. ఈ క్రమంలో లక్నో కెప్టెన్‌ రిషభ్‌ పంత్‌తో అర్జున్‌ సంభాషించిన వీడియో నెట్టింట వైరల్‌గా మారింది. ఇందులో పంత్‌.. అర్జున్‌ టెండుల్కర్‌ బ్యాట్‌ బరువు గురించి అడుగగా..మా నాన్నలా కాదులే!.. ‘‘1220 గ్రాముల బరువు ఉండవచ్చు. ఇంతకంటే తక్కువ బరువున్న బ్యాట్‌తో నేను ఆడలేను. మా నాన్న అయితే 1301-1315 గ్రాముల బరువున్న బ్యాట్‌ వాడేవారు. నేను అలా కాకుండా 1220 గ్రాముల బరువు ఉన్నది వాడతాను. బ్యాట్‌ ఎలా ఉన్నా బంతిని బాదడమే అంతిమ లక్ష్యం’’ అని అర్జున్‌ సమాధానం ఇచ్చాడు.పెళ్లైన మరుసటి రోజే వచ్చేశావా?ఇక ఆట పట్ల అర్జున్‌ టెండుల్కర్‌ అంకిత భావం గురించి రిషభ్‌ పంత్‌ ప్రస్తావిస్తూ.. ‘‘యువరాజ్‌ సింగ్‌ పాజీతో కలిసి నువ్వు ప్రాక్టీస్‌ చేస్తున్నావు కదా! పెళ్లైన మరుసటి రోజే నెట్స్‌కి వచ్చేశావు. క్రికెట్‌ పట్ల నువ్వు అత్యంత ఆసక్తిగా, ఉత్సుకతతో ఉన్నావు సోదరా!’’ అని పేర్కొన్నాడు.కాగా మార్చి 5న సానియా చందోక్‌తో.. అర్జున్‌ టెండుల్కర్‌ వివాహం జరిగిన విషయం తెలిసిందే. ఇదిలా ఉంటే.. మార్చి 28 నుంచి ఐపీఎల్‌-2026 ఆరంభం కానుంది. లక్నో తమ తొలి మ్యాచ్‌లో ఏప్రిల్‌ 1న ఢిల్లీ క్యాపిటల్స్‌తో తలపడనుంది.చదవండి: T20 WC 2026: బీసీసీఐకి అగార్కర్‌ రిక్వెస్ట్‌!Already loving this new Rishabh-Arjun bond 🥹❤️💙 pic.twitter.com/pa79YqebbU— Lucknow Super Giants (@LucknowIPL) March 18, 2026

ఐపీఎల్‌ 2026 ప్రారంభానికి ముందు లక్నో సూపర్‌ జెయింట్స్‌ సంచలన నిర్ణయం తీసుకుంది. ఫీల్డింగ్‌ కోచ్‌గా జాంటీ రోడ్స్‌ స్థానంలో ఉగాండా మాజీ హెడ్ కోచ్ అభయ్ శర్మను నియమించుకుంది. రోడ్స్‌ స్వచ్ఛందంగా పదవి నుంచి తప్పుకున్నట్లు తెలుస్తుంది. ఫీల్డింగ్‌ పరంగా లక్నో ప్రదర్శన గత సీజన్‌లో దారుణంగా ఉండింది. దాదాపు ప్రతి మ్యాచ్‌లో ఆ జట్టు ఆటగాళ్లు క్యాచ్‌లు, రనౌట్లు మిస్‌ చేశారు. మిస్‌ ఫీల్డింగ్‌ కారణంగా చాలా పరుగులు అదనంగా వచ్చాయి. ఈ ఫీల్డింగ్‌ తప్పిదాలే పలు మ్యాచ్‌ల్లో లక్నో కొంపముంచాయి. ఈ కారణంగానే లక్నో మేనేజ్‌మెంట్‌ దిగ్గజమైనా జాంటీ రోడ్స్‌ను తప్పించింది.గత సీజన్‌లో రిషబ్‌ పంత్‌ సారథ్యంలో లక్నో టీమ్‌ కేవలం 6 విజయాలు మాత్రమే సాధించి, ఏడో స్థానంలో నిలిచింది. ప్లేఆఫ్స్‌కి చేరలేకపోవడంతో యాజమాన్యం పెద్ద ఎత్తున మార్పులు చేపట్టింది. జట్టు లోగో, జెర్సీ డిజైన్ కూడా కొత్తగా రూపొందించింది.కోచింగ్‌ అనుభవం అభయ్ శర్మ ఉగాండా జట్టును 2024లో తొలిసారి టీ20 వరల్డ్ కప్‌కు అర్హత సాధించేలా చేశాడు. ఇప్పుడతను తన అంతర్జాతీయ అనుభవాన్ని LSGకి తీసుకువస్తున్నాడు. అభయ్‌.. 2018లో భారత అండర్-19 జట్టుతో కలిసి పనిచేసి, శుభ్‌మన్ గిల్, పృథ్వీ షా, అర్షదీప్ సింగ్ వంటి నేటి తారలను తీర్చిదిద్దాడువికెట్‌కీపర్‌ అయిన అభయ్‌.. తన అనుభవంతో రిషభ్ పంత్, ధ్రువ్ జురెల్, యశస్వి జైస్వాల్, సర్ఫరాజ్ ఖాన్ వంటి ఆటగాళ్లకు మార్గనిర్దేశం చేశారు. అదనంగా, భారత మహిళా జట్టుకి కూడా కోచ్‌గా సేవలందించారు.ఆటగాడిగా..అభయ్‌ కోచింగ్‌కు ముందు భారత దేశవాలీ క్రికెట్‌లో సత్తా చాటాడు. ఢిల్లీ, రైల్వేస్‌ జట్ల తరఫున 129 మ్యాచ్‌లు ఆడారు. ఫస్ట్-క్లాస్ క్రికెట్‌లో 89 మ్యాచ్‌లు ఆడి 4105 పరుగులు చేశాడు. ఇందులో 9 శతకాలు, 29 అర్ధశతకాలు ఉన్నాయి. లిస్ట్-A క్రికెట్లో 40 మ్యాచ్‌లు ఆడి 780 పరుగులు చేశాడు. ఇందులో ఓ అర్ధశతకం ఉంది. వికెట్‌కీపింగ్ రికార్డు: మొత్తం 210 డిస్మిసల్స్ (165 క్యాచ్‌లు, 45 స్టంపింగ్స్).

ముంబై: గాయం నుంచి కోలుకుంటున్న భారత డాషింగ్‌ వికెట్‌ కీపర్‌ రిషభ్‌ పంత్‌ త్వరలోనే మైదానంలోకి దిగుతానని ధీమా వ్యక్తం చేశాడు. రోజు రోజుకి తన ఫిట్‌నెస్‌ మెరుగవుతోందని అన్నాడు. ప్రపంచ పికిల్‌బాల్‌ లీగ్‌ కార్యక్రమంలో ముంబై పికిల్‌ పవర్‌ సహ యజమాని హోదాలో పాల్గొన్న పంత్‌ తను బెంగళూరులోని బీసీసీఐ సెంటర్‌ ఆఫ్‌ ఎక్సలెన్సీలో తిరిగి క్రికెట్‌ ఆడేందుకు చెమటోడ్చుతున్నట్లు చెప్పాడు. ‘నా ఫిట్‌నెస్‌ క్రమంగా మెరుగవుతోంది. త్వరలోనే క్రికెట్‌ మైదానంలోకి దిగుతాను’ అని 27 ఏళ్ల పంత్‌ ఆశాభావం వ్యక్తం చేశడు. గత నెల వడోదరలో ప్రాక్టీస్‌ సెషన్‌లో అతను గాయపడ్డాడు. క్రికెట్‌పై తనకున్న ప్రేమే ఎన్ని గాయాలైనా... కష్టనష్టాలెదురైనా కోలుకునే స్థైర్యాన్నిస్తుందని ఈ స్టార్‌ వికెట్‌ కీపర్‌ చెప్పుకొచ్చాడు. ‘ప్రతి గాయం, పునరాగమనం నాకో పాఠం నేర్పింది’ అని పంత్‌ తెలిపాడు.

న్యూజిలాండ్‌తో వన్డే సిరీస్‌ నేపథ్యంలో టీమిండియాకు మరో భారీ షాక్‌ తగిలింది. ఇప్పటికే రిషభ్‌ పంత్‌ గాయం కారణంగా జట్టుకు దూరమైన విషయం తెలిసిందే. తాజాగా మరో ఆటగాడు సైతం గాయపడ్డాడు.వడోదర వేదికగా తొలి వన్డే సందర్భంగా ఆల్‌రౌండర్‌ వాషింగ్టన్‌ సుందర్‌ (Washington Sundar)కు గాయమైంది. పక్కటెముకల్లో నొప్పితో అతడు విలవిల్లాడాడు. ఈ క్రమంలో అతడిని స్కానింగ్‌కు పంపించారు. ప్రస్తుతం భారత క్రికెట్‌ నియంత్రణ మండలి (BCCI) వైద్య బృందం పర్యవేక్షణలో ఉన్న వాషీ.. తదుపరి రిపోర్టు వచ్చే వరకు వేచి చూడాల్సి ఉంది.ఊహించని ఆటగాడుఈ నేపథ్యంలో వాషింగ్టన్‌ సుందర్‌ మిగిలిన రెండు వన్డేలకు దూరమయ్యాడు. మెన్స్‌ సెలక్షన్‌ కమిటీ వాషీ స్థానంలో యువ ఆటగాడు ఆయుశ్‌ బదోని (Ayush Badoni)ని జట్టుకు ఎంపిక చేసింది. రాజ్‌కోట్‌లో రెండో వన్డే కోసం బదోని టీమిండియాతో చేరతాడు. ఈ మేరకు బీసీసీఐ సోమవారం అధికారిక ప్రకటన విడుదల చేసింది. కాగా బదోని జాతీయ జట్టుకు ఎంపిక కావడం ఇదే తొలిసారి. ఢిల్లీకి చెందిన ఆయుశ్‌ బదోని బ్యాటింగ్‌ ఆల్‌రౌండర్‌. కుడిచేతి వాటం బ్యాటర్‌ అయిన బదోని.. రైటార్మ్‌ ఆఫ్‌బ్రేక్‌ స్పిన్నర్‌ కూడా!.. ఐపీఎల్‌లో లక్నో సూపర్‌ జెయింట్స్‌కు ప్రాతినిథ్యం వహిస్తున్న 26 ఏళ్ల బదోని.. ఇప్పటికి 56 మ్యాచ్‌లలో కలిపి 963 పరుగులు చేశాడు.ఫామ్‌లో లేడుఇక లిస్ట్‌-ఎ క్రికెట్‌లో 27 మ్యాచ్‌లు పూర్తి చేసుకున్న ఆయుశ్‌ బదోని ఖాతాలో 693 పరుగులు ఉన్నాయి. ఇందులో ఓ శతకం, ఐదు హాఫ్‌ సెంచరీలు ఉన్నాయి. అయితే, ఇటీవల దేశీ వన్డే టోర్నీ విజయ్‌ హజారే ట్రోఫీ 2025-26లో మాత్రం గత మూడు మ్యాచ్‌ల (1, 12, 3 నాటౌట్‌)లో బదోని తీవ్రంగా నిరాశపరిచాడు. అయినప్పటికీ స్పిన్‌ బౌలింగ్‌ ఆల్‌రౌండర్‌ వాషీ దూరం కావడంతో అతడి స్థానంలో తొలిసారి టీమిండియాలోకి వచ్చాడు. కాగా న్యూజిలాండ్‌తో మూడు వన్డేల సిరీస్‌లో భాగంగా ఆదివారం నాటి మ్యాచ్‌లో భారత్‌ నాలుగు వికెట్ల తేడాతో గెలుపొందింది. ఇరుజట్ల మధ్య బుధవారం నాటి రెండో వన్డేకు రాజ్‌కోట్‌ వేదిక. ఇదిలా ఉంటే పంత్‌ స్థానంలోధ్రువ్‌ జురెల్‌ జట్టులో చేరిన విషయం తెలిసిందే.న్యూజిలాండ్‌తో రెండు, మూడో వన్డేకు భారత జట్టు (అప్‌డేటెడ్‌)శుబ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లి, కేఎల్ రాహుల్ (వికెట్‌ కీపర్‌), శ్రేయస్‌ అయ్యర్ (వైస్‌ కెప్టెన్‌), రవీంద్ర జడేజా, మొహమ్మద్ సిరాజ్, హర్షిత్ రాణా, ప్రసిద్ధ్ కృష్ణ, కుల్దీప్ యాదవ్, నితీశ్‌ కుమార్ రెడ్డి, అర్ష్‌దీప్ సింగ్, యశస్వి జైస్వాల్, ధృవ్ జురెల్ (వికెట్‌ కీపర్‌), ఆయుశ్‌ బదోని.చదవండి: ఈ అవార్డులన్నీ ఆమెకే.. అమ్మకు ఇష్టం: విరాట్‌ కోహ్లి

అనుకున్నదే జరిగింది. న్యూజిలాండ్‌ వన్డే సిరీస్‌ నుంచి టీమిండియా వికెట్‌కీపింగ్‌ బ్యాటర్‌ రిషబ్‌ పంత్‌ వైదొలిగాడు. శనివారం (జనవరి 10) మధ్యాహ్నం వడోదరలోని BCA స్టేడియంలో నెట్స్‌లో బ్యాటింగ్ చేస్తున్న సమయంలో పంత్‌కు కుడి పక్క భాగంలో తీవ్రమైన నొప్పి వచ్చింది. హుటాహుటిన ఆసుపత్రికి తరలించి ఎంఆర్‌ఐ స్కాన్ తీయించగా.. Oblique Muscle Tear అని తేలింది. దీంతో రంగంలోకి దిగిన BCCI మెడికల్ టీమ్, డాక్టర్లతో చర్చించి పంత్‌ను న్యూజిలాండ్‌ వన్డే సిరీస్ నుంచి తప్పిస్తున్నట్లు అధికారికంగా ప్రకటించింది. 🚨 PRESS RELEASE FROM BCCI ON RISHABH PANT 🚨 pic.twitter.com/z3l3jPKFCi— Johns. (@CricCrazyJohns) January 11, 2026ఈ మేరకు బోర్డు మీడియా అడ్వైజరీ కమిటీ ఓ లేఖను విడుదల చేసింది. పంత్‌ స్థానాన్ని ధృవ్‌ జురెల్‌తో భర్తీ చేస్తున్నట్లు అదే లేఖలో పేర్కొంది. జురెల్‌ ఇప్పటికే జట్టుతో కలిశాడు. కాగా, న్యూజిలాండ్‌ సిరీస్‌కు రిషబ్‌ పంత్ కేఎల్ రాహుల్‌కు బ్యాక‌ప్‌గా ఎంపికయ్యాడు. ఇటీవలికాలంలో పంత్‌ టెస్ట్‌లకు మాత్రమే పరిమితమయ్యాడు. వన్డేల్లో అడపాదడపా అవకాశాలు మాత్రమే వస్తున్నాయి. వన్డేల్లో కేఎల్‌ రాహుల్‌ టీమిండియాకు ఫస్ట్‌ ఛాయిస్‌ వికెట్‌కీపర్‌గా ఉన్నాడు. తాజాగా పంత్‌ గాయపడిన తర్వాత ప్రత్యామ్నాయ ఆటగాడిగా ఇషాన్‌ కిషన్‌ను ఎంపిక చేశారని ప్రచారం జరిగింది. అయితే ఎవరూ ఊహించని విధంగా జురెల్‌ ఎంపికయ్యాడు. న్యూజిలాండ్‌తో తొలి వన్డే వడోదర వేదికగా ఇవాళ (జనవరి 11) మధ్యాహ్నం 1:30 గంటలకు ప్రారంభమవుతుంది.అప్‌ డేటెడ్‌ భారత జట్టు.. శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లీ, కేఎల్ రాహుల్ (వికెట్ కీపర్), శ్రేయస్ అయ్యర్ (వైస్ కెప్టెన్), వాషింగ్టన్ సుందర్, రవీంద్ర జడేజా, మహ్మద్ సిరాజ్, హర్షిత్ రాణా, ప్రసిద్ధ్ కృష్ణ, కుల్దీప్ యాదవ్, నితీష్ కుమార్ రెడ్డి, అర్షదీప్ సింగ్, యశస్వి జైస్వాల్, ధృవ్ జురెల్ (వికెట్ కీపర్)

ఫ్రాంఛైజీ క్రికెట్‌లో ఇండియన్‌ ప్రీమియర్‌ లీగ్‌ (ఐపీఎల్‌)కు ఉన్న ఆదరణే వేరు. ప్రపంచంలోనే అత్యంత ఖరీదైన లీగ్‌గా పేరొందిన ఐపీఎల్‌లో ఒక్కసారైనా ఆడాలని ప్రతి ఒక్క క్రికెటర్‌ ఆశపడతాడనడంలో సందేహం లేదు. భారత క్రికెట్‌ నియంత్రణ మండలి (BCCI) మరింత సంపన్నం కావడానికి ఐపీఎల్‌ ప్రధాన కారణం.ఐపీఎల్‌ కంటే తమదే గొప్ప లీగ్‌ అంటూ..మరోవైపు.. దాయాది దేశం కూడా పాకిస్తాన్‌ సూపర్‌ లీగ్‌ (PSL) పేరిట టీ20 లీగ్‌ నిర్వహిస్తోంది. అయితే, కొంతమంది పాక్‌ మాజీ ఆటగాళ్లు ఐపీఎల్‌తో పీఎస్‌ఎల్‌ను ముడిపెట్టి అభాసుపాలయ్యారు. ఐపీఎల్‌ కంటే తమదే గొప్ప లీగ్‌ అని హెచ్చులకు పోయి ట్రోలింగ్‌ బారిన పడ్డారు. ఈ నేపథ్యంలో ఐపీఎల్‌, అందులో భాగమైన ఆటగాళ్ల స్థాయి ఏమిటో చాటేలా తాజా పీఎస్‌ఎల్‌కు సంబంధించిన మరో అంశం తెరమీదకు వచ్చింది.హైదరాబాద్‌ ఫ్రాంఛైజీ@రూ. 55.57 కోట్లుపాక్‌ సూపర్‌ లీగ్‌లో ఇప్పటి వరకు ఆరుజట్లు పాల్గొంటుండగా.. గురువారం రెండు కొత్త జట్లకు బిడ్లు ఖరారయ్యాయి. సియాల్‌కోట్‌ ఫ్రాంఛైజీని ఓజీ డెవలపర్స్‌ 6.5 మిలియన్‌ డాలర్లు (భారత కరెన్సీలో దాదాపు 58.38 కోట్లు) సొంతం చేసుకోగా.. అమెరికాకు చెందిన ఎఫ్‌కేఎస్‌ గ్రూపు హైదరాబాద్‌ (పాక్‌) జట్టు కోసం 6.2 మిలియన్‌ డాలర్లు (సుమారుగా రూ. 55.57 కోట్లు) వెచ్చించింది.ఐపీఎల్‌లో ఒక ఫ్రాంఛైజీ విలువ రూ. వేల కోట్లలో ఉంటుందన్న విషయం తెలిసిందే. అలాంటిది పీఎస్‌ఎల్‌లో మాత్రం కనీసం వంద కోట్లు కూడా దాటలేదు. ముఖ్యంగా హైదరాబాద్‌ ఫ్రాంఛైజీ విలువ.. లక్నో సూపర్‌ జెయింట్స్‌ కెప్టెన్‌ రిషభ్‌ పంత్‌, పంజాబ్‌ కింగ్స్‌ సారథి శ్రేయస్‌ అయ్యర్‌ల జీతం మొత్తానికి దాదాపుగా సమానంగా ఉండటం గమనార్హం.పంత్‌, అయ్యర్‌ జీతం కలిపితే..ఐపీఎల్‌-2025 మెగా వేలంలో లక్నో పంత్‌ను రూ. 27 కోట్లకు కొనుగోలు చేయగా.. శ్రేయస్‌ అయ్యర్‌ను పంజాబ్‌ రూ. 26.75 కోట్లకు కొనుక్కున్న విషయం తెలిసిందే. వీరిద్దరి సాలరీ కలిపితే పీఎస్‌ఎల్‌లో హైదరాబాద్‌ ఫ్రాంఛైజీ విలువకు సమానం అన్నమాట. ఈ గణాంకాలను షేర్‌ చేస్తూ.. ‘‘ఇదీ మీ స్థాయి’’ ఐపీఎల్‌తో పీఎస్‌ఎల్‌ను పోల్చే పాక్‌ మాజీ ఆటగాళ్లకు టీమిండియా అభిమానులు కౌంటర్లు ఇస్తున్నారు. కాగా ఈసారి కూడా ఐపీఎల్‌కు పోటీగా మార్చి 26 నుంచే పీఎస్‌ఎల్‌ మొదలుకానుంది. గతంలోనూ ఇలాగే పోటీకి వచ్చి రేటింగ్‌లేక వెలవెలబోయింది.చదవండి: సరికొత్త ‘తలనొప్పి’గా సర్ఫరాజ్‌ ఖాన్‌.. సెలక్టర్లకు సవాల్‌

భారత యువ క్రికెటర్‌ వైభవ్‌ సూర్యవంశీ మరోసారి అదరగొట్టాడు. సౌతాఫ్రికాతో రెండో యూత్‌ వన్డేలో విధ్వంసకర ఇన్నింగ్స్‌తో మెరిశాడు. బెనోనీ వేదికగా ఆతిథ్య జట్టు బౌలర్లను ఓ ఆట ఆడుకున్న పద్నాలుగేళ్ల ఈ చిచ్చరపిడుగు.. మెరుపు అర్ధ శతకంతో సత్తా చాటాడు.మరో ‘ఫాస్టెస్ట్‌’ రికార్డుకేవలం పందొమ్మిది బంతుల్లోనే యాభై పరుగుల మార్కు అందుకున్న వైభవ్‌ సూర్యవంశీ (Vaibhav Suryavanshi).. యూత్‌ వన్డేల్లో ఫాస్టెస్ట్‌ ఫిఫ్టీ సాధించిన మూడో ఆటగాడిగా.. అఫ్గనిస్తాన్‌ స్టార్‌ ఒమర్జాయ్‌ సరసన నిలిచాడు. సౌతాఫ్రికాకు చెందిన స్టీవ్‌ స్టాల్క్‌ (13 బంతుల్లో 2016లో), టీమిండియా ప్రస్తుత స్టార్‌ రిషభ్‌ పంత్‌ (Rishabh Pant- 18 బంతుల్లో 2018లో) ఈ ఇద్దరి కంటే ముందు వరుసలో ఉన్నారు. ఇదిలా ఉంటే.. యూత్‌ వన్డేల్లో ఫాస్టెస్ట్‌ సెంచరీ రికార్డును వైభవ్‌ తన పేరిట లిఖించుకున్న విషయం తెలిసిందే. ఇంగ్లండ్‌ గడ్డ మీద గతేడాది 52 బంతుల్లోనే ఈ లెఫ్టాండర్‌ బ్యాటర్‌ శతక్కొట్టాడు. పది సిక్సర్లు ఇక సౌతాఫ్రికాతో రెండో మ్యాచ్‌లో మొత్తంగా 24 బంతులు ఎదుర్కొన్న వైభవ్‌.. 68 పరుగులు సాధించాడు. ఈ ఓపెనింగ్‌ బ్యాటర్‌ ఇన్నింగ్స్‌లో ఒక ఫోర్‌తో పాటు పది సిక్సర్లు ఉండటం విశేషం. కాగా అండర్‌–19 ప్రపంచకప్‌నకు ముందు దక్షిణాఫ్రికాతో జరుగుతున్న వన్డే సిరీస్‌లో యువ భారత జట్టు దుమ్మురేపడం సానుకూలాంశంగా పరిణమించింది.8 వికెట్ల తేడాతోవరుస మ్యాచ్‌ల్లో విజయాలు సాధించిన వైభవ్‌ సూర్య వంశీ సారథ్యంలోని భారత అండర్‌–19 జట్టు మరో మ్యాచ్‌ మిగిలుండగానే 2–0తో వన్డే సిరీస్‌ పట్టేసింది. బెనోనీలో సోమవారం జరిగిన రెండో మ్యాచ్‌లో యువ భారత్‌ 8 వికెట్ల తేడాతో (డక్‌వర్త్‌ – లూయిస్‌ పద్ధతి ప్రకారం) సౌతాఫ్రికాను చిత్తుచేసింది. మొదట ఆతిథ్య జట్టు 49.3 ఓవర్లలో 245 పరుగులకు ఆలౌటైంది. జాసన్‌ రౌల్స్‌ (113 బంతుల్లో 114; 7 ఫోర్లు, 3 సిక్స్‌లు) సెంచరీతో చెలరేగగా... డానియల్‌ బోస్‌మన్‌ (31), అద్నాన్‌ (25) ఫర్వాలేదనిపించారు.యువ భారత బౌలర్లలో కిషన్‌ సింగ్‌ 4 వికెట్లు పడగొట్టాడు. అనంతరం వెలుతురు లేమి కారణంగా ఆటకు అంతరాయం వాటిల్లింది. దీంతో యువ భారత్‌ లక్ష్యాన్ని 27 ఓవర్లలో 174గా నిర్ణయించారు. ఛేదనలో ఆద్యంతం దూకుడు కనబర్చిన భారత్‌ 23.3 ఓవర్లలో 2 వికెట్ల నష్టానికి 176 పరుగులు చేసింది. గీత దాటించడమే లక్ష్యంవైభవ్‌ సూర్యవంశీ (24 బంతుల్లో 68; 1 ఫోర్, 10 సిక్స్‌లు) ఆకాశమే హద్దుగా చెలరేగిపోయాడు. బంతి ఎక్కడపడ్డా దాన్ని గీత దాటించడమే లక్ష్యంగా సఫారీ బౌలర్లపై విరుచుకుపడ్డాడు. ఇప్పటికే సీనియర్‌ స్థాయిలో తనకంటూ ప్రత్యేక గుర్తింపు తెచ్చుకున్న వైభవ్‌ సూర్యవంశీ దూకుడుతో లక్ష్యం వేగంగా కరిగిపోయింది. మిగతా వారిలో అభిజ్ఞాన్‌ కుందు (42 బంతుల్లో 48 నాటౌట్‌; 3 ఫోర్లు, 2 సిక్స్‌లు), వేదాంత్‌ త్రిపాఠి (31 నాటౌట్‌; 4 ఫోర్లు), హైదరాబాద్‌ ప్లేయర్‌ ఆరోన్‌ జార్జ్‌ (20; 3 ఫోర్ల) ఫర్వాలేదనిపించారు. సౌతాఫ్రికా బౌలర్లలో మిచెల్‌ క్రుస్‌కాంప్‌ 2 వికెట్లు పడగొట్టాడు. వైభవ్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కంది. ఇరు జట్ల మధ్య నామమాత్రమైన మూడో వన్డే బుధవారం ఇక్కడే జరగనుంది. చదవండి: నలిగిపోతున్న క్రికెట్‌Vaibhav Suryavanshi as captain vs SA U-19:10 Sixes & 1 four in the Innings.14 years old and already terrifying bowlers. Scary talent. 🥶🇮🇳 pic.twitter.com/xUUEnaKGT2— Adarsh (@AdarshUniverse) January 5, 2026

టీమిండియా బ్యాటింగ్‌ దిగ్గజం విరాట్‌ కోహ్లి అభిమానులకు చేదు వార్త. న్యూజిలాండ్‌తో వన్డేలకు ముందు ఈ రన్‌మెషీన్‌ మరోసారి బరిలోకి దిగుతాడనుకుంటే.. ఊహించని రీతిలో తన నిర్ణయం మార్చుకున్నాడు. ఢిల్లీ తరఫున విజయ్‌ హజారే ట్రోఫీ 2025-26 సీజన్‌లో మూడో మ్యాచ్‌ ఆడేందుకు కోహ్లి నిరాకరించినట్లు తెలుస్తోంది.బీసీసీఐ ఆదేశాల మేరకుఅంతర్జాతీయ టీ20, టెస్టులకు రిటైర్మెంట్‌ ప్రకటించిన కోహ్లి (Virat Kohli).. వన్డేల్లో మాత్రమే కొనసాగుతున్న విషయం తెలిసిందే. వన్డే వరల్డ్‌కప్‌-2027 ఆడటమే లక్ష్యంగా ముందుకు సాగుతున్న ఈ ఢిల్లీ లెజెండ్‌.. భారత క్రికెట్‌ నియంత్రణ మండలి (BCCI) ఆదేశాల మేరకు దాదాపు పదిహేనేళ్ల విరామం తర్వాత దేశీ వన్డే టోర్నీ విజయ్‌ హజారే బరిలో దిగాడు.రెండు మ్యాచ్‌లు కంప్లీట్‌కనీసం రెండు మ్యాచ్‌లు అయినా ఆడాలన్న నిబంధనల మేరకు.. తాజా ఎడిషన్‌లో ఢిల్లీ తరఫున రెండు మ్యాచ్‌లు పూర్తి చేసుకున్నాడు. ఇటీవల సౌతాఫ్రికాతో స్వదేశంలో వరుస శతకాలతో జోరు మీదున్న కోహ్లి.. దేశీ క్రికెట్‌లోనూ ఫామ్‌ను కొనసాగించాడు. ఆంధ్రపై 131, గుజరాత్‌పై 77 పరుగులు సాధించాడు.మూడోదీ ఆడతానని చెప్పి..ఇక న్యూజిలాండ్‌తో సొంతగడ్డపై జనవరి 11 నుంచి వన్డే సిరీస్‌ ఆరంభం కానున్న నేపథ్యంలో.. విజయ్‌ హజారే టోర్నీలో మూడో మ్యాచ్‌కు కూడా కోహ్లి అందుబాటులో ఉంటానని చెప్పాడు. ఈ విషయాన్ని ఢిల్లీ అండ్‌ డిస్ట్రిక్ట్‌ క్రికెట్‌ అసోసియేషన్‌ అధ్యక్షుడు రోహన్‌ జైట్లీ ఇటీవలే ధ్రువీకరించాడు.అందుబాటులో లేడుఅయితే, తాజాగా ఢిల్లీ కోచ్‌ సరణ్‌దీప్‌ సింగ్‌ మాట్లాడుతూ.. ‘‘లేదు. కోహ్లి అందుబాటులో ఉండటం లేదు’’ అని స్పష్టం చేశాడు. కాగా ఢిల్లీ తదుపరి మంగళవారం (జనవరి 6) నాటి మ్యాచ్‌లో రైల్వేస్‌ జట్టుతో ఆడనుంది. కర్ణాటకలోని ఆలూర్‌లో గల కేఎస్‌సీఏ క్రికెట్‌ గ్రౌండ్‌-2 ఇందుకు వేదిక. రిషభ్‌ పంత్‌ సారథ్యంలోని ఈ జట్టులో కోహ్లి లేడు.చదవండి: కెప్టెన్‌గా శ్రేయస్‌ అయ్యర్‌

విజయ్ హజారే ట్రోఫీ 2025-26లో ఒడిశా చేతిలో అనుహ్యంగా ఓటమి చవిచూసిన ఢిల్లీ జట్టు తిరిగి విజయ బాటలో పడింది. ఈ టోర్నీలో భాగంగా శనివారం సర్వీసెస్ జట్టుతో జరిగిన మ్యాచ్‌లో 8 వికెట్ల తేడాతో ఢిల్లీ ఘన విజయాన్ని అందుకుంది.ఈ మ్యాచ్‌లో తొలుత బ్యాటింగ్ చేసిన స‌ర్వీసెస్ 42.5 ఓవర్లలో 178 పరుగులకే కుప్పకూలింది. ఢిల్లీ స్పీడ్‌ స్టార్‌ హర్షిత్‌ రాణా 4 వికెట్లు పడగొట్టి సర్వీసెస్‌ పతనాన్ని శాసించాడు. అతడితో పాటు ప్రిన్స్‌ యాదవ్‌ మూడు, ఇషాంత్‌, సైనీ తలా వికెట్‌ సాధించారు. సర్వీసెస్‌ బ్యాటర్లలో వికాస్ హత్వాలా(26) టాప్‌ స్కోరర్‌గా నిలవగా.. పుల్కత్‌ నరాంగ్‌ 22 పరుగులు చేశాడు.రాణా, పంత్‌ మెరుపులు..అనంతరం 179 పరుగుల లక్ష్యాన్ని ఢిల్లీ కేవలం రెండు వికెట్లు కోల్పోయి 19.4 ఓవర్లలో ఊదిపడేసింది. ఓపెనర్‌ ప్రియాన్ష్‌ ఆర్య(45 బంతుల్లో 9 ఫోర్లు, 3 సిక్స్‌లతో 72 నాటౌట్‌) టాప్‌ స్కోరర్‌గా నిలవగా.. కెప్టెన్‌ రిషబ్‌ పంత్‌ విధ్వంసకర ఇన్నింగ్స్‌ ఆడాడు. టీ20 తరహాలో బ్యాటింగ్‌ బ్యాటింగ్‌ చేశాడు. కేవలం 37 బంతులు మాత్రమే ఎదుర్కొన్న పంత్‌.. 4 ఫోర్లు, 6 సిక్స్‌లతో 67 పరుగులు చేశాడు.ఈ ఏడాది సీజన్‌లో పంత్‌కు ఇది రెండో ఫిప్టీ. అంతకుముందు గుజరాత్‌తో జరిగిన మ్యాచ్‌లో పంత్ 70 పరుగులు చేశాడు. మిగితా మ్యాచ్‌లలో మాత్రం పెద్దగా రాణించలేకపోయాడు. 5 మ్యాచ్‌లలో ఇప్పటివరకు 188 పరుగులు మాత్రమే చేశాడు. దీంతో అతడిని భారత వన్డే జట్టు నుంచి తప్పించాలని చాలా మంది డిమాండ్ చేశారు. కానీ అతడిపై సెలెక్టర్లు మరోసారి నమ్మకం ఉంచారు. న్యూజిలాండ్‌తో వన్డే సిరీస్‌కు పంత్‌ను సెలెక్టర్లు ఎంపిక చేశారు.Rishabh Pant when people start doubting him. pic.twitter.com/mnXCLPxp5p— Vaibhav (@spideynation_) January 3, 2026

న్యూఢిల్లీ: స్వదేశంలో న్యూజిలాండ్‌తో జరిగే మూడు వన్డేల సిరీస్‌ కోసం శనివారం భారత జట్టు ఎంపిక జరగనుంది. అజిత్‌ అగార్కర్‌ నేతృత్వంలోని సెలక్షన్‌ కమిటీ 15 మంది సభ్యుల టీమ్‌ను ప్రకటిస్తుంది. ఇటీవల దక్షిణాఫ్రికాతో జరిగిన మూడు వన్డేల సిరీస్‌లో భారత్‌ 2–1తో గెలుచుకుంది. ఈ నేపథ్యంలో మార్పులు లేకుండా అదే జట్టును కొనసాగిస్తారా లేక ఏవైనా మార్పులు చేస్తారా అనేది చర్చనీయాంశం. వికెట్‌ కీపర్‌ స్థానం కోసం రిషభ్‌ పంత్‌ పేరును పరిశీలిస్తారా అనేది ఆసక్తికరం. చాలా కాలంగా వన్డేల్లో కేఎల్‌ రాహుల్‌ ప్రధాన కీపర్‌గా కొనసాగుతున్నాడు. గత సిరీస్‌లో పంత్, జురేల్‌ జట్టులో ఉన్నా వీరికి మ్యాచ్‌లు ఆడే అవకాశం రాలేదు. దేశీ క్రికెట్‌లో హీరోగా ఇషాన్‌ కిషన్‌ఇప్పటికే వన్డే తుది జట్టులో పంత్‌కు చోటు కష్టంగా మారగా...ఇప్పుడు బయటి నుంచి ఇషాన్‌ కిషన్‌ రూపంలో పోటీ ఎదురవుతోంది. దేశవాళీ క్రికెట్‌లో జార్ఖండ్‌ తరఫున ఇషాన్‌ కిషన్‌ సత్తా చాటగా...యూపీ తరఫున జురేల్‌ కూడా రాణిస్తున్నాడు. మరో వైపు పంత్‌ వరుసగా విఫలమయ్యాడు. నిజానికి గంభీర్‌ కోచ్‌గా వచ్చాక చూస్తే జులై 2024 నుంచి ఇప్పటి వరకు పంత్‌ ఒకే ఒక్క వన్డే ఆడాడు! ఏడేళ్ల కెరీర్‌లో అతను ఆడినవి 31 వన్డేలే కాగా...బ్యాటింగ్‌లో 34 సగటు చెప్పుకోదగ్గది కాదు. ఇలాంటి స్థితిలో పంత్‌కు మరిన్ని అవకాశాలు ఇస్తారా లేక పక్కన పెడతారా చూడాలి. సిరాజ్‌ను ఎంపిక చేస్తారా?మరో వైపు పేస్‌ బౌలర్‌ ఎంపికపై కూడా చర్చ నెలకొంది. హైదరాబాదీ పేసర్‌ మొహమ్మద్‌ సిరాజ్‌ను తగిన కారణం లేకుండా సెలక్టర్లు వన్డేల నుంచి పక్కన పెడుతూ వస్తున్నారు. చాంపియన్స్‌ ట్రోఫీలో అవకాశం దక్కని అతను ఆ తర్వాత ఆస్ట్రేలియాతో సిరీస్‌ ఆడాడు. అయితే స్వదేశంలో దక్షిణాఫ్రికాతో సిరీస్‌కు సిరాజ్‌ను మళ్లీ ఎంపిక చేయలేదు. విజయ్‌హజారే ట్రోఫీలో హైదరాబాద్‌ ఆడిన తొలి నాలుగు మ్యాచ్‌లలో సిరాజ్‌ బరిలోకి దిగలేదు. టీ20 ప్రపంచ కప్‌ను దృష్టిలో పెట్టుకొని హార్దిక్‌ పాండ్యా, బుమ్రాలకు సెలక్టర్లు విశ్రాంతినిచ్చే అవకాశం ఉంది. మరో ఇద్దరు పేసర్లు హర్షిత్‌ రాణా, అర్ష్‌దీప్‌ సింగ్‌లను కూడా పక్కన పెట్టి సిరాజ్‌ను ఎంపిక చేస్తారా అనేది ఆసక్తికరం. షమీ విషయంలో యూటర్న్‌?సీనియర్‌ పేస్‌ బౌలర్‌ మొహమ్మద్‌ షమీ పరిస్థితి కూడా ఇబ్బందికరంగానే ఉంది. దేశవాళీలో అతను అన్ని ఫార్మాట్‌లలో ఆడుతూ నిలకడగా రాణిస్తున్నా... షమీ అంతర్జాతీయ స్థాయిలో తన అత్యుత్తమ దశను దాటేశాడనేది సెలక్టర్ల అభిప్రాయంలా కనిపిస్తోంది. బ్యాటింగ్‌లో చూస్తే మిడిలార్డర్‌లో సర్ఫరాజ్‌ ఖాన్‌ తన అవకాశం కోసం ఎదురు చూస్తున్నాడు. అయితే దక్షిణాఫ్రికాతో సెంచరీతో రుతురాజ్‌ తన స్థానాన్ని దాదాపు ఖాయం చేసుకున్నట్లే. ఓపెనర్‌గా గిల్, రోహిత్, జైస్వాల్‌ల స్థానాలకు ఢోకా లేదు కాబట్టి విజయ్‌హజారేలో సత్తా చాటుతున్న పడిక్కల్‌కు కూడా చోటు కష్టమే. చదవండి: IPL 2026: రాజస్తాన్‌ రాయల్స్‌ ‘ఫ్యాన్స్‌’కి భారీ షాక్‌!

న్యూజిలాండ్‌తో వన్డే సిరీస్‌తో కొత్త సంవత్సరాన్ని మొదలుపెట్టనుంది టీమిండియా. ఇరుజట్ల మధ్య జనవరి 11, 14, 18 తేదీల్లో మూడు మ్యాచ్‌ల నిర్వహణకు షెడ్యూల్‌ ఖరారైంది. అనంతరం భారత్‌- కివీస్‌ (IND vs NZ) జట్లు ఐదు మ్యాచ్‌ల టీ20 సిరీస్‌లో తలపడతాయి.ఇందుకు సంబంధించి న్యూజిలాండ్‌ ఇప్పటికే తమ వన్డే, టీ20 జట్లు ప్రకటించగా.. భారత్‌ కేవలం టీ20 జట్టు వివరాలను మాత్రమే వెల్లడించింది. దేశీ వన్డే టోర్నీ విజయ్‌ హజారే ట్రోఫీ 2025-26 ప్రదర్శన ఆధారంగా.. శనివారం వన్డే జట్టును కూడా ప్రకటించే అవకాశం ఉంది.జైస్వాల్‌కు చోటు దక్కినా..ఈ నేపథ్యంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా న్యూజిలాండ్‌తో వన్డేలకు తన జట్టును ఎంచుకున్నాడు. టాపార్డర్‌లో కెప్టెన్‌ శుబ్‌మన్‌ గిల్‌, రోహిత్‌ శర్మ.. విరాట్‌ కోహ్లిలను కొనసాగించాడు ఈ మాజీ ఓపెనర్‌.ముంబై తరఫున ఇటీవల సెంచరీతో రాణించిన టెస్టు జట్టు ఓపెనర్‌ యశస్వి జైస్వాల్‌ (Yashasvi Jaiswal)కు.. తుదిజట్టులో ఇప్పుడే చోటు దక్కదని.. ఇంకొన్నాళ్లు వేచిచూడక తప్పదని ఆకాశ్‌ చోప్రా అభిప్రాయపడ్డాడు. ఇక మిడిలార్డర్‌ బ్యాటర్‌ శ్రేయస్‌ అయ్యర్‌ గాయం నుంచి పూర్తిగా కోలుకోని కారణంగా.. అతడి స్థానంలో రుతురాజ్‌ గైక్వాడ్‌నే సెలక్టర్లు కొనసాగిస్తారని పేర్కొన్నాడు.పంత్‌కు చోటెలా?అదే విధంగా వికెట్‌ కీపర్‌గా కేఎల్‌ రాహుల్‌కు చోటిచ్చిన ఆకాశ్‌ చోప్రా.. వైస్‌ కెప్టెన్‌గా అతడే ఉంటాడని అభిప్రాయపడ్డాడు. ఇక బ్యాకప్‌ వికెట్‌ కీపర్‌గా సంజూ శాంసన్‌ను కాదని.. వన్డేల్లో మెరుగైన రికార్డు లేని, విజయ్‌ హజారే మ్యాచ్‌లలో విఫలమవుతున్న రిషభ్‌ పంత్‌ను ఎంపిక చేసుకున్నాడు.ఇక స్పిన్‌ ఆల్‌రౌండర్ల విభాగంలో వాషి​ంగ్టన్‌ సుందర్‌కు ఓటు వేసిన ఆకాశ్‌ చోప్రా.. లెఫ్టార్మ్‌ బౌలర్లలో అక్షర్‌ పటేల్‌, రవీంద్ర జడేజాలలో ఒకరినే సెలక్టర్లు ఎంపిక చేస్తారని అభిప్రాయపడ్డాడు. అక్షర్‌ ఐదు టీ20లతో పాటు వరల్డ్‌కప్‌ ఆడాల్సి ఉన్నందున వన్డేల నుంచి అతడికి విశ్రాంతినివ్వవచ్చని పేర్కొన్నాడు. అందుకే కివీస్‌తో వన్డేల్లో జడ్డూనే ఆడతాడని అంచనా వేశాడు.సంజూతో పాటు షమీకీ మొండిచేయితన జట్టులో తిలక్‌ వర్మకు కూడా చోటుందన్న ఆకాశ్‌ చోప్రా.. పేసర్ల విభాగంలో మొహమ్మద్‌ సిరాజ్‌, హర్షిత్‌ రాణా, అర్ష్‌దీప్‌ సింగ్‌ తుదిజట్టుకు కూడా ఎంపిక అవుతారని పేర్కొన్నాడు. వెటరన్‌ పేసర్‌ మొహమ్మద్‌ షమీని మాత్రం అతడు పరిగణనలోకి తీసుకోలేదు. ఇక స్పెషలిస్టు స్పిన్నర్‌గా చైనామన్‌ బౌలర్‌ కుల్దీప్‌ యాదవ్‌కు ఆకాశ్‌ చోప్రా ఓటువేశాడు. కాగా కివీస్‌తో టీ20 మ్యాచ్‌లు, ప్రపంచకప్‌-2026 దృష్ట్యా ప్రధాన పేసర్‌ జస్‌ప్రీత్‌ బుమ్రాతో పాటు స్టార్‌ ఆల్‌రౌండర్‌ హార్దిక్‌ పాండ్యాకు వన్డేల నుంచి మేనేజ్‌మెంట్‌ విశ్రాంతినివ్వనున్నట్లు సమాచారం.న్యూజిలాండ్‌తో వన్డే సిరీస్‌కు ఆకాశ్‌ చోప్రా ఎంచుకున్న భారత జట్టుశుబ్‌మన్ గిల్, రోహిత్ శర్మ, విరాట్ కోహ్లి, రుతురాజ్ గైక్వాడ్, కేఎల్ రాహుల్, అక్షర్ పటేల్/రవీంద్ర జడేజా, వాషింగ్టన్ సుందర్, తిలక్‌ వర్మ, హర్షిత్‌ రాణా, మొహమ్మద్‌ సిరాజ్‌, అర్ష్‌దీప్‌ సింగ్‌, కుల్దీప్‌ యాదవ్‌, ప్రసిద్‌ కృష్ణ, రిషభ్‌ పంత్‌, యశస్వి జైస్వాల్‌.చదవండి: పాకిస్తాన్‌ నుంచి వచ్చిన వాడిని.. ఇక్కడ ఇలా: ఉస్మాన్‌ ఖవాజా

విజయ్‌ హజారే ట్రోఫీ 2025-26లో కర్ణాటక స్టార్‌ దేవ్‌దత్‌ పడిక్కల్‌, ముంబై సర్ఫరాజ్‌ ఖాన్‌ అద్భుత ప్రదర్శనతో ఆకట్టుకుంటున్నారు. పడిక్కల్‌ ఇప్పటికి నాలుగు మ్యాచ్‌లలో మూడుసార్లు శతక్కొట్టాడు. జార్ఖండ్‌తో మ్యాచ్‌లో 147 పరుగులతో దుమ్ములేపిన పడిక్కల్‌.. కేరళపై 124 పరుగులు సాధించాడు.టీమిండియా సెలక్టర్లకు తలనొప్పిఅనంతరం పుదుచ్చేరిపై 113 పరుగులతో పడిక్కల్‌ ఆకట్టుకున్నాడు. మరోవైపు.. సర్ఫరాజ్‌ బుధవారం విధ్వంసకర సెంచరీతో విరుచుకుపడ్డాడు. గోవాతో మ్యాచ్‌లో 75 బంతుల్లోనే తొమ్మిది ఫోర్లు, 14 సిక్సర్లు బాది 157 పరుగులు సాధించాడు. నిలకడైన ప్రదర్శనతో రాణిస్తూ వన్డేలకూ తాను సిద్ధమనే సంకేతాలు ఇస్తున్నాడు.వీరిద్దరితో పాటు మహారాష్ట్ర బ్యాటర్‌ రుతురాజ్‌ గైక్వాడ్‌ (Ruturaj Gaikwad) సైతం దేశీ వన్డే టోర్నీలో అదరగొడుతున్నాడు. ఉత్తరాఖండ్‌తో బుధవారం నాటి మ్యాచ్‌లో జట్టు కష్టాల్లో ఉన్న వేళ రుతు అద్భుత ఆట తీరుతో ఆకట్టుకున్నాడు. 113 బంతుల్లో 12 ఫోర్లు, మూడు సిక్సర్లు బాది 124 పరుగులు సాధించాడు. ఈ మ్యాచ్‌లో మహారాష్ట్ర 331 పరుగులు చేయడంలో రుతుది కీలక పాత్ర.మరోవైపు.. సీనియర్‌ పేసర్‌ మొహమ్మద్‌ షమీ సైతం మెరుగైన ప్రదర్శన కనబరుస్తున్నాడు. బెంగాల్‌ తరపున బుధవారం నాటి మ్యాచ్‌లో రెండు కీలక వికెట్లు తీసిన షమీ.. జమ్మూ కశ్మీర్‌పై విజయంలో తన వంతు పాత్ర పోషించాడు. ఇలా వీరంతా అదరగొడుతుంటే.. టీమిండియా రెగ్యులర్‌ జట్టులో భాగమైన ఢిల్లీ కెప్టెన్‌ రిషభ్‌ పంత్‌, ఆంధ్ర సారథి నితీశ్‌ కుమార్‌ రెడ్డి మాత్రం నిరాశపరుస్తున్నారు.ఆంధ్ర జట్టుకు మూడో పరాజయంనితీశ్‌ కెప్టెన్సీలోని ఆంధ్ర జట్టు (Andhra Cricket Team).. బ్యాటర్ల వైఫల్యం కారణంగా విజయ్‌ హజారే ట్రోఫీలో మూడో పరాజయం మూటగట్టుకుంది. ఎలైట్‌ గ్రూప్‌ ‘డి’లో భాగంగా బుధవారం జరిగిన మ్యాచ్‌లో ఆంధ్ర జట్టు 74 పరుగుల తేడాతో సౌరాష్ట్ర చేతిలో ఓడింది. మొదట బ్యాటింగ్‌ చేసిన సౌరాష్ట్ర 50 ఓవర్లలో 7 వికెట్ల నష్టానికి 254 పరుగులు చేసింది. కెప్టెన్‌ హార్విక్‌ దేశాయ్‌ (81 బంతుల్లో 61; 7 ఫోర్లు), చిరాగ్‌ జానీ (96 బంతుల్లో 69; 4 ఫోర్లు, 1 సిక్స్‌), రుచిత్‌ అహిర్‌ (54 బంతుల్లో 76; 7 ఫోర్లు, 2 సిక్స్‌లు) హాఫ్‌సెంచరీలతో రాణించారు.ఆంధ్ర బౌలర్లలో సత్యనారాయణ రాజు 3 వికెట్లు పడగొట్టగా... కలిదిండి రాజు 2 వికెట్లు తీశాడు. నితీశ్‌ కుమార్‌ రెడ్డి, జాగర్లపుడి రామ్‌ చెరో వికెట్‌ ఖాతాలో వేసుకున్నారు. అనంతరం ఓ మాదిరి లక్ష్యఛేదనలో ఆంధ్ర జట్టు తడబడింది. బ్యాటర్లంతా మంచి ఆరంభాలను భారీ స్కోర్లుగా మలచడంలో విఫలమవడంతో... ఆంధ్ర జట్టు 47.2 ఓవర్లలో 180 పరుగులకు ఆలౌటైంది.జ్ఞానేశ్వర్‌ (33; 6 ఫోర్లు), హేమంత్‌ రెడ్డి (29; 4 ఫోర్లు), కెప్టెన్‌ నితీశ్‌ కుమార్‌ రెడ్డి (30; 4 ఫోర్లు), రాజు (30; 3 ఫోర్లు) తలా కొన్ని పరుగులు చేయగా... శ్రీకర్‌ భరత్‌ (4), రికీ భుయ్‌ (4), యారా సందీప్‌ (0) విఫలమయ్యారు. సౌరాష్ట్ర బౌలర్లలో ‘ప్లేయర్‌ ఆఫ్‌ ద మ్యాచ్‌’ అంకుర్‌ పన్వర్‌ 5 వికెట్లతో సత్తాచాటాడు. గ్రూప్‌ దశలో ఆడిన నాలుగు మ్యాచ్‌ల్లో ఒక విజయం, మూడు పరాజయాలతో 4 పాయింట్లు ఖాతాలో వేసుకున్న ఆంధ్ర జట్టు పట్టికలో ఏడో స్థానంలో ఉంది. తదుపరి మ్యాచ్‌లో శనివారం గుజరాత్‌తో ఆంధ్ర జట్టు తలపడనుంది.మరి పంత్‌, నితీశ్‌ రెడ్డి సంగతి?అంతకు ముందు.. తొలుత ఢిల్లీతో మ్యాచ్‌లోనూ నితీశ్‌ రెడ్డి స్థాయికి తగ్గట్లు రాణించలేకపోయాడు. ఈ మ్యాచ్‌లో 23 పరుగులు చేసిన నితీశ్‌ రెడ్డి.. ఒకే ఒక్క వికెట్‌ తీయగలిగాడు. అయితే, రైల్వేస్‌తో మ్యాచ్‌లో మాత్రం నితీశ్‌ రెడ్డి బ్యాట్‌తో రాణించారు. ఐదో స్థానంలో వచ్చి 41 బంతుల్లో 55 పరుగులతో అజేయంగా నిలిచి జట్టును విజయతీరాలకు చేర్చాడు. ఈ మ్యాచ్‌లో పేస్‌ బౌలింగ్‌ ఆల్‌రౌండర్‌ ఓ వికెట్‌ కూడా పడగొట్టాడు.అనంతరం ఒడిషాతో మ్యాచ్‌లో మాత్రం నితీశ్‌ రెడ్డి మరోసారి నిరాశపరిచాడు. ఆరు పరుగులు చేసి.. ఒకే ఒక వికెట్‌ తీయగలిగాడు. తాజాగా సౌరాష్ట్రతో మ్యాచ్‌లోనూ అతడి ప్రదర్శన అంతంత మాత్రంగానే ఉంది. మరోవైపు.. రిషభ్‌ పంత్‌ నాలుగు మ్యాచ్‌లలో కలిపి 121 (ఆంధ్రపై 5, గుజరాత్‌పై 70, సౌరాష్ట్రపై 22, ఒడిశాపై 24)పరుగులు చేయగలిగాడు. న్యూజిలాండ్‌తో వన్డే సిరీస్‌కు ముందు పంత్‌ ఇలా స్థాయికి తగ్గట్లు రాణించలేకపోవడం ప్రభావం చూపే అవకాశం ఉంది.చదవండి: 2026: ఇంటర్నెట్‌ను షేక్‌ చేస్తున్న కోహ్లి పోస్ట్‌

టీమిండియా స్టార్‌ రిషభ్‌ పంత్‌ మరోసారి పేలవ ఆట తీరుతో నిరాశపరిచాడు. న్యూజిలాండ్‌తో వన్డే సిరీస్‌కు జట్టును ప్రకటించనున్న నేపథ్యంలో... మెరుగైన ప్రదర్శన చేసి సెలక్టర్ల దృష్టిని ఆకర్షిస్తాడనుకున్న ఈ వికెట్‌ కీపర్‌.. అంచనాలు అందుకోలేకపోతున్నాడు.దేశీ వన్డే టోర్నీ విజయ్‌ హజారే ట్రోఫీలో ఢిల్లీ జట్టుకు సారథ్యం వహిస్తున్న పంత్‌ (Rishabh Pant)... కీలక పోరులో బ్యాటింగ్‌లో ఆకట్టుకోలేకపోయాడు. ఫలితంగా ఎలైట్‌ గ్రూప్‌ ‘డి’లో భాగంగా బుధవారం జరిగిన మ్యాచ్‌లో ఢిల్లీ జట్టు 79 పరుగుల తేడాతో ఒడిశా (Delhi Vs Odisha) చేతిలో ఓడింది. సమంత్రాయ్‌ హాఫ్‌ సెంచరీమొదట బ్యాటింగ్‌ చేసిన ఒడిశా జట్టు నిర్ణీత 50 ఓవర్లలో 8 వికెట్ల నష్టానికి 272 పరుగులు చేసింది. కెప్టెన్‌, ‘ప్లేయర్‌ ఆఫ్‌ ద మ్యాచ్‌’ బిప్లబ్‌ సమంత్రాయ్‌ (72; 3 ఫోర్లు, 4 సిక్స్‌లు), హాఫ్‌ సెంచరీ సాధించగా... తక్కినవాళ్లంతా తలాకొన్ని పరుగులు చేశారు. పంత్‌ సహా వారంతా విఫలంఢిల్లీ బౌలర్లలో హృతిక్‌ షోకీన్‌ 4 వికెట్లు పడగొట్టాడు. అనంతరం లక్ష్యఛేదనలో ఢిల్లీ తడబడింది. 42.3 ఓవర్లలో 193 పరుగులకు ఆలౌటైంది. పంత్‌ (28 బంతుల్లో 24; 3 ఫోర్లు, 1 సిక్స్‌), నితీశ్‌ రాణా (2), ప్రియాన్ష్‌ ఆర్య (5), సార్థక్‌ రంజన్‌ (1) విఫలమవడంతో ఢిల్లీకి పరాజయం తప్పలేదు.ఒడిశా బౌలర్లలో దేబబ్రత ప్రధాన్, సంబిత బరల్‌ చెరో 3 వికెట్లు ఖాతాలో వేసుకున్నారు. గ్రూప్‌ దశలో ఆడిన నాలుగు మ్యాచ్‌ల్లో మూడింట గెలిచి ఒక దాంట్లో ఓడిన ఢిల్లీ 12 పాయింట్లతో పట్టికలో నాలుగో స్థానంలో ఉంది. ఇదే గ్రూప్‌లో భాగంగా జరిగిన ఇతర మ్యాచ్‌ల్లో రైల్వేస్‌ 4 వికెట్ల తేడాతో గుజరాత్‌పై... హర్యానా 7 వికెట్ల తేడాతో సర్వీసెస్‌పై గెలుపొందాయి.చదవండి: IND vs NZ: టీమిండియా వికెట్‌ కీపర్‌ రేసులో ఆ ముగ్గురు.. బెస్ట్‌ ఆప్షన్‌ ఎవరంటే?

వన్డేల్లో టీమిండియా వికెట్‌ కీపర్‌ బ్యాటర్‌గా కేఎల్‌ రాహుల్‌ కొనసాగుతున్నాడు. తాత్కాలిక సారథిగానూ జట్టును ముందుండి నడిపిస్తున్నాడు. ఇటీవల స్వదేశంలో భారత జట్టు కెప్టెన్‌ హోదాలో సౌతాఫ్రికాతో వన్డే సిరీస్‌ను 2-1తో కేఎల్‌ రాహుల్‌ గెలిచాడు.పంత్‌ స్థానానికి ఎసరు!ఈ సిరీస్‌లో రాహుల్‌కు బ్యాకప్‌ వికెట్‌ కీపర్‌గా రిషభ్‌ పంత్‌ (Rishabh Pant)ను ఎంపిక చేసిన యాజమాన్యం.. అతడిని ఒక్క మ్యాచ్‌లోనూ ఆడించలేదు. ఈ నేపథ్యంలో.. గత కొన్నిరోజులుగా భారత దేశీ క్రికెట్‌లోని అద్భుత ప్రదర్శనల కారణంగా బ్యాకప్‌గానూ వన్డేల్లో పంత్‌ స్థానం గల్లంతయ్యే పరిస్థితి ఏర్పడింది.ప్రపంచకప్‌-2026 టోర్నీ ఆడే జట్టులో చోటుదేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీ 2025లో సత్తా చాటిన జార్ఖండ్‌ డైనమైట్‌ ఇషాన్‌ కిషన్‌ (Ishan Kishan) రేసులోకి దూసుకువచ్చాడు. ఈ సీజన్‌లో 500కు పైగా పరుగులతో సత్తా చాటి.. కెప్టెన్‌గా జార్ఖండ్‌కు తొలి టైటిల్‌ అందించి టీమిండియా సెలక్టర్ల దృష్టిని ఆకర్షించాడు. విధ్వంసకర ఆట తీరుతో ఇటు ఓపెనర్‌గా, అటు వికెట్‌ కీపర్‌గా రాణించగల ఇషాన్‌ను ఏకంగా టీ20 ప్రపంచకప్‌-2026 టోర్నీకి సెలక్టర్లు ఎంపిక చేశారు.సంజూ శాంసన్‌ (Sanju Samson)కు బ్యాకప్‌గా ఇషాన్‌కు వరల్డ్‌కప్‌ జట్టులో చోటిచ్చారు. ఇదిలా ఉంటే.. దేశీ వన్డే టోర్నీ విజయ్‌ హజారే ట్రోఫీలోనూ ఇషాన్‌ కిషన్‌ సత్తా చాటుతున్నాడు. కర్ణాటకతో మ్యాచ్‌లో 39 బంతుల్లోనే 125 పరుగులు చేసిన ఈ ఎడమచేతివాటం బ్యాటర్‌.. ఆరో స్థానంలో వచ్చి ఈ మేరకు చెలరేగడం విశేషం.వన్డే వరల్డ్‌కప్‌ జట్టులోనూ అతడే ఉండే ఛాన్స్‌!ఇప్పటికి టీమిండియా తరఫున 27 వన్డేలు ఆడిన ఇషాన్‌ కిషన్‌.. 42.40 సగటుతో ఏకంగా 933 పరుగులు సాధించాడు. అతడి ఖాతాలో ఓ వన్డే డబుల్‌ సెంచరీ కూడా ఉంది. చివరగా 2023 వరల్డ్‌కప్‌ టోర్నీలో భాగంగా ఈ జార్ఖండ్‌ ప్లేయర్‌ వన్డేల్లో టీమిండియాకు ప్రాతినిథ్యం వహించాడు. క్రమశిక్షణా రాహిత్యానికి పాల్పడ్డ కారణంగా 2023లో ఆఖరిగా టీమిండియాకు ఆడిన ఇషాన్‌ కిషన్‌.. దాదాపు రెండేళ్ల తర్వాత రీఎంట్రీ ఇచ్చాడు. టీ20లలో ఆడే అవకాశం వచ్చి తనను తాను నిరూపించుకోవడం సహా.. వన్డేల్లోనూ ఫామ్‌ను కొనసాగిస్తే ప్రపంచకప్‌-2027 జట్టులోనూ అతడికి స్థానం దక్కే అవకాశం ఉంది.ఎడమచేతి వాటం బ్యాటర్‌ కావడం వల్ల లెఫ్ట్‌-రైట్‌ కాంబినేషన్‌ ఓపెనింగ్‌ జోడీ కోసం బ్యాకప్‌గా ఇషాన్‌ ఉపయోగపడతాడు. అంతేకాదు మిడిలార్డర్‌లోనూ రాణించగల సత్తా అతడికి ఉంది. ఇక వికెట్‌ కీపర్‌గానూ సేవలు అందించగలడు. కాబట్టి ప్రస్తుత ఫామ్‌ దృష్ట్యా టీమిండియా వన్డే బ్యాకప్‌ వికెట్‌ కీపర్‌గా ఇషాన్‌ కిషన్‌ సరైన ఆప్షన్‌ అని చెప్పవచ్చు.రేసులోకి ధ్రువ్‌ జురెల్‌మరోవైపు.. ధ్రువ్‌ జురెల్‌ సైతం రేసులోకి వచ్చాడు. దేశీ క్రికెట్లో అతడు రెడ్‌హాట్‌ ఫామ్‌లో ఉన్నాడు. విజయ్‌ హజారే ట్రోఫీ తాజా సీజన్‌లో ఈ ఉత్తరప్రదేశ్‌ స్టార్‌ ఇప్పటికి మూడు మ్యాచ్‌లలో కలిపి ఏకంగా 307 పరుగులు సాధించాడు. ఏ స్థానంలోనైనా బ్యాటింగ్‌ వచ్చి చితక్కొట్టగలనని నిరూపించాడు.ఇప్పటికే భారత టెస్టు జట్టులో తన స్థానం సుస్థిరం చేసుకుంటున్న ధ్రువ్‌ జురెల్‌.. లిస్ట్‌-ఎ క్రికెట్‌లోనూ సత్తా చాటుతున్నాడు. తద్వారా వన్డే జట్టులోకి వచ్చేందుకు మార్గం సుగమం చేసుకుంటున్నాడు. భారత్‌- ఎ టూర్లలో వన్డే బ్యాకప్‌ వికెట్‌ కీపర్‌గా అతడిని ఎంపిక చేసే అవకాశం ఉంది. ఇషాన్‌ కిషన్‌ తర్వాత ధ్రువ్‌ జురెల్‌ అత్యుత్తమ ఆప్షన్‌ అయ్యే ఛాన్స్‌ లేకపోలేదు.పంత్‌ ఇలాగే ఉంటే కష్టమే!వీరిద్దరు ఇలా సత్తా చాటుతుండగా.. మరోవైపు రిషభ్‌ పంత్‌ మాత్రం స్థాయికి తగ్గట్లు ఆకట్టుకోలేకపోతున్నాడు. వన్డేల్లో అతడి రికార్డు కూడా అంతంత మాత్రమే. ఇప్పటికి 31 మ్యాచ్‌లలో కలిపి సగటు 33తో 871 పరుగులు చేశాడు. అయితే, గత కొంతకాలంగా వన్డే తుదిజట్టులో అతడికి చోటే కష్టమైంది.ఇటీవల విజయ్‌ హజారే ట్రోఫీలో గుజరాత్‌పై 70 పరుగులు సాధించడం మినహా.. మిగతా రెండు మ్యాచ్‌లలో అతడు విఫలమయ్యాడు. మేనేజ్‌మెంట్‌ నుంచి మద్దతు ఉంది కాబట్టి.. కేఎల్‌ రాహుల్‌ స్థానాన్ని పంత్‌ భర్తీ చేయవచ్చు. అయితే, వన్డేల్లో అతడి గణాంకాలు మాత్రం ఇందుకు దోహదం చేస్తాయని చెప్పలేము. ఈ రేసులో పంత్‌, జురెల్‌లను దాటి ఇషాన్‌ కిషన్‌ ముందుకు దూసుకుపోవడం ఖాయంగా కనిపిస్తోంది. కాగా తదుపరి న్యూజిలాండ్‌తో వన్డే సిరీస్‌తో టీమిండియా బిజీ కానుంది. చదవండి: ‘టీ20లలో బెస్ట్‌.. అతడిని వన్డేల్లోనూ ఆడించాలి’

టీమిండియా స్టార్ వికెట్ కీపర్ బ్యాటర్ రిషబ్ పంత్ కేవ‌లం టెస్టుల‌కే ప‌రిమితం కానున్నాడా? వ‌న్డే జ‌ట్టులో కూడా చోటు కోల్పోనున్నాడా? అంటే అవునానే అంటున్నాయి క్రికెట్ వ‌ర్గాలు. న్యూజిలాండ్‌తో 2026 జనవరిలో జరగనున్న వన్డే సిరీస్ కోసం భారత జట్టులో ప‌లు మార్పులు చోటు చేసుకోనున్న‌ట్లు తెలుస్తోంది.ముఖ్యంగా రిష‌బ్ పంత్‌పై సెల‌క్ట‌ర్లు వేటు వేసేందుకు సిద్దంగా ఉన్న‌ట్లు తెలుస్తోంది. ఈ ఢిల్లీ బాయ్ టెస్టుల్లో అద్భుత‌మైన రికార్డు క‌లిగి ఉన్న‌ప్ప‌టికి.. ప‌రిమిత ఓవ‌ర్ల క్రికెట్‌లో మాత్రం ఆశించిన స్ధాయిలో రాణించ‌లేక‌పోయాడు.టెస్టుల్లో హిట్‌.. వ‌న్డేల్లో ఫ‌ట్‌ఇప్ప‌టివ‌ర‌కు భార‌త త‌ర‌పున 31 వ‌న్డేలు ఆడిన రిష‌బ్‌.. 33.5 స‌గ‌టుతో కేవ‌లం 871 ప‌రుగులు మాత్ర‌మే చేశాడు. టీ20ల్లో కూడా 76 మ్యాచ్‌లు ఆడి 23.25 స‌గ‌టుతో 1209 ప‌రుగులు చేశాడు. దీంతో అత‌డిని ఇప్ప‌టికే టీ20 జ‌ట్టు నుంచి త‌ప్పించిన సెల‌క్ట‌ర్లు.. ఇప్పుడు వ‌న్డే జ‌ట్టు నుంచి కూడా ప‌క్క‌న పెట్టేందుకు సిద్ద‌మ‌య్యారంట‌.పంత్ టీమిండియా త‌ర‌పున చివ‌ర‌గా వ‌న్డేల్లో గతేడాది ఆగ‌స్టులో శ్రీలంక‌పై ఆడాడు. అప్ప‌టి నుంచి అత‌డు ఒక్క వ‌న్డే మ్యాచ్ కూడా ఆడలేదు. ఇటీవ‌ల జ‌రిగిన సౌతాఫ్రికాతో వ‌న్డే సిరీస్‌కు ఎంపికైన‌ప్ప‌టికి.. తుది జ‌ట్టులో మాత్రం అత‌డికి చోటు ద‌క్క‌లేదు. మొత్తం మూడు మ్యాచ్‌ల‌కు బెంచ్‌కే ప‌రిమిత‌మ‌య్యాడు. 2025లో ఛాంపియన్స్ ట్రోఫీ గెలిచిన జ‌ట్టులో ఉన్న‌ప్ప‌టికి పంత్ ఒక్క మ్యాచ్ కూడా ఆడ‌లేదు. కె.ఎల్ రాహుల్‌కు బ్యాకప్‌గా మాత్రమే పంత్ ఉన్నాడు. కాగా పంత్‌ టెస్టు క్రికెట్‌లో మాత్రం 49 మ్యాచ్‌లు ఆడి 42.91 స‌గ‌టుతో 3476 ప‌రుగులు చేశాడు.జ‌ట్టులోకి కిష‌న్‌..ఇక దేశ‌వాళీ క్రికెట్‌లో దుమ్ములేపుతున్న జార్ఖండ్ వికెట్ కీప‌ర్ బ్యాట‌ర్ ఇషాన్ కిష‌న్ తిరిగి వ‌న్డేల్లో కూడా రీ ఎంట్రీ ఇవ్వ‌నున్న‌ట్లు తెలుస్తోంది. ఇప్ప‌టికే టీ20 వ‌ర‌ల్డ్‌క‌ప్ జ‌ట్టుకు ఎంపికైన కిష‌న్‌ను వ‌న్డే జ‌ట్టులోకి కూడా తీసుకోవాల‌ని అజిత్ అగార్క‌ర్ అండ్ కో భావిస్తున్న‌ట్లు స‌మాచారం.సయ్యద్ ముస్తాక్ అలీ ట్రోఫీ 2025లో అత్య‌ధిక ప‌రుగులు చేసిన ఆట‌గాడిగా నిలిచిన ఇషాన్.. అదే ఫామ్‌ను విజయ్ హజారే ట్రోఫీలోనూ కొన‌సాగిస్తున్నాడు. క‌ర్ణాట‌క‌తో జ‌రిగిన తొలి మ్యాచ్‌లో కిష‌న్ కేవ‌లం 33 బంతుల్లోనే సెంచ‌రీ బాదాడు. త‌ద్వారా లిస్ట్‌-ఎ క్రికెట్‌లో అత్యంత వేగ‌వంత‌మైన సెంచ‌రీ చేసిన రెండో భార‌త క్రికెట‌ర్‌గా కిష‌న్ నిలిచాడు.ఈ క్ర‌మంలోనే అత‌డికి తిరిగి పిలుపునిచ్చేందుకు సెల‌క్ట‌ర్లు సిద్ద‌మ‌య్యారు. కిషన్ చివరిసారిగా 2023 వన్డే ప్రపంచకప్‌లో భారత్ తరఫున ఆడాడు. కిష‌న్‌కు వ‌న్డేల్లో అద్బుత‌మైన డ‌బుల్ సెంచ‌రీ కూడా ఉంది. ఇక కివీస్‌తో వ‌న్డేల‌కు భార‌త జ‌ట్టును బీసీసీఐ జ‌న‌వ‌రి మొద‌టి వారంలో ప్ర‌క‌టించ‌నుంది. గాయం కార‌ణంగా సౌతాఫ్రికాతో వ‌న్డేలకు దూరంగా ఉన్న కెప్టెన్ శుభ్‌మ‌న్ గిల్ తిరిగి రీ ఎంట్రీ ఇవ్వ‌డం ఖాయ‌మైంది. జ‌న‌వ‌రి 11 నుంచి ఈ సిరీస్ ప్రారంభం కానుంది.చదవండి: SA20: సౌరవ్‌ గంగూలీకు భారీ షాక్‌.. తొలి మ్యాచ్‌లోనే?

బెంగళూరు: టీమిండియా స్టార్‌ బ్యాటర్‌ విరాట్‌ కోహ్లి (61 బంతుల్లో 77; 13 ఫోర్లు, 1 సిక్స్‌) దేశవాళీల్లో కూడా అద్భుత ఫామ్‌ కొనసాగిస్తున్నాడు. విజయ్‌ హజారే ట్రోఫీ తొలి మ్యాచ్‌లో ఆంధ్ర జట్టుపై శతకంతో కదంతొక్కిన కోహ్లి... గుజరాత్‌తో శుక్రవారం జరిగిన రెండో మ్యాచ్‌లో హాఫ్‌ సెంచరీతో రాణించాడు. ఎలైట్‌ గ్రూప్‌ ‘డి’లో భాగంగా జరిగిన ఈ పోరులో రిషభ్‌ పంత్‌ సారథ్యంలోని ఢిల్లీ జట్టు 7 పరుగుల తేడాతో గుజరాత్‌పై విజయం సాధించింది. మొదట ఢిల్లీ నిరీ్ణత 50 ఓవర్లలో 9 వికెట్ల నష్టానికి 254 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ కోహ్లి చక్కటి షాట్‌లతో అర్ధశతకంతో ఆకట్టుకోగా... రిషభ్‌ పంత్‌ (70; 8 ఫోర్లు, 2 సిక్స్‌లు) కూడా హాఫ్‌ సెంచరీ నమోదు చేశాడు. అనంతరం ఛేదనలో గుజరాత్‌ 47.4 ఓవర్లలో 247 పరుగులకు ఆలౌటైంది. రోహిత్‌ ‘డకౌట్‌’ జైపూర్‌: సిక్కింతో జరిగిన తొలి మ్యాచ్‌లో భారీ సెంచరీతో చెలరేగిన ‘హిట్‌మ్యాన్‌’ రోహిత్‌ శర్మ (0) ఉత్తరాఖండ్‌తో మ్యాచ్‌లో ‘గోల్డెన్‌ డకౌట్‌’ అయ్యాడు. ఎదుర్కొన్న తొలి బంతికే వెనుదిరిగి నిరాశ పరిచాడు. అయినా శుక్రవారం జరిగిన ఎలైట్‌ గ్రూప్‌ ‘సి’ మ్యాచ్‌లో ముంబై జట్టు 51 పరుగుల తేడాతో ఉత్తరాఖండ్‌పై గెలిచింది. మొదట ముంబై 50 ఓవర్లలో 7 వికెట్లకు 331 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ హార్దిక్‌ తమోర్‌ (93 నాటౌట్‌; 7 ఫోర్లు, 2 సిక్స్‌లు) టాప్‌ స్కోరర్‌ కాగా... సర్ఫరాజ్‌ ఖాన్‌ (55; 5 ఫోర్లు, 1 సిక్స్‌), ముషీర్‌ ఖాన్‌ (55; 7 ఫోర్లు), షమ్స్‌ ములానీ (48; 4 ఫోర్లు, 1 సిక్స్‌) రాణించారు. ఛేదనలో ఉత్తరాఖండ్‌ 50 ఓవర్లలో 9 వికెట్లకు 280 పరుగులకు పరిమితమైంది.

