Swastika Mukherjee Has Body Positivity: ‘‘అందానికి సరైన నిర్వచనం ఏదీ ఉండదు. ఈ ప్రపంచంలోని ప్రతి ఒక్కరు అందంగానే ఉంటారు. కానీ ఈ విషయాన్ని బలంగా నమ్మాలి. అప్పుడే అంతా అర్థమవుతుంది’’ అంటోంది బెంగాలీ బ్యూటీ స్వస్థికా ముఖర్జీ. శరీరాకృతి గురించి ఆందోళన చెందవద్దని, సానుకూల దృక్పథంతో ముందుకు సాగాలని సూచిస్తోంది. పలు వెబ్‌ సిరీస్‌లతో బిజీగా ఉన్న స్వస్థిక తాజాగా ఫొటోషూట్‌లో పాల్గొంది. ఈ సందర్భంగా తన ఫొటోలను షేర్‌ చేసిన ఆమె.. బాడీ పాజిటివిటీ గురించి అవగాహన కల్పించే ప్రయత్నం చేసింది. ‘‘గ్లామర్‌ ప్రపంచంలో అందానికి నిర్ణీత ప్రమాణాలు నెలకొల్పుతుంది.. సమాజం కూడా వాటినే అనుసరించాలనే భావన గల దేశంలో మనం ఉన్నాం. నా వరకైతే అలాంటి ప్రమాణాలు అస్సలు నచ్చవు. నిర్వచనాలకు అతీతంగా.. ప్రతి ఒక్కరు అందమైన వారే. ఈ విషయాన్ని మనం బలంగా నమ్మలి. కొంతమంది తమ ఫొటోలకు మెరుగులు దిద్ది.. సహజత్వాన్ని కోల్పోయే విధంగా వాటిని తయారుచేస్తారు. కానీ నేను అలాంటి దాన్ని కాదు. నా శరీరం ఎలా ఉందో అచ్చంగా అలాగే స్వీకరించడానికి సిద్ధంగా ఉంటాను. మీరూ అలాగే ఉండండి’’ అంటూ తన రూపాన్ని కెమెరాలో అందంగా చిత్రించిన ఫొటోగ్రాఫర్‌కు స్వస్థిక ఈ సందర్భంగా ధన్యవాదాలు తెలిపింది. కాగా హేమంతర్‌ పఖీ సినిమాతో 2001లో బెంగాలీ సినీ ఇండస్ట్రీలో అడుగుపెట్టిన స్వస్థికా ముఖర్జీ.. ‘మస్తాన్‌’తో స్టార్‌గా గుర్తింపు పొందింది. పలు బెంగాలీ సినిమాలతో పాటు బాలీవుడ్‌లోనూ అదృష్టం పరీక్షించుకున్న ఆమె... దిల్‌ బెచారాలో చివరిసారిగా కనిపించింది. ఇక పాతాళ్‌ లోక్‌, బ్లాక్‌ విడోస్‌ వంటి హిందీ వెబ్‌ సిరీస్‌లతో ఓటీటీలో తనకంటూ ప్రత్యేక గుర్తింపు దక్కించుకుంది. చదవండి: Hina Khan: ‘అవును రిలేషన్‌లో ఉన్నాం.. పెళ్లికి ఇంకా టైం ఉంది’

