టెస్టు ఫార్మాట్‌ తనకు సరిపడదని టీమిండియా మిస్టరీ స్పిన్నర్‌ వరుణ్‌ చక్రవర్తి (Varun Chakravarthy) అన్నాడు. టీ20, వన్డేల్లో కొనసాగితే చాలని.. అందులోనే తనకు సంతృప్తి దొరుకుతుందని పేర్కొన్నాడు. కాగా 2021లో టీమిండియా తరఫున అంతర్జాతీయ క్రికెట్‌లో అడుగుపెట్టిన ఈ కర్ణాటక బౌలర్ చాలాకాలం పాటు జట్టుకు దూరంగానే ఉన్నాడు.రీ ఎంట్రీలో అదుర్స్‌అయితే, ఐపీఎల్‌లో సత్తా చాటుతున్న వరుణ్‌ చక్రవర్తి జాతీయ జట్టులో పునరాగమనం చేయడానికి ప్రధాన కారణం హెడ్‌కోచ్‌ గౌతం గంభీర్‌. గతేడాది కోల్‌కతా నైట్‌ రైడర్స్‌ మెంటార్‌గా పనిచేసిన గౌతీ.. ఆ జట్టుకు ప్రాతినిథ్యం వహించిన వరుణ్‌ నైపుణ్యాలను దగ్గరగా గమనించాడు. ఈ క్రమంలో వరుణ్‌ టీమిండియా రీఎంట్రీకి మార్గం సుగమమైందని చెప్పవచ్చు.గతేడాది స్వదేశంలో బంగ్లాదేశ్‌తో టీ20 సిరీస్‌ సందర్భంగా అదరగొట్టిన వరుణ్‌.. ఆ తర్వాత సౌతాఫ్రికా పర్యటనలోనూ సత్తా చాటాడు. అనంతరం సొంతగడ్డపై ఇంగ్లండ్‌తో టీ20 సిరీస్‌లో అద్భుత ప్రదర్శనతో ‘ప్లేయర్‌ ఆఫ్‌ ది సిరీస్‌’గా నిలిచిన ఈ రైటార్మ్‌ లెగ్‌ బ్రేక్‌ స్పిన్నర్‌.. వన్డే జట్టులోనూ చోటు దక్కించుకున్నాడు.చాంపియన్స్‌ ట్రోఫీలోనూ సత్తా చాటిఇంగ్లండ్‌తో వన్డే సిరీస్‌ సందర్భంగా అరంగేట్రం చేసిన వరుణ్‌.. అనూహ్య రీతిలో ఐసీసీ చాంపియన్స్‌ ట్రోఫీ-2025 జట్టుకు ఎంపికయ్యాడు. తొలి రెండు మ్యాచ్‌లలో తుదిజట్టులో స్థానం దక్కనప్పటికీ.. లీగ్‌ దశలో ఆఖరిగా న్యూజిలాండ్‌తో మ్యాచ్‌లో ఆడిన 33 ఏళ్ల ఈ స్పిన్‌ బౌలర్‌.. ఏకంగా ఐదు వికెట్లు కూల్చాడు.అంతేకాదు.. ఆస్ట్రేలియాతో సెమీస్‌లో టీమిండియా విజయం సాధించడంలో కీలక పాత్ర పోషించాడు. అదే విధంగా.. ఫైనల్లో న్యూజిలాండ్‌ను ఓడించడంలోనూ తన వంతు సాయం చేశాడు. కేవలం మూడు మ్యాచ్‌లలోనే తొమ్మిది వికెట్లు తీసి చాంపియన్స్‌ ట్రోఫీ-2025 అత్యధిక వికెట్ల వీరుల జాబితాలో రెండో స్థానంలో నిలిచాడు.టెస్టుల్లో ఆడటం నాకూ ఇష్టమే.. కానీఈ నేపథ్యంలో వరుణ్‌ చక్రవర్తిపై ప్రశంసల వర్షం కురుస్తోంది. టెస్టుల్లోనూ అతడిని ఆడించాలనే డిమాండ్లు వినిపిస్తున్నాయి. ఈ క్రమంలో వరుణ్‌ స్వయంగా తనకు టెస్టు ఫార్మాట్‌ సరిపడదని చెప్పడం విశేషం. ఓ యూట్యూబ్‌ చానెల్‌ ఇంటర్వ్యూలో మాట్లాడుతూ.. ‘‘టెస్టుల్లో ఆడటం నాకూ ఇష్టమే. కానీ నా బౌలింగ్‌ శైలి అందుకు సరిపడదు.నా బౌలింగ్‌ స్టైల్‌ ఇంచుమించు మీడియం పేస్‌లాగే ఉంటుంది. ఇక టెస్టు క్రికెట్‌లో వరుస విరామాల్లో 20- 30 ఓవర్లు బౌలింగ్‌ చేయాల్సి ఉంటుంది. నాకు అది సాధ్యం కాదు. నేను కాస్త ఫాస్ట్‌గా బౌల్‌ చేస్తాను కాబట్టి.. 10- 15 ఓవర్ల వరకే నాకు సౌకర్యంగా ఉంటుంది. అదేమో రెడ్‌ బాల్‌ క్రికెట్‌కు సరిపడదు.అందుకే నేను ప్రస్తుతం 20, 50 ఓవర్ల క్రికెట్‌పై మాత్రమే దృష్టి పెట్టాను. వైట్‌బాల్‌ క్రికెట్‌కే పరిమితం కావాలని భావిస్తున్నాను’’ అని వరుణ్‌ చక్రవర్తి తన మనసులోని మాటను వెల్లడించాడు.అక్కడన్నీ స్పిన్‌కు అనుకూలమైన వికెట్లుఇక ఆరంభంలో పేసర్‌గా ఉన్న తమిళనాడు బౌలర్‌ వరుణ్‌.. తర్వాత స్పిన్నర్‌గా మారిన విషయం తెలిసిందే. ఈ విషయంలో పశ్చాత్తాపం ఉందా అన్న ప్రశ్నకు బదులిస్తూ.. ‘‘నిజమే.. తొలిరోజుల్లో నేను మీడియం పేస్‌తో బౌలింగ్‌ చేశా. అక్కడ చాలా మంది పేసర్లు ఉండేవారు.అయితే, తమిళనాడు వికెట్లపై బంతి స్వింగ్‌ కాదు. అక్కడన్నీ స్పిన్‌కు అనుకూలమైన వికెట్లు. అందుకే మీరు తమిళనాడు నుంచి ఎక్కువ మంది ఫాస్ట్‌ బౌలర్లను చూడలేరు’’ అని చెప్పుకొచ్చాడు. కాగా ఇంగ్లండ్‌తో జూన్‌లో మొదలయ్యే టెస్టు సిరీస్‌లో వరుణ్‌ చక్రవర్తిని ఆడించాలనే అభిప్రాయాలు వ్యక్తమవుతున్న వేళ.. అతడు తనంతట తానుగా పోటీ నుంచి తప్పుకోవడం గమనార్హం.చదవండి: ఇంగ్లండ్‌తో టెస్టులు.. టీమిండియా కెప్టెన్‌గా అతడే! బీసీసీఐ గ్రీన్‌ సిగ్నల్‌?

టీమిండియా టెస్టు జట్టు కెప్టెన్‌గా రోహిత్‌ శర్మ (Rohit Sharma) కొనసాగనున్నట్లు తెలుస్తోంది. ఇంగ్లండ్‌ పర్యటనలో అతడే భారత జట్టును ముందుకు నడిపించనున్నట్లు సమాచారం. భారత క్రికెట్‌ నియంత్రణ మండలి(BCCI) నాయకత్వ బృందం రోహిత్‌తో చర్చించిన తర్వాత ఈ నిర్ణయం తీసుకున్నట్లు వార్తలు వినిపిస్తున్నాయి.మరోసారి సూపర్‌ ‘హిట్‌’కాగా ఐసీసీ చాంపియన్స్‌ ట్రోఫీ-2025 (ICC Champions Trophy)లో రోహిత్‌ శర్మ టీమిండియాను విజేతగా నిలిపిన విషయం తెలిసిందే. ఈ మెగా వన్డే టోర్నీలో భారత్‌ ఐదింటికి ఐదూ గెలిచి అజేయంగా నిలిచి ట్రోఫీని ముద్దాడింది. ముఖ్యంగా న్యూజిలాండ్‌తో ఫైనల్లో రోహిత్‌ శర్మ అద్భుత అర్ధ శతకం(76)తో బ్యాటర్‌గానూ జట్టు విజయంలో కీలక పాత్ర పోషించాడు.తద్వారా చాంపియన్స్‌ ట్రోఫీ ఫైనల్లో ‘ప్లేయర్ ఆఫ్‌ ది మ్యాచ్‌’గా నిలిచి.. ఇంత వరకు ఏ కెప్టెన్‌కూ సాధ్యం కాని ఘనతను రోహిత్‌ సాధించాడు.‌ అంతకంటే ముందు ఇంగ్లండ్‌తో స్వదేశంలో వన్డే సిరీస్‌లోనూ హిట్‌మ్యాన్‌ విధ్వంసకర శతకంతో చెలరేగాడు. అయితే, ఈ అద్బుత ప్రదర్శన కంటే ముందు రోహిత్‌ గడ్డు పరిస్థితులు ఎదుర్కొన్నాడు.అత్యంత ఘోర ఓటమి కారణంగాముఖ్యంగా సొంతగడ్డపై న్యూజిలాండ్‌తో టెస్టుల్లో రోహిత్‌ శర్మ కెప్టెన్సీలోని భారత్‌.. 3-0తో వైట్‌వాష్‌కు గురైంది. భారత టెస్టు క్రికెట్‌ చరిత్రలోనే ఇది అత్యంత ఘోర ఓటమి. ఇక ఆస్ట్రేలియా పర్యటనలో భాగంగా బోర్డర్‌- గావస్కర్‌ ట్రోఫీ సిరీస్‌లోనూ టీమిండియా పరాజయం పాలైంది. ఐదు టెస్టుల సిరీస్‌లో 3-1తో ఓడి దశాబ్ద కాలం తర్వాత కంగారూలకు ఈ ప్రతిష్టాత్మక ట్రోఫీని చేజార్చుకుంది. అంతేకాదు ప్రపంచ టెస్టు చాంపియన్‌షిప్‌ ఫైనల్‌కు చేరకుండానే నిష్క్రమించింది.ఇక ఈ రెండు సిరీస్‌లలో కెప్టెన్‌గా.. బ్యాటర్‌గా రోహిత్‌ శర్మ దారుణంగా విఫలమయ్యాడు. ఆ తర్వాత రంజీ బరిలో ముంబై తరఫున ఓపెనర్‌గా వచ్చి అక్కడా వైఫల్యాన్ని కొనసాగించాడు. సీన్‌ రివర్స్‌ఈ పరిణామాల నేపథ్యంలో రోహిత్‌ శర్మ టెస్టులకు గుడ్‌బై చెప్పాలనే డిమాండ్లు పెరిగాయి. జస్ప్రీ‌త్‌ బుమ్రాకు పగ్గాలు అప్పగించాలనే అభిప్రాయాలు వ్యక్తమయ్యాయి. అయితే, చాంపియన్స్‌ ట్రోఫీ విజయం తర్వాత పరిస్థితి మారిపోయింది.రోహిత్‌ శర్మకు మద్దతుగా భారత మాజీ క్రికెటర్లు గళం వినిపిస్తున్నారు. కాగా ఐపీఎల్‌-2025 కారణంగా దాదాపు రెండు నెలలపాటు అంతర్జాతీయ క్రికెట్‌కు దూరంగా ఉండనున్న టీమిండియా.. జూన్‌ ఆఖర్లో ఇంగ్లండ్‌ పర్యటనకు వెళ్లనుంది. అక్కడ ఇంగ్లిష్‌ జట్టుతో ఐదు టెస్టులు ఆడనుంది.ఈ నేపథ్యంలో భారత మాజీ బ్యాటర్‌ నవజ్యోత్‌ సింగ్‌ సిద్ధు మాట్లాడుతూ.. ఈ సిరీస్‌లో రోహిత్‌నే కెప్టెన్‌గా కొనసాగించాలని సూచించాడు. సొంతగడ్డపై ఇంగ్లండ్‌ను ఓడించాలంటే రోహిత్‌ వంటి అనుభవజ్ఞుడి సేవలు అవసరమని పేర్కొన్నాడు. ఇక బీసీసీఐ సన్నిహిత వర్గాలు తాజాగా ఇండియన్‌ ఎక్స్‌ప్రెస్‌తో మాట్లాడుతూ ఆసక్తికర విషయాలు వెల్లడించాయి.బీసీసీఐ గ్రీన్‌ సిగ్నల్‌‘‘రోహిత్‌ ఏం చేయగలడో మరోసారి నిరూపితమైంది. బీసీసీఐలో భాగమైన ప్రతి ఒక్కరు ఇంగ్లండ్‌ పర్యటనలోనూ అతడినే కొనసాగించాలని.. అతడే సరైన సారథి అని నమ్ముతున్నారు. అటు రోహిత్‌ కూడా రెడ్‌ బాల్‌ క్రికెట్‌లో కొనసాగేందుకు ఆసక్తిగానే ఉన్నట్లు బోర్డుకు తెలిపాడు’’ అని పేర్కొన్నాయి. ఈ నేపథ్యంలో రోహిత్‌ శర్మ మరికొంతకాలం టెస్టులు ఆడటం ఖాయమైపోయిందని అభిమానులు సంతోషం వ్యక్తం చేస్తున్నారు.కాగా టీ20 ప్రపంచకప్‌-2024, చాంపియన్స్‌ ట్రోఫీ-2025 గెలవడంతో మహేంద్ర సింగ్‌ ధోని తర్వాత భారత్‌కు అధిక ఐసీసీ టైటిళ్లు అందించిన కెప్టెన్‌గా రోహిత్‌ చరిత్రకెక్కిన విషయం తెలిసిందే. గతేడాది పొట్టి వరల్డ్‌కప్‌ గెలిచిన తర్వాత అంతర్జాతీయ టీ20లకు వీడ్కోలు పలికిన రోహిత్‌ శర్మ.. ప్రస్తుతం వన్డే, టెస్టుల్లో కొనసాగుతున్నాడు. ఇక చాంపియన్స్‌ ట్రోఫీ గెలిచిన తర్వాత మాట్లాడుతూ.. ఇప్పట్లో తనకు రిటైర్‌ అయ్యే ఉద్దేశం లేదని తెలిపాడు. ఇక రోహిత్‌ ప్రస్తుతం ఐపీఎల్‌-2025 సన్నాహకాలతో బిజీగా ఉన్నాడు.చదవండి: IPL 2025: హార్దిక్‌పై నిషేధం​.. ముంబై ఇండియన్స్‌ కెప్టెన్‌గా సూర్యకుమార్‌..?

ఇంగ్లండ్‌తో టీమిండియా టెస్టు సిరీస్‌ నేపథ్యంలో భారత మాజీ క్రికెటర్‌ నవజ్యోత్‌ సింగ్‌ సిద్ధు (Navjot Singh Sidhu) ఆసక్తికర వ్యాఖ్యలు చేశాడు. స్టోక్స్‌ బృందంపై భారత్‌ తమ అత్యుత్తమ ‘స్పిన్‌’ అస్త్రాన్ని ప్రయోగించాలని సూచించాడు. ‘మిస్టరీ స్పిన్నర్ల’ను ఇంగ్లండ్‌ బ్యాటర్లు ఎదుర్కోలేరని.. వారి బలహీనతను అవకాశంగా మలచుకోవాలని పేర్కొన్నాడు.కాగా ఇటీవలే ఐసీసీ చాంపియన్స్‌ ట్రోఫీ-2025 (ICC Champions Trophy) గెలిచిన టీమిండియా.. రెండున్నర నెలలపాటు అంతర్జాతీయ క్రికెట్‌కు దూరం కానుంది. ఇండియన్‌ ప్రీమియర్‌ లీగ్‌ (IPL)-2025తో బిజీబిజీగా గడుపనుంది. ఈ క్యాష్‌ రిచ్‌ లీగ్‌ ముగిసిన తర్వాత భారత జట్టు ఇంగ్లండ్‌ పర్యటనకు వెళ్లనుంది.మింగుడుపడని మాత్రఇందులో భాగంగా ఇంగ్లిష్‌ జట్టుతో ఐదు టెస్టులు ఆడనుంది. ఈ నేపథ్యంలో భారత మాజీ బ్యాటర్‌ నవజ్యోత్‌ సింగ్‌ సిద్ధు టీమిండియా మేనేజ్‌మెంట్‌కు కీలక సూచనలు చేశాడు. ‘‘మిస్టరీ స్పిన్నర్లను ఎదుర్కోలేకపోవడం ఇంగ్లండ్‌కు ఉన్న అతిపెద్ద బలహీనత. వాళ్లకు ఇది మింగుడుపడని మాత్ర.ఇంగ్లండ్‌ బ్యాటర్లకు చుక్కలేమరి అలాంటప్పుడు వరుణ్‌ చక్రవర్తి లేకుండానే ఇంగ్లండ్‌కు వెళ్తారా? లేదు.. లేదు.. కచ్చితంగా అతడి ఇంగ్లండ్‌లో ఆడించాల్సిందే. లేదంటే కుల్దీప్‌ యాదవ్‌నైనా ప్రయోగిస్తారు. ఒకవేళ అతడు చెలరేగిపోయాడంటే.. ఇంగ్లండ్‌కు తిప్పలు తప్పవు.వరుణ్‌, కుల్దీప్‌.. ఇద్దరూ ఉన్నారంటే ఇంగ్లండ్‌ బ్యాటర్లకు చుక్కలే’’ అని నవజ్యోత్‌ సింగ్‌ సిద్ధు అభిప్రాయపడ్డాడు. మిస్టరీ స్పిన్నర్‌ వరుణ్‌ చక్రవర్తిని ప్రయోగించడం ద్వారా ఇంగ్లిష్‌ బ్యాటర్ల ఆట త్వరగా కట్టించవచ్చనే అభిప్రాయం వ్యక్తం చేశాడు.కాగా టీమిండియా హెడ్‌కోచ్‌గా గౌతం గంభీర్‌ వచ్చిన తర్వాత ‘మిస్టరీ స్పిన్నర్‌’ వరుణ్‌ చక్రవర్తి రాత మారిపోయింది. కోల్‌కతా నైట్‌ రైడర్స్‌కు మెంటార్‌గా ఉన్న సమయంలో ఈ స్పిన్‌ బౌలర్‌ నైపుణ్యాలను గుర్తించిన గౌతీ.. భారత జట్టులో అతడి పునరాగమనానికి మార్గం సుగమం చేశాడు. అయితే, కోచ్‌ పెట్టుకున్న నమ్మకాన్ని వరుణ్‌ నిలబెట్టుకున్నాడు.చాంపియన్స్‌ ట్రోఫీలోనూ సత్తా చాటి స్వదేశంలో ఇంగ్లండ్‌తో టీ20 సిరీస్‌లో దుమ్ములేపి.. వన్డేల్లోనూ అరంగేట్రం చేసిన వరుణ్‌.. చాంపియన్స్‌ ట్రోఫీలోనూ సత్తా చాటాడు. న్యూజిలాండ్‌తో గ్రూప్‌ దశలో ఆఖరి మ్యాచ్‌ సందర్భంగా తుదిజట్టులోకి వచ్చిన ఈ రైటార్మ్‌ లెగ్‌ బ్రేక్ స్పిన్నర్‌.. ఐదు వికెట్లతో దుమ్ములేపాడు.అనంతరం ఆస్ట్రేలియాతో సెమీస్‌లో రాణించిన వరుణ్‌.. కివీస్‌తో ఫైనల్లోనూ రెండు వికెట్లు తీశాడు. తద్వారా టీమిండియా చాంపియన్‌గా నిలవడంలో తన వంతు పాత్ర పోషించి ప్రశంసలు అందుకున్నాడు. ఈ నేపథ్యంలో వరుణ్‌ చక్రవర్తిని టెస్టుల్లోనూ అరంగ్రేటం చేయించాలని నవజ్యోత్‌ సింగ్‌ సిద్ధు బీసీసీఐకి సూచించడం గమనార్హం.‘తొలి విజయం’ కోసం..కాగా టీమిండియా గత రెండు టెస్టు సిరీస్‌లలో ఘోర పరాజయం చవిచూసింది. సొంతగడ్డపై న్యూజిలాండ్‌ చేతిలో 3-0తో క్లీన్‌స్వీప్‌నకు గురైన రోహిత్‌ సేన.. ఆస్ట్రేలియా పర్యటనలో బోర్డర్‌- గావస్కర్‌ ట్రోఫీని 3-1తో చేజార్చుకుంది. తద్వారా ప్రపంచ టెస్టు చాంపియన్‌షిప్‌(WTC) ఫైనల్‌ అవకాశాలను పోగొట్టుకుంది. ఇక డబ్ల్యూటీసీ కొత్త ఎడిషన్‌(2025-27)లో ఇంగ్లండ్‌తో తమ ప్రయాణం మొదలుపెట్టనున్న భారత్‌.. భారీ విజయంతో కమ్‌బ్యాక్‌ ఇవ్వాలని భావిస్తోంది. కాగా జూన్‌ 30 నుంచి టీమిండియా ఇంగ్లండ్‌ పర్యటన మొదలుకానున్నట్టు సమాచారం.చదవండి: BGT: ‘నేను జట్టులో ఉంటే కచ్చితంగా గెలిచేవాళ్లం.. ఇంగ్లండ్‌తో సిరీస్‌కు రెడీ’

స్వదేశంలో టీమిండియాతో టెస్టు సిరీస్‌కు ముందు ఇంగ్లండ్‌కు గట్టిఎదురు దెబ్బ తగిలింది. ఆ జట్టు స్టార్ ఫాస్ట్ బౌలర్ మార్క్ వుడ్ గాయం కారణంగా భార‌త్‌తో సిరీస్‌కు దూర‌మ‌య్యాడు. వుడ్ ప్ర‌స్తుతం మోకాలి నొప్పితో బాధ‌ప‌డుతున్నాడు. ఛాంపియ‌న్స్ ట్రోఫీ-2025లో భాగంగా అఫ్గానిస్తాన్‌తో జ‌రిగిన మ్యాచ్‌లో వుడ్ ఎడ‌మ మోకాలికి గాయ‌మైంది. దీంతో మ్యాచ్ మ‌ధ్య‌లోనే మైదానం నుంచి వుడ్ వైదొలిగాడు. అయితే అత‌డు కోలుకోవడానికి కనీసం నాలుగు నెల‌ల స‌మ‌యం ప‌ట్ట‌నుంది. ఈ క్ర‌మంలోనే టీమిండియాతో సిరీస్‌కు వుడ్ దూరం కానున్నాడు. ఈ విష‌యాన్ని ఇంగ్లండ్ క్రికెట్ బోర్డు సైతం ధ్రువీక‌రించాడు. అత‌డు త్వ‌ర‌లోనే త‌న మోకాలికి శస్త్రచికిత్స చేయించుకోనున్నాడు. ఈ ఏడాది జూలై ఆఖ‌రిలో తిరిగి అత‌డు జ‌ట్టులోకి వ‌చ్చే అవ‌కాశ‌ముంది.కాగా మార్క్ వుడ్ కూడా త‌న గాయంపై అప్‌డేట్ ఇచ్చాడు. "గ‌త ఏడాది ఆరంభం నుంచి ఎటువంటి విరామం లేకుండా అన్నిఫార్మాట్ల‌లో ఇంగ్లండ్‌కు ప్రాతినిథ్యం వ‌హించాను. కానీ దుర‌దృష్టవశాత్తూ మళ్లీ గాయ పడటం నిజంగా నాకు చాలా బాధగా ఉంది.అయితే వీలైనంత త్వరగా గాయం నుంచి కోలుకుని తిరిగి మైదానంలో అడుగుపెట్టేందుకు ప్రయత్నిస్తాను. నాకు మ‌ద్ద‌తుగా నిలిచిన వైద్యులు, కోచింగ్ స్టాప్‌, ఇంగ్లండ్ క్రికెట్‌, నా స‌హ‌చ‌రులు, అభిమానులకు కృతజ్ఞతలు తెలుపుతున్నాను" అని వుడ్ ఓ ప్ర‌క‌ట‌న‌లో పేర్కొన్నాడు.ఇదేమి తొలిసారి కాదు..కాగా మార్క్ వుడ్ గాయం కార‌ణంగా జ‌ట్టుకు దూరంగా ఉండ‌డం ఇదేమి తొలిసారి కాదు. అత‌డు త‌న కెరీర్ ఆరంభం నుంచి గాయాల‌తో సావాసం చేస్తున్నాడు. గ‌తేడాది ఆరంభంలో భార‌త్‌తో జ‌రిగిన టెస్టు సిరీస్‌కు కూడా వుడ్ గాయం కార‌ణంగా దూర‌మ‌య్యాడు.2019లో కూడా అత‌డు త‌న మోకాలికి స‌ర్జ‌రీ చేయించుకున్నాడు. ఇప్పుడు అత‌డు గాయం మ‌ళ్లీ తిర‌గ‌బెట్టింది. దీంతో మ‌రోసారి త‌న గాయానికి శ‌స్త్ర‌చికిత్స చేయించుకోనున్నాడు. కాగా వ‌ర‌ల్డ్ టెస్టు ఛాంపియ‌న్‌షిప్ 2025-27లో భాగంగా భార‌త్- ఇంగ్లండ్ మ‌ధ్య ఈ టెస్టు సిరీస్ జ‌ర‌గ‌నుంది. జూన్‌లో ఈ సిరీస్ ప్రారంభం కానుంది.చదవండి: హార్దిక్‌ పాండ్యా కంటే అతడు ఎంతో బెటర్‌: పాక్‌ మాజీ కెప్టెన్‌

ఐసీసీ చాంపియన్స్‌ ట్రోఫీ-2025(ICC Champions Trophy) గెలిచిన టీమిండియా దాదాపు రెండున్నర నెలల విరామం తర్వాత మైదానంలో దిగనుంది. ఐపీఎల్‌-2025 ముగిసిన తర్వాత ఇంగ్లండ్‌ పర్యటనకు వెళ్లనుంది. జూన్‌లో వెళ్లనున్న ఈ టూర్‌లో భాగంగా ఇంగ్లిష్‌ జట్టుతో ఐదు టెస్టులు ఆడనుంది.వరుస ఓటములుకెప్టెన్‌గా రోహిత్‌ శర్మ(Rohit Sharma)కు, హెడ్‌కోచ్‌గా గౌతం గంభీర్‌కు ఇది విషమ పరీక్ష కానుంది. పరిమిత ఓవర్ల క్రికెట్‌లో భారత్‌ అత్యుత్తమంగా కొనసాగుతున్నా.. కొంతకాలంగా టెస్టుల్లో మాత్రం తేలిపోతోంది. స్వదేశంలో న్యూజిలాండ్‌ చేతిలో 3-0తో వైట్‌వాష్‌ కావడం.. ఆస్ట్రేలియా గడ్డపై ప్రతిష్టాత్మక బోర్డర్‌- గావస్కర్‌ ట్రోఫీలో 3-1తో ఓడిపోవడంతో తీవ్రస్థాయిలో విమర్శలు వచ్చాయి.ఈ క్రమంలో ఇంగ్లండ్‌లో సత్తా చాటితేనే రోహిత్‌- గంభీర్‌ జోడీకి కాస్త ఉపశమనం లభిస్తుంది. ఈ నేపథ్యంలో టీమిండియా వెటరన్‌ క్రికెటర్‌ ఛతేశ్వర్‌ పుజారా(Cheteshwar Pujara) ఆసక్తికర వ్యాఖ్యలు చేశాడు. తాను ఇంగ్లండ్‌ పర్యటనకు సిద్ధమని చెప్పాడు. అంతేకాదు.. ఆసీస్‌తో టెస్టుల్లో తాను ఆడి ఉంటే హ్యాట్రిక్‌ కొట్టేవాళ్లమని పేర్కొన్నాడు.ఈ మేరకు.. ‘‘క్రికెటర్‌గా జాతీయ జట్టుకు ఆడాలని నాకూ ఉంటుంది. ఇంగ్లండ్‌తో తదుపరి టెస్టు సిరీస్‌కు నేనైతే సిద్ధంగానే ఉన్నాను. అంతర్జాతీయ స్థాయిలో రాణించేందుకు కృషి చేస్తూనే ఉన్నాను.ఒకవేళ జట్టుకు నా అవసరం ఉంటే.. కచ్చితంగా పూర్తిస్థాయిలో సన్నద్ధమవుతా. దేశవాళీ క్రికెట్‌లో నేను విరామం లేకుండా ఆడుతూనే ఉన్నాను. అంతేకాదు.. గత రెండేళ్లుగా కౌంటీల్లోనూ ఆడుతున్నా. భారీ స్థాయిలో పరుగులు రాబడుతున్నా.నేను ఆడితే కచ్చితంగా గెలిచేవాళ్లంకాబట్టి నాకు గనుక ఈసారి అవకాశం వస్తే కచ్చితంగా.. దానిని పూర్తిగా సద్వినియోగం చేసుకుంటా’’ అని పుజారా రెవ్‌స్పోర్ట్స్‌ ఇంటర్వ్యూలో తెలిపాడు. ఇక దశాబ్దకాలం తర్వాత టీమిండియా ఆసీస్‌కు బోర్డర్‌- గావస్కర్‌ ట్రోఫీ కోల్పోవడం గురించి ప్రస్తావన రాగా.. ‘‘అవును.. నేను నమ్మకంగా చెప్పగలను.. ఒకవేళ నేను జట్టులో ఉంటే కచ్చితంగా మేము హ్యాట్రిక్‌ కొట్టేవాళం. ఇందులో సందేహమే లేదు’’ అని పుజారా పేర్కొన్నాడు.ఇక సొంతగడ్డపై ఆడటం ఇంగ్లండ్‌కు సానుకూల అంశమే అయినా ఈసారి టీమిండియాకే గెలిచే అవకాశాలు ఎక్కువగా ఉన్నాయని పుజారా అభిప్రాయపడ్డాడు. ‘‘ఇంగ్లండ్‌ బౌలింగ్‌ విభాగం కాస్త బలహీనంగా కనిపిస్తోంది. ఆండర్సన్‌, స్టువర్ట్‌ బ్రాడ్‌ రిటైర్‌ అయిన తర్వాత ఆ జట్టు బలహీనపడింది. వారిద్దరు తుదిజట్టులో లేకుంటే ప్రత్యర్థి జట్టుకు మంచిదే కదా! ఈసారి టీమిండియా కచ్చితంగా మంచి స్కోర్లతో విజయం సాధిస్తుంది’’ అని పుజారా ధీమా వ్యక్తం చేశాడు.కాగా విదేశీ గడ్డపై ముఖ్యంగా ఆసీస్‌లో టీమిండియా తొలిసారి టెస్టు సిరీస్‌ నెగ్గడంలో ఛతేశ్వర్‌ పుజారాది కీలక పాత్ర. అయితే, వరుస వైఫల్యాల నేపథ్యంలో ఈ ‘నయా వాల్‌’కు అవకాశాలు తగ్గిపోయాయి. చివరగా అతడు వరల్డ్‌ టెస్టు చాంపియన్‌షిప్‌-2023 ఫైనల్లో టీమిండియాకు ఆడాడు. ఆస్ట్రేలియాతో నాటి పోరులో భారత్‌ ఘోర పరాజయం పాలైంది. ఆ తర్వాత పుజారా దేశీ, కౌంటీ క్రికెట్‌కు పరిమితమయ్యాడు.చదవండి: IPL 2025: అతడి గురించి ఎవరూ మాట్లాడమే లేదు.. మూడో స్థానంలో ఆడిస్తారా?

టీమిండియాకు అంతర్జాతీయ క్రికెట్‌ నుంచి సుదీర్ఘ విరామం లభించనుంది. ఇండియన్‌ ప్రీమియర్‌ లీగ్‌(IPL)-2025 నేపథ్యంలో రెండు నెలలకు పైగా భారత జట్టు ఆటగాళ్లు వేర్వేరు ఫ్రాంఛైజీల తరఫున ప్రత్యర్థులుగా బరిలోకి దిగనున్నారు. ఈ మెగా క్యాష్‌ రిచ్‌ లీగ్‌ పద్దెనిమిదవ ఎడిషన్‌ మార్చి 22న మొదలై మే 25న ఫైనల్‌తో ముగియనుంది.ఈ పొట్టి ఫార్మాట్‌ టోర్నమెంట్‌ పూర్తైన తర్వాత టీమిండియా ఇంగ్లండ్‌ పర్యటన(India Tour Of England)కు వెళ్లనుంది. జూన్‌ 20 నుంచి ఇరుజట్ల మధ్య ఐదు మ్యాచ్‌ల టెస్టు సిరీస్‌ ఆరంభమయ్యే అవకాశం ఉంది. గంభీర్‌ కీలక నిర్ణయంఈ నేపథ్యంలో టీమిండియా హెడ్‌కోచ్‌ గౌతం గంభీర్‌(Gautam Gambhir) కీలక నిర్ణయం తీసుకున్నట్లు తెలుస్తోంది. ఈ మెగా సిరీస్‌ కంటే ముందే ఇంగ్లండ్‌కు వెళ్లనున్న ఇండియా-‘ఎ’ జట్టుతో అతడు ప్రయాణించనున్నట్లు వార్తలు వినిపిస్తున్నాయి.ఇందుకు సంబంధించి భారత క్రికెట్‌ నియంత్రణ మండలి(BCCI) వర్గాలు టైమ్స్‌ ఆఫ్‌ ఇండియాతో మాట్లాడుతూ.. ‘‘ఆస్ట్రేలియా పర్యటన నుంచి తిరిగి వచ్చిననాటి నుంచి గంభీర్‌తో బీసీసీఐతో పలు దఫాలుగా చర్చలు జరుపుతున్నాడు. ఇండియా-‘ఎ’ జట్టుతో పాటు ప్రయాణం చేయాలని అతడు భావిస్తున్నాడు.అందుకే ఇలారిజర్వ్‌ ఆటగాళ్ల నైపుణ్యాలను దగ్గరగా పరిశీలించాలని అతడు భావిస్తున్నాడు. చాంపియన్స్‌​ ట్రోఫీ విజయం తర్వాత.. గంభీర్‌ మరింత దూకుడుగా ముందుకు వెళ్లాలనే యోచనలో ఉన్నాడు. ఈ మెగా టోర్నీలో వైల్డ్‌ కార్డ్‌ ద్వారా అతడు తీసుకువచ్చిన ఆటగాళ్ల నుంచి మెరుగైన ఫలితాలు వచ్చాయి. టెస్టుల్లోనూ ఇదే తరహా సూత్రాన్ని పాటించాలని భావిస్తున్నాడు.ముఖ్యంగా ఇండియా-‘ఎ’ జట్టులోని ప్రతిభావంతులకు అవకాశం ఇస్తే బాగుంటుందని అతడు భావిస్తున్నాడు. ద్రవిడ్‌ జాతీయ క్రికెట్‌ అకాడమీని వీడిన తర్వాత ఇండియా-‘ఎ’ టూర్లు నామమాత్రంగా మారిపోయాయి. టెస్టుల్లో ఘోర పరాభవాలుఅందుకే గంభీర్‌ ఈ అంశంపై దృష్టి సారించాడు. టూర్ల సంఖ్య పెంచితే బాగుంటుందని అభిప్రాయపడుతున్నాడు’’ అని పేర్కొన్నాయి. కాగా రాహుల్‌ ద్రవిడ్‌ తర్వాత టీమిండియా ప్రధాన కోచ్‌గా పరిమిత ఓవర్ల క్రికెట్‌లో అద్భుత విజయాలు అందుకున్న గంభీర్‌.. టెస్టుల్లో మాత్రం ఘోర పరాభవాలు చవిచూశాడు. టీ20, వన్డే ద్వైపాక్షిక టోర్నీల్లో గౌతీ మార్గదర్శనంలో భారత్‌ క్లీన్‌స్వీప్‌ విజయాలు సాధించి సత్తా చాటింది. అయితే, సొంతగడ్డపై టెస్టుల్లో కనీవినీ ఎరుగని రీతిలో న్యూజిలాండ్‌ చేతిలో 3-0తో వైట్‌వాష్‌కు గురైంది.అదే విధంగా.. ఆస్ట్రేలియా పర్యటనలో భాగంగా బోర్డర్‌- గావస్కర్‌ ట్రోఫీని చేజార్చుకుంది. ఈ ప్రతిష్టాత్మక టెస్టు సిరీస్‌లో 3-1తో కంగారూల చేతిలో ఓడి దశాబ్దకాలం తర్వాత ఓటమిని చవిచూసింది. దీంతో గంభీర్‌పై తీవ్రస్థాయిలో విమర్శలు వచ్చాయి. అతడిని తొలగించాలనే డిమాండ్లూ వినిపించాయి.ఇలాంటి తరుణంలో ఐసీసీ చాంపియన్స్‌ ట్రోఫీ-2025లో టీమిండియాను విజేతగా నిలపడం ద్వారా గంభీర్‌ తిరిగి గాడిలో పడ్డాడు. కాగా.. ఐపీఎల్‌ ఫ్రాంఛైజీ కోల్‌కతా నైట్‌ రైడర్స్‌కు తాను మెంటార్‌గా పనిచేసిన సమయంలో గుర్తించిన హర్షిత్‌ రాణా, వరుణ్‌ చక్రవర్తిలను ఈ మెగా వన్డే టోర్నీలో ఆడించడం ద్వారా మరోసారి విమర్శల పాలయ్యాడు గంభీర్‌. ఇండియా-‘ఎ’ టీమ్‌పై కూడా దృష్టి.. వారి గుండెల్లో గుబులుఅయితే, వారిద్దరు జట్టు విజయంలో తమవంతు పాత్ర పోషించడంతో గంభీర్‌ను విమర్శించిన వాళ్లే అతడి నిర్ణయాన్ని సమర్థించడం విశేషం. ఈ నేపథ్యంలో టెస్టుల్లోనూ తన ముద్ర వేసేందుకు గంభీర్‌ ఇండియా-‘ఎ’ టీమ్‌పై కూడా దృష్టి పెట్టినట్లు తెలుస్తోంది. ఫలితంగా ఫామ్‌లేమితో సతమతమయ్యే సీనియర్లపై వేటు తప్పకపోవచ్చనే అభిప్రాయాలు వ్యక్తమవుతున్నాయి.కాగా ఇంతకు ముందు కోచ్‌లుగా పనిచేసిన ద్రవిడ్‌, రవిశాస్త్రి వంటి వారు ఎప్పుడూ ఇలా ఇండియా-‘ఎ’ జట్టుతో ప్రయాణించిన దాఖలాలు లేవని.. ఈ ప్రయోగం ద్వారా గంభీర్‌ ఎలాంటి ఫలితం పొందుతాడో చూడాలని విశ్లేషకులు అంటున్నారు.చదవండి: CT: ఇండియా-‘బి’ టీమ్‌ కూడా ఫైనల్‌ చేరేది: ఇంగ్లండ్‌ మాజీ కెప్టెన్‌

టీమిండియా స్టార్‌ క్రికెటర్‌ శ్రేయస్‌ అయ్యర్‌(Shreyas Iyer) టెస్టుల్లో పునరాగమనంపై దృష్టి సారించాడు. దేశవాళీ టోర్నమెంట్లలో తాను అద్భుతంగా రాణించానని.. అందుకే తాను తిరిగి జాతీయ జట్టుకు ఆడతాననే ధీమా వ్యక్తం చేశాడు. కాగా వన్డే ప్రపంచకప్‌-2023 తర్వాత క్రమశిక్షణారాహిత్యానికి పాల్పడ్డాడనే కారణంతో బీసీసీఐ(BCCI) శ్రేయస్‌ అయ్యర్‌పై వేటు వేసిన విషయం తెలిసిందే. దేశవాళీ క్రికెట్‌ ఆడాలన్న నిబంధనలను గాయం సాకు చూపి తప్పించుకున్నాడని భావించిన బోర్డు.. అయ్యర్‌ వార్షిక కాంట్రాక్టును రద్దు చేసింది. ఈ నేపథ్యంలో ముంబై తరఫున దేశీ బరిలో దిగిన ఈ కుడిచేతి వాటం బ్యాటర్‌.. గతేడాది శ్రీలంకతో వన్డే సిరీస్‌ సందర్భంగా టీమిండియాలో చోటు దక్కించుకున్నాడు.ఇక తాజాగా ఐసీసీ చాంపియన్స్‌ ట్రోఫీ-2025(ICC Champions Trophy)లో సత్తా చాటిన శ్రేయస్‌ అయ్యర్‌.. ఈ వన్డే టోర్నీలో భారత్‌ తరఫున టాప్‌ రన్‌ స్కోరర్‌గా నిలిచాడు. నాలుగో స్థానంలో బ్యాటింగ్‌ చేసి ఐదు ఇన్నింగ్స్‌లో కలిపి 243 పరుగులు సాధించాడు. తద్వారా ఈ మెగా ఈవెంట్లో అత్యధిక పరుగుల వీరుల జాబితాలో న్యూజిలాండ్‌ స్టార్‌, ప్లేయర్‌ ఆఫ్‌ ది టోర్నమెంట్‌ రచిన్‌ రవీంద్ర(263) తర్వాతి స్థానాన్ని ఆక్రమించాడు.ఇదిలా ఉంటే.. వన్డేల్లో తానేంటో మరోసారి నిరూపించుకున్న శ్రేయస్‌ అయ్యర్‌.. టీమిండియా టెస్టు రీఎంట్రీకి తాను సిద్ధమనే సంకేతాలు ఇచ్చాడు. ‘టైమ్స్‌ ఆఫ్‌ ఇండియా’తో మాట్లాడుతూ.. ‘‘టెస్టుల్లో పునరాగమనం చేయాలని ఉంది. వీలైనంత ఎక్కువగా క్రికెట్‌ ఆడాలని భావిస్తున్నా.నేను ఉత్తమంగా రాణించానుదేశవాళీ టోర్నమెంట్లో నేను ఉత్తమంగా రాణించాను. అయితే, నా చేతుల్లో ఏమీ లేదు. ఏం జరుగుతుందో వేచి చూడాల్సిందే. కానీ ఈ విషయం గురించి పదే పదే ఆలోచించను. దాని వల్ల అనసవరంగా నా మెదడుపై ఒత్తిడి పెరుగుతుంది.అనుకున్నది జరుగకపోతే మానసికంగానూ కాస్త ఇబ్బంది పడాల్సి వస్తుంది. ఈ క్షణాన్ని ఆస్వాదిస్తా. విజయాన్ని సెలబ్రేట్‌ చేసుకుంటా. సమయం వచ్చినపుడు అవకాశం అదే తలుపుతడుతుంది. ముందుగా చెప్పినట్లు నేను భవిష్యత్తు, గతం గురించి ఎక్కువగా ఆలోచించే మనిషిని కాను. ప్రస్తుతం నేను ఇలా ఉండటానికి కారణం అదే’’ అని శ్రేయస్‌ అయ్యర్‌ చెప్పుకొచ్చాడు. కాగా చివరిసారిగా అయ్యర్‌ గతేడాది ఫిబ్రవరిలో ఇంగ్లండ్‌తో టెస్టు మ్యాచ్‌ ఆడాడు. ఇక ఇప్పటి వరకు మొత్తంగా టీమిండియా తరఫున 14 టెస్టులు ఆడిన ఈ ముంబైకర్‌ 811 పరుగులు చేశాడు. ఇంగ్లండ్‌తో సిరీస్‌ నాటికి!?ఇందులో ఓ శతకం కూడా ఉంది. ఇక తాజా రంజీ ట్రోఫీ సీజన్‌లో శ్రేయస్‌ అయ్యర్‌.. ఆడిన ఐదు మ్యాచ్‌లలోనే ఏకంగా 480 పరుగులు సాధించాడు. ఇక టీమిండియా జూన్‌లో ఇంగ్లండ్‌ పర్యటనకు వెళ్లనుంది. ఇందులో భాగంగా స్టోక్స్‌ బృందంతో టెస్టులు ఆడనుంది. ఈ సిరీస్‌ నాటికి అయ్యర్‌ పునరాగమనం చేసే అవకాశాలు లేకపోలేదు.చదవండి: CT: ఇండియా-‘బి’ టీమ్‌ కూడా ఫైనల్‌ చేరేది: ఇంగ్లండ్‌ మాజీ కెప్టెన్‌

శ్రీలంకతో రెండో టెస్టులో ఆస్ట్రేలియా(Sri Lanka vs Australia) ఘన విజయం సాధించింది. తద్వారా పద్నాలుగేళ్ల తర్వాత లంక గడ్డపై తొలి టెస్టు సిరీస్‌ గెలుపును నమోదు చేసింది. అంతేకాదు.. మరో అరుదైన ఘనతనూ తన ఖాతాలో వేసుకుంది. కాగా ప్రపంచ టెస్టు చాంపియన్‌షిప్‌ (WTC) 2023-25 సీజన్‌లో ఇప్పటికే ఆసీస్‌ ఫైనల్‌కు చేరిన విషయం తెలిసిందే.స్మిత్‌ కెప్టెన్సీలో టీమిండియాతో బోర్డర్- గావస్కర్‌ ట్రోఫీ(Border- Gavaskar Trophy)లో భాగంగా ఐదు టెస్టుల సిరీస్‌ను సొంతం చేసుకున్న కంగారూ జట్టు.. వరుసగా రెండోసారి డబ్ల్యూటీసీ ఫైనల్‌ బెర్తును ఖరారు చేసుకుంది. ఈ డబ్ల్యూటీసీ సీజన్‌లో ఆఖరిగా శ్రీలంకతో రెండు టెస్టులు ఆడింది. గాలె వేదికగా జరిగిన ఈ సిరీస్‌కు కెప్టెన్‌ ప్యాట్‌ కమిన్స్‌ దూరం కాగా.. స్టీవ్‌ స్మిత్‌ తాత్కాలికంగా సారథ్య బాధ్యతలు నిర్వర్తించాడు.స్మిత్‌ కెప్టెన్సీలో తొలి టెస్టులో ఇన్నింగ్స్‌ 242 పరుగుల తేడాతో గెలుపొందిన ఆస్ట్రేలియా.. రెండో టెస్టులోనూ శ్రీలంకను చిత్తు చేసింది. టాస్‌ గెలిచి తొలుత బౌలింగ్‌ చేసిన ఆసీస్‌.. లంకను 257 పరుగులకు ఆలౌట్‌ చేసింది. అనంతరం బ్యాటింగ్‌కు దిగిన కంగారూ జట్టుకు 157 పరుగుల ఆధిక్యం లభించింది. కెప్టెన్‌ స్మిత్‌(131)తో పాటు వికెట్‌ కీపర్‌ బ్యాటర్‌ అలెక్స్‌ క్యారీ(156) శతకాలతో చెలరేగడంతో.. తొలి ఇన్నింగ్స్‌లో ఏకంగా 414 పరుగులు చేసింది.ఆ తర్వాత శ్రీలంక తమ రెండో ఇన్నింగ్స్‌లో 231 పరుగులకు ఆలౌట్‌ కావడంతో.. 75 పరుగుల స్వల్ప లక్ష్యంతో బరిలోకి దిగిన స్మిత్‌ బృందం కేవలం ఒక వికెట్‌ కోల్పోయి కథ ముగించింది. డబ్ల్యూటీసీలో సరికొత్త చరిత్రకాగా ప్రపంచ టెస్టు చాంపియన్‌షిప్‌(డబ్ల్యూటీసీ)లో ఆస్ట్రేలియాకు ఇది 33వ విజయం. తద్వారా డబ్ల్యూటీసీ చరిత్రలో అత్యధిక విజయాలు సాధించిన జట్టుగా ఆస్ట్రేలియా సరికొత్త చరిత్ర సృష్టించింది.కాగా 2019లో డబ్ల్యూటీసీ మొదలుకాగా.. ఇప్పటి వరకు 53 మ్యాచ్‌లు ఆడిన ఆస్ట్రేలియా 33 విజయాలు సాధించి.. పదకొండు మ్యాచ్‌లలో ఓడిపోయింది. తొమ్మిది మ్యాచ్‌లు డ్రా చేసుకుంది. ఇక ఈ జాబితాలో ఇంగ్లండ్‌ రెండో స్థానంలో ఉంది. 65 మ్యాచ్‌లు పూర్తి చేసుకున్న స్టోక్స్‌ బృందం 32 మ్యాచ్‌లలో గెలిచి.. 25 మ్యాచ్‌లలో ఓడింది. ఎనిమిది మ్యాచ్‌లు డ్రా చేసుకుంది.మూడో స్థానంలో టీమిండియాఇక డబ్ల్యూటీసీ తొలి రెండు సీజన్లలో ఫైనల్‌కు చేరగలిగిన టీమిండియా మూడో స్థానంలో ఉంది. 56 మ్యాచ్‌లకు గానూ 31 గెలిచి.. 19 ఓడి.. రెండు డ్రా చేసుకుంది. కాగా డబ్ల్యూటీసీ అరంగేట్ర విజేతగా న్యూజిలాండ్‌ నిలవగా.. రెండో సీజన్‌లో ఆస్ట్రేలియా ట్రోఫీని సొంతం చేసుకుంది. ఇక తాజా ఎడిషన్‌లో టైటిల్‌ కోసం ఆసీస్‌ సౌతాఫ్రికాతో తలపడనుంది.ఇదిలా ఉంటే.. డబ్ల్యూటీసీ 2023-25 పట్టికలో ఆస్ట్రేలియా రెండో స్థానంలో నిలిచింది. లంకతో సిరీస్‌కు ముందే డబ్ల్యూటీసీ ఫైనల్‌కు అర్హత సాధించిన ఆసీస్‌ జట్టు చివరకు 67.54 విజయాల శాతంతో రెండో స్థానం దక్కించుకుంది. రెండేళ్ల వ్యవధిలో 19 టెస్టు మ్యాచ్‌లు ఆడిన ఆసీస్‌ 13 విజయాలు, 4 పరాజయాలు, 2 ‘డ్రా’లు నమోదు చేసుకుంది.మరోవైపు దక్షిణాఫ్రికా 69.44 విజయాల శాతంతో పట్టిక ‘టాప్‌’ ప్లేస్‌ దక్కించుకుంది. ఆ్రస్టేలియా, దక్షిణాఫ్రికా మధ్య జూన్‌ 11 నుంచి డబ్ల్యూటీసీ ఫైనల్‌ జరగనుంది. గత రెండు పర్యాయాలు డబ్ల్యూటీసీ ఫైనల్‌ ఆడిన భారత జట్టు 50.00 విజయాల శాతంతో పట్టికలో మూడో స్థానానికి పరిమితమైంది. చదవండి: చరిత్ర సృష్టించిన రోహిత్‌ శర్మ.. సచిన్‌ టెండుల్కర్‌ను దాటేసి..

వ‌ర‌ల్డ్ టెస్టు ఛాంపియ‌న్‌షిప్ సైకిల్ 2023-25ను ఆస్ట్రేలియా విజ‌యంతో ముగించింది. గాలే వేదిక‌గా శ్రీలంక‌తో జ‌రిగిన రెండో టెస్టులో 9 వికెట్ల తేడాతో ఆస్ట్రేలియా ఘనవిజయం సాధించింది. దీంతో రెండు మ్యాచ్‌ల సిరీస్‌ను 2-0 తేడాతో ఆసీస్‌ క్లీన్‌ స్వీప్‌ చేసింది. శ్రీలంక నిర్ధేశించిన 75 పరుగుల స్వల్ప లక్ష్యాన్ని కంగారులు కేవలం ఒక్క వికెట్‌ మాత్రమే కోల్పోయి చేధించింది.శ్రీలంక నిర్ధేశించిన 75 పరుగుల స్వల్ప లక్ష్యాన్ని కంగారులు కేవలం ఒక్క వికెట్‌ మాత్రమే కోల్పోయి చేధించింది. ఉస్మాన్‌ ఖావాజా(27), మార్నస్‌ లబుషేన్‌(26) ఆజేయంగా నిలిచి మ్యాచ్‌ను ముగించారు. అంతకుముందు 211/8 ఓవర్‌నైట్‌ స్కోరుతో నాలుగో రోజు ఆటను ప్రారంభించిన శ్రీలంక తమ రెండో ఇన్నింగ్స్‌లో 231 పరుగులకే ఆలౌటైంది. దీంతో పర్యాటక ఆసీస్‌ ముందు కేవలం 75 పరుగుల లక్ష్యాన్ని మాత్రమే శ్రీలంక ఉంచగల్గింది.కాగా లంక బ్యాటర్లలలో సీనియర్‌ ఆల్‌రౌండర్‌ ఏంజెలో మాథ్యూస్‌ (149 బంతుల్లో 76; 4 ఫోర్లు, 1 సిక్స్‌) టాప్‌ స్కోరర్‌ కాగా... వికెట్‌ కీపర్‌ కుశాల్‌ మెండిస్‌ (50 బంతుల్లో 48 బ్యాటింగ్‌; 5 ఫోర్లు, 1 సిక్స్‌) రాణించాడు. ఈ మ్యాచ్‌ అనంతరం అంతర్జాతీయ క్రికెట్‌కు వీడ్కోలు పలకనున్న సీనియర్‌ బ్యాటర్‌ దిముత్‌ కరుణరత్నే (14) ఎక్కువసేపు నిలువలేకపోగా... పతుమ్‌ నిషాంక (8), దినేశ్‌ చండిమాల్‌ (12), కమిందు మెండిస్‌ (14), కెప్టెన్‌ ధనంజయ డిసిల్వ (23) విఫలమయ్యారు. ఆ్రస్టేలియా బౌలర్లలో మాథ్యూ కునేమన్‌, నాథన్‌​ లియోన్‌ తలా నాలుగు వికెట్లు పడగొట్టగా.. వెబ్‌స్టెర్‌ రెండు వికెట్లు సాధించాడు.ఇక ఆస్ట్రేలియా తమ తొలి ఇన్నింగ్స్‌లో 414 పరుగుల భారీ స్కోర్‌ చేయగా..శ్రీలంక తమ మొదటి ఇన్నింగ్స్‌లో 257 పరుగులకే ఆలౌటైంది. ఈ మ్యాచ్‌లో ఆసీస్ స్పిన్నర్లు మాథ్యూ కునేమన్‌, నాథన్‌​ లియోన్‌ సత్తాచాటారు. రెండు ఇన్నింగ్స్‌ల కలిపి కునేమన్‌, లియోన్‌ చెరో ఏడు వికెట్లు పడగొట్టారు.కాగా ఆస్ట్రేలియా ఇప్పటికే డబ్ల్యూటీసీ ఫైనల్‌కు ఆర్హత సాధించింది. బోర్డర్‌-గవాస్కర్‌ ట్రోఫీలో భారత్‌ను ఓడించి ఆసీస్‌ తమ డబ్ల్యూటీసీ బెర్త్‌ను ఖారారు చేసుకుంది. జూన్‌11 నుంచి జూన్‌ 15 వరకు లార్డ్స్‌ వేదికగా జరగనున్న డబ్ల్యూటీసీ ఫైనల్లో దక్షిణాఫ్రికాతో కంగారులు తలపడనున్నారు.చదవండి: SL vs AUS: చరిత్ర సృష్టించిన స్మిత్‌.. ప్రపంచంలో తొలి ప్లేయర్‌గా

టెస్టు క్రికెట్‌లో ఆస్ట్రేలియా స్టార్ ప్లేయ‌ర్, స్టాండింగ్ కెప్టెన్ స్టీవ్ స్మిత్(Steve Smith) ప‌రుగులు వ‌ర‌ద పారిస్తున్నాడు. శ్రీలంక‌తో తొలి టెస్టు సూప‌ర్‌ సెంచ‌రీతో మెరిసిన స్మిత్‌.. రెండో టెస్టులోనూ త‌న బ్యాట్‌కు ప‌నిచెప్పాడు.ఈ మ్యాచ్ సెకెండ్ ఇన్నింగ్స్‌లో స్మిత్ అద్బుత‌మైన శ‌త‌కంతో చెల‌రేగాడు. 254 బంతుల్లో 10 ఫోర్లు, ఒక సిక్సర్‌తో 131 పరుగులు చేశాడు. కాగా మొద‌టి ఇన్నింగ్స్‌లో ఆసీస్‌ జట్టు 91 పరుగులకే 3 వికెట్లు కోల్పోయి కష్టాల్లో పడింది. ఈ క్రమంలో స్మిత్ అలెక్స్ క్యారీతో కలిసి నాలుగో వికెట్‌కు 259 పరుగులు జోడించాడు. తద్వారా ఓ అరుదైన స్మిత్‌ను తన ఖాతాలో వేసుకున్నాడు. టెస్టు క్రికెట్‌లో 11 మంది ఆటగాళ్లతో 200 పరుగుల భాగస్వామ్యాన్ని నెలకొల్పిన తొలి బ్యాటర్‌గా వరల్డ్ రికార్డ్ సృష్టించాడు. ఇంతకుముందు ఈ రికార్డు ఆసీస్ మాజీ కెప్టెన​ రికీ పాంటింగ్ పేరిట ఉండేది. పాంటింగ్ టెస్టుల్లో 10 మంది ఆటగాళ్లతో కలిసి 200 పరుగుల భాగస్వామ్యాన్ని నెలకొల్పాడు. తాజా మ్యాచ్‌తో రికీ ఆల్‌టైమ్ రికార్డును స్మిత్ బ్రేక్ చేశాడు.చ‌రిత్ర సృష్టించిన అలెక్స్‌-స్మిత్‌..అదే విధంగా ఈ మ్యాచ్‌లో అభేధ్యమైన భాగస్వామ్యం నెలకొల్పిన అలెక్స్ క్యారీ, స్టీవ్ స్మిత్ జోడీ సైతం ఓ అరుదైన ఫీట్‌ను తమ పేరిట లిఖించుకున్నారు. శ్రీలంక గడ్డపై నాలుగో వికెట్‌కు అత్యధిక పరుగుల భాగస్వామ్యం నమోదు చేసిన పర్యాటక జట్టు జోడీ వీరిద్దరూ నిలిచారు.గతంలో ఈ రికార్డు మైకెల్ హస్సీ-షాన్ మార్ష్ పేరిట ఉండేది. 2011లో పల్లెకెలె వేదికగా జరిగిన మ్యాచ్‌లో హస్సీ-షాన్ మార్ష్ 258 పరుగులు భాగస్వామ్యాన్ని నెలకొల్పారు. తాజా మ్యాచ్‌తో దిగ్గజ క్రికెటర్ల రికార్డును స్మిత్‌-అలెక్స్ జోడీ బ్రేక్ చేశారు.

బులవాయో: జింబాబ్వేతో జరుగుతున్న ఏకైక టెస్టు మ్యాచ్‌లో ఐర్లాండ్‌... ఆతిథ్య జట్టు ముందు క్లిష్టమైన లక్ష్యాన్ని నిర్దేశించింది. శనివారం మూడో రోజు 83/1 ఓవర్‌నైట్‌ స్కోరుతో రెండో ఇన్నింగ్స్‌ను కొనసాగించిన ఐర్లాండ్‌ 93.3 ఓవర్లలో 298 పరుగుల వద్ద ఆలౌటైంది. కెప్టెన్‌ ఆండీ బాల్బిర్నీ (60; 2 ఫోర్లు), లార్కన్‌ టక్కర్‌ (58; 6 ఫోర్లు, 1 సిక్స్‌) అర్ధ సెంచరీలు సాధించారు. జింబాబ్వే బౌలర్లలో ఎన్‌గరవ 4, ట్రెవర్‌ వాండు, వెస్లీ చెరో 2 వికెట్లు తీశారు. తొలి ఇన్నింగ్స్‌లో 7 పరుగుల స్వల్ప ఆధిక్యం కలిపి 292 పరుగుల విజయ లక్ష్యంతో బరిలోకి దిగిన జింబాబ్వే... మూడో రోజు ఆట నిలిచే సమయానికి 15 ఓవర్లలో 3 వికెట్ల నష్టానికి 38 పరుగులు చేసింది.టాపార్డర్‌ బ్యాటర్లు కైటానో (14; 3 ఫోర్లు), బెన్‌ కరన్‌ (4), నిక్‌ వెల్చ్‌ (5) వికెట్లను పారేసుకోగా... ఆట నిలిచే సమయానికి బ్రియాన్‌ బెన్నెట్‌ (15 బ్యాటింగ్, 1 ఫోర్‌), ట్రెవర్‌ వాండు (0 బ్యాటింగ్‌) క్రీజులో ఉన్నారు. ఐర్లాండ్‌ బౌలర్లలో మార్క్‌ అడేర్, బారీ మెకార్తీ, మాథ్యూ హంఫ్రేస్‌ తలా ఒక వికెట్‌ తీశారు. ఇంకా రెండు రోజుల ఆట మిగిలున్నప్పటికీ జింబాబ్వే విజయానికి 254 పరుగుల దూరంలో ఉంది. చేతిలో 7 వికెట్లున్నాయి.చదవండి: SA T20: ఫైనల్లో సన్‌రైజర్స్‌ చిత్తు.. ఛాంపియన్స్‌గా ముంబై టీమ్‌

ఆస్ట్రేలియా స్టార్‌ బ్యాటర్‌ స్టీవ్‌ స్మిత్‌(Steve Smith) అద్బుత ఫామ్‌ కొనసాగిస్తున్నాడు. శ్రీలంక(Sri Lanka vs Australia)తో రెండో టెస్టులోనూ ఈ కుడిచేతి వాటం ఆటగాడు సెంచరీతో అదరగొట్టాడు. ఈ క్రమంలో ఇటీవలే టెస్టు ఫార్మాట్లో పదివేల పరుగుల మైలురాయిని అందుకున్న స్మిత్‌.. తాజాగా మరో అరుదైన ఘనత సాధించాడు.ఆల్‌టైమ్‌ రికార్డు బద్దలుఆసియాలో టెస్టుల్లో అత్యధిక పరుగులు చేసిన ఆస్ట్రేలియా బ్యాటర్‌గా స్మిత్‌ నిలిచాడు. రిక్కీ పాంటింగ్‌(Ricky Ponting) ఆల్‌టైమ్‌ రికార్డును బద్దలు కొట్టి ఈ జాబితాలో అగ్రస్థానంలోకి దూసుకువచ్చాడు. కాగా టీమిండియాతో బోర్డర్‌- గావస్కర్‌ ట్రోఫీ సందర్భంగా స్మిత్‌ మళ్లీ ఫామ్‌లోకి వచ్చిన విషయం తెలిసిందే.భారత్‌తో బ్రిస్బేన్‌ టెస్టులో 101 పరుగులు సాధించిన స్మిత్‌.. మెల్‌బోర్న్‌లో భారీ శతకం(140)తో చెలరేగాడు. అనంతరం.. శ్రీలంక పర్యటనలో భాగంగా తొలి టెస్టులోనూ తాత్కాలిక స్మిత్‌ శతక్కొట్టాడు. గాలె మ్యాచ్‌లో 141 పరుగులతో చెలరేగి జట్టు భారీ విజయం సాధించడంలో కీలక పాత్ర పోషించాడు. ఈ మ్యాచ్‌ సందర్భంగానే టెస్టు ఫార్మాట్లో పదివేల పరుగుల క్లబ్‌లో కూడా చేరాడు.ఇక తాజాగా లంకతో రెండో టెస్టులోనూ స్టీవ్‌ స్మిత్‌ శతకం దిశగా పయనిస్తున్నాడు. ఈ క్రమంలో ఆసియా గడ్డ మీద పందొమ్మిది వందలకు పైగా పరుగులు పూర్తి చేసుకుని.. ఆస్ట్రేలియా తరఫున హయ్యస్ట్‌ రన్‌స్కోరర్‌గా నిలిచాడు. లంకతో రెండో టెస్టు భోజన విరామ సమయానికి స్మిత్‌.. ఆసియాలో 1917 పరుగులు పూర్తి చేసుకున్నాడు.కెప్టెన్‌ ఇన్నింగ్స్‌తో మెరిసిన స్మిత్‌ఇదిలా ఉంటే.. తొలి టెస్టులో ఆతిథ్య లంకను ఇన్నింగ్స్‌ 242 పరుగుల తేడాతో ఆసీస్‌ చిత్తు చేసిన విషయం తెలిసిందే. ఈ క్రమంలో ఇరుజట్ల మధ్య గురువారం నుంచి గాలెలో రెండో టెస్టు మొదలుకాగా.. టాస్‌ గెలిచిన శ్రీలంక తొలుత బ్యాటింగ్‌ చేసింది. ఆసీస్‌ బౌలర్ల విజృంభణ కారణంగా 257 పరుగులకే తొలి ఇన్నింగ్స్‌ ఆలౌట్‌ అయింది.ఈ క్రమంలో శుక్రవారం నాటి రెండో రోజు ఆటలో భాగంగా ఆస్ట్రేలియా అదరగొడుతోంది. ఓపెనర్లు ట్రవిస్‌ హెడ్‌(22 బంతుల్లో 21), ఉస్మాన్‌ ఖవాజా(57 బంతుల్లో 36) ఫర్వాలేదనిపించగా.. వన్‌డౌన్‌ బ్యాటర్‌ మార్నస్‌ లబుషేన్‌(4) మరోసారి విఫలమయ్యాడు.ఈ దశలో స్మిత్‌ మరోసారి కెప్టెన్‌ ఇన్నింగ్స్‌తో మెరిశాడు. అతడికి తోడుగా వికెట్‌ కీపర్‌ బ్యాటర్‌ అలెక్స్‌ క్యారీ వేగంగా ఆడుతూ అర్ధ శతకం పూర్తి చేసుకున్నాడు. ఈ ఇద్దరి నిలకడైన ప్రదర్శన కారణంగా 55 ఓవర్ల ఆట ముగిసే సరికి ఆస్ట్రేలియా మూడు వికెట్ల నష్టానికి 215 పరుగుల వద్ద నిలిచింది.ఆసియాలో టెస్టుల్లో అత్యధిక పరుగులు చేసిన ఆస్ట్రేలియా బ్యాటర్లు 👉స్టీవ్‌ స్మిత్‌: 23 మ్యాచ్‌లలో సగటు 50.35తో 1917+ పరుగులు. అత్యధిక స్కోరు- 178*- శతకాలు ఆరు.👉రిక్కీ పాంటింగ్‌: 28 మ్యాచ్‌లలో సగటు 41.97తో 1889 పరుగులు- అత్యధిక స్కోరు 150- శతకాలు ఐదు👉అలెన్‌ బోర్డర్‌: 22 మ్యాచ్‌లలో సగటు 54.51తో 1799తో 1799 పరుగులు- అత్యధిక స్కోరు 162- శతకాలు ఆరు👉మాథ్యూ హెడెన్‌: 19 మ్యాచ్‌లలో 50.39 సగటుతో 1663 పరుగులు- అత్యధిక స్కోరు 203- శతకాలు నాలుగు👉ఉస్మాన్‌ ఖవాజా: 17 మ్యాచ్‌లలో 61.76 సగటుతో 1544 పరుగులు- అత్యధిక స్కోరు 232- శతకాలు ఐదు.

ఆస్ట్రేలియా వెటరన్‌ స్పిన్నర్‌ నాథన్‌ లియోన్‌(Nathan Lyon) సరికొత్త చరిత్ర సృష్టించాడు. ఆసియాలో టెస్టు ఫార్మాట్లో 150కి పైగా వికెట్లు తీసిన తొలి నాన్‌- ఆసియన్‌ బౌలర్‌గా రికార్డులకెక్కాడు. కాగా ఆస్ట్రేలియా క్రికెట్‌ జట్టు రెండు టెస్టులు, రెండు వన్డేలు ఆడేందుకు ప్రస్తుతం శ్రీలంక(Sri Lanka vs Australia)లో పర్యటిస్తోంది.తొలిరోజే తొమ్మిది వికెట్లుఇందులో భాగంగా తొలుత గాలె(Galle) వేదికగా టెస్టు సిరీస్‌ మొదలుకాగా.. తొలి మ్యాచ్‌లో లంకను ఆసీస్‌ మట్టికరిపించింది. ఏకంగా ఇన్నింగ్స్‌ 242 పరుగుల తేడాతో చిత్తుగా ఓడించింది. అనంతరం ఇరుజట్ల మధ్య గురువారం రెండో టెస్టు ఆరంభమైంది. టాస్‌ గెలిచిన శ్రీలంక తొలుత బ్యాటింగ్‌ ఎంచుకుంది. తొలి రోజు ఆట ముగిసే సమయానికి తొలి ఇన్నింగ్స్‌లో 90 ఓవర్లలో 9 వికెట్ల నష్టానికి 229 పరుగులు చేసింది.లంక బ్యాటర్లలో దినేశ్‌ చండిమాల్‌ (163 బంతుల్లో 74; 6 ఫోర్లు, 1 సిక్స్‌), వికెట్‌ కీపర్‌ కుశాల్‌ మెండిస్‌ (107 బంతుల్లో 59 బ్యాటింగ్‌; 6 ఫోర్లు, 1 సిక్స్‌) అర్ధ శతకాలతో ఆకట్టుకున్నారు. కెరీర్‌లో చివరి టెస్టు ఆడుతున్న సీనియర్‌ బ్యాటర్‌ దిముత్‌ కరుణరత్నే (83 బంతుల్లో 36; 3 ఫోర్లు) కాసేపు పోరాడినా... భారీ స్కోరు చేయలేకపోయాడు. ఇతరులలో పతుమ్‌ నిశాంక (11), ఏంజెలో మాథ్యూస్‌ (1), కమిందు మెండిస్‌ (13), కెప్టెన్‌ ధనంజయ డిసిల్వ (0) దారుణంగా విఫలమయ్యారు. చండిమాల్, కుశాల్‌ మెండిస్‌ కాస్త పోరాడటంతో లంక జట్టు ఆమాత్రం స్కోరు చేయగలిగింది.నాన్‌- ఆసియన్‌ బౌలర్‌గా చరిత్రఇక ఆసీస్‌ బౌలర్లలో పేసర్‌ మిచెల్‌ స్టార్క్‌తో కలిసి ఆఫ్‌ స్పిన్నర్‌ నాథన్‌ లియోన్‌ మూడు వికెట్లతో చెలరేగాడు. ఈ క్రమంలో నాథన్‌ లియోన్‌ అరుదైన ఘనత సాధించాడు. ఆసియా ఖండంలో టెస్టుల్లో 150 వికెట్ల మైలురాయిని అందుకున్నాడు. తద్వారా ఈ ఫీట్‌ నమోదు చేసిన తొలి నాన్‌- ఆసియన్‌ బౌలర్‌గా చరిత్ర సృష్టించాడు.అంతకు ముందు ఆసీస్‌ దిగ్గజ స్పిన్నర్‌ షేన్‌ వార్న్‌ ఆసియాలో 127 వికెట్లు తీయగా.. న్యూజిలాండ్‌ మాజీ స్టార్‌ డేనియల్‌ వెటోరి 98, ఇంగ్లండ్‌ దిగ్గజ పేసర్‌ జేమ్స్‌ ఆండర్సన్‌ 92 వికెట్లు తమ ఖాతాలో వేసుకున్నారు.ఆసియాలో టెస్టుల్లో అత్యధిక వికెట్లు తీసిన నాన్‌-ఆసియన్‌ బౌలర్లు👉నాథన్‌ లియోన్‌- 30 టెస్టుల్లో 150👉షేన్‌ వార్న్‌- 25 టెస్టుల్లో 127👉డేనియల్‌ వెటోరి- 21 టెస్టుల్లో 98👉జేమ్స్‌ ఆండర్సన్‌- 32 టెస్టుల్లో 92.ఇక మ్యాచ్‌ విషయానికొస్తే.. తొలి రోజు స్టార్క్‌, నాథన్‌ లియోన్‌ మూడేసి వికెట్లు తీయగా.. మాథ్యూ కూహ్నెమన్‌ రెండు, ట్రవిస్‌ హెడ్‌ ఒక వికెట్‌ దక్కించుకున్నారు. ఈ క్రమంలో 229/9 ఓవర్‌నైట్‌ స్కోరుతో శుక్రవారం నాటి రెండో రోజు ఆట మొదలుపెట్టిన శ్రీలంక.. 257 పరుగులకు ఆలౌట్‌ అయింది. చదవండి: తుదిజట్టులో నాకసలు స్థానమే లేదు.. రోహిత్‌ కాల్‌ తర్వాత..: శ్రేయస్‌ అయ్యర్‌

ఎట్టకేలకు విండీస్‌ వేదికగా ఆస్ట్రేలియా- వెస్టిండీస్‌(West Indies Vs Australia) మధ్య ఫ్రాంక్‌ వొరెల్‌ ట్రోఫీ(Frank Worrell Trophy) నిర్వహణకు ముహూర్తం ఖరారైంది. దాదాపు దశాబ్ద కాలం తర్వాత ఇరుజట్లు కరేబియన్‌ గడ్డ మీద ఈ ప్రతిష్టాత్మక టెస్టు సిరీస్‌లో పోటీపడనున్నాయి. వెస్టిండీస్‌ క్రికెట్‌ బోర్డు గురువారం ఈ విషయాన్ని ధ్రువీకరించింది. ఆస్ట్రేలియా క్రికెట్‌ జట్టు త్వరలోనే తమ దేశంలో పర్యటించనుందని తెలిపింది.డబ్ల్యూటీసీ తాజా ఎడిషన్‌లో తొలి సిరీస్‌మరోవైపు.. ఈ విషయం గురించి క్రికెట్‌ ఆస్ట్రేలియా అధికారి బెన్‌ ఓలివర్‌ మాట్లాడుతూ.. ఆస్ట్రేలియా- వెస్టిండీస్‌ క్రికెట్‌ బోర్డులకు ఘనమైన చరిత్ర ఉందని పేర్కొన్నారు. పదేళ్ల తర్వాత ఇరుజట్లు టెస్టు సిరీస్‌ ఆడటం శుభసూచకమని.. ఈ సిరీస్‌ను మూడు మ్యాచ్‌లకు పెంచినట్లు వెల్లడించారు. ప్రపంచ టెస్టు చాంపియన్‌షిప్‌(డబ్ల్యూటీసీ) 2025-2027 ఎడిషన్‌లో ఇదే తమకు ఇదే తొలి సిరీస్‌ అని.. ఈసారీ ఫ్రాంక్‌ వొరిల్‌ ట్రోఫీని తామే సొంతం చేసుకుంటామని ధీమా వ్యక్తం చేశారు.అదే విధంగా ఈ పర్యటనలో భాగంగా వెస్టిండీస్‌తో ఐదు టీ20లు కూడా ఆడనున్నట్లు ఓలివర్‌ తెలిపారు. ఏడాది తర్వాత జరునున్న టీ20 ప్రపంచకప్‌ టోర్నీకి ఇదే ఆరంభ సన్నాహకం కానుందని హర్షం వ్యక్తం చేశారు. ఇదిలా ఉంటే.. ఆసీస్‌ ప్రస్తుతంశ్రీలంక పర్యటనలో ఉంది. అనంతరం చాంపియన్స్‌ ట్రోఫీతో బిజీ కానుంది. ఇక ఆసీస్‌ ఇప్పటికే డబ్ల్యూటీసీ 2025 ఫైనల్‌ చేరిన విషయం తెలిసిందే.వెస్టిండీస్‌- ఆస్ట్రేలియా మధ్య సిరీస్‌లకు షెడ్యూల్‌మూడు టెస్టులుతొలి టెస్టు: జూన్‌ 25- 20- బ్రిడ్జ్‌టౌన్‌, బార్బడోస్‌రెండో టెస్టు: జూలై 3-7- సెయింట్‌ జార్స్‌, గ్రెనెడామూడో టెస్టు: జూలై 12- 16- కింగ్‌స్టన్‌, జమైకాటీ20 సిరీస్‌తొలి టీ20- జూలై 20- కింగ్‌స్టన్‌, జమైకారెండో టీ20- జూలై 22- కింగ్‌స్టన్‌, జమైకామూడో టీ20- జూలై 25- బసెటెరె, సెయింట్‌ కిట్స్‌నాలుగో టీ20- జూలై 26- బసెటెరె, సెయింట్‌ కిట్స్‌ఐదో టీ20- జూలై 28- బసెటెరె, సెయింట్‌ కిట్స్‌అతడి జ్ఞాప​కార్థంవెస్టిండీస్‌- ఆస్ట్రేలియా మధ్య జరిగే టెస్టు సిరీస్‌లో విజేతకు ఫ్రాంక్‌ వొరిల్‌ అవార్డు ప్రదానం చేస్తారు. వెస్టిండీస్‌ జట్టు తొలి నల్లజాతి కెప్టెన్‌గా పేరొందిన వొరిల్‌ జ్ఞాపకార్థం ఈ ట్రోఫీని ప్రవేశపెట్టారు. 1960-61లో తొలిసారి ఆస్ట్రేలియాలో ఈ ట్రోఫీని ప్రదానం చేశారు.ఇక 1995 నుంచి ఇప్పటి దాకా ఆస్ట్రేలియా ఈ సిరీస్‌లో ఒక్కసారి కూడా ఓడిపోలేదు. అయితే, గతేడాది జరిగిన టెస్టు సిరీస్‌లో వెస్టిండీస్‌ ఆసీస్‌ ఆధిపత్యాన్ని తగ్గించింది. గబ్బాలో అనూహ్య విజయంతో సిరీస్‌ను 1-1తో డ్రా చేసి.. దాదాపు పదిహేడేళ్ల తర్వాత తొలిసారి ఆసీస్‌పై టెస్టు విజయం నమోదు చేసింది.ఇదిలా ఉంటే.. ఆస్ట్రేలియాతో సిరీస్‌లు ముగిసిన తర్వాత వెస్టిండీస్‌ పాకిస్తాన్‌కు ఆతిథ్యం ఇవ్వనుంది. రిజ్వాన్‌ బృందంతో సొంతగడ్డపై మూడు వన్డేలు, మూడు టీ20 మ్యాచ్‌ల సిరీస్‌లు ఆడనుంది. జూలై 31 నుంచి టీ20లు, ఆగష్టు 8 నుంచి వన్డే సిరీస్‌ మొదలుకానుంది.

శ్రీలంకతో తొలి టెస్టులో ఆస్ట్రేలియా(Sri Lanka vs Australia) ఘన విజయం సాధించింది. ఆతిథ్య జట్టును ఏకంగా ఇన్నింగ్స్‌ 242 పరుగుల తేడాతో మట్టికరిపించింది. తద్వారా రెండు మ్యాచ్‌ల టెస్టు సిరీస్‌లో 1-0తో ఆధిక్యంలోకి వెళ్లింది. కాగా ప్రపంచ టెస్టు చాంపియన్‌షిప్‌(World Test Championship- డబ్ల్యూటీసీ) 2023-25 సీజన్లో ఆసీస్‌ ఇప్పటికే ఫైనల్‌ చేరిన విషయం తెలిసిందే.అయితే, ఈ ఎడిషన్‌లో ఆఖరిగా రెండు మ్యాచ్‌ల టెస్టు సిరీస్‌ ఆడేందుకు శ్రీలంక పర్యటనకు వచ్చింది. ఈ టూర్‌లో భాగంగా రెండు వన్డేలు కూడా ఆడనుంది. ఈ క్రమంలో తొలుత గాలె వేదికగా బుధవారం లంక- ఆసీస్‌ జట్ల మధ్య మొదటి టెస్టు ఆరంభమైంది.ఉస్మాన్‌ ఖవాజా డబుల్‌ సెంచరీఈ మ్యాచ్‌లో టాస్‌ గెలిచిన ఆస్ట్రేలియా తొలుత బ్యాటింగ్‌ చేసింది. ఓపెనర్‌ ఉస్మాన్‌ ఖవాజా(Usman Khawaja) డబుల్‌ సెంచరీ(232)తో చెలరేగగా.. ట్రవిస్‌ హెడ్‌ మెరుపు అర్ధ శతకం(40 బంతుల్లో 57) బాదాడు. స్మిత్‌, ఇంగ్లిస్‌ శతకాలుమిగతా వాళ్లలో వన్‌డౌన్‌ బ్యాటర్‌ మార్నస్‌ లబుషేన్‌(20) మరోసారి విఫలం కాగా.. కెప్టెన్‌ స్టీవ్‌ స్మిత్‌ అద్భుత శతకం(141)తో దుమ్ములేపాడు. ఇక టెస్టు అరంగేట్రంలోనే జోస్‌ ఇంగ్లిష్‌ సెంచరీ(102)తో మెరిసి తన విలువను చాటుకోగా.. వికెట్‌ కీపర్‌ బ్యాటర్‌ అలెక్స్‌ క్యారీ(46 నాటౌట్‌) కూడా ఫర్వాలేదనిపించాడు. టెయిలెండర్లలో బ్యూ వెబ్‌స్టర్‌(23), మిచెల్‌ స్టార్క్‌(19 నాటౌట్‌) తమ శక్తిమేర పరుగులు రాబట్టారు.ఈ క్రమంలో 154 ఓవర్లలో ఆరు వికెట్ల నష్టానికి 654 పరుగుల వద్ద ఉన్న వేళ ఆస్ట్రేలియా తమ తొలి ఇన్నింగ్స్‌ను డిక్లేర్‌ చేసింది. లంక బౌలర్లలో స్పిన్నర్లు ప్రబాత్‌ జయసూర్య, జెఫ్రీ వాండర్సే మూడేసి వికెట్లు దక్కించుకున్నారు. ఇక తమ తొలి ఇన్నింగ్స్‌లో ఆరంభం నుంచే శ్రీలంక తడబడింది.కంగారూ స్పిన్నర్ల ధాటికి కుదేలుఓపెనర్లు ఒషాడా ఫెర్నాండో, దిముత్‌ కరుణరత్నె ఏడేసి పరుగులు చేసి పెవిలియన్‌ చేరగా.. వన్‌డౌన్‌లో వచ్చిన దినేశ్‌ చండిమాల్‌ ఇన్నింగ్స్‌ చక్కదిద్దే బాధ్యత తీసుకున్నాడు. మొత్తంగా 139 బంతులు ఎదుర్కొని తొమ్మిది ఫోర్ల సాయంతో 72 పరుగులు చేశాడు. అయితే, ఆసీస్‌ స్పిన్నర్‌ అద్భుత బంతితో చండిమాల్‌ను వికెట్ల ముందు దొరకబుచ్చుకోవడంతో లంక బ్యాటింగ్‌ ఆర్డర్‌ వేగంగా పతనమైంది.మిగతా వాళ్లలో ఏంజెలో మాథ్యూస్‌(15), కెప్టెన్‌ ధనంజయ డి సిల్వ(22), వికెట్‌ కీపర్‌ కుశాల్‌ మెండిస్‌(21) మాత్రమే డబుల్‌ డిజిట్‌ స్కోర్లు చేశారు. దీంతో 165 పరుగులకే శ్రీలంక ఆలౌట్‌ అయింది. ఆస్ట్రేలియా బౌలర్లలో స్పిన్నర్లు మాథ్యూ కుహ్నెమన్‌ ఐదు వికెట్లతో చెలరేగగా.. నాథన్‌ లియాన్‌ మూడు వికెట్లు కూల్చాడు. పేసర్‌ మిచెల్‌ స్టార్క్‌కు రెండు వికెట్లు దక్కాయి.ఫాలో ఆన్‌ గండం.. తప్పని ఓటమిఅయితే, తమ తొలి ఇన్నింగ్స్‌లో లంక కనీసం సగం కూడా స్కోరు చేయకపోవడంతో.. ఆస్ట్రేలియా ధనంజయ బృందాన్ని ఫాలో ఆన్‌ ఆడించింది. ఈ క్రమంలో వెంటనే తమ రెండో ఇన్నింగ్స్‌ మొదలుపెట్టిన శ్రీలంక 247 పరుగులకే కుప్పకూలింది.ఆసీస్‌ స్పిన్నర్లు కుహ్నెమన్‌, నాథన్‌ లియాన్‌ ధాటికి లంక బ్యాటింగ్‌ ఆర్డర్‌ కుదేలైంది. ఈ ఇద్దరు చెరో నాలుగు వికెట్లు తీసి సత్తా చాటారు. ఓపెనర్లు ఒషాడా ఫెర్నాండో(6), దిముత్‌ కరుణరత్నె(0) మరోసారి విఫలం కాగా.. మిడిలార్డర్‌ బ్యాటర్లు కాసేపు నిలబడ్డారు. చండిమాల్‌ 31, ఏంజెలో మాథ్యూస్‌ 41, కమిందు మెండిస్‌ 32, ధనంజయ డి సిల్వ 39, కుశాల్‌ మెండిస్‌ 34 పరుగులు చేశారు. ఇక ఆఖర్లో జెఫ్రీ వాండర్సే ఒక్కడే అర్ధ శతకం(53) చేయగలిగాడు.లంక క్రికెట్‌ చరిత్రలో అతిపెద్ద ఓటమిఅయితే, ఆస్ట్రేలియా స్కోరుకు దరిదాపుల్లోకి కూడా రాలేకపోయిన శ్రీలంక.. ఇన్నింగ్స్‌ 242 పరుగుల తేడాతో ఓటమిని మూటగట్టుకుంది. తమ టెస్టు చరిత్రలోనే పరుగుల పరంగా అతిపెద్ద పరాజయాన్ని నమోదు చేసింది. ఉస్మాన్‌ ఖవాజాకు ప్లేయర్‌ ఆఫ్‌ ది మ్యాచ్‌ అవార్డు దక్కింది.చదవండి: హర్షిత్‌ బదులు అతడిని పంపాల్సింది.. ఇదేం పద్ధతి?: భారత మాజీ క్రికెటర్‌ ఫైర్

టీమిండియాతో బోర్డర్‌- గావస్కర్‌ ట్రోఫీ సందర్భంగా ఫామ్‌లోకి వచ్చిన ఆస్ట్రేలియా వెటరన్‌ క్రికెటర్‌ స్టీవ్‌ స్మిత్‌(Steve Smith).. తన జోరును కొనసాగిస్తున్నాడు. మెల్‌బోర్న్‌ టెస్టులో భారీ శతకం(140) బాదిన ఈ కుడిచేతి వాటం బ్యాటర్‌.. భారత్‌ ఆఖరిదైన సిడ్నీ టెస్టులో మొత్తంగా 37 పరుగులు చేసి.. 9999 పరుగుల వద్ద నిలిచాడు. తాజాగా శ్రీలంక(Australia vs Sri Lanka)తో తొలి టెస్టు సందర్భంగా టెస్టుల్లో పది వేల పరుగుల క్లబ్‌లో చేరాడు. తద్వారా ఆస్ట్రేలియా తరఫున ఈ ఘనత సాధించిన నాలుగో క్రికెటర్‌గా స్మిత్‌ చరిత్రకెక్కాడు. ఆస్ట్రేలియా ప్రపంచ రికార్డుఅతడి కంటే ముందు.. అలెన్‌ బోర్డర్‌, స్టీవ్‌ వా, రిక్కీ పాంటింగ్‌(Ricky Ponting) ఈ ఫీట్‌ నమోదు చేశారు. అయితే, తాజాగా స్మిత్‌ పదివేల టెస్టు పరుగుల మైలురాయిని అందుకున్న క్రమంలో ఆస్ట్రేలియా ప్రపంచ రికార్డును సొంతం చేసుకుంది. టెస్టు క్రికెట్‌లో ఒక దేశం తరఫున అత్యధికంగా నలుగురు ఆటగాళ్లు ఈ మైలురాయిని చేరుకోవడం ఇదే తొలిసారి కావడం విశేషం. ఇంతకు ముందు ఈ జాబితాలో టీమిండియాతో కలిసి ఆసీస్‌ అగ్రస్థానంలో ఉండేది. ఇప్పుడు భారత్‌ను వెనక్కి నెట్టి వరల్డ్‌ రికార్డు సొంతం చేసుకుంది. కాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 సీజన్‌లో ఆసీస్‌ జట్టు ఇప్పటికే ఫైనల్‌కు చేరుకుంది. బోర్డర్‌ -గావస్కర్‌ ట్రోఫీలో భాగంగా ఐదు టెస్టుల సిరీస్‌లో టీమిండియాను 3-1తో ఓడించి టైటిల్‌ పోరుకు అర్హత సాధించింది. ఈ క్రమంలో డబ్ల్యూటీసీ తాజా ఎడిషన్‌లో ఆఖరిగా రెండు టెస్టుల సిరీస్‌ ఆడేందుకు కంగారూ జట్టు శ్రీలంకకు వచ్చింది.ఖవాజా డబుల్‌ ధమా​కాఈ క్రమంలో గాలె అంతర్జాతీయ స్టేడియం వేదికగా ఇరుజట్ల మధ్య బుధవారం తొలి టెస్టు ఆరంభమైంది. ఈ మ్యాచ్‌లో టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. ఓపెనర్‌గా ప్రమోట్‌ అయిన ట్రవిస్‌ హెడ్‌ ధనాధన్‌ దంచికొట్టి అర్ధ శతకంతో మెరవగా.. మరో ఓపెనర్‌ ఉస్మాన్‌ ఖవాజా ఏకంగా డబుల్‌ సెంచరీతో చెలరేగాడు. హెడ్‌ 40 బంతుల్లో 57 పరుగులు సాధిస్తే.. ఖవాజా ఏకంగా 352 బంతులు ఎదుర్కొని 232 రన్స్‌ చేశాడు.స్మిత్‌ రికార్డు సెంచరీమరోవైపు.. వన్‌డౌన్‌ బ్యాటర్‌ మార్నస్‌ లబుషేన్‌(20) తన వైఫల్యాన్ని కొనసాగించగా.. నాలుగో స్థానంలో వచ్చిన కెప్టెన్‌ స్టీవ్‌ స్మిత్‌ ఆకాశమే హద్దుగా దూసుకుపోయాడు. మొత్తంగా 251 బంతులు ఫేస్‌ చేసిన స్మిత్‌.. 12 ఫోర్లు, 2 సిక్సర్ల సాయంతో 141 పరుగులతో సత్తా చాటాడు. తద్వారా తన టెస్టు కెరీర్‌లో 35వ టెస్టు సెంచరీ నమోదు చేసిన 36 ఏళ్ల స్మిత్‌.. పలు రికార్డులు తన ఖాతాలో వేసుకున్నాడు.సెంచరీల పరంగా రెండోస్థానంలోకి‘ఫ్యాబ్‌ ఫోర్‌’లో ఒకరిగా గుర్తింపు పొందిన స్మిత్‌ టెస్టు సెంచరీల పరంగా రెండో స్థానానికి చేరుకున్నాడు. ఈ లిస్టులో ఇంగ్లండ్‌ టెస్టు దిగ్గజం జో రూట్‌ 36 శతకాలతో ప్రథమస్థానంలో ఉండగా.. న్యూజిలాండ్‌ స్టార్‌ కేన్‌ విలియమ్సన్‌ 33, టీమిండియా రన్‌మెషీన్‌ విరాట్‌ కోహ్లి 30 సెంచరీలతో స్మిత్‌ తర్వాతి స్థానాల్లో ఉన్నారు.అంతేకాదు.. ప్రస్తుతం యాక్టివ్‌గా ఉన్న క్రికెటర్లలో మూడు ఫార్మాట్లలో కలిపి శతకాల పరంగా నాలుగో స్థానానికి ఎగబాకాడు. అంతర్జాతీయ స్థాయిలో విరాట్‌ కోహ్లి 81 శతకాలతో టాప్‌(Active Cricketers)లో ఉండగా.. రూట్‌ 52, రోహిత్‌ శర్మ 48, స్మిత్‌ 47 సెంచరీలతో టాప్‌-4లో నిలిచారు.ఇక శ్రీలంకతో మ్యాచ్‌లో ఖవాజా(232), స్మిత్‌(141)లతో పాటు జోష్‌ ఇంగ్లిస్‌ కూడా బ్యాట్‌ ఝులిపించాడు. 94 బంతుల్లోనే 102 పరుగులతో చెలరేగాడు. ఈ నేపథ్యంలో ఆరు వికెట్ల నష్టానికి 654 పరుగుల వద్ద ఆస్ట్రేలియా తమ తొలి ఇన్నింగ్స్‌ డిక్లేర్‌ చేసింది.టెస్టుల్లో పది వేలకు పైగా పరుగులు చేసిన ఆటగాళ్లు- ఏ దేశం తరఫున ఎందరు?👉ఆస్ట్రేలియా- నలుగురు- అలెన్‌ బోర్డర్‌, స్టీవ్‌ వా, రిక్కీ పాంటింగ్‌, స్టీవ్‌ స్మిత్‌👉ఇండియా- ముగ్గురు- సునిల్‌ గావస్కర్‌, సచిన్‌ టెండుల్కర్‌, రాహుల్‌ ద్రవిడ్‌👉ఇంగ్లండ్‌- ఇద్దరు- అలిస్టర్‌ కుక్‌, జో రూట్‌👉శ్రీలంక- ఇద్దరు- కుమార్‌ సంగక్కర, మహేళ జయవర్దనే👉వెస్టిండీస్‌- ఇద్దరు- బ్రియన్‌ లారా, శివ్‌నరైన్‌ చందర్‌పాల్‌👉పాకిస్తాన్‌- ఒక్కరు- యూనిస్‌ ఖాన్‌👉సౌతాఫ్రికా- ఒక్కరు- జాక్వెస్‌ కలిస్‌.చదవండి: మరో డీఎస్పీ!.. పోలీస్‌ ఉద్యోగంలో చేరిన భారత క్రికెటర్‌

గాలే వేదిక‌గా శ్రీలంక‌తో జ‌రుగుతున్న తొలి టెస్టులో ఆస్ట్రేలియా స్టార్‌​ ఓపెనర్‌ ఉస్మాన్ ఖావాజా(Usman Khawaja) అద్బుత‌మైన ద్విశకతంతో చెల‌రేగాడు. 290 బంతుల్లో 16 ఫోర్లు, 1 సిక్సర్‌తో ఖావాజా తన తొలి డబుల్‌ సెంచరీ మార్క్‌ను అందుకున్నాడు. ఇన్నింగ్స్‌ ఆరంభం నుంచే అచితూచి ఆడుతూ శ్రీలంకకు కొరకరాని కొయ్యగా ఈ ఆసీస్‌ వెటరన్‌ మారాడు.తొలి రోజు ఆటలో ట్రావిస్‌ హెడ్‌,స్టీవ్‌​ స్మిత్‌తో కలిసి భాగస్వామ్యాలను నెలకొల్పిన ఖావాజా.. రెండో రోజు ఆటలో జోష్‌ ఇంగ్లీష్‌తో కలిసి ఇన్నింగ్స్‌ను నడిపిస్తున్నాడు. ఇదే అతడికి మొట్టమొదటి అంతర్జాతీయ డబుల్‌ సెంచరీ. ఇప్పటివరకు 79 టెస్టు మ్యాచ్‌లు ఆడిన ఖావాజా.. 45.26 సగటుతో 5839 పరుగులు చేశాడు.అతడి టెస్టు కెరీర్‌లో 16 సెంచరీలతో పాటు 27 హాఫ్‌ సెంచరీలు ఉన్నాయి. అయితే భారత్‌తో జరిగిన సిరీస్‌లో మాత్రం ఖావాజా తీవ్ర నిరాశపరిచాడు. కానీ అతడిపై నమ్మకం ఉంచిన సెలక్టర్లు శ్రీలంక పర్యటకు ఎంపిక చేశారు. సెలక్టర్ల నమ్మకాన్ని వమ్ము చేయని ఖావాజా తొలి మ్యాచ్‌లోనే అద్భుతమైన ప్రదర్శన కనబరిచాడు,.భారీ స్కోర్‌ దిశగా ఆస్ట్రేలియా..తొలి ఇన్నింగ్స్‌లో ఆస్ట్రేలియా భారీ స్కోరు దిశగా దూసుకుపోతుంది. రెండో రోజు ఆట లంచ్‌ సమయానికి ఆస్ట్రేలియా 3 వికెట్ల నష్టానికి 475 పరుగులు చేసింది. క్రీజులో ఖావాజా(204 నాటౌట్‌), జోష్‌ ఇంగ్లీష్‌(44 నాటౌట్‌) ఉన్నారు. 330/2 ఓవర్‌నైట్‌ స్కోర్‌తో రెండో రోజు ఆటను ప్రారంభించిన ఆస్ట్రేలియా.. స్టీవ్‌ స్మిత్‌(141) రూపంలో మూడో వికెట్‌ కోల్పోయింది.తొలి ఆసీస్‌ క్రికెటర్‌గా..ఈ మ్యాచ్‌లో డబుల్‌ సెంచరీతో చెలరేగిన ఖావాజా ఓ అరుదైన రికార్డును తన ఖాతాలో వేసుకున్నాడు. శ్రీలంక గడ్డపై టెస్టు డబుల్‌ సెంచరీ సాధించిన తొలి ఆస్ట్రేలియా ఆటగాడిగా చరిత్ర సృష్టించాడు. ఇప్పటివరకు ఏ ఆసీస్‌ క్రికెటర్‌ కూడా ఈ ఫీట్‌ సాధించలేదు.ఖావాజా కంటే ముందు శ్రీలంక గడ్డపై ఆస్ట్రేలియా బ్యాటర్ చేసిన అత్యధిక టెస్ట్ స్కోరు రికార్డు జస్టిన్‌ లాంగర్‌ పేరిట ఉండేది. 2004 ​కొలంబో వేదికగా లంకతో జరిగిన టెస్టులో లాంగర్ 295 బంతుల్లో 166 పరుగులు చేశాడు. తాజా మ్యాచ్‌తో లాంగర్ ఆల్‌టైమ్ రికార్డును ఖావాజా బ్రేక్ చేశాడు. ​కాగా ఆస్ట్రేలియాకు ఇదే నామమాత్రపు టెస్టు సిరీస్‌ మాత్రమే. కంగారులు ఇప్పటికే వరల్డ్‌ టెస్టు ఛాంపియన్‌ షిప్‌ ఫైనల్‌కు ఆర్హత సాధించింది.చదవండి:జనాయ్ భోంస్లే కాదు.. సిరాజ్ డేటింగ్‌లో ఉన్నది ఆమెతోనే?

