జీహెచ్‌ఎంసీ హాకీ టోర్నీ
  ఎల్బీ స్టేడియం, న్యూస్‌లైన్: జీహెచ్‌ఎంసీ సమ్మర్ కోచింగ్ క్యాంప్ హాకీ టోర్నమెంట్‌లో బిస్తివాడ ప్లేగ్రౌండ్.. టీమ్ టైటిల్‌ను గెలుచుకుంది. రెడ్‌హిల్స్ ప్లేగ్రౌండ్‌లో శుక్రవారం జరిగిన బాలుర విభాగం ఫైనల్లో బిస్తివాడ ప్లేగ్రౌండ్ జట్టు 1-0 స్కోరుతో రెడ్‌హిల్స్ ప్లేగ్రౌండ్ జట్టుపై విజయం సాధించింది.
  
   బిస్తివాడ పీజీ జట్టు ఆటగాడు హైదర్ ఖాన్ ఏకైక గోల్‌ను నమోదు చేసి త న జట్టుకు విజయాన్ని అందించాడు. అంతకుముందు హోరాహోరీగా జరిగిన సెమీఫైనల్స్‌లో బిస్తివాడ పీజీ జట్టు 1-0తో అంబర్‌పేట్ పీజీ జట్టుపై గెలుపొందగా... రెడ్‌హిల్స్ పీజీ జట్టు 2-0తో షేక్‌పేట్ పీజీ జట్టును ఓడించింది.