శ్రీనగర్:  జమ్ము కశ్మీర్ లో  మరోసారి గ్రెనేడ్ దాడి జరిగింది.  సీఆర్పీఎఫ్ స్థావరంపై తీవ్రవాదులు దాడిచేసినట్టు తెలుస్తోంది. శ్రీనగర్ పట్టణంలోని  సేకిదఫర్ లోని పోలీసు బంకర్ దగ్గర ఈ  గ్రెనేడ్ పేలుడు సంభవించింది.  దీంతో  స్థానికంగా ఉద్రిక్తతను రాజేసింది.  అయితే ఈ పేలుడులో ఎవరూ గాయపడలేదు. రెండు పోలీసు వాహనాలు ధ్వంసమయ్యాయి. దీంతో భద్రత బలగాలు అప్రమత్తమయ్యాయి. ఈ ఘటనపై పూర్తి వివరాలు ఇంకా తెలియాల్సి ఉంది.