కడప కల్చరల్‌: పిరమిడ్‌ స్పిర్చ్యువల్‌ సొసైటీ ఆధ్వర్యంలోని పిరమిడ్‌ స్పిర్చ్యువల్‌ సైన్స్‌ అకాడమి వైఎస్సార్‌ జిల్లా కన్వీనర్‌గా కడప నగరానికి చెందిన ప్రొఫెసర్‌ జీవీ శేషారెడ్డిని నియమించినట్లు  ఆ ప్రాజెక్టు రాష్ట్ర కోఆర్డినేటర్‌ కంచి రఘురాం తెలిపారు. ఈ మేరకు శుక్రవారం ఆయన శేషారెడ్డికి నియామక పత్రాన్ని అందజేశారు. జిల్లాలోని అన్ని పాఠశాలల్లో విద్యార్థులకు ఉచితంగా యోగా, ధ్యానాన్ని బోధించేందుకు స్పిర్చ్యువల్‌ సైన్స్‌ అకాడమిని ఏర్పాటు చేశామని, ఆ ప్రాజెక్టు ఆధ్వర్యంలో విద్యాలయాల్లో యోగ, ధ్యాన తరగతులు నిర్వహించనున్నామని తెలిపారు. తన నియామకంపై శేషారెడ్డి కృతజ్ఞతలు తెలుపుతూ జిల్లాలో విద్యార్థులకు యోగా, ధ్యానాలను నేర్పేందుకు శక్తివంచన లేకుండా కృషి చేస్తామని తెలిపారు.