విజయ్‌ హజారే ట్రోఫీ 2025-26లో టీమిండియా స్టార్లు, ఢిల్లీ బ్యాటర్లు విరాట్‌ కోహ్లి, రిషబ్‌ పంత్‌ మెరుపులు మెరిపించారు. గుజరాత్‌తో ఇవాళ (డిషెంబర్‌ 26) జరుగుతున్న మ్యాచ్‌లో అర్ద సెంచరీలతో సత్తా చాటారు. విరాట్‌ 61 బంతుల్లో 13 ఫోర్లు, సిక్సర్‌ సాయంతో 77 పరుగులు చేయగా.. పంత్‌ 79 బంతుల్లో 8 ఫోర్లు, 2 సిక్సర్ల సాయంతో 70 పరుగులు చేశాడు. క్లిష్టమైన పిచ్‌పై విరాట్‌, పంత్‌ చెలరేగడంతో తొలుత బ్యాటింగ్‌ చేసిన ఢిల్లీ గౌరవప్రదమైన స్కోర్‌ చేయగలిగింది. నిర్ణీత 50 ఓవర్లలో 9 వికెట్ల నష్టానికి 254 పరుగులు చేసింది. విరాట్‌, పంత్‌ ఔటయ్యాక హర్ష్‌ త్యాగి (40) కాస్త నిలకడగా ఆడాడు. చివర్లో సిమర్‌జీత్‌ సింగ్‌ (15 నాటౌట్‌) బ్యాట్‌ ఝులిపించాడు.గుజరాత్‌ బౌలర్లలో స్పిన్నర్లు విశాల్‌ జేస్వాల్‌ (10-0-42-4), రవి బిష్ణోయ్‌ (10-0-50-2) ఢిల్లీ బ్యాటర్లను ఇబ్బంది పెట్టారు. అర్జన్‌ నగస్వల్లా, కెప్టెన్‌ చింతన్‌ గజా తలో వికెట్‌ తీశారు. మిగతా ఢిల్లీ బ్యాటర్లలో ప్రియాంశ్‌ ఆర్య 1, అర్పిత్‌ రాణా 10, నితీశ్‌ రాణా 12, ఆయుశ్‌ బదోని 12, నవ్‌దీప్‌ సైనీ 6, ఇషాంత్‌ శర్మ 5 (నాటౌట్‌) పరుగులు చేయగా.. ప్రిన్స్‌ యాదవ్‌ డకౌటయ్యాడు.3 సెంచరీలు, 3 అర్ద సెంచరీలులిస్ట్‌-ఏ ఫార్మాట్‌ అంటేనే పునకాలు తెప్పించే విరాట్‌ కోహ్లి గత కొంతకాలంలో ఈ ఫార్మాట్‌లో పీక్స్‌లో ఉన్నాడు. గత ఆరు ఇన్నింగ్స్‌ల్లో అతని ప్రదర్శనలు చెప్పనశక్యంగా ఉన్నాయి. అంతర్జాతీయ స్థాయిలో 2 సెంచరీలు, 2 హాఫ్‌ సెంచరీలు.. దేశవాలీ స్థాయిలో (VHT 2025-26) సెంచరీ, హాఫ్‌ సెంచరీతో పట్టపగ్గాల్లేకుండా ఉన్నాడు. గత 6 లిస్ట్‌-ఏ ఇన్నింగ్స్‌ల్లో విరాట్‌ స్కోర్లు..- 74*(81)- 135(120)- 102(93)- 65*(45)- 131(101)- 77(61)

జొహన్నెస్‌బర్గ్‌: భారత్‌తో ఇటీవల జరిగిన టెస్టు సిరీస్‌లో తన ఎత్తు విషయంలో ఎదుర్కొన్న వ్యాఖ్య గురించి దక్షిణాఫ్రికా కెప్టెన్ తెంబా బవుమా స్పందించాడు. కోల్‌కతాలో జరిగిన తొలి టెస్టులో భారత పేసర్‌ బుమ్రా, కీపర్‌ రిషభ్‌ పంత్‌ ఎల్బీడబ్ల్యూ అప్పీల్‌ విషయంలో చర్చించుకుంటూ బవుమా గురించి ‘మరుగుజ్జు’ అంటూ వ్యాఖ్యానించారు. దీనిపై కొంత వివాదం రేగింది. అయితే ఆ తర్వాత వారిద్దరు తనకు క్షమాపణలు చెప్పారని బవుమా స్పష్టం చేశాడు. నిజానికి ఆ సమయంలో సరిగ్గా ఏం జరిగిందో కూడా తనకు తెలీదని అతను వెల్లడించాడు. ‘నిజానికి బుమ్రా, పంత్‌ నన్ను క్షమాపణలు కోరినప్పుడు అసలు ఎందుకు చెబుతున్నారో కూడా అర్థం కాలేదు. మా మీడియా మేనేజర్‌ను అడిగి వివరాలు తెలుసుకోవాల్సి వచ్చింది. వారి భాషలో నా గురించి ఏదోలా మాట్లాడుకున్నారని అర్థమైంది. ఆ రోజు ఆట ముగిసిన తర్వాత నా వద్దకు వచ్చి వారు సారీ చెప్పారు. మైదానంలో జరిగిన విషయాలు అక్కడే ముగిసిపోతాయి. కానీ ఏం అన్నారో మర్చిపోలేం కదా. అవి మరింత బాగా ఆడేందుకు ప్రేరణ అందిస్తాయి. అయితే నాకు ఎలాంటి విద్వేషభావం లేదు’ అని బవుమా వివరించాడు. మరోవైపు గువాహటిలో జరిగిన రెండో టెస్టు సమయంలో భారత ఆటగాళ్లను ‘మోకాళ్లపై కూర్చోబెడతాను’ అంటూ దక్షిణాఫ్రికా కోచ్‌ షుక్రి కాన్రాడ్‌ అనడం కూడా తీవ్ర చర్చకు దారి తీసింది. ఈ విషయంలో షుక్రిని తప్పుబట్టిన బవుమా... అతను మరింత మెరుగైన భాషను వాడాల్సిందని అభిప్రాయపడ్డాడు. భారత గడ్డపై కఠిన పరిస్థితులు ఎదురవుతాయని ఊహించానని...వాటిని అధిగమించి 25 ఏళ్ల తర్వాత టెస్టు సిరీస్‌ గెలవడం చాలా గొప్పగా అనిపించిందని బవుమా తన ఆనందాన్ని వ్యక్తపర్చాడు.

దేశవాళీ వన్డే టోర్నమెంట్‌ విజయ్‌ హజారే ట్రోఫీ 2025-26 సీజన్‌కు బుధవారం తెరలేచింది. ఎలైట్‌ గ్రూప్‌ ‘డి’లో భాగంగా బుధవారం నాటి తొలి మ్యాచ్‌లో ఆంధ్ర జట్టు... స్టార్‌లతో నిండి ఉన్న ఢిల్లీ టీమ్‌తో తలపడేందుకు సిద్ధమైంది.బెంగళూరు వేదికగా విరాట్‌ కోహ్లి (Virat Kohli), రిషభ్‌ పంత్‌ (Rishabh Pant)తో కూడిన ఢిల్లీ జట్టుపై మెరుగైన ప్రదర్శన చేయాలని ఆంధ్ర జట్టు భావిస్తోంది. ఈ మ్యాచ్‌పై అందరి దృష్టి నిలవనున్న నేపథ్యంలో... మనవాళ్లు ఎలాంటి ప్రదర్శన కనబరుస్తారనేది ఆసక్తికరం.నితీశ్‌ రెడ్డి వర్సెస్‌ రిషభ్‌ పంత్‌టీమిండియా పేస్‌ ఆల్‌రౌండర్‌ నితీశ్‌ కుమార్‌ రెడ్డి (Nitish Kumar Reddy)ఆంధ్ర జట్టుకు కెప్టెన్‌గా ఉండగా... శ్రీకర్‌ భరత్, రికీ భుయ్, అశ్విన్‌ హెబ్బర్, షేక్‌ రషీద్‌ బ్యాటింగ్‌లో కీలకం కానున్నారు. సత్యనారాయణ రాజు, వినయ్, స్టీఫెన్‌ బౌలింగ్‌ భారం మోయనున్నారు.బెంగళూరులోని సెంటర్‌ ఆఫ్‌ ఎక్సలెన్స్‌ గ్రౌండ్‌ వేదికగా ఆంధ్ర జట్టుతో మ్యాచ్‌లో టాస్‌ గెలిచిన ఢిల్లీ.. తొలుత ఫీల్డింగ్‌ ఎంచుకుంది. దీంతో నితీశ్‌ రెడ్డి సేన బ్యాటింగ్‌కు దిగనుంది.ఆంధ్ర వర్సెస్‌ ఢిల్లీ తుదిజట్లుఆంధ్రశ్రీకర్ భరత్(వికెట్‌ కీపర్‌), అశ్విన్ హెబ్బార్, షేక్ రషీద్, రికీ భుయ్, నితీశ్‌ కుమార్ రెడ్డి(కెప్టెన్‌), సౌరభ్ కుమార్, మారంరెడ్డి హేమంత్ రెడ్డి, కేఎస్‌ నరసింహ రాజు, త్రిపురాణ విజయ్, సత్యనారాయణ రాజు, SDNV ప్రసాద్.ఢిల్లీఅర్పిత్ రాణా, ప్రియాంష్ ఆర్య, విరాట్ కోహ్లీ, నితీష్ రాణా, రిషభ్‌ పంత్(కెప్టెన్‌, వికెట్‌ కీపర్‌), ఆయుశ్‌ బదోని, సిమర్‌జీత్ సింగ్, హర్ష్ త్యాగి, ఇషాంత్ శర్మ, ప్రిన్స్ యాదవ్, నవదీప్ సైనీ.రోహిత్‌ కూడా వచ్చేశాడుఇక గ్రూప్‌-సిలో భాగంగా ముంబైతో మ్యాచ్‌లో సిక్కిం టాస్‌ గెలిచి తొలుత బ్యాటింగ్‌ ఎంచుకుంది. దీంతో కోహ్లి మాదిరే రోహిత్‌ శర్మ కూడా ఛేదనలోనే బ్యాటింగ్‌ చేయాల్సి వచ్చింది.ముంబై తుదిజట్టురోహిత్ శర్మ, అంగ్క్రిష్ రఘువంశీ, సర్ఫరాజ్ ఖాన్, సిద్ధేష్ లాడ్, ముషీర్ ఖాన్, హార్దిక్ టామోర్ (వికెట్‌ కీపర్‌), షామ్స్ ములానీ, తనుష్ కోటియన్, శార్దూల్ ఠాకూర్ (కెప్టెన్‌), తుషార్ దేశ్‌పాండే, సిల్వెస్టర్ డిసౌజా.సిక్కిం తుదిజట్టులీ యోంగ్ లెప్చా (కెప్టెన్‌), ఆశిష్ థాపా (వికెట్‌ కీపర్‌),అమిత్ రాజేరా, రాబిన్ లింబూ, గురీందర్ సింగ్, క్రాంతి కుమార్, పల్జోర్ తమాంగ్, అంకుర్ మాలిక్, కె సాయి సాత్విక్, ఎండీ సప్తుల్లా, అభిషేక్ కేఆర్‌ షా.చదవండి: రవీంద్ర జడేజా కీలక నిర్ణయం

న్యూఢిల్లీ: దేశవాళీ వన్డే టోర్నమెంట్‌ విజయ్‌ హజారే ట్రోఫీలో టీమిండియా స్టార్‌ విరాట్‌ కోహ్లి... ఢిల్లీ జట్టుకు ప్రాతినిధ్యం వహించనున్నాడు. ఇటీవల దక్షిణాఫ్రికాతో వన్డే సిరీస్‌లో రెండు సెంచరీలతో విజృంభించిన విరాట్‌... న్యూజిలాండ్‌తో సిరీస్‌కు ముందు ఈ టోర్నీలో పాల్గొనాలని నిర్ణయించుకున్నాడు. ఈ నెల 24 నుంచి ప్రారంభం కానున్న ఈ టోర్నమెంట్‌ ఆరంభ మ్యాచ్‌ల్లో కోహ్లి బరిలోకి దిగనున్నాడు. ఈ టోర్నీలోని తొలి రెండు మ్యాచ్‌ల కోసం శుక్రవారం ఢిల్లీ డిస్ట్రిక్ట్ క్రికెట్‌ అసోసియేషన్‌ (డీడీసీఏ) 20 మందితో కూడిన జట్టును ప్రకటించింది. ఈ టీమ్‌కు భారత వికెట్‌ కీపర్‌ రిషబ్‌ పంత్‌ కెప్టెన్‌గా వ్యవహరించనున్నాడు. కోహ్లి, పంత్‌తో పాటు సీనియర్‌ పేసర్లు ఇషాంత్‌ శర్మ, నవ్‌దీప్‌ సైనీ కూడా ఈ టోర్నీలో ఆడనున్నారు. పేస్‌ ఆల్‌రౌండర్‌ హర్షిత్‌ రాణా అందుబాటులో ఉన్న సమయంలో టోర్నీలో పాల్గొననున్నట్లు ప్రకటించాడు. గ్రూప్‌ ‘డి’లో భాగంగా ఢిల్లీ జట్టు డిసెంబర్‌ 24 నుంచి జనవరి 8 మధ్య ఏడు మ్యాచ్‌లు ఆడనుంది. ఆ తర్వాత జనవరి 11 నుంచి న్యూజిలాండ్‌తో భారత జట్టు వన్డే సిరీస్‌ ఆడనుంది. దీంతో ఫామ్, ఫిట్‌నెస్‌ కాపాడుకునేందుకు కోహ్లికి ఈ టోర్నమెంట్‌ ఉపయోగపడనుంది. ఆయుశ్‌ బదోనీ ఢిల్లీ జట్టు వైస్‌ కెప్టెన్‌గా వ్యవహరించనుండగా... యశ్‌ ధుల్, ప్రియాన్ష్ ఆర్య, నితీశ్‌ రాణా వంటి ప్రతిభావంతులు జట్టులో ఉన్నారు. ఆరంభ మ్యాచ్‌లకు రోహిత్‌ దూరం మరోవైపు టీమిండియా మాజీ కెప్టెన్‌ రోహిత్‌ శర్మ, టి20 కెప్టెన్‌ సూర్యకుమార్‌ యాదవ్‌తో పాటు యశస్వి జైస్వాల్, అజింక్యా రహానే, శివమ్‌ దూబే... విజయ్‌ హజారే టోర్నీ ఆరంభ మ్యాచ్‌లకు దూరం కానున్నారు. యువ ఆటగాళ్లను పరీక్షించాలనే ఉద్దేశంతో స్టార్‌ ఆటగాళ్లను తొలి రెండు మ్యాచ్‌లకు ఎంపిక చేయడం లేదని ముంబై చీఫ్‌ సెలెక్టర్‌ సంజయ్‌ పాటిల్‌ పేర్కొన్నాడు. ‘రోహిత్, జైస్వాల్, దూబే, రహానే కనీసం తొలి రెండు మ్యాచ్‌లకు ముంబై జట్టులో ఉండరు. సెలెక్షన్‌ కమిటీ యువ ఆటగాళ్లను పరీక్షించాలని భావిస్తోంది. జైస్వాల్‌ కడుపునొప్పితో ఇబ్బంది పడుతున్నాడు. ఈ నేపథ్యంలో యువకులకు అవకాశం ఇవ్వాలని భావించాం’ అని సంజయ్‌ వెల్లడించారు. ఈ టోర్నీ గ్రూప్‌ ‘సి’లో ఉన్న ముంబై జట్టు ఈ నెల 24న తొలి మ్యాచ్‌లో సిక్కీంతో తలపడనుంది.

దేశవాళీ వన్డే టోర్నమెంట్‌ విజయ్‌ హజారే ట్రోఫీ-2025కి ఢిల్లీ అండ్‌ డిస్ట్రిక్ట్‌ క్రికెట్‌ అసోసియేషన్‌ (డీడీసీఏ) తమ జట్టును ప్రకటించింది. టీమిండియా దిగ్గజం విరాట్‌ కోహ్లి తొలి రెండు మ్యాచ్‌లకు అందుబాటులో ఉండనున్నట్లు తెలిపింది. అదే విధంగా భారత టెస్టు జట్టు వైస్‌ కెప్టెన్‌ రిషభ్‌ పంత్‌.. ఈ టోర్నీలో ఢిల్లీ కెప్టెన్‌గా వ్యవహరిస్తాడని తెలిపింది.ఇక మరో టీమిండియా స్టార్‌ పేసర్‌ హర్షిత్‌ రాణా వీలు చిక్కినపుడు మ్యాచ్‌లకు వస్తాడని తెలిపిన డీడీసీఏ.. భారత మాజీ స్టార్‌ బౌలర్‌ ఇషాంత్‌ శర్మ, నవదీప్‌సైనీ కూడా ఈసారి జట్టులో భాగం కానున్నారని తెలిపింది. కాగా పంత్‌ డిప్యూటీగా ఆయుశ్‌ బదోని వ్యవహరించనుండగా.. తేజస్వి సింగ్‌ వికెట్‌ కీపర్‌గా సేవలు అందించనున్నాడు.2010లో చివరిసారిగాకాగా 2010లో చివరిసారిగా విరాట్‌ కోహ్లి తన సొంత జట్టు ఢిల్లీ తరఫున విజయ్‌ హజారే ట్రోఫీ ఆడాడు. వన్డే క్రికెట్‌లో రారాజుగా వెలుగొందుతూ అత్యధిక సెంచరీల (53) వీరుడిగా రికార్డులకెక్కిన ఈ కుడిచేతి వాటం బ్యాటర్‌.. చాలా ఏళ్ల తర్వాత మళ్లీ దేశీ క్రికెట్‌ బరిలో దిగనున్నాడు. ప్రతి ఒక్క ఆటగాడు కనీసం రెండు దేశీ మ్యాచ్‌లు అయినా ఆడాలన్న బీసీసీఐ నిబంధనల నేపథ్యంలో కోహ్లి ఈ నిర్ణయం తీసుకున్నట్లు తెలుస్తోంది. మరోవైపు.. ముంబై తరఫున ఆరంభ మ్యాచ్‌లకు మాత్రం రోహిత్‌ శర్మ అందుబాటులో ఉండటం లేదని ఎంసీఏ చీఫ్‌ సెలక్టర్‌ సంజయ్‌ పాటిల్‌ తాజాగా వెల్లడించాడు.విజయ్‌ హజారే ట్రోఫీ-2025 మ్యాచ్‌లకు ఢిల్లీ జట్టురిషబ్ పంత్ (కెప్టెన్‌), ఆయుష్ బదోని (వైస్‌ కెప్టెన్‌), అర్పిత్ రాణా, విరాట్ కోహ్లి, హర్షిత్ రాణా, నితీష్ రాణా, యశ్ ధుల్, సార్థక్ రంజన్, నవదీప్ సైనీ, ఇషాంత్ శర్మ, హృతిక్ షోకీన్, తేజస్వి సింగ్ (వికెట్‌ కీపర్‌), హర్ష్ త్యాగి, సిమర్‌జీత్ సింగ్, ప్రిన్స్ యాదవ్‌, ఆయుశ్‌ దొసేజా, దివిజ్‌ మెహ్రా, వైభవ్‌ కంద్పాల్‌, రోహన్‌ రాణా, అనూజ్‌ రావత్‌. చదవండి: ఊహించని షాకిచ్చిన రోహిత్‌ శర్మ!

అంతా ఊహించిందే జరిగింది. ఐపీఎల్‌-2026 మినీ వేలంలో ఆస్ట్రేలియా స్టార్ ఆల్‌రౌండర్ కామెరూన్ గ్రీన్‌పై కాసుల వర్షం కురిసింది. ఈ విధ్వంసకర ఆటగాడిని రూ. 25.20 కోట్ల భారీ ధరకు కోల్‌కతా నైట్‌రైడర్స్ కొనుగోలు చేసింది. రూ. 2 కోట్ల బెస్ ప్రైస్‌తో వేలంలోకి వ‌చ్చిన ముంబై ఇండియన్స్‌, కేకేఆర్ పోటీ ప‌డ్డాయి. రూ. 2.75 కోట్ల‌తో ముంబై బిడ్‌ను ప్రారంభించింది. కానీ రాజ‌స్తాన్ రాయ‌ల్స్ ఎంట్రీ ఇవ్వ‌డంతో ముంబై పోటీ నుంచి త‌ప్పుకోంది. ఆ త‌ర్వాత కేకేఆర్, రాజస్తాన్ రాయ‌ల్స్ మ‌ధ్య పోటీ నెలకొంది. అనంతరం రాజస్తాన్‌ కూడా రేసు నుంచి వైదొలగా.. చెన్నై సూపర్‌ కింగ్స్‌ ఎంట్రీ ఇచ్చింది. గ్రీన్‌ కోసం సీఎస్‌కే కూడా తీవ్రంగా శ్రమించింది. కానీ కేకేఆర్‌తో పోటీ పడలేక సీఎస్‌కే వెనక్కి తగ్గింది. దీంతో గ్రీన్‌ కేకేఆర్‌ సొంతమయ్యాడు.గ్రీన్‌ రికార్డు..ఐపీఎల్‌ చరిత్రలోనే అత్యధిక ధరకు అమ్ముడుపోయిన విదేశీ ఆటగాడిగా గ్రీన్‌ రికార్డులలెక్కాడు. ఇంతకుముందు ఈ రికార్డు ఆసీస్‌ స్టార్‌ పేసర్‌ మిచెల్‌ స్టార్క్‌ (రూ.24.75) పేరిట ఉండేది. తాజా వేలంతో స్టార్క్‌ను గ్రీన్‌ వెనక్కి నెట్టాడు. అదేవిధంగా ఓవరాల్‌గా ఐపీఎల్‌ వేలంలో అత్యధిక ధర పొందిన మూడో ప్లేయర్‌గా గ్రీన్‌ నిలిచాడు. ఈ జాబితాలో భారత వికెట్‌ కీపర్‌ బ్యాటర్‌ రిషబ్‌ పంత్‌(రూ.27 కోట్లు) అగ్రస్ధానంలో ఉండగా.. శ్రేయస్‌ అయ్యర్‌(రూ. 26.75 కోట్లు) ఉన్నాడు.గ్రీన్‌కు వచ్చేది ఎన్ని కోట్లంటే?అయితే గ్రీన్ దక్కించుకున్న రూ. 25.20 కోట్లలో బీసీసీఐ కోత విధించనుంది. , ఐపీఎల్‌ గత సీజన్‌లో ప్రవేశపెట్టిన కొత్త నిబంధన ప్రకారం.. విదేశీ ప్లేయర్ 18 కోట్ల కంటే ఎక్కువ పలికితే, ఆపై మిగిలిన మొత్తాన్ని బీసీసీఐ ప్లేయర్ల వెల్ఫేర్ కోసం ఖర్చు చేయనుంది. దీంతో గ్రీన్ పలికిన ధరలో 7.20 కోట్లు బీసీసీఐకి వెళ్లనున్నాయి.చదవండి: దంచికొట్టిన వైభవ్‌ సూర్యవంశీ.. కానీ..

భారత క్రికెట్‌ దిగ్గజం విరాట్‌ కోహ్లి అభిమానులకు ఎగిరి గంతేసే శుభవార్త. ఇటీవల సౌతాఫ్రికాతో వరుస సెంచరీలతో దుమ్ములేపిన ఈ రన్‌మెషీన్‌ మరోసారి బ్యాట్‌ పట్టి మైదానంలో దిగనున్నాడు. అయితే, ఈసారి టీమిండియా తరఫున కాకుండా.. దేశవాళీ వన్డే టోర్నమెంట్‌ విజయ్‌ హజారే ట్రోఫీలో కోహ్లి ఆడనున్నాడు.ప్రాబబుల్స్‌లో కోహ్లి పేరుఈ విషయాన్ని ఢిల్లీ అండ్‌ డిస్ట్రిక్ట్‌ క్రికెట్‌ అసోసియేషన్‌ (DDCA) గురువారం ధ్రువీకరించింది. తాను విజయ్‌ హజారే ట్రోఫీ ఆడేందుకు సిద్ధంగా ఉన్నట్లు కోహ్లి తమకు స్వయంగా తెలిపాడని పేర్కొంది. ఈ క్రమంలోనే విజయ్‌ హజారే ట్రోఫీ (Vijay Hazare Trophy) తాజా సీజన్‌ ప్రాబబుల్స్‌లో కోహ్లి పేరును చేర్చింది. దీని గురించి డీడీసీఏ వర్గాలు ఇటీవల ఇండియన్‌ ఎక్స్‌ప్రెస్‌తో మాట్లాడుతూ..‘‘తాను విజయ్‌ హజారే ట్రోఫీ ఆడతానని విరాట్‌ కోహ్లి (Virat Kohli) డీడీసీఏకు సమాచారం ఇచ్చాడు. క్రికెట్‌లో అతడు కొత్తగా నిరూపించుకోవాల్సింది ఏమీ లేదు. రిషభ్‌ పంత్‌ కూడాఇటీవల సౌతాఫ్రికాతో వన్డేల్లోనూ సెంచరీలు బాదాడు. ప్రపంచంలోని అత్యుత్తమ బ్యాటర్‌గా ఇప్పటికీ కొనసాగుతునే ఉన్నాడు. అయితే, అతడు ఈ దేశీ టోర్నీలో ఆడటం ద్వారా యువ ఆటగాళ్లు మరింత స్ఫూర్తి పొందుతారు’’ అని పేర్కొన్నారు.ఇదిలా ఉంటే.. కోహ్లితో పాటు మరో టీమిండియా స్టార్‌ రిషభ్‌ పంత్‌ పేరు కూడా ప్రాబబుల్స్‌ లిస్టులో ఉంది. ఈసారి ఈ ఇద్దరు ఢిల్లీ తరపున మరోసారి బరిలోకి దిగడం ఖాయంగా కనిపిస్తోంది.గంభీర్‌- అగార్కర్‌ ఒత్తిడి వల్లేనా?కోహ్లి వరల్డ్‌క్లాస్‌ బ్యాటర్‌. ఇప్పటికే ఎన్నో రికార్డులు తన ఖాతాలో వేసుకున్నాడు. శతక శతకాల ధీరుడు సచిన్‌ టెండుల్కర్‌ తర్వాత.. అత్యధిక సెంచరీలు (84) బాదిన రెండో ఇంటర్నేషనల్‌ ప్లేయర్‌గా కొనసాగుతున్నాడు.సౌతాఫ్రికాతో వన్డేల ద్వారా సూపర్‌ ఫామ్‌లోకి వచ్చిన కోహ్లి.. నిజానికి కొత్తగా నిరూపించుకునేది ఏమీ లేదు. అయితే, వన్డే వరల్డ్‌కప్‌-2027 ప్రణాళికల్లో ఉండాలంటే నిబంధనల ప్రకారం.. దిగ్గజాలు విరాట్‌ కోహ్లి, రోహిత్‌ శర్మ దేశీ క్రికెట్‌ ఆడాల్సిందేనని యాజమాన్యం చెప్పినట్లు వార్తలు వచ్చాయి.ముఖ్యంగా హెడ్‌కోచ్‌ గౌతం గంభీర్‌, చీఫ్‌ సెలక్టర్‌ అజిత్‌ అగార్కర్‌ ఈ విషయంలో పంతం పట్టినట్లు ఊహాగానాలు వినిపించాయి. గత కొన్ని రోజులుగా వీరిద్దరు రో- కోల గురించి చేసిన వ్యాఖ్యలే ఇందుకు కారణం. రోహిత్‌ను అనూహ్యంగా వన్డే కెప్టెన్సీ నుంచి తప్పించడం.. వరల్డ్‌కప్‌ ప్లాన్‌లో భాగంగానే ఇలా చేశామని అగార్కర్‌ చెప్పడం ఇందుకు నిదర్శనం.అంతేకాదు అంతకుముందు వీరిద్దరు కలిసి రో-కో టెస్టులకు రిటైర్మెంట్‌ ప్రకటించేలా ఒత్తిడి చేశారనే ఆరోపణలూ ఉన్నాయి. ఏదేమైనా ఇప్పటికే అంతర్జాతీయ టీ20, టెస్టులకు వీడ్కోలు పలికిన రోహిత్‌- కోహ్లి.. వన్డేల్లో కొనసాగుతూ హవా చూపిస్తున్నారు.ఈ నేపథ్యంలో బోర్డు నిబంధనలకు అనుగుణంగా నడుచుకుని దేశీ టోర్నీల్లో ఆడాలనే సంచలన నిర్ణయం తీసుకున్నట్లు తెలుస్తోంది. అయితే, ఇటీవల బీసీసీఐ వర్గాలు మాట్లాడుతూ.. రో-కో దేశీ క్రికెట్‌ ఆడాలని ఎవరూ ఒత్తిడి చేయడం లేదని చెప్పడం గమనార్హం. కానీ పరిణామాలు అందుకు భిన్నంగా ఉన్నాయనే అభిప్రాయాలు వ్యక్తమవుతున్నాయి.విజయ్‌ హజారే ట్రోఫీ 2025-26 సీజన్‌: ఢిల్లీ ప్రాబబుల్స్‌ జట్టువిరాట్‌ కోహ్లి, రిషభ్‌ పంత్‌, దేవ్‌ లక్రా, యుగళ్‌ సైనీ, దివిజ్‌ మెహ్రా, సుజల్‌ సింగ్‌, రజ్‌నీశ్‌ దాదర్‌, అమన్‌ భార్తి, గోవింద్‌ మిట్టల్‌, సుమిత్‌ బెనీవాల్‌, శుభమ్‌ దూబే, కేశవ్‌ దబాస్‌, రాహుల్‌ చౌదరి, సమర్థ్‌ సేత్‌, శివమ్‌ త్రిపాఠి, అన్మోల్‌ శర్మ, శివమ్‌ గుప్తా, లక్షయ్‌ తరేజా, మనన్‌ భరద్వాజ్‌, రౌనక్‌ వాఘేలా, మయాంక్‌ గుసైన్‌, కేశవ్‌ ఆర్‌సింగ్‌,, లక్ష్మణ్‌, దివాన్ష్‌ రావత్‌, ప్రణవ్‌ రాజ్‌వన్షీ, ప్రన్షు విజయరణ్‌.చదవండి: వరల్డ్‌కప్‌ టోర్నీకి ఆస్ట్రేలియా జట్టు ప్రకటన.. భారత సంతతి ఆటగాళ్లకు చోటు

సౌతాఫ్రికాతో తొలి వన్డేలో ఆడిన జట్టునే.. రెండో వన్డేలోనూ కొసాగించింది టీమిండియా యాజమాన్యం. ఫలితంగా మహారాష్ట్ర ఆటగాడు రుతురాజ్‌ గైక్వాడ్‌కు తనను తాను నిరూపించుకునేందుకు మరో అవకాశం లభించింది.సెంచరీతో అదరగొట్టాడుఈసారి రుతురాజ్‌ ఎలాంటి తప్పిదమూ చేయలేదు. వచ్చిన అవకాశాన్ని సద్వినియోగం చేసుకుంటూ.. ఆకాశమే హద్దుగా చెలరేగాడు. రాయ్‌పూర్‌ మైదానంలో శతక్కొట్టిన తొలి అంతర్జాతీయ ఆటగాడిగా చరిత్ర సృష్టించాడు. కేవలం 77 బంతుల్లోనే సెంచరీ పూర్తి చేసుకున్న రుతురాజ్‌ (Ruturaj Gaikwad)... మొత్తంగా 83 బంతులు ఎదుర్కొని 12 ఫోర్లు, రెండు సిక్సర్ల సాయంతో 105 పరుగులు రాబట్టాడు.సాధారణంగా రుతురాజ్‌ ఓపెనింగ్ బ్యాటర్‌గా వస్తాడు. కానీ జట్టు కూర్పు దృష్ట్యా ఈసారి అతడు మిడిలార్డర్‌లో కీలకమైన నాలుగో స్థానంలో బ్యాటింగ్‌ చేశాడు. వైస్‌ కెప్టెన్‌ శ్రేయస్‌ అయ్యర్‌ (Shreyas Iyer) గైర్హాజరీ కారణంగా రుతుకు జట్టులో చోటు దక్కింది. మరోవైపు.. రిషభ్‌ పంత్‌ (Rishabh Pant) నుంచి గట్టి పోటీ ఉన్నా.. యాజమాన్యం అనూహ్య రీతిలో తుదిజట్టులోనూ అతడిని ఆడించింది.ఈ పరిణామాల నేపథ్యంలో టీమిండియా మాజీ క్రికెటర్‌ ఇర్ఫాన్‌ పఠాన్‌ ఆసక్తికర వ్యాఖ్యలు చేశాడు. రుతురాజ్‌ విషయంలో మేనేజ్‌మెంట్‌కు తప్పక క్రెడిట్‌ ఇవ్వాలన్నాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ..తిలక్‌, పంత్‌ ఉన్నా.. ‘‘ఒక్క మ్యాచ్‌తో ఏ ఆటగాడు తనను తాను నిరూపించుకోలేడు. కాబట్టే రుతురాజ్‌కు మేనేజ్‌మెంట్‌ మరో అవకాశం ఇచ్చింది. ఇందుకు యాజమాన్యానికి క్రెడిట్‌ ఇవ్వాల్సిందే. తిలక్‌ వర్మ , రిషభ్‌ పంత్‌ రిజర్వు ప్లేయర్లుగా ఉన్నా రుతుకు అవకాశం ఇవ్వడం గొప్ప విషయం. అతడిని నాలుగో స్థానంలో పంపినా సెంచరీ చేసి అదరగొట్టాడు. ఇక ముందు కూడా అతడిని జట్టులో కొనసాగిస్తే టాపార్డర్‌లో ఉంటాడా? లేదంటే నాలుగో స్థానంలో ఆడతాడా? అన్నది ఆసక్తికరంగా మారింది.తనను ఏ స్థానంలో ఆడించినా పర్లేదనే సంకేతాన్ని రుతురాజ్‌ సెలక్టర్లకు ఇచ్చేశాడు. కాబట్టి మూడో వన్డేలోనూ అతడిని తప్పక కొనసాగిస్తారనే భావిస్తున్నా’’ అని ఇర్ఫాన్‌ పఠాన్‌ చెప్పుకొచ్చాడు.దురదృష్టవశాత్తూకాగా రాంచి వేదికగా తొలి వన్డేలో రుతు 14 బంతులు ఎదుర్కొని కేవలం 8 పరుగులే చేశాడు. ఒట్నీల్‌ బార్ట్‌మన్‌ బౌలింగ్‌లో రుతు ఇచ్చిన క్యాచ్‌ను డెవాల్డ్‌ బ్రెవిస్‌ సంచలన రీతిలో ఒంటిచేత్తో అందుకుని.. అతడికి రీఎంట్రీలో చేదు అనుభవం మిగిల్చాడు. ఇదిలా ఉంటే.. సౌతాఫ్రికాతో తొలి వన్డేలో గెలిచిన టీమిండియా.. రెండో వన్డేలో ఓడింది. ఫలితంగా ప్రస్తుతం 1-1తో ఇరుజట్లు సమానంగా ఉండగా.. విశాఖపట్నంలో శనివారం జరిగే మూడో వన్డేతో సిరీస్‌ విజేత ఎవరో తేలుతుంది. చదవండి: RO-KO హవా!.. ఈ హీరోని మర్చిపోతే ఎలా? కెప్టెన్‌గానూ సరైనోడు!

టీమిండియా దిగ్గజ బ్యాటర్‌ రోహిత్‌ శర్మ స్వభావం గురించి ప్రత్యేకంగా చెప్పాల్సిన పనిలేదు. మైదానంలో బ్యాట్‌తో పరుగుల వరద పారించే హిట్‌మ్యాన్‌.. సారథిగా గంభీరంగా కనిపిస్తూనే.. పరిస్థితులకు తగ్గట్లు నవ్వులు పూయించడంలోనూ ముందే ఉంటాడు. ఇక మైదానం వెలుపల సహచర ఆటగాళ్లతో రోహిత్‌ ఫ్రెండ్లీగా ఉంటాడనే విషయం అతడి అభిమానులకు బాగా తెలుసు.తానొక లెజెండరీ బ్యాటర్‌, కెప్టెన్‌ని అనే గర్వం రోహిత్‌ శర్మ (Rohit Sharma)లో అస్సలు కనిపించదు. తోటి ఆటగాళ్లను ఆటపట్టించడంలో ముందుండే హిట్‌మ్యాన్‌.. తన పట్ల వారు కూడా అదే విధంగా ప్రవర్తించినా సరదాగానే ఉంటాడు. ఈ విషయాన్ని రుజువు చేసే ఘటన ఇటీవల చోటు చేసుకుంది.మూడు వన్డేల సిరీస్‌లో 1-1తో సమంగా..టీమిండియా ప్రస్తుతం స్వదేశంలో సౌతాఫ్రికా (IND vs SA)తో వరుస సిరీస్‌లతో బిజీగా ఉన్న విషయం తెలిసిందే. టెస్టుల్లో సఫారీల చేతిలో 2-0తో వైట్‌వాష్‌కు గురైన భారత జట్టు.. మూడు వన్డేల సిరీస్‌లో 1-1తో సమంగా ఉంది. ఆఖరి ఓవర్‌ ఉత్కంఠగా సాగిన తొలి వన్డేలో 17 పరుగుల తేడాతో గట్టెక్కిన టీమిండియా.. రెండో వన్డేలో మాత్రం 358 పరుగులు చేసినా లక్ష్యాన్ని కాపాడుకోలేకపోయింది.రాలిపడ్డ కనురెప్పఈ రెండు వన్డేల్లో రోహిత్‌ శర్మ వరుసగా 57, 14 పరుగులు చేశాడు. ఇదిలా ఉంటే.. రాయ్‌పూర్‌ వేదికగా సౌతాఫ్రికాతో రెండో వన్డేలో ఫీల్డింగ్‌ చేస్తున్న సమయంలో సహచర ఆటగాడు, బెంచ్‌కే పరిమితమైన రిషభ్‌ పంత్‌ (Rishabh Pant).. రోహిత్‌ను ఆటపట్టించాడు. రోహిత్‌ కంటి నుంచి రాలిపడిన రెప్పను పట్టుకున్న పంత్‌.. అతడి చెయ్యిపై ఉంచి.. ఓ కోరిక కోరుకోమన్నాడు.ఇంతకీ రోహిత్‌ ఏం కోరుకున్నాడు?ఇందుకు నవ్వులు చిందించిన రోహిత్‌ అలాగే చేశాడు. వీరిద్దరు ఇలా సరదాగా సంభాషిస్తున్న వీడియో సోషల్‌ మీడియాలో వైరల్‌ అయింది. ఈ నేపథ్యంలో.. ‘ఇంతకీ రోహిత్‌ ఏం కోరుకున్నాడు?’ అంటూ నెటిజన్లు కామెంట్లు చేస్తున్నారు. ఈ విషయంపై రోహిత్‌ శర్మ సన్నిహితుడు అభిషేక్‌ నాయర్‌ స్టార్‌ స్పోర్ట్స్‌ వేదికగా స్పందించాడు.రెండే రెండు కోరికలు‘‘నాకు తెలిసి ప్రస్తుతం రోహిత్‌కు రెండే రెండు కోరికలు ఉండి ఉంటాయి. ఒకటేమో.. ‘నేను 2027 వన్డే వరల్డ్‌కప్‌ను నా చేతుల్లో పట్టుకోవాలి’ అని.. మరొకటి.. సౌతాఫ్రికాతో మూడో వన్డేలో సెంచరీ చేయాలని’’ అంటూ అభిషేక్‌ నాయర్‌.. రోహిత్‌ శర్మ మాటలను డీకోడ్‌ చేశాడు. ఇదిలా ఉంటే.. భారత్‌-సౌతాఫ్రికా మధ్య శనివారం విశాఖపట్నం వేదికగా నిర్ణయాత్మక మూడో వన్డే నిర్వహణకు షెడ్యూల్‌ ఖరారైంది. కాగా టీమిండియాకు టీ20 ప్రపంచకప్‌-2024, ఐసీసీ చాంపియన్స్‌ ట్రోఫీ-2025 అందించిన రోహిత్‌ శర్మను.. ఆస్ట్రేలియా పర్యటనకు ముందు బీసీసీఐ వన్డే కెప్టెన్సీ తొలగించిన విషయం తెలిసిందే. ఇక అంతకు ముందు రోహిత్‌.. అంతర్జాతీయ పొట్టి ఫార్మాట్‌తో పాటు.. టెస్టులకు రిటైర్మెంట్‌ ప్రకటించాడు.చదవండి: 5 ఏళ్లలో 23 సెంచరీలు.. టెస్ట్‌ క్రికెట్‌పై రూట్‌ పంజా

సౌతాఫ్రికాతో మూడు వ‌న్డేల సిరీస్‌ను టీమిండియా అద్భుతమైన విజ‌యంతో ప్రారంభించింది. రాంచీ వేదిక‌గా జ‌రిగిన తొలి వ‌న్డేలో ప‌ర్యాట‌క ప్రోటీస్ జ‌ట్టును 17 ప‌రుగుల తేడాతో భార‌త్ ఓడించింది. అయితే ఈ మ్యాచ్‌లో భార‌త్ గెలిచిన‌ప్ప‌టికి స‌రిదిద్దుకోవాల్సిన త‌ప్పులు కొన్ని ఉన్నాయి. ముఖ్యంగా బౌలింగ్ విభాగంలో రాహుల్ సేన ఇంకా మెరుగైన ప్ర‌ద‌ర్శ‌న చేయాల్సింది.జ‌స్ప్రీత్ బుమ్రా, మ‌హ్మ‌ద్ సిరాజ్ లేని లోటు స్ప‌ష్టంగా క‌న్పించింది. 350 ప‌రుగుల భారీ ల‌క్ష్యాన్ని కాపాడుకునేందుకు భార‌త బౌల‌ర్లు తీవ్రంగా శ్ర‌మించారు. ఓ ద‌శ‌లో జాన్సెన్, బాష్ జోరు చూస్తే స‌ఫారీలదే మ్యాచ్ అన్న‌ట్లు అన్పించింది. కానీ స్పిన్న‌ర్ కుల్దీప్ యాద‌వ్ మ‌యాజాలంతో ఓట‌మి నుంచి మెన్ బ్లూ గ‌ట్టెక్కింది.అదేవిధంగా రాంచీ వ‌న్డేలో భార‌త మిడిలార్డ‌ర్ బ్యాట‌ర్లు కూడా విఫ‌ల‌మ‌య్యారు. ఛాన్నాళ్ల త‌ర్వాత జ‌ట్టులోకి వచ్చిన రుతురాజ్ గైక్వాడ్(8) ఏ మాత్రం ప్ర‌భావం చూపలేక‌పోయాడు. బ్యాటింగ్ ఆల్‌రౌండ‌ర్ వాషింగ్ట‌న్ సుంద‌ర్(13) కూడా నామ‌మాత్ర‌పు స్కోరుకే ప‌రిమిత‌మ‌య్యాడు.వారిద్ద‌రిపై వేటు.. ఈ నేప‌థ్యంలో బుధ‌వారం రాయ్‌పూర్ వేదిక‌గా స‌ఫారీల‌తో జ‌రిగే రెండో వ‌న్డేలో భార‌త్ ప‌లు మార్పుల‌తో బ‌రిలోకి దిగే అవ‌కాశ‌ముంది.తొలి వన్డేలో విఫ‌ల‌మైన రుతురాజ్ గైక్వాడ్‌, సుంద‌ర్‌ల‌పై వేటు వేసేందుకు మెనెజ్‌మెంట్ సిద్ద‌మైన‌ట్లు స‌మాచారం.రుతు స్ధానంలో స్టార్ వికెట్ కీప‌ర్ బ్యాట‌ర్ రిష‌బ్ పంత్‌, సుంద‌ర్ స్ధానంలో ఆంధ్ర ఆల్‌రౌండ‌ర్ నితీష్ కుమార్ జ‌ట్టులోకి రానున్న‌ట్లు బీసీసీఐ వ‌ర్గాలు వెల్ల‌డించాయి. పంత్ గ‌తేడాది చివ‌ర‌గా భార‌త్ త‌ర‌పున వ‌న్డే మ్యాచ్ ఆడాడు. మ‌ళ్లీ ఇప్పుడు ఏడాది త‌ర్వాత ఈ డేంజ‌ర‌స్ బ్యాట‌ర్ బ్లూ జెర్సీలో క‌న్పించ‌నున్నాడు. గ‌త మ్యాచ్‌లో సుంద‌ర్ కేవ‌లం మూడు ఓవ‌ర్లు మాత్ర‌మే బౌలింగ్ చేశాడు. జ‌ట్టులో స్పిన్న‌ర్లు కుల్దీప్ యాద‌వ్‌తో పాటు రవీంద్ర జ‌డేజా ఉండ‌డంతో సుంద‌ర్‌ను బెంచ్‌కు ప‌రిమితం చేయాల‌ని గంభీర్ యోచిస్తున్న‌ట్లు స‌మాచారం. నితీష్ బ్యాట్‌తో పాటు మీడియం పేస్ బౌల‌ర్‌గా కూడా త‌న సేవ‌ల‌ను అందించనున్నాడు. అయితే స‌ఫారీల‌తో జ‌రిగిన రెండో టెస్టులో మాత్రం నితీష్ దారుణ ప్ర‌ద‌ర్శ‌న కన‌బ‌రిచాడు.రెండో వ‌న్డేకు భార‌త తుది జ‌ట్టు(అంచనా)రోహిత్ శర్మ, యశస్వి జైస్వాల్, విరాట్ కోహ్లి, రిష‌బ్ పంత్‌, కేఎల్ రాహుల్‌, నితీశ్ కుమార్ రెడ్డి, ర‌వీంద్ర జ‌డేజా, హ‌ర్షిత్ రాణా, కుల్దీప్ యాద‌వ్‌, అర్ష్‌దీప్ సింగ్‌చదవండి: రోహిత్‌తో గంభీర్‌ ముచ్చట!.. అవేమీ వద్దన్న కోహ్లి!.. బీసీసీఐ సీరియస్‌!

టీమిండియా స్టార్‌ రిషభ్‌ పంత్‌ వన్డే మ్యాచ్‌ ఆడి ఏడాది దాటిపోయింది. గతేడాది శ్రీలంకతో జరిగిన మ్యాచ్‌లో చివరగా ఈ వికెట్‌ కీపర్‌ బ్యాటర్‌ వన్డే బరిలో దిగాడు. టెస్టుల్లో రెగ్యులర్‌ ఆటగాడిగా బిజీ అయిన రిషభ్‌ పంత్‌.. చాన్నాళ్లుగా వన్డే ఫార్మాట్‌కు దూరమయ్యాడు.ఐసీసీ చాంపియన్స్‌ ట్రోఫీ-2025 గెలిచిన భారత జట్టులోనూ పంత్‌ (Rishabh Pant)కు స్థానం దక్కలేదు. అయితే, తాజాగా సొంతగడ్డపై సౌతాఫ్రికాతో వన్డే సిరీస్‌కు మాత్రం సెలక్టర్లు పంత్‌ను ఎంపిక చేశారు. శుబ్‌మన్‌ గిల్‌ (Shubman Gill) గైర్హాజరీలో అతడికే కెప్టెన్‌ చేస్తారని కూడా భావించగా.. సీనియర్‌ కేఎల్‌ రాహుల్‌ (KL Rahul) వైపే మేనేజ్‌మెంట్‌ మొగ్గుచూపింది.వికెట్‌ కీపర్‌గా పంత్‌ను ఆడిస్తారా? ఇక రాహుల్‌ కెప్టెన్సీలో సౌతాఫ్రికాతో మూడు వన్డేల సిరీస్‌ను భారత్‌ రాంచీ వేదికగా మొదలుపెట్టనుంది. ప్రొటిస్‌ జట్టుతో ఆదివారం జరిగే ఈ మ్యాచ్‌ తుదిజట్టు కూర్పు, పంత్‌ స్థానం గురించి చర్చ నడుస్తుండగా.. కెప్టెన్‌ కేఎల్‌ రాహుల్‌ ఆసక్తికర వ్యాఖ్యలు చేశాడు.సౌతాఫ్రికాతో తొలి వన్డేకు ముందు శనివారం మీడియాతో మాట్లాడిన రాహుల్‌కు.. పంత్‌ గురించి ప్రశ్న ఎదురైంది. వికెట్‌ కీపర్‌గా పంత్‌ను ఆడిస్తారా? లేదంటే మీరే కీపర్‌గానూ వ్యవహరిస్తారా? అని విలేకరులు రాహుల్‌ను అడిగారు. ఇందుకు బదులిస్తూ.. ‘‘రిషభ్‌ స్పెషలిస్టు బ్యాటర్‌గా ఆడేందుకు ఎక్కువ అవకాశాలు ఉన్నాయి.తుదిజట్టులో తప్పక ఉంటాడుతుదిజట్టులో అతడు తప్పక ఉంటాడు. అయితే, వికెట్‌ కీపర్‌గా తను ఉంటాడా? లేదా? నేనే ఆ బాధ్యతలు నిర్వర్తిస్తానా అనేది రేపే (ఆదివారం) తెలుస్తుంది’’ అని రాహుల్‌ పేర్కొన్నాడు. మొత్తానికి తుదిజట్టులో పంత్‌కు చోటు ఉందని చెప్పి.. అతడి వన్డే రీఎంట్రీని రాహుల్‌ ధ్రువీకరించాడు.కాగా రెండేళ్లుగా కేఎల్‌ రాహుల్‌ వన్డేల్లో టీమిండియా వికెట్‌ కీపర్‌గా వ్యవహరిస్తున్న విషయం తెలిసిందే. అయితే, సౌతాఫ్రికాతో సిరీస్‌లో కెప్టెన్సీ చేస్తున్నందున కీపర్‌గా అదనపు భారాన్ని అతడు పక్కనపెట్టే అవకాశం ఉంది.ఇక నవంబరు 29- డిసెంబరు 6 వరకు భారత్‌- సౌతాఫ్రికా మధ్య మూడు వన్డేల నిర్వహణకు షెడ్యూల్‌ ఖరారైంది. ఇదిలా ఉంటే.. ప్రొటిస్‌ జట్టు చేతిలో టెస్టుల్లో టీమిండియా 2-0తో వైట్‌వాష్‌కు గురైన విషయం తెలిసిందే. ఈ సిరీస్‌లో పంత్‌ సహా కీలక బ్యాటర్లంతా దారుణంగా విఫలమయ్యారు.సౌతాఫ్రికాతో వన్డేలకు భారత జట్టురోహిత్‌ శర్మ, యశస్వి జైస్వాల్‌, విరాట్‌ కోహ్లి, తిలక్‌ వర్మ, కేఎల్‌ రాహుల్‌ (కెప్టెన్‌, వికెట్‌ కీపర్‌), రిషభ్‌ పంత్‌ (వికెట్‌ కీపర్‌), వాషింగ్టన్‌ సుందర్‌, రవీంద్ర జడేజా, కుల్దీప్‌ యాదవ్‌, నితీశ్‌ కుమార్‌ రెడ్డి, హర్షిత్‌ రాణా, రుతురాజ్‌ గైక్వాడ్‌, ప్రసిద్‌ కృష్ణ, అర్ష్‌దీప్‌ సింగ్‌, ధ్రువ్‌ జురెల్‌.

సొంతగడ్డపై టీమిండియాకు ఘోర అవమానం జరిగింది. సౌతాఫ్రికాతో రెండో టెస్టులో భారత జట్టు చేదు ఫలితం చవిచూసింది. గువాహటిలో సఫారీలు విధించిన 549 పరుగుల లక్ష్యాన్ని ఛేదించే క్రమంలో 140 పరుగులకే కుప్పకూలింది. ఫలితంగా 408 పరుగుల భారీ తేడాతో పరాభవాన్ని మూటగట్టుకుంది.కాస్త నిరాశకు లోనయ్యాంఈ నేపథ్యంలో టీమిండియా తాత్కాలిక కెప్టెన్‌ రిషభ్‌ పంత్‌ (Rishabh Pant) ఓటమిపై స్పందించాడు. ‘‘కాస్త నిరాశకు లోనయ్యాం. జట్టుగా మేము సమిష్టిగా రాణించి ఉండాల్సింది. అదే మా ఓటమికి కారణమైంది. ఏదేమైనా ఈ విజయంలో ప్రత్యర్థికి క్రెడిట్‌ ఇవ్వకతప్పదు. ఈ ఓటమి నుంచి మేము చాలా పాఠాలు నేర్చుకోవాల్సి ఉంది.సిరీస్‌ ఆరంభం నుంచే సౌతాఫ్రికా ఆధిపత్యం కనబరిచింది. మేము ఓడిపోయాం. ఇప్పటికైనా స్పష్టమైన ఆలోచనా విధానం, వ్యూహాలతో ముందుకు సాగాల్సిన అవసరం ఉంది. భవిష్యత్తులో మాకిది గుణపాఠంగా నిలిచిపోతుంది.భారీ మూల్యమే చెల్లించాముఏదేమైనా మేము ఇంకాస్త మెరుగ్గా ఆడాల్సింది. వాల్లు అద్భుతంగా ఆడి సిరీస్‌ గెలుచుకున్నారు. క్రికెట్‌లో జట్టుగా భాగస్వామ్యాలు నెలకొల్పడం ముఖ్యం. మా విషయంలో అది లోపించింది. అందుకే సిరీస్‌ రూపంలో భారీ మూల్యమే చెల్లించాము. ఇక ముందైనా సరైన ప్రణాళిక, వ్యూహాలతో ముందుకు సాగాలని నిర్ణయించుకున్నాం’’ అని పంత్‌ పేర్కొన్నాడు.కాగా ప్రపంచ టెస్టు చాంపియన్‌షిప్‌ 2025-27లో భాగంగా డిఫెండింగ్‌ చాంపియన్‌ సౌతాఫ్రికాతో సొంతగడ్డపై టీమిండియా రెండు మ్యాచ్‌లు ఆడింది. కోల్‌కతాలో తొలి టెస్టులో 30 పరుగుల స్వల్ప తేడాతో ఓడిన భారత్‌.. తొలిసారి టెస్టుకు ఆతిథ్యం ఇచ్చిన గువాహటిలో ఏకంగా 408 పరుగుల తేడాతో భారీ ఓటమిని మూటగట్టుకుంది. ఇరవై ఐదేళ్ల తర్వాతఫలితంగా ఇరవై ఐదేళ్ల తర్వాత సౌతాఫ్రికా తొలిసారి టెస్టుల్లో టీమిండియాను వైట్‌వాష్‌ చేసింది. అంతకు ముందు 2000 సంవత్సరంలో ఈ ఘనత సాధించింది.ఇక గువాహటిలో జరిగిన రెండో టెస్టుకు రెగ్యులర్‌ కెప్టెన్‌ శుబ్‌మన్‌ గిల్‌ గాయం వల్ల దూరం కాగా.. పంత్‌ పగ్గాలు చేపట్టాడు. ఈ మ్యాచ్‌లో భారత బ్యాటర్లు దారుణంగా విఫలమయ్యారు. ముఖ్యంగా పంత్‌ (7, 13) తీవ్రంగా నిరాశపరచగా.. ఆఖరి రోజైన బుధవారం నాటి ఆటలో ఆల్‌రౌండర్‌ రవీంద్ర జడేజా (54) ఒంటరి పోరాటం చేశాడు. మిగతా వారి నుంచి అతడికి కాస్తైనా సహకారం లభిస్తే మ్యాచ్‌ను డ్రా చేసుకోవచ్చనే ఆశలను ప్రొటిస్‌ బౌలర్లు అడియాసలు చేశారు.ఇక సఫారీ స్పిన్నర్లలో సైమన్‌ హార్మర్‌ ఏకంగా ఆరు వికెట్లతో చెలరేగి భారత బ్యాటింగ్‌ ఆర్డర్‌ పతనాన్ని శాసించగా.. కేశవ్‌ మహరాజ్‌ రెండు, సెనూరన్‌ ముత్తుస్వామి ఒక వికెట్‌ తీశారు. పేసర్‌ మార్కో యాన్సెన్‌ ఒక వికెట్‌ తన ఖాతాలో వేసుకున్నాడు. కాగా యాన్సెన్‌ తొలి ఇన్నింగ్స్‌లో ఆరు వికెట్లు తీసి భారత్‌ను 201 పరుగులకు ఆలౌట్‌ చేయడంలో కీలక పాత్ర పోషించి ప్లేయర్‌ ఆఫ్‌ ది మ్యాచ్‌గా నిలవగా.. హార్మర్‌ (మొత్తంగా 17 వికెట్లు)కు ప్లేయర్‌ ఆఫ్‌ ది సిరీస్‌ దక్కింది.చదవండి: Sai Sudharsan: సూప‌ర్‌ స్లో బ్యాటింగ్‌!

ఊహించిందే జరిగింది.. సౌతాఫ్రికాతో రెండో టెస్టులో టీమిండియా (IND vs SA) 408 పరుగుల తేడాతో ఘోర పరాజయం పాలైంది. ఆటలో గెలుపోటములు సహజమే అయినా.. కనీస పోరాట పటిమ కూడా కనబరచకుండా ‘స్టార్‌’ బ్యాటర్లంతా పెవిలియన్‌కు వరుస కట్టడం భారత జట్టు అభిమానులను తీవ్రంగా నిరాశపరిచింది. ముఖ్యంగా సొంతగడ్డపై ఇంతటి భారీ ఓటమిని జీర్ణించుకోలేకపోతున్నారు.ప్రపంచ టెస్టు చాంపియన్‌షిప్‌ (WTC) -2025 విజేత సౌతాఫ్రికా డబ్ల్యూటీసీ తాజా సైకిల్‌లో భాగంగా రెండు టెస్టులు ఆడేందుకు భారత్‌కు వచ్చింది. భారీ అంచనాల నడుమ ఇరుజట్ల మధ్య కోల్‌కతాలో జరిగిన తొలి టెస్టులో ప్రొటిస్‌ జట్టు 30 పరుగుల తేడాతో గెలిచింది.ఆది నుంచే ఆధిపత్యంఅనంతరం భారత్‌- సౌతాఫ్రికా మధ్య గువాహటి వేదికగా శనివారం రెండో టెస్టు మొదలుకాగా.. టాస్‌ గెలిచిన సఫారీలు ఆది నుంచే ఆధిపత్యం కనబరిచారు. తొలి ఇన్నింగ్స్‌లో 489 పరుగుల భారీ స్కోరు సాధించిన ప్రొటిస్‌ జట్టు.. అనంతరం టీమిండియాను 201 పరుగులకే ఆలౌట్‌ చేసింది. పేసర్‌ మార్కో యాన్సెన్‌ ఆరు వికెట్లతో సత్తా చాటి.. సౌతాఫ్రికాకు 288 పరుగుల భారీ ఆధిక్యం లభించడంలో కీలక పాత్ర పోషించాడు.549 పరుగుల లక్ష్యంఆ తర్వాత టీమిండియాను ఫాలో ఆన్‌ ఆడించకుండా తామే మళ్లీ బ్యాటింగ్‌ చేసిన సఫారీలు.. నాలుగో రోజు ఆఖరి సెషన్‌ వరకు ఇన్నింగ్స్‌ డిక్లేర్‌ చేయలేదు. నెమ్మదిగా ఆడుతూనే 78.3 ఓవర్లలో ఐదు వికెట్ల నష్టానికి 260 పరుగులు చేసిన తర్వాత ప్రొటిస్‌ జట్టు తమ ఇన్నింగ్స్‌ డిక్లేర్‌ చేసి.. టీమిండియాకు 549 పరుగుల (288+260) భారీ లక్ష్యాన్ని విధించింది.రెండో ఇన్నింగ్స్‌లో ట్రిస్టన్‌ స్టబ్స్‌ (94) అద్భుత ఇన్నింగ్స్‌ ఆడగా.. టోనీ డి జోర్జీ (49) తృటిలో అర్ధ శతంక చేజార్చుకున్నాడు. ఇక లక్ష్య ఛేదనకు దిగిన టీమిండియాకు ఆదిలోనే షాకులు తగిలాయి. ఓపెనర్లలో యశస్వి జైస్వాల్‌ (13)ను యాన్సెన్‌ వెనక్కి పంపగా.. కేఎల్‌ రాహుల్‌ (6)ను సైమన్‌ హార్మర్‌ అవుట్‌ చేశాడు. దీంతో మంగళవారం నాటి నాలుగోరోజు ఆట ముగిసే సరికి టీమిండియా రెండు వికెట్ల నష్టానికి కేవలం 27 పరుగులు చేసింది.హార్మర్‌ విజృంభణఈ క్రమంలో 27/2 ఓవర్‌నైట్‌ స్కోరుతో బుధవారం నాటి ఆఖరి రోజు ఆటను మొదలుపెట్టిన టీమిండియాకు సఫారీ స్పిన్నర్‌ సైమన్‌ హార్మర్‌ చుక్కలు చూపించాడు. నైట్‌ వాచ్‌మన్‌ కుల్దీప్‌ యాదవ్‌ (5)ను సైమన్‌ బౌల్డ్‌ చేయగా.. పట్టుదలగా క్రీజులో నిలబడ్డ సాయి సుదర్శన్‌ (139 బంతుల్లో 14)ను సెనూరన్‌ ముత్తుస్వామి వెనక్కి పంపాడు.ఆ తర్వాత సైమన్‌ హార్మర్‌ తన వికెట్ల వేటను వేగవంతం చేశాడు. ధ్రువ్‌ జురెల్‌ (2), కెప్టెన్‌ రిషభ్‌ పంత్‌ (13), వాషింగ్టన్‌ సుందర్‌ (16), నితీశ్‌ కుమార్‌ రెడ్డి (0)లను అవుట్‌ చేసి.. భారత బ్యాటింగ్‌ ఆర్డర్‌ను కుదేలు చేశాడు. లాంఛనం పూర్తి చేసిన మహరాజ్‌ఇక పట్టుదలగా నిలబడ్డ రవీంద్ర జడేజా అర్ధ శతక వీరుడు (87 బంతుల్లో 54)ను వెనక్కి పంపిన మరో స్పిన్నర్‌ కేశవ్‌ మహరాజ్‌.. మొహమ్మద్‌ సిరాజ్‌ (0) ఆఖరి వికెట్‌గా వెనక్కి పంపి టీమిండియా ఓటమిని ఖరారు చేశాడు. మొత్తంగా సైమన్‌ హార్మర్‌ ఆరు వికెట్లతో చెలరేగగా.. కేశవ్‌ మహరాజ్‌ రెండు, ‘ప్లేయర్‌ ఆఫ్‌ ది మ్యాచ్‌’ యాన్సెన్‌, ముత్తుస్వామి చెరో వికెట్‌ దక్కించుకున్నారు. ఇక సమిష్టి కృషితో ఆద్యంతం అద్భుతంగా రాణించిన సౌతాఫ్రికా పాతికేళ్ల తర్వాత తొలిసారి భారత్‌లో టెస్టు సిరీస్‌ గెలవడమే కాదు..వైట్‌వాష్‌ చేసింది కూడా!! భారత్‌ వర్సెస్‌ సౌతాఫ్రికా రెండో టెస్టు సంక్షిప్త స్కోర్లుసౌతాఫ్రికా: 489 & 260/5 డిక్లేర్డ్‌భారత్‌: 201 & 140ఫలితం: 408 పరుగుల తేడాతో భారత్‌పై సౌతాఫ్రికా గెలుపుచదవండి: కాస్త హుందాగా ఉండండి: సౌతాఫ్రికా కోచ్‌పై మండిపడ్డ కుంబ్లే, డేల్‌ స్టెయిన్‌

టీమిండియా సెలక్షన్‌ కమిటీ తీరును భారత స్పిన్‌ దిగ్గజం అనిల్‌ కుంబ్లే (Anil Kumble) విమర్శించాడు. సౌతాఫ్రికాతో వన్డేలకు ఎంపిక చేసిన జట్టులో ముగ్గురు వికెట్‌ కీపర్లకు చోటిచ్చిన సెలక్టర్లు.. అర్హుడైన మరో ఆటగాడిని మాత్రం ఎందుకు పక్కనపెట్టారని ప్రశ్నించాడు. టెస్టుల్లో ఆడుతున్నాడనే కారణంతో ధ్రువ్‌ జురెల్‌ను వన్డేలకు కూడా సెలక్ట్‌ చేయడం సరికాదని విమర్శించాడు. కాగా సౌతాఫ్రికాతో సొంతగడ్డపై జరిగే వన్డే సిరీస్‌కు భారత క్రికెట్‌ నియంత్రణ మండలి (BCCI) ఆదివారం జట్టును ప్రకటించిన విషయం తెలిసిందే. రెగ్యులర్‌ కెప్టెన్‌ శుబ్‌మన్‌ గిల్‌ గాయం కారణంగా జట్టుకు దూరం కావడంతో.. అతడి స్థానంలో సీనియర్‌ బ్యాటర్‌, వికెట్‌ కీపర్‌ కేఎల్‌ రాహుల్‌ (KL Rahul)ను కెప్టెన్‌గా ఎంపిక చేసింది బీసీసీఐ. ప్రస్తుతం ఇరు జట్ల మధ్య రెండు మ్యాచ్‌ల టెస్టు సిరీస్‌ జరుగుతుండగా... ఆ తర్వాత వన్డే సిరీస్‌ ప్రారంభం కానుంది. ఇందుకోసం బీసీసీఐ సెలెక్షన్‌ కమిటీ ఆదివారం 15 మందితో కూడిన జట్టు వివరాలను వెల్లడించింది.వాళ్లు దూరం.. వీరికి విశ్రాంతిఈ నెల 30న రాంచీలో తొలి వన్డే, డిసెంబర్‌ 3న రాయ్‌పూర్‌లో రెండో వన్డే, 6న విశాఖపట్నంలో మూడో వన్డే జరుగుతాయి. సఫారీలతో తొలి టెస్టు సందర్భంగా గిల్‌ గాయపడగా... శ్రేయస్‌ అయ్యర్, హార్దిక్‌ పాండ్యా అంతకుముందే గాయాలతో జట్టుకు దూరమయ్యారు. దీంతో గతంలో 12 మ్యాచ్‌ల్లో జట్టుకు సారథ్యం వహించిన రాహుల్‌కు మరోసారి అవకాశం దక్కింది.సీనియర్‌ పేసర్లు జస్‌ప్రీత్‌ బుమ్రా, మొహమ్మద్‌ సిరాజ్‌తో పాటు స్పిన్‌ ఆల్‌రౌండర్‌ అక్షర్‌ పటేల్‌కు విశ్రాంతినివ్వగా... రవీంద్ర జడేజా ఎనిమిది నెలల తర్వాత తిరిగి వన్డే జట్టులోకి వచ్చాడు. సీనియర్‌ బ్యాటర్లు రోహిత్‌ శర్మ, విరాట్‌ కోహ్లి చాన్నాళ్ల తర్వాత బ్లూ జెర్సీలో సొంత అభిమానుల ముందు మైదానంలో అడుగు పెట్టనున్నారు.సంజూకు దక్కని చోటుఅయితే, ఈ జట్టులో సంజూ శాంసన్‌ పేరు మాత్రం లేదు. దాదాపు రెండేళ్ల క్రితం టీమిండియా తరఫున వన్డే ఆడిన సంజూ.. సెంచరీ చేశాడు. అది కూడా సౌతాఫ్రికా గడ్డపై శతక్కొట్టాడు. కానీ ఆ తర్వాత అతడికి మళ్లీ వన్డే జట్టులో చోటు దక్కనే లేదు. తాజాగా స్వదేశంలో ప్రొటిస్‌ జట్టుతో సిరీస్‌లో ఆడిస్తారని భావించగా.. మరోసారి అతడికి మొండిచేయే ఎదురైంది.ఈ నేపథ్యంలో టీమిండియా మాజీ కెప్టెన్‌ అనిల్‌ కుంబ్లే స్పందిస్తూ సంజూకు మద్దతుగా నిలిచాడు. ‘‘ఈ జట్టులో ఒక పేరు కచ్చితంగా ఉండాలని నేను కోరుకున్నాను. అతడు మరెవరో కాదు సంజూ శాంసన్‌. దాదాపు రెండేళ్ల క్రితం వన్డే ఆడిన అతడు శతకంతో చెలరేగాడు.అతడిని ఎందుకు ఎంపిక చేయలేదు?కానీ ఆ తర్వాత కనుమరుగైపోయాడు. ఇటీవల ఆస్ట్రేలియాతో వన్డే సిరీస్‌కు కూడా అతడిని ఎంపిక చేయలేదు. అయినప్పటికీ ఇప్పుడు సెలక్ట్‌ చేస్తారని భావించా. ఆడిన చివరి మ్యాచ్‌లో శతకం బాదిన ఆటగాడు జట్టులో చోటుకైనా అర్హుడు’’ అని అనిల్‌ కుంబ్లే అభిప్రాయపడ్డాడు. కాగా సౌతాఫ్రికాతో వన్డే సిరీస్‌కు వికెట్‌ కీపర్‌ బ్యాటర్లు కెప్టెన్‌ కేఎల్‌ రాహుల్‌తో పాటు రిషభ్‌ పంత్‌, ధ్రువ్‌ జురెల్‌ ఎంపికయ్యారు. సీనియర్‌ అయిన సంజూను కాదని.. వన్డేలో టీమిండియాకు ఆడిన అనుభవం లేని జురెల్‌కు సెలక్టర్లు చోటు ఇవ్వడం గమనార్హం. కాగా జురెల్‌ ఇప్పటి వరకు టీమిండియా తరఫున 9 టెస్టులు, 4 టీ20 మ్యాచ్‌లు ఆడి.. ఆయా ఫార్మాట్లలో 457, 12 పరుగులు చేశాడు.సౌతాఫ్రికాతో వన్డే సిరీస్‌కు భారత జట్టుకేఎల్‌ రాహుల్‌ (కెప్టెన్‌), రోహిత్ శర్మ, యశస్వి జైస్వాల్, విరాట్‌ కోహ్లి, తిలక్‌ వర్మ, రిషభ్‌ పంత్, వాషింగ్టన్‌ సుందర్, రవీంద్ర జడేజా, కుల్దీప్ యాదవ్‌, నితీశ్‌ కుమార్‌ రెడ్డి, హర్షిత్‌ రాణా, రుతురాజ్‌ గైక్వాడ్, ప్రసిద్‌ కృష్ణ, అర్ష్‌దీప్‌ సింగ్‌, ధ్రువ్‌ జురెల్‌. చదవండి: అసలు సెన్స్‌ ఉందా?.. ఎనిమిదో స్థానంలో ఆడిస్తారా?!: రవిశాస్త్రి ఫైర్‌

సౌతాఫ్రికాతో రెండో టెస్టులో టీమిండియా తాత్కాలిక కెప్టెన్‌ రిషభ్‌ పంత్‌ (Rishabh Pant) తీవ్రంగా నిరాశపరిచాడు. జట్టు కష్టాల్లో ఉన్న వేళ ఆదుకోవాల్సిన ఈ వికెట్‌ కీపర్‌ బ్యాటర్‌.. తప్పుడు షాట్‌ సెలక్షన్‌తో మూల్యం చెల్లించాడు. క్రీజులో కుదురుకుంటాడని అనుకునే లోపే.. వికెట్‌ పారేసుకుని పెవిలియన్‌ చేరాడు. పట్టుమని పది పరుగులు కూడా చేయకుండానే నిష్క్రమించాడు.గువాహటి వేదికగా భారత్‌- సౌతాఫ్రికా (IND vs SA) మధ్య శనివారం రెండో టెస్టు మొదలైంది. టాస్‌ గెలిచిన పర్యాటక జట్టు తొలుత బ్యాటింగ్‌ చేసి.. మొదటి ఇన్నింగ్స్‌లో 489 పరుగుల భారీ స్కోరు సాధించింది. ఇందుకు టీమిండియా ధీటుగా బదులు ఇవ్వలేకపోయింది.దారుణంగా విఫలంసఫారీ బౌలర్ల ధాటికి టీమిండియా బ్యాటింగ్‌ ఆర్డర్‌ కుప్పకూలింది. సోమవారం నాటి మూడో రోజు ఆట సందర్భంగా కేవలం 201 పరుగులు మాత్రమే చేసి ఆలౌట్‌ అయింది. ఓపెనర్లలో యశస్వి జైస్వాల్‌ అర్ధ శతకం (58)తో రాణించగా.. కేఎల్‌ రాహుల్‌ 22 పరుగులు చేయగలిగాడు. సాయి సుదర్శన్‌ (15), ధ్రువ్‌ జురెల్‌ (0), కెప్టెన్‌ రిషభ్‌ పంత్‌ (7), రవీంద్ర జడేజా (6), నితీశ్‌ కుమార్‌ రెడ్డి (10) ఇలా వచ్చి అలా వెళ్లారు.పంత్‌ తొందరపాటు.. రివ్యూ కూడా వేస్ట్‌ఇక ఆల్‌రౌండర్‌ వాషింగ్టన్‌ సుందర్‌ 48 పరుగులతో భారత టాప్‌ రన్‌ స్కోరర్‌గా నిలిచాడు. టెయిలెండర్‌ 134 బంతులు ఎదుర్కొని 19 పరుగులు చేయగలిగాడు. దీంతో భారత్‌ కనీసం 200 పరుగుల మార్కు దాటగలిగింది. నిజానికి పంత్‌ అనవసరపు షాట్‌కు యత్నించి ఉండకపోతే పరిస్థితి వేరేలా ఉండేది.భారత ఇన్నింగ్స్‌ 40వ ఓవర్లో ప్రొటిస్‌ పేసర్‌ మార్కో యాన్సెన్‌ బంతితో రంగంలోకి దిగాడు. అప్పటికి ఏడు బంతులు ఎదుర్కొని ఏడు పరుగులు చేసిన పంత్‌.. యాన్సెన్‌ బౌలింగ్‌లో స్లాగ్‌ షాట్‌ ఆడేందుకు ప్రయత్నించాడు. ఇంతలో బ్యాట్‌ ఎడ్జ్‌ తీసుకున్న బంతి.. వికెట్‌ కీపర్‌ కైలీ వెరెన్నె చేతుల్లో పడింది.అప్పటికీ తన తప్పును గుర్తించని పంత్‌.. రివ్యూకి వెళ్లి మరీ ప్రతికూల ఫలితం చవిచూశాడు. అనవసరంగా రివ్యూ కూడా వృథా చేశాడు. ఈ నేపథ్యంలో భారత స్పిన్‌ దిగ్గజం అనిల్‌ కుంబ్లే పంత్‌ ఆట తీరుపై విమర్శలు గుప్పించాడు. ‘‘ఈరోజుల్లో బ్యాటర్లంతా.. ‘నా సహజశైలిలోనే ఆడతా’ అని చెబుతూ ఉంటారు.ఇలా ఎవరైనా చేస్తారా?కానీ దాని కంటే పరిస్థితులను అర్థం చేసుకుని... దానికి తగ్గట్టుగా ఆడటం అత్యంత ముఖ్యం. ప్రత్యర్థి జట్టు కోణంలో.. పంత్‌ ఎంత ఎక్కువ సేపు క్రీజులో ఉంటే.. అంత ఎక్కువగా మ్యాచ్‌ చేజారిపోతుందనే భయం ఉంటుంది. పంత్‌ ఉన్నంత సేపు సౌతాఫ్రికా బౌలర్లు ఒత్తిడికి లోనవుతారు.అతడిని త్వరగా అవుట్‌ చేయాలని భావిస్తారు. ఏ కాస్త అవకాశం దొరికినా పంత్‌ మ్యాచ్‌ను లాగేసుకుంటాడని వారికి తెలుసు. కానీ పంత్‌ ఏం చేశాడు?.. కనీసం పది బంతులు ఎదుర్కొనే వరకైననా ఆగలేకపోయాడు. అందుకు తగ్గ మూల్యం చెల్లించాడు’’ అని కుంబ్లే స్టార్‌ స్పోర్ట్స్‌ షోలో పంత్‌ షాట్‌ సెలక్షన్‌ తీరుపై ఆగ్రహం వ్యక్తం చేశాడు.చదవండి: అసలు సెన్స్‌ ఉందా?.. ఎనిమిదో స్థానంలో ఆడిస్తారా?!: రవిశాస్త్రి ఫైర్‌