శ్రీలంకతో తొలి టెస్టు(Sri Lanka Vs Australia)లో ఆస్ట్రేలియా స్టార్‌ క్రికెటర్‌ ట్రవిస్‌ హెడ్‌(Travis Head) ధనాధన్‌ దంచికొట్టాడు. తనను ఓపెనర్‌గా పంపినందుకు... అద్భుతమైన ఇన్నింగ్స్‌తో ఆకట్టుకుని జట్టుకు శుభారంభం అందించాడు. మెరుపు అర్ధశతకంతో సత్తా చాటి తన విలువను చాటుకున్నాడు.కాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఎడిషన్‌లో ఆస్ట్రేలియా ఇప్పటికే ఫైనల్‌కు చేరుకుంది. టైటిల్‌ పోరులో సౌతాఫ్రికాతో జూన్‌లో తలపడనుంది. అంతకంటే ముందు ఈ సీజన్‌లో ఆఖరిగా శ్రీలంకతో రెండు టెస్టులు ఆడేందుకు అక్కడికి వెళ్లింది.ఈ క్రమంలో ఇరుజట్ల మధ్య గాలె వేదికగా బుధవారం తొలి టెస్టు ఆరంభమైంది. ఈ మ్యాచ్‌లో టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. ఉస్మాన్‌ ఖవాజా(Usman Khawaja)కు ఓపెనింగ్‌ జోడీగా ప్రమోట్‌ అయిన టీ20 వీరుడు ట్రవిస్‌ హెడ్‌ ఆది నుంచే లంక బౌలర్లపై అటాక్‌ చేశాడు.తొలి ఓవర్లోనే మూడు బౌండరీలు.. మెరుపు ఫిఫ్టీఇన్నింగ్స్‌ ఆరంభంలోనే తన మార్కు చూపించిన హెడ్‌.. తొలి ఓవర్లోనే మూడు బౌండరీలు బాదాడు. లంక పేసర్‌ అసిత ఫెర్నాండో బౌలింగ్‌లో మూడు, ఐదు, ఆరో బంతికి ఫోర్లు బాదాడు. అదే జోరులో వీలుచిక్కినప్పుడల్లా బంతిని బౌండరీకి తరలించిన ఈ ఎడమచేతి వాటం బ్యాటర్‌.. 35 బంతుల్లోనే యాభై పరుగుల మార్కు అందుకున్నాడు.మొత్తంగా నలభై బంతులు ఎదుర్కొన్న ట్రవిస్‌ హెడ్‌.. 57 పరుగుల వ్యక్తిగత స్కోరు వద్ద అవుటయ్యాడు. లంక స్పిన్నర్‌ ప్రబాత్‌ జయసూర్య బౌలింగ్‌లో చండీమాల్‌కు క్యాచ్‌కు ఇచ్చి పెవిలియన్‌ చేరాడు. ఇక హెడ్‌ ఇన్నింగ్స్‌లో పది ఫోర్లతో పాటు.. ఒక సిక్సర్‌ కూడా ఉంది.టీ20 తరహా వీరబాదుడుఈ నేపథ్యంలో తనను టెస్టుల్లో ఓపెనర్‌గా ప్రమోట్‌ చేసినందుకు హెడ్‌.. మేనేజ్‌మెంట్‌కు పైసా వసూల్‌ ప్రదర్శన ఇచ్చాడంటూ అభిమానులు ప్రశంసిస్తున్నారు. టెస్టు ఫార్మాట్లోనూ టీ20 తరహా వీరబాదుడు బాదడం అతడికి మాత్రమే చెల్లుతుందంటూ కొనియాడుతున్నారు. ఇక సన్‌రైజర్స్‌ హైదరాబాద్‌ ఫ్యాన్స్‌ అయితే.. హెడ్‌ ఇప్పటి నుంచే ఐపీఎల్‌ మోడ్‌లోకి వెళ్లిపోయాడంటూ ఆకాశానికెత్తుతున్నారు.స్టీవ్‌ స్మిత్‌ సారథ్యంలోకాగా శ్రీలంకతో టెస్టులకు ఆస్ట్రేలియా రెగ్యులర్‌ టెస్టు కెప్టెన్‌ ప్యాట్‌ కమిన్స్‌ దూరంగా ఉన్నాడు. ఈ నేపథ్యంలో మాజీ సారథి స్టీవ్‌ స్మిత్‌ ఈ సిరీస్‌లో కంగారూ జట్టును ముందుండి నడిపిస్తున్నాడు. ఇక తాజా పర్యటనలో భాగంగా ఆస్ట్రేలియా శ్రీలంకతో రెండు టెస్టులతో పాటు.. కొలంబో వేదికగా రెండు వన్డేల సిరీస్‌ కూడా ఆడనుంది. ఫిబ్రవరి 14న రెండో వన్డేతో ఆసీస్‌ లంక టూర్‌ ముగుస్తుంది. ఇదిలా ఉంటే.. తొలి టెస్టులో హెడ్‌తో పాటు మరో ఓపెనర్‌ ఉస్మాన్‌ ఖవాజా కూడా అర్ధ శతకం పూర్తి చేసుకోగా.. వన్‌డౌన్‌ బ్యాటర్‌ మార్నస్‌ లబుషేన్‌ అతడికి సహకారం అందిస్తున్నాడు. లంకతో తొలి రోజు ఆటలో భాగంగా 29 ఓవర్లు ముగిసేసరికి ఆస్ట్రేలియా వికెట్‌ నష్టానికి 132 పరుగులు చేసింది.శ్రీలంక వర్సెస్‌ ఆస్ట్రేలియా తొలి టెస్టుతుదిజట్లుశ్రీలంకదిముత్ కరుణరత్నే, ఓషద ఫెర్నాండో, దినేష్ చండిమాల్, ఏంజెలో మాథ్యూస్, కమిందు మెండిస్, ధనంజయ డి సిల్వా (కెప్టెన్‌), కుశాల్ మెండిస్ (వికెట్), ప్రబాత్ జయసూర్య, నిషాన్ పీరిస్, జెఫ్రీ వాండర్సే, అసిత ఫెర్నాండో.ఆస్ట్రేలియాఉస్మాన్ ఖవాజా, ట్రవిస్ హెడ్, మార్నస్ లబుషేన్‌, స్టీవెన్ స్మిత్ (కెప్టెన్‌), జోష్ ఇంగ్లిస్, బ్యూ వెబ్‌స్టర్, అలెక్స్ కారీ (వికెట్‌ కీపర్‌), మిచెల్ స్టార్క్, మాథ్యూ కుహ్నెమాన్, నాథన్ లియోన్, టాడ్ మర్ఫీ.చదవండి: Suryakumar Yadav: అతడొక వరల్డ్‌క్లాస్‌ బౌలర్‌.. మా ఓటమికి కారణం అదేA Travis Head half century inside the first hour of Day 1 👀#SLvAUS pic.twitter.com/e5QNF4FaK3— 7Cricket (@7Cricket) January 29, 2025

వెస్టిండీస్‌తో రెండో టెస్టులో పాకిస్తాన్‌(Pakistan Vs West Indies) శుభారంభం చేసింది. వరుస విరామాల్లో వికెట్లు కూల్చి పర్యాటక జట్టును కోలుకోలేని దెబ్బ కొట్టింది. పాకిస్తాన్‌ బౌలర్ల దెబ్బకు విండీస్‌ బ్యాటింగ్‌ ఆర్డర్‌ పేకమేడలా కుప్పకూలింది. రెండు మ్యాచ్‌ల టెస్టు సిరీస్‌ ఆడేందుకు వెస్టిండీస్‌ క్రికెట్‌ జట్టు పాకిస్తాన్‌ పర్యటనకు వచ్చింది.ఈ క్రమంలో ఇరుజట్ల ముల్తాన్‌లో జనవరి 17- 21 వరకు జరిగిన తొలి టెస్టులో ఆతిథ్య పాక్‌ ఘన విజయం సాధించింది. విండీస్‌ను ఏకంగా 127 పరుగుల తేడాతో చిత్తు చేసింది. ఇక అదే వేదికపై శనివారం రెండో టెస్టు మొదలైంది. ఈ మ్యాచ్‌లో టాస్‌ గెలిచిన వెస్టిండీస్‌ తొలుత బ్యాటింగ్‌ ఎంచుకుంది.విండీస్‌ బ్యాటర్లకు చుక్కలుఅయితే, పాకిస్తాన్‌ స్పిన్నర్లు ఆది నుంచే విండీస్‌ బ్యాటర్లకు చుక్కలు చూపించారు. ఓపెనర్‌ మికైల్‌ లూయిస్‌(4)ను కశిఫ్‌ అలీ(Kashif Ali) పెవిలియన్‌కు పంపగా.. సాజిద్‌ ఖాన్‌(Sajid Khan) వన్‌డౌన్‌ బ్యాటర్‌ ఆమిర్‌ జాంగూ(0)ను రెండో వికెట్‌గా వెనక్కి పంపాడు.నొమన్‌ అలీ సరికొత్త చరిత్రఈ క్రమంలో పదో ఓవర్‌లో తన వికెట్ల వేట మొదలుపెట్టిన నొమన్‌ అలీ(Noman Ali) తొలుత కెప్టెన్‌ క్రెగ్‌ బ్రాత్‌వైట్‌(9)ను వికెట్ల ముందు దొరకబుచ్చుకున్నాడు. అనంతరం సాజిద్‌ ఖాన్‌ అథనాజ్‌(0) ను అవుట్‌ చేయగా.. నొమన్‌ అలీ మరోసారి యాక్షన్‌లోకి దిగాడు.విండీస్‌ ఇన్నింగ్స్‌లో పన్నెండో ఓవర్‌ మొదటి బంతి నుంచే చెలరేగిన ఈ వెటరన్‌ స్పిన్నర్‌ వరుస బంతుల్లో జస్టిన్‌ గ్రీవ్స్‌(1), టెవిన్‌ ఇమ్లాచ్‌(0), కెవిన్‌ సిన్‌క్లెయిర్‌(0)లను అవుట్‌ చేశాడు. ఇలా హ్యాట్రిక్‌ వికెట్లతో చెలరేగిన 38 ఏళ్ల నొమన్‌ అలీ.. సరికొత్త చరిత్ర సృష్టించాడు.పాకిస్తాన్‌ తరఫున టెస్టుల్లో హ్యాట్రిక్‌ తీసిన తొలి స్పిన్నర్‌గా నొమన్‌ అలీ రికార్డులకెక్కాడు. ఓవరాల్‌గా ఈ ఘనత సాధించిన ఐదో పాక్‌ బౌలర్‌గా నిలిచాడు. అతడి కంటే ముందు వసీం అక్రం, అబ్దుల్‌ రజాక్‌, మొహ్మద్‌ సమీ, నసీం షా ఈ ఫీట్‌ నమోదు చేశారు.పాకిస్తాన్‌ తరఫున టెస్టుల్లో హ్యాట్రిక్‌ తీసిన బౌలర్లువసీం అక్రం- 1999లో శ్రీలంకపై లాహోర్‌ వేదికగావసీం అక్రం- 1999లో శ్రీలంకపై ఢాకా వేదికగాఅబ్దుల్‌ రజాక్‌- 2000లో శ్రీలంకపై గాలే వేదికగానసీం షా- 2020లో బంగ్లాదేశ్‌పై రావల్పిండి వేదికగానొమన్‌ అలీ- 2025లో వెస్టిండీస్‌ ముల్తాన్‌ వేదికగా..163 పరుగులకు ఆలౌట్‌ఇక పాక్‌ బౌలర్ల ధాటికి వెస్టిండీస్‌ తొలి ఇన్నింగ్స్‌లో 163 పరుగులకే ఆలౌట్‌ అయింది. టెయిలెండర్‌ గుడకేశ్‌ మోటీ(55) అర్ధ శతకంతో చెలరేగగా.. కేమార్‌ రోచ్‌(25), జామెల్‌ వారికన్‌(36 నాటౌట్‌) రాణించారు. టాప్‌, మిడిలార్డర్‌లో కలిపి కేవెం హాడ్జ్‌(21) ఒక్కడే డబుల్‌ డిజిట్‌ స్కోరు సాధించాడు.

శ్రీలంకతో జరగనున్న రెండు మ్యాచ్‌ల టెస్టు సిరీస్‌కు ముందు ఆస్ట్రేలియా గుడ్ న్యూస్‌ అందింది. ఆ జట్టు స్టాండ్-ఇన్ కెప్టెన్ స్టీవ్ స్మిత్ పూర్తి ఫిట్‌నెస్‌ సాధించాడు. బిగ్ బాష్ లీగ్ 2024-25 సీజన్‌లో సిడ్నీ సిక్సర్‌కు ప్రాతినిథ్యం వహిస్తున్న స్మిత్‌.. ఆడిలైడ్‌ స్ట్రైకర్స్‌తో జరిగిన మ్యాచ్‌లో గాయపడ్డాడు. ఫీల్డింగ్‌ చేస్తుండగా స్మిత్‌ మోచేతికి గాయమైంది. దీంతో అతడు శ్రీలంక సిరీస్‌ కోసం దుబాయ్‌లో ఏర్పాటు చేసిన శిక్షణా శిబిరానికి ఆసీస్‌ జట్టుతో పాటు వెళ్లలేదు.ఈ క్రమంలో అతడు శ్రీలంక పర్యటనకు దూరం కానున్నాడని వార్తలు వినిపించాయి. కానీ సోమవారం నిర్వహించిన ఫిట్‌నెస్‌ పరీక్షలో ఈ ఆసీస్‌ సూపర్‌ స్టార్‌ పాసయ్యాడు. దీంతో క్రికెట్‌ ఆస్ట్రేలియా వైద్య బృందం అతడికి తిరిగి జట్టులో చేరేందుకు గ్రీన్ సిగ్నల్ ఇచ్చింది.కాగా వరల్డ్ టెస్టు ఛాంపియన్‌షిప్ 2023-25 సైకిల్‌లో ఆస్ట్రేలియా ఇదే ఆఖరి సిరీస్‌ కావడం గమనార్హం. ఇప్పటికే డబ్ల్యూటీసీ ఫైనల్ బెర్త్‌ను ఖారారు చేసుకున్న ఆసీస్‌.. తమ ఫైనల్‌ సిరీస్‌లో కూడా విజయ భేరి మ్రోగించాలని భావిస్తోంది. ఇరు జట్ల మధ్య జనవరి 29 నుంచి ఈ రెండు మ్యాచ్‌ల టెస్టు సిరీస్ ప్రారంభం కానుంది. ఈ సిరీస్‌కు రెగ్యూలర్ కెప్టెన్ ప్యాట్ కమ్మిన్స్(Pat cummins) దూరమయ్యాడు. అతడి భార్య రెండో బిడ్డకు జన్మనివ్వనుండడంతో ఈ సిరీస్ నుంచి కమ్మిన్స్ తప్పుకున్నాడు. అతడి స్దానంలో స్టీవ్ స్మిత్(Steve Smith ) జట్టు పగ్గాలు చేపట్టాడు.అదే విధంగా ఈ సిరీస్‌కు ఆసీస్‌ సెలక్టర్లు యువ సంచలనం కూపర్ కొన్నోలీకి తొలిసారి పిలుపునిచ్చారు. కాగా బోర్డర్‌ గవాస్కర్‌ ట్రోఫీని 3-1 తేడాతో ఆస్ట్రేలియా సొంతం చేసుకున్న సంగతి తెలిసిందే. దీంతో పదేళ్ల తర్వాత బీజీటీని కంగారులు రిటైన్‌ చేసుకున్నారు.లంకతో సిరీస్‌కు ఆస్ట్రేలియా జట్టు: స్టీవ్ స్మిత్ (కెప్టెన్‌), సీన్ అబాట్, స్కాట్ బోలాండ్, అలెక్స్ కారీ, కూపర్ కొన్నోలీ, ట్రావిస్ హెడ్ (వైస్ కెప్టెన్‌), జోష్ ఇంగ్లిస్, ఉస్మాన్ ఖవాజా, సామ్ కాన్స్టాస్, మాట్ కుహ్నెమాన్, మార్నస్ లాబుషేన్‌, నాథన్ లియోన్, నాథన్ మెక్‌స్వీనీ, టాడ్ మ‌ర్ఫీ , మిచెల్ స్టార్క్, బ్యూ వెబ్‌స్టర్చదవండి: జడేజా స్ధానంలో అతడికి ఛాన్స్‌ ఇవ్వాల్సింది: ఆకాష్‌ చోప్రా

వరల్డ్ టెస్టు ఛాంపియన్‌షిప్ 2023-25 సైకిల్‌లో ఆస్ట్రేలియా తమ ఆఖరి సిరీస్‌కు సిద్దమవుతోంది. ఇప్పటికే డబ్ల్యూటీసీ ఫైనల్ బెర్త్‌ను ఖారారు చేసుకున్న ఆసీస్‌.. రెండు మ్యాచ్‌ల టెస్టు సిరీస్‌లో తలపడేందుకు శ్రీలంక పర్యటనకు వెళ్లనుంది. ఇరు జట్ల మధ్య జనవరి 29 నుంచి ఈ రెండు మ్యాచ్‌ల టెస్టు సిరీస్ ప్రారంభం కానుంది.ఈ క్రమంలో లంకతో సిరీస్‌కు 16 మంది సభ్యులతో కూడిన తమ జట్టును క్రికెట్ ఆస్ట్రేలియా ప్రకటించింది. ఈ టూర్‌కు రెగ్యూలర్ కెప్టెన్ ప్యాట్ కమ్మిన్స్(Pat cummins) దూరమయ్యాడు. అతడి భార్య రెండో బిడ్డకు జన్మనివ్వనుండడంతో ఈ సిరీస్ నుంచి కమ్మిన్స్ తప్పుకున్నాడు. అతడి స్దానంలో స్టార్ బ్యాటర్ స్టీవ్ స్మిత్(Steve Smith ) ఎంపికయ్యాడు.స్టార్క్‌కు నో రెస్ట్‌..అదే విధంగా ఈ సిరీస్‌లో ఆస్ట్రేలియా స్టార్ పేసర్ మిచెల్ స్టార్క్ ఆడనున్నాడు. తొలుత అతడికి విశ్రాంతి ఇస్తారని వార్తలు వినిపించినప్పటికి, ఆసీస్ సెలక్టర్లు మాత్రం జట్టులో కొనసాగించారు. మరోవైపు స్టార్‌​ ‍పేసర్ జోష్ హాజిల్‌వుడ్ ప్రక్కటెముకుల గాయం కారణంగా ఈ సిరీస్‌కు దూరమయ్యాడు.భారత్‌తో జరిగిన సిరీస్‌లో గాయపడిన హాజిల్‌వుడ్‌.. ఇంకా కోలుకోవడానికి నెల రోజుల సమయం పట్టనున్నట్లు తెలుస్తోంది. అతడు తిరిగి ఛాంపియన్స్ ట్రోఫీకి అందుబాటులో రానున్నట్లు క్రికెట్ ఆస్ట్రేలియా వర్గాలు వెల్లడించాయి. ఈ లంక సిరీస్‌కు ఎంపికైన జట్టులో మిచెల్ స్టార్క్, సీన్ అబాట్, స్కాట్ బోలాండ్ ఫ్రంట్‌లైన్ పేసర్లగా ఉన్నారు.యువ సంచలనానికి పిలుపు..ఆస్ట్రేలియా అండర్‌-19 జట్టు మాజీ కెప్టెన్ కూపర్ కొన్నోలీకి తొలిసారి సెలక్టర్లు పిలుపునిచ్చారు. ఈ 16 మంది సభ్యుల జట్టులో కొన్నోలీకి చోటు దక్కింది. దేశీవాళీ క్రికెట్‌లో మెరుగైన ప్రదర్శన కనబరుస్తుండడంతో అతడిని సెలక్టర్లు ఎంపిక చేశారు. కొన్నోలీ ప్రస్తుతం బిగ్‌బాష్ లీగ్‌లో పెర్త్‌స్కార్చర్స్ త‌ర‌పున ఆడుతున్నాడు.ఈ 21 ఏళ్ల కొన్నోలీకి బ్యాటింగ్‌తో అద్బుత‌మైన బౌలింగ్ సిల్క్స్ కూడా ఉన్నాయి. ఇక భార‌త్‌తో టెస్టు సిరీస్‌కు దూరంగా ఉన్న స్పిన్న‌ర్లు మాట్ కుహ్నెమాన్, టాడ్ మర్ఫీ తిరిగి జ‌ట్టులోకి వ‌చ్చారు. అదేవిధంగా బీజీటీలో అద‌ర‌గొట్టిన సామ్ కాన్‌స్టాస్‌, వెబ్‌స్టార్‌ల‌ను శ్రీలంక సిరీస్‌కు కూడా ఆసీస్ సెల‌క్ట‌ర్లు కొన‌సాగించారు.ఆస్ట్రేలియా జట్టు: స్టీవ్ స్మిత్ (కెప్టెన్‌), సీన్ అబాట్, స్కాట్ బోలాండ్, అలెక్స్ కారీ, కూపర్ కొన్నోలీ, ట్రావిస్ హెడ్ (వైస్ కెప్టెన్‌), జోష్ ఇంగ్లిస్, ఉస్మాన్ ఖవాజా, సామ్ కాన్స్టాస్, మాట్ కుహ్నెమాన్, మార్నస్ లాబుషేన్‌, నాథన్ లియోన్, నాథన్ మెక్‌స్వీనీ, టాడ్ మ‌ర్ఫీ , మిచెల్ స్టార్క్, బ్యూ వెబ్‌స్టర్చదవండి: 'రోహిత్‌ నిర్ణయం సరైనది కాదు.. ఇక టెస్టులకు విడ్కోలు పలికితే బెటర్‌'

వెస్టిండీస్‌ క్రికెట్‌ జట్టు 18 ఏళ్ల తర్వాత పాకిస్తాన్‌లో పర్యటిస్తోంది. చివరిసారిగా 2006లో పాకిస్తాన్‌లో టెస్టు మ్యాచ్‌ ఆడిన వెస్టిండీస్‌... మళ్లీ ఇన్నేళ్ల తర్వాత టెస్టు సిరీస్‌ ఆడేందుకు సోమవారం ఇస్లామాబాద్‌లో అడుగు పెట్టింది. ఈ మధ్య కాలంలో కరీబియన్‌ జట్టు పాకిస్తాన్‌ గడ్డపై రెండుసార్లు పరిమిత ఓవర్ల సిరీస్‌లు ఆడింది. రెండు మ్యాచ్‌ల సిరీస్‌లో భాగంగా ఈ నెల 16 నుంచి కరాచీ వేదికగా తొలి టెస్టు ప్రారంభం కానుంది. 24 నుంచి జరగనున్న రెండో టెస్టుకు ముల్తాన్‌ ఆతిథ్యమిస్తుంది. అంతకుముందు 10 నుంచి విండీస్‌ జట్టు పాకిస్తాన్‌ షాహీన్స్‌తో మూడు రోజుల ప్రాక్టీస్‌ మ్యాచ్‌ ఆడనుంది.ఐసీసీ ప్రపంచ టెస్టు చాంపియన్‌షిప్‌ 2023–25లో ఇరు జట్లు పెద్దగా ప్రభావం చూపలేకపోయాయి. విండీస్‌ జట్టుకు క్రెయిగ్‌ బ్రాత్‌వైట్‌ సారథ్యం వహిస్తుండగా... అమీర్‌ జాంగో తొలిసారి టెస్టు జట్టుకు ఎంపికయ్యాడు. పాకిస్తాన్‌ ఇంకా తమ జట్టును ప్రకటించాల్సి ఉంది.పాక్‌ ప్రస్తుతం దక్షిణాఫ్రికా పర్యటనలో ఉంది. ప్రోటీస్‌తో జరిగిన రెండు మ్యాచ్‌ల టెస్టు సిరీస్‌లో 2-0తో పాక్‌ వైట్‌వాష్‌కు గురైంది. ఒకట్రెండు రోజుల్లో పాక్‌ జట్టు స్వదేశంలో అడుగుపెట్టనుంది. అయితే ఈ సిరీస్‌కు పాక్‌ యువ ఓపెనర్‌ సైమ్‌ అయూబ్‌ దూరమయ్యే అవకాశముంది.దక్షిణాఫ్రికాతో జరిగిన రెండో టెస్టులో అయూబ్‌ కూడి కాలి పాదానికి గాయమైంది. దీంతో అతడు మ్యాచ్‌ మధ్యలోనే వైదొలిగాడు. అతడు శస్త్ర చికిత్స కోసం లండన్‌కు వెళ్లనున్నాడు. ఛాంపియన్స్‌ ట్రోఫీ సమయానికి ఫిట్‌నెస్‌ సాధించడం లక్ష్యంగా పెట్టుకున్నాడు. ఈ క్రమంలోనే విండీస్‌తో రెడ్‌ బాల్‌ సిరీస్‌కు అతడు దూరం కానున్నాడు.వెస్టిండీస్‌ జట్టు: క్రెయిగ్‌ బ్రాత్‌వైట్‌ (కెప్టెన్‌), అలిక్‌ అథనాజ్, కీసీ కార్టీ, జోషువా డిసిల్వా, జస్టిన్‌ గ్రేవ్స్, కవెమ్‌ హాడ్జ్, టెవిన్‌ ఇమ్లాచ్, అమీర్‌ జంగూ, మికిల్‌ లూయిస్, గుడకేశ్‌ మోతీ, అండర్సన్‌ ఫిలిప్, కీమర్‌ రోచ్, జేడెన్‌ సీల్స్, కెవిన్‌ సింక్లెయిర్, వారికన్‌.చదవండి: ఆసీస్‌ గడ్డపై ఎంతో నేర్చుకున్నాను.. మళ్లీ బలంగా పైకి లేస్తాం: జైస్వాల్‌

దక్షిణాఫ్రికా(South Afrcia) గడ్డపై వన్డే సిరీస్‌ ‘క్లీన్‌స్వీప్‌’ చేసి చరిత్ర సృష్టించిన పాకిస్తాన్‌ క్రికెట్‌ జట్టు... టెస్టు సిరీస్‌లో మాత్రం తేలిపోయింది. రెండు మ్యాచ్‌ల టెస్టు సిరీస్‌లో ప‌ర్యాట‌క పాకిస్తాన్ ‘వైట్‌వాష్‌’కు గురైంది. కేప్‌టౌన్ వేదిక‌గా సోమ‌వారం(జ‌న‌వ‌రి 6) ముగిసిన రెండో టెస్టులో పాక్‌పై 10 వికెట్ల తేడాతో దక్షిణాఫ్రికా ఘనవిజయం సాధించింది. దీంతో టెస్టు సిరీస్‌ను 2-0 తేడాతో సౌతాఫ్రికా సొంతం చేసుకుంది.ఫాలో ఆన్‌లో అదుర్స్‌..కాగా తొలి ఇన్నింగ్స్‌లో నిరాశ‌ప‌రిచిన పాకిస్తాన్ ఫాలో ఆన్‌లో మాత్రం అద్భుత‌మైన పోరాటం ప‌ట‌మక‌న‌బ‌రిచింది. ఓవర్‌నైట్‌ స్కోరు 213/1తో మూడో రోజు రెండో ఇన్నింగ్స్‌ కొనసాగించిన పాకిస్తాన్ ఆఖ‌రికి 122.1 ఓవర్లలో 478 పరుగులకు ఆలౌటైంది. దీంతో స‌ఫారీల ముందు పాకిస్తాన్ కేవ‌లం 58 పరుగుల స్వల్ప లక్ష్యం ఉంచ‌గ‌ల్గింది.పాక్ ఇన్నింగ్స్‌లో కెప్టెన్‌ షాన్‌ మసూద్‌ (251 బంతుల్లో 145; 17 ఫోర్లు) భారీ సెంచరీతో ఆకట్టుకోగా... ఆఘా సల్మాన్‌ (95 బంతుల్లో 48; 5 ఫోర్లు), మొహమ్మద్‌ రిజ్వాన్‌ (75 బంతుల్లో 41; 2 ఫోర్లు), ఆమేర్‌ జమాల్‌ (34; 7 ఫోర్లు) రాణించారు. సఫారీ బౌలర్లలో కగిసో రబడ, కేశవ్‌ మహరాజ్‌ చెరో 3 వికెట్లు పడగొట్టారు.ఊదిప‌డేసిన సౌతాఫ్రికా..ఇక 58 ప‌రుగుల స్వ‌ల్ప ల‌క్ష్యాన్ని సౌతాఫ్రికా వికెట్‌ కోల్పోకుండా 7.1 ఓవర్లలో ఊదిప‌డేసింది. డేవిడ్‌ బెడింగ్‌హమ్‌ (30 బంతుల్లో 44 నాటౌట్‌; 4 ఫోర్లు, 2 సిక్స్‌లు), మార్క్‌రమ్‌ (14 నాటౌట్‌) ధాటిగా ఆడి మ్యాచ్‌ను ముగించారు.ద‌క్షిణాఫ్రికా తమ తొలి ఇన్నింగ్స్‌లో 615 పరుగుల భారీ స్కోరు చేయగా... పాకిస్తాన్ మాత్రం త‌మ మొద‌టి ఇన్నింగ్స్‌లో 194 పరుగులకే ఆలౌటైంది. ఈ క్ర‌మంలోనే పాక్ ఫాలో ఆన్ ఆడాల్సి వ‌చ్చింది. ఇక తొలి ఇన్నింగ్స్‌లో డ‌బుల్ సెంచ‌రీతో చెలరేగిన రికెల్టన్‌కు ‘ప్లేయర్‌ ఆఫ్‌ ద మ్యాచ్‌’, మార్కో యాన్సెన్‌కు ‘ప్లేయర్‌ ఆఫ్‌ ద సిరీస్‌’ అవార్డులు దక్కాయి.కాగా దక్షిణాఫ్రికా ఇప్పటికే తమ డబ్ల్యూటీసీ ఫైనల్‌ బెర్త్‌ను ఖారారు చేసుకున్న సంగతి తెలిసిందే. జూన్‌ 11 నుంచి లార్డ్స్‌ వేదికగా ప్రారంభం కానున్న తుది పోరులో ఆస్ట్రేలియాతో దక్షిణాఫ్రికా తలపడనుంది.చదవండి: Jasprit Bumrah: భయం పుట్టించాడు!

సౌతాఫ్రికా- పాకిస్తాన్‌ మధ్య రెండో టెస్టు సందర్భంగా వియాన్‌ ముల్దర్‌(Wiaan Mulder)- బాబర్‌ ఆజం(Babar Azam) మధ్య వాగ్వాదం జరిగింది. తన పట్ల దురుసుగా ప్రవర్తించినందుకు బాబర్‌ వియాన్‌ ముల్దర్‌ వైపునకు దూసుకువచ్చాడు. ఈ క్రమంలో ఇద్దరి మధ్య గొడవ ముదరగా.. ఫీల్డ్‌ అంపైర్‌ జోక్యం చేసుకుని ఇరువురికి నచ్చజెప్పాడు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.మిశ్రమ ఫలితాలుకాగా మూడు టీ20, మూడు వన్డే, రెండు టెస్టు మ్యాచ్‌ల సిరీస్‌లు ఆడేందుకు పాకిస్తాన్‌ సౌతాఫ్రికా పర్యటనకు వెళ్లింది. ఈ క్రమంలో ఇరుజట్ల మధ్య తొలుత టీ20 సిరీస్‌ జరుగగా.. ఆతిథ్య జట్టు 2-0తో నెగ్గింది. అనంతరం వన్డే సిరీస్‌లో మాత్రం పర్యాటక పాకిస్తాన్‌ జట్టు అద్భుత ప్రదర్శన కనబరిచింది. చరిత్రలోనూ ఎన్నడూ లేనివిధంగా.. సౌతాఫ్రికా గడ్డపై 3-0తో వన్డే సిరీస్‌ను క్లీన్‌స్వీప్‌ చేసింది.అరుదైన ఘనతతద్వారా ప్రొటిస్‌ దేశంలో ఈ ఘనత సాధించిన మొట్టమొదటి జట్టుగా మహ్మద్‌ రిజ్వాన్‌ బృందం నిలిచింది. అయితే, టెస్టు సిరీస్‌లో మాత్రం పాకిస్తాన్‌ జట్టు తడబడుతోంది. సెంచూరియన్‌లో జరిగిన తొలి టెస్టులో సౌతాఫ్రికా చేతిలో రెండు వికెట్ల తేడాతో షాన్‌ మసూద్‌ బృందం ఓటమిపాలైంది. ఇక శుక్రవారం మొదలైన రెండో టెస్టులోనూ కష్టాల్లో కూరుకుపోయింది.రెకెల్టన్‌ భారీ డబుల్‌ సెంచరీకేప్‌టౌన్‌లో జరుగుతున్న రెండో టెస్టులో టాస్‌ గెలిచిన సౌతాఫ్రికా తొలుత బ్యాటింగ్‌ చేసింది. ఓపెనర్‌ రియాన్ రెకెల్టన్‌ భారీ డబుల్‌ సెంచరీ(259)తో విరుచుకుపడగా.. కెప్టెన్‌ తెంబా బవుమా(106), వికెట్‌ కీపర్‌ బ్యాటర్‌ వెరియెన్నె(100) కూడా శతక్కొట్టారు. మార్కో జాన్సెన్‌(62) అర్ధ శతకంతో రాణించగా.. కేశవ్‌ మహరాజ్‌ తన వంతుగా 40 పరుగులు సాధించాడు. ఫలితంగా తొలి ఇన్నింగ్స్‌లో సౌతాఫ్రికా ఏకంగా 615 పరుగులు స్కోరు చేసింది.ఈ క్రమంలో బ్యాటింగ్‌కు దిగిన పాకిస్తాన్‌ 194 పరుగులకే కుప్పకూలింది. పాక్‌ తొలి ఇన్నింగ్స్‌లో బాబర్‌ ఆజం 58 పరుగులతో టాప్‌ స్కోరర్‌గా నిలవగా.. వికెట్‌ కీపర్‌ బ్యాటర్‌ మహ్మద్‌ రిజ్వాన్‌ 46 పరుగులు చేశాడు. ప్రొటిస్‌ బౌలర్లలో రబడ మూడు వికెట్లు తీయగా.. క్వెనా మఫాకా, కేశవ్‌ మహరాజ్‌ చెరో రెండు, మార్కో జాన్సెన్‌, వియాన్‌ ముల్దర్‌ ఒక్కో వికెట్‌ దక్కించుకున్నారు.షాన్‌ మసూద్‌ శతకం.. సెంచరీ మిస్‌ అయిన బాబర్‌ ఆజంఈ నేపథ్యంలో.. మొదటి ఇన్నింగ్స్‌లో 200కు పైగా ఆధిక్యం సంపాదించిన సౌతాఫ్రికా పాకిస్తాన్‌ను ఫాలో ఆన్‌ ఆడిస్తోంది. దీంతో వెంటనే రెండో ఇన్నింగ్స్‌ మొదలుపెట్టిన పాక్‌ జట్టు శుభారంభం చేయగలిగింది. కెప్టెన్‌ షాన్‌ మసూద్‌ సెంచరీ(145)తో చెలరేగగా.. బాబర్‌ ఆజం కూడా శతకం దిశగా పయనించాడు. అయితే, సోమవారం నాటి ఆటలో భాగంగా 81 పరుగుల వ్యక్తిగత స్కోరు వద్ద ఉండగా.. జాన్సెన్‌ బౌలింగ్‌లో బెడింగ్‌హామ్‌కు క్యాచ్‌ ఇచ్చి పెవిలియన్‌ చేరాడు.అయితే, అంతకంటే ముందు అంటే.. ఆదివారం నాటి ఆటలో భాగంగా బాబర్‌ ఆజం- ప్రొటిస్‌ పేసర్‌ వియాన్‌ ముల్దర్‌ మధ్య గొడవ జరింది. తన బౌలింగ్‌లో షాట్‌ ఆడేందుకు ప్రయత్నించి బాబర్‌ విఫలం కాగా.. ముల్దర్‌ బంతిని చేజిక్కించుకుని బ్యాటర్‌ వైపు బలంగా విసిరాడు.సౌతాఫ్రికా పేసర్‌ దూకుడు.. ఉరిమి చూసిన బాబర్‌ ఆజంఅప్పటికే ప్రమాదాన్ని పసిగట్టిన బాబర్‌ ఆజం వికెట్లకు కాస్త దూరంగానే ఉన్నా బంతి అతడికి తాకింది. దీంతో బాబర్‌ కోపోద్రిక్తుడై.. చూసుకోవా అన్నట్లుగా ముల్దర్‌వైపు ఉరిమి చూశాడు. అయితే, అతడు కూడా ఏమాత్రం తగ్గకుండా బాబర్‌ను చూస్తూ దూకుడుగా మాట్లాడాడు. దీంతో గొడవ పెద్దదయ్యే సూచన కనిపించగా అంపైర్‌ జోక్యం చేసుకుని ఇద్దరినీ సముదాయించాడు. ఇక ఈ మ్యాచ్‌లో 352 పరుగులకు సగం వికెట్లు కోల్పోయిన పాకిస్తాన్‌.. ఓటమి నుంచి తప్పించుకునేందుకు పోరాడుతోంది.Fight moment between Babar Azam and Wiaan Mulder. 🥵Wiaan Mulder unnecessary throws the ball at Babar Azam & showing him verbal aggression. #BabarAzam𓃵 #PAKvsSA #SAvPAK pic.twitter.com/PZnPNTWELZ— Ahtasham Riaz (@ahtashamriaz22) January 5, 2025

జస్‌ప్రీత్‌ బుమ్రా(Jasprit Bumrah)... ప్రపంచంలోని అత్యుత్తమ ఫాస్ట్‌ బౌలర్లలో ఒకడు. దిగ్గజ క్రికెటర్ల నుంచి అభిమానుల వరకు అందరూ ఇదే మాట చెబుతారనడంలో సందేహం లేదు. గత కొన్నేళ్లుగా టీమిండియా పేస్‌ దళ నాయకుడిగా కొనసాగుతున్న బుమ్రా.. బోర్డర్‌- గావస్కర్‌ ట్రోఫీ(Border Gavaskar Trophy) 2024-25 సిరీస్‌లోనూ భారమంతా తానే మోస్తున్నాడు. గట్టెక్కించగలిగే వీరుడు బుమ్రాఆస్ట్రేలియాతో పెర్త్‌ టెస్టులో సారథిగా భారత్‌కు భారీ విజయం అందించిన బుమ్రా.. సిడ్నీ టెస్టు సందర్భంగా మరోసారి సారథ్య బాధ్యతలు చేపట్టాడు. ఈ నేపథ్యంలో టీమిండియా అభిమానులంతా బుమ్రా నామసర్మణ చేస్తున్నారు. ఆసీస్‌తో ఆఖరి టెస్టు గండాన్ని గట్టెక్కించగలిగే వీరుడు బుమ్రా మాత్రమే అని విశ్వసిస్తున్నారు. నిజానికి.. స్వదేశంలో జరిగే సిరీస్‌లలో టీమిండియా స్పిన్నర్లదే పైచేయి గా నిలుస్తుంది. కానీ విదేశీ గడ్డపై జరిగే సిరీస్‌లలో అక్కడి పిచ్లకు అనుగుణంగా పేస్ బౌలర్లు ప్రధాన పాత్ర వహిస్తారు. అయితే ఇక్కడే టీమిండియా మేనేజ్‌మెంట్‌ ముందు చూపుతూ వ్యవహరించడంలో విఫలమైందని చెప్పవచ్చు.షమీ ఉంటే బుమ్రాపై భారం తగ్గేదిఆస్ట్రేలియా వంటి ఎంతో ప్రాముఖ్యం గల సిరీస్ ముందుగా పేస్ బౌలర్లని పదును పెట్టడంలో బోర్డు వైఫల్యం స్పష్టంగా కనిపిస్తోంది. సీనియర్ పేస్ బౌలర్ మహమ్మద్ షమీకి గాయంతో దూరం కావడం భారత్ జట్టుకు ప్రధాన సమస్యగా మారింది. షమీ ఎంతో అనుభవజ్ఞుడు. పైగా ఆస్ట్రేలియాలో గతంలో రాణించి తన నైపుణ్యాన్ని నిరూపించుకున్నాడు. షమీ అండగా ఉన్నట్లయితే బుమ్రా పై ఇంతటి ఒత్తిడి ఉండేది కాదన్నది వాస్తవం.గతంలో బుమ్రాతో పాటు భువనేశ్వర్ కుమార్, ఇషాంత్ శర్మ, ఉమేష్ యాదవ్ వంటి బౌలర్లు జట్టులో ఉన్నప్పుడు భారత్ పేస్ బౌలింగ్ పటిష్టంగా ఉండేది. మహమ్మద్ సిరాజ్ చాల కాలంగా జట్టులో ఉన్నప్పటికీ, నిలకడగా రాణించడం లో విఫలమయ్యాడనే చెప్పాలి.యువ బౌలర్లకు సరైన మార్గదర్శకత్వం ఏది?ఈ నేపధ్యంలో ఇండియన్ ప్రీమియర్ లీగ్(ఐపీఎల్‌)లో ఎంతోమంది యువ బౌలర్లు రంగ ప్రవేశం చేస్తున్నప్పటికీ వారికి సరైన తర్ఫీదు ఇవ్వడంలోనూ.. సీనియర్ బౌలర్లు గాయాల బారిన పడకుండా వారిని సరైన విధంగా మేనేజ్ చేయడంలో భారత్ క్రికెట్ కంట్రోల్ బోర్డు విఫలమైంది. ఐపీఎల్ పుణ్యమా అని భారత్ క్రికెట్‌కు ప్రస్తుతం పేస్ బౌలర్ల కొరత లేదు. కానీ ఉన్నవారికి సరైన తర్ఫీదు ఇచ్చి వారు అంతర్జాతీయ టెస్టు క్రికెట్ లో రాణించే విధంగా తీర్చిదిద్దడం కచ్చితంగా బోర్డుదే బాధ్యత. ఇటీవల కాలంలో ఉమ్రాన్ మాలిక్, మయాంక్ యాదవ్, నవదీప్ సైనీ, శార్దూల ఠాకూర్, అర్షదీప్ సింగ్, వరుణ్ ఆరోన్‌, టి నటరాజన్ వంటి అనేక మంది యువ బౌలర్లు ఐపీఎల్ క్రికెట్ లో రాణిస్తున్నారు. వారికి భారత్ క్రికెట్ జట్టు అవసరాలకి అనుగుణంగా సరైన రీతిలో తర్ఫీదు ఇస్తే బాగుంటుంది.వాళ్లకు అనుభవం తక్కువఇక తాజా బోర్డర్‌- గావస్కర్‌ ట్రోఫీ సిరీస్‌కు బుమ్రా, సిరాజ్‌లతో పాటు ఆకాశ్‌ దీప్‌, ప్రసిద్‌ కృష్ణ, హర్షిత్‌ రాణా కూడా ఎంపికయ్యారు. అయితే, ఈ ముగ్గురూ అదనపు పేసర్లుగా అందుబాటులో ఉన్నప్పటికీ బుమ్రా, సిరాజ్‌లపైనే భారం పడింది. అయితే, సిరాజ్‌ నిలకడలేమి కారణంగా బుమ్రా ఒక్కడే బాధ్యత తీసుకోవాల్సి వచ్చింది.నిజానికి.. బుమ్రా ఈ సిరీస్ లో సంచలనం సృష్టించాడు. ఒంటి చేత్తో తొలి టెస్టులో భారత జట్టుకి విజయం చేకూర్చాడు. ఈ సిరీస్‌లో ఇంతవరకు 12.64 సగటుతో 32 వికెట్లు పడగొట్టి, ఆస్ట్రేలియాతో జరిగిన టెస్టు సిరీస్‌లో అత్యధిక వికెట్లు తీసిన భారత బౌలర్‌గా రికార్డ్ నెలకొల్పాడు.మూడు మార్లు ఐదు కన్నా ఎక్కువ వికెట్లు తీసుకున్నాడు. 1977-78 ఆస్ట్రేలియా పర్యటనలో బిషన్ సింగ్ బేడీ 31 వికెట్ల రికార్డును బుమ్రా ఈ టెస్ట్ మ్యాచ్‌లో అధిగమించడం విశేషం. అయితే, ఆఖరిదైన సిడ్నీ టెస్టులో భాగంగా శనివారం నాటి రెండో రోజు ఆట సందర్భంగా బుమ్రా గాయపడ్డాడు. అయితే, మైదానం నుంచి నిష్క్రమించే ముందు బుమ్రా కీలకమైన ఆస్ట్రేలియన్ బ్యాటర్ మార్నస్ లబుషేన్‌ని అవుట్ చేయడం ద్వారా ఈ రికార్డు నెలకొల్పాడు.చివరి ఇన్నింగ్స్‌లో బుమ్రా బౌలింగ్‌పై అనిశ్చితి సిడ్నీ క్రికెట్ గ్రౌండ్ (SCG)లో జరుగుతున్న ఐదవ మరియు చివరి టెస్టులో రెండో రోజు ఆటలో అసౌకర్యానికి గురైన బుమ్రా మ్యాచ్ మధ్యలో వైదొలిగాడు. బుమ్రా వెన్నునొప్పితో బాధపడుతున్నట్లు తెలిసింది. మ్యాచ్ అనంతరం పేసర్ ప్రసిద్ధ్ కృష్ణ మాట్లాడుతూ బుమ్రా పరిస్థితిపై వివరణ ఇచ్చాడు. బుమ్రా పరిస్థితిని భారత వైద్య బృందం నిశితంగా పరిశీలిస్తోందని పేర్కొన్నాడు. "జస్‌ప్రీత్‌ బుమ్రాకు వెన్నునొప్పి ఉంది. వైద్య బృందం అతడిని పర్యవేక్షిస్తోంది" అని వ్యాఖ్యానించాడు.3 ఐపీఎల్‌ సీజన్లకు సరిపడా ఓవర్లు వేశాడునిజానికి 2024 నుంచి ఇప్పటి దాకా(జనవరి 4) టెస్టుల్లో అత్యధిక బంతులు బౌల్‌ చేసింది బుమ్రానే. ఏకంగా 367 ఓవర్లు అంటే.. 2202 బాల్స్‌ వేసింది అతడే!.. ఈ విషయంలో బుమ్రా తర్వాతి స్థానంలో ఇంగ్లండ్‌ పేసర్‌ గస్‌ అట్కిన్సన్‌(1852 బాల్స్‌) ఉన్నాడు.ఇక బుమ్రా బోర్డర్‌- గావస్కర్‌ ట్రోఫీలో ఇప్పటి వరకు 908 బంతులు వేశాడు. అంటే 151.2 ఓవర్లు అన్నమాట. ఇది ఐపీఎల్‌ మూడు సీజన్లలో ఒక బౌలర్‌ వేసే ఓవర్లకు దాదాపు సమానం. ఐపీఎల్‌లో 14 లీగ్‌ మ్యాచ్‌లు ఆడి.. ప్రతి మ్యాచ్‌లోనూ నాలుగు ఓవర్ల కోటాను బౌలర్‌ పూర్తి చేశాడంటే.. మూడు సీజన్లు కలిపి అతడి ఖాతాలో 168 ఓవర్లు జమవుతాయి. అదే.. 13 మ్యాచ్‌లు ఆడితే 156 ఓవర్లు. అదీ సంగతి. ఇంతటి భారం పడితే ఏ పేసర్‌ అయినా గాయపడకుండా ఉంటాడా? ఇందుకు బోర్డు బాధ్యత వహించనక్కర్లేదా?!చదవండి: నిజమైన నాయకుడు.. అసలైన లెజెండ్‌: సురేశ్‌ రైనా

యువ పేసర్‌ ప్రసిద్‌ కృష్ణ సేవలను ఉపయోగించుకోవడంలో టీమిండియా యాజమాన్యం విఫలమైందని భారత మాజీ క్రికెటర్‌ దొడ్డ గణేశ్‌ అన్నాడు. ఫామ్‌లో ఉన్న బౌలర్‌కు అవకాశం ఇవ్వకపోవడాన్ని మూర్ఖపు చర్యగా అభివర్ణించాడు. వేరొకరిని తుదిజట్టులో ఆడించడం కోసం ప్రసిద్‌ను పక్కనపెట్టడం సరికాదని పేర్కొన్నాడు. కాగా 2023లో టెస్టుల్లో అరంగేట్రం చేశాడు 28 ఏళ్ల ప్రసిద్‌(Prasidh Krishna).షమీ లేకపోవడంతోకర్ణాటకకు చెందిన ఈ రైటార్మ్‌ ఫాస్ట్‌బౌలర్‌ సౌతాఫ్రికాతో టెస్టు సిరీస్‌ సందర్భంగా ఎంట్రీ ఇచ్చి.. రెండు మ్యాచ్‌లలో కలిపి ఐదు వికెట్లు తీశాడు. అయితే, ఆ తర్వాత మళ్లీ టెస్టు జట్టులో స్థానం సంపాదించలేకపోయాడు. అయితే, బోర్డర్‌- గావస్కర్‌ ట్రోఫీ(Border Gavaskar Trophy)కి సీనియర్‌ పేసర్‌ మహ్మద్‌ షమీ దూరమైన కారణంగా ప్రసిద్‌కు మరోసారి టెస్టు జట్టులో చోటు దక్కింది.పేస్‌ దళ నాయకుడు జస్‌ప్రీత్‌ బుమ్రా, మహ్మద్‌ సిరాజ్‌తో పాటు యువ ఆటగాళ్లు హర్షిత్‌ రాణా, ఆకాశ్‌ దీప్‌లతో కలిసి ఫాస్ట్‌ బౌలర్ల విభాగంలో ప్రసిద్‌ స్థానం సంపాదించాడు. అయితే, బుమ్రా, సిరాజ్‌లతో పాటు హర్షిత్‌ రాణాకు మేనేజ్‌మెంట్‌ ప్రాధాన్యం ఇచ్చింది. పెర్త్‌ వేదికగా అతడికి అరంగేట్రం చేసే అవకాశం ఇచ్చింది. ఫలితంగా ప్రసిద్‌ కృష్ణకు మొండిచేయి ఎదురైంది.ఆకాశ్‌ దీప్‌ గాయం కారణంగాఇక ఆసీస్‌తో తొలి టెస్టులో నాలుగు వికెట్లతో చెలరేగిన హర్షిత్‌ రాణా.. అడిలైడ్‌లో జరిగిన పింక్‌ బాల్‌ టెస్టులో మాత్రం తేలిపోయాడు. ఒక్క వికెట్‌ కూడా తీయలేకపోయాడు. ఈ క్రమంలో హర్షిత్‌పై వేటు వేసిన యాజమాన్యం.. తర్వాతి రెండు టెస్టుల్లో ఆకాశ్‌ దీప్‌ను ఆడించింది. దీంతో మరోసారి ప్రసిద్‌ బెంచ్‌కే పరిమితం కావాల్సి వచ్చింది.అయితే, కీలకమైన ఐదో టెస్టుకు ముందు ఆకాశ్‌ గాయపడటంతో ప్రసిద్‌ కృష్ణకు ఎట్టకేలకు తుదిజట్టులో చోటు దక్కింది. సిడ్నీ వేదికగా జరుగుతున్న ఈ ఆఖరి టెస్టులో ప్రసిద్‌ మెరుగ్గా రాణించాడు. స్టీవ్‌ స్మిత్‌(33), అలెక్స్‌ క్యారీ(21), బ్యూ వెబ్‌స్టర్‌(57) రూపంలో మూడు కీలక వికెట్లు తీసి ఆసీస్‌ను దెబ్బకొట్టాడు.అనధికారిక సిరీస్‌లోనూ సత్తా చాటిమొత్తంగా 15 ఓవర్ల బౌలింగ్‌లో కేవలం 42 పరుగులే ఇచ్చి ఇలా విలువైన వికెట్లు తీసి.. తొలి ఇన్నింగ్స్‌లో ఆస్ట్రేలియాను 181 పరుగులకే ఆలౌట్‌ చేయడంలో ప్రసిద్‌ తన వంతు పాత్ర పోషించాడు. వచ్చిన అవకాశాన్ని సద్వినియోగం చేసుకుని.. తన సత్తా ఏమిటో చాటుకోగలిగాడు. అంతేకాదు.. అంతకు ముందు భారత్‌-‘ఎ’ తరఫున ఆస్ట్రేలియా- ‘ఎ’ జట్టుతో అనధికారిక సిరీస్‌లోనూ ప్రసిద్ కృష్ణ పది వికెట్లతో మెరిశాడు.తప్పు చేశారుఈ నేపథ్యంలో భారత మాజీ క్రికెటర్‌, కర్ణాటకకు చెందిన దొడ్డ గణేశ్‌ స్పందిస్తూ.. ‘‘టెస్టు సిరీస్‌ మొదలుకావడానికి ముందు భారత్‌-‘ఎ’ తరఫున అతడి ప్రదర్శన ఎలా ఉందో చూసిన తర్వాత కూడా.. ప్రసిద్‌ను కాదని హర్షిత్‌ రాణాను ఎంపిక చేయడం బుర్రలేని పని. ప్రసిద్‌ మంచి రిథమ్‌లో ఉన్నాడు. అయినా సరే.. సిరీస్‌ ఆరంభం నుంచి అతడిని తుదిజట్టులోకి తీసుకోకుండా మేనేజ్‌మెంట్‌ తప్పుచేసింది’’ అని పేర్కొన్నాడు.కాగా సిడ్నీ వేదికగా శుక్రవారం మొదలైన ఐదో టెస్టులో టాస్ గెలిచిన భారత్‌ తొలుత బ్యాటింగ్‌ చేసింది. తొలి ఇన్నింగ్స్‌లొ 185 పరుగులకు ఆలౌట్‌ అయింది. అనంతరం ఆసీస్‌ను 181 పరుగులకే కుప్పకూల్చి నాలుగు పరుగుల స్వల్ప ఆధిక్యం సంపాదించింది. అనంతరం శనివారం నాటి రెండో రోజు ఆట పూర్తయ్యేసరికి 32 ఓవర్లలో ఆరు వికెట్ల నష్టానికి బారత్‌ 141 పరుగులు చేసింది. తొలి ఇన్నింగ్స్‌తో కలుపుకొని ఆసీస్‌ కంటే 145 పరుగుల ఆధిక్యంలో నిలిచింది.చదవండి: IND vs AUS: పంత్‌ సరికొత్త చరిత్ర.. ప్రపంచంలోనే తొలి ప్లేయర్‌గా రికార్డు

చాంపియన్స్‌ ట్రోఫీ-2025​కి ముందు పాకిస్తాన్‌కు గట్టి ఎదురుదెబ్బ తగిలింది. సూపర్‌ ఫామ్‌లో ఉన్న యువ బ్యాటర్‌ సయీమ్‌ ఆయుబ్‌(Saim Ayub) తీవ్రంగా గాయపడ్డాడు. సౌతాఫ్రికాతో రెండో టెస్టు సందర్భంగా అతడు చీలమండ నొప్పితో విలవిల్లాడాడు. ఈ క్రమంలో ఫిజియోలు వచ్చి పరీక్షించినా ఫలితం లేకపోయింది.ఫలితంగా ఆయుబ్‌ను మైదానం నుంచి బయటకు తీసుకువెళ్లారు. కాగా 2023లో పాక్‌ తరఫున అంతర్జాతీయ క్రికెట్‌లో అడుగుపెట్టిన 22 ఏళ్ల ఈ బ్యాటింగ్‌ ఆల్‌రౌండర్‌.. గతేడాది వన్డే, టెస్టుల్లోనూ ఎంట్రీ ఇచ్చాడు. ఇప్పటి వరకు 27 టీ20లలో 498 పరుగులు చేసిన ఆయుబ్‌.. ఏడు టెస్టుల్లో 364 రన్స్‌ చేయడంతో పాటు నాలుగు వికెట్లు తీశాడు.సౌతాఫ్రికా గడ్డపై పాక్‌ చరిత్రఅయితే, వన్డేల్లో మాత్రం ఆయుబ్‌ మంచి ఫామ్‌లో ఉన్నాడు. ఇప్పటి వరకు తొమ్మిది ఇన్నింగ్స్‌ ఆడిన ఈ లెఫ్టాండ్‌ బ్యాటర్‌ మూడు శతకాల సాయంతో.. 515 పరుగులు సాధించాడు. కాగా పాకిస్తాన్‌ జట్టు ప్రస్తుతం సౌతాఫ్రికా పర్యటనలో ఉన్న విషయం తెలిసిందే. ప్రొటిస్‌ జట్టుతో టీ20 సిరీస్‌లో ఓడిపోయిన పాక్‌.. వన్డేల్లో మాత్రం 3-0తో క్లీన్‌స్వీప్‌ చేసి.. సౌతాఫ్రికా గడ్డపై ఈ ఘనత సాధించిన తొలి జట్టుగా నిలిచింది.ఇక ఈ టూర్‌లో భాగంగా ఆఖరిగా టెస్టు సిరీస్‌లో తలపడుతున్న పాకిస్తాన్‌.. తొలి మ్యాచ్‌లో ఆతిథ్య జట్టు చేతిలో రెండు వికెట్ల తేడాతో ఓడిపోయింది. ఈ క్రమంలో ఇరుజట్ల మధ్య శుక్రవారం ఆఖరిదైన రెండో టెస్టు మొదలైంది. కేప్‌టౌన్‌లో జరుగుతున్న ఈ మ్యాచ్‌లో టాస్‌ గెలిచిన సౌతాఫ్రికా తొలుత బ్యాటింగ్‌కు దిగింది.ఫీల్డింగ్‌ చేస్తూ గాయపడిన ఆయుబ్‌ఈ క్రమంలో ‍ప్రొటిస్‌ ఇన్నింగ్స్‌లో ఏడో ఓవర్‌ను పాక్‌ పేసర్‌ మహ్మద్‌ అబ్బాస్‌ వేయగా.. క్రీజులో ఉన్న రియాన్‌ రెకెల్టన్‌ షాట్‌ బాదాడు. బంతి గల్లీ, బ్యాక్‌వర్డ్‌ పాయింట్ల మీదుగా దూసుకుపోతుండగా.. ఫీల్డర్లు జమాల్‌- ఆయుబ్‌ దానిని ఆపే ప్రయత్నం చేయగా... బంతి జమాల్‌ చేజిక్కింది. సౌతాఫ్రికాలో వరుస సెంచరీలుఅయితే, ఈ క్రమంలో ఆయుబ్‌ కుడికాలి మడిమ మెలిక పడింది. తీవ్ర నొప్పితో అతడు మైదానం వీడాడు. అతడి స్థానంలో అబ్దుల్లా షఫీక్‌ సబ్‌స్టిట్యూట్‌ ప్లేయర్‌గా ఎంట్రీ ఇచ్చాడు. కాగా సయీమ్‌ ఆయుబ్‌ మడిమ విరిగినట్లు సమాచారం. దీంతో అతడు సొంతగడ్డపై జరిగే ఐసీసీ టోర్నీ చాంపియన్స్‌ ట్రోఫీకి అందుబాటులో ఉండకపోవచ్చని తెలుస్తోంది. అదే జరిగితే పాక్‌కు మాత్రం గట్టి షాక్‌ తగిలినట్లే. ఎందుకంటే ఆస్ట్రేలియా వంటి పటిష్ట జట్టుపై పరుగుల వరద పారించడంతో పాటు సౌతాఫ్రికా గడ్డపై కూడా రెండు శతకాలతో చెలరేగాడు. ఇలాంటి ఇన్‌ ఫామ్‌ ఓపెనర్‌ సేవలను కోల్పోతే మెగా టోర్నీలో పాకిస్తాన్‌ జట్టుకు ఎదురుదెబ్బలు తప్పవు! చదవండి: CT 2025: వన్డే కెప్టెన్‌గా రోహిత్‌ అవుట్‌!.. టీమిండియా కొత్త సారథిగా అతడే!

‘‘రిషభ్‌ పంత్‌(Rishabh Pant) ఎక్కువగా రివర్స్‌ స్లాప్‌ షాట్లు ఆడతాడు. అదే అతడి బలం. బోర్డర్‌- గావస్కర్‌ ట్రోఫీ(Border Gavaskar Trophy) సిరీస్‌లో పంత్‌ కచ్చితంగా ప్రభావం చూపుతాడు. కాబట్టి అతడిని కట్టడి చేస్తే మా పని సగం పూర్తయినట్లే’’- టీమిండియాతో టెస్టులకు ముందు ఆస్ట్రేలియా కెప్టెన్‌ ప్యాట్‌ కమిన్స్‌ చేసిన వ్యాఖ్యలు.గత నాలుగు పర్యాయాలుగా బోర్డర్‌- గావస్కర్‌ ట్రోఫీ(బీజీటీ)సిరీస్‌ను టీమిండియానే దక్కించుకున్న విషయం తెలిసిందే. 2020-21 పర్యటన సందర్భంగా భారత యువ వికెట్‌ కీపర్‌ బ్యాటర్‌ రిషభ్‌ పంత్‌ తొలిసారి కంగారూ గడ్డపై సత్తా చాటాడు. నాడు అద్భుత రీతిలోసిడ్నీ టెస్టులో 97 పరుగులతో రాణించి.. సిరీస్‌ ఆశలను సజీవం చేశాడు. నాడు ఆఖరిగా గబ్బాలో జరిగిన టెస్టులో 89 పరుగులతో అజేయంగా నిలిచి.. భారత్‌ను గెలిపించాడు. తద్వారా సిరీస్‌ గెలవడంలో తన వంతు పాత్ర పూర్తి చేశాడు.అందుకే ఈసారి ఆసీస్‌ గడ్డపై బీజీటీ నేపథ్యంలో పంత్‌పై భారీ అంచనాలు నెలకొన్నాయి. అందుకు కమిన్స్‌ కూడా అతడి గురించి పైవిధంగా స్పందించాడు. కానీ సీన్‌ రివర్స్‌ అయింది. ఇప్పటి వరకు బీజీటీ 2024-25లో నాలుగు టెస్టులు పూర్తి కాగా.. పంత్‌ సాధించిన పరుగులు 154 మాత్రమే. స్టుపిడ్‌.. స్టుపిడ్‌.. స్టుపిడ్‌ఏ ఆటగాడికైనా ఒక్కోసారి ఇలాంటి కఠిన పరిస్థితులు ఎదురవడం సహజమే అయినా.. పంత్‌ వికెట్‌ పారేసుకుంటున్న తీరు విమర్శలకు దారితీసింది. టీమిండియా దిగ్గజం సునిల్‌ గావస్కర్‌ అయితే పంత్‌ను ఉద్దేశించి.. ‘‘స్టుపిడ్‌.. స్టుపిడ్‌.. స్టుపిడ్‌.. నువ్వు భారత జట్టు డ్రెసింగ్‌రూమ్‌లోకి వెళ్లనే కూడదు’’ అంటూ మండిపడ్డాడంటే పరిస్థితి ఎలా ఉందో అర్థం చేసుకోవచ్చు.తుదిజట్టులో చోటు ఉంటుందా? లేదా?ఈ నేపథ్యంలో సిడ్నీలో జరుగనున్న ఆఖరి టెస్టులో పంత్‌ తుదిజట్టులో చోటు దక్కించుకోవడంపై సందేహాలు నెలకొన్నాయి. అతడిపై వేటు వేసి యువ వికెట్‌ కీపర్‌ ధ్రువ్‌ జురెల్‌ను ఎంపిక చేస్తారనే అభిప్రాయాలు వ్యక్తమవుతున్నాయి. ఈ విషయంపై భారత మాజీ క్రికెటర్‌ ఆకాశ్‌ చోప్రా తాజాగా తన అభిప్రాయాలు పంచుకున్నాడు.‘‘రిషభ్‌ పంత్‌ను జట్టు నుంచి తప్పించాలని టీమిండియా మేనేజ్‌మెంట్‌ యోచిస్తోందా? రాహుల్‌కు కీపింగ్‌ బాధ్యతలు అప్పగించి.. శుబ్‌మన్‌ గిల్‌ను మళ్లీ జట్టులోకి తీసుకువస్తారా? దయచేసి అలా మాత్రం చేయకండి. సమస్య ఎక్కడ ఉందో అర్థం చేసుకోకుండా తక్షణ పరిష్కారం కోసం వెతకకండి.కెప్టెన్‌ కంటే బెటర్‌.. ప్లీజ్‌.. అతడిని తప్పించకండిరిషభ్‌ పంత్‌ ఈ సిరీస్‌లో ఎక్కువగా పరుగులు సాధించలేదన్న వాస్తవాన్ని నేనూ అంగీకరిస్తాను. అయితే, కెప్టెన్‌ రోహిత్‌ శర్మ కంటే అతడు బాగానే ఆడుతున్నాడు. అంతేకాదు.. అతడి వికెట్‌ కీపింగ్‌ నైపుణ్యాలు కూడా అద్భుతం. అతడికి ఆసీస్‌ గడ్డపై మంచి రికార్డు ఉంది.పంత్‌.. ఒక్కసారి విఫలమైనంత మాత్రాన పక్కనపెట్టేంత విలువలేని ఆటగాడు కాదు. కాబట్టి దయచేసి అతడిని జట్టు నుంచి తప్పించకండి. ప్రతి ఒక్కరికి తమదైన ప్రత్యేకశైలి ఉంటుంది. అయితే, ఒక్కోసారి ఎంత జాగ్రత్తపడినా.. ప్రతికూల ఫలితాలే ఎదురవుతాయి.పిచ్‌ పరిస్థితులు కూడా గమనించాలి. మ్యాచ్‌ స్వరూపం ఎలా ఉందన్న అంశాన్ని దృష్టిలో ఉంచుకోవాలి. ఇలాంటి కీలక విషయాలను పట్టించుకోకపోతే కష్టమే. ఏదేమైనా.. పంత్‌ ఒక్కసారి తన లోపాలు సరిదిద్దుకుంటే అతడికి తిరుగు ఉండదు’’ అని ఆకాశ్‌ చోప్రా పంత్‌ను సమర్థించాడు.సిడ్నీలో ఐదో టెస్టుఇదిలా ఉంటే.. ఆసీస్‌తో రెండో టెస్టు నుంచి జట్టుతో కలిసిన కెప్టెన్‌ రోహిత్‌ శర్మ ఇప్పటి వరకు మొత్తం 31 పరుగులు మాత్రమే చేయగలిగాడు. ఇక భారత్‌- ఆసీస్‌ మధ్య శుక్రవారం నుంచి ఐదో టెస్టు సిడ్నీలో మొదలుకానుంది.చదవండి: NZ vs SL: కుశాల్‌ పెరీరా ‘ఫాస్టెస్ట్‌ సెంచరీ’.. ఉత్కంఠ పోరులో ఆఖరికి!

టీమిండియా ఆటగాళ్ల తీరుపట్ల హెడ్‌కోచ్‌ గౌతం గంభీర్‌(Gautam Gambhir) తీవ్ర అసంతృప్తితో ఉన్నట్లు సమాచారం. ఆస్ట్రేలియాతో టెస్టుల్లో ప్రణాళికలను అమలు చేయడంలో విఫలమైనందుకు అందరికీ చివాట్లు పెట్టినట్లు తెలుస్తోంది. ఇప్పటికే చాలా చేశారని.. ఇకముందైనా జాగ్రత్తగా ఉండాలని గౌతీ టీమిండియా డ్రెస్సింగ్‌ రూమ్‌లో ఆటగాళ్లను ఉద్దేశించి ఘాటు వ్యాఖ్యలు చేసినట్లు కథనాలు వస్తున్నాయి.కాగా గంభీర్‌ ప్రధాన కోచ్‌గా పగ్గాలు చేపట్టిన తర్వాత వన్డే, టీ20లలో బాగానే రాణిస్తున్న టీమిండియా.. టెస్టుల్లో మాత్రం ఘోర పరాభవాలు ఎదుర్కొంటోంది. గౌతీ మార్గదర్శనంలో స్వదేశంలో బంగ్లాదేశ్‌ను 2-0తో క్లీన్‌స్వీప్‌ చేయడం మినహా ఇంత వరకు స్థాయికి తగ్గట్లు రాణించలేకపోతోంది.దారుణ వైఫల్యాలుసొంతగడ్డపై న్యూజిలాండ్‌ చేతిలో 0-3తో వైట్‌వాష్‌ కావడం.. అనంతరం ఆస్ట్రేలియా పర్యటనలో భాగంగా బోర్డర్‌- గావస్కర్‌ ట్రోఫీ(Border Gavaskar Trophy) చేజార్చుకునే స్థితికి చేరడం విమర్శలకు దారి తీసింది. ఆసీస్‌తో తొలి టెస్టులో గెలుపొందిన టీమిండియా.. ఆ తర్వాత మాత్రం దారుణమైన ప్రదర్శనతో ఓటములు చవిచూస్తోంది.స్టార్‌ బ్యాటర్ల వైఫల్యంముఖ్యంగా కెప్టెన్‌ రోహిత్‌ శర్మ(Rohit Sharma), విరాట్‌ కోహ్లి, రిషభ్‌ పంత్‌ వంటి స్టార్‌ బ్యాటర్ల వైఫల్యం కారణంగా భారీ మూల్యం చెల్లిస్తోంది. ఇప్పటి వరకు ఈ సిరీస్‌లో ఆసీస్‌ గడ్డపై నాలుగు టెస్టులు పూర్తి కాగా భారత జట్టుపై కంగారూలు 2-1తో ఆధిక్యంలో కొనసాగుతున్నారు. ఇక ఆఖరిదైన ఐదో టెస్టులో గెలిస్తేనే రోహిత్‌ సేనకు ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఫైనల్‌ అవకాశాలు సజీవంగా ఉంటాయి.అదే విధంగా.. ఐదు టెస్టుల సిరీస్‌ను కూడా టీమిండియా 2-2తో డ్రా చేసుకోగలుగుతుంది. లేదంటే.. బోర్డర్‌- గావస్కర్‌ ట్రోఫీ చేజారడంతో పాటు డబ్ల్యూటీసీ ఫైనల్‌ ఆశలు గల్లంతవుతాయి. ఈ నేపథ్యంలో.. పరిస్థితి ఇంతదాకా తీసుకువచ్చిన టీమిండియా ఆటగాళ్లతో పాటు కోచ్‌లపైనా తీవ్ర స్థాయిలో విమర్శలు వస్తున్నాయి.చాలా ఎక్కువే చేశారుఇదిలా ఉంటే.. ఇప్పటికే భారత జట్టు పట్ల తీవ్ర అసంతృప్తితో ఉన్న గంభీర్‌.. డ్రెసింగ్‌రూమ్‌లో వారిపై ఆగ్రహం వ్యక్తం చేసినట్లు ఇండియన్‌ ఎక్స్‌ప్రెస్‌ వర్గాలు పేర్కొన్నాయి. ‘‘కోచ్‌గా నాకు కావాల్సినంత దక్కింది.. చాలా ఎక్కువే చేశారు’’ అంటూ అతడు మండిపడినట్లు తెలిపాయి. కాగా వరుస వైఫల్యాల నేపథ్యంలో టీమిండియాలో విభేదాలు తలెత్తినట్లు వార్తలు వినిపిస్తున్నాయి.పెర్త్‌లో జరిగిన తొలి టెస్టు తర్వాత దిగ్గజ స్పిన్నర్‌ రవిచంద్రన్‌ అశ్విన్‌ అంతర్జాతీయ క్రికెట్‌కు వీడ్కోలు పలకడాన్ని ఇందుకు ఉదాహరణగా విశ్లేషకులు పేర్కొంటున్నారు. గంభీర్‌తో రోహిత్‌కు సమన్వయం కుదరడం లేదనే అభిప్రాయాలు వ్యక్తమవుతున్నాయి. కాగా ఆసీస్‌- భారత్‌ మధ్య సిడ్నీలో జనవరి 3న ఐదో టెస్టు మొదలుకానుంది. ఇందులో గనుక విఫలమైతే రోహిత్‌ కెప్టెన్సీతో పాటు.. టెస్టు క్రికెట్‌కు గుడ్‌బై చెప్పనున్నట్లు తెలుస్తోంది.చదవండి: అతడి కోసం పట్టుబట్టిన గంభీర్‌.. లెక్కచేయని సెలక్టర్లు? త్వరలోనే వేటు?

టీమిండియా ఆటగాళ్లను ఉద్దేశించి భారత మాజీ క్రికెటర్‌ సురీందర్‌ ఖన్నా(Surinder Khanna) సంచలన వ్యాఖ్యలు చేశాడు. రోహిత్‌ సేనను ‘అబద్దాల కోరు’గా అభివర్ణిస్తూ ఘాటు విమర్శలు చేశాడు. సరిగ్గా ఆడటం చేతగాకే సాకులు వెదుక్కొంటూ.. వివాదాలు సృష్టించేందుకు సిద్ధమవుతున్నారంటూ తీవ్ర స్థాయిలో విరుచుకుపడ్డాడు.శుభారంభం చేసినా..భారత క్రికెట్‌ జట్టు ప్రస్తుతం ఆస్ట్రేలియాలో పర్యటిస్తున్న విషయం తెలిసిందే. బోర్డర్‌- గావస్కర్‌ ట్రోఫీలో భాగంగా కంగారూ జట్టుతో ఐదు టెస్టులో ఆడుతోంది. అయితే, పెర్త్‌లో 295 పరుగుల తేడాతో గెలిచి.. శుభారంభం చేసినా.. తర్వాత అదే జోరు కొనసాగించలేకపోయింది.అడిలైడ్‌లో జరిగిన పింక్‌ బాల్‌ టెస్టులో ఓడిపోయిన టీమిండియా.. బ్రిస్బేన్‌ టెస్టును డ్రా చేసుకుంది. మెల్‌బోర్న్‌ వేదికగా ముగిసిన బాక్సింగ్‌ డే టెస్టులో మాత్రం ఘోర ఓటమిని చవిచూసింది. కాస్త కష్టపడినా కనీసం డ్రా చేసుకోగలిగే మ్యాచ్‌లో 184 పరుగుల తేడాతో పరాజయం పాలైంది.జైస్వాల్‌ అవుటైన తీరుపై వివాదంఇక ఈ మ్యాచ్‌లో చక్కటి ఇన్నింగ్స్‌ ఆడుతూ జట్టును గట్టెక్కించే ప్రయత్నం చేసిన యువ ఓపెనర్‌ యశస్వి జైస్వాల్‌ అవుట్‌((Yashasvi Jaiswal’s controversial dismissal) జరిగిందంటూ) కావడంతో భారత్‌కు ఎదురుదెబ్బ తగిలింది. టీమిండియా రెండో ఇన్నింగ్స్‌లో ఆసీస్‌ సారథి ప్యాట్‌ కమిన్స్‌ బౌలింగ్‌లో జైసూ.. లెగ్‌సైడ్‌ దిశగా షాట్‌ ఆడేందుకు యత్నించాడు. అయితే, బంతి వెళ్లి వికెట్‌ కీపర్‌ అలెక్స్‌ ‍క్యారీ చేతుల్లో పడింది.ఈ నేపథ్యంలో ఆసీస్‌ అప్పీలు చేయగా ఫీల్డ్‌ అంపైర్‌ స్పందించలేదు. దీంతో కంగారూలు రివ్యూకు వెళ్లగా.. చాలాసార్లు రీప్లేలో చూసినా స్పష్టత రాలేదు. స్నీకో మీటర్‌లోనూ బంతి బ్యాట్‌ను లేదంటే గ్లౌవ్‌ను తాకినట్లుగా శబ్దం రాలేదు. అయినప్పటికీ విజువల్‌ ఎవిడెన్స్‌ కారణంగా.. ఫీల్డ్‌ అంపైర్‌ నిర్ణయాన్ని థర్డ్‌ అంపైర్‌ తారుమారు చేస్తూ.. జైస్వాల్‌ను అవుట్‌గా ప్రకటించారు.కీలక సమయంలో కీలక వికెట్‌ కోల్పోయిఫలితంగా కీలక సమయంలో కీలక వికెట్‌ కోల్పోయిన టీమిండియా ఓటమికి బాటలు పడ్డాయి. అయితే, తాను అవుట్‌ కాలేదని టెక్నాలజీ(స్నీకో) చెబుతున్నా అవుట్‌గా ప్రకటించడం పట్ల జైస్వాల్‌ అంపైర్ల వద్ద తీవ్ర అసంతృప్తి వ్యక్తం చేశాడు. అయినప్పటికీ వాళ్లు అతడిని మైదానం వీడాల్సిందిగా కోరగా.. ఈ విషయమై వివాదం చెలరరేగింది.మండిపడ్డ సన్నీఈ నేపథ్యంలో భారత క్రికెట్‌ దిగ్గజం సునిల్‌ గావస్కర్‌తో పాటు భారత క్రికెట్‌ నియంత్రణ మండలి(బీసీసీఐ) ఉపాధ్యక్షుడు రాజీవ్‌ శుక్లా సైతం థర్డ్‌ అంపైర్‌ నిర్ణయాన్ని తప్పుబట్టారు. జైస్వాల్‌ స్పష్టంగా నాటౌట్‌ అని తెలుస్తున్నా.. ఆసీస్‌కు అనుకూలంగా ఎలా వ్యవహరిస్తారని ఆగ్రహం వ్యక్తం చేశారు. అయితే, సురీందర్‌ ఖన్నా మాత్రం ఈ విషయంలో భిన్నంగా స్పందించాడు. నిజాయితీ ఆడటం నేర్చుకోండి‘‘ఇందులో వివాదం సృష్టించడానికి తావులేదు. నాలుగు కోణాల్లో పరిశీలించిన తర్వాత బంతి బ్యాటర్‌ గ్లౌవ్‌ను తాకి.. అలెక్స్‌ క్యారీ చేతుల్లో పడినట్లు తేలింది. ఆకాశ్‌ దీప్‌ కూడా ఇలాగే.. తాను క్యాచ్‌ అవుట్‌ అయినా.. మైదానం వీడకుండా ఫిర్యాదులు చేస్తూ ఉండిపోయాడు.వీళ్లంతా అబద్దాల కోరులు. ముందు నిజాయితీ ఆడటం నేర్చుకోండి. అప్పుడే మీరు గెలుస్తారు. అయినా, బ్యాట్‌ మన చేతుల్లోనే ఉన్నపుడు.. అది బంతిని లేదంటే గ్లౌవ్‌ను తాకిందా లేదా స్పష్టంగా తెలుస్తుంది కదా!అందుకే ఓడిపోయాంమనం చెత్తగా ఆడాం కాబట్టే ఓడిపోయాం. ఇంత చెత్తగా ఎవరైనా బ్యాటింగ్‌ చేస్తారా? రండి వచ్చి ఐపీఎల్‌లో పరుగులు సాధించండి. మరీ దూకుడుగా ఆడితే ఫలితాలు ఇలాగే ఉంటాయి. సానుకూల దృక్పథంతో ఆడండి.కనీసం కొత్త సంవత్సరంలో అయినా టీమిండియాను అదృష్టం వరిస్తుందో చూడాలి’’ అంటూ సురీందర్‌ ఖన్నా సంచలన వ్యాఖ్యలు చేశాడు. వార్తా సంస్థ IANSతో మాట్లాడుతూ ఈ మేర వ్యాఖ్యానించాడు. కాగా ఢిల్లీకి చెందిన సురీందర్‌ ఖన్నా 1979- 84 మధ్య టీమిండియా తరఫున 10 వన్డేలు ఆడి.. 176 పరుగులు చేశాడు. ఇదిలా ఉంటే.. ఆసీస్‌- టీమిండియా మధ్య ఆఖరిదైన ఐదో టెస్టు సిడ్నీలో జరుగనుంది. జనవరి 3-7 మధ్య ఈ మ్యాచ్‌ నిర్వహణకు షెడ్యూల్‌ ఖరారైంది. చదవండి: అతడి కోసం పట్టుబట్టిన గంభీర్‌.. లెక్కచేయని సెలక్టర్లు? త్వరలోనే వేటు?

