ప్రముఖ సినిమాటోగ్రాఫర్‌ సంతోష్‌ శివన్‌కు అరుదైన గౌరవం లభించింది. కాన్స్‌ చలన చిత్రోత్సవాల్లో అందించే ప్రతిష్టాత్మకమైన పియర్‌ ఏంజెనీ అవార్డు ఈ ఏడాది సంతోష్‌ శివన్‌ను వరించింది. మే 14 నుంచి మే 25 వరకు 77వ కాన్స్‌ ఫిల్మ్‌ ఫెస్టివల్‌ ఫ్రాన్స్‌లో జరగనుంది. మే 24న సంతోష్‌ శివన్‌ అవార్డు అందుకోనున్నారని హాలీవుడ్‌ సమాచారం. కాగా ఈ అవార్డును అందుకోనున్న తొలి భారతీయుడు కూడా సంతోష్‌ శివనే అనే వార్తలు వినిపిస్తున్నాయి. ఇక సినిమాటోగ్రఫీ విషయంలో విశిష్ట సేవలు అందించి, రెట్రో ఫోకస్‌ అండ్‌ మోడ్రన్‌ లెన్స్‌ను కనుగొన్న ఫ్రెంచ్‌ శాస్త్రవేత్త  పియర్‌ ఏంజెనీకి నివాళిగా 2013లో ఆయన పేరిట పియర్‌ ఏంజెనీ అవార్డు ఆరంభించారు కాన్స్‌ ఫిల్మ్‌ ఫెస్టివల్‌ నిర్వహకులు. అప్పట్నుంచి ప్రతి ఏటా ఒక ఛాయాగ్రాహకుడికి ఈ అవార్డుని ప్రదానం చేస్తూ వస్తున్నారు. ఈ ఏడాది సంతోష్‌ శివన్‌ అందుకోనున్నారు. ఇక ఛాయాగ్రాహకుడిగా సంతోష్‌ చేసిన చిత్రాల్లో హిందీ ‘దిల్‌ సే’, ‘ముంబైకర్‌’ (దర్శకుడిగానూ), తెలుగులో ‘స్పైడర్‌’, తమిళంలో ‘తుపాకీ’, మలయాళంలో ‘ఉరుమి’ (దర్శకుడిగానూ),  వంటి పలు చిత్రాలు ఉన్నాయి. కేవలం సినిమాటోగ్రాఫర్‌గానే కాదు.. దర్శకుడిగా, నటుడిగా, నిర్మాతగా కూడా నిరూపించుకున్నారు.

