కృష్ణా: కృష్ణా ప్రాంతంలో ఆర్టీసీ ఉద్యోగాల పేరుతో ఘరానా మోసం చోటు చేసుకుంది.  2017 సంవత్సరంలో ఆర్టీసీ ఉద్యోగాలిప్పిస్తామని 34 మంది నిరుద్యోగులతో కోటి రూపాయలను డ్రైవర్ రవి వసూలు చేశాడు.  నిరుద్యోగులను మోసం చేసేందుకు  ఘరానా మోసగాళ్లు ఫేక్ ఐడి కార్డులు, ఫేక్ అపాయింట్‌మెంట్‌ లెటర్ల‌ను సృష్టించారు. ఈ విషయం తెలుసుకొని మోసపోయామని భావించిన బాధితుడు గణేష్ విజయవాడ సీపీని ఆశ్రయించి తమకు జరిగిన మోసాన్ని  వివరించారు. విజయవాడ సీపీ ఆదేశాలతో టాస్క్‌పోర్స్‌ పోలీసులు రంగంలోకి దిగి కేసును దర్యాప్తు చేస్తున్నారు. ఈ కేసును ఏడీసీపీ శ్రీనివాస్‌రావు దర్యాప్తు చేస్తున్నారు. కాగా మోసగాళ్లు నిరుద్యోగుల నుంచి ఒక్కో పోస్టుకు ఐదు లక్షలు వసూలు చేసినట్టు పిర్యాదు అందిందని ఏడీసీపీ శ్రీనివాసరావు తెలిపారు. ఏడీసీపీ శ్రీనివాసరావు మాట్లాడుతూ.. బాధితులు పశ్చిమగోదావరి జిల్లాకు చెందినవారని, నిరుద్యోగ బాధితులకు న్యాయం చేస్తామని అన్నారు. నిరుద్యోగులను చీట్ చేసిన వారిపై కఠిన చర్యలు తీసుకొంటామని ఏడీసీపీ శ్రీనివాసరావు పేర్కొన్నారు

సాక్షి, హైదరాబాద్‌ : ముఖ్యమంత్రి కేసీఆర్‌ ఆదేశాల మేరకు సమ్మె కాలంలో చనిపోయిన ఆర్టీసీ కార్మికుల ప్రతి కుటుంబ సభ్యుల్లో ఒక్కొక్కరికి ఆర్టీసీ యాజమాన్యం ఉద్యోగ్యం ఇచ్చింది. ఆర్టీసీ కార్మికులను తిరిగి విధుల్లో చేరాలని సీఎం కేసీఆర్‌ గత వారం సూచించిన విషయం తెలిసిందే. ఆ సమయంలోనే సమ్మెలో భాగంగా మృతి చెందిన ఆర్టీసీ ఉద్యోగుగు కుటుంబంలో ఒకరికి ఉద్యోగం ఇస్తానని హామీ ఇచ్చారు.  ఈ క్రమంలో గ్రేటర్‌ హైదరాబాద్ జోన్‌ పరిదిలో చనిపోయిన పదిమంది కార్మికుల కుటుంబ సభ్యలకు ఉద్యోగాలు కేటాయించింది. ఇందులో భాగంగా నలుగురికి జూనియర్‌ అసిస్టెంట్లుగా.. అయిదుగురికి కానిస్టేబుళ్లుగా.. ఒకరిని కండక్టర్‌గా ఆర్టీసీ యాజమాన్యం ఉద్యోగాలు కేటాయించింది. 