ఆస్ట్రేలియాతో నాలుగో టెస్టులో భారత ఆల్‌రౌండర్లు నితీశ్‌ కుమార్‌ రెడ్డి(Nitish Kumar Reddy), వాషింగ్టన్‌ సుందర్‌(Washington Sundar) తమ బ్యాటింగ్‌ పవరేంటో చూపించారు. ఆసీస్‌ బౌలర్లకు చుక్కలు చూపిస్తూ... కొరకరాని కొయ్యగా మారి వారి సహనాన్ని పరీక్షించారు. ఈ క్రమంలో 147 ఏళ్ల టెస్టు క్రికెట్‌ చరిత్రలో ఎవరికీ సాధ్యం కాని ఘనతను రెడ్డి- వాషీ జోడీ సాధించింది.బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు మ్యాచ్‌ల టెస్టు సిరీస్‌ ఆడుతోంది. పెర్త్‌లో జరిగిన తొలి టెస్టులో భారీ విజయం సాధించిన భారత జట్టు.. అడిలైడ్‌ పింక్‌ బాల్‌ టెస్టులో మాత్రం ఓడిపోయింది. అనంతరం బ్రిస్బేన్‌ టెస్టును డ్రా చేసుకోగలిగింది. తద్వారా 1-1తో సిరీస్‌లో సమంగా ఉన్న రోహిత్‌ సేన.. ప్రపంచ టెస్టు చాంపియన్‌షిప్‌ 2023-25 ఫైనల్‌ చేరాలంటే.. మిగిలిన రెండు మ్యాచ్‌లు తప్పక గెలవాలి.పటిష్ట స్థితిలో ఆసీస్‌అయితే, మెల్‌బోర్న్‌ వేదికగా గురువారం మొదలైన బాక్సింగ్‌ డే టెస్టులో ఆదిలోనే టీమిండియాకు షాకులు తగిలాయి. టాస్‌ గెలిచి తొలుత బ్యాటింగ్‌ చేసిన ఆతిథ్య కంగారూ జట్టు తొలి ఇన్నింగ్స్‌లో 474 పరుగుల మేర భారీ స్కోరు చేసి ఆలౌట్‌ అయింది. ఓపెనర్లు సామ్‌ కొన్‌స్టాస్‌(60), ఉస్మాన్‌ ఖవాజా(57), మార్నస్‌ లబుషేన్‌(72) అర్ధ శతకాలతో మెరవగా.. స్టీవ్‌ స్మిత్‌ శతక్కొట్టాడు(140).స్వీయ తప్పిదాలతోమిగతా వాళ్లలో అలెక్స్‌ క్యారీ(31), కెప్టెన్‌ ప్యాట్‌ కమిన్స్‌(49) కూడా రాణించారు. ఫలితంగా ఆసీస్‌ పటిష్ట స్థితిలో నిలవగా.. మొదటి ఇన్నింగ్స్‌ మొదలుపెట్టిన టీమిండియాకు మళ్లీ ఎదురుదెబ్బలే తగిలాయి. ఓపెనర్‌, కెప్టెన్‌ రోహిత్‌ శర్మ(3), కేఎల్‌ రాహుల్‌(24), విరాట్‌ కోహ్లి(36), ఆకాశ్‌ దీప్‌(0), రిషభ్‌ పంత్‌(28), రవీంద్ర జడేజా(17) విఫలమయ్యారు.ఇరగదీసిన రెడ్డి, వాషీమరో ఓపెనర్‌ యశస్వి జైస్వాల్‌(82) శతకం దిశగా పయనించినా.. అనవసరంగా సింగిల్‌కు యత్నించి రనౌట్‌గా వెనుదిరిగాడు. ఈ క్రమంలో ఎనిమిది, తొమ్మిదో స్థానాల్లో బ్యాటింగ్‌ చేసిన నితీశ్‌ కుమార్‌ రెడ్డి, వాషింగ్టన్‌ సుందర్‌ పట్టుదలగా క్రీజులో నిలబడ్డారు.ఇద్దరూ కలిసి ఎనిమిదో వికెట్‌కు 127 పరుగుల విలువైన భాగస్వామ్యాన్ని నెలకొల్పారు. ఈ క్రమంలో నితీశ్‌ రెడ్డి తన అంతర్జాతీ కెరీర్‌లో తొలి శతకం నమోదు చేయగా.. వాషింగ్టన్‌ సుందర్‌ హాఫ్‌ సెంచరీతో అలరించాడు. ఇక ఈ జోడీని విడదీసేందుకు ఆసీస్‌ బ్యాటర్లు తీవ్రంగా శ్రమించాల్సి వచ్చింది.ఎట్టకేలకు కంగారూ జట్టు స్పిన్నర్‌ నాథన్‌ లియాన్‌ ఆ పని చేయగలిగాడు. అతడి బౌలింగ్‌లో వాషీ(50) స్టీవ్‌ స్మిత్‌కు క్యాచ్‌ ఇచ్చి పెవిలియన్‌ చేరాడు. దీంతో శతక భాగస్వామ్యానికి తెరపడ్డప్పటికీ నితీశ్‌ రెడ్డి- వాషింగ్టన్‌ సుందర్‌ అరుదైన రికార్డును తమ ఖాతాలో వేసుకున్నారు.ప్రపంచ రికార్డుటెస్టు క్రికెట్‌ చరిత్రలో ఎనిమిది, తొమ్మిది స్థానాలో బ్యాటింగ్‌ చేసి.. ఒకే ఇన్నింగ్స్‌లో 150కి పైగా బంతులు ఎదుర్కొన్న మొట్టమొదటి జోడీ రెడ్డి- వాషీ. మెల్‌బోర్న్‌లో మూడో రోజు ఆట ముగిసేసరికి వాషీ 162 బంతుల్లో 50 పరుగులు చేసి అవుట్‌ కాగా.. నితీశ్‌ రెడ్డి 176 బంతుల్లో 105(10 ఫోర్లు, 1 సిక్సర్‌) పరుగులతో అజేయంగా నిలిచాడు. ఇక భారత్‌ స్కోరు: 358/9 (116). ఆస్ట్రేలియా కంటే తొలి ఇన్నింగ్స్‌లో ఇంకా 116 పరుగులు వెనుకబడి ఉంది. ఆసీస్‌ బౌలర్లలో కమిన్స్‌, స్కాట్‌ బోలాండ్‌ మూడేసి వికెట్లు పడగొట్టగా.. నాథన్‌ లియాన్‌ రెండు వికెట్లు దక్కించుకున్నాడు. చదవండి: Nitish Reddy: కొడుకంటే ఇలా ఉండాలి!.. భావోద్వేగంతో తండ్రి కన్నీళ్లు! వీడియో A fantastic effort from Washington Sundar to bring up his 50! #AUSvIND | #MilestoneMoment | @nrmainsurance pic.twitter.com/xIIJ3go51r— cricket.com.au (@cricketcomau) December 28, 2024

అలవోకగా షాట్లు కొట్టడంలో భారత్ కెప్టెన్ రోహిత్ శర్మ(Rohit Sharma)ది ప్రత్యేకమైన శైలి. బ్యాటింగ్ ఇంత సులువుగా చేయొచ్చా అన్న రీతిలో.. అంత సొగసుగా ఆడి కెప్టెన్ స్థాయికి ఎదిగాడు ఈ ముంబై ఆటగాడు. అయితే, రోహిత్ ఇప్పుడు జట్టుకే భారంగా పరిణమించాడు.ఆస్ట్రేలియా తో మెల్‌బోర్న్‌లో గురువారం ప్రారంభమైన నాలుగో టెస్టులో రెండో రోజున బ్యాటింగ్‌కు వచ్చాడు రోహిత్‌ శర్మ. అయితే, కేవలం మూడు పరుగులే చేసి నిష్క్రమించాడు. ప్రత్యర్థి జట్టు కెప్టెన్ ప్యాట్‌ కమిన్స్‌ బౌలింగ్ లో మిడాన్ వద్ద.. స్కాట్ బోలాండ్‌కి క్యాచ్ ఇచ్చి వెనుదిరిగాడు.పేలవ ఫామ్‌తో జట్టుకు భారంగాఫలితంగా కేవలం ఎనిమిది పరుగుల వద్ద ఉండగా టీమిండియా కెప్టెన్ రోహిత్ శర్మ వికెట్‌ను కోల్పోయింది. కేఎల్‌ రాహుల్‌(KL Rahul) స్థానంలో తొలిసారి ఈ సిరీస్‌లో ఓపెనర్‌గా బ్యాటింగ్‌కు వచ్చిన రోహిత్ ఇలా బాధ్యతారహితంగా వెనుదిరగడం.. ప్రస్తుత అతడి పేలవమైన ఫామ్‌ గురించి చెప్పకనే చెబుతుంది.ఈ సిరీస్‌లో తొలి టెస్టుకు వ్యక్తిగత కారణాల వల్ల దూరమైన రోహిత్ శర్మ.. ఆ తర్వాత రెండు టెస్టుల్లో పేలవంగా ఆడిన విషయం తెలిసిందే. నాలుగు ఇన్నింగ్స్‌లో 5.50 సగటుతో కేవలం 22 పరుగులు (౩, 6, 10, ౩) సాధించాడు. ఇప్పుడు మెల్‌బోర్న్‌లో మరోసారి చాలా చెత్త షాట్ ఆడి భారత్ జట్టును.. ఇన్నింగ్స్ ప్రారంభంలోనే ప్రమాదంలో పడేసాడు. చాన్నాళ్లుగా ఇదే పరిస్థితిటీమిండియాను ముందుండి నడిపించాల్సిన సారథి ఇలాంటి అతి ప్రాధాన్యం ఉన్న ఈ టెస్ట్ సిరీస్‌లో వరుసగా విఫలం కావడం జట్టు మానసిక స్థైర్యాన్ని కుంగదీస్తుందనడంలో సందేహం లేదు. 37 ఏళ్ళ రోహిత్ ఇప్పటి వరకు 66 టెస్ట్ మ్యాచ్‌లలో 41 .24 సగటుతో మొత్తం 4289 పరుగులు సాధించాడు. ప్రపంచ క్రికెట్‌లోనే ప్రధాన బ్యాటర్లలో ఒకడిగా ప్రశంసలు అందుకున్న రోహిత్, గత కొద్ది రోజులుగా ఆశించిన స్థాయిలో రాణించకుండా విఫలమవుతూ ఉండటం గమనార్హం.చెత్త షాట్ కొట్టాల్సిన అవసరం లేదుముఖ్యంగా మెల్‌బోర్న్‌లో రోహిత్ కొట్టిన షాట్ అతడి ప్రస్తుత ఫామ్ కి అద్దం పడుతోంది. క్రీజులో మందకొడిగా కదులుతూ అతడు అవుటైన తీరుపై పలువురు ప్రఖ్యాత కామెంటేటర్లు విమర్శలు గుప్పించారు. ఆస్ట్రేలియా మాజీ కెప్టెన్, బ్యాటింగ్‌ దిగ్గజం, వ్యాఖ్యాత, ఐపీఎల్ లో పంజాబ్ కింగ్స్ హెడ్ కోచ్ రికీ పాంటింగ్(Ricky Ponting) రోహిత్ బ్యాటింగ్ తీరు పై తీవ్ర విమర్శలు చేశాడు."రోహిత్ క్రీజులో చాలా మందకొడిగా కనిపించాడు. పైగా అతడు అప్పటికింకా క్రీజులో నిలదొక్కుకోలేదు. ఇన్నింగ్స్ ప్రారంభంలోనే అటువంటి షాట్ కొట్టాల్సిన అగత్యం ఎందుకో అర్థం కావడం లేదు. రోహిత్ హుక్ షాట్స్, పుల్ షాట్స్ కొట్టడంలో దిట్ట. అటువంటి రోహిత్ కొద్ది సేపు వేచి చూచి పిచ్ తీరు తెన్నులు అర్ధం చేసుకున్న తర్వాత తన షాట్లు కొట్టాల్సింది. అలా కాకుండా ప్రారంభంలోనే ఇలాంటి చెత్త షాట్ కొట్టాల్సిన అవసరం లేదు. ఇది అతని ప్రస్తుత మానసిక పరిస్థితిని, పేలవమైన ఫామ్ని చెబుతుంది" అని పాంటింగ్ వ్యాఖ్యానించాడునీ సహజ సిద్దమైన ఆట తీరు ఏమైంది? మరో ఆస్ట్రేలియా మాజీ క్రికెటర్ డారెన్ లీమన్ కూడా రోహిత్ ఆటతీరుపై తీవ్ర స్థాయిలో విమర్శలు గుప్పించాడు. "రోహిత్ నువ్వు హిట్ మాన్‌వి. నీ సహజ సిద్దమైన ఆట తీరు ఏమైంది? షాట్లు కొట్టడానికి అవుట్ ఫీల్డ్‌లో కావలిసినంత వెసులుబాటు ఉండగా దానిని సద్వినియోగం చేసుకోకుండా ఇలాంటి చెత్త షాట్ కొట్టి వెనుదిరగడం బాధాకరం" అన్నాడు. అదే విధంగా.. ఇంగ్లండ్ మాజీ కెప్టెన్ మైకేల్ వాన్ కూడా రోహిత్ వైఖరి పై విమర్శలు చేసాడు.ఇక ఈ సిరీస్‌లో భారత్ టాప్ ఆర్డర్‌ బ్యాటర్‌ వైఫల్యం మరోసారి ఈ ఇన్నింగ్స్‌లో బయటపడింది. రెండో రోజు ఆట పూర్తయ్యే సరికి భారత్ అయిదు వికెట్ల నష్టానికి 165 పరుగులు మాత్రమే చేసింది. ఆస్ట్రేలియా కంటే ఇంకా తొలి ఇన్నింగ్స్‌లో 310 పరుగులు వెనుకబడి ఉంది. ఈ పరిస్థితిలో భారత్ ని ఆదుకునే బాధ్యత వికెట్ కీపర్ రిషబ్ పంత్ , రవీంద్ర జడేజా పైనే ఉంది.చదవండి: విశ్రాంతి కాదు.. నిర్దాక్షిణ్యంగా అతడిపై వేటు వేయండి.: టీమిండియా దిగ్గజం

పాకిస్తాన్‌తో మొదటి టెస్టులో సౌతాఫ్రికా బౌలర్లు ఆకాశమే హద్దుగా చెలరేగారు. డేన్‌ పాటర్స(Dane Paterson)న్‌తో కలిసి అరంగేట్ర పేసర్‌ కార్బిన్‌ బాష్‌(Corbin Bosch) పాక్‌ బ్యాటర్లకు చుక్కలు చూపించాడు. వీరిద్దరి దెబ్బకు పాక్‌ బ్యాటింగ్‌ఆర్డర్‌ కుదేలైంది. తొలి ఇన్నింగ్స్‌లో కేవలం 211 పరుగులకే ఆలౌట్‌ అయింది.కాగా మూడు టీ20, మూడు వన్డే, రెండు టెస్టులు ఆడేందుకు సౌతాఫ్రికాకు వెళ్లిన పాకిస్తాన్‌.. పరిమిత ఓవర్ల సిరీస్‌లో మిశ్రమ ఫలితాలు అందుకుంది. టీ20 సిరీస్‌ను ఆతిథ్య జట్టుకు 0-2తో కోల్పోయినా.. వన్డే సిరీస్‌లో మాత్రం 3-0తో క్లీన్‌స్వీప్‌ చేసి సత్తా చాటింది.టాపార్డర్‌ కుదేలుఈ క్రమంలో సౌతాఫ్రికా- పాకిస్తాన్‌(South Africa vs Pakistan) మధ్య సెంచూరియన్‌లో గురువారం తొలి టెస్టు మొదలైంది. టాస్‌ గెలిచిన ప్రొటిస్‌ జట్టు.. షాన్‌ మసూద్‌ బృందాన్ని బ్యాటింగ్‌ ఆహ్వానించింది.ఆది నుంచే సౌతాఫ్రికా పేసర్లు విజృంభించడంతో పాక్‌ టాపార్డర్‌ కకావికలమైంది. ఓపెనర్‌ సయీమ్‌ ఆయుబ్‌(14), వన్‌డౌన్‌ బ్యాటర్‌ బాబర్‌ ఆజం(4)ను పెవిలియన్‌కు పంపి పాటర్సన్‌ శుభారంభం అందించాడు.రాణించిన కమ్రాన్‌ గులామ్‌మరో ఓపెనర్‌, కెప్టెన్‌ షాన్‌ మసూద్‌(17)ను అవుట్‌ చేసిన కార్బిన్‌ బోష్‌.. సౌద్‌ షకీల్‌(14), అమీర్‌ జమాల్‌(28), నసీం షా(0)లను కూడా వెనక్కి పంపించాడు. మరోవైపు.. టాపార్డర్‌లో రెండు కీలక వికెట్లు తీసిన డేన్‌ పాటర్సన్‌.. డేంజరస్‌గా మారుతున్న కమ్రాన్‌ గులామ్‌(54)కు కూడా చెక్‌ పెట్టాడు. అదే విధంగా.. వికెట్‌ కీపర్‌ మహ్మద్‌ రిజ్వాన్‌(27), సల్మాన్‌ ఆఘా(18) వికెట్లు కూడా కూల్చాడు. డేన్‌ పాటర్సన్‌పాటర్సన్‌ సరికొత్త చరిత్ర.. ఆల్‌టైమ్‌ రికార్డు సమంఈ క్రమంలో డేన్‌ పాటర్సన్‌ అరుదైన ఘనత సాధించాడు. సౌతాఫ్రికా తరఫున 35 వయస్సులో.. ఒక టెస్టు ఇన్నింగ్స్‌లో అత్యధిక సార్లు ఐదు వికెట్ల ప్రదర్శన నమోదు చేసిన బౌలర్‌గా నిలిచాడు. రెండుసార్లు ఈ ఘనత సాధించి.. రెగ్గీ స్వార్జ్‌(1910- 1912), గాఫ్‌ చబ్‌(1951)ల రికార్డును సమం చేశాడు.కార్బిన్‌ బాష్‌ అరుదైన ఘనతమరోవైపు.. అరంగేట్రంలోనే నాలుగు వికెట్లతో చెలరేగిన 30 ఏళ్ల కార్బిన్‌ బాష్‌ కూడా ఓ అరుదైన రికార్డు సాధించాడు. కెరీర్‌లో మొట్టమొదటి టెస్టులో తొలి బంతికే వికెట్‌ తీసిన ఐదో సౌతాఫ్రికా బౌలర్‌గా నిలిచాడు. షాన్‌ మసూద్‌ను అవుట్‌ చేయడం ద్వారా ఈ ఫీట్‌ నమోదు చేశాడు. అంతకు ముందు.. హర్దూస్‌ విల్‌జోన్‌, డేన్‌ పెట్‌, బెర్ట్‌ వోగ్లర్‌, షెపో మోరేకీ సౌతాఫ్రికా తరఫున ఈ ఘనత సాధించారు.పాక్‌ తొలి ఇన్నింగ్స్‌లో డేన్‌ పాటర్సన్‌ ఐదు వికెట్లు కూల్చగా.. కార్బిన్‌ బోష్‌ నాలుగు, మార్కో జాన్సెన్‌ ఒక వికెట్‌ పడగొట్టారు. పాక్‌ బ్యాటర్లలో కమ్రాన్‌ గులామ్‌(54) టాప్‌ స్కోరర్‌గా నిలిచాడు. చదవండి: గల్లీ క్రికెట్‌ ఆడుతున్నావా?.. చెప్పింది చెయ్‌: రోహిత్‌ శర్మ ఫైర్‌

ఆస్ట్రేలియా పర్యటనలో టీమిండియా స్థాయికి తగ్గట్లుగా రాణించడం లేదు. పెర్త్‌ టెస్టులో 295 పరుగుల తేడాతో భారీ విజయం సాధించినా.. ఆ తర్వాత అదే జోరును కొనసాగించలేకపోయింది. అడిలైడ్‌ పింక్‌ బాల్‌ మ్యాచ్‌లో పది వికెట్ల తేడాతో చిత్తైన రోహిత్‌ సేన.. బ్రిస్బేన్‌ టెస్టులో వర్షం వల్ల ఓటమి నుంచి తప్పించుకుందనే విమర్శలు మూటగట్టుకుంది.ఈ క్రమంలో బాక్సింగ్‌ డే టెస్టు(Boxing Day Test)లో గెలుపొంది సత్తా చాటాలని పట్టుదలగా ఉంది. అయితే, తొలి రోజు ఆటలో మాత్రం టీమిండియాకు కలిసిరాలేదు. టాస్‌ ఓడి తొలుత బౌలింగ్‌కు దిగిన భారత్‌.. ఆసీస్‌ బ్యాటర్లను కట్టడి చేసేందుకు ఆపసోపాలు పడాల్సి వచ్చింది.ఆఖరి సెషన్లో భారత బౌలర్లు ప్రభావం చూపినా.. అప్పటికే కంగారూలు పైచేయి సాధించారు. మెల్‌బోర్న్‌లో జరుగుతున్న ఈ మ్యాచ్‌లో.. గురువారం నాటి మొదటిరోజు ఆట ముగిసే సరికి ఆసీస్‌ ఆరు వికెట్ల నష్టానికి 311 పరుగులు చేసింది. ఈ నేపథ్యంలో.. మెల్‌బోర్న్‌ టెస్టులో టీమిండియా తమ వ్యూహం మార్చినట్లు తెలుస్తోంది.అందుకే గిల్‌పై వేటు..ఇప్పటికే శుబ్‌మన్‌ గిల్‌(Shubman Gill)పై వేటు వేసిన యాజమాన్యం.. రెగ్యులర్‌ ఓపెనింగ్‌ జోడీతోనే బరిలోకి దిగనుంది. టీమిండియా అసిస్టెంట్‌ కోచ్‌ అభిషేక్‌ నాయర్‌ వ్యాఖ్యలే ఇందుకు నిదర్శనం. ‘‘పిచ్‌ పరిస్థితులకు అనుగుణంగానే శుబ్‌మన్‌ గిల్‌ను తప్పించి.. వాషింగ్టన్‌ సుందర్‌ను తుదిజట్టులోకి తీసుకున్నాం.ఓపెనర్‌గా మళ్లీ అతడేవాషీ కోసం గిల్‌ త్యాగం చేయాల్సి వచ్చింది. జట్టు ప్రయోజనాల కోసం మేము తీసుకున్న నిర్ణయాన్ని అతడు గౌరవించాడు. ఇక రోహిత్‌ బ్యాటింగ్‌ ఆర్డర్‌లోనూ మార్పు ఉంటుంది. అతడు భారత్‌ తరఫున ఇన్నింగ్స్‌ ఆరంభిస్తాడు’’ అని అభిషేక్‌ నాయర్‌ మీడియాతో పేర్కొన్నాడు.కాగా పితృత్వ సెలవుల కారణంగా రోహిత్‌ శర్మ(Rohit Sharma) తొలి టెస్టుకు దూరం కాగా.. బుమ్రా సారథ్యంలో టీమిండియా గెలిచింది. ఈ మ్యాచ్‌లో యశస్వి జైస్వాల్‌తో కలిసి కేఎల్‌ రాహుల్‌ ఓపెనింగ్‌ చేశాడు. అయితే, రెండో టెస్టు నుంచి అందుబాటులోకి వచ్చినా అదే జోడీని కొనసాగించగా.. రోహిత్‌ మిడిలార్డర్లో బ్యాటింగ్‌ చేశాడు.వ్యూహం మార్చిన టీమిండియాకానీ రెండు టెస్టుల్లోనూ రోహిత్‌(3, 6, 10) విఫలమయ్యాడు. కెప్టెన్‌గానూ అనుకున్న ఫలితాన్ని రాబట్టలేకపోయాడు. ఈ నేపథ్యంలో రోహిత్‌ మెల్‌బోర్న్‌లో తన రెగ్యులర్‌ స్థానంలో ఓపెనర్‌గా బరిలోకి దిగనుండగా.. గిల్‌ ఆడే మూడో స్థానంలో కేఎల్‌ రాహుల్‌ రానున్నట్లు తెలుస్తోంది. ఇక బోర్డర్‌- గావస్కర్‌ ట్రోఫీ ఆడేందుకు టీమిండియా ఆస్ట్రేలియా పర్యటనకు వెళ్లిన విషయం తెలిసిందే. ఇందులో భాగంగా ఐదు టెస్టుల సిరీస్‌లో ప్రస్తుతం.. ఆతిథ్య జట్టుతో కలిసి 1-1తో సమంగా ఉంది.చదవండి: గల్లీ క్రికెట్‌ ఆడుతున్నావా?.. చెప్పింది చెయ్‌: రోహిత్‌ శర్మ ఫైర్‌

సౌతాఫ్రికాతో తొలి టెస్టులో పాకిస్తాన్‌ స్టార్‌ క్రికెటర్‌ బాబర్‌ ఆజం(Babar Azam) పూర్తిగా విఫలమయ్యాడు. తొలి ఇన్నింగ్స్‌లో పదకొండు బంతులు ఎదుర్కొని కేవలం నాలుగు పరుగులే చేశాడు. ఈ క్రమంలో పాక్‌ అభిమానులు సైతం బాబర్‌ ఆట తీరుపై మండిపడుతున్నారు. పునరాగమనంలోనూ పాత కథే పునరావృతం చేశాడంటూ ఆగ్రహం వ్యక్తం చేస్తున్నారు.విఫలమైనా.. ఓ అరుదైన రికార్డుఇలా ఓవైపు బాబర్‌పై విమర్శల వర్షం కురుస్తుండగా.. అతడి ఫ్యాన్స్‌ మాత్రం బాబర్‌కు మరెవరూ సాటిరారంటూ ప్రశంసల్లో ముంచెత్తుతున్నారు. ప్రొటిస్‌ జట్టుతో తొలి టెస్టు సందర్భంగా ఈ కుడిచేతి వాటం బ్యాటర్‌ ఓ అరుదైన రికార్డు సాధించడమే ఇందుకు కారణం.మూడు ఫార్మాట్లలోనూకాగా ఈ మ్యాచ్‌లో బాబర్‌ ఆజం చేసిన నాలుగు పరుగుల కారణంగా.. టెస్టుల్లో అతడు నాలుగు వేల పరుగుల మైలురాయిని అధిగమించాడు. తద్వారా పాక్‌ తరఫున.. టెస్టు, వన్డే, టీ20.. ఇలా మూడు ఫార్మాట్లలోనూ నాలుగు వేల పరుగులు పూర్తి చేసుకున్న తొలి క్రికెటర్‌గా చరిత్ర సృష్టించాడు.కోహ్లి, రోహిత్‌ తర్వాతఅంతేకాదు.. ఓవరాల్‌గా ఈ ఘనత సాధించిన మూడో ఆటగాడిగానూ బాబర్‌ ఆజం అరుదైన ఫీట్‌ నమోదు చేశాడు. ఇప్పటి వరకు టీమిండియా స్టార్లు విరాట్‌ కోహ్లి(Virat Kohli), రోహిత్‌ శర్మ(Rohit Sharma) మాత్రమే ఈ ఘనత సాధించారు.కాగా బాబర్‌ ఆజం ఇప్పటి వరకు 56 టెస్టుల్లో కలిపి 4001 పరుగులు చేశాడు. ఇందులో తొమ్మిది శతకాలు, 26 హాఫ్‌ సెంచరీలు ఉన్నాయి. అదే విధంగా.. 123 వన్డేల్లో 19 సెంచరీలు, 34 ఫిఫ్టీల సాయంతో బాబర్‌ 5957 రన్స్‌ పూర్తి చేసుకున్నాడు. కష్టాల్లో పాక్‌ జట్టుఅంతేకాదు.. 128 అంతర్జాతీయ టీ20లలో మూడు శతకాలు, 36 హాఫ్‌ సెంచరీ సాయంతో 4223 పరుగులు సాధించాడు. ఇక మ్యాచ్‌ విషయానికొస్తే.. సెంచూరియన్‌లో గురువారం మొదలైన తొలి టెస్టులో పాకిస్తాన్‌ కష్టాల్లో పడింది. ప్రొటిస్‌ బౌలర్ల ధాటికి పాక్‌ టాపార్డర్‌ కుప్పకూలగా.. కమ్రాన్‌ గులామ్‌(54) అర్థ శతకంతో ఆదుకున్నాడు. ఇక మహ్మద్‌ రిజ్వాన్‌(27), అమీర్‌ జమాల్‌(28) మాత్రమే ఓ మోస్తరుగా రాణించగా.. మిగతా వాళ్లంతా చేతులెత్తుశారు. ఈ నేపథ్యంలో సౌతాఫ్రికాతో తొలి టెస్టులో 195 పరుగులకే తొమ్మిది వికెట్లు కోల్పోయింది షాన్‌ మసూద్‌ బృందం. కాగా ఇంగ్లండ్‌తో స్వదేశంలో తొలి మ్యాచ్‌ తర్వాత బాబర్‌ ఆజంపై వేటు పడగా.. మళ్లీ సౌతాఫ్రికా గడ్డపై అతడు టెస్టుల్లో పునరాగమనం చేశాడు.చదవండి: గల్లీ క్రికెట్‌ ఆడుతున్నావా?.. చెప్పింది చెయ్‌: రోహిత్‌ శర్మ ఫైర్‌

దక్షిణాఫ్రికాతో వ‌న్డే సిరీస్‌ను క్లీన్‌స్వీప్ చేసిన పాకిస్తాన్‌.. ఇప్పుడు అదే జ‌ట్టుతో రెండు మ్యాచ్‌ల టెస్టు సిరీస్‌లో త‌ల‌పడేందుకు సిద్ద‌మైంది. ఈ సిరీస్‌లో భాగంగా ఇరు జ‌ట్ల మ‌ధ్య తొలి టెస్టు సెంచూరియన్ వేదిక‌గా గురువారం నుంచి మొద‌లు కానుంది.ఈ క్ర‌మంలో బాక్సింగ్ డే టెస్టు(క్రిస్ట్‌మ‌స్ త‌ర్వాతి రోజు జ‌రిగే మ్యాచ్‌) కోసం పాకిస్థాన్ క్రికెట్ బోర్డు (PCB) తమ తుది జట్టును ప్రకటించింది. మాజీ కెప్టెన్ బాబర్ ఆజం తిరిగి తుది జట్టులోకి వచ్చాడు. అక్టోబర్‌లో ఇంగ్లండ్‌తో జరిగిన తొలి టెస్టులో బాబర్ చివరిసారిగా పాక్ తరపున ఆడాడు.ఆ తర్వాత సిరీస్‌లో మిగిలిన రెండు టెస్టులకు పీసీబీ బాబర్‌ను పక్కన పెట్టింది. ఇప్పుడు మరోసారి అతడికి పాక్ క్రికెట్ బోర్డు అవకాశమిచ్చింది. మరోవైపు సౌతాఫ్రికాతో వన్డే సిరీస్‌లో హ్యాట్రిక్ డకౌట్లు నమోదు చేసిన అబ్దుల్లా షఫీక్‌పై పీసీబీ వేటు వేసింది.అతడి స్దానంలోనే బాబర్‌కు చోటు దక్కింది. ఈ మ్యాచ్‌లో నలుగురు పేసర్లతో పాక్ బరిలోకి దిగుతోంది. కాగా ఈ మ్యాచ్ కోసం దక్షిణాఫ్రికా ఇప్పటికే తమ ప్లేయింగ్ ఎలెవన్‌ను ప్రకటించింది. కాగా ఈ సిరీస్‌ వరల్డ్‌ టెస్టు ఛాంపియన్‌షిప్‌ 2023-25 సైకిల్‌లో భాగంగా జరుగుతోంది.తుది జట్లుపాకిస్థాన్: షాన్ మసూద్ (కెప్టెన్‌), సయీమ్ అయూబ్, బాబర్ ఆజం, కమ్రాన్ గులాం, ముహమ్మద్ రిజ్వాన్ (వికెట్ కీపర్‌), సౌద్ షకీల్, సల్మాన్ అలీ అఘా, అమీర్ జమాల్, నసీమ్ షా, ఖుర్రం షాజాద్, ముహమ్మద్ అబ్బాస్.దక్షిణాఫ్రికా: టోనీ డి జోర్జి, ఐడెన్ మార్క్‌రామ్, ర్యాన్ రికెల్టన్, ట్రిస్టన్ స్టబ్స్, టెంబా బావుమా (కెప్టెన్‌), డేవిడ్ బెడింగ్‌హామ్, కైల్ వెర్రేన్నే (వికెట్ కీపర్‌), మార్కో జాన్సెన్, కగిసో రబడా, డేన్ ప్యాటర్సన్, కార్బిన్ బాష్చదవండి: IND Vs AUS 4th Test: చరిత్ర సృష్టించిన ఆసీస్‌ యువ ఓపెనర్‌.. 95 ఏళ్ల రికార్డు బద్దలు

సెంచూరియన్‌: దక్షిణాఫ్రికా గడ్డపై తొలిసారి వన్డే సిరీస్‌ క్లీన్‌స్వీప్‌ చేసి చరిత్ర సృష్టించిన పాకిస్తాన్‌ జట్టు నేటి నుంచి టెస్టు సిరీస్‌ ఆడనుంది. రెండు మ్యాచ్‌ల సిరీస్‌లో భాగంగా పాకిస్తాన్, దక్షిణాఫ్రికా మధ్య గురువారం నుంచి తొలి టెస్టు ప్రారంభం కానుంది. ప్రపంచ టెస్టు చాంపియన్‌షిప్‌ (డబ్ల్యూటీసీ) పాయింట్ల పట్టికలో 63.33 పాయింట్లతో ప్రస్తుతం అగ్రస్థానంలో ఉన్న దక్షిణాఫ్రికా... ఎలాంటి సమీకరణాలతో సంబంధం లేకుండా ఫైనల్‌కు అర్హత సాధించాలంటే ఈ సిరీస్‌ను 2–0తో గెలవాల్సిన అవసరముంది. ఇదే తమ లక్ష్యమని సఫారీ జట్టు సారథి తెంబా బవుమా ఇప్పటికే ప్రకటించగా... వన్డే సిరీస్‌లో కనబర్చిన జోరును కొనసాగిస్తూ సుదీర్ఘ ఫార్మాట్‌లోనూ సత్తా చాటాలని పాకిస్తాన్‌ జట్టు ఆశిస్తోంది. పేసర్లకు సహకరించనున్న సెంచూరియన్‌ పిచ్‌పై దక్షిణాఫ్రికా నలుగురు పేసర్లతో బరిలోకి దిగనుంది. గత ఆరేళ్లలో సెంచూరియన్‌లో జరిగిన మ్యాచ్‌ల్లో పేసర్లు 227 వికెట్లు పడగొట్టగా... స్పిన్నర్లు కేవలం 16 వికెట్లు మాత్రమే తీశారు. సఫారీ గడ్డపై పాకిస్తాన్‌ టెస్టు రికార్డు ఏమంత గొప్పగా లేదు. 1995 నుంచి అక్కడ పర్యటిస్తున్న పాక్‌ జట్టు 15 టెస్టులాడి 12 మ్యాచ్‌ల్లో ఓడింది. పాకిస్తాన్‌ టెస్టు క్రికెట్‌ చరిత్రలో అత్యల్ప స్కోరు (49) కూడా దక్షిణాఫ్రికా గడ్డపైనే నమోదైంది. వన్డే సిరీస్‌లో సత్తా చాటిన ప్రధాన పేసర్‌ షాహీన్‌ షా అఫ్రిది లేకపోవడం పాక్‌ జట్టుకు ప్రధాన లోటు కాగా... చివరగా ఇంగ్లండ్‌తో ఆడిన టెస్టు మ్యాచ్‌లో చోటు దక్కించుకోలేకపోయిన నసీమ్‌ షా, బాబర్‌ ఆజమ్‌ తిరిగి జట్టులోకి వచ్చారు. పేస్‌ బౌలర్‌ మొహమ్మద్‌ అబ్బాస్‌ మూడేళ్ల తర్వాత పాక్‌ జట్టులో చోటు దక్కించుకున్నాడు. మరి టెస్టుల్లో నిలకడైన ప్రదర్శన కనబర్చలేకపోతున్న పాకిస్తాన్‌ జట్టు షాన్‌ మసూద్‌ సారథ్యంలో సఫారీ గడ్డపై పేస్‌ సవాల్‌ను ఎలా ఎదుర్కొంటుదనేది ఆసక్తికరం.

మెల్‌బోర్న్‌: బోర్డర్‌–గావస్కర్‌ ట్రోఫీలో పైచేయి సాధించాలని కృతనిశ్చయంతో ఉన్న భారత్‌ అందుకు అన్ని విధాలా సన్నద్ధమైంది. నాలుగో టెస్టు మ్యాచ్‌కు ముందు మెల్‌బోర్న్‌ క్రికెట్‌ గ్రౌండ్‌ (ఎంసీజీ)లో ఆటగాళ్లంతా సుదీర్ఘ సాధనలో పాల్గొన్నారు. ఆ్రస్టేలియాతో సిరీస్‌ ప్రస్తుతం 1–1తో సమంగా ఉన్న దశలో ఈ మైదానంలో భారత్‌ మెరుగైన ప్రదర్శన కనబర్చేందుకు మంచి అవకాశం ఉంది. 2020–21 పర్యటనలో మెల్‌బోర్న్‌లో విజయంతోనే టీమిండియా సిరీస్‌ గెలుపు దిశగా అడుగు వేసింది. గురువారం ‘బాక్సింగ్‌ డే’ టెస్టు ప్రారంభం కానున్న నేపథ్యంలో భారత కెపె్టన్‌ రోహిత్‌ శర్మ మీడియాతో మాట్లాడాడు. తమ సన్నాహాలపై రోహిత్‌ ఇచ్చిన సమాధానాలు అతని మాటల్లోనే... యశస్వి ప్రదర్శనపై... నాకు తెలిసి జైస్వాల్, గిల్, పంత్‌ దాదాపు ఒకే తరహా ఆటగాళ్లు. కుర్రాళ్లుగా వారి మానసిక దృక్పథం, ఆలోచనలు ఒకేలాగా ఉంటాయి. తాము ఏం చేయగలమనేది వారికి బాగా తెలుసు. కాబట్టి వాటిని మార్చే ప్రయత్నంతో పరిస్థితులను సంక్లిష్టం చేయదల్చుకోలేదు. జైస్వాల్‌ ఇక్కడ మొదటిసారి ఆడుతున్నాడు. అతని ప్రతిభ ఎలాంటిదో ఇప్పటికే చూశాం. అతని బ్యాటింగ్‌ గురించి ఎక్కువగా చర్చించి భారం మోపవద్దు. స్వేచ్ఛగా ఆడే అవకాశం ఇవ్వాలి. ఆసీస్‌ బౌలర్లపై కూడా అతనికి మంచి అవగాహన ఉంది. అటాక్‌తో పాటు అవసరమైతే జైస్వాల్‌ డిఫెండ్‌ కూడా చేయగలడు. ఒక్కసారి కుదురుకుంటే ప్రమాదకారిగా మారతాడు. గిల్, పంత్‌ వైఫల్యంపై... శుబ్‌మన్‌ గిల్‌ గురించి కూడా నేను ఇదే చెబుతాను. ఆరంభంలో 30–40 పరుగులు రాబడితే చాలు ఆపై భారీ స్కోరు సాధించడం ఎలాగో గిల్‌కు తెలుసు. ఇలాంటివి అతను గతంలో చేసి చూపించాడు. పంత్‌పై కూడా ఎలాంటి ఒత్తిడీ లేదు. తన బాధ్యతలు పంత్‌కు బాగా తెలుసు. మ్యాచ్‌ పరిస్థితిని బట్టి కాస్త జాగ్రత్తగా ఉండమని చెప్పడం తప్ప ఇతర విషయాల గురించి వీరితో మాట్లాడాల్సిన అవసరం లేదు. బుమ్రా బౌలింగ్‌పై... జస్‌ప్రీత్‌ బుమ్రాతో మంచి బౌలింగ్‌ చేయించుకోవాలంటే ఒక్కటే ఉపాయం. అతనికి అసలు ఏమీ చెప్పకుండా ఉంటే చాలు. ఏం చేయాలో, ఎలా చేయాలనే విషయంలో తన బౌలింగ్‌పై అతనికి చాలా స్పష్టత ఉంది. అతిగా ఆలోచించకుండా తన బౌలింగ్‌నే అతను నమ్ముకుంటాడు. వికెట్లు దక్కినా... దక్కకపోయినా తన ఆలోచనలు స్పష్టంగా ఉంటాయి. కాబట్టి మ్యాచ్‌ మధ్యలో కూడా కొత్తగా బుమ్రాకు నేను ఎలాంటి సూచనలు ఇవ్వాల్సిన అవసరం లేదని అర్థమైంది. తన గాయం, బ్యాటింగ్‌ స్థానంపై... నా మోకాలుకు ఎలాంటి ఇబ్బందీ లేదు. అంతా బాగుంది. జట్టులో నేను ఏ స్థానంలో ఆడతాననే విషయంపై చర్చ అనవసరం. ఏం చేసినా జట్టు మేలు కోరే ప్రణాళికలు ఉంటాయి. గత టెస్టు తర్వాత రెండు బ్యాటింగ్‌ ప్రాక్టీస్‌ సెషన్లు జరిగాయి. ఈ రెండు రోజుల్లో నా ఆట ఎంతగా మారిందో చూడాలి. జోరుగా ప్రాక్టీస్‌... భారత ఆటగాళ్లు మంగళవారం నెట్స్‌లో తీవ్రంగా శ్రమించారు. ముఖ్యంగా కోహ్లి ఈ సిరీస్‌లో తనను ఇబ్బంది పెడుతున్న ‘ఫోర్త్‌ స్టంప్‌’ సమస్యను అధిగమించేందుకు ప్రయతి్నంచాడు. ఆఫ్‌స్టంప్‌ బయట బంతులు వేయమని చెబుతూ హర్షిత్‌ రాణా, ప్రసిధ్‌ కృష్ణలకు సూచిస్తూ కోహ్లి బ్యాటింగ్‌ కొనసాగించాడు. సిరీస్‌లో ఇదే తరహా బంతులకు అతను వరుసగా అవుటయ్యాడు. త్రో డౌన్‌ స్పెషలిస్ట్‌ రాఘవేంద్రతో భిన్నమైన బంతులు వేయించుకొని రోహిత్‌ సాధన చేశాడు. బుమ్రా సహా ఇతర ప్రధాన బౌలర్లందరినీ ఎదుర్కొంటూ వాషింగ్టన్‌ సుందర్‌ బ్యాటింగ్‌ ప్రాక్టీస్‌ చేయడంతో మెల్‌బోర్న్‌ టెస్టులో ఇద్దరు స్పిన్నర్లతో జట్టు ఆడవచ్చనే సంకేతాలు వస్తున్నాయి. కోహ్లి ఫామ్‌పై...విరాట్‌ కోహ్లి ఆధునిక క్రికెట్‌ దిగ్గజాల్లో ఒకడు అని అంతా చెబుతుంటారు. అలాంటి ఆటగాళ్లకు ఎవరో చెప్పాల్సిన పని లేదు. వారు తమకంటూ సొంత దారిని సృష్టించుకుంటారు. లోపాలను సరిదిద్దుకొని ముందుకు వెళ్లడం ఎలాగే వారికి బాగా తెలుసు.

స్వదేశంలో పాకిస్తాన్‌తో టెస్టు సిరీస్‌ను కోల్పోయిన సౌతాఫ్రికా(South Africa).. ఇప్పుడు అదే జ‌ట్టుతో టెస్టు సిరీస్‌లో త‌ల‌ప‌డేందుకు సిద్ద‌మైంది. ఈ రెండు మ్యాచ్‌ల సిరీస్‌లో భాగంగా తొలి టెస్టు డిసెంబ‌ర్ 26 నుంచి సెంచూరియ‌న్ వేదిక‌గా ప్రారంభం కానుంది.ఈ క్ర‌మంలో మొద‌టి టెస్టు కోసం త‌మ తుది జ‌ట్టుకు సౌతాఫ్రికా క్రికెట్ ప్ర‌క‌టించింది. ఈ మ్యాచ్‌తో ఐడెన్ మార్క్రామ్ బెస్ట్ ఫ్రెండ్ కార్బిన్ బాష్ ద‌క్షిణాఫ్రికా త‌ర‌పున టెస్టు క్రికెట్‌లోకి అడుగుపెట్ట‌నున్నాడు. బాష్ ఇటీవ‌లే పాకిస్తాన్‌తో జరిగిన రెండో వన్డేతో అంత‌ర్జాతీయ అరంగేట్రం చేశాడు. ఈ జ‌ట్టుకు టెంబా బావుమా సారథ్యం వ‌హించ‌నున్నాడు.కాగా ద‌క్షిణాఫ్రికాకు ఈ సిరీస్ చాలా కీల‌కం. ప్రోటీస్‌ వ‌ర‌ల్డ్ టెస్టు ఛాంపియ‌న్‌షిప్(WTC) ఫైన‌ల్ చేరాలంటే ఈ సిరీస్‌లో ఒక్క మ్యాచ్ గెలిచినా చాలు. సౌతాఫ్రికా ప్ర‌స్తుతం డ‌బ్ల్యూటీసీ పాయింట్ల‌ పట్టికలో అగ్ర‌స్ధానంలో ఉంది. ఆ తర్వాతి స్ధానాల్లో ఆస్ట్రేలియా, భార‌త్ ఉన్నాయి.తొలి టెస్టుకు దక్షిణాఫ్రికా ప్లేయింగ్‌ ఎలెవన్‌: ఐడెన్ మార్క్రామ్, టోనీ డి జోర్జి, ర్యాన్ రికెల్టన్, టెంబా బావుమా, ట్రిస్టన్ స్టబ్స్, డేవిడ్ బెడింగ్‌హామ్, కైల్ వెర్రెయిన్ (వికెట్ కీప‌ర్‌), కార్బిన్ బాష్, మార్కో జాన్సెన్, కగిసో రబడా, డేన్ ప్యాటర్సన్.చదవండి: ఛాంపియన్స్ ట్రోఫీ షెడ్యూల్ విడుదల.. భారత్ మ్యాచ్‌లు ఎక్కడంటే?

ఆస్ట్రేలియా సెలక్టర్ల తీరుపై ఆ జట్టు మాజీ కెప్టెన్‌ మైకేల్‌ క్లార్క్‌ ఆగ్రహం వ్యక్తం చేశాడు. టీమిండియాతో మిగిలిన రెండు టెస్టులకు నాథన్‌ మెక్‌స్వీనీని తప్పించడాన్ని తప్పుబట్టాడు. కేవలం మూడు మ్యాచ్‌ల ఆధారంగా అతడి భవిష్యత్తును నాశనం చేస్తారా అని మండిపడ్డాడు. కాగా భారత్‌తో ‘బోర్డర్‌–గావస్కర్‌ ట్రోఫీ’లో చివరి రెండు టెస్టులకు ఆసీస్‌ తమ జట్టులో ఒక మార్పు చేసిన విషయం తెలిసిందే.టీనేజ్‌ సంచలనం ఎంట్రీమూడు టెస్టుల్లోనూ విఫలమైన టాపార్డర్‌ బ్యాటర్‌ మెక్‌స్వీనీనిపై కంగారూ సెలక్షన్‌ కమిటీ వేటు వేసింది. 25 ఏళ్ల ఈ యువ ఓపెనర్‌ వరుస ఇన్నింగ్స్‌ల్లో 10, 0, 39, 10 నాటౌట్, 9, 4 పరుగులే చేసి నిరాశపరిచాడు. దీంతో అతడి స్థానంలో టీనేజ్‌ సంచలనం సామ్‌ కొన్‌స్టాస్‌ను జాతీయ టెస్టు జట్టులోకి ఎంపిక చేసింది.సీనియర్ల మాటేమిటి?ఈ విషయంపై మైకేల్‌ క్లార్క్‌ స్పందించాడు. ‘‘నాథన్‌ మెక్‌స్వీనీ కాకుండా.. 30 ఏళ్లు, ఆపై వయసున్న వాళ్ల పట్ల మన విధానం ఎలా ఉంది? యువకులకు ఒకటీ అరా అవకాశాలు ఇచ్చి.. వెంటనే జట్టు నుంచి తప్పిస్తారా? అనుభవం ఉన్నా విఫలమవుతున్న, వయసు పైబడుతున్న వాళ్లను మాత్రం కొనసాగిస్తారా?ఒకవేళ రెండు టెస్టుల వ్యవధిలో ఉస్మాన్‌ ఖవాజా రిటైర్‌ అయితే ఏం చేస్తారు? మళ్లీ మెక్‌స్వీనీని వెనక్కి తీసుకువస్తారా? అసలు సెలక్టర్లు ఏం ఆలోచిస్తున్నారు? ‘అతడిని ఎంపిక చేసి తప్పుచేశాం’ అని అనుకుంటున్నారా?ఇది నాథన్‌ మెక్‌స్వీనీ కెరీర్‌. దానితో మీరు ఆటలాడవద్దు. అతడు మరిన్ని అవకాశాలకు అర్హుడు. ఈ సమ్మర్‌లో మిగిలిన టెస్టులన్నింటిలోనూ అతడిని ఆడించాలి. ఉస్మాన్‌ ఖవాజాకు 38 ఏళ్లు. అతడొక సీనియర్‌ ప్లేయర్‌. మరి ఓపెనర్‌గా ఈ సిరీస్‌లో పరుగులు రాబట్టలేదు కదా!.. అతడిని కొనసాగించినపుడు మెక్‌స్వీనీని ఎందుకు తప్పించారు?’’ అని క్లార్క్‌ ఓ పాడ్‌కాస్ట్‌లో తన అభిప్రాయాలను నిక్కచ్చిగా వెల్లడించాడు.వార్నర్‌ రిటైర్మెంట్‌ తర్వాతకాగా డేవిడ్‌ వార్నర్‌ రిటైర్మెంట్‌ తర్వాత టెస్టుల్లో ఆస్ట్రేలియా ఓపెనర్‌ స్థానం ఖాళీ అయింది. స్టీవ్‌ స్మిత్‌ను ఓపెనర్‌గా పంపిన ప్రయోగం విఫలం కావడంతో.. ఈసారి మెక్‌స్వీనీకి అవకాశం వచ్చింది. అయితే, తొలి మూడు టెస్టుల్లో అతడు విఫలం కావడం వల్ల.. 19 ఏళ్ల సామ్‌ కాన్‌స్టాస్‌కు సువర్ణావకాశం దక్కింది.ఇక బోర్డర్‌- గావస్కర్‌ ట్రోఫీలో భాగంగా ఆసీస్‌ భారత్‌తో ఐదు టెస్టులు ఆడుతోంది. ఇందులో ఇరుజట్లు చెరో విజయం సాధించి 1-1తో సమంగా ఉన్నాయి. బ్రిస్బేన్‌లో జరిగిన మూడో టెస్టు డ్రా అయింది. ఇరుజట్ల మధ్య డిసెంబరు 26-30 వరకు మెల్‌బోర్న్‌లో నాలుగో టెస్టు జరుగుతుంది. ఆఖరి టెస్టుకు సిడ్నీ వేదిక.చదవండి: ముంబై ప్లేయర్‌గా అతడికి ఇదే లాస్ట్‌ సీజన్‌: భారత మాజీ సెలక్టర్‌

టీమిండియాతో మిగిలిన రెండు టెస్టులకు క్రికెట్‌ ఆస్ట్రేలియా తమ జట్టును ప్రకటించింది. పదిహేను మంది సభ్యులతో కూడిన ఈ జట్టు నుంచి ఓపెనర్‌ నాథన్‌ మెక్‌స్వీనీకి ఉద్వాసన పలికింది. అతడి స్థానంలో సామ్‌ కొన్‌స్టాస్‌కు తొలిసారి జాతీయ జట్టులో చోటిచ్చింది.అతడి పునరాగమనంఅదే విధంగా.. ఫాస్ట్‌ బౌలర్‌ జే రిచర్డ్‌సన్‌కు కూడా భారత్‌తో మెల్‌బోర్న్‌, సిడ్నీ టెస్టులకు ఎంపిక చేసింది. కాగా గాయం వల్ల 2021-22 యాషెస్‌ సిరీస్‌ తర్వాత టెస్టు జట్టుకు దూరమైన రిచర్డ్‌సన్‌ బోర్డర్‌- గావస్కర్‌ ట్రోఫీతో రీ ఎంట్రీ ఇవ్వనున్నాడు. ఇక సీన్‌ అబాట్‌ కూడా పునరాగమనం చేయగా.. అన్‌క్యాప్డ్‌ ఆల్‌రౌండర్‌ బ్యూ వెబ్‌స్టర్‌ కూడా జట్టుతో కొనసాగనున్నాడు.ఇక పిక్క కండరాల నొప్పి కారణంగా మూడో టెస్టు సందర్భంగా గాయపడ్డ స్టార్‌ పేసర్‌ జోష్‌ హాజిల్‌వుడ్‌.. నాలుగు, ఐదో టెస్టులకు పూర్తిగా దూరమయ్యాడు. కాగా ఆస్ట్రేలియా-‘ఎ’ తరఫున రాణించిన మెక్‌స్వీనీ టీమిండియాతో తొలి టెస్టు సందర్భంగా పెర్త్‌లో అరంగేట్రం చేశాడు.వరుస సెంచరీలతో చెలరేగిఅయితే, ఇప్పటి వరకు జరిగిన మూడు టెస్టుల్లోనూ అతడు నిరాశపరిచాడు. ఫలితంగా మెక్‌స్వీనీ (ఆరు ఇన్నింగ్స్‌లో కలిపి 72 రన్స్‌)పై వేటు వేసిన క్రికెట్‌ ఆస్ట్రేలియా.. సామ్‌ కొన్‌స్టాస్‌కు తొలిసారి పిలుపునిచ్చింది. కాగా సామ్‌ తన చక్కటి బ్యాటింగ్‌ శైలితో జూనియర్‌ రిక్కీ పాంటింగ్‌గా విశ్లేషకుల ప్రశంసలు అందుకుంటున్నాడు. 19 ఏళ్ల ఈ యువ బ్యాటర్‌ ఇటీవల షెఫీల్డ్‌షీల్డ్‌ మ్యాచ్‌లో సౌత్‌ వేల్స్‌కు ప్రాతినిథ్య వహించాడు. సౌత్‌ ఆస్ట్రేలియాతో జరిగిన తొలి మ్యాచ్‌లో వరుస సెంచరీలు(152, 105) బాదాడు.ఫాస్టెస్‌ ఫిఫ్టీతోఅంతేకాదు.. భారత్‌-‘ఎ’తో అనధికారిక టెస్టు సిరీస్‌లో ఆస్ట్రేలియా-‘ఎ’ తరఫున 73 రన్స్‌తో చెలరేగాడు. బిగ్‌బాష్‌ లీగ్‌లోనూ అడుగుపెట్టిన ఈ యువ సంచలనం.. సిడ్నీ థండర్‌ తరఫున అరంగేట్రంలోనే ఫాస్టెస్‌ ఫిఫ్టీ(27 బంతుల్లో 56) నమోదు చేశాడు. ఈ నేపథ్యంలో సెలక్టర్ల దృష్టిని ఆకర్షించి జాతీయ జట్టులో చోటు సంపాదించాడు.ఇక బోర్డర్‌- గావస్కర్‌ ట్రోఫీలో భాగంగా సొంతగడ్డపై ఆస్ట్రేలియా భారత్‌తో ఐదు టెస్టులు ఆడుతోంది. పెర్త్‌లో జరిగిన తొలి టెస్టులో టీమిండియా.. అడిలైడ్‌ టెస్టులో ఆతిథ్య ఆసీస్‌ గెలుపొందాయి. ఇరుజట్ల మధ్య బ్రిస్బేన్‌ టెస్టు డ్రా అయింది. ఫలితంగా సిరీస్‌ 1-1తో సమంగా ఉండగా.. మెల్‌బోర్న్‌(డిసెంబరు 26-30)లో, సిడ్నీ(జనవరి 3-7) నాలుగు, ఐదో టెస్టులు జరుగనున్నాయి. ఈ మ్యాచ్‌ల ఫలితంపైనే ఆసీస్‌- టీమిండియా ప్రపంచ టెస్టు చాంపియన్‌షిప్‌ ఫైనల్‌ అవకాశాలు ఆధారపడి ఉన్నాయి.భారత్‌తో మూడు, నాలుగు టెస్టులకు ఆస్ట్రేలియా జట్టుప్యాట్ కమిన్స్ (కెప్టెన్), ట్రవిస్ హెడ్(వైస్ కెప్టెన్), స్టీవ్ స్మిత్(వైస్ కెప్టెన్), సీన్ అబాట్, స్కాట్ బోలాండ్, అలెక్స్ క్యారీ, జోష్ ఇంగ్లిస్, ఉస్మాన్ ఖవాజా, సామ్ కొన్‌స్టాస్‌, మార్నస్ లబుషేన్, నాథన్ లియాన్, మిచెల్ మార్ష్, జే రిచర్డ్‌సన్‌, మిచెల్ స్టార్క్, బ్యూ వెబ్‌స్టర్‌.చదవండి: విధ్వంసకర ఇన్నింగ్స్‌.. వరల్డ్‌ రికార్డు సమం

‘టీమిండియా స్టార్‌ బ్యాటర్‌ విరాట్‌ కోహ్లి త్వరలోనే శాశ్వతంగా భారత్‌ను వీడనున్నాడు. కుటుంబంతో కలిసి లండన్‌లో నివాసం ఉండబోతున్నాడు. ఇందుకు సంబంధించి అన్ని ఏర్పాట్లు పూర్తయ్యాయి’... ఈ మాటలు అంటున్నది మరెవరో కాదు.. కోహ్లి చిన్ననాటి కోచ్‌ రాజ్‌కుమార్‌ శర్మ.క్రికెట్‌ కింగ్‌గా పేరొందిన విరాట్‌ కోహ్లి.. 2017లో బాలీవుడ్‌ హీరోయిన్‌ అనుష్క శర్మను వివాహమాడిన విషయం తెలిసిందే. ఈ జంటకు 2021లో కుమార్తె వామిక జన్మించింది. పాప పుట్టిన దాదాపు మూడేళ్ల అనంతరం ఇటీవలే అనుష్క- కోహ్లి మగబిడ్డకు జన్మనిచ్చారు.అప్పటి నుంచి ఎక్కువగా లండన్‌లోనేఇక వామిక భారత్‌లోనే జన్మించగా.. రెండోసారి ప్రసవం కోసం భర్త విరాట్‌తో కలిసి అనుష్క లండన్‌కు వెళ్లింది. అక్కడే ఆమె తమ కుమారుడు అకాయ్‌కు జన్మనిచ్చింది. అప్పటి నుంచి కోహ్లి కుటుంబం ఎక్కువగా లండన్‌లోనే నివసిస్తోంది. విరాట్‌ కూడా సొంతగడ్డపై మ్యాచ్‌లు ఉన్నపుడు మాత్రమే స్వదేశానికి తిరిగి వస్తున్నాడు. విదేశాల్లో సిరీస్‌లు ఉన్న సమయంలో లండన్‌ నుంచి నేరుగా అక్కడికి చేరుకుంటున్నాడు.లండన్‌లో స్థిర నివాసంఅదే విధంగా.. అనుష్క శర్మ సైతం ముఖ్యమైన పనుల కోసం మాత్రమే ముంబైకి వస్తున్నారు. ఈ నేపథ్యంలో విరుష్క జోడీ లండన్‌లో స్థిరనివాసం ఏర్పరచుకోబోతున్నారని వదంతులు వచ్చాయి. ఈ నేపథ్యంలో విరాట్‌ కోహ్లి చిన్ననాటి కోచ్‌ రాజ్‌కుమార్‌ శర్మ.. దైనిక్‌ జాగరణ్‌తో మాట్లాడుతూ ఈ వదంతులు నిజమేనని పేర్కొన్నాడు.‘‘అవును.. విరాట్‌ కోహ్లి లండన్‌కు పూర్తిగా మకాం మార్చేందుకు ప్రణాళికలు సిద్ధం చేసుకున్నాడు. త్వరలోనే అతడు ఇండియాను శాశ్వతంగా వదిలివెళ్తాడు’’ అని రాజ్‌కుమార్‌ శర్మ తెలిపాడు. కాగా విరాట్‌ కోహ్లికి ఉన్న క్రేజ్‌ గురించి ప్రత్యేకంగా చెప్పాల్సిన పనిలేదు. అదే విధంగా.. అనుష్కకు కూడా భారీగానే అభిమానగణం ఉంది.కారణం ఇదేకాబట్టి ఈ సెలబ్రిటీ జంటకు సంబంధించిన చిన్న విషయమైనా అభిమానులకు పెద్ద వార్తే. అదే విధంగా.. మీడియా, సోషల్‌ మీడియాలోనూ వీరి గురించి ఎన్నో కథనాలు వస్తూ ఉంటాయి. ఒక్కోసారి కామెంట్లు శ్రుతిమించుతాయి కూడా! అప్పట్లో ఓ మ్యాచ్‌లో కోహ్లి భారత పేసర్‌ మహ్మద్‌ షమీకి మద్దతుగా నిలిచాడన్న కారణంతో అతడి కుమార్తెను ఉద్దేశించి నీచంగా మాట్లాడటంతో పాటు బెదిరింపులకు దిగారు కొందరు దుండగులు.ఈ పరిణామాల నేపథ్యంలో తమ సంతానాన్ని లైమ్‌లైట్‌కు దూరంగా ఉంచాలని నిర్ణయించుకున్న విరుష్క జోడీ.. ఇప్పటి వరకు వారి ఫొటోలను కూడా ప్రపంచానికి చూపించలేదు. తమ పిల్లల గోప్యతకు సంబంధించి అన్ని జాగ్రత్తలు తీసుకుంటున్నారు. ఈ నేపథ్యంలోనే వారు శాశ్వతంగా లండన్‌లో స్థిరపడాలని భావిస్తున్నట్లు సమాచారం.ఆ తర్వాత శాశ్వతంగా లండన్‌లోఇటు కుటుంబ గోప్యతతో పాటు.. లండన్‌లో భారీగా పెట్టుబడులు పెట్టిన నేపథ్యంలోనే విరాట్‌ కోహ్లి ఈ నిర్ణయం తీసుకున్నట్లు తెలుస్తోంది. ఇప్పటికే అంతర్జాతీయ టీ20లకు గుడ్‌బై చెప్పిన ఈ రికార్డుల రారాజు.. వన్డే, టెస్టుల నుంచి తప్పుకొన్న తర్వాత మకాం మొత్తంగా లండన్‌కు మార్చబోతున్నట్లు వార్తలు వినిపిస్తున్నాయి.ఇక ప్రస్తుతం కోహ్లి బోర్డర్‌- గావస్కర్‌ ట్రోఫీ ఆడేందుకు ఆస్ట్రేలియా పర్యటనకు వెళ్లాడు. భార్య అనుష్కతో పాటు పిల్లలు వామిక, అకాయ్‌లను కూడా తన వెంట తీసుకువెళ్లాడు. కాగా కోహ్లి ఖాతాలో ఇప్పటికే 81(టెస్టు 30, వన్డే 50, టీ20 1) అంతర్జాతీయ శతకాలు ఉన్నాయి.చదవండి: సంజూ శాంసన్‌కు షాక్‌

గత కొన్నాళ్లుగా టెస్టు క్రికెట్‌లో టీమిండియా కెప్టెన్‌ రోహిత్‌ శర్మకు చేదు అనుభవాలే ఎదురవుతున్నాయి. కెప్టెన్‌గానూ, బ్యాటర్‌గానూ ఈ ముంబైకర్‌ స్థాయికి తగ్గట్లు రాణించలేకపోతున్నాడు. సొంతగడ్డపై న్యూజిలాండ్‌తో టెస్టు సిరీస్‌లో రోహిత్‌ సేన వైట్‌వాష్‌కు గురైన విషయం తెలిసిందే.వరుస వైఫల్యాలుకివీస్‌తో సిరీస్‌లో బ్యాటర్‌గానూ రోహిత్‌ విఫలమయ్యాడు. మూడు టెస్టుల్లో అతడు చేసిన స్కోర్లు 2, 52, 0, 8, 18, 11. ఇక బోర్డర్‌- గావస్కర్‌ ట్రోఫీలో భాగంగా ఆస్ట్రేలియాతో టెస్టుల్లోనూ హిట్‌మ్యాన్‌ బ్యాట్‌ ఝులిపించలేకపోతున్నాడు. పెర్త్‌ టెస్టుకు దూరంగా ఉన్న రోహిత్‌.. అడిలైడ్‌లో తేలిపోయాడు. ఈ పింక్‌ బాల్‌ మ్యాచ్‌లో అతడు మొత్తంగా కేవలం తొమ్మిది (3, 6) పరుగులే చేశాడు.ఇక కీలకమైన మూడో టెస్టులోనూ రోహిత్‌ శర్మ విఫలయ్యాడు. బ్రిస్బేన్‌లో జరిగిన ఈ మ్యాచ్‌లో రోహిత్‌ కేవలం పది పరుగులే చేశాడు. కాగా ఆసీస్‌తో ఆడిన రెండు టెస్టుల్లోనూ ఓపెనర్‌గా కాకుండా ఆరోస్థానంలో రోహిత్‌ బ్యాటింగ్‌కు దిగడం గమనార్హం. దీంతో మిడిలార్డర్‌లో ఆడటం కూడా రోహిత్‌ ప్రదర్శనపై ప్రభావం పడిందనే అభిప్రాయాలు వ్యక్తమవుతున్నాయి.మరోవైపు.. సారథిగా, బ్యాటర్‌గా వైఫల్యం చెందుతున్న రోహిత్‌ శర్మపై వేటు వేయాలనే డిమాండ్లూ వస్తున్నాయి. ఈ నేపథ్యంలో టీమిండియా దిగ్గజం సునిల్‌ గావస్కర్‌ రోహిత్‌ శర్మను ఉద్దేశించి ఆసక్తికర వ్యాఖ్యలు చేశాడు. ‘‘ఆసీస్‌తో మిగిలిన రెండు టెస్టుల్లో రోహిత్‌ పరుగులు రాబట్టేందుకు కచ్చితంగా ప్రయత్నం చేస్తాడు.అదే జరిగితే కెప్టెన్సీకి రోహిత్‌ శర్మ గుడ్‌బై!ఒకవేళ అలా జరగనట్లయితే.. తనను తానుగా తప్పుకొంటాడు. అతడు నిస్వార్థ గుణం ఉన్న కెప్టెన్‌. జట్టుకు భారంగా ఉండాలని కోరుకోడు. భారత క్రికెట్‌ ప్రయోజనాల పట్ల అతడి అంకితభావం అమోఘం. కాబట్టి వచ్చే రెండు మ్యాచ్‌లలోనూ ఇదే పునరావృతం అయితే, కచ్చితంగా కెప్టెన్‌గా తప్పుకొంటాడు’’ అని సునిల్‌ గావస్కర్‌ పేర్కొన్నాడు.కాగా బోర్డర్‌- గావస్కర్‌ ట్రోఫీలో భాగంగా ఆసీస్‌ గడ్డ మీద ఐదు టెస్టులు ఆడుతోంది టీమిండియా. తొలి టెస్టుకు జస్‌ప్రీత్‌ బుమ్రా సారథ్యం వహించగా భారత్‌ 295 పరుగుల తేడాతో గెలిచింది. ఇక రెండో టెస్టుకు రోహిత్‌ శర్మ కెప్టెన్‌గా తిరిగి రాగా.. ఆసీస్‌ చేతిలో 10 వికెట్ల తేడాతో ఓడింది. దీంతో సిరీస్‌ 1-1తో సమం కాగా.. బ్రిస్బేన్‌లో జరిగిన మూడో టెస్టు ‘డ్రా’ గా ముగిసింది. తదుపరి ఇరుజట్ల మధ్య మెల్‌బోర్న్‌, సిడ్నీ వేదికగా నాలుగు, ఐదు టెస్టులు జరుగుతాయి.చదవండి: వర్షం వల్లే డ్రా.. లేదంటే గెలుపు మాదే.. ఆ ఇద్దరు అద్భుతం: కమిన్స్‌

టీమిండియాతో టెస్టు సిరీస్‌తో బిజీగా ఉన్న ఆస్ట్రేలియాకు భారీ షాక్‌ తగిలింది. ఆ జట్టు కీలక పేస్‌ బౌలర్‌ జోష్‌ హాజిల్‌వుడ్‌ గాయం తీవ్రమైంది. ఫలితంగా బోర్డర్‌- గావస్కర్‌ ట్రోఫీలో మిగిలిన రెండు టెస్టులకు అతడు పూర్తిగా దూరమయ్యాడు. క్రికెట్‌ ఆస్ట్రేలియా మంగళవారం ఈ విషయాన్ని అధికారికంగా ప్రకటించింది.కంగారు జట్టు సొంతగడ్డపై భారత్‌తో ఐదు మ్యాచ్‌ల టెస్టు సిరీస్‌ ఆడుతోంది. ఇందులో భాగంగా పెర్త్‌లో జరిగిన తొలి టెస్టులో భారీ తేడాతో ఓడిపోయిన కమిన్స్‌ బృందం.. అడిలైడ్‌ మ్యాచ్‌లో మాత్రం అద్భుత ప్రదర్శన కనబరిచింది. పింక్‌ బాల్‌ టెస్టులో రోహిత్‌ సేనను ఓడించి సిరీస్‌ను 1-1తో సమం చేసింది.గతంలోనూ గాయంకాగా తొలి టెస్టు సందర్భంగా పక్కటెముకల నొప్పితో బాధపడ్డ హాజిల్‌వుడ్‌కు ఆస్ట్రేలియా మేనేజ్‌మెంట్‌.. అడిలైడ్‌ మ్యాచ్‌ నుంచి విశ్రాంతినిచ్చింది. హాజిల్‌వుడ్‌ స్థానంలో స్కాట్‌ బోలాండ్‌ను పిలిపించగా అతడు ఐదు వికెట్లతో రాణించాడు. అయితే, బ్రిస్బేన్‌లో భారత్‌తో జరుగుతున్న మూడో టెస్టుకు క్రికెట్‌ ఆస్ట్రేలియా హాజిల్‌వుడ్‌ను వెనక్కి పిలిపించింది.కండరాలు పట్టుకోవడంతోగబ్బా మైదానంలో శనివారం మొదలైన ఈ మ్యాచ్‌లో హాజిల్‌వుడ్‌ మళ్లీ గాయపడ్డాడు. భారత్‌తో మంగళవారం నాటి నాలుగో రోజు ఆటలో డ్రింక్స్‌ బ్రేక్‌ సమయంలో అతడు మైదానాన్ని వీడాడు. ఈ 33 ఏళ్ల రైటార్మ్‌ పేసర్‌ కుడికాలి పిక్క కండరాలు పట్టుకోవడంతో వెంటనే స్కానింగ్‌కు పంపించారు.ఈ నేపథ్యంలో గాయం తీవ్రత ఎక్కువగా ఉందని తేలడంతో బోర్డర్‌- గావస్కర్‌ ట్రోఫీ మొత్తానికి హాజిల్‌వుడ్‌ దూరమైనట్లు క్రికెట్‌ ఆస్ట్రేలియా ప్రకటన విడుదల చేసింది. త్వరలోనే అతడి స్థానాన్ని భర్తీ చేస్తామని వెల్లడించింది. కాగా బ్రిస్బేన్‌ టెస్టులో ఆరు ఓవర్లపాటు బౌలింగ్‌ చేసిన హాజిల్‌వుడ్‌.. విరాట్‌ కోహ్లి(3) రూపంలో కీలక వికెట్‌ తీసి టీమిండియాను దెబ్బకొట్టాడు.ఆస్ట్రేలియా జట్టుప్యాట్ కమిన్స్ (కెప్టెన్), సీన్ అబాట్, స్కాట్ బోలాండ్, అలెక్స్ క్యారీ(వికెట్ కీపర్), బ్రెండన్ డగెట్, ట్రవిస్ హెడ్, జోష్ ఇంగ్లిస్, ఉస్మాన్ ఖవాజా, మార్నస్ లబుషేన్, నాథన్ లియాన్, మిచెల్ మార్ష్, స్టీవ్ స్మిత్, మిచెల్ స్టార్క్, బ్యూ వెబ్‌స్టర్‌టీమిండియారోహిత్ శర్మ (కెప్టెన్), జస్‌ప్రీత్‌ బుమ్రా (వైస్ కెప్టెన్), యశస్వి జైస్వాల్, కేఎల్ రాహుల్, అభిమన్యు ఈశ్వరన్, దేవదత్ పడిక్కల్, శుబ్‌మన్‌ గిల్, విరాట్ కోహ్లి, రిషభ్‌ పంత్, సర్ఫరాజ్ ఖాన్, ధృవ్ జురెల్, రవిచంద్రన్ అశ్విన్, రవీంద్ర జడేజా, మహ్మద్ సిరాజ్, ఆకాశ్ దీప్, ప్రసిద్ధ్ కృష్ణ, హర్షిత్ రాణా, నితీశ్ కుమార్ రెడ్డి, వాషింగ్టన్ సుందర్.చదవండి: ‘రోహిత్‌ శర్మ వెంటనే తప్పుకోవాలి.. అతడిని కెప్టెన్‌ చేయండి’

టీమిండియా స్టార్‌ బ్యాటర్‌ శుబ్‌మన్‌ గిల్‌ ఆట తీరును భారత క్రికెట్‌ దిగ్గజం సునిల్‌ గావస్కర్‌ విమర్శించాడు. ఆస్ట్రేలియాతో మూడో టెస్టులో గిల్‌ షాట్‌ సెలక్షన్‌ను సన్నీ తప్పుబట్టాడు. బ్యాటింగ్‌కు వచ్చే ముందు డ్రెస్సింగ్‌ రూమ్‌లోనే ఇమేజ్‌ను వదిలేస్తే ఇలాంటి పొరపాట్లు జరగవంటూ చురకలు అంటించాడు.అడిలైడ్‌లో అలాబోర్డర్‌- గావస్కర్‌ ట్రోఫీలో భాగంగా ఆస్ట్రేలియా పర్యటనలో టీమిండియా ఐదు టెస్టులు ఆడుతోంది. పెర్త్‌లో జరిగిన తొలి టెస్టుకు గాయం కారణంగా గిల్‌ దూరమయ్యాడు. అయితే, రెండో టెస్టు నాటికి అతడు అందుబాటులోకి వచ్చాడు. అడిలైడ్‌లో జరిగిన ఈ పింక్‌బాల్‌ మ్యాచ్‌లో గిల్‌ ఫర్వాలేదనిపించాడు. రెండు ఇన్నింగ్స్‌లో వరుసగా 31, 28 పరుగులు చేశాడు.అయితే, బ్రిస్బేన్‌ టెస్టులో మాత్రం గిల్‌ పూర్తిగా నిరాశపరిచాడు. మూడు బంతులు ఎదుర్కొని కేవలం ఒకే ఒక్క పరుగు చేసి నిష్క్రమించాడు. ఆసీస్‌ స్టార్‌ పేసర్‌ మిచెల్‌ స్టార్క్‌ బౌలింగ్‌లో ఆఫ్‌ స్టంప్‌ వెలుపలా వెళ్తున్న బంతిని షాట్‌ ఆడేందుకు ప్రయత్నించాడు. నీ ఇమేజ్‌ను డ్రెస్సింగ్‌ రూమ్‌లోనే వదిలెయ్‌అయితే, షాట్‌ సరిగ్గా కనెక్ట్‌ కాలేదు. ఈ క్రమంలో బ్యాట్‌ ఎడ్జ్‌ను తాకిన బంతి గల్లీ పాయింట్‌లో ఉన్న మిచెల్‌ మార్ష్‌ చేతిలో పడింది. దీంతో గిల్‌ పెవిలియన్‌ చేరాడు. ఈ నేపథ్యంలో సునిల్‌ గావస్కర్‌ మాట్లాడుతూ.. ‘‘నీ ఇమేజ్‌ను డ్రెస్సింగ్‌ రూమ్‌లోనే వదిలెయ్‌. ఇన్నింగ్స్‌ ఆరంభంలోనే ఇలాంటి షాట్లు ఆడటం ప్రమాదకరమని తెలిసినా.. నువ్వు జాగ్రత్త పడలేదు.చెత్త షాట్‌ సెలక్షన్‌కాస్త కుదురుకున్న తర్వాత ఇలాంటివి ప్రయత్నించవచ్చు. 30- 40- 50 పరుగులు సాధించిన తర్వాత రిస్క్‌ తీసుకోవచ్చు. కానీ ఆరంభంలోనే ఇలాంటి చెత్త షాట్‌ సెలక్షన్‌ ఏమిటి? నిజానికి మార్ష్‌ క్యాచ్‌ పట్టిన తీరు అద్భుతం. ఈ విషయంలో గిల్‌కు కాస్త దురదృష్టం ఎదురైందని చెప్పవచ్చు.ఏదేమైనా.. ఆ బంతిని ఆడకుండా.. అలా వదిలేసి ఉంటే బాగుండేది. అనవసరపు షాట్‌కు యత్నించినందుకు గిల్‌ డగౌట్లో కూర్చోవాల్సి వచ్చింది’’ అని పేర్కొన్నాడు. స్టార్‌ స్పోర్ట్స్‌ షోలో భాగంగా గావస్కర్‌ ఈ మేరకు తన అభిప్రాయాలు పంచుకున్నాడు.కష్టాల్లో టీమిండియాకాగా బ్రిస్బేన్‌లోని గబ్బా మైదానంలో జరుగుతున్న మూడో టెస్టులో టీమిండియా కష్టాల్లో కూరుకుపోయింది. తొలి ఇన్నింగ్స్‌లో ఆస్ట్రేలియా 445 పరుగులు చేయగా.. భారత్‌ కనీసం మూడు వందల పరుగుల మార్కును కూడా చేరుకునేలా కనిపించడం లేదు. గాబ్బాలో మంగళవారం నాటి నాలుగో రోజు ఆటలో టీ బ్రేక్‌ సమయానికి రోహిత్‌ సేన ఏడు వికెట్ల నష్టానికి 201 పరుగులు చేసింది. ఇక ఈ సిరీస్‌లో పెర్త్‌లో టీమిండియా, అడిలైడ్‌లో ఆసీస్‌ గెలిచి ప్రస్తుతానికి 1-1తో సమంగా ఉన్నాయి.చదవండి: కెప్టెన్‌గా రింకూ సింగ్‌

ఆస్ట్రేలియాతో మూడో టెస్టులో భారత ప్రధాన పేసర్‌ జస్‌ప్రీత్‌ బుమ్రా ఐదు వికెట్లతో మెరిశాడు. బ్రిస్బేన్‌లో పేస్‌ దళాన్ని ముందుకు నడిపించిన ఈ స్పీడ్‌స్టర్‌.. ఆదివారం నాటి ఆటలో ఓపెనర్‌ ఉస్మాన్‌ ఖవాజా(21)ను అవుట్‌ చేసి బ్రేక్‌ ఇచ్చాడు. ఆ తర్వాత మరో ఓపెనర్‌ నాథన్‌ మెక్‌స్వీనీ(9)ని కూడా తానే పెవిలియన్‌కు పంపాడు.ఆ ఇద్దరి సెంచరీలుఈ క్రమంలో బుమ్రా స్ఫూర్తితో యువ పేస్‌ ఆల్‌రౌండర్‌ నితీశ్‌ కుమార్‌ రెడ్డి మార్నస్‌ లబుషేన్‌(12) ఆట కట్టించాడు. ఫలితంగా 75 పరుగుల వద్ద ఆసీస్‌ మూడో వికెట్‌ కోల్పోయింది. దీంతో భారత శిబిరంలో ఉత్సాహం నెలకొంది. అయితే, ఆ ఆనందం ఎక్కువసేపు నిలవలేదు.నాలుగో నంబర్‌ బ్యాటర్‌ స్టీవ్‌ స్మిత్‌కు తోడైన ట్రవిస్‌ హెడ్‌ భారత బౌలర్లపై విరుచుకుపడ్డాడు. కేవలం 115 బంతుల్లోనే వంద పరుగుల మార్కు అందుకున్నాడు. టెస్టుల్లో తన తొమ్మిదవ సెంచరీ నమోదు చేసిన అనంతరం హెడ్‌.. కొరకరాని కొయ్యగా మారాడు. ఈ క్రమంలో.. ఫామ్‌లోలేని స్మిత్‌ సైతం హెడ్‌ ఇచ్చిన జోష్‌లో శతక్కొట్టేశాడు.బుమ్రా విడగొట్టేశాడుఈ మిడిలార్డర్‌ బ్యాటర్లను విడదీసేందుకు భారత బౌలర్లు తీవ్రంగా శ్రమించారు. అయితే, మరోసారి బుమ్రానే తన అనుభవాన్ని ఉపయోగించి స్మిత్‌(101)ను పెవిలియన్‌కు పంపాడు. ఆ తర్వాత కాసేపటికే ఆల్‌రౌండర్‌ మిచెల్‌ మార్ష్‌(5) వికెట్‌ను కూడా బుమ్రా తన ఖాతాలో వేసుకున్నాడు.అనంతరం.. శతకవీరుడు ట్రవిస్‌ హెడ్‌(152)ను కూడా అవుట్‌ చేశాడు బుమ్రా. దీంతో టీమిండియాలో తిరిగి ఉత్సాహం నిండింది. ఇక హెడ్‌ రూపంలో ఈ ఇన్నింగ్స్‌లో ఐదో వికెట్‌ దక్కించుకున్న బుమ్రా. తన కెరీర్‌లో ఓవరాల్‌గా పన్నెండోసారి(Five Wicket Haul) ఈ ఘనత సాధించాడు.Jasprit Bumrah gets Travis Head to bring up his fifth wicket! #AUSvIND | #MilestoneMoment | @nrmainsurance pic.twitter.com/2QGUazarZP— cricket.com.au (@cricketcomau) December 15, 2024అదే విధంగా.. ప్రపంచ టెస్టు చాంపియన్‌షిప్‌(డబ్ల్యూటీసీ)లో అతడికి ఇది తొమ్మిదో ఫైవ్‌ వికెట్‌ హాల్‌. అంతేకాదు.. ఆస్ట్రేలియా గడ్డ మీద నాలుగోసారి బుమ్రా ఈ ఫీట్‌ నమోదు చేశాడు. ఈ క్రమంలో బుమ్రా రెండు అరుదైన రికార్డులు సొంతం చేసుకున్నాడు.కమిన్స్‌ సరసన.. భారత తొలి బౌలర్‌గా రికార్డుడబ్ల్యూటీసీలో అత్యధికసార్లు ఐదు వికెట్ల ప్రదర్శన నమోదు చేసిన క్రికెటర్‌గా ఆసీస్‌ సారథి ప్యాట్‌ కమిన్స్‌ కొనసాగుతున్నాడు. అతడు ఇప్పటికి తొమ్మిదిసార్లు ఈ ఘనత సాధించాడు. తాజా టెస్టుతో బుమ్రా కూడా కమిన్స్‌ సరసన చేరాడు. ఈ జాబితాలో సౌతాఫ్రికా పేసర్‌ కగిసో రబడ(7), ఆసీస్‌ బౌలర్‌ జోష్‌ హాజిల్‌వుడ్‌(6), న్యూజిలాండ్‌ ఫాస్ట్‌బౌలర్‌ టిమ్‌ సౌథీ(6) వీరి తర్వాతి స్థానాలో ఉన్నారు.కుంబ్లే రికార్డును సమం చేసిన బుమ్రాఇక ఆస్ట్రేలియా గడ్డపై నాలుగుసార్లు ఐదు వికెట్ల ప్రదర్శన నమోదు చేసిన భారత బౌలర్‌గా అనిల్‌ కుంబ్లే కొనసాగుతున్నాడు. బ్రిస్బేన్‌ టెస్టుతో బుమ్రా కూడా కుంబ్లే రికార్డును సమం చేశాడు. ఇదిలా ఉంటే.. ఓవరాల్‌గా 23సార్లు కపిల్‌ దేవ్‌ ఫైవ్‌ వికెట్ల హాల్‌ సాధించి అగ్రస్థానంలో కొనసాగుతున్నాడు.ఆసీస్‌దే పైచేయిబ్రిస్బేన్‌లో గబ్బా మైదానంలో జరుగుతున్న మూడో టెస్టులో ఆస్ట్రేలియా టీమిండియాపై పైచేయి సాధించింది. ఆదివారం నాటి రెండో రోజు ఆట పూర్తయ్యే సరికి ఏడు వికెట్ల నష్టానికి 405 పరుగుల మేర భారీ స్కోరు సాధించింది. హెడ్‌, స్మిత్‌ సెంచరీలకు తోడు వికెట్‌ కీపర్‌ అలెక్స్‌ క్యారీ(45 నాటౌట్‌) రాణించడం వల్ల ఇది సాధ్యమైంది. ఇక భారత బౌలర్లలో బుమ్రా ఐదు, నితీశ్‌ రెడ్డి, మహ్మద్‌ సిరాజ్‌ తలా ఒక వికెట్‌ పడగొట్టారు. ఇదిలా ఉంటే.. బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు భారత జట్టు ఆస్ట్రేలియాలో పర్యటిస్తోంది. ఈ క్రమంలో పెర్త్‌ టెస్టులో భారత్‌, అడిలైడ్‌ పింక్‌బాల్‌ టెస్టులో ఆసీస్‌ విజయం సాధించాయి. దీంతో ప్రస్తుతం సిరీస్‌ 1-1తో సమంగా ఉంది.చదవండి: భారత్‌తో మూడో టెస్టు: ట్రవిస్‌ హెడ్‌ వరల్డ్‌ రికార్డు.. సరికొత్త చరిత్ర

టీమిండియా సీనియర్‌ పేసర్‌ మహ్మద్‌ షమీ ఆస్ట్రేలియా పర్యటనకు వెళ్లేలా కనిపించడం లేదు. ఆసీస్‌తో మూడో టెస్టు నుంచే ఈ బెంగాల్‌ బౌలర్‌ భారత జట్టుకు అందుబాటులో ఉంటాడని వార్తలు వచ్చాయి. ఈ విషయం గురించి బీసీసీఐ సన్నిహిత వర్గాలు ఇటీవల... వార్తా సంస్థ పీటీఐతో మాట్లాడాయి.సయ్యద్‌ ముస్తాక్‌ అలీ ట్రోఫీ పూర్తి కాగానే‘‘షమీ టీమిండియా కిట్‌ ఇప్పటికే ఆస్ట్రేలియాకు చేరుకుంది. సయ్యద్‌ ముస్తాక్‌ అలీ ట్రోఫీ పూర్తి కాగానే అతడు కూడా కంగారూ గడ్డపై అడుగుపెట్టనున్నాడు’’ అని పేర్కొన్నాయి. అయితే, అవన్నీ వట్టి వదంతులేనని తేలిపోయింది. ఇప్పటికే టీమిండియా- ఆస్ట్రేలియా మధ్య మూడో టెస్టు మొదలైపోయింది.బ్రిస్బేన్‌లోని గబ్బా మైదానంలో శనివారం ఈ మ్యాచ్‌ ఆరంభమైంది. మరోవైపు.. విజయ్‌ హజారే ట్రోఫీలో పాల్గొనే బెంగాల్‌ జట్టులో షమీ పేరును చేర్చారు సెలక్టర్లు. కాగా దేశవాళీ వన్డే టోర్నీ విజయ్‌ హజారే ట్రోఫీ డిసెంబరు 21 నుంచి జనవరి 18 వరకు జరుగనుంది.షమీతో పాటు ముకేశ్‌ కుమార్‌ ఎంపికఈ నేపథ్యంలో బెంగాల్‌ క్రికెట్‌ అసోసియేషన్‌ ఈ ప్రతిష్టాత్మక టోర్నీలో పాల్గొనబోయే తమ జట్టులో ఇరవై మంది ఆటగాళ్లకు చోటిచ్చింది. సుదీప్‌ కుమార్‌ ఘరామీ కెప్టెన్సీలో ఆడబోయే ఈ టీమ్‌కు టీమిండియా స్టార్లలో మహ్మద్‌ షమీతో పాటు ముకేశ్‌ కుమార్‌ను కూడా ఎంపిక చేసింది. అదే విధంగా షమీ తమ్ముడు మహ్మద్‌ కైఫ్‌ కూడా ఈ టోర్నీలో బెంగాల్‌కు ప్రాతినిథ్యం వహించనున్నాడు.చీలమండ గాయానికి సర్జరీకాగా 34 ఏళ్ల షమీ చివరగా వన్డే ప్రపంచకప్‌-2023లో టీమిండియా తరఫున బరిలోకి దిగాడు. స్వదేశంలో జరిగిన ఈ ఐసీసీ టోర్నీలో షమీ 24 వికెట్లు పడగొట్టాడు. అయితే, ఈ ఈవెంట్‌ ముగిసిన తర్వాత అతడు చీలమండ గాయానికి సర్జరీ చేయించుకున్నాడు.దేశీ టీ20 టోర్నీలో షమీ అదుర్స్‌ఈ నేపథ్యంలో బెంగళూరులోని జాతీయ క్రికెట్‌ అకాడమీలో పునరావసం పొందిన షమీ.. దాదాపు ఏడాది తర్వాత కాంపిటేటివ్‌ క్రికెట్‌లో అడుగుపెట్టాడు. దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీ-2024లో బెంగాల్‌ తరఫున బరిలోకి దిగాడు. ఈ టోర్నమెంట్లో మొత్తంగా తొమ్మిది మ్యాచ్‌లు ఆడి 7.85 ఎకానమీతో పదకొండు వికెట్లు తీశాడు.టీమిండియా తలుపులు తెరిచే ఉన్నాయి.. కానీతద్వారా టీ20 క్రికెట్‌లో 201 వికెట్లు పూర్తి చేసుకున్నాడు షమీ. ఈ క్రమంలో షమీ ఇక ఆస్ట్రేలియా విమానం ఎక్కడమే తరువాయి అనుకున్న తరుణంలో.. టీమిండియా కెప్టెన్‌ రోహిత్‌ శర్మ కీలక వ్యాఖ్యలు చేశాడు. షమీ కోసం టీమిండియా తలుపులు తెరిచే ఉన్నాయని.. అయితే, అతడి ఫిట్‌నెస్‌పై ఇంకా పూర్తి స్పష్టత రాలేదని పేర్కొన్నాడు.షమీకి బైబై చెప్పేశారా?కాగా షమీ ఫిట్‌గానే ఉన్నప్పటికీ ఐదు రోజుల క్రికెట్‌(టెస్టు) ఆడేందుకు అతడు సిద్ధంగా లేనట్లు తెలుస్తోంది. అందుకే బీసీసీఐ అతడిని ఆసీస్‌ పర్యటన నుంచి పూర్తిగా పక్కనపెట్టిందనే అభిప్రాయాలు వ్యక్తమవుతున్నాయి. ఈ నేపథ్యంలో తాజాగా విజయ్‌ హజారే ట్రోఫీలో ఆడేందుకు షమీ సిద్ధం కావడం విశేషం.ఇక బోర్డర్‌- గావస్కర్‌ ట్రోఫీలో భాగంగా ఇప్పటికే రెండు టెస్టులు పూర్తి చేసుకున్న టీమిండియా.. బ్రిస్బేన్‌(డిసెంబరు 14-18), మెల్‌బోర్న్‌(డిసెంబరు 26-30), సిడ్నీ(జనవరి 3-7)లో మిగిలిన మూడు టెస్టులు ఆడనుంది. మరోవైపు.. షమీ భాగమైన బెంగాల్‌ జట్టు.. విజయ్‌ హజారే ట్రోఫీలో భాగంగా డిసెంబరు 21న ఢిల్లీతో తమ తొలి మ్యాచ్‌ ఆడనుంది.విజయ్‌ హజారే ట్రోఫీ-2024కు బెంగాల్‌ జట్టుసుదీప్ కుమార్ ఘరామి (కెప్టెన్), మహ్మద్ షమీ, అనుస్తుప్ మజుందార్, అభిషేక్ పోరెల్ (వికెట్ కీపర్), సుదీప్ ఛటర్జీ, కరణ్ లాల్, షకీర్ హబీబ్ గాంధీ (వికెట్ కీపర్), సుమంత గుప్తా, శుభమ్ ఛటర్జీ, రంజోత్ సింగ్ ఖైరా, ప్రదీప్తా ప్రామాణిక్, కౌశిక్ మైటీ, వికాస్ సింగ్, ముకేశ్‌ కుమార్, సక్షీమ్‌ చౌదరి, రోహిత్ కుమార్, మహ్మద్ కైఫ్, సూరజ్ సింధు జైస్వాల్, సయాన్ ఘోష్, కనిష్క్ సేథ్.చదవండి: భారత్‌తో మూడో టెస్టు: ట్రవిస్‌ హెడ్‌ వరల్డ్‌ రికార్డు.. సరికొత్త చరిత్ర

తన కెరీర్‌లో ఆఖరి టెస్టు ఆడుతున్న న్యూజిలాండ్‌ సీనియర్‌ పేసర్‌ టిమ్‌ సౌథీ అరుదైన ఘనత సాధించాడు. టెస్టు క్రికెట్‌లో వెస్టిండీస్‌ విధ్వంసక వీరుడు క్రిస్‌ గేల్‌ పేరిట ఉన్న రికార్డును సౌథీ సమం చేశాడు. కివీస్‌ జట్టు సొంతగడ్డపై ఇంగ్లండ్‌తో మూడు మ్యాచ్‌ల టెస్టు సిరీస్‌లో తలపడుతోంది.మరో మ్యాచ్‌ మిగిలి ఉండగానేఇందులో భాగంగా తొలి రెండు టెస్టుల్లో పర్యాటక ఇంగ్లండ్‌ ఘన విజయం సాధించింది. న్యూజిలాండ్‌ను చిత్తుగా ఓడించి మరో మ్యాచ్‌ మిగిలి ఉండగానే సిరీస్‌ను 2-0తో కైవసం చేసుకుంది. ఈ క్రమంలో ఇరుజట్ల మధ్య శనివారం నామమాత్రపు మూడో టెస్టు మొదలైంది.లాథమ్‌, సాంట్నర్‌ ఫిఫ్టీలుహామిల్టన్‌లోని సెడాన్‌ పార్కులో జరుగుతున్న ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బౌలింగ్‌ ఎంచుకుంది. దీంతో బ్యాటింగ్‌కు దిగిన న్యూజిలాండ్‌తో శనివారం తొలి రోజు ఆట ముగిసే సమయానికి 82 ఓవర్లలో 9 వికెట్ల నష్టానికి 315 పరుగులు చేసింది. కెప్టెన్‌ టామ్‌ లాథమ్‌ (135 బంతుల్లో 63; 9 ఫోర్లు), మిచెల్‌ సాంట్నర్‌ (54 బంతుల్లో 50 నాటౌట్‌; 7 ఫోర్లు, 2 సిక్స్‌లు) అర్ధ శతకాలతో ఆకట్టుకున్నారు.మరోవైపు.. మాజీ కెప్టెన్‌ కేన్‌ విలియమ్సన్‌ (44; 9 ఫోర్లు), విల్‌ యంగ్‌ (42; 10 ఫోర్లు) రాణించారు. అయితే, ఒక దశలో 172/2తో పటిష్టంగా కనిపించిన న్యూజిలాండ్‌... మిడిలార్డర్‌ వైఫల్యంతో 231/7కు పరిమితమైంది. రచిన్‌ రవీంద్ర (18), డరైన్‌ మిషెల్‌ (14), టామ్‌ బ్లన్‌డెల్‌ (21), గ్లెన్‌ ఫిలిప్స్‌ (5) విఫలమయ్యారు.చెలరేగిన సౌథీమరికాసేపట్లో ఇన్నింగ్స్‌ ముగియడం ఖాయమే అనుకుంటున్న దశలో ఆల్‌రౌండర్‌ మిచెల్‌ సాంట్నర్‌ చెలరేగాడు. ఈ మ్యాచ్‌తో టెస్టు ఫార్మాట్‌కు వీడ్కోలు పలుకనున్న టిమ్‌ సౌథీ (10 బంతుల్లో 23; 1 ఫోర్, 3 సిక్స్‌లు) కూడా దుమ్ము రేపడంతో న్యూజిలాండ్‌ మూడొందల మార్కు దాటగలిగింది. వీరిద్దరి ధాటికి కివీస్‌ టి20 తరహాలో చివరి 8 ఓవర్లలో 76 పరుగులు రాబట్టడం విశేషం. ఇంగ్లండ్‌ బౌలర్లలో మాథ్యూ పాట్స్, గస్‌ అట్కిన్‌సన్‌ చెరో 3 వికెట్లు పడగొట్టారు.టెస్టు క్రికెట్‌లో భారీ సిక్స్‌లకు పెట్టింది పేరైన సౌథీకాగా టెస్టు క్రికెట్‌లో భారీ సిక్స్‌లకు పెట్టింది పేరైన సౌథీ ఈ మ్యాచ్‌లో మూడు సిక్సర్లు బాదాడు. ఈ క్రమంలో సుదీర్ఘ ఫార్మాట్‌లో అత్యధిక సిక్స్‌లు కొట్టిన ప్లేయర్ల జాబితాలో... క్రిస్‌ గేల్‌ (98 సిక్స్‌లు)తో సమంగా నాలుగో స్థానానికి చేరాడు. ఈ జాబితాలో ఉన్నది వీరేఈ జాబితాలో ఇంగ్లండ్‌ కెప్టెన్‌ బెన్‌ స్టోక్స్‌ (133 సిక్స్‌లు) అగ్ర స్థానంలో ఉండగా... న్యూజిలాండ్‌ మాజీ కెప్టెన్‌ బ్రెండన్‌ మెక్‌కల్లమ్‌ (107 సిక్స్‌లు), ఆస్ట్రేలియా మాజీ వికెట్‌ కీపర్‌ ఆడమ్‌ గిల్‌క్రిస్ట్‌ (100 సిక్స్‌లు) వరుసగా ద్వితీయ, తృతీయ స్థానాల్లో ఉన్నారు.ఇక టీమిండియా నుంచి వీరేంద్ర సెహ్వాగ్‌ (91 సిక్స్‌లు), రోహిత్‌ శర్మ (88 సిక్స్‌లు) ఈ జాబితాలో వరుసగా ఆరో, ఏడో స్థానాల్లో ఉన్నారు. ఇదిలా ఉంటే.. న్యూజిలాండ్‌ తరఫున 107వ టెస్టు మ్యాచ్‌ ఆడుతున్న సౌథీ... ఇంగ్లండ్‌తో సిరీస్‌ అనంతరం కెరీర్‌కు వీడ్కోలు పలుకుతున్నట్లు ప్రకటించాడు.ఇంగ్లండ్‌ 143 ఆలౌట్‌ఆదివారం నాటి రెండో రోజు ఆటలో భాగంగా కివీస్‌ జట్టు తమ తొలి ఇన్నింగ్స్‌లో 347 పరుగులకు ఆలౌట్‌ అయింది. ఈ క్రమంలో బ్యాటింగ్‌కు దిగిన ఇంగ్లండ్‌ 143 పరుగులకే కుప్పకూలింది. అనంతరం రెండో ఇన్నింగ్స్‌ మొదలుపెట్టిన న్యూజిలాండ్‌ ఆట పూర్తయ్యేసరికి 32 ఓవర్లలో మూడు వికెట్ల నష్టానికి 136 పరుగులు చేసింది. ఇంగ్లండ్‌ కంటే 340 పరుగుల భారీ ఆధిక్యంలో నిలిచింది.చదవండి: భారత్‌తో మూడో టెస్టు: ట్రవిస్‌ హెడ్‌ వరల్డ్‌ రికార్డు.. సరికొత్త చరిత్ర

భారత్‌తో మూడో టెస్టులో ఆస్ట్రేలియా బ్యాటర్‌ ట్రవిస్‌ హెడ్‌ శతకంతో చెలరేగాడు. రెండో రోజు ఆటలో భాగంగా ఆదివారం వంద పరుగుల మార్కు అందుకున్నాడు. ఈ క్రమంలో ట్రవిస్‌ హెడ్‌ సరికొత్త చరిత్ర సృష్టించాడు. కాగా బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు మ్యాచ్‌ల టెస్టు సిరీస్‌ ఆడుతోంది.తొలిరోజు వర్షం వల్ల అంతరాయంపెర్త్‌ వేదికగా ఇరుజట్ల మధ్య తొలి టెస్టులో భారత్‌ గెలుపొందగా.. అడిలైడ్‌ పింక్‌బాల్‌ మ్యాచ్‌లో ఆసీస్‌ విజయం సాధించింది. దీంతో సిరీస్‌ 1-1తో సమమైంది. ఈ క్రమంలో భారత్‌- ఆస్ట్రేలియా మధ్య బ్రిస్బేన్‌లో శనివారం మూడో టెస్టు ఆరంభమైంది. గబ్బా మైదానంలో జరుగుతున్న ఈ మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుని.. కంగారూలను బ్యాటింగ్‌కు ఆహ్వానించింది.ఆరంభంలో భారత పేసర్ల జోరుఅయితే, వర్షం కారణంగా తొలి రోజు ఆట 13.2 ఓవర్ల వద్ద ముగిసిపోయింది. ఈ నేపథ్యంలో 28/0 ఓవర్‌నైట్‌ స్కోరుతో ఆదివారం ఆట మొదలుపెట్టిన ఆసీస్‌ను భారత పేసర్లు కట్టడి చేశారు. ఓపెనర్లలో నాథన్‌ మెక్‌స్వీనీ(9) అవుట్‌ చేసిన భారత ప్రధాన పేసర్‌ జస్‌ప్రీత్‌ బుమ్రా.. ఉస్మాన్‌ ఖవాజా(21) వికెట్‌ను కూడా తన ఖాతాలో వేసుకున్నాడు.టీమిండియా బౌలర్లకు తలనొప్పిఇక ఆంధ్ర కుర్రాడు, టీమిండియా నయా సంచలనం నితీశ్‌ రెడ్డి మార్నస్‌ లబుషేన్‌(12)ను పెవిలియన్‌కు పంపడంతో.. 75 పరుగుల స్కోరు వద్ద ఆసీస్‌ మూడో వికెట్‌ కోల్పోయింది. అయితే, ట్రవిస్‌ హెడ్‌ రాకతో సీన్‌ రివర్స్‌ అయింది. స్టీవ్‌ స్మిత్‌తో కలిసిన ఈ ఎడమచేతి వాటం బ్యాటర్‌.. టీమిండియా బౌలర్లకు తలనొప్పిగా మారాడు.ట్రవిస్‌ హెడ్‌ వరల్డ్‌ రికార్డు.. సరికొత్త చరిత్రక్రీజులో పాతుకుపోయిన హెడ్‌.. ధనాధన్‌ బ్యాటింగ్‌తో 115 బంతుల్లోనే సెంచరీ పూర్తి చేసుకున్నాడు. ఈ క్రమంలో అతడు వరల్డ్‌ రికార్డును సాధించాడు. ఒకే ఏడాదిలో ఒక వేదికపై రెండు ఇన్నింగ్స్‌లోనూ గోల్డెన్‌ డకౌట్‌(కింగ్‌ పెయిర్‌) కావడంతో పాటు.. అదే వేదికపై సెంచరీ చేసిన తొలి బ్యాటర్‌గా నిలిచాడు.గత ఏడు ఇన్నింగ్స్‌లో ఇలాగబ్బా మైదానంలో గత మూడు ఇన్నింగ్స్‌లోనూ ట్రవిస్‌ హెడ్‌ ఎదుర్కొన్న తొలి బంతికే అవుటయ్యాడు. తాజాగా టీమిండియాతో మ్యాచ్‌లో మాత్రం శతక్కొట్టాడు. ఈ క్రమంలోనే అరుదైన ఘనత అతడి ఖాతాలో జమైంది. గబ్బా స్టేడియంలో గత ఏడు ఇన్నింగ్స్‌లో హెడ్‌ సాధించిన పరుగులు వరుసగా.. 84(187), 24(29), 152(148), 92(96), 0(1), 0(1), 0(1).ఇక ఒక క్యాలెండర్‌ ఇయర్‌లో ఒకే వేదికపై రెండు ఇన్నింగ్స్‌లో డకౌట్‌ కావడంతో పాటు సెంచరీ చేసిన క్రికెటర్ల జాబితాలోనూ ట్రవిస్‌ హెడ్‌ చోటు దక్కించుకున్నాడు. ఈ లిస్టులో ఉన్నది వీరే..1. వాజిర్‌ మహ్మద్‌- పోర్ట్‌ ఆఫ్‌ స్పెయిన్‌- 19582. అల్విన్‌ కాళిచరణ్‌- పోర్ట్‌ ఆఫ్‌ స్పెయిన్‌- 19743. మార్వన్‌ ఆటపట్టు- కొలంబో ఎస్‌ఎస్‌సీ- 20014. రామ్‌నరేశ్‌ శర్వాణ్‌- కింగ్‌స్టన్‌- 20045. మహ్మద్‌ ఆఫ్రాఫుల్‌- చట్టోగ్రామ్‌ ఎంఏ అజీజ్‌- 20046. ట్రవిస్‌ హెడ్‌- బ్రిస్బేన్‌ గబ్బా- 2024.బుమ్రా బౌలింగ్‌లోఇదిలా ఉంటే.. ఆదివారం టీ విరామ సమయానికి ఆసీస్‌ 70 ఓవర్లలో మూడు వికెట్ల నష్టానికి 234 పరుగులు చేసింది. హెడ్‌ సెంచరీ, స్మిత్‌ హాఫ్‌ సెంచరీ(65*) పూర్తి చేసుకున్నారు. కాగా టెస్టుల్లో హెడ్‌కి ఇది తొమ్మిదో శతకం. అదే విధంగా టీమిండియా మీద మూడోది. అంతేకాదు.. ఇందులో రెండు(అడిలైడ్‌, గబ్బా) వరుసగా బాదడం విశేషం.బ్రేక్‌ అనంతరం.. సెంచరీ(101) పూర్తి చేసుకున్న స్మిత్‌, 152 పరుగులు సాధించిన హెడ్‌ను బుమ్రా అవుట్‌ చేశాడు. ఈ స్పీడ్‌స్టర్‌ బౌలింగ్‌లో రోహిత్‌ శర్మకు క్యాచ్ ఇచ్చి స్మిత్‌, పంత్‌కు క్యాచ్‌ ఇచ్చి హెడ్‌ పెవిలియన్‌ చేరారు.చదవండి: రోహిత్‌ శర్మ నిర్ణయం సరికాదు.. కమిన్స్‌ సంతోషించి ఉంటాడు: ఇంగ్లండ్‌ మాజీ కెప్టెన్‌HE'S DONE IT AGAIN!Travis Head brings up another hundred ⭐️#AUSvIND | #PlayOfTheDay | @nrmainsurance pic.twitter.com/10yBuL883X— cricket.com.au (@cricketcomau) December 15, 2024

టీమిండియా కెప్టెన్‌ రోహిత్‌ శర్మ నిర్ణయాన్ని ఇంగ్లండ్‌ మాజీ సారథి, కామెంటేటర్‌ మైకేల్‌ వాన్‌ విమర్శించాడు. ఆస్ట్రేలియాతో మూడో టెస్టులో టాస్‌ గెలిచి బౌలింగ్‌ ఎంచుకోవడాన్ని తప్పుబట్టాడు. రోహిత్‌ నిర్ణయం ఆసీస్‌ కెప్టెన్‌ ప్యాట్‌ కమిన్స్‌కు సంతోషాన్ని మిగిల్చి ఉంటుందని అభిప్రాయపడ్డాడు.సిరీస్‌ 1-1తో సమంగాకాగా బోర్డర్‌- గావస్కర్‌ ట్రోఫీలో భాగంగా భారత క్రికెట్‌ జట్టు ఆస్ట్రేలియాతో.. ఐదు మ్యాచ్‌ల టెస్టు సిరీస్‌లో తలపడుతోంది. ఈ క్రమంలో పెర్త్‌లో జరిగిన మొదటి మ్యాచ్‌లో 295 పరుగుల తేడాతో గెలిచిన టీమిండియా.. అడిలైడ్‌ పింక్‌ బాల్‌ టెస్టులో పది వికెట్ల తేడాతో ఓడిపోయింది. దీంతో ప్రస్తుతం సిరీస్‌ 1-1తో సమంగా ఉంది.ఈ నేపథ్యంలో ఇరుజట్ల మధ్య బ్రిస్బేన్‌ వేదికగా శనివారం మూడో టెస్టు మొదలైంది. గబ్బా మైదానంలో జరుగుతున్న ఈ మ్యాచ్‌లో టాస్‌ గెలిచిన టీమిండియా కెప్టెన్‌ రోహిత్‌ శర్మ తొలుత బౌలింగ్‌ ఎంచుకున్నాడు. బ్యాటింగ్‌ చేయడం సులువవుతుందనేఈ సందర్భంగా రోహిత్‌ మాట్లాడుతూ.. వికెట్‌పై కాస్త పచ్చిక ఉన్నట్లు కనిపిస్తోంది కాబట్టి ఈ నిర్ణయం తీసుకున్నట్లు తెలిపాడు. పిచ్‌ పరిస్థితులు తమకు అనుకూలిస్తాయని భావిస్తున్నట్లు పేర్కొన్నాడు.మ్యాచ్‌ సాగుతున్న కొద్దీ బ్యాటింగ్‌ చేయడం సులువవుతుందనే ఉద్దేశంతోనే బౌలింగ్‌ ఎంచుకున్నట్లు రోహిత్‌ శర్మ తెలిపాడు. ఇక ఆసీస్‌ సారథి కమిన్స్‌ సైతం ఇదే అభిప్రాయం వ్యక్తం చేశాడు. కమిన్స్‌దీ అదే మాటతాను కూడా టాస్‌ గెలిచి ఉంటే.. తొలుత బౌలింగ్‌ ఎంచుకునే వాడినన్నాడు. అయితే, ఈ ఇద్దరు కెప్టెన్ల వ్యాఖ్యలకు విరుద్ధంగా మైకేల్‌ వాన్‌ కామెంట్‌ చేయడం విశేషం.రోహిత్‌ శర్మ నిర్ణయం తప్పు‘‘రోహిత్‌ శర్మ నిర్ణయంతో ప్యాట్‌ కమిన్స్‌ మనసులో గంతులేస్తూ ఉంటాడు. తాను టాస్‌ ఓడిపోయినందుకు సంతోషపడి ఉంటాడు. గత చరిత్ర ఆధారంగా అతడు బ్యాటింగే ఎంచుకుని ఉండేవాడు. ఏదేమైనా రోహిత్‌ తొలుత బౌలింగ్‌ ఎంచుకుని తప్పుచేశాడు’’ అని మైకేల్‌ వాన్‌ హిందుస్తాన్‌ టైమ్స్‌తో వ్యాఖ్యానించాడు.కొత్త బంతితో నో మ్యాజిక్‌!కాగా గబ్బా పిచ్‌పై కొత్త బంతితో భారత పేసర్లు పెద్దగా మ్యాజిక్‌ చేయలేకపోయారు. జస్‌ప్రీత్‌ బుమ్రా బౌలింగ్‌ అటాక్‌ ఆరంభించగా.. మహ్మద్‌ సిరాజ్‌, ఆకాశ్‌ దీప్‌లు కూడా రంగంలోకి దిగారు. బుమ్రా ఆరు ఓవర్ల బౌలింగ్‌లో 8, సిరాజ్‌ నాలుగు ఓవర్లలో 13, ఆకాశ్‌ దీప్‌ 3.2 ఓవర్లలో 2 పరుగులు ఇచ్చారు. ఇక ఆసీస్‌ ఇన్నింగ్స్‌ 13.2 ఓవర్ల వద్ద ఉన్న సమయంలో వర్షం ఆటంకం కలిగించింది. అప్పటికి కంగారూ జట్టు వికెట్‌ నష్టపోకుండా 28 రన్స్‌ చేసింది. అయితే, ఆ తర్వాత వర్షం తెరిపినివ్వకపోవడంతో తొలిరోజు ఆటను అంతటితో ముగిస్తున్నట్లు అంపైర్లు ప్రకటించారు.

