మహిళతో అసభ్యంగా ప్రవర్తించాడంటూ.. డ్యూటీలో ఉన్న ఓ ట్రాఫిక్‌ ఇన్‌స్పెక్టర్‌ను చితకబాదిన వీడియో ఒకటి వైరల్‌ అవుతోంది. దేశ రాజధానిలో తాజాగా ఈ ఘటన చోటు చేసుకుంది.  దక్షిణ ఢిల్లీ సంగమ్‌ విహార్‌ ప్రాంతంలో.. ట్రాఫిక్‌ జామ్‌ను క్లియర్‌ చేస్తుండగా స్థానిక ట్రాఫిక్‌ ఎస్సైతో కొందరు వాగ్వాదానికి దిగారు. ఉన్నట్లుండి జనాలంతా కలిసి ఆ ఎస్సైను చితకబాదేశారు. ఘటనకు కారణం ఏంటన్నదానిపై అధికారిక స్పష్టత లేకుంది. కానీ, ఓ యువతి సదరు ట్రాఫిక్‌ ఎస్సై కాలర్‌ పట్టుకుని మరీ రెండు చెంపలను చెడామడా వాయించడం ఆధారంగా.. ఆ యువతితో ఎస్సై అసభ్యంగా ప్రవర్తించినట్లు తెలుస్తోంది.  సదరు యువతితో పాటు ఆమె స్నేహితులు, కుటుంబ సభ్యులు సైతం అతనిపై దాడికి పాల్పడ్డారు. గాయపడిన ట్రాఫిక్‌ ఎస్సైను ఆస్పత్రికి తరలించారు. ఘటనకు సంబంధించి టిగ్రి పోలీస్‌ స్టేషన్‌లో ఎఫ్‌ఐఆర్‌ నమోదు అయ్యింది. ట్రాఫిక్‌ ఉల్లంఘించిన సదరు యువతి.. ఆ ట్రాఫిక్‌ ఎస్సై తనతో అసభ్యంగా ప్రవర్తించినట్లు ఆరోపిస్తోంది.  ప్రస్తుతం ఆ వీడియో వైరల్‌ అవుతోంది. యువతి, ఆమె స్నేహితులు, కుటుంబ సభ్యులు, చుట్టూ చేరిన కొందరు ఆ ట్రాఫిక్‌ ఎస్సైను ఉతికి ఆరేశారు. అయితే పక్కనే వైట్‌ డ్రెస్‌లో ఉన్న ట్రాఫిక్‌ సిబ్బంది కొందరు ఆ ట్రాఫిక్‌ ఎస్సైను రక్షించే ప్రయత్నం చేశారు. COP ASSAULTED IN DELHI A traffic cop was assaulted in public in South #Delhi's Sangam Vihar. The cop was later dragged by his collar and slapped. @nagar_pulkit reports. pic.twitter.com/FY2Sn9JYyr — Mirror Now (@MirrorNow) June 8, 2022 #WATCH | Delhi: A man and two girls misbehaved with and manhandled Police and Traffic Police personnel. They were stopped as they were triple riding on a motorcycle that was coming from the wrong side and had no front number plate. (Source: Viral video, verified by Police) pic.twitter.com/1ZwP2iBI0N — ANI (@ANI) June 8, 2022


 పేరుకు జ్యోతిష్యుడు. కానీ నడిపేది మాత్రం బెట్టింగ్ రాకెట్. కొడుకుతో కలిసి బెట్టింగ్ నిర్వహిస్తున్న 75 ఏళ్ల జ్యోతిష్యుడిని ఆగ్నేయ ఢిల్లీలోని సంగమ్ విహార్ ప్రాంతంలో పోలీసులు అరెస్టు చేశారు. వాళ్ల ఆశ్రమం లోపల జూదం ఆడుతున్న ముగ్గురు వ్యక్తులను కూడా పట్టుకుని, వారి నుంచి రూ. 15వేలు స్వాధీనం చేసుకున్నారు. రామ్ స్నేహిలాల్ (75) అనే వృద్ధ జ్యోతిష్యుడే ఈ రాకెట్ మొత్తానికి సూత్రధారి అని, అతడు తన కొడుకును కూడా ఈ వ్యవహారంలోకి దింపాడని పోలీసులు తెలిపారు. జ్యోతిష్య కేంద్రం ముసుగులోనే ఆయన ఈ రాకెట్ నడుపుతున్నారన్నారు.
 
 రామ్‌ స్నేహిలాల్‌కు అంగవైకల్యం కూడా ఉండటంతో.. పోలీసులు ఎప్పుడు సోదా చేసినా, తనకేమీ తెలియదని ఇన్నాళ్ల బట్టి తప్పించుకుని తిరిగేవాడు. ఇప్పటివరకు ఎప్పుడూ పోలీసులకు దొరకలేదు. కేవలం జ్యోతిష్యం చెప్పించుకోడానికి మాత్రమే ప్రజలు తనవద్దకు వస్తారని చెప్పేవాడు. లాల్ కొడుకు ఛోటేతో పాటు జూదం ఆడేందుకు వచ్చిన రామ్ సింగ్, రవీందర్, శ్యామ్‌లాల్ వర్మ అనే ముగ్గురిని కూడా పోలీసులు అరెస్టు చేశారు. తండ్రీ కొడుకులు ఇద్దరూ కలిసి తమ క్లయింట్లు, వాళ్ల బెట్టింగ్ వివరాలు రాసే పుస్తకాన్ని కూడా పోలీసులు స్వాధీనం చేసుకున్నారు. ఇన్నాళ్లుగా తెలియకపోయినా, తాజాగా తమకు విశ్వసనీయంగా అందిన సమాచారం ప్రకారం పోలీసులు ఈ దాడి చేశారు. ఆదివారం రాత్రి 9.30 గంటల సమయంలో వెళ్లిన పోలీసులకు అక్కడ స్నేహిలాల్ ఇంటి బయట చాలామంది గుమిగూడి కనిపించారు. అక్కడ ఎందుకంత మంది ఉన్నారని ప్రశ్నించగా.. అంతా తన క్లయింట్లని బుకాయించాడు. లోపలకు వెళ్లి చూడగా మొత్తం బాగోతం బయటపడింది.