టీమిండియా బ్యాటర్‌ శ్రేయస్‌ అయ్యర్‌ బౌలర్‌ అవతారమెత్తాడు. బుచ్చిబాబు టోర్నమెంట్లో తన బౌలింగ్‌ నైపుణ్యాలు ప్రదర్శించే ప్రయత్నం చేశాడు. తన సహజశైలికి విరుద్ధంగా.. వెస్టిండీస్‌ మిస్టరీ స్పిన్నర్‌ సునిల్‌ నరైన్‌ మాదిరి బౌల్‌ చేయబోయి ప్రత్యర్థి జట్టు బ్యాటర్‌కు దొరికిపోయాడు.కాగా దులిప్‌ ట్రోఫీ-2024కు ముందు భారత క్రికెటర్లు.. తమిళనాడు క్రికెట్‌ అసోసియేషన్‌(టీఎన్‌సీఏ) ఆధ్వర్యంలో నిర్వహిస్తున్న బుచ్చిబాబు రెడ్‌బాల్‌ టోర్నీలో ఆడుతున్న విషయం తెలిసిందే. ఇందులో భాగంగా శ్రేయస్‌ అయ్యర్‌ సొంత జట్టు ముంబైకి ఆడుతున్నాడు. ఈ క్రమంలో టీఎన్‌సీఏ ఎలెవన్‌ జట్టుతో మంగళవారం ముంబై మ్యాచ్‌ మొదలైంది.సునిల్‌ నరైన్‌ను అనుసరించబోయి..తొలుత బ్యాటింగ్‌కు దిగిన టీఎన్‌సీఏ తొలిరోజు ఆట పూర్తయ్యేసరికి(90 ఓవర్లు) ఐదు వికెట్ల నష్టానికి 294 పరుగులు చేసింది. అయితే, ఆట ముగియడానికి ఒక్క ఓవర్‌ మిగిలి ఉన్న ఉన్న తరుణంలో శ్రేయస్‌ అ‍య్యర్‌ బంతితో రంగంలోకి దిగాడు. తొంభైవ ఓవర్లో బాల్‌ చేతబట్టిన ఈ పార్ట్‌టైమ్‌ స్పిన్నర్‌ సునిల్‌ నరైన్‌ శైలిని అనుసరించబోయాడు. అయితే, క్రీజులో ఉన్న తమిళనాడు బ్యాటర్‌ సోను యాదవ్‌ భారీ సిక్సర్‌తో అయ్యర్‌కు చేదు అనుభవం మిగిల్చాడు.ఇండియా-డి జట్టుకు కెప్టెన్‌గామొత్తంగా అయ్యర్‌ ఓవర్లో టీఎన్‌సీఏ ఏడు పరుగులు రాబట్టింది. ఇందుకు సంబంధించిన వీడియో సోషల్‌ మీడియాలో చక్కర్లు కొడుతోంది. కాగా ఈ టోర్నీ అనంతరం సెప్టెంబరు 5 నుంచి మొదలుకానున్న దులిప్‌ ట్రోఫీలో అయ్యర్‌ ఆడనున్నాడు. ఇండియా-డి జట్టుకు అతడు కెప్టెన్‌గా వ్యవహరించనున్నాడు. కాగా స్పెషలిస్టు బ్యాటర్‌ అయిన శ్రేయస్‌ అయ్యర్‌ రైటార్మ్‌ లెగ్‌బ్రేక్‌ స్పిన్‌ బౌలింగ్‌ చేయగలడు. ఇక విండీస్‌ బౌలింగ్‌ ఆల్‌రౌండర్‌ సునిల్‌ నరైన్‌ రైటార్మ్‌ ఆఫ్‌బ్రేక్‌ స్పిన్నర్‌. వీరిద్దరు ఐపీఎల్‌ ఫ్రాంఛైజీ కోల్‌కతా నైట్‌ రైడర్స్‌లో సహచర ఆటగాళ్లు. ఈ ఏడాది అయ్యర్‌ సారథ్యంలోని కోల్‌కతా చాంపియన్‌గా నిలిచిన విషయం తెలిసిందే.చదవండి: Duleep Trophy: ఆ ముగ్గురు స్టార్లు దూరం.. బీసీసీఐ ప్రకటనShreyas Iyer bowling with Sunil Narine action. 😂 pic.twitter.com/EpX4ZxnfZx— Mufaddal Vohra (@mufaddal_vohra) August 27, 2024


 ►కోల్‌కతా ఘనవిజయం  
 ►లిన్‌ మెరుపులు   
 ►రాతమారని బెంగళూరు
 
 బెంగళూరు: చిన్నస్వామి స్టేడియం నిజంగానే చిన్నబోయింది. కోల్‌కతా ఓపెనర్ల ధాటికి బౌండరీ లైన్‌ చెదిరిపోయింది. తమ సొంతగడ్డపైనే బెంగళూరు బౌలర్లు కకావికలమయ్యారు. ఈ సీజన్‌లో అనూహ్యంగా ఓపెనర్‌గా వచ్చి మెరుపులు మెరిపిస్తున్న సునీల్‌ నరైన్‌ (17 బంతుల్లో 54; 6 ఫోర్లు, 4 సిక్సర్లు) ఈ మ్యాచ్‌లో అచ్చమైన ఓపెనర్‌గా ఒదిగిపోయాడు. మరో ఓపెనర్‌ క్రిస్‌ లిన్‌ (22 బంతుల్లో 50; 5 ఫోర్టు, 4 సిక్సర్లు) కూడా రెచ్చిపోవడంతో బెంగళూరు పరాజయాల వరుస మారలేదు.
 
