బాహుబలి-2 పై ప్రశంసలు కురిపిస్తున్న వివాదాస్పద దర్శకుడు రామ్‌ గోపాల్‌ వర్మ మరో సారి ట్విట్టర్‌ అందుకున్నారు. అయితే ఈసారి రానా దగ్గుబాటిపై ఆసక్తికర వ్యాఖ్యలు చేశారు.  బీబీ 2 లో రానా నటనకు ఫిదాఅయిపోయిన ఆయన  భల్లాలదేవపై ప్రశంసల జల్లు కురిపించారు.  కండలు తిరిగిన దేహంతో,  పరాక్రమవంతుడైన భల్లాలదేవుడు రూపంలో  దర్శనమిచ్చిన రానాను పొగడుతూ ట్వీట్‌ చేశారు.
 అమోఘమైన, అరుదైన శరీర సౌష్టవంతో ఆకట్టుకుంటున్న రానాపై  ఆర్‌జీవీ అమితమైన అభిమానాన్ని  ప్రదర్శించారు.   రానా  స్క్రీన్‌పవర్‌   అద్భుతమని కొనియాడారు. అంతేకాదు  20ఏళ్ల ముందు  బాహుబలి -2  సినిమా వచ్చి ఉంటే  హాలీవుడ్‌ సూపర్‌ స్టార్స్‌ ఆర్నాల్డ్‌ షార్జ్‌నెగ్గర్‌, సిల్విస్టర్‌ స్టాలోన్‌  పేలవంగా నిలిచే వారని ట్వీట్‌  చేశారు.
 కాగా  లీడర్ సినిమాలో క్లాస్ లుక్‌తో  ఆకట్టుకున్న రానా ఆ తర్వాత తన బాడీ లాంగ్వేజ్‌తో పాటు శరీరాకృతి కూడా మార్చుకుంటూ వస్తున్నారు. భారీ కండలతో సిక్స్ ప్యాక్‌తో  ఫ్యాన్స్‌ను ఆకట్టుకుంటున్నారు.  కోచ్‌ కునాల్‌ గిర్‌  శిక్షణలో రానా  భారీ కండలవీరుడిగా అవతరించారు. అంతకాదు బాహుబలి మొదటి భాగంలో రానా 108-110 కిలోల మధ్య బరువును, రెండో భాగంలో పాత్రకోసం బాగా తగ్గించే పనిలో  భాగంగా భారీగా కసరత్తు చేసిన సంగతి తెలిసిందే.
 
  
 
 @RanaDaggubati Sir ur screen power is so AWESOME that if BB2 came 20yrs ago Schwarzenegger and Stallone would have looked malnourished
 — Ram Gopal Varma (@RGVzoomin) May 1, 2017


 చెన్నై : 'ఐ' చిత్రంలోని హీరో విక్రమ్ పాత్రను చూసి ప్రముఖ హాలీవుడ్ నటుడు ఆర్నాల్డ్ ష్వార్జ్ నెగర్ స్ఫూర్తి పొందారని ఆ చిత్ర దర్శకుడు శంకర్ తెలిపారు. బుధవారం చెన్నైలో దర్శకుడు శంకర్ మీడియాతో మాట్లాడుతూ... ఆ చిత్రంలో విక్రమ్ శరీర ధారుణ్యాన్ని చూసి ష్వార్జ్ నెగర్ ముగ్దుడయ్యాడని చెప్పారు. ఈ సందర్బంగా ఆ హాలీవుడ్ నటుడు తన చిన్ననాటి విశేషాలను నెమరువేసుకున్నారని వివరించారు. ఐ చిత్రంలో బాడీ బిల్డింగ్ పాత్రలో విక్రమ్ ఒదిగిపోయిన తీరుపై ఆయన ప్రశంసల వర్షం కురిపించారన్నారు. ఐ చిత్రంలో పాత్రలో నటించేందుకు విక్రమ్ తన శరీరాన్ని తగిన విధంగా మలచుకున్న తీరు అద్బుతమని ఆర్నాల్డ్ ష్వార్జ్ నెగర్ అన్నారని తెలిపారు.
 ఆ చిత్రంలోని కొన్ని సన్నివేశాల కోసం విక్రమ్ కండలు పెంచుకుంటే.... మరో కొన్ని సన్నివేశాల కోసం శరీరాన్ని బాగా తగ్గించుకున్నారన్నారు. ఐ చిత్రం ఆడియో విడుదల సందర్బంగా హాలీవుడ్ నటుడు ఆర్నాల్డ్ ష్వార్జ్ నెగర్ ముఖ్య అతిథిగా హాజరైన సంగతి తెలిసిందే. ఈ సందర్భంగా చిత్రంలోని విక్రమ్ నటనకు అర్నాడ్ ప్రశంసల జల్లు కురిపించారు. ఐ చిత్రంలో దీపావళీకి విడుదల చేస్తామని చెప్పారు. ఈ చిత్రంలో అమ్మీ జాక్సన్, ఉపెన్ పటేల్ ముఖ్య భూమిక పోషిస్తున్నారు.