సౌతాఫ్రికా ఆల్‌రౌండర్‌ మార్కో యాన్సెన్‌ (Marco Jansen) సరికొత్త చరిత్ర సృష్టించాడు. టీమిండియాతో టెస్టు మ్యాచ్‌లో అర్ధ శతకం బాదడంతో పాటు.. ఆరు వికెట్లు తీసిన తొలి ప్రొటిస్‌ ఆటగాడిగా నిలిచాడు. గువాహటి టెస్టు సందర్భంగా యాన్సెన్‌ ఈ ఘనత సాధించాడు.ప్రపంచ టెస్టు చాంపియన్‌షిప్‌ 2025-27 (WTC)లో భాగంగా రెండు టెస్టులు ఆడేందుకు సౌతాఫ్రికా భారత్‌ పర్యటనకు వచ్చింది. కోల్‌కతా వేదికగా తొలి టెస్టులో 30 పరుగుల తేడాతో గెలిచిన సఫారీలు.. రెండో టెస్టులోనూ పట్టు బిగించారు.సెంచరీ.. జస్ట్‌ మిస్‌బర్సపరా స్టేడియంలో శనివారం మొదలైన ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసింది సౌతాఫ్రికా. తొలి ఇన్నింగ్స్‌లో 489 పరుగుల భారీ స్కోరు సాధించి ఆలౌట్‌ అయింది. ఇందులో టెయిలెండర్లు సెనూరన్‌ ముత్తుస్వామి (Senuran Muthusamy), మార్కో యాన్సెన్‌లది కీలక పాత్ర. ముత్తుస్వామి శతకం (109)తో సత్తా చాటగా.. యాన్సెన్‌ (91 బంతుల్లో 93) సెంచరీకి ఏడు పరుగుల దూరంలో నిలిచిపోయాడు.ఆరు వికెట్లు పడగొట్టిఇక ప్రొటిస్‌ తొలి ఇన్నింగ్స్‌లో బ్యాట్‌తో చెలరేగిన యాన్సెన్‌.. టీమిండియా తొలి ఇన్నింగ్స్‌లో బంతితోనూ దుమ్ములేపాడు. భారత్‌ను 201 పరుగులకే ఆలౌట్‌ చేయడంలో కీలక పాత్ర పోషించాడు. ధ్రువ్‌ జురెల్‌ (0), కెప్టెన్‌ రిషభ్‌ పంత్‌ (7), రవీంద్ర జడేజా (6), నితీశ్‌ కుమార్‌ రెడ్డి (10) రూపంలో కీలక బ్యాటర్లను అవుట్‌ చేశాడు ఈ పేస్‌ బౌలింగ్‌ ఆల్‌రౌండర్‌.అదే విధంగా.. కుల్దీప్‌ యాదవ్‌ (19), జస్‌ప్రీత్‌ బుమ్రా (5)లను వెనక్కి పంపి.. భారత జట్టు ఇన్నింగ్స్‌కు ముగింపు పలికాడు. ఇలా మొత్తంగా ఆరు వికెట్లు కూల్చి టీమిండియా బ్యాటింగ్‌ ఆర్డర్‌ పతనాన్ని శాసించాడు యాన్సెన్‌.ఈ క్రమంలోనే పాతికేళ్ల యాన్సెన్‌ అరుదైన ఘనతను తన ఖాతాలో వేసుకున్నాడు. టీమిండియాతో టెస్టు మ్యాచ్‌లో అర్ధ శతకం చేయడంతో పాటు.. ఒకే ఇన్నింగ్స్‌లో ఆరు వికెట్లు కూల్చిన తొలి సౌతాఫ్రికా క్రికెటర్‌గా చరిత్రకెక్కాడు. అంతేకాదు.. భారత్‌లో టెస్టు మ్యాచ్‌లో అత్యుత్తమ గణాంకాలు (6/48) నమోదు చేసిన విదేశీ లెఫ్టార్మ్‌ పేసర్ల జాబితాలోనూ యాన్సెన్‌ చేరాడు.పట్టు బిగించిన సౌతాఫ్రికాటీమిండియాతో రెండో టెస్టులో సౌతాఫ్రికా పట్టు బిగించింది. తొలి ఇన్నింగ్స్‌లో 489 పరుగుల భారీ స్కోరు సాధించిన సఫారీలు.. భారత్‌ను 201 పరుగులకే ఆలౌట్‌ చేశారు. ఫలితంగా 288 పరుగుల భారీ ఆధిక్యం సంపాదించారు.ఈ నేపథ్యంలో టీమిండియాను ఫాలో ఆన్‌ ఆడిస్తారనుకుంటే.. ప్రొటిస్‌ కెప్టెన్‌ తెంబా బవుమా ఊహించని నిర్ణయం తీసుకున్నాడు. తామే రెండో ఇన్నింగ్స్‌ మొదలుపెడతామని చెప్పాడు. ఈ క్రమంలో సోమవారం నాటి మూడో రోజు ఆట ముగిసే సరికి ఎనిమిది ఓవర్లలో వికెట్‌ నష్టపోకుండా 26 పరుగులు చేసింది. ఓపెనర్లు ర్యాన్‌ రికెల్టన్‌ 13, ఐడెన్‌ మార్క్రమ్‌ 12 పరుగులతో క్రీజులో నిలిచారు. ఫలితంగా మూడో రోజు ముగిసేసరికి సౌతాఫ్రికా టీమిండియాపై తొలి ఇన్నింగ్స్‌లో ఓవరాల్‌గా 314 పరుగుల ఆధిక్యం సంపాదించింది.చదవండి: మరీ ఇంత చెత్తగా ఆడతారా?.. టీమిండియా ఆలౌట్‌.. ఫ్యాన్స్‌ ఫైర్‌

సౌతాఫ్రికాతో వన్డే సిరీస్‌కు టీమిండియా కెప్టెన్ సీనియర్ బ్యాటర్ కేఎల్ రాహుల్ ఎంపికైన సంగతి తెలిసిందే. రెగ్యూలర్ కెప్టెన్ శుభ్‌మన్ గిల్ గైర్హాజరీ కారణంగా జట్టు పగ్గాలను రాహుల్‌కు బీసీసీఐ సెలక్షన్ కమిటీ అప్పగించింది. అయితే తొలుత స్టార్ వికెట్ కీపర్ బ్యాటర్ రిషబ్ పంత్‌ను తాత్కాలిక వన్డే కెప్టెన్‌గా నియమిస్తారని వార్తలు వచ్చాయి.పంత్ ప్రస్తుతం సౌతాఫ్రికాతో జరుగుతున్న రెండో టెస్టులో మెన్ ఇన్ బ్లూకు స్టాండ్ ఇన్ కెప్టెన్‌గా వ్య‌వ‌హ‌రిస్తున్నాడు. దీంతో అత‌డికే జ‌ట్టు సార‌థ్య బాధ్య‌త‌లు అప్ప‌గిస్తార‌ని అంతా భావించారు. కానీ అజిత్ అగార్కర్ నేతృత్వంలోని సెలక్షన్ కమిటీ మాత్రం రాహుల్ వైపే మొగ్గు చూపింది. అయితే పంత్‌కు కాకుండా రాహుల్‌ను నియ‌మించ‌డానికి గ‌ల కార‌ణాన్ని బీసీసీఐ అధికారి ఒకరు తాజాగా వెల్ల‌డించారు."సౌతాఫ్రికాతో వ‌న్డే సిరీస్‌లో మాత్ర‌మే కేఎల్ రాహుల్ కెప్టెన్‌గా వ్య‌వ‌హ‌రించనున్నాడు. శుభ్‌మ‌న్ గిల్ తిరిగి న్యూజిలాండ్‌తో వ‌న్డే సిరీస్ స‌మ‌యానికి అందుబాటులో వ‌చ్చే అవ‌కాశ‌ముంది. అత‌డు త‌న గాయం నుంచి వేగంగా కోలుకుంటున్నాడు.ఇక రిష‌బ్ పంత్ సంవత్సర కాలంలో కేవలం ఒక వన్డే మ్యాచ్‌ మాత్రమే ఆడాడు. అందుకే అత‌డిని కెప్టెన్సీ ఎంపిక‌కు ప‌రిగ‌ణ‌లోకి తీసుకోలేదు" అని స‌ద‌రు అధికారి పీటీఐతో పేర్కొన్నారు. కాగా పంత్ గతేడాది శ్రీలంక‌పై భార‌త్ త‌ర‌పున చివ‌ర‌గా ఆడాడు. అప్ప‌టి నుంచి వ‌న్డే జ‌ట్టుకు దూరంగా ఉన్నాడు. మ‌ళ్లీ ఇప్పుడు అతడు సౌతాఫ్రికాతో వ‌న్డే సిరీస్‌ సందర్భంగా పున‌రాగ‌మ‌నానికి అత‌డు సిద్ద‌మ‌య్యాడు.ఇక ఈ వన్డే సిరీస్‌కు గిల్‌తో పాటు వైస్ కెప్టెన్ శ్రేయస్ అయ్యర్‌, హార్దిక్ పాండ్యా గాయాల కారణంగా దూరమయ్యారు. అదేవిధంగా బుమ్రా, సిరాజ్, అక్షర్ పటేల్‌కు సెలక్టర్లు విశ్రాంతి ఇచ్చారు. దీంతో జట్టులోకి రిషబ్ పంత్‌, రుతురాజ్ గైక్వాడ్‌, జైశ్వాల్ వచ్చారు. నవంబర్ 30 నుంచి మూడు వన్డేల సిరీస్ ఆరంభం కానుంది.భారత వన్డే జట్టు: కేఎల్‌ రాహుల్‌ (కెప్టెన్‌), రోహిత్, జైస్వాల్, విరాట్ కోహ్లి, తిలక్‌ వర్మ, పంత్, సుందర్, జడేజా, కుల్దీప్, నితీశ్‌ కుమార్‌ రెడ్డి, హర్షిత్‌ రాణా, రుతురాజ్‌ గైక్వాడ్, ప్రసిధ్, అర్ష్‌దీప్‌, ధ్రువ్‌ జురెల్‌. చదవండి: Prithvi Shaw: కెప్టెన్‌గా పృథ్వీ షా.. నేడే అధికారిక ప్రకటన

గువహటి వేదికగా సౌతాఫ్రికాతో జరుగుతున్న రెండో టెస్టులో టీమిండియా కెప్టెన్ రిషబ్ పంత్ తన సహనాన్ని కోల్పోయాడు. రెండో రోజు ఆట సందర్భంగా స్టార్ స్పిన్నర్ కుల్దీప్ యాదవ్‌పై పంత్ సీరియస్ అయ్యాడు. కుల్దీప్ తన ఓవర్ ప్రారంభించడానికి ఎక్కువ సమయం తీసుకోవడంతో పంత్ అసహనం వ్యక్తం చేశాడు.అయితే పంత్ కోపానికి ఆర్ధం వుంది. ఎందుకంటే ఐసీసీ కొత్తగా తీసుకొచ్చిన క్లాక్ రూల్ ప్రకారం.. ఓ ఓవర్ ముగిసిన 60 సెకన్లలోపల తదుపరి ఓవర్‌ను ఆరంభించాల్సి ఉంటుంది. ఆలస్యమైతే ఫీల్డింగ్ టీంకు రెండు హెచ్చరికలు ఇస్తారు. మూడవసారి ఆలస్యమైతే బ్యాటింగ్ చేసే జట్టు ఐదు పెనాల్టీ పరుగులు కలిపిస్తారు. ఈ హెచ్చరికలు ప్రతి 80 ఓవర్లకు రీసెట్ అవుతాయి.రెండోసారి వార్నింగ్‌..ఈ మ్యాచ్ తొలి రోజు ఆటలో కూడా పంత్‌కు ఇదే విషయంపై అంపైర్ వార్నింగ్ ఇచ్చాడు. ఇప్పుడు రెండో రోజు ఆటలో సౌతాఫ్రికా తొలి ఇన్నింగ్స్ 88వ ఓవర్‌ను సమయానికి ప్రారంభించనందును పంత్‌కు అంపైర్ రెండోసారి వార్నింగ్ ఇచ్చాడు. అదే మూడో సారి ఇదే సమస్యపై హెచ్చరిక వస్తే భారత్ ఐదు పరుగులు పెనాల్టీగా సౌతాఫ్రికాకు ఇవ్వాల్సి ఉంటుంది.ఈ క్రమంలోనే కుల్దీప్‌పై పంత్ ఫైరయ్యాడు. "30 సెకన్ల టైమర్ ఉంది. ఇంట్లో ఆడుతున్నాను అనుకున్నావా ఏంటి? త్వరగా ఒక బంతి వేయి. కుల్దీప్ ఇది నీకు రెండోసారి హెచ్చరిక"అని పంత్‌ గట్టిగా చెప్పాడు. ఇదంతా స్టంప్‌ మైక్‌లో రికార్డు అయింది. కాగా సౌతాఫ్రికా వికెట్లను పడగొట్టేందుకు భారత బౌలర్లు తీవ్రంగా శ్రమిస్తున్నారు. 112 ఓవర్లు ముగిసే సరికి సౌతాఫ్రికా 6 వికెట్ల నష్టానికి 329 పరుగులు చేసింది. క్రీజులో ముత్తుసామి(64), వెర్రియిన్‌(43) ఉన్నారు.What's going to be a good score for #TeamIndia to chase in the 1st innings? 💬#CheteshwarPujara backs the batters to score big in Guwahati! 🏟#INDvSA 2nd Test, Day 2 LIVE NOW 👉 https://t.co/J8u4bmcZud pic.twitter.com/vGjwWPopSm— Star Sports (@StarSportsIndia) November 23, 2025

టీమిండియాతో రెండో టెస్టులో టాస్‌ గెలిచిన సౌతాఫ్రికా.. తొలుత బ్యాటింగ్‌ ఎంచుకుంది. బర్సపరా వికెట్‌ ఆరంభంలో బ్యాటింగ్‌కు అనుకూలిస్తుందనే అంచనాతో తాము ఈ నిర్ణయం తీసుకున్నట్లు ప్రొటిస్‌ జట్టు కెప్టెన్‌ తెంబా బవుమా తెలిపాడు. పిచ్‌పై ప్రస్తుతానికి పగుళ్లు లేవన్న బవుమా.. ఈ వికెట్‌పై భారీ స్కోరు సాధించాలనే పట్టుదలతో ఉన్నామని పేర్కొన్నాడు.గువాహటి వేదికగా జరిగే చారిత్రాత్మక తొలి టెస్టులో తాము భాగం కావడం సంతోషంగా ఉందని బవుమా హర్షం వ్యక్తం చేశాడు. ఈ మ్యాచ్‌లో తాము ఒక మార్పుతో బరిలోకి దిగుతున్నామని.. సెనురాన్‌ ముత్తుస్వామి జట్టులోకి వచ్చినట్లు వెల్లడించాడు.భారత తుదిజట్టులోకి ఆ ఇద్దరుటీమిండియా రెగ్యులర్‌ కెప్టెన్‌ శుబ్‌మన్‌ గిల్‌ మెడ నొప్పి కారణంగా సౌతాఫ్రికాతో రెండో టెస్టుకు దూరం కావడంతో.. అతడి స్థానంలో రిషభ్‌ పంత్‌ పగ్గాలు చేపట్టాడు. బీసీసీఐ తనకు ఈ అవకాశం ఇచ్చినందుకు ధన్యవాదాలు తెలిపిన ఈ వికెట్‌ కీపర్‌ బ్యాటర్‌.. తమ తుదిజట్టులో రెండు మార్పులు చేసినట్లు తెలిపాడు.గిల్‌ స్థానంలో పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డిని ఎంపిక చేశామన్న పంత్‌.. స్పిన్‌ ఆల్‌రౌండర్‌ అక్షర్‌ పటేల్‌ స్థానంలో సాయి సుదర్శన్‌ను తీసుకున్నట్లు వెల్లడించాడు. ఇక తొలిసారి భారత జట్టు టెస్టు కెప్టెన్‌గా వ్యవహరించే అవకాశం దక్కినందుకు సంతోషంగా ఉందన్న పంత్‌.. ఈ అవకాశాన్ని సద్వినియోగం చేసుకుంటానని పేర్కొన్నాడు. టాస్‌ ఓడటంపై స్పందిస్తూ.. బర్సపరా వికెట్‌ బ్యాటింగ్‌కు బాగుంటుందన్న పంత్‌.. బౌలింగ్‌ కూడా మరీ అంత చెత్త ఆప్షన్‌ ఏమీ కాదన్నాడు. శుబ్‌మన్‌ కోలుకుంటున్నాడని.. త్వరలోనే తిరిగి జట్టుతో చేరతాడని పంత్‌ తెలిపాడు.టీమిండియాకు చావోరేవోఇదిలా ఉంటే.. ప్రపంచ టెస్టు చాంపియన్‌షిప్‌ 2025-27 సీజన్‌లో భాగంగా టీమిండియా స్వదేశంలో రెండు మ్యాచ్‌ల సిరీస్‌ ఆడుతున్న విషయం తెలిసిందే. ఇందులో భాగంగా కోల్‌కతా వేదికగా తొలి టెస్టు జరుగగా.. భారత జట్టు సఫారీల చేతిలో ముప్పై పరుగుల తేడాతో ఓడిపోయింది. దీంతో బవుమా బృందం 1-0తో ఆధిక్యంలోకి వెళ్లింది.ఇక గువాహటి వేదికగా శనివారం మొదలైన రెండో టెస్టులో పంత్‌ సేన చావో రేవో తేల్చుకోవాల్సి ఉంది. ఈ మ్యాచ్‌లో గెలిస్తేనే భారత్‌ సిరీస్‌ను 1-1తో సమం చేయగలదు. లేదంటే సొంతగడ్డపై సఫారీల చేతిలో వైట్‌వాష్‌ కాకతప్పదు. మరోవైపు.. ఈడెన్‌ గార్డెన్స్‌ పిచ్‌పై బ్యాటర్లు పరుగులు రాబట్టేందుకు ఇబ్బంది పడటంతో పాటు.. తొలి టెస్టు మూడురోజుల్లోనే ముగిసిపోవడం విమర్శలకు తావిచ్చింది. ఈ నేపథ్యంలో గువాహటి పిచ్‌ను ఎర్రమట్టితో తయారు చేయించినట్లు తెలుస్తోంది. తొలుత బ్యాటింగ్‌కు అనుకూలంగా ఉండే ఈ వికెట్‌.. పాతబడే కొద్ది స్పిన్నర్లకు అనుకూలించనున్నట్లు తెలుస్తోంది. అయితే, ఇక్కడ టాస్‌ ఓడటం భారత జట్టుకు ప్రతికూలంగా మారే అవకాశం లేకపోలేదు. భారత్‌ వర్సెస్‌ సౌతాఫ్రికా రెండో టెస్టు తుదిజట్లు ఇవేభారత్‌కేఎల్‌ రాహుల్, యశస్వి జైస్వాల్, సాయి సుదర్శన్, ధ్రువ్ జురెల్, రిషబ్ పంత్(కెప్టెన్‌, వికెట్‌ కీపర్‌), రవీంద్ర జడేజా, నితీశ్‌ కుమార్ రెడ్డి, వాషింగ్టన్ సుందర్, కుల్దీప్ యాదవ్, జస్‌ప్రీత్‌ బుమ్రా, మొహమ్మద్‌ సిరాజ్‌.సౌతాఫ్రికాఐడెన్ మార్క్రమ్‌, ర్యాన్ రికెల్టన్, వియాన్ ముల్డర్, తెంబా బావుమా(కెప్టెన్‌), టోనీ డి జోర్జి, ట్రిస్టన్ స్టబ్స్, కైల్ వెరెన్నె (వికెట్‌ కీపర్‌), మార్కో యాన్సెన్, సెనురాన్ ముత్తుసామి, సైమన్ హార్మర్, కేశవ్ మహారాజ్.Updates: లంచ్‌ బ్రేక్‌ సమయానికి సౌతాఫ్రికా స్కోరు: 156-2(55)స్టబ్స్‌ 32, బవుమా 36 పరుగులతో క్రీజులో ఉన్నారు.డ్రింక్స్‌ బ్రేక్‌ సమయానికి సౌతాఫ్రికా స్కోరు: 129-2 (42)బవుమా 24, స్టబ్స్‌ 19 పరుగులతో ఆడుతున్నారు.రెండో వికెట్‌ కోల్పోయిన సౌతాఫ్రికా27.2: కుల్దీప్‌ యాదవ్‌ బౌలింగ్‌లో పంత్‌కు క్యాచ్‌ ఇచ్చి వెనుదిరిగిన రికెల్టన్‌ (82 బంతుల్లో 35).టీ బ్రేక్‌ సమయానికి సౌతాఫ్రికా స్కోరు: 82-1 (26.5).ట్రిస్టన్‌ స్టబ్స్‌ 0, రికెల్టన్‌ 35 పరుగులతో ఉన్నారు.తొలి వికెట్‌ కోల్పోయిన సౌతాఫ్రికా26.5: బుమ్రా బౌలింగ్‌లో మార్క్రమ్‌ (81 బంతుల్లో 38) బౌల్డ్‌.చదవండి: వైభవ్‌ మెరుపులు వృధా.. ఆసియా కప్‌ సెమీస్‌లో టీమిండియా ఓటమి🚨 Toss 🚨#TeamIndia have been asked to bowl first Updates ▶️ https://t.co/Wt62QebbHZ#INDvSA | @IDFCFIRSTBank pic.twitter.com/isE64twdaB— BCCI (@BCCI) November 22, 2025

సౌతాఫ్రికాతో రెండో టెస్టులో టీమిండియా సారథిగా రిషభ్‌ పంత్‌ (Rishabh Pant) ఎంపికయ్యాడు. రెగ్యులర్‌ కెప్టెన్‌ శుబ్‌మన్‌ గిల్‌ మెడ నొప్పి కారణంగా జట్టుకు దూరం కావడంతో పగ్గాలు పంత్‌ చేతికి వచ్చాయి. ఈ నేపథ్యంలో శుక్రవారం మీడియాతో మాట్లాడిన పంత్‌.. తనకు కెప్టెన్‌గా అవకాశం ఇచ్చినందుకు భారత క్రికెట్‌ నియంత్రణ మండలి (BCCI)కి ధన్యవాదాలు తెలిపాడు.నా కెప్టెన్సీ అలాగే ఉంటుందిటీమిండియాకు సారథ్యం వహించడం సంతోషంగా ఉందన్న పంత్‌.. గువాహటి టెస్టులో తమ తుదిజట్టు కూర్పు గురించి స్పందించాడు. ‘‘మా బ్యాటింగ్‌ లైనప్‌లో ఎక్కువ మంది ఎడమచేతి వాటం బ్యాటర్లే ఉన్నారు. కోల్‌కతాలో మేము స్పిన్నర్ల సేవలను సమర్థంగా ఉపయోగించుకోవాలని భావించాం.పరిస్థితులు కూడా అందుకు అనుకూలించాయి. కానీ సానుకూల ఫలితం రాలేదు. ఏదేమైనా మేము సానుకూల దృక్పథంతోనే ముందుకు సాగుతాం. ఒత్తిడి దరిచేరనీయము. నా కెప్టెన్సీ సంప్రదాయబద్దంగానే ఉంటుంది. అదే సమయంలో సహజ శైలికి భిన్నంగా అవుట్‌-ఆఫ్‌-ది- బాక్స్‌ కూడా ఆలోచిస్తా.ఆడాలని ఉన్నా..నిజానికి రెండో టెస్టులో ఆడాలని శుబ్‌మన్‌ ఎంతగానో పరితపించాడు. కానీ అతడి ఆరోగ్యం అందుకు సహకరించలేదు. గువాహటిలో జరుగుతున్న తొలి టెస్టు మ్యాచ్‌ ఇది. అందుకే మాతో పాటు ప్రేక్షకులకూ ఇది ప్రత్యేకం.పిచ్‌ తొలుత బ్యాటింగ్‌కు అనుకూలంగా ఉండవచ్చు. ఆతర్వాత స్పిన్నర్లు ప్రభావం చూపగలరు’’ అని పంత్‌ పేర్కొన్నాడు. ఇక గంభీర్‌ మార్గదర్శనంలో ఆల్‌రౌండర్లకు ఎక్కువగా ప్రాధాన్యం దక్కుతోందన్న విలేకరుల మాటలకు స్పందిస్తూ..‘‘జట్టు కూర్పు సమతూకంగా ఉండాలి. కొన్నిసార్లు స్పెషలిస్టు ప్లేయర్ల కంటే కూడా ఆల్‌రౌండర్ల అవసరం ఎక్కువగా ఉంటుంది. పిచ్‌ పరిస్థితులకు తగ్గట్లు వారు తమ పాత్రకు న్యాయం చేయగలరు. టీమ్‌ బ్యాలెన్స్‌ దృష్ట్యానే ఆల్‌రౌండర్లను ఎంపిక చేస్తామే తప్ప.. టెస్టు స్పెషలిస్టులను పక్కనపెట్టాలని కాదు’’ అని పంత్‌ స్పష్టం చేశాడు.ఎవరిని ఆడించాలో తెలుసు.. నిర్ణయం తీసుకున్నాంఅదే విధంగా.. గిల్‌ స్థానంలో తుదిజట్టులోకి ఎవరు వస్తారన్న ప్రశ్నకు బదులిస్తూ.. ‘‘ఈ విషయంలో మేము ఇప్పటికే నిర్ణయం తీసుకున్నాం. గిల్‌ ప్లేస్‌లో ఎవరు ఆడతారో.. ఆ ప్లేయర్‌కు తెలుసు’’ అంటూ తాత్కాలిక కెప్టెన్‌ పంత్‌ మాట దాటవేశాడు. కాగా సౌతాఫ్రికాతో రెండు మ్యాచ్‌ల టెస్టు సిరీస్‌లో భాగంగా కోల్‌కతాలో తొలి టెస్టు జరిగింది. ఇందులో భారత జట్టు సఫారీల చేతిలో ముప్పై పరుగుల తేడాతో ఓటమిపాలైంది. గువాహటిలో శనివారం మొదలయ్యే రెండో టెస్టులో గెలిస్తేనే టీమిండియా పరువు నిలుస్తుంది.ఇక కోల్‌కతా టెస్టులో టీమిండియా ఏకంగా ఆరుగురు ఎడమచేతి వాటం ఆటగాళ్లతో బరిలోకి దిగింది. యశస్వి జైస్వాల్‌, వాషింగ్టన్‌ సుందర్‌, రిషభ్‌ పంత్‌, రవీంద్ర జడేజా, అక్షర్‌ పటేల్‌, కుల్దీప్‌ యాదవ్‌లను ఆడించింది. వీరితో పాటు కేఎల్‌ రాహుల్‌, ధ్రువ్‌ జురెల్‌, జస్‌ప్రీత్‌ బుమ్రా, మొహమ్మద్‌ సిరాజ్‌, శుబ్‌మన్‌ గిల్‌ సఫారీలతో తొలి టెస్టులో భాగమయ్యారు.చదవండి: Ashes: చరిత్ర సృష్టించిన మిచెల్‌ స్టార్క్‌

గువహటి వేదికగా సౌతాఫ్రికాతో జరగనున్న రెండో టెస్టుకు ముందు భారత్‌కు గట్టి ఎదురు దెబ్బ తగిలింది. సెకెం‍డ్‌ టెస్టు నుంచి టీమిండియా కెప్టెన్ శుభ్‌మన్ గిల్ మెడ నొప్పి కారణంగా తప్పుకొన్నాడు. ఈ విషయాన్ని బీసీసీఐ అధికారికంగా ధ్రువీకరించింది. అతడి స్ధానంలో భారత జట్టు సారథిగా రిషబ్‌ పంత్‌ వ్యవహరించనున్నాడు. జట్టుతో పాటు గిల్ గువహటికి వెళ్లినప్పటికి ఇంకా పూర్తి ఫిట్‌నెస్ సాధించడానికి మరింత సమయం పట్టనుంది. గిల్ త‌న‌ గాయం నుంచి కోలుకోనేంందుకు తిరిగి ముంబైకి వెళ్ల‌నున్న‌ట్లు బీసీసీఐ ఓ ప్ర‌క‌ట‌న‌లో పేర్కొంది. భార‌త కెప్టెన్ ముంబైలోని డాక్టర్ దిన్షా పార్దివాలా వ‌ద్ద చికిత్స పొంద‌నున్నాడు. దీంతో గిల్ నవంబర్‌ 30 నుంచి సఫారీలతో జరిగే వన్డే సిరీస్‌కు కూడా దూరమయ్యే అవకాశముంది.గిల్‌కు ఏమైందంటే?ఈడెన్ గార్డెన్స్ వేదికగా జరిగిన తొలి టె‍స్టు రెండో రోజు ఆటలో స్వీప్ షాట్ ఆడే క్రమంలో గిల్‌కు మెడ కండరాలు పట్టేశాయి. దీంతో అతడు రిటైర్డ్ హార్ట్‌గా వెనుదిరిగాడు. ఆ తర్వాత అతడిని కోల్‌కతాలోని వుడ్స్‌ల్యాండ్ అస్పత్రికి తరలించి చికిత్స అందించారు. 24 గంటల పాటు వైద్యుల పర్యవేక్షణ తర్వాత అతడిని అస్పత్రి నుంచి డిశ్చార్జ్ అయ్యాడు. అనంతరం నెక్ బ్యాండ్ లేకుండా గిల్ కన్పించడంతో రెండో టెస్టులో ఆడుతాడని చాలా భావించారు. అతడు జట్టుతో పాటు గువహటికి వెళ్లడంతో భారత శిబిరంలో ఆశలు రేకెత్తాయి. కానీ అతడికి ఇంకా పూర్తి స్ధాయిలో నొప్పి తగ్గలేదు. అందుకే అతడిని రెండో టెస్టు నుంచి బీసీసీఐ తప్పించింది.38వ టెస్టు కెప్టెన్‌గా..టీమిండియా టెస్టు కెప్టెన్సీ బాధ్య‌త‌లు తొలిసారి చేప‌ట్టేందుకు పంత్ సిద్ద‌మ‌య్యాడు. టీ20 క్రికెట్‌లో సార‌థిగా అపారమైన అనుభవం కలిగి ఉన్న పంత్‌.. సంప్రాదాయ క్రికెట్‌లో ఎలా జట్టును నడిపిస్తాడని అందరూ ఆసక్తిగా ఎదరుచూస్తున్నారు. ఫ‌స్ట్ క్లాస్ క్రికెట్‌లో కూడా కెప్టెన్‌గా పంత్ వ్య‌వ‌హ‌రించాడు. 2017-18 రంజీ ట్రోఫీ సీజ‌న్‌లో ఇషాంత్ శర్మ గైర్హ‌జ‌రీలో ఢిల్లీ జ‌ట్టును పంత్ న‌డిపించాడు. ఆ సీజ‌న్‌లో పంత్ వ్య‌క్తిగ‌త ప్ర‌ద‌ర్శ‌న ప‌రంగా నిరాశ‌ప‌రిచిన‌ప్ప‌టికి.. అత‌డి నాయ‌క‌త్వంలో ఢిల్లీ ఫైన‌ల్‌కు చేరింది. పంత్ ఇప్ప‌టివ‌ర‌కు ఐదు ఫ‌స్ట్ క్లాస్ క్రికెట్ మ్యాచ్‌ల‌లో కెప్టెన్‌గా వ్య‌వ‌హ‌రించ‌గా.. రెండు విజ‌యాలు, ఒక ఓట‌మిని ఎదుర్కొన్నాడు.రెండు మ్యాచ్‌లు డ్రాగా ముగిసింది. అదేవిధంగా గ‌తంలో భార‌త టీ20 జ‌ట్టు కెప్టెన్‌గా కూడా పంత్ బాధ్య‌త‌లు నిర్వ‌ర్తించాడు. సీనియర్ ఆటగాళ్లు గైర్హ‌జ‌రీలో ఐదు టీ20 మ్యాచ్‌ల్లో భార‌త జ‌ట్టుకు నాయ‌క‌త్వం వ‌హించాడు. ఈ ఐదు మ్యాచ్‌ల‌లో భార‌త్ రెండింట విజ‌యం సాధించ‌గా.. రెండో మ్యాచ్‌ల‌లో ఓట‌మి చ‌విచూసింది.ఓ మ్యాచ్‌లో ఫ‌లితం తేల‌లేదు. ఐపీఎల్‌లో పంత్ ప్ర‌స్తుతం ల‌క్నో సూప‌ర్ జెయింట్స్ కెప్టెన్‌గా ఉన్నాడు. ఇంత‌కుముందు ఢిల్లీ క్యాపిట‌ల్స్ కెప్టెన్‌గా కూడా పంత్ ప‌నిచేశాడు. ఇప్ప‌టివ‌ర‌కు ఇండియ‌న్ ప్రీమియ‌ర్ లీగ్‌లో పంత్ 57 మ్యాచ్‌ల‌లో నాయ‌క‌త్వం వ‌హించాడు.ఇందులో 30 విజ‌యాలు, 27 ఓట‌ములు ఉన్నాయి. అత‌డి విన్నింగ్ శాతం 52.63గా ఉంది. టీ20ల్లో కెప్టెన్‌గా సాహసోపేతమైన నిర్ణ‌యాలు, ఫీల్డ్ ప్లేస్‌మెంట్‌లు సెట్ చేయ‌డంలో పంత్‌ది దిట్ట‌. మ‌రి టెస్టుల్లో అదే మైండ్ సెట్‌తో వెళ్తాడా లేదా? త‌న శైలికి భిన్నంగా జ‌ట్టును న‌డిపిస్తాడో వేచి చూడాలి. కాగా భార‌త టెస్టు జ‌ట్టుకు 38వ కెప్టెన్‌గా పంత్ రికార్డుల‌కెక్కాడు.

సౌతాఫ్రికాతో స్వదేశంలో టెస్టు సిరీస్‌ను టీమిండియా ఓటమి (IND vs SA)తో ఆరంభించింది. కోల్‌కతా వేదికగా ఈడెన్‌ గార్డెన్స్‌లో సఫారీల చేతిలో 30 పరుగుల తేడాతో పరాజయం పాలైంది. దీంతో రెండు మ్యాచ్‌ల సిరీస్‌లో బవుమా బృందం 1-0తో ఆధిక్యంలోకి వెళ్లగా.. రెండో టెస్టులో తప్పక గెలవాల్సిన పరిస్థితిలో టీమిండియా నిలిచింది.అందుకే ఓడిపోయాంఈ నేపథ్యంలో భారత జట్టు తాత్కాలిక కెప్టెన్‌ రిషభ్‌ పంత్‌ (Risbah Pant) ఓటమిపై స్పందించాడు. ఒత్తిడిలో తాము చిత్తయ్యామని పేర్కొన్నాడు. ఇంకాస్త మెరుగ్గా ఆడి ఉంటే లక్ష్యాన్ని ఛేదించే వాళ్లమని తమ వైఫల్యాన్ని అంగీకరించాడు.వాళ్లిద్దరు అద్భుతంఈ మేరకు.. ‘‘124 పరుగుల టార్గెట్‌ను మేము ఛేదించి ఉండాల్సింది. రెండో ఇన్నింగ్స్‌లో మాపై ఒత్తిడి బాగా పెరిగింది. అయితే, మేము దానిని అధిగమించలేకపోయాము. తెంబా, బాష్‌.. అద్భుతంగా బ్యాటింగ్‌ చేసి.. తమ భాగస్వామ్యంతో మ్యాచ్‌ను తమ వైపునకు తిప్పేసుకున్నారు.ఇలాంటి పిచ్‌పై 120 పరుగులు చేయడం అంత తేలికేమీ కాదు. అయితే, మేము మాత్రం ఈ విషయంలో సఫలం కాలేకపోయాము. మ్యాచ్‌ ఇప్పుడే ముగిసింది. ఫలితాన్ని విశ్లేషించిన తర్వాత తదుపరి నిర్ణయం తీసుకుంటాం. తిరిగి పుంజుకుంటామనే నమ్మకం ఉంది’’ అని పేర్కొన్నాడు.బవుమా ఫిఫ్టీ.. నిలబడిన బాష్‌కాగా భారత్‌- సౌతాఫ్రికా మధ్య శుక్రవారం మొదలైన తొలి టెస్టు మూడురోజుల్లోనే ముగిసిపోయింది. 93/7 ఓవర్‌నైట్‌ స్కోరుతో ఆదివారం నాటి ఆట మొదలుపెట్టిన సఫారీ జట్టుకు కెప్టెన్‌ తెంబా బవుమా, టెయిలెండర్‌ కార్బిన్‌ బాష్‌ అద్భుత బ్యాటింగ్‌తో మెరుగైన స్కోరు అందించారు.తొలి ఇన్నింగ్స్‌(3)లో విఫలమైన బవుమా.. రెండో ఇన్నింగ్స్‌లో మాత్రం విలువైన అజేయ అర్ధ శతకం (136 బంతుల్లో 55) బాదాడు. మరోవైపు.. బాష్‌ 37 బంతుల్లో 25 పరుగులతో ఆకట్టుకున్నాడు. ఈ ఇద్దరు కలిసి 79 బంతుల్లో 44 పరుగుల భాగస్వామ్యం నెలకొల్పారు. ఫలితంగా సౌతాఫ్రికా 153 పరుగులు చేయగలిగింది. ఆది నుంచే తడబాటుఇక తొలి ఇన్నింగ్స్‌లో టీమిండియా 30 పరుగుల స్వల్ప ఆధిక్యం సంపాదించినందున.. విజయ లక్ష్యం 124 పరుగులుగా మారింది. అయితే, లక్ష్యఛేదనలో ఆరంభం నుంచే టీమిండియా బ్యాటర్లు తేలిపోయారు. ఓపెనర్లు కేఎల్‌ రాహుల్‌ (1), యశస్వి జైస్వాల్‌ (0) పూర్తిగా విఫలం కాగా.. ధ్రువ్‌ జురెల్‌ (13), రిషభ్‌ పంత్‌ (2) నిరాశపరిచారు.ఆల్‌రౌండర్లు వాషింగ్టన్‌ సుందర్‌ (31) ఓ మోస్తరుగా రాణించగా.. రవీంద్ర జడేజా (18), అక్షర్‌ పటేల్‌ (17 బంతుల్లో 26) వేగంగా ఆడే ప్రయత్నం చేశారు. ఆఖర్లో కుల్దీప్‌ యాదవ్‌ (1), సిరాజ్‌ (0) చేతులెత్తేయగా.. కెప్టెన్‌ శుబ్‌మన్‌ గిల్‌ అబ్సెంట్‌ హర్ట్‌ కావడంతో టీమిండియా ఆలౌట్‌ అయింది. కాగా మెడనొప్పి వల్ల తొలి ఇన్నింగ్స్‌ మధ్యలోనే నిష్క్రమించిన గిల్‌.. మళ్లీ బ్యాటింగ్‌కు రాలేదు. అతడి స్థానంలో వైస్‌ కెప్టెన్‌ పంత్‌.. తాత్కాలిక సారథిగా వ్యవహరించాడు.చదవండి: పంత్‌ ఫెయిల్‌.. గంభీర్‌ ప్లాన్‌ అట్టర్‌ఫ్లాప్‌.. టీమిండియా ఓటమి

సౌతాఫ్రికాతో తొలి టెస్టులో టీమిండియా (IND vs SA)కు చేదు అనుభవం ఎదురైంది. సఫారీలు విధించిన 124 స్వల్ప లక్ష్యాన్ని ఛేదించడంలో భారత జట్టు విఫలమైంది. ఫలితంగా 30 పరుగుల తేడాతో ఓటమిని మూటగట్టుకుంది.గంభీర్‌ ప్రయోగాలుకోల్‌కతా వేదికగా సౌతాఫ్రికాతో తొలి టెస్టులో టీమిండియా తమ బ్యాటింగ్‌ ఆర్డర్‌లో ప్రయోగాలు చేసింది. ఇంగ్లండ్‌ పర్యటన, వెస్టిండీస్‌తో స్వదేశంలో టెస్టుల్లో మూడో స్థానంలో ఆడించిన సాయి సుదర్శన్‌ను తుదిజట్టు నుంచి తప్పించింది.సాయికి బదులుగా ఆల్‌రౌండర్‌ వాషింగ్టన్‌ సుందర్‌ను టాపార్డర్‌కు ప్రమోట్‌ చేసింది. వన్‌డౌన్‌లో అతడిని ఆడించింది. తొలి ఇన్నింగ్స్‌లో 82 బంతులు ఎదుర్కొని.. రెండు ఫోర్లు, ఒక సి​క్సర్‌ బాది వాషీ 29 పరుగులతో ఫర్వాలేదనిపించాడు. తద్వారా భారత్‌ తొలి ఇన్నింగ్స్‌లో 189 పరుగులు చేయడంలో తన వంతు పాత్ర పోషించాడు.వాషీ పర్లేదుఇక రెండో ఇన్నింగ్స్‌లో కూడా వాషీ కాస్త మెరుగ్గా రాణించాడు. సౌతాఫ్రికా విధించిన 124 పరుగుల లక్ష్యాన్ని ఛేదించే క్రమంలో ఓపెనర్లు యశస్వి జైస్వాల్‌ (0), కేఎల్‌ రాహుల్‌ (1) పూర్తిగా విఫలమయ్యారు. ఈ క్రమంలో వన్‌డౌన్‌ బ్యాటర్‌ వాషీ.. 92 బంతులు ఎదుర్కొని 31 పరుగులు చేశాడు. అయితే, మార్క్రమ్‌ బౌలింగ్‌లో హార్మర్‌కు క్యాచ్‌ ఇవ్వడంతో వాషీ ఇన్నింగ్స్‌ ముగిసిపోయింది.గిల్‌ స్థానంలో జురెల్‌ఈ మ్యాచ్‌లో మరో ప్రయోగం... ధ్రువ్‌ జురెల్‌ను నాలుగో స్థానంలో ఆడించడం. కెప్టెన్‌ శుబ్‌మన్‌ గిల్‌ మెడనొప్పి కారణంగా మ్యాచ్‌కు దూరం కాగా.. అతడి స్థానంలో జురెల్‌ను ప్రమోట్‌ చేశాడు హెడ్‌కోచ్‌ గౌతం గంభీర్‌. అయితే, కాసేపు క్రీజులో నిలబడ్డా జురెల్‌.. వాషీ మాదిరి పరుగులు చేయలేకపోయాడు. 34 బంతులు ఎదుర్కొని 13 పరుగులే చేసి నిష్క్రమించాడు.ఇక ఐదో నంబర్‌ బ్యాటర్‌ రిషభ్‌ పంత్‌ 13 బంతుల్లో కేవలం రెండు పరుగులు చేసి.. అవుటయ్యాడు. ఇలాంటి క్లిష్ట పరిస్థితుల్లో ఆల్‌రౌండర్‌ రవీంద్ర జడేజా వేగంగా ఆడే ప్రయత్నం చేశాడు. 26 బంతుల్లో రెండు ఫోర్ల సాయంతో 18 పరుగులు చేసిన జడ్డూ.. హార్మర్‌కు వికెట్ల ముందు దొరికిపోయాడు.గెలుపు ఆశలు రేపిన అక్షర్‌మరోవైపు టెయిలెండర్‌ కుల్దీప్‌ యాదవ్‌ 13 బంతులు ఎదుర్కొని ఒక పరుగు చేసి హార్మర్‌ బౌలింగ్‌లో ఎల్బీడబ్ల్యూ కాగా.. అక్షర్‌ పటేల్‌ గెలుపు ఆశలు రేపాడు. కేవలం 17 బంతుల్లోనే 26 పరుగులతో సత్తా చాటాడు. Pressure? What pressure? 🔥#AxarPatel takes the attack to the South African bowlers! 🏏👏#INDvSA | 1st Test, Day 3, LIVE NOW 👉 https://t.co/19cUrY4aXc pic.twitter.com/zpiIumJibl— Star Sports (@StarSportsIndia) November 16, 2025అయితే, కేశవ్‌ మహరాజ్‌ బౌలింగ్‌లో సిక్సర్‌ బాదిన అతడు.. ఆఖరికి అతడి బౌలింగ్‌లో (34.5)నే బవుమాకు క్యాచ్‌ ఇచ్చి పెవిలియన్‌ చేరాడు. దీంతో 93 పరుగుల వద్ద ఎనిమిదో వికెట్‌ కోల్పోయిన భారత్‌.. మరుసటి బంతికే సిరాజ్‌ అవుట్‌ కావడంతో తొమ్మిదో వికెట్‌ కోల్పోయింది. ఇక గిల్‌ ఆబ్సెంట్‌ హర్ట్‌ (0) కావడంతో.. ఆలౌట్‌ అయిన భారత్‌ ఓటమి ఖరారైంది.టాస్‌ గెలిచిన.. తొలుత బ్యాటింగ్‌రెండు టెస్టుల సిరీస్‌లో భాగంగా భారత్‌- సౌతాఫ్రికా మధ్య శుక్రవారం మొదలైన తొలి టెస్టులో టాస్‌ గెలిచిన ప్రొటిస్‌ జట్టు తొలుత బ్యాటింగ్‌ చేసింది. భారత ప్రధాన పేసర్‌ జస్‌ప్రీత్‌ బుమ్రా ఐదు వికెట్లతో చెలరేగగా.. సిరాజ్‌ రెండు, కుల్దీప్‌ యాదవ్‌ రెండు, అక్షర్‌ పటేల్‌ ఒక వికెట్‌తో సత్తా చాటారు. ఫలితంగా సౌతాఫ్రికా తొలి ఇన్నింగ్స్‌లో 159 పరుగులకే కుప్పకూలింది.ఇందుకు బదులుగా టీమిండియా 189 పరుగులతో సమాధానం ఇచ్చింది. భారత బ్యాటర్లలో కేఎల్‌ రాహుల్‌ (39) టాప్‌ రన్‌ స్కోరర్‌గా నిలవగా.. సుందర్‌ 29, పంత్‌ 27, జడేజా 27 పరుగులు చేశారు. సౌతాఫ్రికా బౌలర్లలో సైమన్‌ హార్మర్‌ నాలుగు వికెట్లు తీయగా.. మార్కో యాన్సెన్‌ మూడు వికెట్లు పడగొట్టాడు. కేశవ్‌ మహరాజ్‌, కార్బిన్‌ బాష్‌ చెరో వికెట్‌ దక్కించుకున్నారు.తెంబా బవుమా హాఫ్‌ సెంచరీఅనంతరం రెండో ఇన్నింగ్స్‌ మొదలుపెట్టిన సౌతాఫ్రికా 153 పరుగులకు ఆలౌట్‌ అయింది. కెప్టెన్‌ తెంబా బవుమా హాఫ్‌ సెంచరీ (55 నాటౌట్‌) చేయడంతో ప్రొటిస్‌ జట్టు ఈ మేరకు మెరుగైన స్కోరు సాధించింది. ఫలితంగా 124 పరుగుల లక్ష్యాన్ని భారత్‌ ముందు ఉంచగలిగింది.తప్పని ఓటమిఅయితే, ఈ టార్గెట్‌ను ఛేదించే క్రమంలో టీమిండియా ఆది నుంచే తడ‘బ్యాటు’కు లోనైంది. ఆఖరికి 93 పరుగులకు కుప్పకూలి.. 30 పరుగుల తేడాతో ఓటమి చవిచూసింది. ప్రొటిస్‌ బౌలర్లలో స్పిన్నర్లు హార్మర్‌ నాలుగు, కేశవ్‌ మహరాజ్‌ రెండు వికెట్లతో సత్తా చాటగా.. మార్క్రమ్‌ ఒక వికెట్‌ తీశాడు. ఓపెనర్లను అవుట్‌ చేసి యాన్సెన్‌ రెండు వికెట్లు తన ఖాతాలో వేసుకున్నాడు. హార్మర్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.సంక్షిప్త స్కోర్లుసౌతాఫ్రికా- 159 &153భారత్‌- 189 &93.చదవండి: తప్పు మీరు చేసి.. మమ్మల్ని అంటారా?: గంభీర్‌పై గంగూలీ ఫైర్‌

టీమిండియా స్టార్ వికెట్ కీపర్ బ్యాటర్ రిషబ్ పంత్ తన రీ ఎంట్రీలో అరుదైన ఘనత సాధించాడు. టెస్టు క్రికెట్‌లో అత్యధిక సిక్సర్లు కొట్టిన భారత ఆటగాడిగా రిషబ్ నిలిచాడు. ఈడెన్ గార్డెన్స్ వేదికగా సౌతాఫ్రికాతో జరుగుతున్న తొలి టెస్టులో పంత్ ఈ ఫీట్‌ను అందుకున్నాడు.ఇప్పటివరకు ఈ రి​కార్డు దిగ్గజ ఓపెనర్ వీరేంద్ర సెహ్వాగ్ (90) సిక్సర్లు) పేరిట ఉండేది. తాజా మ్యాచ్‌తో సెహ్వాగ్ ఆల్‌టైమ్ రికార్డును పంత్‌ బ్రేక్ చేశాడు. పంత్ ఇప్ప‌టివ‌ర‌కు త‌న టెస్టు కెరీర్‌లో 92 సిక్స్‌లు బాదాడు. కాగా కెప్టెన్‌ శుభ్‌మన్‌ గిల్‌ రిటైర్డ్‌ హార్ట్‌గా వెనుదిరిగాక క్రీజులోకి వచ్చిన పంత్‌ తనదైన శైలిలో బ్యాటింగ్‌ చేశాడు. 24 బంతులు ఎదుర్కొన్న రిషబ్‌.. 2 ఫోర్లు, 2 సిక్స్‌లతో 27 పరుగులు చేసి ఔటయ్యాడు. మంచి ట‌చ్‌లో క‌నిపించిన పంత్‌.. బాష్ బౌలింగ్‌లో వికెట్ కీప‌ర్‌కు క్యాచ్ ఇచ్చి ఔట‌య్యాడు. ఇక తొలి ఇన్నింగ్స్‌లో భార‌త బ్యాట‌ర్లు కూడా చెప్పుకోద‌గ్గ ప్ర‌ద‌ర్శ‌న చేయ‌లేక‌పోతున్నారు. 51 ఓవర్లు ముగిసే సరికి భారత్‌ 5 వికెట్ల నష్టానికి 165 పరుగులు చేసింది. టీమిండియా 6 పరుగుల స్వల్ప ఆధిక్యంలో కొనసాగుతోంది. ప్రస్తుతం క్రీజులో రవీంద్ర జడేజా(24), అక్షర్‌ పటేల్‌(1) ఉన్నారు. రిటైర్డ్‌ హార్ట్‌గా వెనుదిరిగిన కెప్టెన్‌ శుభ్‌మన్‌ గిల్‌ బ్యాటింగ్‌ వస్తాడో లేదో ఇంకా క్లారిటీ లేదు.భారత్‌ తరపున టెస్ట్‌లలో అత్యధిక సిక్సర్లు బాదిన ప్లేయర్లు వీరేరిషబ్ పంత్-92వీరేంద్ర సెహ్వాగ్-90రోహిత్ శర్మ-88రవీంద్ర జడేజా-80ఎంఎస్ ధోని-70చదవండి: IND vs SA: టీమిండియాకు ఊహించని షాక్‌.. ఆట మధ్యలోనే

భారత్‌- సౌతాఫ్రికా (IND vs SA) మధ్య రెండు టెస్టుల సిరీస్‌కు శుక్రవారం తెరలేచింది. కోల్‌కతాలోని ప్రఖ్యాత ఈడెన్‌ గార్డెన్స్‌లో ఇరుజట్ల మధ్య తొలి టెస్టు మొదలైంది. టాస్‌ గెలిచిన ప్రొటిస్‌ జట్టు తొలుత బ్యాటింగ్‌ ఎంచుకుని.. భారత్‌ను బౌలింగ్‌కు ఆహ్వానించింది.బంతితో అదరగొట్టిన బుమ్రాఈ క్రమంలో టీమిండియా పేస్‌ దళ నాయకుడు జస్‌ప్రీత్‌ బుమ్రా ఆది నుంచే నిప్పులు చెరిగాడు. అద్భుతమైన బంతులతో సఫారీ బ్యాటర్లను ముప్పుతిప్పలు పెట్టాడు. వేగంగా ఆడుతూనే.. క్రీజులో పాతుకుపోవాలని ప్రయత్నించిన ఓపెనర్లు ఐడెన్‌ మార్క్రమ్‌ (48 బంతుల్లో 31), రియాన్‌ రికెల్టన్‌ (22 బంతుల్లో 23)లను త్వరగానే పెవిలియన్‌కు పంపాడు.అంతేకాదు.. టోనీ డి జోర్జి (55 బంతుల్లో 24), సైమన్‌ హార్మర్‌ (5), కేశవ్‌ మహరాజ్‌ (0)లను కూడా అవుట్‌ చేసిన బుమ్రా.. మొత్తంగా ఐదు వికెట్లతో మెరిశాడు. సఫారీలను తొలి ఇన్నింగ్స్‌లో 159 పరుగులకే ఆలౌట్‌ చేయడంలో కీలక పాత్ర పోషించాడు. ఈ క్రమంలో ఈ రైటార్మ్‌ పేసర్‌ ప్రదర్శనపై ప్రశంసల వర్షం కురుస్తోంది.అదే సమయంలో సౌతాఫ్రికా కెప్టెన్‌ తెంబా బవుమాను ఉద్దేశించి.. బుమ్రా చేసిన వ్యాఖ్యలపై విమర్శలు వస్తున్నాయి. సౌతాఫ్రికా స్కోరు 62/2 వద్ద ఉన్న వేళ.. బవుమా క్రీజులో ఉండగా.. బుమ్రా అద్భుతమైన బంతిని సంధించాడు. దీనిని ఎదుర్కొనే క్రమంలో బవుమా డిఫెన్స్‌ ఆడే ప్రయత్నం చేయగా.. బాల్‌ అతడి ప్యాడ్‌కు తాకింది.బుమ్రా నోట ఊహించని మాటదీంతో బుమ్రాతో పాటు టీమిండియా ఫీల్డర్లు కూడా ఎల్బీడబ్ల్యూ కోసం అప్పీలు చేయగా.. అంపైర్‌ మాత్రం నాటౌట్‌ ఇచ్చాడు. అయితే, బుమ్రా మాత్రం కచ్చితంగా బంతి వికెట్లను గిరాటేస్తుందన్న నమ్మకంతో .. వికెట్‌ కీపర్‌ రిషభ్‌ పంత్‌తో చర్చించేందుకు వెళ్లాడు. బాల్‌ మరీ ఎత్తులో వెళ్లిందా? లేదా? అని చర్చించాడు. ఇందుకు పంత్‌.. బాల్‌ ఎత్తులోనే వెళ్తుందని అభిప్రాయపడ్డాడు.అసలే మరుగుజ్జు కదా!మరోవైపు.. బుమ్రా ఊహిస్తున్నట్లుగా ఇది అవుట్‌ కాదని భావించిన కెప్టెన్‌ శుబ్‌మన్‌ గిల్‌ కూడా రివ్యూ తీసుకునేందుకు నిరాకరించాడు. ఈ క్రమంలోనే బుమ్రా.. ‘క్రీజులో ఉన్నది అసలే మరుగుజ్జు కదా!’ అంటూ ఒక రకంగా బవుమాను ఎగతాళి చేస్తూ బౌలింగ్‌ చేసేందుకు వెళ్లాడు. దీంతో భారత ఆటగాళ్లంతా నవ్వుకోగా.. బుమ్రా మాటలు స్టంప్‌ మైకులో రికార్డయ్యాయి.నిజానికి బుమ్రా మైదానంలో ఇలా వ్యవహరించడం అరుదు. ప్రత్యర్థి జట్టు ఆటగాడి గురించి అతడు ఇలా మాట్లాడతాడని అభిమానులు కూడా అస్సలు ఊహించలేదు. ఈ నేపథ్యంలో నెటిజన్లు బుమ్రా తీరు సరికాదంటూ విమర్శల వర్షం కురిపించారు. మరికొందరు మాత్రం సరదాగా అన్న మాటలకు అపార్థాలు ఆపాదించవద్దని హితవు పలికారు.స్పందించిన సౌతాఫ్రికా కోచ్‌!ఈ ఘటనపై సౌతాఫ్రికా బ్యాటింగ్‌ కోచ్‌ యాష్‌వెల్‌ ప్రిన్స్‌ తాజాగా స్పందించాడు. తొలిరోజు ఆట ముగిసిన తర్వాత మీడియాతో మాట్లాడుతూ.. ‘‘ఈ విషయం గురించి మా జట్టులో ఎలాంటి చర్చా రాలేదు. అవును.. ఇలా జరగడం ఇదే తొలిసారి.అందుకే త్వరగానే నా దృష్టికి కూడా వచ్చింది. అయితే, అక్కడ జరిగిన దాని వల్ల ఎవరికీ పెద్దగా ఇబ్బంది కలగలేదనే అనుకుంటున్నా’’ అంటూ మాట దాటేశాడు. ఏదేమైనా బుమ్రా తీరుకు బవుమా, అతడి అభిమానులు నొచ్చుకున్నారన్నది మాత్రం నిజమేనని తెలుస్తోంది. కాగా ప్రపంచ టెస్టు చాంపియన్‌షిప్‌ 2025 ఫైనల్లో.. బవుమా కెప్టెన్సీలోని సౌతాఫ్రికా టైటిల్‌ గెలిచిన విషయం తెలిసిందే. ఇంగ్లండ్‌లో జరిగిన టైటిల్‌ పోరులో ఆస్ట్రేలియాను చిత్తు చేసి సఫారీలు ఐసీసీ గదను సొంతం చేసుకున్నారు. చదవండి: IND vs SA: ముందుగానే ముగిసిన తొలిరోజు ఆట.. భారత్‌దే పైచేయి!JB - "bauna hai yeh"RP- "bauna hai but laga yahape"JB - "bauna hai yeh BC"Review not taken for the appeal of LBW against Bavuma.#INDvsSA #Bumrah pic.twitter.com/r8UO8afR1J— The last dance (@26lastdance) November 14, 2025

నవంబర్‌ 14 నుంచి సౌతాఫ్రికాతో జరుగబోయే తొలి టెస్ట్‌లో రిషబ్‌ పంత్‌ (Rishabh Pant), ధృవ్‌ జురెల్‌ (Dhruv Jurel) బరిలోకి దిగడం దాదాపుగా ఖరారైపోయింది. ఈ విషయాన్ని టీమిండియా అసిస్టెంట్‌ కోచ్‌ ర్యాన్‌ టెన్‌ డస్కటే ధృవీకరించాడు. జురెల్‌ తన స్థానాన్ని నిలబెట్టుకున్నాడని, నితీశ్‌ కుమార్‌ రెడ్డి స్థానాన్ని పంత్‌ భర్తీ చేస్తాడని వెల్లడించాడు.డస్కటే ప్రకటనతో టీమిండియా తుది జట్టు కూర్పుపై క్లారిటీ వచ్చేసింది. ఓపెనర్లుగా జైస్వాల్‌, రాహుల్‌, వన్‌డౌన్‌లో సాయి సుదర్శన్‌, నాలుగో స్థానంలో కెప్టెన్‌ శుభ్‌మన్‌ గిల్‌, ఆతర్వాతి స్థానాల్లో జురెల్‌, పంత్‌, జడేజా, సుందర్‌, కుల్దీప్‌, బుమ్రా, సిరాజ్‌ బరిలోకి దిగే అవకాశం ఉంది.ధృవ్‌ జురెల్‌ ఆసక్తికర వ్యాఖ్యలుతొలి టెస్ట్‌లో తనూ, పంత్‌ ఇద్దరూ బరిలోకి దిగడం ఖరారైన నేపథ్యంలో జురెల్‌ ఆసక్తికర వ్యాఖ్యలు చేశాడు. జియో హాట్‌స్టార్‌ "ఫాలో ద బ్లూస్‌"తో మాట్లాడుతూ పంత్‌తో పోటీ ఉంటుందా అన్న అంశంపై స్పందించాడు. పంత్‌తో పోటీ ఉండదని, ఇద్దరం టీమిండియాకు ఆడుతున్నామని అన్నాడు. ఇద్దరిలో ఎవరు బాగా ఆడినా, అంతిమంగా తమ లక్ష్యం భారత్‌ గెలుపేనని తెలిపాడు.పంత్‌ బాగా ఆడినా, నేను బాగా ఆడినా సంతోషిస్తానని అన్నాడు. ఇద్దరు బాగా ఆడితే అంతకు మించిన సంతోషం లేదని తెలిపాడు. అంతిమంగా జట్టు ఫోకస్‌ అంతా గెలుపుపైనే ఉంటుందని చెప్పుకొచ్చాడు.ఇదే సందర్భంగా సౌతాఫ్రికాతో పోటీపై కూడా స్పందించాడు. ఈ సిరీస్‌ హోరాహోరీగా ఉండబోతుందని అంచనా వేశాడు. ఇరు జట్లలో అత్యుత్తమ ఫాస్ట్‌ బౌలర్లు ఉన్నారని అన్నాడు. వారికి రబాడ, జన్సెన్‌ ఉంటే.. మాకు బుమ్రా, సిరాజ్‌ ఉన్నారని చెప్పుకొచ్చాడు.కాగా, పంత్‌ గైర్హాజరీలో టీమిండియాలోకి వచ్చిన జురెల్‌ అసాధారణ ప్రదర్శనలతో ఆకట్టుకుంటున్నాడు. ఇటీవల అహ్మదాబాద్‌ టెస్ట్‌లో వెస్టిండీస్‌పై సూపర్‌ సెంచరీ చేసిన అతను.. తాజాగా సౌతాఫ్రికా-ఏతో జరిగిన రెండో అనధికారిక టెస్ట్‌ మ్యాచ్‌ల్లో రెండు ఇన్నింగ్స్‌ల్లో అజేయ సెంచరీలు చేశాడు. జురెల్‌ ప్రస్తుత ఫామ్‌ టీమిండియాలో అతని స్థానాన్ని సుస్థిరం చేసేలా ఉంది.చదవండి: బాబర్‌ ఆజమ్‌ను వెనక్కు నెట్టిన విరాట్‌ కోహ్లి

భారత్‌-దక్షిణాఫ్రికా మధ్య తొలి టెస్టు ఈడెన్ గార్డెన్స్ వేదికగా శుక్రవారం (నవంబర్ 14) ప్రారంభం కానుంది. ఈ మ్యాచ్ కోసం​ భారత తుది జట్టు ఎంపిక టీమ్ మెనెజ్‌మెంట్‌కు పెద్ద తలనొప్పిగా మారింది. ముఖ్యంగా వికెట్ కీపర్ల విషయంలో ఎవరిని సెలక్ట్ చేయాలని గంభీర్ అండ్ కో తర్జనభర్జన పడుతున్నారు. ఎందుకంటే ఇంగ్లండ్ పర్యటనలో గాయపడ్డ రెగ్యూలర్ వికెట్ కీపర్ రిషబ్ పంత్ తిరిగి జట్టులోకి వచ్చాడు. మరోవైపు పంత్ బ్యాకప్‌గా ఉన్న ధ్రువ్ జురెల్ సైతం అద్భుతమైన ఫామ్‌లో ఉన్నాడు. వెస్టిం‍డీస్ సిరీస్‌తో పాటు రంజీ ట్రోఫీలోనూ జురెల్ సెంచరీలతో సత్తాచాటాడు. దీంతో అతడికి తుది జట్టులో చోటు ఇవ్వాలని చాలా మంది మాజీలు సూచిస్తున్నారు. ఈ క్రమంలో హెడ్ కోచ్ గంభీర్ కూడా ఇద్దరూ స్పెషలిస్టు వికెట్ కీపర్లకు ప్లేయింగ్ ఎలెవన్‌లో ఛాన్స్ ఇవ్వాలని నిర్ణయించుకున్నట్లు వార్తలు వస్తున్నాయి.తాజాగా భారత అసిస్టెంట్ కోచ్ ర్యాన్ టెన్ డెష్కాట్ చేసిన వ్యాఖ్యలు ఇందుకు బలాన్ని చేకూరుస్తున్నాయి. ఇద్దరు వికెట్ కీపర్లను తుది జట్టులో ఉంచడం కష్టమైనప్పటికీ, ఈ స‌మ‌స్యకు ప‌రిష్క‌రం త‌మ వ‌ద్ద ఉంద‌ని డెష్కాట్ తెలిపాడు."కోల్‌క‌తా టెస్టు నుంచి ధ్రువ్ జురెల్‌ను మేము దూరంగా ఉంచ‌లేము. కానీ ప్లేయింగ్ ఎలెవ‌న్‌ను ఎంపిక చేయ‌డం మెనెజ్‌మెంట్‌కు ఎల్ల‌ప్పుడూ బిగ్ ఛాలెంజ్‌నే. ఒక‌రికు ఛాన్స్ ఇవ్వాలంటే మరొకరు తప్పక తప్పుకోవాలి. అయితే తుది జ‌ట్టును ఎలా ఎంపిక చేయాల‌న్న విష‌యంపై మాకు ఒక క్లారిటీ ఉంది.ధ్రువ్ ఫామ్ గురుంచి ప్ర‌త్యేక చెప్పాల్సిన అవ‌స‌రం లేదు. బెంగ‌ళూరులో జ‌రిగిన రంజీ మ్యాచ్‌లో రెండు ఇన్నింగ్స్‌ల‌లోనూ సెంచ‌రీలు సాధించాడు. ఈ మ్యాచ్‌లో అత‌డు ఆడ‌డం దాదాపు ఖాయమ‌ని ర్యాన్ ప్రెస్ కాన్ఫ‌రెన్స్‌లో పేర్కొన్నాడు.