టీమిండియా స్టార్‌ పేసర్‌ మహ్మద్‌ సిరాజ్‌కు చేదు అనుభవం ఎదురైంది. ఆస్ట్రేలియా జట్టు అభిమానులు ఈ హైదరాబాదీ బౌలర్‌పై అక్కసు వెళ్లగక్కారు. సిరాజ్‌ను ఉద్దేశించి పరుష పదజాలం వాడుతూ, గట్టిగా అరుస్తూ అతడి ఏకాగ్రత దెబ్బతినేలా ప్రవర్తించారు. భారత్‌- ఆస్ట్రేలియా మధ్య మూడో టెస్టు తొలిరోజు ఆట సందర్భంగా ఈ ఘటన జరిగింది. బ్రిస్బేన్‌ వేదికగాబోర్డర్‌- గావస్కర్‌ ట్రోఫీ ఆడేందుకు ఆస్ట్రేలియాకు వెళ్లిన టీమిండియా ఐదు టెస్టులు ఆడుతోంది. పెర్త్‌లో విజయం సాధించిన భారత్‌.. అడిలైడ్‌లో జరిగిన పింక్‌ బాల్‌ మ్యాచ్‌లో మాత్రం ఓటమిని మూటగట్టుకుంది. దీంతో ఇరుజట్లు చెరో విజయం సాధించి 1-1తో సమంగా ఉన్నాయి. ఈ క్రమంలో ఇరుజట్ల మధ్య బ్రిస్బేన్‌ వేదికగా శనివారం మూడో టెస్టు మొదలైంది.సిరాజ్‌ను టీజ్‌ చేసిన ఆసీస్‌ఫ్యాన్స్‌.. కారణం ఇదేగబ్బా మైదానంలో టాస్‌ గెలిచిన టీమిండియా తొలుత బౌలింగ్‌ ఎంచుకుంది. భారత ప్రధాన పేసర్‌ జస్‌ప్రీత్‌ బుమ్రా భారత బౌలింగ్‌ అటాక్‌ ఆరంభించగా.. ఆసీస్‌ ఇన్నింగ్స్‌లో రెండో ఓవర్‌ను సిరాజ్‌ వేశాడు. అయితే, అతడు బంతి పట్టుకుని రంగంలోకి దిగగానే.. ఆస్ట్రేలియా అభిమానులు గట్టిగా అరుస్తూ అతడిని విమర్శించారు. గత మ్యాచ్‌లో సిరాజ్‌.. ఆసీస్‌ స్టార్‌ ట్రవిస్‌ హెడ్‌తో వ్యవహరించిన తీరే ఇందుకు కారణం.ఇద్దరికీ షాకిచ్చిన ఐసీసీఅడిలైడ్‌ టెస్టులో హెడ్‌ భారీ శతకం(141 బంతుల్లో 140)తో ఆకట్టుకున్నాడు. అతడిని అవుట్‌ చేసేందుకు భారత బౌలర్లు తీవ్రంగా శ్రమించాల్సి రాగా.. ఎట్టకేలకు సిరాజ్‌ అద్భుత యార్కర్‌తో అతడికి చెక్‌ పెట్టాడు. అయితే, తన బౌలింగ్‌లో ట్రవిస్‌ హెడ్‌ బౌల్డ్‌ కాగానే.. ‘ఇక వెళ్లిపో’ అన్నట్లుగా రియాక్షన్స్‌ ఇస్తూ సిరాజ్‌ వైల్డ్‌గా సెలబ్రేట్‌ చేసుకున్నాడు. దీంతో కోపోద్రిక్తుడైన హెడ్‌ సైతం గట్టిగానే అతడికి బదులిచ్చాడు.ఈ ఘటన నేపథ్యంలో అంతర్జాతీయ క్రికెట్‌ మండలి(ఐసీసీ) వీళ్లిద్దరికీ గట్టి షాక్‌ ఇచ్చింది. పరస్పరం దూషించుకున్న ఈ ఇద్దరు స్టార్ల మ్యాచ్‌ ఫీజులో 20 శాతం మేర కోత విధించింది. అంతేకాదు.. చెరో డీమెరిట్‌ పాయింట్‌ కూడా జతచేసింది. గత రెండేళ్లలో ఇద్దరిదీ తొలి తప్పిదం కాబట్టి ఈమాత్రం శిక్షతో సరిపెట్టింది. లేదంటే ఇద్దరూ నిషేధం ఎదుర్కోవాల్సి వచ్చేది.వర్షం వల్ల అంతరాయంఇక సిరాజ్‌- హెడ్‌ గొడవపై క్రికెట్‌ పండితులు విమర్శలు గుప్పించగా.. ఆసీస్‌ ఫ్యాన్స్‌ మాత్రం మూడో టెస్టు సందర్భంగా సిరాజ్‌ను హేళన చేస్తున్నట్లుగా కామెంట్లు చేశారు. కాగా బ్రిస్బేన్‌ టెస్టుకు వర్షం అంతరాయం కలిగిస్తోంది. వరణుడి వల్ల తొలుత టాస్‌ ఆలస్యమైంది. ఆ తర్వాత మ్యాచ్‌ మొదలైనా.. 13.2 ఓవర్ల ఆట ముగిసే సరికి మళ్లీ వాన కురిసింది. ఈ నేపథ్యంలో అంపైర్లు ఆటను నిలిపివేశారు. అప్పటికి ఆస్ట్రేలియా ఒక్క వికెట్‌ నష్టపోకుండా 28 పరుగులు సాధించింది.చదవండి: అవునా.. నాకైతే తెలియదు: కమిన్స్‌కు ఇచ్చిపడేసిన గిల్‌Big boo for siraj from the crowd#AUSvIND #TheGabba pic.twitter.com/rQp5ekoIak— ٭𝙉𝙄𝙏𝙄𝙎𝙃٭ (@nitiszhhhh) December 14, 2024

బోర్డర్‌- గావస్కర్‌ ట్రోఫీలో భాగంగా ఆస్ట్రేలియాతో మూడో టెస్టుకు టీమిండియా సిద్ధమవుతోంది. బ్రిస్బేన్‌ వేదికగా ఇరుజట్ల మధ్య శనివారం ఈ మ్యాచ్‌ ఆరంభం కానుంది. ఈ నేపథ్యంలో భారత స్టార్‌ బ్యాటర్‌ శుబ్‌మన్‌ గిల్‌ చేసిన వ్యాఖ్యలు నెట్టింట వైరల్‌ అవుతున్నాయి.చెరో గెలుపుతో సమంగాకాగా ఐదు మ్యాచ్‌ల సిరీస్‌లో భాగంగా పెర్త్‌లో జరిగిన తొలి టెస్టులో టీమిండియా 295 పరుగుల భారీ తేడాతో గెలిచిన విషయం తెలిసిందే. ఇందుకు ధీటుగా బదులిచ్చిన కంగారూ జట్టు అడిలైడ్‌లో భారత్‌ను పది వికెట్ల తేడాతో ఓడించింది. ఇ‍క ఈ పింక్‌ బాల్‌ మ్యాచ్‌లో తాము షార్ట్‌ బాల్స్‌తో టీమిండియాను కట్టడి చేశామని ఆసీస్‌ కెప్టెన్‌ ప్యాట్‌ కమిన్స్‌ పేర్కొన్నాడు.అవునా.. నాకైతే తెలియదే!అడిలైడ్‌ ఓవల్‌ మైదానంలో షార్ట్‌ బాల్‌ వ్యూహాన్ని పక్కాగా అమలు చేసి.. టీమిండియా బ్యాటర్ల పనిపట్టామని కమిన్స్‌ పేర్కొన్నాడు. ఈ విషయాన్ని శుబ్‌మన్‌ గిల్‌ దగ్గర విలేకరులు ప్రస్తావించగా.. ‘‘అవునా.. నాకైతే తెలియదే!.. షార్ట్‌ బాల్‌తో బహుశా వాళ్లు ఒక టెయిలెండర్‌ను లేదంటే లోయర్‌ ఆర్డర్‌ బ్యాటర్‌ను మాత్రమే అవుట్‌ చేశారు.కానీ.. అతడు ఏ షార్ట్‌బాల్‌ను ఉపయోగించి విజయం సాధించామని చెప్తున్నాడో నాకైతే తెలియదు’’ అంటూ కమిన్స్‌కు గట్టి కౌంటర్‌ ఇచ్చాడు. కాగా గాయం వల్ల పెర్త్‌ టెస్టుకు దూరమైన గిల్‌.. అడిలైడ్‌లో పింక్‌ బాల్‌ మ్యాచ్‌కు అందుబాటులోకి వచ్చాడు.ఇక రెండో టెస్టు తొలి ఇన్నింగ్స్‌లో 31 పరుగులు చేసిన శుబ్‌మన్‌ గిల్‌ స్కాట్‌ బోలాండ్‌ బౌలింగ్‌లో బౌల్డ్‌ అయ్యాడు. రెండో ఇన్నింగ్స్‌లో 28 పరుగుల వ్యక్తిగత స్కోరు వద్ద ఉండగా మిచెల్‌ స్టార్క్‌ గిల్‌ను బౌల్డ్‌ చేశాడు. ఇక మూడో టెస్టు జరుగనున్న బ్రిస్బేన్‌ స్టేడియంతో ఈ కుడిచేతి వాటం బ్యాటర్‌కు మధురానుభవం ఉంది.నాడు 91 పరుగులతో చెలరేగిన గిల్‌2021 నాటి టెస్టులో గిల్‌ 91 పరుగులు చేసిన గిల్‌.. టీమిండియా విజయంలో కీలక పాత్ర పోషించాడు. ఈసారి కూడా గతంలో మాదిరి ప్రదర్శనను పునరావృతం చేయాలని పట్టుదలగా ఉన్నాడు. మూడో టెస్టునే ఫైనల్‌ మ్యాచ్‌గా భావించి బరిలోకి దిగుతామన్న గిల్‌.. గాబాలో గెలిస్తే.. మెల్‌బోర్న్‌, సిడ్నీ టెస్టుల్లో మరింత ఆత్మవిశ్వాసంతో ఆడగలమని పేర్కొన్నాడు. కాగా మూడో టెస్టు కోసం ఇప్పటికే బ్రిస్బేన్‌ చేరుకున్న టీమిండియా ప్రాక్టీస్‌ సెషన్లలో తీవ్రంగా శ్రమించింది.చదవండి: IND vs AUS: మూడో టెస్టుకు ఆసీస్ తుది జ‌ట్టు ప్ర‌క‌ట‌న‌.. వికెట్ల వీరుడు వ‌చ్చేశాడుShots fired already? 👀While @patcummins30 claims Australia have succeeded in their short ball ploy, look what @ShubmanGill has to say about it! 😁😅1️⃣ DAY TO GO for #AUSvINDOnStar 3rd Test 👉 SAT 14 DEC, 5.20 AM onwards! #ToughestRivalry pic.twitter.com/vS55v5Qgwz— Star Sports (@StarSportsIndia) December 13, 2024

ఆస్ట్రేలియా స్టార్‌ బ్యాటర్‌ స్టీవ్‌ స్మిత్‌ ప్రస్తుతం గడ్డు పరిస్థితులు ఎదుర్కొంటున్నాడు. టెస్టు ఫార్మాట్లో పరుగులు రాబట్టలేక ఈ మాజీ కెప్టెన్‌ ఫామ్‌లేమితో సతమతమవుతున్నాడు. గత పదమూడు ఇన్నింగ్స్‌లో కలిపి స్మిత్‌ చేసిన పరుగులు కేవలం 232. ఇందులో ఒకే ఒక్క అర్ధ శతకం ఉంది.స్మిత్‌కు చేదు అనుభవంఇక టీమిండియాతో ప్రతిష్టాత్మక​ బోర్డర్‌- గావస్కర్‌ ట్రోఫీలోనూ స్టీవ్‌ స్మిత్‌ వైఫల్యం కొనసాగుతోంది. ఇప్పటి వరకు జరిగిన రెండు టెస్టుల్లో అతడు చేసిన పరుగులు 0, 17, 2. ఈ నేపథ్యంలో ఐసీసీ టెస్టు బ్యాటింగ్‌ ర్యాకింగ్స్‌లో స్మిత్‌కు చేదు అనుభవం ఎదురైంది. 2015 తర్వాత అతడు కనీసం టాప్‌-10లో కూడా నిలవలేకపోవడం ఇదే తొలిసారి.వేటు వేసేందుకు రెడీఈ పరిణామాల నేపథ్యంలో భారత్‌తో మూడో టెస్టులో స్మిత్‌పై వేటు వేసేందుకు ఆస్ట్రేలియా మేనేజ్‌మెంట్‌ సిద్ధమైనట్లు తెలుస్తోంది. ఫామ్‌లేమితో ఇబ్బంది పడుతున్న అతడికి కొన్నాళ్లపాటు విశ్రాంతి పేరిట తప్పించనున్నట్లు సమాచారం. అయితే, ఆసీస్‌ ఆల్‌రౌండర్‌ మిచెల్‌ మార్ష్‌ మాత్రం.. స్మిత్‌ త్వరలోనే మునుపటి లయను అందుకుని.. పరుగుల వరద పారిస్తాడని ధీమా వ్యక్తం చేయడం విశేషం.1-1తో సమంగాకాగా ఐదు టెస్టులు ఆడేందుకు టీమిండియా ఆస్ట్రేలియా పర్యటనకు వెళ్లింది. ప్రపంచ టెస్టు చాంపియన్‌షిప్‌ 2023-25 సైకిల్‌లో తమకు చివరిదైన ఈ సిరీస్‌లో కనీసం నాలుగు గెలిస్తేనే.. భారత్‌ నేరుగా ఫైనల్లో అడుగుపెడుతుంది. ఇక ఆసీస్‌తో తొలి టెస్టులో 295 పరుగులు తేడాతో గెలిచిన టీమిండియా.. రెండో టెస్టులో మాత్రం పది వికెట్ల తేడాతో ఓడింది. ఇరుజట్ల మధ్య బ్రిస్బేన్‌లోని గాబా మైదానంలో డిసెంబరు 14- 18 వరకు మూడో టెస్టు నిర్వహణకు షెడ్యూల్‌ ఖరారైంది.అప్పుడు భీకర ఫామ్‌లో..2014-2017 మధ్య స్టీవ్‌ స్మిత్‌ ఏడాదికి కనీసం ఐదు నుంచి ఆరు శతకాలు బాదాడు. అదే స్థాయిలో హాఫ్‌ సెంచరీలు కూడా చేశాడు. గతేడాది సైతం సగటున 42.22తో పరుగులు సాధించిన ఈ కుడిచేతి వాటం బ్యాటర్‌ ఖాతాలో మూడు శతకాలు నమోదయ్యాయి. అయితే, ఈ ఏడాది మాత్రం ఒక్కసారి కూడా అతడు బ్యాట్‌ ఝులిపించలేకపోయాడు. ప్రస్తుతం అతడి బ్యాటింగ్‌ సగటు 23.20. 2010 తర్వాత ఇదే స్మిత్‌ లోయెస్ట్‌ యావరేజ్‌.చదవండి: ప్రపంచంలో అత్యుత్తమ టెస్టు బ్యాటర్‌ అతడే: రిక్కీ పాంటింగ్‌

టీమిండియా కెప్టెన్‌ రోహిత్‌ శర్మను ఉద్దేశించి భారత వెటరన్‌ బ్యాటర్‌ ఛతేశ్వర్‌ పుజారా ఆసక్తికర వ్యాఖ్యలు చేశాడు. రోహిత్‌ వీలైనంత త్వరగా ఫామ్‌లోకి రావాలనే.. లేదంటే ఆ ప్రభావం జట్టుపై పడే అవకాశం ఉందని ఆందోళన వ్యక్తం చేశాడు. కాగా బోర్డర్‌- గావస్కర్‌ ట్రోఫీ ఆడేందుకు ఆస్ట్రేలియాకు వెళ్లిన భారత జట్టుకు మిశ్రమ ఫలితాలు ఎదురయ్యాయి.తొలి టెస్టుకు రోహిత్‌ శర్మ దూరం కాగా.. జస్‌ప్రీత్‌ బుమ్రా సారథ్యంలోని టీమిండియా ఆసీస్‌పై 295 పరుగుల తేడాతో ఘన విజయం సాధించింది. అయితే, రెండో టెస్టుకు రోహిత్‌ అందుబాటులోని వచ్చినా.. అనుకున్న ఫలితం రాబట్టలేకపోయింది. అడిలైడ్‌లో జరిగిన ఈ పింక్‌ బాల్‌ మ్యాచ్‌లో పది వికెట్ల తేడాతో టీమిండియా చిత్తుగా ఓడింది.బ్యాటర్‌గానూ విఫలంఇక ఈ మ్యాచ్‌లో రోహిత్‌ శర్మ బ్యాటర్‌గానూ విఫలమయ్యాడు. రెండు ఇన్నింగ్స్‌లో కలిపి అతడు చేసిన పరుగులు తొమ్మిది. ఈ నేపథ్యంలో ఛతేశ్వర్‌ పుజారా స్టార్‌ రోహిత్‌ గురించి మాట్లాడుతూ.. ‘‘రోహిత్‌ను కేవలం కెప్టెన్‌గానో.. ఆటగాడిగానో చూడలేం. నా దృష్టిలో అతడు రెండు పాత్రలను సమర్థవంతంగా పోషించలగడు.అయితే, ప్రస్తుతం అతడు కఠిన పరిస్థితులు ఎదుర్కొంటున్నాడు. వీలైనంత త్వరగా ఫామ్‌లోకి వస్తేనే అన్ని విధాలా బాగుంటుంది. కెప్టెనే ఫామ్‌లో లేకపోతే.. ఆ ప్రభావం జట్టుపై పడుతుంది. రోహిత్‌ స్కోరు చేస్తేనే జట్టుకు కూడా సానుకూలంగా ఉంటుంది.20 -30 పరుగులు చేశాడంటే.. రోహిత్‌ శర్మ అనుభవజ్ఞుడైన ఆటగాడు. బ్యాటింగ్‌ చేస్తున్నపుడు పరుగులు ఎలా రాబట్టాలో అతడికి తెలుసు. ప్రస్తుతం అతడి పరిస్థితి బాగా లేకపోవచ్చు. అయితే, ఒక్కసారి క్రీజులో కుదురుకుని 20 -30 పరుగులు చేశాడంటే.. తన ఇన్నింగ్స్‌ను భారీ స్కోరుగా మలచగలడు.ఒకవేళ బ్యాటర్‌గా రోహిత్‌ విఫలమైతే..కాబట్టి మూడో టెస్టు ఆరంభంలోనే అతడు ఫామ్‌లోకి రావాలని కోరుకుంటున్నా. అలా అయితేనే టీమిండియాకు ప్రయోజనకరంగా ఉంటుంది. ఒకవేళ బ్యాటర్‌గా రోహిత్‌ విఫలమైతే.. ఆ ప్రభావం కెప్టెన్సీపై కూడా పడుతుంది’’ అని పేర్కొన్నాడు. ఈ మేరకు పుజారా స్పోర్ట్స్‌ షోలో రోహిత్‌ గురించి తన అభిప్రాయాలు పంచుకున్నాడు.కాగా ఆస్ట్రేలియా- టీమిండియా మధ్య బ్రిస్బేన్‌ వేదికగా డిసెంబరు 14 నుంచి మూడో టెస్టు జరుగనుంది. ఐదు మ్యాచ్‌ల ఈ టెస్టు సిరీస్‌లో ఇరుజట్లు చెరో విజయంతో ప్రస్తుతం 1-1తో సమంగా ఉన్నాయి.చదవండి: మా కెప్టెన్‌ అని చెప్పుకోవడానికి సిగ్గుపడుతున్నాం: రిజ్వాన్‌పై పాక్‌ ఫ్యాన్స్‌ ఫైర్‌

ఆస్ట్రేలియా ఆల్‌రౌండర్‌ గ్లెన్‌ మాక్స్‌వెల్‌ను ఉద్దేశించి ఆ జట్టు మాజీ క్రికెటర్‌ డేవిడ్‌ వార్నర్‌ సంచలన వ్యాఖ్యలు చేశాడు. మాక్సీకి టెస్టు జట్టులో ఉండే అర్హతే లేదన్నాడు. కాగా మాక్స్‌వెల్‌ ఆస్ట్రేలియా తరఫున టెస్టు బరిలో దిగి దాదాపు ఏడేళ్లు అవుతోంది. బంగ్లాదేశ్‌ పర్యటనలో భాగంగా 2017లో తన చివరి టెస్టు ఆడాడు.ఏడు టెస్టులుచట్టోగ్రామ్‌ వేదికగా నాటి మ్యాచ్‌లో 36 ఏళ్ల మాక్సీ రెండు ఇన్నింగ్స్‌లో వరుసగా 28, 25* పరుగులు చేశాడు. ఇక 2013లో టెస్టుల్లో అరంగేట్రం చేసిన ఈ స్పిన్‌ బౌలింగ్‌ ఆల్‌రౌండర్‌ ఇప్పటివరకు మొత్తంగా.. తన కెరీర్‌లో ఏడు టెస్టులు ఆడాడు.టెస్టుల్లోనూ పునరాగమనం చేయాలనే ఆశఇందులో నాలుగు టీమిండియా, ఒకటి పాకిస్తాన్‌, రెండు బంగ్లాదేశ్‌తో ఆడిన మ్యాచ్‌లు. వీటన్నింటిలో కలిపి 339 పరుగులు చేసిన మాక్సీ.. ఎనిమిది వికెట్లు మాత్రమే తీశాడు. ఇక వన్డే, టీ20లలో అదరగొడుతున్న ఈ ఆల్‌రౌండర్‌.. టెస్టుల్లోనూ పునరాగమనం చేయాలని ఆశపడుతున్నాడు. వచ్చే ఏడాది జనవరిలో శ్రీలంక పర్యటనకు వెళ్లనున్న ఆసీస్‌ టెస్టు జట్టులో తనకు చోటు దక్కితే బాగుంటుందని.. ఇటీవల మాక్సీ తన మనసులోని మాట బయటపెట్టాడు.అతడి ఆ అర్హత కూడా లేదుఈ విషయంపై మాజీ ఓపెనర్‌ డేవిడ్‌ వార్నర్‌ స్పందిస్తూ.. ‘‘నీకు దేశీ టోర్నీ జట్టులోనే చోటు దక్కనపుడు.. జాతీయ జట్టులో స్థానం కావాలని ఆశించడం సరికాదు!.. నిజానికి నీకు టెస్టుల్లో ఆడాలనే కోరిక మాత్రమే ఉంది. ఆ కారణంగా నిన్నెవరూ జట్టుకు ఎంపిక చేయరు.క్లబ్‌ క్రికెట్‌ ఆడుతూ.. అక్కడ నిరూపించుకుంటే.. టెస్టు క్రికెట్‌ జట్టు నుంచి తప్పకుండా పిలుపు వస్తుంది. కానీ.. అతడు అలాంటిదేమీ చేయడం లేదు. కాబట్టి.. నా దృష్టిలో మాక్సీకి టెస్టు జట్టు చోటు కోరుకునే అర్హత కూడా లేదు’’ అని వార్నర్‌ ఘాటు విమర్శలు చేశాడు.కాగా గతేడాది ఇంగ్లండ్‌ కౌంటీల్లో భాగంగా వార్విక్‌షైర్‌ తరఫున మాక్స్‌వెల్‌ ఫస్ట్‌క్లాస్‌ మ్యాచ్‌ ఆడాడు. అనంతరం దేశీ టోర్నీ షెఫీల్డ్‌ షీల్డ్‌లో విక్టోరియా తరఫున అతడు బరిలోకి దిగాల్సింది. అయితే, పాకిస్తాన్‌తో ఇటీవల పరిమిత ఓవర్ల క్రికెట్‌ సిరీస్‌ సమయంలో మాక్సీకి తొడ కండరాల గాయమైంది. ఫలితంగా అతడు ఆటకు దూరమయ్యాడు. ఈ నేపథ్యంలో డేవిడ్‌ వార్నర్‌ కోడ్‌ స్పోర్ట్స్‌ షోలో ఈ మేరకు వ్యాఖ్యలు చేశాడు.టీమిండియాతో టెస్టులతో ఆసీస్‌ బిజీఇదిలా ఉంటే.. ఆస్ట్రేలియా ప్రస్తుతం టీమిండియాతో టెస్టు సిరీస్‌తో బిజీగా ఉంది. బోర్డర్‌- గావస్కర్‌ ట్రోఫీలో భాగంగా భారత్‌తో ఐదు టెస్టులు ఆడతున్న కంగారూ జట్టు సిరీస్‌ను ప్రస్తుతం 1-1తో సమం చేసింది. పెర్త్‌లో జరిగిన తొలి టెస్టులో టీమిండియా చేతిలో ఓడిన ఆసీస్‌.. అడిలైడ్‌లో జరిగిన పింక్‌ టెస్టులో ఘన విజయం సాధించింది. ఇరుజట్ల మధ్య డిసెంబరు 14 నుంచి మూడో టెస్టు జరుగనుంది. బ్రిస్బేన్‌లోని ‘ది గాబా’ మైదానం ఇందుకు వేదిక.చదవండి: PAK vs SA: షాహీన్‌ అఫ్రిది ప్రపంచ రికార్డు..

స్వ‌దేశంలో ఇంగ్లండ్ చేతిలో టెస్టు సిరీస్‌ను కోల్పోయిన న్యూజిలాండ్ ఇప్పుడు త‌మ ప‌రువు కాపాడుకునేందుకు సిద్ద‌మైంది. డిసెంబ‌ర్ 14 నుంచి హామిల్ట‌న్ వేదిక‌గా ఇంగ్లండ్‌తో జ‌ర‌గ‌నున్న మూడో టెస్టులో ఎలాగైనా గెలిచి వైట్ వాష్ నుంచి త‌ప్పించుకోవాల‌ని కివీస్ భావిస్తోంది.అయితే ఈ ఆఖరి టెస్టుకు ముందు బ్లాక్‌క్యాప్స్‌కు భారీ షాక్ త‌గిలింది. ఆ జ‌ట్టు స్టార్ ఓపెనర్ డెవాన్ కాన్వే మూడో టెస్టుకు దూర‌మ‌య్యాడు. త‌న భార్య బిడ్డ‌కు జ‌న్మ‌నివ్వ‌డంతో కాన్వే కివీస్ జ‌ట్టు నుంచి వైదొలిగాడు. ఈ విష‌యాన్ని న్యూజిలాండ్ క్రికెట్ ధృవీకరించింది. కాన్వే స్ధానాన్ని మార్క్ చాప్‌మన్‌తో న్యూజిలాండ్ క్రికెట్ భర్తీ చేసింది. కాగా ఈ మ్యాచ్ కోసం న్యూజిలాండ్ జట్టు బుధవారం(డిసెంబర్ 12) హామిల్టన్‌కు చేరుకోనుంది. ఇక మూడో టెస్టులో కివీస్ ఓపెనర్‌గా విల్ యంగ్ బరిలోకి దిగనున్నాడు.గత నెలలో భారత పర్యటనలో ప్లేయర్ ఆఫ్ ది సిరీస్‌గా నిలిచిన యంగ్‌.. ఇంగ్లండ్ సిరీస్‌లో మాత్రం తొలి రెండు మ్యాచ్‌లకు బెంచ్‌కే పరిమితమయ్యాడు. ఇప్పడు కాన్వే దూరం కావడంతో తుది జట్టులోకి యంగ్‌ ఎంట్రీకి మార్గం సుగమమైంది. కాగా తొలి రెండు టెస్టుల్లో పర్యాటక ఇంగ్లండ్‌ చేతిలో కివీస్‌ ఘోర ఓటములను చవిచూసింది.చదవండి: IND vs AUS: 'మీరేమి టూర్‌కు వెళ్లలేదు.. దయచేసి హోటల్ గదులలో కూర్చోవద్దు'

పోర్ట్‌ ఎలిజబెత్‌: ఆధిక్యం చేతులు మారుతూ సాగుతున్న దక్షిణాఫ్రికా, శ్రీలంక టెస్టు రెండో మ్యాచ్‌లో విజయం ఇరు జట్లతో దోబూచులాడుతోంది. ఆదివారం ఆట ముగిసే సమయానికి శ్రీలంక లక్ష్యానికి 143 పరుగుల దూరంలో నిలవగా... దక్షిణాఫ్రికా గెలుపునకు 5 వికెట్లు కావాల్సి ఉంది.ఓవర్‌నైట్‌ స్కోరు 191/3తో నాలుగో రోజు రెండో ఇన్నింగ్స్‌ కొనసాగించిన దక్షిణాఫ్రికా చివరకు 86 ఓవర్లలో 317 పరుగులకు ఆలౌటైంది. కెప్టెన్‌ తెంబా బవుమా (116 బంతుల్లో 66; 3 ఫోర్లు, 2 సిక్స్‌లు) అర్ధశతకంతో మెరవగా... ట్రిస్టన్‌ స్టబ్స్‌ (47; 2 ఫోర్లు), బెడింగ్‌హమ్‌ (35; 3 ఫోర్లు) రాణించారు. లంక బౌలర్లలో ప్రభాత్‌ జయసూర్య 5 వికెట్లు పడగొట్టాడు. అనంతరం 348 పరుగుల విజయ లక్ష్యంతో రెండో ఇన్నింగ్స్‌ ప్రారంభించిన శ్రీలంక ఆదివారం ఆట ముగిసే సమయానికి 52 ఓవర్లలో 5 వికెట్ల నష్టానికి 205 పరుగులు చేసింది.కమిందు మెండిస్‌ (35; 4 ఫోర్లు, 1 సిక్స్‌), ఏంజెలో మాథ్యూస్‌ (32; 4 ఫోర్లు, 1 సిక్స్‌), దినేశ్‌ చండీమల్‌ (29; 5 ఫోర్లు) రాణించారు. కెప్టెన్‌ ధనంజయ డిసిల్వా (64 బంతుల్లో 39 బ్యాటింగ్‌? 7 ఫోర్లు), కుశాల్‌ మెండిస్‌ (56 బంతుల్లో 39 బ్యాటింగ్‌; 2 ఫోర్లు, 2 సిక్స్‌లు) పోరాడుతున్నారు.దక్షిణాప్రికా బౌలర్లలో కేశవ్‌ మహారాజ్, ప్యాటర్‌సన్‌ చెరో రెండు వికెట్లు పడగొట్టారు. సోమవారం ఆటకు చివరి రోజు కాగా... చేతిలో ఐదు వికెట్లు ఉన్న శ్రీలంక విజయానికి 143 పరుగుల దూరంలో ఉంది.చదవండి: అదే మా కొంపముంచింది.. వారు మాకంటే మెర్గుగా ఆడారు: రోహిత్‌

న్యూజిలాండ్‌ గడ్డపై ఇంగ్లండ్‌ జట్టు తమ జోరును కొనసాగిస్తోంది. వెల్లింగ్టన్‌ వేదికగా జరిగిన రెండో టెస్టులో ఆతిథ్య కివీస్‌ను 323 పరుగుల తేడాతో ఇంగ్లండ్‌ చిత్తు చేసింది. దీంతో మూడు మ్యాచ్‌ల సిరీస్‌ను మరో మ్యాచ్‌ మిగిలూండగానే 2-0 తేడాతో ఇంగ్లండ్‌ కైవసం చేసుకుంది.కాగా న్యూజిలాండ్‌ గడ్డపై ఇంగ్లండ్‌ టెస్టు సిరీస్‌ సొంతం చేసుకోవడం 16 ఏళ్ల తర్వాత ఇదే తొలిసారి కావడం గమనార్హం. ఇక మ్యాచ్‌ విషయానికి వస్తే.. 583 పరుగుల భారీ లక్ష్యంతో బరిలోకి దిగిన బ్లాక్‌ క్యాప్స్‌ 259 పరుగులకు ఆలౌటైంది.న్యూజిలాండ్‌ బ్యాటర్లలో టామ్‌ బ్లండెల్‌(115) టాప్‌ స్కోరర్‌గా నిలిచాడు. ఇంగ్లండ్‌ బౌలర్లలో బెన్‌ స్టోక్స్‌ 3 వికెట్లు పడగొట్టగా.. క్రిస్‌ వోక్స్‌, కార్సే తలా రెండు వికెట్లు సాధించారు.హ్యారీ బ్రూక్ సూపర్‌ సెంచరీ.. అంతకుముందు ఇంగ్లండ్‌ సెకెండ్‌ ఇన్నింగ్స్‌లో 6 వికెట్ల నష్టానికి 427 పరుగుల భారీ స్కోర్‌ చేసింది. ఇంగ్లండ్‌ బ్యాటర్లలో జో రూట్‌(106) సూపర్‌ సెంచరీతో చెలరేగాడు. అదే విధంగా బెన్‌ డకెట్‌(92), జాకెబ్‌ బెతల్‌(96) తృటిలో సెంచరీ చేసే అవకాశాన్ని చేజార్చుకున్నారు.మ్యాచ్‌ స్కోర్లు..ఇంగ్లండ్‌ తొలి ఇన్నింగ్స్‌: 280/10న్యూజిలాండ్‌ తొలి ఇన్నింగ్స్‌: 125/10ఇంగ్లండ్‌ రెండో ఇన్నింగ్స్‌: 424/6 డిక్లేర్‌కివీస్‌ రెండో ఇన్నింగ్స్‌: 259/10ఫలితం: 323 పరుగుల తేడాతో ఇంగ్లండ్‌ ఘన విజయంప్లేయర్‌ ఆఫ్‌ది మ్యాచ్‌: హ్యారీ బ్రూక్‌

పోర్ట్‌ ఎలిజబెత్‌ వేదికగా శ్రీలంకతో జరుగుతున్న రెండో టెస్టులో దక్షిణాఫ్రికా భారీ ఆధిక్యం దిశగా సాగుతోంది. శనివారం ఆట ముగిసే సమయానికి దక్షిణాఫ్రికా రెండో ఇన్నింగ్స్‌లో 55 ఓవర్లలో 3 వికెట్ల నష్టానికి 191 పరుగులు చేసింది.ఎయిడెన్‌ మార్క్‌రమ్‌ (75 బంతుల్లో 55; 5 ఫోర్లు) అర్ధ శతకంతో మెరవగా... కెప్టెన్‌ తెంబా బవుమా (48 నాటౌట్‌; 2 ఫోర్లు, 2 సిక్స్‌లు), స్టబ్స్‌ (36 నాటౌట్‌; 2 ఫోర్లు) రాణించారు. వీరిద్దరూ అజేయమైన నాలుగో వికెట్‌కు 82 పరుగులు జోడించారు.శ్రీలంక బౌలర్లలో ప్రభాత్‌ జయసూర్య 2 వికెట్లు పడగొట్టాడు. చేతిలో 7 వికెట్లు ఉన్న ఆతిథ్య దక్షిణాఫ్రికా జట్టు తొలి ఇన్నింగ్స్‌ ఆధిక్యం కలుపుకొని ప్రస్తుతం 221 పరుగుల ఆధిక్యంలో ఉంది. అంతకుముందు ఓవర్‌నైట్‌ స్కోరు 242/3తో మూడో రోజు తొలి ఇన్నింగ్స్‌ కొనసాగించిన శ్రీలంక చివరకు 99.2 ఓవర్లలో 328 పరుగులకు ఆలౌటైంది. ఏంజెలో మాథ్యూస్‌ (44; 6 ఫోర్లు), కమిందు మెండిస్‌ (48; 4 ఫోర్లు) కాస్త పోరాడారు. కెపె్టన్‌ ధనంజయ డిసిల్వా (14), కుశాల్‌ మెండిస్‌ (16), ప్రభాత్‌ జయసూర్య (24) మరికొన్ని పరుగులు జోడించారు. సఫారీ బౌలర్లలో ప్యాటర్సన్‌ 5 వికెట్లు పడగొట్టగా.. యాన్సెన్, కేశవ్‌ మహరాజ్‌ చెరో రెండు వికెట్లు తీశారు.

టీమిండియాతో పింక్‌ బాల్‌ టెస్టులో ఆస్ట్రేలియా మెరుగైన స్కోరు సాధించింది. శుక్రవారం నాటి తొలి రోజు ఆటలో భారత్‌ను 180 పరుగులకే ఆలౌట్‌ చేసిన కంగారూలు.. తమ మొదటి ఇన్నింగ్స్‌లో 337 పరుగులు చేసింది. 86/1 ఓవర్‌నైట్‌ స్కోరుతో శనివారం నాటి రెండో రోజు ఆటను మొదలుపెట్టిన కమిన్స్‌ బృందం మరో 251 పరుగులు జమ చేసి ఆలౌట్‌ అయింది.ఆస్ట్రేలియా బ్యాటర్లలో మార్నస్‌ లబుషేన్‌(64) అర్ధ శతకంతో మెరవగా.. ఐదో నంబర్‌ బ్యాటర్‌ ట్రవిస్‌ హెడ్‌(140) భారీ శతకం బాదాడు. టీమిండియా బౌలర్లకు కొరకాని కొయ్యగా మారి.. 141 బంతుల్లోనే 140 పరుగులు స్కోరు చేశాడు. అతడి ఇన్నింగ్స్‌లో ఏకంగా 17 ఫోర్లు, 4 సిక్సర్లు ఉండటం విశేషం.అద్భుత యార్కర్‌తో హెడ్‌కు చెక్‌అయితే, ప్రమాదకారిగా మారిన హెడ్‌ను పెవిలియన్‌కు పంపేందుకు భారత బౌలర్లు కఠినంగా శ్రమించాల్సి వచ్చింది. ఎట్టకేలకు సిరాజ్‌కు అతడి వికెట్‌ దక్కించుకోవడంతో టీమిండియా ఊపిరి పీల్చుకుంది. ఆసీస్‌ మొదటి ఇన్నింగ్స్‌ 82వ ఓవర్‌లో బంతితో బరిలోకి దిగిన సిరాజ్‌.. అద్భుత యార్కర్‌తో హెడ్‌ను బౌల్డ్‌ చేశాడు.‘‘ఇక్కడి నుంచి త్వరగా వెళ్లిపో’’ ఇక కీలక వికెట్‌ దక్కిన ఆనందంలో సిరాజ్‌.. హెడ్‌ను ఉద్దేశించి ‘‘ఇక వెళ్లు’’ అన్నట్లుగా సైగ చేస్తూ వైల్డ్‌గా సెలబ్రేట్‌ చేసుకున్నాడు. ఇందుకు బదులుగా హెడ్‌ సైతం అతడికి గట్టిగానే కౌంటర్‌ ఇచ్చాడు. దీంతో మరింతగా కోపం తెచ్చుకున్న సిరాజ్‌.. ‘‘ఇక్కడి నుంచి త్వరగా వెళ్లిపో’’ అన్నట్లు ఉగ్రరూపం ప్రదర్శించాడు. అయితే, హెడ్‌ మాత్రం తన సెంచరీ సెలబ్రేట్‌ చేసుకుంటున్న ప్రేక్షకులకు అభివాదం చేస్తూ మైదానాన్ని వీడాడు.డీఎస్‌పీ సర్‌కు కోపం వచ్చిందిఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి. ఈ నేపథ్యంలో.. ‘‘డీఎస్‌పీ సర్‌కు కోపం వచ్చింది. శతకం బాదిన ఆటగాడికి తనదైన స్టైల్లో సెండాఫ్‌ ఇచ్చాడు’’ అంటూ అభిమానులు సరదాగా ట్రోల్‌ చేస్తున్నారు. మరికొందరు మాత్రం.. ‘‘అతి చేయవద్దు సిరాజ్‌.. కాస్త సంయమనం పాటించు’’ అని హితవు పలుకుతున్నారు.కాగా భారత బౌలర్లలో పేసర్లు జస్‌ప్రీత్‌ బుమ్రా, మహ్మద్‌ సిరాజ్‌ నాలుగేసి వికెట్లతో చెలరేగగా..నితీశ్‌ రెడ్డి ఒక వికెట్‌ దక్కించుకున్నాడు. సీనియర్‌ స్పిన్నర్‌ రవిచంద్రన్‌ అశ్విన్‌ ఒక వికెట్‌ తన ఖాతాలో వేసుకున్నాడు. ఇక బోర్డర్‌- గావస్కర్‌ ట్రోఫీ ఆడేందుకు టీమిండియా ఆస్ట్రేలియా పర్యటనకు వెళ్లింది. పెర్త్‌ వేదికగా తొలి టెస్టులో 295 పరుగులతో ఆసీస్‌ను ఓడించిన భారత్‌.. రెండో టెస్టులో కాస్త తడబడుతోంది. అడిలైడ్‌ వేదికగా ఈ డే అండ్‌ నైట్‌ మ్యాచ్‌లో ఇరుజట్ల తొలి ఇన్నింగ్స్‌ ముగిసే సరికి కమిన్స్‌ బృందం.. రోహిత్‌ సేనపై 157 పరుగుల ఆధిక్యంలో నిలిచింది.చదవండి: IND vs AUS: జైశ్వాల్ కళ్లు చెదిరే క్యాచ్‌.. విరాట్ కోహ్లి రియాక్ష‌న్ వైర‌ల్‌The end of a sensational innings! 🗣️#AUSvIND pic.twitter.com/kEIlHmgNwT— cricket.com.au (@cricketcomau) December 7, 2024

అడిలైడ్ వేదిక‌గా భార‌త్‌తో మొద‌లైన పింక్‌బాల్ టెస్టు తొలి రోజు ఆట‌లో ఆస్ట్రేలియా ఆధిప‌త్యం చెలాయించింది. తొలుత బౌలింగ్‌లో టీమిండియాను 180 ప‌రుగుల‌కే క‌ట్ట‌డి చేసిన ఆసీస్‌.. అనంత‌రం బ్యాటింగ్‌లో కూడా అద‌ర‌గొడుతోంది.మొద‌టి రోజు ఆట ముగిసే స‌మ‌యానికి వికెట్ న‌ష్టానికి ఆసీస్ జ‌ట్టు 88 ప‌రుగులు చేసింది. ఇక ఇది ఇలా ఉండ‌గా.. తొలి రోజు ఆటలో టీమిండియా స్టార్ పేస‌ర్ మ‌హ్మ‌ద్ సిరాజ్ అనుచితంగా ప్ర‌వ‌ర్తించాడు. ఆఖరి క్షణంలో తప్పుకున్నాడన్న కోపంతో సహనం కోల్పోయిన సిరాజ్‌.. ఆసీస్ బ్యాట‌ర్ మార్న‌స్ ల‌బుషేన్‌పై బంతిని విసిరాడు.అస‌లేం జ‌రిగిందంటే?ఆస్ట్రేలియా ఇన్నింగ్స్ 25వ ఓవ‌ర్‌లో 5వ బంతిని వేసేందుకు సిరాజ్ సిద్ద‌మ‌య్యాడు. స్ట్రైక్‌లో మార్న‌స్ ల‌బుషేన్ ఉన్నాడు. అయితే సైట్ స్క్రీన్ వద్ద ప్రేక్షకుడు బీర్‌ స్నేక్‌(ఖాళీ బీర్‌ ప్లాస్టిక్‌ కప్పులు) తీసుకుని నడవడంతో ఏకాగ్రత కోల్పోయిన ల‌బుషేన్ ఆఖ‌రి క్ష‌ణంలో ప‌క్క‌కు త‌ప్పుకున్నాడు.దీంతో బంతిని వేసేందుకు రనప్‌తో వేగంగా వ‌చ్చిన సిరాజ్ కూడా మ‌ధ్య‌లో ఆగిపోయాడు. అయితే సిరాజ్ త‌న‌ బౌలింగ్‌ను ఆఖరి నిమిషంలో అపిన‌ప్ప‌టికి.. ప్ర‌త్య‌ర్ధి బ్యాట‌ర్‌పై కోపాన్ని మాత్రం కంట్రోల్‌ చేసుకోలేకపోయాడు. స‌హానం కోల్పోయిన సిరాజ్ బంతిని ల‌బుషేన్ వైపు త్రో చేశాడు. ల‌బుషేన్ అలా చూస్తూ ఉండిపోయాడు.ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. దీంతో అత‌డిని ఆసీస్ ఫ్యాన్స్ సోష‌ల్ మీడియాలో ట్రోలు చేస్తున్నారు. భార‌త అభిమానులు సైతం అత‌డి చ‌ర్య‌ల‌ను త‌ప్పుబడుతున్నారు. సిరాజ్ మియా అంత దూకుడెందుకు? అంటూ కామెంట్లు చేస్తున్నారు.చదవండి: చరిత్ర సృష్టించిన వైభవ్‌ సూర్యవంశీ Mohammed Siraj was not too pleased with this 😂#AUSvIND pic.twitter.com/1QQEI5NE2g— cricket.com.au (@cricketcomau) December 6, 2024

టెస్టు క్రికెట్‌లో ఇంగ్లండ్‌ స్టార్‌ బ్యాటర్‌ హ్యారీ బ్రూక్‌ తన సూపర్‌ ఫామ్‌ను కొనసాగిస్తున్నాడు. న్యూజిలాండ్‌తో తొలి టెస్టులో అద్భుతమైన సెంచరీతో చెలరేగిన బ్రూక్‌.. ఇప్పుడు రెండో టెస్టులో కూడా దమ్ములేపాడు.క్రైస్ట్‌ చర్చ్‌ వేదికగా జరుగుతున్న సెకెండ్‌ టెస్టులో బ్రూక్‌ సూపర్‌ సెంచరీతో మెరిశాడు. వన్డే తరహాలో తన ఇన్నింగ్స్‌ను కొనసాగించిన బ్రూక్‌ కేవలం 91 పరుగుల్లోనే తన 8వ టెస్టు సెంచరీ మార్క్‌ను అందుకున్నాడు.ఓవరాల్‌గా ఈ మ్యాచ్‌లో 115 బంతులు ఎదుర్కొన్న బ్రూక్‌.. 11 ఫోర్లు, 5 సిక్స్‌లతో 123 పరుగులు చేసి రనౌటయ్యాడు. ఇక అతడి అద్భుత ప్రదర్శన ఫలితంగా ఇంగ్లండ్‌ తమ మొదటి ఇన్నింగ్స్‌లో 280 పరుగులకు ఆలౌటైంది.ఇంగ్లండ్‌ అతడితో పాటు ఓలీ పోప్‌(66) హాఫ్‌ సెంచరీతో రాణించాడు. కివీస్‌ బౌలర్లలో నాథన్‌ స్మిత్‌ నాలుగు వికెట్లు పడగొట్టగా.. విలియం​ ఓ రూర్క్‌ 3, మాట్‌ హెన్రీ రెండు వికెట్లు సాధించారు.అనంతరం తొలి ఇన్నింగ్స్‌ ఆరంభించిన న్యూజిలాండ్‌కు ఇంగ్లండ్‌ బౌలర్లు చుక్కలు చూపిస్తున్నారు. తొలి రోజు ఆట ముగిసే సమయానికి కివీస్‌ 5 వికెట్ల నష్టానికి 86 పరుగులు చేసింది. కివీస్‌ ప్రస్తుతం 194 పరుగుల వెనకంజలో ఉంది. ఇంగ్లండ్‌ బౌలర్లలో బ్రైడన్‌ కార్సే రెండు వికెట్లు సాధించగా.. వోక్స్‌, అట్కిన్సన్‌, స్టోక్స్‌ తలా వికెట్‌ పడగొట్టారు.

ఆస్ట్రేలియాతో రెండో టెస్టు నేపథ్యంలో టీమిండియా కెప్టెన్‌ రోహిత్‌ శర్మ గురువారం మీడియాతో మాట్లాడాడు. ఈ సందర్భంగా ‘పింక్‌ బాల్‌’ టెస్టులో భారత ఓపెనింగ్‌ జోడీపై స్పష్టతనిచ్చాడు. యశస్వి జైస్వాల్‌- కేఎల్‌ రాహుల్‌ ఇన్నింగ్స్‌ ఆరంభిస్తారని హిట్‌మ్యాన్‌ పేర్కొన్నాడు.ఇక.. తాను మిడిలార్డర్‌లో బరిలోకి దిగుతానని చెప్పిన రోహిత్‌ శర్మ.. జట్టు ప్రయోజనాల కోసమే ఈ నిర్ణయం తీసుకున్నట్లు వెల్లడించాడు. తనకు మిడిలార్డర్‌లో బ్యాటింగ్‌ చేయడం కాస్త కష్టమేనని.. అయినా జట్టు కోసం ఓపెనింగ్‌ స్థానం త్యాగం చేయక తప్పలేదని పేర్కొన్నాడు.పితృత్వ సెలవులుకాగా బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు టెస్టులు ఆడుతోంది. అయితే, పెర్త్‌ వేదికగా జరిగిన తొలి టెస్టుకు రోహిత్‌ శర్మ దూరంగా ఉన్నాడు. తన భార్య రితికా సజ్దే కుమారుడు అహాన్‌కు జన్మనివ్వడంతో పితృత్వ సెలవులు తీసుకున్నాడు. అయితే, మొదటి టెస్టు మధ్యలోనే ముంబై నుంచి ఆస్ట్రేలియాకు చేరుకున్నాడు హిట్‌మ్యాన్‌.జైస్వాల్‌తో కలిసి రాణించిన రాహుల్‌ఇదిలా ఉంటే.. పెర్త్‌ టెస్టులో రోహిత్‌ గైర్హాజరీ నేపథ్యంలో ప్రధాన పేసర్‌ జస్‌ప్రీత్‌ బుమ్రా కెప్టెన్‌గా వ్యవహరించగా.. యశస్వి జైస్వాల్‌తో కలిసి కేఎల్‌ రాహుల్‌ ఓపెనింగ్‌ చేశాడు. ఇక తొలి ఇన్నింగ్స్‌లో డకౌట్‌ అయిన జైస్వాల్‌.. రెండో ఇన్నింగ్స్‌లో భారీ శతకం(161) బాదాడు. మరోవైపు.. కేఎల్‌ రాహుల్‌(26, 77) సైతం మెరుగ్గా రాణించాడు.అయితే, రెండో టెస్టుకు రోహిత్‌ శర్మ అందుబాటులోకి రావడంతో ఓపెనింగ్‌ జోడీని మారుస్తారా అనే సందేహాలు నెలకొన్నాయి. రాహుల్‌ను మిడిలార్డర్‌లోకి పంపి రోహిత్‌ ఓపెనర్‌గా వస్తాడేమోనని అంతా భావించారు. అయితే, తానే మిడిలార్డర్‌లో వస్తానని రోహిత్‌ శర్మ తాజాగా క్లారిటీ ఇచ్చాడు. పింక్‌ బాల్‌తోకాగా అడిలైడ్‌ వేదికగా జరిగే రెండో టెస్టు డే అండ్‌ నైట్‌ మ్యాచ్‌. దీనిని పింక్‌ బాల్‌తో నిర్వహిస్తారు. ఇక ఇందుకోసం రోహిత్‌ సేన ఆస్ట్రేలియా ప్రైమ్‌ మినిస్టర్‌ ఎలెవన్‌తో గులాబీ బంతితో ప్రాక్టీస్‌ మ్యాచ్‌ ఆడింది. ఇందులో మిడిలార్డర్‌లో వచ్చిన రోహిత్‌ శర్మ(3) విఫలం కాగా.. ఓపెనర్లు జైస్వాల్‌ 45, రాహుల్‌ 27(రిటైర్డ్‌ హర్ట్‌) పరుగులు చేశారు. ఈ మ్యాచ్‌లో భారత్‌ ఆరు వికెట్ల తేడాతో గెలిచింది. చదవండి: Ind vs Aus 2nd Test: పింక్‌ బాల్‌ టెస్టు.. అడిలైడ్‌ పిచ్‌ వారికే అనుకూలం! క్యూరేటర్‌ కీలక వ్యాఖ్యలు

‘పింక్‌ బాల్‌’తో మ్యాచ్‌ అంత ఈజీ కాదంటున్నాడు టీమిండియా బ్యాటర్‌ కేఎల్‌ రాహుల్‌. క్రీజులోకి వెళ్లిన తర్వాతే దాని సంగతేమిటో పూర్తిగా అర్థమవుతుందని పేర్కొన్నాడు. కాగా బోర్డర్‌- గావస్కర్‌ ట్రోఫీలో భాగంగా ఆస్ట్రేలియాతో తొలి టెస్టులో గెలిచిన టీమిండియా.. రెండో టెస్టులో డే అండ్‌ నైట్‌ మ్యాచ్‌ ఆడనుంది. అయితే, ప్రస్తుతం భారత జట్టులో ఎనిమిది మందికి మాత్రమే డే అండ్‌ నైట్‌(పింక్‌ బాల్‌) టెస్టు ఆడిన అనుభవం ఉంది. అందులోనూ విరాట్‌ కోహ్లి, జస్‌ప్రీత్‌ బుమ్రా, రవిచంద్రన్‌ అశ్విన్‌ మాత్రమే ఆస్ట్రేలియా గడ్డపై పింక్‌ బాల్‌తో ఆడారు.ఇక కేఎల్‌ రాహుల్‌కు ఇదే తొలి ‘పింక్‌ బాల్‌ టెస్టు’ మ్యాచ్‌ కావడం విశేషం. ఈ నేపథ్యంలో ఎర్ర బంతికి, గులాబీ మధ్య తేడా తనకు స్పష్టంగా కనిపిస్తోందని... డే అండ్‌ నైట్‌ టెస్టులో ‘పింక్‌ బాల్‌’ను ఎదుర్కోవడం అంత సులువు కాదని రాహుల్‌ వ్యాఖ్యానించాడు. నాకు ఇది కొత్త అనుభవం‘బౌలర్‌ చేతినుంచి బంతి విడుదలయ్యే సమయంలో దానిని గుర్తించడం కష్టంగా ఉంది. ఎర్ర బంతితో పోలిస్తే చాలా గట్టిగా ఉండటంతో పాటు వేగంగా కూడా దూసుకొస్తోంది. ఫీల్డింగ్‌లో క్యాచ్‌ పట్టే సమయంలో కూడా తేడా స్పష్టంగా కనిపిస్తోంది. స్వింగ్‌ కూడా భిన్నంగా అవుతోంది కాబట్టి అదే మాకు పెద్ద సవాల్‌ కానుంది. నాకు ఇది కొత్త అనుభవం. క్రీజ్‌లోకి వెళ్లాకే దాని సంగతేమిటో చూస్తాను. ఎలాంటి స్థితి ఎదురైనా ఎదుర్కొనేందుకు సిద్ధంగా ఉన్నా’ అని రాహుల్‌ చెప్పాడు.అయితే ప్రాక్టీస్‌ ద్వారా అలవాటు పడేందుకు ప్రయత్నిస్తున్నామని కేఎల్‌ రాహుల్‌ అన్నాడు. ‘గులాబీ బంతి ఎలా స్పందిస్తోందో, ఆడటం ఎంత కష్టమో తెలుసుకునేందుకే మాకు కొంత సమయం పట్టింది. బౌలర్‌ చేతి నుంచి వచ్చే బంతిని గుర్తించడమే తొలి అడుగు. అప్పుడే సరైన షాట్‌ ఆడేందుకు తగిన అవకాశం ఉంటుంది. అందుకే మేమంతా ఎక్కువ బంతులను ఎదుర్కొనేందుకు ప్రయత్నించాం’ అని రాహుల్‌ వెల్లడించాడు. కాగా రెండో టెస్టు కోసం సన్నద్ధమయ్యే క్రమంలో భారత జట్టు ప్రైమ్‌ మినిస్టర్‌ ఎలెవన్‌తో వన్డే ప్రాక్టీస్‌ మ్యాచ్‌ ఆడింది. ఆ తర్వాత పింక్‌ బాల్‌ టెస్టుకు వేదికైన అడిలైడ్‌ చేరుకున్న టీమ్‌ రెండు ప్రాక్టీస్‌ సెషన్లలో పాల్గొంది.ఓపెనర్‌గా ఆడిస్తారా?ఇదిలా ఉంటే.. ఆస్ట్రేలియాతో జరిగిన తొలి టెస్టులో ఓపెనర్‌గా బరిలోకి దిగిన కేఎల్‌ రాహుల్‌ రెండో ఇన్నింగ్స్‌లో అర్ధ శతకంతో ఆకట్టుకున్నాడు. అయితే రెండో టెస్టు కోసం రోహిత్‌ శర్మ అందుబాటులోకి రావడంతో అతని ఓపెనింగ్‌ స్థానంపై సందిగ్ధత నెలకొంది. అతను ఓపెనర్‌గా కొనసాగాలా లేక మిడిలార్డర్‌లో ఆడాలా అనేదానిపై చర్చ మొదలైంది. దీనిపై రాహుల్‌ స్పందించాడు. బుధవారం జరిగిన మీడియా సమావేశంలో ఈ అంశంపై అతడు మాట్లాడాడు. ‘అడిలైడ్‌ టెస్టులో నా బ్యాటింగ్‌ స్థానం ఏమిటనేది నాకు ఇప్పటికే చెప్పేశారు. అయితే మ్యాచ్‌ జరిగే వరకు దాని గురించి మాట్లాడవద్దని కూడా చెప్పారు. నేను దేనికైనా సిద్ధమే. ఏ స్థానమైనా తుది జట్టులో ఉండటమే నాకు అన్నింటికంటే ముఖ్యం. అవకాశం రాగానే బరిలోకి దిగి జట్టు కోసం ఆడటమే ప్రధానం. నేను వేర్వేరు స్థానాల్లో బ్యాటింగ్‌ చేశాను.ఆరంభంలో తొలి 20–25 బంతులు కొంత ఇబ్బందిగా అనేపించేవి. డిఫెన్స్‌ ఆడాలా లేక అటాక్‌ చేయాలనే అని సందేహ పడేవాడిని. అయితే ఇన్నేళ్ల అనుభవం తర్వాత నా ఇన్నింగ్స్‌ను ఎలా నడిపించాలో స్పష్టత వచి్చంది. తొలి 30–40 బంతులు సమర్థంగా ఎదుర్కోగలిగితే అది ఓపెనింగ్‌ అయినా మిడిలార్డర్‌ అయినా అంతా ఒకేలా అనిపిస్తుంది. దానిపైనే నేను దృష్టి పెడతా’ అని రాహుల్‌ వెల్లడించాడు. ముందే చెప్పారుఇక టెస్టు సిరీస్‌లో ఓపెనింగ్‌ చేయాల్సి రావచ్చని తనకు ఆస్ట్రేలియా బయల్దేరడానికి ముందే టీమ్‌ మేనేజ్‌మెంట్‌ చెప్పిందని... అందుకే అన్ని రకాలుగా సన్నద్ధమయ్యానని రాహుల్‌ చెప్పాడు. సరిగ్గా పదేళ్ల క్రితం రాహుల్‌ ఇదే ఆ‍స్ట్రేలియా గడ్డపై టెస్టు క్రికెట్‌లో అరంగేట్రం చేశాడు. ఈ పదేళ్ల కెరీర్‌లో అతను 54 టెస్టులు ఆడాడు. ఈ క్రమంలో పలు గాయాలను అధిగమించిన అతడు... మానసికంగా కూడా ఎన్నో సవాళ్లను ఎదుర్కొన్నట్లు చెప్పాడు. ‘పదేళ్లు కాదు...25 ఏళ్లు గడిచినట్లుగా అనిపిస్తోంది. ఇన్నేళ్లలో నాకు ఎదురైన గాయాలు, ఆటకు దూరమైన రోజులు అలా అనిపించేలా చేస్తున్నాయి. అయితే ఈ దశాబ్దపు కెరీర్‌ను ఆస్వాదించాననేది వాస్తవం. వచ్చే పదేళ్ల కెరీర్‌ కోసం ఎదురు చూస్తున్నాచిన్నప్పుడు నాన్నతో కలిసి ఉదయమే టీవీలో టెస్టులు చూసిన రోజులను దాటి అదే ఆసీస్‌ గడ్డపై తొలి టెస్టు ఆడే సమయంలో ఎంతో భావోద్వేగానికి లోనయ్యా. ఆ సమయంలో నా బ్యాటింగ్, చేయాల్సిన పరుగుల గురించి ఆలోచనే రాలేదు. కెరీర్‌లో ఎన్నో ఎత్తుపల్లాలు చూశాను. గుర్తుంచుకునే క్షణాలతో పాటు కఠిన పరిస్థితులను ఎదుర్కొన్నా. ఇన్నేళ్లలో ఏ స్థానంలో అయిన ఆడగలిగేలా మానసికంగా దృఢంగా తయారయ్యా. వచ్చే పదేళ్ల కెరీర్‌ కోసం ఎదురు చూస్తున్నా’ అని రాహుల్‌ వివరించాడు.చదవండి: టీ20 క్రికెట్‌లో పెను సంచలనం.. బరోడా జట్టు ప్రపంచ రికార్డు.. హార్దిక్‌ పాండ్యా లేకుండానే!

ఆస్ట్రేలియా పర్యటనలో ఉన్న భారత జట్టుకు చేదు అనుభవం ఎదురైంది. ప్రతిష్టాత్మక ‘బోర్డర్‌–గావస్కర్‌ ట్రోఫీ’లో భాగంగా తొలి టెస్టు గెలిచి టీమిండియా జోరు మీదుండగా... ఇరు జట్ల మధ్య శుక్రవారం నుంచి అడిలైడ్‌ వేదికగా ‘పింక్‌ బాల్‌’ టెస్టు ప్రారంభం కానుంది. ఇకపై వారికి అనుమతి లేదుఈ నేపథ్యంలో భారత ఆటగాళ్లు గులాబీ బంతితో ముమ్మర సాధన చేస్తుండగా... ప్రాక్టీస్‌ సెషన్స్‌కు హాజరైన కొందరు ఆసీస్‌ అభిమానులు టీమిండియా ప్లేయర్లను ఎగతాళి చేశారు.ఈ నేపథ్యంలో.. ఈ సిరీస్‌లో ఇకపై భారత జట్టు ప్రాక్టీస్‌ సెషన్స్‌ సమయంలో అభిమానులను అనుమతించబోవడం లేదు. కాగా మంగళవారం భారత ఆటగాళ్లు ప్రాక్టీస్‌ చేస్తుండగా... వేలాది మంది అభిమానులు స్టేడియానికి తరలివచ్చారు. పరుష పదజాలంతో దూషణలుఅడిలైడ్‌ మైదానంలో నెట్స్‌కు చాలా సమీపం వరకు అభిమానులు వచ్చే వీలుండటంతో... అక్కడికి చేరుకున్న పలువురు పరుష పదజాలంతో భారత ఆటగాళ్లను తూలనాడారు. దీన్ని సీరియస్‌గా తీసుకున్న టీమ్‌ మేనేజ్‌మెంట్‌ క్రికెట్‌ ఆస్ట్రేలియా (సీఏ)కు ఫిర్యాదు చేసింది. ఇకపై టీమిండియా ప్రాక్టీస్‌ సెషన్స్‌కు అభిమానులను అనుమతించబోమని తేల్చి చెప్పింది.చదవండి: Ind vs Aus 2nd Test: పింక్‌ బాల్‌ టెస్టు.. అడిలైడ్‌ పిచ్‌ వారికే అనుకూలం! క్యూరేటర్‌ కీలక వ్యాఖ్యలు

‘బోర్డర్‌–గావస్కర్‌ ట్రోఫీ’లో భాగంగా టీమిండియా- ఆస్ట్రేలియా మధ్య అడిలైడ్‌ వేదికగా రెండో టెస్టు జరుగనుంది. పింక్‌ బాల్‌తో నిర్వహించనున్న ఈ డే అండ్‌ నైట్‌ మ్యాచ్‌ శుక్రవారం మొదలుకానుంది. ఈ నేపథ్యంలో అడిలైడ్‌ పిచ్‌ గురించి ప్రధాన క్యూరేటర్‌ డామియన్‌ హగ్‌ కీలక వ్యాఖ్యలు చేశాడు. ఇక్కడి పిచ్‌‌ స్పిన్‌ బౌలింగ్‌కు సహకరించనుందని వెల్లడించాడు పిచ్‌పై 6 మిల్లీ మీటర్ల పచ్చిక ఉంటుందని పేర్కొన్నాడు.ఆరంభంలో పేస్‌కు సహకరించినా...అయితే, ఫ్లడ్‌ లైట్ల వెలుతురులో గులాబీ బంతిని ఎదుర్కోవడం కొంచెం కష్టమే అని... అయితే పిచ్‌ అటు బ్యాటర్లకు, ఇటు బౌలర్లకు సహకరిస్తుందని హగ్‌ వెల్లడించాడు. ‘రికార్డులు పరిశీలిస్తే అడిలైడ్‌లో ఫ్లడ్‌ లైట్ల వెలుతురులో బ్యాటింగ్‌ చేయడం కష్టమనేది సుస్పష్టం. పిచ్‌పై పచ్చిక ఉండనుంది. ఆరంభంలో పేస్‌కు సహకరించినా... మ్యాచ్‌ కొనసాగుతున్నకొద్దీ స్పిన్నర్లు ప్రభావం చూపగలరు.బంతి పాతబడే వరకు కుదురుకుంటే పరుగులు రాబట్టడం పెద్ద కష్టం కాదు. అడిలైడ్‌లో స్పిన్‌ కీలక పాత్ర పోషించడం పరిపాటి. ఇక్కడ ఆడేటప్పుడు ప్రధాన స్పిన్నర్‌ తుది జట్టులో ఉండాల్సిందే. మ్యాచ్‌ ఆరంభంలో పేసర్లు ప్రభావం చూపితే... రాత్రి పూట స్పిన్నర్లు ప్రమాదకరం’ అని హగ్‌ తెలిపాడు. గతంలొ 36 పరుగులకే ఆలౌట్‌కాగా పెర్త్‌లో జరిగిన టెస్టులో భారత్‌ ఆసీస్‌ను మట్టికరిపించిన విషయం తెలిసిందే. ఆతిథ్య జట్టును ఏకంగా 295 పరుగుల తేడాతో చిత్తు చేసింది బుమ్రా సేన. ఇక అడిలైడ్‌ మ్యాచ్‌కు రెగ్యులర్‌ కెప్టెన్‌ రోహిత్‌ శర్మ అందుబాటులోకి వచ్చాడు. కాగా 2020లో ఇదే వేదికపై భారత జట్టు 36 పరుగులకే ఆలౌట్‌ అయి చెత్త రికార్డును మూటగట్టుకుంది.చదవండి: ‘ధోనితో నాకు మాటల్లేవు.. పదేళ్లకు పైగానే అయింది.. అయినా అలాంటి వాళ్లకు’

సౌతాఫ్రికా పర్యటన నేపథ్యంలో పాకిస్తాన్‌ క్రికెట్‌ బోర్డు(పీసీబీ) తమ వన్డే, టీ20, టెస్టు జట్లను ప్రకటించింది. బాబర్‌ ఆజం, మహ్మద్‌ రిజ్వాన్‌ మూడు టీమ్‌లలోనూ చోటు దక్కించుకోగా.. టెస్టు జట్టులో ప్రధాన పేసర్‌ షాహిన్‌ షా ఆఫ్రిది పేరు మాత్రం లేదు.కాగా మూడు వన్డే, మూడు టీ20, రెండు టెస్టుల సిరీస్‌ ఆడేందుకు పాకిస్తాన్‌ క్రికెట్‌ జట్టు సౌతాఫ్రికాలో పర్యటించనుంది. డిసెంబరు 10న తొలి టీ20తో ఈ టూర్‌ మొదలుకానుంది. ఈ నేపథ్యంలో పీసీబీ బుధవారం ఈ సిరీస్‌లకు సంబంధించి మూడు వేర్వేరు జట్లను ప్రకటించింది.టెస్టులలో బాబర్‌ పునరాగమనం.. అతడికి మాత్రం చోటు లేదుటెస్టులకు షాన్‌ మసూద్‌ కెప్టెన్‌గా కొనసాగనుండగా.. పరిమిత ఓవర్ల సిరీస్‌లకు మహ్మద్‌ రిజ్వాన్‌ సారథ్యం వహించనున్నాడు. ఇక మాజీ కెప్టెన్‌ బాబర్‌ ఆజం మూడు జట్లలో స్థానం సంపాదించాడు. కాగా ఇంగ్లండ్‌తో సొంతగడ్డపై తొలి టెస్టులో విఫలమైన తర్వాత.. మిగిలిన రెండు టెస్టులు ఆడకుండా బాబర్‌పై వేటు పడింది. అతడితో పాటు షాహిన్‌నూ తప్పించిన విషయం తెలిసిందే.ఇదిలా ఉంటే.. యువ పేసర్‌ నసీం షా కేవలం టెస్టు, వన్డేలు మాత్రమే ఆడనున్నాడు. మరోవైపు.. షాహిన్‌ ఆఫ్రిది టీ20, వన్డేలు మాత్రమే ఆడి.. టెస్టులకు దూరంగా ఉండనున్నాడు.తప్పించారా? రెస్ట్‌ ఇచ్చారా?వచ్చే ఏడాది సొంతగడ్డపై ఐసీసీ చాంపియన్స్‌ ట్రోఫీ నేపథ్యంలో షాహిన్‌కు పీసీబీ ఈ మేర పనిభారం తగ్గించి.. విశ్రాంతినివ్వాలని నిశ్చయించినట్లు తెలుస్తోంది. ఇదిలా ఉంటే.. ఇటీవల క్వైద్‌-ఇ-ఆజం ట్రోఫీలో ఐదు మ్యాచ్‌లలో 31 వికెట్లతో సత్తా చాటిన రైటార్మ్‌ సీమర్‌ మహ్మద్‌ అబ్బాస్‌ దాదాపు మూడేళ్ల తర్వాత రీ ఎంట్రీ ఇస్తున్నాడు.తొలిసారి వన్డే జట్టుకు సూఫియాన్‌ ఎంపికఅదే విధంగా.. ఖుర్రం షెహజాద్‌, మీర్‌ హంజా కూడా టెస్టు జట్టులో చోటు దక్కించుకోగా.. షాజిద్‌ ఖాన్‌ మాత్రం మిస్సయ్యాడు. అతడి స్థానంలో స్పిన్‌ బౌలింగ్‌ ఆప్షన్‌గా నొమన్‌ అలీ జట్టులోకి వచ్చాడు. ఇక లెగ్‌ స్పిన్నర్‌ సూఫియాన్‌ మోకీం తొలిసారి వన్డే జట్టుకు ఎంపికయ్యాడు.ఇక సౌతాఫ్రికా- పాకిస్తాన్‌ మధ్య డిసెంబరు 10, 13, 14 తేదీల్లో టీ20... డిసెంబరు 17, 19, 22 తేదీల్లో వన్డే సిరీస్‌ జరుగనుంది. అదే విధంగా.. డిసెంబరు 26 నుంచి జనవరి 7 వరకు టెస్టు సిరీస్‌కు షెడ్యూల్‌ ఖరారైంది.సౌతాఫ్రికాతో టెస్టులకు పాకిస్తాన్‌ జట్టుషాన్ మసూద్ (కెప్టెన్), సౌద్ షకీల్ (వైస్ కెప్టెన్), అమీర్ జమాల్, అబ్దుల్లా షఫీక్, బాబర్ ఆజం, హసీబుల్లా (వికెట్‌ కీపర్‌), కమ్రాన్ గులామ్, ఖుర్రం షాజాద్, మీర్ హంజా, మహ్మద్ అబ్బాస్, మహ్మద్ రిజ్వాన్ (వికెట్‌ కీపర్‌), నసీం షా, నొమన్ అలీ, సయీమ్‌ అయూబ్, సల్మాన్ అలీ అఘా.సౌతాఫ్రికాతో వన్డేలకు పాకిస్తాన్‌ జట్టుమహ్మద్ రిజ్వాన్ (కెప్టెన్ & వికెట్‌ కీపర్‌), అబ్దుల్లా షఫీక్, అబ్రార్ అహ్మద్, బాబర్ ఆజం, హరీస్ రవూఫ్, కమ్రాన్ గులామ్, మహ్మద్ హస్నైన్, ముహమ్మద్ ఇర్ఫాన్ ఖాన్, నసీమ్ షా, సయీమ్ అయూబ్, సల్మాన్ అలీ అఘా, షాహిన్ షా ఆఫ్రిది, సుఫియాన్‌ మోకీం, తయ్యబ్ తాహిర్, ఉస్మాన్ ఖాన్ (వికెట్‌ కీపర్‌).సౌతాఫ్రికాతో టీ20లకు పాకిస్తాన్‌ జట్టుమహ్మద్ రిజ్వాన్ (కెప్టెన్ & వికెట్‌ కీపర్‌), అబ్రార్ అహ్మద్, బాబర్ ఆజం, హరీస్ రవూఫ్, జహందాద్ ఖాన్, మహ్మద్ అబ్బాస్ అఫ్రిది, మహ్మద్ హస్నైన్, ముహమ్మద్ ఇర్ఫాన్ ఖాన్, ఒమైర్ బిన్ యూసుఫ్, సయీమ్ అయూబ్, సల్మాన్ అలీ అఘా, షాహిన్‌ షా ఆఫ్రిది, సూఫియాన్‌ మోకీం, తయ్యబ్‌ తాహిర్, ఉస్మాన్ ఖాన్ (వికెట్‌ కీపర్‌).చదవండి: వినోద్‌ కాంబ్లీని కలిసిన సచిన్‌.. చేయి వదలకుండా బిగించడంతో.. ఆఖరికి

వెస్టిండీస్‌తో రెండో టెస్టులో బంగ్లాదేశ్‌ చారిత్రాత్మక విజయం సాధించింది. ఆతిథ్య విండీస్‌ను ఏకంగా 101 పరుగుల తేడాతో చిత్తుగా ఓడించింది. తద్వారా కరేబియన్‌ గడ్డపై పదిహేనేళ్లలో తొలి టెస్టు గెలుపు నమోదు చేసింది. అంతేకాదు.. ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 పాయింట్ల పట్టికలో వెస్టిండీస్‌ను వెనక్కినెట్టింది.కరేబియన్‌ పర్యటనలో బంగ్లాదేశ్‌కాగా రెండు టెస్టులు, మూడు వన్డేలు, మూడు టీ20లు ఆడేందుకు బంగ్లాదేశ్‌ కరేబియన్‌ పర్యటనకు వెళ్లింది. ఈ క్రమంలో ఇరుజట్ల మధ్య ఆంటిగ్వా వేదికగా తొలి టెస్టు జరగగా.. ఆతిథ్య వెస్టిండీస్‌ 201 పరుగుల తేడాతో భారీ విజయం సాధించింది. దీంతో సిరీస్‌లో 1-0తో ఆధిక్యంలో నిలిచింది.జమైకాలో రెండో టెస్టుఅయితే, రెండో టెస్టులో మాత్రం బంగ్లాదేశ్‌ వెస్టిండీస్‌కు ఊహించని షాకిచ్చింది. జాకర్‌ అలీ బ్యాట్‌తో, తైజుల్‌ ఇస్లాం బాల్‌తో చెలరేగడంతో బ్రాత్‌వైట్‌ బృందాన్ని మట్టికరిపించింది. జమైకా వేదికగా శనివారం నుంచి మంగళవారం (నవంబరు 30- డిసెంబరు 3) వరకు జరిగిన ఈ మ్యాచ్‌లో.. టాస్‌ గెలిచిన బంగ్లా తొలుత బ్యాటింగ్‌ చేసింది.బ్యాటర్లంతా నామమాత్రపు స్కోర్లకే పరిమితం కావడంతో తొలి ఇన్నింగ్స్‌లో 164 పరుగులకే ఆలౌట్‌ అయింది. ఓపెనర్‌ షాద్‌మన్‌ ఇస్లాం(64), కెప్టెన్‌ మెహదీ హసన్‌ మిరాజ్‌(36) రాణించడంతో ఈ మేర స్కోరు సాధించింది. నహీద్‌ రాణా ఐదు వికెట్లతో చెలరేగడంతోఇందుకు బదులిచ్చేందుకు రంగంలోకి దిగిన విండీస్‌ జట్టు.. 146 పరుగులకే కుప్పకూలింది. బంగ్లా యువ పేసర్‌ నహీద్‌ రాణా ఐదు వికెట్లతో చెలరేగి వెస్టిండీస్‌ బ్యాటింగ్‌ ఆర్డర్‌ పతనాన్ని శాసించాడు.ఈ క్రమంలో.. 18 పరుగుల స్వల్ప ఆధిక్యంతో రెండో ఇన్నింగ్స్‌ మొదలుపెట్టిన బంగ్లాదేశ్‌.. 268 పరుగులు సాధించింది. కెప్టెన్‌ మెహదీ హసన్‌ మిరాజ్‌ 42 పరుగులతో రాణించగా.. వికెట్‌ కీపర్‌ బ్యాటర్‌ జాకర్‌ అలీ 91 పరుగులతో దుమ్ములేపాడు. ఈ నేపథ్యంలో పర్యాటక బంగ్లాదేశ్‌ విండీస్‌ ముందు 287 పరుగుల లక్ష్యాన్ని ఉంచింది.ఈసారి ఐదేసిన తైజుల్‌ ఇస్లాంఅయితే, టార్గెట్‌ను ఛేదించే క్రమంలో వెస్టిండీస్‌ను ఆరంభం నుంచే బంగ్లా బౌలర్లు తిప్పలు పెట్టారు. ముఖ్యంగా స్పిన్నర్‌ తైజుల్‌ ఇస్లాం ఓపెనర్లలో మైకైల్‌ లాయీస్‌(6)తో పాటు.. కెప్టెన్‌ బ్రాత్‌వైట్‌(43)లను అవుట్‌ చేసి వికెట్ల పతనానికి నాంది పలకగా.. పేసర్లు టస్కిన్‌ అహ్మద్‌, హసన్‌ మహమూద్‌, నహీద్‌ రాణా అతడికి సహకారం అందించారు.సిరీస్‌ సమం.. ఇక విండీస్‌ బ్యాటర్లలో కేవం హోడ్జ్‌(55) అర్ధ శతకంతో కాసేపు పోరాడే ప్రయత్నం చేయగా.. తైజుల్‌ ఇస్లాం అతడిని పెవిలియన్‌కు పంపి మరోసారి దెబ్బ కొట్టాడు. ఇక నహీద్‌ రాణా షమార్‌ జోసెఫ్‌(8)ను పదో వికెట్‌గా వెనక్కి పంపడంతో విండీస్‌ కథ ముగిసిపోయింది. 185 పరుగులకే వెస్టిండీస్‌ ఆలౌట్‌ కాగా.. బంగ్లా 101 పరుగుల తేడాతో జయభేరి మోగించింది. తద్వారా సిరీస్‌ను 1-1తో సమం చేసింది. ఇక బంగ్లా బౌలర్లలో ప్లేయర్‌ ‘ఆఫ్‌ ది మ్యాచ్‌’ తైజుల్‌ ఇస్లాం ఏకంగా ఐదు వికెట్లు దక్కించుకోగా.. టస్కిన్‌ అహ్మద్‌, హసన్‌ మహమూద్‌ తలా రెండు, నహీద్‌ రాణా ఒక వికెట్‌ తమ ఖాతాలో వేసుకున్నారు.పాయింట్ల పట్టికలోనూ తారుమారుఇక విండీస్‌పై విజయంతో బంగ్లాదేశ్‌ డబ్ల్యూటీసీ పాయింట్ల పట్టికలో ఎనిమిదో స్థానానికి చేరగా.. వెస్టిండీస్‌ తొమ్మిదో స్థానానికి పడిపోయింది. టీమిండియా అగ్రస్థానంలో కొనసాగుతుండగా.. సౌతాఫ్రికా, ఆస్ట్రేలియా, శ్రీలంక, న్యూజిలాండ్‌ టాప్‌-5లో ఉన్నాయి.చదవండి: వినోద్‌ కాంబ్లీని కలిసిన సచిన్‌.. చేయి వదలకుండా బిగించడంతో.. ఆఖరికి

