సాక్షి, బెంగళూరు: ఈ కామర్స్‌ దిగ్గజం అమెజాన్‌ మరోసారి చిక్కుల్లో పడింది. శ్రీకృష్ణాష్టమి సందర్బంగా అభ్యంతర కరమైన ఫోటోను షేర్‌ చేసి హిందువుల మనోభావాల్ని దెబ్బతీసిందన్న ఆరోపణలు వెల్లువెత్తాయి. దీంతో సోషల్‌ మీడియాలో బాయకాట్‌ అమెజాన్‌ హ్యాష్‌టాగ్‌ ట్రెండ్‌ అవుతోంది. అంతేకాదు ఈ వ్యవహారంలో వెంటనే క్షమాపణ చెప్పాలని హిందూ సంఘాలు డిమాండ్‌ చేస్తున్నాయి. (PM Kisan eKYC deadline extended: పీఎం కిసాన్‌ ఈ-కేవైసీ అప్‌డేట్‌ గడువు పొడిగింపు)  పవిత్రమైన రాధాకృష్ణుల బంధాన్ని, ప్రేమను అవమానించింది. అసలు ఇలాంటి అసభ్య చిత్రాలను విక్రయించే ధైర్యం అమెజాన్‌ ఎలా చేస్తుందని ప్రశ్నిస్తున్నారు. ‘షేమ్‌ ఆన్‌ యూ’ అంటూ మండిపడుతున్నారు. ఇందుకు బహిరంగ   క్షమాపణలు చెప్పాల్సిందే అంటూ అమెజాన్‌పై సోషల్‌ మీడియా యూజర్లు దుమ్మెత్తి పోస్తున్నారు. దీంతో ఎక్సోటిక్‌ ఇండియాపై ఇవే ఆరోపణలు వెల్లువెత్తాయి. ఫలితంగా ట్విటర్‌లో #Boycott_Amazon #Boycott_ExoticIndia జోరు కొనసాగుతోంది. (వారెన్‌ బఫెట్‌ పోలికపై రాకేష్‌ ఝున్‌ఝున్‌వాలా స్పందన వైరల్‌) జన్మాష్టమికి 20 శాతం సేల్‌ అంటూ కొన్ని చిత్రాలను అమ్మకానికి పెట్టింది అమెజాన్‌. వెబ్‌సైట్‌లో రాధతో శ్రీకృష్ణుడు ఉన్న అశ్లీల పెయింటింగ్‌ను  విక్రయించడంపై హిందూ జాగృతి సంస్థ  ఆగ్రహం వ్యక్తం చేసింది. అమెజాన్‌పై చర్యలు తీసుకోవాలని కోరుతూ బెంగుళూరులోని సుబ్రమణ్య నగర్ పోలీస్‌ స్టేషన్‌లో ఫిర్యాదు చేశారు. కాగా హిందూ దేవతలపై అభ్యంతరంగా ,అనుచితంగా వ్యవహరించడం ఆనక  లెంపలేసుకోవడం అమెజాన్‌కు ఇది కొత్తేమీ కాదు. ఇది చదవండి: లక్‌ అంటే టెకీలదే: అట్లుంటది ఐటీ కొలువంటే! #Boycott_Amazon#Boycott_ExoticIndia ‼️‼️amazonIN & exoticindiaart selling obscene paintings of hindu gods and again & again hurting hindu sentiments!! 👉Hindus are you still want to use this app⁉️⁉️ pic.twitter.com/5xPp1UVTdq — Snehal Patil (@SnehalPatil4SP) August 19, 2022 Press Release Members of @HinduJagrutiOrg submitted a memorandum to the Police Inspector, Subramanya Nagar Benguluru, requesting action against @amazonIN for selling obscene painting of Lord Krishna with Radha on their website.#Boycott_Amazon #Boycott_ExoticIndia pic.twitter.com/E5ASG6PLSH — HJS Karnataka (@HJSKarnataka) August 19, 2022 Hindu unity triumphs! Amazon & Exotic India Art quietly withdraw obscene painting of ShriKrishna & Radhaji. But this is not enough. Both Amazon & Exotic India must tender unconditional apology & pledge not to hurt sentiments of Hindus again.#Boycott_Amazon#Boycott_ExoticIndia pic.twitter.com/tvWbuAetcg — Yamanu Naikodi (@Yamanu76669807) August 19, 2022 We won't allow anyone to hurt Hindu sentiments Neither Bollywood nor Corporates Time and again Amazon providing its platform to sell things which hurt Hindu sentiment#Boycott_Amazon for insulting gods 👇@RadharamnDas#Boycott_ExoticIndia#Janmashtami #harekrishna . pic.twitter.com/u5wX3cyrQ3 — Saffron Swamy (@SaffronSwamy) August 19, 2022


 శ్రీకృష్ణాష్టమి వేడుకలు జిల్లాలో గురువారం వైభవంగా జరిగాయి. చిన్నారులు కృష్ణుడు, గోపిక వేషధారణల్లో అలరించారు. పలు ప్రాంతాల్లో యువతీ, యువకులు ఉట్లు కొట్టి సంబురాలు జరుపుకున్నారు. 