సౌతాఫ్రికా- ‘ఎ’తో అనధికారిక టెస్టు సిరీస్‌లో భారత్‌- ‘ఎ’ (IND A vs SA A) జట్టు మిశ్రమ ఫలితం చవిచూసింది. బెంగళూరు వేదికగా జరిగిన రెండు మ్యాచ్‌ల సిరీస్‌ను భారత్‌ 1-1తో సమం చేసుకుంది. రెండో టెస్టులో పంత్‌ సేన విజయం ఖాయమని భావించగా.. ప్రొటిస్‌ జట్టు సంచలన రీతిలో గెలుపును తన్నుకుపోయింది.ఈ మ్యాచ్‌లో అదే పెద్ద హైలైట్‌!ఏకంగా 400 పైచిలుకు లక్ష్యాన్ని ఛేదించింది. భారత్‌ ‘ఎ’తో జరిగిన రెండో అనధికారిక టెస్టులో 5 వికెట్ల తేడాతో జయభేరి మోగించింది. 2 మ్యాచ్‌ల సిరీస్‌ను 1–1తో సమం చేసింది. భారత్‌లాంటి స్పిన్‌ వేదికలపై నాలుగో ఇన్నింగ్స్‌ (ఛేదించే జట్టు రెండో ఇన్నింగ్స్‌) అది కూడా చివరి రోజు చాలా కష్టం. అయినాసరే సఫారీ ‘ఎ’ జట్టు భారత రెగ్యులర్‌ టెస్టు బౌలర్లు సిరాజ్, ఆకాశ్‌ దీప్, ప్రసిధ్‌ కృష్ణ, కుల్దీప్‌ యాదవ్‌లను ఎదుర్కొని మరీ భారీ లక్ష్యాన్ని ఛేదించడమే ఈ మ్యాచ్‌లో పెద్ద హైలైట్‌! ఓవరాల్‌గా ‘ఎ’ జట్ల అనధికారిక నాలుగు రోజుల మ్యాచ్‌ల్లోనే ఇది అత్యధిక పరుగుల ఛేదనగా ఘనతకెక్కింది. ధ్రువ్‌ జురెల్‌ ఒక్కడే..ఇదిలా ఉంటే.. ఈ సిరీస్‌లో టీమిండియా స్టార్లలో ధ్రువ్‌ జురెల్‌ (Dhruv Jurel) ఒక్కడే మెరుగ్గా రాణించాడు. రెండో టెస్టులో రెండుసార్లు శతక్కొట్టి సత్తా చాటాడు. తద్వారా టీమిండియా తరఫున టెస్టుల్లో కేవలం వికెట్‌ కీపర్‌ బ్యాకప్‌ ఆప్షన్‌గా కాకుండా.. స్పెషలిస్టు బ్యాటర్‌గా రాణించగలనని మరోసారి నిరూపించాడు.దారుణంగా విఫలంమరోవైపు.. తమిళనాడు ఆటగాడు సాయి సుదర్శన్‌ (Sai Sudharsan), కర్ణాటక క్రికెటర్‌ దేవదత్‌ పడిక్కల్‌ మాత్రం ఈ సిరీస్‌లో విఫలమయ్యారు. సాయి నాలుగు ఇన్నింగ్స్‌లో కలిపి 84 పరుగులు చేయగా.. పడిక్కల్‌ దారుణ ప్రదర్శన కనబరిచాడు. నాలుగు ఇన్నింగ్స్‌లో అతడు చేసిన స్కోర్లు వరుసగా.. 6,5,5,24.ఇక టీమిండియా తరఫున టెస్టుల్లో బ్యాకప్‌ ఓపెనర్‌గా ఎంపికవుతూ.. ఇప్పటికీ అరంగేట్రం చేయలేకపోయిన బెంగాల్‌ బ్యాటర్‌ అభిమన్యు ఈశ్వరన్‌ పూర్తిగా ఫెయిలయ్యాడు. రెండో టెస్టుతో జట్టులో చేరిన అతడు డకౌట్‌ అయ్యాడు.ఈ నేపథ్యంలో టీమిండియా మాజీ సెలక్టర్‌ దేవాంగ్‌ గాంధీ సాయి, పడిక్కల్‌, అభిమన్యులపై విమర్శలు గుప్పించాడు. ‘‘విఫలమైనా... సాయి సుదర్శన్‌ ఇంకా యువకుడే కాబట్టి సెలక్టర్లు అతడికి మరిన్ని అవకాశాలు ఇవ్వవచ్చు. టెస్టు ఫార్మాట్లో బ్యాకప్‌ బ్యాటర్ల కొరత కొట్టొచ్చినట్లు కనిపిస్తోంది.భారత్‌- ‘ఎ’ తరఫునా పరుగులు చేయలేరు.. జట్టులో చోటెలా?పడిక్కల్‌ భారత్‌- ‘ఎ’ తరఫున కూడా పరుగులు రాబట్టలేకపోతున్నాడు. బ్యాకప్‌ ఓపెనర్‌ అభిమన్యు ఈశ్వరన్‌ ఇలాగే కొనసాగితే అతడి ఆత్మవిశ్వాసం దెబ్బతింటుంది. జట్టులోకి రావడం కలగానే మిగిలిపోతుంది.స్పష్టతకు రావాలి..ఏదేమైనా జురెల్‌ ఒక్కడే ప్రస్తుతం నిలకడగా రాణిస్తున్నాడు. అయితే, అతడిని కేవలం బ్యాకప్‌ వికెట్‌ కీపర్‌గా మాత్రమే వాడకుంటామంటే.. రిషభ్‌ పంత్‌ కారణంగా అతడికి తుదిజట్టులో చోటు దక్కదు. కాబట్టి అతడి పాత్రపై సెలక్టర్లు స్పష్టతకు రావాలి.అంతేకాదు.. వీలైనన్ని ఎక్కువ మ్యాచ్‌లను సెలక్టర్లు కవర్‌ చేయాలి. సరైన ఆటగాళ్లను ఎంపిక చేసుకోవాలి. ఈ దేశీ సీజన్‌లో సెలక్టర్లు ఈ విషయంలో కఠినంగా శ్రమిస్తేనే మెరుగైన ఎంపికలు చేయగలరు’’ అని దేవాంగ్‌ గాంధీ టైమ్స్‌ ఆఫ్‌ ఇండియాతో తన అభిప్రాయాలు పంచుకున్నాడు.చదవండి: వన్డే ఆల్‌టైమ్‌ జట్టు.. టీమిండియా నుంచి ముగ్గురు.. రోహిత్‌కు దక్కని చోటు

భారత్‌-ఏ, సౌతాఫ్రికా-ఏ (India A vs South Africa A) జట్ల మధ్య జరిగిన రెండు మ్యాచ్‌ల అనధికారిక టెస్ట్‌ సిరీస్‌ 1-1తో డ్రా అయ్యింది. బెంగళూరులోని బీసీసీఐ సెంటర్‌ ఆఫ్‌ ఎక్సలెన్స్‌ గ్రౌండ్‌-1లో జరిగిన మ్యాచ్‌లో సౌతాఫ్రికా 5 వికెట్ల తేడాతో గెలుపొందింది.ఈ మ్యాచ్‌లో సౌతాఫ్రికా 417 పరుగుల భారీ లక్ష్యాన్ని సునాయాసంగా ఛేదించింది. జోర్డన్‌ హెర్మన్‌ (91), లెసెగో సెనోక్వానే (77), జుబేర్‌ హంజా (77), టెంబా బవుమా (59), వికెట్‌ కీపర్‌ కాన్నర్‌ (52 నాటౌట్‌) అర్ద సెంచరీలతో రాణించి సౌతాఫ్రికాను గెలిపించారు.ఈ మ్యాచ్‌లో తొలుత బ్యాటింగ్‌ చేసిన భారత్‌ 255 పరుగులకు ఆలౌటైంది. ధృవ్‌ జురెల్‌ (132 నాటౌట్‌) అజేయ సెంచరీతో గౌరవప్రదమైన స్కోర్‌ అందించాడు. అనంతరం సౌతాఫ్రికా కూడా తొలి ఇన్నింగ్స్‌లో తడబడింది. టీమిండియా పేసర్ల ధాటి​​కి 221 పరుగులకే ఆలౌటైంది.34 పరుగుల ఆధిక్యంతో రెండో ఇన్నింగ్స్‌ ప్రారంభించిన భారత్‌ 7 వికెట్ల నష్టానికి 382 పరుగులు చేసి ఇన్నింగ్స్‌ను డిక్లేర్‌ చేసింది. జురెల్‌ రెండో ఇన్నింగ్స్‌లోనూ అజేయ సెంచరీతో (127 నాటౌట్‌) చెలరేగాడు. కెప్టెన్‌ రిషబ్‌ పంత్‌ (65), హర్ష్‌ దూబే (84) అర్ద సెంచరీలతో రాణించారు.భారీ లక్ష్య ఛేదనలో సౌతాఫ్రికా బ్యాటర్లు సమిష్టిగా రాణించారు. ఐదుగురు అర్ద సెంచరీలు చేసి సౌతాఫ్రికాను విజయతీరాలకు చేర్చారు. భారత బౌలర్లు పోరాడినప్పటికీ.. ఫలితం లేకుండా పోయింది. కాగా, ఈ సిరీస్‌లోని తొలి టెస్ట్‌లో భారత్‌ విజయం సాధించిన విషయం తెలిసిందే. ఇరు జట్ల మధ్య మూడు మ్యాచ్‌ల అనధికారిక వన్డే సిరీస్‌ నవంబర్‌ 13 నుంచి మొదలవుతుంది.చదవండి: వరుసగా 8 సిక్సర్లు.. క్రికెట్‌ చరిత్రలో ఫాస్టెస్ట్‌ హాఫ్‌ సెంచరీ

సౌతాఫ్రికాతో టెస్టు సిరీస్‌కు ముందు టీమిండియా (IND vs SA)కు భారీ షాక్‌ తగిలింది. భారత స్టార్‌ క్రికెటర్‌ రిషభ్‌ పంత్‌ (Rishabh Pant Injured) మరోసారి గాయపడ్డాడు. నొప్పితో విలవిల్లాడుతూ.. రిటైర్డ్‌ హర్ట్‌గా మైదానం వీడాడు. కాగా సఫారీ జట్టుతో టీమిండియా స్వదేశంలో రెండు టెస్టులు ఆడనున్న విషయం తెలిసిందే.ఇందుకు సన్నాహకంగా భారత్‌- ‘ఎ’- సౌతాఫ్రికా - ‘ఎ’ జట్లు ముందుగా అనధికారిక టెస్టు సిరీస్‌ ఆడుతున్నాయి. ఇంగ్లండ్‌ పర్యటనలో గాయపడ్డ పంత్‌ భారత్‌- ‘ఎ’ కెప్టెన్‌గా తిరిగి వచ్చాడు. ఇక బెంగళూరులోని బీసీసీఐ (BCCI) ఆఫ్‌ ఎక్సలెన్స్‌ స్టేడియం వేదికగా.. తొలి అనధికారిక టెస్టులో పంత్‌ సేన గెలుపొందింది.ధ్రువ్‌ జురెల్‌ అజేయ శతకంఈ క్రమంలో ఇరుజట్ల మధ్య గురువారం రెండో అనధికారిక టెస్టు మొదలుకాగా.. టాస్‌ ఓడిన భారత్‌ తొలుత బ్యాటింగ్‌ చేసింది. తొలి ఇన్నింగ్స్‌లో 255 పరుగులకు ఆలౌట్‌ అయింది. ధ్రువ్‌ జురెల్‌ అజేయ శతకం (132) కారణంగా ఈ మేర స్కోరు సాధ్యమైంది.అయితే, తొలి ఇన్నింగ్స్‌ సందర్భంగా పంత్‌ గాయపడ్డాడు. సఫారీ పేసర్‌ షెపో మొరేకి వేసిన రాకాసి బౌన్సర్‌ పంత్‌ చేతి వేలికి బలంగా తాకింది. ఫిజియో వచ్చి పరిశీలించగా.. పంత్‌ బ్యాటింగ్‌ కొనసాగించాడు. మొత్తంగా 20 బంతులు ఎదుర్కొని 24 పరుగులు చేసి మొరేకి బౌలింగ్‌లో అవుటయ్యాడు.34 పరుగుల స్వల్ప ఆధిక్యంఇక సఫారీ జట్టు తొలి ఇన్నింగ్స్‌లో 221 పరుగులకే ఆలౌట్‌ కావడంతో భారత్‌కు.. 34 పరుగుల స్వల్ప ఆధిక్యం దక్కగా.. శుక్రవారం నాటి రెండో రోజు ఆట ముగిసే సరికి 24 ఓవర్లలో మూడు వికెట్ల నష్టానికి భారత్‌ 78 పరుగులు చేసింది.ఈ క్రమంలో శనివారం నాటి మూడో రోజు ఆటలో ఆదిలోనే స్టార్‌ బ్యాటర్‌ కేఎల్‌ రాహుల్‌ (60 బంతుల్లో 27) వికెట్‌ను భారత్‌ కోల్పోగా.. పంత్‌ క్రీజులోకి వచ్చాడు. భారత్‌ స్కోరు 108-4గా ఉన్న వేళ పంత్‌కు రెండుసార్లు గాయమైంది. రెండుసార్లు బంతి బలంగా తాకడంతోమొరేకి బౌలింగ్‌లో తొలుత పంత్‌ ఎడమ మోచేతికి గాయమైంది. తర్వాత గజ్జల భాగంలో బంతి బలంగా తాకింది. దీంతో 22 బంతులు ఎదుర్కొన్న పంత్‌.. 17 పరుగుల వ్యక్తిగత స్కోరు వద్ద రిటైర్డ్‌ హర్ట్‌గా వెనుదిరిగాడు.కాగా టీమిండియా- సౌతాఫ్రికా మధ్య నవంబరు 14 నుంచి టెస్టు సిరీస్‌ మొదలు కానుండగా.. పంత్‌ రూపంలో కీలక ఆటగాడు గాయపడటం ఆందోళనకరంగా పరిణమించింది. ఇదిలా ఉంటే.. సౌతాఫ్రికా- ‘ఎ’ జట్టుతో మ్యాచ్‌లో భారత్‌ 43 ఓవర్ల ఆట ముగిసే సరికి ఐదు వికెట్ల నష్టానికి 124 పరుగులు చేసి.. 158 పరుగుల ఆధిక్యం సంపాదించింది.చదవండి: ఐసీసీ కీలక నిర్ణయంRishabh Pant retires hurt after taking three blows today. First on the helmet, second on the left-hand elbow, third on the abdomen. Tough day for the fighter. ❤️‍🩹 pic.twitter.com/kdTX8jdM8B— Harsh 17  (@harsh03443) November 8, 2025

ప్రపంచ టెస్టు చాంపియన్‌షిప్‌ 2025 ఫైనల్‌లో సౌతాఫ్రికాను విజేతగా నిలిపి ఘనత కెప్టెన్‌ తెంబా బవుమా (Temba Bavuma) సొంతం. ఇంగ్లండ్‌ వేదికగా పటిష్ట ఆస్ట్రేలియాను ఓడించి బవుమా బృందం ‘ఐసీసీ గద’ను గెలుచుకుంది. అయితే, ఈ మోగా ఫైనల్‌ తర్వాత ఫిట్‌నెస్‌ సమస్యల దృష్ట్యా బవుమా టెస్టులకు దూరమయ్యాడు.ఈ క్రమంలో టీమిండియాతో టెస్టు సిరీస్‌కు ముందు సౌతాఫ్రికా- ‘ఎ’ తరఫున రెడ్‌బాల్‌ క్రికెట్‌లో బవుమా పునరాగమనం చేశాడు. భారత్‌- ‘ఎ’ (IND A vs SA A)తో గురువారం మొదలైన రెండో అనధికారిక టెస్టు తుదిజట్టులో ఈ కెప్టెన్‌ సాబ్‌ బ్యాటర్‌గా బరిలోకి దిగాడు.గోల్డెన్‌ డకౌట్‌శుక్రవారం నాటి రెండో రోజు ఆటలో భాగంగా... అకెర్‌మాన్‌ సారథ్యంలోని ఈ టీమ్‌లో నాలుగో స్థానంలో బ్యాటింగ్‌కు వచ్చిన బవుమా.. గోల్డెన్‌ డకౌట్‌గా వెనుదిరిగాడు. ఆకాశ్‌ దీప్‌ బౌలింగ్‌లో ఒకే ఒక్క బంతి ఎదుర్కొన్న ఈ కుడిచేతి వాటం బ్యాటర్‌.. వికెట్‌ కీపర్‌​ రిషభ్‌ పంత్‌కు క్యాచ్‌ ఇచ్చి పెవిలియన్‌ చేరాడు. పరుగుల ఖాతా తెరవకుండానే నిష్క్రమించాడు.ధ్రువ్‌ జురేల్‌ వీరోచిత అజేయ శతకంకాగా సౌతాఫ్రికా- ‘ఎ’ జట్టుతో రెండో అనధికారిక టెస్టులో సహచరులు తక్కువ స్కోరుకే వెనుదిరిగినా... ధ్రువ్‌ జురేల్‌ పట్టుదలతో ఆడి వీరోచిత అజేయ శతకం సాధించాడు. జురేల్‌ (175 బంతుల్లో 132 నాటౌట్‌; 12 ఫోర్లు, 4 సిక్స్‌లు) అద్భుత ఇన్నింగ్స్‌ కారణంగా పుణ్యమాని... గురువారం మొదలైన ఈ మ్యాచ్‌లో భారత ‘ఎ’ జట్టు గౌరవప్రద స్కోరు నమోదు చేసింది.బీసీసీఐ సెంటర్‌ ఆఫ్‌ ఎక్స్‌లెన్సీ మైదానంలో జరుగుతున్న ఈ మ్యాచ్‌లో టాస్‌ గెలిచిన సౌతాఫ్రికా- ‘ఎ’ కెప్టెన్‌ అకెర్‌మాన్‌ ఫీల్డింగ్‌ ఎంచుకోగా... మొదట బ్యాటింగ్‌కు దిగిన భారత ‘ఎ’ జట్టు 77.1 ఓవర్లలో 255 పరుగులకు ఆలౌటైంది. ఓపెనర్‌ అభిమన్యు ఈశ్వరన్‌ ఖాతా తెరవకుండానే పెవిలియన్‌ చేరగా... కేఎల్‌ రాహుల్‌ (40 బంతుల్లో 19; 3 ఫోర్లు), సాయి సుదర్శన్‌ (52 బంతుల్లో 17; 3 ఫోర్లు) క్రీజులో కుదురుకుంటున్న దశలో అవుటయ్యారు.రాణించిన కుల్దీప్‌, సిరాజ్‌ఒకదశలో 126 పరుగులకే 7 వికెట్లు కోల్పోయి పీకల్లోతు కష్టాల్లో పడిన భారత జట్టును జురేల్‌ ఆదుకున్నాడు. ఎనిమిదో వికెట్‌కు కుల్దీప్‌ యాదవ్‌ (88 బంతుల్లో 20; 1 ఫోర్‌)తో కలిసి జురేల్‌ 79 పరుగులు జత చేసి భారత స్కోరును 200 దాటించాడు.కుల్దీప్‌ అవుటయ్యాక సిరాజ్‌ (31 బంతుల్లో 15; 3 ఫోర్లు)తో కలిసి జురేల్‌ 34 పరుగులు జోడించాడు. 62 బంతుల్లో 6 ఫోర్లు, 1 సిక్స్‌తో అర్ధ సెంచరీ పూర్తి చేసుకున్న జురేల్‌... 145 బంతుల్లో 9 ఫోర్లు, 2 సిక్స్‌లతో సెంచరీ మైలురాయిని దాటాడు. దక్షిణాఫ్రికా బౌలర్లలో వాన్‌ వురెన్‌ నాలుగు వికెట్లు పడగొట్టగా... సుబ్రాయెన్, మోరెకిలకు రెండు వికెట్ల చొప్పున లభించాయి.చెలరేగిన భారత బౌలర్లుఇక రెండో రోజు ఆటలో భాగంగా తమ తొలి ఇన్నింగ్స్‌ మొదలుపెట్టిన సౌతాఫ్రికా.. 44 ఓవర్ల ఆట ముగిసే సరికి ఏడు వికెట్ల నష్టానికి 194 పరుగులు చేసింది. భారత్‌ కంటే ఇంకా 61 పరుగులు వెనుకబడి ఉంది. భారత బౌలర్లలో పేసర్లు ప్రసిద్‌ కృష్ణ, ఆకాశ్‌ దీప్‌, మొహమ్మద్‌ సిరాజ్‌ రెండేసి వికెట్లు తీయగా.. స్పిన్నర్‌ కుల్దీప్‌ యాదవ్‌ ఒక వికెట్‌ దక్కించుకున్నాడు. ప్రొటిస్‌ బ్యాటర్లలో కెప్టెన్‌ అకెర్‌మాన్‌ సెంచరీ పూర్తి చేసుకున్నాడు.చదవండి: అందుకే వరల్డ్‌కప్‌ విన్నర్‌ని వదిలేశాం: అభిషేక్‌ నాయర్‌

టీమిండియా స్టార్ వికెట్ కీప‌ర్ బ్యాట‌ర్ రిష‌బ్ పంత్ మ‌ళ్లీ గాయప‌డ్డాడు. బీసీసీఐ ఆఫ్‌ ఎక్స్‌లెన్స్ స్టేడియం వేదిక‌గా రెండో అనాధికారిక టెస్టులో ద‌క్షిణాఫ్రికా-ఎ, భారత్‌-ఎ జట్లు తలపడతున్నాయి. ఈ మ్యాచ్‌లో ఇండియా-ఎ జట్టు సారథ్యం వహిస్తున్న పంత్ చేతి వేలికి గాయ‌మైంది.రెండో రోజు ఆట ఆరంభంలో గ్రీన్ టాప్ పిచ్‌పై సఫారీ పేసర్లు నిప్పులు చెరిగారు. ఈ క్రమంలో భారత ఇన్నింగ్స్ 26 ఓవర్ వేసిన షెపో మోరెకి వేసిన ఓ రాకాసి బౌన్సర్ పంత్ చేతి వేలికి బలంగా తాకింది. దీంతో రిషబ్ నొప్పితో విల్లవిల్లాడు. వెంటనే ఫిజియో పరిగెత్తుకుంటూ వచ్చి చికిత్స అందించాడు. నొప్పిని భరిస్తూనే పంత్ తన బ్యాటింగ్‌ను కొనసాగించాడు. కానీ ఆ తర్వాత బంతికే పంత్ ఔటయ్యాడు. భారీ షాట్‌కు ప్రయత్నించి తన వికెట్‌ను కోల్పోయాడు. డ్రెస్సింగ్ రూమ్‌కు వెళ్తున్న క్రమం‍లో పంత్ కాస్త ఆసౌకర్యంగా కన్పించాడు. అయితే మూడో రోజు ఆటలో పంత్ ఫీల్డింగ్ వస్తాడో రాడో వేచి చూడాలి.కాగా దక్షిణాఫ్రికాతో రెండు మ్యాచ్‌ల టెస్టు సిరీస్‌కు ఎంపిక చేసిన భార‌త జ‌ట్టులో పంత్ ఉన్నాడు. ఇంగ్లండ్ ప‌ర్య‌ట‌న‌లో గాయ‌ప‌డిన త‌ర్వాత పంత్‌కు భార‌త్ త‌రపున ఇదే తొలిసారి. స‌ఫారీల‌తో సిరీస్‌కు ముందు పంత్ గాయ‌ప‌డ‌డం భార‌త జ‌ట్టు మెనెజ్‌మెంట్‌ను ఆందోళ‌న క‌లిగిస్తోంది.చదవండి: జిడ్డు ఆట‌గాడి కోసం అత‌డిని బ‌లి చేస్తావా? గంభీర్ ఇది నీకు న్యాయ‌మేనా?

సౌతాఫ్రికా- ‘ఎ’తో అనధికారిక రెండో టెస్టులో భారత్‌ -‘ఎ’ (IND A vs SA- Day 1) మెరుగైన స్కోరు సాధించింది. పర్యాటక జట్టు బౌలర్లు ఆది నుంచే చెలరేగి.. టాపార్డర్‌ను కుదేలు చేయగా.. ఆరో నంబర్‌ బ్యాటర్‌ ధ్రువ్‌ జురెల్‌ (Dhruv Jurel) శతక్కొట్టి జట్టును ఆదుకున్నాడు. కాగా బెంగళూరు వేదికగా భారత్‌- ‘ఎ’- సౌతాఫ్రికా- ‘ఎ’ జట్లు రెండు మ్యాచ్‌ల అనధికారిక టెస్టు సిరీస్‌లో తలపడుతున్న విషయం తెలిసిందే.టాస్‌ ఓడిన భారత్‌.. తొలుత బ్యాటింగ్‌ఇందులో భాగంగా తొలి టెస్టులో రిషభ్‌ పంత్‌ (Rishabh Pant) కెప్టెన్సీలోని భారత జట్టు ప్రొటిస్‌ జట్టును మూడు వికెట్ల తేడాతో ఓడించింది. ఈ క్రమంలో ఇరుజట్ల మధ్య గురువారం రెండో టెస్టు మొదలైంది. బెంగళూరులో టాస్‌ గెలిచిన సౌతాఫ్రికా- ‘ఎ’ తొలుత బౌలింగ్‌ ఎంచుకోగా.. భారత్‌ బ్యాటింగ్‌కు దిగింది.కేఎల్‌ రాహుల్‌, పంత్‌ ఫెయిల్‌ఇక ఈ మ్యాచ్‌తో జట్టులోకి వచ్చిన ఓపెనింగ్‌ బ్యాటర్లు కేఎల్‌ రాహుల్‌ (19), అభిమన్యు ఈశ్వరన్‌ (0) విఫలమయ్యారు. వన్‌డౌన్‌లో వచ్చిన సాయి సుదర్శన్‌ (17) నిరాశపరచగా.. దేవదత్‌ పడిక్కల్‌ (5) మరోసారి ఫెయిల్‌ అయ్యాడు.ఇలాంటి దశలో ఐదో నంబర్‌ ఆటగాడు, కెప్టెన్‌ రిషభ్‌ పంత్‌ జట్టును ఆదుకునే క్రమంలో వేగంగా ఆడాడు. మొత్తంగా 20 బంతులు ఎదుర్కొని మూడు ఫోర్లు, ఒక సిక్సర్‌ సాయంతో 24 పరుగులు చేసిన పంత్‌.. షెపో మొరేకి బౌలింగ్‌లో ఎంజే అకెర్‌మన్‌కు క్యాచ్‌ ఇచ్చి పెవిలియన్‌ చేరాడు.సౌతాఫ్రికా ఆనందం ఆవిరి చేసిన జురెల్‌దీంతో సౌతాఫ్రికా శిబిరం సంతోషంలో మునిగిపోయింది. హర్ష్‌ దూబే (14), ఆకాశ్‌ దీప్‌ (0)లను కూడా త్వరత్వరగా అవుట్‌ చేసింది. అయితే, వారి ప్రొటిస్‌ జట్టుకు ఆ ఆనందాన్ని ఎక్కువసేపు నిలవకుండా చేశాడు ధ్రువ్‌ జురెల్‌.సహచర ఆటగాళ్లు విఫలమైన చోట జురెల్‌ అద్భుత శతకంతో మెరిశాడు. మొత్తంగా 175 బంతులు ఎదుర్కొని 12 ఫోర్లు, నాలుగు సిక్సర్లు బాది 132 పరుగులతో అజేయంగా నిలిచాడు. ఆఖర్లో టెయిలెండర్లు కుల్దీప్‌ యాదవ్‌ (88 బంతుల్లో 20), మొహమ్మద్‌ సిరాజ్‌ (31 బంతుల్లో 15) వికెట్‌ పడకుండా జాగ్రత్తపడుతూ జురెల్‌కు సహకరించారు.భారత్‌ ఆలౌట్‌.. స్కోరెంతంటే?ఈ క్రమంలో 77.1 ఓవర్‌ వద్ద ప్రసిద్‌ కృష్ణ (0) పదో వికెట్‌గా వెనుదిరగడంతో భారత్‌ తొలి ఇన్నింగ్స్‌ ముగిసిపోయింది. తొలి రోజు పూర్తయ్యేసరికి77.1 ఓవర్లలో 255 పరుగులు చేసి భారత్‌ ఆలౌట్‌ అయింది. జురెల్‌ అద్భుత శతకం కారణంగా భారత జట్టుకు ఈ మేర మెరుగైన స్కోరు సాధ్యమైంది. ఇక సఫారీ జట్టు బౌలర్లలో టియాన్‌ వాన్‌ వారెన్‌ నాలుగు వికెట్లతో సత్తా చాటగా.. షెపో మొరేకి, ప్రెనేలన్‌ సుబ్రయాన్‌ చెరో రెండు, ఒకులే సిలీ ఒక వికెట్‌ తమ ఖాతాలో వేసుకున్నారు.భారత్‌- ‘ఎ’ వర్సెస్‌ సౌతాఫ్రికా -‘ఎ’ రెండో అనధికారిక టెస్టు తుదిజట్లుభారత్‌కేఎల్‌ రాహుల్‌, అభిమన్యు ఈశ్వరన్‌, సాయి సుదర్శన్‌ దేవ్‌దత్‌ పడిక్కల్‌, ధ్రువ్‌ జురెల్‌, రిషభ్‌ పంత్‌ (కెప్టెన్‌/వికెట్‌ కీపర్‌), హర్ష్‌ దూబే, ఆకాశ్‌ దీప్‌, కుల్దీప్‌ యాదవ్‌, మొహమ్మద్‌ సిరాజ్‌, ప్రసిద్‌ కృష్ణ.సౌతాఫ్రికాజోర్డాన్‌ హెర్మాన్‌, లిసెగో సెనొక్‌వనే తెంబా బవుమా, జుబేర్‌ హంజా, మార్వ్కెస్‌ అకెర్‌మన్‌ (కెప్టెన్‌), కొనొర్‌ ఎస్తర్‌హుజీన్‌ (వికెట్‌ కీపర్‌), టియాన్‌ వాన్‌ వారెన్‌, కైలీ సైమండ్స్‌, ప్రెనేలన్‌ సుబ్రయాన్‌, షెపో మొరేకి, ఒకులే సిలీ.చదవండి: క్రీజులోకి వెళ్లు.. నీ తల పగలకొడతా!

దక్షిణాఫ్రికా-ఏతో ఇవాళ (నవంబర్‌ 6) మొదలైన రెండో అనధికారిక టెస్ట్‌ మ్యాచ్‌లో (India A vs South Africa A) భారత-ఏ జట్టు (India A) కష్టాల్లో పడింది. టాస్‌ ఓడి తొలుత బ్యాటింగ్‌కు దిగి 59 పరుగులకే 4 వికెట్లు కోల్పోయింది. రెండో ఓవర్‌లోనే అభిమన్యు ఈశ్వరన్‌ డకౌటయ్యాడు. ఆతర్వాత 19 పరుగులు చేసి కేఎల్‌ రాహుల్‌ కూడా ఔటయ్యాడు.17 పరుగులు చేసిన సాయి సుదర్శన్‌ జట్టు స్కోర్‌ 41 పరుగుల వద్ద ఉండగా మూడో వికెట్‌గా వెనుదిరిగాడు. ఆతర్వాత 5 పరుగులు చేసి దేవ్‌దత్‌ పడిక్కల్‌ కూడా పెవిలియన్‌కు చేరాడు. వాన్‌ వుర్రెన్‌ (2 వికెట్లు), సుబ్రాయెన్‌ (1), మొరేకీ (1) ధాటికి భారత టాపార్డర్‌ పేకమేడలా కూలింది.లంచ్‌ విరామం సమయానికి టీమిండియా స్కోర్‌ 85/4గా ఉంది. రిషబ్‌ పంత్‌ (23), ధృవ్‌ జురెల్‌ (19) క్రీజ్‌లో ఉన్నారు. వీరిద్దరు ఐదో వికెట్‌కు 26 పరుగులు జోడించి బ్యాటింగ్‌ను కొనసాగిస్తున్నారు.పంత్‌పై భారీ అంచనాలురెండు మ్యాచ్‌ల ఈ సిరీస్‌లో భారత్‌-ఏ తొలి మ్యాచ్‌ గెలిచిన విషయం తెలిసిందే. ఆ మ్యాచ్‌లో రిషబ్‌ పంత్‌ (90) ఛేదనలో అద్భుతమైన ఇన్నింగ్స్‌ ఆడి భారత్‌ను గెలిపించాడు. ఇవాళ మొదలైన మ్యాచ్‌లో కూడా పంత్‌పై భారీ అంచనాలు ఉన్నాయి. ఇంగ్లండ్‌లో గాయపడిన తర్వాత పంత్‌ ఆడుతున్న తొలి సిరీస్‌ ఇదే.బరిలో టీమిండియా స్టార్లుఈ మ్యాచ్‌లో దక్షిణాఫ్రికా కెప్టెన్‌ మార్కస్‌ ఆకెర్‌మన్‌ టాస్‌ గెలిచి టీమిండియాను బ్యాటింగ్‌కు ఆహ్వానించాడు. ఈ మ్యాచ్‌లో చాలామంది టీమిండియా స్టార్లు బరిలోకి దిగుతున్నారు.కేఎల్‌ రాహుల్‌, అభిమన్యు ఈశ్వరన్‌ ఓపెనింగ్‌కు దిగగా.. సాయి సుదర్శన్‌, దేవదత్‌ పడిక్కల్‌, దృవ్‌ జురెల్‌, రిషబ్‌ పంత్‌, హర్ష్‌ దూబే, ఆకాశ్‌దీప్‌, కల్దీప్‌ యాదవ్‌, మొహమ్మద్‌ సిరాజ్‌, ప్రసిద్ద్‌ కృష్ణ ఆతర్వాత స్థానాల్లో రానున్నారు. సౌతాఫ్రికాతో టెస్ట్‌ సిరీస్‌ నేపథ్యంలో ఆ జట్టులో చోటు దక్కిన ఆటగాళ్లకు ప్రాక్టీస్‌ నిమిత్తం ఈ అవకాశం ఇచ్చారు. మరోవైపు దక్షిణాఫ్రికా-ఏ తరఫున ఆ జట్టు టెస్ట్‌ కెప్టెన్‌ టెంబా బవుమా సాధారణ ఆటగాడిగా బరిలోకి దిగాడు. సౌతాఫ్రికా టెస్ట్‌ జట్టులోకి ప్రెనేలన్‌ సుబ్రాయన్‌ కూడా ఈ మ్యాచ్‌ ఆడుతున్నాడు.ఇండియా A (ప్లేయింగ్ XI): KL రాహుల్, సాయి సుదర్శన్, అభిమన్యు ఈశ్వరన్, దేవదత్ పడిక్కల్, ధ్రువ్ జురెల్, రిషబ్ పంత్(w/c), హర్ష్ దూబే, ఆకాష్ దీప్, కుల్దీప్ యాదవ్, మహ్మద్ సిరాజ్, ప్రసిద్ధ్ కృష్ణదక్షిణాఫ్రికా A (ప్లేయింగ్ XI): జోర్డాన్ హెర్మాన్, లెసెగో సెనోక్వానే, టెంబా బావుమా, జుబేర్ హంజా, మార్క్వెస్ అకెర్‌మాన్ (సి), కానర్ ఎస్టర్‌హుయిజెన్ (w), టియాన్ వాన్ వురెన్, కైల్ సిమండ్స్, ప్రేనెలన్ సుబ్రాయెన్, షెపో మోరేకి, ఒకుహ్లే సెలె

బెంగళూరులోని బీసీసీఐ సెంటర్‌ ఆఫ్‌ ఎక్సలెన్స్‌ గ్రౌండ్‌-1లో ఇవాళ (నవంబర్‌ 6) భారత్‌-ఏ, దక్షిణాఫ్రికా-ఏ (India A vs South Africa A) జట్ల మధ్య రెండో అనధికారిక టెస్ట్‌ మ్యాచ్‌ ప్రారంభమైంది. ఈ మ్యాచ్‌లో దక్షిణాఫ్రికా కెప్టెన్‌ మార్కస్‌ ఆకెర్‌మన్‌ టాస్‌ గెలిచి టీమిండియాను బ్యాటింగ్‌కు ఆహ్వానించాడు. ఈ మ్యాచ్‌లో చాలామంది టీమిండియా స్టార్లు బరిలోకి దిగుతున్నారు.కేఎల్‌ రాహుల్‌, అభిమన్యు ఈశ్వరన్‌ ఓపెనింగ్‌కు దిగగా.. సాయి సుదర్శన్‌, దేవదత్‌ పడిక్కల్‌, దృవ్‌ జురెల్‌, రిషబ్‌ పంత్‌, హర్ష్‌ దూబే, ఆకాశ్‌దీప్‌, కల్దీప్‌ యాదవ్‌, మొహమ్మద్‌ సిరాజ్‌, ప్రసిద్ద్‌ కృష్ణ ఆతర్వాత స్థానాల్లో రానున్నారు. సౌతాఫ్రికాతో టెస్ట్‌ సిరీస్‌ నేపథ్యంలో ఆ జట్టులో చోటు దక్కిన ఆటగాళ్లకు ప్రాక్టీస్‌ నిమిత్తం ఈ అవకాశం ఇచ్చారు. మరోవైపు దక్షిణాఫ్రికా-ఏ తరఫున ఆ జట్టు టెస్ట్‌ కెప్టెన్‌ టెంబా బవుమా సాధారణ ఆటగాడిగా బరిలోకి దిగాడు. సౌతాఫ్రికా టెస్ట్‌ జట్టులోకి ప్రెనేలన్‌ సుబ్రాయన్‌ కూడా ఈ మ్యాచ్‌ ఆడుతున్నాడు.రెండు మ్యాచ్‌ల ఈ సిరీస్‌లో భారత్‌-ఏ తొలి మ్యాచ్‌ గెలిచిన విషయం తెలిసిందే. ఆ మ్యాచ్‌లో రిషబ్‌ పంత్‌ (90) ఛేదనలో అద్భుతమైన ఇన్నింగ్స్‌ ఆడి భారత్‌ను గెలిపించాడు. ఇవాళ మొదలైన మ్యాచ్‌లో కూడా పంత్‌పై భారీ అంచనాలు ఉన్నాయి. ఇంగ్లండ్‌లో గాయపడిన తర్వాత పంత్‌ ఆడుతున్న తొలి సిరీస్‌ ఇదే.ఆదిలోనే షాక్‌టాస్‌ ఓడి తొలుత బ్యాటింగ్‌కు దిగిన టీమిండియాకు ఆదిలోనే షాక్‌ తగిలింది. ఓపెనర్‌ అభిమన్యు ఈశ్వరన్‌ మొరేకీ బౌలింగ్‌లో డకౌటయ్యాడు. కేఎల్‌ రాహుల్‌కు జతగా సాయి సుదర్శన్‌ క్రీజ్‌లోకి వచ్చాడు.ఇండియా A (ప్లేయింగ్ XI): KL రాహుల్, సాయి సుదర్శన్, అభిమన్యు ఈశ్వరన్, దేవదత్ పడిక్కల్, దృవ్ జురెల్, రిషబ్ పంత్(w/c), హర్ష్ దూబే, ఆకాష్ దీప్, కుల్దీప్ యాదవ్, మహ్మద్ సిరాజ్, ప్రసిద్ధ్ కృష్ణదక్షిణాఫ్రికా A (ప్లేయింగ్ XI): జోర్డాన్ హెర్మాన్, లెసెగో సెనోక్వానే, టెంబా బావుమా, జుబేర్ హంజా, మార్క్వెస్ అకెర్‌మాన్ (సి), కానర్ ఎస్టర్‌హుయిజెన్ (w), టియాన్ వాన్ వురెన్, కైల్ సిమండ్స్, ప్రేనెలన్ సుబ్రాయెన్, షెపో మోరేకి, ఒకుహ్లే సెలెచదవండి: చరిత్ర సృష్టించిన మిచెల్‌ సాంట్నర్‌

న్యూఢిల్లీ: స్టార్‌ వికెట్‌ కీపర్‌–బ్యాటర్‌ రిషభ్‌ పంత్‌ మళ్లీ భారత టెస్టు జట్టులోకి పునరాగమనం చేశాడు. ఇంగ్లండ్‌ పర్యటనలో ఆకట్టుకున్న పేసర్‌ ఆకాశ్‌దీప్‌కూ సెలక్టర్ల నుంచి పిలుపు వచ్చింది. ఇంగ్లండ్‌లో నాలుగో టెస్టు సందర్భంగా పంత్‌ కాలికి గాయమైంది. దీంతో విండీస్‌తో సిరీస్‌కు సైతం దూరమయ్యాడు. ప్రస్తుతం భారత్‌ ‘ఎ’ జట్టు కెప్టెన్ పంత్‌ దక్షిణాఫ్రికా ‘ఎ’తో జరిగిన మ్యాచ్‌లో రాణించాడు. అయితే వెటరన్‌ సీమర్‌ మహ్మద్‌ షమీని సెలక్టర్లు పట్టించుకోలేదు. టీమిండియా బెర్తుకోసం రంజీల్లో శ్రమిస్తున్న అతని పేరును సెలక్టర్లు పరిశీలించకపోవడం చూస్తుంటే ఇక 35 ఏళ్ల షమీ కెరీర్‌ ముగిసినట్లేననే ఊహాగానాలకు ఊపిరి పోసినట్లయ్యింది. సఫారీతో ఈ నెల 14 నుంచి కోల్‌కతాలో తొలిటెస్టు, 22 నుంచి గువాహటి రెండో టెస్టులో జరుగుతుంది. భారత టెస్టు జట్టు: గిల్‌ (కెప్టెన్‌), జైస్వాల్, రాహుల్, సాయి సుదర్శన్, పడిక్కల్, పంత్, జురేల్, జడేజా, సుందర్, బుమ్రా, అక్షర్, నితీశ్‌ రెడ్డి, సిరాజ్, కుల్దీప్, ఆకాశ్‌దీప్‌.

సౌతాఫ్రికాతో స్వదేశంలో టెస్టు సిరీస్‌కు భారత క్రికెట్‌ నియంత్రణ మండలి (BCCI) తమ జట్టును ప్రకటించింది. శుబ్‌మన్‌ గిల్‌ (Shubman Gill) సారథ్యంలోని ఈ టీమ్‌కు పదిహేను మంది సభ్యులను సెలక్టర్లు ఎంపిక చేశారు.ఇక ఇంగ్లండ్‌ పర్యటనలో గాయపడిన వైస్‌ కెప్టెన్‌ రిషభ్‌ పంత్‌ (Rishabh Pant).. ప్రొటిస్‌ జట్టుతో సిరీస్‌ ద్వారా టీమిండియా తరఫున పునరాగమనం చేయనున్నాడు. ఇప్పటికే పంత్‌.. సౌతాఫ్రికా- ‘ఎ’ జట్టుతో అనధికారిక టెస్టు సిరీస్‌లో భారత్‌- ‘ఎ’ (IND A vs SA) కెప్టెన్‌గా వ్యవహరిస్తున్న విషయం తెలిసిందే.పడిక్కల్‌పై సెలక్టర్ల నమ్మకంబెంగళూరు వేదికగా జరిగిన తొలి అనధికారిక టెస్టులో పంత్‌ 90 పరుగులతో రాణించి.. భారత్‌ను గెలిపించాడు. ఇదిలా ఉంటే.. సౌతాఫ్రికాతో టెస్టు సిరీస్‌లో భాగంగా ఓపెనర్లు యశస్వి జైస్వాల్‌, కేఎల్‌ రాహుల్‌ తమ స్థానాలు నిలబెట్టుకోగా.. సాయి సుదర్శన్‌తో పాటు దేవదత్‌ పడిక్కల్‌కు సెలక్టర్లు చోటు ఇచ్చారు.ఆస్ట్రేలియా పర్యటనతో పాటు.. ఇటీవల సౌతాఫ్రికా- ‘ఎ’ జట్టుతో తొలి టెస్టులో విఫలమైనా పడిక్కల్‌పై సెలక్టర్లు నమ్మకం ఉంచడం విశేషం. మరోవైపు.. పంత్‌ వికెట్‌ కీపర్‌గా రీఎంట్రీ ఇవ్వగా.. ధ్రువ్‌ జురెల్‌ స్పెషలిస్టు బ్యాటర్‌గా తుదిజట్టులో చోటు దక్కించుకోవడం ఖాయంగానే కనిపిస్తోంది.షమీకి మరోసారి మొండిచేయిఇక స్పిన్నర్ల కోటాలో చైనామన్‌ బౌలర్‌ కుల్దీప్‌ యాదవ్‌తో పాటు.. ఆల్‌రౌండర్లు రవీంద్ర జడేజా, వాషింగ్టన్‌ సుందర్‌ స్థానం సంపాదించగా.. పేసర్ల కోటాలో జస్‌ప్రీత్‌ బుమ్రాతో పాటు మొహమ్మద్‌ సిరాజ్‌, ఆకాశ్‌ దీప్‌, ఆల్‌రౌండర్‌ నితీశ్‌ కుమార్‌ రెడ్డిని సెలక్టర్లు ఎంపిక చేశారు.ఈ క్రమంలో వెటరన్‌ పేసర్‌ మొహమ్మద్‌ షమీకి మరోసారి మొండిచేయే ఎదురైంది. రంజీ ట్రోఫీ తాజా సీజన్‌లో ఇటీవల బెంగాల్‌ తరఫున షమీ సత్తా చాటినా సెలక్టర్లు అతడిని కనికరించలేదు. మరో బెంగాల్‌ పేసర్‌ ఆకాశ్‌కు చోటిచ్చి షమీని మాత్రం పక్కనపెట్టారు. కాగా ప్రపంచ టెస్టు చాంపియన్‌షిప్‌ 2025-27 సీజన్‌లో భాగంగా టీమిండియా.. సౌతాఫ్రికాతో సొంతగడ్డపై రెండు టెస్టులు ఆడనుంది. నవంబరు 14- నవంబరు 26 వరకు ఈ మ్యాచ్‌లు జరుగుతాయి. తొలి టెస్టుకు కోల్‌కతాలోని ఈడెన్‌ గార్డెన్స్‌ వేదిక కాగా.. రెండో టెస్టుకు గువాహటిలోని బర్సపరా క్రికెట్‌ స్టేడియం ఆతిథ్యం ఇస్తుంది.సౌతాఫ్రికాతో టెస్టు సిరీస్‌కు బీసీసీఐ ప్రకటించిన జట్టుశుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌/వైస్‌ కెప్టెన్‌), యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, దేవ్‌దత్‌ పడిక్కల్‌, ధ్రువ్‌ జురెల్‌, రవీంద్ర జడేజా, వాషింగ్టన్‌ సుందర్‌, జస్‌ప్రీత్‌ బుమ్రా, నితీశ్‌ కుమార్‌ రెడ్డి, మొహమ్మద్‌ సిరాజ్‌, కుల్దీప్‌ యాదవ్‌, ఆకాశ్‌ దీప్‌.చదవండి: భారత జట్టు ప్రకటన.. కెప్టెన్‌గా డీకే.. పన్నెండు జట్ల వివరాలు ఇవే

సౌతాఫ్రికా- ‘ఎ’ జట్టుతో ఉత్కంఠ పోరులో భారత్‌- ‘ఎ’ జట్టు విజయం సాధించింది. టెయిలెండర్లు అన్షుల్‌ కాంబోజ్‌ (37 నాటౌట్‌), మానవ్‌ సుతార్‌ (Manav Suthar- 20 నాటౌట్‌) యాభైకి పరుగుల భాగస్వామ్యంతో రాణించి జట్టును గట్టెక్కించారు. వీరిద్దరి అద్భుత ప్రదర్శన కారణంగా.. అనధికారిక తొలి టెస్టులో భారత్‌.. సౌతాఫ్రికాను మూడు వికెట్ల తేడాతో చిత్తు చేసింది.ఇంగ్లండ్‌ పర్యటనలో గాయపడ్డ టీమిండియా స్టార్‌ రిషభ్‌ పంత్‌.. సౌతాఫ్రికాతో స్వదేశంలో టెస్టు సిరీస్‌కు ముందు భారత్‌-‘ఎ’ జట్టు కెప్టెన్‌గా తిరిగి మైదానంలో అడుగుపెట్టాడు. పంత్‌ సారథ్యంలో భారత్‌- సౌతాఫ్రికా- ‘ఎ’ జట్టుతో రెండు అనధికారిక టెస్టు సిరీస్‌లు ఆడుతోంది. ఇందులో భాగంగా బెంగళూరు వేదికగా గురువారం తొలి అనధికారిక టెస్టు మొదలైంది.తనుశ్‌ కొటియాన్‌కు నాలుగు వికెట్లుటాస్‌ గెలిచిన భారత్‌ తొలుత బౌలింగ్‌ ఎంచుకోగా.. సౌతాఫ్రికా తొలి ఇన్నింగ్స్‌లో 309 పరుగులకు ఆలౌట్‌ అయింది. ఓపెనర్‌ జొర్డాన్‌ హెర్మాన్‌ (71), జుబేర్‌ హంజా (66), రుబిన్‌ హెర్మాన్‌ (66), టియాన్‌ వాన్‌ వారెన్‌ (46) రాణించారు.234 పరుగులకే ఆలౌట్‌భారత బౌలర్లలో తనుశ్‌ కొటియాన్‌ నాలుగు వికెట్లు దక్కించుకోగా.. గుర్‌నూర్‌ బ్రార్‌, మానవ్‌ సుతార్‌ రెండేసి వికెట్లు కూల్చారు. ఖలీల్‌ అహ్మద్‌, అన్షుల్‌ కాంబోజ్‌ ఒక్కో వికెట్‌ తమ ఖాతాలో వేసుకున్నారు. ఈ క్రమంలో బ్యాటింగ్‌కు దిగిన భారత్‌.. 234 పరుగులకే ఆలౌట్‌ అయింది.ఓపెనర్లు ఆయుశ్‌ మాత్రే (65), సాయి సుదర్శన్‌ (32)లతో పాటు ఆయుశ్‌ బదోని (38) రాణించగా.. కెప్టెన్‌ పంత్‌ (17) సహా దేవదత్‌ పడిక్కల్‌ (6), రజత్‌ పాటిదార్‌ (19) విఫలమయ్యారు. తనుశ్‌ కొటియాన్‌ 13 పరుగులు చేయగా.. టెయిలెండర్లు అన్షుల్‌ 5, మావన్‌ 4, ఖలీల్‌ 4 పరుగులే చేశారు.ఈ క్రమంలో రెండో ఇన్నింగ్స్‌ మొదలుపెట్టిన సౌతాఫ్రికా భారత బౌలర్ల ధాటికి 199 పరుగులకే కుప్పకూలింది. తనుశ్‌ మరోసారి నాలుగు వికెట్లతో చెలరేగగా.. అన్షుల్‌ 3, బ్రార్‌ రెండు, మానవ్‌ ఒక వికెట్‌ దక్కించుకున్నారు.ఈ నేపథ్యంలో తొలి ఇన్నింగ్స్‌ ఆధిక్యం 75 పరుగులు కలుపుకొని సౌతాఫ్రికా.. భారత్‌కు 275 పరుగుల లక్ష్యాన్ని విధించింది. అయితే, ఓపెనర్లు సాయి సుదర్శన్‌ (12), ఆయుశ్‌ మాత్రే (6), వన్‌డౌన్‌ బ్యాటర్‌ పడిక్కల్‌ (5) త్వరగా అవుట్‌ కావడంతో భారత్‌ చిక్కుల్లో పడింది.పంత్‌ కెప్టెన్‌ ఇన్నింగ్స్‌ఈ దశలో రజత్‌ పాటిదార్‌ (28) సహకారం అందించగా.. పంత్‌ కెప్టెన్‌ ఇన్నింగ్స్‌తో మెరిశాడు. ఐదో స్థానంలో వచ్చి 113 బంతుల్లో 11 ఫోర్లు, 4 సిక్సర్ల సాయంతో 90 పరుగులు సాధించాడు. అయితే, పంత్‌ అవుటైన తర్వాత.. ఆ వెంటనే ఆయుశ్‌ బదోని (34) కూడా అవుట్‌ కావడంతో భారత్‌ కష్టాల్లో కూరుకుపోయింది.గెలిపించిన అన్షుల్‌, మానవ్‌ఇలాంటి తరుణంలో తనుశ్‌ కొటియాన్‌ 23 పరుగులు చేయగా.. ఆశలు వదిలేసుకున్న సమయంలో మానవ్‌ 20, అన్షుల్‌ 37 (4 ఫోర్లు, 2 సిక్స్‌లు) పరుగులతో అజేయంగా నిలిచి భారత్‌కు విజయం అందించారు. ఆల్‌రౌండ్‌ ప్రతిభతో రాణించిన తనుశ్‌ కొటియాన్‌కు ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది.భారత్‌- ‘ఎ’ వర్సెస్‌ సౌతాఫ్రికా- ‘ఎ’తొలి అనధికారిక టెస్టు సంక్షిప్త స్కోర్లు👉వేదిక: బీసీసీఐ సెంటర్‌ ఆఫ్‌ ఎక్సలెన్స్‌ గ్రౌండ్‌ 1, బెంగళూరు👉టాస్‌: భారత్‌.. తొలుత బౌలింగ్‌👉సౌతాఫ్రికా తొలి ఇన్నింగ్స్‌ స్కోరు: 309👉భారత్‌ తొలి ఇన్నింగ్స్‌ స్కోరు: 234👉సౌతాఫ్రికాకు 75 పరుగుల ఆధిక్యం👉సౌతాఫ్రికా రెండో ఇన్నింగ్స్‌ స్కోరు: 199👉భారత్‌ లక్ష్యం: 275 పరుగులు👉భారత్‌ రెండో ఇన్నింగ్స్‌ స్కోరు: 277/7👉ఫలితం: మూడు వికెట్ల తేడాతో సౌతాఫ్రికాపై భారత్‌ విజయం.చదవండి: ICC: గెలిచిన జట్టుకు కళ్లు చెదిరే ప్రైజ్‌మనీ!.. బీసీసీఐ బంపరాఫర్‌

సౌతాఫ్రికా- ‘ఎ’తో మ్యాచ్‌ భారత్‌- ‘ఎ’ కెప్టెన్‌ రిషభ్‌ పంత్‌ (Rishabh Pant) తృటిలో శతకం చేజార్చుకున్నాడు. వంద పరుగుల మార్కుకు పది పరుగుల దూరంలో నిలిచిపోయాడు. పంత్‌ ఐదో వికెట్‌గా వెనుదిరడంతో భారత జట్టు మరోసారి కష్టాల్లో పడింది. కాగా బెంగళూరులోని సెంటర్‌ ఆఫ్‌ ఎక్స్‌లెన్స్‌ వేదికగా భారత్‌- సౌతాఫ్రికా ‘ఎ’ జట్ల గురువారం తొలి అనధికారిక టెస్టు ఆరంభమైంది.ఈ క్రమంలో తొలి ఇన్నింగ్స్‌లో 309 పరుగులకు ఆలౌట్‌ అయిన సౌతాఫ్రికా.. రెండో ఇన్నింగ్స్‌లో 199 పరుగులకే చాప చుట్టేసింది. అయితే, తొలి ఇన్నింగ్స్‌లో భారత్‌ 234 పరుగులకే ఆలౌట్‌ కావడం సౌతాఫ్రికాకు కలిసి వచ్చింది.భారత్‌కు 275 పరుగుల లక్ష్యంమొదటి ఇన్నింగ్స్‌ కలుపుకొని భారత్‌కు 275 పరుగుల లక్ష్యాన్ని విధించింది. ఈ క్రమంలో శనివారం నాటి మూడో రోజు ఆటలో భాగంగా లక్ష్య ఛేదనకు దిగిన భారత్‌ ఆరంభంలోనే వరుస వికెట్లు కోల్పోయింది. ఓపెనర్‌ ఆయుశ్‌ మాత్రే (6), వన్‌డౌన్‌ బ్యాటర్‌ దేవ్‌దత్‌ పడిక్కల్‌ (5) పూర్తిగా విఫలం కాగా.. మరో ఓపెనర్‌ సాయి సుదర్శన్‌ (12) కూడా నిరాశపరిచాడు.ఈ క్రమంలో... గాయం నుంచి కోలుకొని తిరిగి మైదానంలో అడుగు పెట్టిన భారత స్టార్‌ రిషబ్‌ పంత్‌ (81 బంతుల్లో 64 బ్యాటింగ్‌; 8 ఫోర్లు, 2 సిక్స్‌లు) అజేయ అర్ధ శతకంతో ఆకట్టుకున్నాడు. ఇంగ్లండ్‌ పర్యటనలో భాగంగా గాయపడిన పంత్‌ దాదాపు మూడు నెలల తర్వాత పోటీ క్రికెట్‌లో అడుగుపెట్టగా... తొలి ఇన్నింగ్స్‌లో 17 పరుగులే చేశాడు. అయితే, రెండో ఇన్నింగ్స్‌లో మాత్రం అదరగొట్టాడు.వన్డే తరహా ఆటతీరుతోకీలక దశలో క్రీజులోకి వచ్చిన పంత్‌... తనదైన శైలిలో రెచ్చిపోయాడు. వన్డే తరహా ఆటతీరుతో సఫారీ బౌలర్లను ఎదుర్కొన్నాడు. ఒక ఎండ్‌లో పాటీదార్‌ క్రీజులో పాతుకుపోయి వికెట్ల పతనాన్ని అడ్డుకుంటే... మరో ఎండ్‌లో పంత్‌ ఫటాఫట్‌ ఆటతీరుతో పరుగులు రాబట్టాడు. నాలుగో వికెట్‌కు 87 పరుగులు జోడించిన అనంతరం రజత్‌ అవుటయ్యాడు. పంత్‌తో పాటు ఆయుశ్‌ బదోనీ (0 బ్యాటింగ్‌) క్రీజులో నిలిచాడు.ఫలితంగా 275 పరుగుల లక్ష్యఛేదనకు బరిలోకి దిగిన భారత ‘ఎ’ జట్టు మూడో రోజు శనివారం ఆట ముగిసే సమయానికి రెండో ఇన్నింగ్స్‌లో 39 ఓవర్లలో 4 వికెట్లు కోల్పోయి 119 పరుగులు చేసింది. ఈ క్రమంలో ఆఖరిదైన ఆదివారం నాటి నాలుగో రోజు ఆటలో భాగంగా తన ఓవర్‌నైట్‌ స్కోరుకు మరో 26 పరుగులు జత చేసిన పంత్‌ సెంచరీ దిశగా పయనించాడు. సెంచరీ మిస్‌అయితే, 90 పరుగుల వ్యక్తిగత స్కోరు వద్ద ప్రొటిస్‌ బౌలర్‌ టియాన్‌ వాన్‌ వారెన్‌ అద్భుత బంతితో పంత్‌ను బోల్తా కొట్టించాడు. వారెన్‌ వేసిన బంతిని షాట్‌ ఆడే క్రమంలో లీసెగో సెనొక్‌వనేకు క్యాచ్‌ ఇచ్చి పంత్‌.. ఐదో వికెట్‌గా వెనుదిరిగాడు. ఆ తర్వాత ఆయుశ్‌ బదోని 34 పరుగుల వద్ద వారెన్‌కు తన వికెట్‌ సమర్పించుకున్నాడు.ఫలితంగా 53 ఓవర్లు ముగిసే సరికి ఆరు వికెట్ల నష్టానికి 195 పరుగులు చేసిన భారత్‌.. విజయానికి ఇంకా 80 పరుగుల దూరంలో నిలిచింది. తనుశ్‌ కొటియాన్‌ (9), మానవ్‌ సుతార్‌ 0 పరుగులతో క్రీజులో ఉన్నారు. కాగా రెండో ఇన్నింగ్స్‌లో పంత్‌.. 113 బంతులుఎదుర్కొని పదకొండు ఫోర్లు, నాలుగు సిక్సర్ల సాయంతో 90 పరుగులు సాధించాడు. Update: లంచ్‌ బ్రేక్‌ సమయానికి భారత్‌ స్కోరు: 216-7 (61)తనుశ్‌ కొటియాన్‌ 23 పరుగులు చేసి ఏడో వికెట్‌గా వెనుదిరగగా.. మానవ్‌ సుతార్‌ 1, అన్షుల్‌ ఒక పరుగుతో క్రీజులో ఉన్నారు. భారత్‌ విజయానికి ఇంకా 59 పరుగుల దూరంలో ఉండగా.. చేతిలో కేవలం కేవలం మూడు వికెట్లు (టెయిలెండర్లు) మాత్రమే ఉ‍న్నాయి.Match Result: IND vs SA: వారెవ్వా అన్షుల్‌!.. ఉత్కంఠ పోరులో సౌతాఫ్రికాను చిత్తు చేసిన భారత్‌చదవండి: ICC: గెలిచిన జట్టుకు కళ్లు చెదిరే ప్రైజ్‌మనీ!.. బీసీసీఐ బంపరాఫర్‌!

బీసీసీఐ సెంటర్ ఆఫ్ ఎక్స్‌లెన్స్ గ్రౌండ్ వేదిక‌గా సౌతాఫ్రికా-ఎ, భార‌త్‌-ఎ మ‌ధ్య జ‌రుగుతున్న‌ తొలి అనాధికారిక టెస్టు ర‌స‌వ‌త్త‌రంగా మారింది. 275 ప‌రుగుల ల‌క్ష్యంతో బ‌రిలోకి దిగిన భార‌త జ‌ట్టు పోరాడుతోంది. మూడో రోజు ఆట ముగిసే స‌మ‌యానికి ఇండియా-ఎ టీమ్ 4 వికెట్ల న‌ష్టానికి 119 ప‌రుగులు చేసింది. చివ‌రి రోజు ఆట‌లో భార‌త్ విజ‌యానికి ఇంకా 156 పరుగులు కావాలి. క్రీజులో కెప్టెన్ రిష‌బ్ పంత్‌(64), ఆయూష్ బ‌దోని(0) ఉన్నారు. మొదటి ఇన్నింగ్స్‌లో పంత్‌ నిరాశపరిచినప్పటికీ (17 పరుగులు).. రెండో ఇన్నింగ్స్‌లో మాత్రం అద్భుతమైన నాక్ ఆడుతున్నాడు. భార‌త్ ఆశ‌లన్నీ పంత్ పైనే ఉన్నాయి. పంత్‌తో పాటు బ‌దోని కూడా రాణించాల్సిన అవ‌స‌ర‌ముంది. వీరిద్ద‌రూ ఔటైతే త‌ర్వాత చెప్పుకోద‌గ్గ బ్యాట‌ర్లు ఎవ‌రూ లేరు.30/0 ఓవర్‌నైట్‌ స్కోర్‌తో మూడో రోజు ఆటను ప్రారంభించిన సౌతాఫ్రికా-ఎ టీమ్‌.. అదనంగా 169 పరుగులు చేసి ఆలౌటైంది. ఆఫ్‌ స్పిన్నర్‌ తనుశ్‌ కొటియాన్‌ (Tanush Kotian) మరోసారి నాలుగు వికెట్లతో సఫారీల పతనాన్ని శాసించగా.. అన్షుల్‌ కాంబోజ్‌ మూడు, గుర్నూర్‌ బ్రార్‌ రెండు వికెట్లు సాధించారు. సౌతాఫ్రికా బ్యాటర్లలో లెసెగో సెనోక్‌వానే (37), జుబేర్‌ హంజా (37) రాణించారు.స‌త్తాచాటిన త‌నుశ్‌ఇక ఈ మ్యాచ్‌లో తొలుత బ్యాటింగ్ చేసిన సౌతాఫ్రికా త‌మ మొద‌టి ఇన్నింగ్స్‌లో 309 పరుగులకు ఆలౌట్‌ అయింది. ఓపెనర్‌ జోర్డాన్‌ హెర్మాన్‌ (71), వన్‌డౌన్‌ బ్యాటర్‌ జుబేర్‌ హంజా (66), రుబిన్‌ హెర్మాన్‌ (54) హాఫ్ సెంచ‌రీల‌తో స‌త్తాచాటారు. భారత బౌలర్లలో తనుశ్‌ కొటియాన్‌ నాలుగు వికెట్లు తీయగా.. గుర్‌నూర్‌ బ్రార్‌, మానవ్‌ సుతార్‌ చెరో రెండు, ఖలీల్‌ అహ్మద్‌, అన్షుల్‌ కాంబోజ్‌ తలా ఒక వికెట్‌ దక్కించుకున్నారు. భారత-ఎ జట్టు మాత్రం తమ తొలి ఇన్నింగ్స్‌లో తీవ్ర నిరాశపరిచింది. భారత ‘ఎ’జట్టు తొలి ఇన్నింగ్స్‌లో 58 ఓవర్లలో 234 పరుగులకు ఆలౌటైంది. ఆయుశ్‌ మాత్రే (76 బంతుల్లో 65; 10 ఫోర్లు) టాప్‌ స్కోరర్‌గా నిలవగా... ఆయుశ్‌ బదోనీ (47 బంతుల్లో 38; 5 ఫోర్లు), సాయి సుదర్శన్‌ (94 బంతుల్లో 32; 3 ఫోర్లు) ఫర్వాలేదన్పించారు.చదవండి: టీమిండియా నుంచి తీసేశారు.. కట్‌ చేస్తే! ఆ కోపం అక్కడ చూపించేస్తున్నాడు

భారత్‌- ‘ఎ’- సౌతాఫ్రికా- ‘ఎ’ జట్ల మధ్య అనధికారిక తొలి టెస్టు రసవత్తరంగా మారింది. తొలి ఇన్నింగ్స్‌లో భారీ స్కోరు చేసిన సౌతాఫ్రికాను.. రెండో ఇన్నింగ్స్‌లో తక్కువ స్కోరుకే భారత్‌ పరిమితం చేసింది. ఆఫ్‌ స్పిన్నర్‌ తనుశ్‌ కొటియాన్‌ (Tanush Kotian) మరోసారి నాలుగు వికెట్లతో చెలరేగి సఫారీ జట్టు బ్యాటింగ్‌ ఆర్డర్‌ పతనాన్ని శాసించాడు.నాలుగు వికెట్లు తీసిన తనుశ్‌రెండు మ్యాచ్‌ల సిరీస్‌లో భాగంగా బెంగళూరు వేదికగా భారత్‌- ‘ఎ’- సౌతాఫ్రికా- ‘ఎ’ (IND A vs SA A) జట్ల మధ్య గురువారం తొలి అనధికారిక టెస్టు మొదలైంది. టాస్‌ గెలిచిన భారత్‌ తొలుత బౌలింగ్‌ ఎంచుకుంది. ఈ క్రమంలో సౌతాఫ్రికా తొలి ఇన్నింగ్స్‌లో 309 పరుగులకు ఆలౌట్‌ అయింది. ఓపెనర్‌ జోర్డాన్‌ హెర్మాన్‌ (71), వన్‌డౌన్‌ బ్యాటర్‌ జుబేర్‌ హంజా (66), రుబిన్‌ హెర్మాన్‌ (54) అర్ధ శతకాలతో రాణించారు. టియాన్‌ వాన్‌ వారెన్‌ 46 పరుగులతో ఫర్వాలేదనిపించాడు.234 పరుగులకే ఆలౌట్‌భారత బౌలర్లలో తనుశ్‌ కొటియాన్‌ నాలుగు వికెట్లు తీయగా.. గుర్‌నూర్‌ బ్రార్‌, మానవ్‌ సుతార్‌ చెరో రెండు, ఖలీల్‌ అహ్మద్‌, అన్షుల్‌ కాంబోజ్‌ తలా ఒక వికెట్‌ దక్కించుకున్నారు. ఈ క్రమంలో శుక్రవారం నాటి రెండో రోజు ఆట సందర్భంగా బ్యాటింగ్‌ మొదలుపెట్టిన భారత్‌ స్వల్ప స్కోరుకే పరిమితమైంది. టీమిండియా ఆటగాళ్లతో నిండిన భారత ‘ఎ’జట్టు తొలి ఇన్నింగ్స్‌లో 58 ఓవర్లలో 234 పరుగులకు ఆలౌటైంది.ఆయుశ్‌ మాత్రే (76 బంతుల్లో 65; 10 ఫోర్లు) అర్ధ శతకంతో టాప్‌ స్కోరర్‌గా నిలవగా... ఆయుశ్‌ బదోనీ (47 బంతుల్లో 38; 5 ఫోర్లు), సాయి సుదర్శన్‌ (94 బంతుల్లో 32; 3 ఫోర్లు) ఫర్వాలేదనిపించారు. రిషబ్‌ పంత్‌ విఫలంఇంగ్లండ్‌ పర్యటన సందర్భంగా నాలుగో టెస్టులో గాయపడి ఆటకు దూరమైన వికెట్‌ కీపర్‌ రిషబ్‌ పంత్‌ చాన్నాళ్ల తర్వాత మైదానంలో అడుగు పెట్టగా... 17 పరుగులు మాత్రమే చేయగలిగాడు. రజత్‌ పాటీదార్‌ (19), దేవదత్‌ పడిక్కల్‌ (6), తనుశ్‌ కొటియాన్‌ (13), మానవ్‌ సుతార్‌ (4) విఫలమయ్యారు.దక్షిణాఫ్రికా ‘ఎ’బౌలర్లలో ప్రేనెలన్‌ సుబ్రాయన్‌ 61 పరుగులిచ్చి 5 వికెట్లు పడగొట్టాడు. సిపామ్లా రెండు వికెట్లు దక్కించుకున్నాడు. అనంతరం రెండో ఇన్నింగ్స్‌ ప్రారంభించిన దక్షిణాఫ్రికా రెండో రోజు శుక్రవారం ఆట ముగిసే సమయానికి 12 ఓవర్లలో వికెట్‌ నష్టపోకుండా 30 పరుగులు చేసింది. ఇక శనివారం నాటి మూడో రోజు ఆటలో భాగంగా మరో 169 పరుగులు జతచేసి ఆలౌట్‌ అయింది.భారత్‌కు 275 పరుగుల లక్ష్యంఈసారి ఓపెనర్లలో జోర్డాన్‌ (12) విఫలం కాగా.. లెసెగో సెనోక్‌వానే (37).. వన్‌డౌన్‌ బ్యాటర్‌ జుబేర్‌ హంజా (37) రాణించారు. లోయర్‌ ఆర్డర్‌లో మొరేకి 25 పరుగులు చేశాడు. మిగతా వారంతా విఫలం కావడంతో 48.1 ఓవర్లలో 199 పరుగులకు సౌతాఫ్రికా ఆలౌట్‌ అయింది. ఈ క్రమంలో తొలి ఇన్నింగ్స్‌ ఆధిక్యం కలుపుకొని (75+199) భారత్‌కు 275 పరుగుల లక్ష్యం విధించింది.భారత బౌలర్లలో తనుశ్‌ కొటియాన్‌ నాలుగు వికెట్లతో మెరవగా.. అన్షుల్‌ కాంబోజ్‌ మూడు, గుర్‌నూర్‌ బ్రార్‌ రెండు, మానవ్‌ సుతార్‌ ఒక వికెట్‌ తీశారు. లక్ష్య ఛేదనలో భారత్‌కు భారీ షాక్‌ఇక లక్ష్య ఛేదనకు దిగిన భారత్‌కు ఆదిలోనే షాక్‌ తగిలింది. గత ఇన్నింగ్స్‌లో అర్ధ శతకం బాదిన ఓపెనర్‌ ఆయుశ్‌ మాత్రే 6 పరుగులకే అవుటయ్యాడు. మొరేకి బౌలింగ్‌లో బౌల్డ్‌ అయి తొలి వికెట్‌గా వెనుదిరిగాడు.ఇక వన్‌డౌన్‌లో వచ్చిన దేవ్‌దత్‌ పడిక్కల్‌ (5) మరోసారి విఫలం అయ్యాడు. సిలీ బౌలింగ్‌లో అతడు బౌల్డ్‌ అయ్యాడు. కాగా టీ విరామ సమయానికి ఓపెనర్‌ సాయి సుదర్శన్‌ 8, నాలుగో నంబర్‌ బ్యాటర్‌ రజత్‌ పాటిదార్‌ 5 పరుగులతో క్రీజులో ఉన్నారు. టీ బ్రేక్‌ సమయానికి భారత్‌ స్కోరు: 25-2 (9). చదవండి: శివం దూబేను కాదని.. హర్షిత్‌ను ప్రమోట్‌ చేయడానికి కారణం అదే: అభిషేక్‌ శర్మ

దాదాపు మూడు నెలల విరామం తర్వాత మైదానంలో అడుగుపెట్టిన టీమిండియా స్టార్‌ రిషభ్‌ పంత్‌ (Rishabh Pant) విఫలమయ్యాడు. సౌతాఫ్రికా-‘ఎ’ జట్టుతో భారత్‌-‘ఎ’ (IND A vs SA A) కెప్టెన్‌గా వ్యవహరిస్తున్న ఈ వికెట్‌ కీపర్‌ బ్యాటర్‌ పూర్తిగా నిరాశపరిచాడు.ఐదో స్థానంలో బ్యాటింగ్‌కు దిగిన పంత్‌.. 20 బంతులు ఎదుర్కొని రెండు ఫోర్ల సాయంతో కేవలం 17 పరుగులే చేసి నిష్క్రమించాడు. సౌతాఫ్రికా బౌలర్‌ ఒకులే సిలీ బౌలింగ్‌లో జుబేర్‌ హంజాకు క్యాచ్‌ ఇచ్చి పెవిలియన్‌ చేరాడు. ఈ మేరకు రీఎంట్రీలో రిషభ్‌ పంత్‌ ఇలా అట్టర్ ఫ్లాప్‌ అయ్యాడు.కాగా సౌతాఫ్రికాతో స్వదేశంలో టెస్టు సిరీస్‌కు ముందు భారత్‌ రెండు మ్యాచ్‌ల అనధికారిక టెస్టు సిరీస్‌ ఆడుతోంది. ఇందులో భాగంగా భారత్‌- ‘ఎ’- సౌతాఫ్రికా -‘ఎ’ జట్ల మధ్య గురువారం బెంగళూరు వేదికగా తొలి అనధికారిక టెస్టు మొదలైంది. తొలిరోజు ఇలాటాస్‌ ఓడి మొదట బ్యాటింగ్‌కు దిగింది దక్షిణాఫ్రికా ‘ఎ’. భారత ఆఫ్‌ స్పిన్నర్‌ తనుశ్‌ కొటియాన్‌ (4/83) సత్తా చాటడంతో గురువారం తొలిరోజు ఆట ముగిసే సమయానికి 85.2 ఓవర్లలో 9 వికెట్ల నష్టానికి 299 పరుగులు చేసింది. జోర్డాన్‌ హెర్మాన్‌ (141 బంతుల్లో 71; 8 ఫోర్లు), జుబేర్‌ హమ్జా (109 బంతుల్లో 66; 9 ఫోర్లు, 1 సిక్స్‌), రుబిన్‌ హెర్మాన్‌ (87 బంతుల్లో 54; 6 ఫోర్లు) హాఫ్‌ సెంచరీలతో రాణించారు. హెర్మాన్‌ బ్రదర్స్‌ అదుర్స్‌ జోర్డాన్‌ హెర్మాన్, జుబేర్‌ హమ్జా రెండో వికెట్‌కు 132 పరుగులు జోడించడంతో దక్షిణాఫ్రికా ‘ఎ’ జట్టుకు మంచి ఆరంభం లభించగా... ఆ తర్వాత మన బౌలర్లు వరుస విరామాల్లో వికెట్లు పడగొట్టారు. గుర్‌నూర్‌ బ్రార్‌ (1/45) బౌలింగ్‌లో ర్యాంప్‌ షాట్‌ ఆడేందుకు ప్రయత్నించిన హంజా కీపర్‌ పంత్‌కు క్యాచ్‌ ఇచ్చి వెనుదిరిగాడు. కెప్టెన్‌ అకెర్‌మన్‌ (18) ఎక్కువసేపు నిలవలేకపోగా... మూన్‌స్వామి (5) విఫలమయ్యాడు.ఈ దశలో జోర్డాన్‌ హెర్మాన్‌ సోదరుడు రుబిన్‌ హెర్మాన్‌ హాఫ్‌ సెంచరీతో రాణించాడు. టియాన్‌ వాన్‌ వురెన్‌ (75 బంతుల్లో 46; 5 ఫోర్లు, 1 సిక్స్‌) ఆకట్టుకున్నాడు. భారత ‘ఎ’ బౌలర్లలో తనుశ్‌ కొటియాన్‌ 4 వికెట్లు పడగొట్టగా... మానవ్‌ సుతార్‌ 2 వికెట్లు తీశాడు. ఖలీల్‌ అహ్మద్, అన్షుల్‌ కంబోజ్, గుర్‌నూర్‌ బ్రార్‌ తలా ఒక వికెట్‌ ఖాతాలో వేసుకున్నారు. 309 పరుగులకు ఆలౌట్‌ఇక శుక్రవారం నాటి రెండో రోజు ఆటను 299/9 ఓవర్‌నైట్‌ స్కోరుతో మొదలుపెట్టిన దక్షిణాఫ్రికా పది పరుగులు జోడించి ఆలౌట్‌ అయింది. తొలి ఇన్నింగ్స్‌లో 91.2 ఓవర్లలో 309 పరుగులు సాధించింది.ఆయుశ్‌ మాత్రే హాఫ్‌ సెంచరీఅనంతరం తొలి ఇన్నింగ్స్‌ మొదలుపెట్టిన భారత్‌-‘ఎ’కు ఓపెనర్లు సాయి సుదర్శన్‌, ఆయుశ్‌ మాత్రే శుభారంభం అందించారు. ఆయుశ్‌ అర్ధ శతకం (65)తో మెరవగా.. సాయి 32 పరుగులు చేశాడు. వన్‌డౌన్‌లో దేవ్‌దత్‌ పడిక్కల్‌ (6), ఆ తర్వాతి స్థానాల్లో వచ్చిన రజత్‌ పాటిదార్‌ (19), రిషభ్‌ పంత్‌ (17) పూర్తిగా విఫలమయ్యారు. మిగతా వారిలో ఆయుశ్‌ బదోని 38 పరుగులతో ఆకట్టుకున్నాడు. ఇక ఆల్‌రౌండర్‌ తనుశ్‌ కొటియాన్‌ 13 పరుగులు చేయగా.. మానవ్‌ సుతార్‌ 4, అన్షుల్‌ కాంబోజ్‌ 5 పరుగులకే పెవిలియన్‌ చేరారు. ఖలీల్‌ అహ్మద్‌ నాలుగు పరుగుల వ్యక్తిగత స్కోరు వద్ద పదో వికెట్‌గా వెనుదిరిగాడు. భారత్‌ ఆలౌట్‌.. స్కోరెంతంటే?ఫలితంగా భారత్‌ తమ తొలి ఇన్నింగ్స్‌లో 58 ఓవర్లు ఆడి 234 పరుగులకు ఆలౌట్‌ అయింది. దీంతో సౌతాఫ్రికా- ‘ఎ’ జట్టుకు 75 పరుగుల ఆధిక్యం లభించింది. సఫారీ బౌలర్లలో ప్రెనెలాన్‌ సుబ్రయేన్‌ ఐదు వికెట్లతో చెలరేగగా.. షెపో మొరేకి, ఒకులే సిలీ, టియాన్‌ వాన్‌ వారెన్‌ ఒక్కో వికెట్‌ తీశారు. లుతో సింపాలా రెండు వికెట్లు తన ఖాతాలో వేసుకున్నాడు. చదవండి: కేకేఆర్‌లోకి రోహిత్‌ శర్మ ‘కన్‌ఫామ్‌’!.. స్పందించిన ముంబై ఇండియన్స్‌

బీసీసీఐ సెంటర్ ఆఫ్ ఎక్స్‌లెన్స్ గ్రౌండ్ వేదికగా సౌతాఫ్రికా-ఎ, భారత్-ఎ మధ్య జరుగుతున్న మొదటి అనధికారిక టెస్ట్ తొలి రోజు ఆట ​ముగిసింది. మొదటి రోజు ఆటలో భారత్‌పై సౌతాఫ్రికా బ్యాటర్లు పై చేయి సాధించారు. ప్రోటీస్ ఎ జట్టు డే వన్‌ ఆట ముగిసే సమయానికి 85.2 ఓవర్లలో 9 వికెట్ల నష్టానికి 299 పరుగులు చేసింది. క్రీజులో షెపో మోరెకి(4), కుహ్లే సెలె(0) ఉన్నారు. దక్షిణాఫ్రికా బ్యాటర్లలో జోర్డాన్ హెర్మాన్(71), హంజా(66), రుబిన్‌ హెర్మాన్‌(54) హాఫ్‌ సెంచరీలతో రాణించారు. కెప్టెన్‌ మార్క్స్ అకెర్మాన్(18) పరుగులు మాత్రమే చేసి విఫలమయ్యాడు. భారత బౌలర్లలో ముంబై స్పిన్నర్‌ తనీష్‌ కొటియన్ 4 వికెట్లతో సత్తాచాటగా.. మానవ్ సుత్తర్ రెండు, అన్షుల్ కాంబోజ్‌, ఖాలీల్ అహ్మద్ తలా వికెట్ సాధించారు.పంత్ రీ ఎంట్రీ..ఇండియా-ఎ జట్టుకు సీనియర్ వికెట్ కీపర్ బ్యాటర్ రిషబ్ పంత్ నాయకత్వం వహిస్తున్నాడు. గాయం కారణంగా వెస్టిండీస్‌తో టెస్టు సిరీస్‌, ఆస్ట్రేలియా పర్యటనకు దూరమైన పంత్‌.. సౌతాఫ్రికాతో టెస్టు సిరీస్‌కు తిరిగి అందుబాటులోకి రానున్నాడు. ఇంగ్లండ్ పర్యటనలో పంత్ కాలి మడమకు గాయమైంది.దీంతో అతడు దాదాపు మూడు నెలల పాటు ఆటకు దూరమయ్యాడు. గాయం నుంచి పూర్తిగా కోలుకోవడంతో భారత్‌-ఎ తరపున ఆడాలని రిషబ్ నిర్ణయించుకున్నాడు. రెండో అనాధికారిక టెస్టులో కేఎల్ రాహుల్‌, మహ్మద్ సిరాజ్ వంటి సీనియర్ ప్లేయర్లు కూడా ఆడనున్నారు.చదవండి: IND vs SA: లంచ్‌కు ముందే టీ బ్రేక్‌.. క్రికెట్ చ‌రిత్ర‌లో తొలిసారి

టెస్టు క్రికెట్‌లో టీమిండియా దిగ్గజం విరాట్‌ కోహ్లి (Virat Kohli) ఉన్నత శిఖరాలు అధిరోహించాడు. సంప్రదాయ ఫార్మాట్లో కెప్టెన్‌గా భారత్‌ను అగ్రస్థానంలో నిలిపిన కోహ్లి.. మొట్టమొదటి వరల్డ్‌ టెస్టు చాంపియన్‌షిప్‌లో జట్టును ఫైనల్‌కు చేర్చాడు.ఇక టీమిండియా తరఫున మొత్తంగా 123 టెస్టులు ఆడిన కోహ్లి.. 9230 పరుగులు సాధించాడు. ఇందులో 30 శతకాలు కూడా ఉన్నాయి. అయితే, అనూహ్య రీతిలో ఇటీవల ఇంగ్లండ్‌ పర్యటనకు ముందు తనకు ఇష్టమైన టెస్టు క్రికెట్‌కు రిటైర్మెంట్‌ ప్రకటించాడు కోహ్లి.భారత్‌- ‘ఎ’ జట్టు కెప్టెన్‌గాఇదిలా ఉంటే.. ఇంగ్లండ్‌ పర్యటన సందర్భంగా గాయపడిన టీమిండియా స్టార్‌ రిషభ్‌ పంత్‌ (Rishabh Pant) రీఎంట్రీ ఇచ్చిన విషయం తెలిసిందే. సౌతాఫ్రికా-‘ఎ’తో అనధికారిక టెస్టు సిరీస్‌ సందర్భంగా పంత్‌ భారత్‌- ‘ఎ’ జట్టు కెప్టెన్‌గా వ్యవహరిస్తున్నాడు. ఈ క్రమంలో ఇరుజట్ల మధ్య గురువారం బెంగళూరు వేదికగా తొలి టెస్టు మొదలైంది.కోహ్లిని అవమానించిన పంత్‌?!.. ఫ్యాన్స్‌ ఫైర్‌ఈ మ్యాచ్‌లో పంత్‌ ‘18’ నంబర్‌ ఉన్న జెర్సీ ధరించడం కోహ్లి అభిమానులకు ఆగ్రహం తెప్పించింది. కాగా 18 నంబర్‌ విరాట్‌ కోహ్లిది అన్న విషయం తెలిసిందే. ఈ నేపథ్యంలో.. ‘‘రిషభ్‌ పంత్‌ కావాలనే 18వ నంబర్‌ జెర్సీ ధరించి కోహ్లిని అవహేళన చేయాలని చూస్తున్నాడా?.. కోహ్లి అంటే పడని.. హెడ్‌కోచ్‌ గౌతం గంభీర్‌ దృష్టిలో పడి.. అతడిని ఆకట్టుకోవాలనే ఇలా చేస్తున్నాడా?అది కింగ్‌ కోహ్లి నంబర్‌. క్రీడా ప్రపంచంలో దిగ్గజ ఆటగాడు రిటైర్‌ అయిన తర్వాత అతడి గౌరవార్థం జెర్సీ నంబర్‌కు కూడా రిటైర్మెంట్‌ ఇవ్వాలి’’ అంటూ తీవ్ర స్థాయిలో కోహ్లి ఫ్యాన్స్‌ మండిపడుతున్నారు. కాగా ఇటీవల భారత్‌- ‘ఎ’ తరఫున ఇంగ్లండ్‌ లయన్స్‌తో మ్యాచ్‌లో పేసర్‌ ముకేశ్‌ కుమార్‌ కూడా 18 నంబర్‌ ఉన్న జెర్సీ ధరించగా ఇలాగే విమర్శలు వచ్చాయి.అసలు విషయం ఇదీ!ఈ నేపథ్యంలో బీసీసీఐ వర్గాలు PTIతో మాట్లాడుతూ.. ‘‘భారత్‌- ‘ఎ’ జట్టులో జెర్సీ నంబర్లు ప్రత్యేకంగా ఎవరికీ కేటాయించబడవు. వాటిపై పేర్లు కూడా ఉండవు. కాబట్టి మ్యాచ్‌కు ముందు తమకు వచ్చిన జెర్సీలను ఆటగాళ్లు ధరిస్తారు. అంతర్జాతీయ స్థాయిలో మాత్రమే పర్టికులర్‌గా జెర్సీ నంబర్లకు ప్రాధాన్యం ఉంటుంది’’ అని తెలిపాయి.కాగా సౌతాఫ్రికా- ‘ఎ’తో తొలి అనధికారిక టెస్టులో టాస్‌ గెలిచిన భారత్‌-‘ఎ’ తొలుత బౌలింగ్‌ ఎంచుకుంది. ఈ క్రమంలో 79 ఓవర్లలో సౌతాఫ్రికా జట్టు ఏడు వికెట్ల నష్టానికి 285 పరుగులు చేసింది. భారత బౌలర్లలో తనుశ్‌ కొటియాన్‌ నాలుగు వికెట్లు తీయగా.. అన్షుల్‌ కాంబోజ్‌, గుర్నూర్‌ బ్రార్‌, మానవ్‌ సుతార్‌ ఒక్కో వికెట్‌ దక్కించుకున్నారు.చదవండి: IPL 2026: ఆ జ‌ట్టు హెడ్ కోచ్‌గా యువ‌రాజ్ సింగ్‌!?