కేవలం స్క్రీన్‌ మీద కనిపిస్తే చాలు అనుకోలేదు. తన కంటే తన పాత్రలకే అభిమానులు ఉండాలని అనుకుంది, సాధించింది. విభిన్న పాత్రలతో వెబ్‌ సిరీస్‌ దునియాను ఏలేస్తున్న బెంగాలీ బ్యూటీ స్వస్తిక గురించి కొన్ని మాటల్లో..  ►  కోల్‌కతాలో పుట్టి పెరిగింది. పద్దెనిమిదేళ్ల వయసులోనే ప్రముఖ బెంగాలీ సింగర్‌ సాగర్‌ సేన్‌ కుమారుడు ప్రమిత్‌ సేన్‌తో వివాహం అయింది. రెండేళ్లకే ఆ బంధం నుంచి విడిపోయి, ఒంటరిగా జీవిస్తోంది. ఆమెకు ఒక పాప. పేరు అన్వేష.  ►  రెండు దశాబ్దాల కిందటే ‘హేమంతర్‌ పాఖీ’ అనే బెంగాలీ సినిమాతో తన ప్రయాణాన్ని మొదలు పెట్టింది స్వస్తిక. అంతకు ముందు ‘దేవదాసి’ బెంగాలీ టీవీ సీరియల్‌లో నటించింది. ఆ తర్వాత ‘మస్తాన్‌’, ‘ముంబయ్‌ కటింగ్స్‌’ సినిమాలు చేసింది.  ►  నిదానమే ప్రధానం ఆమె లక్షణం. వరుస అవకాశాలకు ఆశ పడకుండా.. కేవలం ప్రాధాన్యం ఉన్న పాత్రలే చేస్తూ వస్తోంది. ‘డిటెక్టివ్‌ బ్యోమకేశ్‌ బక్షి’, ‘దిల్‌ బేచారా’ సినిమాలు మంచి గుర్తింపు తెచ్చాయి.  ►  ప్రస్తుతం లాక్‌డౌన్‌ కారణంగా తను నటించిన అన్ని సినిమాలూ, వెబ్‌ సిరీస్‌లూ.. వరుసగా వివిధ ఓటీటీ వేదికల్లో విడుదలయ్యాయి. దీంతో, ఒకే సంవత్సరంలో ఎనిమిది విభిన్న పాత్రలతో ప్రేక్షకులను అలరిస్తోంది.  ►  రూమర్స్‌.. పాత్రల ఎంపికలో ఉన్న పట్టు, జీవిత భాగస్వామి ఎంపికలో లేకపోయింది. అప్పట్లో సహనటుడు సుమన్‌ ముఖోపాధ్యాయతో మోసపోయి, ఆత్మహత్య ప్రయత్నం చేసినట్లు ఆమెపై పెద్దగానే పుకార్లు వినిపించాయి. ఆ తర్వాత కూడా కొంతమందితో ప్రేమలో ఉండి, విడిపోయింది.  ►  ఒకసారి చేసిన పాత్ర తిరిగి చేయకూడదనేదే నా లక్ష్యం. నన్ను నేను ప్రేక్షకులకు ఎప్పుడూ కొత్తగా  కనిపించడానికే ఆసక్తి చూపిస్తా. ఎక్కువ సినిమాలు చేయాలి. ఎక్కువ సంపాదించాలి అనే ఆలోచనే నాకు లేదు. – స్వస్తికా ముఖర్జీ చదవండి: నేనెప్పుడూ డ్ర‌గ్స్ తీసుకోలేదు: స్వ‌స్తిక చదవండి: న‌టి సెల్ఫీ: అస్స‌లు బాగోలేదంటున్న నెటిజ‌న్లు