ఆస్ట్రేలియాతో రెండో టెస్టు కోసం టీమిండియా సన్నద్ధమవుతోంది. అడిలైడ్‌ వేదికగా శుక్రవారం నుంచి మొదలుకానున్న పింక్‌ బాల్‌ మ్యాచ్‌ కోసం ప్రాక్టీస్‌లో తలమునకలైంది. ఇక ఈ టెస్టు కోసం రెగ్యులర్‌ కెప్టెన్‌, ఓపెనర్‌ రోహిత్‌ శర్మ జట్టుతో చేరడంతో.. భారత తుదిజట్టు కూర్పుపై చర్చలు నడుస్తున్నాయి.రాణించిన రాహుల్‌కాగా పితృత్వ సెలవుల కారణంగా రోహిత్‌ గైర్హాజరైన నేపథ్యంలో.. పెర్త్‌లో ఆసీస్‌తో జరిగిన తొలి టెస్టులో టీమిండియాకు జస్‌ప్రీత్‌ బుమ్రా సారథ్యం వహించాడు. ఈ పేస్‌ బౌలర్‌ కెప్టెన్సీల్లో భారత్‌ కంగారూలను 295 పరుగుల తేడాతో మట్టికరిపించింది. ఇక ఈ విజయంలో.. బ్యాటింగ్‌ విభాగంలో ఓపెనింగ్‌ జోడీ యశస్వి జైస్వాల్‌(161), కేఎల్‌ రాహుల్‌(77)లతో పాటు విరాట్‌ కోహ్లి(100 నాటౌట్‌) కీలక పాత్ర పోషించారు. ఓపెనర్‌గా వస్తాడా? లేదంటే ఇదిలా ఉంటే.. రోహిత్‌ శర్మ రాకతో కేఎల్‌ రాహుల్‌ స్థానం ప్రశ్నార్థకంగా మారింది. అడిలైడ్‌ టెస్టులో ఈ కర్ణాటక బ్యాటర్‌ ఓపెనర్‌గా వస్తాడా? లేదంటే మిడిలార్డర్‌లో బరిలోకి దిగుతాడా అన్న సందేహాలు నెలకొన్నాయి. ఈ నేపథ్యంలో బుధవారం మీడియాతో మాట్లాడిన కేఎల్‌ రాహుల్‌ ఆసక్తికర వ్యాఖ్యలు చేశాడు.తుదిజట్టులో చోటు ఉండాలి కదా!‘‘ముందుగా నాకు తుదిజట్టులో చోటు దక్కడమే ముఖ్యం. ఇక బ్యాటింగ్‌ ఆర్డర్‌లో ఎక్కడైనా రావడానికి సిద్ధంగా ఉన్నాను. జట్టు ప్రయోజనాల కోసం ఏ స్థానంలోనైనా ఆడతా. ఓపెనర్‌గా అయినా.. మిడిలార్డర్‌ బ్యాటర్‌గా అయినా జట్టును గెలిపించేందుకు నా వంతు కృషి చేస్తా.మొదట్లో కాస్త కష్టంగా ఉండేది..ఇప్పటి వరకు నా కెరీర్‌లో వేర్వేరు స్థానాల్లో బ్యాటింగ్‌ చేశాను. మొదట్లో కాస్త కష్టంగా ఉండేది. అయితే, అది కూడా టెక్నిక్‌ పరంగా కాకుండా.. మానసికంగా కాస్త ఇబ్బందిగా ఉండేది. తొలి 20 -25 బంతుల పాటు కఠినంగా తోచేది.ఇక ఇప్పటికి చాలాసార్లు నేను టెస్టుల్లో, వన్డేల్లో వేర్వేరు స్థానాల్లో ఆడాను కాబట్టి పరిస్థితిలో కాస్త మార్పు వచ్చింది. ఇప్పుడు ఏ స్థానంలో ఎలా ఆడాలో నాకు స్పష్టత ఉంది. తొలి 30- 40 బంతుల పాటు నిలదొక్కుకోగలిగితే.. ఆ తర్వాత నా రెగ్యులర్‌ స్టైల్‌లో ముందుకు సాగడం తేలికవుతుంది’’ అని స్టైలిష్‌ బ్యాటర్‌ కేఎల్‌ రాహుల్‌ చెప్పుకొచ్చాడు.విదేశీ గడ్డపై ఐదుకాగా కేఎల్‌ రాహుల్‌ ఇప్పటి వరకు తన కెరీర్లో 54 టెస్టులు ఆడి 3084 పరుగులు చేశాడు. ఇందులో ఎనిమిది శతకాలు ఉండగా.. వీటిలో రెండు సౌతాఫ్రికా, రెండు ఇంగ్లండ్‌, ఒకటి ఆస్ట్రేలియాలో సాధించినవి. ఇక పెర్త్‌ టెస్టులోనూ రాహుల్‌ తొలి ఇన్నింగ్స్‌లో 26 పరుగులే చేసినా.. రెండో ఇన్నింగ్స్‌లో కీలకమైన అర్ధ శతకం(77)తో రాణించాడు.శుబ్‌మన్‌ గిల్‌ కూడా వచ్చేశాడుఇదిలా ఉంటే.. రోహిత్‌ శర్మతో పాటు శుబ్‌మన్‌ గిల్‌ కూడా రెండో టెస్టుకు అందుబాటులోకి వచ్చాడు. దీంతో రాహుల్ బ్యాటింగ్‌ ఆర్డర్‌ మారటంతో పాటు.. ధ్రువ్‌ జురెల్‌పై వేటు పడే అవకాశం ఉంది. ఇక బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఆస్ట్రేలియా పర్యటనకు వెళ్లిన విషయం తెలిసిందే.చదవండి: వినోద్‌ కాంబ్లీని కలిసిన సచిన్‌.. చేయి వదలకుండా బిగించడంతో.. ఆఖరికి

టీమిండియాతో తొలి టెస్టులో ఆస్ట్రేలియా ఘోర ఓటమిని చవిచూసిన విషయం విదితమే. పెర్త్‌ వేదికగా జరిగిన ఈ మ్యాచ్‌లో బుమ్రా సారథ్యంలోని భారత జట్టు.. కంగారూలను 295 పరుగుల తేడాతో చిత్తు చిత్తు చేసింది. ముఖ్యంగా బ్యాటర్లంతా మూకుమ్మడిగా విఫలం కావడంతో కమిన్స్‌ బృందానికి ఈ మేర ఘోర పరాభవం తప్పలేదు. ఈ క్రమంలో మొదటి టెస్టు ఫలితం తర్వాత ఆస్ట్రేలియా జట్టులోని ఆటగాళ్ల మధ్య విభేదాలు వచ్చాయంటూ వార్తలు వినిపించాయి.పెర్త్‌లో పరాజయం తర్వాత బ్యాటర్లదే తప్పు అన్నట్లుగా ఆసీస్‌ పేసర్ జోష్‌‌ హాజిల్‌వుడ్‌ పరోక్షంగా చేసిన వ్యాఖ్యలు ఇందుకు దారి తీశాయి. ఈ నేపథ్యంలో ఆసీస్‌ స్టార్‌ బ్యాటర్‌ ట్రవిస్‌ హెడ్‌.. ఇవన్నీ వట్టి వదంతులేనని కొట్టిపారేశాడు. విభేదాలనే మాటకు తావు లేదు‘ఏ జట్టులోనైనా గెలుపోటముల్లో బ్యాటర్లు, బౌలర్లందరి సమాన బాధ్యత ఉంటుంది. ఏ ఆటగాడైనా విజయం కోసం తాను వ్యక్తిగతంగా కూడా కీలకపాత్ర పోషించేందుకు ప్రయత్నిస్తాడు.మేం భారీ స్కోరు చేస్తే బౌలర్ల పని సులువవుతుందని తెలుసు. కాబట్టి సమష్టిగా ఉండటం తప్ప విభేదాలనే మాటకు తావు లేదు. మేం 0–1తో వెనుకబడి ఉన్నామనేది వాస్తవం. కానీ మాకు ఇంకా చాలా అవకాశం ఉంది. ఎన్నో సార్లు ప్రతికూల పరిస్థితుల్లో కోలుకొని చెలరేగిన సత్తా మా సొంతం’ అని హెడ్‌ ఆత్మవిశ్వాసం వ్యక్తం చేశాడు. బుమ్రా సూపర్‌.. ‘బుమ్రా బౌలింగ్‌ ఎంత అద్భుతంగా ఉందో ఇప్పుడు మాకు అనుభవంలోకి వస్తోంది. అతను విసిరే సవాల్‌ను ఎదుర్కొంటూ పోటీ పడటం ప్రత్యేకంగా అనిపిస్తోంది. కెరీర్‌ ముగిసిన తర్వాత నేనూ బుమ్రాను ఎదుర్కొన్నాను అని మా మనవలకు చెప్పుకోగలను. ఈ సిరీస్‌లో మరికొన్నిసార్లు అతడితో తలపడే అవకాశం ఎలాగూ వస్తుంది. నా దృష్టిలో క్రికెట్‌ చరిత్రలో అత్యుత్తమ ఫాస్ట్‌ బౌలర్లలో ఒకడిగా బుమ్రా నిలిచిపోయాడు’ అని హెడ్‌ వ్యాఖ్యానించాడు.పెర్త్‌ టెస్టులో హెడ్‌ ఒక్కడే కాస్త బుమ్రాను సమర్థంగా ఎదుర్కొని అర్ధ సెంచరీ సాధించగా... స్మిత్, లబుషేన్‌, ఖాజా పూర్తిగా విఫలమయ్యారు. ‘బుమ్రా ప్రత్యేకమైన బౌలర్‌. అయితే ఏ బౌలర్‌నైనా ఎదుర్కొనేందుకు ప్రతీ బ్యాటర్‌కు తనదైన శైలి ఉంటుంది. వారు ఎలా ఆడగలరనేది వారికి మాత్రమే తెలుసు. నేను కాస్త మెరుగ్గా ఆడినంత మాత్రాన నా సహచరులు సలహాలు, సూచనల కోసం నా వద్దకు రాలేదు కదా’ అని బుమ్రా బౌలింగ్‌ గురించి హెడ్‌ అభిప్రాయపడ్డాడు.‘పింక్‌ బాల్‌’ టెస్టు ఆడి చాలా కాలమైందినాలుగేళ్ల క్రితం ‘పింక్‌ బాల్‌’ టెస్టులో భారత్‌ 36 పరుగులకు ఆలౌట్‌ అయిన విషయం తనకు గుర్తుందని, అయితే ఈసారి అలాంటిది జరగకపోవచ్చని అతను అన్నాడు. తాము కూడా ‘పింక్‌ బాల్‌’ టెస్టు ఆడి చాలా కాలమైందని... పరిస్థితులకు తగినట్లుగా మన ఆటను మార్చుకోవడమే ఇరు జట్లకు కీలకమని హెడ్‌ చెప్పాడు. కాగా భారత్‌- ఆసీస్‌ మధ్య అడిలైడ్‌ వేదికగా శుక్రవారం నుంచి రెండో టెస్టు(పింక్‌ బాల్‌) మొదలుకానుంది.చదవండి: ‘గిల్‌ను బెంచ్‌కే పరిమితం చేయండి.. అతడికి మరొక్క ఛాన్స్‌ ఇవ్వాలి’

బోర్డర్‌- గావస్కర్‌ ట్రోఫీతో బిజీగా ఉన్న ఆస్ట్రేలియా జట్టుకు వరుస షాకులు తగులుతున్నాయి. ఇప్పటికే తొలి టెస్టులో టీమిండియా చేతిలో చిత్తుగా ఓడిన కంగారూ జట్టు సిరీస్‌లో 0-1తో వెనుకబడింది. ఈ క్రమంలో అడిలైడ్‌ వేదికగా రెండో టెస్టులోనైనా రాణించాలని పట్టుదలగా ఉంది.అయితే, ఇప్పటికే స్టార్‌ పేసర్‌ జోష్‌ హాజిల్‌వుడ్‌, ఆల్‌రౌండర్‌ మిచెల్‌ మార్ష్‌ గాయాల బారిన పడ్డారు. పక్కటెముకల నొప్పి తీవ్రత ఎక్కువగా ఉండటంతో హాజిల్‌వుడ్‌ రెండో టెస్టుకు పూర్తిగా దూరమయ్యాడు. ఇక తాజాగా స్టార్‌ బ్యాటర్‌ స్టీవ్‌ స్మిత్‌ కూడా గాయపడినట్లు వార్తలు వస్తున్నాయి.ప్రాక్టీస్‌ చేస్తున్న సమయంలోపింక్‌ బాల్‌ టెస్టు కోసం అడిలైడ్‌లో ప్రాక్టీస్‌ చేస్తున్న సమయంలో స్మిత్‌కు గాయమైనట్లు తెలుస్తోంది. మార్నస్‌ లబుషేన్‌ త్రోడౌన్స్‌ వేస్తుండగా బ్యాటింగ్‌ చేస్తున్న స్మిత్‌ కుడిచేతి బొటనవేలుకు గాయమైనట్లు సమాచారం. ఈ క్రమంలో అతడు నొప్పితో విలవిల్లాలాడగా.. ఆసీస్‌ జట్టు వైద్య బృందంలోని ఫిజియో నెట్స్‌లోకి వచ్చి స్మిత్‌ పరిస్థితిని పర్యవేక్షించాడు. అనంతరం స్మిత్‌ నెట్స్‌ వీడి వెళ్లి పోయాడు. కాసేపటి తర్వాత మళ్లీ తిరిగి వచ్చిన స్మిత్‌ బ్యాటింగ్‌ చేయగలిగినప్పటికీ.. కాస్త అసౌకర్యానికి లోనైనట్లు సమాచారం.తొలి టెస్టులో విఫలంఈ నేపథ్యంలో అడిలైడ్‌ టెస్టుకు స్మిత్‌ అందుబాటులో ఉంటాడా? లేడా? అన్న సందేహాలు నెలకొన్నాయి. కాగా పెర్త్‌ వేదికగా జరిగిన తొలి టెస్టులో మాజీ కెప్టెన్‌ స్మిత్‌ పూర్తిగా విఫలమయ్యాడు. మొదటి ఇన్నింగ్స్‌లో గోల్డెన్‌ డక్‌గా వెనుదిరిగిన ఈ వెటరన్‌ బ్యాటర్‌.. రెండో ఇన్నింగ్స్‌లో 17 పరుగులకే అవుటయ్యాడు. ఇక.. ప్రపంచ టెస్టు చాంపియన్‌షిప్‌ 2023-25 సైకిల్‌లో స్మిత్‌ ఇప్పటి వరకు 13 టెస్టులు ఆడి 755 పరుగులు చేశాడు. ఇందులో ఓ శతకం, నాలుగు అర్ధ శతకాలు ఉన్నాయి. అత్యుత్తమ స్కోరు 110.ఇదిలా ఉంటే.. తొలి టెస్టులో ఆసీస్‌ బుమ్రా సేన చేతిలో 295 పరుగుల భారీ తేడాతో ఓటమిని చవిచూసింది. ఇక ఇరుజట్ల మధ్య అడిలైడ్‌లో శుక్రవారం(డిసెంబరు 6) నుంచి రెండో టెస్టు మొదలుకానుంది. పూర్తి స్థాయిలో సన్నద్ధమైన టీమిండియాపింక్‌ బాల్‌తో జరుగనున్న ఈ టెస్టుకు ఇప్పటికే టీమిండియా పూర్తి స్థాయిలో సన్నద్ధమైంది. ఆస్ట్రేలియా ప్రైమ్‌ మినిస్టర్స్‌ ఎలెవన్‌ జట్టుతో గులాబీ బంతితో ప్రాక్టీస్‌ మ్యాచ్‌ ఆడి ఆరు వికెట్ల తేడాతో గెలిచింది. ఇక కెప్టెన్‌ రోహిత్‌ శర్మ, స్టార్‌ బ్యాటర్‌ శుబ్‌మన్‌ గిల్‌ తిరిగి రావడంతో టీమిండియా మరింత పటిష్టంగా మారింది. కాగా రెండో టెస్టుకు హాజిల్‌వుడ్‌ దూరమైన నేపథ్యంలో ఆసీస్‌ మేనేజ్‌మెంట్‌ స్కాట్‌ బోలాండ్‌ను జట్టులోకి తీసుకువచ్చింది. అదే విధంగా.. మిచెల్‌ మార్ష్‌కు కవర్‌గా బ్యూ వెబ్‌స్టర్‌ను పిలిపించింది.ఇది కూడా చదవండి: పీవీ సింధు కాబోయే భర్త.. ఈ ఐపీఎల్‌ టీమ్‌తో రిలేషన్‌!.. బ్యాక్‌గ్రౌండ్‌ ఇదే!🚨 Another injury scare for Australia!Steve Smith in pain after being hit on his fingers by a throwdown from Marnus Labuschagne. After being attended by a physio, Smith left the nets. @debasissen reporting from Adelaide #INDvsAUS #BGT2024 pic.twitter.com/jgEQO0BTuz— RevSportz Global (@RevSportzGlobal) December 3, 2024

టీమిండియా- ఆస్ట్రేలియా మధ్య రెండో టెస్టు నేపథ్యంలో భారత మాజీ స్పిన్నర్‌ హర్భజన్‌ సింగ్‌ కీలక వ్యాఖ్యలు చేశాడు. స్టార్‌ బ్యాటర్‌ శుబ్‌మన్‌ గిల్‌ను మరికొన్నాళ్లపాటు బెంచ్‌కే పరిమితం చేయాలని భారత జట్టు యాజమాన్యానికి సూచించాడు. యువ ఆటగాడు ధ్రువ్‌ జురెల్‌కు మరొక్క అవకాశం ఇవ్వాలని బీసీసీఐకి విజ్ఞప్తి చేశాడు.గాయం వల్ల జట్టుకు దూరంకాగా బోర్డర్‌- గావస్కర్‌ ట్రోఫీలో భాగంగా భారత్‌ ఆస్ట్రేలియాతో ఐదు టెస్టులు ఆడుతోంది. ఈ క్రమంలో పెర్త్‌లో జరిగిన తొలి మ్యాచ్‌కు రెగ్యులర్‌ కెప్టెన్‌ రోహిత్‌ శర్మ వ్యక్తిగత కారణాల వల్ల దూరంగా ఉండగా.. టెస్టుల్లో వన్‌డౌన్‌లో ఆడుతున్న గిల్‌ గాయం వల్ల జట్టుకు దూరమయ్యాడు.రిషభ్‌ పంత్‌ ఉన్నప్పటికీఈ నేపథ్యంలో రోహిత్‌ గైర్హాజరీలో యశస్వి జైస్వాల్‌తో కలిసి కేఎల్‌ రాహుల్‌ భారత ఇన్నింగ్స్‌ ఆరంభించాడు. మరోవైపు.. గిల్‌ లేకపోవడంతో.. రిషభ్‌ పంత్‌ ఉన్నప్పటికీ మరో వికెట్‌ కీపర్‌ ధ్రువ్‌ జురెల్‌కు తుదిజట్టులో చోటు దక్కింది. అయితే, రెండో టెస్టుకు రోహిత్‌ శర్మ, గిల్‌ అందుబాటులోకి రావడంతో ఎవరిపై వేటు పడుతుందనే చర్చ నడుస్తోంది.ఈ నేపథ్యంలో భారత దిగ్గజ స్పిన్నర్‌ హర్భజన్‌ సింగ్‌ ఇండియా టుడేతో మాట్లాడాడు. ‘‘కేఎల్‌ రాహుల్‌- యశస్వి జైస్వాల్‌లను ఓపెనింగ్‌ జోడీగా కొనసాగించాలి. కెప్టెన్‌ రోహిత్‌ శర్మ కోసం శుబ్‌మన్‌ గిల్‌ తన మూడోస్థానాన్ని త్యాగం చేయాల్సి ఉంటుంది. ఇక విరాట్‌ కోహ్లి నాలుగో స్థానంలో రాగా.. మిగతా స్థానాల్లో యథావిధిగా అందరూ కొనసాగాలి.గిల్‌ను బెంచ్‌కే పరిమితం చేయండి.. అతడికి మరొక్క ఛాన్స్‌ ఇవ్వాలిగిల్‌ మరికొన్నాళ్లు వేచి చూడాలి. నిజానికి జురెల్‌కు తొలి టెస్టులో అవకాశం ఇచ్చారు. కానీ అతడు పరుగులేమీ రాబట్టలేకపోయాడు. కాబట్టి అతడిని బెంచ్‌కే పరిమితం చేసే అవకాశం ఉంటుంది. అయినప్పటికీ.. గిల్‌ను ఓపెనింగ్‌ నుంచి ఐదో స్థానం వరకు ఎక్కడా ఆడించలేము కదా!ఇలాంటి క్లిష్ట పరిస్థితులు ఎదురవడం మంచిదే. బెంచ్‌ ఎంత పటిష్టంగా ఉందో తెలియజేస్తుంది. మేనేజ్‌మెంట్‌ గిల్‌ వైపు మొగ్గు చూపి జురెల్‌ను తప్పించవచ్చు. అయితే, నా అభిప్రాయం ప్రకారం జురెల్‌కు మరొక్క అవకాశం ఇవ్వాలి’’ అని భజ్జీ పేర్కొన్నాడు. ప్రాక్టీస్‌ మ్యాచ్‌లో గిల్‌ ఫిఫ్టీకాగా ఆసీస్‌-‘ఎ’ జట్టుతో రాణించిన జురెల్‌.. తొలి టెస్టులో మాత్రం నిరాశపరిచారడు. తొలి టెస్టులో రెండు ఇన్నింగ్స్‌లో వరుసగా 11, 1 పరుగులు చేశాడు. మరోవైపు.. ప్రైమ్‌ మినిస్టర్స్‌ ఎలెవన్‌తో పింక్‌ బాల్‌తో ప్రాక్టీస్‌ మ్యాచ్‌లో గిల్‌ ఫిఫ్టీ(రిటైర్డ్‌ హర్ట్‌) సాధించాడు.ఇక భారత్‌- ఆసీస్‌ మధ్య అడిలైడ్‌ వేదికగా డిసెంబరు 6 నుంచి రెండో టెస్టు జరుగనుంది. దీనిని పింక్‌ బాల్‌తో నిర్వహించనున్నారు. ఇక పెర్త్‌లో జరిగిన తొలి టెస్టులో ప్రధాన పేసర్‌ జస్‌ప్రీత్‌ బుమ్రా కెప్టెన్సీలో టీమిండియా అదరగొట్టింది. ఆస్ట్రేలియాను ఏకంగా 295 పరుగుల తేడాతో చిత్తుగా ఓడించి సిరీస్‌లో 1-0తో ఆధిక్యంలో నిలిచింది. చదవండి: ప్రపంచంలోనే బెస్ట్‌ బౌలర్‌ బుమ్రా.. నా మనుమలకూ చెబుతా: సన్‌రైజర్స్‌ విధ్వంసకర వీరుడు

ప్యాట్‌ కమిన్స్‌ బృందంపై ఆస్ట్రేలియా మాజీ పేసర్‌ మిచెల్‌ జాన్సన్‌ విమర్శల వర్షం కురిపించాడు. పెర్త్‌ టెస్టులో టీమిండియా యువ ఆటగాళ్ల చేతిలోనూ మానసికంగా ఓడిపోయారంటూ ఎద్దేవా చేశాడు. జట్టులో ఏ ఒక్కరిలోనూ పోరాటపటిమ కనబడలేదని.. ఇకనైనా కాస్త ఆటపై దృష్టి పెట్టి విజయాల బాటపట్టాలని సూచించాడు. భారత్‌- ఆస్ట్రేలియా మధ్య జరిగే బోర్డర్‌- గావస్కర్‌ ట్రోఫీకి ఉన్న క్రేజ్‌ గురించి ప్రత్యేకంగా చెప్పాల్సిన పనిలేదు.యాషెస్‌ సిరీస్‌ మాదిరేఇంగ్లండ్‌తో యాషెస్‌ సిరీస్‌ మాదిరే కంగారూ జట్టుకు ఈ సిరీస్‌ కూడా ఎంతో ప్రతిష్టాత్మకమైంది. ఇక టీమిండియాతో టెస్టు అంటే కేవలం ఆటకే పరిమితం కాకుండా ప్లేయర్లు స్లెడ్జింగ్‌ చేయడంలోనూ ముందే ఉంటారు. అందుకు తగ్గట్లుగా భారత ఆటగాళ్లూ బదులిచ్చిన సందర్భాలు గతంలో ఎన్నో ఉన్నాయి.స్లోగా బౌల్‌ చేస్తున్నాడుఇదిలా ఉంటే.. పెర్త్‌ టెస్టులోనూ ఇలాంటి సన్నివేశాలు చోటు చేసుకున్నా.. వాటి తీవ్రత మాత్రం తక్కువగానే ఉంది. అయితే, ఈ టీజింగ్‌ మూమెంట్లలో భారత యువ ఓపెనర్‌ యశస్వి జైస్వాల్‌.. ఆసీస్‌ స్టార్‌ పేసర్‌ మిచెల్‌ స్టార్క్‌ను ఉద్దేశించి చాలా స్లోగా బౌల్‌ చేస్తున్నాడంటూ వ్యాఖ్యానించడం హైలైట్‌గా నిలిచింది.295 పరుగుల తేడాతో చిత్తు చిత్తుగా ఓడిమరోవైపు.. స్టార్క్‌.. భారత అరంగేట్ర పేసర్‌ హర్షిత్‌ రాణాను ఉద్దేశించి.. ‘‘నీకంటే నేనే ఫాస్ట్‌గా బౌల్‌ చేస్తాను’’ అని వ్యాఖ్యానించాడు. అయితే, రాణా చిరునవ్వుతోనే స్టార్క్‌కు బదులిచ్చాడు. అయితే, అతడిని అవుట్‌ చేసి తన సత్తా చాటడు. ఇక ఈ మ్యాచ్‌లో టీమిండియా చేతిలో ఆసీస్‌ 295 పరుగుల తేడాతో చిత్తు చిత్తుగా ఓడిపోయిన విషయం తెలిసిందే.ఆప్టస్‌ స్టేడియంలో మీరేం చేశారు?ఈ నేపథ్యంలో మిచెల్‌ జాన్సన్‌ స్పందిస్తూ.. ‘‘బయటి నుంచి ప్రేక్షకుడిగా మ్యాచ్‌ చూస్తున్న నాకు.. ఆస్ట్రేలియా జట్టు నుంచి ఏమాత్రం పోరాటపటిమ కనిపించలేదు. ముఖ్యంగా ఓ అరంగేట్ర ఆటగాడు.. యువ ఓపెనర్‌.. మన సొంతగడ్డ మీద.. మిచెల్‌ స్టార్క్‌ను స్లెడ్జ్‌ చేస్తూ.. స్లోగా బౌలింగ్‌ చేస్తున్నావనడం.. అయినా మనలో చలనం లేకపోవడం ఆశ్చర్యం కలిగించింది.బ్యాట్‌తోనూ.. బాల్‌తోనూ మనం సమాధానం ఇవ్వలేకపోయాం. అసలు ఆప్టస్‌ స్టేడియంలో మీరేం చేశారు?’’ అని ది వెస్టర్న్‌ ఆస్ట్రేలియన్‌కు రాసిన కాలమ్‌లో ఆసీస్‌ జట్టును విమర్శించాడు. ఇక టీమిండియాకు భయపడితే పనులు జరగవని.. అడిలైడ్‌లో మాత్రం తప్పక విజృంభించాలని కమిన్స్‌ బృందానికి మిచెల్‌ జాన్సన్‌ సూచించాడు.ఈసారి గనుక ఛాన్స్‌ ఇస్తేలేనిపక్షంలో వాళ్లను ఎదుర్కోవడం మరింత కష్టమవుతుందని టీమిండియా గురించి ఆసీస్‌కు మిచెల్‌ జాన్సన్‌ వార్నింగ్‌ ఇచ్చాడు. కాగా ఇరుజట్ల మధ్య డిసెంబరు 6- 10 వరకు రెండో టెస్టు నిర్వహణకు షెడ్యూల్‌ ఖరారైంది. పింక్‌ బాల్‌తో జరిగే ఈ టెస్టులోనూ గెలుపొందాలని పట్టుదలగా ఉన్న టీమిండియా.. అందుకు తగ్గట్లుగా ప్రైమ్‌ మినిస్టర్స్‌ ఎలెవన్‌తో గులాబీ బంతితో సాధన చేసింది. ప్రాక్టీస్‌ మ్యాచ్‌లో పీఎం ఎలెవన్‌ను ఆరు వికెట్ల తేడాతో ఓడించింది.ఇక తొలి టెస్టుకు దూరంగా ఉన్న టీమిండియా కెప్టెన్‌ రోహిత్‌ శర్మ, గాయం నుంచి కోలుకున్న శుబ్‌మన్‌ గిల్‌ రెండో టెస్టు కోసం భారత జట్టుతో చేరారు. మరోవైపు.. జోష్‌ హాజిల్‌వుడ్‌, మిచెల్‌ మార్ష్‌ గాయాల రూపంలో ఆసీస్‌కు షాక్‌ తగిలింది. కాగా ఆసీస్‌- భారత్‌ మధ్య మొత్తం ఐదు టెస్టులు జరుగనున్నాయి.చదవండి: వెళ్లు వెళ్లు.. వెనక్కి వెళ్లు: రాకాసి బౌన్సర్‌ వేసిన ఆసీస్‌ బౌలర్‌.. ఇచ్చిపడేసిన జైస్వాల్‌!

ఆస్ట్రేలియా ప్రైమ్‌ మినిస్టర్స్‌ ఎలెవన్‌(Prime Ministers XI)తో మ్యాచ్‌లో టీమిండియా స్టార్‌ ఓపెనర్‌ యశస్వి జైస్వాల్‌ మెరుగైన ఇన్నింగ్స్‌ ఆడాడు. మొత్తంగా 59 బంతులు ఎదుర్కొని తొమ్మిది ఫోర్ల సాయంతో 45 పరుగులు చేశాడు. తద్వారా భారత ఇన్నింగ్స్‌లో రెండో టాప్‌ స్కోరర్‌గా నిలిచాడు. ఇదిలా ఉంటే.. పీఎం ఎలెవన్‌తో మ్యాచ్‌ సందర్భంగా జైస్వాల్‌కు కోపమొచ్చింది.తనను ఇబ్బందిపెట్టేలా వ్యవహరించిన ఆసీస్‌ పేసర్‌ జాక్‌ నిస్బెట్‌(Jack Nisbet)కు బ్యాట్‌తో పాటు.. నోటితోనూ గట్టిగానే సమాధానమిచ్చాడు. కాగా బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు టెస్టులు ఆడనున్న విషయం తెలిసిందే. ఈ క్రమంలో పెర్త్‌లో జరిగిన తొలి టెస్టులో 295 పరుగుల తేడాతో గెలిచిన భారత జట్టు.. డిసెంబరు 6 నుంచి అడిలైడ్‌లో రెండో టెస్టు ఆడనుంది.తొలిరోజు ఆట టాస్‌ పడకుంగానే అయితే, పింక్‌ బాల్‌తో నిర్వహించే ఈ మ్యాచ్‌కు సన్నద్ధమయ్యే క్రమంలో.. ఆసీస్‌ ప్రైమ్‌ మినిస్టర్స్‌ ఎలెవన్‌తో గులాబీ బంతితో ప్రాక్టీస్‌ మ్యాచ్‌ ఆడింది. రెండురోజుల పాటు జరగాల్సిన ఈ మ్యాచ్‌ వర్షం కారణంగా శనివారం నాటి తొలిరోజు ఆట టాస్‌ పడకుంగానే ముగిసిపోగా.. రెండో రోజు సవ్యంగా సాగింది. అయితే, ఈ మ్యాచ్‌ను 46 ఓవర్లకు కుదించారు.కాన్‌స్టాస్‌ శతకంకాన్‌బెర్రా వేదికగా ఆదివారం టాస్‌ గెలిచిన భారత కెప్టెన్‌ రోహిత్‌ శర్మ తొలుత బౌలింగ్‌ ఎంచుకున్నాడు. ఈ క్రమంలో పీఎం ఎలెవన్‌ జట్టు ఓపెనర్‌ సామ్‌ కాన్‌స్టాస్‌ శతకం(107)తో చెలరేగగా.. మిగతా వాళ్లలో హనో జాకబ్స్‌(61), జాక్‌ క్లేటన్‌(40) మెరుగ్గా రాణించారు. మిగతా వాళ్లు పెద్దగా ప్రభావం చూపకపోవడంతో పీఎం జట్టు 43.2 ఓవర్లలో 240 పరుగులు చేసి ఆలౌట్‌ అయింది.భారత బౌలర్లలో పేసర్లు హర్షిత్‌ రాణా నాలుగు వికెట్లు కూల్చగా.. ఆకాశ్‌ దీప్‌ రెండు, మహ్మద్‌ సిరాజ్‌, ప్రసిద్‌ కృష్ణ ఒక్కో వికెట్‌ పడగొట్టారు. స్పిన్నర్లలో వాషింగ్టన్‌ సుందర్‌, రవీంద్ర జడేజకు తలా ఒక వికెట్‌ దక్కింది. 42.5 ఓవర్లలోనే ఛేదించినాఇక లక్ష్య ఛేదనకు దిగిన టీమిండియాకు ఓపెనర్‌ యశస్వి జైస్వాల్‌ శుభారంభం అందించగా.. కేఎల్‌ రాహుల్‌(27 రిటైర్డ్‌ హర్ట్‌), శుబ్‌మన్‌ గిల్‌(50- రిటైర్డ్‌ హర్ట్‌) రాణించారు. కెప్టెన్‌ రోహిత్‌ శర్మ(3) మాత్రం విఫలం కాగా.. నితీశ్‌ రెడ్డి(42), వాషింగ్టన్‌ సుందర్‌(42 నాటౌట్‌) అదరగొట్టారు. మిగతా వాళ్లలో రవీంద్ర జడేజా(27) ఫర్వాలేదనిపించగా.. సర్ఫరాజ్‌ ఖాన్‌(1) పూర్తిగా విఫలమయ్యాడు. దేవ్‌పడిక్కల్‌ నాలుగు పరుగులతో నాటౌట్‌గా నిలిచాడు. నిజానికి రోహిత్‌ సేన 42.5 ఓవర్లలోనే 241 పరుగుల విజయలక్ష్యాన్ని ఛేదించినా... ప్రాక్టీస్‌ కోసం పూర్తి ఓవర్లు ఆడటం గమనార్హం.ఇదిలా ఉంటే.. టీమిండియా ఇన్నింగ్స్‌లో ఆరో ఓవర్‌ను పీఎం ఎలెవన్‌ పేసర్‌ జాక్‌ నిస్బెట్‌ వేశాడు. అతడి బౌలింగ్‌లో తొలి రెండు బంతులను యశస్వి జైస్వాల్‌ బౌండరీకి తరలించగా.. నిస్బెట్‌ జైస్వాల్‌ను చూస్తూ ఏదో అన్నాడు. వెనక్కి వెళ్లు..ఇందుకు బదులుగా.. ‘‘వెనక్కి వెళ్లు.. వెళ్లి బౌలింగ్ చెయ్‌’’ అని జైస్వాల్‌ కౌంటర్‌ ఇచ్చాడు. దీంతో చిరునవ్వుతోనే వెనక్కి వెళ్లిన నిస్బెట్‌ ఆఖరి వరకు రాకాసి బౌన్సర్లతో జైస్వాల్‌ను తిప్పలు పెట్టాడు.దీంతో ఇద్దరూ ఒకరి కళ్లలోకి ఒకరు చూసుకుంటూ ఆఖరి వరకు తగ్గేదేలే అన్నట్లు తలపడ్డారు. ఇక నిస్బెట్‌ ఓవర్లో జైస్వాల్‌ ఎనిమిది పరుగులు రాబట్టగా.. అతడు మాత్రం వికెట్‌లెస్‌గా వెనుదిరిగాడు. జైస్వాల్‌ను అవుట్‌ చేయాలన్న అతడి కల నెరవేరలేదు. అంతే కాదు మ్యాచ్‌ మొత్తంలో ఆరు ఓవర్లు వేసిన 21 ఏళ్ల నిస్బెట్‌ 32 పరుగులు ఇచ్చి ఒక్క వికెట్‌ కూడా తీయలేకపోయాడు. అయితే, ఎనిమిదో ఓవర్లో మరోసారి బరిలోకి దిగిన నిస్బెట్‌ జైస్వాల్‌ను పరుగులు రాబట్టకుండా అడ్డుకోగలిగాడు.చదవండి: బీసీసీఐ మ్యాచ్‌.. 10కి 10 వికెట్లు సాధించిన 18 ఏళ్ల యువ కెరటం Yashasvi Jaiswal took it up to Jack Nisbet in Canberra but the fiery NSW quick wasn't backing down! 👀 #PMXIvIND pic.twitter.com/tX3O86wEv2— cricket.com.au (@cricketcomau) December 1, 2024

శ్రీలంకతో తొలి టెస్టులో సౌతాఫ్రికా ఘన విజయం సాధించింది. డర్బన్‌ వేదికగా జరిగిన మ్యాచ్‌లో ఏకంగా 233 పరుగుల తేడాతో శనివారం జయభేరి మోగించింది. కాగా రెండు టెస్టులు ఆడే క్రమంలో శ్రీలంక సౌతాఫ్రికాలో పర్యటిస్తోంది.ఇందులో భాగంగా ఇరుజట్ల మధ్య బుధవారం తొలి టెస్టు మొదలుకాగా.. నాలుగో రోజుల్లోనే ముగిసిపోయింది. కింగ్స్‌మేడ్‌ మైదానంలో జరిగిన ఈ మ్యాచ్‌లో టాస్‌ గెలిచిన శ్రీలంక తొలుత బౌలింగ్‌ చేసింది. ఈ క్రమంలో బ్యాటింగ్‌కు దిగిన సౌతాఫ్రికా.. తొలి ఇన్నింగ్స్‌లో 191 పరుగులకు ఆలౌట్‌ అయింది. కెప్టెన్‌ తెంబా బవుమా 70 పరుగులతో టాప్‌ స్కోరర్‌గా నిలిచాడు.స్టబ్స్‌, బవుమా శతకాలుఅనంతరం సౌతాఫ్రికా పేసర్లు విజృంభించడంతో శ్రీలంక 42 పరుగులకే కుప్పకూలింది. మార్కో జాన్సెన్‌ ఏడు వికెట్లతో చెలరేగగా.. గెరాల్డ్‌ కోయెట్జి రెండు, కగిసో రబడ ఒక వికెట్‌ దక్కించుకున్నారు. ఈ క్రమంలో 149 పరుగుల ఆధిక్యంతో రెండో ఇన్నింగ్స్‌ మొదలుపెట్టిన సౌతాఫ్రికా దుమ్ములేపింది.ట్రిస్టన్‌ స్టబ్స్‌(122), కెప్టెన్‌ బవుమా(113) శతకాలతో విరుచుకుపడటంతో భారీ ఆధిక్యం సంపాదించింది. ఐదు వికెట్ల నష్టానికి 366 పరుగుల వద్ద రెండో ఇన్నింగ్స్‌ డిక్లేర్‌ చేయడంతో.. తొలి ఇన్నింగ్స్‌ ఆధిక్యం కలుపుకొని 515 పరుగులు స్కోరు బోర్డు మీద ఉంచింది. ‘ప్లేయర్‌ ఆఫ్‌ ది మ్యాచ్‌’ అతడేఈ క్రమంలో 516 పరుగుల భారీ లక్ష్యంతో బరిలోకి దిగిన లంక 282 పరుగులకే ఆలౌట్‌ అయింది. ఫలితంగా సౌతాఫ్రికా భారీ విజయాన్ని సొంతం చేసుకుంది. మార్కో జాన్సెన్‌ నాలుగు వికెట్లతో చెలరేగగా.. రబడ, కోయెట్జి, కేశవ్‌ మహరాజ్‌ రెండేసి వికెట్లు దక్కించుకున్నారు. ఓవరాల్‌గా ఈ మ్యాచ్‌లో పదకొండు వికెట్లు పడగొట్టి ప్రొటిస్‌ జట్టు విజయంలో కీలక పాత్ర పోషించిన మార్కో జాన్సెన్‌కు ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది.ఆస్ట్రేలియాకు భారీ షాక్‌ఇదిలా ఉంటే.. లంకపై భారీ గెలుపుతో సౌతాఫ్రికా ప్రపంచ టెస్టు చాంపియన్‌షిప్‌ 2023-25(డబ్ల్యూటీసీ) పాయింట్ల పట్టికలో ముందుకు దూసుకువచ్చింది. ఐదో స్థానం నుంచి ఏకంగా రెండోస్థానానికి ఎగబాకి.. ఆస్ట్రేలియాను వెనక్కినెట్టింది. మరోవైపు.. ఆస్ట్రేలియాను పెర్త్‌ టెస్టులో ఓడించిన టీమిండియా మాత్రం అగ్రస్థానం నిలబెట్టుకుంది.PC: ICCఇక డబ్ల్యూటీసీ తాజా ఎడిషన్‌లో సౌతాఫ్రికాకు ఇంకా మూడు మ్యాచ్‌లు మిగిలి ఉన్నాయి. శ్రీలంకతో ఒకటి, పాకిస్తాన్‌తో రెండు టెస్టులు ఆడనుంది. ఈ మూడూ సొంతగడ్డపైనే జరుగనుండటం సౌతాఫ్రికాకు సానుకూలాంశం. వీటన్నింటిలోనూ ప్రొటిస్‌ జట్టు గెలిచిందంటే.. ఫైనల్‌ రేసులో తానూ ముందు వరుసలో ఉంటుంది.టీమిండియా పరిస్థితి ఏంటి?ఎటువంటి సమీకరణలతో పనిలేకుండా టీమిండియా డబ్ల్యూటీసీ ఫైనల్‌ చేరాలంటే.. ఆసీస్‌ గడ్డపై ఐదింటిలో కనీసం నాలుగు కచ్చితంగా గెలవాల్సిందే. ఇప్పటికే ఒక విజయం సాధించింది కాబట్టి.. ఇంకో మూడు గెలిస్తే చాలు నేరుగా తుదిపోరుకు అర్హత సాధిస్తుంది. లేదంటే.. మిగతా జట్ల మ్యాచ్‌ల ఫలితాలపై ఆధారపడాల్సి ఉంటుంది. ఇదిలా ఉంటే.. రోహిత్‌ సేన తదుపరి ఆసీస్‌తో అడిలైడ్‌లో పింక్‌ బాల్‌ టెస్టులో తలపడనుంది.చదవండి: టీమిండియాతో రెండో టెస్టు.. అతడిపై వేటు వేయండి: ఆసీస్‌ మాజీ క్రికెటర్‌

టీమిండియాతో రెండో టెస్టు నేపథ్యంలో ఆస్ట్రేలియా తుదిజట్టు గురించి మాజీ పేసర్‌ మిచెల్‌ జాన్సన్‌ కీలక వ్యాఖ్యలు చేశాడు. పింక్‌ బాల్‌ మ్యాచ్‌లో మార్నస్‌ లబుషేన్‌ను ఆడించవద్దని క్రికెట్‌ ఆస్ట్రేలియాకు విజ్ఞప్తి చేశాడు. అతడిని జట్టు నుంచి తప్పించాల్సిన సమయం వచ్చిందంటూ ఘాటు విమర్శలు చేశాడు.కాగా బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఆసీస్‌కు వెళ్లిన విషయం తెలిసిందే. ఈ క్రమంలో ఇరుజట్ల మధ్య పెర్త్‌లో జరిగిన తొలి టెస్టులో భారత్‌ 295 పరుగుల తేడాతో భారీ విజయం సాధించింది. సమిష్టి కృషితో ఆసీస్‌ను సొంతగడ్డపై చిత్తు చేసింది.రెండుసార్లూ విఫలంఇక ఈ మ్యాచ్‌లో మార్నస్‌ లబుషేన్‌ పూర్తిగా విఫలమయ్యాడు. తొలి ఇన్నింగ్స్‌లో వన్‌డౌన్‌లో వచ్చిన ఈ కుడిచేతి వాటం బ్యాటర్‌.. 52 బంతులు ఎదుర్కొని కేవలం రెండు పరుగులే చేశాడు. భారత పేసర్‌ మహ్మద్‌ సిరాజ్‌ బౌలింగ్‌లో బౌల్డ్‌ అయి పెవిలియన్‌ చేరాడు.ఇక రెండో ఇన్నింగ్స్‌లో నాలుగో స్థానంలో బ్యాటింగ్‌ చేసిన లబుషేన్‌ ఐదు బంతుల్లో మూడు పరుగులకే వెనుదిరిగాడు. ఈసారి మరో పేసర్‌ జస్‌ప్రీత్‌ బుమ్రా అతడికి వికెట్ల ముందు దొరకబుచ్చుకున్నాడు. ఎనిమిది సింగిల్‌ డిజిట్‌ స్కోర్లుఇదిలా ఉంటే.. ఈ ఏడాది ఇప్పటి వరకు ఆరు టెస్టులు ఆడిన లబుషేన్‌ 245 పరుగులే చేశాడు. ఇందులో మూడు అర్ధ శతకాలు ఉండగా.. ఎనిమిది సింగిల్‌ డిజిట్‌ స్కోర్లు ఉన్నాయి.ఈ నేపథ్యంలో ఆసీస్‌ మాజీ పేసర్‌ మిచెల్‌ జాన్సన్‌ స్పందిస్తూ.. ‘‘బ్యాటింగ్‌లో వరుస వైఫల్యాలతో డీలా పడిన మార్నస్‌ లబుషేన్‌ను కచ్చితంగా జట్టు నుంచి తప్పించాల్సిందే. అడిలైడ్‌లో జరిగే రెండో టెస్టులో అతడి స్థానంలో వేరొకరిని ఆడించాలి. అతడిపై వేటు వేయండిలేదంటే.. పెర్త్‌ టెస్టు మాదిరి ఇక్కడా భారీ మూల్యం చెల్లించాల్సి వస్తుంది. అతడు షెఫీల్డ్‌ షీల్డ్‌, క్లబ్‌ క్రికెట్‌లో తిరిగి ఆడాల్సిన సమయం వచ్చింది. జాతీయ జట్టుకు ఆడినపుడు ఉండేంత ఒత్తిడి అక్కడ ఉండదు. కాస్త స్వేచ్ఛగా ఆడే అవకాశం ఉంటుంది. అది అతడికే ప్రయోజనకరంగా ఉంటుంది’’ అని పేర్కొన్నాడు. ది నైట్లీకి రాసిన కాలమ్‌లో మిచెల్‌ జాన్సన్‌ ఈ మేరకు వ్యాఖ్యలు చేశాడు. కాగా టీమిండియా- ఆస్ట్రేలియా మధ్య డిసెంబరు 6 నుంచి అడిలైడ్‌లో రెండో టెస్టు(పింక్‌ బాల్‌) మొదలుకానుంది.చదవండి: మొదలుకాకుండానే ముగిసిపోయింది.. టీమిండియా ‘పింక్‌ బాల్‌’ టెస్టు సన్నాహకాలపై నీళ్లు!

క్రైస్ట్‌చ‌ర్చ్ వేదిక‌గా న్యూజిలాండ్‌తో జరుగుతున్న తొలి టెస్టులో ఇంగ్లండ్ ప‌ట్టు బిగించింది. మూడో రోజు ఆట ముగిసే స‌మ‌యానికి న్యూజిలాండ్ 6 వికెట్ల న‌ష్టానికి కేవ‌లం 155 ప‌రుగులు మాత్రమే చేసింది. క్రీజులో డార్లీ మిచెల్‌(31 బ్యాటింగ్‌), నాథ‌న్ స్మిత్‌(1) ఉన్నారు.కివీస్ ప్ర‌స్తుతం 4 ప‌రుగుల ఆధిక్యంలో మాత్ర‌మే ఉంది. డార్లీ మిచెల్ ఏదైనా అద్బుతం చేస్తే త‌ప్ప కివీస్ ఇంగ్లండ్‌కు భారీ ల‌క్ష్యాన్ని నిర్ధేశించ‌లేదు. న్యూజిలాండ్ బ్యాట‌ర్ల‌లో కేన్ విలియ‌మ్స‌న్‌(64) మ‌రోసారి హాఫ్ సెంచ‌రీతో రాణించాడు. ఇంగ్లండ్‌ బౌలర్లలో బ్రైడన్ కార్సే, క్రిస్ వోక్స్ తలా మూడు వికెట్లు సాధించారు.అంతకుముందు అదేవిధంగా కివీస్‌ తమ మొదటి ఇన్నింగ్స్‌లో 348 పరుగులకు ఆలౌటైంది. ఇంగ్లండ్‌ తమ తొలి ఇన్నింగ్స్‌లో 499 పరుగుల భారీ స్కోర్‌ చేసింది. ఇంగ్లండ్‌ బ్యాటర్లలో హ్యారీ బ్రూక్‌(171) విధ్వంసకర సెంచరీతో చెలరేగాడు. అతడితో పాటు కెప్టెన్‌ బెన్‌ స్టోక్స్‌(80), ఓలీ పోప్‌(77) హాఫ్‌ సెంచరీలతో రాణించారు. దీంతో ఇంగ్లండ్‌కు మొదటి ఇన్నింగ్స్‌లో 151 పరుగుల ఆధిక్యం లభించింది.చదవండి: IPL 2025: '23 ఏళ్ల‌కే రూ. 40 కోట్లు సంపాద‌న‌.. అదే అత‌డిని దెబ్బ‌తీసింది'

డర్బన్‌: దక్షిణాఫ్రికాతో జరుగుతున్న మొదటి టెస్టులో శ్రీలంక పరాజయానికి చేరువైంది. 516 పరుగుల భారీ విజయ లక్ష్యంతో రెండో ఇన్నింగ్స్‌ బరిలోకి దిగిన శ్రీలంక మ్యాచ్‌ మూడో రోజు శుక్రవారం ఆట ముగిసే సమయానికి 5 వికెట్లకు 103 పరుగులే చేసింది.కరుణరత్నే (4), నిసాంక (23), మాథ్యూస్‌ (25), కమిందు (10), ప్రభాత్‌ (1) ఇప్పటికే పెవిలియన్‌ చేరారు. దినేశ్‌ చండీమల్‌ (29 బ్యాటింగ్‌), ధనంజయ డిసిల్వ (0 బ్యాటింగ్‌) క్రీజులో ఉన్నారు. శ్రీలంక గెలుపు కోసం మరో 413 పరుగులు చేయాల్సి ఉంది. రబడ, మార్కో యాన్సెన్‌ చెరో 2 వికెట్లు పడగొట్టారు. అంతకుముందు ఓవర్‌నైట్‌ స్కోరు 132/3తో ఆట కొనసాగించిన దక్షిణాఫ్రికా తమ రెండో ఇన్నింగ్స్‌ను 5 వికెట్లకు 366 పరుగుల వద్ద డిక్లేర్‌ చేసింది. ట్రిస్టన్‌ స్టబ్స్‌ (221 బంతుల్లో 122; 9 ఫోర్లు, 2 సిక్స్‌లు), కెప్టెన్‌ తెంబా బవుమా (228 బంతుల్లో 113; 9 ఫోర్లు) సెంచరీలు నమోదు చేయడం విశేషం. స్టబ్స్‌ కెరీర్‌లో ఇది రెండో శతకం కాగా...బవుమాకు మూడోది. వీరిద్దరు నాలుగో వికెట్‌కు 249 పరుగులు జోడించారు.చదవండి: ‘గులాబీ’ బంతితో సాధనకు సిద్ధం

శ్రీలంకతో తొలి టెస్టులో సౌతాఫ్రికా కెప్టెన్‌ తెంబా బవుమా అద్భుత శతకంతో మెరిశాడు. ట్రిస్టన్‌ స్టబ్స్‌తో కలిసి స్కోరు బోర్డును పరుగులు పెట్టించి.. జట్టును పటిష్ట స్థితిలో నిలిపాడు. కాగా రెండు మ్యాచ్‌ల టెస్టు సిరీస్‌ ఆడేందుకు శ్రీలంక సౌతాఫ్రికా పర్యటనకు వెళ్లింది.ఈ క్రమంలో ఇరుజట్ల మధ్య డర్బన్‌ వేదికగా బుధవారం తొలి టెస్టు మొదలైంది. కింగ్స్‌మెడ్ మైదానంలో టాస్‌ గెలిచిన పర్యాటక శ్రీలంక తొలుత బౌలింగ్‌ ఎంచుకుంది. దీంతో బ్యాటింగ్‌కు దిగిన సౌతాఫ్రికా తొలి ఇన్నింగ్స్‌లో 191 పరుగులకే ఆలౌట్‌ అయింది. టాపార్డర్‌ కుదేలైన వేళ బవుమా కెప్టెన్‌ ఇన్నింగ్స్‌తో అలరించాడు.తొలి ఇన్నింగ్స్‌లో బవుమానే ఆదుకున్నాడుఓపెనర్లు ఐడెన్‌ మార్క్రమ్‌(9), టోనీ డి జోర్జి(4) విఫలం కాగా.. వన్‌డౌన్‌లో వచ్చిన ట్రిస్టన్‌ స్టబ్స్‌ 16 పరుగులకే వెనుదిరిగాడు. ఇలాంటి క్లిష్ట పరిస్థితుల్లో బాధ్యతను భుజాన వేసుకున్న బవుమా 117 బంతులాడి 70 పరుగులు సాధించాడు. మిగతా వాళ్లలో టెయిలండర్‌ కేశవ్‌ మహరాజ్‌(24) ఒక్కడే 20 పరుగుల మార్కు దాటాడు.లంక​ బౌలర్లలో అసిత ఫెర్నాండో, లాహిరు కుమార మూడేసి వికెట్లు పడగొట్టగా.. విశ్వ ఫెర్నాండో, ప్రభాత్‌ జయసూర్య రెండేసి వికెట్లు తమ ఖాతాలో వేసుకున్నారు. అయితే, సౌతాఫ్రికాను 191 పరుగులకే ఆలౌట్‌ చేసిన ఆనందం శ్రీలంకకు ఎక్కువ సేపు ఉండలేదు.42 పరుగులకే లంక ఆలౌట్‌ఆతిథ్య జట్టు పేసర్ల దెబ్బకు లంక బ్యాటింగ్‌ ఆర్డర్‌ కకావికలమైంది. కేవలం 42 పరుగులకే ధనంజయ డి సిల్వ బృందం కుప్పకూలింది. లంక ఇన్నింగ్స్‌లో కమిందు మెండిస్‌ సాధించిన 13 పరుగులే టాప్‌ స్కోర్‌. ఐదుగురేమో డకౌట్‌.ఫలితంగా 149 పరుగుల ఆధిక్యంతో రెండో ఇన్నింగ్స్‌ మొదలుపెట్టిన సౌతాఫ్రికాకు మెరుగైన ఆరంభం లభించింది. ఓపెనర్‌ టోనీ 17 పరుగులకే నిష్క్రమించినా.. మరో ఓపెనర్‌ మార్క్రమ్‌ 47 రన్స్‌తో రాణించాడు. అయితే, వన్‌డౌన్‌ బ్యాటర్‌ వియాన్‌ ముల్దర్‌ 15 పరుగులకే అవుట్‌ కాగా.. స్టబ్స్‌, బవుమా మాత్రం విశ్వరూపం ప్రదర్శించారు.స్టబ్స్‌, బవుమా శతకాలు.. లంకకు భారీ టార్గెట్‌స్టబ్స్‌ 221 బంతుల్లో 122 పరుగులు సాధించగా.. బవుమా 228 బంతుల్లో 113 పరుగులు చేశాడు. వీరిద్దరి శతకాల వల్ల సౌతాఫ్రికా భారీ ఆధిక్యం సంపాదించింది. ఐదు వికెట్ల నష్టానికి 366 పరుగుల వద్ద ఉన్న వేళ ఇన్నింగ్స్‌ డిక్లేర్‌ చేసింది. తద్వారా శ్రీలంక ముందు 516 పరుగుల భారీ లక్ష్యం ఉంచింది.ఇదిలా ఉంటే.. టెస్టుల్లో తెంబా బవుమాకు ఇది మూడో సెంచరీ. అంతేకాదు ఈ మ్యాచ్‌లో శతక్కొట్టడం తద్వారా అతడు ఓ అరుదైన రికార్డు సాధించాడు. శ్రీలంకపై సెంచరీ చేసిన సౌతాఫ్రికా మూడో కెప్టెన్‌గా నిలిచాడు. బవుమా కంటే ముందు షాన్‌ పొలాక్‌, హషీం ఆమ్లా మాత్రమే సారథి హోదాలో లంకపై శతకం సాధించారు.శ్రీలంకతో మ్యాచ్‌లో శతక్కొట్టిన సౌతాఫ్రికా కెప్టెన్లు👉షాన్‌ పొలాక్‌- సెంచూరియన్‌- 2001- 111 పరుగులు👉హషీం ఆమ్లా- కొలంబో- 2014- 139 పరుగులు(నాటౌట్‌)👉తెంబా బవుమా- డర్బన్‌- 113 పరుగులు.చదవండి: ‘అతడిని లారా, సచిన్‌ అంటూ ఆకాశానికెత్తారు.. ఇలాంటి షాక్‌ తగిలితేనైనా.. కాస్త’

డర్బన్ వేదికగా శ్రీలంకతో జరుగుతున్న మొదటి టెస్టులో దక్షిణాఫ్రికా స్టార్ ఆల్ రౌండర్ మార్కో జాన్సెన్ అద్బుతమైన ప్రదర్శన కనబరిచాడు. తొలి ఇన్నింగ్స్‌లో తన సంచలన బౌలింగ్‌తో లంక బ్యాటర్లకు చుక్కలు చూపించాడు. అతడి పేస్ బౌలింగ్‌​ ధాటికి లంకేయులు విల్లవిల్లాడారు.తొలి ఇన్నింగ్స్‌లో కేవలం 6.5 ఓవర్లు మాత్రమే బౌలింగ్ చేసిన జాన్సెన్‌.. కేవలం 13 పరుగులు మాత్రమే ఇచ్చి ఏకంగా 7 వికెట్లు పడగొట్టాడు. ఫలితంగా పర్యాటక లంక 13.5 ఓవర్లలో కేవలం 42 పరుగులకే ఆలౌటైంది.చరిత్ర సృష్టించిన జాన్సెన్‌...ఇక​ సంచలన ప్రదర్శన చేసిన జాన్సెన్ ఓ అరుదైన ఘనతను తన పేరిట లిఖించుకున్నాడు. టెస్టు క్రికెట్‌లో అత్యంత వేగంగా 7 వికెట్ల ఘనత సాధించిన ఆసీస్ దిగ్గజం హ్యూ ట్రంబుల్ రికార్డును జాన్సెన్ సమం చేశాడు. మార్కో జాన్సెన్ 6.5 ఓవర్ల(41 బంతులు)లో ఈ ఫీట్ సాధించగా.. హ్యూ ట్రంబుల్ కూడా సరిగ్గా 6.5 ఓవర్ల(41 బంతులు)లోనే ఈ రికార్డును నమోదు చేశాడు.1902లో ఇంగ్లండ్‌పై హ్యూ ట్రంబుల్ ఈ ఘనత సాధించాడు. మళ్లీ ఇప్పుడు 120 ఏళ్ల తర్వాత జాన్సెన్ ఈ రేట్ ఫీట్‌ను తన ఖాతాలో వేసుకున్నాడు. వీరిద్దిరి తర్వాత స్ధానంలో ఆస్ట్రేలియా లెజెండ్ మాంటీ నోబెల్ ఉన్నారు. నోబెల్ ఈ రికార్డును 7.4 ఓవర్లలో క్రియేట్ చేశాడు. ఇక మ్యాచ్ విషయానికి వస్తే.. దక్షిణాఫ్రికా పట్టు బిగించింది. ప్రోటీస్ ప్రస్తుతం 406 పరుగుల ఆధిక్యంలో కొనసాగుతోంది.చదవండి: Asia Cup 2024: రేపే భార‌త్‌-పాకిస్తాన్ మ్యాచ్‌.. లైవ్ ఎక్క‌డో తెలుసా?

ఆస్ట్రేలియాతో బోర్డర్‌- గావస్కర్‌ ట్రోఫీలో శుభారంభం చేసిన టీమిండియా మరో విజయంపై కన్నేసింది. అడిలైడ్‌లో జరుగనున్న రెండో టెస్టులో విజయమే లక్ష్యంగా సన్నద్ధమవుతోంది. ఇక ఈ మ్యాచ్‌ సన్నాహకాల్లో భాగంగా.. కాన్‌బెర్రాలో ప్రైమ్‌ మినిస్టర్‌ ఎలెవన్‌ జట్టుతో భారత్‌ రెండు రోజుల ప్రాక్టీస్‌ మ్యాచ్‌ (పింక్‌ బాల్‌తో) ఆడనుంది. శని, ఆదివారాల్లో మనుకా ఓవల్‌ మైదానంలో ఈ మ్యాచ్‌ జరుగనుంది. అయితే, అంతకంటే ముందు భారత క్రికెట్‌ జట్టు ఆస్ట్రేలియా ప్రధాని ఆంథోనీ ఆల్బనీస్‌ను మర్యాదపూర్వకంగా కలిసింది. అధికారిక విందువిదేశీ జట్టు ఆస్ట్రేలియాకు వచ్చినప్పుడు ఆటగాళ్లకు అధికారిక విందు ఇచ్చే సంప్రదాయం ఈసారీ కొనసాగింది. ఈ నేపథ్యంలో గురువారం పార్లమెంట్‌లో ఆల్బనీస్‌ ఇచ్చిన ప్రత్యేక రిసెప్షన్‌లో టీమిండియా సభ్యులంతా పాల్గొన్నారు. కెప్టెన్‌ రోహిత్‌ శర్మ జట్టు సభ్యులను ఆసీస్‌ ప్రధానికి పరిచయం చేశాడు.వాళ్లిద్దరికి ప్రత్యేక అభినందనలుఈ క్రమంలో పెర్త్‌ వేదికగా తొలి టెస్టు విజయంలో కీలకపాత్ర పోషించిన విరాట్‌ కోహ్లి, జస్‌‍ప్రీత్‌ బుమ్రాలను ఆల్బనీస్‌ ప్రత్యేకంగా ప్రశంసించారు. ‘అద్భుతంగా ఆడుతున్న భారత జట్టుతో తలపడటం మా ప్రైమ్‌ మినిస్టర్‌ ఎలెవన్‌కు పెద్ద సవాల్‌’ అంటూ ఆయన సరదాగా వ్యాఖ్యానించారు.ఇక పీఎం ఎలెవన్‌కు నాయకత్వం వహిస్తున్న జాక్‌ ఎడ్వర్డ్స్‌ కూడా ఈ కార్యక్రమంలో పాల్గొన్నాడు. అనంతరం రోహిత్‌ శర్మ పార్లమెంట్‌ను ఉద్దేశించి ప్రసంగించాడు. భారత్, ఆస్ట్రేలియా మధ్య క్రికెట్‌లో పాటు ఇతర రంగాల్లోనూ సుదీర్ఘ బంధం ఉందని, ఇక్కడికి వచ్చి ఆడటం తమకు ఎంతో ప్రత్యేకంగా ఉంటుందని వ్యాఖ్యానించాడు. ప్రపంచంలోని అత్యుత్తమ జట్లలో ఒకటి‘ఆస్ట్రేలియాలో ఆడటం, ఇక్కడి భిన్న సంస్కృతిని ఆస్వాదించడాన్ని భారత ఆటగాళ్లంతా ఇష్టపడతారు. విభిన్న నగరాలు విభిన్న అనుభవాలను ఇస్తాయి.ఇక మైదానంలో సమరాల గురించి కొత్తగా చెప్పేదేముంది. ప్రపంచంలోని అత్యుత్తమ జట్లలో ఒకటైన ఆస్ట్రేలియాతో తలపడి గెలవాలని అంతా కోరుకుంటారు. ఈ పోటీతత్వమే మేం ఇక్కడ మరింత పట్టుదలగా ఆడేలా చేస్తుంది. ఆటతో పాటు పర్యటనను అన్ని రకాలుగా మేం ఆస్వాదిస్తాం. పింక్‌ బాల్‌ టెస్టుగత వారం చూపిన ప్రదర్శనను మున్ముందు కొనసాగిస్తాం. ఇరు దేశాల క్రికెట్‌ అభిమానులకు పూర్తి స్థాయి వినోదం అందించగలమని నమ్ముతున్నాం’ అని రోహిత్‌ శర్మ అన్నాడు. కాగా డిసెంబర్‌ 6 నుంచి భారత్- ఆస్ట్రేలియా మధ్య అడిలైడ్‌లో రెండో టెస్టు (డే అండ్‌ నైట్‌- పింక్‌ బాల్‌) జరుగుతుంది.చదవండి: అప్పుడు రూ. 20 లక్షలు.. ఇప్పుడు రూ. 11 కోట్లు.. టీమిండియా రైజింగ్‌ స్టార్‌ ‘భారీ’ రికార్డు

డ‌ర్బ‌న్ వేదిక‌గా ద‌క్షిణాఫ్రికాతో జ‌రుగుతున్న తొలి టెస్టులో శ్రీలంక దారుణ ప్ర‌ద‌ర్శ‌న క‌న‌బ‌రిచింది. శ్రీలంక త‌మ మొద‌టి ఇన్నింగ్స్‌లో 13.5 ఓవ‌ర్ల‌లో కేవ‌లం 42 ప‌రుగుల‌కే కుప్ప‌కూలింది. ద‌క్షిణాఫ్రికా బౌల‌ర్ల దాటికి లంకేయులు వ‌ణికిపోయారు.వ‌చ్చిన‌వారు వ‌చ్చిన‌ట్టుగానే పెవిలియ‌న్‌కు క్యూ క‌ట్టారు. లంక బ్యాట‌ర్ల‌లో క‌మిందు మెండిస్(13), ల‌హురు కుమారా(10) మిన‌హా మిగితా బ్యాట‌ర్లంతా సింగిల్ డిజిట్ స్కోర్‌కే పరిమితమయ్యారు. సఫారీ బౌలర్లలో మార్కో జాన్సెన్ 7 వికెట్లతో శ్రీలంక పతనాన్ని శాసించాడు. అతడితో పాటు కోయిట్జీ రెండు, రబాడ ఒక్క వికెట్ సాధించారు.కాగా అంతకుముందు 80/4 ఓవ‌ర్ నైట్ స్కోర్‌తో రెండో రోజు ఆట‌ను ప్రారంభించిన సౌతాఫ్రికా తమ మొదటి ఇన్నింగ్స్‌లో 191 పరుగులకు ఆలౌటైంది. ప్రోటీస్ బ్యాట‌ర్ల‌లో కెప్టెన్ టెంబా బావుమా(70) హాఫ్ సెంచ‌రీతో రాణించాడు. ప్ర‌స్తుతం ద‌క్షిణాఫ్రికా 77 ప‌రుగుల ఆధిక్యంలో కొన‌సాగుతోంది.శ్రీలంక చెత్త రికార్డు..ఇక ఈ మ్యాచ్‌లో 42 ప‌రుగుల‌కే ఆలౌటైన‌ శ్రీలంక ఓ చెత్త రికార్డు మూట‌కట్టుకుంది. ద‌క్షిణాఫ్రికాపై టెస్టుల్లో అత్య‌ల్ప టోట‌ల్‌ను జ‌ట్టుగా శ్రీలంక నిలిచింది. ఇంత‌కుముందు ఈ రికార్డు న్యూజిలాండ్ పేరిట ఉండేది. 2013లో కేప్‌టౌన్ వేదిక‌గా జ‌రిగిన టెస్టులో 45 ప‌రుగుల‌కే కివీస్ ఆలౌటైంది. అదే విధంగా శ్రీలంక‌కు ఇదే టెస్టుల్లో అత్య‌ల్ప స్కోర్ కావ‌డం గ‌మ‌నార్హం.చదవండి: IND vs AUS: ఒకే ఒక్క వికెట్‌.. చరిత్రకు అడుగు దూరంలో జస్ప్రీత్‌ బుమ్రా

టీమిండియా స్టార్‌ బ్యాటర్‌ విరాట్‌ కోహ్లిపై మాజీ కెప్టెన్‌, మాజీ హెడ్‌కోచ్‌ రాహుల్‌ ద్రవిడ్‌ ప్రశంసలు కురిపించాడు. కోహ్లి తిరిగి ఫామ్‌లోకి రావడం శుభసూచకమని.. ఆస్ట్రేలియాతో తొలి టెస్టులోనే సెంచరీ చేయడం అద్భుతమని కొనియాడాడు. బోర్డర్‌- గావస్కర్‌ ట్రోఫీలో కోహ్లి మరింత చెలరేగడం ఖాయమని ద్రవిడ్‌ పేర్కొన్నాడు.కోహ్లి శతకాలు@81 కాగా సుదీర్ఘ నిరీక్షణకు తెరదించుతూ కోహ్లి టెస్టుల్లో శతకం బాదిన విషయం తెలిసిందే. దాదాపు 491 రోజుల తర్వాత అతడు ఓ ఇన్నింగ్స్‌లో వంద పరుగులు సాధించాడు. తద్వారా తన అంతర్జాతీయ సెంచరీల సంఖ్యను 81కి పెంచుకున్నాడు. ఆసీస్‌తో పెర్త్‌ టెస్టు రెండో ఇన్నింగ్స్‌లో భాగంగా కోహ్లి ఈ ఘనత సాధించాడు.కోహ్లి అద్భుతంకఠిన పరిస్థితుల్లో తన అనుభవాన్ని రంగరించి జట్టు భారీ విజయం సాధించడంలో కోహ్లి కీలక పాత్ర పోషించాడు. తద్వారా విమర్శకులకు బ్యాట్‌తోనే సమాధానమిచ్చాడు. ఈ నేపథ్యంలో రాహుల్‌ ద్రవిడ్‌ స్టార్‌ స్పోర్ట్స్‌ షోలో మాట్లాడుతూ.. ‘‘కోహ్లి అద్భుతంగా బ్యాటింగ్‌ చేశాడు. ఆరు నెలల క్రితం సౌతాఫ్రికా పర్యటనలోనూ రాణించాడు.సఫారీ గడ్డపై కఠినమైన పిచ్‌లపై కూడా బ్యాట్‌తో అదరగొట్టాడు. తను మళ్లీ టచ్‌లోకి రావడం సంతోషంగా ఉంది. సిరీస్‌ ఆరంభంలోనే శతకం బాదడం శుభసూచకం. ఈ సిరీస్‌లో మరోసారి కోహ్లి తనదైన మార్కు వేయబోతున్నాడని అనిపిస్తోంది’’ అని కోహ్లిని ప్రశంసించాడు.అందరికీ సాధ్యం కాదుఇక ఇదే మ్యాచ్‌లో 161 పరుగులతో దుమ్ములేపిన టీమిండియా ఓపెనర్‌ యశస్వి జైస్వాల్‌పై కూడా ద్రవిడ్‌ ప్రశంసల జల్లు కురిపించాడు. రోజురోజుకూ అతడు ఊహించనిరీతిలో ఆటను మెరుగుపరచుకుంటున్నాడని కొనియాడాడు. ఆస్ట్రేలియా గడ్డపై తొలి ప్రయత్నంలోనే సెంచరీ చేయడం అందరికీ సాధ్యం కాదని.. జైస్వాల్‌ మాత్రం పక్కా ప్రణాళికతో తన వ్యూహాలను అమలు చేసిన తీరు ఆకట్టుకుందని ద్రవిడ్‌ కితాబులిచ్చాడు.బుమ్రా ఆటగాడిగా, సారథిగా సూపర్‌ హిట్‌అదే విధంగా.. పెర్త్‌ టెస్టులో కెప్టెన్‌గా వ్యవహరించిన పేసర్‌ జస్‌ప్రీత్‌ బుమ్రాను కూడా ద్రవిడ్‌ ఈ సందర్భంగా అభినందించాడు. తన అసాధారణ బౌలింగ్‌ నైపుణ్యాలతో జట్టును ఎన్నోసార్లు ఒంటిచేత్తో గెలిపించాడని కొనియాడాడు. కెప్టెన్‌గానూ విజయవంతంగా జట్టును ముందుకు నడిపించాడంటూ హ్యాట్సాఫ్‌ చెప్పాడు.భారీ విజయంతో మొదలుకాగా ప్రపంచ టెస్టు చాంపియన్‌షిప్‌ 2023-25 ఎడిషన్‌లో ఆఖరి సిరీస్‌ ఆడేందుకు టీమిండియా ఆస్ట్రేలియాకు వెళ్లింది. బోర్డర్‌- గావస్కర్ ట్రోఫీలో భాగంగా అక్కడ ఐదు టెస్టులు ఆడేందుకు షెడ్యూల్‌ ఖరారైంది. ఈ క్రమంలో పెర్త్‌ స్టేడియంలో జరిగిన తొలి టెస్టుకు రోహిత్‌ శర్మ గైర్హాజరు కాగా.. బుమ్రా టీమిండియాకు సారథ్యం వహించాడు.ఈ మ్యాచ్‌లో జైస్వాల్‌, కోహ్లి సెంచరీలతో రాణించగా.. బుమ్రా ఎనిమిది వికెట్లతో చెలరేగాడు. ఈ క్రమంలో టీమిండియా ఆసీస్‌ను 295 పరుగుల తేడాతో మట్టికరిపించింది. సిరీస్‌లో 1-0తో ముందంజ వేసింది. ఇరుజట్ల మధ్య కాన్‌బెర్రా వేదికగా డిసెంబరు 6 నుంచి రెండో టెస్టు మొదలుకానుంది.చదవండి: అప్పుడు రూ. 20 లక్షలు.. ఇప్పుడు రూ. 11 కోట్లు.. టీమిండియా రైజింగ్‌ స్టార్‌ ‘భారీ’ రికార్డు

ఆంటిగ్వా వేదికగా బంగ్లాదేశ్‌తో జరిగిన తొలి టెస్టులో 201 పరుగుల తేడాతో వెస్టిండీస్‌ ఘనవిజయం సాధించింది. 334 పరుగుల లక్ష్యంతో బరిలోకి దిగిన బంగ్లాదేశ్ 9 వికెట్లు కోల్పోయి 132 పరుగులు మాత్రమే చేయగల్గింది. ఆఖరి వికెట్ షోర్‌ఫుల్ ఇస్లాం రిటైర్డ్ హార్ట్‌గా వెనుదిరగడంతో బం‍గ్లా ఇన్నింగ్స్ ముగిసింది.వెస్టిండీస్ బౌలర్లలో పేసర్లు కీమర్ రోచ్‌, జైడన్ సీల్స్ తలా మూడు వికెట్లు పడగొట్టి బంగ్లాను దెబ్బ తీశారు. వీరిద్దరితో పాటు అల్జారీ జోషఫ్ రెండు, షమీర్ జోషఫ్ ఒక్క వికెట్ సాధించారు. బంగ్లా బ్యాటర్లలో కెప్టెన్ మెహద హసన్ మిరాజ్ 45 పరుగులతో టాప్ స్కోరర్‌గా నిలిచాడు. ఇక మ్యాచ్‌లో తొలుత బ్యాటింగ్‌ చేసిన వెస్టిండీస్ 450/9 వద్ద తొలి ఇన్నింగ్స్‌ను డిక్లేర్‌ చేసింది.విండీస్ బ్యాటర్లలో జస్టిన్‌ గ్రీవ్స్‌ (115) అజేయ శతకంతో మెరవగా.. మికైల్‌ లూయిస్‌ (97), అలిక్‌ అథనాజ్‌ (90) తృటిలో సెంచరీలు చేజార్చుకున్నారు. బంగ్లా బౌలర్లలో హసన్‌ మహమూద్ మూడు, తస్కిన్‌ అహ్మద్‌, మెహది హసన్‌ తలో 2, తైజుల్‌ ఇస్లాం ఓ వికెట్‌ పడగొట్టారు.అనంతరం బంగ్లాదేశ్ తమ మొదటి ఇన్నింగ్స్‌ను 269-9తో ముగించింది. దీంతో తొలి ఇన్నింగ్స్‌ ఆధిక్యం జోడించి వెస్టిండీస్‌ బంగ్లాదేశ్‌ ముందు 334 పరుగుల లక్ష్యాన్ని ఉంచింది. ఆ లక్ష్యాన్ని చేధించడంలో బంగ్లా చతికలపడింది. ఇక ఇరు జట్ల మధ్య రెండో టెస్టు డిసెంబర్ 8న సెయింట్ కిట్స్ వేదికగా ప్రారంభం కానుంది.

బోర్డర్‌-గవాస్కర్ ట్రోఫీని ఆతిథ్య ఆస్ట్రేలియా ఓటమితో ఆరంభించింది. పెర్త్ వేదికగా టీమిండియాతో జరిగిన తొలి టెస్టులో 295 పరుగుల తేడాతో ఆసీస్ ఘోర పరాజయాన్ని చవిచూసింది. 534 పరుగుల భారీ లక్ష్యంతో బరిలోకి దిగిన కంగారు జట్టు భారత బౌలర్ల దాటికి 238 పరుగులకు ఆలౌటైంది.భారత బౌలర్లలో కెప్టెన్ జస్ప్రీత్ బుమ్రా, మహ్మద్ సిరాజ్ తలా మూడు వికెట్లతో ఆసీస్‌ను దెబ్బతీశారు. వీరిద్దరితో పాటు నితీశ్ రెడ్డి, వాషింగ్టన్‌ సుందర్‌ తలా ఒక వికెట్‌ పడగొట్టాడు. ఆసీస్ బ్యాటర్లలో ట్రావిస్ హెడ్‌(89) టాప్ స్కోరర్‌గా నిలిచాడు. ఇక ఈ ఓటమిపై మ్యాచ్ అనంతరం ఆస్ట్రేలియా కెప్టెన్‌ ప్యాట్‌ కమిన్స్‌ స్పందించాడు. బ్యాటింగ్ వైఫల్యం తమ ఓటమికి కారణమని తెలిపాడు.అదే మా కొంపముంచింది"ఈ ఓటమి మమ్మల్ని తీవ్ర నిరాశకు గురిచేసింది. ఈ మ్యాచ్ కోసం మేము బాగానే సన్నద్దమయ్యాము. జట్టులోని ప్రతీ ఒక్కరూ పూర్తి విశ్వాసంతో బరిలోకి దిగారు. కానీ మా ప్రణాళికలు సరిగ్గా అమలు చేయలేకపోయాము. కొన్ని మ్యాచ్‌ల్లో మనం ప్లాన్ చేసింది జరగదు. అటువంటి మ్యాచ్‌ల్లో ఇదొకటి. ఇక ఈ ఓటమి నుంచి మేము పాఠాలు నేర్చుకుంటాము. తర్వాతి మ్యాచ్‌లో మేము తిరిగిపుంజుకుంటామన్న నమ్మకం ఉంది. ఈ ఓటమి గురించి ఎక్కువగా ఆలోచించకూడదని నిర్ణయించుకున్నాము.ఒకట్రెండు రోజులు విశ్రాంతి తీసుకుని తిరిగి మళ్లీ మైదానంలో అడుగుపెడతాము. ఈ మ్యాచ్‌లో మాకు ఏదీ కలిసిరాలేదు. తొలి రోజు బౌలర్లు ఇచ్చిన ఆరంభాన్ని మేము అందిపుచ్చుకోలేకపోయాం​. మొదటి రోజు బ్యాటింగ్ పరంగా మేము రాణించి ఉంటే పరిస్థితి మరోవిధంగా ఉండేది. రెండో రోజు నుంచి పరిస్థితులు పూర్తిగా మారిపోయాయి.ఈ మ్యాచ్‌లో తప్పు ఎక్కడ జరిగిందో చర్చించుకుంటాము. అయితే మా జట్టులో చాలా మంది అనుభవం ఉ న్న ఆటగాళ్లు ఉన్నారు. వారికి బలంగా ఎలా తిరిగి రావాలో బాగా తెలుసు. ఆడిలైడ్ టెస్టు కోసం నెట్స్‌లో తీవ్రంగా శ్రమిస్తాము. రెండో టెస్టులో మా ప్రణాళికలను సరిగ్గా అమలు చేస్తాం" అని పోస్ట్‌మ్యాచ్ ప్రజేంటేషన్‌లో కమిన్స్‌ ధీమా వ్యక్తం చేశాడు.