Technicians Turned Into Directors: విలన్‌ ముఖం మీద హీరో పంచ్‌లు ఇస్తుంటే.. ఫ్యాన్స్‌ విజిల్స్‌ వేస్తారు. హీరో హీరోయిన్‌ డ్యూయట్‌ పాడుకుంటే... ఫ్యాన్స్‌ స్టెప్స్‌ వేస్తారు. విదేశీ అందాలు తెర మీద కనబడితే అదో ఐ ఫీస్ట్‌. ఎక్కువ అయిందనుకున్నప్పుడు సీన్‌ పూర్తయితే అదో రిలీఫ్‌. ప్రేక్షకులకు ఈ అనుభూతులన్నీ కలగాలంటే తెర వెనక ఫైట్‌ మాస్టర్స్, డ్యాన్స్‌ మాస్టర్స్, సినిమాటోగ్రాఫర్స్, ఎడిటర్స్‌ ఎంతో శ్రమించాలి. ఈ క్రమంలో ఈ టెక్నీషియన్లకు సినిమా డైరెక్షన్‌ మీద ఓ అవగాహన వచ్చేస్తుంది. అందుకే కొందరు డైరెక్టర్లుగా మారతారు. ప్రస్తుతం ‘మెగా ఫోన్‌’ పట్టుకుని దర్శకులుగా స్టార్ట్‌.. కెమెరా, యాక్షన్‌.. కట్‌ చెబుతున్న టెక్నీషియన్ల గురించి తెలుసుకుందాం. ఉత్తమ కొరియోగ్రాఫర్‌గా జాతీయ అవార్డుతో పాటు తమిళనాడు, కేరళ ప్రభుత్వ అవార్డులూ గెలుచుకున్నారు బృందా మాస్టర్‌. ఆమె దర్శకురాలిగా మారారు. దుల్కర్‌ సల్మాన్, కాజల్‌ అగర్వాల్, అదితీ రావు హైదరీ హీరో హీరోయిన్లుగా బృందా దర్శకత్వంలో రూపొందిన చిత్రం ‘హే సినామిక’. వచ్చే నెలలో ఈ చిత్రాన్ని విడుదల చేయాలనుకుంటున్నారు. ఇక యశ్‌ ‘కేజీఎఫ్‌’ చిత్రంలోని యాక్షన్‌ సన్నివేశాలు ప్రేక్షకులను ఎంతగా మెప్పించాయో ప్రత్యేకించి చెప్పక్కర్లేదు. ఈ సినిమాలోని స్టంట్స్‌ని అన్బు, అరివు ద్వయం సమకూర్చారు. ఈ చిత్రానికి బెస్ట్‌ స్టంట్‌ మాస్టర్స్‌గా జాతీయ అవార్డు కూడా దక్కించుకున్నారు. ఫైట్‌మాస్టర్స్‌ రామ్‌–లక్ష్మణ్‌లానే ఈ ఇద్దరు కూడా కవలలే. ఇప్పుడు ఈ ఇద్దరి దర్శకత్వంలో లారెన్స్‌ హీరోగా ‘దుర్గ’ అనే చిత్రం రూపొందనుంది. ఇక కొరియోగ్రాఫర్‌ నుంచి హీరోగా, నిర్మాతగా, దర్శకుడిగా మారి లారెన్స్‌ విజయాలు చవి చూస్తున్న విషయం తెలిసిందే. త్వరలోనే ఈ సినిమా రెగ్యులర్‌ షూటింగ్‌ ప్రారంభం కానుంది. లారెన్స్‌తో అన్బు, అరివు  మరోవైపు ‘సీతారాముడు’, ‘టాటా బిర్లా మధ్యలో లైలా’, ‘బుర్రకథ’ ‘పీఎస్వీ గరుడవేగ’ వంటి సినిమాలకు వర్క్‌ చేసిన కెమెరామేన్‌ అంజి కూడా రీసెంట్‌గా దర్శకుడిగా మారారు. శ్రీరామ్, అవికా గౌర్‌ హీరో హీరోయిన్లుగా నటించనున్న ‘టెన్త్‌ క్లాస్‌ డైరీస్‌’ సినిమాకు అంజి దర్శకుడు. పి. అచ్యుత్‌ రామారావు, రవితేజ మన్యం ఈ సినిమాను నిర్మించనున్నారు. సునీల్, ధన్‌రాజ్‌ హీరోలుగా రిలీజ్‌కు రెడీ అయిన సైకలాజికల్‌ థ్రిల్లర్‌ మూవీ ‘బుజ్జీ.. ఇలారా’కి కూడా అంజియే దర్శకుడు. నాగిరెడ్డి, శ్రీనివాసరెడ్డి ఈ చిత్రాన్ని నిర్మించారు. ఇక 2016లో వచ్చిన ‘క్షణం’ సినిమాకు అసిస్టెంట్‌ డైరెక్టర్‌గా వర్క్‌ చేశారు గ్యారీ. 2018లో వచ్చిన ‘గూఢచారి’తో గ్యారీ ఎడిటర్‌గా మారారు. ఆ తర్వాత ‘ఎవరు’, ‘హిట్‌: ది ఫస్ట్‌ కేస్‌’ ఇటీవల ‘ఇచట వాహ నములు నిలుపరాదు’ .. ఇలా దాదాపు 20కి పైగా సినిమాలకు ఎడిటర్‌గా చేసిన ఆయన ఇప్పుడు దర్శకుడిగా మెగాఫోన్‌ పట్టారు. నిఖిల్‌ హీరోగా దేశభక్తి నేపథ్యంలో ఓ స్పై థ్రిల్లర్‌ మూవీని గ్యారీ డైరెక్ట్‌ చేయనున్నారు. ఈ చిత్రాన్ని రాజశేఖర రెడ్డి నిర్మించనున్నారు. మరికొందరు సాంకేతిక నిపుణులు కూడా తమలోని దర్శకత్వ ప్రతిభను వెండితెరపై ఆవిష్కరించడానికి రెడీ అవుతున్నారు. ఛాయాగ్రాహకుడిగా సంతోష్‌ శివన్‌కి ఎంత మంచి గుర్తింపు ఉందో తెలిసిందే. కెమెరామేన్‌గా నాలుగు జాతీయ అవార్డులు సాధించిన ఆయన డైరెక్టర్‌గాను (ది టెర్రరిస్టు, మల్లి, నవరస చిత్రాలకు) జాతీయ అవార్డులు సాధించారు. ఇప్పుడు సంతోష్‌ శివన్‌ దర్శకత్వంలో రూపొందుతున్న చిత్రం ‘ముంబైకర్‌’. విజయ్‌ సేతుపతి, విక్రాంత్‌ మెస్సీ ప్రధాన పాత్రధారులు. తమిళ హిట్‌ మూవీ ‘మానగరం’కు హిందీ రీమేక్‌గా ‘ముంబైకర్‌’ రూపొందుతోందని టాక్‌. ‘దిల్‌ చాహ్‌ తా హై’, ‘కోయీ మిల్‌ గయా’, ‘ఫనా’, ‘గజిని’ ఇలా ఎన్నో హిట్‌ సినిమాలకు కెమెరామ్యాన్‌గా చేసిన రవి కె. చంద్రన్‌ ప్రస్తుతం ‘తామర’ అనే ఇండో–ఫ్రెంచ్‌ మూవీకి దర్శకత్వం వహించనున్నారు. తెలుగులో అగ్రనిర్మాణ సంస్థల్లో ఒకటైన సితార ఎంటర్‌టైన్‌మెంట్స్‌ ఈ చిత్రాన్ని నిర్మించనుంది. ఇదిలా ఉంటే.. 1992 నుంచి కెమెరామేన్‌గా కొనసాగుతున్న రవి. కె. చంద్రన్‌ పాతికేళ్లకు తెలుగు సినిమా చేయడం విశేషం. 2018లో మహేశ్‌బాబు హీరోగా వచ్చిన ‘భరత్‌ అనే నేను’ ఛాయాగ్రాహకుడిగా రవి కె. చంద్రన్‌కు తెలుగులో తొలి సినిమా. అలాగే తెలుగు నిర్మాణ సంస్థలో దర్శకుడిగా ‘తామర’ రవికి తొలి చిత్రం అయినప్పటికీ  తమిళంలో ‘యాన్‌’ (2014), మలయాళంలో ‘భ్రమమ్‌’ (2021) చిత్రాలకు దర్శకత్వం వహించారు.