సాక్షి, నెట్‌వర్క్‌: సమ్మె వదిలి 5వ తేదీలోపు కార్మికులు విధుల్లో చేరాలన్న సీఎం కేసీఆర్‌ పిలుపుతో ఆదివారం కొంతమంది కార్మికులు విధుల్లో చేరేందుకు సిద్ధమయ్యారు. ఎంతమంది కార్మికులు విధుల్లో చేరేందుకు సమ్మతి తెలిపారన్న విషయాన్ని ఆర్టీసీ అధికారులు అధికారికంగా ప్రకటించలేదు. దాదాపు 20 మంది కార్మికులు సమ్మతి ప్రకటించినట్టు తెలిసింది. వీరిలో ఉప్పల్‌ డిపోలోని ఫైనాన్స్‌ డిపార్టుమెంట్‌లో అసిస్టెంట్‌ మేనేజర్‌ (అకౌంటెంట్‌)గా పనిచేస్తున్న కె.కేశవకృష్ణ, వరంగల్‌ రీజియన్‌లో పనిచేస్తున్న ఐదుగురు సూపర్‌వైజర్లు రవీంద్ర, శ్రీహరి, రామ్మోహన్, సూర్యప్రకాశ్, వీరన్న ఉన్నారు. సిద్దిపేట డిపోలో కండక్టర్‌గా పనిచేస్తున్న బాలవిశ్వేశ్వర్‌రావు, మేడ్చల్‌ డిపో కండక్టర్‌ కేఎస్‌ రావు, కామారెడ్డి డిపో డ్రైవర్‌ హైమద్, ఖమ్మం జిల్లా సత్తుపల్లి డిపో డ్రైవర్‌ ఎండీ ముబీన్, రాజన్న సిరిసిల్ల జిల్లా కేంద్రంలోని డిపో గ్యారేజీ మెకానిక్‌ శ్రీనివాస్‌ విధుల్లో చేరుతున్నట్లు లేఖలు అందజేశారు. నల్లగొండ జిల్లా మిర్యాలగూడ డిపోకు చెందిన కండక్టర్‌ మస్తాన్‌వలి విధుల్లో చేరేందుకు లేఖను అందజేశాడు. ఆర్టీసీ జేఏసీ నేతలు అతన్ని బుజ్జగించడంతో లేఖను విత్‌డ్రా చేసుకుంటున్నట్లు చెప్పాడు. ఆదివారం కూడా కార్మికులు ఉధృతంగా సమ్మె కొనసాగించారు. కార్మికులతో పాటు అఖిలపక్ష నేతలు కూడా పలుచోట్ల ఆందోళన కార్యక్రమాల్లో పాల్గొన్నారు. రోడ్డెక్కిన 4,238 ఆర్టీసీ బస్సులు..  రాష్ట్రవ్యాప్తంగా ఆదివారం 4,238 ఆర్టీసీ బస్సులు, 1,914 అద్దె బస్సులు తిప్పినట్టు ఆర్టీసీ అధికారులు ప్రకటించారు. 4,238 మంది తాత్కాలిక డ్రైవర్లు, 6,152 మంది తాత్కాలిక కండక్టర్లు వచ్చారని పేర్కొన్నారు. 5,588 బస్సుల్లో టిమ్‌ యంత్రాలు వాడామని, 346 బస్సుల్లో ట్రే ద్వారా టికెట్లు జారీ చేశామని పేర్కొన్నారు.  


 ఉద్యోగాలు ఇప్పిస్తానని నిరుద్యోగుల నుంచి కోట్లు వసూలు చేసిన ముఠాను పోలీసులు అరెస్ట్ చేశారు. ఆర్టీసీలో ఉద్యోగాలు ఇప్పిస్తానని చెప్పి రూ. 2.5 కోట్లు వసూలు చేసిన ఎన్‌ఎమ్‌యు సెక్రెటరీ సయ్యద్ బహ్ముద్ తో పాటు మరో ఏడుగురిని కోదాడ పోలీసులు బుధవారం అరెస్టు చేశారు. వారి వద్ద నుంచి రూ.17లక్షలు నగదుతో పాటు రెండు కార్లను స్వాధీనం చేసుకున్నారు. ఈ మేరకు జిల్లా ఎస్పీ విక్రంజిత్‌దుగ్గల్ విలేకరుల సమావేశంలో తెలిపారు.
 
  


 సాక్షి, నెల్లూరు: రాష్ట్ర విభజనను వ్యతిరేకిస్తూ సింహపురివాసులు చేపట్టిన ఉద్యమం రోజురోజుకూ ఉధృతమవుతోంది. గత 15 రోజులుగా ఎడతెరిపి లేకుండా ఆందోళనలు కొనసాగిస్తున్నారు. జిల్లావ్యాప్తంగా 15వ రోజైన బుధవారం సమైక్య ఉద్యమం ఉధృతంగా సాగింది. నెల్లూరు నగరంలో రెండోరోజూ బంద్ జరిగింది. అధిక వాణిజ్య సముదాయాలను వ్యాపారులు మూసివేశారు.
  
  జిల్లావ్యాప్తంగా ప్రభుత్వ కార్యాలయాలు, ప్రభుత్వ, ప్రైవేట్ విద్యాసంస్థలు మూతపడ్డాయి. ఆర్టీసీ ఉద్యోగులు బంద్ పాటించడంతో ఎక్కడికక్కడే బస్సులు నిలిచిపోయాయి. నెల్లూరు ఆర్టీసీ బస్టాండ్ వద్ద ఉద్యోగులు వంటావార్పు నిర్వహించి అక్కడే భోజనాలు చేసి నిరసన వ్యక్తం చేశారు. రెవెన్యూ, ఎన్‌జీఓ అసోసియేషన్లు కలెక్టరేట్ ఎదుట నిరసన దీక్షలు కొనసాగించాయి. నగరంలోని వేదాయపాళెంలో వైఎస్సార్‌సీపీ రూరల్ సమన్వయకర్త కోటంరెడ్డి శ్రీధర్‌రెడ్డి ఆధ్వర్యంలో నిరసన దీక్ష ప్రారంభమైంది. ఈ దీక్షను ఎంపీ మేకపాటి రాజమోహన్‌రెడ్డి ప్రారంభించారు.
  