 ఆదివారం జరిగిన పోరులో గంభీర్‌ సేన 6 వికెట్ల తేడాతో రాయల్‌ చాలెంజర్స్‌ బెంగళూరుపై ఘనవిజయం సాధించింది. టాస్‌ ఓడి మొదట బ్యాటింగ్‌ చేపట్టిన బెంగళూరు 20 ఓవర్లలో 6 వికెట్లకు 158 పరుగులు చేసింది. తర్వాత కోల్‌కతా 15.1 ఓవర్లలో 4 వికెట్లు కోల్పోయి 159 చేసి గెలిచింది. నరైన్‌కు ‘మ్యాన్‌ ఆఫ్‌ ద మ్యాచ్‌’ అవార్డు దక్కింది.
 
 ఆరే ఓవర్లలో 106/0
 లక్ష్యఛేదనలో కోల్‌కతా ‘పవర్‌’ చాటింది. లిన్‌తో కలిసి ఇన్నింగ్స్‌ ఆరంభించిన నరైన్‌ చెలరేగాడు. లిన్‌ తొలి ఓవర్లో 4, 4, 6తో 14 పరుగులు బాదేశాడు. మూడు ఓవర్లు ముగిసే సరికి జట్టు స్కోరు 34/0. ఇందులో నరైన్‌వి ఐదే పరుగులు ( లిన్‌ 29). నాలుగో ఓవర్‌ మొదలైంది... నరైన్‌ జోరు షురువైంది. బద్రీ బౌలింగ్‌లో వరుసగా 6, 6, 6, 4, 2, 1. అంతే... అంతే నరైన్‌ (30) లిన్‌ను అధిగమించేశాడు. అరవింద్‌ వేసిన ఐదో ఓవర్లో 2, 4, 4, 4, 6తో నరైన్‌ 15 బంతుల్లో అర్ధసెంచరీ (5 ఫోర్లు, 4 సిక్సర్లు) పూర్తయింది. కానీ మరో బంతి మిగిలింది. అదీ కూడా ఫోర్‌! ఇలా ఒకర్ని మించి ఒకరు బంతిని శిక్షించడంతో పవర్‌ ప్లే స్కోరు 106/0. ఐపీఎల్‌ చరిత్రలోనే రికార్డు స్కోరిది. తర్వాత మిగతా లాంఛనం ఆలస్యమైనా...15.1 ఓవర్లలో పూర్తయింది. గ్రాండ్‌హోమ్‌ 31, గంభీర్‌ 14 పరుగులు చేశారు.
 
 గేల్‌ ‘ఫెయిల్‌’
 అంతకుముందు బ్యాటింగ్‌కు దిగిన బెంగళూరు తొలిబంతికే గేల్‌ను, 20 పరుగులకే కోహ్లి (5)ని కోల్పోయింది. ఉమేశ్‌ యాదవ్‌ వీళ్లిద్దరిని పెవిలియన్‌ చేర్చాడు. డివిలియర్స్‌ (10)ను నరైన్‌ ఔట్‌ చేశాడు. 34 పరుగులకే 3 వికెట్లు కోల్పోయిన బెంగళూరును మన్‌దీప్‌ సింగ్‌ (43 బంతుల్లో 52; 4 ఫోర్లు, 1 సిక్స్‌), హెడ్‌ (47 బంతుల్లో 75 నాటౌట్‌; 3 ఫోర్లు, 5 సిక్సర్లు) ఆదుకున్నారు. ఇద్దరు నాలుగో వికెట్‌కు 71 పరుగులు జోడించారు. మన్‌దీప్‌ కూడా నరైన్‌ స్పిన్‌ ఉచ్చులోనే చిక్కుకోగా తర్వాత వచ్చిన కేదార్‌ జాదవ్‌ (8), పవన్‌ నేగి (5) విఫలమయ్యారు. చివర్లో హెడ్‌ సిక్సర్లతో విరుచుకుపడటంతో పోరాడే లక్ష్యాన్ని ప్రత్యర్థి ముందుంచగలిగింది.
 
 ► 1 ఐపీఎల్‌ చరిత్రలోనే అత్యధిక పవర్‌ ప్లే స్కోరు 106/0. గతంలో చెన్నై రికార్డు (100/2) బద్దలైంది.
 
 ► 2 ఐపీఎల్‌లో ఫాస్టెస్ట్‌ ఫిఫ్టీ రికార్డును సమం చేసిన నరైన్‌. యూసుఫ్‌ పఠాన్‌ కూడా 15 బంతుల్లోనే బాదేశాడు. వీళ్లిద్దరూ కోల్‌కతా ఆటగాళ్లే!