TV
విజయ్‌
ప్రస్తుతం అట్లీ దర్శకత్వంలో తెరకెక్కుతోన్న ‘బిగిల్‌’ సినిమాతో ఫుల్‌ బిజీగా ఉన్నారు తమిళ హీరో విజయ్‌. ఈ సినిమా ఈ ఏడాది దీపావళికి విడుదల కానుంది. ఆ తర్వాత ‘మా నగరం’ ఫేమ్‌ లోకేష్‌ కనగరాజన్‌ దర్శకత్వంలో విజయ్‌ హీరోగా తెరకెక్కనున్న సినిమాను అధికారికంగా ప్రకటించారు. ఎక్స్‌బీ ఫిల్మ్‌ క్రియేటర్స్‌ ఈ సినిమా నిర్మాణ భాగస్వామి. అనిరుద్‌ రవిచంద్రన్‌ సంగీతం అందించనున్నారు. సంతోష్‌ శివన్‌ ఛాయాగ్రహకుడు. ఈ సినిమా చిత్రీకరణ అక్టోబర్‌లో మొదలు కానుంది. వచ్చే ఏడాది వేసవిలో విడుదల చేయాలనుకుంటున్నారు. ఈ సంగతి ఇలా ఉంచితే.. అజిత్‌ 60వ చిత్రం కూడా వచ్చే ఏడాది సమ్మర్‌లోనే విడుదల కానుంది. ఈ చిత్రానికి దర్శకుడు హెచ్‌.వినోద్‌.
Comments
Please login to add a commentAdd a comment