న్యూఢిల్లీ: ప్రముఖ విమానయాన సంస్థ ‘స్పైస్‌జెట్’ తాజాగా ‘స్పైసీ యాన్యువల్ సేల్’ ఆఫర్‌ను ప్రకటించింది. సంస్థ ఇందులో భాగంగా ప్రయాణికుల కోసం విమాన టికెట్లను రూ.737 నుంచే అందిస్తోంది. ఈ స్కీమ్ నాలుగు రోజులపాటు (ఈనెల 24 వరకు) అందుబాటులో ఉంటుందని కంపెనీ తెలిపింది. ఆఫర్‌లో భాగంగా టికెట్‌లను బుక్ చేసుకున్నవారు వచ్చే ఏడాది జనవరి 9 నుంచి అక్టోబర్ 28 మధ్యకాలంలో ఎప్పుడైనా ప్రయాణించొచ్చు. చెన్నై-కోయంబత్తూరు-చెన్నై, జమ్మూ-శ్రీనగర్-జమ్మూ, చంఢీగర్-శ్రీనగర్-చంఢీగర్, అగర్తల-గువాహతి వంటి 500 కిలోమీటర్ల దూరపు ప్రాంతాలకు మాత్రమే ఈ స్కీమ్ వర్తిస్తుందని పేర్కొంది. ఈ ఆఫర్ కేవలం దేశీ రూట్లకే పరిమితమని, నాన్-స్టాప్ ఫ్లైట్స్‌కు మాత్రమే వర్తిస్తుందని తెలిపింది.