ఇటీవలి ఇంగ్లండ్‌ పర్యటనలో తీవ్రంగా గాయపడిన (పాదం) టీమిండియా ఆటగాడు రిషబ్‌ పంత్‌ (Rishabh Pant) మూడు నెలల విరామం తర్వాత మైదానంలోకి అడుగుపెట్టాడు. సౌతాఫ్రికా-ఏతో (India A vs South Africa A) ఇవాళ (అక్టోబర్‌ 30) ప్రారంభమైన తొలి అనధికారిక టెస్ట్‌ మ్యాచ్‌తో రీఎంట్రీ ఇచ్చాడు. ఈ సిరీస్‌లో పంత్‌ టీమిండియా కెప్టెన్‌గా వ్యవహరిస్తాడు.బెంగళూరులోని బీసీసీఐ సెంటర్‌ ఆఫ్‌ ఎక్సలెన్స్‌ గ్రౌండ్‌-1లో జరుగుతున్న ఈ మ్యాచ్‌లో పంత్‌ టాస్‌ గెలిచి బౌలింగ్‌ ఎంచుకున్నాడు. ఈ మ్యాచ్‌ ఎక్కడా ప్రత్యక్ష ప్రసారం కావడం లేదు. ఈ మ్యాచ్‌లో టీమిండియా తరఫున సాయి సుదర్శన్, ఆయుశ్‌ మాత్రే, దేవదత్ పడిక్కల్, రజత్ పాటిదార్ లాంటి అప్‌ కమింగ్‌ బ్యాటర్లు బరిలోకి దిగారు.ఈ పర్యటనలో సౌతాఫ్రికా-ఏ, భారత్‌-ఏ జట్ల మధ్య 2 అనధికారిక టెస్ట్‌ మ్యాచ్‌లు, 3 అనధికారిక వన్డేలు జరుగనున్నాయి. రెండో టెస్ట్‌ కూడా బీసీసీఐ సెంటర్‌ ఆఫ్‌ ఎక్సలెన్స్‌ గ్రౌండ్‌-1లోనే జరుగనుండగా.. మూడు వన్డేలకు రాజ్‌కోట్‌ ఆతిథ్యమివ్వనుంది. తుది జట్లు.. ఇండియా-A: సాయి సుదర్శన్, ఆయుశ్‌ మాత్రే, దేవదత్ పడిక్కల్, రజత్ పాటిదార్, రిషబ్ పంత్(w/c), ఆయుష్ బదోని, తనుష్ కోటియన్, అన్షుల్ కాంబోజ్, మానవ్ సుతార్, గుర్నూర్ బ్రార్, ఖలీల్ అహ్మద్దక్షిణాఫ్రికా-A: మార్క్వెస్ అకెర్‌మాన్ (సి), జోర్డాన్ హెర్మాన్, లెసెగో సెనోక్వానే, జుబేర్ హంజా, రూబిన్ హెర్మాన్, రివాల్డో మూన్‌సామి (w), టియాన్ వాన్ వురెన్, ప్రేనెలాన్ సుబ్రాయెన్, త్షెపో మోరేకి, లూథో సిపమ్లా, ఒకుహ్లే సెలెచదవండి: మళ్లీ ముంబై ఇండియన్స్‌లోకి పోలార్డ్‌, పూరన్‌

సౌతాఫ్రికా- ‘ఎ’ జట్టుతో అనధికారిక టెస్టు సిరీస్‌ ఆడే భారత్‌- ‘ఎ’ జట్టు (IND A vs SA A)ను ప్రకటించిన నాటి నుంచి భారత క్రికెట్‌ నియంత్రణ మండలి (BCCI)పై విమర్శలు కొనసాగుతున్నాయి. రిషభ్‌ పంత్‌ (Rishabh Pant) కెప్టెన్‌గా వ్యవహరించే ఈ జట్టులో ఉద్దేశపూర్వకంగానే సర్ఫరాజ్‌ ఖాన్‌ (Sarfraz Khan)కు చోటు ఇవ్వలేదనే ఆరోపణలు వస్తున్నాయి.ఇంటిపేరు కారణంగానే అంటూసొంతగడ్డపై సర్ఫరాజ్‌ ఖాన్‌ సత్తా చాటగలడని.. అయినా అతడిని పక్కనపెట్టడం ఏమిటని మాజీ క్రికెటర్లు సైతం విమర్శిస్తున్నారు. ఇక కాంగ్రెస్‌ పార్టీ నేత షామా మొహమ్మద్‌ అయితే ఓ అడుగు ముందుకేసి.. ఇంటిపేరు కారణంగానే సర్ఫరాజ్‌పై వేటు వేశారంటూ హెడ్‌కోచ్‌ గౌతం గంభీర్‌పై సంచలన ఆరోపణలు చేశారు.గజ్జల్లో గాయంఈ నేపథ్యంలో బీసీసీఐ వర్గాలు ఈ విషయంపై స్పందించినట్లు ఎన్‌డీటీవీ తెలిపింది. సర్ఫరాజ్‌ ఖాన్‌ను భారత్‌- ‘ఎ’ జట్టుకు ఎంపిక చేయకపోవడానికి గల కారణం వెల్లడించినట్లు పేర్కొంది. ఈ మేరకు.. ‘‘సర్ఫరాజ్‌ గజ్జల్లో గాయం కారణంగా చాలా రోజులు ఆటకు దూరమయ్యాడు. ఇటీవలే రంజీ ట్రోఫీ మొదటి రౌండ్‌ సందర్భంగా ముంబై తరఫున కాంపిటేటివ్‌ క్రికెట్‌లో పునరాగమనం చేశాడు.త్వరలోనే తిరిగి జట్టులోకిరంజీ తాజా సీజన్‌లో అతడి ప్రదర్శన, ఫిట్‌నెస్‌ ఎలా ఉంటుందో అంచనా వేసిన తర్వాతే అతడిని ఎంపిక చేయాలని సెలక్టర్లు భావిస్తున్నారు. అందుకే భారత్‌-‘ఎ’ జట్టుకు ఎంపిక చేయలేదు. త్వరలోనే తిరిగి అతడు జట్టులోకి వస్తాడని నమ్ముతున్నాం’’ అని బీసీసీఐ వర్గాలు పేర్కొన్నట్లు ఎన్‌డీటీవీ తెలిపింది.కాగా స్వదేశంలో దేశంలో దక్షిణాఫ్రికా ‘ఎ’ జట్టుతో ఈనెల 30 నుంచి నవంబర్‌ 9 వరకు జరిగే రెండు నాలుగు రోజుల (ఫస్ట్‌క్లాస్‌) అనధికారిక టెస్టు మ్యాచ్‌లలో తలపడే భారత ‘ఎ’ జట్టుకు పంత్‌ను కెప్టెన్‌గా ఎంపిక చేసింది బీసీసీఐ. పంత్‌ రీఎంట్రీబెంగళూరు వేదికగా జరిగే ఈ రెండు మ్యాచ్‌ల కోసం రెండు వేర్వేరు జట్లను మంగళవారం సెలక్టర్లు ప్రకటించారు. ప్రస్తుతం జరుగుతున్న రంజీ ట్రోఫీ తేదీలను దృష్టిలో ఉంచుకుంటూ ఆయా ఆటగాళ్ల అందుబాటును బట్టి జట్లను ఎంపిక చేశారు.కాగా ఇంగ్లండ్‌తో మాంచెస్టర్‌లో జరిగిన నాలుగో టెస్టులో పేసర్‌ క్రిస్‌ వోక్స్‌ బంతి బలంగా తగలడంతో పంత్‌ కాలికి తీవ్ర గాయమైంది. దాంతో చివరి టెస్టు నుంచి తప్పుకున్న అతడు ఆ తర్వాత ఆసియా కప్‌ టీ20 టోర్నీ, వెస్టిండీస్‌తో రెండు టెస్టుల సిరీస్‌కు కూడా దూరమయ్యాడు. చికిత్స అనంతరం కోలుకున్న పంత్‌ ఆడేందుకు ఫిట్‌గా ఉన్నట్లు బీసీసీఐ సెంటర్‌ ఆఫ్‌ ఎక్సలెన్స్‌ వైద్య బృందం ఇటీవలే సర్టిఫికెట్‌ ఇచ్చింది. దాంతో అతడిని ముందుగా ‘ఎ’ జట్టు తరఫున ఆడించాలని సెలక్టర్లు నిర్ణయించారు.అన్నీ సానుకూలంగా ఉంటే దక్షిణాఫ్రికాతో జరిగే రెండు టెస్టుల సిరీస్‌ కోసం పంత్‌ను ఎంపిక చేయడం లాంఛనమే. పంత్‌తో పాటు యువ బ్యాటర్‌ సాయి సుదర్శన్‌కు మరింత మ్యాచ్‌ ప్రాక్టీస్‌ అవసరమని భావించి అతడిని రెండు మ్యాచ్‌ల కోసం ఎంపిక చేశారు. దేశవాళీలో రాణిస్తూ ఫామ్‌లో ఉన్న రజత్‌ పాటీదార్, రుతురాజ్‌ గైక్వాడ్, అభిమన్యు ఈశ్వరన్, ఆకాశ్‌దీప్‌లను రంజీ కారణంగా ఒకే మ్యాచ్‌ కోసం ఎంపిక చేశారు. మరోవైపు టెస్టు సిరీస్‌కు ముందు తమ ఆటకు పదును పెట్టాలని భావిస్తున్న రెగ్యులర్‌ టెస్టు జట్టు సభ్యులు కేఎల్‌ రాహుల్, మొహమ్మద్‌ సిరాజ్, ప్రసిధ్‌ కృష్ణ, ధ్రువ్‌ జురేల్‌ కూడా రెండో మ్యాచ్‌లో ‘ఎ’ జట్టు తరఫున బరిలోకి దిగుతారు. భారత్‌ ‘ఎ’ జట్టు (తొలి మ్యాచ్‌కు): రిషభ్‌ పంత్‌ (కెప్టెన్‌), సాయి సుదర్శన్ (వైస్‌ కెప్టెన్‌), ఆయుశ్‌ మాత్రే, జగదీశన్, దేవదత్‌ పడిక్కల్, రజత్‌ పాటీదార్, హర్ష్‌ దూబే, తనుశ్‌ కొటియాన్, మానవ్‌ సుతార్, అన్షుల్‌ కంబోజ్, యశ్‌ ఠాకూర్, ఆయుశ్‌ బదోని, సారాంశ్‌ జైన్, గుర్నూర్‌ బ్రార్, ఖలీల్‌ అహ్మద్‌. భారత్‌ ‘ఎ’ జట్టు (రెండో మ్యాచ్‌కు): పంత్‌ (కెప్టెన్‌), సాయిసుదర్శన్ (వైస్‌ కెప్టెన్‌), కేఎల్‌ రాహుల్, ధ్రువ్‌ జురేల్, దేవదత్‌ పడిక్కల్, రుతురాజ్‌ గైక్వాడ్, హర్ష్‌ దూబే, తనుశ్‌ కొటియాన్, మానవ్‌ సుతార్, ఖలీల్‌ అహ్మద్, గుర్నూర్‌ బ్రార్, అభిమన్యు ఈశ్వరన్, ప్రసిధ్‌ కృష్ణ, మొహమ్మద్‌ సిరాజ్, ఆకాశ్‌దీప్‌. చదవండి: డకౌట్‌ తర్వాత కోహ్లి చర్య వైరల్‌.. గుడ్‌బై చెప్పేశాడా?

ఇంగ్లండ్‌తో టెస్టు సిరీస్‌లో గాయపడి ఆటకు దూరమైన టీమిండియా వికెట్‌ కీపర్‌ బ్యాటర్‌ రిషభ్‌ పంత్‌ (Rishabh Pant) తిరిగి మైదానంలోకి అడుగు పెడుతున్నాడు. స్వదేశంలో దక్షిణాఫ్రికా ‘ఎ’ జట్టుతో అక్టోబరు 30 నుంచి నవంబర్‌ 9 వరకు జరిగే రెండు నాలుగు రోజుల (ఫస్ట్‌క్లాస్‌) అనధికారిక టెస్టు మ్యాచ్‌లలో తలపడే భారత ‘ఎ’ జట్టుకు పంత్‌ కెప్టెన్‌గా వ్యవహరిస్తాడు.బెంగళూరు వేదికగా జరిగే ఈ రెండు మ్యాచ్‌ల కోసం రెండు వేర్వేరు జట్లను మంగళవారం సెలక్టర్లు ప్రకటించారు. అయితే, ఇందులో ముంబై స్టార్‌ సర్ఫరాజ్‌ ఖాన్‌ (Sarfraz Khan)కు చోటు దక్కలేదు. కాగా స్వదేశంలో జరిగే టెస్టు సిరీస్‌లలో ఈ కుడిచేతి వాటం బ్యాటర్‌ను ఆడిస్తామని సెలక్టర్లు నమ్మకంగానే అతడికి చెప్పినట్లు సమాచారం.పదిహేడు కిలోల మేర బరువు తగ్గి..ఈ నేపథ్యంలో టీమిండియా ఇంగ్లండ్‌ పర్యటనలో ఉన్న వేళ సర్ఫరాజ్‌ ఖాన్‌ ఫిట్‌నెస్‌పై మరింతగా దృష్టి సారించాడు. ఏకంగా పదిహేడు కిలోల మేర బరువు తగ్గి స్లిమ్‌గా మారాడు. అయితే, సెలక్టర్లను మాత్రం ఆకట్టుకోలేకపోయాడు.సొంతగడ్డపై సౌతాఫ్రికాతో టెస్టులకు ముందు జరిగే అనధికారిక టెస్టు సిరీస్‌కు సెలక్టర్లు సర్ఫరాజ్‌ను ఎంపిక చేయలేదు. ఇందుకు ప్రధాన కారణం అతడి బ్యాటింగ్‌ ఆర్డరే అని తెలుస్తోంది. సాధారణంగా ముంబై జట్టులో సర్ఫరాజ్‌ ఐదో స్థానంలో బ్యాటింగ్‌ చేస్తాడు.పంత్‌ రాకతోఅయితే, భారత- ‘ఎ’ జట్టు కెప్టెన్‌గా తిరిగి వచ్చిన పంత్‌ కూడా అదే స్థానంలో ఆడతాడన్న విషయం తెలిసిందే. ఈ నేపథ్యంలో సర్ఫరాజ్‌ టాపార్డర్‌కు ప్రమోట్‌ అవుదామనుకున్నా.. ఓపెనర్లుగా ఆయుశ్‌ మాత్రే- నారాయణ్‌ జగదీశన్‌ వచ్చే అవకాశం ఉండగా.. వన్‌డౌన్‌లో వైస్‌ కెప్టెన్‌ సాయి సుదర్శన్‌ ఉండనే ఉన్నాడు.ఇక ఆ తర్వాతి స్థానం కోసం దేవదత్‌ పడిక్కల్‌, రజత్‌ పాటిదార్‌ పోటీపడుతున్నారు. ఇక మిడిలార్డర్‌లో ఐదో నంబర్‌లో పంత్‌ ఉన్నాడు. ఆ తర్వాతి స్థానాల్లో సర్ఫరాజ్‌ బ్యాటింగ్‌ చేసే అవకాశం లేదు. ఇక టీమిండియాలోనూ ఆరో స్థానం నుంచి ఆల్‌రౌండర్లే ప్రధానంగా బ్యాటింగ్‌కు వస్తున్నారు.బ్యాటింగ్‌ ఆర్డర్‌ గురించి చర్చించాలిఇలాంటి సమీకరణల నేపథ్యంలో సర్ఫరాజ్‌ ఖాన్‌కు ‘ఎ’ జట్టులోనూ చోటు కరువైందనే అభిప్రాయాలు వ్యక్తమవుతున్నాయి. అతడి భవిష్యత్తు కూడా ప్రశ్నార్థకంగా మారిందనే వాదనలు వినిపిస్తున్నాయి. ఈ నేపథ్యంలో టీమిండియా మాజీ చీఫ్‌ సెలక్టర్‌ ఒకరు పీటీఐతో మాట్లాడుతూ..‘‘ముంబై మేనేజ్‌మెంట్‌తో సర్ఫరాజ్‌ ఖాన్‌ తన బ్యాటింగ్‌ ఆర్డర్‌ గురించి చర్చించాలి. లేదంటే.. సీనియర్‌ ప్లేయర్‌ అజింక్య రహానేతో మాట్లాడాలి. మూడో స్థానంలో బ్యాటింగ్‌కు వచ్చి కొత్త బంతిని ఎదుర్కునేలా ప్రణాళికలు సిద్ధం చేసుకోవాలి.చాలానే ఆప్షన్లు ఉన్నాయివన్‌డౌన్‌లో నిలదొక్కుకుంటే భవిష్యత్తులోనైనా అవకాశాలు వస్తాయి. అలా కాకుండా ఐదు లేదంటే ఆరో స్థానంలో ఆడతానంటే సర్ఫరాజ్‌ కెరీర్‌ ప్రశ్నార్థకమే అవుతుంది. ఎందుకంటే.. ఐదో స్థానంలో పంత్‌తో పాటు.. ఆ తర్వాత వాషింగ్టన్‌ సుందర్‌, రవీంద్ర జడేజా, నితీశ్‌ రెడ్డి రూపంలో మేనేజ్‌మెంట్‌కు చాలానే ఆప్షన్లు ఉన్నాయి.ఈ ముగ్గురు ఫిట్‌గా ఉండి.. సెలక్షన్‌కు అందుబాటులో ఉంటే సర్ఫరాజ్‌ ఖాన్‌కు మొండిచేయి తప్పదు. ఒకవేళ పంత్‌ గాయపడినా ధ్రువ్‌ జురెల్‌ ఐదు లేదంటే ఆరో స్థానంలో ఆడతాడు. కాబట్టి సర్ఫరాజ్‌ మూడో స్థానంలో ఆడటంపై దృష్టి పెడితే బాగుంటుంది’’ అని సదరు సెలక్టర్‌ అభిప్రాయపడ్డాడు.కాగా ముంబై తరఫున రంజీల్లో పరుగుల వరద పారించిన 28 ఏళ్ల సర్ఫరాజ్‌ ఖాన్‌.. గతేడాది అంతర్జాతీయ క్రికెట్‌లో అడుగుపెట్టాడు. ఇప్పటి వరకు ఆరు టెస్టులు ఆడి 371 పరుగులు సాధించాడు. ఇందులో ఓ సెంచరీ, మూడు అర్ధ శతకాలు ఉన్నాయి.చదవండి: సౌతాఫ్రికాతో సిరీస్‌కు భారత జట్టు ప్రకటన.. కెప్టెన్‌గా రిషభ్‌ పంత్‌

టీమిండియా స్టార్‌ క్రికెటర్‌ రిషభ్‌ పంత్ (Rishabh Pant)పునరాగమనం ఖరారైంది. గాయం నుంచి కోలుకున్న ఈ వికెట్‌ కీపర్‌ బ్యాటర్‌.. భారత్‌- ‘ఎ’ జట్టు కెప్టెన్‌గా రీఎంట్రీ ఇవ్వనున్నాడు. సౌతాఫ్రికా- ‘ఎ’ జట్టు (Ind A vs SA A)తో జరిగే నాలుగు రోజుల మ్యాచ్‌ల రెడ్‌బాల్‌ సిరీస్‌కు భారత క్రికెట్‌ నియంత్రణ మండలి అతడిని సారథిగా ఎంపిక చేసింది.కాగా ప్రస్తుతం ఆస్ట్రేలియా పర్యటనలో బిజీగా ఉన్న టీమిండియా.. నవంబరు 14 నుంచి స్వదేశంలో సౌతాఫ్రికాతో వరుస సిరీస్‌లు ఆడనుంది. సఫారీలతో రెండు టెస్టులు, మూడు వన్డేలు, ఐదు టీ20 మ్యాచ్‌లు ఆడేందుకు షెడ్యూల్‌ ఖరారైంది.ముందుగా నాలుగు రోజుల మ్యాచ్‌లు అయితే, అంతకంటే ముందే.. భారత్‌- సౌతాఫ్రికా ‘ఎ’ జట్ల మధ్య అక్టోబరు 30- నవంబరు 9 వరకు రెడ్‌బాల్‌ ఫార్మాట్లో నాలుగు రోజుల మ్యాచ్‌లు జరుగనున్నాయి. ఈ జట్టుకు రిషభ్‌ పంత్‌ కెప్టెన్‌ కాగా.. టీమిండియా యువ ఆటగాడు సాయి సుదర్శన్‌కు వైస్‌ కెప్టెన్‌గా ప్రమోషన్‌ దక్కింది.పంత్‌ సేనలోకి ఆ టీమిండియా స్టార్లు కూడాఇక సౌతాఫ్రికా- ‘ఎ’తో రెండో మ్యాచ్‌ నుంచి టీమిండియా స్టార్లు కేఎల్‌ రాహుల్‌, ప్రసిద్‌ కృష్ణ, మొహమ్మద్‌ సిరాజ్‌, ఆకాశ్‌ దీప్‌ కూడా పంత్‌ సేనలో చేరనున్నారు. కాగా భారత్‌- సౌతాఫ్రికా ‘ఎ’ జట్ల మధ్య జరిగే ఈ రెడ్‌బాల్‌ సిరీస్‌కు బెంగళూరులోని బీసీసీఐ సెంటర్‌ ఆఫ్‌ ఎక్సలెన్స్‌ వేదిక. కాగా ఇంగ్లండ్‌తో టెస్టు సిరీస్‌ సందర్భంగా పంత్‌ కుడికాలికి గాయమైన విషయం తెలిసిందే. ఈ క్రమంలో సుదీర్ఘ విశ్రాంతి తర్వాత అతడు ఈ సిరీస్‌తో రీఎంట్రీ ఇవ్వనున్నాడు.సౌతాఫ్రికా- ‘ఎ’తో తొలి ఫోర్‌-డే మ్యాచ్‌కు భారత జట్టు (అక్టోబరు 30- నవంబరు 2):రిషభ్‌ పంత్ (కెప్టెన్‌, వికెట్‌ కీపర్‌), ఆయుష్ మాత్రే, నారాయణ్‌ జగదీశన్ (వికెట్‌ కీపర్‌), సాయి సుదర్శన్ (వైస్‌ కెప్టెన్‌), దేవదత్ పడిక్కల్, రజత్ పాటిదార్, హర్ష్ దూబే, తనుష్ కోటియన్, మానవ్ సుతార్, అన్షుల్ కాంబోజ్, యశ్ ఠాకూర్, ఆయుష్ బదోని, సారాంశ్‌ జైన్‌.సౌతాఫ్రికా- ‘ఎ’తో రెండో ఫోర్‌-డే మ్యాచ్‌కు భారత జట్టు (నవంబరు 6- నవంబరు 9):రిషభ్‌ పంత్ (కెప్టెన్‌, వికెట్‌ కీపర్‌), కేఎల్‌ రాహుల్, ధ్రువ్ జురెల్ (వికెట్‌ కీపర్‌), సాయి సుదర్శన్ (వైస్‌ కెప్టెన్‌), దేవదత్ పడిక్కల్, రుతురాజ్ గైక్వాడ్, హర్ష్ దూబే, తనుష్ కోటియన్, మానవ్ సుతార్, ఖలీల్ అహ్మద్, గుర్నూర్ బ్రార్, అభిమన్యు ఈశ్వరన్, ప్రసిద్‌ కృష్ణ, మొహమ్మద్‌ సిరాజ్‌, ఆకాశ్‌ దీప్‌.దక్షిణాఫ్రికా ‘ఎ’ జట్టులో బవుమా దక్షిణాఫ్రికా రెగ్యులర్‌ టెస్టు కెప్టెన్‌ తెంబా బవుమా... టీమిండియా పర్యటన కోసం కసరత్తులు చేస్తున్నాడు. గాయం కారణంగా పాకిస్తాన్‌తో సిరీస్‌కు దూరమైన బవుమా... ఈ నెలాఖరులో దక్షిణాఫ్రికా ‘ఎ’ జట్టుతో పాటు భారత్‌కు రానున్నాడు. వచ్చే నెలలో దక్షిణాఫ్రికా జట్టు భారత్‌లో పర్యటించనున్న సంగతి తెలిసిందే.నవంబర్‌ 14న ప్రారంభం కానున్న ఈ పర్యటన... డిసెంబర్‌ 19తో ముగియనుంది. దానికి ముందు ఇక్కడి పరిస్థితులపై అంచనా కోసం దక్షిణాఫ్రికా ‘ఎ’ జట్టు... భారత ‘ఎ’ జట్టుతో రెండు అనధికారిక టెస్టులు ఆడనుంది. ఈ నెల 30న బెంగళూరు వేదికగా తొలి మ్యాచ్‌ ప్రారంభం కానుండగా... నవంబర్‌ 6 నుంచి రెండో మ్యాచ్‌ జరుగుతుంది. ఈ రెండు మ్యాచ్‌ల్లో బవుమా... దక్షిణాఫ్రికా ‘ఎ’ జట్టు తరఫున బరిలోకి దిగనున్నాడు. దీంతో ఇక్కడి పరిస్థితులపై అవగహనకు రావొచ్చని దక్షిణాఫ్రికా జట్టు యాజమాన్యం భావిస్తోంది. అకెర్‌మన్‌ సారథ్యంలోని దక్షిణాఫ్రికా ‘ఎ’ జట్టులో బవుమాతో పాటు జుబేర్‌ హంజా, ప్రెనెలన్‌ సుబ్రాయన్‌ కూడా ఉన్నారు. చదవండి: IND vs AUS: 244 ప‌రుగులు.. 83.84 స్ట్రైక్ రేటు! అడిలైడ్‌లో అద‌ర‌గొట్టిన విరాట్ కోహ్లి

ఇంగ్లండ్‌ పర్యటనలో గాయపడి, కొంతకాలంగా జట్టుకు దూరంగా ఉన్న టీమిండియా స్టార్‌ వికెట్‌కీపర్‌ రిషబ్‌ పంత్‌ (Rishabh Pant) రీఎంట్రీకి సిద్దమైనట్లు తెలుస్తుంది. గాయం నుంచి పూర్తిగా కోలుకున్న అతను త్వరలో జరుగబోయే రంజీ ట్రోఫీలో (Ranji Trophy) తన సొంత జట్టు ఢిల్లీ (Delhi) తరఫున బరిలోకి దిగనున్నాడని సమాచారం.జట్టులోకి రావడమే కాకుండా రంజీ ట్రోఫీలో పంత్‌ ఢిల్లీ కెప్టెన్‌గానూ వ్యవహరిస్తాడని తెలుస్తుంది. అయితే ఇదంతా బీసీసీఐ మెడికల్ టీమ్ నుంచి ఫిట్‌నెస్ క్లియరెన్స్ లభించిన తర్వాతే జరుగుతుందని ఢిల్లీ క్రికెట్ అసోసియేషన్ (DDCA) అధికారి ఒకరు తెలిపారు.అతని మాటల్లో.. పంత్ అక్టోబర్ 25 నుంచి ఢిల్లీ తరఫున రంజీ మ్యాచ్‌లు ఆడేందుకు అందుబాటులో ఉంటారు. అయితే అతను క్యాంప్‌లో చేరే ఖచ్చితమైన తేదీని ఇప్పుడే చెప్పలేము. ఎందుకంటే అతనికి బీసీసీఐ మెడికల్ టీమ్ నుంచి ఫిట్‌నెస్ క్లియరెన్స్ రావాల్సి ఉంది. పంత్‌ అందుబాటులో వస్తే ఢిల్లీ జట్టుకు కెప్టెన్‌గానూ వ్యవహరించే అవకాశం ఉంది.కాగా, పంత్‌ ఇటీవలి ఇంగ్లండ్‌ పర్యటనలో నాలుగో టెస్ట్‌ సందర్భంగా తీవ్రంగా గాయపడ్డాడు. ఆ గాయం కారణంగా ఆసియా కప్, వెస్టిండీస్ టెస్ట్ సిరీస్‌లకు దూరంగా ఉన్నాడు. గాయానికి చికిత్స పూర్తైనప్పటి నుంచి బీసీసీఐ సెంటల్‌ ఆఫ్‌ ఎక్సలెన్స్‌లో ఉన్న పంత్‌ పూర్తిగా కోలుకున్నట్లు సమాచారం.బీసీసీఐ నుంచి క్లియరెన్స్‌ వస్తే అతను త్వరలో జరుగబోయే రంజీ ట్రోఫీలో పాల్గొంటాడు. ఈ మధ్యలో భారత్‌ ఆస్ట్రేలియాలో పరిమిత ఓవర్ల సిరీస్‌లు ఆడేందుకు వెళ్లనుంది. ఇందులో రెండు ఫార్మాట్ల (వన్డే, టీ20) జట్లకు పంత్‌ ఎంపిక కాలేదు. కాబట్టి అతను నవంబర్‌ మధ్య వరకు ఖాళీగా ఉంటాడు.ఈ మధ్యలో రంజీ ట్రోఫీలో సత్తా చాటితే, ఆతర్వాత జరిగే సౌతాఫ్రికా సిరీస్‌కు అతను సన్నద్దమవుతాడు. సౌతాఫ్రికా నవంబర్‌ 14 నుంచి భారత్‌లో పర్యటించనుంది. ఈ పర్యటనలో రెండు టెస్ట్‌లు, మూడు వన్డేలు, ఐదు టీ20లు ఆడనుంది.ఇదిలా ఉంటే, రంజీ ట్రోఫీలో ఢిల్లీ ప్రయాణం అక్టోబర్‌ 15న హైదరాబాద్‌తో జరిగే మ్యాచ్‌తో మొదలవనున్నప్పటికీ.. పంత్‌ మాత్రం అక్టోబర్‌ 25 నుంచి హిమాచల్‌ ప్రదేశ్‌తో జరిగే మ్యాచ్‌ నుంచి అందుబాటులో ఉంటాడు.టీమిండియా షెడ్యూల్‌ విషయానికొస్తే.. భారత జట్టు ప్రస్తుతం స్వదేశంలో వెస్టిండీస్‌తో రెండు మ్యాచ్‌ల టెస్ట్‌ సిరీస్‌ ఆడుతుంది. ఈ సిరీస్‌లో ఇప్పటికే ఓ మ్యాచ్‌ అయిపోయగా.. మరో మ్యాచ్‌ మిగిలింది. ఆ మ్యాచ్‌ అక్టోబర్‌ 10 నుంచి ఢిల్లీ వేదికగా జరుగనుంది. అంతకుముందు అహ్మదాబాద్‌ వేదికగా జరిగిన తొలి టెస్ట్‌ మ్యాచ్‌లో భారత్‌ ఇన్నింగ్స్‌ 140 పరుగుల తేడాతో గెలుపొంది సిరీస్‌లో 1-0 ఆధిక్యంలో కొనసాగుతుంది.ఈ సిరీస్‌ ముగిసిన వెంటనే భారత పరిమిత ఓవర్ల జట్లు అక్టోబర్‌ 19 నుంచి ఆస్ట్రేలియాలో పర్యటిస్తాయి. ఈ పర్యటనలో భారత్‌ 3 వన్డేలు, 5 టీ20లు ఆడనుంది. ఈ సిరీస్‌ల కోసం భారత జట్లను ఇదివరకే ప్రకటించారు. ఈ పర్యటనలోని వన్డే సిరీస్‌తో టీమిండియా వెటరన్‌ స్టార్స్‌ రోహిత్‌ శర్మ, విరాట్‌ కోహ్లి తిరిగి బరిలోకి దిగుతారు. వీరిద్దరు టీ20, టెస్ట్‌ ఫార్మాట్లకు రిటైర్మెంట్‌ ప్రకటించి, కేవలం వన్డేల్లో మాత్రమే కొనసాగుతున్నారు. రో-కో చివరిగా ఛాంపియన్స్‌ ట్రోఫీలో పాల్గొన్నారు. చదవండి: World Cup 2025: టీమిండియా చేతిలో ఓడినా చరిత్ర సృష్టించిన పాకిస్తాన్‌

భారత టెస్టు జట్టు వైస్‌ కెప్టెన్‌ రిషభ్‌ పంత్‌ (Rishabh Pant) గాయం కారణంగా కొన్నాళ్లుగా ఆటకు దూరంగా ఉన్నాడు. ఇంగ్లండ్‌తో ఐదు టెస్టుల సిరీస్‌లో ఆడిన ఈ వికెట్‌ కీపర్‌ బ్యాటర్‌ కాలికి గాయమైంది. మాంచెస్టర్‌లో జరిగిన నాలుగో టెస్టు సందర్భంగా పంత్‌ ఎడమకాలి పాదం ఫ్రాక్చర్‌ అయింది.త్వరలోనే రీఎంట్రీఅయినప్పటికీ కట్టుతోనే బ్యాటింగ్‌కు దిగిన పంత్‌ అర్ధ శతకం సాధించాడు. అయితే, గాయం తీవ్రం కావడంతో నిర్ణయాత్మక ఐదో టెస్టుకు ఈ ఎడమచేతి వాటం బ్యాటర్‌ దూరమయ్యాడు. ఈ క్రమంలో భారత క్రికెట్‌ నియంత్రణ మండలి (BCCI) పునరావాస శిబిరంలో చికిత్స తీసుకున్న పంత్‌.. త్వరలోనే జట్టులోకి తిరిగి వచ్చే అవకాశం ఉంది.అయితే, పంత్‌ గైర్హాజరీలో మరో యువ ఆటగాడు ధ్రువ్‌ జురెల్‌ టెస్టు జట్టులో వికెట్‌ కీపర్‌గా బాధ్యతలు నిర్వర్తిస్తున్నాడు. ఇటీవల ఆస్ట్రేలియా-ఎ జట్టుతో అనధికారిక రెండో టెస్టులో కెప్టెన్‌గానూ వ్యవహరించాడు. ఇక ఇటీవల వెస్టిండీస్‌తో తొలి మ్యాచ్‌ సందర్భంగా జురెల్‌ టెస్టుల్లో తన తొలి సెంచరీ నమోదు చేశాడు.పంత్‌ తిరిగి వస్తే అతడి పరిస్థితి ఏమిటి?గత కొన్నాళ్లుగా నిలకడగా పరుగులు సాధిస్తున్న 24 ఏళ్ల జురెల్‌ జట్టులో పాతుకుపోయే ప్రయత్నం చేస్తున్నాడు. అయితే, పంత్‌ తిరిగి వస్తే అతడి పరిస్థితి ఏమిటన్న సందేహాల నడుమ.. భారత మాజీ క్రికెటర్‌ సదగోపర్‌ రమేశ్‌ (Sadagoppan Ramesh) ఆసక్తికర వ్యాఖ్యలు చేశాడు.‘‘వెస్టిండీస్‌తో అహ్మదాబాద్‌ టెస్టులో జురెల్‌ అద్భుతమైన ఇన్నింగ్స్‌ (125) ఆడాడు. విండీస్‌ బౌలింగ్‌ అటాక్‌ పేలవంగానే ఉన్నా.. జురెల్‌ ఒత్తిడిలో ఉండటం సహజం.అచ్చమైన బ్యాటర్‌గా..ఎందుకంటే బీస్ట్‌ లాంటి పంత్‌తో అతడికి పోటీ ఉంది. అయితే, ఈ సెంచరీ ద్వారా మేనేజ్‌మెంట్‌కు అతడు ఓ విషయం స్పష్టం చేశాడు. తనకు, పంత్‌కు మధ్య పోటీ లేదని.. అచ్చమైన బ్యాటర్‌గా తాను అందుబాటులో ఉంటానని సంకేతాలు ఇచ్చాడు.సాయి సుదర్శన్‌ గనుక మూడో స్థానంలో విఫలమవుతూ ఉన్నా... నితీశ్‌ రెడ్డి బ్యాట్‌తో రాణించకపోయినా.. ఈ రెండు సందర్భాల్లో జురెల్‌కు ఢోకా ఉండదు. ఒకవేళ రిషభ్‌ పంత్‌ తిరిగి వచ్చినా జురెల్‌ మూడో నంబర్‌ ఆటగాడిగా ఫిక్సయిపోవచ్చు’’ అని సదగోపన్‌ రమేశ్‌ సోషల్‌ మీడియా వేదికగా తన అభిప్రాయాలు పంచుకున్నాడు. కాగా జురెల్‌ ఇప్పటి వరకు టీమిండియా తరఫున ఆరు టెస్టుల్లో కలిపి 380 పరుగులు చేశాడు. ఇందులో ఓ హాఫ్‌ సెంచరీ, సెంచరీ ఉన్నాయి.చదవండి: ‘మీ నాన్నతో కలిసి ఆటో తోలుకో’;.. ధోని ఆరోజు చెప్పిన మాటతో ఇలా..: సిరాజ్‌

టీమిండియా స్టార్‌ క్రికెటర్‌ రిషభ్‌ పంత్‌ (Rishabh Pant) పుట్టిన రోజు నేడు (అక్టోబరు 4). ఈ వికెట్‌ కీపర్‌ బ్యాటర్‌ శనివారం.. 28వ వసంతంలో అడుగుపెట్టాడు. ఈ సందర్భంగా భారత క్రికెట్‌ నియంత్రణ మండలి (BCCI) పంత్‌కు శుభాకాంక్షలు తెలుపగా.. అభిమానులు కూడా సోషల్‌ మీడియా వేదికగా తమ ఆరాధ్య ఆటగాడికి విషెస్‌ చెబుతున్నారు.5507 పరుగులుఉత్తరాఖండ్‌లోని రూర్కీలో 1997, అక్టోబరు 4న రాజేంద్ర పంత్‌- సరోజ్‌ పంత్‌ దంపతులకు రిషభ్‌ పంత్‌ జన్మించాడు. 2016 ఇండియా అండర్‌-19 జట్టు తరఫున వరల్డ్‌కప్‌లో సత్తా చాటి వెలుగులోకి వచ్చిన పంత్‌.. 2017లో టీమిండియా తరఫున అరంగేట్రం చేశాడు.అంతర్జాతీయ స్థాయిలో ఇప్పటి వరకు మూడు ఫార్మాట్లలో కలిపి 154 మ్యాచ్‌లు ఆడిన పంత్‌.. 5507 పరుగులు సాధించాడు. అంతేకాదు.. వికెట్‌ కీపర్‌గానూ 250 డిస్మిసల్స్‌లోనూ భాగమయ్యాడు. పడిలేచిన కెరటందిగ్గజ కెప్టెన్‌, లెజెండరీ వికెట్‌ కీపర్‌ బ్యాటర్‌ మహేంద్ర సింగ్‌ ధోని వారసుడిగా నీరాజనాలు అందుకున్న పంత్‌.. కెరీర్‌లో ఎన్నో ఎత్తుపళ్లాలు ఉన్నాయి. అయితే, 2022లో జరిగిన ఘోర కారు ప్రమాదం అతడి కెరీర్‌నే ప్రశ్నార్థకం చేసింది.కొత్త సంవత్సరం వేడుకల కోసం ఢిల్లీ నుంచి స్వస్థలానికి వెళ్తున్న సమయంలో పంత్‌ ప్రయాణిస్తున్న కారు.. డివైడర్‌ను ఢీకొట్టి నుజ్జునుజ్జయింది. ఈ క్రమంలో మంటలు చెలరేగగా.. అదృష్టవశాత్తూ పంత్‌ ప్రాణాలతో బయటపడ్డాడు.బీసీసీఐ చొరవ తీసుకుని పంత్‌ను ఉత్తరాఖండ్‌ నుంచి ముంబైకి ఎయిర్‌లిఫ్ట్‌ చేయించి.. మెరుగైన చికిత్స అందించింది. ఈ క్రమంలో దాదాపు ఏడాది ఆటకు దూరమైన పంత్‌.. 2024లో ఐపీఎల్‌ ద్వారా రీఎంట్రీ ఇచ్చాడు.పునరాగమనంలో ఆకాశమే హద్దుగాఇక పునరాగమనంలో ఆకాశమే హద్దుగా చెలరేగుతున్న ఈ ఎడమచేతి వాటం బ్యాటర్‌.. అద్భుత ప్రదర్శనలతో ఆకట్టుకుంటూ ముందుకు సాగుతున్నాడు. అంతేకాదు.. ఐపీఎల్‌-2025 మెగా వేలంలో ఏకంగా రూ. 27 కోట్ల (లక్నో సూపర్‌ జెయింట్స్‌)కు అమ్ముడుపోయి లీగ్‌ చరిత్రలోనే అత్యంత ఖరీదైన ప్లేయర్‌గా నిలిచాడు. కాగా టీమిండియా తరఫున టీ20 ప్రపంచకప్‌-2024, ఐసీసీ చాంపియన్స్‌ ట్రోఫీ-2025 గెలిచిన జట్లలో పంత్‌.. సభ్యుడిగా తన వంతు పాత్ర పోషించాడు.నెట్‌వర్త్‌ ఎంతో తెలుసా?బీసీసీఐ సెంట్రల్‌ కాంట్రాక్టులో పంత్‌ A గ్రేడ్‌లో ఉన్నాడు. కాబట్టి.. బోర్డు ద్వారా పంత్‌కు ఏడాదికి రూ. 5 కోట్ల వేతనం అందుతుంది. ఇక ఇందుకు అదనంగా.. ఆడే ఒక్కో టెస్టు మ్యాచ్‌కు రూ. 15 లక్షలు, వన్డే మ్యాచ్‌కు రూ. 6 లక్షలు, టీ20 మ్యాచ్‌కు రూ. 3 లక్షలు అతడికి దక్కుతాయి.ఇక ఐపీఎల్‌లో లక్నో సూపర్‌జెయింట్స్‌కు రూ. 27 కోట్లకు అమ్ముడుపోయిన పంత్‌.. ఐపీఎల్‌ సాలరీ అంతకు ముందు కూడా తక్కువేమీ కాదు. ఇటు టీమిండియా తరఫున.. అటు ఐపీఎల్‌లో భారీ వేతనాలు పొందతున్న పంత్‌.. అడిడాస్‌, జొమాటో, క్యాడ్‌బరీ వంటి పలు ప్రముఖ బ్రాండ్లకు ప్రచారకర్తగానూ ఉన్నాడు.ఒక్కో ఎండార్స్‌మెంట్‌ డీల్‌కు పంత్‌ రూ. 3.5 నుంచి 4 కోట్ల వరకు వసూలు చేస్తాడని వన్‌క్రికెట్‌ గతంలో వెల్లడించింది. ప్రచారకర్తగా ఏడాదికి రూ. 20- 25 కోట్ల వరకూ సంపాదిస్తున్నాడని వెల్లడించింది.ఇక పంత్‌కు రూర్కీలో రూ. 1 కోటి విలువైన స్థిరాస్థి ఉన్నట్లు సమాచారం. అదే విధంగా ఢిల్లీలోని ఉత్తమ్‌నగర్‌లో రూ. 2 కోట్ల విలువైన ఇల్లు అతడి పేరు మీద ఉన్నట్లు తెలుస్తోంది.లగ్జరీ కార్లుపంత్‌ గ్యారేజ్‌లో ఆడిఏ8, ఫోర్డ్‌ ముస్తాంగ్‌ జీటీ, మెర్సిడెస్‌-బెంజ్‌ ఎస్‌యూవీ, మెర్సిడెజ్‌ బెంజ్‌ జీఎల్‌ఈ వంటి పలు విలాసవంతమైన కార్లు కూడా ఉన్నట్లు సమాచారం. వన్‌క్రికెట్‌ వివరాల ప్రకారం.. 2025 నాటికి పంత్‌ నికర ఆస్తుల విలువ వంద కోట్లు అని అంచనా. ఇక ఇంగ్లండ్‌తో టెస్టు సిరీస్‌ సందర్భంగా గాయపడిన పంత్‌.. టీమిండియాకు దూరమైన విషయం తెలిసిందే. అక్టోబరులో ఆస్ట్రేలియా పర్యటన సందర్భంగా రీఎంట్రీ ఇచ్చే అవకాశం ఉంది.చదవండి: చరిత్ర సృష్టించిన కేఎల్‌ రాహుల్‌.. టెస్టు క్రికెట్‌ హిస్టరీలోనే ఏకైక ఆటగాడిగా..

భార‌త టెస్టు జ‌ట్టులో స్టార్ వికెట్ కీప‌ర్ బ్యాట‌ర్ రిష‌బ్ పంత్ లేని లోటును ధ్రువ్ జురెల్ తీర్చాడు. అహ్మదాబాద్ వేదికగా వెస్టిండీస్‌తో జరుగుతున్న తొలి టెస్టులో జురెల్ అద్బుతమైన సెంచరీతో చెలరేగాడు. పంత్ గాయపడంతో తన దక్కిన అవకాశాన్ని జురెల్ రెండు చేతులా అందిపుచ్చుకున్నాడు.ఐదో స్ధానంలో బ్యాటింగ్‌కు వచ్చిన 24 ఏళ్ల ఈ యువ ఆటగాడు తన సూప‌ర్ బ్యాటింగ్‌తో జ‌ట్టును భారీ స్కోర్ దిశ‌గా న‌డిపిస్తున్నాడు. ఈ క్ర‌మంలో ధ్రువ్ జురెల్ 190 బంతుల్లో త‌న తొలి టెస్టు సెంచ‌రీ మార్క్‌ను అందుకున్నాడు. ఓవరాల్‌గా 210 బంతులు ఎదుర్కొన్న జురెల్‌.. 15 ఫోర్లు, 3 సిక్స్‌లతో 125 పరుగులు చేశాడు. జురెల్ స్టార్ ఆల్‌రౌండ‌ర్ ర‌వీంద్ర జ‌డేజాతో క‌లిసి ఐదో వికెట్‌కు 206 ప‌రుగుల భాగ‌స్వామ్యాన్ని నెలకొల్పాడునో రిషబ్ పంత్‌.. నో ప్రోబ్లమ్‌ధ్రువ్ జురెల్ గతేడాది ఫిబ్రవరిలో ఇంగ్లండ్‌పై భారత తరపున టెస్టు అరంగేట్రం చేశాడు. తన డెబ్యూ సిరీస్‌లో జురెల్ తన ప్రదర్శనలతో అందరిని ఆకట్టుకున్నాడు. కానీ రిషబ్ పంత్ రెగ్యూలర్ వికెట్ కీపర్‌గా ఉండడంతో జురెల్ ఇప్పటివరకు టీమిండియా తరపున కేవలం 6 టెస్టు మ్యాచ్‌లు మాత్రమే ఆడాడు.బంగ్లాదేశ్‌, న్యూజిలాండ్‌, ఆస్ట్రేలియా టూర్‌లకు జురెల్ జట్టుకు ఎంపికైనప్పటికి ప్లేయింగ్ ఎలెవన్‌లో మాత్రం చోటు దక్కలేదు. ఈ ఏడాది జూన్‌లో ఇంగ్లండ్ పర్యటనకు కూడా భారత జట్టుతో పాటు జురెల్ వెళ్లాడు. నాలుగో టెస్టులో రిషబ్ పంత్ కాలికి గాయం కావడంతో సబ్‌స్ట్యూట్ వికెట్ కీపర్‌గా ధ్రువ్ బాధ్యతలు చేపట్టాడు. రెండు ఇన్నింగ్స్‌లలోనూ వికెట్ల వెనక తన సేవలను అందించాడు. ఆ తర్వాత ఐదో టెస్టుకు పంత్ దూరం కావడంతో జురెల్ తుది జట్టులోకి వచ్చాడు. తొలి ఇన్నింగ్స్‌లో కేవలం 19 పరుగులు మాత్రమే చేసిన జురెల్‌.. రెండో ఇన్నింగ్స్‌లో 34 పరుగులతో కీలక నాక్ ఆడాడు. ఇప్పుడు విండీస్‌తో సిరీస్‌తో మొత్తానికి పంత్ దూరం కావడంతో జురెల్ రెగ్యూలర్ వికెట్ కీపర్‌గా కొనసాగుతున్నాడు. విండీస్‌తో తొలి టెస్టులో జురెల్ వికెట్ల వెనక కూడా అద్బుతమైన క్యాచ్‌లను అందుకున్నాడు. అంతేకాకుండా తన వికెట్ కీపింగ్ స్కిల్స్‌తో దాదాపు ఇరవైకి పైగా ఎక్స్‌ట్రా రన్స్‌ను సేవ్ చేశాడు. పంత్ జట్టుకు అందుబాటులో లేక పోయినా ధ్రువ్ జురెల్ రూపంలో భారత్‌కు అద్బుతమైన వికెట్‌కీపర్ ఉన్నాడనే చెప్పుకోవాలి. తొలి ఇన్నింగ్స్‌లో భారత్‌ భారీ స్కోర్‌ దిశగా దూసుకుపోతుంది. రెండో రోజు ఆట ముగిసే సమయానికి టీమిండియా 5 వికెట్ల నష్టానికి 448 పరుగుల భారీ స్కోర్‌ సాధించింది. గిల్‌ సేన ప్రస్తుతం 286 పరుగుల ఆధిక్యంలో కొనసాగుతోంది. భారత బ్యాటర్లలో జురెల్‌తో పాటు కేఎల్‌ రాహుల్‌(100), రవీంద్ర జడేజా(104 నాటౌట్‌) సెంచరీలతో మెరిశారు.చదవండి: IND vs WI: చరిత్ర సృష్టించిన జడేజా.. దెబ్బకు కపిల్‌ దేవ్‌, ధోని రికార్డులు బ్రేక్‌

న్యూఢిల్లీ: భారత స్టార్‌ వికెట్‌ కీపర్‌–బ్యాటర్‌ రిషభ్‌ పంత్‌ సొంతగడ్డపై వెస్టిండీస్‌తో జరిగే సిరీస్‌కు దూరం కానున్నాడు. ఇంగ్లండ్‌ పర్యటనలో గాయపడిన పంత్‌ ఇంకా పూర్తిగా కోలుకోకపోవడం వల్లే కరీబియన్‌ జట్టుతో ఆడటం లేదు. జూలైలో ఇంగ్లండ్‌తో మాంచెస్టర్‌లో జరిగిన నాలుగో టెస్టు సందర్భంగా అతని ఎడమ కాలి పాదానికి గాయమైంది. ప్రస్తుతం అతను బెంగళూరులోని భారత క్రికెట్‌ నియంత్రణ మండలి (బీసీసీఐ) సెంటర్‌ ఆఫ్‌ ఎక్సలెన్సీలోని పునరావాస శిబిరంలో ఉన్నాడు. వెస్టిండీస్‌తో జరిగే రెండు టెస్టుల సిరీస్‌లో పాల్గొనే జట్టు ఎంపిక కోసం రేపు అజిత్‌ అగార్కర్‌ నేతృత్వంలోని సీనియర్‌ సెలక్షన్‌ కమిటీ సమావేశం కానుంది. ఇంగ్లండ్‌లో జరిగిన టెండూల్కర్‌–అండర్సన్‌ ట్రోఫీలో పాల్గొన్న భారత జట్టుకు పంత్‌ వైస్‌ కెప్టెన్‌గా వ్యవహరించాడు. నాలుగో టెస్టులో గాయం వల్ల అతని స్థానంలో ఎన్‌. జగదీశన్‌ను ఐదో టెస్టుకు తీసుకున్నారు. కానీ తుది జట్టులో మాత్రం అతనికి చోటు దక్కలేదు. ప్రస్తుతం స్ట్రెంత్‌–కండిషనింగ్‌ క్యాంపులో ఉన్న రిషభ్‌ను బోర్డు వైద్యసిబ్బంది పర్యవేక్షిస్తోంది. అయితే అతను జట్టుకు ఎప్పుడు అందుబాటులోకి వస్తాడనే నిర్దిష్టమైన సమాచారాన్ని వైద్య సిబ్బంది వెల్లడించడం లేదు. ఈ నేపథ్యంలో అతిత్వరలో జరిగే విండీస్‌ సిరీస్‌ సహా ఆ్రస్టేలియా పర్యటనకు సైతం అతను దూరమయ్యే అవకాశాలున్నాయి. ఆసీస్, భారత్‌ ‘ఎ’ జట్ల మధ్య జరిగిన తొలి అనధికారిక టెస్టులో ఆకట్టుకున్న నితీశ్‌ కుమార్‌ రెడ్డి, దేవదత్‌ పడిక్కల్‌ల పేర్లను సెలక్షన్‌ కమిటీ పరిశీలించనుంది. ప్రపంచ టెస్టు చాంపియన్‌íÙప్‌లో భాగంగా భారత్, విండీస్‌ల మధ్య జరిగే రెండు మ్యాచ్‌ల సిరీస్‌లో తొలి టెస్టు వచ్చే నెల 2న అహ్మదాబాద్‌లో మొదలవుతుంది.

ధోని రిటైర్మెంట్‌ తర్వాత భారత టెస్ట్‌ జట్టు వికెట్‌కీపింగ్‌ బ్యాటర్‌ స్థానాన్ని రిషబ్‌ పంత్‌ సుస్థిరం చేసుకున్నాడు. మధ్యలో కేఎస్‌ భరత్‌, ఇషాన్‌ కిషన్‌కు అవకాశాలు వచ్చినా సద్వినియోగం చేసుకోలేకపోయారు. పంత్‌ గైర్హాజరీలో కేఎల్‌ రాహుల్‌ వికెట్‌కీపింగ్‌ బాధ్యతలు చేపట్టినా.. అది తాత్కాలికమే. భారత మేనేజ్‌మెంట్‌ రాహుల్‌ను టెస్ట్‌ల్లో స్పెషలిస్ట్‌ బ్యాటర్‌గా మాత్రమే పరిగణిస్తుంది.ప్రస్తుతానికి భారత టెస్ట్‌ జట్టులో పంత్‌ స్థానానికి ఎలాంటి ఢోకా లేదు. అయితే మధ్యమధ్యలో అతని గాయాలే మేనేజ్‌మెంట్‌ను కలవరపెడుతున్నాయి. తాజాగా ఇంగ్లండ్‌ పర్యటనలో పంత్‌ అరివీర భయంకరమైన ఫామ్‌లో ఉండగా గాయపడ్డాడు. ఆ సిరీస్‌లో పంత్‌కు ప్రత్యామ్నాయ వికెట్‌కీపర్‌గా ధృవ్‌ జురెల్‌ ఉండటంతో టీమిండియాకు ఎలాంటి సమస్య తలెత్తలేదు. చివరి టెస్ట్‌లో జురెల్‌ ఓ మోస్తరు ప్రదర్శనలతో పర్వాలేదనిపించాడు.ఇంత వరకు అంతా బాగానే ఉంది. పంత్‌ అందుబాటులో లేనప్పుడే జురెల్‌కు అవకాశాలు వస్తున్నాయి. అయితే తాజాగా జురెల్‌ ఆస్ట్రేలియా-ఏపై చేసిన అద్భుత శతకం టీమిండియాలో పంత్‌ స్థానాన్ని ఛాలెంజ్‌ చేస్తుంది.ఆసీస్‌-ఏపై జురెల్‌ ఏదో గాలివాటంగా సెంచరీ చేయలేదు. పక్కా ప్రణాళిక ప్రకారం, భారత టెస్ట్‌ జట్టులో స్థానమే లక్ష్యంగా చేసిన సెంచరీలా ఉందది. గత ‍కొంత​కాలంగా జురెల్‌ ఆడిన ప్రతి మ్యాచ్‌లోనూ ఇలాంటి ప్రదర్శనలే చేస్తున్నాడు. అయితే పంత్‌ ఫామ్‌లో ఉండటంతో వాటికి పెద్దగా ప్రాధాన్యత లభించలేదు.జురెల్‌ తాజా సెంచరీ మాత్రం అలా కాదు. ఈ సెంచరీకి చాలా విలువ ఉంది. జురెల్‌ సరైన సమయంలో శతక్కొట్టి పంత్‌ స్థానానికి ఛాలెంజ్‌ విసిరాడు. త్వరలో (అక్టోబర్‌ 2) భారత్‌ స్వదేశంలో వెస్టిండీస్‌తో టెస్ట్‌ సిరీస్‌ ఆడనుంది. ఈ సిరీస్‌కు గట్టిగా 10 రోజుల సమయం మాత్రమే ఉంది.పంత్‌ ఇప్పటికి గాయం నుంచి పూర్తిగా కోలుకోలేదు. ఇలాంటి తరుణంలో సెలెక్టర్లకు జురెల్‌ తప్పక మొదటి ప్రాధాన్యత అవుతాడు. జురెల్‌ విండీస్‌ సిరీస్‌లో సాధారణ ప్రదర్శనలతో మమ అనిపిస్తే ఎలాంటి సమస్య లేదు. ఒకవేళ అతను ఆ సిరీస్‌లో ఎప్పటిలాగే చెలరేగితే మాత్రం పంత్‌కు డేంజర్‌ బెల్స్‌ మోగినట్లే.ఎందుకంటే ఇప్పటిదాకా సెలెక్టర్లకు పంత్‌ మాత్రమే ఛాయిస్‌గా ఉన్నాడు. విండీస్‌తో సిరీస్‌లో జురెల్‌ రాణిస్తే.. వారి ఛాయిస్‌ తప్పక మారుతుంది. ఎందుకంటే జురెల్‌ ఒకటి అరా మ్యాచ్‌ల్లో రాణించిన ఆటగాడు కాదు. అతను సుదీర్ఘ ఫార్మాట్‌లో ఎక్కడ ఆడినా అద్భుతాలే చేశాడు. ముఖ్యంగా భారత-ఏ జట్టు తరఫున అతని రికార్డు అత్యద్భుతంగా ఉంది.ఆసీస్‌-ఏపై సెంచరీకి ముందు జురెల్‌ ఇంగ్లండ్‌లో ఇంగ్లండ్‌ లయన్స్‌పై 94(120), 53*(53) & 52(87), ఆస్ట్రేలియాలో ఆస్ట్రేలియా-ఏపై 80(186) & 68(122),భారత్‌లో ఇంగ్లండ్‌ లయన్స్‌పై 50(38),సౌతాఫ్రికాలో సౌతాఫ్రికా-ఏపై 69(166) స్కోర్లు చేశాడు. ఇంత ఘనమైన ట్రాక్‌ రికార్డుతో జురెల్‌ తప్పక పంత్‌కు ప్రత్యామ్నాయం అవుతాడు. కాబట్టి పంత్‌ ఇకపై జాగ్రత్తగా ఉండాలి. లేకపోతే అతని స్థానాన్ని జురెల్‌ ఎగరేసుకుపోవడం ఖాయం.

టీమిండియా వికెట్‌కీపర్‌ బ్యాటర్‌ రిషబ్‌ పంత్‌కు సంబంధించి బిగ్‌ అప్‌డేట్‌ వచ్చింది. ఇటీవల (జులై 23న) ఇంగ్లండ్‌తో జరిగిన టెస్ట్‌ మ్యాచ్‌ సందర్భంగా గాయపడిన పంత్‌.. నెలకు పైగా ఇంగ్లండ్‌లోనే ట్రీట్‌మెంట్‌ తీసుకుని కొద్ది రోజుల కిందటే భారత్‌కు తిరిగి వచ్చాడు. ముంబైలో వైద్య నిపుణులను సంప్రదించిన అనంతరం, వారి సలహా మేరకు త్వరలోనే నేషనల్ క్రికెట్ అకాడమీ (CoE) పునరావాస శిబిరంలో చేరనున్నాడు.అక్టోబర్‌లో వెస్టిండీస్‌తో జరిగే సిరీస్‌ సమయానికి తిరిగి జట్టులోకి రావాలని లక్ష్యంగా పెట్టుకున్న పంత్‌.. ఆ దిశగా అడుగులు వేస్తున్నాడు. ప్రస్తుతం పంత్‌కు గాయం పూర్తిగా తగ్గలేదని తెలుస్తుంది. వైద్యులు అతనికి తిరిగి ఫిట్‌నెస్ సాధించేందుకు టైమ్‌లైన్ ఇచ్చినట్లు సమాచారం.టెండూల్కర్‌-ఆండర్సన్‌ ట్రోఫీ 2025లో భాగంగా మాంచెస్టర్‌ వేదికగా జరిగిన నాలుగో టెస్ట్‌లో పంత్‌ తొలి రోజు ఆటలో క్రిస్‌ వోక్స్‌ బౌలింగ్‌లో గాయపడ్డాడు. వోక్స్‌ సంబంధించిన బంతి పంత్‌ పాదానికి తీవ్ర గాయం చేసింది. నొప్పితో విలవిలలాడిన పంత్‌ అప్పుడు మైదానాన్ని వీడి, జట్టు అవసరాల దృష్ట్యా కుంటుతూనే రెండో రోజు బ్యాటింగ్‌కు దిగాడు.తొలి రోజు గాయపడిన సమయానికి 37 పరుగుల వద్ద ఉండిన పంత్‌.. రెండో రోజు తిరిగి బరిలోకి దిగి జట్టుకు చాలా ముఖ్యమైన 17 పరుగులు జోడించాడు. ఈ క్రమంలో హాఫ్‌ సెంచరీ పూర్తి చేసుకున్నాడు. ఈ గాయం కారణంగా పంత్‌ ఓవల్‌లో జరిగిన ఐదో టెస్ట్‌ దూరమయ్యాడు. ఆ మ్యాచ్‌లో భారత్ విజయం సాధించి సిరీస్‌ను సమం చేసింది.పంత్‌ పాదం గాయం నుంచి పూర్తిగా కోలుకుని అక్టోబర్‌లో వెస్టిండీస్‌తో జరిగే హోమ్ టెస్ట్ సిరీస్ సమయానికంతా రెడీగా ఉండాలని అనుకుంటున్నాడు. ఇందులో భాగంగానే CoEలోని రీహ్యాబ్‌లో చేరనున్నాడు. ఒకవేళ విండీస్‌తో సిరీస్‌ సమయానికి పూర్తిగా కోలుకోకపోతే, తదుపరి ఆస్ట్రేలియాతో జరిగే వైట్-బాల్ సిరీస్‌ సమయానికైనా పునారగమనం చేయడం లక్ష్యంగా పెట్టుకుంటాడు.పంత్‌ భావోద్వేగ పోస్ట్తాజాగా పంత్‌ సోషల్ మీడియాలో ఓ భావోద్వేగ పోస్ట్ చేశాడు. ఎంత బాధను గతంలో అనుభవించినా, మళ్లీ గాయపడితే అదే స్థాయిలో బాధ కలుగుతుంది. అయితే రెండో సారి మన సహనశక్తి పెరుగుతుంది. ఇదే మనల్ని బలంగా మారుస్తుందని తన ఇన్‌స్టా ఖాతాలో రాసుకొచ్చాడు. కాగా, 2022లో జరిగిన ఘోర రోడ్డు ప్రమాదంలో పంత్‌ తీవ్రగాయాలపాలై, అదృష్టవశాత్తు ప్రాణాపాయం నుంచి బయటపడ్డాడు. ఆ స్థాయి గాయాలు కాకపోయినా పంత్‌ మరోసారి గాయపడ్డాడు. ఫలితంగా మరోమారు జట్టుకు దూరమయ్యాడు. ప్రస్తుతం భారత టీ20 జట్టు ఆసియా కప్‌ కోసం యూఏఈలో పర్యటిస్తుంది. ఈ జట్టులో వికెట్‌కీపర్లుగా సంజూ శాంసన్‌, జితేశ్‌ శర్మ ఎంపికయ్యారు.

ఆగస్ట్‌ 18.. భారత్‌ క్రికెట్‌కు సంబంధించి ఈ రోజుకు చాలా ప్రత్యేకత ఉంది. ఈ రోజు భారత్‌ క్రికెట్‌ దిగ్గజాన్ని ప్రపంచానికి పరిచయం చేసింది. 17 ఏళ్ల కిందట (2008) ఈ రోజున విరాట్‌ కోహ్లి అనే ఢిల్లీ కుర్రాడు జెంటిల్మెన్‌ గేమ్‌లోకి ఎంట్రీ ఇచ్చాడు. డంబుల్లా వేదికగా శ్రీలంకతో జరిగిన వన్డే మ్యాచ్‌తో క్రికెట్‌ అభిమానులకు పరిచయమయ్యాడు. అనంతరం 2010 జూన్‌ 12న జింబాబ్వేపై టీ20 అరంగేట్రం.. మరుసటి ఏడాది (2011) జూన్‌ 20న వెస్టిండీస్‌పై టెస్ట్‌ అరంగేట్రం చేశాడు.కెరీర్‌ ఆరంభంలో కాస్త ఇబ్బంది పడ్డా, ఆతర్వాత విరాట్‌ ఏం చేశాడో ప్రపంచం మొత్తం చూసింది. ఇంకా చూస్తూనే ఉంది. విరాట్‌ సెంచరీల మీద సెంచరీలు కొడుతూ, పరుగుల వరద పారిస్తూ ఎన్నో ఆల్‌టైమ్‌ రికార్డును బద్దలు కొట్టాడు. మరెన్నో కొత్త రికార్డులను సృష్టించాడు. గతేడాది టీ20 ఫార్మాట్‌కు.. ఈ ఏడాది టెస్ట్‌లకు రిటైర్మెంట్‌ ప్రకటించిన విరాట్‌, వన్డేల్లో మాత్రమే కొనసాగుతున్నాడు.ఆగస్ట్‌ 18.. ఈ రోజు భారత్‌ మరో స్టార్‌ బ్యాటర్‌ను ప్రపంచ క్రికెట్‌కు పరిచయం చేసింది. 2018లో ఈ రోజున చిచ్చరపిడుగు రిషబ్‌ పంత్‌ టీమిండియా తరఫున టెస్ట్‌ అరంగేట్రం చేశాడు. గడిచిన ఏడేళ్లలో పంత్‌ టెస్ట్‌ల్లో ఎన్నో చిరస్మరణీయ ఇన్నింగ్స్‌లు ఆడి భారత్‌కు అపురూప విజయాలు అందించాడు. తాజాగా ఇంగ్లండ్‌ పర్యటనలోనూ ఇదే జరిగింది. అయితే ఈ పర్యటనలో పంత్‌ చివరి టెస్ట్‌కు ముందు గాయపడి సిరీస్‌ నుంచి వైదొలిగాడు.టెస్ట్ అరంగేట్రానికి ముందే పంత్‌ టీ20 ఫార్మాట్‌ ద్వారా భారత క్రికెట్‌కు పరిచయమయ్యాడు. 2017 ఫిబ్రవరి 1న పంత్‌ ఇంగ్లండ్‌తో టీ20తో పొట్టి ఫార్మాట్లోకి ఎంట్రీ ఇచ్చాడు. టెస్ట్‌ అరంగేట్రం తర్వాత అదే ఏడాది అక్టోబర్‌ 21న పంత్‌ వన్డేల్లోకి ఎంట్రీ ఇచ్చాడు. మూడు ఫార్మాట్లలో స్థిరపడిన పంత్‌ మధ్యలో కారు ప్రమాదం కారణంగా కొద్ది కాలం ఆటకు దూరమైనా, ఆతర్వాత తిరిగి జట్టులోకి వచ్చి అద్భుతాలు చేస్తున్నాడు.ఆగస్ట్‌ 18 భారత్‌ క్రికెట్‌కు మరో చిచ్చరపిడుగును పరిచయం​ చేసింది. 2023లో ఈ రోజున విధ్వంసకర బ్యాటర్‌ రింకూ సింగ్‌ టీమిండియాలోకి ఎంట్రీ ఇచ్చాడు. ఐపీఎల్‌ మెరుపుల తర్వాత భారత టీ20 జట్టులో చోటు దక్కించుకున్న రింకూ.. ఐర్లాండ్‌తో మ్యాచ్‌ ద్వారా టీ20 అరంగేట్రం చేశాడు. అదే ఏడాది డిసెంబర్‌ 19 రింకూ వన్డేల్లోకి కూడా ఎంట్రీ ఇచ్చాడు. అయితే వన్డేల్లో రింకూ కేవలం 2 మ్యాచ్‌లకు మాత్రమే పరిమితయ్యాడు. తన ఆటతీరు సుదీర్ఘ ఫార్మాట్‌కు సరిపోదు కాబట్టి, రింకూ టెస్ట్‌ అరంగేట్రం చేయలేదు. ఐపీఎల్‌లో కేకేఆర్‌కు ఆడుతూ యశ్‌ దయాల్‌ బౌలింగ్‌లో వరుసగా 5 సిక్సర్లు బాదడంతో రింకూ ఓవర్‌ నైట్‌ స్టార్‌ అయిపోయాడు. ఆ మ్యాచ్‌లో రింకూ తన జట్టుకు సంచలన విజయాన్ని అందించడంతో పాటు ప్రపంచం మొత్తాన్ని ఆకర్శించాడు.

