సాక్షి, ముంబై: నీలిచిత్రాల కేసులో అరెస్టయిన బాలీవుడ్‌ నటి, శిల్పా శెట్టి భర్త రాజ్‌కుంద్రాకు మరో భారీ షాక్‌ తగిలింది. శిల్పా శెట్టి, రాజ్‌ కుంద్రాపై న్యాయ పోరాటంలో నటుడు, నిర్మాత సచిన్ జోషి విజయం సాధించారు. ఎస్జీపీఎల్ సత్యయుగ్ గోల్డ్ స్కీమ్ వివాదంలో జోషికి సంబంధించిన బంగారాన్ని ఆయనకు అప్పగించాలని, అలాగే చట్టపరమైన చర్యలకు గాను మరో 3 లక్షల రూపాయలు చెల్లించాలని కోర్టు ఆదేశించింది. రాజ్ కుంద్రా, శిల్పా శెట్టి, సత్యగ్ గోల్డ్ బంగారు పథకంలో తనను మోసం చేశారని ఆరోపించిన సచిన్ జోషి ఈ ఏడాది జనవరిలో వారిపై కేసు నమోదు చేశారు. ఈ కేసులో తాజాగా కోర్టు జోషికి అనుకూలంగా తీర్పునిచ్చింది. జోషికి కిలో బంగారాన్ని అప్పగించడంతోపాటు, కోర్టు ఖర్చుల కింద మూడు లక్షలు రూపాయలు  చెల్లించాలని బొంబాయి హైకోర్టు ఆదేశించింది.  శిల్పా, రాజ్, ‘సత్యయుగ్  గోల్డ్’ కంపెనీలో  అప్పటికి డైరెక్టర్లుగా ఉన్నారు. తక్కువ రేటుకే బంగారం స్కీం పేరుతో పలువురి వద్ద డబ్బులు సేకరించారు. ఇది తమకు చెల్లించలేదని ఆరోపణలొచ్చాయి. ఈ నేపథ్యంలోనే  జోషి కేసులో తాజా తీర్పు వెలువడింది. ఈ తీర్పుపై స్పందించిన సచిన్‌ జోషి సంచలన వ్యాఖ్యలు చేశారు. ఆరేళ్లు తను కష్టపడి దాచుకున్న డబ్బును అక్రమంగా కాజేయాలని చూశారు. 18లక్షలు విలువ చేసే బంగారం తిరిగి ఇవ్వటానికి కుంద్రా సంస్థ 25 లక్షలు డిమాండ్‌ చేసిందని మండిపడ్డారు. తనబంగారాన్ని తనకివ్వమని అడిగితే, రివర్స్‌లో  తనపైనే బురద చల్లారంటూ ఆనాటి చేదు జ్ఞాపకాలను గుర్తు చివరికి న్యాయమే గెలిచిందని సంతోషం వ్యక్తం చేశారు. చేసిన పాపాలు ఎక్కడిపోతాయి...కర్మ అనుభవించక తప్పదంటూ వ్యాఖ్యానించారు. శిల్పాశెట్టి, రాజ్ కుంద్రా బాధితులు ఇంకా చాలామంది ఉన్నారని పేర్కొన్నారు. అంతకుముందు పోర్న్ వీడియో  స్కాంలో ముంబై పోలీసులు రాజ్ కుంద్రాను అరెస్ట్ చేసిన వెంటనే సచిన్ జోషి భార్య, నటి ఊర్వశి శర్మ తన ఇన్‌స్టా స్టోరీలో..‘చేసిన పాపంవెంటాడుతుంది’ అంటూ ఒక పోస్ట్‌ పెట్టడం విశేషం.  మరోవైపు సోమవారం అర్థరాత్రి అరెస్ట్‌ చేసినరాజ్‌కుంద్రా రిమాండ్‌ను మరో మూడు రోజుల పాటు పొడిగించారు. రాజ్‌ అరెస్ట్‌ అక్రమమని బెయిల్‌ మంజూరుచేయాలన్న పిటిషన్‌ను హైకోర్టు శుక్రవారం తోసిపుచ్చింది. అనంతరం జూలై 27వరకు పోలీసు కస్టడీ విధించింది.