ముంబై: త‌న‌కు క్యాన్స‌ర్ అంటూ వ‌స్తున్న వార్త‌ల‌పై బాలీవుడ్‌ న‌టి స్వ‌స్తిక ముఖ‌ర్జీ స్పందించారు. సోష‌ల్ మీడియా వేదిక‌గా క్యాన్స‌ర్ రూమ‌ర్స్‌కు చెక్ పెట్టారు. కొత్త హెయిర్‌స్టైల్‌ చేయించుకున్న ఫొటోను ఇటీవల సోష‌ల్ మీడియాలో షేర్‌ చేశారు. ఈ ఫొటోలో ఆమె స‌గం గుండుతో, మ‌రో సగం ముఖంపై వాలి ఉన్న జుట్టుతో క‌నిపించారు. దీంతో స్వ‌స్తిక‌కు క్యాన్స‌ర్ వ‌చ్చిందంటూ ప‌లు ఊహాగానాలు తెర‌పైకి వ‌చ్చాయి. ‘నాకు క్యాన్స‌ర్ రాలేదు (ఎప్పుడూ రాకూడ‌ద‌ని ప్రార్థిస్తున్నాను) నేనెప్పుడూ డ్ర‌గ్స్ తీసుకోలేదు. క‌నీసం సిగ‌రెట్ కూడా కాల్చ‌ను. ఇంత‌వ‌ర‌కూ పునరావాస కేంద్రానికి వెళ్లా‍ల్సిన అవసరం రాలేదు. నా జుట్టు కాబ‌ట్టి నాకు ఏం చేయాల‌నిపిస్తే అది చేస్తా. ఇక మీ అన్ని ప్ర‌శ్న‌ల‌కు స‌మాధాన‌మిచ్చా అనుకుంటున్నా’ అంటూ ట్వీట్ చేశారు. (ఇంటికే వస్తున్నా: హీరో నాని) న‌టి స్వ‌స్తికా ముఖ‌ర్జీకి ప‌లువురు న‌టీన‌టులు మ‌ద్ద‌తు తెలుపుతూ ట్వీట్ చేస్తున్నారు. ఇటీవ‌ల న‌టి స్వ‌స్తిక సోష‌ల్ మీడియాలో పెట్టిన ఓ పోస్టుకు మీరు అస్స‌లు బాలేరు బ‌హుశా  ఫిల్ట‌ర్, మేక‌ప్ చేయ‌లేద‌న‌కుంటా అని ఓ నెటిజ‌న్ కామెంట్ పెట్ట‌గా స్వ‌స్తిక గ‌ట్టి కౌంట‌రే ఇచ్చారు. బాలేక‌పోతేనేం చీర్స్ అంటూ స్వీట్‌గా బ‌దులిచ్చారు. బెంగాలీ సీరియ‌ల్స్‌తో గుర్తింపు తెచ్చుకున్న స్వ‌స్తిక చివ‌రిసారిగా దిల్ బెచారా చిత్రంలో న‌టించింది. సుశాంత్ ప్రియురాలు సంజ‌న సంఘికి త‌ల్లిగా న‌టించి మెప్పించింది. సుశాంత్ మ‌ర‌ణంపై సీబీఐ విచార‌ణ‌కు అనుకూలంగా ఇచ్చిన సుప్రీంకోర్టు తీర్పును స్వాగ‌తిస్తూ ట్వీట్ చేసింది. (ఎందుకీ మౌనం?: క‌ంగ‌నా) No I don’t have cancer ( I pray I don’t have it ever), No I don’t do drugs, I don’t smoke weed/hash, No I have never visited a rehabilitation Center. It’s my head and my hair so I can and will do whatever the hell I want with it. All questions answered ?! Now chill 😅😊🙏🏼 pic.twitter.com/G1EG71rFTH — Swastika Mukherjee (@swastika24) August 19, 2020

సాధార‌ణంగా సెల‌బ్రిటీలు ఎప్పుడూ త‌మ ఫొటోలను, వీడియోల‌ను పంచుకుంటూ అభిమానుల‌తో ట‌చ్‌లో ఉంటారు. అలాగే బాలీవుడ్ న‌టి స్వ‌స్తిక ముఖ‌ర్జీ కూడా తాజాగా ఓ సెల్ఫీ ఫొటోను షేర్ చేశారు. 'ఎగ‌ర‌డానికి నాకు రెక్క‌లు అవ‌స‌రం లేదు. అసంపూర్తిగా డిజైన్ చేసిన‌ నా త‌ల స‌రిపోతుంది'' అని క్యాప్ష‌న్ ఇచ్చారు. ఈ ఫొటోలో ఆమె స‌గం గుండుతో, మ‌రో సగం ముఖంపై వాలి ఉన్న జుట్టుతో క‌నిపించారు. అయితే ఈ లుక్ ఆమె అభిమానుల‌ను ఆక‌ట్టుకోగా మ‌రికొంద‌రికి మాత్రం అస్స‌లు న‌చ్చ‌లేదు. (సుశాంత్‌ ఆత్మహత్య : ఫేక్‌ సంతాపాలు అవసరమా?) "నీ హెయిర్‌స్టైల్ బాగుంది కానీ, ఎందుకో నువ్వు మాత్రం చూడ‌టానికి అస్స‌లు బాగోలేవు. ఎందుకంటే మేక‌ప్ వేసుకోలేదు, కనీసం ఫిల్ట‌ర్ ఆప్ష‌న్ కూడా ఉప‌యోగించ‌లేదు" అని ఓ వ్య‌క్తి కామెంట్ చేశాడు. దీనికి న‌టి స్పందిస్తూ.. "బ్యాడ్‌గా ఉన్నానా? అంద‌విహీనంగా క‌నిపించడం కూడా సంతోషంగానే ఉంది" అని పాజిటివ్ రిప్లై ఇచ్చారు. దీంతో ఆశ్చ‌ర్య‌పోయిన స‌ద‌రు నెటిజ‌న్‌ "అయ్యో.. నేను ఆ కోణంలో అన‌లేదు. ఏదేమైనా నా మాట‌లు త‌ప్పుగా ధ్వ‌నించినందుకు నాకు గిల్టీగా ఉంది. మీరు చాలా అందంగా ఉన్నారు" అంటూ వివ‌ర‌ణ ఇచ్చుకున్నాడు. కాగా స్వస్తిక.. డోలీ మెహ్రగా "పాతాళ్ లోక్" వెబ్ సిరీస్‌లోనూ న‌టించారు. "దిల్ బేచారా" చిత్రంలో చివ‌రి‌సారిగా క‌నిపించారు. ఆమె న‌టించిన‌ "తాషెర్ ఘావ‌ర్" అనే బెంగాలీ సినిమా విడుద‌ల‌కు సిద్ధంగా ఉంది. (నేను హీరోను కాదు.. కేవలం: సోనూ సూద్‌)

