లాస్‌ ఎంజెల్స్‌: తన నటనను మెచ్చుకుంటూ ప్రముఖ హాలీవుడ్‌ దర్శకుడు పాల్‌ ఫెయిగ్‌ ప్రశంసలు కురిపించడంతో తనకు చంద్రుడికంటె పైన ఉన్నట్లుందని ప్రముఖ బాలీవుడ్‌ నటి అలియా భట్‌ పేర్కొంది.  బాలీవుడ్‌ సూపర్‌ స్టార్‌ షారుక్‌ ఖాన్‌, నటి అలియా భట్‌కు ప్రముఖ హాలీవుడ్‌ దర్శకుడు పాల్‌ ఫెయిగ్‌ నుంచి ప్రశంసలు దక్కాయి. ఇటీవల విడుదలై విజయవంతంగా ప్రదర్శించబడుతోన్న డియర్‌ జిందగీ చిత్రంలో వారిద్దరు చాలా అద్భుతంగా నటించారని అన్నారు. గోస్ట్‌ బస్టర్స్‌, ది హీట్‌ వంటి అద్భుతమైన చిత్రాలను తెరకెక్కించిన పాల్‌.. డియర్‌ జిందగీ దర్శకుడు గౌరీ షిండేను కూడా ప్రశంసల్లో ముంచెత్తారు. ఆమె చాలా అద్భుతమైన రచయిత అని అన్నారు.
 
 ‘డియర్‌ జిందగీ చిత్రంలో అద్భుతమైన నటనను కనబరిచిన షారుక్‌ ఖాన్‌, అలియా భట్‌కు నా అభినందనలు’  అంటూ ఆయన తన పోస్ట్‌లో రాశారు. పాల్‌ కు షారుక్‌ స్నేహితుడు కాగా.. పాల్‌ భార్య లౌరీ కారన్‌ షారుక్‌కు మంచి అభిమాని. పాల్‌ తమను పొగడటంపట్ల ఈ ఇద్దరు బాలీవుడ్‌ నటులు కూడా పట్టరాని సంతోషం వ్యక్తం చేశారు. అలియా అయితే.. తనకు చంద్రుడిపైకి వెళ్లినట్లు ఉందంటూ ట్వీట్‌ చేసింది. 


 ముంబయి: బాలీవుడ్ సూపర్ స్టార్ షారుక్ ఖాన్ కు ఆయన అభిమానులు వెచ్చటి కానుకను పంపించారు. ప్రస్తుతం ఆమ్స్టర్డాంలో షూటింగ్ లో ఉన్న ఆయనకు చలి నుంచి బయటపడేందుకు కొంతమంది బాయ్స్ స్వచ్ఛమైన లెదర్ జాకెట్ ను పంపించారు. ఈ సందర్భంగా అభిమానులు పంపించిన గిఫ్ట్ ను ఫొటో తీసి దానికి..
 
 'ఆమ్స్టర్డాంలోని చల్లటి రాత్రిలో షూటింగ్. వెచ్చదనం కోసం అమ్మాయిలు కౌగిలిని పంపించగా అబ్బాయిలు ఓ స్వచ్ఛమైన లెదర్ జాకెట్ను గిఫ్ట్ గా కొరియర్ చేశారు' అంటూ క్యాప్షన్ పెట్టారు. ఇంతియాజ్ అలీ దర్శకత్వంలో వస్తున్న 'ది రింగ్' అనే చిత్రంలో షారుక్ ఖాన్ ప్రస్తుతం నటిస్తున్న విషయం తెలిసిందే. ఇందులో హీరోయిన్గా అనుష్క శర్మ నటిస్తోంది. అలీ దర్శకత్వంలో సినిమా చేయడం షారుక్ కు ఇదే తొలిసారి.


 ముంబై: బాలీవుడ్ బాద్ షా షారుక్ ఖాన్ తో రాసుకుని పూసుకుని తిరిగే స్నేహం ఏమీ లేదంటున్నాడు సహచర నటుడు అజయ్ దేవగణ్. తామిద్దర మధ్య ఉన్నది కేవలం నటనపరంగా ఉన్న సాన్నిహిత్యమే తప్పా.. ఒక మంచి ఫ్రెండ్ షిప్ అయితే ఏమీ లేదని అజయ్ స్పష్టం చేశాడు. వీరిద్దరూ నటనలో పోటీ పడి చేయడమే కాకుండా..  నిజ జీవితంలో కూడా మంచి ఫ్రెండ్ షిప్ ఉందన్న వార్తలను అజయ్ ఖండించాడు. ఇటీవల బల్గేరియాలో షారుక్-అజయ్ లు కలిసి ఒకే డైనింగ్ టేబుల్ వద్ద కూర్చుని విందు స్వీకరించిన అనంతరం వారి స్నేహాన్ని బలపరస్తూ వార్తలు వచ్చాయి.
  
 దీనిపై అజయ్ స్పందిస్తూ.. ' మేమిద్దరం మంచి ఫ్రెండ్స్ అయితే కాదు. షారుక్ నా సహచర నటుడు మాత్రమే. మేము తరుచు కలిసి షేర్ చేసుకున్న అంశాలు కూడా ఏమీ లేవు. అలాగని మా ఇద్దరి మధ్య ఏ విధమైన వార్ కూడా లేదు 'అని తెలిపాడు.  ప్రస్తుతం అజయ్ మళయాళం సూపర్ హిట్ మూవీ 'దృశ్యం' రీమేక్ లో నటిస్తున్నాడు. ఈ చిత్రం జూలై 31 వ తేదీన విడుదల చేసేందుకు సన్నహాలు చేస్తున్నారు.