ఐపీఎల్‌ ఫ్రాంఛైజీ లక్నో సూపర్‌ జెయింట్స్‌ (LSG) మరోసారి విమర్శల పాలైంది. ‘‘ఇంత సంకుచిత బుద్ధి ఎందుకు?. అసలు మిమ్మల్ని ఎవరు ఆ పోస్టు పెట్టమన్నారు’’ అంటూ నెటిజన్లు ఫైర్‌ అవుతున్నారు. విషయం ఏమిటంటే.. టీమిండియా ఇటీవల ఇంగ్లండ్‌ (IND vs ENG)తో ఆండర్సన్‌- టెండుల్కర్‌ ట్రోఫీ ఆడిన విషయం తెలిసిందే.ఇంగ్లండ్‌ గడ్డ మీద జరిగిన ఈ ఐదు టెస్టుల సిరీస్‌ను భారత జట్టు 2-2తో సమం చేసింది. టీమిండియా టెస్టు కెప్టెన్‌గా తొలి ప్రయత్నంలోనే బ్యాటర్‌గా చిరస్మరణీయ రికార్డులు సాధించిన శుబ్‌మన్‌ గిల్‌ (Shubman Gill).. సారథిగానూ మంచి మార్కులే కొట్టేశాడు. మరోవైపు.. వైస్‌ కెప్టెన్‌ రిషభ్‌ పంత్‌, యశస్వి జైస్వాల్‌లతో పాటు పేసర్లు మహ్మద్‌ సిరాజ్‌, ఆకాశ్‌ దీప్‌ కూడా అదరగొట్టారు.నిలకడగా రాణించిన ఏకైక ఆటగాడుఅయితే, ఈ సిరీస్‌ ఆసాంతం నిలకడగా రాణించిన ఆటగాడు ఎవరైనా ఉన్నారా అంటే.. అది ఓపెనింగ్‌ బ్యాటర్‌ కేఎల్‌ రాహుల్‌. ఐదు టెస్టుల్లో కలిపి 53.20 సగటుతో ఈ కర్ణాటక ఆటగాడు 532 పరుగులు సాధించాడు. ఇందులో రెండు శతకాలు, రెండు అర్ధ శతకాలు ఉన్నాయి.హెడింగ్లీలో తొలి టెస్టులో 137 పరుగులు సాధించిన కేఎల్‌ రాహుల్‌.. లార్డ్స్‌లో 100 పరుగులు చేశాడు. ఇక ఎడ్జ్‌బాస్టన్‌లో 55, ఓల్డ్‌ ట్రఫోర్డ్‌ మైదానంలో 90 పరుగులు సాధించాడు. ఓవరాల్‌గా ఈ సిరీస్‌లో శుబ్‌మన్‌ గిల్‌ (754), జో రూట్‌ (537) తర్వాత మూడో టాప్‌ రన్‌ స్కోరర్‌గా నిలిచాడు.రాహుల్‌ ఫొటో లేకుండానే..అసలు విషయానికి వస్తే.. లక్నో సూపర్‌ జెయింట్స్‌ తమ సోషల్‌ మీడియా ఖాతాలో శుక్రవారం ఓ పోస్టు పెట్టింది. ‘‘యుగాల పాటు నిలిచిపోయే ఫొటో ఆల్బమ్‌’’ అంటూ టీమిండియా ఆటగాళ్లతో కూడిన ఫొటోలను షేర్‌ చేసింది. అయితే, ఇందులో ఎక్కడా కేఎల్‌ రాహుల్‌ లేడు.ఒక్కటీ దొరకలేదా?ఈ నేపథ్యంలో టీమిండియా మాజీ క్రికెటర్‌, కర్ణాటకకు చెందిన దొడ్డ గణేశ్‌ లక్నో యాజమాన్యం తీరుపై ఆగ్రహం వ్యక్తం చేశాడు. ‘‘ఇలా చేయడం అస్సలు బాలేదు. చాలా ఇబ్బందికరంగా అనిపిస్తోంది.ఓపెనర్‌గా వచ్చి కొత్త బంతిని ఎదుర్కొని 500కు పైగా పరుగులు చేసిన ఆటగాడి ఫొటో మాత్రం మీకు దొరకలేదా?’’ అంటూ దొడ్డ గణేశ్‌ ప్రశ్నించాడు. నెటిజన్లు ఇందుకు స్పందిస్తూ.. ‘‘అంతే సార్‌.. వాళ్లకు గొప్పగా ఆడినవాళ్లు కనబడరు. అయినా లక్నోకు ఇలా చేయడం అలవాటే. వాళ్ల ఓనర్‌ సంజయ్‌ గోయెంకానే వారికి ఆదర్శం’’ అంటూ కామెంట్లు చేస్తున్నారు.గతేడాది లక్నోను వీడిన రాహుల్‌కాగా ఐపీఎల్‌-2022 సందర్భంగా క్యాష్‌ రిచ్‌ లీగ్‌లోకి ఎంట్రీ ఇచ్చిన ఎల్‌ఎస్‌జీకి కేఎల్‌ రాహుల్‌ కెప్టెన్‌గా ఎంపికయ్యాడు. మూడేళ్లపాటు అదే జట్టుతో కొనసాగిన అతడు రెండుసార్లు జట్టును ప్లే ఆఫ్స్‌నకు చేర్చాడు. అయితే, గతేడాది లక్నో పేలవ ప్రదర్శన నేపథ్యంలో సంజీవ్‌ గోయెంకా అందరిముందే కేఎల్‌ రాహుల్‌ను తిట్టడం విమర్శలకు దారితీసింది. అనంతరం రాహుల్‌ జట్టును వీడి.. ఢిల్లీ క్యాపిటల్స్‌లో చేరాడు.అయితే, టీమిండియా తరఫున అతడు గొప్పగా చాటినా లక్నో తమ సోషల్‌ మీడియా అకౌంట్లలో షేర్‌ చేసే ఫొటోల్లో అతడిపై వివక్ష చూపించడం.. వారి సంకుచిత బుద్ధికి నిదర్శనం అని కేఎల్‌ రాహుల్‌ అభిమానులు మండిపడుతున్నారు.చదవండి: చెవికి అతికించి.. ఛీ!.. ఇలా చేశావేంటి?.. హ్యారీ బ్రూక్‌ చర్య వైరల్‌This is getting embarrassing. Couldn’t get a picture of an opener who played the new ball and scored 500+ runs 🤷‍♂️ https://t.co/fGhFFuOWi3— Dodda Ganesh | ದೊಡ್ಡ ಗಣೇಶ್ (@doddaganesha) August 8, 2025

ఇంగ్లండ్‌తో ఆఖరి టెస్టులో సత్తా చాటి.. ఆండర్సన్‌- టెండుల్కర్‌ ట్రోఫీ (Anderson- tendulkar Trophy) సిరీస్‌ను సమం చేసింది టీమిండియా. రవిచంద్రన్‌ అశ్విన్‌, విరాట్‌ కోహ్లి (Virat Kohli), రోహిత్‌ శర్మ వంటి దిగ్గజాలు లేకుండానే విదేశీ గడ్డ మీద సత్తా చాటింది. యువ నాయకుడు శుబ్‌మన్‌ గిల్‌ సారథ్యంలో ఐదు మ్యాచ్‌ల టెస్టు సిరీస్‌ను 2-2తో డ్రా చేసుకున్న భారత్‌ తదుపరి ఆసియా కప్‌-2025 ఆడనుంది.శుభవార్త.. ఓ చేదు వార్త కూడా..ఈసారి టీ20 ఫార్మాట్లో నిర్వహించే ఈ టోర్నమెంట్‌కు ఆగష్టు చివరి వారంలో బీసీసీఐ (BCCI) జట్టును ప్రకటించే అవకాశం ఉంది. ఇక ఈ ఈవెంట్‌ తర్వాత సొంతగడ్డపై వెస్టిండీస్‌తో టెస్టులు ఆడనుంది. ఈ నేపథ్యంలో టీమిండియాకు ఒకే సమయంలో శుభవార్త.. ఓ చేదు వార్త అందాయి.ఇంగ్లండ్‌ పర్యటన సందర్భంగా గాయపడిన వికెట్‌ కీపర్‌ బ్యాటర్‌ రిషభ్‌ పంత్‌కు సర్జరీ అవసరం లేదని వైద్యులు చెప్పినట్లు సమాచారం. అయితే, పూర్తిగా కోలుకోవడానికి ఆరు వారాల పాటు విశ్రాంతి మాత్రం అవసరం అని చెప్పినట్లు తెలుస్తోంది.విండీస్‌తో రెండు టెస్టులుఈ నేపథ్యంలో రిషభ్‌ పంత్‌ ఆసియా కప్‌-2025తో పాటు వెస్టిండీస్‌తో టెస్టు సిరీస్‌కు కూడా దూరం కానున్నాడు. కాగా యూఏఈ వేదికగా ఆసియా కప్‌ టోర్నీ సెప్టెంబరు 8- 28 వరకు జరుగనుండగా.. స్వదేశంలో విండీస్‌తో అక్టోబరు 2- 14 వరకు టీమిండియా రెండు టెస్టులు ఆడనుంది. అహ్మదాబాద్‌, ఢిల్లీ ఇందుకు వేదికలుకాగా ఇటీవల ఇంగ్లండ్‌తో ముగిసిన ఐదు టెస్టుల సిరీస్‌లో రిషభ్‌ పంత్‌ అదరగొట్టాడు. లీడ్స్‌లో జరిగిన తొలి మ్యాచ్‌లో రెండు ఇన్నింగ్స్‌లోనూ శతకాలు బాదిన ఈ లెఫ్టాండర్‌.. ఓవరాల్‌గా 479 పరుగులు సాధించాడు.గాయంతోనే..అయితే, మాంచెస్టర్‌ వేదికగా నాలుగో టెస్టు తొలి ఇన్నింగ్స్‌ సందర్భంగా క్రిస్‌ వోక్స్‌ బౌలింగ్‌లో రివర్స్‌ స్కూప్‌షాట్‌కు యత్నించిన పంత్‌.. విఫలమయ్యాడు. ఈ క్రమంలో బంతి కుడికాలికి తగలగా పాదం ఉబ్బింది. అనంతరం బొటనవేలు ఫ్రాక్చర్‌ అయినట్లు తేలింది. అయినా సరే.. పంత్‌ మళ్లీ బ్యాటింగ్‌కు వచ్చి హాఫ్‌ సెంచరీ పూర్తి చేసుకుని అవుటయ్యాడు. ఈ మ్యాచ్‌ను టీమిండియా డ్రా చేసుకోవడంలో తన వంతు పాత్ర పోషించాడు.చదవండి: ప్రతోడు సచిన్‌, కోహ్లి అవుతారా?.. వాళ్ల ఫోన్లు కూడా ఎత్తను: టీమిండియా పేసర్‌

భారత్‌- ఇంగ్లండ్‌ మధ్య టెస్టు సిరీస్‌ (IND vs ENG) సందర్భంగా ఇద్దరు ఆటగాళ్లు దేశం కోసం ఆడటం పట్ల తమ నిబద్ధతను మరోసారి నిరూపించుకున్నారు. గాయం తాలుకు బాధ వెంటాడుతున్నా జట్టు ప్రయోజనాల కోసం మైదానంలో దిగి.. అభిమానుల హృదయాలు గెలుచుకున్నారు.వారిద్దరు ఎవరో ఇ‍ప్పటికే మీకు అర్థమైపోయి ఉంటుంది. అవును.. టీమిండియా వికెట్‌ కీపర్‌ బ్యాటర్‌ రిషభ్‌ పంత్‌ (Rishabh Pant).. ఇంగ్లండ్‌ పేస్‌ బౌలర్‌ క్రిస్‌ వోక్స్‌ (Chris Woakes). మాంచెస్టర్‌లో జరిగిన నాలుగో టెస్టు సందర్భంగా వోక్స్‌ బౌలింగ్‌లోనే పంత్‌ గాయపడ్డాడు. వోక్స్‌ వేసిన బంతి పంత్‌ కుడికాలి పాదానికి బలంగా తాకడంతో ఉబ్బిపోయింది.బొటనవేలు ఫ్రాక్చర్‌ దీంతో నొప్పితో విలవిల్లాడుతూ మైదానం వీడిన పంత్‌ స్కానింగ్‌కు వెళ్లగా.. బొటనవేలు ఫ్రాక్చర్‌ అయినట్లు తేలింది. అయితే, సిరీస్‌ ఆశలు సజీవంగా ఉంచుకోవాలంటే రిటైర్డ్‌ హర్ట్‌గా వెనుదిరిగిన ఈ లెఫ్టాండ్‌ బ్యాటర్‌ మళ్లీ బరిలో దిగాల్సిన పరిస్థితి. జట్టు ప్రయోజనాలు, దేశం కోసం ఆడటమే పరమావధిగా భావించే పంత్‌.. కట్టుతోనే బ్యాట్‌తో బరిలోకి దిగి అర్ధ శతకం పూర్తి చేసుకున్నాడు.అనంతరం రెండో ఇ‍న్నింగ్స్‌లో పంత్‌ ఆడాల్సిన అవసరం రాకపోగా.. ఈ టెస్టు డ్రా అయింది. ఇక ఐదో టెస్టుకు పంత్‌ దూరమయ్యాడు. ఇదిలా ఉంటే.. ఆఖరిదైన ఐదో టెస్టులో విజయం ఇరుజట్ల మధ్య ఆఖరి రోజు వరకు దోబూచులాడింది. ఐదో రోజు ఇంగ్లండ్‌ విజయానికి 35 పరుగులు.. టీమిండియా నాలుగు వికెట్ల దూరంలో ఉన్న వేళ భారత పేసర్లు విజృంభించారు.అతడూ జట్టే ముఖ్యం అనుకున్నాడుఈ క్రమంలో తొమ్మిదో వికెట్‌ పడగానే క్రిస్‌ వోక్స్‌ బ్యాట్‌ పట్టుకుని మైదానంలోకి రావాల్సి వచ్చింది. అంతకుముందే ఫీల్డింగ్‌ చేస్తున్న సమయంలో కిందపడ్డగా.. అతడి భుజం విరిగింది. అయినప్పటికీ పంత్‌ మాదిరే అతడూ జట్టే తనకు ముఖ్యం అనుకున్నాడు.అయితే, వోక్స్‌కు ఇబ్బంది కలుగకుండా మరో ఎండ్‌లో ఉన్న గస్‌ అట్కిన్సన్‌ స్ట్రైక్‌రొటేట్‌ చేస్తూ తానే క్రీజులో ఉండేలా చూసుకున్నాడు. అయితే, మహ్మద్‌ సిరాజ్‌ అద్భుత బంతితో అట్కిన్సన్‌ను బౌల్డ్‌ చేయడంతో ఇంగ్లండ్‌ కథ ముగిసిపోయింది. విజయానికి ఆరు పరుగుల దూరంలో ఆతిథ్య జట్టు నిలిచిపోగా.. టీమిండియా జయభేరి మోగించి సిరీస్‌ను 2-2తో సమం చేసింది.సెల్యూట్‌ చేసిన రిషభ్‌ పంత్‌.. సారీ చెప్పిన ఇం‍గ్లండ్‌ ప్లేయర్‌ఈ నేపథ్యంలో రిషభ్‌ పంత్‌తో జరిగిన సంభాషణ గురించి క్రిస్‌ వోక్స్‌ తాజాగా వెల్లడించాడు. ‘‘నా ఫొటోను ఇన్‌స్టాగ్రామ్‌లో షేర్‌ చేస్తూ రిషభ్‌ సెల్యూట్‌ ఎమోజీతో అభినందించాడు. అందుకు నేను అతడికి కృతజ్ఞతలు చెప్పాను.నాపై ప్రేమ చూపినందుకు థాంక్యూ.. నీ పాదం నొప్పి ఎలా ఉంది అని అడిగాను. అప్పుడు నాకు రిషభ్‌ వాయిస్‌ నోట్‌ పంపించాడు. ‘మరేం పర్లేదు. త్వరగానే కోలుకుంటానని అనుకుంటున్నాను. తొందర్లోనే మనం మళ్లీ తిరిగి కలవాలని కోరుకుంటున్నా’ అన్నాడు.అయితే, తన పాదం విరగడానికి పరోక్ష కారణం నేనే కాబట్టి.. రిషభ్‌కు సారీ చెప్పకుండా ఉండలేకపోయాను’’ అని క్రిస్‌ వోక్స్‌ మైదానంలో ప్రత్యర్థులుగా ఉన్నా.. ఆటగాళ్లుగా తమ మధ్య ఉండే అనుబంధం గురించి తెలిపాడు.ఇక మ్యాచ్‌ ముగియగానే టీమిండియా కెప్టెన్‌ శుబ్‌మన్‌ గిల్‌ కూడా క్రిస్‌ వోక్స్‌ను ప్రత్యేకంగా అభినందించాడు. ఈ విషయం గురించి వోక్స్‌ ది గార్డియన్‌తో మాట్లాడుతూ.. ‘‘నువ్వు నిజంగా సాహసమే చేశావు’ అని గిల్‌ నాతో అన్నాడు.అందుకు బదులిస్తూ.. ‘మీరు అసాధారణ రీతిలో సిరీస్‌ పూర్తి చేసుకున్నారు. అద్భుతంగా ఆడారు. ఇందుకు మీ జట్టుకు క్రెడిట్‌ ఇవ్వాల్సిందే’ అని నేను అన్నాను’’ అని తెలిపాడు. చదవండి: ప్రతోడు సచిన్‌, కోహ్లి అవుతారా?.. వాళ్ల ఫోన్లు కూడా ఎత్తను: టీమిండియా పేసర్‌

టీమిండియా స్టార్‌ ఆటగాడు రిషబ్‌ పంత్‌ మైదానంలో ఎంత దూకుడుగా ఉంటాడో, మానవత్వం ప్రదర్శించడంలోనూ అంతే దూకుడుగా ఉంటాడు. ఇటీవల ఇంగ్లండ్‌ గడ్డపై పాదం ఫ్రాక్చర్‌ అయినా బరిలోకి దిగి యావత్‌ క్రికెట్‌ ప్రపంచంచే జేజేలు పలికించుకున్న పంత్‌.. తాజాగా ఓ చర్య ద్వారా గొప్ప మానవతావాది అని నిరూపించుకున్నాడు.కర్ణాటక రాష్ట్రం బాగల్‌కోట్ జిల్లాలోని రబ్కవి గ్రామానికి చెందిన జ్యోతి కనబుర్ మఠ్ అనే విద్యార్థిని చదువుకు ఆర్దిక సాయం చేసి తన గొప్ప మనసును చాటుకున్నాడు. జ్యోతి 12వ తరగతిలో 85 శాతం మార్కులు సాధించింది. BCA చదవాలన్న ఆశతో ఉన్న ఆమెకు రూ. 40,000 ఫీజు కట్టలేని పరిస్థితి ఏర్పడింది. తండ్రి టీ కొట్టు నడుపుతూ కుటుంబాన్ని పోషిస్తుంటాడు. ఈ విషయం సోషల్ మీడియా ద్వారా వెలుగులోకి రావడంతో, రిషబ్‌ పంత్‌ స్పందించి జులై 17న నేరుగా కాలేజీకి ఆన్‌లైన్ ద్వారా ఫీజు చెల్లించాడు. “నీ కలలు నిజమవ్వాలి” అంటూ ఆమెకు భరోసా ఇచ్చాడు.పంత్‌ చేసిన ఈ పనికి యావత్‌ మానవాళి జేజేలు కొడుతుంది. ఆటలో ధీరుడు, గుణంలో కర్ణుడు అంటూ ఆకాశానికెత్తుతుంది. రియల్‌ హీరో అంటూ కొనియాడుతుంది. వాస్తవానికి పంత్‌కు ఇలాంటి దానాలు కొత్త కాదు. గతంలో చాలా సందర్భాల్లో పేదలకు ఆర్దిక సాయం చేశాడు. రిషబ్‌ పంత్‌ ఫౌండేషన్‌ ద్వారా తనకు వచ్చే ఆదాయంలో 10 శాతం పేదలకు పంచి పెడుతున్నాడు. విద్య, ఆరోగ్యం, ఉపాధి రంగాల్లో అవసరమైన వారికి తగు సాయం చేస్తుంటాడు.గతంలో ఓ సందర్భంలో పంత్‌ మాట్లాడుతూ.. క్రికెట్ వల్ల నాకు లభించిన ప్రతిదానికి నేను కృతజ్ఞుడిని. ఇప్పుడు సమాజానికి తిరిగి ఇవ్వాలనుకుంటున్నానని అన్నాడు.తన ఆటతీరుతో విశ్వవ్యాప్తంగా ఉన్న క్రికెట్‌ అభిమానులను మెప్పించిన పంత్‌.. తన మానవతా గుణంతో దేశ ప్రజల మనసులు గెలుచుకుంటున్నాడు. సమాజానికి సేవ చేయాలనే తపనతో ఉన్న పంత్‌ చర్యలు ఎంతో మందికి స్ఫూర్తిదాయకంగా నిలుస్తున్నాయి. కాగా, తాజాగా ముగిసిన టెండూల్కర్‌-ఆండర్సన్‌ ట్రోఫీలో పంత్‌ ఆకాశమే హద్దుగా చెలరేగాడు. అయితే దురదృష్టవశాత్తు నాలుగో టెస్ట్‌ సందర్భంగా గాయపడి చివరి మ్యాచ్‌కు దూరమయ్యాడు. నాలుగో టెస్ట్‌లో పాదం ఫ్రాక్చర్‌ అయినా పంత్‌ బ్యాటింగ్‌కు దిగి అర్ద సెంచరీ పూర్తి చేసుకున్నాడు. ఈ సిరీస్‌లో పంత్‌ 7 ఇన్నింగ్స్‌ల్లో 2 సెంచరీలు, 3 హాఫ్‌ సెంచరీల సాయంతో 479 పరుగులు చేసి, ఆరో లీడింగ్‌ రన్‌ స్కోరర్‌గా నిలిచాడు. ఈ సిరీస్‌ను భారత్‌ 2-2తో సమం చేసుకుంది.

టీమిండియా పేస్‌దళ నాయకుడు జస్‌ప్రీత్‌ బుమ్రా (Jasprit Bumrah)ను ఉద్దేశించి భారత క్రికెట్‌ దిగ్గజం సునిల్‌ గావస్కర్‌ (Sunil Gavaskar) కీలక వ్యాఖ్యలు చేశాడు. దేశం కోసం ప్రాణాలర్పించే సైనికుల్లా.. ఆటగాళ్లు జట్టు కోసం ఎల్లప్పుడూ సిద్ధంగా ఉండాలన్నాడు. విపత్కర పరిస్థితుల్లో జవాన్లు దగ్గు, జ్వరం అని పక్కకు వెళ్లిపోరని.. ప్రాణాలుపణంగా పెట్టి పోరాడేందుకే సిద్ధపడతారని పేర్కొన్నాడు.అలాగే క్రికెటర్లు కూడా ‘పనిభారం’ అనే సాకును పక్కనపెట్టి అత్యుత్తమ ప్రదర్శన ఇవ్వాలని గావస్కర్‌ విజ్ఞప్తి చేశాడు. కాగా ఐదు టెస్టులు ఆడేందుకు భారత జట్టు ఇంగ్లండ్‌ (IND vs ENG Tests)లో పర్యటించిన విషయం తెలిసిందే. ఆండర్సన్‌- టెండుల్కర్‌ ట్రోఫీ పేరిట నిర్వహించిన ఈ సిరీస్‌ను టీమిండియా 2-2తో సమం చేసింది.మూడే టెస్టులు ఆడిన బుమ్రాఇక ఈ సిరీస్‌ ఆరంభానికి ముందే పనిభారం తగ్గించే క్రమంలో బుమ్రాను కేవలం మూడు టెస్టుల్లోనే ఆడిస్తామని టీమిండియా హెడ్‌కోచ్‌ గౌతం గంభీర్‌ కూడా స్పష్టం చేశాడు. అందుకు తగ్గట్లుగా లీడ్స్‌, లార్డ్స్‌, మాంచెస్టర్‌ టెస్టులు ఆడిన తర్వాత బుమ్రాను జట్టు నుంచి బోర్డు రిలీజ్‌ చేసింది. అయితే, బుమ్రా మోకాలి గాయంతో బాధపడుతున్న కారణంగానే ఈ నిర్ణయం తీసుకున్నట్లు వార్తలు వచ్చాయి.వారెవ్వా అనిపించిన సిరాజ్‌ మియామరోవైపు బుమ్రా గైర్హాజరీలో ఆకాశమే హద్దుగా చెలరేగిన హైదరాబాదీ స్టార్‌ మహ్మద్‌ సిరాజ్‌.. అలుపున్నదే లేక వెయ్యి బంతులకు పైగా బౌలింగ్‌ వేశాడు. విశ్రాంతి ఎరుగని పోరాట యోధుడిలా 185 ఓవర్లకు పైగా బౌలింగ్‌ చేసి.. ఏకంగా 23 వికెట్లు పడగొట్టి టాప్‌ వికెట్‌ టేకర్‌గా నిలిచాడు.పంత్‌ సైతంముఖ్యంగా ఆఖరిదైన ఐదో టెస్టులో నరాలు తెగే ఉత్కంఠ రేపిన పోరులో సిరాజ్‌ మియా.. ఏకంగా తొమ్మిది వికెట్లు కూల్చి భారత్‌కు విజయం అందించాడు. ఇదిలా ఉంటే.. రిషభ్‌ పంత్‌ సైతం బొటనవేలు ఫ్రాక్చర్‌ అయినా మాంచెస్టర్‌ టెస్టులో బ్యాటింగ్‌ చేసి హాఫ్‌ సెంచరీ సాధించాడు.జవాన్లు కూడా ఇలాగే చేస్తే మన పరిస్థితి ఏంటి?ఈ నేపథ్యంలో సిరాజ్‌, పంత్‌ల పేర్లు ప్రస్తావిస్తూ సునిల్‌ గావస్కర్‌.. పనిభారం పేరిట తప్పుకొనే ఆటగాళ్ల తీరును విమర్శించాడు. ‘‘సరిహద్దులో దేశం కోసం రక్షణగా నిలబడే సైనికుల్లాగే.. దేశానికి ప్రాతినిథ్యం వహించే ఆటగాళ్లు కూడా ఎల్లప్పుడూ తమ సేవలు అందించేందుకు సిద్ధంగా ఉండాలి.జవాన్లు కూడా మాకు జలుబు చేసింది.. దగ్గు, జ్వరం అని చెప్పి తప్పుకొంటే మన పరిస్థితి ఏంటి? వాళ్లు దేశం కోసం ‍ప్రాణాలే అర్పిస్తారు. ఆటగాళ్లు తమ ప్రాణం పణంగా పెట్టక్కర్లేదు గానీ.. అత్యుత్తమ ప్రదర్శన ఇచ్చేందుకు సిద్ధంగా ఉండాలి. ఆ నొప్పి, ఈ బాధా అంటూ పక్కకు తప్పుకోకూడదు.వారిద్దరిని చూసి నేర్చుకోండిరిషభ్‌ పంత్‌ ఏం చేశాడో చూశారు కదా?!.. ‍ఫ్రాక్చర్‌ అయినా జట్టు కోసం బ్యాట్‌తో బరిలోకి దిగాడు. మిగతా ఆటగాళ్ల నుంచి కూడా ఇలాంటి అంకితభావమే కావాలి. చిన్న చిన్న గాయాలను లెక్కచేయవద్దు.దేశం కోసం ఆడుతుంటే కోట్ల మంది ప్రజలు మిమ్మల్ని గొప్పగా చూస్తారు. ఇండియాకు ప్రాతినిథ్యం వహించడం ఆటగాళ్లుగా మనకు దక్కిన గొప్ప అదృష్టం. దీనిని తేలిక చేయకూడదు.ఐదు టెస్టుల్లోనూ మహ్మద్‌ సిరాజ్‌ అలుపున్నదే లేక తన అత్యుత్తమ ప్రదర్శన ఇచ్చాడు. దేశం కోసం ఆడటంలో ఉన్న సంతోషాన్ని మనకు చూపించాడు’’ అని గావస్కర్‌ ప్రశంసలు కురిపించాడు. వర్క్‌లోడ్‌ పేరిట ఆటగాళ్లకు విశ్రాంతిస్తూ పోతే.. బెస్ట్‌ ప్లేయర్‌ను బరిలోకి దించలేమంటూ టీమిండియా మేనేజ్‌మెంట్‌ను విమర్శించాడు.చదవండి: నేనే గనుక ఆ క్యాచ్‌ పట్టి ఉంటేనా: సిరాజ్‌ ఎమోషనల్‌.. గిల్‌ రియాక్షన్‌ వైరల్‌

ఆద్యంతం ఆసక్తికరంగా సాగిన భారత్‌- ఇంగ్లండ్‌ టెస్టు సిరీస్‌ (IND vs ENG Tests) అంతే రసవత్తరంగా ముగిసింది. చారిత్రక ఓవల్‌ మైదానంలో ఆఖరిదైన ఐదో టెస్టులో.. చివరి రోజు వరకు ఉత్కంఠ రేపిన మ్యాచ్‌లో భారత్‌ గెలుపొందింది. నువ్వా- నేనా అన్నట్లు హోరాహోరీగా సాగిన పోరులో ఆరు పరుగుల తేడాతో గెలిచిన టీమిండియా.. ఆండర్సన్‌- టెండుల్కర్‌ ట్రోఫీ (Anderson- Tendulkar Trophy)ని 2-2తో సమం చేసింది. ఈ నేపథ్యంలో ఇంగ్లండ్‌ కెప్టెన్‌ బెన్‌ స్టోక్స్‌ (Ben Stokes) ఐదో టెస్టులో తమ ఓటమిపై స్పందించాడు.ఓడినా.. ఆ విషయంలో సంతృప్తిగా ఉంది‘‘ఇంతటి కీలకమైన మ్యాచ్‌కు గాయం వల్ల దూరం కావడం కాస్త కఠినంగానే తోచింది. విజయం కోసం ఇరు జట్లూ మరోసారి తీవ్రంగా పోరాడాల్సి వచ్చింది. ఇక్కడ గెలవలేకపోవడం నిరాశ కలిగించినా మా జట్టు ప్రదర్శన పట్ల సంతృప్తిగా ఉన్నా.సిరీస్‌ మొత్తం చాలా గొప్పగా సాగింది. ప్రతీ ఒక్కరూ ఎన్నో సందర్భాల్లో తమ భావోద్వేగాలు ప్రదర్శించారు. ఆరంభంలోనే ఒక బౌలర్‌ తప్పుకొన్నా రెండో ఇన్నింగ్స్‌లో మిగతా వారు ఎంతో పోరాటపటిమ కనబర్చారు.ఇలా జరిగి ఉంటే బాగుండేదనే క్షణాలు గత ఐదు రోజుల్లో ఎన్నో వచ్చాయి. ఇవన్నీ ఆటను గొప్పగా మార్చాయి. అయితే మీ అత్యుత్తమ ప్రదర్శన ఇవ్వమని మాత్రమే మా ఆటగాళ్లకు చెప్పాం. ఆ విషయంలో సంతృప్తిగా ఉంది.నాలాగే గిల్‌ కూడా గర్వపడతాడుకానీ సిరీస్‌ గెలవలేకపోయామనే నిరాశ కూడా ఉంది. క్రిస్‌ వోక్స్‌ ఆఖరి రోజు బ్యాటింగ్‌ చేయడానికి ముందే సిద్ధమయ్యాడు. ఒంటిచేత్తో ఎలా బ్యాటింగ్‌ చేయాలో సన్నద్ధమయ్యాడు.విరిగిన వేళ్లు, ఫ్రాక్చర్‌ అయిన పాదాలతో ఆటగాళ్లు బరిలో దిగడం.. దేశానికి ప్రాతినిథ్యం వహించడం పట్ల వారికి ఉన్న నిబద్ధత, అంకితభావాన్ని తెలియజేస్తాయి. వోక్స్‌ విషయంలో నేను గర్వపడుతున్నాను. నాకు తెలిసి శుబ్‌మన్‌ గిల్‌ కూడా ఇలాగే గర్వపడుతూ ఉంటాడు’’ అని స్టోక్స్‌ పేర్కొన్నాడు.ఆటలో ఇవి సహజం.. అయితే వాటినే తలచుకుని..అదే విధంగా.. ఇరుజట్ల ఆటగాళ్ల మధ్య జరిగిన వాగ్యుద్ధాల గురించి మీడియా ప్రశ్నించగా.. ‘‘ఇండియా- ఇంగ్లండ్‌ సిరీస్‌ ఇరుజట్లకు ఎంతో కీలకమైనది. భావోద్వేగాలతో ముడిపడిన ఈ సిరీస్‌లో జరిగిన ఎలాంటి ఘటనలూ వ్యక్తిగతంగా ఆటగాళ్లపై ప్రభావం చూపవు.మైదానంలో జరిగిన వాటి గురించి ఆలోచిస్తూ ఎవరూ నిద్ర పాడుచేసుకోరు. ఇరుజట్ల ఆటగాళ్లు ఇలాగే ఆలోచిస్తారు. ఆటలో ఇవన్నీ భాగం’’ అని బెన్‌ స్టోక్స్‌ బదులిచ్చాడు.అపుడు పంత్‌.. ఇపుడు వోక్స్‌ఇదిలా ఉంటే.. ఐదో టెస్టులో ఫీల్డింగ్‌ చేస్తున్న సమయంలో ఇంగ్లండ్‌ పేసర్‌ క్రిస్‌ వోక్స్‌ భుజం విరిగింది. అయితే, ఐదో రోజు ఆటలో నిలవాలంటే అతడు బ్యాటింగ్‌కు దిగాల్సి రాగా.. ఒంటిచేత్తోనే ఆడేందుకు వోక్స్‌ మైదానంలో దిగాడు. అయితే, అతడు ఒక్క బంతి కూడా ఎదుర్కోవాల్సిన అవసరం రాలేదు. టీమిండియా పేసర్‌ మహ్మద్‌ సిరాజ​ గస్‌ అట్కిన్సన్‌ (17)ను బౌల్డ్‌ చేయడంతో ఇంగ్లండ్‌ ఇన్నింగ్స్‌కు తెరపడగా.. టీమిండియా విజయం ఖరారైంది.మరోవైపు.. మాంచెస్టర్‌లో జరిగిన నాలుగో టెస్టులో కుడికాలి బొటనవేలు ఫ్రాక్చర్‌ అయినా టీమిండియా స్టార్‌ రిషభ్‌ పంత్‌ బ్యాటింగ్‌కు తిరిగి వచ్చి.. అర్ధ శతకంతో మెరిసిన విషయం తెలిసిందే. ఇక ఈ సిరీస్‌లో అన్ని మ్యాచ్‌లు ఐదు రోజులపాటు సాగి టెస్టు క్రికెట్‌ ప్రేమికులకు అసలైన మజా అందించాయి.చదవండి: కన్నీటిపర్యంతమైన గంభీర్‌.... గూస్‌బంప్స్‌ తెప్పించేశారు భయ్యా! వీడియో వైరల్‌All heart. All hustle. All 𝘋𝘩𝘢𝘢𝘬𝘢𝘥 💪A fightback that will go down in Indian cricket history ✨#SonySportsNetwork #ENGvIND #NayaIndia #DhaakadIndia #TeamIndia #ExtraaaInnings pic.twitter.com/bvXrmN5WAL— Sony Sports Network (@SonySportsNetwk) August 4, 2025

క్రికెట్‌ చరిత్రలో అత్యుత్తమ టెస్ట్‌ మ్యాచ్‌లలో ఇది ఒకటి. ఓవల్‌ వేదికగా జరిగిన హోరాహోరీ సమరంలో ఇంగ్లండ్‌పై భారత్‌ 6 పరుగుల స్వల్ప తేడాతో గెలుపొందింది. ఈ మ్యాచ్‌ క్రికెట్‌ ప్రపంచం మొత్తాన్ని మునివేళ్లపై నిలబెట్టింది. ఆట చివరి రోజు భారత బౌలర్లు ధీరత్వాన్ని ప్రదర్శించి 35 పరుగుల స్వల్ప లక్ష్నాన్ని విజయవంతంగా కాపాడుకున్నారు. ఇంగ్లండ్‌ చేతిలో 4 వికెట్లుండగా.. సిరాజ్‌ 3 వికెట్లు తీసి ప్రత్యర్థి నోటి కాడి గెలుపును లాగేసుకున్నాడు. ప్రసిద్ద్‌ కృష్ణ తన వంతుగా ఓ వికెట్‌ తీశాడు.374 పరుగుల భారీ లక్ష్య ఛేదనలో ఇంగ్లండ్‌ ఓ దశలో పటిష్టమైన స్థితిలో (301/3) ఉన్నప్పటికీ.. భారత బౌలర్లు మ్యాచ్‌పై ఆశలు వదులుకోకుండా వీరోచితంగా పోరాడారు. ముఖ్యంగా సిరాజ్‌ ఓటమిని ఒప్పుకునే ప్రసక్తే లేదన్నట్లు ముందుకు సాగాడు. ఈ గెలుపులో సిరాజ్‌ది ప్రధానపాత్ర. ఈ హైదరాబాదీ పేసర్‌ అసలుసిసలైన పోరాట యోధుడిలా పోరాడి భారత్‌కు చిరస్మరణీయ విజయాన్నందించాడు. రెండో ఇన్నింగ్స్‌లో ఐదు వికెట్లు సహా, మ్యాచ్‌ మొత్తంలో తొమ్మిది వికెట్లు తీసి ప్లేయర్‌ ఆఫ్‌ ద మ్యాచ్‌గా నిలిచాడు.కాగా, ఈ గెలుపు అనంతరం గాయపడిన టీమిండియా హీరో రిషబ్‌ పంత్‌ స్పందించాడు. ఇన్‌స్టా వేదికగా భావోద్వేగమైన పోస్ట్‌ పెట్టాడు. ఈ సిరీస్‌లో నాలుగో టెస్ట్‌ సందర్భంగా గాయపడి, ఐదో టెస్ట్‌కు దూరంగా ఉన్న పంత్‌.. టీమిండియా సాధించిన విజయాన్ని పొగడ్తలతో ముంచెత్తాడు. సహచరులను కొనియాడాడు. తన జట్టు పట్ల గర్వంగా ఉన్నానని అన్నాడు. దేశమే సర్వస్వమని తెలిపాడు. దేశానికి ప్రాతినిథ్యం వహించేప్పుడు సర్వ శక్తులు ఒడ్డి పోరాడతామని అన్నాడు. దేనికి వెనుకాడేది లేదని ‍స్పష్టం చేశాడు.పంత్‌ మాటల్లో.. ఈ ఇంగ్లండ్‌ పర్యటన మా నుంచి చాలా అడిగింది. అంతకుమించి తిరిగి ఇచ్చింది. ఈ జట్టు పట్ల చాలా గర్వంగా ఉంది. యువ ఆటగాళ్లు పరిస్థితులకు తగ్గట్టుగా పోరాడిన తీరు అమోఘంగా ఉంది. దేశానికి ప్రాతినిథ్యం వహించడం మాకు సర్వస్వం. ఇది మాలోని ప్రతి విషయాన్ని వెలికి తీస్తుంది. దీనికి మేము గర్వపడుతున్నాము.మా అద్భుతమైన సహాయక సిబ్బందికి, సిరీస్‌ ఆధ్యాంతం మాకు అండగా నిలబడిన అభిమానులకు ధన్యవాదాలు. ఈ జట్టు ఆకలితో ఉంది. ఐక్యంగా ఉంది. సీనియర్ల రిటైర్మెంట్‌ తర్వాత భారత క్రికెట్‌ను విజయవంతంగా ముందుకు తీసుకెళ్తుంది.కాగా, ఈ సిరీస్‌లో రిషబ్‌ పంత్‌ టీమిండియాకు వైస్‌ కెప్టెన్‌గా వ్యవహరించిన విషయం తెలిసిందే. ఈ సిరీస్‌లో అతను అరివీర భయంకరమైన ఫామ్‌లో ఉండగా గాయపడ్డాడు. 7 ఇన్నింగ్స్‌ల్లో 2 సెంచరీలు, 3 హాఫ్‌ సెంచరీల సాయంతో 479 పరుగులు చేశాడు. నాలుగో టెస్ట్‌లో క్రిస్‌ వోక్స్‌ బౌలింగ్‌లో రివర్స్‌ స్వీప్‌ చేయబోగా పంత్‌ పాదం​ ఫ్రాక్చర్‌కు గురైంది. పాదం ఫ్రాక్చర్‌ అయినా పంత్‌ ఆ మ్యాచ్‌లో బ్యాటింగ్‌కు దిగి దేశానికి ఆడటమంటే తనకేంటో ప్రపంచం మొత్తానికి నిరూపించాడు. ఆ ఇన్నింగ్స్‌లో పంత్‌ కుంటుతూనే హాఫ్‌ సెంచరీ చేయడం విశేషం. ఓవల్‌ టెస్ట్‌లో విజయంతో భారత్‌ ఐదు మ్యాచ్‌ల టెస్ట్‌ సిరీస్‌ను 2-2తో సమం చేసుకుంది.

ఇంగ్లండ్‌తో ఐదో టెస్టు సందర్భంగా టీమిండియా (IND vs ENG 5th Test) సరికొత్త చరిత్ర లిఖించింది. ఒక టెస్టు సిరీస్‌లో అత్యధిక శతకాలు బాదిన జట్ల జాబితాలో చేరింది. తద్వారా ఆస్ట్రేలియా, పాకిస్తాన్‌, సౌతాఫ్రికా జట్ల సరసన నిలిచి ప్రపంచ రికార్డు సమం చేసింది. అయితే, విదేశీ గడ్డ మీద ఈ ఘనత సాధించిన రెండో టీమ్‌గా మరో అరుదైన ఫీట్‌ నమోదు చేసింది.కాగా టీమిండియా ప్రస్తుతం ఇంగ్లండ్‌ పర్యటనలో ఉన్న విషయం తెలిసిందే. ఆండర్సన్‌- టెండుల్కర్‌ ట్రోఫీ (Anderson- Tendulkar Trophy)లో భాగంగా ఆతిథ్య జట్టుతో ఐదు టెస్టులు ఆడుతోంది. ఇందులో ఇప్పటికే నాలుగు పూర్తి కాగా.. ఇంగ్లండ్‌ 2-1తో ఆధిక్యంలో ఉంది. ఓవల్‌ వేదికగా ఆఖరిదైన ఐదో టెస్టు గెలిస్తేనే టీమిండియా సిరీస్‌ను 2-2తో సమం చేయగలదు.జైసూ సెంచరీఇక ఈ మ్యాచ్‌లో శనివారం నాటి మూడో రోజు ఆటలో భాగంగా టీమిండియా ఓపెనర్‌ యశస్వి జైస్వాల్‌ (Yashasvi Jaiswal) సెంచరీ సాధించాడు. 127 బంతుల్లో శతక మార్కును అందుకున్నాడు. మొత్తంగా 164 బంతులు ఎదుర్కొని 118 పరుగులు సాధించి నిష్క్రమించాడు. కాగా అతడి టెస్టు కెరీర్‌లో ఇది ఆరో సెంచరీ.. ఈ సిరీస్‌లో రెండోది.12 సెంచరీలు అదే విధంగా.. జైసూ శతకంతో ఈ సిరీస్‌లో టీమిండియా తరఫున ఇప్పటికి 12 సెంచరీలు నమోదయ్యాయి. ఇప్పటి వరకు మూడు జట్లకు మాత్రమే ఈ ఘనత సాధ్యంకాగా.. తాజాగా టీమిండియా కూడా చరిత్ర పుటల్లోకెక్కింది. ఇదిలా ఉంటే.. 75/2 ఓవర్‌నైట్‌ స్కోరుతో శనివారం నాటి మూడో రోజు ఆట మొదలుపెట్టిన టీమిండియా.. టీ బ్రేక్‌ సమయానికి ఆరు వికెట్ల నష్టానికి 304 పరుగులు చేసింది. ధ్రువ్‌ జురెల్‌ 25, రవీంద్ర జడేజా 26 పరుగులతో క్రీజులో ఉన్నారు. జైస్వాల్‌ శతకం (118), ఆకాశ్‌ దీప్‌ అర్ధ శతకం (66)తో అదరగొట్టారు. ఇంగ్లండ్‌తో ఐదు టెస్టుల సిరీస్‌-2025లో ఇప్పటి వరకు శతకాలు బాదింది వీరేయశస్వి జైస్వాల్‌- 2 సెంచరీలు (హెడింగ్లీ- లీడ్స్‌, ది ఓవల్‌- లండన్‌)శుబ్‌మన్‌ గిల్‌- 4 సెంచరీలు (హెడింగ్లీ- లీడ్స్‌, ఎడ్జ్‌బాస్టన్‌- బర్మింగ్‌హామ్‌, ఓల్డ్‌ ట్రఫోర్డ్‌- మాంచెస్టర్‌ )రిషభ్‌ పంత్‌- 2 సెంచరీలు (హెడింగ్లీ- లీడ్స్‌)కేఎల్‌ రాహుల్‌- 2 సెంచరీలు (హెడింగ్లీ- లీడ్స్‌, లార్డ్స్‌- లండన్‌)రవీంద్ర జడేజా- 1 సెంచరీలు (ఓల్డ్‌ ట్రఫోర్డ్‌- మాంచెస్టర్‌)వాషింగ్టన్‌ సుందర్‌- 1 సెంచరీలు (ఓల్డ్‌ ట్రఫోర్డ్‌- మాంచెస్టర్‌)ఒక టెస్టు సిరీస్‌లో అత్యధిక సెంచరీలు సాధించిన జట్లుఆస్ట్రేలియా- 1955లో వెస్టిండీస్‌ వేదికగా ఆతిథ్య జట్టు మీద- ఐదు టెస్టుల్లో- 12 సెంచరీలుపాకిస్తాన్‌- 1982/83లో సొంతగడ్డపై టీమిండియా మీద ఆరు టెస్టుల్లో- 12 సెంచరీలుసౌతాఫ్రికా- 2003/04లో సొంతగడ్డపై వెస్టిండీస్‌ మీద నాలుగు టెస్టుల్లో- 12 సెంచరీలుటీమిండియా- 2025లో ఇంగ్లండ్‌ వేదికగా ఆతిథ్య జట్టు మీద- 12 సెంచరీలుచదవండి: IND vs ENG: నేనైతే ఆకాశ్‌కు ఒక్కటి ఇచ్చేవాడిని: రిక్కీ పాంటింగ్‌ 𝘾𝙚𝙣𝙩𝙪𝙧𝙮 𝙖𝙜𝙖𝙞𝙣𝙨𝙩 𝙖𝙡𝙡 𝙤𝙙𝙙𝙨 🥶🗣 #YashasviJaiswal completes a dramatic knock to bring up his 6th International Test century in style! 🔥#ENGvIND 👉 5th TEST, DAY 3 | LIVE NOW on JioHotstar 👉 https://t.co/3V6YCy3sHy pic.twitter.com/ezdwfz3oYi— Star Sports (@StarSportsIndia) August 2, 2025

టీమిండియా కెప్టెన్‌ శుబ్‌మన్‌ గిల్‌ (Shubman Gill)కు హెడ్‌కోచ్‌ గౌతం గంభీర్‌ మద్దతుగా నిలిచాడు. గతంలో గిల్‌పై విమర్శలు చేసినవారిని గంభీర్‌ తప్పు పట్టాడు. ‘గిల్‌ ప్రతిభ విషయంలో ఎప్పుడూ ఎలాంటి సందేహాలు లేవు. అతడిని విమర్శిస్తున్నవారికి క్రికెట్‌ గురించే తెలియకపోవచ్చు. అతడి ప్రదర్శన మాకు ఎవరికీ ఆశ్చర్యం కలిగించలేదు. అతడిపై కెప్టెన్సీ ఒత్తిడి కూడా లేదని తేలిపోయింది’ అని గంభీర్‌ వ్యాఖ్యానించాడు.కాగా టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)లో భాగంగా మాంచెస్టర్‌లో ఇంగ్లండ్‌తో జరిగిన నాలుగో టెస్టును భారత్‌ డ్రా చేసుకున్న విషయం తెలిసిందే. ఓపెనర్‌ కేఎల్‌ రాహుల్‌, కెప్టెన్‌ గిల్‌, ఆల్‌రౌండర్లు రవీంద్ర జడేజా, వాషింగ్టన్‌ సుందర్‌ పోరాట పటిమ కారణంగా ఇది సాధ్యమైంది. మేము ఇంకా 1–2తో వెనుకబడే ఉన్నాంఈ నేపథ్యంలో గంభీర్‌ మాట్లాడుతూ.. ‘భారత బ్యాటర్లు కనబర్చిన పోరాటపటిమను కెప్టెన్‌ గిల్‌ ప్రత్యేకంగా మెచ్చుకున్నాడు. అయితే ఈ డ్రాతో ఏదో సాధించామని భావించడం లేదని, తర్వాతి పోరులో గెలిచేందుకు ప్రయత్నిస్తామని అతను అన్నాడు.‘నేను ‘డ్రా’ కంటే మ్యాచ్‌లో ఫలితం రావడాన్నే ఇష్టపడతా. మేం ఇంకా 1–2తో వెనుకబడి ఉన్నామనే విషయం మర్చిపోలేదు. దీనిని 2–2గా మార్చడం అవసరం. మా ఆటగాళ్లకు తగినంత అనుభవం లేకపోయినా ప్రస్తుతం ఇది మా ఉత్తమ జట్టు. వీరంతా ఎవరో ఒకరిని అనుకరించడం కాకుండా తామే కొత్త చరిత్ర సృష్టించాలనే లక్ష్యంగా పెట్టుకున్నారు’ అని పేర్కొన్నాడు. మరో వైపు.. ఓవల్‌ మైదానంలో జరిగే చివరి టెస్టులో శార్దుల్ ఠాకూర్‌, అన్షుల్‌ కంబోజ్‌ స్థానాల్లో కుల్దీప్‌ యాదవ్, ఆకాశ్‌దీప్‌ వచ్చే అవకాశాలున్నాయి.పంత్‌పై ప్రశంసలుగాయం తాలుకు నొప్పి వేధిస్తున్నా మాంచెస్టర్‌ టెస్టులో బ్యాటింగ్‌కు దిగిన వికెట్‌ కీపర్‌ బ్యాటర్‌ రిషభ్‌ పంత్‌పై గంభీర్‌ ప్రశంసలు కురిపించాడు. ‘‘అతడు సిరీస్‌లో మిగిలిని ఆఖరి మ్యాచ్‌కు దూరమయ్యాడని అందరికీ తెలుసు.అయితే, జట్టు నిర్మాణంలో పంత్‌ వంటి పట్టుదల కలిగిన ఆటగాళ్ల పాత్ర ఎంతో కీలకమైనది. దేశం కోసం, జట్టు కోసం రిషభ్‌ ఏం చేశాడో అందరమూ చూశాం కదా! అతడిని ఎంత పొగిడినా తక్కువే. వేలు విరిగినా అతడు బ్యాటింగ్‌ చేశాడు.పంత్‌లా అందరికీ ఇలాంటివి సాధ్యం కావు. జట్టు క్లిష్ట పరిస్థితుల్లో ఉన్నవేళ నేనున్నానంటూ తను ముందుకు వచ్చాడు. టెస్టు జట్టులో పంత్‌ అత్యంత ముఖ్యమైన సభ్యుడు. అతడు త్వరలోనే కోలుకుని మళ్లీ మైదానంలో అడుగుపెట్టాలని కోరుకుంటున్నా’’ అని గంభీర్‌ పేర్కొన్నాడు.చదవండి: ఖలీల్‌ అహ్మద్‌ కీలక నిర్ణయం

టీమిండియా క్రికెటర్‌ రిషభ్‌ పంత్‌ (Rishabh Pant) తన గాయంపై అప్‌డేట్‌ అందించాడు. ప్రస్తుతం తాను కోలుకుంటున్నానని.. తిరిగి మైదానంలో అడుగుపెట్టేందుకు ఆసక్తిగా ఎదురుచూస్తున్నానని పేర్కొన్నాడు. ఈ సందర్భంగా.. తన కాలి గాయం తాలూకు ఫొటోలు షేర్‌ చేసిన పంత్‌.. కష్టకాలంలో తనకు మద్దతుగా నిలిచిన అభిమానులకు కృతజ్ఞతలు తెలిపాడు.2022లో జరిగిన కారు ప్రమాదంలో అదృష్టవశాత్తూ.. ప్రాణాపాయం నుంచి బయటపడిన పంత్‌ దాదాపు ఏడాది పాటు ఆటకు దూరమయ్యాడు. గతేడాది ఐపీఎల్‌తో రీఎంట్రీ ఇచ్చిన ఈ వికెట్‌ కీపర్‌ బ్యాటర్‌.. టీమిండియా తరఫున పునరాగమనంలోనూ అదరగొడుతున్నాడు.479 పరుగులుతాజాగా ఇంగ్లండ్‌తో టెండుల్కర్‌- ఆండర్సన్‌ ట్రోఫీ (Tendulkar- Anderson Trophy) టెస్టు సిరీస్‌లోనూ పంత్‌ సత్తా చాటాడు. నాలుగు టెస్టుల్లో కలిపి 479 పరుగులు సాధించాడు. లీడ్స్‌లో జరిగిన తొలి టెస్టులో రెండు ఇన్నింగ్స్‌లోనూ శతకాలు (134, 118)బాదిన ఈ ఎడమచేతి వాటం బ్యాటర్‌.. ఎడ్జ్‌బాస్టన్‌ టెస్టులో రెండో ఇన్నింగ్స్‌లో అర్ధ శతకం (65)తో సత్తా చాటాడు.బొటనవేలు ఫ్రాక్చర్‌ఇక లార్డ్స్‌ మైదానంలోనూ హాఫ్‌ సెంచరీ(74) బాదిన పంత్‌.. మాంచెస్టర్‌ టెస్టు సందర్భంగా గాయపడినప్పటికీ వీరోచిత అర్ధ శతకం (54)తో మెరిశాడు. క్రిస్‌ వోక్స్‌ బౌలింగ్‌లో రివర్స్‌ స్వీప్‌ షాట్‌ ఆడబోయిన పంత్‌.. కుడికాలి బొటనవేలికి బంతి బలంగా తాకింది. దీంతో కాలు ఉబ్బిపోవడంతో పాటు.. బొటనవేలు ఫ్రాక్చర్‌ అయింది.ఈ క్రమంలో 37 పరుగుల వ్యక్తిగత స్కోరు వద్ద రిటైర్డ్‌ హర్ట్‌గా వెనుదిరిగిన పంత్‌.. జట్టు అవసరాల దృష్ట్యా తిరిగి బ్యాటింగ్‌ దిగాడు. మరో 17 పరుగులు చేసి పెవిలియన్‌ చేరాడు. పంత్‌ పోరాట పటిమ కారణంగానే తొలి ఇన్నింగ్స్‌లో 358 పరుగులు చేయగలిగింది టీమిండియా.అనంతరం ఇంగ్లండ్‌ మొదటి ఇన్నింగ్స్‌లో 669 పరుగులు చేసి సవాలు విసరగా.. భారత్‌ ఐదో రోజు ఆఖరి సెషన్‌ వరకు అద్భుతంగా పోరాడి.. మ్యాచ్‌ను డ్రా చేసుకుంది. ఇక వేలి నొప్పి కారణంగా పంత్‌ ఐదో టెస్టుకు దూరమయ్యాడు. అతడి స్థానంలో నారాయణన్‌ జగదీశన్‌కు బీసీసీఐ పిలుపునిచ్చింది.ఉత్తమమైన, గర్వకారణమైన క్షణం అదేఇదిలా ఉంటే.. తన గాయం గురించి స్పందిస్తూ.. ‘‘నేను త్వరగా కోలుకోవాలంటూ నా శ్రేయోలాభిలాషుల నుంచి శుభాకాంక్షలు వెల్లువెత్తాయి. నిజానికి నేను దృఢంగా ఉండటానికి మీ ప్రేమాభిమానాలే కారణం.గాయం పూర్తిగా నయమైన తర్వాత నేను రిహాబిలిటేషన్‌ మొదలుపెడతాను. తిరిగి మైదానంలో అడుగుపెట్టే ప్రక్రియ ప్రారంభిస్తాను. ఓపికగా ఎదురుచూస్తూ.. నా అత్యుత్తమ ప్రదర్శన ఇచ్చేందుకు సిద్ధమవుతాను.దేశం కోసం ఆడటమే నా జీవితంలోని అత్యంత ఉత్తమమైన, గర్వకారణమైన క్షణం. త్వరలోనే మళ్లీ మైదానంలో దిగాలని ఎంతో ఆసక్తిగా ఎదురుచూస్తున్నా’’ అని పంత్‌ సోషల్‌ మీడియా వేదికగా పేర్కొన్నాడు. ఈ మేరకు అతడు చేసిన ట్వీట్‌ వైరల్‌గా మారింది.కాగా టెండుల్కర్‌- ఆండర్సన్‌ ట్రోఫీలో గిల్‌ సేన 1-2తో వెనుకబడి ఉంది. లండన్‌లోని ఓవల్‌ మైదానంలో చివరిదైన ఐదో టెస్టు గెలిస్తేనే టీమిండియా 2-2తో సిరీస్‌ సమం చేయగలుగుతుంది.చదవండి: IND vs ENG: ‘రెండు కుక్కలు తెచ్చి.. ఆ పేర్లు పెడతాడు’ 🙌#RP17 pic.twitter.com/LlAZ7lJKDm— Rishabh Pant (@RishabhPant17) July 28, 2025

లండన్‌లోని ఓవల్‌ వేదికగా ఇంగ్లండ్‌ జరగనున్న ఐదో టెస్టుకు ముందు టీమిండియాకు భారీ షాక్‌ తగిలింది. నాలుగో టెస్టులో గాయపడిన స్టార్‌ వికెట్‌ కీపర్‌ బ్యాటర్‌ రిషబ్‌ పంత్‌ ఓవల్‌ టెస్టుకు దూరమయ్యాడు. మాంచెస్టర్‌లో టెస్టులో బంతి బలంగా తాకడంతో కుడి కాలి బొటనవేలి ఫ్రాక్చర్‌ అయింది. ఈ క్రమంలోనే తిరిగి స్వదేశానికి పయనమయ్యాడు. ఈ విషయాన్ని బీసీసీఐ ధ్రువీకరించింది."మాంచెస్టర్‌లో ఇంగ్లండ్‌తో జరిగిన నాల్గవ టెస్ట్ సందర్భంగా పంత్‌ కుడి పాదానికి ఫ్రాక్చర్ అయింది. దీంతో ఈ సిరీస్‌లోని ఆఖరి టెస్టుకు అతడు దూరమయ్యాడు. అతడు బీసీసీఐ వైద్య బృందం పర్యవేక్షణలో ఉండనున్నాడు. త్వరగా కోలుకుని తిరిగి మైదానంలో అడుగుపెట్టాలని" ఆశిస్తున్నామని బీసీసీఐ ఓ ప్రకటనలో పేర్కొంది.కాగా ఇది నిజంగా భారత్‌కు గట్టి ఎదురు దెబ్బ అనే చెప్పుకోవాలి. రిషబ్‌ ప్రస్తుతం అద్భుతమైన ఫామ్‌లో ఉన్నాడు. ఈ సిరీస్‌లో 4 మ్యాచ్‌లు ఆడి 479 పరుగులు చేశాడు. ఇక అతడి స్ధానాన్ని వికెట్‌ కీపర్‌ బ్యాటర్‌ నారాయణ్ జగదీశన్‌తో సెలక్టర్లతో భర్తీ చేశారు.జట్టులో పంత్‌కు ప్రత్యామ్నాయంగా ధ్రువ్‌ జురెల్‌ ఉన్నప్పటికి, బ్యాకప్‌ వికెట్‌ కీపర్‌గా జగదీశన్‌ను తీసుకున్నారు. జగదీశన్‌ ఇప్పటికే లండన్‌కు చేరుకున్నాడు. ఈ క్రమంలో ఎవరీ జగదీశన్‌ అని నెటిజన్లు తెగ వెతికేస్తున్నారు.ఎవరీ జగదీశన్‌..?తమిళనాడుకు చెందిన టాలెంటడ్‌ వికెట్‌ కీపర్‌ బ్యాటర్‌ జగదీశన్‌.. దేశవాళీ క్రికెట్‌లో తనకంటూ తనకంటూ ఒక ప్రత్యేక గుర్తింపును సంపాదించుకున్నాడు. ఫస్ట్‌ క్లాస్‌ క్రికెట్‌లో జగదీశన్‌కు అద్బుతమైన రికార్డు ఉంది. ఇప్పటివరకు 52 ఫస్ట్‌ క్లాస్‌ మ్యాచ్‌లు ఆడిన నారాయణ్‌.. 47.50 సగటుతో 3,373 పరుగులు. అందులో 10 సెంచరీలు, 14 హాఫ్‌ సెంచరీలు ఉన్నాయి. గత రంజీ ట్రోఫీ సీజన్‌లో జగదీశన్ తమిళనాడు తరపున అత్యధిక పరుగులు చేసిన ఆటగాడిగా నిలిచాడు. ఎనిమిది మ్యాచ్‌లలో 56.16 సగటుతో 674 పరుగులు చేశాడు. ఇందులో రెండు సెంచరీలు, ఐదు అర్ధ సెంచరీలు ఉన్నాయి. లిస్ట్‌-ఎ క్రికెట్‌, టీ20ల్లో కూడా అతడు అదరగొడుతున్నాడు. లిస్ట్‌-ఏ క్రికెట్‌లో అత్యధిక వ్యక్తిగత స్కోర్‌ (277).. వరుసగా ఐదు ఇన్నింగ్స్‌లతో సెంచరీలు చేసిన వరల్డ్‌ రికార్డు అతడి పేరిట ఉన్నాయి.చదవండి: మీ వాళ్లైతే ఇలాగే చేస్తావా?.. స్టోక్స్‌పై మండిపడ్డ గంభీర్‌

మాంచెస్ట‌ర్ వేదిక‌గా భార‌త్- ఇంగ్లండ్ మ‌ధ్య జ‌రుగుతున్న నాలుగో టెస్టు తుది అంకానికి చేరుకుంది. ఈ మ్యాచ్‌లో ఓట‌మి నుంచి త‌ప్పించుకుని, సిరీస్ ఆశ‌ల‌ను స‌జీవంగా ఉంచుకోవ‌డానికి టీమిండియా పోరాడుతోంది.311 పరుగుల లోటుతో రెండో ఇన్నింగ్స్‌ను మొద‌లు పెట్టిన భార‌త జ‌ట్టుకు ఆరంభంలోనే గ‌ట్టి ఎదురుదెబ్బ త‌గిలింది. వోక్స్‌ వేసిన తొలి ఓవర్లో స్కోరు బోర్డుపై ‘సున్నా’ పరుగులు ఉండగానే యశస్వి జైస్వాల్(0), సాయి సుదర్శన్‌(0) వికెట్ల‌ను భార‌త్ కోల్పోయింది.ఈ స‌మ‌యంలో కేఎల్ రాహుల్(210 బంతుల్లో 8 ఫోర్లతో 87 నాటౌట్), శుభ్‌మన్ గిల్(167 బంతుల్లో 10 ఫోర్లతో 78 నాటౌట్) ఇంగ్లండ్ బౌల‌ర్ల‌ను స‌మ‌ర్ధ‌వంతంగా ఎదుర్కొన్నారు. దీంతో నాలుగో రోజు ఆట ముగిసే స‌మ‌యానికి భార‌త్ రెండు వికెట్ల న‌ష్టానికి 174 ప‌రుగులు చేసింది. ఇంగ్లండ్ స్కోర్‌కు భార‌త్ ఇంకా 137 పరుగుల వెనుకంజలో ఉంది. ఈ మ్యాచ్‌లో ఇంగ్లండ్ విజయం సాధించాలంటే 8 వికెట్లు కావాలి. మాంచెస్ట‌ర్ టెస్టును భార‌త్‌ డ్రా ము గించాలంటే ఆఖ‌రి రోజు ఆట‌లో క‌నీసం రెండు సెష‌న్ల పాటు వికెట్లు కోల్పోకుండా ఆడాలి. ఈ క్ర‌మంలో భార‌త జ‌ట్టుకు ఓ గుడ్‌న్యూస్ అందింది. కాలి పాదం ఎముక విరిగిన గాయంతో బాధ‌ప‌డుతున్న స్టార్ వికెట్ కీప‌ర్ బ్యాట‌ర్ రిష‌బ్ పంత్‌.. ఐదో రోజు ఆట‌లో బ్యాటింగ్‌కు రానున్నాడు. ఈ విష‌యాన్ని టీమిండియా బ్యాటింగ్ కోచ్ సితాన్షు కోటక్ ధ్రువీక‌రించాడు. ఆఖ‌రి రోజు ఆటలో బ్యాటింగ్ చేసేందుకు పంత్ సిద్దంగా ఉన్నాడ‌ని కోట‌క్ నాలుగో రోజు అనంత‌రం కోట‌క్ పేర్కొన్నాడు.ఆరు వారాల విశ్రాంతి?కాగా మొద‌టి రోజు ఆట సంద‌ర్భంగా పంత్‌కు గాయ‌మైంది. క్రిస్ వోక్స్ బౌలింగ్‌లో రివ‌ర్స్ స్వీప్ ఆడేందుకు ప్ర‌య‌త్నించ‌గా బంతి.. బ్యాట్‌కు త‌గులుతూ అత‌డి కుడి కాలి పాదానికి తాకింది. దీంతో అత‌డు మైదానం నుంచి బ‌య‌ట‌కు వెళ్లిపోయాడు.ఆ త‌ర్వాత అత‌డికి స్కానింగ్ త‌ర‌లించ‌గా మెటాటార్సల్ ఫ్రాక్చర్(పాదంలోని ఎముక విర‌గ‌డం) ఉన్న‌ట్లు వైద్యులు నిర్ధారించారు. అత‌డికి ఆరు వారాల విశ్రాంతి అవ‌స‌ర‌మ‌ని వైద్యులు సూచించిన‌ట్లు ప‌లు రిపోర్ట్‌లు పేర్కొన్నాయి.కానీ రిష‌బ్ మాత్రం గాయంతో బాధ‌ప‌డుతూనే రెండో రోజు బ్యాటింగ్‌కు వ‌చ్చి హాఫ్ సెంచ‌రీ బాదాడు. ఇప్పుడు కూడా ఆఖ‌రి రోజు ఆట భార‌త్‌కు కీల‌కం కావ‌డంతో ఈ పోరాట యోధుడు మ‌రోసారి నొప్పిని భరిస్తూనే బ్యాటింగ్ చేయ‌నున్నాడు.చదవండి: IND vs ENG: ఇంగ్లండ్‌కు టీమిండియా స‌వాల్‌ విసురుతుందా? ఆఖరి రోజు ఎవరిది?

ఇది టీ20ల జమానా.. కో...డితే బంతి బౌండరీ దాటాల్సిందే.. పొట్టి ఫార్మాట్లో ఫోర్లు, సిక్సర్లు సులువుగానే కొట్టేయవచ్చు. కానీ టెస్టుల్లో సిక్స్‌ బాదడం అరుదుగా కనిపిస్తూ ఉంటుంది. సంప్రదాయ ఫార్మాట్లో ఆచితూచి ఆడకపోతే భారీ మూల్యమే చెల్లించాల్సి వస్తుంది.మంచి నైపుణ్యం ఉన్న ఆటగాళ్లు కూడా మాత్రమే సరిగ్గా షాట్‌ను కనెక్ట్‌ చేసి టెస్టుల్లో సిక్స్‌లు బాదగలరు. అప్పట్లో ఆడం గిల్‌క్రిస్ట్‌, వీరేందర్‌ సెహ్వాగ్‌, బ్రెండన్‌ మెకల్లమ్‌, క్రిస్‌ గేల్‌ (Chris Gayle) అలవోకగా సిక్సర్లు కొడితే.. తర్వాత రోహిత్‌ శర్మ (Rohit Sharma), మహేంద్ర సింగ్‌ ధోని (MS Dhoni) కూడా తమదైన షాట్లతో అలరించారు.కాలానికి అనుగుణంగా పిచ్‌లు ఫ్లాట్‌గా మారుతున్న వేళ ప్రస్తుతం డిఫెన్స్‌ షాట్లకు బదులు దూకుడుగా బౌలర్లపై విరుచుకుపడే బ్యాటర్ల సంఖ్య పెరుగుతోంది. టెస్టు క్రికెట్‌లో ప్రస్తుతం టీమిండియా యువ తరంగాలు రిషభ్‌ పంత్‌, యశస్వి జైస్వాల్‌ విధ్వంసకర షాట్లతో వీరూ, రోహిత్‌, ధోనిల సిక్సర్ల వారసత్వాన్ని కొనసాగిస్తుండగా.. ఇంగ్లండ్‌ కెప్టెన్‌ బెన్‌ స్టోక్స్‌ కూడా వీరికి పోటీనిస్తున్నాడు.సెహ్వాగ్‌ రికార్డు సమం చేసిన పంత్‌అయితే, ఇంగ్లండ్‌తో నాలుగో టెస్టు సందర్భంగా సిక్సర్ల రికార్డులో పంత్‌ సెహ్వాగ్‌ను సమం చేశాడు. టెస్టుల్లో అత్యధిక సిక్స్‌లు కొట్టిన బ్యాటర్‌గా చరిత్రకెక్కాడు. కాగా టెండుల్కర్‌- ఆండర్సన్‌ ట్రోఫీలో భాగంగా భారత్‌- ఇంగ్లండ్‌ ప్రస్తుతం ఐదు టెస్టుల సిరీస్‌లో తలపడుతున్న విషయం తెలిసిందే. తొలి టెస్టులో ఇంగ్లండ్‌.. రెండో టెస్టులో భారత్‌ గెలిచాయి.ఇక కీలకమైన మూడో టెస్టులో ఆఖరి వరకు పోరాడినా టీమిండియాకు ఓటమే ఎదురైంది. దీంతో ప్రస్తుతం ఇంగ్లండ్‌ 2-1తో ఆధిక్యంలో ఉంది. ఈ క్రమంలో మాంచెస్టర్‌ వేదికగా బుధవారం మొదలైన నాలుగో టెస్టులో టీమిండియా తొలి ఇన్నింగ్స్‌లో 358 పరుగులు చేసింది. గాయం వేధిస్తున్నాఅయితే, తొలి రోజు ఆటలో గాయపడిన పంత్‌ 37 పరుగుల వద్ద రిటైర్డ్‌ హర్ట్‌గా వెనుదిరిగి.. రెండో రోజైన గురువారం తిరిగి వచ్చి మరో 17 పరుగులు సాధించాడు. టీమిండియా మెరుగైన స్కోరు చేయడంలో పంత్‌ అర్ధ శతకం కూడా కీలకం.మొత్తంగా 75 బంతులు ఎదుర్కొన్న పంత్‌.. 54 పరుగులు సాధించాడు. ఇందులో మూడు ఫోర్లు, రెండు సిక్స్‌లు ఉన్నాయి. జోఫ్రా ఆర్చర్‌లో బాదిన సిక్సర్‌తో పంత్‌ సెహ్వాగ్‌ రికార్డును సమం చేయడం విశేషం. అయితే మ్యాచ్‌ల పరంగా చూస్తే సెహ్వాగ్‌ కంటే పంత్‌ ముందే ఈ మైలురాయిని చేరుకున్నాడు.Rishabh-Panti Max! 🔥😎They tried to hit him where it hurts... Pant responds by hitting it out of the park! Toughness has a new name @RishabhPant17 🙌🏻#ENGvIND 👉 4th TEST, DAY 2 | LIVE NOW on JioHotstar 👉 https://t.co/Y3btplYguV pic.twitter.com/6a2zPCQsr5— Star Sports (@StarSportsIndia) July 24, 2025 టెస్టుల్లో అత్యధిక సిక్సర్లు బాదిన టీమిండియా టాప్‌-10 క్రికెటర్లు వీరే🏏1.రిషభ్‌ పంత్‌- 47 మ్యాచ్‌లలో కలిపి 90 సిక్సర్లు*🏏2. వీరేందర్‌ సెహ్వాగ్‌- 103 మ్యాచ్‌లలో కలిపి 90 సిక్సర్లు🏏3.రోహిత్‌ శర్మ- 67 మ్యాచ్‌లలో కలిపి 88 సిక్సర్లు🏏4. మహేంద్ర సింగ్‌ ధోని- 90 మ్యాచ్‌లలో కలిపి 78 సిక్సర్లు🏏5. రవీంద్ర జడేజా- 84 మ్యాచ్‌లలో కలిపి 74 సిక్సర్లు🏏6. సచిన్‌ టెండుల్కర్‌- 200 మ్యాచ్‌లలో కలిపి 69 సిక్సర్లు🏏7. కపిల్‌ దేవ్‌- 131 మ్యాచ్‌లలో కలిపి 61 సిక్సర్లు🏏8. సౌరవ్‌ గంగూలీ- 113 మ్యాచ్‌లలో కలిపి 57 సిక్సర్లు🏏9. శుబ్‌మన్‌ గిల్‌- 36 మ్యాచ్‌లలో కలిపి 43 సిక్సర్లు🏏10. హర్భజన్‌ సింగ్‌- 103 మ్యాచ్‌లలో కలిపి 42 సిక్సర్లు.👉కాగా టీమిండియా యువ ఓపెనర్‌ యశస్వి జైస్వాల్‌ కేవలం 23 టెస్టుల్లోనే ఇప్పటికే 41 సిక్సర్లు బాదాడు. అతడు ఈ రికార్డు జాబితాలో టాప్‌-10లోకి చేరుకోవడానికి మరీ ఎక్కువ సమయం పట్టకపోవచ్చు.చదవండి: ఏడ్చేసిన కరుణ్‌ నాయర్‌.. ఓదార్చిన కేఎల్‌ రాహుల్‌.. ఇక గుడ్‌బై!?