ముంబై: బాలీవుడ్‌ యంగ్‌ హీరో సుశాంత్‌ సింగ్‌ రాజ్‌పుత్‌ మృతికి నకిలీ సంతాపాలు తెలుపుతున్నారంటూ నటి స్వస్తిక ముఖర్జీ ఆగ్రహం వ్యక్తం చేశారు. ఎందుకు నకిలీ రీప్‌లను పోస్టు చేస్తున్నారని మండిపడ్డారు. అదే విధంగా సుశాంత్‌ మరణం గురించి తరచూ తప్పుడు వార్తలను ప్రచారం చేస్తున్న మీడియా తీరును ఖండిస్తూ ఆమె  సోషల్‌ మీడియా వేదికగా ధ్వజమెత్తారు. ‘నేను ఎప్పటికి దీనిని సహించలేను. మీడియా, సోషల్‌ మీడియాలో మాపై చేస్తున్న ఆపహస్యాన్ని సహించలేకపోతున్న. మిమ్మల్ని సంతాపం తెలపమని ఎవరూ అడగట్లేదు కదా. ఇలా ఫేక్‌ రిప్‌లు పోస్టు చేసి ఆపహస్యం చేస్తునారు’ అంటూ ఆవేదన వ్యక్తం చేశారు.  (బాలీవుడ్‌ బంధుప్రీతిపై వైరల్‌ వీడియో​) సుశాంత్‌, నటి సంజనతో కలిసి ఉన్న ఫొటోను స్వస్తిక తన ఫేస్‌బుక్‌లో షేర్‌ చేస్తూ.. ‘సుశాంత్‌ జీవించి ఉన్నంత వరకు పోరాటం చశాడు. ఇప్పుడు సమాధి నుంచి కూడా  పోరాడుతున్నాడు. క్షమించు సుశాంత్‌. మమ్మల్ని క్షమించండి’ అంటూ రాసుకొచ్చారు. సుశాంత్‌ ఉత్తమ చిత్రాలలో ఒకటైన్‌ ‘డిటెక్టివ్ బ్యోమకేష్ బక్షి’తో పాటు ఇటీవల అతడు నటించిన‌ ‘దిల్ బెచారా’లో స్వస్తిక నటించారు. ఇంకా ఆ చిత్రం విడుదల కాలేదు. కాగా సుశాంత్‌ జూన్‌ 14న ముంబైలోని తన నివాసంలో ఆత్మహత్య చేసుకున్న విషయం తెలిసిందే. దీంతో బాలీవుడ్‌లో కొనసాగుతున్న బంధుప్రీతి (నెపొటిజమ్‌) వల్లే సుశాంత్‌ ఆత్మహత్య చేసుకున్నాడంటూ పలువురు బాలీవుడ్‌ ప్రముఖులపై సోషల్‌ మీడియాలో విమర్శలు వస్తున్న విషయం తెలిసిందే. ('సుశాంత్‌ని 7 సినిమాల్లో త‌ప్పించారు')