ఆస్ట్రేలియా గడ్డపై టీమిండియా కెప్టెన్‌గా తొలి టెస్టులోనే విజయం సాధించడం పట్ల జస్‌ప్రీత్‌ బుమ్రా హర్షం వ్యక్తం చేశాడు. పెర్త్‌లో తమ జట్టు ప్రదర్శనతో పూర్తి సంతృప్తిగా.. గర్వంగా ఉన్నానని చెప్పాడు. ఆత్మవిశ్వాసం ఉంటే అనుభవంతో పనిలేదని భారత యువ ఆటగాళ్లు ఈ మ్యాచ్‌ ద్వారా మరోసారి నిరూపించారని కొనియాడాడు.బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఆస్ట్రేలియాలో పర్యటిస్తోంది. అయితే, రెగ్యులర్‌ కెప్టెన్‌ రోహిత్‌ శర్మ తొలి టెస్టుకు దూరంగా ఉండగా.. పేసర్‌ బుమ్రా భారత జట్టు సారథిగా వ్యవహరించాడు. అతడి కెప్టెన్సీలో పెర్త్‌ వేదికగా జరిగిన తొలి టెస్టు ఆడిన టీమిండియా.. ఆసీస్‌ను ఏకంగా 295 పరుగుల భారీ తేడాతో మట్టికరిపించింది. తద్వారా కంగారూ గడ్డపై అతిపెద్ద విజయం నమోదు చేసింది.ఈ నేపథ్యంలో విజయానంతరం తాత్కాలిక కెప్టెన్‌, ప్లేయర్‌ ఆఫ్‌ ది మ్యాచ్‌ బుమ్రా మాట్లాడుతూ.. ‘‘విజయంతో సిరీస్‌ ఆరంభించడం సంతోషంగా ఉంది. తొలి ఇన్నింగ్స్‌లో మేము బాగా ఒత్తిడికి లోనయ్యాం. అయితే, ఆ తర్వాత తిరిగి పుంజుకున్న తీరు పట్ల నాకెంతో గర్వంగా ఉంది.2018లో ఇక్కడ ఆడాను. ఇక ఈ పిచ్‌ మాకు సవాళ్లు విసిరింది. అయితే, అనుభవం కంటే.. సామర్థ్యాన్నే మేము ఎక్కువగా నమ్ముకున్నాం. పూర్తిస్థాయిలో మ్యాచ్‌ కోసం సిద్ధమయ్యాం. ఆత్మవిశ్వాసం ఉంటే.. ప్రత్యేకంగా ఏదైనా సాధించగలమని విశ్వసించాం. ఇంతకంటే మాకు ఇంకేం కావాలి’’ అని బుమ్రా సంతోషం వ్యక్తం చేశాడు.ఇక సెంచరీ వీరులు యశ​స్వి జైస్వాల్‌, విరాట్‌ కోహ్లిల గురించి ప్రస్తావన రాగా.. ‘‘జైస్వాల్‌ టెస్టు కెరీర్‌ అద్భుతంగా సాగుతోంది. టెస్టుల్లో ఇదే అతడికి మొదటి అత్యుత్తమ ఇన్నింగ్స్‌ అనుకుంటున్నా. బౌలర్లపై ఒత్తిడి పెంచుతూ అతడు అటాక్‌ చేసిన విధానం అద్భుతం.ఇక విరాట్‌.. అతడు ఫామ్‌లో లేడని నేనెప్పుడూ అనుకోను. ఇలాంటి కఠినమైన పిచ్‌లపైనే కదా.. బ్యాటర్‌ అసలైన ఫామ్‌ తెలిసేది’’ అంటూ బుమ్రా వారిద్దరిపై ప్రశంసలు కురిపించాడు. కాగా పెర్త్‌ టెస్టు తొలి ఇన్నింగ్స్‌లో జైస్వాల్‌, కోహ్లి నిరాశపరిచిని విషయం తెలిసిందే. జైస్వాల్‌ డకౌట్‌ కాగా.. కోహ్లి 5 పరుగులే చేశాడు.అయితే, రెండో ఇన్నింగ్స్‌లో లెఫ్టాండ్‌ బ్యాటర్‌ జైస్వాల్‌.. 161 పరుగులతో దుమ్ములేపగా.. కోహ్లి 100 పరుగులతో అజేయంగా నిలిచాడు. మరోవైపు బుమ్రా రెండు ఇన్నింగ్స్‌లో కలిపి ఎనిమిది వికెట్లు కూల్చాడు.ఇక తొలి టెస్టులో గెలుపొందిన టీమిండియా.. ఆసీస్‌తో ఐదు మ్యాచ్‌ల సిరీస్‌లో 1-0తో ఆధిక్యంలో నిలిచింది. ఇక పెర్త్‌ టెస్టు నాలుగు రోజుల్లోనే ముగియగా.. ఇరుజట్ల మధ్య డిసెంబరు 6- 10 వరకు అడిలైడ్‌లో రెండో టెస్టు నిర్వహణకు షెడ్యూల్‌ ఖరారైంది.భారత్‌ వర్సెస్‌ ఆస్ట్రేలియా పెర్తు టెస్టు స్కోర్లు👉భారత్‌ తొలి ఇన్నింగ్స్‌: 150 ఆలౌట్‌👉ఆస్ట్రేలియా తొలి ఇన్నింగ్స్‌: 104 ఆలౌట్‌👉భారత్‌ రెండో ఇన్నింగ్స్‌:487/6 డిక్లేర్డ్‌👉ఆసీస్‌ లక్ష్యం: 534 పరుగులు👉ఆస్ట్రేలియా రెండో ఇన్నింగ్స్‌: 238 ఆలౌట్‌👉ఫలితం: ఆస్ట్రేలియాపై 295 పరుగుల తేడాతో బుమ్రా సేన భారీ విజయం

బోర్డర్‌- గావస్కర్‌ ట్రోఫీ 2024-25లో టీమిండియా శుభారంభం చేసింది. పెర్త్‌ టెస్టులో ఆస్ట్రేలియాను చిత్తుగా ఓడించింది. ఏకంగా 295 పరుగుల తేడాతో భారీ విజయం సాధించింది. ఈ గెలుపుతో ఐదు మ్యాచ్‌ల టెస్టు సిరీస్‌లో 1-0తో భారత్‌ ఆధిక్యంలోకి వెళ్లింది.నాలుగు టెస్టుల్లో గెలవాల్సిందేప్రపంచ టెస్టు చాంపియన్‌షిప్‌ 2023-25లో భాగంగా టీమిండియా ఆసీస్‌తో తమ ఆఖరి సిరీస్‌ ఆడుతోంది. ఈ మెగా ఈవెంట్‌లో ఫైనల్‌కు చేరాలంటే ఆసీస్‌పై కచ్చితంగా నాలుగు టెస్టుల్లో గెలవాల్సిందే. ఇలాంటి విపత్కర పరిస్థితుల్లో రెగ్యులర్‌ కెప్టెన్‌ రోహిత్‌ శర్మ వ్యక్తిగత కారణాల వల్ల మొదటి టెస్టుకు దూరమయ్యాడు.బాధ్యతలు తీసుకున్న బుమ్రాఅయితే, సారథిగా ఉంటానంటూ బాధ్యతలు తీసుకున్న వైస్‌ కెప్టెన్‌ జస్‌ప్రీత్‌ బుమ్రా.. తన పనిని సమర్థవంతంగా నెరవేర్చాడు. కెప్టెన్సీతో పాటు, ఆటగాడిగానూ అదరగొట్టిన ఈ పేస్‌ దళ నాయకుడు ఆసీస్‌ గడ్డపై కెప్టెన్‌గా తొలి ప్రయత్నంలోనే ఘన విజయం అందుకున్నాడు.అప్పుడు ఆదుకున్న పంత్‌, నితీశ్‌ రెడ్డిపెర్త్‌ స్టేడియంలో శుక్రవారం మొదలైన ఈ టెస్టు మ్యాచ్‌లో టాస్‌ గెలిచిన బుమ్రా తొలుత బ్యాటింగ్‌ ఎంచుకున్నాడు. అయితే, పూర్తిగా సీమర్లకే అనుకూలించిన పిచ్‌పై భారత బ్యాటర్లు ఆరంభంలో తడబడ్డారు. టాపార్డర్‌లో ఓపెనర్లు యశస్వి జైస్వాల్‌(0), వన్‌డౌన్‌ బ్యాటర్‌ దేవ్‌దత్‌ పడిక్కల్‌(0) పరుగుల ఖాతా తెరవకుండానే నిష్క్రమించారు.అయితే, మరో ఓపెనర్‌ కేఎల్‌ రాహుల్‌(26) పట్టుదలగా నిలబడినా.. వివాదాస్పద రీతిలో థర్డ్‌ అంపైర్‌ అతడిని అవుట్‌గా ప్రకటించాడు. మరోవైపు.. విరాట్‌ కోహ్లి(5) సైతం నిరాశపరచగా.. రిషభ్‌ పంత్‌(37), అరంగేట్ర ఆల్‌రౌండర్‌ నితీశ్‌ రెడ్డి(41) రాణించడం కలిసి వచ్చింది. దీంతో తొలి ఇన్నింగ్స్‌లో టీమిండియా 150 పరుగుల గౌరవప్రదమైన స్కోరుకు ఆలౌట్‌ అయింది. ఆసీస్‌ బౌలర్లలో పేసర్లలో జోష్‌ హాజిల్‌వుడ్‌ నాలుగు వికెట్లు దక్కించుకోగా.. స్టార్క్‌, కెప్టెన్‌ కమిన్స్‌. మిచెల్‌ మార్ష్‌ రెండేసి వికెట్లు పడగొట్టారు.చెలరేగిన బుమ్రా.. కుప్పకూలిన ఆసీస్‌అనంతరం తొలిరోజే బ్యాటింగ్‌ మొదలుపెట్టిన ఆస్ట్రేలియాకు బుమ్రా తన పేస్‌ పదునుతో చుక్కలు చూపించాడు. అతడికి తోడుగా మహ్మద్‌ సిరాజ్‌, హర్షిత్‌ రాణా రాణించడంతో మొదటిరోజు కేవలం 67 పరుగులే చేసి ఏకంగా ఏడు వికెట్లు కోల్పోయింది. శనివారం నాటి రెండో రోజు ఆటలో భాగంగా 104 పరుగుల వద్ద ఆసీస్‌ ఆలౌట్‌ అయింది. బుమ్రాకు ఐదు, రాణాకు మూడు, సిరాజ్‌కు రెండు వికెట్లు దక్కాయి.జైస్వాల్‌ భారీ సెంచరీ.. శతక్కొట్టిన కోహ్లిఫలితంగా 46 పరుగుల స్వల్ప ఆధిక్యంతో రెండో ఇన్నింగ్స్‌కు మొదలుపెట్టిన టీమిండియాకు ఓపెనర్లు యశస్వి జైస్వాల్‌, కేఎల్‌ రాహుల్‌ శుభారంభం అందించారు. ఆదివారం నాటి మూడో రోజు ఆటలో యశస్వి భారీ శతకం(161) పూర్తి చేసుకోగా.. రాహుల్‌ 77 పరుగులతో ఆకట్టుకున్నాడు. వీరిద్దరి భారీ భాగస్వామ్యంతో పెర్త్‌లో పట్టు బిగించిన టీమిండియా.. కోహ్లి అజేయ సెంచరీ(100)కి తోడు నితీశ్‌ రెడ్డి మెరుపు ఇన్నింగ్స్‌ (27 బంతుల్లో 38 నాటౌట్‌)కారణంగా మరింత పటిష్ట స్థితిలో నిలిచింది.534 పరుగుల భారీ లక్ష్యం.. చేతులెత్తేసిన ఆసీస్‌ఆరు వికెట్ల నష్టానికి 487 పరుగుల వద్ద ఉండగా.. రెండో ఇన్నింగ్స్‌ను డిక్లేర్‌ చేసింది. తద్వారా ఆసీస్‌ ముందు 534 పరుగుల భారీ లక్ష్యం ఉంచింది. అయితే, ఆది నుంచే మరోసారి అటాక్‌ ఆరంభించిన భారత బౌలర్లు ఆసీస్‌ను 238 పరుగులకే ఆలౌట్‌ చేశారు. దీంతో టీమిండియా జయభేరి మోగించి ఆసీస్‌కు సొంతగడ్డపై భారీ షాకిచ్చింది. ఇక భారత బౌలర్లలో బుమ్రా, సిరాజ్‌ మూడేసి వికెట్లు కూల్చగా.. వాషింగ్టన్‌ సుందర్‌ రెండు, హర్షిత్‌ రాణా, నితీశ్‌ రెడ్డి ఒక్కో వికెట్‌ తమ ఖాతాలో వేసుకున్నారు. కాగా ఆస్ట్రేలియాలో టీమిండియాకు ఇదే అతిపెద్ద విజయం నమోదు చేసింది.టీమిండియా వర్సెస్‌ ఆస్ట్రేలియా తొలి టెస్టు👉వేదిక: పెర్త్‌ స్టేడియం, పెర్త్‌👉టాస్‌: టీమిండియా.. బ్యాటింగ్‌👉టీమిండియా మొదటి ఇన్నింగ్స్‌ స్కోరు: 150 ఆలౌట్‌👉ఆస్ట్రేలియా మొదటి ఇన్నింగ్స్‌ స్కోరు: 104 ఆలౌట్‌👉టీమిండియా రెండో ఇన్నింగ్స్‌ స్కోరు:487/6 డిక్లేర్డ్‌👉ఆసీస్‌ లక్ష్యం: 534 పరుగులు👉ఆస్ట్రేలియా రెండో ఇన్నింగ్స్‌ స్కోరు: 238 ఆలౌట్‌👉ఫలితం: ఆసీస్‌పై 295 పరుగుల తేడాతో టీమిండియా భారీ గెలుపు👉ప్లేయర్‌ ఆఫ్‌ ది మ్యాచ్‌: జస్‌ప్రీత్‌ బుమ్రా(8 వికెట్లు)👉నాలుగురోజుల్లోనే ముగిసిన మ్యాచ్‌.చదవండి: IPL Auction 2025: అతడికి ఏకంగా రూ. 18 కోట్లు.. కారణం మాత్రం కావ్యానే!.. పాపం ప్రీతి!Big wicket for India! Siraj with a beauty! #AUSvIND pic.twitter.com/NEJykx9Avj— cricket.com.au (@cricketcomau) November 25, 2024History Made Down Under! 🇮🇳✨Team India seals a memorable victory, becoming the FIRST team to defeat Australia at the Optus Stadium, Perth! 🏟💥A moment of pride, determination, and unmatched brilliance as #TeamIndia conquers new heights in the 1st Test & secures No.1 Spot in… pic.twitter.com/B61Ic9qLuO— Star Sports (@StarSportsIndia) November 25, 2024

టీమిండియా స్టార్‌ బ్యాటర్‌ విరాట్‌ కోహ్లి.. తన సతీమణి అనుష్క శర్మపై ప్రశంసల వర్షం కురిపించాడు. అన్ని వేళలా తన వెన్నంటే ఉండి.. కష్టసుఖాల్లో అండగా ఉంటుందని కృతజ్ఞతాభావం చాటుకున్నాడు. తమ మదిలో మెదిలే భావాలను కూడా చక్కగా అర్థం చేసుకుని.. అందుకు తగ్గట్లుగా ఉంటుందని ప్రేమ కురిపించాడు. కాగా గత కొంతకాలంగా పేలవఫామ్‌తో విమర్శల పాలైన కోహ్లి ఎట్టకేలకు బ్యాట్‌ ఝులిపించాడు.అనుష్క వైపు ముద్దులు విసురుతూఆస్ట్రేలియాతో తొలి టెస్టులో భాగంగా పెర్త్‌ రెండో ఇన్నింగ్స్‌లో కోహ్లి శతకంతో సత్తా చాటాడు. జట్టు భారీ స్కోరు సాధించడంలో తన వంతు పాత్ర పోషించి విజయం దిశగా అడుగులువేసేలా చేశాడు. స్టాండ్స్‌లో ఉన్న భార్య అనుష్క వైపు ముద్దులు విసురుతూ సెంచరీ సంబరాన్ని సెలబ్రేట్‌ చేసుకున్నాడు.కాగా స్వదేశంలో బంగ్లాదేశ్‌, న్యూజిలాండ్‌తో టెస్టుల్లో బ్యాటింగ్‌ వైఫల్యం కారణంగా కోహ్లిపై టీమిండియా అభిమానులు సైతం ఆగ్రహం వ్యక్తం చేసిన విషయం తెలిసిందే. ముఖ్యంగా ఆట పట్ల మునుపటిలా అంకితభావం కనిపించడం లేదని.. భార్యాపిల్లల కోసం తరచూ లండన్‌ ప్రయాణాలు చేయడమే సరిపోతుందంటూ కోహ్లిని ట్రోల్‌ చేశారు. అనుష్క ఎదురుగా ఉంటే.. అది మరింత ప్రత్యేకంఈ నేపథ్యంలో టెస్టుల్లో తన ముప్పైవ సెంచరీ నమోదు చేసిన అనంతరం కోహ్లి మాట్లాడుతూ.. విమర్శకులకు కౌంటర్‌ ఇచ్చాడు. ‘‘మంచి ప్రదర్శన చేయనప్పుడు మైదానంలో పదే పదే తప్పులు చేస్తుంటాం. జట్టు విజయాలకు సహకరించాలని ఎప్పుడూ అనుకుంటా. అంతే కానీ ఊరికే అలా కొనసాగడం నాకు ఇష్టం ఉండదు. కష్టసుఖాల్లో అనుష్క శర్మ ఎల్లప్పుడూ అండగా ఉంటుంది. నా మదిలో ఏం మెదులుతుందో తను బాగా అర్థం చేసుకుంటుంది. దేశానికి ప్రాతినిధ్యం వహించడం ఎంతో గర్వంగా భావిస్తా. అదీ అనుష్క ఎదురుగా ఉంటే మరింత ప్రత్యేకంగా ఉంటుంది’’ అని పెర్త్‌ సెంచరీ తనకెంతో ప్రత్యేకమని కోహ్లి పేర్కొన్నాడు.కాగా కోహ్లి భార్య అనుష్క లండన్‌లో తమ రెండో సంతానం అకాయ్‌కు జన్మనిచ్చింది. అప్పటి నుంచి ఎక్కువగా కోహ్లి కుటుంబం అక్కడే ఉంటుంది. అయితే, ఆస్ట్రేలియా పర్యటనకు మాత్రం కోహ్లి తన ఫ్యామిలీని కూడా తీసుకువచ్చాడు. ఈ క్రమంలో స్టాండ్స్‌లో అనుష్క భర్తను చీర్‌ చేస్తూ సందడి చేసింది. ఇక విరుష్క జోడీకి కుమారుడు అకాయ్‌ కంటే ముందు కూతురు వామిక జన్మించిన విషయం తెలిసిందే. చదవండి: బెంబేలెత్తించిన బుమ్రా.. విజయం వాకిట్లో టీమిండియా

టీమిండియా స్టార్‌ బ్యాటర్‌ విరాట్‌ కోహ్లి ఆస్ట్రేలియా గడ్డపై ఎట్టకేలకు బ్యాట్‌ ఝులిపించాడు. పెర్త్‌ టెస్టులో అర్ధ శతకంతో మెరిసి అభిమానులను అలరించాడు. రెండో ఇన్నింగ్స్‌లో ఓపెనర్లు యశస్వి జైస్వాల్‌(161), కేఎల్‌ రాహుల్‌(77) బలమైన పునాది వేయగా.. కోహ్లి తన హాఫ్‌ సెంచరీతో స్కోరును 400 దాటించాడు.కాగా ఈ ఏడాది టెస్టుల్లో కోహ్లికి ఇది కేవలం రెండో ఫిఫ్టీ కావడం గమనార్హం. ఇటీవల సొంతగడ్డపై న్యూజిలాండ్‌తో సిరీస్‌లో తొలి టెస్టు సందర్భంగా కోహ్లి 70 పరుగులు సాధించాడు. ఆ తర్వాత మళ్లీ ఇప్పుడే ఫిఫ్టీ బాదడం.ఇదిలా ఉంటే.. కోహ్లిని చీర్‌ చేసేందుకు అతడి భార్య అనుష్క శర్మ పెర్త్‌ స్టేడియానికి వచ్చిన విషయం తెలిసిందే. శనివారం నాటి రెండో రోజు ఆటలో భాగంగా ఆమె స్టాండ్స్‌లో సందడి చేసిన దృశ్యాలు వైరల్‌ అయ్యాయి. అయితే, ఆదివారం నాటి ఆటలో విరుష్క జోడీ కుమారుడు అకాయ్‌గా చెబుతున్న బుడ్డోడి ఫొటోలు సోషల్‌ మీడియాలో దర్శనమిచ్చాయి.ఈ నేపథ్యంలో అకాయ్‌ కోహ్లి కార్బన్‌ కాపీలా ఉన్నాడంటూ కొంతమంది నెటిజన్లు ఆ ఫొటోలను వైరల్‌ చేయగా.. విరుష్క ఫ్యాన్స్‌ మాత్రం బ్రాడ్‌కాస్టర్స్‌పై మండిపడుతున్నారు. తమ గోప్యతకు భంగం కలిగించవద్దని కోహ్లి- అనుష్క చెబుతున్నా.. ఇలాంటి చీప్‌ ట్రిక్స్‌ ఎందుకంటూ ఆగ్రహం వ్యక్తం చేస్తున్నారు. దయచేసి ఎవరూ కూడా అకాయ్‌ ఫొటోలను షేర్‌ చేయవద్దని.. తమ కుమారుడి గోప్యత విషయంలో కోహ్లి తీసుకున్న నిర్ణయాన్ని గౌరవించాలని హితవు పలుకుతున్నారు.కాగా కోహ్లి కుమార్తె వామిక ఫొటోలు కూడా గతంలో ఇలాగే బ్రాడ్‌కాస్టర్స్‌ తప్పిదం వల్ల బయటకు వచ్చిన విషయం తెలిసిందే. బాలీవుడ్‌ హీరోయిన్‌ అనుష్క శర్మను పెళ్లాడిన కోహ్లికి ఇద్దరు పిల్లలు. ఈ జోడీకి మొదటి సంతానంగా కుమార్తె వామిక 11 జనవరి, 2021లో జన్మించగా.. రెండో సంతానం కుమారుడు అకాయ్‌. 2024, ఫిబ్రవరి 15న లండన్‌లో జన్మించాడు. అయితే, ఇంతవరకు విరుష్క జోడీ తమ పిల్లలను బయటిప్రపంచానికి చూపించలేదు.ఇందుకు గల కారణాన్ని వెల్లడిస్తూ.. సెలబ్రిటీ లైఫ్‌నకు.. ముఖ్యంగా సోషల్‌ మీడియాకు దూరంగా వారిని పెంచాలని భావిస్తున్నట్లు కోహ్లి దంపతులు గతంలో తెలిపారు. ఇదిలా ఉంటే.. ఆస్ట్రేలియాతో పెర్త్‌లో జరుగుతున్న మొదటి టెస్టులో భారత్‌ 500 పరుగులకు పైగా ఆదిక్యంలో కొనసాగుతోంది. కాగా తొలి ఇన్నింగ్స్‌లో కోహ్లి కేవలం ఐదు పరుగులకే నిష్క్రమించిన విషయం తెలిసిందే.Don't post Akaay's pics. Let them have privacy. Just respect their decision— A (@_shortarmjab_) November 24, 2024is that akaay??? pic.twitter.com/jQChs3N5i1— Nush (@kyayaarcheeks) November 24, 2024Baby akaay clip❤️ pic.twitter.com/Ax6q3Xnptz— Krishn_editx (@Krishn_editx) November 24, 2024

పెర్త్‌ టెస్టులో టీమిండియా యువ ఓపెనర్‌ యశస్వి జైస్వాల్‌ సంచలన శతకంతో మెరిశాడు. తొలి ఇన్నింగ్స్‌లో డకౌట్‌ అయిన ఈ ఎడమచేతి వాటం బ్యాటర్‌.. రెండో ఇన్నింగ్స్‌లో మాత్రం దుమ్ములేపాడు. సిక్సర్‌తో వంద పరుగుల మార్కు అందుకున్న జైస్వాల్‌.. ఆస్ట్రేలియా గడ్డ మీద తన మొదటి సెంచరీ నమోదు చేశాడు. ఓవరాల్‌గా టెస్టుల్లో తనకిది నాలుగో శతకం.What a way to bring up the ton! #AUSvIND | #MilestoneMoment | @nrmainsurance pic.twitter.com/okMDAno5tE— cricket.com.au (@cricketcomau) November 24, 2024 ఈ క్రమంలో ఎన్నెన్నో అరుదైన రికార్డులను యశస్వి జైస్వాల్‌ తన ఖాతాలో వేసుకున్నాడు. దీంతో అతడిపై సర్వత్రా ప్రశంసల వర్షం కురుస్తోంది. పెర్త్‌ టెస్టులో శతకం బాది టీమిండియా దిగ్గజాలుగా ఎదిగిన సునిల్‌ గావస్కర్‌, విరాట్‌ కోహ్లి మాదిరి జైస్వాల్‌ కూడా GOAT(గ్రేటెస్ట్‌ ఆఫ్‌ ఆల్‌టైమ్‌)గా పేరొందుతాడంటూ అభిమానులు నెట్టింట సందడి చేస్తున్నారు.కాగా బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఆస్ట్రేలియాకు వెళ్లింది. ఈ క్రమంలో ఇరుజట్ల మధ్య శుక్రవారం మొదటి టెస్టు ఆరంభం కాగా.. మూడో రోజు ఆటలో భాగంగా యశస్వి జైస్వాల్‌ భారీ శతకం సాధించాడు. 205 బంతుల్లో సెంచరీ మార్కు అందుకున్న 22 ఏళ్ల ఈ లెఫ్టాండర్‌.. మరో 92 బంతులు ఎదుర్కొని ఓవరాల్‌గా 161 రన్స్‌ సాధించాడు.జైస్వాల్‌ ఇన్నింగ్స్‌లో 15 ఫోర్లు, మూడు సిక్సర్లు ఉండటం విశేషం. అయితే, మిచెల్‌ మార్ష్‌ బౌలింగ్‌లో స్టీవ్‌ స్మిత్‌కు క్యాచ్‌ ఇవ్వడంతో జైస్వాల్‌ సంచలన ఇన్నింగ్స్‌కు తెరపడింది. కాగా పెర్త్‌ టెస్టులో టీమిండియా ఇప్పటికే నాలుగు వందలకు పైగా ఆధిక్యం సంపాదించి పట్టు బిగించింది.పెర్త్‌ టెస్టులో సెంచరీ చేసి యశస్వి జైస్వాల్‌ సాధించిన రికార్డులు👉23 ఏళ్ల వయసు కంటే ముందే టెస్టుల్లో అత్యధిక శతకాలు బాదిన భారత క్రికెటర్ల జాబితాలో.. సునిల్‌ గావస్కర్‌(4), వినోద్‌ కాంబ్లీ(4)ల సరసన యశస్వి నిలిచాడు. ఈ లిస్టులో సచిన్‌ టెండుల్కర్‌ 8 శతకాలతో మొదటి స్థానంలో ఉండగా.. రవిశాస్త్రి(5) రెండో స్థానంలో ఉన్నాడు.👉అదే విధంగా.. 23 ఏళ్ల వయసులోపే ఓ క్యాలెండర్‌ ఇయర్‌లో అత్యధిక టెస్టు సెంచరీలు చేసిన భారత బ్యాటర్ల జాబితాలోనూ జైస్వాల్‌ చోటు సంపాదించాడు. ఈ ఏడాది జైస్వాల్‌ ఇప్పటికి మూడు శతకాలు బాదాడు.👉ఆస్ట్రేలియా గడ్డమీద తొలి టెస్టులోనే సెంచరీ కొట్టిన మూడో బ్యాటర్‌ జైస్వాల్‌. అతడి కంటే ముందు ఎంఎల్‌ జైసింహా(101- బ్రిస్బేన్‌- 1967-68), సునిల్‌ గావస్కర్‌(113- బ్రిస్బేన్‌-1977-78)లో ఈ ఘనత సాధించారు.మరో అరుదైన ఘనత.. భారత తొలి క్రికెటర్‌గాపెర్త్‌ టెస్టులో భారీ శతకంతో యశస్వి జైస్వాల్‌ అత్యంత అరుదైన ఘనత సాధించాడు. ఆడిన మొదటి పదిహేను టెస్టుల్లో అత్యధిక పరుగులు సాధించిన తొలి భారత బ్యాటర్‌గా యశస్వి జైస్వాల్‌ రికార్డులకెక్కాడు. ఈ క్రమంలో విజయ్‌ హజారే(1420)ను అతడు వెనక్కినెట్టాడు. కాగా 2023లో వెస్టిండీస్‌ గడ్డ మీద జైస్వాల్‌ టెస్టుల్లో అరంగేట్రం చేసిన విషయం తెలిసిందే. ఇప్పటి వరకు అతడి ఖాతాలో నాలుగు శతకాలు. రెండు డబుల్‌ సెంచరీలు, ఎనిమిది అర్ధ శతకాలు ఉన్నాయి. ఫోర్ల సంఖ్య 178, సిక్సర్లు 38.ఆడిన తొలి 15 టెస్టుల్లో అత్యధిక పరుగులు చేసిన బ్యాటర్లు👉డాన్‌ బ్రాడ్‌మన్‌- 2115👉మార్క్‌ టేలర్‌- 1618👉ఎవర్టన్‌ వీక్స్‌- 1576👉యశస్వి జైస్వాల్‌- 1568👉మైకేల్‌ హస్సీ- 1560.టీమిండియా వర్సెస్‌ ఆస్ట్రేలియా పెర్త్‌ టెస్టు👉టాస్‌: టీమిండియా.. తొలుత బ్యాటింగ్‌👉టీమిండియా తొలి ఇన్నింగ్స్‌- 150 ఆలౌట్‌👉ఆస్ట్రేలియా తొలి ఇన్నింగ్స్‌- 104 ఆలౌట్‌.చదవండి: IPL 2025 Mega Auction: పేరు మోసిన స్టార్లు.. హాట్‌కేకులు వీళ్లే.. 116 మందిపైనే వేలం వెర్రి

టీమిండియా హెడ్‌కోచ్‌గా తనకంటూ ప్రత్యేక గుర్తింపు తెచ్చుకున్నాడు మాజీ కెప్టెన్‌ రాహుల్‌ ద్రవిడ్‌. రవిశాస్త్రి స్థానాన్ని భర్తీ చేస్తూ ప్రధాన కోచ్‌గా వచ్చిన ఈ కర్ణాటక దిగ్గజం.. తన హయాంలో భారత జట్టును అన్ని ఫార్మాట్లలోనూ అగ్రపథంలో నిలిపాడు. ద్రవిడ్‌ మార్గదర్శనంలో టీమిండియా ప్రపంచ టెస్టు చాంపియన్‌షిప్‌ 2021-23లో ఫైనల్‌ చేరడంతో పాటు.. వన్డే వరల్డ్‌కప్‌-2023లోనూ టైటిల్‌ పోరుకు అర్హత సాధించింది. అయితే, ఈ రెండు సందర్భాల్లో తుదిమెట్టుపై బోల్తా పడి విజయానికి ఒక అడుగుదూరంలోనే నిలిచిపోయింది.అద్భుత విజయంతో ముగింపుఅలాంటి సమయంలో ద్రవిడ్‌పై విమర్శలు రాగా.. టీ20 ప్రపంచకప్‌-2024 రూపంలో గట్టి సమాధానమిచ్చే అవకాశం అతడికి దొరికింది. ఆటగాళ్ల ప్రాక్టీస్‌, క్రమశిక్షణ విషయంలో నిక్కచ్చిగా ఉండే ద్రవిడ్‌.. ఈసారి ఆఖరి గండాన్ని దాటేసి.. కోచ్‌గా అద్భుత విజయంతో తన ప్రయాణం ముగించాడు. ఈ మెగా టోర్నీలో రోహిత్‌ సేన టైటిల్‌ సాధించడంతో కోచ్‌గా తన జర్నీని సంపూర్ణం చేసుకున్నాడు.ఇక గంభీర్‌ వంతుఇక ఈ ఐసీసీ ఈవెంట్‌ తర్వాత ద్రవిడ్‌ స్థానంలో గౌతం గంభీర్‌ టీమిండియా హెడ్‌కోచ్‌గా నియమితుడయ్యాడు. అతడి నేతృత్వంలో టీమిండియా మిశ్రమ ఫలితాలు పొందుతోంది. అయితే, ఇటీవల స్వదేశంలో న్యూజిలాండ్‌తో టెస్టుల్లో 3-0తో టీమిండియా వైట్‌వాష్‌ కావడంతో గంభీర్‌పై విమర్శలు వచ్చాయి.ఈ క్రమంలో ఆస్ట్రేలియా వేదికగా బోర్డర్‌- గావస్కర్‌ ట్రోఫీలో భారత జట్టు ప్రదర్శనపైనే గౌతీ భవిష్యత్తు ఆధారపడి ఉందనే అభిప్రాయాలు వ్యక్తమవుతున్నాయి. ఈ మెగా సిరీస్‌లో భాగంగా భారత్‌ ఆసీస్‌ టూర్‌లో ఐదు టెస్టులు ఆడనుంది. ఇందులో కనీసం నాలుగు గెలిస్తేనే ఈసారి భారత్‌ పరపంచ టెస్టు చాంపియన్‌షిప్‌ ఫైనల్‌కు చేరుతుంది.పెర్త్‌ టెస్టుపై ద్రవిడ్‌ ఆసక్తిఈ నేపథ్యంలో భారీ అంచనాల నడుమ పెర్త్‌ వేదికగా శుక్రవారం తొలి టెస్టు మొదలైంది. రెగ్యులర్‌ కెప్టెన్‌ రోహిత్‌ శర్మ గైర్హాజరీలో పేస్‌ దళ నాయకుడు జస్‌ప్రీత్‌ బుమ్రా ఈ మ్యాచ్‌లో టీమిండియాకు సారథ్యం వహిస్తున్నాడు. పెర్త్‌లో టాస్‌ గెలిచిన అతడు... తొలుత బ్యాటింగ్‌ ఎంచుకోగా.. టీమిండియా మొదటి ఇన్నింగ్స్‌లో 150 పరుగులకు ఆలౌట్‌ అయింది.అయితే, బ్యాటింగ్‌లో కుప్పకూలినా.. బౌలింగ్‌లో మాత్రం భళా అనిపించింది. తొలి రోజు ఆటలో ఆసీస్‌ను పీకల్లోతు కష్టాల్లోకి నెట్టింది. భారత పేసర్ల దెబ్బకు శుక్రవారం ఆసీస్‌ కేవలం 67 పరుగులకే ఏడు వికెట్లు కోల్పోయింది.ఇక ఈ మ్యాచ్‌ సాధారణ అభిమానులతో పాటు ద్రవిడ్‌లోనూ ఆసక్తి రేపింది. ఆసీస్‌ ఇన్నింగ్స్‌లో ఎన్ని వికెట్లు పడ్డాయి? ఎవరు అవుటయ్యారంటూ ద్రవిడ్‌ ఆరా తీసిన వీడియో వైరల్‌గా మారింది. కాగా ద్రవిడ్‌ ప్రస్తుతం ఐపీఎల్‌-2025 మెగా వేలంతో బిజీగా ఉన్నాడు.అవుటైంది ఎవరు? ఎవరి బౌలింగ్‌లో?అయినప్పటికీ అతడి మనసు టీమిండియా- ఆసీస్‌ మ్యాచ్‌పై ఉండటం విశేషం. ఆసీస్‌ 47 పరుగులకు ఆరు వికెట్లు కోల్పోయిన రాజస్తాన్‌ రాయల్స్‌ సభ్యుడు ఒకరు స్కోరు చెప్తుండగా.. ద్రవిడ్‌ ఎవరు అవుటయ్యారంటూ ఉత్సాహంగా అడిగాడు. రాజస్తాన్ ఫ్రాంఛైజీ ఇందుకు సంబంధించిన వీడియోను తమ సోషల్‌ మీడియా ఖాతాలో షేర్‌ చేసింది. ఇదిలా ఉంటే.. శనివారం నాటి రెండో రోజు ఆటలో భాగంగా భారత్‌ ఆసీస్‌ను కేవలం 104 పరుగులకే ఆలౌట్‌ చేసింది. బుమ్రా ఐదు వికెట్లతో చెలరేగగా.. హర్షిత్‌ రాణా మూడు, మహ్మద్‌ సిరాజ్‌ రెండు వికెట్లు దక్కించుకున్నారు.కాగా ద్రవిడ్‌ ఇటీవలే రాజస్తాన్‌ రాయల్స్‌ హెడ్‌కోచ్‌గా నియమితుడైన విషయం తెలిసిందే. ఇక మెగా వేలం కోసం అతడు ఇప్పటికే సౌదీ అరేబియాలోని జెద్దా నగరానికి చేరుకున్నట్లు తెలుస్తోంది. నవంబరు 24, 25 తేదీల్లో వేలంపాట జరుగనుంది.చదవండి: ఇది నా డ్రీమ్ ఇన్నింగ్స్ కాదు.. అతడే నా ఆరాధ్య దైవం: నితీశ్‌ రెడ్డి Difficult to not keep up with scores when it’s Day 1 of the Border-Gavaskar Trophy 🇮🇳😂🔥 pic.twitter.com/d9qUdkZDoh— Rajasthan Royals (@rajasthanroyals) November 22, 2024

టీమిండియా స్టార్‌ క్రికెటర్‌ విరాట్‌ కోహ్లి గత కొన్ని రోజులుగా ఫామ్‌లేమితో సతమతమవుతున్నాడు. ముఖ్యంగా టెస్టుల్లో స్థాయికి తగ్గట్లు రాణించలేక విమర్శలు మూటగట్టుకుంటున్నాడు. ఇటీవల స్వదేశంలో బంగ్లాదేశ్‌, న్యూజిలాండ్‌తో టెస్టుల్లో నిరాశపరిచిన కోహ్లి.. తనకు ఘనమైన రికార్డు ఉన్న ఆస్ట్రేలియా గడ్డ మీద కూడా శుభారంభం ​అందుకోలేకపోయాడు.జాగ్రత్త పడి ఉంటే..పెర్త్‌ వేదికగా ఆస్ట్రేలియాతో శుక్రవారం మొదలైన టెస్టులో కోహ్లి విఫలమయ్యాడు. తొలి ఇన్నింగ్స్‌లో పన్నెండు బంతులు ఎదుర్కొని కేవలం ఐదు పరుగులే చేశాడు. ఆసీస్‌ పేసర్‌ జోష్‌ హాజిల్‌వుడ్‌ బౌలింగ్‌లో ఉస్మాన్‌ ఖవాజాకు క్యాచ్‌ ఇచ్చి పెవిలియన్‌ చేరాడు. అయితే, కోహ్లి జాగ్రత్త పడి ఉంటే.. వికెట్‌ పడకుండా ఉండేదే!ఎప్పుడెప్పుడు లండన్‌ ఫ్లైట్‌ ఎక్కేద్దామా!ఈ నేపథ్యంలో మరోసారి కోహ్లి ఆట తీరుపై విమర్శలు వస్తున్నాయి. కొంతమందైతే అతడి కుటుంబాన్ని కూడా ఇందులోకి లాగుతూ.. సోషల్‌ మీడియా వేదికగా ట్రోల్‌ చేస్తున్నారు. ‘‘ఎప్పుడెప్పుడు మ్యాచ్‌ ముగుస్తుందా.. ఎప్పుడెప్పుడు లండన్‌ ఫ్లైట్‌ ఎక్కేద్దామా! అని చూడటం తప్ప.. జట్టు కోసం నేనేం చేస్తున్నాన్న ఆలోచనే లేదు’’ అంటూ ఘాటు వ్యాఖ్యలు చేస్తున్నారు.కాగా కోహ్లి భార్య, బాలీవుడ్‌ హీరోయిన్‌ అనుష్క శర్మ తమ రెండో సంతానానికి లండన్‌లో జన్మనిచ్చిన విషయం తెలిసిందే. కుమారుడు అకాయ్‌ పుట్టిన తర్వాత విరుష్క జోడీ ఎక్కువగా అక్కడే గడుపుతోంది. ముఖ్యంగా అనుష్క ఏవైనా ప్రమోషన్లు ఉంటే మాత్రమే ఇండియాకు వస్తోంది.ఆస్ట్రేలియా పర్యటనకు మాత్రం కుటుంబ సమేతంగా!మరోవైపు.. కోహ్లి సైతం ఇండియాలో మ్యాచ్‌ పూర్తవగానే లండన్‌ వెళ్లిపోతున్నాడు. అయితే, ఆస్ట్రేలియా పర్యటనకు మాత్రం కోహ్లి కుటుంబ సమేతంగా వచ్చినట్లు తెలుస్తోంది. తమ పిల్లలు వామిక, అకాయ్‌లను కూడా వెంట తీసుకు వచ్చినట్లు సమాచారం. ఇక పెర్త్‌ స్టేడియంలో అనుష్క టీమిండియాను ఉత్సాహపరుస్తూ కనిపించింది. ముఖ్యంగా శనివారం నాటి రెండో రోజు ఆటలో ఆసీస్‌ ఆలౌట్‌ కాగానే ఆమె ఇచ్చిన రియాక్షన్‌ అభిమానులకు ఫిదా చేస్తోంది.వదినమ్మ వచ్చేసింది..‘‘వదినమ్మ వచ్చేసింది.. కోహ్లి భాయ్‌ నువ్వు సెంచరీ చేయడమే మిగిలి ఉంది’’ అంటూ కామెంట్లు చేస్తున్నారు. కనీసం రెండో ఇన్నింగ్స్‌లోనైనా బ్యాట్‌ ఝులిపిస్తే చూడాలని ఉందని ఫ్యాన్స్‌ రన్‌మెషీన్‌కు సోషల్‌ మీడియా వేదికగా విజ్ఞప్తి చేస్తున్నారు.కాగా బోర్డర్‌- గావస్కర్‌ ట్రోఫీలో భాగంగా తొలి టెస్టులో టీమిండియా తొలి ఇన్నింగ్స్‌లో 150 పరుగులకు ఆలౌట్‌ అయింది. ఆసీస్‌ను 104 పరుగులకే కట్టడి చేసి.. మొదటి ఇన్నింగ్స్‌లో 46 పరుగుల ఆధిక్యం సంపాదించింది. చదవండి: హర్షిత్‌.. నీ కంటే నేను ఫాస్ట్‌గా బౌల్‌ చేయగలను: స్టార్క్‌ వార్నింగ్‌.. రాణా రియాక్షన్‌ వైరల్‌Anushka Sharma Reaction, After Australia's last wicket😍#ViratKohli | #AnushkaSharma pic.twitter.com/AItKHrFfpB— 𝙒𝙧𝙤𝙜𝙣🥂 (@wrognxvirat) November 23, 2024

ఆస్ట్రేలియాతో పెర్త్‌ టెస్టులో టీమిండియా ఓపెనర్‌ కేఎల్‌ రాహుల్‌(26) అవుటైన తీరుపై మిచెల్‌ స్టార్క్‌ స్పందించాడు. థర్డ్‌ అంపైర్‌ నిర్ణయంలో తనకు తప్పేమీ కనిపించడం లేదని పరోక్షంగా వ్యాఖ్యానించాడు. కాగా తొలి టెస్టు తొలి ఇన్నింగ్స్‌లో ఆసీస్‌ పేసర్‌ మిచెల్‌ స్టార్క్‌ వేసిన 22వ ఓవర్‌ రెండో బంతికి.. రాహుల్‌ సందేహాస్పద రీతిలో పెవిలియన్‌ చేరాడు.రివ్యూల్లో స్పష్టత రాకపోయినా...ఫీల్డ్‌ అంపైర్‌ మొదట నాటౌట్‌గా ప్రకటించగా... క్యాచ్‌ అవుట్‌ కోసం ఆసీస్‌ డీఆర్‌ఎస్‌కు వెళ్లింది. పలుమార్లు రీప్లేలు పరిశీలించిన థర్డ్‌ అంపైర్‌ రాహుల్‌ను అవుట్‌గా ప్రకటించాడు. అయితే రివ్యూల్లో స్పష్టత రాకపోయినా... థర్డ్‌ అంపైర్‌ రిచర్డ్‌ ఇల్లింగ్‌వర్త్‌ ఫీల్డ్‌ అంపైర్‌ నిర్ణయాన్ని మార్చడం వివాదాస్పదమైంది.తగిన రుజువు లేకుండా ఇలా చేయడం సరికాదుఈ నేపథ్యంలో టీమిండియా మాజీ హెడ్‌కోచ్‌, కామెంటేటర్‌ రవిశాస్త్రి స్పందిస్తూ.. ‘బంతి బ్యాట్‌ను సమీపించిన సమయంలో అవుట్‌ సైడ్‌ ఎడ్జ్‌పై స్పైక్‌ కనిపించింది’ అని థర్డ్‌ అంపైర్‌ పేర్కొనడం... సరైన నిర్ణయం కాకపోవచ్చు’’ అని అభిప్రాయపడ్డాడు. అంతేకాదు.. నిర్దిష్టమైన రుజువు లేకుండా ఫీల్డ్‌ అంపైర్‌ నిర్ణయాన్ని తప్పుబట్టడం సరైంది కాదని వ్యాఖ్యానించాడు. ‘ఫీల్డ్‌ అంపైర్‌ నిర్ణయాన్ని మార్చే ఆధారాలేవీ రీప్లేలో కనిపించలేదు. నా వరకైతే తగిన రుజువు లేకుండా నిర్ణయాన్ని సమీక్షించడం సరైంది కాదు’ అని అన్నాడు.మరోవైపు.. ఆస్ట్రేలియా మాజీ ఆటగాడు మైక్‌ హస్సీ కూడా ఇలాంటి అభిప్రాయమే వ్యక్తం చేశాడు. ‘ఇది వివాదాస్పద నిర్ణయం. స్నికోపై స్పైక్‌ రావడం వాస్తవమే కానీ అది బంతి బ్యాట్‌ను తాకినప్పుడు వచ్చిందా లేక ప్యాడ్‌ తాకినప్పుడా అనేది తేలాలి. దీనిపై నాకు కూడా సందేహాలు ఉన్నాయి’ అని హస్సీ అన్నాడు.ఇది చాలా ధైర్యంతో కూడిన నిర్ణయంఅయితే, ఆసీస్‌ మాజీ సారథి‌ మార్క్‌వా మాట్లాడుతూ... ‘ఇది చాలా ధైర్యంతో కూడిన నిర్ణయం. దీంతో రాహుల్‌ సంతృప్తిగా ఉండకపోవచ్చు’ అని పేర్కొనడం గమనార్హం. ఇక.. భారత మాజీ ఓపెనర్‌ వసీం జాఫర్‌ ఎక్స్‌ వేదికగా స్పందిస్తూ.. ‘మరో కోణం నుంచి చూడా లని థర్డ్‌ అంపైర్‌ కోరినా... అది అందుబాటులో లేకపోయింది. మరి ఇలాంటి సందేహాస్పద పరిస్థితిలో అంపైర్‌ నిర్ణయాన్ని మార్చడం ఎందుకు’ అని ట్వీట్‌ చేశాడు. అదే విధంగా.. ‘స్పష్టత లేనప్పుడు అవుట్‌ ఇవ్వకూడదు’ అని ఇర్ఫాన్‌ పఠాన్‌ ‘ఎక్స్‌’లో పోస్ట్‌ చేశాడు.స్టార్క్‌ స్పందన ఇదేఈ నేపథ్యంలో... శుక్రవారం నాటి తొలి రోజు ఆట ముగిసిన అనంతరం మీడియాతో మాట్లాడుతూ.. ‘‘ఫీల్డ్‌ అంపైర్‌ నిర్ణయం తారుమారైంది. అయితే, అది సరైందే అనుకుంటున్నా. శబ్దం వచ్చిన మాట నిజం. ఆ వికెట్‌ సరైందేనని భావిస్తున్నా’’ అని స్టార్క్‌ పేర్కొన్నాడు.ఇదిలా ఉంటే.. శుక్రవారం మొదలైన తొలి టెస్టులో టాస్‌ గెలిచిన టీమిండియా తొలుత బ్యాటింగ్‌ చేసి.. 150 పరుగులకు ఆలౌట్‌ అయింది. ఈ క్రమంలో శనివారం ఆటలో ఆసీస్‌ను తొలి ఇన్నింగ్స్‌లో 104 పరుగులకే కుప్పకూల్చింది. ఫలితంగా 46 పరుగుల స్పల్ప ఆధిక్యంతో రెండో ఇన్నింగ్స్‌ మొదలుపెట్టింది.చదవండి: హర్షిత్‌.. నీ కంటే నేను ఫాస్ట్‌గా బౌల్‌ చేయగలను: స్టార్క్‌ వార్నింగ్‌.. రాణా రియాక్షన్‌ వైరల్‌Matthew Hayden explaining the KL Rahul bat-pad scenario. - Unlucky, KL. 💔 pic.twitter.com/lf0UOWwmy8— Mufaddal Vohra (@mufaddal_vohra) November 22, 2024

టీమిండియా స్టార్‌ బౌలర్‌ జస్‌ప్రీత్‌ బుమ్రా అరుదైన ఘనత సాధించాడు. టెస్టుల్లో ఐదు వికెట్ల ప్రదర్శన నమోదు చేసిన కెప్టెన్ల జాబితాలో చోటు సంపాదించాడు. అదే విధంగా.. భారత దిగ్గజ పేసర్‌ జహీర్‌ ఖాన్‌, ఇషాంత్‌ శర్మల రికార్డును సమం చేశాడు. అసలు విషయం ఏమిటంటే!..బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఆస్ట్రేలియాకు వెళ్లింది. ఈ క్రమంలో ఇరుజట్ల మధ్య శుక్రవారం తొలి టెస్టు మొదలైంది. అయితే, భారత జట్టు రెగ్యులర్‌ కెప్టెన్‌ రోహిత్‌ శర్మ వ్యక్తిగత కారణాల వల్ల దూరం కాగా.. పేస్‌ దళ నాయకుడు బుమ్రా పగ్గాలు చేపట్టాడు. ఇక పెర్త్‌ వేదికగా మొదటి టెస్టులో టాస్‌ గెలిచిన బుమ్రా.. తొలుత బ్యాటింగ్‌ ఎంచుకున్నాడు.టీమిండియా 150 పరుగులకు ఆలౌట్‌ఈ క్రమంలో టీమిండియా 150 పరుగులకు ఆలౌట్‌ అయి తమ తొలి ఇన్నింగ్స్‌ ముగించింది. అనంతరం బ్యాటింగ్‌కు దిగిన ఆసీస్‌.. మొదటి రోజు ఆట పూర్తయ్యేసరికి ఏడు వికెట్ల నష్టానికి 67 పరుగులు చేసింది. శుక్రవారం బుమ్రా నాలుగు వికెట్లు దక్కించుకోగా.. మహ్మద్‌ సిరాజ్‌ రెండు, హర్షిత్‌ రాణా ఒక వికెట్‌ తీశారు.రెండో రోజు ఆరంభంలోనే బుమ్రా ఇలాఈ నేపథ్యంలో ఆస్ట్రేలియా శనివారం నాటి రెండో రోజు ఆట మొదలుపెట్టిన కాసేపటికే వికెట్‌ కోల్పోయింది. ప్రమాదకారిగా మారే అవకాశం ఉన్న ఆసీస్‌ వికెట్‌ కీపర్‌ అలెక్స్‌ క్యారీ(21)ని అవుట్‌ చేసి బుమ్రా బ్రేక్‌ ఇచ్చాడు. అంతేకాదు.. పెర్త్‌ టెస్టులో తన ఖాతాలో ఐదో వికెట్‌ జమచేసుకున్నాడు. ఓవరాల్‌గా బుమ్రాకు ఇది టెస్టుల్లో పదకొండో ఫైవ్‌ వికెట్‌ హాల్‌ కాగా.. సారథిగా మొదటిది.ఈ క్రమంలో టెస్టుల్లో ఐదు వికెట్ల ప్రదర్శన నమోదు చేసిన టీమిండియా కెప్టెన్ల సరసన బుమ్రా చేరాడు. అతడి కంటే ముందు.. వినోద్‌ మన్కడ్‌, బిషన్‌ బేడి, కపిల్‌ దేవ్‌, అనిల్‌ కుంబ్లే ఈ ఘనత సాధించారు. ఇదిలా ఉంటే.. టెస్టుల్లో టీమిండియా తరఫున అత్యధికసార్లు ఫైవ్‌ వికెట్‌ హాల్‌ సాధించిన బౌలర్ల జాబితాలో జహీర్‌ ఖాన్‌, ఇషాంత్‌ శర్మలను బుమ్రా వెనక్కినెట్టడం మరో విశేషం.టెస్టుల్లో టీమిండియా తరఫున ఐదు వికెట్ల ప్రదర్శన(ఒకే ఇన్నింగ్స్‌) నమోదు చేసిన టీమిండియా కెప్టెన్లు1. వినోద్‌ మన్కడ్‌(1)2. బిషన్‌ బేడి(8)3. కపిల్‌ దేవ్‌(4)4. అనిల్‌ కుంబ్లే(2)5. జస్‌ప్రీత్‌ బుమ్రా(1)టెస్టుల్లో అత్యధికసార్లు ఫైవ్‌ వికెట్‌ హాల్‌ సాధించిన భారత బౌలర్లు1. రవిచంద్రన్ అశ్విన్ - 37 (105 మ్యాచ్‌లు) 2. అనిల్ కుంబ్లే - 35 (132 మ్యాచ్‌లు) 3. హర్భజన్ సింగ్ - 25 (103 మ్యాచ్‌లు) 4. కపిల్ దేవ్ - 23 (131 మ్యాచ్‌లు) 5. బీఎస్ చంద్రశేఖర్ - 16 (58 మ్యాచ్‌లు) 6. రవీంద్ర జడేజా - 15 (77 మ్యాచ్‌లు) 7. బిషన్ సింగ్ బేడీ - 14 (67 మ్యాచ్‌లు) 8. సుభాశ్‌ చంద్ర పండరీనాథ్ గుప్తే - 12 (36 మ్యాచ్‌లు) 9. జస్‌ప్రీత్‌ బుమ్రా - 11 (41 మ్యాచ్‌లు) 10. జహీర్ ఖాన్ - 11 (92 మ్యాచ్‌లు) 11. ఇషాంత్ శర్మ - 11 (105 మ్యాచ్‌లు)ఇదిలా ఉంటే.. ఆసీస్‌ తొలి ఇన్నింగ్స్‌లో 104 పరుగులకు ఆలౌట్‌ అయింది. దీంతో టీమిండియాకు తొలి ఇన్నింగ్స్‌లో 46 పరుగుల ఆధిక్యం లభించింది. భారత పేసర్లలో బుమ్రా ఐదు, రాణా మూడు, సిరాజ్‌ రెండు వికెట్లు దక్కించుకున్నారు.చదవండి: హర్షిత్‌.. నీ కంటే నేను ఫాస్ట్‌గా బౌల్‌ చేయగలను: స్టార్క్‌ వార్నింగ్‌.. రాణా రియాక్షన్‌ వైరల్‌Make that FIVE! There's the first five-wicket haul of the series #MilestoneMoment #AUSvIND @nrmainsurance pic.twitter.com/t4KIdyMTLI— cricket.com.au (@cricketcomau) November 23, 2024

ఆస్ట్రేలియా- టీమిండియా మధ్య తొలి టెస్టు.. రెండో రోజు ఆట సందర్భంగా ఆసక్తికర ఘటన చోటుచేసుకుంది. ఆసీస్‌ స్టార్‌ పేసర్‌ మిచెల్‌ స్టార్క్‌.. భారత యువ ఫాస్ట్‌ బౌలర్‌ హర్షిత్‌ రాణాకు ‘స్వీట్‌ వార్నింగ్‌’ ఇచ్చాడు. అయితే, ఇందుకు హర్షిత్‌ స్పందించిన తీరు నెట్టింట వైరల్‌గా మారింది.బోర్డర్‌- గావస్కర్‌ ట్రోఫీలో భాగంగా ఆసీస్‌- భారత్‌ మధ్య ఐదు టెస్టులు జరుగనున్నాయి. ఇందులో భాగంగా పెర్త్‌ వేదికగా ఇరుజట్ల మధ్య శుక్రవారం మొదటి టెస్టు ఆరంభమైంది. ఇక ఈ మ్యాచ్‌కు వ్యక్తిగత కారణాల దృష్ట్యా రోహిత్‌ శర్మ దూరం కాగా.. ప్రధాన పేసర్‌ జస్‌ప్రీత్‌ బుమ్రా భారత జట్టుకు సారథ్యం వహిస్తున్నాడు.ఇక పెర్త్‌లో టాస్‌ గెలిచిన బుమ్రా తొలుత బ్యాటింగ్‌ ఎంచుకోగా.. టీమిండియా తమ తొలి ఇన్నింగ్స్‌లో 150 పరుగులకు ఆలౌట్‌ అయింది. దీంతో ఆతిథ్య ఆసీస్‌ సైతం తొలి రోజే బ్యాటింగ్‌కు దిగింది. ఈ క్రమంలో ఆది నుంచే ఆసీస్‌ బ్యాటర్లను టార్గెట్‌ చేస్తూ పేస్‌ దళ నాయకుడు బుమ్రా వికెట్ల వేట మొదలుపెట్టగా.. మహ్మద్‌ సిరాజ్‌, హర్షిత్‌ రాణా అతడికి సహకారం అందించారు.రాణా తొలి వికెట్‌ అతడేఫలితంగా శుక్రవారం నాటి ఆటలో టీమిండియా పైచేయి సాధించగలిగింది. బుమ్రా నాలుగు వికెట్లతో రాణించగా.. సిరాజ్‌ రెండు వికెట్లు కూల్చాడు. ఇక అరంగేట్ర బౌలర్‌ హర్షిత్‌ రాణా ట్రవిస్‌ హెడ్‌(11) రూపంలో తన అంతర్జాతీయ క్రికెట్‌ కెరీర్‌లో తొలి వికెట్‌ దక్కించుకున్నాడు. ఇదిలా ఉంటే.. తొలి రోజు ఆట పూర్తయ్యే సరికి ఆసీస్‌ ఏడు వికెట్ల నష్టానికి 67 రన్స్‌ మాత్రమే చేసింది.అంతేకాదు.. శనివారం నాటి రెండో రోజు ఆరంభంలోనే వికెట్‌ తీసి మరోసారి దూకుడు ప్రదర్శించింది. ప్రమాదకారిగా మారుతున్న అలెక్స్‌ క్యారీ(21)ని బుమ్రా అవుట్‌ చేయగా.. నాథన్‌ లియాన్‌(5)ను హర్షిత్‌ పెవిలియన్‌కు పంపాడు.అయితే, ఆసీస్‌ ఫాస్ట్‌ బౌలర్‌ మిచెల్‌ స్టార్క్‌ మాత్రం క్రీజులో పాతుకుపోయి.. భారత బౌలర్ల సహనాన్ని పరీక్షించాడు. ఈ క్రమంలో ఆసీస్‌ ఇన్నింగ్స్‌ 40వ ఓవర్‌లో బుమ్రా.. హర్షిత్‌ను రంగంలోకి దించాడు. ఈ క్రమంలో మూడో బంతిని హర్షిత్‌ బౌన్సర్‌గా సంధించగా.. స్టార్క్‌ హెల్మెట్‌కు తగిలింది.హర్షిత్‌.. నేను నీ కంటే వేగంగా బౌలింగ్‌ చేయగలనుదీంతో కంగారూపడిన హర్షిత్‌ స్టార్క్‌ వైపు చూస్తూ అంతే ఓకే కదా అన్నట్లు సైగలతోనే అడిగాడు. ఇందుకు బదులుగా నవ్వులు చిందించిన స్టార్క్‌.. ‘‘హర్షిత్‌.. నేను నీ కంటే వేగంగా బౌలింగ్‌ చేయగలను. పాత జ్ఞాపకాలు గుర్తున్నాయి’’ అంటూ ఐపీఎల్‌లో తాము కలిసి ఆడిన విషయాన్ని గుర్తు చేశాడు.ఇక స్టార్క్‌ మాటలతో ఒక్కసారిగా హర్షిత్‌ చిరునవ్వులు చిందిస్తూ అలాగే అన్నట్లు తలూపాడు. మామూలుగా ఆసీస్‌- భారత్‌ మ్యాచ్‌ అంటే స్లెడ్జింగ్‌ మొదట గుర్తుకువస్తుంది. అయితే, హర్షిత్‌- స్టార్క్‌ మాత్రం ఇలా ఫ్రెండ్లీగా ఉండటం అభిమానులను ఆకర్షించింది. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది.కాగా ఐపీఎల్‌-2024లో హర్షిత్‌ రాణా, స్టార్క్‌ కోల్‌కతా నైట్‌ రైడర్స్‌కు ప్రాతినిథ్యం వహించారు. జట్టును చాంపియన్‌గా నిలపడంలో ఈ ఇద్దరు పేసర్లు తమ వంతు పాత్రలు పోషించారు. అదీ సంగతి!!104 పరుగులకే కుప్పకూలిన ఆసీస్‌ఇక క్రీజులో పాతుకుపోయి జిడ్డు బ్యాటింగ్‌తో భారత బౌలర్లను ఇబ్బంది పెట్టిన స్టార్క్‌ వికెట్‌ను ఆఖరికి హర్షిత్‌ దక్కించుకోవడం విశేషం. మొత్తంగా 112 బంతులు ఎదుర్కొని 26 పరుగులు చేసిన స్టార్క్‌ పదో వికెట్‌గా వెనుదిరగడంతో ఆసీస్‌ ఆలౌట్‌ అయింది. తొలి ఇన్నింగ్స్‌లో 104 పరుగులకే కుప్పకూలింది. భారత బౌలర్లలో బుమ్రా ఐదు, రాణా మూడు, సిరాజ్‌ రెండు వికెట్లు తీశారు.Mitch Starc offers a little warning to Harshit Rana 😆#AUSvIND pic.twitter.com/KoFFsdNbV2— cricket.com.au (@cricketcomau) November 23, 2024

Australia vs India, 1st Test Day 2 At Perth Updates: అదరగొట్టిన భారత ఓపెనర్లు.. రెండో రోజు మనదేపెర్త్‌ టెస్టులో టీమిండియా ఆధిపత్యం కొనసాగుతోంది. రెండో రోజు ఆటలో కూడా భారత జట్టు అదరగొట్టింది. రెండో రోజు ఆట ముగిసే సమయానికి టీమిండియా వికెట్‌ నష్టపోకుండా 172 పరుగులు చేసింది. భారత ఓపెనర్లు యశస్వీ జైశ్వాల్‌, రాహుల్‌ అద్బుతంగా ఆడుతున్నారు. జైశ్వాల్‌(90), రాహుల్‌(62) ఆజేయంగా నిలిచారు. ప్రస్తుతం టీమిండియా 218 పరుగుల ఆధిక్యంలో కొనసాగుతోంది.కేఎల్‌ రాహుల్‌ హాఫ్‌ సెంచరీ..టీమిండియా ఓపెనర్‌ కేఎల్‌ రాహుల్‌ తన హాఫ్‌ సెంచరీ మార్క్‌ను అందుకున్నాడు. జైశ్వాల్‌తో కలిసి భారత ఇన్నింగ్స్‌ను రాహుల్‌ ముందుకు నడిపిస్తున్నాడు. క్రీజులో జైశ్వాల్‌(74), కేఎల్‌ రాహుల్‌(56) పరుగులతో ఉన్నారు. టీమిండియా స్కోరు- 145/0 (37.4). 191 పరుగుల లీడ్‌.యశస్వి జైస్వాల్‌ హాఫ్‌ సెంచరీఆసీస్‌తో తొలి టెస్టు తొలి ఇన్నింగ్స్‌లో డకౌట్‌ అయిన జైస్వాల్‌.. రెండో ఇన్నింగ్స్‌లో అర్ధ శతకంతో మెరిశాడు. నాథన్‌ లియాన్‌ బౌలింగ్‌లో సింగిల్‌ తీసి యాభై పరుగులు పూర్తి చేసుకున్నాడు. టెస్టుల్లో జైస్వాల్‌కు ఇది తొమ్మిదో ఫిఫ్టీ. మరోవైపు రాహుల్‌ కూడా నిలకడగా ఆడుతున్నాడు. టీమిండియా స్కోరు- 100/0 (37.4). 146 పరుగుల లీడ్‌.టీ బ్రేక్‌ సమయానికి టీమిండియా స్కోరు: 84/0 (26)జైస్వాల్‌ 42, రాహుల్‌ 34 పరుగులతో క్రీజులో ఉన్నారు. 26 ఓవర్లు పూర్తయ్యేసరికి టీమిండియా ఆధిక్యం 130 పరుగులు.20 ఓవర్లు ముగిసే సరికి టీమిండియా స్కోరు 75-0రాహుల్‌ 29, జైస్వాల్‌ 38 పరుగులతో ఆడుతున్నారు. తొలి ఇన్నింగ్స్‌లో భారత్‌ ప్రస్తుతం 121 పరుగుల మెరుగైన ఆధిక్యంలో ఉంది.నిలకడగా ఆడుతున్న టీమిండియా ఓపెనర్లుటీమిండియా తమ రెండో ఇన్నింగ్స్‌ ఆరంభించింది. ఓపెనర్లు కేఎల్‌ రాహుల్‌, యశస్వి జైస్వాల్‌ నిలకడగా ఆడుతున్నారు. శనివారం నాటి రెండో రోజు ఆటలో 12 ఓవర్లు ముగిసే సరికి రాహుల్‌ 29 బంతులు ఎదుర్కొని ఎనిమిది, జైస్వాల్‌ 43 బంతులు ఎదుర్కొని 16 పరుగులు చేశారు. భారత్‌ స్కోరు: 30-0(12).ఆస్ట్రేలియా ఆలౌట్‌.. స్కోరు ఎంతంటే?టీమిండియాతో తొలి టెస్టు రెండో రోజు ఆటలో భాగంగా ఆస్ట్రేలియా ఆలౌట్‌ అయింది. తొలి ఇన్నింగ్స్‌లో 104 పరుగులకే కుప్పకూలింది. ఆసీస్‌ ఆటగాళ్లలో టెయిలెండర్‌ మిచెల్‌ స్టార్క్‌ 26 పరుగులతో టాప్‌ స్కోరర్‌గా నిలవడం విశేషం.అయితే, స్టార్క్‌ను అవుట్‌ చేసేందుకు భారత బౌలర్లు సుదీర్ఘంగా నిరీక్షించాల్సి వచ్చింది. ఎట్టకేలకు హర్షిత్‌ రాణా అతడిని పెవిలియన్‌కు పంపడంతో ఆసీస్‌ ఇన్నింగ్స్‌కు తెరపడింది. ఇదిలా ఉంటే.. ఆస్ట్రేలియా బ్యాటింగ్‌ ఆర్డర్‌లో స్టార్క్‌తో పాటు వాళ్లలో వికెట్‌ కీపర్‌ అలెక్స్‌ క్యారీ(21) మాత్రమే చెప్పుకోదగ్గ స్కోరు చేశాడు. మిగిలిన వాళ్లంతా పూర్తిగా విఫలమయ్యారు.ఇక టీమిండియా బౌలర్లలో ప్రధాన పేసర్‌ బుమ్రాకు అత్యధికంగా ఐదు వికెట్లు దక్కగా.. హర్షిత్‌ మూడు, సిరాజ్‌ రెండు వికెట్లు పడగొట్టారు. తొలి ఇన్నింగ్స్‌లో టీమిండియాకు 46 పరుగుల ఆధిక్యం లభించింది. కాగా తొలి రోజు ఆటలో భారత్‌ 150 పరుగులకు ఆలౌట్‌ అయిన విషయం తెలిసిందే.తొమ్మిదో వికెట్‌ కోల్పోయిన ఆసీస్‌హర్షిత్‌ రాణా బౌలింగ్‌లో నాథన్‌ లియాన్‌ థర్డ్‌ స్లిప్‌లో ఉన్న కేఎల్‌ రాహుల్‌కు క్యాచ్‌ ఇచ్చి అవుటయ్యాడు. దీంతో ఆసీస్‌ తొమ్మిదో వికెట్‌ కోల్పోగా.. హర్షిత్‌ ఖాతాలో రెండో వికెట్‌ జమైంది. జోష్‌ హాజిల్‌ వుడ్‌ క్రీజులోకి వచ్చాడు. స్టార్క్‌ 11 పరుగులతో ఉన్నాడు. ఆసీస్‌ స్కోరు: 79/9 (33.3).ఎనిమిదో వికెట్‌ కోల్పోయిన ఆస్ట్రేలియాఆస్ట్రేలియాతో పెర్త్‌ టెస్టు రెండో రోజు ఆట ఆరంభంలోనే టీమిండియా అదరగొట్టింది. కెప్టెన్‌ బుమ్రా బౌలింగ్‌లో అలెక్స్‌ క్యారీ(21) అవుటయ్యాడు. పంత్‌కు క్యాచ్‌ ఇచ్చి అతడు పెవిలియన్‌ చేరాడు. దీంతో ఆస్ట్రేలియా ఎనిమిదో వికెట్‌ కోల్పోయింది. నాథన్‌ లియాన్‌ క్రీజులోకి వచ్చాడు. స్కోరు: 70-8(29).రెండో రోజు ఆట ఆరంభంఆస్ట్రేలియా- టీమిండియా మధ్య తొలి టెస్టు రెండో రోజు ఆట ఆరంభమైంది. శనివారం 67/7 ఓవర్‌ నైట్‌ స్కోరుతో ఆసీస్‌ తమ ఇన్నింగ్స్‌ మొదలుపెట్టింది.కాగా బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఆస్ట్రేలియాకు వెళ్లింది. ఈ క్రమంలో ఆసీస్‌తో శుక్రవారం తొలి టెస్టు మొదలుపెట్టింది. పెర్త్‌ స్టేడియంలో జరుగుతున్న ఈ మ్యాచ్‌లో టాస్‌ గెలిచిన భారత జట్టు తాత్కాలిక కెప్టెన్‌ జస్‌ప్రీత్‌ బుమ్రా తొలుత బ్యాటింగ్‌ ఎంచుకున్నాడు.ఆదుకున్న నితీశ్‌ రెడ్డి, పంత్‌టాపార్డర్‌ కుదేలైన వేళ మిడిలార్డర్‌ బ్యాటర్‌ రిషభ్‌ పంత్‌(37), లోయర్‌ ఆర్డర్‌లో ఆల్‌రౌండర్‌ నితీశ్‌ రెడ్డి(41) రాణించారు. ఫలితంగా టీమిండియా తమ తొలి ఇన్నింగ్స్‌లో 150 పరుగుల మేర గౌరవప్రదమైన స్కోరు చేసి ఆలౌట్‌ అయింది. ఆసీస్‌ పేసర్లలో హాజిల్‌వుడ్‌ నాలుగు వికెట్లు దక్కించుకోగా.. స్టార్క్‌, కెప్టెన్‌ కమిన్స్‌, మిచెల్‌ మార్ష్‌ రెండేసి వికెట్లు తమ ఖాతాలో వేసుకున్నారు.తొలి రోజు బుమ్రాకు నాలుగు వికెట్లుఈ క్రమంలో తొలిరోజే బ్యాటింగ్‌ మొదలుపెట్టిన ఆసీస్‌కు భారత పేసర్లు చుక్కలు చూపించారు. బుమ్రా నాలుగు వికెట్లతో చెలరేగగా.. మహ్మద్‌ సిరాజ్‌ రెండు, అరంగేట్ర బౌలర్‌ హర్షిత్‌ ఒక వికెట్‌ పడగొట్టారు. ఇక టీమిండియా బౌలర్ల దెబ్బకు ఆసీస్‌ బ్యాటింగ్‌ ఆర్డర్‌ కుదేలు కాగా.. తొలి రోజు ఆట ముగిసే సరికి ఏడు వికెట్ల నష్టానికి కేవలం 67 పరుగులు చేసింది.ఆస్ట్రేలియా ఆటగాళ్లలో ఓపెనర్లు ఉస్మాన్‌ ఖవాజా(8), అరంగేట్ర బ్యాటర్‌ నాథన్‌ మెక్‌స్వీనీ(10), స్టీవ్‌ స్మిత్‌(0), ప్యాట్‌ కమిన్స్‌(3) వికెట్లను బుమ్రా పడగొట్టగా.. మార్నస్‌ లబుషేన్‌(2), మార్ష్‌(6)ను సిరాజ్‌ వెనక్కి పంపాడు. హర్షిత్‌ రాణా ట్రవిస్‌ హెడ్‌ను అవుట్‌ చేసి అంతర్జాతీయ క్రికెట్‌లో తన వికెట్ల ఖాతా తెరిచాడు.తుదిజట్లుటీమిండియాకేఎల్ రాహుల్, యశస్వి జైస్వాల్, దేవదత్ పడిక్కల్, విరాట్ కోహ్లి, రిషభ్‌ పంత్ (వికెట్ కీపర్), ధృవ్ జురెల్, నితీశ్ రెడ్డి, వాషింగ్టన్ సుందర్, హర్షిత్ రాణా, జస్‌ప్రీత్ బుమ్రా (కెప్టెన్), మహ్మద్ సిరాజ్.ఆస్ట్రేలియాఉస్మాన్ ఖవాజా, నాథన్ మెక్ స్వీనీ, మార్నస్ లబుషేన్, స్టీవ్ స్మిత్, ట్రవిస్ హెడ్, మిచెల్ మార్ష్, అలెక్స్ క్యారీ (వికెట్ కీపర్), ప్యాట్ కమిన్స్ (కెప్టెన్), మిచెల్ స్టార్క్, నాథన్ లియాన్, జోష్ హాజిల్‌వుడ్‌.చదవండి: ఇది నా డ్రీమ్ ఇన్నింగ్స్ కాదు.. అతడే నా ఆరాధ్య దైవం: నితీశ్‌ రెడ్డి

ఆస్ట్రేలియాతో పెర్త్‌ టెస్టులో తొలి రోజు టీమిండియా పైచేయి సాధించింది. పేసర్ల విజృంభణ కారణంగా పటిష్ట స్థితిలో నిలిచింది. బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు భారత జట్టు ఆసీస్‌ టూర్‌కు వెళ్లింది. ఈ క్రమంలో ఇరుజట్ల మధ్య శుక్రవారం పెర్త్‌లో మొదటి టెస్టు ఆరంభమైంది.ఆసీస్‌ పేసర్లు ఆది నుంచే చెలరేగడంతోటాస్‌ గెలిచిన టీమిండియా తాత్కాలిక కెప్టెన్‌, ప్రధాన పేసర్‌ జస్‌ప్రీత్‌ బుమ్రా తొలుత బ్యాటింగ్‌ ఎంచుకున్నాడు. అయితే, బాల్‌ ఆది నుంచే బాగా స్వింగ్‌ కావడంతో భారత బ్యాటర్లు క్రీజులో నిలదొక్కుకోవడం కష్టంగా మారింది. తమకు అనుకూలిస్తున్న పిచ్‌పై ఆసీస్‌ పేసర్లు ఆది నుంచే చెలరేగారు. మిచెల్‌ స్టార్క్‌ టీమిండియా ఓపెనర్‌ యశస్వి జైస్వాల్‌ను డకౌట్‌ చేసి ఆసీస్‌కు శుభారంభం అందించాడు.అదే విధంగా.. క్రీజులో నిలదొక్కున్న మరో ఓపెనర్‌ కేఎల్‌ రాహుల్‌(26)ను సైతం స్టార్క్‌ పెవిలియన్‌కు పంపాడు. మరోవైపు.. జోష్‌ హాజిల్‌వుడ్‌ వన్‌డౌన్‌ బ్యాటర్‌ దేవ్‌దత్‌ పడిక్కల్‌(0)ను అవుట్‌ చేసి తన ఖాతా తెరిచాడు. అంతేకాదు కీలకమైన విరాట్‌ కోహ్లి(5) వికెట్‌ను కూడా తానే దక్కించుకున్నాడు.పంత్‌, నితీశ్‌ రాణించగా..అయితే, రిషభ్‌ పంత్‌(37), అరంగేట్ర ఆల్‌రౌండర్‌ నితీశ్‌ రెడ్డి(41) పట్టుదలగా నిలబడి.. ఆసీస్‌ పేసర్లను సమర్థవంతంగా ఎదుర్కొంటూ .. టీమిండియాను మెరుగైన స్కోరు దిశగా నడిపించారు. వీరిద్దరు రాణించడం వల్ల.. భారత్‌ తమ తొలి ఇన్నింగ్స్‌లో 150 పరుగులకు ఆలౌట్‌ అయింది. మిగతా వాళ్లలో ధ్రువ్‌ జురెల్‌(11), వాషింగ్టన్‌ సుందర్‌(4), హర్షిత్‌ రాణా(7), కెప్టెన్‌ బుమ్రా(8) నిరాశపరిచారు.వికెట్ల వేట మొదలు పెట్టిన బుమ్రా ఆసీస్‌ పేసర్లలో హాజిల్‌వుడ్‌ ఓవరాల్‌గా నాలుగు, కమిన్స్‌, స్టార్క్‌, మిచెల్‌ మార్ష్‌ తలా రెండు వికెట్లు దక్కించుకున్నారు. ఈ క్రమంలో తొలి ఇన్నింగ్స్‌ మొదలుపెట్టిన ఆస్ట్రేలియాకు.. బుమ్రా ఆది నుంచే చుక్కలు చూపించాడు. ఓపెనర్‌, అరంగేట్ర బ్యాటర్‌ నాథన్‌ మెక్‌స్వీనీ(10)ని అవుట్‌ చేసి వికెట్ల వేట మొదలుపెట్టాడు.ఒకే ఓవర్లో ఇద్దరిని అవుట్‌ చేసిఆ తర్వాత ఒకే ఓవర్లో స్టీవ్‌ స్మిత్‌(0), ఉస్మాన్‌ ఖవాజా(8)లను అవుట్‌ చేసి సత్తా చాటాడు. ఈ క్రమంలో 19 పరుగులకే మూడు వికెట్లు కోల్పోయి ఆసీస్‌ కష్టాల్లో పడిన వేళ.. వన్‌డౌన్‌ బ్యాటర్‌ మార్నస్‌ లబుషేన్‌ పరుగులు చేయకపోయినా.. వికెట్‌ పడకుండా జాగ్రత్త పడుతూ.. భారత బౌలర్ల సహనాన్ని పరీక్షించాడు. హర్షిత్‌ రాణాకు తొలి వికెట్‌మొత్తంగా 52 బంతులు ఎదుర్కొని కేవలం రెండు పరుగులు చేసిన లబుషేన్‌ను సిరాజ్‌ అవుట్‌ చేశాడు. అంతకు ముందు మార్ష్‌(6) వికెట్‌ను కూడా సిరాజ్‌ తన ఖాతాలో వేసుకున్నాడు. ఇక ట్రవిస్‌ హెడ్‌(11)ను బౌల్డ్‌ చేసి హర్షిత్‌ రాణా టెస్టుల్లో తన తొలి వికెట్‌ నమోదు చేయగా.. కెప్టెన్‌ ప్యాట్‌ కమిన్స్‌(3) వికెట్‌ను భారత సారథి బుమ్రా దక్కించుకున్నాడు. ఈ క్రమంలో శుక్రవారం నాటి తొలి రోజు ఆట ముగిసే సరికి ఆస్ట్రేలియా 27 ఓవర్లలో ఏడు వికెట్లు నష్టపోయి 67 మాత్రమే పరుగులు చేసింది. ఫలితంగా టీమిండియా తొలి ఇన్నింగ్స్‌లో ఆసీస్‌ కంటే 83 పరుగుల ఆధిక్యంలో నిలిచింది. కాగా అలెక్స్‌ క్యారీ(19*), స్టార్క్‌(6*) మొదటి రోజు ఆట పూర్తయ్యేసరికి క్రీజులో ఉన్నారు. ఇక భారత బౌలర్లలో బుమ్రా ఓవరాల్‌గా నాలుగు వికెట్లు తీయగా.. సిరాజ్‌ రెండు, రాణా ఒక వికెట్‌ తమ ఖాతాలో వేసుకున్నారు.చదవండి: బుమ్రాను ఒప్పించిన కోహ్లి.. ఆరంభంలోనే ఆసీస్‌కు షాకులు

పెర్త్‌ టెస్టులో టీమిండియా కెప్టెన్‌ జస్‌ప్రీత్‌ బుమ్రా తన పేస్‌ పదునుతో ఆస్ట్రేలియా బౌలర్లకు చుక్కలు చూపిస్తున్నాడు. ఆరంభం నుంచే దూకుడు ప్రదర్శిస్తూ.. వరుస విరామాల్లో వికెట్లు తీశాడు. బుమ్రా దెబ్బకు ఆసీస్‌ ఓపెనింగ్‌ ద్వయం చేతులెత్తేసింది.అదే విధంగా.. అనుభవజ్ఞుడైన స్టీవ్‌ స్మిత్‌ను సైతం బుమ్రా అద్భుత రీతిలో డకౌట్‌గా పెవిలియన్‌కు పంపాడు. బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు టెస్టులు ఆడనుంది. ఇందులో భాగంగా పెర్త్‌ వేదికగా శుక్రవారం మ్యాచ్‌ మొదలైంది. రెగ్యులర్‌ కెప్టెన్‌ రోహిత్‌ శర్మ గైర్హాజరీలో బుమ్రా టీమిండియా తాత్కాలిక సారథిగా వ్యవహరిస్తున్నాడు.రాణించిన పంత్‌, నితీశ్‌ఇక టాస్‌ గెలిచిన బుమ్రా తొలుత బ్యాటింగ్‌ ఎంచుకోగా.. భారత జట్టు తమ తొలి ఇన్నింగ్స్‌లో 150 పరుగులకు ఆలౌట్‌ అయింది. రిషభ్‌ పంత్‌(37), నితీశ్‌ రెడ్డి(41) రాణించడంతో ఈ మేర గౌరవప్రదమైన స్కోరు సాధించింది. ఈ క్రమంలో ఆసీస్‌ బ్యాటింగ్‌కు దిగగా.. బుమ్రా మూడో ఓవర్‌లోనే కంగారూలకు షాకిచ్చాడు.బుమ్రా బౌలింగ్‌లో మూడో బంతికి ఆసీస్‌ ఓపెనర్‌, అరంగేట్ర ఆటగాడు నాథన్‌ మెక్‌స్వీనీ లెగ్‌ బిఫోర్‌ వికెట్‌(ఎల్బీడబ్ల్యూ)గా వెనుదిరిగాడు. అయితే, తొలుత ఫీల్డ్‌ అంపైర్‌ మెక్‌స్వీనీని నాటౌట్‌గా ప్రకటించాడు. ఆ సమయంలో వికెట్‌ కీపర్‌ రిషభ్‌ పంత్‌తో పాటు.. బుమ్రా కూడా రివ్యూకు వెళ్లే విషయంలో కాస్త సంశయించారు.బుమ్రాను ఒప్పించిన కోహ్లి.. అయితే, విరాట్‌ కోహ్లి మాత్రం బుమ్రాను రివ్యూకు వెళ్లేలా ఒప్పించాడు. ఈ క్రమంలో రీప్లేలో మెక్‌స్వీనీ(10) అవుటైనట్లు తేలింది. దీంతో థర్డ్‌ అంపైర్‌ అతడిని అవుట్‌గా ప్రకటించగా.. బుమ్రా, టీమిండియా ఖాతాలో తొలిరోజు తొలి వికెట్‌ చేరింది.తొలి మూడు వికెట్లు బుమ్రాకేఇక మళ్లీ ఏడో ఓవర్లో బుమ్రా వరుసగా రెండు వికెట్లు పడగొట్టాడు. నాలుగో బంతికి మరో ఓపెనర్‌ ఉస్మాన్‌ ఖవాజా(8)ను అవుట్‌ చేసిన బుమ్రా.. ఆ మరుసటి బాల్‌కే స్టీవ్‌ స్మిత్‌(0)ను వికెట్ల ముందు దొరకబుచ్చుకున్నాడు. దీంతో 19 పరుగులకే ఆసీస్‌ మూడు వికెట్లు కోల్పోయి కష్టాల్లో పడింది. బుమ్రా ఆరంభంలోనే ఇలా మూడు వికెట్లు తీయగా.. అరంగేట్ర పేసర్‌ హర్షిత్‌ రాణా, మహ్మద్‌ సిరాజ్‌ సైతం విజృంభించారు. ఈ క్రమంలో 21 ఓవర్లు ముగిసే సరికి ఆస్ట్రేలియా ఆరు వికెట్లు కోల్పోయి కేవలం 47 పరుగులు చేసింది.చదవండి: నితీశ్‌ రెడ్డి ‘ధనాధన్‌’ ఇన్నింగ్స్‌.. టీమిండియా 150 ఆలౌట్‌JASPRIT BUMRAH - THE GREATEST OF THIS GENERATION.🐐 pic.twitter.com/xyxvTRHTF5— Tanuj Singh (@ImTanujSingh) November 22, 2024

ఆస్ట్రేలియాతో తొలి టెస్టులో టీమిండియా నామమాత్రపు స్కోరు చేసింది. టాపార్డర్‌ వైఫల్యం కారణంగా తొలి ఇన్నింగ్స్‌లో కేవలం 150 పరుగులకే ఆలౌట్‌ అయింది. కీలక ఆటగాళ్లంతా విఫలమైన చోట.. అరంగేట్ర ఆటగాడు, ఆంధ్ర యువ క్రికెటర్‌ నితీశ్‌ రెడ్డి భారత ఇన్నింగ్స్‌లో టాప్‌ స్కోరర్‌గా నిలవడం విశేషం.జస్‌ప్రీత్‌ బుమ్రా సారథ్యంలోబోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఆస్ట్రేలియా పర్యటనకు వెళ్లింది. ఇందులో భాగంగా పెర్త్‌ వేదికగా ఇరుజట్ల మధ్య తొలి టెస్టు మొదలైంది. ఈ మ్యాచ్‌కు భారత రెగ్యులర్‌ కెప్టెన్‌ రోహిత్‌ శర్మ దూరం కాగా.. పేసర్‌ జస్‌ప్రీత్‌ బుమ్రా సారథ్యం వహిస్తున్నాడు. ఈ మ్యాచ్‌ ద్వారా నితీశ్‌ కుమార్‌రెడ్డి, హర్షిత్‌ రాణా టీమిండియా తరఫున టెస్టుల్లో అరంగేట్రం చేశారు.ఇక పెర్త్‌ టెస్టులో టాస్‌ గెలిచిన బుమ్రా తొలుత బ్యాటింగ్‌ ఎంచుకున్నాడు. ఓపెనర్లలో యశస్వి జైస్వాల్‌ డకౌట్‌ కాగా.. కేఎల్‌ రాహుల్‌(26) కాసేపు పట్టుదలగా నిలబడ్డాడు. కానీ అనూహ్యంగా వివాదాస్పద రీతిలో అతడు అవుట్‌ అయ్యాడు. మరోవైపు.. వన్‌డౌన్‌లో వచ్చిన పడక్కిల్‌ సున్నా చుట్టగా.. విరాట్‌ కోహ్లి ఐదు పరుగులకే నిష్క్రమించాడు.రాణించిన రిషభ్‌ పంత్‌ ఈ క్రమంలో మిడిలార్డర్‌లో రిషభ్‌ పంత్‌ ఇన్నింగ్స్‌ చక్కదిద్దే ప్రయత్నం చేశాడు. 78 బంతులు ఎదుర్కొన్న ఈ వికెట్‌ కీపర్‌ బ్యాటర్‌ మూడు ఫోర్లతో పాటు తనదైన ట్రేడ్‌ మార్క్‌ సిక్సర్‌ సాయంతో 37 పరుగులు సాధించాడు. మిగతా వాళ్లలో ధ్రువ్‌ జురెల్‌(11), వాషింగ్టన్‌ సుందర్‌(4) నిరాశపరచగా.. లోయర్‌ ఆర్డర్‌లో బ్యాటింగ్‌కు వచ్చిన నితీశ్‌ రెడ్డి అద్బుతంగా ఆడాడు.నితీశ్‌ రెడ్డి ధనాధన్‌టెస్టుల్లో అదీ ఆసీస్‌ గడ్డపై అరంగేట్రం చేసిన ఈ పేస్‌ బౌలింగ్‌ ఆల్‌రౌండర్‌ కేవలం 59 బంతుల్లోనే 41 పరుగులు చేశాడు. నితీశ్‌ రెడ్డి ఇన్నింగ్స్‌లో ఆరు ఫోర్లు, ఒక సిక్స్‌ ఉండటం విశేషం. అయితే, ఆసీస్‌ సారథి, సన్‌రైజర్స్‌ హైదరాబాద్‌ జట్టులో తన కెప్టెన్‌ అయిన ప్యాట్‌ కమిన్స్‌ బౌలింగ్‌లో నితీశ్‌ ఇన్నింగ్స్‌తో పాటు టీమిండియా ఇన్నింగ్స్‌కూ తెరపడింది.ఎనిమిదో స్థానంలో బరిలోకి దిగిన నితీశ్‌ రెడ్డి.. 49.4వ ఓవర్‌ వద్ద.. కమిన్స్‌ బౌలింగ్‌లో ఉస్మాన్‌ ఖవాజాకు క్యాచ్‌ ఇచ్చి.. పదో వికెట్‌గా వెనుదిరిగాడు. ఇక మిగిలిన వాళ్లలో హర్షిత్‌ రాణా 7, బుమ్రా 8 పరుగులు చేయగా.. మహ్మద్‌ సిరాజ్‌ 0 పరుగులతో నాటౌట్‌గా ఉన్నాడు. ఆసీస్‌ పేసర్లలో జోష్‌ హాజిల్‌వుడ్‌ నాలుగు వికెట్లతో చెలరేగగా.. కమిన్స్‌, మిచెల్‌ మార్ష్‌, మిచెల్‌ స్టార్క్‌ తలా రెండు వికెట్లు కూల్చారు.చదవండి: చెత్త అంపైరింగ్‌.. కేఎల్‌ రాహుల్‌ అసంతృప్తి.. మండిపడుతున్న మాజీ క్రికెటర్లు

పెర్త్‌ టెస్టులో టీమిండియా క్రికెటర్‌ కేఎల్‌ రాహుల్‌ అవుటైన తీరు వివాదానికి దారి తీసింది. థర్డ్‌ అంపైర్‌ తప్పుడు నిర్ణయం వల్ల భారత జట్టు భారీ మూల్యం చెల్లించాల్సి వచ్చిందని మాజీ క్రికెటర్లు మండిపడుతున్నారు. అంతేకాదు.. తాను అవుటైన తీరుకు రాహుల్‌ సైతం ఆశ్చర్యంతో పాటు తీవ్ర అసంతృప్తి వ్యక్తం చేశాడు. ఇంతకీ ఏం జరిగిందంటే..?!ఆ ముగ్గురు విఫలంబోర్డర్‌- గావస్కర్‌ ట్రోఫీలో భాగంగా.. ఆస్ట్రేలియాతో శుక్రవారం మొదలైన తొలి టెస్టులో.. టాస్‌ గెలిచిన భారత్‌ తొలుత బ్యాటింగ్‌ ఎంచుకుంది. ఓపెనర్‌ యశస్వి జైస్వాల్‌(0), వన్‌డౌన్‌ బ్యాటర్‌ దేవ్‌దత్‌ పడిక్కల్‌(0), నాలుగో స్థానంలో వచ్చిన విరాట్‌ కోహ్లి(5) పూర్తిగా విఫలమయ్యారు. ఇలాంటి తరుణంలో మరో ఓపెనింగ్‌ బ్యాటర్‌ కేఎల్‌ రాహుల్‌ ఇన్నింగ్స్‌ చక్కదిద్దే ప్రయత్నం చేశాడు.ఆన్‌ ఫీల్డ్‌ అంపైర్‌ నాటౌట్‌ ఇచ్చాడు!అయితే, టీమిండియా ఇన్నింగ్స్‌ 23వ ఓవర్‌లో ఆసీస్‌ పేసర్‌ మిచెల్‌ స్టార్క్‌ బంతితో బరిలోకి దిగాడు. అతడి బౌలింగ్‌లో రాహుల్‌ షాట్‌ ఆడేందుకు ప్రయత్నించగా.. బంతి వికెట్‌ కీపర్‌ అలెక్స్‌ క్యారీ చేతుల్లో పడింది. దీంతో ఆసీస్‌ అప్పీలు చేయగా.. ఆన్‌ ఫీల్డ్‌ అంపైర్‌ నాటౌట్‌ ఇచ్చాడు. అయినా సరే.. వెనక్కి తగ్గని ఆతిథ్య జట్టు రివ్యూకు వెళ్లింది.థర్డ్‌ అంపైర్‌ మాత్రంఈ క్రమంలో థర్డ్‌ అంపైర్‌ రాహుల్‌ను అవుట్‌గా ప్రకటించాడు. నిజానికి.. బంతి కీపర్‌ చేతుల్లో పడే సమయంలో వచ్చిన శబ్దం.. బ్యాట్‌ రాహుల్‌ ప్యాడ్‌కు తాకడం వల్ల వచ్చిందా? లేదంటే బంతిని తాకడం వల్ల వచ్చిందా అన్న అంశంపై స్పష్టత రాలేదు. కానీ రీప్లేలో వివిధ కోణాల్లో పరిశీలించకుండానే.. కేవలం స్నీకో స్పైక్‌ రాగానే థర్డ్‌ అంపైర్‌ రాహుల్‌ను అవుట్‌గా ప్రకటించడం గమనార్హం. థర్డ్‌ అంపైర్‌ నిర్ణయంపై ఆగ్రహంథర్డ్‌ అంపైర్‌ తీసుకున్న ఈ నిర్ణయం విమర్శలకు కారణమైంది. రాహుల్‌ సైతం తీవ్ర అసంతృప్తితో మైదానం వీడాడు. ఈ నేపథ్యంలో భారత మాజీ క్రికెటర్లు థర్డ్‌ అంపైర్‌ నిర్ణయంపై ఆగ్రహం వ్యక్తం చేస్తున్నారు. ‘‘ఇదొక చెత్త నిర్ణయం. పెద్ద జోక్‌ కూడా’’ అంటూ మాజీ వికెట్‌ కీపర్‌ రాబిన్‌ ఊతప్ప ఫైర్‌ అయ్యాడు.మరోవైపు.. మాజీ ఓపెనర్‌ ఆకాశ్‌ చోప్రా సైతం.. ‘‘ఆన్‌ ఫీల్డ్‌ అంపైర్‌ నిర్ణయం నాటౌట్‌. అయినా స్పష్టత లేకుండానే అతడి కాల్‌ను ఎలా తిరస్కరిస్తారు. బ్యాట్‌ ప్యాడ్‌ను తాకినట్లు కనిపిస్తున్నా.. ఇదేం విచిత్రం. ఇది ఒక మతిలేని నిర్ణయం. చెత్త అంపైరింగ్‌’’ అంటూ ఘాటుగా విమర్శించాడు. ఇక ఆస్ట్రేలియా మాజీ బ్యాటర్ మాథ్యూ హెడెన్‌ కూడా రాహుల్‌ విషయంలో థర్డ్‌ అంపైర్‌ నిర్ణయాన్ని తప్పుబట్టడం విశేషం. కాగా రాహుల్‌ తొలి రోజు ఆటలో భాగంగా 74 బంతులు ఎదుర్కొని 26 పరుగులు చేసి నిష్క్రమించాడు. చదవండి: 77 ఏళ్లలో ఇదే తొలిసారి.. అరుదైన రికార్డుతో చరిత్ర పుటల్లోకి కమిన్స్‌, బుమ్రా! Matthew Hayden explaining the KL Rahul bat-pad scenario. - Unlucky, KL. 💔 pic.twitter.com/lf0UOWwmy8— Mufaddal Vohra (@mufaddal_vohra) November 22, 2024

ఆస్ట్రేలియా- టీమిండియా మధ్య పెర్త్‌ టెస్టు సందర్భంగా ఓ అరుదైన రికార్డు నమోదైంది. ఇరుజట్ల కెప్టెన్లు ప్యాట్‌ కమిన్స్‌- జస్‌ప్రీత్‌ బుమ్రా కలిసి తమ పేర్లను చరిత్ర పుటల్లో లిఖించుకున్నారు. కాగా బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు భారత జట్టు ఆస్ట్రేలియా పర్యటనకు వెళ్లింది.రోహిత్‌ శర్మ దూరంప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 సీజన్‌లో టీమిండియాకు ఈ సిరీస్‌ ఆఖరిది. ఇక ఇందులో కనీసం నాలుగు టెస్టులు గెలిస్తేనే భారత్‌ ఈసారీ డబ్ల్యూటీసీ ఫైనల్‌కు చేరుకుంటుంది. ఇంతటి కీలకమైన సిరీస్‌లో తొలి టెస్టుకు టీమిండియా కెప్టెన్‌ రోహిత్‌ శర్మ వ్యక్తిగత కారణాల దృష్ట్యా దూరంగా ఉన్నాడు.బుమ్రా తాత్కాలిక కెప్టెన్‌గా పగ్గాలుఈ క్రమంలో రోహిత్‌ స్థానంలో భారత జట్టు పేస్‌ దళ నాయకుడు జస్‌ప్రీత్‌ బుమ్రా తాత్కాలిక కెప్టెన్‌గా పగ్గాలు చేపట్టాడు. ఇక పెర్త్‌ వేదికగా టీమిండియా- ఆసీస్‌ మధ్య శుక్రవారం తొలి టెస్టు మొదలుకాగా.. టాస్‌ సమయంలో కెప్టెన్లు బుమ్రా- కమిన్స్‌ కరచాలనం చేసుకున్న దృశ్యాలు క్రికెట్‌ ప్రేమికులను ఆకర్షించాయి.77 ఏళ్ల చరిత్రలో ఇదే తొలిసారిఈ నేపథ్యంలోనే భారత్‌- ఆస్ట్రేలియా క్రికెట్‌ చరిత్రలో నమోదైన ఓ అరుదైన ఫీట్‌ వెలుగులోకి వచ్చింది. ఇలా ఇరుజట్లకు ఫాస్ట్‌బౌలర్లే సారథ్యం వహించడం 77 ఏళ్లలో ఇదే మొదటిసారి కావడం విశేషం. కాగా 2021 ద్వితీయార్థంలోనే ఫాస్ట్‌ బౌలర్‌ కమిన్స్‌ ఆస్ట్రేలియా టెస్టు జట్టు కెప్టెన్‌ అయ్యాడు.మరోవైపు.. భారత పేసర్‌ బుమ్రా గతంలో ఇంగ్లండ్‌లో టీమిండియా టెస్టు కెప్టెన్‌గా వ్యవహరించినా.. ఆస్ట్రేలియాలో మాత్రం సారథిగా అతడికి ఇదే తొలి అనుభవం. ఇదిలా ఉంటే.. 1947-48లో భారత్‌- ఆస్ట్రేలియా మధ్య తొలిసారి టెస్టు సిరీస్‌ జరిగింది. నాడు వీరి సారథ్యంలోనాడు టీమిండియా ఆసీస్‌ చేతిలో 4-0తో ఓడిపోయింది. అప్పుడు ఆసీస్‌ జట్టుకు లెజెండరీ బ్యాటర్‌ సర్‌ డొనాల్డ్‌ బ్రాడ్‌మన్‌ కెప్టెన్‌గా ఉండగా.. టీమిండియాకు ఆల్‌రౌండర్‌ లాలా అమర్‌నాథ్‌ నాయకుడు.ఇక 1985-86లో పేస్‌ బౌలింగ్‌ ఆల్‌రౌండర్‌ కపిల్‌ దేవ్‌ కూడా ఆస్ట్రేలియాతో సిరీస్‌లో భారత జట్టుకు కెప్టెన్‌గా వ్యవహరించాడు. అయితే, ఇంత వరకు బుమ్రాలా పూర్తిస్థాయిలో ఓ ఫాస్ట్‌ బౌలర్‌ ఆసీస్‌తో టెస్టుల్లో టీమిండియాకు సారథ్యం వహించలేదు.పేలవంగా మొదలుకాగా పెర్త్‌ టెస్టులో టాస్‌ గెలిచిన టీమిండియా కెప్టెన్‌ బుమ్రా తొలుత బ్యాటింగ్‌ ఎంచుకున్నాడు. అయితే, భారత్‌కు మాత్రం శుభారంభం లభించలేదు. శుక్రవారం నాటి తొలిరోజు ఆట భోజన విరామ సమయానికి 25 ఓవర్లలో భారత్‌ నాలుగు వికెట్లు కోల్పోయి కేవలం 51 పరుగులు చేసింది.చదవండి: Ind vs Aus: ఆ ఇద్దరు డకౌట్‌.. కోహ్లి మరోసారి విఫలం.. మండిపడుతున్న ఫ్యాన్స్‌టాలెంటెడ్‌ కిడ్‌.. ఇక్కడ కూడా.. : నితీశ్‌ రెడ్డిపై కమిన్స్‌ కామెంట్స్‌🗣️🗣️ 𝙏𝙝𝙚𝙧𝙚'𝙨 𝙣𝙤 𝙜𝙧𝙚𝙖𝙩𝙚𝙧 𝙝𝙤𝙣𝙤𝙪𝙧 𝙩𝙝𝙖𝙣 𝙩𝙝𝙞𝙨.Captain Jasprit Bumrah is charged 🆙 to lead from the front in Perth ⚡️⚡️#TeamIndia | #AUSvIND | @Jaspritbumrah93 pic.twitter.com/0voNU7p014— BCCI (@BCCI) November 21, 2024

టెస్టుల్లో టీమిండియా స్టార్‌ క్రికెటర్‌ విరాట్‌ కోహ్లి వైఫల్యాల పరంపర కొనసాగుతోంది. స్వదేశంలో సొంతగడ్డపై న్యూజిలాండ్‌తో స్థాయికి తగ్గట్లు రాణించలేక చతికిలపడ్డ ఈ కుడిచేతి వాటం బ్యాటర్‌.. ఆస్ట్రేలియాలోనూ శుభారంభం అందుకోలేకపోయాడు. తొలి టెస్టు తొలి ఇన్నింగ్స్‌లో కేవలం ఐదు పరుగులకే కోహ్లి అవుటయ్యాడు.ఫలితంగా మరోసారి కోహ్లి ఆట తీరుపై విమర్శలు వెల్లువెత్తుతున్నాయి. కాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 సీజన్‌లో భాగంగా టీమిండియా తమ ఆఖరి సిరీస్‌ ఆడేందుకు టీమిండియా ఆస్ట్రేలియాకు వెళ్లింది. బోర్డర్‌- గావస్కర్‌ ట్రోఫీలో భాగంగా ఆసీస్‌తో ఐదు టెస్టులు ఆడుతోంది.టాస్‌ గెలిచి తొలుత బ్యాటింగ్‌ఈ క్రమంలో శుక్రవారం పెర్త్‌ వేదికగా ఇరుజట్ల మధ్య మొదటి టెస్టు ఆరంభమైంది. టాస్‌ గెలిచిన టీమిండియా తాత్కాలిక కెప్టెన్‌ జస్‌ప్రీత్‌ బుమ్రా తొలుత బ్యాటింగ్‌ ఎంచుకున్నాడు. అయితే, సీమర్లకు స్వర్గధామమైన పెర్త్‌ పిచ్‌పై భారత యువ ఓపెనర్‌ యశస్వి జైస్వాల్‌ తేలిపోయాడు. ఎనిమిది బంతులు ఎదుర్కొని పరుగుల ఖాతా తెరవకుండానే వెనుదిరిగాడు.మరోవైపు.. వన్‌డౌన్‌ బ్యాటర్‌ దేవ్‌దత్‌ పడిక్కల్‌ సైతం డకౌట్‌ అయ్యాడు. ఈ క్రమంలో విరాట్‌ కోహ్లి క్రీజులోకి రాగానే ఇన్నింగ్స్‌ చక్కదిద్దుతాడని అభిమానులు ఆశగా ఎదురుచూశారు. కానీ.. భారత ఇన్నింగ్స్‌ పదిహేడో ఓవర్‌ రెండో బంతికి కోహ్లి క్యాచ్‌ అవుట్‌గా వెనుదిరిగాడు.ఐదు పరుగులకే అవుట్‌ఆసీస్‌ పేసర్‌ జోష్‌ హాజిల్‌వుడ్‌ వేసిన బంతిని తప్పుగా అంచనా వేసిన కోహ్లి.. ఫ్రంట్‌ఫుట్‌ షాట్‌ ఆడేందుకు ముందుకు వచ్చాడు. ఈ క్రమంలో బ్యాట్‌ ఎడ్జ్‌ను తాకిన బంతి ఫస్ట్‌ స్లిప్‌లో ఫీల్డింగ్‌ చేస్తున్న ఉస్మాన్‌ ఖవాజా చేతిలో పడింది. అలా షార్ట్‌ లెంగ్త్‌తో వచ్చిన బంతిని తప్పుగా అంచనా వేసి కోహ్లి వికెట్‌ పారేసుకున్నాడు. మండిపడుతున్న ఫ్యాన్స్‌మొత్తంగా పన్నెండు బంతులు ఎదుర్కొని కేవలం ఐదు పరుగులు మాత్రమే చేసి పెవిలియన్‌ చేరాడు. ఈ నేపథ్యంలో కోహ్లిపై టీమిండియా అభిమానులు సైతం ఆగ్రహం వ్యక్తం చేస్తున్నారు. ఆస్ట్రేలియా గడ్డపై మెరుగైన రికార్డు ఉన్న కారణంగా తనకు వరుస అవకాశాలు ఇస్తున్నా బాధ్యతాయుతంగా ఆడకపోతే ఎలా అని సోషల్‌ మీడియా వేదికగా ప్రశ్నిస్తున్నారుకష్టాల్లో టీమిండియాఇదిలా ఉంటే.. టాస్‌ గెలిచి తొలుత బ్యాటింగ్‌కు దిగిన టీమిండియా కేవలం 47 పరుగులకే నాలుగు వికెట్లు కోల్పోయి కష్టాల్లో పడింది. ఓపెనర్లలో యశస్వి జైస్వాల్‌(0) విఫలం కాగా.. కేఎల్‌ రాహుల్‌(26) ఫర్వాలేదనిపించాడు. పడిక్కల్‌(0), కోహ్లి(5) మాత్రం పూర్తిగా నిరాశపరిచారు. తొలిరోజు లంచ్‌ బ్రేక్‌ సమయానికి టీమిండియా స్కోరు: 51/4 (25).చదవండి: IND VS AUS 1st Test: అశ్విన్‌, జడేజా లేకుండానే..! తుదిజట్లు ఇవేవిధ్వంసం.. డబుల్ సెంచ‌రీతో చెల‌రేగిన సెహ్వాగ్ కొడుకుExtra bounce from Josh Hazlewood to dismiss Virat Kohli. pic.twitter.com/dQEG1rJSKA— Mufaddal Vohra (@mufaddal_vohra) November 22, 2024We need to start a serious discussion now on kohli pic.twitter.com/WMmAlfdZ8h— Div🦁 (@div_yumm) November 22, 2024

టీమిండియా యువ క్రికెటర్‌ నితీశ్‌ కుమార్‌ రెడ్డిపై ఆస్ట్రేలియా కెప్టెన్‌ ప్యాట్‌ కమిన్స్‌ ప్రశంసలు కురిపించాడు. సన్‌రైజర్స్‌ హైదరాబాద్‌ తరఫున అతడితో కలిసి ఆడిన జ్ఞాపకాలు మధురమైనవని.. ఆట పట్ల నితీశ్‌ అంకితభావం అమోఘమని కొనియాడాడు. ఆసీస్‌ గడ్డపై కూడా అతడు బంతిని స్వింగ్‌ చేసే అవకాశం ఉందని పేర్కొన్నాడు.ఆస్ట్రేలియా- టీమిండియా మధ్య ప్రతిష్టాత్మక​ బోర్డర్‌- గావస్కర్‌ ట్రోఫీలో భాగంగా ఇరుజట్లు ఐదు టెస్టుల్లో తలపడబోతున్నాయి. ఈ క్రమంలో శుక్రవారం పెర్త్‌ వేదికగా తొలి మ్యాచ్‌ జరుగనుంది. ఈ నేపథ్యంలో ఆసీస్‌ సారథి ప్యాట్‌ కమిన్స్‌ గురువారం మీడియాతో మాట్లాడాడు.మాకు ఎంతో కీలకంబోర్డర్‌- గావస్కర్‌ ట్రోఫీ తమకు ఎంతో కీలకమైన సిరీస్‌ అన్న కమిన్స్‌.. టీమిండియా వంటి పటిష్ట జట్టుతో తలపడటం కఠినమైన సవాలు అని పేర్కొన్నాడు. ఇక సొంతగడ్డపై ఆడటం ఎల్లప్పుడూ ఒత్తిడికి గురిచేస్తుందని.. అయితే, తాము అన్ని రకాలుగా ఈ సిరీస్‌కు సిద్ధమయ్యాం కాబట్టి ఆందోళన చెందడం లేదని తెలిపాడు.టాలెంటెడ్‌ కిడ్‌ కానీ..ఈ సందర్భంగా నితీశ్‌ కుమార్‌ రెడ్డి ప్రస్తావన రాగా.. ‘‘ఎంతో ప్రతిభావంతుడైన కుర్రాడు. కానీ.. సన్‌రైజర్స్‌ తరఫున అతడికి పెద్దగా బౌలింగ్‌ చేసే అవకాశం రాలేదు. ఏదేమైనా అతడు టాలెంటెడ్‌ కిడ్‌. తన ఆట తీరుతో నన్ను ఇంప్రెస్‌ చేశాడు. ఇక్కడ కూడా బంతిని కాస్త స్వింగ్‌ చేయగలడనే అనుకుంటున్నా’’ అని కమిన్స్‌ కితాబులిచ్చాడు.సన్‌రైజర్స్‌ గెలుపులోకాగా ఐపీఎల్‌-2024లో కమిన్స్‌ సన్‌రైజర్స్‌ హైదరాబాద్‌ కెప్టెన్‌గా వ్యవహరించిన విషయం తెలిసిందే. గత వైఫల్యాలను మరిపించేలా జట్టును ఏకంగా ఫైనల్స్‌కు చేర్చాడు. ఇక కమిన్స్‌ కెప్టెన్సీలో ఆంధ్ర క్రికెటర్‌ నితీశ్‌ రెడ్డి తన ప్రతిభను నిరూపించుకున్నాడు.ఈ ఏడాది రైజర్స్‌ తరఫున 303 పరుగులు చేయడంతో పాటు.. మూడు వికెట్లు తీశాడు. ఇదిలా ఉంటే.. పేస్‌ బౌలింగ్‌ ఆల్‌రౌండర్‌ కోటాలో ఆస్ట్రేలియాతో టెస్టులకు నితీశ్‌ కుమార్‌ రెడ్డి ఎంపికయ్యాడు. పెర్త్‌లో అతడు అరంగేట్రం చేసే అవకాశం ఉంది.చదవండి: పేసర్లకు కెప్టెన్సీ ఇవ్వాలి.. విరాట్‌, రోహిత్‌ వేరు.. నేను వేరు.. తుదిజట్టు ఖరారైంది: బుమ్రా

ప్రాక్టీస్‌ మ్యాచ్‌ సందర్భంగా గాయపడ్డ యువ ఆటగాడు శుబ్‌మన్‌ గిల్‌ రోజురోజుకు మెరుగు అవుతున్నాడని టీమిండియా బౌలింగ్‌ కోచ్‌ మోర్నీ మోర్కెల్‌ తెలిపాడు. పెర్త్‌ టెస్టుకు అతడు అందుబాటులోకి వచ్చే అవకాశం ఉందంటూ అభిమానులకు శుభవార్త అందించాడు.​కాగా బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు టెస్టులు ఆడనుంది. శుక్రవారం నుంచి ఈ మెగా సిరీస్‌ మొదలుకానుంది. ఇందుకోసం ఇప్పటికే ఆసీస్‌కు చేరుకున్న భారత జట్టు ప్రాక్టీస్‌లో బిజీబిజీగా గడుపుతోంది.ఈ క్రమంలో ఫీల్డింగ్‌ చేస్తున్న సమయంలో గిల్‌ ఎడమ బొటన వేలికి గాయం అయింది. అయితే, బౌలింగ్‌ కోచ్‌ మోర్కెల్‌ అందించిన సమాచారం ప్రకారం.. గిల్‌ వేగంగా కోలుకుంటున్నట్లు తెలుస్తోంది. బలహీనంగా టాపార్డర్‌ఇదిలా ఉంటే.. ఇప్పటికే వ్యక్తిగత కారణాల వల్ల రెగ్యులర్‌ కెప్టెన్‌ రోహిత్‌ శర్మ ఆస్ట్రేలియాతో తొలి టెస్టుకు దూరం కావడంతో... టాపార్డర్‌ కాస్త బలహీనంగా కనిపిస్తోంది. ఇలాంటి సమయంలో గిల్‌ కూడా మ్యాచ్‌ ఆడకపోతే జట్టుకు ఇబ్బందులు తప్పకపోవచ్చు.మ్యాచ్‌ ప్రారంభానికి ముందుఈ నేపథ్యంలో చివరి వరకు వేచి చూసే ధోరణి అవలభించాలని టీమ్‌ మేనేజ్‌మెంట్‌ భావిస్తోంది. మ్యాచ్‌ రోజు వరకు గిల్‌ ఫిట్‌నెస్‌ సాధించాలని కోరుకుంటోంది. ఈ నేపథ్యంలో బుధవారం మీడియా సమావేశంలో పాల్గొన్న ‘గిల్‌ రోజు రోజుకు మెరుగవుతున్నాడు. టెస్టు మ్యాచ్‌ ప్రారంభానికి ముందు అతడిపై నిర్ణయం తీసుకుంటాం’ అని పేర్కొన్నాడు.ఇక రోహిత్‌ శర్మ గైర్హాజరీలో కెప్టెన్సీ చేయబోతున్న బుమ్రా గురించి మోర్కెల్‌ మాట్లాడుతూ.. ‘ఆస్ట్రేలియా పిచ్‌లపై బుమ్రాకు మంచి అనుభవం ఉంది. నాయకత్వ బృందంలో బుమ్రా కూడా భాగం. అతడు గతంలో ఇక్కడ చాలా మంచి ప్రదర్శనలు చేశాడు. జట్టును ముందుండి నడిపించడాన్ని ఇష్టపడే బౌలర్‌ అతడు. మిగిలిన వాళ్లు అతడిని అనుసరిస్తారు’ అని తెలిపాడు.ఒత్తిడిని దరిచేరనివ్వం... ఇక స్వదేశంలో న్యూజిలాండ్‌ చేతిలో 0–3తో టెస్టు సిరీస్‌ కోల్పోయిన నేపథ్యంలో భారత జట్టు ఒత్తిడిలో ఉందని అంతా అనుకుంటున్నారని... అయితే దాన్ని మార్చి వేసుకునేందుకు ఆస్ట్రేలియా పర్యటనకు మించింది లేదని మోర్కెల్‌ అన్నాడు. ప్రపంచ క్రికెట్‌లో ఆస్ట్రేలియాలో రాణిస్తే వచ్చే పేరు ప్రఖ్యాతులు వేరని పేర్కొన్నాడు. ‘ప్రతి ఒక్కరు ఒత్తిడిని ఎలా ఎదుర్కొంటారు అని అడుగుతున్నారు. మా వరకు దాన్ని పక్కన పెట్టేసి మెరుగైన ప్రదర్శనపైనే దృష్టి పెట్టాం’ అని మోర్కెల్‌ అన్నాడు. చదవండి: సంజూ శాంసన్‌ తండ్రి క్షమాపణ చెప్పాల్సిందే.. లేదంటే!