టీమిండియా స్టార్‌ రిషభ్‌ పంత్‌ (Rishabh Pant)పై భారత మాజీ క్రికెటర్‌ ఆకాశ్‌ చోప్రా ప్రశంసల జల్లు కురిపించాడు. గాయపడినా జట్టు ప్రయోజనాల కోసం అతడు పోరాడిన తీరు అమోఘమని కొనియాడాడు. అయినా.. మరణాన్నే జయించిన వాడు ఇలాంటి చిన్న చిన్న ఎదురుదెబ్బలకు తలవంచడంటూ ఆకాశానికెత్తాడు.చావోరేవోటెండుల్కర్‌- ఆండర్సర్‌ ట్రోఫీ (Tendulkar- Anderson Trophy)లో భాగంగా మాంచెస్టర్‌ వేదికగా భారత్‌- ఇంగ్లండ్‌ (Ind vs Eng) మధ్య బుధవారం నాలుగో టెస్టు మొదలైంది. చావోరేవో తేల్చుకోవాల్సిన ఈ మ్యాచ్‌లో టాస్‌ ఓడిన టీమిండియా తొలుత బ్యాటింగ్‌కు దిగింది. తొలిరోజు ఆటలో భాగంగా నాలుగు వికెట్ల నష్టానికి 264 పరుగులు చేసింది.రిటైర్డ్‌ హర్ట్‌గా వెనుదిరిగిఅయితే, మొదటి రోజు 37 పరుగుల వ్యక్తిగత స్కోరు వద్ద ఉండగా పంత్‌.. క్రిస్‌ వోక్స్‌ బౌలింగ్‌లో రివర్స్‌ స్వీప్‌ షాట్‌ ఆడేందుకు ప్రయత్నించాడు. కానీ బంతిని అంచనా వేయడంలో పొరపడగా.. అది పంత్‌ కుడికాలి పాదాన్ని బలంగా తాకింది. దీంతో నొప్పితో విలవిల్లాడిన పంత్‌ రిటైర్డ్‌ హర్ట్‌గా వెనుదిరిగాడు. స్కానింగ్‌లో అతడి బొటనవేలు ఫ్యాక్చర్‌ అయిందనే వార్తలు వచ్చాయి.హాఫ్‌ సెంచరీతో మెరిసిఈ నేపథ్యంలో పంత్‌ మళ్లీ తిరిగి బ్యాటింగ్‌కు రాడనే అంతా అనుకున్నారు. కానీ అనూహ్యంగా అతడు రెండో రోజు మైదానంలో దిగాడు. కుంటుకుంటూనే బ్యాటింగ్‌కు వచ్చిన ఈ ఎడమచేతి వాటం బ్యాటర్‌.. అర్ధ శతకం (54) బాది పెవిలియన్‌ చేరాడు. తన పాత స్కోరుకు మరో పదిహేడు పరుగులు జత చేసి వెనుదిరిగాడు.తద్వారా తొలి ఇన్నింగ్స్‌లో భారత్‌ 358 పరుగులు చేయడంలో తన వంతు పాత్ర పోషించాడు. ఈ నేపథ్యంలో పంత్‌ పోరాటపటిమ, ఆట పట్ల అతడి అంకితభావం గురించి కామెంటేటర్‌ ఆకాశ్‌ చోప్రా ఆసక్తికర వ్యాఖ్యలు చేశాడు.అనిల్‌ భాయ్‌ను గుర్తు చేశాడు‘‘రిషభ్‌ పంత్‌ పట్టుదల గురించి తప్పక మాట్లాడాలి. అతడు నాకు అనిల్‌ (కుంబ్లే) భాయ్‌ను గుర్తు చేశాడు. ఆంటిగ్వాలో తన దవడ విరిగినా బౌలింగ్‌ చేసేందుకు వచ్చాడు. అప్పుడు అది అవసరం లేదు. కానీ ఆయన ఆ వికెట్‌ తీసి మరీ సత్తా చాటాడు.ఇక ఇప్పుడు రిషభ్‌ పంత్‌.. కనీసం నడవలేకపోతున్నాడు. అయినా సరే మళ్లీ మైదానంలో దిగాడు. MRI స్కాన్‌, ఎక్స్‌-రే పూర్తయ్యాయి. అతడు ఆరు వారాల పాటు ఆటకు దూరంగా ఉండనున్నాడనే వార్తలు వచ్చాయి.మరణాన్నే జయించిన వాడికి ఇదో లెక్కా?ఈ ఒక్క మ్యాచ్‌ కాదు.. అతడు సిరీస్‌ మొత్తానికి దూరమవుతాడని అనుకున్నారంతా! కానీ అతడు తిరిగి వచ్చాడు. మరణాన్నే జయించిన వాడికి ఇదో లెక్కా?.. ఇలాంటి చిన్న చిన్న కష్టాలకు పంత్‌ లాంటి పోరాట యోధుడు తలవంచుతాడా?’’ అంటూ ఆకాశ్‌ చోప్రా పంత్‌ను ప్రశంసించాడు. కాగా 2022, డిసెంబర్లో పంత్‌ పెను ప్రమాదం నుంచి.. అదృష్టవశాత్తూ ప్రాణాలతో బయటపడ్డాడు. అసలు నడుస్తాడా? లేదా? అన్న సందేహాల నడుమ.. రీఎంట్రీ ఇవ్వడమే కాకుండా మునుపటి కంటే మెరుగ్గా ఆడుతూ అద్భుతాలు చేస్తున్నాడు.ఇదిలా ఉంటే.. మాంచెస్టర్‌ టెస్టులో భారత బ్యాటర్లు ఫరవాలేదనిపించినా.. బౌలర్లు తడబడుతున్నారు. ఈ నేపథ్యంలో గురువారం నాటి రెండో రోజు ఆట ముగిసేసరికి ఇంగ్లండ్‌ రెండు వికెట్ల నష్టానికి 46 ఓవర్లలో 225 పరుగులు చేసింది. భారత్‌ కంటే తొలి ఇన్నింగ్స్‌లో ఇంకా 133 పరుగులు మాత్రమే వెనుకబడి ఉండగా.. చేతిలో ఇంకా ఎనిమిది వికెట్లు ఉన్నాయి. చదవండి: సిరాజ్‌ను కాదని అతడికి బంతినిస్తారా? బుమ్రాకు ఏమైంది?: పాంటింగ్‌ ఫైర్‌A knock for the ages! 💪#RishabhPant returned after being retired hurt and showed the world what true grit looks like.How would you rate Rishabh Pant’s comeback knock? 👇#ENGvIND 👉 4th TEST, DAY 3 | FRI, 25th JUL, 2:30 PM | Streaming on JioHotstar! pic.twitter.com/QsDlwZkIbc— Star Sports (@StarSportsIndia) July 24, 2025

మాంచెస్ట‌ర్ వేదిక‌గా ఇంగ్లండ్‌తో జ‌రుగుతున్న నాలుగో టెస్టులో భార‌త బౌల‌ర్లు త‌డ‌బ‌డ‌తున్నారు. రెండో రోజు ఆట ముగిసే స‌మ‌యానికి 2 వికెట్ల న‌ష్టానికి ఇంగ్లండ్ 225 ప‌రుగులు స్కోర్ సాధించింది. ఇంగ్లండ్ ఓపెన‌ర్లు జాక్ క్రాలీ(84), బెన్ డ‌కెట్‌(94) దంచికొట్టారు.ప్ర‌స్తుతం క్రీజులో జో రూట్‌(11), ఓలీ పోప్‌(20) ఉన్నారు. భార‌త బౌల‌ర్ల‌లో అన్షుల్ కాంబోజ్‌, ర‌వీంద్ర జ‌డేజా త‌లా వికెట్ సాధించారు. ప్ర‌ధాన బౌల‌ర్లు జ‌స్ప్రీత్ బుమ్రా, మ‌హ్మ‌ద్ సిరాజ్ ఇప్ప‌టివ‌ర‌కు ఒక్క వికెట్ సాధించ‌లేక‌పోయారు. అంత‌కుముందు టీమిండియా త‌మ మొద‌టి ఇన్నింగ్స్‌లో 358 ప‌రుగుల‌కు ఆలౌటైంది.రిష‌బ్ విరోచిత పోరాటం..కాగా ఈ మ్యాచ్ తొలి రోజే స్టార్ వికెట్ కీప‌ర్ బ్యాట‌ర్ రిషభ్‌ పంత్‌ గాయపడటంతో భారత్‌కు ఎదురుదెబ్బ తగిలిన విషయం తెలిసిందే. వోక్స్‌ సంధించిన బంతి పంత్‌ కుడికాలి బొటనవేలికి బలంగా తగలడంతో అతను విలవిలలాడుతూ రిటైర్ట్‌హర్ట్‌గా వెనుదిరిగాడు.తదనంతరం స్కానింగ్‌లో బొటనవేలికి ఫ్రాక్చర్‌ అయినట్లు తేలడంతో ఇక ఆడే పరిస్థితి లేనట్లేనని భావించారంతా! కానీ 2022, డిసెంబర్లో పెను ప్రమాదం నుంచి ప్రాణాలతో బయటపడిన పంత్‌ నడవలేని స్థితి నుంచి... పట్టుదలతో నడవడమే కాదు ఏకంగా పిచ్‌పై చకచకా పరుగులు తీస్తున్న ఈ పోరాటయోధుడు రెండో రోజు బ్యాటింగ్‌కు దిగి అందర్నీ ఆశ్చర్యపరిచాడు. గాయాన్ని పంటిబిగువన భరించి అసౌకర్యంగా నడుకుకుంటూ వచ్చిన రిషభ్‌ పంత్‌ క్రీజ్‌లో మొండిగా పోరాడి అర్ధసెంచరీ పూర్తి చేసుకున్నాడు. దెబ్బ తగలగానే అడుగుతీసి అడుగు వేయడంలో ఇబ్బంది పడిన పంత్‌ రెండో రోజు ఆటలో ఇంగ్లండ్‌ బౌలర్లకు ఎదురీది అర్ధసెంచరీ సాధించడం విశేషం. ఈ స్పెషలిస్ట్‌ బ్యాటర్‌ ఆడటం వల్లే భారత్‌ తొలి ఇన్నింగ్స్‌లో 350 పైచిలుకు స్కోరు చేయగలిగింది. లేదంటే భారత్‌ పరిస్థితి భిన్నంగా ఉండేది. మొత్తమ్మీద అతని పోరాటం దిగ్గజ స్పిన్నర్‌ అనిల్‌ కుంబ్లేను గుర్తుకుతెచ్చింది. 2002లో కరీబియన్‌ పర్యటనకు వెళ్లిన భారత జట్టులో అప్పటి బౌలింగ్‌ దళానికి తురుపుముక్కలాంటి కుంబ్లే తలకు గాయమైంది. అయినాసరే తలకు బ్యాండేజ్‌ కట్టుకొని వచ్చి మరీ 14 ఓవర్లు వేసిన కుంబ్లే... వెస్టిండీస్‌ బ్యాటింగ్‌ దిగ్గజం బ్రియాన్‌ లారాను అవుట్‌ చేశాడు.చదవండి: వచ్చే ఏడాదీ ఇంగ్లండ్‌కు టీమిండియా

మాంచెస్టర్‌ టెస్ట్‌లో భారత్‌ తొలి ఇన్నింగ్స్‌ ముగిసింది. టాస్‌ ఓడి తొలుత బ్యాటింగ్‌ చేసిన భారత్‌ 358 పరుగులకు ఆలౌటైంది. 264/4 వద్ద రెండో రోజు ఆట ప్రారంభించిన టీమిండియా.. ఓవర్‌నైట్‌ స్కోర్‌కు మరో 94 పరుగులు జోడించి మిగతా 6 వికెట్లు కోల్పోయింది.తొలి రోజు ఆటలో గాయపడిన వికెట్‌కీపర్‌ బ్యాటర్‌ రిషబ్‌ పంత్‌ ఇవాళ వీరోచితంగా పోరాడి హాఫ్‌ సెంచరీ పూర్తి చేశాడు. ఇవాళ శార్దూల్‌ ఠాకూర్‌ ఔటయ్యాక రీఎంట్రీ ఇచ్చిన పంత్‌.. వాషింగ్టన్‌ సుందర్‌, అన్షుల్‌ కంబోజ్‌ సాయంతో భారత ఇన్నింగ్స్‌ను తీర్చిదిద్దాడు. పంత్‌ తొమ్మిదో వికెట్‌గా వెనుదిరిగాక భారత ఇన్నింగ్స్‌ క్షణాల్లో ముగిసింది.భారత ఇన్నింగ్స్‌లో యశస్వి జైస్వాల్‌ 58, కేఎల్‌ రాహుల్‌ 46, సాయి సుదర్శన్‌ 61, శుభ్‌మన్‌ గిల్‌ 12, రిషబ్‌ పంత్‌ 54, రవీంద్ర జడేజా 20, శార్దూల్‌ ఠాకూర్‌ 41, వాషింగ్టన్‌ సుందర్‌ 27, అన్షుల్‌ కంబోజ్‌ 0, జస్ప్రీత్‌ బుమ్రా 5, మహ్మద్‌ సిరాజ్‌ 5 (నాటౌట్‌) పరుగులు చేశారు.ఇవాల్టి ఆటలో ఇంగ్లండ్‌ బౌలర్‌ బెన్‌ స్టోక్స్‌ చెలరేగిపోయాడు. ఈ ఇన్నింగ్స్‌లో మొత్తంగా అతను 5 వికెట్లు తీశాడు. ఆర్చర్‌కు సత్తా చాటి 3 వికెట్లు తీశాడు. వోక్స్‌, డాసన్‌ తలో వికెట్‌ పడగొట్టారు. ఐదు మ్యాచ్‌ల ఈ సిరీస్‌లో ప్రస్తుతం ఇంగ్లండ్‌ 2-1 ఆధిక్యంలో ఉన్న విషయం తెలిసిందే.

మాంచెస్టర్‌ టెస్ట్‌లో టీమిండియా వికెట్‌ కీపర్‌ బ్యాటర్‌ రిషబ్‌ పంత్‌ చరిత్ర సృష్టించాడు. ఈ మ్యాచ్‌ తొలి ఇన్నింగ్స్‌లో గాయాన్ని సైతం​ లెక్క చేయకుండా బరిలోకి దిగిన పంత్‌.. వరల్డ్‌ టెస్ట్‌ ఛాంపియన్‌షిప్‌ చరిత్రలో అత్యధిక పరుగులు (67 ఇన్నింగ్స్‌ల్లో 2719 పరుగులు) చేసిన భారత ఆటగాడిగా అవతరించాడు. ఈ రికార్డు ఇంతకుముందు రోహిత్‌ శర్మ (69 ఇన్నింగ్స్‌ల్లో 2716 పరుగులు) పేరిట ఉండేది. పంత్‌ తాజాగా హిట్‌మ్యాన్‌ రికార్డును బద్దలు కొట్టాడు.ఈ మ్యాచ్‌లో పంత్‌ 54 పరుగుల వ్యక్తిగత స్కోర్‌ వద్ద ఔటయ్యాడు. తొలి రోజు ఆటలో 37 పరుగుల వద్ద రిటైర్డ్‌ హర్ట్‌ అయిన పంత్‌.. మరో 17 పరుగులు జోడించి పెవిలియన్‌కు చేరాడు. బొటన వేలు గాయంతో బాధపడుతూనే పంత్‌ ఆడిన ఈ ఇన్నింగ్స్‌ విమర్శకుల ప్రశంసలు అందుకుంటుంది. పంత్‌ వీరోచిత పోరాటానికి అందరూ సలాం​ కొడుతున్నారు. పంత్‌ హాఫ్‌ సెంచరీకి చేరువలో జోఫ్రా ఆర్చర్‌ బౌలింగ్‌లో బాదిన ఓ సిక్సర్‌ మ్యాచ్‌ మొత్తానికే హైలైట్‌గా నిలిచింది. ఈ సిక్సర్‌తో పంత్‌ భారత్‌ తరఫున టెస్ట్‌ల్లో అత్యధిక సిక్సర్లు బాదిన ఆటగాడిగా వీరేంద్ర సెహ్వాగ్‌ రికార్డును సమం చేశాడు. ప్రస్తుతం పంత్‌, సెహ్వాగ్‌ టెస్ట్‌ల్లో తలో 90 సిక్సర్లతో ఉన్నారు.హాఫ్‌ సెంచరీ పూర్తి కాగానే పంత్‌ జోఫ్రా ఆర్చర్‌ బౌలింగ్‌లో క్లీన్‌ బౌల్డ్‌ అయ్యాడు. పంత్‌ ఔటయ్యాక భారత్‌ ఇన్నింగ్స్‌ కొద్ది క్షణాల్లోనే ముగిసింది. భారత్‌ తొలి ఇన్నింగ్స్‌లో 358 పరుగులకు ఆలౌటైంది. ఈ మ్యాచ్‌లో భారత్‌ టాస్‌ ఓడి తొలుత బ్యాటింగ్‌ చేసింది.భారత ఇన్నింగ్స్‌లో యశస్వి జైస్వాల్‌ 58, కేఎల్‌ రాహుల్‌ 46, సాయి సుదర్శన్‌ 61, శుభ్‌మన్‌ గిల్‌ 12, రిషబ్‌ పంత్‌ 54, రవీంద్ర జడేజా 20, శార్దూల్‌ ఠాకూర్‌ 41, వాషింగ్టన్‌ సుందర్‌ 27, అన్షుల్‌ కంబోజ్‌ 0, జస్ప్రీత్‌ బుమ్రా 5, మహ్మద్‌ సిరాజ్‌ 5 (నాటౌట్‌) పరుగులు చేశారు. ఇంగ్లండ్‌ బౌలర్లలో స్టోక్స్‌ 5, ఆర్చర్‌ 3, వోక్స్‌ డాసన్‌ తలో వికెట్‌ తీశారు. ఐదు మ్యాచ్‌ల ఈ సిరీస్‌లో ప్రస్తుతం ఇంగ్లండ్‌ 2-1 ఆధిక్యంలో ఉన్న విషయం తెలిసిందే.

మాంచెస్టర్‌ టెస్ట్‌లో భారత్‌ ఓ మోస్తరు స్కోర్‌ దిశగా పయనిస్తుంది. రెండో రోజు లంచ్‌ విరామం సమయానికి టీమిండియా 6 వికెట్ల కోల్పోయి 321 పరుగులు చేసింది. వాషింగ్టన్‌ సుందర్‌ (20), రిషబ్‌ పంత్‌ (39) క్రీజ్‌లో ఉన్నారు.ఓవర్‌నైట్‌ స్కోర్‌ 264/4 వద్ద రెండో రోజు ఆట ప్రారంభించిన టీమిండియాకు ఆదిలోనే ఎదురుదెబ్బ తగిలింది. రవీంద్ర జడేజా తన వ్యక్తిగత స్కోర్‌కు మరో పరుగు మాత్రమే జోడించి జోఫ్రా ఆర్చర్‌ బౌలింగ్‌లో హ్యారీ బ్రూక్‌కు క్యాచ్‌ ఇచ్చి ఔటయ్యాడు.జడేజా ఆదిలోనే ఔటైనప్పటికీ శార్దూల్‌ ఠాకూర్‌ (41).. వాషింగ్టన్‌ సుందర్‌ సాయంతో ఇన్నింగ్స్‌ను చక్కదిద్దాడు. లంచ్‌ విరామానికి కొద్ది సమయం ముందు శార్దూల్‌ స్టోక్స్‌ బౌలింగ్‌లో బెన్‌ డకెట్‌కు క్యాచ్‌ ఇచ్చి ఆరో వికెట్‌గా వెనుదిరిగాడు.అనంతరం పంత్‌ గాయంతో బాధపడుతూనే బరిలోకి దిగాడు. తొలి రోజులో ఆటలో పంత్‌ 37 పరుగుల వ్యక్తిగత స్కోర్‌ వద్ద గాయం బారిన పడి రిటైర్డ్‌ హర్ట్‌గా వెనుదిరిగాడు. పంత్‌ గాయం తీవ్రమైందే అయినప్పటికీ జట్టు అవసరాల దృష్ట్యా బ్యాటింగ్‌కు దిగాడు. పంత్‌ సేవలు ఈ మ్యాచ్‌లో కేవలం బ్యాటింగ్‌కు మాత్రమే పరిమితమవుతాయని, అతను వికెట్‌కీపింగ్‌ చేయడని బీసీసీఐ ప్రకటన విడుదల చేసింది.ఈ మ్యాచ్‌లో భారత్‌ టాస్‌ ఓడి తొలుత బ్యాటింగ్‌కు దిగిన విషయం తెలిసిందే. భారత ఇన్నింగ్స్‌లో యశస్వి జైస్వాల్‌ 58, కేఎల్‌ రాహుల్‌ 46, సాయి సుదర్శన్‌ 61, శుభ్‌మన్‌ గిల్‌ 12, రవీంద్ర జడేజా 20, శార్దూల్‌ ఠాకూర్‌ 41 పరుగులు చేశారు. ఇంగ్లండ్‌ బౌలర్లలో స్టోక్స్‌ 3, వోక్స్‌, ఆర్చర్‌, డాసన్‌ తలో వికెట్‌ తీశారు. ఐదు మ్యాచ్‌ల ఈ సిరీస్‌లో ప్రస్తుతం ఇంగ్లండ్‌ 2-1 ఆధిక్యంలో ఉన్న విషయం తెలిసిందే.

మాంచెస్టర్‌ వేదికగా ఇంగ్లండ్‌తో జరుగుతున్న నాలుగో టెస్ట్‌లో (తొలి రోజు) టీమిండియా వికెట్‌కీపర్‌ బ్యాటర్‌ రిషబ్‌ పంత్‌ గాయపడిన విషయం తెలిసిందే. పంత్‌ గాయం తీవ్రత అధికంగా ఉన్నా జట్టు అవసరాల దృష్ట్యా రెండో రోజు బ్యాటింగ్‌కు దిగి అందరినీ ఆశ్చర్యపరిచాడు. అయితే పంత్‌ సేవలు కేవలం బ్యాటింగ్‌కు మాత్రమే పరిమితమవుతాయని, అతను వికెట్‌కీపింగ్‌ చేయడని బీసీసీఐ స్పష్టం చేసింది.జట్టు అవసరాల దృష్ట్యా పంత్‌ను ఈ మ్యాచ్‌లో బ్యాటింగ్‌కు వాడుకున్నా, ఐదో టెస్ట్‌లో మాత్రం అతను బరిలోకి దిగే అవకాశం లేదు. ఈ నేపథ్యంలో పంత్‌కు ప్రత్యామ్నాయంగా ఎవరో ఒకరిని ఎంపిక​ చేయాల్సి ఉంటుంది. ప్రస్తుతం ధృవ్‌ జురెల్‌ అందుబాటులో ఉన్నా, కవర్‌ ప్లేయర్‌ ఎంపిక​ తప్పనిసరి అవుతుంది.నిన్నటి వరకు పంత్‌కు ప్రత్యామ్నాయంగా ఇషాన్‌ కిషన్‌ను ఎంపిక చేస్తారని ప్రచారం జరిగినా, తాజాగా ఓ కొత్త పేరు తెరపైకి వచ్చింది. చివరి టెస్ట్‌ కోసం పంత్‌కు రీప్లేస్‌మెంట్‌గా తమిళనాడుకు చెందిన రైట్‌ హ్యాండ్‌ వికెట్‌కీపర్‌ బ్యాటర్‌ నారాయణన్‌ జగదీశన్‌ పేరు దాదాపుగా ఖరారైనట్లు సమాచారం. 29 ఏళ్ల జగదీశన్‌ ఐపీఎల్‌లో సీఎస్‌కే, కేకేఆర్‌ తరఫున ఆడాడు. చివరిగా అతను 2023 సీజన్‌లో కేకేఆర్‌లో ఉన్నాడు. జగదీశన్‌ ఐపీఎల్‌లో పెద్దగా రాణించకపోయిన దేశవాలీ క్రికెట్‌లో అద్భుతాలు చేశాడు. లిస్ట్‌-ఏ క్రికెట్‌లో అత్యధిక వ్యక్తిగత స్కోర్‌ (277).. లిస్ట్‌-ఏ క్రికెట్‌లో వరుసగా ఐదు ఇన్నింగ్స్‌ల్లో సెంచరీలు చేసిన వరల్డ్‌ రికార్డు ఇతని ఖాతాలో ఉన్నాయి. వికెట్‌కీపర్‌గానూ జగదీశన్‌కు మంచి రికార్డే ఉంది.

ఇంగ్లండ్‌తో నాలుగో టెస్టు సందర్భంగా గాయపడిన టీమిండియా స్టార్‌ రిషభ్‌ పంత్‌ (Rishabh Pant) తిరిగి బ్యాటింగ్‌కు దిగాడు. రెండో రోజు ఆటలో భాగంగా మళ్లీ మైదానంలో అడుగుపెట్టాడు. శార్దూల్‌ ఠాకూర్‌ (Shardul Thakur- 41) ఆరో వికెట్‌గా వెనుదిరిగిన తర్వాత పంత్‌ క్రీజులోకి వచ్చాడు.వికెట్‌ కీపర్‌గా జురెల్‌ఇదిలా ఉంటే.. పంత్‌ బ్యాటింగ్‌కు వచ్చే కంటే ముందు భారత క్రికెట్‌ నియంత్రణ మండలి (BCCI) ఇందుకు సంబంధించి గురువారం ప్రకటన విడుదల చేసింది. జట్టు కోసం అతడు ఆడతాడని.. అయితే, ధ్రువ్‌ జురెల్‌ పంత్‌కు బదులు వికెట్‌ కీపింగ్‌ చేస్తాడని తెలిపింది.అయితే, అంతకు ముందు.. పంత్‌ ఇంగ్లండ్‌తో ఆఖరి టెస్టుకు దూరమవుతున్నాడనే వార్త క్రీడా వర్గాల్లో చర్చనీయాంశమైంది. పంత్‌ కుడికాలి బొటన వేలు ఫ్యాక్చర్‌ అయినందు వల్ల అతడు ఆఖరిదైన ఐదో టెస్టుకు దూరం కానున్నాడని బీసీసీఐ వర్గాలు తెలిపినట్లు వార్తా సంస్థ పీటీఐ వెల్లడించింది.ఇషాన్‌ కిషన్‌ జట్టులోకి వస్తాడంటూ..అంతేకాదు.. పంత్‌ స్థానంలో ఇషాన్‌ కిషన్‌ జట్టులోకి వస్తాడని తెలిపింది. అయితే, తాజా సమాచారం ప్రకారం ఇషాన్‌ కూడా గాయపడినట్లు తెలుస్తోంది. ఈ విషయం గురించి టైమ్స్‌ ఆఫ్‌ ఇండియాతో అతడి సన్నిహిత వర్గాలు మాట్లాడుతూ.. ‘‘ఇషాన్‌ ఇటీవల స్కూటీ మీద నుంచి కిందపడ్డాడు.పది కుట్లు పడ్డాయిఅతడి చీలమండకు గాయమైంది. పది కుట్లు పడ్డాయి. ప్రస్తుతం కుట్లు తీసినా అతడి ఎడమ చీలమండకు ప్లాస్టర్‌ వేసే ఉంది. సెలక్టర్లు అతడిని గురువారం అతడిని సంప్రదించిన మాట నిజమే. కానీ అతడు ఇంకా పూర్తిగా కోలుకోలేదు’’ అని వెల్లడించాయి.ఇదిలా ఉంటే.. ఒకవేళ పంత్‌ గనుక ఐదో టెస్టుకు దూరమైతే నారాయణన్‌ జగదీశన్‌ అతడి స్థానంలోకి వచ్చే అవకాశం ఉందని క్రిక్‌బజ్‌ పేర్కొంది. తమిళనాడుకు చెందిన 29 ఏళ్ల ఈ వికెట్‌ కీపర్‌ బ్యాటర్‌ను టీమిండియాలో చేర్చడం దాదాపు ఖరారైపోయిందని వెల్లడించింది.కాగా ఇంగ్లండ్‌- ఇండియా మధ్య ఆండర్సన్‌- టెండుల్కర్‌ ట్రోఫీలో భాగంగా ఐదు టెస్టులు జరుగుతున్నాయి. ఇందులో ఇప్పటికి మూడు పూర్తి కాగా ఆతిథ్య ఇంగ్లండ్‌ రెండు గెలిచి 2-1తో ఆధిక్యంలో ఉంది. ఇరుజట్ల మధ్య బుధవారం మాంచెస్టర్‌ వేదికగా నాలుగో టెస్టు మొదలైంది. ఈ క్రమంలో గురువారం నాటి భోజన విరామ సమయానికి టీమిండియా 105 ఓవర్లు పూర్తయ్యేసరికి.. ఆరు వికెట్ల నష్టానికి 321 పరుగులు చేసింది. అప్పటికి పంత్‌ 39, వాషింగ్టన్‌ సుందర్‌ 20 పరుగులతో క్రీజులో ఉన్నారు.చదవండి: మరోసారి ఇంగ్లండ్‌లో పర్యటించనున్న టీమిండియా.. షెడ్యూల్‌ విడుదల

ఇంగ్లండ్‌తో నాలుగో టెస్ట్‌ తొలి రోజు ఆటలో గాయపడి రిటైర్డ్‌ హర్ట్‌గా వెనుదిరిగిన రిషబ్‌ పంత్‌కు సంబంధించి బీసీసీఐ కీలక అప్‌డేట్‌ ఇచ్చింది. పంత్‌ ఈ మ్యాచ్‌లో వికెట్‌కీపింగ్‌కు దూరంగా ఉన్నా, బ్యాటింగ్‌ చేస్తాడని కన్ఫర్మ్‌ చేసింది. పంత్‌ స్థానంలో ధృవ్‌ జురెల్‌ వికెట్‌ కీపింగ్‌ చేస్తాడని స్పష్టం చేసింది. గాయం తీవ్రత అధికంగా ఉన్నా ఆట రెండో రోజు పంత్‌ జట్టుతో చేరాడని, జట్టు అవసరాల దృష్ట్యా అతను బ్యాటింగ్‌ చేస్తాడని బీసీసీఐ తమ అధికారిక ట్విటర్‌ ఖాతా ద్వారా ప్రకటన చేసింది.𝗨𝗽𝗱𝗮𝘁𝗲: Rishabh Pant, who sustained an injury to his right foot on Day 1 of the Manchester Test, will not be performing wicket-keeping duties for the remainder of the match. Dhruv Jurel will assume the role of wicket-keeper.Despite his injury, Rishabh Pant has joined the…— BCCI (@BCCI) July 24, 2025కాగా, ఈ మ్యాచ్‌ తొలి రొజు ఆట‌లో పంత్‌ క్రిస్ వోక్స్ బౌలింగ్‌లో రివ‌ర్స్ స్వీప్ ఆడే ప్రయత్నం​ చేసి తీవ్రంగా గాయపడ్డాడు. బంతి బ్యాట్‌ ఎడ్జ్‌కు తగిలి పంత్ కుడి కాలు పాదానికి బలంగా తాకింది. దీంతో పంత్‌ తీవ్ర‌మైన నొప్పితో విలవిలలాడాడు. వెంట‌నే ఫిజియో వచ్చి చికిత్స అందించిన‌ప్ప‌టికి ఫ‌లితం లేక‌పోవడంతో పంత్‌ రిటైర్డ్ హార్ట్‌గా వెనుదిరిగాడు. నడవలేని స్థితిలో ఉన్న పంత్‌ను వాహనంలో తీసుకెళ్లారు. పంత్‌ రిటైర్డ్ అయ్యే స‌మ‌యానికి 37 ప‌రుగులు చేశాడు.ఇదిలా ఉంటే, ఓవర్‌నైట్‌ స్కోర్‌ 264/4 వద్ద రెండో రోజు ఆట ప్రారంభించిన టీమిండియాకు ఆదిలోనే ఎదురుదెబ్బ తగిలింది. ఓవర్‌నైట్‌ బ్యాటర్‌ రవీంద్ర జడేజా తన స్కోర్‌కు మరో పరుగు మాత్రమే జోడించి జోఫ్రా ఆర్చర్‌ బౌలింగ్‌లో హ్యారీ బ్రూక్‌కు క్యాచ్‌ ఇచ్చి ఔటయ్యాడు.జడేజా ఆదిలోనే ఔటైనప్పటికీ శార్దూల్‌ ఠాకూర్‌ (39) ఇన్నింగ్స్‌ను చక్కదిద్దే ప్రయత్నం చేస్తున్నాడు. వాషింగ్టన్‌ సుందర్‌ (13) శార్దూల్‌కు సహకరిస్తున్నాడు. కడపటి వార్తలు అందేసరికి భారత్‌ తొలి ఇన్నింగ్స్‌లో 5 వికెట్ల నష్టానికి 308 పరుగులు చేసింది. ఈ మ్యాచ్‌లో భారత్‌ టాస్‌ ఓడి తొలుత బ్యాటింగ్‌కు దిగిన విషయం తెలిసిందే. భారత ఇన్నింగ్స్‌లో యశస్వి జైస్వాల్‌ 58, కేఎల్‌ రాహుల్‌ 46, సాయి సుదర్శన్‌ 61, శుభ్‌మన్‌ గిల్‌ 12, రిషబ్‌ పంత్‌ 37 (రిటైర్డ్‌ హర్ట్‌), రవీంద్ర జడేజా 20 పరుగులు చేశారు. ఇంగ్లండ్‌ బౌలర్లలో స్టోక్స్‌ 2, వోక్స్‌, ఆర్చర్‌, డాసన్‌ తలో వికెట్‌ తీశారు. ఐదు మ్యాచ్‌ల ఈ సిరీస్‌లో ప్రస్తుతం ఇంగ్లండ్‌ 2-1 ఆధిక్యంలో ఉన్న విషయం తెలిసిందే.

ఇంగ్లండ్‌తో మిగిలిన టెస్టులకు టీమిండియా స్టార్‌ రిషభ్‌ పంత్‌ (Rishabh Pant) దూరమైనట్లు తెలుస్తోంది. గాయం కారణంగా అతడు నాలుగో టెస్టుతో పాటు ఐదో మ్యాచ్‌కు కూడా దూరం కానున్నట్లు సమాచారం. దీంతో టీమిండియాకు భారీ ఎదురుదెబ్బ తగిలింది.కాగా టెండుల్కర్‌- ఆండర్సన్‌ ట్రోఫీ-2025 (Tendulkar- Anderson Trophy)లో భాగంగా ఐదు టెస్టులు ఆడేందుకు భారత జట్టు ఇంగ్లండ్‌తో పర్యటిస్తోన్న విషయం తెలిసిందే. ఈ క్రమంలో ఇప్పటికి మూడు టెస్టులు పూర్తి కాగా.. ఆతిథ్య జట్టు 2-1తో ఆధిక్యంలో ఉంది. ఈ సిరీస్‌లో రిషభ్‌ పంత్‌ ఇప్పటి వరకు రెండు సెంచరీలు, రెండు అర్ధ శతకాల సాయంతో ఏకంగా 462 పరుగులు సాధించాడు.కాలికి గాయంఇక మాంచెస్టర్‌ వేదికగా బుధవారం మొదలైన నాలుగో టెస్టులోనూ రిషభ్‌ పంత్‌ రాణించాడు. ఐదో స్థానంలో బ్యాటింగ్‌కు దిగిన ఈ వికెట్‌ కీపర్‌ బ్యాటర్‌.. 48 బంతులు ఎదుర్కొని రెండు ఫోర్లు, ఒక సిక్సర్‌ సాయంతో 37 పరుగులు చేశాడు.అయితే, క్రిస్‌ వోక్స్‌ బౌలింగ్‌లో రివర్స్‌ స్వీప్‌ షాట్‌ ఆడేందుకు పంత్‌ ప్రయత్నించగా.. అతడి కుడికాలి పాదానికి దెబ్బ తగిలింది. దీంతో నొప్పితో విలవిల్లాడిన పంత్‌ మధ్యలోనే రిటైర్డ్‌ హర్ట్‌గా మైదానాన్ని వీడాడు. అనంతరం అతడిని ఆస్పత్రికి తరలించారు.ఆరు వారాల విశ్రాంతితాజా సమాచారం ప్రకారం.. పంత్‌ కుడికాలి బొటన వేలు ఫ్యాక్చర్‌ అయినట్లు వార్తలు వినిపిస్తున్నాయి. అతడి గాయం తీవ్రత దృష్ట్యా అతడికి ఆరు వారాల విశ్రాంతి అవసరమని వైద్యులు చెప్పినట్లు తెలుస్తోంది. దీంతో మాంచెస్టర్‌ టెస్టుతో పాటు.. లండన్‌లో జరిగే ఆఖరిదైన ఐదో టెస్టుకూ అతడు దూరం కానున్నాడు.జట్టులోకి ఊహించని ప్లేయర్‌!బీసీసీఐ సన్నిహిత వర్గాలు వార్తా సంస్థ పీటీఐతో మాట్లాడుతూ ఈ విషయాన్ని వెల్లడించాయి. ‘‘పంత్‌ ఆరు వారాల పాటు ఆటకు దూరంగా ఉంటాడు. అతడి స్థానంలో కవర్‌ ప్లేయర్‌గా ఇషాన్‌ కిషన్‌ జట్టులోకి వచ్చే అవకాశం ఉంది’’ అని సదరు వర్గాలు పేర్కొన్నాయి.కాగా రిషభ్‌ పంత్‌తో పాటు మరో వికెట్‌ కీపర్‌ బ్యాటర్‌ ధ్రువ్‌ జురెల్‌ ప్రస్తుతం జట్టులో ఉన్నాడు. ఇటీవల లార్డ్స్‌ టెస్టు సందర్భంగా పంత్‌ వేలికి గాయమైనపుడు అతడు కీపర్‌గా బాధ్యతలు నిర్వర్తించాడు. అయితే, తాజాగా పంత్‌ పూర్తిగా దూరం కావడంతో జురెల్‌కు బ్యాకప్‌గా ఇషాన్‌ కిషన్‌ను జట్టులోకి తీసుకోనున్నట్లు తెలుస్తోంది.సెంట్రల్‌ కాంట్రాక్టు కోల్పోయిన ఇషాన్‌ఇక ఇషాన్‌ కిషన్‌ ఇంత వరకు కేవలం రెండు టెస్టులు మాత్రమే ఆడిన విషయం తెలిసిందే. 2023లో సౌతాఫ్రికా పర్యటనకు ఎంపికైన ఈ లెఫ్టాండర్‌ బ్యాటర్‌.. వ్యక్తిగత కారణాలు చూపుతూ టూర్‌ మధ్యలోనే భారత్‌కు తిరిగి వచ్చాడు. అనంతరం బీసీసీఐ ఆదేశాల మేరకు రంజీల్లో ఆడేందుకు కూడా విముఖత చూపాడు. ఈ నేపథ్యంలో అతడి సెంట్రల్‌ కాంట్రాక్టును రద్దు చేసిన బోర్డు.. ఇంతవరకు మళ్లీ జాతీయ జట్టుకు ఎంపిక చేయలేదు. అయితే, ఇషాన్‌ ఆ తర్వాత రంజీలతో పాటు దులిప్‌ ట్రోఫీ ఆడాడు. ఈ క్రమంలో, ఈ ఏడాది అతడి కాంట్రాక్టును పునరుద్ధరించారు. ఇక ఇటీవల ఇంగ్లండ్‌ కౌంటీల్లోనూ ఇషాన్‌ మెరిశాడు.చదవండి: అతడు ఫిట్‌గానే ఉన్నాడు కదా.. అన్షుల్‌ను ఎలా తీసుకున్నారు?

మాంచెస్టర్ వేదికగా ఇంగ్లండ్‌తో జరుగుతున్న నాలుగో టెస్టులో టీమిండియా వికెట్ కీపర్ బ్యాటర్ రిషబ్ పంత్ గాయం కారణంగా రిటైర్డ్ హార్ట్‌గా వెనుదిరిగాడు. ఇంగ్లండ్ పేసర్ క్రిస్ వోక్స్ బౌలింగ్‌లో రివర్స్ స్వీప్ ఆడే ప్రయత్నంలో పంత్ గాయపడ్డాడు.బంతి బ్యాట్ ఎడ్జ్ తగిలి పంత్ కుడి కాలి పాదానికి బలంగా తాకింది. వెంటనే పత్యేక వాహనంలో పంత్ మైదానం నుంచి బయటకు వెళ్లిపోయాడు. ఆ తర్వాత స్కానింగ్ కోసం అతడిని ఆస్పత్రికి తరలించారు. స్కాన్ రిపోర్ట్‌లు కోసం బీసీసీఐ వైద్య బృందం ఎదురు చూస్తోంది.ఒకవేళ అతడి గాయం తీవ్రమైనదిగా తేలితే అది భారత్‌కు గట్టి ఎదురు దెబ్బ కానుంది. రిషబ్ ప్రస్తుతం అద్బుతమైన ఫామ్‌లో ఉన్నాడు. ఈ సిరీస్‌లో సెకెండ్ లీడింగ్ రన్‌స్కోరర్‌గా కొనసాగుతున్న పంత్‌.. ఈ మ్యాచ్‌తో పాటు ఆఖరి టెస్టు అందుబాటులో ఉండడం అనుమానంగా మారింది. ఈ నేపథ్యంలో పంత్ గాయంపై ఆస్ట్రేలియా మాజీ కెప్టెన్ రికీ పాంటింగ్ తీవ్ర ఆందోళన వ్యక్తం చేశాడు."రిషబ్ పంత్ కుడి కాలి పాదానికి బలంగా బంతి తాకింది. దెబ్బ తాకిన పంత్‌ తన కాలును నేలపై పెట్టలేకపోయాడు. గోల్ఫ్ కార్ట్ వాహనం మైదానంలో లోపలికి వచ్చేముందు అతడు కొద్ది నిమిషాల పాటు అటు ఇటు తిరిగాడు. అయితే వెంటనే వాపు రావడం నాకు ఆందోళన కలిగించింది.గ‌తంలో నాకు ఓ సారి ఇటువంటి గాయ‌మే అయింది. పాదంలో చిన్న చిన్న పెళుసుగా ఉండే ఎముకలు ఉంటాయి. బంతి తాక‌డంతో అందులో ఒక‌ట్రెండు విరిగిపోయాయి. అలా జ‌రిగితే కాలు కింద పెట్టలేము. ఒక‌వేళ పంత్ విష‌యంలో అదే జ‌రిగితే అత‌డు ఈ మ్యాచ్ నుంచి వైదొల‌గ‌క త‌ప్ప‌దు. అలా అత‌డు తిరిగి బ్యాటింగ్‌కు వ‌చ్చే అవ‌కాశ‌ముంది. ఒక‌వేళ తిరిగొచ్చిన‌ ఇటువంటి రివర్స్ స్వీప్ షాట్లు ఆడ‌డ‌ని నేను ఆశిస్తున్నా అని స్కై స్పోర్ట్స్ కు ఇచ్చిన ఇంట‌ర్వ్యూలో పాంటింగ్ పేర్కొన్నాడు.చదవండి: IND vs ENG: రిషబ్ పంత్ గాయంపై బీసీసీఐ కీలక అప్‌డేట్‌

మాంచెస్టర్‌ టెస్టులో తొలి రోజు ఆటలో టీమిండియా మెరుగైన స్థితిలో నిలిచింది. టాస్‌ ఓడి తొలుత బ్యాటింగ్‌కు దిగిన భారత్‌.. బుధవారం నాటి ఆట ముగిసేసరికి 83 ఓవర్లలో నాలుగు వికెట్ల నష్టానికి 264 పరుగులు చేసింది. మొదటి రోజు పరిస్థితులు సానుకూలంగానే ఉన్నా.. స్టార్‌ బ్యాటర్‌ రిషభ్‌ పంత్‌ (Rishabh Pant) గాయం రూపంలో టీమిండియాకు పెద్ద ఎదురుదెబ్బే తగిలింది.టెండుల్కర్‌- ఆండర్సన్‌ ట్రోఫీ-2025 (Tendulkar- Anderson Trophy)లో ఈ వికెట్‌ కీపర్‌ బ్యాటర్‌ ఇప్పటికి ఏకంగా 462 పరుగులు సాధించాడు. ఇందులో రెండు శతకాలు, రెండు హాఫ్‌ సెంచరీలు ఉన్నాయి. గాయపడిన పంత్‌తద్వారా ప్రస్తుతం ఈ సిరీస్‌లో అత్యధిక పరుగుల వీరుల స్థానంలో పంత్‌ రెండో స్థానంలో కొనసాగుతున్నాడు. అయితే, మాంచెస్టర్‌లో బుధవారం మొదలైన నాలుగో టెస్టు సందర్భంగా ఈ ఎడమచేతి వాటం బ్యాటర్‌కు గాయమైంది.క్రిస్‌ వోక్స్‌ (Chris Woakes) సంధించిన బంతిని రివర్స్‌ స్వీప్‌ షాట్‌ ఆడే క్రమంలో పంత్‌ కుడిపాదానికి తీవ్రమైన గాయమైంది. నొప్పి తట్టుకోలేక అతడు రిటైర్డ్‌ హర్ట్‌గా మైదానాన్ని వీడాడు. అతడిని ఆస్పత్రికి తరలించగా.. ప్రస్తుతం బీసీసీఐ వైద్య బృందం పర్యవేక్షణలో చికిత్స పొందుతున్నాడు.పంత్‌ లేకపోకపోతే కష్టమేఈ విషయంపై పంత్‌ సహచర ఆటగాడు, టీమిండియా యువ క్రికెటర్‌ సాయి సుదర్శన్‌ స్పందించాడు. పంత్‌ కోలుకోలేకపోతే తమకు ఎదురుదెబ్బ తప్పదని పేర్కొన్నాడు. అయితే, పంత్‌ లేకపోయినా మిగిలిన బ్యాటర్లు సత్తా చాటి జట్టును పటిష్ట స్థితిలో నిలపగలరని ధీమా వ్యక్తం చేశాడు. తొలిరోజు ఆట ముగిసిన అనంతరం మీడియాతో మాట్లాడుతూ.. ‘‘అతడిని స్కాన్స్‌ కోసం పంపించారు. రాత్రికల్లా రిపోర్టులు వస్తాయి. ఒకవేళ పంత్‌ గాయం కారణంగా మ్యాచ్‌కు దూరమైతే చాలా కష్టం. అతడు ఈరోజు అద్భుతంగా బ్యాటింగ్‌ చేశాడు. కానీ ఒకవేళ గాయం తీవ్రతరమై తిరిగి బ్యాటింగ్‌కు రాకపోతే మాత్రం.. ఇందుకు సంబంధించిన పరిణామాలు మేము ఎదుర్కోకతప్పదు.మరేం పర్లేదు.. మిగిలిన వాళ్లు చాలుఅయితే, జట్టులో ప్రస్తుతం బ్యాటింగ్‌ చేస్తున్నవాళ్లు.. మిగిలిన ఆల్‌రౌండర్లు ఉన్నారు. కాబట్టి మా అత్యుత్తమ ప్రదర్శనతో ప్రతికూల పరిస్థితులు అధిగమిస్తాం. పంత్‌ లేనిలోటును పూడ్చేందుకు మా వాళ్లు ఎక్కువసేపు క్రీజులో నిలబడాల్సి ఉంటుంది’’ అని సాయి సుదర్శన్‌ పేర్కొన్నాడు.గెలిస్తేనే.. నిలుస్తారుకాగా ఇంగ్లండ్‌తో ఐదు టెస్టుల్లో భాగంగా 1-2తో వెనుకబడి ఉన్న టీమిండియా.. మాంచెస్టర్‌లో గెలిస్తేనే గెలుపు అవకాశాలు సజీవంగా ఉంటాయి. ఇక లీడ్స్‌లో జరిగిన తొలి టెస్టు ద్వారా అరంగేట్రం చేసిన సాయి సుదర్శన్‌ డకౌట్‌ అయ్యాడు. రెండో ఇన్నింగ్స్‌లో ముప్పై పరుగులే చేసిన ఈ ఎడమచేతి వాటం బ్యాటర్‌ను రెండో టెస్టు నుంచి తప్పించారు.తాజాగా నాలుగో టెస్టు ద్వారా రీఎంట్రీ ఇచ్చిన సాయి.. 151 బంతులు ఎదుర్కొని 61 పరుగులతో అదరగొట్టాడు. కాగా తొలి రోజు ఆటలో ఓపెనర్లు యశస్వి జైస్వాల్‌ (58), కేఎల్‌ రాహుల్‌ (46) శుభారంభం అందించగా.. సాయి దానిని కొనసాగించాడు. అయితే, కెప్టెన్‌ శుబ్‌మన్‌ గిల్‌ (12) మరోసారి విఫలం కావడం.. పంత్‌ 37 పరుగుల వద్ద మైదానం వీడటం ప్రభావం చూపాయి. ఆట పూర్తయ్యేసరికి ఆల్‌రౌండర్లు రవీంద్ర జడేజా, శార్దూల్‌ ఠాకూర్‌ చెరో పందొమ్మిది పరుగులతో క్రీజులో ఉన్నారు. చదవండి: IND vs ENG: గిల్ నీకు కొంచ‌మైన తెలివి ఉందా.. ఇంత చెత్తగా ఔట్ అవుతావా? వీడియో

ఇంగ్లండ్ పర్యటనలో టీమిండియా స్టార్ వికెట్ కీపర్ బ్యాటర్ రిషబ్ పంత్‌ను దురదృష్టం వెంటాడింది. మాంచెస్టర్ వేదికగా ఇంగ్లండ్‌తో జరుగుతున్న నాలుగో టెస్టులో పంత్‌కు తీవ్రగాయమైంది. క్రిస్ వోక్స్ బౌలింగ్‌లో రివర్స్ స్వీప్ షాట్ ఆడే క్రమంలో పంత్ కుడికాలికి గాయమైంది.దీంతో 37 పరుగులు చేసిన రిషబ్ రిటైర్డ్ హార్ట్‌గా వెనుదిరిగాడు. పంత్ గాయపడక ముందు ఓ అరుదైన రికార్డును తన ఖాతాలో వేసుకున్నాడు. విదేశీ గడ్డపై 1000 పరుగుల మైలు రాయిని అందుకున్న తొలి పర్యాటక జట్టు వికెట్ కీపర్ బ్యాటర్‌గా పంత్ చరిత్ర సృష్టించాడు. 148 ఏళ్ల టెస్ట్‌ క్రికెట్‌ చరిత్రలో ఎవరికీ సాధ్యంకాని రికార్డును పంత్ తన పేరిట లిఖించుకున్నాడు. పంత్ ఇప్పటివరకు ఇంగ్లండ్‌లో టెస్టుల్లో 1004 పరుగులు చేశాడు. ప్రస్తుతం పంత్ దారిదాపుల్లో ఎవరూ లేరు.ఇంగ్లండ్‌లో అత్యధిక పరుగులు చేసిన విజిటింగ్ వికెట్ కీపర్‌లు వీరే..1004 పరుగులు-రిషబ్ పంత్ (భారత్‌)*778 పరుగులు- ఎంఎస్ ధోని (భారత్‌)773 పరుగులు - రాడ్ మార్ష్ (ఆస్ట్రేలియా)684 పరుగులు - జాన్ వైట్ (దక్షిణాఫ్రికా)624 పరుగులు - ఇయాన్ హీలీ (ఆస్ట్రేలియా)విదేశాల్లో అత్యధిక పరుగులు చేసిన విజిటింగ్ వికెట్ కీపర్‌లు వీరే..1000 – రిషబ్ పంత్ (ఇంగ్లాండ్)879 – రిషబ్ పంత్ (ఆస్ట్రేలియా)778 – ఎంఎస్ ధోని (ఇంగ్లాండ్)773 – రాడ్ మార్ష్ (ఇంగ్లాండ్)717 – ఆండీ ఫ్లవర్ (భారతదేశం)👉ఆస్ట్రేలియా గడ్డపై అత్యధిక టెస్టు పరుగులు చేసిన పర్యాటక వికెట్ కీపర్‌గా పంత్(879) కొనసాగుతున్నాడు.కాగా తొలి రోజు ఆట ముగిసే స‌మ‌యానికి భార‌త్ 77 ఓవర్లలో నాలుగు వికెట్ల నష్టానికి 245 ప‌రుగులు చేసింది. క్రీజులో ర‌వీంద్ర జ‌డేజా(19), శార్ధూల్ ఠాకూర్‌(19) ఉన్నారు. భార‌త బ్యాట‌ర్ల‌లో ఓపెన‌ర్లు య‌శ‌స్వి జైశ్వాల్‌(58), సాయిసుద‌ర్శ‌న్‌(61), కేఎల్ రాహుల్‌(46) రాణించారు.చదవండి: IND vs ENG: గిల్ నీకు కొంచ‌మైన తెలివి ఉందా.. ఇంత చెత్తగా ఔట్ అవుతావా? వీడియో

మాంచెస్ట‌ర్ వేదిక‌గా ఇంగ్లండ్‌తో జ‌రుగుతున్న నాలుగో టెస్టులో టీమిండియా స్టార్ వికెట్ కీప‌ర్ బ్యాట‌ర్ రిష‌బ్ పంత్‌కు తీవ్ర‌గాయ‌మైంది. తొలి రొజు ఆట‌లో భాగంగా పేస‌ర్ క్రిస్ వోక్స్ బౌలింగ్‌లో మూడో బంతికి పంత్ రివ‌ర్స్ స్వీప్ ఆడ‌టానికి ప్ర‌య‌త్నించాడు.అయితే బంతి బ్యాట్‌ ఎడ్జ్‌కు తగిలి పంత్ కుడి కాలు పాదానికి బలంగా తాకింది. దీంతో రిష‌బ్ తీవ్ర‌మైన నొప్పితో విల్ల‌విల్లాడు. వెంట‌నే ఫిజియో వచ్చి చికిత్స అందించిన‌ప్ప‌టికి ఫ‌లితం లేక‌పోవడంతో ఈ ఢిల్లీ ఆట‌గాడు రిటైర్డ్ హార్ట్‌గా వెనుదిరిగాడు. పంత్ రిటైర్డ్ హార్ట్ అయ్యే స‌మ‌యానికి 37 ప‌రుగులు చేశాడు. అద్భుత‌మైన ఫామ్‌లో ఉన్న రిష‌బ్ గాయప‌డ‌డం భార‌త్‌కు గ‌ట్టి ఎదురుదెబ్బ అనే చెప్పుకోవాలి. అస్సలు రెండో రోజు ఆట‌లో పంత్ బ్యాటింగ్ వ‌స్తాడా లేదా అన్న‌ది ప్ర‌స్తుతం ప్ర‌శ్నార్ధకంగా మారింది. ఇంత‌కుముందు లార్డ్స్ టెస్టులో కూడా పంత్ గాయ‌ప‌డిన సంగ‌తి తెలిసిందే. ఇక తాజా గాయంపై బీసీసీఐ అప్‌డేట్ ఇచ్చింది."మాంచెస్టర్ టెస్ట్ మొద‌టి రోజు ఆట‌లో బ్యాటింగ్ చేస్తుండ‌గా రిష‌బ్ పంత్ కుడి పాదానికి గాయమైంది. అత‌డిని స్కాన్ల కోసం అస్ప‌త్రికి త‌రలించారు. పంత్ ప్ర‌స్తుతం బీసీసీఐ వైద్య బృందం ప‌ర్య‌వేక్ష‌ణ‌లో ఉన్నాడ‌ని" భార‌త క్రికెట్ బోర్డు ఎక్స్‌లో రాసుకొచ్చింది. ఇక మ్యాచ్ విషయానికొస్తే.. తొలి రోజు ఆట ముగిసే స‌మ‌యానికి భార‌త్ 77 ఓవర్లలో నాలుగు వికెట్ల నష్టానికి 245 ప‌రుగులు చేసింది.క్రీజులో ర‌వీంద్ర జ‌డేజా(19), శార్ధూల్ ఠాకూర్‌(19) ఉన్నారు. ఓపెనర్లు యశస్వి జైశ్వాల్ (58), రాహుల్ (46) రాణించగా.. కెప్టెన్ శుభమన్ గిల్ 12 పరుగులు మాత్రమే చేసి నిరాశ పర్చాడు. ఇక యువ ఆట‌గాడు సాయిసుద‌ర్శ‌న్‌(61) కీల‌క ఇన్నింగ్స్ ఆడారు. ఇంగ్లండ్ బౌలర్లలో కెప్టెన్ బెన్ స్టోక్స్ రెండు వికెట్ల పడగొట్టగా.. వోక్స్, డాసన్ చెరో వికెట్ తీశారు.చదవండి: IND vs ENG: భారత మాజీ వికెట్‌ కీపర్‌కు అరుదైన గౌరవం..𝗨𝗽𝗱𝗮𝘁𝗲:Rishabh Pant was hit on his right foot while batting on Day 1 of the Manchester Test. He was taken for scans from the stadium. The BCCI Medical Team is monitoring his progress.— BCCI (@BCCI) July 23, 2025

83 ఓవర్ల తర్వాత టీమిండియా బ్యాటర్‌ శార్ధుల్‌ ఠాకూర్‌ 19, జడేజా 19 పరుగులతో క్రీజ్‌లో ఉన్నారు. 4 వికెట్ల నష్టానికి స్కోర్‌ 264 పరుగులుగా ఉంది.మాంచెస్టర్‌ టెస్ట్‌లో టీమిండియాకు తొలి రోజు చివరి సెషన్‌లో ఊహించని ఎదురుదెబ్బ​ తగిలింది. మూడో టెస్ట్‌లో వేలి గాయానికి గురైన పంత్‌ తాజాగా కాలి బొటన వేలికి దెబ్బ తగిలించుకున్నాడు. నొప్పితో విలవిలలాడిపోయిన పంత్‌ను వాహనంలో డ్రెస్సింగ్‌ రూమ్‌కు తీసుకెళ్లారు. పంత్‌ (37) మైదానాన్ని వీడే సమయానికి ఓ చారిత్రక రికార్డు సాధించాడు. ఇంగ్లండ్‌లో 1000 పరుగులు పూర్తి చేసుకున్న తొలి పర్యాటక వికెట్‌కీపర్‌ బ్యాటర్‌గా చరిత్ర సృష్టించాడు. ఈ రికార్డును పంత్‌ సిక్సర్‌తో అందుకోవడం​ విశేషం.పంత్‌ రిటైర్డ్‌ హర్ట్‌గా వెనుదిరిగాక రవీంద్ర జడేజా క్రీజ్‌లోకి వచ్చాడు. పంత్‌ మైదానాన్ని వీడిన కొద్ది సేపటికే సాయి సుదర్శన్‌ అర్ద సెంచరీ పూర్తి చేశాడు. 78 ఓవర్ల తర్వాత భారత్‌ స్కోర్‌ 4 వికెట్ల నష్టానికి 249 పరుగులుగా ఉంది. సాయి సుదర్శన్‌ (61), రవీంద్ర జడేజా (12) క్రీజ్‌లో ఉన్నారు.ఈ మ్యాచ్‌లో భారత్‌ టాస్‌ ఓడి తొలుత బ్యాటింగ్‌ చేస్తుంది. ఓపెనర్లు కేఎల్‌ రాహుల్‌ (46), యశస్వి జైస్వాల్‌ (58) రాణించగా.. శుభ్‌మన్‌ గిల్‌ (12) నిరాశపరిచాడు. భారత్‌ కోల్పోయిన వికెట్లలో రాహుల్‌ వికెట్‌ క్రిస్‌ వోక్స్‌కు.. జైస్వాల్‌ వికెట్‌ లియామ్‌ డాసన్‌కు.. శుభ్‌మన్‌ గిల్‌ వికెట్‌ బెన్‌ స్టోక్స్‌కు దక్కింది.కాగా, ఐదు మ్యాచ్‌ల ఈ సిరీస్‌లో భారత్‌ ప్రస్తుతం 1-2 తేడాతో వెనుకపడి ఉన్న విషయం తెలిసిందే. మొదటి, మూడు టెస్ట్‌ల్లో ఇంగ్లండ్‌ విజయం సాధించగా.. భారత్‌ రెండో మ్యాచ్‌లో గెలుపొందింది. ఈ మ్యాచ్‌లో గెలిస్తేనే భారత్‌ సిరీస్‌లో నిలబడుతుంది. కాబట్టి ఈ మ్యాచ్‌ భారత్‌కు డు ఆర్‌ డైగా మారింది.తుది జట్లు..ఇంగ్లండ్: జాక్ క్రాలీ, ⁠ ⁠బెన్ డకెట్, ఓలీ పోప్, జో రూట్, ⁠హ్యారీ బ్రూక్,⁠ బెన్ స్టోక్స్ (కెప్టెన్), జామీ స్మిత్ (వికెట్-కీపర్), లియామ్ డాసన్, ⁠క్రిస్ వోక్స్, బ్రైడన్ కార్సే, జోఫ్రా ఆర్చర్.భారత్‌: యశస్వి జైస్వాల్, KL రాహుల్, సాయి సుదర్శన్‌, శుభమన్ గిల్, రిషబ్ పంత్ (WK),రవీంద్ర జడేజా, వాషింగ్టన్ సుందర్, శార్దూల్‌ ఠాకూర్‌, అన్షుల్ కంబోజ్, జస్ప్రీత్ బుమ్రా, మహ్మద్ సిరాజ్.

మాంచెస్టర్‌ టెస్ట్‌లో టాస్‌ ఓడి తొలుత బ్యాటింగ్‌ చేస్తున్న భారత్‌ 200 పరుగుల మార్కును దాటింది. 46 పరుగుల వ్యవధిలో కేఎల్‌ రాహుల్‌ (46), యశస్వి జైస్వాల్‌ (58), శుభ్‌మన్‌ గిల్‌ (12) వికెట్లు కోల్పోయి కష్టాల్లో పడిన భారత్‌ను సాయి సుదర్శన్‌ (46), రిషబ్‌ పంత్‌ (28) ఆదుకునే ప్రయత్నం చేస్తున్నారు. వీరిద్దరు నాలుగో వికెట్‌కు అజేయమైన 61 పరుగులు జోడించి భారత ఇన్నింగ్స్‌ను చక్కదిద్దుతున్నారు.సాయి సుదర్శన్‌ ఎంతో ఓపికగా ఆడుతూ ఇంగ్లండ్‌ బౌలర్ల సహనాన్ని పరీక్షిస్తుండగా.. పంత్‌ తనదైన శైలిలో ధాటిగా ఆడుతున్నాడు. 65 ఓవర్ల తర్వాత భారత్‌ స్కోర్‌ 201/3గా ఉంది. భారత్‌ కోల్పోయిన వికెట్లలో రాహుల్‌ వికెట్‌ క్రిస్‌ వోక్స్‌కు.. జైస్వాల్‌ వికెట్‌ లియామ్‌ డాసన్‌కు.. శుభ్‌మన్‌ గిల్‌ వికెట్‌ బెన్‌ స్టోక్స్‌కు దక్కింది.కాగా, ఐదు మ్యాచ్‌ల ఈ సిరీస్‌లో భారత్‌ ప్రస్తుతం 1-2 తేడాతో వెనుకపడి ఉన్న విషయం తెలిసిందే. మొదటి, మూడు టెస్ట్‌ల్లో ఇంగ్లండ్‌ విజయం సాధించగా.. భారత్‌ రెండో మ్యాచ్‌లో గెలుపొందింది. ఈ మ్యాచ్‌లో గెలిస్తేనే భారత్‌ సిరీస్‌లో నిలబడుతుంది. కాబట్టి ఈ మ్యాచ్‌ భారత్‌కు డు ఆర్‌ డైగా మారింది.తుది జట్లు..ఇంగ్లండ్: జాక్ క్రాలీ, ⁠ ⁠బెన్ డకెట్, ఓలీ పోప్, జో రూట్, ⁠హ్యారీ బ్రూక్,⁠ బెన్ స్టోక్స్ (కెప్టెన్), జామీ స్మిత్ (వికెట్-కీపర్), లియామ్ డాసన్, ⁠క్రిస్ వోక్స్, బ్రైడన్ కార్సే, జోఫ్రా ఆర్చర్.భారత్‌: యశస్వి జైస్వాల్, KL రాహుల్, సాయి సుదర్శన్‌, శుభమన్ గిల్, రిషబ్ పంత్ (WK),రవీంద్ర జడేజా, వాషింగ్టన్ సుందర్, శార్దూల్‌ ఠాకూర్‌, అన్షుల్ కంబోజ్, జస్ప్రీత్ బుమ్రా, మహ్మద్ సిరాజ్.

ఇంగ్లండ్‌తో టెస్టు సిరీస్‌లో టీమిండియా స్టార్‌ రిషభ్‌ పంత్‌ (Rishabh Pant) అద్భుత ప్రదర్శన కనబరుస్తున్నాడు. ఇప్పటికి మూడు టెస్టులు ఆడిన ఈ వికెట్‌ కీపర్‌ బ్యాటర్‌.. ఆరు ఇన్నింగ్స్‌లో కలిపి 70కి పైగా సగటుతో 425 పరుగులు సాధించాడు. ఇందులో రెండు శతకాలు కూడా ఉండటం విశేషం.అయితే, పంత్‌ కొన్నిసార్లు అనవసరపు షాట్లకు పోయి వికెట్‌ పారేసుకోవడం వల్ల విమర్శలు మూటగట్టుకుంటున్నాడు. చివరగా ఆస్ట్రేలియాతో టెస్టుల్లోనూ నిర్లక్ష్యపు షాట్లతో మూల్యం చెల్లించిన ఈ ఎడమచేతి వాటం బ్యాటర్‌.. ఇంగ్లండ్‌లోనూ అదే పునరావృతం చేస్తున్నాడు. ముఖ్యంగా స్పిన్నర్‌ షోయబ్‌ బషీర్‌ (Shoaib Bashir) బౌలింగ్‌లో రెండుసార్లు భారీ షాట్లకు పోయి వికెట్‌ సమర్పించుకున్నాడు.ఐపీఎల్‌ కోసం దాచి ఉంచు పంత్‌ఈ నేపథ్యంలో పంత్‌ రిస్కీ షాట్ల గురించి భారత మాజీ వికెట్‌ కీపర్‌ బ్యాటర్‌ ఫారూఖ్‌ ఇంజనీర్‌ స్పందిస్తూ.. ‘‘కచ్చితంగా అతడు ఇలాంటి షాట్లు ఆడటం మానుకోవాలి. ఇలాంటివి ఐపీఎల్‌ కోసం దాచిపెట్టుకోవాలి. టెస్టు క్రికెట్‌లో ఎంతో క్రమశిక్షణతో బ్యాటింగ్‌ చేయాల్సి ఉంటుంది.ముఖ్యంగా మూడు, నాలుగు స్థానాల్లో ఆడేవాళ్లు సరైన రీతిలో ఆడాలి. సహచర ఆటగాళ్లతో కలిసి భారీ భాగస్వామ్యాలు నెలకొల్పి.. తమ ఇన్నింగ్స్‌ను భారీ స్కోర్లుగా మలచుకోవాలి’’ అని సూచించాడు.పళ్లు మొత్తం రాలిపోయి ఉండేవేమో!అదే విధంగా.. ‘‘పంత్‌కు ఆత్మవిశ్వాసం ఎక్కువ. అయితే, కీలక సమయాల్లో మరింత బాధ్యతాయుతంగా వ్యవహరించాల్సి ఉంటుంది. అతడు ప్రతిభావంతుడైన ఆటగాడే. కొత్త కొత్త షాట్లు కనిపెడతాడు. ఒక్కోసారి హెల్మెట్‌ ఉండబట్టి సరిపోయిందిలే అనిపిస్తుంది. మా రోజుల్లో అయితే, పళ్లు మొత్తం రాలిపోయి ఉండేవేమో’’ అంటూ ఫారూఖ్‌ ఇంజనీర్‌ సరదాగా వ్యాఖ్యానించాడు.కాగా రిషభ్‌ పంత్‌ వేలికి గాయమై విషయం తెలిసిందే. ఈ నేపథ్యంలో మాంచెస్టర్‌లో జరిగే నాలుగో టెస్టులో అతడు కేవలం బ్యాటర్‌గానే బరిలోకి దిగాలని.. అతడికి బదులు ధ్రువ్‌ జురెల్‌ వికెట్‌ కీపర్‌గా వ్యవహరించాలని ఫారూఖ్‌ ఇంజనీర్‌ సూచించాడు. ఇక ఐదు టెస్టుల సిరీస్‌లో ఇప్పటికి మూడు పూర్తి కాగా.. ఇంగ్లండ్‌ రెండు గెలవగా.. టీమిండియా ఒక మ్యాచ్‌లో విజయం సాధించింది.చదవండి: వైభవ్‌ సూర్యవంశీ ఖాతాలో మరో ప్రపంచ రికార్డు

టీమిండియా వికెట్‌ కీపర్‌ రిషబ్‌ పంత్‌ చరిత్ర సృష్టించేందుకు అతి సమీపంలో ఉన్నాడు. జులై 23 నుంచి ఇంగ్లండ్‌తో ప్రారంభం కాబోయే నాలుగో టెస్ట్‌లో పంత్‌ మరో 182 పరుగులు చేస్తే.. ఓ టెస్ట్‌ సిరీస్‌లో అత్యధిక పరుగులు చేసిన వికెట్‌కీపర్‌ బ్యాటర్‌గా సరికొత్త రికార్డు నెలకొల్పుతాడు. ప్రస్తుతం ఈ రికార్డు సౌతాఫ్రికా దిగ్గజం డెనిస్‌ లిండ్సే పేరిట ఉంది. లిండ్సే 1966/67 ఆస్ట్రేలియా సిరీస్‌లో 5 మ్యాచ్‌ల్లో (7 ఇన్నింగ్స్‌ల్లో) 86.57 సగటున 3 సెంచరీలు, 2 అర్ద సెంచరీల సాయంతో 606 పరుగులు చేశాడు.ఈ రికార్డు బద్దలు కొట్టేందుకు పంత్‌ 182 పరుగుల దూరంలో ఉన్నాడు. ఆరు దశాబ్దాల తర్వాత పంత్‌కు ఈ రికార్డు బద్దలు కొట్టే అవకాశం వచ్చింది. ప్రస్తుతం ఇంగ్లండ్‌తో జరుగుతున్న ఐదు మ్యాచ్‌ల టెస్ట్‌ సిరీస్‌లో పంత్‌ ఇప్పటివరకు 3 మ్యాచ్‌లు ఆడి 6 ఇన్నింగ్స్‌ల్లో రెండు సెంచరీలు, రెండు హాఫ్‌ సెంచరీల సాయంతో 425 పరుగులు చేసి లీడింగ్‌ రన్‌ స్కోరర్ల జాబితాలో శుభ్‌మన్‌ గిల్‌ (607) తర్వాత రెండో స్థానంలో ఉన్నాడు. ఒక వేళ పంత్‌ నాలుగో టెస్ట్‌లో ఈ అవకాశం మిస్‌ అయినా ఐదో టెస్ట్‌లో సాధించే అవకాశం ఉంటుంది.మరో 101 పరుగులు చేస్తే..!ఇంగ్లండ్‌తో నాలుగో టెస్ట్‌లో పంత్‌ 101 పరుగులు చేస్తే ఓ టెస్ట్ సిరీస్‌లో అత్యధిక పరుగులు చేసిన భారత వికెట్ కీపర్‌గా రికార్డు సాధిస్తాడు. ప్రస్తుతం ఈ రికార్డు బుద్ది కుందరన్‌ పేరిట ఉంది. కుందరన్‌ 1963/64లో ఇంగ్లండ్‌తో జరిగిన 5 మ్యాచ్‌ల టెస్ట్‌ సిరీస్‌లో 10 ఇన్నింగ్స్‌లు ఆడి 525 పరుగులు చేశాడు. ఇందులో 2 సెంచరీలు, ఓ హాఫ్‌ సెంచరీ ఉంది.ఓ టెస్ట్‌ సిరీస్‌లో అత్యధిక పరుగులు చేసిన వికెట్‌ కీపర్‌ బ్యాటర్లు..డెనిస్‌ లిండ్సే-606ఆండీ ఫ్లవర్‌- 540కుందరన్‌- 525బ్రాడ్‌ హడిన్‌- 493గెర్రి అలెగ్జాండర్‌- 484ఆడమ్‌ గిల్‌క్రిస్ట్‌- 473అలెక్‌ స్టివార్ట్‌- 465వాల్కాట్‌- 452రిషబ్‌ పంత్‌- 425రికార్డుల మాట అటుంచితే, అసలు పంత్‌ ఆడతాడా..?రికార్డుల మాట అటుంచితే ఇంగ్లండ్‌తో నాలుగో టెస్ట్‌లో పంత్‌ ఆడతాడా లేదా అన్నది ప్రస్తుతం ప్రశ్నార్థకంగా మారింది. మూడో టెస్ట్‌లో గాయపడిన పంత్‌.. నాలుగో మ్యాచ్‌కు ముందు ప్రాక్టీస్‌ సెషన్స్‌లో పాల్గొనడం లేదు.పంత్ గాయంపై భార‌త అసిస్టెంట్ కోచ్ ర్యాన్ డెష్కటే అప్‌డేట్ ఇచ్చాడు. పంత్ ఇంకా నొప్పితో బాధ‌ప‌డుతున్నాడ‌ని, నాలుగో టెస్ట్ స‌మ‌యానికి ఫిట్‌నెస్ సాధిస్తాడ‌ని థీమా వ్య‌క్తం చేశాడు. ముందుస్తు జాగ్ర‌త్త‌గా పంత్‌ను ప్రాక్టీస్‌కు దూరంగా ఉంచామని తెలిపాడు.కాగా, మూడో టెస్ట్‌ తొలి ఇన్నింగ్స్‌ బ్యాటింగ్‌కు ముందే పంత్‌ చేతి వేలికి గాయ‌మైంది. దీంతో అత‌డి స్ధానంలో ధ్రువ్ జురెల్ స‌బ్‌స్ట్యూట్ వికెట్ కీప‌ర్‌గా బాధ్య‌త‌లు నిర్వ‌ర్తించాడు. వికెట్‌కీపింగ్‌కు దూరంగా ఉన్నా పంత్‌ రెండు ఇన్నింగ్స్‌ల్లో బ్యాటింగ్‌ మాత్రం చేశాడు.

ఇంగ్లండ్‌తో మాంచెస్ట‌ర్ వేదిక‌గా జూలై 23 నుంచి ప్రారంభం కానున్న నాలుగో టెస్టులో త‌ల‌ప‌డేందుకు టీమిండియా సిద్ద‌మైంది. ఈ మ్యాచ్ కోసం భార‌త జ‌ట్టు బెకెన్‌హామ్‌లో త‌మ ప్రాక్టీస్‌ను మొద‌లు పెట్టింది. గురువారం తొలి ప్రాక్టీస్ సెష‌న్‌లో గిల్ సేన తీవ్రంగా శ్ర‌మించింది. అయితే ఈ ప్రాక్టీస్ సెష‌న్‌కు టీమిండియా స్టార్ వికెట్ కీప‌ర్ రిష‌బ్ పంత్ దూర‌మ‌య్యాడు.లార్డ్స్ వేదిక‌గా జ‌రిగిన మూడో టెస్టులో పంత్ చేతి వేలికి గాయ‌మైంది. దీంతో అత‌డి స్ధానంలో ధ్రువ్ జురెల్ స‌బ్‌స్ట్యూట్ వికెట్ కీప‌ర్‌గా బాధ్య‌త‌లు నిర్వ‌ర్తించాడు. ఫీల్డింగ్‌కు దూరంగా ఉన్న పంత్‌.. రెండు ఇన్నింగ్స్‌లో బ్యాటింగ్‌కు మాత్రం వ‌చ్చాడు. తీవ్ర‌మైన నొప్పితో బాధ‌ప‌డుతూనే బ్యాటింగ్ చేశాడు. ఈ క్ర‌మంలో నాలుగో టెస్టుకు పంత్ అందుబాటులో ఉంటాడా లేదా అన్నది ప్ర‌స్తుతం ప్ర‌శ్నార్ధ‌కంగా మారింది. తాజాగా పంత్ గాయంపై భార‌త అసిస్టెంట్ కోచ్ ర్యాన్ టెన్‌డెష్కాట్ అప్‌డేట్ ఇచ్చాడు. పంత్ ఇంకా నొప్పితో బాధ‌ప‌డుతున్నాడ‌ని, మాంచెస్టర్ టెస్ట్ స‌మ‌యానికి ఫిట్‌నెస్ సాధిస్తాడ‌ని టెన్‌డెష్కాట్ థీమా వ్య‌క్తం చేశాడు."మాంచెస్టర్‌లో జ‌రిగే నాలుగో టెస్టుకు ముందు పంత్ త‌న బ్యాటింగ్ ప్రాక్టీస్‌ను మొద‌లు పెడ‌తాడు. ఆ స‌మ‌యానికి అత‌డు క‌చ్చితంగా ఫిట్‌నెస్ సాధిస్తాడ‌న్న న‌మ్మ‌కం ఉంది. అత‌డు మూడో టెస్టులో చాలా నొప్పితో బ్యాటింగ్ చేశాడు. ఆ త‌ర్వాత అత‌డి చేతి వేలి నొప్పి కాస్త త‌గ్గింది.కానీ ముందుస్తు జాగ్ర‌త్త‌గా ప్ర‌స్తుతం అత‌డు ప్రాక్టీస్‌కు దూరంగా ఉన్నాడు. వికెట్ కీపింగ్ చేయ‌గ‌ల‌డా లేదా అన్న‌ది ఆఖ‌రిలో మేము నిర్ధారించుకుంటాము. మ‌రోసారి ఇన్నింగ్స్ మధ్యలో కీపర్‌ను మార్చాల్సిన పరిస్థితి రాకూడ‌దు. పూర్తి ఫిట్‌నెస్ సాధిస్తే పంత్‌నే బ్యాటింగ్‌, వికెట్ కీపింగ్ రెండూ చేస్తాడు. రాబోయే రోజుల్లో అత‌డి ఫిట్‌నెస్‌పై క‌చ్చితంగా అప్‌డేట్ ఇస్తామ‌ని" విలేక‌రుల స‌మావేశంలో డెష్కాట్ పేర్కొన్నాడు.చదవండి: ENG vs IND: ఇంగ్లండ్‌తో నాలుగో టెస్టు.. టీమిండియాకు భారీ షాక్‌

టీమిండియా స్టార్‌ మహిళా క్రికెటర్‌ దీప్తి శర్మను అభిమానులు "లేడీ సెహ్వాగ్‌" అని పిలుచుకుంటారు. దీప్తి సెహ్వాగ్‌లా భయం, బెరుకు లేకుండా డాషింగ్‌గా షాట్లు ఆడటమే ఇందుకు కారణం. లేడీ సెహ్వాగ్‌ బిరుదుకు దీప్తి శర్మ తాజాగా మరోసారి సార్దకత చేకూర్చింది. నిన్న (జులై 16) ఇంగ్లండ్‌తో జరిగిన తొలి వన్డేలో దీప్తి మెరుపు ఇన్నింగ్స్‌ (64 బంతుల్లో 62; 3 ఫోర్లు, సిక్స్‌) ఆడి భారత విజయంలో ప్రధానపాత్ర పోషించింది.ఈ ఇన్నింగ్స్‌లో దీప్తి కొట్టిన ఏకైక సిక్సర్‌ ప్రస్తుతం సోషల్‌మీడియాలో వైరలవుతుంది. ఈ షాట్‌ను దీప్తి రిషబ్‌ పంత్‌లా ఆడటం​ వల్ల అందరి దృష్టిని ఆకర్శిస్తుంది. దీప్తి పంత్‌ ట్రేడ్‌ మార్క్‌ షాట్‌ అయిన "ఒంటి చేత్తో సిక్సర్‌" విజయవంతంగా పూర్తి చేయడంలో సఫలమైంది. DEEPTI SHARMA ON ONE-HANDED SIX:"I play these shots in practice - I picked that up from Rishabh Pant". pic.twitter.com/Y5u2eYdZ0i— Johns. (@CricCrazyJohns) July 17, 2025మ్యాచ్‌ అనంతరం ఈ షాట్‌ గురించి దీప్తి మాట్లాడుతూ.. నేను ఇలాంటి షాట్లను నిత్యం ప్రాక్టీస్‌ చేస్తుంటాను. రిషబ్‌ పంత్‌ను చూసినప్పటి నుంచే ఇలాంటి షాట్లను ఆడటం మొదలుపెట్టానని అంది.ఇదిలా ఉంటే, ఇంగ్లండ్‌ పర్యటనలో భారత మహిళల క్రికెట్‌ జట్టు జోరు కొనసాగుతోంది. ఈ పర్యటనలో ఇదివరకే ఐదు మ్యాచ్‌ల టీ20 సిరీస్‌ను 3-2 తేడాతో కైవసం చేసుకున్న భారత్‌.. తాజాగా మూడు మ్యాచ్‌ల వన్డే సిరీస్‌లో ఘనంగా బోణీ కొట్టింది. సౌతాంప్టన్‌ వేదికగా జరిగిన తొలి వన్డేలో భారత్‌ 4 వికెట్ల తేడాతో ఇంగ్లండ్‌ను చిత్తు చేసి, సిరీస్‌లో 1-0 ఆధిక్యంలోకి వెళ్లింది.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌.. సోఫీ డంక్లీ (83), డేవిడ్‌సన్‌ రిచర్డ్స్‌ (53) రాణించడంతో నిర్ణీత 50 ఓవర్లలో 6 వికెట్ల నష్టానికి 258 పరుగులు చేసింది. భారత బౌలర్లలో క్రాంతి గౌడ్‌, స్నేహ్‌ రాణా తలో రెండు వికెట్లు తీయగా.. అమన​్‌జోత్‌ కౌర్‌, శ్రీ చరణి చెరో వికెట్‌ పడగొట్టారు.అనంతరం ఓ మోస్తరు లక్ష్య ఛేదనకు దిగిన భారత్‌.. ఆది నుంచే నిలకడగా ఆడుతూ పెద్దగా కష్టపడకుండానే విజయం సాధించింది. టాపార్డర్‌ బ్యాటర్లలో ప్రతీక రావల్‌ (36), స్మృతి మంధన (28), హర్లీన్‌ డియోల్‌ (27), కెప్టెన్‌ హర్మన్‌ప్రీత్‌ కౌర్‌ (17), జెమీమా రోడ్రిగెజ్‌ (48) ఓ మోస్తరు స్కోర్లతో పర్వాలేదనిపించగా.. ఆల్‌రౌండర్‌ దీప్తి శర్మ (62 నాటౌట్‌) బాధ్యతాయుతమైన హాఫ్‌ సెంచరీతో భారత్‌ను గెలిపించింది.