  అనంతరం ఆయన మాట్లాడుతూ అన్ని పార్టీలు ఏకమై ఉద్యమాన్ని ఉధృతం చేసి విభజనను అడ్డుకోవాలని పిలుపునిచ్చారు. జిల్లా వ్యాప్తంగా గ్రామాల్లో సైతం సమైక్య ఆందోళనలు మిన్నంటాయి. సోనియా, కేసీఆర్ దిష్టిబొమ్మలను దహనం చేశారు. ర్యాలీలు, ధర్నాలు, రాస్తారోకోలు కొనసాగాయి. అన్ని పార్టీల నేతలు ఆందోళనల్లో పాల్గొన్నారు. కలెక్టరేట్ ఎదుట రిలే నిరాహార దీక్షలు చేపట్టిన గణాంకశాఖ ఉద్యోగులకు కాంగ్రెస్ నేత ఆనం జయకుమార్‌రెడ్డి సంఘీభావం తెలిపారు. ఆనం సోదరులు వ్యవహరిస్తున్న  తీరుపై ఆయన తీవ్ర స్థాయిలో మండిపడ్డారు. మంత్రి పదవి కోసం ఆనం రామనారాయణరెడ్డి సమైక్యాంధ్ర పోరుకు దూరంగా ఉన్నాడని మండిపడ్డారు.
  
  రాష్ట్రంలో పరిస్థితులను చక్కదిద్దేందుకు కేంద్రం అధికార కమిటీనీ వేయాలని టీడీపీ జిల్లా అధ్యక్షుడు బీద రవిచంద్ర డిమాండ్ చేశాడు. వైఎస్సార్ విద్యార్థి విభాగం ఆధ్వర్యంలో పీఎస్‌ఆర్ బస్టాండు వద్ద ఆర్టీసీ బస్సులను అడ్డుకున్నారు. వీఎస్‌యూ అధ్యాపక జేఏసీ ఆధ్వర్యంలో మోటారు సైకిల్ ర్యాలీ, బీఎస్‌ఎన్‌ఎల్ కార్యాలయం ఎదుట ధర్నా నిర్వహించారు. ఎన్‌జీఓస్ అసోసియేషన్ ఆధ్వర్యంలో ఎన్‌జీఓ హోమ్ నుంచి అయ్యప్ప గుడి వరకు బైక్ ర్యాలీ నిర్వహించారు. ప్రభుత్వ కార్యాలయాల్లో ఉద్యోగులతో విధులు బహిష్కరింప చేశారు. సమైక్యాధ్ర విద్యార్థి జేఏసీ ఆధ్వర్యంలో ఆర్టీసీ కూడలి వద్ద రాస్తారోకో నిర్వహించారు. నగరంలోని నర్తకి సెంటర్‌లో చిరంజీవి యువత ఆధ్వర్యంలో రిలే నిరాహార దీక్ష చేపట్టారు. విద్యుత్ ఉద్యోగులు కూడా రిలే నిరాహార దీక్షలు చేపట్టారు. వాణిజ్య ఉద్యోగులు కార్యాలయం ముందు రిలే నిరాహార దీక్షలు చేపట్టారు.
  
  వెంకటగిరి ఎమ్మెల్యే కురుగొండ్ల రామకృష్ణను బుధవారం పొదలకూరు, డేగపూడి గ్రామాల్లో సమైక్యవాదులు ఘెరావ్ చేశారు. తెలంగాణ విభజనకు వైఎస్సారే కారణమని ఎమ్మెల్యే చేసిన ఆరోపణపై సమైక్య వాదులు మండిపడ్డారు. వైఎస్సార్ విగ్రహం ఎదుట కేసీఆర్ దిష్టిబొమ్మను దహనం చేశారు. మనుబోలులో జర్నలిస్టులు ప్రదర్శన జరిపారు. జాతీయ రహదారిపై రాస్తారోకో నిర్వహించారు. వెంకటాచలం మండలంలోని బురాన్‌పూర్ వద్ద కేసీఆర్ దిష్టిబొమ్మతో శవయాత్ర నిర్వహించి నిరసన తెలిపారు.
  