భారత బౌలర్‌ యశ్‌ దయాళ్‌కు బంపరాఫర్‌ వచ్చింది. ఆస్ట్రేలియాతో టెస్టుల నేపథ్యంలో అతడు రిజర్వ్‌ ప్లేయర్‌గా జట్టుతో చేరినట్లు సమాచారం. ఖలీల్‌ అహ్మద్‌ స్థానంలో యశ్‌ దయాళ్‌ టీమిండియాతో కలిసినట్లు తెలుస్తోంది. ఇందుకోసం అతడు సౌతాఫ్రికా నుంచి నేరుగా ఆస్ట్రేలియాలో అడుగుపెట్టినట్లు​ బీసీసీఐ వర్గాలు వెల్లడించాయి.కాగా బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు భారత జట్టు ఆస్ట్రేలియాకు వెళ్లింది. ఈ క్రమంలో పెర్త్‌ వేదికగా ఇరుజట్ల మధ్య శుక్రవారం మొదటి టెస్టు ఆరంభం కానుంది. ఇక రెగ్యులర్‌ కెప్టెన్‌ రోహిత్‌ శర్మ వ్యక్తిగత కారణాల వల్ల ఈ మ్యాచ్‌కు దూరంగా ఉండటంతో.. పేస్‌ దళ నాయకుడు జస్‌ప్రీత్‌ బుమ్రా సారథిగా వ్యవహరించనున్నాడు.ఇదిలా ఉంటే.. ఆసీస్‌తో టెస్టులకు ప్రకటించిన ప్రధాన జట్టులో ఆంధ్ర క్రికెటర్‌, పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డి తొలిసారిగా చోటు దక్కించుకున్నాడు. అతడితో పాటు పేసర్‌ హర్షిత్‌ రాణా కూడా ఈ సిరీస్‌కు ఎంపిక కాగా.. ఫాస్ట్‌ బౌలర్‌ ప్రసిద్‌ కృష్ణ కూడా రీఎంట్రీ ఇవ్వనున్నాడు. పేస్‌ ట్రావెలింగ్‌ రిజర్వు ప్లేయర్లుగామరోవైపు.. పేస్‌ ట్రావెలింగ్‌ రిజర్వు ప్లేయర్లుగా ముకేశ్‌ కుమార్‌, నవదీప్‌ సైనీ, ఖలీల్‌ అహ్మద్‌లను కూడా బీసీసీఐ ఆస్ట్రేలియాకు పంపింది.అయితే, ప్రాక్టీస్‌ సమయంలో.. ఖలీల్‌ అహ్మద్‌ గాయపడినట్లు తెలుస్తోంది. నెట్స్‌లో బౌలింగ్‌ చేస్తూ ఈ లెఫ్టార్మ్‌ పేసర్‌ గాయపడగా.. పరీక్షలు నిర్వహించిన వైద్య బృందం అతడిని స్వదేశానికి వెళ్లాల్సిందిగా సూచించినట్లు సమాచారం.ఈ క్రమంలో ముందు జాగ్రత్త చర్యగా యశ్‌ దయాళ్‌ను టీమిండియా మేనేజ్‌మెంట్‌ ఆస్ట్రేలియాకు పిలిపించినట్లు వార్తా సంస్థ పీటీఐకి బీసీసీఐ వర్గాలు వెల్లడించాయి. ‘‘నిజానికి యశ్‌ దయాళ్‌ మొదటి నుంచే జట్టుతో ఉండాల్సింది. భారత్‌-‘ఎ’తో మ్యాచ్‌ ఆడాల్సింది. కానీ అతడిని టీ20 సిరీస్‌ కోసం సౌతాఫ్రికాకు పంపించాం.అందుకే యశ్‌ దయాళ్‌ను పిలిపించాంఒకవేళ ఖలీల్‌ అహ్మద్‌ బౌలింగ్‌ చేయలేకపోతే అతడు జట్టుతో ఉండీ ప్రయోజనం లేదు. అందుకే యశ్‌ దయాళ్‌ను పిలిపించాం’’అని సదరు వర్గాలు పేర్కొన్నాయి. కాగా ఇప్పటికే ప్రధాన బ్యాటర్‌ శుబ్‌మన్‌ గిల్‌ గాయం కారణంగా జట్టుకు దూరమైన విషయం తెలిసిందే. మరోవైపు స్టార్‌ ఓపెనర్‌ యశ్‌ దయాళ్‌ భుజానికి గాయమైనా.. బుధవారం అతడు తిరిగి బ్యాట్‌ పట్టడం సానుకూలాంశం.ఇక యశ్‌ దయాళ్‌కు.. గతంలో బంగ్లాదేశ్‌తో టెస్టు సిరీస్‌ సందర్భంగా సెలక్టర్లు పిలుపునిచ్చారు. కానీ తుదిజట్టులో అతడికి స్థానం దక్కలేదు. సౌతాఫ్రికాతో నాలుగు మ్యాచ్‌ల టీ20 సిరీస్‌కు ఎంపికైనా.. ఒక్క మ్యాచ్‌ కూడా ఆడే అవకాశం రాలేదు.ఇదిలా ఉంటే.. ఐపీఎల్‌లో రాయల్‌ చాలెంజర్స్‌ బెంగళూరుకు ప్రాతినిథ్యం వహిస్తున్న ఈ ఉత్తరప్రదేశ్‌ లెఫ్టార్మ్ సీమర్‌ను ఆర్సీబీ.. ఈసారి రూ. 5 కోట్లకు రిటైన్‌ చేసుకుంది. ఇప్పుడిలా మరోసారి టీమిండియాతో కలిసే లక్కీ ఛాన్స్‌ యశ్‌ దయాళ్‌కు వచ్చింది.చదవండి: సంజూ శాంసన్‌ తండ్రి క్షమాపణ చెప్పాల్సిందే.. లేదంటే!

టీమిండియా- ఆస్ట్రేలియా తొలి టెస్టు నేపథ్యంలో వెస్టర్న్‌ ఆస్ట్రేలియన్‌ క్రికెట్‌ అసోసియేషన్‌ స్టేడియం(WACA) చీఫ్‌ క్యూరేటర్‌ ఇసాక్‌ మెక్‌డొనాల్డ్‌ కీలక వ్యాఖ్యలు చేశాడు. పెర్త్‌లో అకాల వర్షాల వల్ల.. పిచ్‌ తయారీపై ప్రభావం పడిందన్నాడు. వాతావరణంలో అకస్మాత్తుగా మార్పులు సంభవించినా పిచ్‌పై పెద్దగా పగుళ్లు ఉండబోవని ఆశిస్తున్నట్లు తెలిపాడు.ఈ నేపథ్యంలో.. పెర్త్‌ టెస్టులో సీమర్లకే వికెట్‌ అనుకూలంగా ఉంటుందని మెక్‌డొనాల్డ్‌ సంకేతాలు ఇచ్చాడు. కాగా బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు టెస్టుల సిరీస్‌ ఆడనుంది. ఇందులో భాగంగా పెర్త్‌ స్టేడియం తొలి మ్యాచ్‌కు ఆతిథ్యం ఇవ్వనుంది.పిచ్‌ క్యూరేటర్‌ కీలక వ్యాఖ్యలుఈ నేపథ్యంలో పిచ్‌ క్యూరేటర్‌ ఇసాక్‌ మెక్‌డొనాల్డ్‌ మాట్లాడుతూ.. ‘‘నిజం చెప్పాలంటే.. ఈసారి ఇది పెర్త్‌ సంప్రదాయక టెస్టు పిచ్‌లా ఉండకపోవచ్చు. వర్షం వల్ల కవర్లు కప్పి ఉంచిన పరిస్థితుల్లో పిచ్‌ తయారు చేయడం కుదరలేదు. అయితే, తర్వాత అంతా సర్దుకుంది.పరిస్థితి ఇంతకంటే దిగజారుతుందని అనుకోను. వికెట్‌ పచ్చిగానే ఉంటే బౌన్స్‌లోనూ వైవిధ్యం చూడవచ్చు. కానీ.. వాతావరణం మారి పగుళ్లు ఏర్పడితే పరిస్థితి భిన్నంగా ఉంటుంది. ఇప్పటికి పేస్‌, బౌన్స్‌ బాగానే ఉంది’’ అని పేర్కొన్నాడు. ఇక టాస్‌ గెలిచిన కెప్టెన్‌ తొలుత ఏం చేయాలని ప్రశ్నించగా.. ‘‘నాకు చెల్లించే మొత్తం.. ఈ విషయంపై కామెంట్‌ చేసేందుకు సరిపోదు’’ అని కొంటెగా సమాధానమిచ్చాడు.జస్‌ప్రీత్‌ బుమ్రా కెప్టెన్సీలోకాగా శుక్రవారం నుంచి టీమిండియా- ఆస్ట్రేలియా మధ్య టెస్టు సిరీస్‌ మొదలుకానుంది. పెర్త్‌లో జరిగే తొలి టెస్టుకు రెగ్యులర్‌ కెప్టెన్‌ రోహిత్‌ శర్మ దూరంగా ఉండగా.. జస్‌ప్రీత్‌ బుమ్రా భారత జట్టుకు సారథ్యం వహించనున్నాడు. ఇక వన్‌డౌన్‌ బ్యాటర్‌ శుబ్‌మన్‌ గిల్‌ చేతివేలి గాయం కారణంగా పెర్త్‌ మ్యాచ్‌కు దూరమయ్యాడు.ఇదిలా ఉంటే.. ఆసీస్‌తో సిరీస్‌లో కనీసం నాలుగు గెలిస్తేనే టీమిండియా.. ప్రపంచ టెస్టు చాంపియన్‌షిప్‌ 2023-25 ఫైనల్‌కు చేరుకుంటుంది. కాగా నవంబరు 22 నుంచి జనవరి ఏడు వరకు భారత జట్టు ఆస్ట్రేలియా పర్యటనతో బిజీగా గడుపనుంది. పెర్త్‌, అడిలైడ్‌, బ్రిస్బేన్‌, మెల్‌బోర్న్‌, సిడ్నీ ఈ ఐదు మ్యాచ్‌ల సిరీస్‌కు వేదికలు.చదవండి: ప్రపంచంలోని ప్రతి జట్టుకు ఇలాంటి ఆల్‌రౌండర్‌ అవసరం: టీమిండియా కోచ్‌

క్రికెట్‌ ప్రేమికులు ఎప్పుడెప్పుడా అని ఎదురుచూస్తున్న ఆసక్తికర పోరుకు సమయం ఆసన్నమైంది. టీమిండియా- ఆస్ట్రేలియా మధ్య ప్రతిష్టాత్మక బోర్డర్‌- గావస్కర్‌ ట్రోఫీ శుక్రవారం మొదలుకానుంది. ఇందుకోసం ఇప్పటికే కంగారూ దేశానికి చేరుకున్న భారత జట్టు ప్రాక్టీస్‌లో తలమునకలైంది.అయితే, ఈ ఐదు మ్యాచ్‌ల కీలక టెస్టు సిరీస్‌కు ముందు టీమిండియా ప్రధాన ఆటగాళ్ల గాయపడటం మేనేజ్‌మెంట్‌ను కలవరపెడుతోంది. గాయాల వల్ల శుబ్‌మన్‌ గిల్‌, యశస్వి జైస్వాల్‌ తొలి టెస్టుకు దూరమయ్యే పరిస్థితి కనిపిస్తోంది. ఇప్పటికే కెప్టెన్‌ రోహిత్‌ శర్మ ఈ మ్యాచ్‌కు దూరంగా ఉండగా.. గిల్‌ కూడా అందుబాటులో ఉండకపోవచ్చని బీసీసీఐ వర్గాలు స్పష్టం చేశాయి.శుబ్‌మన్‌ గిల్‌ స్థానంలో..ఈ నేపథ్యంలో భారత మాజీ క్రికెటర్‌ వసీం జాఫర్‌ ఆసక్తికర వ్యాఖ్యలు చేశాడు. శుబ్‌మన్‌ గిల్‌ స్థానంలో దేవ్‌దత్‌ పడిక్కల్‌ను జట్టులోకి తీసుకోవాలని సూచించాడు. అంతేకాదు తుదిజట్టులోనూ అతడిని ఆడించాలని బీసీసీఐకి విజ్ఞప్తి చేశాడు. అదే విధంగా.. యశస్వి జైస్వాల్‌కు జోడీగా కేఎల్‌ రాహుల్‌ను పంపితే బాగుంటుందని అభిప్రాయపడ్డాడు.కేరళకు చెందిన దేవ్‌దత్‌ పడిక్కల్‌ ఈ ఏడాది మార్చిలో ఇంగ్లండ్‌తో మ్యాచ్‌ సందర్భంగా టెస్టుల్లో అరంగేట్రం చేశాడు. ధర్మశాల వేదికగా జరిగిన ఐదో టెస్టులో.. నాలుగో స్థానంలో బ్యాటింగ్‌ చేసిన పడిక్కల్‌.. 103 బంతులు ఎదుర్కొని 65 పరుగులు సాధించాడు. అయితే, ఆ తర్వాత ఈ లెఫ్టాండర్‌ బ్యాటర్‌కు మళ్లీ జట్టులో స్థానం దక్కలేదు.ఫస్ట్‌క్లాస్‌ కెరీర్‌లోనూఅయితే, ఇటీవల ఆస్ట్రేలియా-‘ఎ’ జట్టుతో జరిగిన రెండు మ్యాచ్‌ల అనధికారిక టెస్టు సిరీస్‌లో దేవ్‌దత్‌ పడిక్కల్‌ భారత్‌-‘ఎ’ జట్టు తరఫున బరిలోకి దిగాడు. నాలుగు ఇన్నింగ్స్‌లో వరుసగా 36, 88, 26, 1 పరుగులు చేశాడు. ఇక ఫస్ట్‌క్లాస్‌ కెరీర్‌లోనూ 24 ఏళ్ల పడిక్కల్‌కు మంచి రికార్డే ఉంది.ఎడమచేతి వాటం బ్యాటర్‌ కూడా!ఇప్పటి వరకు 40 మ్యాచ్‌లలో కలిపి 2677 పరుగులు సాధించాడు. ఇందులో ఆరు సెంచరీలు, 17 అర్ధ శతకాలు ఉన్నాయి. ఈ నేపథ్యంలో పడిక్కల్‌ గురించి వసీం జాఫర్‌ ప్రస్తావిస్తూ... ‘‘టీమిండియా తరఫున అతడు ఇంతకుముందు టెస్టు క్రికెట్‌ ఆడాడు. పరుగులు కూడా రాబట్టాడు.అంతేకాదు.. అతడు ఎడమచేతి వాటం బ్యాటర్‌ కూడా! కాబట్టి ఆస్ట్రేలియాతో తొలి టెస్టులో మూడో స్థానంలో పడిక్కల్‌ను ఆడిస్తే ప్రయోజనకరంగా ఉంటుంది’’ అని పేర్కొన్నాడు. అదే విధంగా.. ధ్రువ్‌ జురెల్‌ను కూడా మిడిలార్డర్‌లో ఆడించాలని వసీం జాఫర్‌ అభిప్రాయపడ్డాడు. పెర్త్‌ టెస్టులో జైస్వాల్‌కు తోడుగా కేఎల్‌ రాహుల్‌ను ఓపెనర్‌గా పంపాలని ఈ సందర్భంగా ఈఎస్‌పీఎన్‌క్రిక్‌ఇన్ఫోతో పేర్కొన్నాడు.ఓపెనర్‌గా రాహుల్‌ బెస్ట్‌కాగా టీమిండియా తరఫున ఓపెనర్‌గా ఇప్పటి వరకు 49 టెస్టులు ఆడిన కేఎల్‌ రాహుల్‌ ఖాతాలో 2551 పరుగులు ఉన్నాయి. ఇందులో ఏడు శతకాలు, 12 హాఫ్‌ సెంచరీలు. ఇక ఓవరాల్‌గా కేఎల్‌ రాహుల్‌ 53 టెస్టుల్లో 2981 రన్స్‌ సాధించాడు. మరోవైపు.. ధ్రువ్‌ జురెల్‌ ఇటీవల ఆసీస్‌-‘ఎ’తో అనధికారిక టెస్టుల్లో 93, 80, 68 రన్స్‌ చేశాడు. ఇక టీమిండియా తరఫున నాలుగు ఇన్నింగ్స్‌లో కలిపి జురెల్‌ 190 పరుగులు సాధించాడు.చదవండి: Hardik Pandya: అన్న సారథ్యంలో తమ్ముడు

టీమిండియా స్టార్‌ బ్యాటర్‌ విరాట్‌ కోహ్లి ఫామ్‌లేమితో సతమతమవుతున్నాడు. స్వదేశంలో బంగ్లాదేశ్‌, న్యూజిలాండ్‌తో టెస్టు సిరీస్‌లలో ఈ కుడిచేతి వాటం బ్యాటర్‌ స్థాయికి తగ్గట్లు రాణించలేకపోయాడు. ముఖ్యంగా స్పిన్నర్లను ఎదుర్కోవడంలో తడబడి వికెట్‌ పారేసుకున్నాడు.ఈ నేపథ్యంలో కోహ్లి బ్యాటింగ్‌ తీరుపై విమర్శలు వెల్లువెత్తాయి. ముఖ్యంగా కివీస్‌ చేతిలో టీమిండియా 3-0తో వైట్‌వాష్‌ కావడంతో భారత మాజీ క్రికెటర్లు సైతం కోహ్లిపై ఆగ్రహం వ్యక్తం చేశారు. మరికొంత మంది మాత్రం.. ‘‘ఫామ్‌ తాత్కాలికం.. క్లాస్‌ శాశ్వతం’’ అని ఈ రన్‌మెషీన్‌కు అండగా నిలిచారు.రెండు భారీ రికార్డులపై కన్నేసిన కోహ్లి.. ఈ క్రమంలో ఆస్ట్రేలియా పర్యటన రూపంలో కోహ్లి వరుస వైఫల్యాలకు చెక్‌ పెడుతూ.. తనను తాను మరోసారి నిరూపించుకునే సమయం వచ్చింది. మామూలుగానే కంగారూలతో టెస్టుల్లో చెలరేగి ఆడే ఈ ఢిల్లీ బ్యాటర్‌.. ఇలాంటి కఠిన పరిస్థితుల్లో మరింత గొప్పగా రాణిస్తాడని ఇటు టీమిండియా, అటు ఆస్ట్రేలియా మాజీ క్రికెటర్లు అంచనా వేస్తున్నారు.ఒకవేళ ఇక్కడా విఫలమైతే.. బోర్డర్‌- గావస్కర్‌ ట్రోఫీ(బీజీటీ) కోసం ఆస్ట్రేలియా పర్యటనకు రావడం ఇదే చివరిసారి అవుతుందని కూడా జోస్యం చెబుతున్నారు. ఇదిలా ఉంటే.. కోహ్లి గనుక మునుపటి ఫామ్‌ అందుకుంటే ఆస్ట్రేలియా గడ్డపై రెండు అరుదైన భారీ రికార్డులు సొంతం చేసుకునే అవకాశం ఉంది.మరో 458 పరుగులు చేస్తే!బీజీటీ 2024-25లో భాగంగా ఆసీస్‌తో ఐదు మ్యాచ్‌ల టెస్టు సిరీస్‌లో కోహ్లి గనుక 458 పరుగులు సాధిస్తే.. సచిన్‌ టెండుల్కర్‌ ఆల్‌టైమ్‌ రికార్డు బద్దలవుతుంది. కంగారూ గడ్డపై సచిన్‌ 20 టెస్టులు ఆడి 53.20 సగటుతో.. 1809 పరుగులు సాధించాడు. తద్వారా ఆస్ట్రేలియాలో టెస్టుల్లో అత్యధిక రన్స్‌ చేసిన భారత బ్యాటర్‌గా కొనసాగుతున్నాడు.మరోవైపు కోహ్లి.. ఆస్ట్రేలియాలో ఇప్పటి వరకు ఆడిన 13 టెస్టుల్లో 54.08 సగటుతో 458 పరుగులు సాధించాడు. కాబట్టి ఈసారి ఇంకో 458 పరుగులు చేశాడంటే.. సచిన్‌ టెండ్కులర్‌ను అధిగమిస్తాడు.ఇక ఆస్ట్రేలియా గడ్డపై సచిన్‌ టెండుల్కర్‌, కోహ్లి ఆరేసి శతకాలు చేసి.. ఈ ఘనత సాధించిన టీమిండియా బ్యాటర్ల జాబితాలో అగ్రస్థానంలో కొనసాగుతున్నారు. ఈసారి కోహ్లి ఒక్క సెంచరీ చేస్తే.. సచిన్‌ను వెనక్కి నెట్టి భారత్‌ తరఫున ఆస్ట్రేలియాలో అత్యధిక శతకాలధీరుడిగా అవతరిస్తాడు.కాగా.. నవంబరు 22 నుంచి పెర్త్‌ వేదికగా ఆస్ట్రేలియా- టీమిండియా మధ్య మొదటి టెస్టు ఆరంభం కానుంది. జనవరి 3-7 వరకు జరుగనున్న ఐదో టెస్టుతో టీమిండియా ఆసీస్‌ టూర్‌ ముగుస్తుంది. ఇదిలా ఉంటే.. కోహ్లి ఇటీవల స్వదేశంలో న్యూజిలాండ్‌తో మూడు టెస్టుల్లో రాబట్టిన పరుగులు 0, 70, 1, 17, 4, 1.చదవండి: ఇషాన్‌ కిషన్‌కు కళ్లు చెదిరే ధర.. రూ. 14.5 కోట్లకు ఆ జట్టు సొంతం!

ఆస్ట్రేలియాతో ప్రతిష్టాత్మక బోర్డర్‌- గావస్కర్‌ ట్రోఫీ నేపథ్యంలో టీమిండియా ఆల్‌రౌండర్‌ శార్దూల్‌ ఠాకూర్‌ ఆసక్తికర వ్యాఖ్యలు చేశాడు. ఇంతవరకు తనకు టీమిండియా మేనేజ్‌మెంట్‌ నుంచి పిలుపురాలేదని.. కానీ.. త్వరలోనే తాను జాతీయ జట్టు తరఫున పునగామనం చేస్తానని ఆశాభావం వ్యక్తం చేశాడు. కాగా ఆసీస్‌తో ఐదు మ్యాచ్‌ల టెస్టు సిరీస్‌కు బీసీసీఐ ప్రకటించిన జట్టులో శార్దూల్‌ ఠాకూర్‌కు చోటు దక్కలేదన్న సంగతి తెలిసిందే.నితీశ్‌ కుమార్‌ రెడ్డికి అవకాశంఈ ముంబై ఆటగాడికి బదులు యువ క్రికెటర్‌ నితీశ్‌ కుమార్‌ రెడ్డిని బీసీసీఐ ఆస్ట్రేలియాకు పంపింది. ఈ నేపథ్యంలో పేస్‌ బౌలింగ్‌ ఆల్‌రౌండర్‌ కోటాలో సీనియర్‌ అయిన శార్దూల్‌ను కాదని.. టెస్టు అరంగేట్రం చేయని నితీశ్‌ను సెలక్ట్‌ చేయడంపై విమర్శలు వచ్చాయి. ఈ నేపథ్యంలో టీమిండియా హెడ్‌కోచ్‌ గౌతం గంభీర్‌ స్పందిస్తూ.. తాము గతాన్ని మరిచి సరికొత్తగా ముందుకు సాగాలని భావిస్తున్నట్లు సంకేతాలు ఇచ్చాడు.ముంబై తరఫున రంజీ బరిలోఇదిలా ఉంటే..కాలికి శస్త్ర చికిత్స చేయించుకున్న శార్దూల్‌ ఠాకూర్‌ ఇటీవలే మళ్లీ మైదానంలో అడుగుపెట్టాడు. ముంబై తరఫున రంజీ ట్రోఫీ 2024-25 సీజన్‌లో బరిలోకి దిగాడు. తాజాగా ఎలైట్‌ గ్రూప్‌-‘ఎ’లో భాగంగా సర్వీసెస్‌తో మ్యాచ్‌లో అద్భుతంగా బౌలింగ్‌ చేశాడు. శుక్రవారం ముగిసిన ఈ మ్యాచ్‌లో రెండు ఇన్నింగ్స్‌లో కలిపి ఏడు వికెట్లు పడగొట్టాడు. తద్వారా సర్వీసెస్‌పై ముంబై విజయంలో కీలక పాత్ర పోషించాడు.వంద శాతం ఫిట్‌నెస్‌ సాధించానుఈ క్రమంలో మీడియాతో మాట్లాడిన శార్దూల్‌ ఠాకూర్‌ టీమిండియా రీ ఎంట్రీ గురించి స్పందించాడు. ‘‘రంజీ ట్రోఫీ తాజా ఎడిషన్‌లో ఆరంభ మ్యాచ్‌లలో కాస్త ఆందోళనకు గురయ్యా. సర్జరీ తర్వాత పరిస్థితి ఎలా ఉంటుందోననే భయం వెంటాడింది. అయితే, క్రమక్రమంగా నాలో ఆత్మవిశ్వాసం పెరిగింది. ఇప్పుడు వంద శాతం ఫిట్‌నెస్‌ సాధించాను.బౌలింగ్‌లో నేను రాణించిన తీరు ఇందుకు నిదర్శనం. గత మూడు, నాలుగు మ్యాచ్‌లను గమనిస్తే బౌలింగ్‌ బాగానే ఉంది. కొన్నిసార్లు క్యాచ్‌లు మిస్‌ చేశాను. అయితే, ఐదు మ్యాచ్‌లలో కలిపి దాదాపు 20 వికెట్ల దాకా తీశాను. నా ఫిట్‌నెస్‌, బౌలింగ్‌ పట్ల పూర్తి సంతృప్తిగా ఉన్నాను.ఇప్పటి వరకు పిలుపు రాలేదుటీమిండియా మేనేజ్‌మెంట్‌ నుంచి నాకైతే ఇప్పటి వరకు పిలుపు రాలేదు. ఎవరూ నన్ను సంప్రదించలేదు. అయితే, ఆస్ట్రేలియా పర్యటన తర్వాత.. టీమిండియా స్వదేశంలో ఇంగ్లండ్‌తో పరిమిత ఓవర్ల సిరీస్‌ ఆడబోతోంది. కాబట్టి నాకు అవకాశం వస్తుందనే భావిస్తున్నా. ఇప్పుడైతే ఫిట్‌నెస్‌పై మరింత దృష్టి సారించి.. బౌలింగ్‌లో రాణించడమే నా ధ్యేయం’’ అని శార్దూల్‌ ఠాకూర్‌ చెప్పుకొచ్చాడు.ఆస్ట్రేలియాతో బోర్డర్-గవాస్కర్ ట్రోఫీకి టీమిండియారోహిత్ శర్మ (కెప్టెన్‌)జస్‌ప్రీత్‌ బుమ్రా (వైస్ కెప్టెన్‌)యశస్వి జైస్వాల్అభిమన్యు ఈశ్వరన్శుభ్‌మన్ గిల్విరాట్ కోహ్లీకేఎల్ రాహుల్రిషభ్‌ పంత్ (వికెట్ కీపర్‌)సర్ఫరాజ్ ఖాన్ధృవ్ జురెల్ (వికెట్‌కీపర్‌)రవిచంద్రన్ అశ్విన్రవీంద్ర జడేజామహ్మద్ సిరాజ్ఆకాశ్‌ దీప్ప్రసిద్‌ కృష్ణహర్షిత్ రాణానితీశ్‌ కుమార్ రెడ్డివాషింగ్టన్ సుందర్ చదవండి: BGT 2024: టీమిండియాకు గుడ్‌న్యూస్‌

ప్రతిష్టాత్మక ‘బోర్డర్‌–గావస్కర్‌’(బీజీటీ) సిరీస్‌కు ముందు టీమిండియాకు శుభవార్త. ప్రాక్టీస్‌ మ్యాచ్‌లో గాయపడ్డ మిడిలార్డర్‌ బ్యాటర్‌ కేఎల్‌ రాహుల్‌ కోలుకున్నాడు. తిరిగి మైదానంలో అడుగుపెట్టి భారత బౌలర్లను సమర్థవంతంగా ఎదుర్కొన్నాడు. పేసర్లు జస్‌ప్రీత్‌ బుమ్రా, మహ్మద్‌ సిరాజ్‌లతో పాటు మిగతా ఆటగాళ్ల బౌలింగ్‌లో దాదాపు గంటసేపు క్రీజులో నిలబడినట్లు సమాచారం.నెట్స్‌లోనూఅనంతరం.. కేఎల్‌ రాహుల్‌ నెట్స్‌లోనూ తీవ్రంగా చెమటోడ్చాడు. కొత్త, పాత బంతులతో సైడ్‌ ఆర్మ్‌ త్రోయర్స్‌ బౌలింగ్‌ చేస్తుండగా.. రాహుల్‌ బ్యాటింగ్‌ ప్రాక్టీస్‌ చేశాడు. కాగా బీజీటీలో భాగంగా టీమిండియా ఆస్ట్రేలియాతో ఐదు మ్యాచ్‌ల టెస్టు సిరీస్‌ ఆడనున్న విషయం తెలిసిందే. ఈ క్రమంలో ఇరుజట్ల మధ్య పెర్త్‌ వేదికగా నవంబరు 22న తొలి టెస్టు ఆరంభం కానుంది.ఇందుకోసం.. భారత జట్టు పూర్తి స్థాయిలో సన్నద్ధమవుతోంది. ఆసీస్‌తో సిరీస్‌ సన్నాహకాల్లో భాగంగా ఇండియా-‘ఎ’ జట్టుతో కలిసి మూడు రోజుల ప్రాక్టీస్‌ మ్యాచ్‌ ఆడుతోంది. శుక్రవారం మొదలైన ఈ మ్యాచ్‌లో కేఎల్‌ రాహుల్‌ మోచేతికి గాయమైంది. దీంతో ఒకరోజు మొత్తం ప్రాక్టీస్‌కు దూరంగా ఉన్న ఈ సీనియర్‌ బ్యాటర్‌.. ఆదివారం తిరిగి మైదానంలో అడుగుపెట్టాడు.శుబ్‌మన్‌ గిల్‌కు గాయంఇదిలా ఉంటే.. టీమిండియా మరో స్టార్‌ క్రికెటర్‌ శుబ్‌మన్‌ గిల్‌ గాయపడిన విషయం తెలిసిందే. టెస్టు మ్యాచ్‌ను పోలిన పరిస్థితుల మధ్య (సిమ్యులేషన్‌) ‘వాకా’ మైదానంలో ప్రాక్టీస్‌ మ్యాచ్‌లో ఫీల్డింగ్‌ చేస్తుండగా... బంతిని ఆపే క్రమంలో గిల్‌ ఎడమ బొటన వేలికి తీవ్రగాయమైంది. బాధతో విలవిల్లాడి గిల్‌ వెంటనే గ్రౌండ్‌ను వీడాడు.పరీక్షల అనంతరం గిల్‌ వేలు ఫ్యాక్చర్‌ అయినట్లు బీసీసీఐ వర్గాలు తెలిపాయి. తొలి టెస్టుకు గిల్‌ అందుబాటులో ఉండటం అనుమానంగా మారింది. సాధారణంగా ఇలాంటి గాయాల నుంచి కోలుకునేందుకు కనీసం రెండు వారాల సమయం అవసరం కావడంతో... గిల్‌ తొలి మ్యాచ్‌ ఆడటం దాదాపు అసాధ్యమే. అయితే తొలి టెస్టుకు రెండో టెస్టుకు మధ్య వ్యవధి ఎక్కువ ఉండటంతో అడిలైడ్‌ వేదికగా డిసెంబర్‌ 6 నుంచి ప్రారంభం కానున్న రెండో మ్యాచ్‌ వరకు అతడు కోలుకోవచ్చని టీమ్‌ మేనేజ్‌మెంట్‌ అంచనా వేస్తోంది. గత ఆసీస్‌ పర్యటనలో మెరుగైన ప్రదర్శన కనబర్చిన గిల్‌... ‘బోర్డర్‌–గావస్కర్‌’ ట్రోఫీని నిలబెట్టుకోవడంలో కీలకపాత్ర పోషించాడు. టాపార్డర్‌ బలహీనం! టీమిండియా కెప్టెన్‌ రోహిత్‌ శర్మ ఆస్ట్రేలియాతో తొలి టెస్టుకు దూరమవుతాడనే వార్తలు వస్తున్న నేపథ్యంలో... గిల్‌ కూడా అందుబాటులో లేకపోతే భారత టాపార్డర్‌ బలహీనపడే అవకాశాలున్నాయి. రోహిత్‌ శర్మ భార్య శుక్రవారం పండంటి బాబుకు జన్మనివ్వగా... టెస్టు సిరీస్‌ ప్రారంభానికి ఇంకా గడువు ఉండటంతో అతడు జట్టుతో చేరితే ఓపెనింగ్‌ విషయంలో ఎలాంటి సమస్య ఉండదు.లేదంటే ఇప్పటి వరకు అంతర్జాతీయ అరంగేట్రం చేయని అభిమన్యు ఈశ్వరన్‌ ఇన్నింగ్స్‌ ఆరంభిస్తాడు. ఇలాంటి తరుణంలో కేఎల్‌ రాహుల్‌ కోలుకోవడం నిజంగా టీమిండియాకు సానుకూలాంశం. ఇక ఆదివారంతో ప్రాక్టీస్‌ మ్యాచ్‌ ముగియనుండగా... మంగళవారం నుంచి మూడు రోజుల పాటు భారత జట్టు ప్రాక్టీస్‌ సెషన్స్‌లో పాల్గొననుంది.మరోవైపు గాయం నుంచి కోలుకొని రంజీ ట్రోఫీలో సత్తా చాటిన మహ్మద్‌ షమీ... ఆసీస్‌తో రెండో టెస్టుకు ముందు జట్టులో చేరే చాన్స్‌ ఉంది. రంజీ ట్రోఫీలో మధ్యప్రదేశ్‌తో మ్యాచ్‌లో బెంగాల్‌ తరఫున బరిలోకి దిగిన షమీ 43.2 ఓవర్ల పాటు బౌలింగ్‌ చేసి 7 వికెట్లు పడగొట్టడంతో పాటు 37 పరుగులు చేసి ఆకట్టుకున్నాడు. చదవండి: నాకు కాదు.. వాళ్లకు థాంక్యూ చెప్పు: తిలక్‌ వర్మతో సూర్య

బోర్డర్‌- గావస్కర్‌ ట్రోఫీ ఆరంభానికి సమయం సమీపిస్తున్న తరుణంలో టీమిండియా మాజీ కెప్టెన్‌, బీసీసీఐ మాజీ అధ్యక్షుడు సౌరవ్‌ గంగూలీ కీలక వ్యాఖ్యలు చేశాడు. రోహిత్‌ శర్మ వీలైనంత త్వరగా ఆస్ట్రేలియాకు చేరుకోవాలని సూచించాడు. జట్టుకు నాయకుడి అవసరం ఉందని.. ముఖ్యంగా ఇలాంటి ప్రతిష్టాత్మక సిరీస్‌లో కెప్టెన్‌ తోడుగా ఉంటే ఆటగాళ్ల ఆత్మవిశ్వాసం మరింతగా పెరుగుతుందన్నాడు.ఒకవేళ తాను గనుక రోహిత్‌ స్థానంలో ఉంటే కచ్చితంగా ఆస్ట్రేలియాకు వెళ్లేవాడినని పేర్కొన్నాడు. కాగా స్వదేశంలో న్యూజిలాండ్‌ చేతిలో వైట్‌వాష్‌ తర్వాత టీమిండియా ఆస్ట్రేలియాతో బోర్డర్‌- గావస్కర్‌ ట్రోఫీలో తలపడనుంది. ఇందులో భాగంగా ఐదు టెస్టులు ఆడనుంది. కనీసం నాలుగు మ్యాచ్‌లైనాఇక కివీస్‌ చేతిలో 3-0తో క్లీన్‌స్వీప్‌ కావడంతో.. ప్రపంచ టెస్టు చాంపియన్‌షిప్‌ 2023-25 ఫైనల్‌ చేరాలంటే ఆసీస్‌తో కనీసం నాలుగు మ్యాచ్‌లైనా కచ్చితంగా గెలవాల్సిన పరిస్థితి ఏర్పడింది. కాగా.. నవంబరు 22 నుంచి పెర్త్‌ వేదికగా ఆసీస్‌- టీమిండియా మధ్య ఈ సిరీస్‌ మొదలుకానుంది. పండంటి మగబిడ్డఅయితే, కెప్టెన్‌ రోహిత్‌ శర్మ మినహా ఇప్పటికే భారత ఆటగాళ్లంతా ఆస్ట్రేలియాలో అడుగుపెట్టి.. ప్రాక్టీస్‌ కూడా మొదలుపెట్టేశారు. కాగా రోహిత్‌ వ్యక్తిగత కారణాల దృష్ట్యా పెర్త్‌లో జరిగే తొలి టెస్టుకు దూరం కానున్నాడనే వార్తలు వచ్చాయి. అతడి భార్య రితికా సజ్దే తమ రెండో సంతానానికి జన్మనిచ్చే క్రమంలో.. భార్య ప్రసవం కోసం రోహిత్‌ ముంబైలోనే ఉంటాడని ప్రచారం జరిగింది.అందుకు తగ్గట్లుగానే రితికా శుక్రవారం పండంటి మగబిడ్డకు జన్మనిచ్చినట్లు రోహిత్‌ శర్మ ధ్రువీకరించాడు. ఈ నేపథ్యంలో సౌరవ్‌ గంగూలీ రెవ్‌స్పోర్ట్స్‌తో మాట్లాడుతూ.. ‘‘రోహిత్‌ శర్మ త్వరలోనే ఆస్ట్రేలియాకు చేరుకుంటాడని భావిస్తున్నా. ఎందుకంటే.. జట్టుకు ఇప్పుడు నాయకుడి అవసరం ఎంతగానో ఉంది.నేనే గనుక అతడి స్థానంలో ఉంటే.. అతడి భార్య శుక్రవారం రాత్రే మగబిడ్డకు జన్మనిచ్చిందని తెలిసింది. కాబట్టి.. రోహిత్‌ ఇక ఆస్ట్రేలియాకు బయల్దేరవచ్చు. నేనే గనుక అతడి స్థానంలో ఉంటే.. ఇప్పటికే ఆసీస్‌కు పయనమయ్యేవాడిని.తొలి టెస్టు ఆరంభానికి ముందు ఇంకా వారం రోజుల సమయం ఉంది. ఇదొక ప్రతిష్టాత్మక సిరీస్‌. రోహిత్‌ అద్భుతమైన కెప్టెన్‌ అనడంలో సందేహం లేదు. అయితే, ఇప్పుడు ఆస్ట్రేలియాకు వెళ్లడం అత్యంత ముఖ్యం. జట్టుకు అతడి అవసరం ఉంది’’ అని పేర్కొన్నాడు. రోహిత్‌ శర్మ తొలి టెస్టు ఆడితేనే బాగుంటుందని గంగూలీ ఈ సందర్భంగా అభిప్రాయపడ్డాడు.చదవండి: చరిత్రపుటల్లోకెక్కిన మ్యాక్స్‌వెల్‌.. అత్యంత వేగంగా..!

టీమిండియా సీనియర్‌ పేసర్‌ మహ్మద్‌ షమీ పునరాగమనంలో అదరగొడుతున్నాడు. బెంగాల్ తరఫున రంజీ ట్రోఫీ 2024-25 బరిలో దిగిన ఈ ఫాస్ట్‌బౌలర్‌ మధ్యప్రదేశ్‌తో మ్యాచ్‌తో కాంపిటేటివ్‌ క్రికెట్‌లో రీఎంట్రీ ఇచ్చాడు. వచ్చీరాగానే బంతితో పాటు బ్యాట్‌తోనూ అద్భుత ప్రదర్శనతో ఆకట్టుకున్నాడు.ఇండోర్‌ వేదికగా బెంగాల్‌తో మ్యాచ్‌లో టాస్‌ గెలిచిన ఆతిథ్య మధ్యప్రదేశ్‌తో తొలుత బౌలింగ్‌ ఎంచుకుంది. దీంతో బ్యాటింగ్‌కు దిగిన బెంగాల్‌ జట్టు తొలి ఇన్నింగ్స్‌లో 228 పరుగులకు ఆలౌట్‌ అయింది. ఈ క్రమంలో తమ మొదటి ఇన్నింగ్స్‌ మొదలుపెట్టిన మధ్యప్రదేశ్‌ 167 పరుగులకే కుప్పకూలింది.తమ్ముడితో కలిసి అదరగొట్టిన షమీఇందులో షమీతో పాటు అతడి తమ్ముడు మహ్మద్‌ కైఫ్‌ పాత్ర కీలకం. షమీ 54 పరుగులు ఇచ్చి 4 వికెట్లు తీయగా.. కైఫ్‌ రెండు వికెట్లు కూల్చాడు. ఇతరుల్లో సూరజ్‌ సింధు జైస్వాల్‌ రెండు వికెట్లు దక్కించుకున్నాడు. ఇక తొలి ఇన్నింగ్స్‌లో 61 పరుగుల ఆధిక్యంతో రెండో ఇన్నింగ్స్‌ మొదలుపెట్టిన బెంగాల్‌.. 276 పరుగులకు ఆలౌట్‌ అయింది.ఇందులో షమీ చేసిన పరుగులు 37. కేవలం 36 బంతుల్లోనే అతడు ఈ మేర రన్స్‌ స్కోరు చేయడం విశేషం. ఈ నేపథ్యంలో మహ్మద్‌ షమీ చిన్ననాటి కోచ్‌ మహ్మద్‌ బద్రుద్దీన్‌ ఆసక్తికర వ్యాఖ్యలు చేశాడు. షమీ త్వరలోనే ఆస్ట్రేలియా పర్యటనకు బయల్దేరతాడని తెలిపాడు.రెండో టెస్టు తర్వాత షమీ భారత జట్టుతో కలుస్తాడుఈ మేరకు.. ‘‘అడిలైడ్‌లో రెండో టెస్టు తర్వాత షమీ భారత జట్టుతో కలుస్తాడు. అతడు రీఎంట్రీలో సత్తా చాటుతున్నాడు. ఇప్పటికే ఫిట్‌నెస్‌ నిరూపించుకున్నాడు. వికెట్లు తీస్తున్నాడు. ఆసీస్‌ పర్యటన రెండో అర్ధ భాగంలో జట్టు అతడి సేవలు కీలకంగా మారనున్నాయి’’ అని ఇండియన్‌ ఎక్స్‌ప్రెస్‌తో బద్రుద్దీన్‌ పేర్కొన్నాడు.ఇదిలా ఉంటే.. టీమిండియా మాజీ హెడ్‌ కోచ్‌ రవిశాస్త్రి సైతం షమీ ఆస్ట్రేలియా పర్యటనకు వెళ్తే జట్టుకు ఉపయోగకరంగా ఉంటుందని అభిప్రాయపడ్డాడు. కాగా బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు టీమిండియా కంగారూ గడ్డపై అడుగుపెట్టింది. బుమ్రా స్థానంలో?ఇరుజట్ల మధ్య నవంబరు 22న పెర్త్‌ వేదికగా ఈ సిరీస్‌ మొదలుకానుంది. అయితే, ఆసీస్‌తో టెస్టులకు బీసీసీఐ జట్టును ఎంపిక చేసిన నాటికి షమీ పూర్తి ఫిట్‌నెస్‌ సాధించలేదు. అందుకే అతడి పేరును సెలక్టర్లు పరిగణనలోకి తీసుకోలేదు. అయితే, ఇప్పుడు కాంపిటేటివ్‌ క్రికెట్‌లో షమీ సత్తా చాటుతున్నాడు కాబట్టి త్వరలోనే ఆస్ట్రేలియా విమానం ఎక్కే అవకాశం ఉంది. మరోవైపు.. టీమిండియా ప్రధాన పేసర్‌ జస్‌ప్రీత్‌ బుమ్రా ఐదు టెస్టులకు అందుబాటులో ఉండకపోవచ్చని భారత జట్టు బౌలింగ్‌ మాజీ కోచ్‌ పారస్‌ మాంబ్రే పేర్కొనడం విశేషం. దీంతో బుమ్రా స్థానంలో షమీ మిగిలిన టెస్టులు ఆడతాడా అనే విశ్లేషణలు మొదలయ్యాయి.ఆస్ట్రేలియాతో టెస్టు సిరీస్‌కు బీసీసీఐ ప్రకటించిన జట్టురోహిత్ శర్మ (కెప్టెన్‌), జస్ప్రీత్ బుమ్రా (వైస్ కెప్టెన్‌), యశస్వి జైస్వాల్, అభిమన్యు ఈశ్వరన్, శుభ్‌మన్ గిల్, విరాట్ కోహ్లీ, కెఎల్ రాహుల్, రిషబ్ పంత్ (వికెట్ కీపర్‌), సర్ఫరాజ్ ఖాన్, ధృవ్ జురెల్ (వికెట్‌కీపర్‌), రవిచంద్రన్ అశ్విన్, రవీంద్ర జడేజా, మహ్మద్ సిరాజ్ , ఆకాశ్‌ దీప్, ప్రసిద్‌ కృష్ణ, హర్షిత్ రాణా, నితీశ్‌ కుమార్ రెడ్డి, వాషింగ్టన్ సుందర్.చదవండి: Champions Trophy: పాకిస్తాన్‌కు భారీ షాకిచ్చిన ఐసీసీ!

స్వ‌దేశంలో ఇంగ్లండ్‌తో జ‌ర‌గ‌నున్న మూడు మ్యాచ్‌ల టెస్టు సిరీస్‌కు 15 మంది స‌భ్యుల‌తో కూడిన త‌మ జ‌ట్టును న్యూజిలాండ్ క్రికెట్ ప్ర‌క‌టించింది. ఈ జ‌ట్టుకు టామ్ లాథ‌మ్ సార‌థ్యం వ‌హించ‌నున్నాడు. ఇక‌ స్టార్ బ్యాట‌ర్ కేన్ విలియ‌మ్స‌న్ తిరిగి జ‌ట్టులోకి వ‌చ్చాడు.గ‌జ్జ గాయం కారణంగా ఈ కివీ స్టార్‌ క్రికెటర్ భారత్ టెస్టులకు దూరమయ్యాడు. అయితే ఇప్పుడు గాయం నుంచి విలియ‌మ్స‌న్ పూర్తిగా కోలుకోవ‌డంతో ఇంగ్లీష్ జ‌ట్టుతో సిరీస్‌కు కివీస్ సెల‌క్ట‌ర్లు ఎంపిక చేశారు.అదేవిధంగా బౌలింగ్ ఆల్‌రౌండ‌ర్ నాథన్ స్మిత్‌కు తొలిసారి కివీస్ టెస్టు జ‌ట్టులో చోటు ద‌క్కింది. ఫ‌స్ట్‌క్లాస్ క్రికెట్‌లో అత‌డికి అద్బుత‌మైన ట్రాక్ రికార్డు ఉంది. స్మిత్ 114 ఫస్ట్-క్లాస్ వికెట్లతో పాటు 1919 ప‌రుగులు కూడా సాధించాడు. ఈ క్ర‌మంలోనే అత‌డికి సెల‌క్ట‌ర్లు పిలుపునిచ్చారు.అజాజ్ ప‌టేల్‌, సోధి దూరం!ఇక ఈ సిరీస్‌కు న్యూజిలాండ్ స్పిన్ ద్వయం అజాజ్ పటేల్, ఇష్ సోధిని సెల‌క్ట‌ర్లు ఎంపిక చేయ‌లేదు. న్యూజిలాండ్‌లోని పిచ్‌లు ఫాస్ట్ బౌలింగ్‌కు అనుకూలిస్తాయి. దీంతో అక్కడి పరిస్థితులకు తగ్గట్టు ఐదుగురు ఫాస్ట్ బౌల‌ర్ల‌ను సెల‌క్ట‌ర్లు ఎంపిక చేశారు.జాక‌బ్ డ‌ఫీకి కూడా ఈ జ‌ట్టులో చోటు ద‌క్కింది. నవంబ‌ర్ 28 నుంచి క్రైస్ట్ చ‌ర్చ్ వేదిక‌గా ఈ మూడు మ్యాచ్‌ల సిరీస్ ప్రారంభం కానుంది. కాగా భార‌త్‌తో జ‌రిగిన టెస్టు సిరీస్‌ను న్యూజిలాండ్ 3-0 తేడాతో క్లీన్ స్వీప్ చేసింది.ఇంగ్లండ్ టెస్టులకు న్యూజిలాండ్ జట్టుటామ్ లాథమ్ (కెప్టెన్‌), టామ్ బ్లండెల్ (వికెట్ కీప‌ర్‌), డెవాన్ కాన్వే, జాకబ్ డఫీ (అన్ క్యాప్డ్), మాట్ హెన్రీ, డారిల్ మిచెల్, విల్ ఓ'రూర్క్, గ్లెన్ ఫిలిప్స్, రచిన్ రవీంద్ర, మిచెల్ సాంట్నర్ , నాథన్ స్మిత్, టిమ్ సౌతీ, కేన్ విలియమ్సన్, విల్ యంగ్చదవండి: IND vs AUS: ఆసీస్‌తో టెస్టు సిరీస్‌.. టీమిండియాకు మరో భారీ షాక్‌

స్వదేశంలో చారిత్రాత్మక టెస్టు సిరీస్‌ ఓటమి తర్వాత టీమిండియా ఆస్ట్రేలియాతో తలపడనుంది. బోర్డర్‌- గావస్కర్‌ ట్రోఫీలో భాగంగా కంగారూల గడ్డపై ఐదు టెస్టులు ఆడనుంది. వీటిలో కనీసం నాలుగు మ్యాచ్‌లు గెలిస్తేనే భారత జట్టుకు ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఫైనల్‌ చేరే అవకాశం ఉంటుంది.ఈ నేపథ్యంలో తొలి టెస్టు నుంచే పట్టు బిగించాలని టీమిండియా పట్టుదలగా ఉంది. సొంతగడ్డపై న్యూజిలాండ్‌తో సిరీస్‌లో 3-0తో వైట్‌వాష్‌కు గురైన వైనాన్ని మరచి.. ఆత్మవిశ్వాసంతో ముందడుగు వేయాలని భావిస్తోంది. ఈ క్రమంలో భారత క్రికెట్‌ నియంత్రణ మండలి(బీసీసీఐ) తీసుకున్న ఓ నిర్ణయం విమర్శలకు కారణమైంది.వారిద్దరు విఫలంకాగా డబ్ల్యూటీసీలో భాగంగా కివీస్‌తో స్వదేశంలో సిరీస్‌లో రోహిత్‌ సేన బ్యాటింగ్‌ వైఫల్యం కొట్టొచ్చినట్లు కనిపించింది. బౌలర్లు రాణించినా.. కీలక బ్యాటర్లు కెప్టెన్‌ రోహిత్‌ శర్మ, విరాట్‌ కోహ్లి విఫలం కావడం తీవ్ర ప్రభావం చూపింది. ఆసీస్‌ గడ్డపై వీరిద్దరు మెరుగ్గా ఆడితేనే సిరీస్‌తో డబ్ల్యూటీసీ ఫైనల్‌ ఆశలు సజీవంగా ఉంటాయి.ఈ నేపథ్యంలో ఇప్పటికే విరాట్‌ కోహ్లి ఆస్ట్రేలియాకు చేరుకోగా.. రోహిత్‌ రెండో టెస్టు నుంచి అందుబాటులోకి వచ్చే అవకాశం ఉంది. ఇదిలా ఉంటే.. ఆసీస్‌తో టెస్టు సిరీస్‌కు ముందు బీసీసీఐ ఇంట్రా- స్క్వాడ్‌ వార్మప్‌ మ్యాచ్‌ నిర్వహించేందుకు సిద్ధమైంది.అభిమానులకు బ్యాడ్‌న్యూస్‌మొదటి టెస్టుకు వేదికైన పెర్త్‌లోని పశ్చిమ ఆస్ట్రేలియా క్రికెట్‌ స్టేడియం(WACA)లో శుక్రవారం నుంచి ఆదివారం వరకు ఈ మ్యాచ్‌ను షెడ్యూల్‌ చేసింది. అయితే, ఈ వార్మప్‌ గేమ్‌ను ప్రేక్షకులు చూడకుండా లాక్‌డౌన్‌ విధించిందని ది వెస్టర్న్‌ ఆస్ట్రేలియన్‌ మీడియా పేర్కొంది. అభిమానులను ఈ మ్యాచ్‌ చూసేందుకు అనుమతినివ్వడం లేదని తెలిపింది.భారత్‌-ఎ జట్టుతో మ్యాచ్‌ రద్దు చేసినిజానికి బీసీసీఐ ముందుగా భారత్‌-ఎ జట్టుతో టీమిండియా ప్రాక్టీస్‌ మ్యాచ్‌ నిర్వహించాలని భావించింది. అయితే, కారణమేమిటో తెలియదు కానీ దానిని రద్దు చేసి నెట్‌ సెషన్‌కే ప్రాధాన్యం ఇచ్చింది. దీంతో సునిల్‌ గావస్కర్‌ వంటి దిగ్గజాల నుంచి విమర్శలు రాగా.. మళ్లీ ఇంట్రా స్వ్కాడ్‌ మ్యాచ్‌ నిర్వహించాలని నిర్ణయం తీసుకుంది.ఇదిలా ఉంటే.. విరాట్‌ కోహ్లి సహా రిషభ్‌ పంత్‌, యశస్వి జైస్వాల్‌, జస్‌ప్రీత్‌ బుమ్రా, రవిచంద్రన్‌ అశ్విన్‌ తదితరులు ఇప్పటికే ఆస్ట్రేలియాకు చేరుకున్నారు. కోహ్లి డుమ్మాఇక వీరందరి కంటే ముందుగానే ఆసీస్‌లో అడుగుపెట్టి భారత్‌-ఎ జట్టుకు ఆడిన కేఎల్‌ రాహుల్‌తో పాటు యశస్వి, పంత్‌ మంగళవారం ప్రాక్టీస్‌ చేశారు. అయితే, కోహ్లి మాత్రం ఈ ఆప్షనల్‌ నెట్‌ సెషన్‌కు దూరంగా ఉన్నట్లు తెలుస్తోంది. కాగా నవంబరు 22 నుంచి టీమిండియా- ఆస్ట్రేలియా మధ్య ఐదు మ్యాచ్‌ల టెస్టు సిరీస్‌ మొదలుకానుంది.చదవండి: సౌతాఫ్రికాతో మూడో టీ20.. కీలక మార్పు సూచించిన భారత మాజీ స్టార్‌

టీమిండియా యువ క్రికెటర్‌ ధ్రువ్‌ జురెల్‌పై ఆస్ట్రేలియా మాజీ కెప్టెన్‌ టిమ్‌ పైన్‌ ప్రశంసలు కురిపించాడు. ప్రతిష్టాత్మక ‘బోర్డర్‌–గావస్కర్‌’ సిరీస్‌ తుది జట్టులో కచ్చితంగా చోటు దక్కించుకుంటాడని ధీమా వ్యక్తం చేశాడు. బౌన్సీ పిచ్‌లపై మెరుగైన ప్రదర్శన చేసిన ధ్రువ్‌ జురెల్‌.. ఆసీస్‌తో సిరీస్‌లో గనుక ఆడకపోతే తాను ఆశ్చర్యపోతానని పేర్కొన్నాడు.కాగా ఆసీస్‌తో కీలక టెస్టు సిరీస్‌కు ముందు ఆస్ట్రేలియా పిచ్‌పై అవగాహన కోసం.. భారత్‌ ‘ఎ’, ఆస్ట్రేలియా ‘ఎ’ జట్ల మధ్య రెండు మ్యాచ్‌ల అనధికారిక టెస్టు సిరీస్‌ నిర్వహించిన విషయం తెలిసిందే. ఇందులో పలువురు భారత జట్టు ఆటగాళ్లు బరిలోకి దిగగా... రెండో మ్యాచ్‌లో కేఎల్‌ రాహుల్, ధ్రువ్‌ జురెల్‌ కూడా ఆడారు.మిగతా బ్యాటర్లంతా విఫలమైన వేళఅయితే, ఈ పోరులో మిగతా బ్యాటర్లంతా విఫలమైన వేళ జురెల్‌ చక్కటి ఆటతీరు కనబర్చాడు. బౌన్సీ వికెట్‌పై పేసర్లను సమర్థంగా ఎదుర్కొని తొలి ఇన్నింగ్స్‌లో 80, రెండో ఇన్నింగ్స్‌లో 68 పరుగులు చేశాడు.ఈ నేపథ్యంలో ఆస్ట్రేలియా ‘ఎ’ జట్టుకు కోచ్‌గా వ్యవహరించిన మాజీ క్రికెటర్‌ టిమ్‌ పైన్‌... 23 ఏళ్ల ధ్రువ్ ఆట తీరు తనను ఆకట్టుకుందని కొనియాడాడు.‌ ‘ఆస్ట్రేలియా పిచ్‌లపై అతడి బ్యాటింగ్‌ శైలి చూసిన తర్వాత బోర్డర్‌–గావస్కర్‌ సిరీస్‌ తుది జట్టులో అతడు ఆడకపోతే ఆశ్చర్యపోవాల్సిందే.మెరుగైన షాట్‌ సెలెక్షన్‌తో ఆకట్టుకున్నాడుధ్రువ్‌ ఇప్పటి వరకు ఆడిన మూడు టెస్టుల్లోనూ ఆకట్టుకున్నాడు. ప్రస్తుతం అతడి ఆటతీరు చూస్తుంటే... సహచర ఆటగాళ్ల కంటే ఎంతో మెరుగ్గా కనిపిస్తోంది. ఆసీస్‌ పిచ్‌లపై రాణించాలంటే పేస్‌ను, బౌన్స్‌ను ఎదుర్కోవడం తెలిసి ఉండాలి. అది ధ్రువ్‌లో చూశాను. సాధారణంగా భారత జట్టు ఆటగాళ్ల ప్రదర్శన కన్నా అతడు మెరుగైన షాట్‌ సెలెక్షన్‌తో ఆకట్టుకున్నాడు. మెల్‌బోర్న్‌ పిచ్‌పై అతడు చేసిన పరుగులు చాలా విలువైనవి. ఆసీస్‌ పేసర్లను ఎదుర్కోవడం అంత సులువు కాకపోయినా... జురెల్‌లో ఆ సత్తా ఉందని మాత్రం చెప్పగలను. రిషబ్‌ పంత్‌ రూపంలో టీమిండియాకు అత్యుత్తమ వికెట్‌ కీపర్‌ అందుబాటులో ఉన్నా... కనీసం ప్లేయర్‌గానైనా ధ్రువ్‌ భారత జట్టులో ఉంటాడని అనుకుంటున్నా’ అని పైన్‌ అన్నాడు. కాగా ఈ ఏడాది ఇంగ్లండ్‌తో టెస్టు సిరీస్‌ సందర్భంగా అంతర్జాతీయ అరంగేట్రం చేసిన ధ్రువ్‌ జురెల్‌... కొన్ని చక్కటి ఇన్నింగ్స్‌లు ఆడాడు. పంత్‌ తిరిగి జట్టులోకి రావడంతోఅయితే, ప్రమాదం నుంచి కోలుకొని రిషబ్‌ పంత్‌ తిరిగి జట్టులోకి రావడంతో జురెల్‌కు తుదిజట్టులో చోటు దక్కడం కష్టంగా మారింది. ఇటీవల న్యూజిలాండ్‌తోసిరీస్‌లోనూ జురెల్‌ జట్టులో ఉన్నప్పటికీ మ్యాచ్‌ ఆడే అవకాశం మాత్రం రాలేదు. అయితే, ఆస్ట్రేలియాతో ప్రతిష్టాత్మక సిరీస్‌కు ముందు ఆడిన అనధికారిక టెస్టులో రాణించడంతో ధ్రువ్‌ను తుది జట్టులోకి తీసుకోవాలనే వాదన బలంగా వినిపిస్తోంది. ఇదే జరిగితే మిడిలార్డర్‌లో నిలకడ లేమితో ఇబ్బంది పడుతున్న సర్ఫరాజ్‌ ఖాన్‌కు బదులు ధ్రువ్‌ జురెల్‌ జట్టులో చోటు దక్కించుకునే అవకాశాలు ఉన్నాయి. చదవండి: సౌతాఫ్రికాతో మూడో టీ20.. కీలక మార్పు సూచించిన భారత మాజీ స్టార్‌

భారత వన్డే, టీ20 జట్టులో కీలకమైన పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా టెస్టులకు ఎప్పుడో దూరమయ్యాడు. ఇటీవల స్వదేశంలో బంగ్లాదేశ్‌, న్యూజిలాండ్‌లతో టెస్టు సిరీస్‌లకు ముందు రెడ్‌బాల్‌తో ప్రాక్టీస్‌ చేసినా.. రీఎంట్రీ మాత్రం ఇవ్వలేకపోయాడు. ఇక హార్దిక్‌ లేకపోయినా.. శార్దూల్‌ ఠాకూర్‌ రూపంలో టెస్టుల్లో టీమిండియాకు పేస్‌ బౌలింగ్‌ దొరికాడు. కానీ నిలకడలేమి ఆట తీరుతో ప్రస్తుతం జట్టుకు దూరమైన ఈ ముంబై క్రికెటర్‌.. రంజీ ట్రోఫీలో ఆడుతున్నాడు. నితీశ్‌కుమార్‌ రెడ్డికి బంపరాఫర్‌ ఈ నేపథ్యంలో ఆంధ్ర ఆల్‌రౌండర్‌ నితీశ్‌కుమార్‌ రెడ్డికి బంపరాఫర్‌ వచ్చిన విషయం తెలిసిందే. ఆస్ట్రేలియాతో ప్రతిష్టాత్మక బోర్డర్‌- గావస్కర్‌ ట్రోఫీకి ఎంపికైన జట్టులో పేస్‌ బౌలింగ్‌ ఆల్‌రౌండర్‌గా 21 ఏళ్ల ఈ యువ ఆటగాడు చోటు దక్కించుకున్నాడు.ఆసీస్‌-‘ఎ’తో టెస్టుల్లో విఫలంఅంతకంటే ముందే ఆస్ట్రేలియా-‘ఎ’తో తలపడిన భారత్‌-‘ఎ’ జట్టు తరఫున ఆడేందుకు కంగారూ గడ్డపై అడుగుపెట్టాడు. అయితే, ఆసీస్‌-‘ఎ’తో జరిగిన రెండు మ్యాచ్‌ల అనధికారిక టెస్టు సిరీస్‌లో నితీశ్‌ పూర్తిగా నిరాశపరిచాడు. పరుగులు రాబట్టడంలో, వికెట్లు తీయడంలోనూ విఫలమయ్యాడు.రెండు మ్యాచ్‌లలో నితీశ్‌ చేసిన స్కోర్లు 0, 17, 16, 38. తీసిన వికెట్‌ ఒకే ఒక్కటి. ఈ నేపథ్యంలో ఆస్ట్రేలియాతో జరుగనున్న టెస్టుల్లో నితీశ్‌ రెడ్డిని ఆడిస్తారా? లేదా అన్న అంశంపై భారత మాజీ క్రికెటర్‌, కామెంటేటర్‌ ఆకాశ్‌ చోప్రా తన అభిప్రాయాలు పంచుకున్నాడు.బోర్డర్‌- గావస్కర్‌ ట్రోఫీలో సీమ్‌ బౌలింగ్‌ ఆల్‌రౌండర్‌గా మేనేజ్‌మెంట్‌ నితీశ్‌ పేరును పరిశీలించే అవకాశం ఉందన్న ఆకాశ్‌.. అయితే, ఇప్పుడే అతడి నుంచి అత్యుత్తమ ప్రదర్శన ఊహించలేమన్నాడు. ఆస్ట్రేలియా-‘ఎ’ జట్టుతో మ్యాచ్‌లలో అతడు విఫలం కావడమే ఇందుకు కారణంగా పేర్కొన్నాడు. అనధికారిక టెస్టుల్లో రన్స్‌ రాబట్టలేక.. వికెట్లు తీయలేక నితీశ్‌ ఇబ్బంది పడ్డాడని.. అలాంటి ఆటగాడు పటిష్ట ఆసీస్‌పై ఎలా రాణించగలడని ప్రశ్నించాడు.అయినా భారీ అంచనాలు.. ఇప్పుడే అదెలా సాధ్యం?‘‘హార్దిక్‌ పాండ్యా లేనందుకు శార్దూల్‌ జట్టుతో ఉండేవాడు. కానీ ఇప్పుడు మనం నితీశ్‌ కుమార్‌ రెడ్డి నుంచి పేస్‌ బౌలింగ్‌ ఆల్‌రౌండర్‌గా సేవలు ఆశిస్తున్నాం. ఇప్పుడే అదెలా సాధ్యం? ఇటీవలి అతడి ప్రదర్శనలు గొప్పగా ఏమీలేవు. అయినప్పటికీ అతడిపై అంచనాలు భారీగానే ఉన్నాయి.ఏదేమైనా అతడు ఈ సిరీస్‌లో రాణించాలనే కోరుకుంటున్నా. నిజానికి ఫస్ట్‌క్లాస్‌ క్రికెట్‌లోనూ అతడికి పెద్దగా అనుభవం లేదు. అయినా.. పేస్‌ బౌలింగ్‌ ఆల్‌రౌండర్‌ రూపంలో నితీశ్‌ సేవలు జట్టుకు అవసరం కాబట్టి.. అతడు ఎంపికయ్యాడు’’ అని ఆకాశ్‌ చోప్రా అభిప్రాయపడ్డాడు.ఐపీఎల్‌లో అదరగొట్టికాగా ఐపీఎల్‌-2024లో సన్‌రైజర్స్‌ హైదరాబాద్‌ తరఫున అదరగొట్టిన విశాఖపట్నం కుర్రాడు నితీశ్‌ రెడ్డి.. ఇటీవలే టీమిండియా తరఫున అరంగేట్రం చేశాడు. ఇక ఫస్ట్‌క్లాస్‌ క్రికెట్‌ విషయానికొస్తే.. 39 ఇన్నింగ్స్‌లో కలిపి 779 పరుగులు చేసిన నితీశ్‌.. 42 ఇన్నింగ్స్‌లో కలిపి 56 వికెట్లు పడగొట్టాడు. ఇదిలా ఉంటే.. ఆసీస్‌- టీమిండియా మ ధ్య నవంబరు 22 నుంచి టెస్టు సిరీస్‌ ఆరంభం కానుంది.చదవండి: టీమిండియాకు గుడ్‌న్యూస్‌

టీమిండియా క్రికెటర్‌, రన్‌మెషీన్‌ విరాట్‌ కోహ్లికి ఉన్న ఆదరణ గురించి ప్రత్యేకంగా చెప్పాల్సిన పనిలేదు. ప్రపంచవ్యాప్తంగా అతడికి కోట్లాది మంది అభిమానులు ఉన్నారు. ఇప్పటికే అంతర్జాతీయ క్రికెట్‌లో ఎనభై సెంచరీలు పూర్తి చేసుకున్న కోహ్లి.. మరెన్నో అరుదైన ఘనతలతో రికార్డుల రారాజుగా గుర్తింపు పొందాడు.సొంతగడ్డపై పూర్తిగా విఫలమైఅయితే, గత కొంతకాలంగా టెస్టుల్లో మాత్రం విరాట్‌ కోహ్లి స్థాయికి తగ్గట్లు రాణించలేకపోతున్నాడు. ఇటీవల స్వదేశంలో న్యూజిలాండ్‌తో జరిగిన టెస్టు సిరీస్‌లోనూ పూర్తిగా విఫలమయ్యాడు. ఆరు ఇన్నింగ్స్‌లో కలిపి ఒకే అర్ధ శతకం నమోదు చేయడం అతడి ఫామ్‌లేమి నిదర్శనం.ఆసీస్‌ మీడియా దృష్టి మొత్తం అతడి మీదే! ఇలాంటి తరుణంలో టీమిండియా తదుపరి ఆస్ట్రేలియాతో బోర్డర్‌- గావస్కర్‌ ట్రోఫీ ఆడేందుకు వెళ్లనుండటంతో.. అందరి దృష్టి కోహ్లిపైనే నిలిచింది. ఆసీస్‌పై మంచి రికార్డు ఉన్న ఈ ఢిల్లీ బ్యాటర్‌ అంటే కంగారూ బౌలర్లకూ వణుకే! అందుకే ప్రస్తుతం కోహ్లి ఫామ్‌ సంగతి ఎలా ఉన్నా ఆస్ట్రేలియా మీడియాలో మాత్రం అతడే హైలైట్‌గా నిలుస్తున్నాడు.తరతరాల పోరాటంప్రతిష్టాత్మక బోర్డర్‌- గావస్కర్‌ ట్రోఫీ నేపథ్యంలో ఆస్ట్రేలియా వార్త పత్రికలు కోహ్లి గణాంకాలను విశ్లేషిస్తూ.. అతడి చిత్రాలను కవర్‌పేజీలపై ప్రముఖంగా ప్రచురించడం విశేషం. అంతేకాదు.. ఆసీస్‌- భారత్‌ టెస్టు పోరును హైలైట్‌ చేస్తూ హిందీ, పంజాబీ భాషల్లో.. ‘‘తరతరాల పోరాటం’’ అంటూ హెడ్‌లైన్స్‌ ఇచ్చాయి.ఇక కోహ్లికి ఉన్న క్రేజ్‌ దృష్ట్యా ఆసీస్‌ మీడియా అతడిని ఇలా హైలైట్‌ చేయడంలో ఆశ్చర్యమేమీలేదు. అయితే, ఈసారి కోహ్లితో పాటు మరో యువ క్రికెటర్‌ నిలువెత్తు ఫొటోను సైతం ఆసీస్‌ పత్రికలు ప్రచురించడం విశేషం. అతడు మరెవరో కాదు.. యశస్వి జైస్వాల్‌.‘నవం రాజా’గా యశస్విఅవును.. టెస్టు క్రికెట్‌లో అరంగేట్రం నుంచే సంచలన ఇన్నింగ్స్‌తో ఆకట్టుకున్న ఈ ముంబై బ్యాటర్‌కు కూడా ఆస్ట్రేలియా మీడియా ప్రాధాన్యం ఇచ్చింది. ‘నవం రాజా’(కొత్త రాజు) అంటూ యశస్వికి కితాబులిచ్చింది. ఇందుకు సంబంధించిన ఫొటోలు సోషల్‌ మీడియాలో వైరల్‌ అవుతున్నాయి. అయితే, మరో టీమిండియా స్టార్‌ రిషభ్‌ పంత్‌ అభిమానులు మాత్రం వీటిని చూసి చిన్నబుచ్చుకుంటున్నారు.హర్ట్‌ అవుతున్న పంత్‌ అభిమానులుఆస్ట్రేలియాలో టీమిండియా గత బోర్డర్‌- గావస్కర్‌ ట్రోఫీ గెలవడంలో కీలకమైన ఈ వికెట్‌ కీపర్‌కు మాత్రం సరైన ప్రాధాన్యం ఇవ్వలేదంటూ నిరాశ వ్యక్తం చేస్తున్నారు. కాగా 2020-21 పర్యటనలో గాబా టెస్టులో అద్భుత ఇన్నింగ్స్‌(89 నాటౌట్‌)తో ఆకట్టుకున్న పంత్‌.. భారత్‌ 2-1తో సిరీస్‌ గెలవడంలో కీలక పాత్ర పోషించాడు. ఇదిలా ఉంటే.. జైస్వాల్‌ ఇప్పటి వరకు14 టెస్టులు ఆడి 1407 రన్స్‌ చేశాడు. ఇందులో మూడు శతకాలు, రెండు డబుల్‌ సెంచరీలు ఉండటం విశేషం.చదవండి: CT 2025: పాకిస్తాన్‌ కాదు... సౌతాఫ్రికా వేదికగా ఛాంపియన్స్‌ ట్రోఫీ!?A lot of @imVkohli in the Australian papers this morning as is the norm whenever India are in town but never expected to see Hindi and Punjabi appearing in the Adelaide Advertiser. Tells you about the magnitude of the #AusvInd series for Australia & cricket in this country pic.twitter.com/I5B2ogPvEJ— Bharat Sundaresan (@beastieboy07) November 12, 2024

సొంతగడ్డపై టెస్టు సిరీస్‌లో న్యూజిలాండ్‌ చేతిలో అనూహ్యంగా చిత్తయిన తర్వాత భారత క్రికెట్‌ జట్టు అతి పెద్ద సమరానికి సిద్ధమైంది. ఐదు టెస్టుల బోర్డర్‌–గావస్కర్‌ ట్రోఫీలో పాల్గొనేందుకు టీమిండియా ఆ్రస్టేలియాకు బయలదేరింది. స్వదేశంలో ప్రదర్శన తర్వాత జట్టుపై అంచనాలు తక్కువగానే ఉన్నా... కంగారూ గడ్డపై గత రెండు సిరీస్‌లూ నెగ్గి ఆధిపత్యం ప్రదర్శించిన తమ ఆటతీరు స్ఫూర్తిగా కొత్త ఆశలు రేపుతోంది. ఈ నేపథ్యంలో తాజా ఓటమిని మరచి ఆసీస్‌పై సత్తా చాటుతామని హెడ్‌ కోచ్‌ గౌతమ్‌ గంభీర్‌ చెబుతున్నాడు. రోహిత్, కోహ్లి ఫామ్‌లోకి వచ్చి తమ స్థాయికి తగ్గ ప్రదర్శన ఇస్తారని అతను విశ్వాసం వ్యక్తం చేస్తున్నాడు. విరాట్‌ కోహ్లితో కలిపి జట్టులోని ఏడుగురు ఆటగాళ్లు ముందే ఆ్రస్టేలియాకు చేరుకోగా... కెపె్టన్‌ రోహిత్‌ శర్మ మినహా మిగతా వారంతా సోమవారం బయలుదేరి వెళ్లారు. నవంబర్‌ 22 నుంచి పెర్త్‌లో తొలి టెస్టు జరుగుతుంది. ముంబై: భారత జట్టు సంధి దశలో ఉందా లేదా అనే విషయాన్ని తాను పట్టించుకోనని, ప్రస్తుతానికి ఆ్రస్టేలియాతో ఐదు టెస్టుల సిరీస్‌పైనే తన దృష్టి ఉందని భారత క్రికెట్‌ జట్టు హెడ్‌ కోచ్‌ గౌతమ్‌ గంభీర్‌ స్పష్టం చేశాడు. వరల్డ్‌ టెస్టు చాంపియన్‌íÙప్‌ (డబ్ల్యూటీసీ) ఫైనల్‌కు చేరే అంశాన్ని కూడా పట్టించుకోవడం లేదని అతను వ్యాఖ్యానించాడు. కోచ్‌గా తనపై ఎలాంటి ఒత్తిడీ లేదన్న గంభీర్‌ ఆ్రస్టేలియాకు బయలుదేరే ముందు నిర్వహించిన మీడియా సమావేశంలో పలు ప్రశ్నలకు సమాధానమిచ్చాడు. విశేషాలు అతని మాటల్లోనే... కోచ్‌గా ఒత్తిడి ఎదుర్కోవడంపై... న్యూజిలాండ్‌ చేతిలో ఓటమిపై నన్ను విమర్శించ డంలో తప్పు లేదు. వాటిని స్వీకరించేందుకు నేను సదా సిద్ధం. మా ఓటమికి సాకులు వెతకడం లేదు. కివీస్‌ అన్ని రంగాల్లో చాలా బాగా ఆడింది. అయితే ఇప్పుడు సోషల్‌ మీడియాలో నాపై విరుచుకుపడటంలో అర్థం లేదు. దాని వల్ల మా జీవితాల్లో ఏమైనా తేడా వస్తుందా? నేను ఈ బాధ్యతలు తీసుకున్నప్పుడే చాలా కష్టమైన పని అని తెలుసు. ఒత్తిడి బాగా ఉంటుందనేది కూడా తెలుసు. నా బాధ్యతను నేను నిజాయితీలో నిర్వర్తిస్తున్నా. కాబట్టి ఒత్తిడి నాకు సమస్య కాదు. భారత జట్టుకు కోచ్‌గా వ్యవహరించడం గొప్ప గౌరవంగా భావిస్తున్నా. రోహిత్, కోహ్లి ఫామ్‌పై... ఇద్దరు సీనియర్‌ ఆటగాళ్ల ఫామ్‌పై ఎలాంటి ఆందోళన లేదు. వారిద్దరూ మానసికంగా చాలా దృఢమైన వారు. ఇప్పటికే భారత్‌ తరఫున ఎంతో సాధించిన వారిద్దరు మరిన్ని ఘనతలకు సిద్ధంగా ఉన్నారు. వారిలో ఇంకా ఎంతో తపన మిగిలి ఉంది. దాని కోసం చాలా కష్టపడుతున్నారు. గత సిరీస్‌ వైఫల్యం తర్వాత పరుగులు సాధించాలనే కసి వారిలో కనిపిస్తోంది. దేశం తరఫున వారి అంకితభావాన్ని ఎప్పుడూ ప్రశి్నంచవద్దు. ఇది పూర్తిగా కొత్త సిరీస్‌. కాబట్టి అక్కడ బాగా ఆడి సిరీస్‌ గెలవడమే అందరి లక్ష్యం. టీమిండియా సంధి దశపై... ఎంతో సాధించాలనే ఆటగాళ్లు పెద్ద సంఖ్యలో మా డ్రెస్సింగ్‌ రూమ్‌లో ఉన్నారు. జట్టుకు సంబంధించి ఇది సంధి కాలం అనే మాటను నేను నమ్మను. బయటి వారు ఎలా అనుకున్నా నేను అలాంటి పదాలను వాడను. పేరు ఏం పెట్టుకున్నా మార్పు అనేది సహజం. గతంలోనూ భారత జట్టులో ఇలాంటివి జరిగాయి కాబట్టి ఇక ముందూ జరుగుతాయి. నా ధ్యాసంతా ప్రస్తుతం ఆ్రస్టేలియాతో ఐదు టెస్టుల సిరీస్‌పైనే ఉంది. ఇప్పుడు నాకు అన్నింటికంటే అదే ముఖ్యం. ఆసీస్‌లో పరిస్థితులపై... మా ముందు అన్నింటికంటే పెద్ద సవాల్‌ అక్కడి పరిస్థితులకు అలవాటు పడటమే. వచ్చే పది రోజులు అందుకే చాలా కీలకం. ఈ సమయంలో తగిన విధంగా సన్నద్ధమైతే తొలి మ్యాచ్‌కు ముందు అంతా బాగుంటుంది. గతంలో ఆ్రస్టేలియాలో ఆడిన అనేక మంది అనుభవజు్ఞలు జట్టులో ఉండటం సానుకూలాంశం. వారి అనుభవం యువ ఆటగాళ్లకు కూడా పనికొస్తుంది. ఈ పది రోజులు సన్నాహాలు బాగా సాగితే 22న ఉదయం తొలి బంతి నుంచే చెలరేగిపోయే అవకాశం ఉంటుంది. వారు ఎలాంటి పిచ్‌లు ఇస్తారనేది అనవసరం. మేం అన్నింటికీ సిద్ధంగా ఉన్నాం. పిచ్‌ ఎలా ఉన్నా మా సామర్థ్యానికి తగినట్లు ఆడితే ఎవరినైనా ఓడించగలం. జట్టులోని యువ ఆటగాళ్లపై... గతాన్ని పక్కన పెట్టి ముందుకు వెళ్లడం అవసరం కాబట్టి అన్ని అంశాలు పరిగణనలోకి తీసుకున్న తర్వాతే వీరిని ఎంపిక చేశారు. విజయానికి ఉపయోగపడగలరనే నమ్మకంతో అత్యుత్తమ జట్టునే ఎంపిక చేశాం. వ్యక్తిగత రికార్డులకంటే జట్టు ప్రయోజనాలకే ప్రాధాన్యత ఇవ్వాలని జూనియర్లకు గట్టిగా చెప్పాను. నితీశ్‌ కుమార్‌ రెడ్డి మంచి ప్రతిభావంతుడు. అవకాశం లభిస్తే అతను సత్తా చాటగలడు. సుదీర్ఘ టెస్టు సిరీస్‌కు ముందు పేసర్లు అలసట లేకుండా ఉండాలనే కారణంతోనే హర్షిత్‌ రాణాను ‘ఎ’ జట్టుతో పంపలేదు. రంజీ ట్రోఫీలో అతను తగినంత బౌలింగ్‌ కూడా చేశాడు కాబట్టి ఈ నిర్ణయం తీసుకున్నాం. మా ఐదుగురు పేసర్లూ భిన్నమైన శైలి కలవారు కాబట్టి బౌలింగ్‌లో మంచి పదును ఉంది. ఓపెనర్‌గా రాహుల్‌! కెప్టెన్ రోహిత్‌ శర్మ తొలి టెస్టు ఆడటంపై ఇంకా సందేహాలు ఉన్నాయి. మ్యాచ్‌ సమయానికే దీనిపై స్పష్టత వస్తుంది. అయితే ఓపెనర్‌గా భారత్‌కు తగినన్ని ప్రత్యామ్నాయాలు అందుబాటులో ఉన్నాయని గంభీర్‌ చెప్పాడు. అయితే అభిమన్యు ఈశ్వరన్‌తో పోలిస్తే అనుభవజ్ఞుడైన రాహుల్‌కే అవకాశం దక్కవచ్చని పరోక్షంగా వెల్లడించాడు. ‘అటు ఓపెనర్‌గా, ఇటు మిడిలార్డర్‌లోనూ ఆడగలిగే సామర్థ్యం ఉన్న బ్యాటర్లు ప్రపంచ క్రికెట్‌లో చాలా తక్కువ మంది ఉంటారు. రాహుల్‌ అలాంటి వారిలో ఒకడు. తనకు ఏ బాధ్యత అయినా అప్పగించవచ్చు’ అని గంభీర్‌ వ్యాఖ్యానించాడు.

