సినీ తారలు తమ దగ్గర నమ్మకంగా పనిచేస్తున్న సిబ్బంది కోసం సినిమాలు చేయడం లేదా వారి సినీ నిర్మాణంలో భాగస్వామ్యం  కావడం అప్పుడప్పుడూ జరుగుతూ ఉంటుంది.  అందాల తార అనుష్క తన మేకప్ మ్యాన్ కోసం ‘పంచాక్షరి’ సినిమాలో నటిస్తే,  తమిళ సూపర్‌స్టార్ అజిత్ ఓ అడుగు ముందుకు వేసి తన సిబ్బంది కోసం ఇళ్లు కట్టించే పనిలో ఉన్నారు. ఈ జాబితాలోకి బాలీవుడ్ నటి జుహీచావ్లా కూడా చేరిపోయారు.  జుహీ చావ్లా దగ్గర 18 ఏళ్ల నుంచి మేకప్ మ్యాన్‌గా పనిచేస్తున్న సుభాష్ సింగ్ త్వరలో ఓ సినిమా చేయనున్నారు. ఇందులో జుహీదీ కీలక పాత్ర.
 
 దాంతో పాటు ఇంకో బంపర్ ఆఫర్ కూడా ఇచ్చారట జుహీ. ఈ సినిమా స్క్రిప్ట్ బాగా నచ్చడంతో,  పారితోషికం కూడా తీసుకోకుండానే నటిస్తానని హామీ ఇచ్చారట. ఈ సినిమాలో జాకీష్రాఫ్, సీనియర్ నటి షబానా అజ్మీ కూడా ఏ పారితోషికం తీసుకోకుండానే నటి ంచడానికి ఒప్పుకున్నారని సుభాష్ సింగ్ చాలా సంబరపడిపోతూ చెప్పారు.    
  
  


 బాలీవుడ్ హాట్ ప్రేమ జంట రణబీర్‌కపూర్, కత్రినాకైఫ్‌ల మధ్య కాస్త తేడాలు వచ్చినట్టే ఉన్నాయి. ప్రస్తుతానికైతే ఎవరూ బయట పడటం లేదు కానీ... చిన్న చిన్న గొడవలేవో తొంగి చూసినట్టు ఓ వెబ్‌సైట్ కథనం. కారణం... కత్రినా మేకప్‌మ్యాన్ సుభాష్‌సింగ్. నిన్నమొన్నటి వరకూ క్యూట్ గాళ్‌కు పర్సనల్ మేకప్‌మ్యాన్‌గా ఉన్న సుభాష్ సెట్స్‌కు లేటుగా వచ్చాడట.
 
 దీనిపై గరమైన అమ్మడు అతగాడిని చెడామడా తిట్టేసిందట. క్యాట్ తిట్ల మహత్యమేమో గానీ... ఉన్నట్టుండి మనోడు ప్రొడ్యూసరైపోయాడు. జయంత్ గిలీతర్ దర్శకత్వంలో ఓ సినిమా తీస్తున్నాడట. అందులో ఓ స్పెషల్ అప్పియరెన్స్ కోసం రణబీర్‌ను సంప్రదిస్తున్నాని... అతడు కాదనడన్న నమ్మకం ఉందని చెప్పాడు సుభాష్! ప్రేమ పావురాల మధ్య లిటిల్ గ్యాప్‌నకు ఇదే కారణమంటున్నారు బాలీవుడ్ జనం!