సాక్షి, బెంగళూరు: ఆస్ట్రేలియా కెప్టెన్‌ స్టీవ్‌ స్మిత్‌పై ఆ దేశ మాజీ క్రికెటర్‌ రోడ్నీహాగ్‌ చేసిన సంచలన వ్యాఖ్యల నేపథ్యంలో స్మిత్‌కు వార్నర్‌ మద్దతుగా నిలిచారు.  జట్టులోకి తన స్నేహితులను ఎంపిక చేస్తున్నాడని రోడ్నీ చేసిన వ్యాఖ్యలపై వార్నర్‌ స్పందించారు.‘ ప్రతి ఒక్కరు అభిప్రాయాలను వ్యక్తం చేయవచ్చు. కానీ వారి ఉద్దేశ్యాలను మా పై ఎందుకు రుద్దుతున్నారో తెలియడం లేదు. జట్టును సెలక్టర్లు మ్యాచ్‌ ముందు రోజు ఎంపిక చేస్తారు. జట్టు ఎంపిక ఆటగాళ్ల చేతిలో లేదు అద్భుత ప్రదర్శన కనబర్చడమే ఆటగాళ్ల పని.’ అని బెంగళూరులో స్మిత్‌కు మద్దతుగా మీడియాతో మాట్లాడారు. ఇక వరుస వన్డేల్లో ఓడి సిరీస్‌ చేజారడం పట్ల రోడ్నీ తీవ్ర అసంతృప్తి వ్యక్తం చేశారు. స్మిత్‌ తన జాతీయ టీమ్‌ మెట్స్‌ను జట్టులోకి తీసుకుంటున్నాడని ఆరోపించారు. ఐదు వన్డేల సిరీస్‌లో 3-0తో భారత్‌ సిరీస్‌ కైవసం చేసుకున్న విషయం తెలిసిందే. 


 రాంచీ: బోర్డర్-గవాస్కర్ టోర్నీలో ఆస్ట్రేలియా జట్టు తమ తీరును ఏమాత్రం మార్చుకోలేదు. టీమిండియా కెప్టెన్ విరాట్ కోహ్లీని లక్ష్యంగా చేసుకుని ఆసీస్ మాజీ క్రికెటర్ రోడ్నీ హాగ్ సంచలన వ్యాఖ్యలు చేశాడు. పుణేలో దారుణంగా విఫలమైన కోహ్లీ బెంగళూరు టెస్టులోనూ పూర్తిగా విఫలమై తీవ్ర ఒత్తిడిలో ఉన్నాడని అంటున్నాడు. బ్యాటింగ్ సగటు 50 కంగే దిగువకు రావడంతో భారత కెప్టెన్ కోహ్లీలో భయం పెరిగిపోయిందన్నాడు. ఫాక్స్‌స్పోర్ట్ మీడియా ఇంటర్వ్యూలో ఆసీస్ వెటరన్ పేసర్ హాగ్ ఈ వ్యాఖ్యలుచేశాడు. ఒత్తిడిలో ఉన్న కోహ్లీ పరుగుల వేటలో వెనకంజ వేస్తున్నాడని అభిప్రాయపడ్డాడు.
 
 'రాంచీ పిచ్ కొన్నిసార్లు పూర్‌గా ఉంటుంది. ఇందుకోసం కోహ్లీ కచ్చితంగా రాంచీ పిచ్ క్యూరేటర్‌ను బ్యాట్స్‌మన్లకు అనుకూలమైన పిచ్ తయారు చేయాలని డిమాండ్ చేస్తాడు. కోహ్లీ బ్యాటింగ్ మెగాస్టార్.. అమితు సగటు 50కంటే దిగువకు వచ్చినందున అతడికి ఫ్యూజులు ఎగిరిపోయాయి. ఈ సిరీస్‌లో 0, 13, 12, 15 పరుగులు మాత్రమే చేసిన కోహ్లీలో భయం పెరిగిందన్నది వాస్తవం. అందుకే రాంచీలో బ్యాటింగ్ పిచ్ తయారు చేయించే అవకాశం ఉంది' అని ఆసీస్ మాజీ క్రికెటర్ రోడ్నీ హాగ్ చెప్పుకొచ్చాడు. సిరీస్ లో 1-1తో సమంగా ఉన్న భారత్-ఆసీస్ జట్ల మధ్య మూడో టెస్టు రాంచీలో రేపు (గురువారం) ప్రారంభం కానున్న విషయం తెలిసిందే.