అక్కినేని నటవారసుడు అఖిల్ నటుడిగా ఆకట్టుకుంటున్నా సక్సెస్‌ మాత్రం అందుకోలేకపోతున్నాడు. తొలి సినిమా ‘అఖిల్‌’తో తీవ్రంగా నిరాశపరిచిన అఖిల్, రెండో ప్రయత్నంగా హలోతో పరవాలేదనిపించాడు. కానీ మరోసారి మూడో సినిమా మిస్టర్ మజ్నుతో తడబడ్డాడు అఖిల్. దీంతో అఖిల్ తదుపరి చిత్రం ఎవరితో చేస్తాడన్న ఆసక్తినెలకొంది. అఖిల్ నెక్ట్స్‌ సినిమా డైరెక్టర్స్‌ లిస్ట్‌ లో శ్రీనువైట్ల, క్రిష్ లాంటి దర్శకుల పేర్లు వినిపిస్తున్నాయి. అఖిల్ మాత్రం మరోసారి డిఫరెంట్‌గా ఆలోచిస్తున్నాడన్న టాక్ వినిపిస్తోంది. మలుపు సినిమాతో దర్శకుడిగా మంచి గుర్తింపు తెచ్చుకున్న సత్య ప్రభాస్‌ దర్శకత్వంలో అఖిల్ సినిమా చేసేందుకు రెడీ అవుతున్నట్టుగా ప్రచారం జరుగుతోంది. అయితే అఖిల్ మాత్రం తన తదుపరి చిత్రంపై ఇంతవరకు ఎలాంటి ప్రకటనా చేయలేదు.

అక్కినేని నట వారసుడిగా భారీ అంచనాల మధ్య సిల్వర్‌ స్క్రీన్‌ ఎంట్రీ ఇచ్చిన యంగ్ హీరో అఖిల్. తొలి సినిమాతో నిరాశపరిచిన అఖిల్, రెండో ప్రయత్నంగా తెరకెక్కిన హలోతో పరవాలేదనిపించాడు. ప్రస్తుతం తొలి ప్రేమ ఫేం వెంకీ అట్లూరి దర్శకత్వంలో ఓ రొమాంటిక్‌ ఎంటర్‌టైనర్‌లో నటిస్తున్నాడు. నిధి అగర్వాల్‌ హీరోయిన్‌గా నటిస్తున్న షూటింగ్ విదేశాల్లో జరుగుతోంది. ఈ సినిమా సెట్స్ మీద ఉండగానే అఖిల్ తదుపరి చిత్రానికి సంబంధించి ఆసక్తికర వార్త ఒకటి టాలీవుడ్‌ సర్కిల్స్‌లో వినిపిస్తోంది. అఖిల్‌ తన నెక్ట్స్ సినిమాతో బాలీవుడ్‌ ఎంట్రీకి రెడీ అవుతున్నట్టుగా తెలుస్తోంది. నటుడు ఆది పినిశెట్టి సోదరుడు సత్య ప్రభాస్‌ దర్శకత్వంలో అఖిల్ సినిమా చేస్తున్నాడన్న టాక్‌ చాలా రోజులుగా వినిపిస్తోంది. మలుపు సినిమాతో దర్శకుడిగా మంచి గుర్తింపు తెచ్చుకున్న సత్య ప్రభాస్‌ తన నెక్ట్స్ సినిమాను భారీగా ప్లాన్ చేస్తున్నాడు. అఖిల్ హీరోగా తెలుగు, హిందీ భాషల్లో ఓ సినిమాను తెరకెక్కించేందుకు ప్లాన్‌ చేస్తున్నట్టుగా వార్తలు వస్తున్నాయి. కింగ్ నాగార్జున, కరణ్‌ జోహర్‌లు సంయుక్తంగా ఈ సినిమా నిర్మించనున్నారట. ప్రస్తుతానికి అధికారిక ప్రకటన లేకపోయినా, అఖిల్‌ బాలీవుడ్ ఎంట్రీపై జోరుగా ప్రచారం జరుగుతోంది.


 ‘ఐయామ్ ఎ డిస్కో డాన్సర్’... పాట వినగానే, హిందీ చిత్రాల్లో పేరు తెచ్చుకున్న బెంగాలీ నటుడు మిథున్ చక్రవర్తి గుర్తుకొస్తారు. దాదాపు 30 ఏళ్ల క్రితం మిథున్ చక్రవర్తి హీరోగా నటించిన ‘డిస్కో డాన్సర్’లోని ఈ పాట ఇప్పటికీ పాపులరే. ముఖ్యంగా ఈ పాటకు స్టయిల్‌గా మిథున్ వేసిన స్టెప్పులను మర్చిపోవడం అంత సులువు కాదు. ఆ స్టెప్పులకే మనసు పారేసుకున్న అమ్మాయిలు ఉన్నారు.
  
 దక్షిణాదిన మిథున్ సినిమాలు చేయకపోయినప్పటికీ, తను చేసిన హిందీ చిత్రాల ద్వారా ఇక్కడివారికి కూడా సుపరిచితులయ్యారు. కాగా, ఈ ఏడాది మిథున్ చక్రవర్తి తెలుగు తెరపై కనిపిస్తారని చెప్పొచ్చు. అది కూడా రెండు తెలుగు సినిమాల్లో కావడం విశేషం. రవిరాజా పినిశెట్టి కుమారుడు సత్య ప్రభాస్ పినిశెట్టి దర్శకత్వం వహిస్తున్న చిత్రంలో ఆయన కీలక పాత్ర చేస్తున్నారు. తాజాగా, హిందీ చిత్రం ‘ఓ మై గాడ్’ తెలుగు రీమేక్‌లోనూ ఆయన నటించనున్నారని సమాచారం.
  
 హిందీ వెర్షన్‌లో ధరించిన లీలాధర్ స్వామీజీ పాత్రను తెలుగులో కూడా మిథునే చేయనున్నారట. హిందీలో పరేష్ రావల్ చేసిన పాత్రను వెంకటేశ్, అక్షయ్‌కుమార్ పోషించిన శ్రీకృష్ణుని పాత్రను పవన్ కల్యాణ్ చేయనున్నారు. వెంకీ సరసన శ్రీయ నాయిక. డాలీ దర్శకత్వంలో డి. సురేశ్‌బాబు, శరత్ మరార్ ఈ చిత్రాన్ని నిర్మిస్తున్నారు.