  ఉదయగిరి మండలంలోని వెంగళరావునగర్, దుత్తలూరు మండలం సోమలరేగడలో విద్యార్థులు, యువకులు, గ్రామస్తులు వంటావార్పు నిర్వహించి సోనియా, కేసీఆర్ బొమ్మలను దహనం చేశారు. వింజమూరులో విద్యార్థి జేఏసీ నేతలు నిర్వహిస్తున్న రిలే నిరాహార దీక్షలు 8వ రోజుకు చేరాయి. కొండాపురం మండలం సాయిపేటలో గ్రామస్తులు చిరంజీవి బొమ్మను దహనం చేశారు. కొమ్మిపాళెంలో పదేళ్లలోపు చిన్నారులు కేసీఆర్, సోనియా బొమ్మలకు శవయాత్ర నిర్వహించి దహనం చేశారు.
  
  గూడూరు నియోజకవర్గ సమన్వయకర్త డాక్టర్ బాలచెన్నయ్య ఆధ్వర్యంలో తిక్కవరంలో బుధవారం సమైక్యాంధ్రకు మద్దతుగా రాస్తారోకో నిర్వహించి కే సీఆర్ దిష్టిబొమ్మను దహనం చేశారు. గూడూరు ఎమ్మెల్యే దుర్గాప్రసాద్‌రావు ఆధ్వర్యంలో జాతీయ రహదారిపై వరగలి క్రాస్‌రోడ్డు వద్ద రాస్తారోకో చేపట్టి వాహనాల రాకపోకలను అడ్డుకున్నారు. కోటలో వైఎస్సార్‌సీపీ నాయకులు బంద్ పాటించారు.  
  
   సూళ్లూరుపేట జేఏసీ ఆధ్వర్యంలో  నిర్వహిస్తున్న రిలే దీక్షకు వైఎస్సార్‌సీపీ నియోజకవర్గ సమన్వయకర్తలు దబ్బల రాజారెడ్డి, కిలివేటి సంజీవయ్య సంఘీభావం తెలిపారు. ఆర్టీసీ జేఏసీ వారు విధులను బహిష్కరించి ఒక్క బస్సు కూడా తిరగకుండా చేశా రు. ఆటో డ్రైవర్లు ఆటోలతో ర్యాలీ నిర్వహించి, కేసీఆర్ దిష్టిబొమ్మను దహనం చేశారు.  దొరవారిసత్రంలో జాతీయరహదారిపై రాస్తారోకో నిర్వహించారు. కోవూరులోని ఎన్జీఓ హోంలో పంచాయతీ పాలకవర్గం రిలే దీక్షలు నిర్వహించారు.
  
  కావలిలో ఆర్టీసీ ఉద్యోగుల ఆధ్వర్యంలో ఆర్డీవో కార్యాలయం నుంచి ఆర్టీసీ బస్టాండు వరకు ర్యాలీ చేశారు.  స్థానిక ఆర్డీవో కార్యాలయం ఎదుట రెవెన్యూ సర్వీస్ ఆసోసియేషన్ ఆధ్వర్యంలో సమైక్యాంధ్ర కోసం శిబిరాన్ని ఏర్పాటు చేశారు. మున్సిపల్, రెవెన్యూ, సబ్‌రిజిస్ట్రార్ కార్యాలయం ఉద్యోగులు విధులను బహిష్కరించారు.   వీఎస్‌యూ పరిధిలోని కావలి పీజీ సెంటర్ విద్యార్థులు కేసీఆర్ దిష్టిబొమ్మను పట్టణంలోని ఉదయగిరి బ్రిడ్జి సెంటర్ వరకు ఊరేగించారు.
 
  ఆత్మకూరు మండలం నెల్లూరుపాళెం సెంటర్‌లో సమైక్యాంధ్ర జేఏసీ ఆధ్వర్యంలో యువకులు క్రికెట్ ఆడి నిరసన తెలిపారు. నెల్లూరుపాళెం సెంటర్‌లో విధులు నిర్వహిస్తున్న తెలంగాణ ప్రాంతానికి చెందిన ట్రైనీ ఎస్‌ఐ వెంకటేష్‌కు బూట్లు తుడిచి పండ్లు అందజేశారు. పట్టణంలోని మున్సిపల్ బస్టాండులో ప్రైవేటు కళాశాల యజమానులు, సిబ్బంది రిలే నిరాహార దీక్షలు నిర్వహించారు. ఆత్మకూరు మండలం కరటంపాడులో విద్యార్థులు కళ్లకు గంతలు కట్టుకుని నిరసన తెలిపారు. ఆత్మకూరు మండలం నసీ నగరంలో  యువకులు  కేసీఆర్ దిష్టిబొమ్మను దహనం చేశారు. ఆర్టీసీ కార్మికులు ఆర్టీసీ బస్టాండు నుంచి మున్సిపల్ బస్టాండు వరకు ర్యాలీ నిర్వహించారు.