 కడప కల్చరల్‌ :
 భారతంతోపాటు భాగవతంలో కూడా కృష్ణుడిదే ప్రధాన పాత్ర. అందుకే దశావతారాల్లో కృష్ణావతారానికిS ఎంతో విశిష్టత ఉంది. శ్రీరాముడిగా సున్నిత మనుస్కుడై సచ్ఛీలం, ధర్మ పాలనతో లోకానికి ఆదర్శంగా నిలిస్తే, భారత, భాగవతాలలో రాజకీయ దురంధురుడిగా, మంత్రాంగ నిపుణుడిగా, లీలా మానుష వేషధారిగా ఆయన నేటి ధర్మాలను ఆనాడే వివరించారు.
 తరించిన జిల్లా..
  తెలుగు సాహిత్యంలో శ్రీకృష్ణుని లీలలను వివరించడంలో మహా భాగవతానికి మించిన గ్రంథం మరొకటి లేదన్నది పురాణ పండితుల అభిప్రాయం. భక్తకవి పోతన మనజిల్లాలోని ఒంటిమిట్ట క్షేత్రంలో భాగవతాన్ని రచించారు. నాటి పలువురు పాలకులు ఎంత ఆశ చూపినా భాగవతాన్ని ఒంటిమిట్ట రామయ్యకే అంకితమిచ్చాడు. మన గడ్డపై వెలిసిన ఈ గ్రంథం తెలుగు సాహిత్యంలో ‘నభూతో నభవిష్యతి’గా నిలిచింది.
 – అలాగే ఒంటిమిట్ట వాసి, ఆ క్షేత్రంపై పలు రచనలు చేసిన  విద్వాన్‌ కట్టా నరసింహులు పలు సంవత్సరాలుగా మిత్రులతో కలిసి ఒంటిమిట్టలో పోతన సాహిత్య పీఠాన్ని ఏర్పాటు చేశారు. ప్రతి సంవత్సరం వేలాది మంది విద్యార్థులకు భాగవత పద్యార్చన పేరిట పోతన పద్య రచన పోటీ నిర్వహిస్తున్నారు.  
 శ్రీకృష్ణుడి సేవలో...
         జిల్లాలో పలువురు కవులు శ్రీకృష్ణుని సేవలో తరించారు. ప్రముఖ ఇంజనీరు పుత్తా పుల్లారెడ్డి ‘భాగవత నామ సర్వస్వం’ పేరిట భాగవతంలోని 4124 పేర్లు, వాటి వివరాలతో 450 పేజల పుస్తకాన్ని వెలువరించారు. పద్మశ్రీ పుట్టపర్తి నారాయణాచార్యులు భాగవత సుధాలహరి, జనమంచి శేషాద్రిశర్మ కృష్ణావతార తత్వం, వావిలికొలను సుబ్బారావు కృష్ణాలీల తరింగిణి, మైనంపాటి సుబ్రమణ్యం శ్రీకృష్ణ తాండవం రచించారు. వేంపల్లె గండిక్షేత్రంలోని భూమానంద ఆశ్రమ పీఠాధిపతి శ్రీ రామకృష్ణానంద భాగవతోపన్యాసాలు రాశారు.  ఆధ్యాత్మిక వేత్త అచ్చోలు పుల్లారెడ్డి భగవద్గీతను బాగా అధ్యయనం చేసి గీతా ప్రచారానికి విశేషంగా కృషి చేశారు.
 – శ్రీ కృష్ణ ఆలయాలు..
 జిల్లాలో శ్రీకృష్ణుని ఆలయాలు తక్కువేనని చెప్పవచ్చు. కడప నగరం ద్వారకానగర్‌ కాలనీలోనూ, రాయచోటి రోడ్డులోనూ శ్రీకృష్ణాలయాలు ఉన్నాయి. రాయచోటి మోటకట్ల ఆలయం వద్ద శ్రీకృష్ణుని భారీ విగ్రహం, జమ్మలమడుగు వద్ద భారీ రథం ఆకారంలో శ్రీకృష్ణాలయం జిల్లాలో ప్రత్యేక ఆకర్శణలుగా నిలిచాయి. పోతన లాంటి మహాకవికి కార్యక్షేత్రమైన ఒంటిమిట్ట ఆలయం గోడలు, స్తంభాలపై శ్రీకృష్ణునికి సంబంధించిన ఎన్నో శిల్పాలను చూడవచ్చు.
 
 భిన్న కోణాలలో
         శ్రీకృష్ణుని పాత్రను భిన్న కోణాలలో విశ్లేషించవచ్చు. ఆయన లౌకిక, అపార లౌకిక విధానం అటు మోక్షం ఇస్తూ, ఇటు ధర్మ పాలనను సూచిస్తుంది. ఆయన వద్ద ఉండే గోవు జీవనాధారానికి ప్రతీక అయితే, వేణువు ప్రాణశక్తికి ప్రతీక. నెమలి పింఛం అమలిన ప్రేమతత్వానికి నిదర్శనం. భగవద్గీతను నేడు విదేశాలలో  పర్సనాలిటీ డెవలప్‌మెంట్‌కు టెక్ట్స్‌బుక్‌లా ఉపయోగిస్తున్నారు.
 – విద్వాన్‌ కట్టా నరసింహులు, కన్సెల్టెంట్, పోతన భాగవతం ప్రాజెక్టు, టీటీడీ
  
 విజయతత్వానికి ప్రతీక
     శ్రీకృష్ణుని పాత్ర విజయతత్వానికి ప్రతీకగా నిలుస్తుంది. పుట్టుక నుంచి ఆ పాత్రకు భారత, భాగవతాలలో ఎదురు లేదన్నట్లుగా కనిపిస్తుంది. బాల్యం నుంచే దుష్టశిక్షణ ప్రారంభించిన ఆయన అటు మానవ ధర్మాచరణ విధిని చూపుతూ, ఇటు మోక్ష మార్గానికి ద్వారంలా నిలుస్తారు. భారత, భాగవతాలలో ప్రతి సంఘటన కృష్ణుడి విజయాలనే చూపుతోంది.
 – పుత్తా పుల్లారెడ్డి, ఇంజనీరు (పురాణ పరిశోధకులు), కడప