ఇటీవల టాలీవుడ్ నటులు ఎక్కువగా వ్యాకేషన్‌లో కనిపిస్తున్నారు. షూటింగ్‌లతో ఎప్పుడు బిజీగా ఉండే హీరోలు కాస్త ఫ్రీ టైం దొరికితే విదేశాలకు చెక్కెస్తున్నారు. ఇటీవలే నేషనల్ క్రష్ రష్మిక మందన్నా మాల్దీవులకు వెళ్లి రాగా.. టాలీవుడ్ ప్రిన్స్ మహేశ్ బాబు సైతం లండన్‌లో వ్యాకేషన్ ఎంజాయ్ చేస్తున్నారు. తాజాగా ఈ జాబితాలో ఆర్ఆర్ఆర్ హీరో రామ్ చరణ్ సైతం చేరిపోయారు. ప్రస్తుతం ఆయన ఫ్యామిలీతో కలిసి హాలిడే ట్రిప్‌లో ఉన్నారు. జపాన్‌లో ఆర్ఆర్ఆర్ మూవీ ప్రమోషన్లతో బిజీగా ఉన్న స్టార్ హీరో ఒక్కసారిగా  టాంజానియాలో సందడి చేస్తూ కనిపించారు. (చదవండి: జపాన్‌లో రామ్ చరణ్ వీరాభిమాని.. ఆమె ప్రతిభకు చెర్రీ ఫిదా) ఆయన సతీమణి ఉపాసనతో కలిసి టాంజానియాలో ఎంజాయ్ చేస్తూ కనిపించారు. దీనికి సంబంధించిన ఓ వీడియోను రామ్ చరణ్ తన ఇన్‌స్టాలో పోస్ట్ చేశారు. అది కాస్తా సోషల్ మీడియాలో వైరలవుతోంది.  టాంజానియాలోని ఓ జూలో జీప్ నడుపుతున్న వీడియో క్లిప్‌ను పోస్ట్ చేశాడు. అక్కడే స్థానికులతో కలిసి రామ్ చరణ్ వంట చేస్తూ సందడి చేశారు. అనంతరం తన కెమెరాతో అక్కడి వన్యప్రాణుల చిత్రాలను కూడా బంధించారు. ఈ మెగా హీరో 'పేరులేని ఆఫ్రికా' అంటూ పోస్ట్‌కు క్యాప్షన్ కూడా ఇచ్చాడు. నల్లటి టీ-షర్టు, నీలిరంగు జాకెట్ ధరించిన చెర్రీ కొత్త లుక్‌లో కనిపించడంతో ఫ్యాన్స్ ఖుషీ అవుతున్నారు.  View this post on Instagram A post shared by Ram Charan (@alwaysramcharan)

టాంజానియా : సఫారీకి వెళ్లి జంతువులను దగ్గరగా చూసి రావాలనుకున్న ఓ వ్యక్తికి అనుకున్నదాని కన్నా ఎక్కువ జరిగింది. అమెరికాలోని సీటెల్‌కు చెందిన బ్రిట్టన్‌ హెయెస్‌ టాంజానియాలో సెరెంగెతీ జాతీయ పార్కులో సఫారీ టూర్‌కు వెళ్లారు. జీపులో సఫారీలోకి ప్రవేశించిన హెయెస్‌.. వాహనాన్ని ఒక చోటు నిలిపి చిరుతలను చూస్తున్నారు. ఇంతలో జీపు వైపునకు రెండు చిరుతలు దూసుకొచ్చాయి. వాటిలో ఒకటి కారుపైకి ఎక్కగా.. మరొకటి కారు వెనుక డోర్‌లో నుంచి లోపలికి వెళ్లింది. దీంతో కారులో ఉన్న హెయెస్‌ హడలిపోయారు. పక్క కారులో ఉన్న టూరిస్ట్‌ గైడ్‌ సూచనలతో కదలకుండా అలానే ఉండిపోవాలని నిర్ణయించుకున్నారు. శ్వాస వేగాన్ని కూడా నియంత్రించుకున్నారు. కాసేపు కారులోపలే ఉన్న చిరుత దాన్నుంచి బయటకు వెళ్లింది. ఈ సంఘటనపై మాట్లాడుతూ.. చిరుత జీపులోకి ప్రవేశించగానే ఒక్క క్షణం తన గుండె ఆగిపోయినట్లు అనిపించిందని హెయెస్‌ పేర్కొన్నారు.


 దారుస్ సలామ్: విదేశీ పర్యటనలో భారత ప్రధాని నరేంద్ర మోదీ మరోసారి తన కళను ప్రదర్శించారు. టాంజానియాకు వెళ్లిన మోదీ ఆ దేశాధ్యక్షుడు జాన్ పాంబె జోసెఫ్ మగుఫులితో కలసి ఆదివారం ఉత్సాహంగా డ్రమ్ వాయించారు. ఇద్దరూ ఓ నిమిషం సేపు డ్రమ్లు మోగించారు. అంతకుముందు స్టేట్ హౌస్ వద్ద మోదీకి సాంప్రదాయ స్వాగతం లభించింది. కాగా 2014లో మోదీ జపాన్ పర్యటనకు వెళ్లినపుడు కూడా డ్రమ్ వాయించారు.
 
 టాంజానియా పర్యటనలో మోదీ భారత సంతతికి చెందినవారితో సమావేశమై మాట్లాడారు. అంతకుముందు భారత్-టాంజానియా మధ్య పలు ఒప్పందాలు చేసుకున్నారు. ఒప్పందాల్లో ప్రజా అరోగ్యం ప్రధాన అంశమని మోదీ పేర్కొన్నారు. ఆదివారం సాయంత్రం మోదీ టాంజానియా పర్యటన ముగించుకుని కెన‍్యా పర్యటనకు బయల్దేరారు.