ఐసీసీ ఏసీయూ చీఫ్ వెల్లడి
 ముంబై: ఓ అంతర్జాతీయ క్రికెట్ జట్టుపై ఫిక్సింగ్ ఆరోపణలతో విచారణ సాగుతోందని అంతర్జాతీయ క్రికెట్ మండలి (ఐసీసీ) అవినీతి వ్యతిరేక యూనిట్ చైర్మన్ సర్ రోనీ ఫ్లనగాన్ వెల్లడించారు. అయితే ఆ జట్టు గురించి పూర్తి వివరాలను వెల్లడించేందుకు ఆయన నిరాకరించారు. ‘ప్రస్తుతం విచారణ జరుగుతున్న ఆ జట్టు గురించి ఇప్పుడే వివరాలు చెప్పడం వీలు కాదు. అయితే ఆ జట్టులోని ఆటగాళ్లు రాబోయే మ్యాచ్‌లను ఉద్దేశపూర్వకంగా ప్రభావితం చేసే ఆలోచనలను కలిగి ఉన్నారు’ అని ఫ్లనగాన్ తెలిపారు.