 సెప్టెంబర్ మూడో వారం నుంచి భారీ చిత్రాలు లైన్ లో ఉండటంతో చిన్న సినిమాలన్ని ఈ లోపే థియేటర్లలోకి వచ్చేందుకు రెడీ అవుతున్నాయి. దీంతో సెప్టెంబర్ 8న భారీ పోటి తప్పేలా లేదు. ఆ రోజు రిలీజ్ అవుతున్న సినిమాల్లో నాగచైతన్య హీరోగా తెరకెక్కుతున్న యుద్ధం శరణంపై మంచి అంచనాలు ఉన్నాయి. ఈ నెలాఖరున రిలీజ్ కావాల్సిన ఈ సినిమాను రెండు వారాలు ఆలస్యంగా సెప్టెంబర్ 8న రిలీజ్ చేస్తున్నారు.
 
 అదే రోజు పోటి పడుతున్న మరో సినిమా మంచు మనోజ్ ఒక్కడు మిగిలాడు. చాలా కాలంగా మంచి సక్సెస్ కోసం ఎదురుచూస్తున్న మనోజ్.. డిఫరెంట్ కాన్సెప్ట్, డిఫరెంట్ గెటప్ తో అలరించేందుకు రెడీ అవుతున్నాడు. ఇటీవల రిలీజ్ అయిన టీజర్ తో ఈ సినిమా మీద కూడా మంచి హైప్ క్రియేట్ అయ్యింది. కామెడీ స్టార్ అల్లరి నరేష్ కూడా అదే రోజు రిస్క్ చేస్తున్నాడు. మేడ మీద అబ్బాయి సినిమాతో సెప్టెంబర్ 8న బరిలో దిగుతున్నట్టుగా ప్రకటించేశాడు.
 
 ఈ మూడు సినిమాలతోనే థియేటర్లు బిజీ అంటే తాజాగా మరో సినిమా లైన్ లోకి వచ్చింది. బాలీవుడ్ నటుడు సచిన్ జోషి హీరోగా తెలుగు, తమిళ భాషల్లో తెరకెక్కిన 'వీడెవడు' సినిమాను కూడా సెప్టెంబర్ 8న రిలీజ్ చేసేందుకు ప్లాన్ చేస్తున్నారట. ఇప్పటికే ఇంట్రస్టింగ్ సినిమాలతో భారీ పోటి నెలకొన్న నేపథ్యంలో వీడెవడు సినిమా రిలీజ్ చేయటం రిస్క్ అని భావిస్తున్నా.. తమిళ్ లోనూ అదే రోజు రిలీజ్ చేస్తుండటంతో డేట్ మార్చే ఛాన్స్ కనిపించటం లేదు.


 సినీ రంగంలో వివాదాలు సాధరణమే అయినా, బహిరంగంగా విమర్శలు చేసుకోవటం మాత్రం చాలా అరుదు. తాజాగా ఓ నిర్మాత, నటుడి మధ్య వచ్చిన వివాదం ట్వీట్టర్లో బెదిరింపుల వరకు వెళ్లింది. టాలీవుడ్లో అడపాదడపా సినిమాలు చేసే హీరో సచిన్ జోష్, బ్లాక్ బస్టర్ ప్రొడ్యూసర్గా పేరున్న బండ్ల గణేష్కు పుట్టిన రోజు కానుకగా ఓ వార్నింగ్ ఇచ్చాడు. అతడితో ఎవరైనా సినిమా చేస్తే ఆ సినిమాను రిలీజ్ కానివ్వను జాగ్రత్త అంటూ వార్నింగ్ ఇచ్చాడు.
 
 'నా ప్రియమైన నమ్మకద్రోహికి పుట్టిన రోజు శుభాకాంక్షలు. త్వరలోనే నిన్ను జైల్లో కలుస్తాను. అతనితో ఎవరైనా సినిమా చేస్తే రిలీజ్ కానివ్వను జాగ్రత్త' అంటూ ట్విట్టర్లో కామెంట్ చేశాడు. సచిన్ జోషి ఇంత ఘూటుగా పోస్ట్లు పెట్టినా.., బండ్ల గణేష్ మాత్రం స్పందించలేదు. ఒక సినిమా నిర్మాణం విషయంలో తలెత్తిన వివాదం ఈ ఇద్దరు సెలబ్రిటీలను ఇలా బహిరంగంగా బెదిరింపులకు దిగేలా చేసింది.
 
