సాక్షి, అమరావతి: రాష్ట్రానికి ఆక్సిజన్‌ కేటాయించిన స్టీల్ కంపెనీలకు ఏపీ సీఎం వైఎస్ జగన్‌మోహన్‌రెడ్డి కృతజ్ఞతలు తెలిపారు. విపత్కర పరిస్థితుల్లో ఏపీకి వెయ్యి మెట్రిక్ టన్నుల లిక్విడ్ ఆక్సిజన్ అందించిన టాటా స్టీల్‌ లిమిటెడ్‌కు, అలాగే జిందాల్ కంపెనీకి సీఎం జగన్‌ ధన్యవాదాలు తెలిపారు. కాగా, కరోనా మహమ్మారి కారణంగా దేశవ్యాప్తంగా ఆక్సిజన్ కొరత ఏర్పడిన నేపథ్యంలో సీఎం జగన్ ప్రత్యేక చొరవ కారణంగా కొన్ని సంస్థలు స్వచ్చందంగా ముందుకొచ్చి రాష్ట్రానికి ప్రాణ వాయువు సరఫరా చేస్తున్నాయి.   


 లండన్: టాటా స్టీల్ కంపెనీ స్కాట్లాండ్‌లో ఉన్న రెండు ప్లాంట్‌లను ఆ దేశ ప్రభుత్వానికి విక్రయించడానికి ఒక ఒప్పందం కుదుర్చుకుంది. క్లేడ్‌బ్రిడ్జ్రి, డాల్‌జెల్ స్టీల్ ప్లాంట్లను స్కాట్లాండ్ ప్రభుత్వానికి విక్రయించడానికి ఒప్పందం కుదిరిందని టాటా స్టీల్ తెలిపింది. డీల్ తర్వాత ఈ ప్లాంట్లను లిబర్టీ హౌస్ గ్రూప్‌ను నిర్వహిస్తున్న గుప్తా కుటుంబం కొనుగోలు చేస్తుందని సమాచారం. మళ్లీ ఉత్పత్తి కార్యకలాపాలను ప్రారంభించి, పెట్టుబడులు పెట్టే బాధ్యతలను లిబర్టీ గ్రూప్ తీసుకోనుంది.