సూపర్‌ హీరోల సినిమాలు తరచూ చూస్తూనే ఉంటాం. సూపర్‌మేన్, స్పైడర్‌మేన్‌ వంటివి. మన  దేశీ సూపర్‌ హీరోలు శక్తిమాన్, క్రిష్‌ కూడా ఉన్నారు. కానీ సూపర్‌ హీరో సినిమాలతో పోల్చు కుంటే సూపర్‌ హీరోయిన్‌ల సినిమాలు తక్కువ. హాలీవుడ్‌లో వండర్‌ ఉమెన్, బ్లాక్‌ విడో, కెప్టెన్‌ మార్వెల్‌ సినిమాలు ఉన్నాయి. కానీ భారతీయ చిత్రాల్లో సూపర్‌ హీరోయిన్‌ సినిమాలు అసలు రాలేదు. ప్రస్తుతం సూపర్‌ హీరోయిన్‌ సినిమాలను స్క్రీన్‌ మీదకు తీసుకురావడానికి ఏర్పాట్లు జరుగుతున్నాయి. ఆ విశేషాలు... శ్రద్ధ... నాగకన్య శ్రద్ధా కపూర్‌ ఓ సినిమాలో నాగకన్యగా నటించనున్నారని తెలిసిందే. మూడు భాగాలుగా రూపొందించనున్న ఈ సినిమాను ఓ సూపర్‌ హీరోయిన్‌ ఫిల్మ్‌లా డిజైన్‌ చేస్తున్నారట చిత్రబృందం. విషాల్‌ ఫూరియా దర్శకత్వం వహించనున్న ఈ సినిమాలో అవసరమైనప్పుడు నాగకన్యగా మారే శక్తులు శ్రద్ధకపూర్‌కి ఉంటాయని తెలిసింది. మరి సూపర్‌ హీరోలకు ప్రేక్షకులు ప్రేమను పంచినట్టే సూపర్‌ హీరోయిన్లను కూడా ఆదరిస్తారా? వేచి చూడాలి. అదితీ... ఆనా కన్నడంలో ‘ఆనా’ అనే సూపర్‌ హీరోయిన్‌ ఫిల్మ్‌ చిత్రీకరణ పూర్తయింది. అదితీ ప్రభుదేవా లీడ్‌ రోల్‌లో పి. మనోజ్‌ దర్శకత్వం వహించారు. ‘తొలి ఫీమేల్‌ సూపర్‌ హీరోయిన్‌ చిత్రం’ ఇదే అని చిత్రబృందం ప్రకటించింది. రెండు భాగాలుగా తెరకెక్కే ఈ సినిమా తొలి భాగానికి సంబంధించిన ఫస్ట్‌ లుక్‌ను విడుదల చేశారు. వచ్చే ఏడాది వేసవిలో ఈ సినిమాను విడుదల చేయాలనుకుంటున్నారు. కన్నడంలో తెరకెక్కిన ఈ సినిమా మిగతా భాషల్లోనూ విడుదల కావచ్చు. మొదటి భాగంతో పోలిస్తే రెండో భాగంలో మరింత యాక్షన్‌ ఉంటుందని చిత్రబృందం పేర్కొంది. కత్రినా... ది సూపర్‌ ఉమన్‌ ‘సుల్తాన్, టైగర్‌ జిందా హై’ వంటి సినిమాలను తెరకెక్కించిన దర్శకుడు అలీ అబ్బాస్‌ జాఫర్‌ ఓ సూపర్‌ హీరోయిన్‌ సినిమాను ప్లాన్‌ చేస్తున్నారు. ఈ సినిమా కోసం కత్రినా కైఫ్‌ తొలిసారి సూపర్‌ హీరోయిన్‌గా మారుతున్నారు. ఆల్రెడీ ఇందులో చేయబోయే యాక్షన్‌ సన్నివేశాల కోసం శిక్షణ తీసుకుంటున్నారు కత్రినా. వచ్చే ఏడాదిలో ఈ సినిమా సెట్స్‌ మీదకు వెళ్లనుంది. సుమారు నాలుగైదు దేశాల్లో ఈ సినిమా చిత్రీకరణ జరపనున్నట్టు ప్రకటించారు అలీ అబ్బాస్‌.


