స్విట్జర్లాండ్ బ్యాంకుల్లో వివిధ దేశాల వారు ఏకంగా 1.6 లక్షల కోట్ల డాలర్లు దాచిపెట్టుకున్నారు. అంటే దాదాపు రూ. 96 లక్షల కోట్లు. ఇది సుమారు మన దేశ స్థూల దేశీయోత్పత్తికి కాస్త తక్కువ. మన జీడీపీ 1.8 లక్షల కోట్ల డాలర్లు. లేటెస్ట్ లెక్కల ప్రకారం స్విస్ బ్యాంకుల్లో భారీగా డబ్బు దాచుకున్న దేశాల లిస్టులో భారత్ 70వ స్థానం నుంచి 58వ స్థానానికి ఎగబాకింది. అయినా కూడా  మొత్తం డబ్బులో మన వారి వాటా కేవలం 0.15 శాతం (సుమారు రూ. 14,000 కోట్లు) మాత్రమే. 20 శాతం వాటాతో బ్రిటన్ అగ్రస్థానంలో ఉండగా.. అమెరికా, వెస్టిండీస్, జర్మనీ తదితర దేశాలు వరుసగా తర్వాత స్థానాల్లో ఉన్నాయి.