ప్రస్తుతం అట్లీ దర్శకత్వంలో తెరకెక్కుతోన్న ‘బిగిల్‌’ సినిమాతో ఫుల్‌ బిజీగా ఉన్నారు తమిళ హీరో విజయ్‌. ఈ సినిమా ఈ ఏడాది దీపావళికి విడుదల కానుంది. ఆ తర్వాత ‘మా నగరం’ ఫేమ్‌ లోకేష్‌ కనగరాజన్‌ దర్శకత్వంలో విజయ్‌ హీరోగా తెరకెక్కనున్న సినిమాను అధికారికంగా ప్రకటించారు. ఎక్స్‌బీ ఫిల్మ్‌ క్రియేటర్స్‌ ఈ సినిమా నిర్మాణ భాగస్వామి. అనిరుద్‌ రవిచంద్రన్‌ సంగీతం అందించనున్నారు. సంతోష్‌ శివన్‌ ఛాయాగ్రహకుడు. ఈ సినిమా చిత్రీకరణ అక్టోబర్‌లో మొదలు కానుంది. వచ్చే ఏడాది వేసవిలో విడుదల చేయాలనుకుంటున్నారు. ఈ సంగతి ఇలా ఉంచితే.. అజిత్‌ 60వ చిత్రం కూడా వచ్చే ఏడాది సమ్మర్‌లోనే విడుదల కానుంది. ఈ చిత్రానికి దర్శకుడు హెచ్‌.వినోద్‌.