 సింగపూర్: చెవిరింగులు దొంగిలిస్తూ బెంగాలీ నటి స్వస్తికా ముఖర్జీ పట్టుపడ్డారు. ఈ ఘటన సింగపూర్ లో చోటు చేసుకుంది. ఓ ఫిల్మ్ ఫెస్టివల్ లో పాల్గొనేందుకు తన ప్రియుడు సుమన్ ముఖర్జీ తో కలిసి స్వస్తికా సింగపూర్ వెళ్లింది. చెవిరింగులు దొంగిలించిన చిత్రాలను సీసీటీవీ ఫుటేజ్ లో చూసి ఆ జ్యూవెలరీ షాప్ యజమాని అప్సర ఓస్వాల్ దర్పణ్ ఫిల్మ్ ఫెస్టివల్ నిర్వాహకులకు ఫిర్యాదు చేశారు. 
  
 'మేము ఫుటేజిలను చూశాం. 225 డాలర్ల విలువైన చెవిరింగులను దొంగిలించిన చిత్రాలను పరిశీలించాం. యాజమాన్యం ఫిర్యాదులో వాస్తవం ఉంది' అని ఫిల్మ్ ఫెస్టివల్ నిర్వాహకులు ధృవీకరించారు. అయితే స్వస్తికా పై ఎలాంటి కేసు నమోదు చేయలేదని నిర్వాహకులు తెలిపారు.  
  
 అయితే ఈ ఘటనలో స్వస్తికా అమాకురాలని, చెవిరింగులకు నగదు చెల్లించడానికి సిద్ధంగా ఉన్నామని, ఈ ఘటనను వివాదంగా మార్చకుండా తగు చర్యలు తీసుకుంటామని నిర్వాహకులు తెలిపారు. తన ప్రియుడితో కలిసి స్వస్తికా పరారీలో ఉన్నట్టు తెలుస్తోంది.  గతంలో ప్రియుడితో గొడవపడి స్వస్తికా ముఖర్జీ ఆత్మహత్యాయత్నం చేసిన సంగతి తెలిసిందే. 'డిటెక్టివ్ బ్యోంకెష్ భక్షి' చిత్రంలో సుశాంత్ సింగ్ రాజ్ పుత్ సరసన స్వస్తికా ముఖర్జీ నటిస్తోంది. 


 త్వరలో బాలీవుడ్ కు పరిచయం కానున్న బెంగాలీ నటి స్వస్తికా ముఖర్జీ ఆత్మాహత్యాయత్నం చేశారు.  స్వస్తికా ముఖర్జీ ఆత్మహత్యకు కారణం ఓ సినీ దర్శకుడు, బాయ్ ఫ్రెండ్ తో గొడవ పడటమే కారణమని రూమర్లు మీడియాలో వస్తున్నాయి. మణికట్టు కోసుకుని స్వస్తికా ఆత్మహత్యయత్నానికి పాల్పడినట్టు ఆపోలో వైద్యులు తెలిపారు. 
  
 మణికట్టు, మోచేయి వద్ద గాజు ముక్కలు సర్జరీ చేసి తీసివేసామని..  ఇంకా కొన్ని ముక్కలు మణికట్టులో ఉన్నాయని వైద్యులు వెల్లడించారు. యాక్సిడెంటల్ గా జరిగిందా, లేక ఆత్మహత్యయత్నానికి ప్రయత్నించిందా అనే విషయాన్ని వైద్యుల చెప్పడానికి నిరాకరించారు. 
  
 దివాకర్ ముఖర్జీ దర్శకత్వంలో బాలీవుడ్ నటుడు సుశాంత్ సింగ్ రాజ్ పుత్ సరసన స్వస్తికా ముఖర్జీ నటించేందుకు ఇటీవలే అంగీకరించినట్టు బాలీవుడ్ మీడియా సమాచారం.