 నేను క్వీన్ కాదంటున్నారు క్రేజీ నటి సమంత. దక్షిణాది (తమిళం, తెలుగు)లో సూపర్ హీరోయిన్‌గా ప్రకాశిస్తున్న సమంత చేతిలో ప్రస్తుం ఏడు చిత్రాలున్నాయి. వాటిలో నాలుగు చిత్రాలు తమిళం కావడం విశేషం. చాలామంది హీరోయిన్ల మాదిరిగానే ఈసుందరిపై కూడా రకరకాల పుకార్లు హల్‌చల్ చేస్తున్నాయి. యువ నటుడు సిద్ధార్థ్‌తో షికార్లు లాంటి వదంతులు ప్రచారం అయినా అవేవీ సమంత కెరీర్‌పై ప్రభావం చూపకపోవడం విశేషం.
  
 స్టార్స్ ముఖ్యం కాదు : ప్రస్తుతం ఈ ముద్దుగుమ్మ చేస్తున్న వన్నీ స్టార్ హీరోల చిత్రాలే. అయినా తనకు స్టార్స్ ముఖ్యం కాదంటున్నారు సమంత. స్టార్ హీరోలను చూసి తానెప్పుడూ చిత్రాలను అంగీకరించలేదని, దర్శకుడు ఆయన పనితనం చూసే చిత్రాలు ఒప్పుకుంటానన్నారు.  దర్శకుడు ఎ ఆర్ మురుగదాస్ అంటే వీరాభిమానం అని చెప్పారు. ఎలాంటి కమర్షియల్ చిత్రం అందులో ఆయన హీరోయిన్లకు ప్రాముఖ్యతనిస్తారని కితాబిచ్చారు.
 
 ఈ అమ్మడు నటించిన తెలుగు చిత్రం ఆటోనగర్ సూర్య గత వారం విడుదలైంది. ఈ చిత్రం గురించి సమంత మాట్లాడుతూ తన తెలుగు కెరీర్ నాగచైతన్యతో మొదలైందన్నారు. ఆయనకు జంటగా నటించిన మూడవ చిత్రం ఆటో నగర్ సూర్య మొత్తానికి విడుదలయ్యిందన్నారు. ఈ చిత్ర దర్శకుడు దేవకట్టా తన తదుపరి చిత్రంలో పూర్తి నిడివిగల పాత్రలో నటించే అవకాశం ఇస్తానన్నారని తెలిపారు.
  
 అవన్నీ రూమర్సే: టాలీవుడ్ చిత్రం అల్లుడు శ్రీనులో నవ నటుడుడికి జంటగా నటించడానికి రెండు కోట్లు పారితోషికం డిమాండ్ చేసినట్లు జరుగుతున్న ప్రచారం గురించి సమంత స్పందిస్తూ అవన్నీ వదంతులేనని స్పష్టం చేశారు. నిజానికి తాను అనారోగ్యంతో ఉన్నప్పుడు ఆ చిత్ర నిర్మాత బెల్లం కొండ సురేష్ చాలా సాయం చేశారని తెలిపారు.
 
 ఆ సమయంలోనే అల్లుడు శ్రీను చిత్రం చేయడానికి అంగీకరించానని వెల్లడించారు. అలాగే బాలీవుడ్ సెన్సేషనల్ చిత్రం క్వీన్ దక్షిణాది భాషల్లో హీరోయిన్‌గా నటించనున్నట్లు ప్రచారం అవుతున్న వార్తల్లోనూ నిజంలేదని సమంత స్పష్టం చేశారు. ఈ చిత్రంలో మార్పులు చేర్పులు చేయాల్సి ఉంటుం దని, దీంతో దర్శక, నిర్మాతలను కన్విన్స్ చేయలేమని అందువలన క్వీన్ రీమేక్ యువరాణిని తాను కాదని సమంత తన ట్విట్టర్‌లోను స్పష్టంగా పోస్టు చేశారు.