కొత్త సినిమా స్టార్ట్‌ చేయడానికి కొంచెం గ్యాప్‌ ఇచ్చిన మాస్‌రాజ రవితేజ బ్యాక్‌ టు బ్యాక్‌ సినిమాల్లో నటించడానికి రెడీ అవుతున్నారు. ఆల్రెడీ వీఐ ఆనంద్‌ దర్శకత్వంలో ‘డిస్కో రాజా’ సినిమా షూటింగ్‌ షురూ చేశారు. దీంతోపాటు ‘తేరీ’ రీమేక్‌ కూడా మొదలుపెట్టనున్నారని సమాచారం. విజయ్‌ నటించిన ‘తేరీ’ చిత్రాన్ని ‘కందిరీగ’ ఫేమ్‌ సంతోష్‌ శివన్‌ దర్శకత్వంలో రవితేజ హీరోగా తెలుగులో రీమేక్‌ అవుతోంది. కొన్ని రోజులు షూటింగ్‌ కూడా చేశారు. ఆ తర్వాత షూటింగ్‌కు బ్రేక్‌ ఇచ్చారు. లేటెస్ట్‌గా ఏప్రిల్‌ రెండో వారం నుంచి షూటింగ్‌ కంటిన్యూ చేయడానికి రెడీ అయ్యారు. మైత్రీ మూవీ మేకర్స్‌ బ్యానర్‌పై నవీన్‌ యర్నేని, రవిశంకర్, మోహన్‌ చెరుకూరి ఈ సినిమాను నిర్మిస్తారు. ఇందులో కేథరిన్‌ కథానాయిక. తమిళ చిత్రాన్ని తెలుగు నేపథ్యానికి సరిపడేలా దర్శకుడు సంతోష్‌ శివన్‌ చాలా మార్పులు చేశారట. దేవిశ్రీ ప్రసాద్‌ సంగీతం అందిచనున్న ఈ చిత్రాన్ని దసరా స్పెషల్‌గా రిలీజ్‌ చేయనున్నారు.

‘దళపతి, రోజా, దిల్‌ సే, రావన్, నవాబ్‌’ వంటి భారీ సినిమాలకు కెమెరామెన్‌గా పని చేశారు సంతోష్‌ శివన్‌. భారతదేశంలోని టాప్‌ కెమెరామెన్‌ లిస్ట్‌లో మొదటి వరుసలో ఉంటారాయన. అప్పుడప్పుడూ ఆయన డైరెక్టర్‌గా మారుతుంటారు కూడా. దర్శకునిగా ‘అశోక, ఉరిమి, నవరస’ వంటి చిత్రాలను రూపొందించిన ఆయన ఓ భారీ బడ్జెట్‌ డివోషనల్‌ మూవీ ప్లాన్‌ చేశారు. అయ్యప్ప స్వామి జీవితం ఆధారంగా ఈ చిత్రం ఉండబోతోంది. మలయాళ, తెలుగు, తమిళ, హిందీ భాషల్లో ఈ చిత్రాన్ని శ్రీ గోకులన్‌ గోపాలన్‌ నిర్మించనున్నారు. ఈ సినిమాలో కీలక పాత్రలో అనుష్క కనిపిస్తారని టాక్‌. సౌత్‌లో అనుష్క క్రేజ్‌ దృష్టిలో ఉంచుకొని ఆమెను సంప్రదించారని ఊహించుకోవచ్చు. ఆల్రెడీ ‘ఓం నమో వెంకటేశాయ’ అనే భక్తి చిత్రంలో అనుష్క కనిపించిన సంగతి తెలిసిందే. ఆస్కార్‌ విజేత ఏఆర్‌ రెహమాన్‌ ఈ చిత్రానికి సంగీత దర్శకుడు. ‘‘ఈ చిత్రం అయ్యప్ప జీవితంపై ఎక్కువ ఫోకస్‌ చేస్తుంది. యువరాజుగా, యోధుడిగా అయ్యప్ప ఏంటి? అనేది మా సినిమాలో చూపిస్తాం’’ అని శ్రీ గోకులన్‌ గోపాలన్‌ పేర్కొన్నారు. ఆగస్ట్‌ లేదా సెప్టెంబర్‌లో ఈ చిత్రం రెగ్యులర్‌ షూట్‌ స్టార్ట్‌ కానుంది.

