సాక్షి ఎఫెక్ట్‌
 అనంతపురం న్యూసిటీ: అనంతపురం సర్వజనాస్పత్రిలో విధులు నిర్వర్తించే కాంట్రాక్ట్‌ స్టాఫ్‌ నర్సులకు గురువారం వేతనాలు మంజూరయ్యాయి. మూడు నెలలుగా వేతనాలు అందక నర్సులు పడుతున్న ఇబ్బందులపై ఈ నెల 13న ‘సాక్షి’లో ‘స్టాఫ్‌నర్సుల పస్తులు’ శీర్షికన కథనం ప్రచురితమైంది. దీనిపై ప్రభుత్వ సర్వజనాస్పత్రి యాజమాన్యం స్పందించింది. 70 మంది కాంట్రాక్టు స్టాఫ్‌నర్సులకు రెండు నెలలు వేతనాలు ఖాతాల్లో జమ చేశారు. ఇంకో నెల వేతనం ఇవ్వాల్సి ఉంది.