ఐసీసీ టెస్టు బ్యాట‌ర్ల‌ ర్యాంకింగ్స్‌లో ఇంగ్లండ్ స్టార్ ప్లేయ‌ర్‌ జో రూట్ మ‌ళ్లీ అగ్ర పీఠాన్ని అధిరోహించాడు. వారం రోజులు తిరగక ముందే తన సహచర ఆటగాడు హ్యారీ బ్రూక్‌ను అధిగ‌మించి రూట్‌ టాప్ ర్యాంక్‌కు చేరుకున్నాడు. లార్డ్స్ వేదికగా టీమిండియాతో జ‌రిగిన మూడో టెస్టులో సెంచ‌రీతో చెల‌రేగిన రూట్‌.. ఒక స్ధానం మెరుగుప‌రుచుకుని నెం1 టెస్టు బ్యాట‌ర్‌గా నిలిచాడు.భార‌త్ రెండో టెస్టు అనంత‌రం టాప్ ర్యాంక్‌కు చేరుకున్న హ్యారీ బ్రూక్.. ఇప్పుడు 862 పాయింట్ల‌తో మూడో స్ధానానికి ప‌డిపోయాడు. టాప్‌లో రూట్‌(888) కొన‌సాగుతుండ‌గా.. విలియ‌మ్స‌న్‌(867), బ్రూక్‌, స్టీవ్ స్మిత్‌(816) త‌ర్వాత స్ధానాల్లో కొన‌సాగుతున్నారు. ఇక లార్డ్స్ టెస్టులో విఫ‌ల‌మైన య‌శ‌స్వి జైశ్వాల్‌, శుబ్‌మ‌న్ గిల్ రాంక్‌లు దిగ‌జారాయి. జైశ్వాల్‌(801) ఒక్క స్ధానం డ్రాప్ అయ్యి ఐదో స్ధానంలో కొన‌సాగుతుండ‌గా.. శుబ్‌మ‌న్ గిల్ (765)ఏకంగా మూడు స్ధానాలు దిగ‌జారి తొమ్మిదో ర్యాంక్‌కు ప‌డిపోయాడు. అదేవిధంగా రిష‌బ్ పంత్ కూడా ఒక స్ధానం డ్రాప్ అయ్యి ఎనిమిదో ర్యాంక్‌లో కొన‌సాగుతున్నాడు. భార‌త్ నుంచి టాప్‌-10 ర్యాంక్‌లో మొత్తంగా ముగ్గురు ఆట‌గాళ్లు ఉన్నారు.సెకెండ్‌ ప్లేయర్‌గాటెస్టు బ్యాట‌ర్ల ర్యాంకింగ్స్‌లో జో రూట్ అగ్ర‌స్దానాన్ని కైవసం చేసుకోవడం ఇది ఎనిమిదోసారి కావ‌డం గ‌మ‌నార్హం. టెస్టుల్లో నెం1 ర్యాంక్‌లో కొన‌సాగుతున్న రెండో అతి పెద్ద వ‌య‌ష్కుడిగా రూట్ నిలిచాడు. 34 ఏళ్ల వ‌య‌స్సులో రూట్ ఈ ఘ‌న‌త సాధించాడు. ఈ జాబితాలో శ్రీలంక క్రికెట్ దిగ్గ‌జం కుమార్ సంగక్కర టాప్‌లో ఉన్నాడు. సంగ‌క్క‌ర 37 ఏళ్ల వ‌య‌స్సులో టెస్టుల్లో నెం1 బ్యాట‌ర్‌గా నిలిచాడు.కాగా లార్డ్స్ టెస్టులో 22 పరుగుల తేడాతో భారత్ ఓటమి పాలైన సంగతి తెలిసిందే. ఆఖరి వరకు పోరాడినప్పటికి విజయం మాత్రం టీమిండియాకు వరించలేదు. ఇరు జట్ల మధ్య నాలుగో టెస్టు జూలై 23 నుంచి మాంచెస్టర్ వేదికగా ప్రారంభం కానుంది.చదవండి: జడేజా దూకుడుగా ఆడాల్సింది!.. టీమిండియా దిగ్గజాలకు ఇచ్చిపడేసిన పుజారా

ఇంగ్లండ్‌తో నాలుగో టెస్టు నేపథ్యంలో భారత దిగ్గజ స్పిన్నర్‌ అనిల్‌ కుంబ్లే (Anil Kumble) టీమిండియా నాయకత్వ బృందానికి కీలక సూచనలు చేశాడు. లార్డ్స్‌ (Lord's Test)లో ఆడించిన తుదిజట్టునే మాంచెస్టర్‌లోనూ కొనసాగించాలని సూచించాడు. మూడో టెస్టులో టీమిండియా బాగానే ఆడిందని... అయితే, ఆఖరి వరకు పోరాడినా దురదృష్టవశాత్తూ ఓటమిపాలైందని పేర్కొన్నాడు.పొరపాట్లను సరిచేసుకుంటే నాలుగో టెస్టులో అనుకున్న ఫలితాన్ని రాబట్టవచ్చని.. కానీ ఇందుకోసం తుదిజట్టులో మాత్రం మార్పులు అవసరం లేదని కుంబ్లే అభిప్రాయపడ్డాడు. కాగా టెండుల్కర్‌- ఆండర్సన్‌ ట్రోఫీ (Tendulkar- Anderson Trophy)లో భాగంగా టీమిండియా ఇంగ్లండ్‌తో ఐదు టెస్టులు ఆడుతోంది.ఆధిక్యంలో ఆతిథ్య జట్టుఈ క్రమంలో తొలుత లీడ్స్‌లో ఇంగ్లండ్‌ గెలుపొందగా.. రెండో టెస్టులో భారత్‌ ఎడ్జ్‌బాస్టన్‌లో జయభేరి మోగించింది. ఇక ఇరుజట్ల మధ్య ఆఖరి రోజు వరకు ఉత్కంఠగా సాగిన లార్డ్స్‌ టెస్టులో మాత్రం గిల్‌ సేన 22 పరుగుల తేడాతో పరాజయాన్ని చవిచూసింది. ఫలితంగా ఇంగ్లండ్‌కు 2-1తో ఆధిక్యం దక్కింది.కరుణ్‌ నాయర్‌ వరుస వైఫల్యాలుకాగా ప్రఖ్యాత లార్డ్స్‌ మైదానంలో కెప్టెన్‌ శుబ్‌మన్‌ గిల్‌ (16, 6)తో పాటు కీలక ఆటగాళ్లు యశస్వి జైస్వాల్‌(13, 0 ), కరుణ్‌ నాయర్‌ (40, 14) విఫలం కావడం తీవ్ర ప్రభావం చూపింది. మరోవైపు.. వైస్‌ కెప్టెన్‌ రిషభ్‌ పంత్‌ సైతం తొలి ఇన్నింగ్స్‌ (74)లో రనౌట్‌ కావడం.. రెండో ఇన్నింగ్స్‌ (9)లో ఫెయిల్‌ అవడం టీమిండియా కొంపముంచింది.అయితే, వీరిలో ప్రధానంగా కరుణ్‌ నాయర్‌ వరుస వైఫల్యాల కారణంగా తీవ్ర స్థాయిలో విమర్శలు ఎదుర్కొంటున్నాడు. ఎనిమిదేళ్ల తర్వాత జట్టులోకి పునరాగమనం చేసిన ఈ విదర్భ స్టార్‌కు ఇంగ్లండ్‌లో వరుస అవకాశాలను సద్వినియోగం చేసుకోలేకపోవడం ఇందుకు కారణం.ఇంగ్లండ్‌తో సిరీస్‌లో కరుణ్‌ ఇప్పటి వరకు చేసిన స్కోర్లు వరుసగా.. 0, 20, 31, 26, 40, 14. ముఖ్యంగా లార్డ్స్‌ టెస్టు రెండో ఇన్నింగ్స్‌లో అతడు అవుటైన తీరు అభిమానులకు సైతం ఆగ్రహం తెప్పించింది. దీంతో అతడిపై వేటు వేయాలనే డిమాండ్లు పెరిగాయి.పంత్‌ విషయంలో నో క్లారిటీఈ నేపథ్యంలో అనిల్‌ కుంబ్లే మాత్రం కరుణ్‌ నాయర్‌కు మద్దతుగా నిలవడం విశేషం. నాలుగో టెస్టులో భారత తుదిజట్టు కూర్పు గురించి మాట్లాడుతూ.. ‘‘మాంచెస్టర్‌లో ఎలాంటి మార్పులు లేకుండా బరిలోకి దిగితేనే బాగుంటుంది. నిజానికి లార్డ్స్‌లో మనవాళ్లు అద్భుతంగా ఆడారు.అవును.. మనం 22 పరుగుల తేడాతో ఓడిపోయిన మాట వాస్తవమే. అయినా మనవాళ్లు ఆఖరి వరకు పోరాడిన తీరు అద్భుతం. గాయాల బెడదలు లేకుంటే ఇదే జట్టుతో కొనసాగవచ్చు. అయితే, రిషభ్‌ పంత్‌ (వేలికి గాయం) విషయంలో మాత్రం నేనేమీ కచ్చితంగా చెప్పలేను.అతడికి ఇంకొక్క అవకాశం ఇవ్వండిమరొక విషయం.. కరుణ్‌ నాయర్‌ తన చోటును పదిలం చేసుకుంటాడనే అనుకుంటున్నాను. ఎందుకంటే.. తొలి ఇన్నింగ్స్‌లో అతడు రాణించాడు. ఇక రెండో ఇన్నింగ్స్‌లో అతడు అవుటైన తీరు నిరాశపరిచినా.. అతడి బ్యాటింగ్‌కు మాత్రం పేరుపెట్టలేము. అతడు నెలకొల్పిన భాగస్వామ్యం కూడా మ్యాచ్‌లో కీలకమైనదే.తొలి ఇన్నింగ్స్‌లో ఒకవేళ నాయర్‌ ముందే అవుటై ఉంటే.. అప్పుడు గిల్‌ మరింత ముందుగానే కొత్త బంతిని ఎదుర్కోవాల్సి వచ్చేది. తొలి 20- 25 ఓవర్లు కీలకం. కాబట్టి ఈ విషయంలో నాయర్‌ను తప్పుబట్టడానికి లేదు. అతడు దురదృష్టవశాత్తూ అవుటయ్యాడు.జో రూట్‌ అద్భుతమైన క్యాచ్‌ పట్టడం వల్ల వెనుదిరిగాడు. కాబట్టి ఇంకొక్క అవకాశం పొందేందుకు కరుణ్‌ నాయర్‌ అర్హుడు’’ అని అనిల్‌ కుంబ్లే పేర్కొన్నాడు. స్టార్‌ స్పోర్ట్స్‌ షోలో ఈ మేరకు వ్యాఖ్యలు చేశాడు. కాగా జూలై 23- 27 మాంచెస్టర్‌ వేదికగా భారత్‌- ఇంగ్లండ్‌ మధ్య నాలుగో టెస్టుకు షెడ్యూల్‌ ఖరారైంది.చదవండి: ప్రపంచకప్‌ వార్మప్‌ మ్యాచ్‌ల షెడ్యూల్‌ విడుదల.. భారత్‌ ఎవరితో ఆడనుందంటే..?Ups & downs, fightbacks & heartbreaks, Day 5 of the Lord's Test had it all! 🙌"In the end, Cricket was the real winner!" ❤#ENGvIND | 4th Test starts WED, 23rd JULY, 2:30 PM | Streaming on JioHotstar! pic.twitter.com/ak9WkvZ2G2— Star Sports (@StarSportsIndia) July 14, 2025

లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో టీమిండియా ఓట‌మి అంచున నిలిచింది. 193 ప‌రుగుల ల‌క్ష్యంతో బ‌రిలోకి భార‌త జ‌ట్టు 82 ప‌రుగుల‌కే 7 వికెట్లు కోల్పోయి పీక‌ల్లోతు క‌ష్టాల్లో ప‌డింది. ఆఖరి రోజు ఆట‌లో ఇంగ్లండ్ ఫాస్ట్ బౌల‌ర్ జోఫ్రా ఆర్చ‌ర్ నిప్పులు చెరుగుతున్నాడు.అత‌డి బౌలింగ్ ధాటికి భార‌త బ్యాట‌ర్లు బెంబేలెత్తుతున్నారు. ఐదో రోజు ఆట ఆరంభంలో భార‌త వికెట్ కీప‌ర్ బ్యాట‌ర్ రిష‌బ్ పంత్‌ను అద్బుత బంతితో ఆర్చ‌ర్ బోల్తా కొట్టించాడు. ఆర్చ‌ర్ వేసిన డెలివ‌రీకి పంత్ ద‌గ్గ‌ర సమాధాన‌మే లేక‌పోయింది. భార‌త ఇన్నింగ్స్ 21 ఓవ‌ర్ వేసిన ఆర్చ‌ర్ బౌలింగ్‌లో మూడో బంతికి పంత్ అద్బుత‌మైన బౌండ‌రీ బాదాడు.ఆ త‌ర్వాత ఐదో బంతికి పంత్‌ను క్లీన్ బౌల్డ్ చేసి ఈ ఇంగ్లండ్ పేస‌ర్ ప్ర‌తీకారం తీర్చుకున్నాడు. ఆర్చ‌ర్ ఆ ఐదో బంతిని రౌండ్‌ది వికెట్ నుంచి హాఫ్ స్టంప్ దిశ‌గా హార్డ్ లెంగ్త్ డెలివ‌రీగా పంత్ సంధించాడు. ఆ బంతిని పంత్ డిఫెన్స్ ఆడేందుకు ప్ర‌య‌త్నించాడు. కానీ పంత్ త‌న బ్యాట్‌ను కింద‌కు తీసుకొచ్చేలోపే బంతి స్టంప్స్‌ను గిరాటేసింది.దీంతో పంత్ ఒక్కసారిగా షాక్ అయ్యాడు. వెంట‌నే పంత్‌కు వ‌ద్ద‌కి వెళ్లి స్లెడ్జ్ చేశాడు. అత‌డి వైపు చూస్తూ సీరియ‌స్‌గా ఏదో అంటూ సెండాఫ్ ఇచ్చాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.అనంతరం వాషింగ్ట‌న్ సుంద‌ర్‌ను కూడా సంచ‌ల‌న రిట‌ర్న్ క్యాచ్‌తో ఆర్చ‌ర్ పెవిలియ‌న్‌కు పంపాడు. టీమిండియా విజ‌యానికి ఇంకా 93 ప‌రుగులు కావాలి. క్రీజులో ర‌వీంద్ర జ‌డేజా(14), నితీశ్ కుమార్ రెడ్డి(5) ఉన్నారు.Split screen angles just hit different with Jofra 😍👌 pic.twitter.com/9kf7r2QmUk— England Cricket (@englandcricket) July 14, 2025చదవండి: IND vs ENG 3rd Test Day 5: తొలి సెషన్‌ కీలకం.. ఆరు వికెట్లు తీసి..: ఇంగ్లండ్‌ కోచ్‌

లార్డ్స్ టెస్టులో ఇంగ్లండ్‌కు టీమిండియా ధీటైన జవాబు ఇచ్చింది. ఇంగ్లండ్ తమ తొలి ఇన్నింగ్స్‌లో 387 ప‌రుగులు చేయ‌గా.. టీమిండియా సైతం సరిగ్గా 387 ప‌రుగుల‌కు ఆలౌటైంది. అయితే మూడో రోజు తొలి సెష‌న్‌లో ఇంగ్లండ్‌పై భార‌త్ ఆధిప‌త్యం చెలాయించింది.కానీ లంచ్ విరామానికి ముందు పంత్ వికెట్‌ను కోల్పోవ‌డంతో క‌థ తారుమారైంది. అనవ‌స‌రంగా ర‌నౌట్ అయ్యి ఇంగ్లండ్‌కు త‌న వికెట్‌ను స‌మ‌ర్పించుకున్నాడు. కేఎల్ రాహుల్‌, పంత్ మ‌ధ్య స‌మ‌న్వ‌య‌లోపం వ‌ల్ల భార‌త్ వికెట్ కోల్పోవ‌ల్సి వ‌చ్చింది.అయితే లేని ప‌రుగు కోసం పంత్ ప్రయ‌త్నించి ర‌నౌట‌య్యాడు అని చాలా మంది విమ‌ర్శించారు. కానీ ఈ పూర్తి బాధ్య‌త‌ను రాహుల్ తీసుకున్నాడు. లంచ్ బ్రేక్‌కు ముందు సెంచరీ సాధించాలనే తన ఆత్రుత అన‌వ‌స‌ర ర‌నౌట్‌కు అవుట్‌కు దారితీసిందని వెల్లడించాడు."ఈ మ్యాచ్‌లో మా ఇద్దరి మధ్య చాలా సంభాషణలు జరిగాయి. వీలైతే లంచ్ విరామానికి ముందే సెంచ‌రీ సాధిస్తాన‌ని నేను పంత్‌తో చెప్పాను. బ‌షీర్ లంచ్ బ్రేక్‌కు ముందు చివ‌రి ఓవ‌ర్ వేయ‌డంతో సెంచ‌రీ చేయ‌డానికి మంచి అవకాశం భావించాను.అందుకే పంత్ నాకు సింగిల్ తీసి స్ట్రైక్ ఇవ్వాల‌ని ప్ర‌య‌త్నించాడు. కానీ దుర‌దృష్టవ శాత్తూ రనౌట్ అయ్యాడు. అయితే ఆ ఓవ‌ర్‌లో తొలి బంతికి బౌండరీ బాదే అవ‌కాశ‌ముండేది. కానీ నేను మిస్ చేసుకున్నాను. ఆ బంతికి కేవ‌లం సింగిల్ మాత్ర‌మే ల‌భించింది. దీంతో పంత్ మ‌ళ్లీ న‌న్ను స్ట్రైక్‌లోకి తీసుకురావాల‌న‌కున్నాడు. అందుకే క్విక్ సింగిల్ కోసం ప్ర‌య‌త్నించాడు. ఈ ప్ర‌య‌త్నంలో అత‌డు ర‌నౌట్ అవ్వాల్సి వ‌చ్చింది. ఇది మా ఇద్దరికీ నిరాశ కలిగించింది. కానీ ఏ బ్యాట‌ర్ కూడా ఈ విధంగా ఔట్ అవ్వాల‌ని అనుకోరు. ఏదేమైనా ఆ ర‌నౌట్ మా మూమెంట‌మ్‌ను దెబ్బ‌తీసింది. ఒక్క‌సారిగా ప‌రిస్థితులు మారిపోయాయి. ఇంగ్లండ్ తిరిగి గేమ్‌లోకి వ‌చ్చింది"అని రాహుల్ మూడో రోజు ఆట అనంత‌రం విలేక‌రుల స‌మావేశంలో పేర్కొన్నాడు. ఆ త‌ర్వాత షోయ‌బ్ బ‌షీర్ బౌలింగ్‌లోనే రాహుల్‌ 177 బంతుల్లో స‌రిగ్గా 100 ప‌రుగులు చేసిఔట‌య్యాడు. ఈ క‌ర్ణాట‌క ఆట‌గాడు రిషబ్ పం‍త్‌తో కలిసి నాలగో వికెట్‌కు 140 పరుగులకు పైగా భాగస్వామ్యాన్ని నెలకొల్పాడు.చదవండి: IND vs ENG: ఇంగ్లండ్‌ గడ్డపై రాహుల్‌ సూపర్‌ సెంచరీ.. వీరేంద్ర సెహ్వాగ్ రికార్డు బ్రేక్‌

లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో టీమిండియా వికెట్ కీప‌ర్ బ్యాట‌ర్‌ రిష‌బ్ పంత్ అద్బుత‌మైన హాఫ్ సెంచ‌రీతో మెరిశాడు. ఎడమ చేతి వేలికి గాయమైనప్పటికీ బ్యాటింగ్‌కు వ‌చ్చి జ‌ట్టును ఆదుకున్నాడు. కేఎల్ రాహుల్‌తో క‌లిసి నాలుగో వికెట్‌కు 141 ప‌రుగుల కీల‌క భాగ‌స్వామ్యాన్ని నెల‌కొల్పాడు. ఓవ‌రాల్‌గా 112 బంతుల్లో 8 ఫోర్లు, రెండు సిక్సర్లతో 74 పరుగులు చేసి అవుటయ్యాడు. మంచి టచ్‌లో కన్పించిన రిష‌బ్‌ దుర‌దృష్టవశాత్తూ రనౌట్ రూపంలో పెవిలియన్‌కు చేరాడు. అవ‌స‌రంలేని రన్‌కు ప‌రిగెత్తి తన వికెట్‌ను పంత్ కోల్పోయాడు. ఈ క్రమంలో పంత్‌ను టీమిండియా మాజీ కెప్టెన్ అనిల్ కుంబ్లే విమర్శించారు. లంచ్ విరామానికి ముందు పంత్ అనవసరంగా తన వికెట్‌ను సమర్పించుకున్నాడని కుంబ్లే మండిపడ్డాడు."రిష‌బ్ పంత్ అన‌వ‌స‌రంగా ఔట‌య్యాడు. అస్సలు అక్క‌డ ప‌రుగు వ‌చ్చే ఛాన్స్ లేదు. పంత్ మొద‌ట ప‌రుగుకు పిలుపిచ్చి, వెంట‌నే త‌న మ‌నసు మార్చుకున్నాడు. కానీ పంత్ పిలుపుతో కేఎల్ రాహుల్ వెంట‌నే నాన్ స్ట్రైక్ నుంచి ర‌న్ కోసం ప‌రిగెత్తాడు.దీంతో ప్రారంభంలో పంత్ కాస్త సంకోంచి ప‌రిగెత్త‌డంతో ర‌నౌట్ అవ్వాల్సి వ‌చ్చింది. నిజంగా ఇది అన‌వ‌స‌రం. ఎందుకంటే మ‌రో మూడు బంతులు ఆడి ఉంటే, లంచ్ బ్రేక్‌కు వెళ్లిపోయేవారు. ఆ త‌ర్వాత త‌మ ప్రణాళిక‌ల‌ను అమ‌లు చేసి ఉంటే స‌రిపోయిండేది.అంత‌కుముందు జో రూట్ 99 ప‌రుగుల వ‌ద్ద ఉండ‌గా ఆట ముగిసింది. త‌న సెంచ‌రీ కోసం అత‌డు ఒక రాత్రి వేచి ఉండాల్సి వ‌చ్చింది. కానీ అత‌డు ఎక్క‌డ కూడా తొంద‌ర‌ప‌డి ఆడ‌లేదు. పోప్‌, స్టోక్స్‌తో క‌లిసి కీల‌క భాగ‌స్వామ్యాన్ని నెల‌కొల్పాడు. అదే వారు భారీ స్కోర్ సాధించ‌డంలో స‌హాయ‌ప‌డింది" అని జియో హాట్‌స్టార్‌కు ఇచ్చిన ఇంట‌ర్వ్యూలో కుంబ్లే పేర్కొన్నాడు.చదవండి: IND vs ENG: చ‌రిత్ర సృష్టించిన రిషబ్ పంత్‌.. ప్రపంచంలోనే తొలి ప్లేయర్‌గా

ఇంగ్లండ్ గ‌డ్డ‌పై టీమిండియా స్టార్ వికెట్ కీప‌ర్ బ్యాట‌ర్ రిష‌బ్ పంత్ దుమ్ములేపుతున్నాడు. లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో పంత్ అద్బుత‌మైన నాక్ ఆడాడు. ఓవైపు చేతి వేలి గాయంతో పోరాడుతూనే కీల‌క ఇన్నింగ్స్ ఆడాడు. తొలి ఇన్నింగ్స్‌లో 112 బంతులు ఎదుర్కొని 8 ఫోర్లు, 2 సిక్స్‌ల సాయంతో 74 పరుగులు చేశాడు. ఈ క్ర‌మంలో పంత్ పలు అరుదైన రికార్డుల‌ను త‌న పేరిట లిఖించుకున్నాడు.పంత్‌ సాధించిన రికార్డులు ఇవే..👉టెస్టు క్రికెట్‌లో ఇంగ్లండ్‌పై అత్య‌ధిక సిక్స‌ర్లు బాదిన ఆట‌గాడిగా రిష‌బ్ పంత్ వ‌ర‌ల్డ్ రికార్డు సృష్టించాడు. ఇప్పటివరకు ఇంగ్లండ్‌పై 15 టెస్టులు ఆడిన పంత్‌.. 36 సిక్సర్లు బాదాడు. ఇంతకుముందు ఈ రికార్డు వెస్టిండీస్ దిగ్గజ బ్యాటర్ వివ్ రిచర్డ్స్ పేరిట ఉండేది.రిచర్డ్స్ తన17 ఏళ్ల టెస్ట్ కెరీర్‌లో ఇంగ్లండ్‌పై 36 టెస్టులు ఆడి 34 సిక్సర్లు కొట్టాడు. తాజా మ్యాచ్‌లో రెండు సిక్సర్లు బాదిన పంత్‌.. విండీస్ గ్రేట్‌ను ఆధగమించాడు.👉అదేవిధంగా ఇంగ్లండ్ గడ్డపై టెస్టుల్లో అత్యధిక యాభైకి పైగా స్కోర్లు పర్యాటక వికెట్ కీపర్‌గా ఎంఎస్ ధోని రికార్డును పంత్ సమం చేశాడు. ఇంగ్లండ్‌లో ధోని 8 సార్లు ఏభైకి పైగా ఫిప్టీ ప్లస్ స్కోర్లు చేయగా.. పంత్ కూడా సరిగ్గా ఎనిమిది సార్లు యాభైకి పైగా స్కోర్లు సాధించాడు. మరో ఫిప్టీ ప్లస్ స్కోర్ సాధిస్తే ధోనిని ఆధిగమిస్తాడు.ఇంగ్లండ్‌పై టెస్టుల్లో అత్యధిక సిక్సర్లు బాదిన ప్లేయ‌ర్లు వీరే35 రిషబ్ పంత్34 వివ్ రిచర్డ్స్30 టిమ్ సౌతీ27 యశస్వి జైస్వాల్26 శుభమన్ గిల్భార‌త్ త‌మ తొలి ఇన్నింగ్స్‌లో 81 ఓవ‌ర్లు ముగిసే స‌రికి 5 వికెట్ల న‌ష్టానికి 291 ప‌రుగులు చేసింది. భార‌త్ ఇంకా ఇంగ్లండ్ కంటే 96 ప‌రుగుల వెన‌కంజ‌లో ఉంది. ప్ర‌స్తుతం క్రీజులో ర‌వీంద్ర జ‌డేజా(31), నితీశ్ కుమార్‌(13) ఉన్నారు.

ఓ వైపు తీవ్ర‌మైన‌ గాయం.. అయినా నేను ఉన్నా అంటూ బ్యాట్ ప‌ట్టుకుని మైదానంలోకి వ‌చ్చాడు. అత‌డికి త‌న గాయం కంటే జ‌ట్టు గెల‌వ‌డ‌మే ముఖ్యం. తన విరోచిత పోరాటంతో క‌ష్టాల్లో ఉన్న జ‌ట్టును ఆదుకున్నాడు. గాయంతో పోరాడుతూనే జ‌ట్టు స్కోర్ బోర్డును ప‌రుగులు పెట్టించాడు. చేతి వేలి నొప్పితో బాధపడుతూనే ప్రత్యర్ధి బౌలర్లను ఊతికారేశాడు. అత‌డే టీమిండియా వికెట్ కీప‌ర్ బ్యాట‌ర్ రిష‌బ్ పంత్‌. లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో పంత్ అద్భుత‌మైన ప్రదర్శన కనబరిచాడు. తొలి ఇన్నింగ్స్‌లో 112 బంతులు ఎదుర్కొని 8 ఫోర్లు, 2 సిక్స్‌ల సాయంతో 74 పరుగులు చేశాడు. ఓ దశలో సునాయసంగా సెంచరీ మార్క్‌ను అందుకునేటట్లు కన్పించిన పంత్.. దురదృష్టవశాత్తూ రనౌట్ రూపంలో పెవిలియన్‌కు చేరాడు. గాయాన్ని లెక్కచేయ‌ని పంత్‌..తొలి రోజు ఆట సంద‌ర్బంగా పంత్ ఎడ‌మ చేతి వేలికి గాయ‌మైంది. దీంతో అతడు మైదానం నుంచి బయటకు వెళ్లిపోయాడు. రెండో రోజు ఆటలో కూడా పంత్ ఫీల్డింగ్‌కు రాలేదు. అత‌డి స్ధానంలో ధ్రువ్ జురెల్ వికెట్ కీప‌ర్‌గా బాధ్య‌త‌లు నిర్వ‌ర్తించాడు. ఆ త‌ర్వాత ప్రాక్టీస్‌లో కూడా పంత్ చేతి వేలి నొప్పితో బాధ‌ప‌డుతూ క‌న్పించాడు. దీంతో అత‌డు బ్యాటింగ్‌కు వ‌స్తాడా రాడా? అన్న సందేహం అంద‌రిలోనూ నెలకొంది. కానీ పంత్ మాత్రం త‌న గాయాన్ని సైతం లెక్క చేయ‌కుండా బ్యాటింగ్‌కు వ‌చ్చాడు. అప్ప‌టికే జైశ్వాల్‌, గిల్ వికెట్ల‌ను కోల్పోయిన భార‌త జ‌ట్టును పంత్ ఆదుకున్నాడు. కేఎల్ రాహుల్‌తో క‌లిసి స్కోర్ బోర్డును ముందుకు న‌డిపించాడు. రాహ‌ల్‌లో క‌లిసి నాలుగో వికెట్‌కు 141 ప‌రుగుల కీల‌క భాగ‌స్వామ్యాన్ని నెల‌కొల్పాడు. కానీ అద్బుతంగా ఆడుతున్న స‌మ‌యంలో ర‌నౌట్ రూపంలో పంత్ మైదానం వీడాల్సి వ‌చ్చింది. ఈ క్ర‌మంలో పంత్‌పై నెటిజ‌న్లు ప్ర‌శంస‌ల వ‌ర్షం కురిపిస్తున్నారు. శెభాష్ రిష‌బ్ అంటూ కొనియాడుతున్నారు.సెంచ‌రీకి చేరువ‌లో రాహుల్‌..మూడో రోజు లంచ్ విరామ స‌మ‌యానికి భార‌త్ త‌మ తొలి ఇన్నింగ్స్‌లో 4 వికెట్ల న‌ష్టానికి 248 ప‌రుగులు చేసింది. భార‌త్ ఇంకా ఇంగ్లండ్ కంటే 139 ప‌రుగుల వెన‌కంజ‌లో ఉంది. ప్ర‌స్తుతం క్రీజులో కేఎల్ రాహుల్‌(98) సెంచ‌రీకి చేరువ‌లో ఉన్నాడు.

లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో టీమిండియాకు గుడ్ న్యూస్ అందింది. చేతి వేలి గాయం కార‌ణంగా ఫీల్డింగ్‌కు దూర‌మైన వికెట్ కీప‌ర్ రిష‌బ్ పంత్‌.. తిరిగి బ్యాటింగ్‌కు రానున్నాడు. ఐదో స్ధానంలో బ్యాటింగ్‌కు వ‌చ్చేందుకు పంత్ ప్యాడ్స్ క‌ట్టుకుని సిద్దంగా ఉన్నాడు. ఇందుకు సంబంధించిన ఫోటోలు సోష‌ల్ మీడియాలో వైర‌ల‌వుతున్నాయి.కాగా తొలి రోజు ఆట సంద‌ర్భంగా బుమ్రా బౌలింగ్‌లో పంత్ చూపుడు వేలికి గాయ‌మైంది. దీంతో ఆట మ‌ధ్య‌లోనే మైదానం నుంచి బ‌య‌ట‌కు వెళ్లిపోయాడు. రెండో రోజు ఆట‌లో కూడా పంత్ ఫీల్డింగ్ రాలేదు. అత‌డి స్దానంలో ధ్రువ్ జురెల్ వికెట్ కీప‌ర్‌గా బాధ్య‌త‌లు నిర్వ‌ర్తించాడు.నెట్స్‌లో ప్రాక్టీస్ చేసిన పంత్‌..అయితే రెండో రోజు ఆట ఆరంభానికి ముందు రిష‌బ్ పంత్‌.. బ్యాటింగ్ కోచ్ సీతాన్షు కోటక్, ఫిజియో యోగేష్ పర్మార్ ప‌ర్య‌వేక్ష‌ణ‌లో ద్దరు త్రోడౌన్ స్పెషలిస్టులతో కలిసి పంత్ నెట్ ప్రాక్టీస్ చేశాడు. ఈ సంద‌ర్బంగా అత‌డు కాస్త ఆసౌక్యర్యంగా క‌న్పించాడు.ఇంకా అత‌డికి ఇంకా పూర్తిగా చేతి వేలి నొప్పి త‌గ్గ‌న‌ట్లు తెలుస్తోంది. అయిన‌ప్ప‌టికి జ‌ట్టు అవ‌స‌రం దృష్ట్యా అతడు బ్యాటింగ్‌కు రావాలని అతడి నిర్ణయించుకున్నట్లు పలు రిపోర్ట్‌లు పేర్కొంటున్నాయి. కాగా రిషబ్‌ ప్రస్తుతం అద్బుతమైన ఫామ్‌లో ఉన్నాడు. తొలి టెస్టులో రెండు ఇన్నింగ్స్‌లో సెంచ‌రీల మోత మ్రోగించిన పంత్‌.. రెండో టెస్టులో హాఫ్ సెంచ‌రీతో మెరిశాడు.

లార్డ్స్‌ టెస్ట్‌ తొలి రోజు ఆటలో టీమిండియా వికెట్‌ కీపర్‌ రిషబ్‌ పంత్‌ గాయపడిన విషయం తెలిసిందే. ఇంగ్లండ్ ఇన్నింగ్స్ 34వ ఓవ‌ర్ వేసిన జ‌స్ప్రీత్ బుమ్రా బౌలింగ్‌లో రెండో బంతిని అందుకునే క్ర‌మంలో పంత్ ఎడ‌మ చేతి చూపుడు వేలికి గాయ‌మైంది. బంతిని అందుకున్న తర్వాత పంత్ తీవ్ర‌మైన నొప్పితో విలవిలలాడాడు.ఫిజియో వచ్చి మ్యాజిక్ స్ప్రే చేసినా అతడి నొప్పి తగ్గలేదు. ఈ క్రమంలో పంత్ మైదానాన్ని వీడాడు. అతడి స్ధానంలో సబ్‌స్టిట్యూట్‌ వికెట్ కీప‌ర్‌గా దృవ్ జురెల్ మైదానంలోకి వ‌చ్చాడు. పంత్‌ గాయంపై బీసీసీఐ ప్రకటన చేసింది. అయితే అందులో గాయం తీవ్రత, మ్యాచ్‌లో పంత్‌ కొనసాగింపుపై ఎలాంటి సమాచారం లేదు.రెండో రోజు ఆట ప్రారంభానికి మరి కొద్ది గంటల సమయం మాత్రమే ఉన్నప్పటికీ పంత్‌ గాయంపై సందిగ్దత వీడలేదు. ఈ నేపథ్యంలో పంత్‌ మ్యాచ్‌లో కొనసాగుతాడా లేదా అన్న అనుమానాలు మొదలయ్యాయి. ఒకవేళ​ పంత్‌ గాయం కారణంగా మ్యాచ్‌కు దూరమైతే టీమిండియాకు అది భారీ ఎదురుదెబ్బ అవుతుంది.ఎందుకంటే ఐసీసీ నిబంధనల ప్రకారం మ్యాచ్‌ మొదలయ్యాక గాయపడిన ఆటగాడికి ప్రత్యామ్నాయంగా ఫీల్డింగ్‌ లేదా వికెట్‌కీపింగ్‌కు మాత్రమే అనుమతి ఉంటుంది. సబ్‌స్టిట్యూట్‌గా వచ్చిన ఆటగాడు బ్యాటింగ్‌ చేయడానికి వీలు ఉండదు. ఈ లెక్కన పంత్‌ మైదానంలోని తిరిగి రాకపోతే భారత్‌ 10 మందితోనే బ్యాటింగ్‌ను కొనసాగించాల్సి ఉంటుంది. భీకర ఫామ్‌లో ఉన్న పంత్‌ బ్యాటింగ్‌కు అందుబాటులో ఉండకపోతే టీమిండియా తీవ్రమైన పరిణామాలు ఎదుర్కోవాల్సి ఉంటుంది.ఈ సిరీస్‌లో పంత్‌ కెరీర్‌ అత్యుత్తమ ఫామ్‌లో ఉన్నాడు. తొలి టెస్ట్‌ రెండు ఇన్నింగ్స్‌ల్లో సెంచరీలు సహా ఇప్పటివరకు ఆడిన నాలుగు ఇన్నింగ్స్‌ల్లో 342 పరుగులు చేసి గిల్‌ తర్వాత ఈ సిరీస్‌లో సెకెండ్‌ హయ్యెస్ట్‌ రన్‌ స్కోరర్‌గా ఉన్నాడు. ఇలాంటి ఫామ్‌లో ఉన్న పంత్‌ బ్యాటింగ్‌కు దిగకపోతే టీమిండియా విజయావకాశాలను తప్పక ప్రభావితం చేస్తుంది.మ్యాచ్‌ విషయానికొస్తే.. తొలి రోజు ఆట ముగిసే సమయానికి ఇంగ్లండ్‌ 4 వికెట్ల నష్టానికి 251 పరుగులు (83 ఓవర్లలో) చేసింది. జో రూట్‌ 99 (191 బంతుల్లో 9 ఫోర్లు), కెప్టెన్‌ బెన్‌ స్టోక్స్‌ 39 పరుగులతో (102 బంతుల్లో 2 ఫోర్లు) క్రీజ్‌లో ఉన్నారు. ఇంగ్లండ్‌ ఇన్నింగ్స్‌లో జాక్‌ క్రాలే 18, బెన్‌ డకెట్‌ 23, ఓలీ పోప్‌ 44, హ్యారీ బ్రూక్‌ 11 పరుగులు చేసి ఔటయ్యారు. భారత బౌలర్లలో నితీశ్‌ కుమార్‌ రె​డ్డి 2, బుమ్రా, రవీంద్ర జడేజా తలో వికెట్‌ తీశారు. పంత్‌కు ప్రత్యామ్నాయంగా వచ్చిన జురెల్‌ జడేజా బౌలింగ్‌లో ఓ అద్భుతమైన క్యాచ్‌ అందుకున్నాడు.కాగా, ఈ సిరీస్‌లో ఇంగ్లండ్‌, భారత్‌ తలో మ్యాచ్‌ గెలిచి 1-1తో సమంగా ఉన్న విషయం తెలిసిందే. తొలి టెస్ట్‌లో ఇంగ్లండ్‌ గెలవగా.. రెండో టెస్ట్‌లో భారత్‌ భారీ విజయం సాధించింది.

లార్డ్స్ వేదిక‌గా ఇంగ్లండ్‌తో జ‌రుగుతున్న మూడో టెస్టులో టీమిండియాకు ఊహించ‌ని ఎదురదెబ్బ త‌గిలింది. తొలి రోజు ఆట సంద‌ర్భంగా భార‌త వికెట్ కీప‌ర్ రిష‌బ్ పంత్ గాయ‌ప‌డ్డాడు. ఇంగ్లండ్ ఇన్నింగ్స్ 34వ ఓవ‌ర్ వేసిన జ‌స్ప్రీత్ బుమ్రా బౌలింగ్‌లో రెండో బంతిని అందుకునే క్ర‌మంలో పంత్ ఎడ‌మ చేతి వేలికి గాయ‌మైంది.బంతిని తీసుకున్నాక పంత్ తీవ్ర‌మైన నొప్పితో విల్ల‌విల్లాడు. అంతకుముందు ఓవర్ కూడా పంత్ కాస్త ఆసౌకర్యంగా కన్పించాడు. ఫిజియో వచ్చి మ్యాజిక్ స్ప్రే చేసినప్పటికి అతడు నొప్పి తగ్గలేదు. ఈ క్రమంలోనే పంత్ ఫిజియో సాయంతో మైదానం నుంచి బయటకు వెళ్లిపోయాడు. అతడి స్ధానంలో సబ్‌స్ట్యూట్ వికెట్ కీప‌ర్‌గా ధ్రువ్ జురెల్ మైదానంలోకి వ‌చ్చాడు. అయితే పంత్ గాయం తీవ్ర‌మైన‌ది కాకుడ‌ద‌ని భార‌త అభిమానులు కోరుకుంటున్నారు. పంత్ ప్ర‌స్తుతం అద్బుత‌మైన ఫామ్‌లో ఉన్నాడు. తొలి టెస్టులో రెండు ఇన్నింగ్స్‌లో సెంచ‌రీల మోత మ్రోగించిన పంత్‌.. రెండో టెస్టులో హాఫ్ సెంచ‌రీతో మెరిశాడు.41 ఓవ‌ర్లు ముగిసే సరికి ఇంగ్లండ్ త‌మ తొలి ఇన్నింగ్స్‌లో రెండు వికెట్ల న‌ష్టానికి 116 ప‌రుగులు చేసింది. క్రీజులో జో రూట్‌(37), పోప్‌(24) ఉన్నారు. ఓపెన‌ర్లు జాక్ క్రాలీ(18), బెన్ డ‌కెట్‌(23)ను నితీశ్ కుమార్ రెడ్డి పెవిలియ‌న్‌కు పంపాడు.తుదిజట్లుభారత్‌శుబ్‌మన్‌ గిల్‌ (కెప్టెన్), యశస్వి జైస్వాల్, కేఎల్‌ రాహుల్, కరుణ్‌ నాయర్, రిషభ్‌ పంత్, రవీంద్ర జడేజా, వాషింగ్టన్‌ సుందర్, ఆకాశ్‌దీప్, మహ్మద్‌ సిరాజ్, జస్‌ప్రీత్‌ బుమ్రా, నితీశ్‌ కుమార్‌ రెడ్డి.ఇంగ్లండ్‌బెన్‌ స్టోక్స్‌ (కెప్టెన్), జాక్‌ క్రాలీ, బెన్‌ డకెట్, ఓలీ పోప్, జో రూట్, హ్యారీ బ్రూక్, జేమీ స్మిత్, క్రిస్‌ వోక్స్, బ్రైడన్‌ కార్స్, జోఫ్రా ఆర్చర్, షోయబ్‌ బషీర్‌.చదవండి: IND vs ENG: టీమిండియా చెత్త రికార్డు.. ప్ర‌పంచంలోనే తొలి జ‌ట్టుగా

ఇంగ్లండ్‌తో జ‌రుగుతున్న టెస్టు సిరీస్‌లో టీమిండియా వికెట్ కీప‌ర్ బ్యాట‌ర్ రిష‌బ్ పంత్ ద‌మ్ములేపుతున్నాడు. తొలి టెస్టులో రెండు ఇన్నింగ్స్‌ల‌లోనూ శ‌త‌క్కొట్టిన రిష‌బ్‌.. రెండో టెస్టులో అద్భుత‌మైన హాఫ్ సెంచ‌రీతో మెరిశాడు.దీంతో చాలా మంది పంత్‌ను ఆస్ట్రేలియా మాజీ వికెట్ కీపర్-బ్యాటర్ ఆడమ్ గిల్‌క్రిస్ట్‌తో పోలుస్తున్నారు. ఈ క్ర‌మంలో టీమిండియా లెజెండ‌రీ స్పిన్న‌ర్ ర‌విచంద్ర‌న్ అశ్విన్ కీల‌క వ్యాఖ్య‌లు చేశాడు. గిల్‌క్రిస్ట్‌తో పంత్‌ను పోల్చడం మానేయాలని అభిమానుల‌ను అశ్విన్ కోరాడు. చాలా ఆంశాల్లో ఆసీస్ దిగ్గ‌జం కంటే పంత్ మెరుగ్గా ఉన్నాడ‌ని అశ్విన్ అభిప్రాయ‌ప‌డ్డాడు."రిషబ్ పంత్ ఒక అద్బుతమైన ఆటగాడు. అతడికి ఉన్న స్పెషల్ స్కిల్స్ మరొకరు వద్ద లేవు. చాలా మంది అతన్ని ఆడమ్ గిల్‌క్రిస్ట్‌తో పోలుస్తున్నారు. దయచేసి ఇక పై పంత్‌ను గిల్‌క్రిస్ట్‌తో పోల్చొద్దు. గిల్ క్రిస్ట్ కు అంత మంచి డిఫెన్స్ ఆడే టెక్నిక్ లేదు.అదే రిష‌బ్ పంత్‌కు డిఫెన్స్ ఆడ‌డంలో అత్యుత్త‌మ స్కిల్స్ ఉన్నాయి. అయితే నేనేమి గిల్‌క్రిస్ట్‌ను త‌క్కువ చేసి మాట్లాడడం లేదు. వ‌ర‌ల్డ్ క్రికెట్‌లో అత‌డికంటూ ఓ ప్ర‌త్యేక గుర్తింపు ఉంది. విధ్వంసానికి మారు పేరు అత‌డు. గిల్లీ ఒక అద్బుత‌మైన వికెట్ కీప‌ర్‌. ఏడో స్ధానంలో బ్యాటింగ్‌కు వ‌చ్చి త‌న జ‌ట్టుకు ఎన్నో చారిత్ర‌త్మ‌క విజ‌యాలు అందించాడు. అయితే రిష‌బ్‌కు గిల్‌క్రిస్ట్‌కు మాత్రం చాలా తేడాలు ఉన్నాయి. అత‌డి ఏడో స్దానంలో బ్యాటింగ్‌కు వ‌స్తే.. పంత్ ఐదవ స్దానంలో బ్యాటింగ్ చేస్తున్నాడు. పంత్ చేసే ప‌నులు మ‌రో బ్యాట‌ర్ చేయ‌లేడు" అని త‌న యూట్యూబ్ ఛాన‌ల్‌లో అశ్విన్ పేర్కొన్నాడు. కాగా భార‌త్‌-ఇంగ్లండ్ మ‌ధ్య మూడో టెస్టు గురువారం నుంచి లార్డ్స్ వేదిక‌గా ప్రారంభం కానుంది.చదవండి: ICC Test Rankings: వ‌ర‌ల్డ్ నెం1 బ్యాట‌ర్‌గా ఇంగ్లండ్ ఆట‌గాడు.. టాప్‌-10లోకి గిల్‌

టీమిండియా డాషింగ్‌ బ్యాటర్‌ రిషబ్‌ పంత్‌ చరిత్ర సృష్టించేందుకు అడుగు దూరంలో ఉన్నాడు. రేపటి నుంచి ఇంగ్లండ్‌తో ప్రారంభమయ్యే మూడో టెస్ట్‌లో మరో 5 సిక్సర్లు బాదితే టెస్ట్‌ల్లో భారత్‌ తరఫున అత్యధిక సిక్సర్లు బాదిన ఆటగాడిగా అవతరిస్తాడు. ప్రస్తుతం ఈ రికార్డు వీరేంద్ర సెహ్వాగ్‌ పేరిట ఉంది. వీరూ 103 టెస్ట్‌ల్లో 90 సిక్సర్లు బాదాడు. వీరూ తర్వాతి స్థానంలో రోహిత్‌ శర్మ ఉన్నాడు. హిట్‌మ్యాన్‌ 67 టెస్ట్‌ల్లో 88 సిక్సర్లు కొట్టాడు. పంత్‌ విషయానికొస్తే.. ఇతగాడు కేవలం 45 మ్యాచ్‌ల్లోనే 86 సిక్సర్లు బాది చరిత్ర సృష్టించేందుకు మరో 5 సిక్సర్ల దూరంలో ఉన్నాడు. పంత్‌ ప్రస్తుత ఫామ్‌ను బట్టి చూస్తే రేపటి నుంచి ప్రారంభమయ్యే టెస్ట్‌లో ఈ రికార్డు సాధించడం ఖాయంగా కనినిస్తుంది.ఓవరాల్‌గా చూస్తే టెస్ట్‌ల్లో అత్యధిక సిక్సర్లు బాదిన ఆటగాళ్ల జాబితాలో పంత్‌ 12వ స్థానంలో ఉన్నాడు. ఇంగ్లండ్‌తో మూడో టెస్ట్‌లో పంత్‌ 5 సిక్సర్లు కొడితే భారత్‌ తరఫున అత్యధిక సిక్సర్లు కొట్టిన రికార్డుతో పాటు టెస్ట్‌ల్లో అత్యధిక సిక్సర్లు బాదిన ఆటగాళ్ల జాబితాలో ఏడో స్థానానికి ఎగబాకుతాడు. టెస్ట్‌ల్లో అత్యధిక సిక్సర్ల రికార్డు ఇంగ్లండ్‌ కెప్టెన్‌ బెన్‌ స్టోక్స్‌ పేరిట ఉంది. స్టోక్స్‌ 113 మ్యాచ్‌ల్లో 133 సిక్సర్లు బాదాడు. స్టోక్స్‌ తర్వాతి స్థానాల్లో బ్రెండన్‌ మెక్‌కల్లమ్‌ (107), గిల్‌క్రిస్ట్‌ (100), టిమ్‌ సౌథీ (98), గేల్‌ (98), కల్లిస్‌ (97), సెహ్వాగ్‌ (91), ఏంజెలో మాథ్యూస్‌ (90), రోహిత్‌ శర్మ (88), లారా (88) ఉన్నారు (టాప్‌-10లో).కొద్ది రోజుల కిందట మరో భారీ సిక్సర్ల రికార్డు బద్దలు కొద్ది రోజుల కిందట జరిగిన ఎడ్జ్‌బాస్టన్‌ టెస్ట్‌లో పంత్‌ మరో భారీ సిక్సర్ల రికార్డు సాధించాడు. విదేశీ గడ్డపై టెస్టుల్లో అత్యధిక సిక్సర్లు బాదిన క్రికెటర్‌గా అవతరించాడు. ఈ క్రమంలో బెన్‌ స్టోక్స్‌ పేరిట ఉన్న ఆల్‌టైమ్‌ రికార్డును బద్దలు కొట్టాడు. పంత్‌ ఇంగ్లండ్‌లో (టెస్ట్‌ల్లో) 23 సిక్సర్లు బాదగా.. స్టోక్స్‌ సౌతాఫ్రికాలో 21 సిక్సర్లు కొట్టాడు. భీకర ఫామ్‌లో పంత్‌ఇంగ్లండ్‌తో 5 మ్యాచ్‌ల టెస్ట్‌ సిరీస్‌ ఆడేందుకు టీమిండియా ఇంగ్లండ్‌లో పర్యటిస్తున్న విషయం తెలిసిందే. ఈ సిరీస్‌లోని తొలి మ్యాచ్‌లో పంత్‌ రెండు ఇన్నింగ్స్‌లో శతకాలతో చెలరేగాడు. తొలి ఇన్నింగ్స్‌లో 178 బంతుల్లో 12 ఫోర్లు, ఆరు సిక్సర్ల సాయంతో 134 పరుగులు చేసిన పంత్‌.. రెండో ఇన్నింగ్స్‌లో 140 బంతుల్లో 15 ఫోర్లు, మూడు సిక్సర్ల సాయంతో 118 పరుగులు సాధించాడు.ఎడ్జ్‌బాస్టన్‌ వేదికగా జరిగిన రెండో టెస్టులో పంత్‌ తొలి ఇన్నింగ్స్‌లో తక్కువ స్కోర్‌కే (25) ఔటైనా, రెండో ఇన్నింగ్స్‌లో తనదైన శైలిలో మెరుపు అర్ద సెంచరీ (65) చేశాడు. రేపటి నుంచి లార్డ్స్‌ వేదికగా ప్రారంభమయ్యే మూడో టెస్ట్‌లో భారీ అంచనాలు ఉన్నాయి. పంత్‌ మరోసారి చెలరేగాలని అంతా ఆశిస్తున్నారు. ఈ సిరీస్‌లో భారత్‌, ఇంగ్లండ్‌ తలో మ్యాచ్‌ గెలిచి 1-1తో సమంగా ఉన్నాయి. తొలి టెస్ట్‌లో ఇంగ్లండ్‌ గెలవగా.. రెండో టెస్ట్‌లో భారత్‌ భారీ విజయం సాధించింది.

ఎడ్జ్‌బాస్ట‌న్ వేదిక‌గా ఇంగ్లండ్‌-భార‌త్ మ‌ధ్య జ‌రుగుతున్న రెండో టెస్టు తుది అంకానికి చేరుకుంది. ఈ మ్యాచ్‌లో ప‌ర్యాట‌క టీమిండియా విజ‌యానికి 7 వికెట్ల దూరంలో నిల‌వ‌గా.. ఆతిథ్య ఇంగ్లండ్ త‌మ గెలుపున‌కు 536 ప‌రుగుల దూరంలో ఉంది. 608 పరుగుల భారీ ల‌క్ష్యంతో బ‌రిలోకి దిగిన స్టోక్స్ సేన నాలుగో రోజు ఆట ముగిసే స‌మ‌యానికి మూడు వికెట్లు కోల్పోయి 72 ప‌రుగులు చేసింది.క్రీజులో ఓలీ పోప్‌(24), హ్యారీ బ్రూక్‌(15) ఉన్నారు. ఆఖ‌రి రోజు ఆట‌లో ఇంగ్లండ్‌ను ఆలౌట్ చేసి ఎడ్జ్‌బాస్ట‌న్‌లో తొలి టెస్టు విజ‌యాన్ని అందుకోవాల‌ని భార‌త్ ఉవ్విళ్లూరుతోంది. ఇక ఇది ఇలా ఉండ‌గా.. టీమిండియా వికెట్ కీప‌ర్ బ్యాట‌ర్‌ పంత్‌పై కెప్టెన్ శుబ్‌మ‌న్ గిల్ సీరియ‌స్ అయ్యాడు. డీఆర్‌ఎస్‌ విషయంలో కెప్టెన్‌-వైస్‌ కెప్టెన్‌ మధ్య చిన్నపాటి వాగ్వాదం చోటుచేసుకుంది.అసలేమి జరిగిందంటే?సెకెండ్ ఇన్నింగ్స్‌లో భార‌త పేస‌ర్లు ఆకాష్ దీప్‌, మ‌హ్మ‌ద్ సిరాజ్ త‌మ అద్బుత బౌలింగ్‌తో ఇంగ్లండ్ ఓపెన‌ర్లు జాక్ క్రాలీ, బెన్‌డ‌కెట్‌ను ఆరంభంలోనే పెవిలియ‌న్‌కు పంపారు. ఈ క్ర‌మంలో గిల్ మూడో పేస‌ర్ ప్ర‌సిద్ద్ కృష్ణను ఎటాక్‌లో తీసుకొచ్చాడు.పదో ఓవర్ వేసిన ప్రసిద్ద్ కృష్ణ.. మూడో బంతిని జో రూట్‌కు ఫుల్లర్ డెలివరీగా సం‍ధించాడు. ఆ బంతిని డిఫెన్స్ ఆడేందుకు రూట్ ప్రయత్నించాడు. కానీ బంతి మిస్ అయ్యి అతడి ప్యాడ్‌కు తాకింది. దీంతో ఎల్బీకి అప్పీల్ చేయగా.. అంపైర్ నాటౌట్ అంటూ తల ఊపాడు.అయితే బంతి లెగ్ సైడ్‌కు వెళ్తున్నట్లగా అన్పించడంతో గిల్ రివ్యూ తీసుకోవడానికి ఆసక్తి చూపలేదు. కానీ రిషబ్ పంత్ మాత్రం పట్టుపట్టి మరి రివ్యూకి వెళ్లమని బలవంతం చేశాడు. దీంతో గిల్ ఆఖరి సెకెన్లలో రివ్యూ తీసుకునేందుకు సిగ్నల్ చేశాడు.రిప్లేలో బంతి స్టంప్స్ మిస్స్ అయ్యి డౌన్‌ది లెగ్ వెళ్తున్నట్లు తేలింది. దీంతో శుబ్‌మన్ కోపంతో పంత్ వద్దకు వెళ్లాడు. పంత్ వెంటనే తను అనుకున్నది కెప్టెన్‌కు వివరించాడు. కానీ గిల్ మాత్రం కోపంగానే పంత్ వైపు చూస్తూ తన ఫీల్డింగ్ స్ధానానికి చేరుకున్నాడు. అయితే ఆ తర్వాతే ఓవర్‌లోనే రూట్‌ను ఆకాష్‌దీప్ క్లీన్ బౌల్డ్ చేశాడు.చదవండి: IND vs ENG: చరిత్ర సృష్టించిన టీమిండియా.. టెస్టు క్రికెట్ హిస్టరీలోనే

రెండో టెస్టులో టీమిండియా ఇంగ్లండ్‌కు భారీ లక్ష్యం విధించింది. ఆతిథ్య జట్టుపై ఆద్యంతం పైచేయి సాధించిన భారత్‌.. ఏకంగా 608 పరుగుల టార్గెట్‌ ఇచ్చింది. టెండుల్కర్‌- ఆండర్సన్‌ ట్రోఫీ (Tendulkar- Anderson Torphy)లో భాగంగా బర్మింగ్‌హామ్‌ వేదికగా భారత్‌- ఇంగ్లండ్‌ మధ్య రెండో టెస్టు బుధవారం మొదలైంది.587 పరుగులుఈ క్రమంలో టాస్‌ ఓడి తొలుత బ్యాటింగ్‌ చేసిన భారత్‌ తొలి ఇన్నింగ్స్‌లో 587 పరుగులు స్కోరు చేసింది. కెప్టెన్‌ శుబ్‌మన్‌ గిల్‌ (Shubman Gill) భారీ ద్విశతకం (269) బాదగా.. రవీంద్ర జడేజా (89), యశస్వి జైస్వాల్‌ (87) అద్భుత ఇన్నింగ్స్‌తో ఆకట్టుకున్నారు. వీరితో పాటు వాషింగ్టన్‌ సుందర్‌ (42) కూడా రాణించాడు.ఇక ఇంగ్లండ్‌ బౌలర్లలో షోయబ్‌ బషీర్‌ అత్యధికంగా మూడు వికెట్లు తీయగా.. క్రిస్‌ వోక్స్‌, జోష్‌ టంగ్‌ రెండు వికెట్లు దక్కించుకున్నారు. మిగిలిన వారిలో కెప్టెన్‌ బెన్‌ స్టోక్స్‌, బ్రైడన్‌ కార్స్‌ తలా ఒక వికెట్‌ తమ ఖాతాలో వేసుకున్నారు. అనంతరం తొలి ఇన్నింగ్స్‌ మొదలుపెట్టిన ఇంగ్లండ్‌.. మూడో రోజు ఆటలో భాగంగా 407 పరుగులకు ఆలౌట్‌ అయింది.హ్యారీ బ్రూక్‌ (158), జేమీ స్మిత్‌ (184 నాటౌట్‌) అద్భుత శతకాలతో 303 పరుగుల భాగస్వామ్యం నమోదు చేయడంతో.. ఇంగ్లండ్‌ మేర స్కోరు చేయగలిగింది. భారత బౌలర్లలో పేసర్లు మహ్మద్‌ సిరాజ్‌ ఆరు వికెట్లతో చెలరేగగా.. ఆకాశ్‌ దీప్‌ నాలుగు వికెట్లు దక్కించుకున్నాడు. ఇక తొలి ఇన్నింగ్స్‌తో కలుపుకొని 180 పరుగుల ఆధిక్యం సంపాదించిన భారత్‌.. ఓవర్‌ నైట్‌ స్కోరు 64/1 (13)తో శనివారం నాటి నాలుగో రోజు ఆట మొదలుపెట్టింది.మరోసారి గిల్‌ దంచేశాడుఆట మొదలైన కాసేపటికే కరుణ్‌ నాయర్‌ (26) పెవిలియన్‌ చేరగా.. ఓపెనర్‌ కేఎల్‌ రాహుల్‌ (55) అర్ధ శతకంతో రాణించాడు. ఇక గిల్‌ మరోసారి భారీ శతకం (161)తో దుమ్ములేపగా.. వికెట​ కీపర్‌ బ్యాటర్‌ రిషభ్‌ పంత్‌ (65), ఆల్‌రౌండర్‌ రవీంద్ర జడేజా (69 నాటౌట్‌) అర్ధ శతకాలతో అదరగొట్టారు. నితీశ్‌ రెడ్డి (1) మరోసారి నిరాశపరచగా.. వాషింగ్టన్‌ సుందర్‌ జడేజాతో కలిసి 12 పరుగులతో అజేయంగా నిలిచాడు.గిల్‌ భారీ శతకం పూర్తైన కాసేపటికి భారత్‌ తమ ఇన్నింగ్స్‌ డిక్లేర్‌ చేసింది. 83 ఓవర్ల ఆటలో ఆరు వికెట్ల నష్టానికి 427 పరుగుల వద్ద డిక్లేర్‌ చేస్తున్నట్లు ప్రకటించింది. ఈ క్రమంలో తొలి ఇన్నింగ్స్‌లో దక్కిన 180 పరుగులకు ఈ మేర (427) స్కోరు జతచేసి... ప్రత్యర్థికి భారీ లక్ష్యం విధించింది. ఈ క్రమంలో శనివారం మూడో సెషన్‌ ఆఖర్లో లక్ష్య ఛేదనకు దిగిన ఇంగ్లండ్‌.. 108 ఓవర్లలో పనిపూర్తి చేయాలి. ఈ నేపథ్యంలో ఆదివారం నాటి ఆఖరి రోజు ఆట ఆసక్తికరంగా మారింది. ఇంగ్లండ్‌ను టీమిండియా ఆలౌట్‌ చేస్తుందా? లేదంటే.. డ్రా చేసుకునేందుకు స్టోక్స్‌ బృందం చేసే ప్రయత్నాలు ఫలిస్తాయా? అన్న విషయం తేలుతుంది.చదవండి: వైభవ్‌ సూర్యవంశీ ప్రపంచ రికార్డు.. మరో ఆటగాడి శతకం.. భారత్‌ భారీ స్కోరు

టీమిండియా కెప్టెన్‌ శుబ్‌మన్‌ గిల్‌ (Shubman Gill) తన కెరీర్‌లోనే అద్భుత ఫామ్‌లో ఉన్నాడు. ఇంగ్లండ్‌ గడ్డ మీద వరుస శతకాలతో దుమ్ములేపుతున్నాడు. ఆతిథ్య జట్టుతో లీడ్స్‌ వేదికగా తొలి టెస్టులో గిల్‌ భారీ శతకం (147) బాదిన విషయం తెలిసిందే.అనంతరం బర్మింగ్‌హామ్‌లో బుధవారం మొదలైన రెండో టెస్టులోనూ శతక్కొట్టిన శుబ్‌మన్‌ గిల్‌.. దానిని డబుల్‌ సెంచరీగా మార్చాడు. రెండో టెస్టు తొలి ఇన్నింగ్స్‌లో 387 బంతులు ఎదుర్కొన్న ఈ కుడిచేతి వాటం బ్యాటర్‌ 30 ఫోర్లు, 3 సిక్సర్ల సాయంతో 269 పరుగులు సాధించాడు. అయితే, కెరీర్‌లో సాధించిన తొలి ద్విశతకాన్ని ట్రిపుల్‌ సెంచరీగా మార్చడంలో గిల్‌ విఫలమయ్యాడు.జోష్‌ టంగ్‌ బౌలింగ్‌లో ఓలీ పోప్‌నకు క్యాచ్‌ ఇచ్చి గిల్‌ పెవిలియన్‌ చేరడంతో.. అతడి భారీ డబుల్‌ సెంచరీ ఇన్నింగ్స్‌కు తెరపడింది. ఇక శనివారం నాటి నాలుగో రోజు ఆటలో భాగంగా గిల్‌ మరోసారి బ్యాట్‌ ఝులిపించాడు. యాభై ఏడు బంతుల్లో అర్ధ శతకం పూర్తి చేసుకున్న కెప్టెన్‌ సాబ్‌.. 129 బంతుల్లో తొమ్మిది ఫోర్లు, మూడు సిక్సర్ల సాయంతో వంద పరుగుల మార్కు అందుకున్నాడు.భారీ ఆధిక్యంలో భారత్‌ఇదిలా ఉంటే.. 64/1 ఓవర్‌నైట్‌ స్కోరుతో శనివారం నాటి నాలుగో రోజు ఆట మొదలుపెట్టిన భారత్‌.. కాసేపటికే వన్‌డౌన్‌ బ్యాటర్‌ కరుణ్‌ నాయర్‌ (26) వికెట్‌ కోల్పోయింది. అయితే, ఓపెనింగ్‌ బ్యాటర్‌ కేఎల్‌ రాహుల్‌ అర్ధ శతకం(55)తో రాణించగా.. వికెట్‌ కీపర్‌ బ్యాటర్‌ రిషభ్‌ పంత్‌ మెరుపు హాఫ్‌ సెంచరీ (58 బంతుల్లో 65) సాధించాడు. ఇక గిల్‌ మరోసారి శతక్కొట్టగా.. 68 ఓవర్లు ముగిసే సరికి నాలుగు వికెట్ల నష్టానికి 304 పరుగులు చేసింది. గిల్‌ సెంచరీ పూర్తి చేసుకునేసరికి, టీ బ్రేక్‌ సమయానికి తొలి ఇన్నింగ్స్‌ ఆధిక్యం (180)తో కలుపుకొని భారత్‌.. 484 పరుగుల భారీ లీడ్‌ సాధించింది.భారత రెండో బ్యాటర్‌గా..కాగా టెస్టు మ్యాచ్‌లో ఓ ఇన్నింగ్స్‌లో డబుల్‌ సెంచరీ.. మరో ఇన్నింగ్స్‌లో సెంచరీ బాదిన భారత రెండో బ్యాటర్‌గా గిల్‌ చరిత్రకెక్కాడు. అతడి కంటే ముందు భారత మాజీ కెప్టెన్‌ సునిల్‌ గావస్కర్‌ 1971లొ పోర్ట్‌ ఆఫ్‌ స్పెయిన్‌వేదికగా వెస్టిండీస్‌పై ఈ ఘనత సాధించాడు. ఇక ఓవరాల్‌గా ఈ జాబితాలో గిల్‌ తొమ్మిదో ఆటగాడు.టీమిండియా వర్సెస్‌ ఇంగ్లండ్‌ రెండో టెస్టుషెడ్యూల్‌: బుధవారం (జూలై 2)- ఆదివారం (జూలై 6)వేదిక: ఎడ్జ్‌బాస్టన్‌, బర్మింగ్‌హామ్‌టాస్‌: ఇంగ్లండ్‌- తొలుత బౌలింగ్‌టీమిండియా తొలి ఇన్నింగ్స్‌ స్కోరు: 587 ఆలౌట్‌ఇంగ్లండ్‌ తొలి ఇన్నింగ్స్‌ స్కోరు: 407 ఆలౌట్‌ టీమిండియాకు తొలి ఇన్నింగ్స్‌లో 180 పరుగుల ఆధిక్యం.చదవండి: వైభవ్‌ సూర్యవంశీ విధ్వంసకర శతకం.. మరోసారి సునామీ ఇన్నింగ్స్‌

టీమిండియా కెప్టెన్‌ శుబ్‌మన్‌ గిల్‌ (Shubman Gill) సూపర్‌ ఫామ్‌లో ఉన్నాడు. ఇంగ్లండ్‌ (Ind vs Eng)తో తొలి టెస్టులో శతకం (147) బాదిన ఈ కుడిచేతి వాటం బ్యాటర్‌.. రెండో టెస్టు తొలి ఇన్నింగ్స్‌లో ఏకంగా డబుల్‌ సెంచరీతో చెలరేగాడు. మిడిలార్డర్‌లో కీలకమైన నాలుగో స్థానంలో విరాట్‌ కోహ్లి (Virat Kohli) లేని లోటు పూడుస్తూ.. ఇంగ్లండ్‌ గడ్డ మీద అతడి రికార్డునే బద్దలు కొట్టాడు.భారీ ద్విశతకం (269)తో ఆకట్టుకుని.. ఎడ్జ్‌బాస్టన్‌లో అత్యధిక వ్యక్తిగత స్కోరు సాధించిన టీమిండియా క్రికెటర్‌, కెప్టెన్‌గా నిలిచాడు. ఇక రెండో ఇన్నింగ్స్‌లోనూ శుబ్‌మన్‌ గిల్‌ ఫామ్‌ను కొనసాగిస్తున్నాడు. యాభై ఏడు బంతుల్లోనే అర్ధ శతకం పూర్తి చేసుకున్నాడు. జోష్‌ టంగ్‌ బౌలింగ్‌లో ఫోర్‌ బాది 51 పరుగులు సాధించాడు.𝐅𝐥𝐮𝐞𝐧𝐭. 𝐅𝐞𝐚𝐫𝐥𝐞𝐬𝐬. 𝐅𝐨𝐜𝐮𝐬𝐞𝐝. 🔥Leading with intent, #ShubmanGill crafts a classy fifty, setting the stage for a commanding team effort 🫡#ENGvIND 👉 2nd TEST, Day 4 | LIVE NOW on JioHotstar ➡ https://t.co/2wT1UwEcdi pic.twitter.com/ftaIUA9YIy— Star Sports (@StarSportsIndia) July 5, 2025మరోవైపు.. గిల్‌కు తోడుగా వైస్‌ కెప్టెన్‌ బ్యాటర్‌ రిషభ్‌ పంత్‌ కూడా అద్భుత ప్రదర్శనతో ఆకట్టుకుంటున్నాడు. ఈ వికెట్‌ కీపర్‌ బ్యాటర్‌ 51 బంతుల్లోనే 50 పరుగుల మార్కు అందుకున్నాడు. ఈ క్రమంలో 44 ఓవర్ల ఆట పూర్తయ్యేసరికి మూడు వికెట్ల నష్టానికి 224 పరుగులు చేసిన టీమిండియా ఆధిక్యం.. 400కు చేరింది.పంత్‌ అవుటైన తర్వాత స్కోరు ఇలాకాగా ఎడ్జ్‌బాస్టన్‌ టెస్టులో టాస్‌ ఓడి తొలుత బ్యాటింగ్‌ చేసిన టీమిండియా 587 పరుగుల భారీ స్కోరు చేసి ఆలౌట్‌ అయింది. కెప్టెన్‌ శుబ్‌మన్‌ గిల్‌ డబుల్‌ సెంచరీ (269)తో అదరగొట్టగా.. రవీంద్ర జడేజా (89), యశస్వి జైస్వాల్‌ (87) రాణించారు. ఇంగ్లండ్‌ బౌలర్లలో షోయబ్‌ బషీర్‌ మూడు వికెట్లు తీయగా.. క్రిస్‌వోక్స్‌, జోష్‌ టంగ్‌ రెండేసి వికెట్లు కూల్చారు. బ్రైడన్‌ కార్స్‌, కెప్టెన్‌ బెన్‌స్టోక్స్‌ ఒక్కో వికెట్‌ దక్కించుకున్నారు.ఇక ఇంగ్లండ్‌ తొలి ఇన్నింగ్స్‌లో 407 పరుగులకు ఆలౌట్‌ అయింది. హ్యారీ బ్రూక్‌ (158), జేమీ స్మిత్‌ (184 నాటౌట్‌) శతకాలతో చెలరేగారు. భారత బౌలర్లలో మహ్మద్‌ సిరాజ్‌ ఆరు, ఆకాశ్‌ దీప్‌ నాలుగు వికెట్లు పడగొట్టారు. ఈ క్రమంలో తొలి ఇన్నింగ్స్‌తో కలుపుకొని భారత్‌కు 180 పరుగుల ఆధిక్యం లభించింది.ఈ క్రమంలో 64/1 ఓవర్‌నైట్‌ స్కోరుతో శనివారం నాటి నాలుగో రోజు ఆట మొదలుపెట్టిన భారత్‌.. కేఎల్‌ రాహుల్‌ (55), రిషభ్‌ పంత్‌ (65) అర్ధ శతకాలు.. గిల్‌ అజేయ హాఫ్‌ సెంచరీ (ప్రస్తుతానికి 58) కారణంగా 46.2 ఓవర్ల ఆట ముగిసే సరికి నాలుగు వికెట్ల నష్టానికి 236 పరుగులు చేసి.. 416 పరుగుల ఆధిక్యంలో ఉంది. పంత్‌ 65 పరుగుల వ్యక్తిగత స్కోరు వద్ద షోయబ్‌ బషీర్‌ బౌలింగ్‌లో డకెట్‌కు క్యాచ్‌ ఇచ్చి అవుటయ్యాడు. చదవండి: వైభవ్‌ సూర్యవంశీ విధ్వంసకర శతకం.. మరోసారి సునామీ ఇన్నింగ్స్‌