సూపర్‌స్టార్‌ రజనీకాంత్‌తో చేసే సినిమా కోసం ప్రీ ప్రొడక్షన్‌ వర్క్‌ స్పీడ్‌ పెంచారు దర్శకుడు ఏఆర్‌ మురుగదాస్‌. ఈ సినిమాకు టాప్‌ టెక్నీషియన్స్‌ను ఎంపిక చేసుకుంటున్నారు కూడా. తాజాగా సంతోష్‌ శివన్‌ ఈ సినిమాకు కెమెరామేన్‌గా ఫిక్స్‌ అయ్యారు. ఇండియన్‌ ఫిల్మ్‌ ఇండస్ట్రీలో ఉన్న టాప్‌ కెమెరామేన్స్‌లో సంతోష్‌ శివన్‌ ముందు వరుసలో ఉంటారు. ‘దళపతి, రోజా, ఇద్దరు, దిల్‌సే’ వంటి గుర్తుండిపోయే సినిమాలకు కెమెరా వర్క్‌ను అందించారు సంతోష్‌. ‘‘రజనీసార్‌తో ‘దళపతి’ చిత్రం తర్వాత మళ్లీ కలసి పని చేయడం సంతోషంగా ఉంది. ఈ సినిమాపై చాలా ఎగై్జటింగ్‌గా ఉన్నాను’’ అని ట్వీటర్‌లో పేర్కొన్నారు సంతోష్‌. 28 ఏళ్ల తర్వాత రజనీ, సంతోష్‌ కలసి పని చేయడం విశేషం. ఈ చిత్రం రెగ్యులర్‌ షూటింగ్‌  మార్చిలో స్టార్ట్‌ కానుంది. 


 ఇన్నాళ్లు టాలీవుడ్ సర్కిల్స్లో వినిపించిన, మహేష్ బాబు తదుపరి సినిమా ఓకే అయ్యింది.  సౌత్ ఇండియన్ స్టార్ డైరెక్టర్ మురుగదాస్ దర్శకత్వంలో భారీ బడ్జెట్తో తెరకెక్కనున్న ఈ సినిమా వచ్చే ఏడాదిలో ప్రారంభించనున్నారు. ప్రస్తుతం బ్రహ్మోత్సవం సినిమా షూటింగ్‌తో బిజీగా ఉన్న మహేష్, దాని తరువాత మురుగదాస్ దర్శకత్వంలో తెరకెక్కనున్న సినిమాను మొదలుపెట్టనున్నాడు.
 
 మహేష్, మురుగదాస్ల కాంభినేషన్లో తెరకెక్కనున్న సినిమాను వచ్చే ఏడాది ప్రారంభిస్తున్నట్టు, ఆ సినిమా సినిమాటోగ్రఫర్ సంతోష్ శివన్ ప్రకటించాడు. ఇన్నాళ్లు అఫీషియల్ ఎనౌన్స్మెంట్ కోసం ఎదురుచూస్తున్న మహేష్ అభిమానుల కోసం తన ట్విట్టర్ పేజ్పై 'వచ్చే ఏడాది ప్రారంభం కానున్న మహేష్ బాబు, మురుగదాస్ల సినిమా కోసం ఎదురుచూస్తున్నా' అంటూ ట్వీట్ చేశాడు.
 
 మురుగదాస్ కూడా ప్రస్తుతం సోనాక్షి సిన్హా ప్రధాన పాత్రలో తెరకెక్కుతున్న అకీరా షూటింగ్లో బిజీగా ఉన్నాడు. ఈ సినిమా పూర్తయిన తరువాత మహేష్తో తెరకెక్కబోయే సినిమా ప్రీ ప్రొడక్షన్ పనులను ప్రారంభించనున్నాడు. ఈ సినిమాను 120 కోట్ల భారీ బడ్జెట్తో తెరకెక్కించాలని ప్లాన్ చేస్తున్నారు చిత్రయూనిట్.
  
 
 Looking forward to doing the film with Murugodoss , Mahesh Babu, next year
 — SantoshSivanASC. ISC (@santoshsivan) November 26, 2015