 సచిన్ జోషి హీరోగా ఆషిఖీ 2 సినిమాను నీ జతగా నేనుండాలి పేరుతో రీమేక్ చేశాడు బండ్ల గణేష్. టెంపర్ సినిమా రిలీజ్ సమయంలో సచిన్ జోషి బండ్ల గణేష్కు ఆర్థికంగా సాయం చేశాడు. ఆ తరువాత ఈ ఇద్దరి మధ్య వివాదం మొదలైంది. తనకు ఇవ్వాల్సిన డబ్బు ఇవ్వకుండా గణేష్ ఇబ్బంది పెడుతున్నాడంటూ సచిన్ కోర్టు నోటిసులు కూడా పంపాడు. ఈ వివాదం ఇలా కొనసాగుతుండగానే బండ్ల గణేష్ పుట్టిన రోజు సందర్భంగా తన కోపాన్ని ట్విట్టర్ వేదికగా చూపించాడు సచిన్ జోషి.
  
 
 Happy Birthday My Dearest Fraud @ganeshbandla Will soon visit you in jail#Bandlaganesh
 — Sachiin Joshi (@sachiinjoshi) March 10, 2016
 
 #Bandlaganesh Whoever will make a film with @ganeshbandla be warned that I won't let it release
 — Sachiin Joshi (@sachiinjoshi) March 10, 2016
 
 #Bandlaganesh Whoever will make a film with @ganeshbandla be warned that I won't let it release
 — Sachiin Joshi (@sachiinjoshi) March 10, 2016


 హిందీలో సంచలన విజయం సాధించిన మ్యూజికల్ రొమాంటిక్ చిత్రం 'ఆషికి 2'ను తెలుగులో రీమేక్ చేస్తున్నారు. తన సొంత వైకింగ్ మీడియా ప్రొడక్షన్స్ బ్యానర్ మీద బండ్ల గణేశ్తో కలిసి సచిన్ జోషి ఈ చిత్రాన్ని తెలుగులో తీస్తున్నారు. 'మౌనమేలనోయి', 'ఒరేయ్ పండు' లాంటి చిత్రాల్లో హీరోగా నటించిన బాలీవుడ్ హీరో సచిన్ జోషి ఈ తెలుగు చిత్రంలో హీరోగా చేయబోతున్నాడు. అయితే ఈ తెలుగు సినిమాకు ఇంకా పేరు మాత్రం నిర్ణయించలేదు. ''ఆషికి 2 తెలుగు వెర్షన్లో నటించడానికి తనకు అవకాశం ఇచ్చినందుకు బండ్ల గణేశ్కు కృతజ్ఞతలు. నువ్వు నిజమైన స్నేహితుడివి'' అని సచిన్ తన ట్విట్టర్ పేజీలో రాశాడు.
 
 బండ్ల గణేశ్ కూడా ఈ విషయాన్ని నిర్ధారించారు. తాను, సచిన్ కలిసి ఈ ప్రాజెక్టు చేస్తున్నామని, తాను కేవలం నిర్మాణ పర్యవేక్షణ మాత్రమే చూసుకుంటానని, సచిన్ తన సొంత బ్యానర్ మీదే ఈ సినిమా తీస్తున్నాడని ఆయన చెప్పారు. మిగిలిన నటీనటులను ఇంకా నిర్ధారించాల్సి ఉందని, ఆ తర్వాతే ఈ ప్రాజెక్టు సెట్ మీదకు వెళ్తుందని అంటున్నారు. 'ఆజాన్', 'ముంబై మిర్రర్' లాంటి హిందీ చిత్రాలతో పాటు సన్నీ లియోన్ ఇటీవల నటించిన 'జాక్పాట్' చిత్రంలోనూ సచిన్ జోషి నటించాడు. ఇది బాక్సాఫీసు వద్ద బోల్తాకొట్టింది.