ముంబై: తొమ్మిదేళ్ల క్రితం టి20 ప్రపంచకప్‌లో డాషింగ్ బ్యాట్స్‌మన్ యువరాజ్ సింగ్ ఆరు బంతుల్లో ఆరు సిక్సర్లు బాది అబ్బురపరిచిన విషయం తెలిసిందే. మళ్లీ ఇన్నాళ్లకు స్థానికంగా జరిగిన టైమ్స్ షీల్డ్ ‘బి’ డివిజన్ మ్యాచ్‌లోనూ ఈ ఫీట్ పునరావృతమైంది.
 
 ఆర్‌సీఎఫ్‌తో జరిగిన ఈ మ్యాచ్ రెండో రోజున వెస్ట్రన్ రైల్వే ఆటగాడు సాగర్ మిశ్రా..  ఆఫ్ స్పిన్నర్ తుషార్ కుమార్ వేసిన ఓవర్‌లో ఆరు సిక్సర్లు కొట్టి టోర్నమెంట్ రికార్డును సృష్టించాడు. గతేడాదే రైల్వేస్ తరఫున తను ఫస్ట్ క్లాస్ క్రికెట్‌లో అరంగేట్రం చేశాడు.