మెల్‌బోర్న్: ఒకరేమో టెన్నిస్‌లో రెండు సార్లు ‘గ్రాండ్‌స్లామ్’ పూర్తి చేసిన దిగ్గజం రాడ్ లేవర్... మరొకరు 17 గ్రాండ్‌స్లామ్ టైటిల్స్ నెగ్గిన ఈ తరం అద్భుత క్రీడాకారుడు ఫెడరర్. బుధవారం వీరిద్దరూ కలిసి రోజర్ ఫెడరర్ ఫౌండేషన్ కోసం నిధుల సేకరణలో భాగంగా జరిగిన ఎగ్జిబిషన్ మ్యాచ్‌లో తలపడ్డారు. ‘ఆయన పేరిటే ఉన్న రాడ్ లేవర్ ఎరీనా కోర్టులోనే ఈ మ్యాచ్ ఆడటంతో నా కల నిజమైనట్లుంది. ఆ సమయంలో నా రాకెట్ చాలా బరువుగా అనిపించిందంటే నేను ఎంత ఉద్వేగానికి లోనయ్యానో చెప్పలేను’ అని ఫెడరర్ వ్యాఖ్యానించాడు.