హైదరాబాద్ సిటీ: రాజధాని నగరం నడిబొడ్డున ఉన్న హస్సేన్‌సాగర్‌లో శుక్రవారం సెయిలింగ్, రోయింగ్ పోటీలు ప్రారంభమయ్యాయి. ఈ క్రీడలను తెలంగాణ రాష్ట్ర భారీ నీటిపారుదల శాఖ మంత్రి హరీశ్ రావు ప్రారంభించారు. ఈ సందర్భంగా మంత్రి మాట్లాడుతూ.. హుస్సేన్‌సాగర్‌లో క్రీడలను నిరంతరం కొనసాగేలా చూస్తానని చెప్పారు. హుస్సేన్ సాగర్‌ను హైదరాబాద్‌కే తలమానికంగా సర్వాంగ సుందరంగా తీర్చిదిద్దుతామని మంత్రి హరీశ్ రావు వెల్లడించారు.


 హైదరాబాద్: కేరళలో జరుగుతున్న జాతీయ క్రీడల్లో తెలంగాణ తొలి స్వర్ణం కైవసం చేసుకుంది. గురువారం జరిగిన రోయింగ్ విభాగంలో మంజీత్ సింగ్, దేవేందర్ సింగ్ స్వర్ణ పతకాలు సాధించారు. దీంతో తెలంగాణ ఖాతాలో రెండు బంగారు పతకాలు చేరాయి. పతకాలు సాధించిన క్రీడాకారులకు ముఖ్యమంత్రి కె.చంద్రశేఖర్రావు అభినందనలు తెలిపారు. జాతీయ క్రీడలు ప్రారంభమైనప్పటినుంచి ఈ రోజు వరకు తెలంగాణకు ఏ విభాగంలోనూ స్వర్ణ పతకాలు రాలేదు.