సాక్షి, హైదరాబాద్‌: ప్రభుత్వం ఇటీవల ప్రకటించిన పోలీస్‌ ఉద్యోగాల (18,428 పోస్టులు) భర్తీకి సంబంధించిన రాత పరీక్షను ఆగస్టులో నిర్వహించనున్నట్లు తెలంగాణ పోలీస్‌ రిక్రూట్‌మెంట్‌ బోర్డు చైర్మన్‌ వి.వి.శ్రీనివాసరావు తెలిపారు. టీ–శాట్‌ నెట్‌వర్క్‌ చానల్‌ నిర్వహించిన కార్యక్రమంలో పాల్గొన్న ఆయన నియామకాలకు సంబంధించిన వివరాలను వెల్లడించారు. ఎనిమిది నెలల్లో నియామకాల ప్రక్రియను పూర్తి చేస్తామని పేర్కొన్నారు. దళారుల మాటలు నమ్మి మోసపోవద్దని, ఏమైనా అనుమానాలుంటే బోర్డు హెల్ప్‌లైన్, వెబ్‌సైట్‌లో సంప్రదించాలని అభ్యర్థులకు సూచించారు. 


 అదేంటి?... టీషర్ట్‌ను ఐస్‌గడ్డలో ఉంచేశారు అనుకోవద్దు. ఈ టీషర్ట్ వేసుకుంటే అంత చల్లగా ఉంటుందని ఆ కంపెనీ అంటోంది. అదెలా సాధ్యమంటే... ప్రత్యేకమైన టెక్నాలజీని ఉపయోగించాం అని బదులిస్తోంది. అత్యంత వేడి పరిస్థితుల్లోనూ శరీరాన్ని చల్లగా ఉంచేందుకు ఈ టీషర్ట్‌లో అక్కడక్కడ చిన్నచిన్న అల్యూమినియం గోళాలు ఉంటాయి. వాడే నూలు కూడా టైటానియం ఆధారితమైంది. తద్వారా శరీరంలో వేడిపుట్టే ప్రాంతాల్లో చల్లగా ఉంటుందని ఆ కంపెనీ అంటోంది.