వెస్టిండీస్‌తో జ‌ర‌గ‌నున్న రెండు మ్యాచ్‌ల టెస్టు సిరీస్ కోసం 15 మంది స‌భ్యుల‌తో కూడిన తమ జట్టును బంగ్లాదేశ్‌ క్రికెట్‌ ప్రకటించింది. ఈ జట్టుకు నజ్ముల్ షాంటో సారథ్యం వహించాడు. అదేవిధంగా విండీస్‌తో సిరీస్‌కు స్టార్‌ వికెట్‌ కీపర్‌ బ్యాటర్‌ ముష్ఫికర్‌ రహీం దూరమయ్యాడు. షార్జా వేదికగా అఫ్గానిస్తాన్‌తో జరిగిన మొదటి వన్డేలో ముష్ఫికర్‌ ఎడమ చేతి చూపుడు వేలికి గాయమైంది. దీంతో సిరీస్‌ మధ్యలోనే రహీం వైదొలిగాడు. అతడు తిరిగి మళ్లీ విండీస్‌తో వన్డే సిరీస్‌ సమయానికి కోలుకునే అవకాశమున్నట్లు బంగ్లా క్రికెట్‌ వర్గాలు వెల్లడించాయి.ఇక వెటరన్‌ ఆల్‌రౌండర్‌ షకీబ్‌ అల్‌హసన్‌ను ఈ సిరీస్‌కు కూడా సెలక్టర్లు ఎంపిక చేయలేదు. దీంతో అతడి కెరీర్‌ ముగిసినట్లే చెప్పుకోవాలి. ఇంతకుముందు దక్షిణాఫ్రికా సిరీస్‌కు అతడిని బంగ్లా సెలక్టర్లు పరిగణలోకి తీసుకోలేదు. కాగా వరల్డ్‌ టెస్టు ఛాంపియన్‌షిప్‌లో భాగంగా ఈ సిరీస్‌ జరగనుంది. ఆంటిగ్వా వేదికగా నవంబర్‌ 22 నుంచి ఇరు జట్ల మధ్య రెండు మ్యాచ్‌ల టెస్టు సిరీస్‌ ప్రారంభం కానుంది.విండీస్‌తో టెస్టులకు బంగ్లా జట్టునజ్ముల్ హుస్సేన్ శాంటో (కెప్టెన్‌), షద్మాన్ ఇస్లాం, మహ్మదుల్ హసన్ జాయ్, జాకీర్ హసన్, మోమినుల్ హక్ షోరబ్, మహిదుల్ ఇస్లాం అంకోన్, లిట్టన్ దాస్ (వికెట్‌ కీపర్‌), జాకర్ అలీ అనిక్, మెహిదీ హసన్ మిరాజ్ (వైస్‌ కెప్టెన్‌), తైజుల్ ఇస్లాం, షోరిఫుల్ ఇస్లాం, తస్కిన్ అహ్మద్ , హసన్ మహమూద్, నహిద్ రాణా, హసన్ మురాద్చదవండి: హార్దిక్‌ సెల్ఫిష్‌ ఇన్నింగ్స్‌..! ఇదంతా ఐపీఎల్‌ కోసమేనా: పాక్‌ మాజీ క్రికెటర్‌

క్రికెట్ అభిమానులు ఎంతో ఆతృతగా ఎదురు చూస్తున్న భారత్‌-ఆస్ట్రేలియా మధ్య బోర్డర్ గవాస్కర్ ట్రోఫీకి మరో 12 రోజుల్లో తెరలేవనుంది. నవంబర్ 22 నుంచి పెర్త్ వేదికగా ప్రారంభం కానున్న తొలి టెస్టుతో ఈ ప్రతిష్టాత్మక సిరీస్‌​ షురూ కానుంది. ఈ క్రమంలో తొలి టెస్టుకు 13 సభ్యులతో కూడిన తమ జట్టును క్రికెట్ ఆస్ట్రేలియా ప్రకటించింది. ఈ జట్టులో ఇద్దరు ఆన్‌క్యాప్డ్ ప్లేయర్లు నాథన్ మెక్‌స్వీనీ, జోష్ ఇంగ్లిష్‌లకు చోటు దక్కింది. తొలి టెస్టుకు మైఖల్‌ నసీర్‌ గాయం కారణంగా దూరమయ్యాడు. భారత్‌-ఎ జట్టుతో జరిగిన రెండో అనాధికారిక టెస్టులో నసీర్‌ గాయపడ్డాడు.ఓపెనర్‌గా నాథన్ మెక్‌స్వీనీ..భారత్‌-ఎ జట్టుతో జరిగిన సిరీస్‌లో నాథన్ మెక్‌స్వీనీ అద్భుతమైన ప్రదర్శన కనబరిచారు.రెండు మ్యాచ్‌ల్లోనూ మెక్‌స్వీనీ కీలక ఇన్నింగ్స్‌లు ఆడాడు. ఈ క్రమంలోనే అతడికి సెలక్టర్లు తొలిసారి పిలుపునిచ్చారు. పెర్త్ టెస్టులో ఉస్మాన్ ఖవాజాతో కలిసి మెక్‌స్వీనీ ఓపెనింగ్ చేయనున్నట్లు తెలుస్తోంది.జోష్ ఇంగ్లిష్‌ కూడా ఇటీవల కాలంలో సూపర్‌ ఫామ్‌లో ఉన్నాడు. ఇప్పటికే పరిమిత ఓవర్ల జట్టులో కీలక సభ్యునిగా ఉన్న ఇంగ్లిష్‌.. ఇప్పుడు క్యారీకి బ్యాకప్‌గా చోటు సంపాదించుకున్నాడు.పెర్త్‌ టెస్టుకు ఆసీస్‌ జట్టు: స్కాట్ బోలాండ్, అలెక్స్ కారీ, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, ఉస్మాన్ ఖవాజా, మార్నస్ లబుషేన్‌, నాథన్ లియోన్, మిచెల్ మార్ష్, నాథన్ మెక్‌స్వీనీ, స్టీవ్ స్మిత్, మిచెల్ స్టార్క్చదవండి: ‘పాకిస్తాన్‌లో ఆడేదే లేదు’

టీమిండియా స్టార్‌ బ్యాటర్‌ విరాట్‌ ​కోహ్లి ప్రస్తుతం గడ్డు పరిస్థితులు ఎదుర్కొంటున్నాడు. టెస్టుల్లో స్థాయికి తగ్గట్లు రాణించలేక విమర్శలు మూటగట్టుకుంటున్నాడు. ముఖ్యంగా ఇటీవల స్వదేశంలో న్యూజిలాండ్‌తో టెస్టు సిరీస్‌లో కోహ్లి విఫలమైన తీరుపై అభిమానులు సైతం ఆగ్రహం వ్యక్తం చేశారు.ఈ సిరీస్‌లో టీమిండియా 3-0తో క్లీన్‌స్వీప్‌ కావడానికి కెప్టెన్‌ రోహిత్‌ శర్మతో పాటు కోహ్లి వైఫల్యమే కారణమని చెప్పవచ్చు. ఈ నేపథ్యంలో తదుపరి ఆస్ట్రేలియాతో బోర్డర్‌- గావస్కర్‌ ట్రోఫీలో గనుక రాణించకపోతే వీరిద్దరిపై వేటు వేయాలనే డిమాండ్లూ వస్తున్నాయి.ఒకవేళ అవే నిజమైతే గనుకఈ నేపథ్యంలో ఆస్ట్రేలియా దిగ్గజ కెప్టెన్‌ రిక్కీ పాంటింగ్‌ కోహ్లి గురించి కీలక వ్యాఖ్యలు చేశాడు. ‘‘విరాట్‌ గురించి ఇటీవల నేను కొన్ని గణాంకాలు చూశాను. గత ఐదేళ్లలో అతడు టెస్టుల్లో కనీసం రెండు లేదంటే మూడు మాత్రమే సెంచరీలు చేసినట్లు సదరు గణాంకాలు సూచిస్తున్నాయి.అవి సరైనవో కాదో నాకు తెలియదు. ఒకవేళ అవే నిజమైతే గనుక.. ఇది నిజంగా ఆందోళనపడాల్సిన విషయమే. టాపార్డర్‌ బ్యాటర్‌గా ఉంటూ ఐదేళ్లుగా రెండే టెస్టు శతకాలు బాదారంటే.. అలాంటి ఆటగాడు మరొకరు ఉండరనే అనుకుంటున్నా’’ అని పాంటింగ్‌ కోహ్లి ఆట తీరును విమర్శించాడు.ఆసీస్‌పై ఆడటం కోహ్లికి ఇష్టంఇక కోహ్లి గొప్ప బ్యాటర్‌ అనడంలో సందేహం లేదన్న పాంటింగ్‌.. ఆస్ట్రేలియాపై ఆడటం అంటే అతడికి ఎంతో ఇష్టమని పేర్కొన్నాడు. తమ జట్టుపై అతడికి మంచి రికార్డు ఉందని.. ఆసీస్‌తో తొలి టెస్టుతోనే కోహ్లి తిరిగి ఫామ్‌లోకి వచ్చినా ఆశ్చర్యం లేదన్నాడు. కాగా న్యూజిలాండ్‌తో ఇటీవల సొంతగడ్డపై మూడు టెస్టుల్లో కోహ్లి చేసిన పరుగులు వరుసగా.. 0, 70, 1, 17, 4, 1.దశాబ్దకాలం తర్వాత తొలిసారిఈ క్రమంలో దశాబ్దకాలం తర్వాత తొలిసారి ఐసీసీ టెస్టు ర్యాంకింగ్స్‌లో విరాట్‌ కోహ్లి స్థానం దిగజారింది. పదేళ్లలో తొలిసారిగా అతడు టాప్‌-20లో కూడా చోటు దక్కించుకోలేకపోయాడు. అంతేకాదు.. ఈ ఏడాదిలో ఇప్పటి వరకు ఆరు టెస్టులాడిన కోహ్లి సగటున కేవలం 22 పరుగులు రాబట్టాడు. 2011లో టెస్టుల్లో అరంగేట్రం చేసిన తర్వాత కోహ్లి ఇలా లోయెస్ట్‌ ఆవరేజ్‌ నమోదు చేయడం ఇదే తొలిసారి.ఒకవేళ ఆస్ట్రేలియా గడ్డపై గనుక రాణించకపోతే కోహ్లిపై విమర్శలు మరింత పదునెక్కడం ఖాయం. కాగా నవంబరు 22 నుంచి ఆస్ట్రేలియా- టీమిండియా మధ్య బోర్డర్‌ గావస్కర్‌ ట్రోఫీ ఆరంభం కానుంది. ఈ ఐదు మ్యాచ్‌ల టెస్టు సిరీస్‌లో కనీసం నాలుగు గెలిస్తేనే టీమిండియా ప్రపంచ టెస్టు చాంపియన్‌షిప్‌ 2023-25 ఫైనల్‌ చేరుతుంది. చదవండి: IPL 2025: మళ్లీ క్రికెట్‌ ఆడాలనుకుంటున్నాను..! ఆ ఫ్రాంఛైజీ కొనే ఛాన్స్‌!

బోర్డర్‌- గావస్కర్‌ ట్రోఫీ(బీజీటీ)కి ముందు ఆస్ట్రేలియా పర్యటనకు వెళ్లిన భారత్‌-‘ఎ’ జట్టు పూర్తిగా నిరాశపరిచింది. బౌలర్లు మెరుగ్గానే రాణించినా.. బ్యాటర్ల వైఫల్యం కారణంగా ఆసీస్‌-‘ఎ’ చేతిలో చిత్తుగా ఓడింది. రెండు మ్యాచ్‌ల అనధికారిక టెస్టు సిరీస్‌లో వైట్‌వాష్‌కు గురైంది.వారు ముందుగానే ఆస్ట్రేలియాకుకాగా ఆస్ట్రేలియాతో ప్రతిష్టాత్మక బీజీటీలో భాగంగా టీమిండియా ఐదు టెస్టులు ఆడనుంది. ఇందులో కనీసం నాలుగు గెలిస్తేనే రోహిత్‌ సేనకు ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఫైనల్‌ చేరే అవకాశం ఉంటుంది. ఇలాంటి తరుణంలో బీజీటీకి ఎంపికైన అభిమన్యు ఈశ్వరన్‌, ప్రసిద్‌ కృష్ణ, నితీశ్‌ కుమార్‌ రెడ్డి తదితరులను బీసీసీఐ ముందుగానే ఆస్ట్రేలియాకు పంపింది.రాహుల్‌తో పాటు జురెల్‌ కూడారుతురాజ్‌ గైక్వాడ్‌ సారథ్యంలోని భారత్‌-‘ఎ’ జట్టుకు కూడా వీరిని ఎంపిక చేసింది. కంగారూ గడ్డపై పిచ్‌ పరిస్థితులకు అలవాటు పడేందుకు ఈ నిర్ణయం తీసుకుంది. అదే విధంగా.. సీనియర్‌ బ్యాటర్‌ కేఎల్‌ రాహుల్‌, యువ వికెట్‌ కీపర్‌ ధ్రువ్‌ జురెల్‌ను సైతం భారత్‌-‘ఎ’ రెండో టెస్టుకు అందుబాటులో ఉండేలా అక్కడకు పంపింది.సానుకూలాంశాలు ఆ రెండేఅయితే, ఆసీస్‌-‘ఎ’తో రెండు అనధికారిక టెస్టుల్లో భారత్‌ ఘోర ఓటమిని చవిచూసింది. తొలి టెస్టులో ఏడు, రెండో మ్యాచ్‌లో ఆరు వికెట్ల తేడాతో ఓడిపోయి సిరీస్‌ను కోల్పోయింది. ఇక ఈ రెండు మ్యాచ్‌లలో సానుకూలాంశాలు ఏమైనా ఉన్నాయా అంటే.. మొదటి టెస్టులో సాయి సుదర్శన్‌ శతకం(103).. రెండో టెస్టులో ధ్రువ్‌ జురెల్‌ అద్భుత హాఫ్‌ సెంచరీలు(80, 68).వరుసగా నాలుగు సెంచరీలతో సత్తా చాటిఇక ఈ సిరీస్‌లో అత్యంత నిరాశపరిచింది ఎవరంటే మాత్రం అభిమన్యు ఈశ్వరన్‌, కేఎల్‌ రాహుల్‌(4, 10). రాహుల్‌ సంగతి పక్కన పెడితే.. అభిమన్యుపైనే ఈ సిరీస్‌ ప్రభావం గట్టిగా పడనుంది. ఫస్ట్‌క్లాస్‌ క్రికెట్‌లో ఇటీవల వరుసగా నాలుగు సెంచరీలు బాదిన ఈ బెంగాల్‌ బ్యాటర్‌ను సెలక్టర్లు ఆస్ట్రేలియాతో బీజీటీ ఆడబోయే జట్టుకు ఎంపిక చేశారు.రోహిత్‌ స్థానంలో ఆడించాలనే యోచన.. కానీతొలి టెస్టుకు కెప్టెన్‌ రోహిత్‌ శర్మ అందుబాటులో లేడన్న వార్తల నడుమ.. అభిమన్యునే యశస్వి జైస్వాల్‌తో ఓపెనర్‌గా దించుతారనే అభిప్రాయాలు వ్యక్తమయ్యాయి. కానీ.. ఆసీస్‌-‘ఎ’ జట్టుతో మ్యాచ్‌లలోనే అభిమన్యు తీవ్రంగా నిరాశపరిచాడు.దీంతో బీసీసీఐ తమ ప్రణాళికలను మార్చుకుంటుందనే విశ్లేషణలు వినిపిస్తున్నాయి. అయితే, భారత మాజీ ఓపెనర్‌ ఆకాశ్‌ చోప్రా మాత్రం ఇందుకు భిన్నంగా స్పందించాడు.అతడు ఫెయిల్‌ అయినా ఓపెనర్‌గానేఆసీస్‌-‘ఎ’తో మ్యాచ్‌లో విఫలమైనప్పటికీ అభిమన్యు ఈశ్వరన్‌ బీజీటీ మొదటి టెస్టులో టీమిండియా ఓపెనర్‌గా దిగే అవకాశం ఉందని పేర్కొన్నాడు. ఆసీస్‌- ‘ఎ’ జట్టుతో రెండో టెస్టులో భారత బ్యాటర్ల వైఫల్యాన్ని విమర్శిస్తూ.. ‘‘మరోసారి మనవాళ్లు ఫెయిల్‌ అయ్యారు. అభిమన్యు ఈశ్వరన్‌, సాయి సుదర్శన్‌, కేఎల్‌ రాహుల్‌, రుతురాజ్‌ గైక్వాడ్‌.. అంతా చేతులెత్తేశారునిజానికి ఆస్ట్రేలియాతో సిరీస్‌కు ముందు ఆటగాళ్లను సన్నద్ధం చేయడానికి బీసీసీఐ వాళ్లను అక్కడికి పంపింది. కానీ.. వాళ్లు పరుగులు చేయలేక ఇబ్బంది పడ్డారు. అయితే, ఈ సిరీస్‌లో అభిమన్యు ఈశ్వరన్‌ విఫలమైనా.. అతడు బోర్డర్‌ గావస్కర్‌ ట్రోఫీ ఆరంభ మ్యాచ్‌లలో మాత్రం ఓపెనింగ్‌ చేసే అవకాశాలు పుష్కలంగా ఉన్నాయి’’ అని ఆకాశ్‌ చోప్రా పేర్కొన్నాడు. దారుణంగా విఫలంఈ మేరకు తన యూట్యూబ్‌ చానెల్‌ వేదికగా అభిప్రాయాలు పంచుకున్నాడు. కాగా ఆసీస్‌-‘ఎ’తో సిరీస్‌లో నాలుగు ఇన్నింగ్స్‌లో అభిమన్యు చేసిన పరుగులు వరుసగా.. 7, 12, 0, 17. ఇదిలా ఉంటే.. నవంబరు 22 నుంచి ఆసీస్‌- టీమిండియా మధ్య టెస్టు సిరీస్‌ ఆరంభం కానుంది.చదవండి: IND vs SA: సంజూతో గొడ‌వ ప‌డ్డ సౌతాఫ్రికా ప్లేయ‌ర్‌.. ఇచ్చిప‌డేసిన‌ సూర్య‌! వీడియో

ఆస్ట్రేలియా గడ్డపై భారత-ఎ జట్టుకు ఘోర పరభావం ఎదురైంది. మెల్‌బోర్న్ వేదికగా ఆస్ట్రేలియా-ఎతో జరిగిన రెండో అనాధికారిక టెస్టులో 6 వికెట్ల తేడాతో భారత్ ఓటమి చవిచూసింది. దీంతో రెండు మ్యాచ్‌ల​ టెస్టు సిరీస్‌లో 2-0 తేడాతో భారత్ క్లీన్ స్వీప్ అయింది.168 పరుగుల స్వల్ప లక్ష్యంతో బరిలోకి దిగిన ఆస్ట్రేలియా కేవలం 4 వికెట్లు మాత్రమే కోల్పోయి ఛేదించింది. తొలుత ఒక్క పరుగుకే రెండు వికెట్లు కోల్పోయి కష్టాల్లో పడిన ఆసీస్‌ను శామ్ కాన్‌స్టాస్, నాథన్ మెక్‌స్వీనీ (25) ఆదుకున్నారు.ఆ తర్వాత మెక్‌స్వీనీ ఔటైనప్పటకీ శామ్ కాన్‌స్టాస్(73), వెబ్‌స్టార్(46) ఆజేయంగా నిలిచి మ్యాచ్‌ను ముగించారు.భారత బౌలర్లలో ప్రసిద్ద్ కృష్ణ మూడు వికెట్లు పడగొట్టగా, కొటియన్ ఒక్క వికెట్ సాధించారు.మరోసారి ధృవ్‌.. అంతకుముందు రెండో ఇన్నింగ్స్‌లో టీమిండియా 229 పరుగులకు ఆలౌటైంది. 75/5 ఓవర్‌నైట్‌ స్కోరుతో మూడో రోజు ఆటను ప్రారంభించిన భారత-ఎ జట్టు అదనంగా 154 పరుగులు చేసి తమ ఇన్నింగ్స్‌ను ముగించింది. మరోసారి వికెట్ కీపర్ బ్యాటర్ ధృవ్ జురెల్ కీలక ఇన్నింగ్స్ ఆడాడు. 122 బంతులు ఎదుర్కొన్న జురెల్ 5 ఫోర్లతో 68 పరుగులు చేశాడు. అతడితో పాటు తనీష్ కొటియన్‌(44), నితీష్ కుమార్ రెడ్డి(38) పరుగులతో రాణించారు.కాగా తొలి ఇన్నింగ్స్‌లో కూడా ధృవ్ (80) ఒంటరిపోరాటం చేశాడు. టీమిండియా మొదటి ఇన్నింగ్స్‌లో 161 పరుగులకే కుప్పకూలింది. ఓవరాల్‌గా బ్యాటింగ్‌ వైఫల్యం కారణంగానే ఈ సిరీస్‌ను టీమిండియా కోల్పోయింది. ధ్రువ్‌ జురెల్‌తో పాటు భారత-ఎ జట్టుతో చేరిన మరో సీనియర్‌ బ్యాటర్‌ కేఎల్‌ రాహుల్‌ తీవ్ర నిరాశపరిచాడు.చదవండి: IND vs SA: సంజూతో గొడ‌వ ప‌డ్డ సౌతాఫ్రికా ప్లేయ‌ర్‌.. ఇచ్చిప‌డేసిన‌ సూర్య‌! వీడియో

టీమిండియా హెడ్‌కోచ్ గౌతం గంభీర్‌కు త‌న ప్ర‌యాణం ఆరంభంలోనే మిశ్ర‌మ ఫ‌లితాలు ఎదుర‌య్యాయి. అత‌డి నేతృత్వంలోనే దాదాపు రెండు దశాబ్దాల తర్వాత శ్రీలంకపై వన్డే సిరీస్‌ను కోల్పోయిన భారత జట్టు.. తాజాగా స్వదేశంలో న్యూజిలాండ్ చేతిలో తొలిసారి వైట్ వాష్‌కు గురై ఘోర పరాభవాన్ని మూటకట్టుకుంది.దీంతో గంభీర్‌కు అందరికి టార్గెట్‌గా మారాడు. గంభీర్ లేనిపోని ప్రయోగాల కారణంగానే భారత్ ఓడిపోయిందని పలువురు మాజీలు కూడా విమర్శించారు. అదేవిధంగా ఈ ఘెర ఓటములపై బీసీసీఐ కూడా గంభీర్ నుంచి వివరణ కోరినట్లు తెలుస్తోంది.అయితే ఇప్పుడు బోర్డర్ గవాస్కర్ ట్రోఫీ రూపంలో గంభీర్‌కు మరో క‌ఠిన స‌వాలు ఎదురుకానుంది. బీజీటీలో భాగంగా ఐదు మ్యాచ్‌ల టెస్టు సిరీస్‌లో తలపడేందుకు భారత జట్టు ఆస్ట్రేలియాకు పయనం కానుంది. నవంబర్ 22 నుంచి పెర్త్ వేదికగా జరగనున్న తొలి టెస్టుతో ఈ సిరీస్ ప్రారంభం కానుంది.అదే జ‌రిగితే గంభీర్ పోస్ట్ ఊస్టింగ్‌!?భారత్ డబ్ల్యూటీసీ ఫైనల్ చేరాలంటే బీజీటీలో ఆసీస్‌ను 4-0 తేడాతో ఓడించాలి. అయితే హెడ్‌కోచ్‌ గౌతం గంభీర్ భ‌విత‌వ్యం బోర్డర్ గవాస్కర్ ట్రోఫీ ఫ‌లితాలపై ఆధార‌ప‌డిన‌ట్లు తెలుస్తోంది. ఒక‌వేళ ఈ ట్రోఫీలో భారత్ పేలవ ప్రదర్శన కనబరిచినట్లయితే టెస్టు జ‌ట్టు ప్రధాన కోచ్ ప‌ద‌వి నుంచి గంభీర్‌ను త‌ప్పించాల‌ని బీసీసీఐ భావిస్తుందంట‌. దైనిక్ జాగరణ్ రిపోర్ట్ ప్ర‌కారం.. రెడ్ బాల్ క్రికెట్ కోసం ప్ర‌త్యేకంగా కోచింగ్ స్టాప్‌ను నియ‌మించాల‌ని బీసీసీఐ పెద్ద‌లు యోచిస్తున్న‌ట్లు స‌మాచారం. ఒక‌వేళ అదే జ‌రిగితే భార‌త టెస్టు హెడ్‌కోచ్‌గా మాజీ క్రికెట‌ర్ వీవీయ‌స్ ల‌క్ష్మ‌ణ్ బాధ్య‌త‌లు చేప‌ట్టే అవ‌కాశ‌ముంది. ల‌క్ష్మ‌ణ్ ప్ర‌స్తుతం ద‌క్షిణాఫ్రికా ప‌ర్య‌ట‌న‌లో భార‌త జ‌ట్టు తాత్కాలిక హెడ్‌కోచ్‌గా బాధ్య‌త‌లు నిర్వ‌ర్తిస్తున్నాడు.చదవండి: IND vs SA: సంజూతో గొడ‌వ ప‌డ్డ సౌతాఫ్రికా ప్లేయ‌ర్‌.. ఇచ్చిప‌డేసిన‌ సూర్య‌! వీడియో

టీమిండియా- ఆస్ట్రేలియా మధ్య బోర్డర్‌- గావస్కర్‌ ట్రోఫీ ఈసారి మరింత రసవత్తరంగా మారనుంది. ప్రపంచ టెస్టు చాంపియన్‌షిప్‌ (డబ్ల్యూటీసీ) 2023-25 ఫైనల్‌ చేరాలంటే ఇరుజట్లకు ఈ సిరీస్‌ అత్యంత కీలకం. ముఖ్యంగా రోహిత్ సేన ఇందులో భాగమైన ఐదు టెస్టుల్లో కనీసం నాలుగు గెలిస్తేనే టైటిల్‌ పోరుకు అర్హత సాధించే అవకాశం ఉంటుంది.మరోవైపు.. ఇటీవల స్వదేశంలో భారత జట్టు ఘోర ఓటమిని చవిచూసింది. న్యూజిలాండ్‌ చేతిలో 3-0తో టెస్టు సిరీస్‌లో వైట్‌వాష్‌కు గురైంది. తద్వారా సొంతగడ్డపై ఇలాంటి పరాభవం పొందిన తొలి జట్టుగా రోహిత్‌ సేన అపఖ్యాతి మూటగట్టుకుంది. ఇలాంటి పరిస్థితుల్లో ఆస్ట్రేలియా పర్యటన ఎలా ఉండబోతుందన్నది ఆసక్తికరంగా మారింది.ఈ నేపథ్యంలో భారత మాజీ క్రికెటర్‌ వసీం జాఫర్‌ కీలక వ్యాఖ్యలు చేశాడు. ఈసారి బోర్డర్‌- గావస్కర్‌ ట్రోఫీ(బీజీటీ)లో టీమిండియా నెగ్గడం అంత సులువు కాదని.. ఈ దఫా కంగారూ జట్టు పైచేయి సాధించే అవకాశం ఉందని అంచనా వేశాడు. ప్రస్తుతం ఛతేశ్వర్‌ పుజారా లాంటి ఆటగాడి అవసరం జట్టుకు ఎంతగానో ఉందని.. అతడి లాంటి ఆటగాడు ఉంటేనే టీమిండియా మరోసారి ఆసీస్‌లో సిరీస్‌ నెగ్గగలదని పేర్కొన్నాడు.ఈసారి టీమిండియా గెలవడం కష్టమేఈ మేరకు వసీం జాఫర్‌ మాట్లాడుతూ.. ‘‘ఈసారి టీమిండియా గెలవడం కష్టమే. ఆస్ట్రేలియాను ఆస్ట్రేలియాలో ఓడించడం అత్యంత కష్టమైన పని. గత రెండు సందర్భాల్లో ఇండియా అద్భుతంగా ఆడి సిరీస్‌లు గెలిచింది.అయితే, అప్పటి కంటే ఇప్పుడు ఇంకాస్త మెరుగ్గా బ్యాటింగ్‌ చేయాల్సి ఉంటుంది. ఎందుకంటే ఈసారి పుజారా జట్టుతో లేడు. అప్పటి పర్యటనలో అతడే ప్రధాన ఆటగాడు అని చెప్పవచ్చు. కొత్త బంతితో తొలుత ఫాస్ట్‌ బౌలర్లను ట్రై చేసి.. ఆ తర్వాత పిచ్‌ పరిస్థితికి అనుగుణంగా క్రీజులో పాతుకుపోయి.. పరుగులు రాబట్టడం అతడి స్టయిల్‌.అలా అయితే.. ఆస్ట్రేలియాదే పైచేయి అవుతుందిప్రస్తుతం టీమిండియాకు పుజారా లాంటి ఆటగాడి అవసరం ఎంతగానో ఉంది. వీలైనన్ని ఎక్కువ పరుగులు సాధిస్తేనే ఈసారి భారత్‌ గెలిచే అవకాశం ఉంటుంది. లేదంటే.. ఆస్ట్రేలియాదే పైచేయి అవుతుంది’’ అని స్పోర్ట్స్‌తక్‌తో పేర్కొన్నాడు.కాగా చివరగా 2018-19 పర్యటనలో పుజారా.. బోర్డర్‌- గావస్కర్‌ ట్రోఫీ ఏడు ఇన్నింగ్స్‌లో కలిపి 74.42 సగటుతో 521 పరుగులు సాధించాడు. నాటి సిరీస్‌లో టీమిండియా 2-1తో గెలిచిన విషయం తెలిసిందే. అయితే, గత కొంతకాలంగా పుజారాకు జట్టులో చోటు కరువైంది. ఇక కివీస్‌తో సిరీస్‌లో ఈ నయా వాల్‌ లేని లోటు స్పష్టంగా కనిపించగా.. ఆసీస్‌ టూర్‌లో ఆ వెలితి మరింత ఎక్కువగా ఉంటుందని మాజీ క్రికెటర్లు పేర్కొంటున్నారు.చదవండి: సౌతాఫ్రికాతో టీ20 సిరీస్‌.. భారీ రికార్డులపై కన్నేసిన సూర్యకుమార్‌

టీమిండియా కెప్టెన్‌ రోహిత్‌ శర్మ, స్టార్‌ బ్యాటర్‌ విరాట్‌ కోహ్లిలపై విమర్శలు కొనసాగుతున్నాయి. ఈ ఇద్దరు సీనియర్ల వైఫల్యం వల్లే భారత్‌కు స్వదేశంలో ఘోర పరాభవం ఎదురైందని అభిమానులు సైతం మండిపడుతున్నారు. కనీసం ఆస్ట్రేలియా సిరీస్‌లోనైనా సత్తా చాటి జట్టును గెలిపించాలని విజ్ఞప్తి చేస్తున్నారు.మరోవైపు.. భారత మాజీ క్రికెటర్లు మాత్రం.. రోహిత్‌- కోహ్లి ఇప్పటికైనా దేశవాళీ క్రికెట్‌ ప్రాముఖ్యతను గుర్తించి.. రంజీ బరిలో దిగాలని సూచిస్తున్నారు. ఈ నేపథ్యంలో టీమిండియా మాజీ బ్యాటర్‌ మహ్మద్‌ కైఫ్‌ చేసిన వ్యాఖ్యలు వైరల్‌గా మారాయి. విలాసవంతమైన జీవితాన్ని కాస్త పక్కనపెట్టిఆస్ట్రేలియా పర్యటనలో రిషభ్‌ పంత్‌ కీలకం కానున్నాడన్న కైఫ్‌.. సీనియర్లు తమ విలాసవంతమైన జీవితాన్ని కాస్త పక్కనపెట్టి చెమటోడ్చాలని సూచించాడు. పెద్ద పెద్ద కార్లు, విమానాల్లో తిరగడం కంటే.. జట్టు ప్రయోజనాలకే పెద్దపీట వేయాలని పేర్కొన్నాడు. ఒక్కసారి ఫామ్‌లోకి వచ్చారంటే రోహిత్‌, కోహ్లిలాంటి వాళ్లకు వెనుదిరిగి చూసుకోవాల్సిన అవసరం ఉండదని కైఫ్‌ వ్యాఖ్యానించాడు. ఈ మేరకు సోషల్‌ మీడియా వేదికగా తన అభిప్రాయాలు పంచుకుంటూ.. ‘‘పరుగులు రాబట్టేందుకు ఎవరైతే ఇబ్బంది పడుతున్నారో.. ఎవరికైతే సరైనంత ప్రాక్టీస్‌ టైమ్‌ దొరకడం లేదో.. వారు వందకు వంద శాతం దేశవాళీ క్రికెట్‌ ఆడాలి.అక్కడ వీఐపీ ట్రీట్‌మెంట్‌ దొరకకపోవచ్చుమేము పెద్ద పెద్ద కార్లు, విమానాల్లో ప్రయాణిస్తామనే విషయాన్ని మర్చిపోవాలి. మీకు అక్కడ వీఐపీ ట్రీట్‌మెంట్‌ దొరకకపోవచ్చు.. కానీ ఫామ్‌లోకి రావాలంటే ఇదొక్కటే మార్గం’’ అని కైఫ్‌ కోహ్లి, రోహిత్‌లను ఉద్దేశించి కామెంట్‌ చేశాడు. అదే విధంగా.. ఆస్ట్రేలియాతో టెస్టుల్లో రిషభ్ పంత్‌ మరోసారి కీలకంగా మారనున్నాడని ఈ సందర్భంగా అభిప్రాయపడ్డాడు.కివీస్‌తో సిరీస్‌లో దారుణంగా విఫలంకాగా న్యూజిలాండ్‌తో తాజాగా స్వదేశంలో జరిగిన టెస్టు సిరీస్‌లో రోహిత్‌, కోహ్లి తీవ్రంగా నిరాశపరిచారు. ఆరు ఇన్నింగ్స్‌లో రోహిత్‌ వరుసగా 2, 52, 0, 8, 18, 11 పరుగులు మాత్రమే చేయగా.. కోహ్లి 0, 70, 1, 17, 4, 1 రన్స్‌ రాబట్టాడు. ఇద్దరూ కలిసి కేవలం 184 పరుగులు మాత్రమే చేశారు. ఈ సిరీస్‌లో భారత్‌ కివీస్‌ చేతిలో 3-0తో క్లీన్‌స్వీప్‌నకు గురైంది. తద్వారా భారత క్రికెట్‌ చరిత్రలోనే సొంతగడ్డపై మూడు మ్యాచ్‌ల టెస్టు సిరీస్‌లో వైట్‌వాష్‌కు గురైన తొలి జట్టుగా రోహిత్‌ సేన నిలిచింది. కాగా దేశవాళీ క్రికెట్‌లో రోహిత్‌ ముంబై, కోహ్లి ఢిల్లీకి ఆడిన విషయం తెలిసిందే.చదవండి: BGT: రోహిత్‌ను తప్పించి.. అతడిని కెప్టెన్‌ చేయండి.. ఎందుకంటే: టీమిండియా దిగ్గజం

చారిత్రాత్మక ఓటమి నుంచి కోలుకుని తదుపరి టెస్టు సిరీస్‌పై టీమిండియా దృష్టి పెట్టింది. ఆస్ట్రేలియా పర్యటనలో భాగంగా బోర్డర్‌- గావస్కర్‌ ట్రోఫీలో రాణించాలని పట్టుదలగా ఉంది. అయితే, ఈ ఐదు టెస్టుల సిరీస్‌లో తొలి మ్యాచ్‌కు కెప్టెన్‌ రోహిత్‌ శర్మ అందుబాటులో ఉండడనే వార్తలు వినిపిస్తున్నాయి. ఈ నేపథ్యంలో భారత క్రికెట్‌ దిగ్గజం సునిల్‌ గావస్కర్‌ కీలక వ్యాఖ్యలు చేశాడు.రోహిత్‌ను తప్పించండిఆస్ట్రేలియాతో సిరీస్‌కు కెప్టెన్‌గా రోహిత్‌ శర్మను తప్పించాలని గావస్కర్‌ బీసీసీఐకి సూచించాడు. అతడి స్థానంలో ప్రధాన పేసర్‌ జస్‌ప్రీత్‌ బుమ్రాను సారథిగా నియమిస్తే ప్రయోజనకరంగా ఉంటుందని అభిప్రాయపడ్డాడు. ‘‘రోహిత్‌ శర్మ తొలి టెస్టుకు అందుబాటులో ఉండడనే వార్తలు వినిపిస్తున్నాయి. బహుశా అతడు రెండో టెస్టు కూడా ఆడకపోవచ్చు.అదే నిజమైతే మాత్రం.. టీమిండియా సెలక్షన్‌ కమిటీ కాస్త కఠినంగానే వ్యవహరించాలి. ఒకవేళ రోహిత్‌కు విశ్రాంతినివ్వాలని భావిస్తే అలాగే చేయండి. కానీ వ్యక్తిగత కారణాల దృష్ట్యా జట్టుకు దూరమై.. రెండు- మూడు టెస్టులకు అందుబాటులో లేకుండా పోతే మాత్రం.. ఈ టూర్‌లో అతడిని కేవలం ఆటగాడినే పరిగణించండి.భారత క్రికెట్‌ కంటే ఎవరూ ఎక్కువ కాదువైస్‌ కెప్టెన్‌ను ఈ సిరీస్‌కు పూర్తి స్థాయి కెప్టెన్‌గా నియమించండి. వ్యక్తుల కంటే కూడా భారత క్రికెట్‌ బాగోగులే మనకు ముఖ్యం. ఒకవేళ మనం న్యూజిలాండ్‌ సిరీస్‌ను 3-0తో గెలిచి ఉంటే పరిస్థితి వేరేలా ఉండేది. కానీ.. మనం కివీస్‌ చేతిలో 3-0తో ఓడిపోయాం. కాబట్టి ఇకపై ‍ప్రతి మ్యాచ్‌కు కెప్టెన్‌ అవసరం తప్పకుండా ఉంటుంది.కెప్టెన్‌ ఉంటేనే జట్టు ఐకమత్యంగా ఉంటుంది. ఆరంభంలో ఒక సారథి.. ఆ తర్వాత మరో కెప్టెన్‌ వచ్చాడంటే మాత్రం పరిస్థితి మన ఆధీనంలో ఉండకపోవచ్చు’’ అని సునిల్‌ గావస్కర్‌ స్పోర్ట్స్‌ తక్‌తో తన అభిప్రాయాలు పంచుకున్నాడు. ఇక భారత మాజీ ఓపెనర్‌ ఆకాశ్‌ చోప్రా సైతం గావస్కర్‌ వ్యాఖ్యలను సమర్థించాడు. టెస్టు సారథిగా ఒకే ఒకసారిఇదిలా ఉంటే.. బుమ్రా టెస్టుల్లో ఇప్పటి వరకు టీమిండియాకు ఒకేసారి సారథ్యం వహించాడు. ఇంగ్లండ్‌తో 2022లో జరిగిన బర్మింగ్‌హామ్‌ టెస్టులో కెప్టెన్‌గా వ్యవహరించాడు. అయితే, ఈ మ్యాచ్‌లో బుమ్రా ఐదు వికెట్లతో రాణించినా భారత్‌కు ఓటమి తప్పలేదు. నాడు ఇంగ్లండ్‌ చేతిలో ఏడు వికెట్ల తేడాతో బుమ్రా సేన పరాజయం పాలైంది. ఇక.. స్వదేశంలో ఇటీవల న్యూజిలాండ్‌తో టెస్టు సిరీస్‌లో 3-0తో భారత జట్టు వైట్‌వాష్‌కు గురైన విషయం తెలిసిందే. భారత ‍క్రికెట్‌ చరిత్రలో సొంతగడ్డపై ఇలా జరగటం ఇదే తొలిసారి. కాగా ఆసీస్‌తో నవంబరు 22 నుంచి టీమిండియా టెస్టులు ఆరంభం కానున్నాయి. ఆస్ట్రేలియా పర్యటనకు బీసీసీఐ ఎంపిక చేసిన జట్టురోహిత్‌ శర్మ, జస్‌ప్రీత్‌ బుమ్రా, యశస్వి జైశ్వాల్‌, అభిమన్యు ఈశ్వరన్‌, శుభ్‌మన్‌ గిల్‌, విరాట్‌ కోహ్లీ, కేఎల్‌ రాహుల్‌, సర్ఫరాజ్‌ ఖాన్‌, రిషభ్‌ పంత్‌ (వికెట్‌ కీపర్‌), ధ్రువ్‌ జురెల్‌ (వికెట్‌ కీపర్‌), రవిచంద్రన్‌ అశ్విన్‌, రవీంద్ర జడేజా, ఆకాశ్‌ దీప్‌, మహమ్మద్‌ సిరాజ్‌, ప్రసిద్ధ్‌ కృష్ణ, హర్షిత్‌ రాణా, నితీశ్‌కుమార్‌ రెడ్డి, వాషింగ్టన్‌ సుందర్‌.చదవండి: IPL Auction: టీమిండియా స్టార్ల కనీస ధర? అప్పటి నుంచి ఒక్క టీ20 ఆడకుండానే...

టీమిండియా స్టార్‌ క్రికెటర్‌ విరాట్‌ కోహ్లి పుట్టినరోజు(నవంబరు 5) సందర్భంగా ప్రపంచ వ్యాప్తంగా అభిమానుల నుంచి శుభాకాంక్షలు వెల్లువెత్తుతున్నాయి. ఈ క్రికెట్‌ కింగ్‌ విజయాలను కీర్తిస్తూ.. అతడి బ్యాటింగ్‌ నైపుణ్యాలను కొనియాడుతూ విషెస్‌ తెలుపుతున్నారు ఫ్యాన్స్‌. ఈ జాబితాలో ఇటాలియన్‌ ఫుట్‌బాలర్‌ అగతా ఇసబెల్ల సెంటాసో(Agata Isabella Centasso) కూడా చేరిపోయింది.అయితే, కోహ్లికి బర్త్‌డే విషెస్‌ తెలిపినందుకు ఆమెకు చేదు అనుభవం ఎదురైంది. కోహ్లి అభిమానులుగా చెప్పుకొనే కొంతమంది సోషల్‌ మీడియా యూజర్లు అగతాను కించపరిచే విధంగా ట్రోల్‌ చేస్తున్నారు. మరికొందరు మాత్రం తమ ఆరాధ్య ఆటగాడిని విస్‌ చేసినందుకు ఆమెకు కృతజ్ఞతలు తెలుపుతున్నారు.ఇటలీ అభిమాని నుంచి విరాట్‌ కోహ్లికి హ్యాపీ బర్త్‌డేఅసలేం జరిగిందంటే.. కోహ్లి పుట్టినరోజును పురస్కరించుకుని.. ‘‘ఇటలీ అభిమాని నుంచి విరాట్‌ కోహ్లికి హ్యాపీ బర్త్‌డే. ఆల్‌ ది బెస్ట్‌’’ అంటూ ట్వీట్‌ చేసిన అగతా.. టీమిండియా జెర్సీ ధరించిన ఫొటో షేర్‌ చేసింది. ఇందుకు బదులుగా.. ఓ నెటిజన్‌.. ‘‘అసలు నీకు క్రికెట్‌ గురించి, కోహ్లి గురించి ఏమీ తెలియదు!అంత చీప్‌గా కనిపిస్తున్నానా?అయినా సరే.. కోట్ల సంఖ్యలో ఉన్న భారతీయుల్లో పాపులర్‌ అవడానికి ఈ ట్వీట్‌ చేశావు! వెల్‌ డన్‌!’ అంటూ విద్వేషం ప్రదర్శించాడు. అగతా ఇందుకు గట్టిగానే కౌంటర్‌ ఇచ్చింది. ‘‘నా మీద అంత దురభిప్రాయం ఉంటే.. ఇంకా నన్నెందుకు ఫాలో అవుతున్నావు? నీ నెగటివిటీని ఇక్కడ కాకుండా మరెక్కడైనా ప్రదర్శించు’’ అని సమాధానమిచ్చింది.ఎందుకిలా చేస్తున్నారు?అంతేగాకుండా.. ‘‘నేను విరాట్‌ కోహ్లి లేదంటే క్రికెట్‌ గురించి పోస్ట్‌ పెట్టిన ప్రతిసారీ ఎవరో ఒకరు ఇలా నెగటివ్‌గా స్పందిస్తున్నారు. ఇలా ఎందుకు చేస్తున్నారో నాకైతే అర్థం కావడం లేదు. నమస్తే’’ అంటూ అగతా తన ఆవేదనను వ్యక్తం చేసింది.గడ్డు పరిస్థితులుకాగా విరాట్‌ కోహ్లి ప్రస్తుతం ఫామ్‌లేమితో సతమతమవుతున్నాడు. ఇటీవల బంగ్లాదేశ్‌తో స్వదేశంలో సిరీస్‌ సందర్భంగా టెస్టుల్లో రీఎంట్రీ ఇచ్చిన కోహ్లి నిరాశపరిచాడు. బంగ్లాపై 6, 17, 47, 29(నాటౌట్‌) పరుగులు స్కోరు చేశాడు.అదే విధంగా.. సొంతగడ్డపై న్యూజిలాండ్‌తో టెస్టు సిరీస్‌లోనూ స్థాయికి తగ్గట్లు రాణించలేక చతికిలపడ్డాడు. 0, 70, 1, 17, 4, 1 పరుగులు మాత్రమే చేశాడు. దీంతో కోహ్లి ఆట తీరుపై విమర్శలు వస్తున్నాయి. ఈ క్రమంలో ఆస్ట్రేలియా పర్యటనలో టెస్టుల్లో రాణిస్తేనే అతడిని జట్టులో కొనసాగించాలని టీమిండియా మాజీలు సైతం డిమాండ్‌ చేస్తున్నారు.చదవండి: Akaay: కోహ్లి బర్త్‌డే.. తొలిసారి కుమారుడి ఫొటో షేర్‌ చేసిన అనుష్క@imVkohli, happy birthday from a fan in Italy. All the best to you 🇮🇳🏏 pic.twitter.com/wIk1UXO3eR— Agata Isabella Centasso (@AgataCentasso) November 5, 2024

న్యూజిలాండ్‌తో మూడో టెస్టు.. ముంబై.. వాంఖడే మైదానం.. రిషభ్‌ పంత్‌ ఇంకాసేపు క్రీజులో నిలబడితే చాలు.. టీమిండియా గెలవడం ఖాయం.. అని అభిమానులు ఆశగా ఎదురుచూస్తున్న వేళ.. అజాజ్‌ పటేల్‌ బౌలింగ్‌లో పంత్‌ వికెట్‌ కీపర్‌ క్యాచ్‌గా వెనుదిరగడం అందరికీ షాకిచ్చింది.నిజానికి ఫీల్డ్‌ అంపైర్‌ పంత్‌ను నాటౌట్‌గా ప్రకటించాడు. అజాజ్‌ వేసిన బంతి పంత్‌ బ్యాట్‌ను కాకుండా ప్యాడ్లను తాకిందనే ఉద్దేశంతో.. అజాజ్‌ అప్పీలు చేసినా అంపైర్‌ నుంచి సానుకూల స్పందన రాలేదు. పంత్‌ సైతం అదే ధీమాతో క్రీజులో నిలబడి చిరునవ్వులు చిందించాడు.అయితే, కివీస్‌ మాత్రం రివ్యూకు వెళ్లింది. అందులో బంతి బ్యాట్‌ అంచును తాకినట్లుగా కనిపించింది. అయితే, అదే సమయంలో బ్యాట్‌ ప్యాడ్లను తాకిన తాకిందని పంత్‌ అనుమానం వ్యక్తం చేశాడు. అయినప్పటికీ బంతి బ్యాట్‌ను తాకినప్పుడే స్పైక్స్‌ వచ్చాయంటూ థర్డ్‌ అంపైర్‌ పంత్‌ను అవుట్‌గా ప్రకటించాడు.కానీ పంత్‌ మాత్రం మైదానాన్ని వీడేందుకు ఇష్టపడక కాసేపు ఫీల్డ్‌ అంపైర్లతో వాదించి.. ఇక లాభం లేదనుకుని పెవిలియన్‌ చేరాడు. పంత్‌ నిష్క్రమణ తర్వాత భారత్‌ ఓటమి ఖారారై.. కివీస్‌ చేతిలో 3-0తో వైట్‌వాష్‌కు గురైంది. దీంతో పంత్‌ అవుటైన తీరు విస్తృతంగా చర్చకు వచ్చింది.ఈ క్రమంలోనే చాలా మంది హాట్‌స్పాట్‌ టెక్నాలజీ విషయాన్ని తెరమీదకు తెచ్చారు. డెసిషన్‌ రివ్యూ సిస్టమ్‌(డీఆర్‌ఎస్‌)లో ఈ సాంకేతికతను కూడా బీసీసీఐ చేర్చుకుని ఉంటే ఇలాంటి సందర్భాల్లో ఉపయోగకరంగా ఉండేదనే అభిప్రాయాలు వ్యక్తం చేస్తున్నారు.హాట్‌స్పాట్‌ టెక్నాలజీ అంటే ఏమిటి?ఫ్రెంచ్‌ శాస్త్రవేత్త నికోలస్‌ బియాన్‌ హాట్‌స్పాట్‌ టెక్నాలజీని అభివృద్ధి చేశారు. రక్షణ దళాలు విపత్కర పరిస్థితుల నుంచి బయటపడేందుకు వీలుగా ఈ సాంకేతికతను రూపొందించారు. థర్మల్‌ ఇమేజింగ్‌ టెక్నాలజీని ఉపయోగిస్తూ.. చీకట్లో, పొగ కమ్ముకున్న సమయంలో యుద్ధ ట్యాంకులు, విమానాల కదలికలను పసిగట్టడం కోసం దీనిని వాడతారు.క్రికెట్‌లో హాట్‌స్పాట్‌ఆస్ట్రేలియా- ఇంగ్లండ్‌ మధ్య 2006-07 నాటి యాషెస్‌ సిరీస్‌ సందర్భంగా క్రికెట్‌లో హాట్‌స్పాట్‌ టెక్నాలజీని తొలిసారిగా ఉపయోగించారు. ఇన్‌ఫ్రారెడ్‌ కెమెరాల ద్వారా బంతి బ్యాటర్‌కు శరీరానికి తగిలిందో లేదో పరిశీలించే వీలు కలుగుతుంది. డీఆర్‌ఎస్‌ను మరింత సరళతరంగా, కచ్చితంగా మార్చేందుకు ఈ సాంకేతికతను వాడారు. సౌతాఫ్రికా, ఇంగ్లండ్‌, యూఏఈలలో కూడా ఈ హాట్‌స్పాట్‌ టెక్నాలజీని ఉపయోగించారు.ఇది ఎలా పనిచేస్తుందంటే?బౌలర్‌ సైడ్‌ రెండు థర్మల్‌ ఇమేజింగ్‌ కెమెరాలను అమరుస్తారు. బంతిని బ్యాటర్‌ శరీరాన్ని లేదంటే ప్యాడ్‌ను తాకినపుడు వెలువడ్డ ఉష్ణోగ్రత ఆధారంగా నెగటివ్‌ ఇమేజ్‌ ద్వారా ఏ పాయింట్లో బంతి తాకిందో గుర్తిస్తారు. బంతి బ్యాట్‌ అంచును తాకిందా లేదంటే ప్యాడ్‌ను తాకిందా అనేది దీని ద్వారా స్పష్టంగా తెలుసుకునే అవకాశం ఉంటుంది.కచ్చితత్వం ఎంత?హాట్‌స్పాట్‌ చుట్టూ కూడా వివాదాలు ఉన్నాయి. 2011లో భారత్‌ ఇంగ్లండ్‌ పర్యటనకు వెళ్లినపుడు ఈ టెక్నాలజీ వాడగా.. ఆ జట్టు మాజీ కెప్టెన్‌ మైకేల్‌ వాన్‌.. వీవీఎస్‌ లక్ష్మణ్‌ అవుట్‌ కాకుండా లైఫ్‌ పొందిన విషయం గురించి ప్రస్తావిస్తూ ఈ సాంకేతికతను తప్పుబట్టాడు. ఇక టూల్‌ ఇన్వెంటర్‌ వారెన్‌ బ్రెనాన్‌ సైతం పూత ఉండే బ్యాట్ల విషయంలో ఈ టెక్నాలజీ సరిగ్గా పనిచేయకపోవచ్చని అభిప్రాయపడ్డాడు.ఇండియాలో ఎందుకు వాడటం లేదు?హాట్‌స్పాట్‌ టెక్నాలజీ ఖరీదైనదని బీసీసీఐ, బ్రాడ్‌కాస్ట్‌ వర్గాలు అంటున్నాయి. ఒక్క కిట్‌ కోసం రోజుకు పది వేల అమెరికన్‌ డాలర్లు ఖర్చు చేయాల్సి వస్తుందని.. ఇంతచేసినా కచ్చితమైన ఫలితాలు పొందలేమని పేర్కొంటున్నాయి. అందుకే ఈ టెక్నాలజీని ఇండియాలో వాడటం లేదని.. స్కై స్పోర్ట్స్, సూపర్‌స్పోర్ట్స్‌ కూడా వీటి వినియోగాన్ని ఆపేశాయని తెలిపాయి. ఇక అంతర్జాతీయ క్రికెట్‌ మండలి సైతం హాట్‌స్పాట్‌ టెక్నాలజీని ఇంత వరకు ఒక్కసారి కూడా ఉపయోగించకపోవడం విశేషం.చదవండి: బీసీసీఐ మాస్టర్‌ ప్లాన్‌.. ముందుగానే ఆస్ట్రేలియాకు ఆ ఇద్దరు స్టార్‌ ప్లేయర్లు?

భారత టెస్టు క్రికెట్‌ చరిత్రలోనే ఘోరమైన ఓటమిని మూటగట్టుకున్న రోహిత్‌ సేనపై విమర్శల పర్వం కొనసాగుతోంది. క్రికెట్‌ దిగ్గజాలు సునిల్‌ గావస్కర్‌, సచిన్‌ టెండుల్కర్‌, అనిల్‌ కుంబ్లే తదితరులు న్యూజిలాండ్‌ చేతిలో ఓటమిని తట్టుకోలేక.. టీమిండియా వైఫల్యాన్ని ఎత్తిచూపుతూ ఘాటుగా స్పందిస్తున్నారు. అయితే, ఆస్ట్రేలియా స్టార్‌ జోష్‌ హాజిల్‌వుడ్‌ మాత్రం ఇందుకు భిన్నంగా స్పందించాడు.తొలిసారి -0-3తో వైట్‌వాష్‌కాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఫైనల్‌ చేరాలంటే తప్పక గెలవాల్సిన సిరీస్‌లో భారత జట్టు దారుణంగా విఫలమైన విషయం తెలిసిందే. స్వదేశంలో కివీస్‌తో జరిగిన మూడు టెస్టుల్లో ఓడి.. వైట్‌వాష్‌కు గురైంది. తద్వారా భారత క్రికెట్‌ చరిత్రలో ఈ చెత్త ఘనత సాధించిన తొలి జట్టుగా రోహిత్‌ సేన నిలిచింది.ఫలితంగా ఘోర అవమానం మూటగట్టుకోవడంతో పాటు.. డబ్ల్యూటీసీ ఫైనల్‌ అవకాశాలనూ సంక్లిష్టం చేసుకుంది. తదుపరి ఆస్ట్రేలియా పర్యటనలో నాలుగు టెస్టులు కచ్చితంగా గెలవాల్సిన స్థితికి చేరింది. ఈ నేపథ్యంలో గావస్కర్‌ వంటి విశ్లేషకులు ఇక మనం డబ్ల్యూటీసీ ఫైనల్‌ అవకాశాలు వదిలేసుకోవడం మంచిదనే అభిప్రాయాలు వ్యక్తం చేస్తున్నారు.నిద్రపోయిన దిగ్గజానికి ఇదో మేలుకొలుపుఈ నేపథ్యంలో ఆసీస్‌ పేసర్‌ హాజిల్‌వుడ్‌ స్పందించిన తీరు మాత్రం వైరల్‌గా మారింది. ‘‘నిద్రపోయిన దిగ్గజానికి ఇదో మేలుకొలుపు. అయితే, వారు దీని నుంచి ఎలా బయటపడతారో చూద్దాం’’ అని హాజిల్‌వుడ్‌ వ్యాఖ్యానించాడు. ఇక టీమిండియా 3-0తో గెలవడం కంటే.. 0-3తో ఓడిపోవడమే వారికి మంచిదని అతడు అభిప్రాయపడ్డాడు.కివీస్‌తో సిరీస్‌లో చాలా మంది బ్యాటర్లు విఫలమయ్యారని.. అయితే ఒకరిద్దరు మాత్రం అద్భుతంగా ఆడారని కొనియాడాడు. అయితే, ప్రస్తుతం టీమిండియాతో పోటీ ఎలా ఉండబోతుందో అంచనా వేయలేమని.. ఏదేమైనా ఫలితాలు మాత్రం తమకు అనుకూలంగా వస్తాయని హాజిల్‌వుడ్‌ ధీమా వ్యక్తం చేశాడు.టీమిండియా మరింత స్ట్రాంగ్‌గా ఇక ఇండియాలో ఒక్క టెస్టు గెలవడమే కష్టమని.. అలాంటిది క్లీన్‌స్వీప్‌తో కివీస్‌ ఆటగాళ్లు అసాధ్యాన్ని సుసాధ్యం చేశారని హాజిల్‌వుడ్‌ కొనియాడాడు. అయితే, భారత జట్టును తక్కువ అంచనా వేయబోమని.. న్యూజిలాండ్‌ చేతిలో ఓటమి తర్వాత టీమిండియా మరింత స్ట్రాంగ్‌గా తిరిగివస్తుందని పేర్కొన్నాడు. కాగా నవంబరులో రోహిత్‌ సేన ఆస్ట్రేలియాకు వెళ్లనుంది. బోర్డర్‌- గావస్కర్‌ ట్రోఫీలో భాగంగా కంగారూ జట్టుతో ఐదు టెస్టులు ఆడనుంది. ఇందులో నాలుగు గెలిస్తేనే టీమిండియా డబ్ల్యూటీసీ ఫైనల్‌ అవకాశాలు సజీవంగా ఉంటాయి.చదవండి: 'బుమ్రా, గిల్‌ కాదు.. టీమిండియా నెక్ట్స్‌ కెప్టెన్‌ అతడే'

ముంబై: భారత్‌తో టెస్టు సిరీస్‌ విజయంలో న్యూజిలాండ్‌ బ్యాటర్‌ రచిన్‌ రవీంద్ర కూడా ప్రధాన పాత్ర పోషించాడు. తన తల్లిదండ్రులు పుట్టి పెరిగిన బెంగళూరులో అద్భుత సెంచరీ సాధించి జట్టును తొలి టెస్టులో గెలిపించిన అతను సిరీస్‌ విజయానికి పునాది వేశాడు. అయితే ఇన్నేళ్లలో ఎన్నడూ లేనిది సిరీస్‌ విజయం తర్వాత తన తండ్రి అభినందిస్తూ మెసేజ్‌ పంపించడం తన ఆనందాన్ని రెట్టింపు చేసిందని రచిన్‌ చెప్పాడు. నేను వంద శాతం న్యూజిలాండ్‌వాడినేచిన్నస్వామి స్టేడియంలో ప్రేక్షకుల మధ్య ఉన్న తండ్రి రవి కృష్ణమూర్తి సమక్షంలోనే రచిన్‌ శతకంతో సత్తా చాటాడు. ‘నేను వంద శాతం న్యూజిలాండ్‌వాడినే. అక్కడే పుట్టి పెరిగాను. కానీ మా అమ్మా నాన్న సొంత ఊరిలో నేను బాగా ఆడటం మరచిపోలేని క్షణం. అది ఎప్పటికీ గుర్తుకు వస్తూనే ఉంటుంది. అయితే ఇన్నేళ్లలో ఆయన నన్ను వ్యక్తిగతంగా అభినందించడం ఎప్పుడూ చూడలేదు. కానీ ముంబై టెస్టు తర్వాత నిన్ను చూసి గర్విస్తున్నా అని నాన్న మెసేజ్‌ పంపించారు. అందుకే ఈ సిరీస్‌ విజయానందం రెట్టింపైంది. గెలిచాక మైదానంలో కూడా మా పరిస్థితి అంతా కొత్తగా, నమ్మశక్యం కాని విధంగా ఉంది. ఈ అనుభూతిని మాటల్లో వర్ణించలేనుఎజాజ్‌ చివరి వికెట్‌ తీయగానే ప్రతీ ఒక్కరూ ఆనందంతో సహచరుల వైపు పరుగెడుతున్నారు. ఇలాంటి అనుభవం ఎప్పుడూ ఎదురు కాలేదు. అందరం ఒక్కచోట చేరి ఆనందం పంచుకున్న అనుభూతిని నిజంగా మాటల్లో వర్ణించలేను. కానీ ఎంతో ప్రత్యేకం అని మాత్రం చెప్పగలను’ అని రచిన్‌ వివరించాడు. చదవండి: Aus vs Pak: చరిత్ర సృష్టించిన ఆస్ట్రేలియా

సొంతగడ్డపై న్యూజిలాండ్‌తో జరిగిన టెస్ట్ సిరీస్‌లో భారత జట్టు 3-0 తేడాతో వైట్‌వాష్‌కు గురైన సంగతి తెలిసిందే. మొత్తం మూడు టెస్టుల్లోనూ దారుణ ప్రదర్శన కనబరిచి కివీస్ ముందు టీమిండిచా మోకరిల్లింది. 92 ఏళ్ల ఇండియన్ క్రికెట్‌లో సొంతగడ్డపై రెండు కంటే ఎక్కువ టెస్టుల సిరీస్‌లో తొలిసారి వైట్‌వాష్‌కు గురై ఘోర అవమానాన్ని రోహిత్ సేన ఎదుర్కొంది. ఈ సిరీస్ అసాంతం భారత బ్యాటర్లు దారుణ ప్రదర్శన కనబరిచారు. ముంబై వేదికగా జరిగిన ఆఖరి టెస్టులో 147 పరుగుల స్వల్ప లక్ష్యాన్ని చేధించడంలో టీమిండియా చతకిల పడింది. ఈ ఓట‌మితో డ‌బ్ల్యూటీసీ ఫైన‌ల్ ఆశ‌ల‌ను టీమిండియా సంక్లిష్టం చేసుకుంది. ఇక ఈ ఘోర పరభావంపై భారత క్రికెట్ దిగ్గజం సచిన్ టెండూల్కర్ స్పందించాడు. ఈ ఓట‌మితో భార‌త జ‌ట్టు క‌చ్చితంగా ఆత్మపరిశీలన చేసుకోవాలని స‌చిన్ అభిప్రాయ‌పడ్డాడు."స్వ‌దేశంలో 3-0 తేడాతో టెస్టు సిరీస్‌ను కోల్పోవడం మింగుడు పడని విష‌యం. క‌చ్చితంగా టీమిండియా ఈ ఓటుముల‌పై ఆత్మప‌రిశీల‌న చేసుకోవాలి. ఈ ఘోర ప‌రభావానికి ప్రిపరేషన్ లోపమా, పేలవమైన షాట్ ఎంపికనా, లేక మ్యాచ్ ప్రాక్టీస్ లోపమా? క‌చ్చితంగా త‌ప్పు ఎక్క‌డ జ‌రిగిందో తెలుసుకోవాలి. శుబ్‌మ‌న్ గిల్ మొదటి ఇన్నింగ్స్‌లో అద్భుత‌మైన ప్ర‌ద‌ర్శ‌న క‌న‌బ‌రిచాడు. రిషబ్ పంత్ రెండు ఇన్నింగ్స్‌లలోనూ స‌త్తాచాటాడు. ఈ సిరీస్‌లో అత‌డు పూర్తిగా భిన్నంగా కన్పించాడు. పంత్ ఫుట్‌వర్క్ చాలా బాగుంది. అత‌డి బ్యాటింగ్‌ను చూస్తే వేరే పిచ్‌పై ఆడిన‌ట్లు అన్పించింది. పంత్ సింప్లీ సూపర్బ్ అంటూ" ఎక్స్‌లో లిట‌ల్ మాస్ట‌ర్ రాసుకొచ్చాడు.చదవండి: Wriddhiman Saha Retirement: రిటైర్మెంట్‌ ప్రకటించిన టీమిండియా స్టార్‌ క్రికెటర్‌

సొంత‌గ‌డ్డ‌పై టీమిండియాకు న్యూజిలాండ్ చేతిలో ఊహించని పరాభవం ఎదురైంది. ఒకటి కాదు రెండు కాదు మొత్తంగా మూడు మ్యాచుల్లోనూ ఓడి.. వైట్ వాష్‌కు గురైంది. ముంబై వేదిక‌గా జ‌రిగిన ఆఖ‌రి టెస్టులో 147 పరుగుల టార్గెట్ ను కూడా టీమిండియా ఛేజ్ చేయలేకపోయింది. దీంతో 25 ప‌రుగుల తేడాతో భార‌త జ‌ట్టు ఓట‌మి పాలైంది.పంత్(64) ఒక్క‌డే ఒంటరి పోరాటం చేశాడు. లేదంటే భార‌త్ కనీసం 100 ప‌రుగుల మార్క్ కూడా దాట‌లేక‌పోయింది. కాగా స్వ‌దేశంలో రెండు కంటే ఎక్కువ టెస్టుల్లో టీమిండియా ఇలా వైట్ వాష్ కావడం చరిత్రలోనే తొలిసారి. ఇక ఈ ఘోర ఓట‌మిపై మ్యాచ్ అనంత‌రం భార‌త కెప్టెన్ రోహిత్ శ‌ర్మ స్పందించాడు. త‌మ ఓట‌మికి కార‌ణం బ్యాటింగ్ వైఫ‌ల్య‌మేనని శర్మ అంగీకరించాడు.పూర్తి బాధ్యత నాదే: రోహిత్‌ శర్మ"ఈ పరాజయాన్ని జీర్ణించుకోవడం కష్టం. నా కెరీర్‌లో ఇదే అధమ దశ. టెస్టు సిరీస్‌ పరాజయానికి కెప్టెన్‌గా పూర్తి బాధ్యత నాదే. జట్టుగా అత్యుత్తమ ప్రదర్శన చేయలేకపోయాం. గెలుస్తామనుకున్న మ్యాచ్‌ను కోల్పోయాం. మా స్థాయికి తగ్గ క్రికెట్‌ను ఆడలేదు. బెంగళూరు, పుణే టెస్టుల్లో మొదటి ఇన్నింగ్స్‌ల్లో తగిన స్కోర్లు చేయలేక వెనుకబడ్డాం.మూడో మ్యాచ్‌లో తొలి ఇన్నింగ్స్‌లో ఆధిక్యం సాధించి కూడా స్వల్ప లక్ష్యాన్ని ఛేదించలేకపోవడం బాధిస్తోంది. బ్యాటర్‌గా మెరుగైన ప్రదర్శన చేయలేకపోయా. సారథిగానూ జట్టును విజయం దిశగా నడిపించలేకపోయా. న్యూజిలాండ్‌ జట్టు మెరుగైన ప్రదర్శన కనబర్చింది. బ్యాటింగ్‌కు క్లిష్టతరమైన పిచ్‌పై యువ ఆటగాళ్లు శుబ్‌మన్‌ గిల్, రిషబ్‌ పంత్‌ చక్కటి ప్రదర్శన కనబర్చారు.ఇక నా దృష్టి అంతా ఆ్రస్టేలియా సిరీస్‌పైనే. దాని తర్వాత ఏం జరుగుతుంది అనేది పక్కన పెట్టి ఆసీస్‌పై మెరుగైన ప్రదర్శన చేయడానికి ప్రయత్నిస్తాం. గత రెండు పర్యటనల్లోనూ ఆసీస్‌పై సిరీస్‌లు గెలిచాం. ఈసారి కూడా మెరుగైన ఆటతీరు కనబరుస్తామనే నమ్మకముంది అని పోస్ట్‌ మ్యాచ్‌ ప్రేజేంటేషన్‌లో రోహిత్‌ పేర్కొన్నాడు.చదవండి: IND vs NZ: స్వయంకృతమే.. భారత సీనియర్‌ ఆటగాళ్ల ఘోరవైఫల్యం

బెంగళూరు టెస్టు తొలి ఇన్నింగ్స్‌లో పేసర్లను ఎదుర్కోలేక టీమిండియా తొలి ఇన్నింగ్స్‌లో 46 పరుగులకే ఆలౌటైంది. ఆ తర్వాత రెండో ఇన్నింగ్స్‌లో తిరిగి కోలుకునే ప్రయత్నం చేసినా మ్యాచ్‌ మాత్రం చేజారింది! దీంతో 36 ఏళ్ల తర్వాత భారత గడ్డపై న్యూజిలాండ్‌ జట్టు ఒక టెస్టు మ్యాచ్‌లో విజయం సాధించింది. ‘అప్పుడప్పుడు ఇలా జరగడం సహజమే’ అని కెప్టెన్‌ అంటే... అభిమానులు కూడా అతడికి అండగా నిలిచారు.సిరీస్‌లో వెనుకబడ్డ టీమిండియా రెండో టెస్టు కోసం పుణేలో స్పిన్‌ పిచ్‌ను సిద్ధం చేసింది. అది ముందే పసిగట్టిన న్యూజిలాండ్‌ పేసర్లను పక్కన పెట్టి స్పిన్నర్లను రంగంలోకి దింపి ఫలితం రాబట్టింది. మామూలు స్పిన్నర్లను సైతం ఎదుర్కోలేకపోయిన టీమిండియా... ఈసారి తొలి ఇన్నింగ్స్‌లో 156 పరుగులకు ఆలౌట్‌ కాగా... మరో ఓటమి తప్పలేదు. ఈ విజయంతో భారత గడ్డపై న్యూజిలాండ్‌ జట్టు తొలిసారి టెస్టు సిరీస్‌ గెలిచింది.కనీసం మూడో టెస్టులోనైనా భారత జట్టు విజయం సాధించక పోతుందా అని ఆశపడ్డ అభిమానులకు వాంఖడే స్టేడియంలోనూ గుండెకోత తప్పలేదు. 147 పరుగుల లక్ష్యఛేదనలో టీమిండియా 121 పరుగులకే పరిమితమై సిరీస్‌లో క్లీన్‌స్వీప్‌నకు గురైంది. ఒకవైపు మ్యాచ్‌ మ్యాచ్‌కూ పరిణతి చెందుతూ ముందుకు సాగిన న్యూజిలాండ్‌ మ్యాచ్‌కు ఒకటి చొప్పున ఘనతలు ఖాతాలో వేసుకుంటే... టీమిండియా మాత్రం చెత్త రికార్డు లిఖించుకుంది. ఇంత జరిగిన తర్వాత కూడా ఆత్మపరిశీలన చేసుకోకుండా అంతకుమించిన పొరబాటు మరొకటి ఉండదు! సాక్షి క్రీడా విభాగం విదేశాల్లో ప్రదర్శనల సంగతి పక్కన పెడితే... స్వదేశంలో టీమిండియాకు తిరుగులేదనేది జగమెరిగిన సత్యం. పుష్కరకాలంగా దీనికి మరింత బలం చేకూర్చుతూ భారత జట్టు... ప్రత్యర్థులపై సంపూర్ణ ఆధిపత్యం కనబరుస్తూ వరుస సిరీస్‌లు గెలుస్తూ వస్తోంది. ఆ్రస్టేలియా, ఇంగ్లండ్, దక్షిణాఫ్రికా, బంగ్లాదేశ్‌ ఇలా ప్రత్యర్థులు మారుతున్నారు తప్ప ఫలితం మాత్రం మారలేదు. ఈ జోరుతోనే వరుసగా రెండుసార్లు ప్రపంచ టెస్టు చాంపియన్‌షిప్‌ (డబ్ల్యూటీసీ) ఫైనల్‌ ఆడిన భారత్‌... ముచ్చటగా మూడోసారీ తుదిపోరుకు అర్హత సాధించడం ఖాయమే అనిపించింది. 12 ఏళ్లుగా స్వదేశంలో పరాజయం ఎరగకుండా జైత్రయాత్ర సాగిస్తున్న టీమిండియా... ఈ క్రమంలో వరుసగా 18 టెస్టు సిరీస్‌లు గెలిచి రికార్డు సృష్టించింది. ఇదే జోష్‌లో ముచ్చటగా మూడోసారి డబ్ల్యూటీసీ ఫైనల్‌కు చేరుతుందనుకుంటున్న దశలో న్యూజిలాండ్‌ జట్టు సమష్టి ప్రదర్శనతో చెలరేగి టీమిండియాను నేలకు దించింది. మెరుగైన వ్యూహాలకు, మెరికల్లాంటి ప్లేయర్లు తోడైతే భారత్‌ను భారత్‌లో ఓడించడం పెద్ద కష్టం కాదని కివీస్‌ ప్లేయర్లు నిరూపించారు. ఇన్నాళ్లు భారత ప్లేయర్ల ప్రధాన బలమనుకున్న స్పిన్‌తోనే టీమిండియాను ఎలా దెబ్బకొట్టవచ్చో న్యూజిలాండ్‌ అచరణలో చూపింది. శ్రీలంకలో క్లీన్‌స్వీప్‌నకు గురై... కనీసం ఒక్క మ్యాచ్‌ గెలిచినా చాలు అనే స్థితిలో భారత్‌లో అడుగు పెట్టిన న్యూజిలాండ్‌ ఒక్కో మెట్టు ఎక్కుతూ సిరీస్‌ క్లీన్‌స్వీప్‌ చేస్తే... అదే సమయంలో చేసిన తప్పులే మళ్లీ మళ్లీ చేస్తూ టీమిండియా 91 ఏళ్ల తమ టెస్టు చరిత్రలో గతంలో ఎన్నడూ లేని చెత్త రికార్డును మూటగట్టుకుంది. ఆత్మవిశ్వాసం కోల్పోయిన దశలో భారత పర్యటనకు వచ్చిన న్యూజిలాండ్‌... అత్యుద్భుత ప్రదర్శనతో టీమిండియాపై సిరీస్‌ క్లీన్‌స్వీప్‌ చేసింది. తమ ప్రధాన ఆటగాడు కేన్‌ విలియమ్సన్‌ లేకుండానే భారత్‌పై కివీస్‌ సంపూర్ణ ఆధిపత్యం కనబర్చితే... రోహిత్‌ శర్మ, విరాట్‌ కోహ్లి వంటి ప్రపంచ స్థాయి బ్యాటర్లున్న టీమిండియా మాత్రం నాసిరకం ఆటతీరుతో ఉసూరుమనిపించింది. ఆ ఏకాగ్రత ఏది? సుదీర్ఘ ఫార్మాట్‌లో సంయమనం ముఖ్యం అనేది మరిచిన భారత ప్లేయర్లు... క్రీజులోకి అడుగు పెట్టడంతోనే భారీ షాట్లకు పోయి వికెట్‌ సమర్పించుకోవడం చూస్తుంటే మనవాళ్లు టి20ల మాయలో పడ్డట్లు కనిపిస్తోంది. ఇదే నిజం అనుకుందాం అంటే ముంబై టెస్టులో 147 పరుగుల లక్ష్యఛేదనలో తలా రెండు భారీ షాట్లు ఆడిన టీమిండియా గెలవాల్సింది కానీ అదీ జరగలేదు. తొలి ఇన్నింగ్స్‌లో మరి కాసేపట్లో ఆట ముగుస్తుందనగా లేని పరుగుకు ప్రయత్నించి రనౌట్‌ అయిన కోహ్లి... రెండో ఇన్నింగ్స్‌లో అసలు నిలిచే ప్రయత్నం కూడా చేయలేకపోగా... రెండు ఫోర్లు బాదిన రోహిత్‌ అదే జోష్‌లో మరో చెత్త షాట్‌ ఆడి అప్పనంగా వికెట్‌ సమర్పించుకున్నాడు. తొలి ఇన్నింగ్స్‌లో గొప్ప పోరాట పటిమ చూపిన గిల్‌ రెండో ఇన్నింగ్స్‌లో అనూహ్యంగా టర్న్‌ అయిన బంతికి బౌల్డ్‌ కాగా... యశస్వి వికెట్ల ముందు దొరికిపోయాడు. మిడిలార్డర్‌లో ఆకట్టుకుంటాడనుకున్న సర్ఫరాజ్‌ రెండు ఇన్నింగ్స్‌ల్లోనూ విఫలమయ్యాడు. పంత్‌ ఒక్కడే సిరీస్‌ మొత్తం నిలకడ కనబర్చాడు. పక్కా గేమ్‌ ప్లాన్‌తో బరిలోకి దిగితే ఎలాంటి పరిస్థితుల్లోనైనా పరుగులు రాబట్టడం పెద్ద కష్టం కాదని పంత్‌ నిరూపించాడు. ఇక మన స్పిన్నర్లు విజృంభిస్తారు అనుకొని సిద్ధం చేసిన పిచ్‌లపై ప్రత్యర్థి అనామక స్పిన్నర్లు వికెట్ల పండగ చేసుకుంటుంటే... అనుభవజ్ఞులైన మనవాళ్లు మాత్రం కింద వరుస బ్యాటర్లను సైతం అడ్డుకోలేక ధారాళంగా పరుగులు ఇచ్చుకున్నారు. ఎలాంటి పిచ్‌పైనైనా మొండిగా నిలబడి పోరాడగల చతేశ్వర్‌ పుజారా, రహానే వంటి ఆటగాళ్లు లేని లోటు ఈ సిరీస్‌తో స్పష్టం కాగా... ఆ్రస్టేలియా పర్యటనకు ముందు టీమిండియాకు ఈ సిరీస్‌ చాలా పాఠాలు నేరి్పంది. ఈ జట్టుతోనే ఆసీస్‌ టూర్‌కు వెళ్లనున్న టీమిండియా... లోపాలను అధిగమించకపోతే ‘బోర్డర్‌–గవాస్కర్‌’ ట్రోఫీని నిలబెట్టుకోవడం ఎంత కష్టమో ప్రత్యేకంగా చెప్పాల్సిన పనిలేదు.

టెస్టు క్రికెట్‌ చరిత్రలో టీమిండియా అతిపెద్ద పరాజయాన్ని మూటగట్టుకుంది. 1933 నుంచి సుదీర్ఘ ఫార్మాట్‌ ఆడుతున్న భారత జట్టు... 91 ఏళ్లలో ఎన్నడూ లేని విధంగా స్వదేశంలో మూడు మ్యాచ్‌ల సిరీస్‌లో అన్నింటా ఓడిపోయి మొదటిసారి క్లీన్‌ స్వీప్‌నకు గురైంది. 147 పరుగుల లక్ష్యఛేదనలో రిషబ్‌ పంత్‌ మినహా మిగిలిన వారంతా విఫలమవడంతో టీమిండియాకు ఘోర పరాజయం తప్పలేదు. రోహిత్‌ బృందం స్వయంకృత అపరాధాలకు మూల్యం చెల్లించుకుంటే... ఇప్పటి వరకు భారత్‌లో టెస్టు సిరీస్‌ గెలవలేకపోయిన న్యూజిలాండ్‌ ఏకంగా క్లీన్‌స్వీప్‌ చేసి కొత్త చరిత్ర లిఖించింది. గత పర్యటనలో వాంఖడే టెస్టులోనే ఇన్నింగ్స్‌లో 10కి 10 వికెట్లు తీసి రికార్డుల్లోకెక్కిన ఎజాజ్‌ పటేల్‌ మరోసారి టీమిండియాను దెబ్బ కొట్టాడు. ఈ ఫలితంతో భారత్‌ డబ్ల్యూటీసీ ఫైనల్‌ చేరే అవకాశాలు సంక్లిష్టమయ్యాయి. ముంబై: సొంతగడ్డపై తిరుగులేని టెస్టు రికార్డు ఉన్న భారత జట్టుకు అనూహ్య పరాభవం ఎదురైంది. ఇప్పటికే న్యూజిలాండ్‌ చేతిలో టెస్టు సిరీస్‌ కోల్పోయిన టీమిండియా... ఆఖరి మ్యాచ్‌లోనైనా గెలిచి పరువు నిలబెట్టుకుంటుంది అనుకుంటే అదీ సాధ్యపడలేదు. ఆధిక్యం చేతులు మారుతూ సాగిన మూడో టెస్టులో చివరకు భారత జట్టు 25 పరుగుల తేడాతో పరాజయం పాలవగా... న్యూజిలాండ్‌ 3–0తో సిరీస్‌ క్లీన్‌స్వీప్‌ చేసింది. సుదీర్ఘ టెస్టు క్రికెట్‌ చరిత్రలో భారత జట్టు సొంతగడ్డపై మూడు లేదా అంతకంటే ఎక్కువ మ్యాచ్‌లతో కూడిన సిరీస్‌లో క్లీన్‌స్వీప్‌నకు గురవడం ఇదే తొలిసారి కావడం గమనార్హం. భారత పర్యటనకు ముందు శ్రీలంక చేతిలో 0–2తో సిరీస్‌ కోల్పోయి వచ్చిన న్యూజిలాండ్‌... స్టార్‌ ఆటగాళ్లతో నిండిన టీమిండియాపై ఒక టెస్టు మ్యాచ్‌ గెలవడమే గొప్ప అనుకుంటే... వరుసగా మూడు మ్యాచ్‌ల్లోనూ అదరగొట్టి కొత్త చరిత్ర లిఖించింది. ఊరించే లక్ష్యఛేదనలో టాపార్డర్‌ మరోసారి విఫలమవడంతో భారత్‌కు పరాజయం తప్పలేదు. ఓవర్‌నైట్‌ స్కోరు 171/9తో ఆదివారం మూడో రోజు రెండో ఇన్నింగ్స్‌ కొనసాగించిన న్యూజిలాండ్‌ మరో మూడు పరుగులు చేసి ఆలౌటైంది. దీంతో టీమిండియా ముందు 147 పరుగుల విజయలక్ష్యం నిలిచింది. భారత్‌ రెండో ఇన్నింగ్స్‌లో 29.1 ఓవర్లలో 121 పరుగులకు ఆలౌటైంది. రిషబ్‌ పంత్‌ (57 బంతుల్లో 64; 9 ఫోర్లు, ఒక సిక్స్‌) ఒక్కడే అర్ధశతకంతో ఆకట్టుకోగా... మిగిలిన వాళ్లంతా పెవిలియన్‌కు వరుస కట్టారు. న్యూజిలాండ్‌ బౌలర్లలో ఎజాజ్‌ పటేల్‌ 6, గ్లెన్‌ ఫిలిప్స్‌ 3 వికెట్లు పడగొట్టారు. వాంఖడే స్టేడియంలో ఆడిన రెండు టెస్టుల్లోనే ఎజాజ్‌ పటేల్‌ 25 వికెట్లు పడగొట్టడం విశేషం. భారత్‌లోని ఓ వేదికపై ఓ విదేశీ బౌలర్‌కు ఇదే అత్యుత్తమ రికార్డు. గతంలో ఇంగ్లండ్‌ స్టార్‌ ఇయాన్‌ బోథమ్‌ వాంఖడేలోనే రెండు మ్యాచ్‌లు ఆడి 22 వికెట్లు పడగొట్టాడు. రెండు ఇన్నింగ్స్‌ల్లో కలిసి 11 వికెట్లు తీసిన ఎజాజ్‌ పటేల్‌కు ‘ప్లేయర్‌ ఆఫ్‌ ది మ్యాచ్‌’, విల్‌ యంగ్‌కు ‘ప్లేయర్‌ ఆఫ్‌ ది సిరీస్‌’ అవార్డులు దక్కాయి. కొంతే కొండంతై.. పేలవ ప్రదర్శనతో విమర్శలు ఎదుర్కొంటున్న రోహిత్‌... రెండు ఫోర్లతో ఇన్నింగ్స్‌ను మెరుగ్గానే ఆరంభించినా... ఆ తర్వాత నిర్లక్ష్యపు షాట్‌ ఆడి వికెట్‌ పారేసుకున్నాడు. మరుసటి ఓవర్‌లో గిల్‌ను క్లీన్‌ బౌల్డ్‌ చేసిన ఎజాజ్‌ పటేల్‌... తన తదుపరి ఓవర్‌లో కోహ్లిని బుట్టలో వేసుకున్నాడు. తదుపరి ఓవర్‌లో జైస్వాల్‌ కూడా వెనుదిరగగా... సర్ఫరాజ్‌ ఖాన్‌ ఇలా వచ్చి అలా వెళ్లాడు. ఫలితంగా 7.1 ఓవర్లలోనే టీమిండియా సగం వికెట్లు కోల్పోయింది. 29 పరుగులకే 5 వికెట్లు కోల్పోయిన తర్వాత ఇన్నింగ్స్‌ బాధ్యతను పంత్‌ తీసుకున్నాడు. పంత్‌ ఒంటరి పోరు.. అత్యవసరమైన స్థితిలో ఎన్నో కీలక ఇన్నింగ్స్‌లు ఆడి జట్టును గెలిపించిన పంత్‌ మరోసారి తుదికంటా పోరాడాడు. ప్రత్యర్థి బౌలర్ల ధాటికి సహచర ఆటగాళ్లు నిలవలేకపోతున్న చోట ఎజాజ్‌ పటేల్‌ బౌలింగ్‌లో సిక్స్‌తో ఖాతా తెరిచిన రిషబ్‌... మరో ఎండ్‌లో వరుసగా వికెట్లు కోల్పోతున్నా మొండిగా క్రీజులో నిలిచాడు. ఫిలిప్స్‌ ఓవర్‌లో రెండు ఫోర్లు బాదిన పంత్‌.. ఆ తర్వాత మరో రెండు బౌండరీలతో లక్ష్యాన్ని కరిగించే పనిలో పడ్డాడు. ఆరో వికెట్‌కు 42 పరుగులు జోడించిన అనంతరం జడేజా అవుట్‌ కాగా... ఆ తర్వాత సుందర్‌ అండగా పంత్‌ ముందుకు సాగాడు. ఈ క్రమంలో పటేల్‌ ఓవర్‌లో రెండు ఫోర్లతో 48 బంతుల్లో అర్ధశతకం పూర్తి చేసుకున్నాడు.లంచ్‌ విరామానికి టీమిండియా 92/6తో నిలిచింది. ఆ తర్వాత ఎజాజ్‌ పటేల్‌ భారత్‌కు భారీ షాక్‌ ఇచ్చాడు. తన ఓవర్‌లో రెండు ఫోర్లు బాదిన పంత్‌ను కీపర్‌ క్యాచ్‌ ద్వారా వెనక్కి పంపాడు. మొదట అంపైర్‌ నాటౌట్‌గా ప్రకటించినా... రివ్యూకు వెళ్లిన కివీస్‌ ఫలితం రాబట్టింది. పంత్‌ అవుటయ్యాక భారత్‌ ఇన్నింగ్స్‌ ముగియడానికి ఎంతో సమయం పట్టలేదు. 1 స్వదేశంలో భారత జట్టు మూడు లేదా అంతకంటే ఎక్కువ మ్యాచ్‌ల టెస్టు సిరీస్‌లో క్లీన్‌స్వీప్‌ కావడం ఇదే తొలిసారి. 2000లో దక్షిణాఫ్రికాతో రెండు మ్యాచ్‌ల సిరీస్‌ను 0–2తో కోల్పోయిన టీమిండియా... 1980లో ఇంగ్లండ్‌ చేతిలో 0–1తో ఓడింది. సొంతగడ్డపై ఒక సిరీస్‌లో మూడు మ్యాచ్‌లు ఓడటం 1983 తర్వాత ఇదే తొలిసారి. 1 ఒక టెస్టు సిరీస్‌లో మూడు మ్యాచ్‌లు గెలవడం న్యూజిలాండ్‌కు ఇదే మొదటిసారి.31- 1 సొంతగడ్డపై 200 పరుగులలోపు లక్ష్యఛేదనలో భారత్‌ విఫలమవడం ఇదే తొలిసారి. గతంలో 31 సార్లు లక్ష్యాలను విజయవంతంగా ఛేదించిన భారత్‌ ఈసారి విఫలమైంది.2 ఓవరాల్‌గా టెస్టుల్లో భారత జట్టు ఛేదించలేకపోయిన రెండో అత్యల్ప స్కోరు ఇది. 1997లో బ్రిడ్జ్‌టౌన్‌ వేదికగా వెస్టిండీస్‌తో జరిగిన మ్యాచ్‌లో 120 పరుగుల లక్ష్యఛేదనలో టీమిండియా 81 పరుగులకు ఆలౌటైంది.5 స్వదేశంలో అత్యధిక టెస్టు పరాజయాలు మూటగట్టుకున్న సారథుల జాబితాలో రోహిత్‌ శర్మ రెండో స్థానానికి చేరాడు. మన్సూర్‌ అలీఖాన్‌ పటౌడీ కెపె్టన్‌గా స్వదేశంలో 9 మ్యాచ్‌లు ఓడగా... రోహిత్‌ 5 మ్యాచ్‌ల్లో పరాజయం పాలయ్యాడు. అజహరుద్దీన్, కపిల్‌దేవ్‌ 4 ఓటములతో ఆ తర్వాతి స్థానంలో ఉన్నారు. స్కోరు వివరాలు న్యూజిలాండ్‌ తొలి ఇన్నింగ్స్‌: 235; భారత్‌ తొలి ఇన్నింగ్స్‌: 263; న్యూజిలాండ్‌ రెండో ఇన్నింగ్స్‌: 174; భారత్‌ రెండో ఇన్నింగ్స్‌: జైస్వాల్‌ (ఎల్బీ) (బి) ఫిలిప్స్‌ 5; రోహిత్‌ (సి) ఫిలిప్స్‌ (బి) హెన్రీ 11; గిల్‌ (బి) ఎజాజ్‌ 1; కోహ్లి (సి) మిచెల్‌ (బి) ఎజాజ్‌ 1; పంత్‌ (సి) బ్లన్‌డెల్‌ (బి) ఎజాజ్‌ 64; సర్ఫరాజ్‌ (సి) రచిన్‌ (బి) ఎజాజ్‌ 1; జడేజా (సి) యంగ్‌ (బి) ఎజాజ్‌ 6; సుందర్‌ (బి) ఎజాజ్‌ 12; అశి్వన్‌ (సి) బ్లన్‌డెల్‌ (బి) ఫిలిప్స్‌ 8; ఆకాశ్‌దీప్‌ (బి) ఫిలిప్స్‌ 0; సిరాజ్‌ (నాటౌట్‌) 0; ఎక్స్‌ట్రాలు 12, మొత్తం (29.1 ఓవర్లలో ఆలౌట్‌) 121. వికెట్ల పతనం: 1–13, 2–16, 3–18, 4–28, 5–29, 6–71, 7–106, 8–121, 9–121, 10– 121. బౌలింగ్‌: హెన్రీ 3–0–10–1; ఎజాజ్‌ 14.1–1–57–6; ఫిలిప్స్‌ 12–0–42–3. ఓటమికి బాధ్యత నాదే... ఈ పరాజయాన్ని జీర్ణించుకోవడం కష్టం. నా కెరీర్‌లో ఇదే అధమ దశ. టెస్టు సిరీస్‌ పరాజయానికి కెపె్టన్‌గా పూర్తి బాధ్యత నాదే. జట్టుగా అత్యుత్తమ ప్రదర్శన చేయలేకపోయాం. గెలుస్తామనుకున్న మ్యాచ్‌ను కోల్పోయాం. మా స్థాయికి తగ్గ క్రికెట్‌ను ఆడలేదు. బెంగళూరు, పుణే టెస్టుల్లో మొదటి ఇన్నింగ్స్‌ల్లో తగిన స్కోర్లు చేయలేక వెనుకబడ్డాం. మూడో మ్యాచ్‌లో తొలి ఇన్నింగ్స్‌లో ఆధిక్యం సాధించి కూడా స్వల్ప లక్ష్యాన్ని ఛేదించలేకపోవడం బాధిస్తోంది. బ్యాటర్‌గా మెరుగైన ప్రదర్శన చేయలేకపోయా. సారథిగానూ జట్టును విజయం దిశగా నడిపించలేకపోయా. న్యూజిలాండ్‌ జట్టు మెరుగైన ప్రదర్శన కనబర్చింది. బ్యాటింగ్‌కు క్లిష్టతరమైన పిచ్‌పై యువ ఆటగాళ్లు శుబ్‌మన్‌ గిల్, రిషబ్‌ పంత్‌ చక్కటి ప్రదర్శన కనబర్చారు. ఇక నా దృష్టి అంతా ఆ్రస్టేలియా సిరీస్‌పైనే. దాని తర్వాత ఏం జరుగుతుంది అనేది పక్కన పెట్టి ఆసీస్‌పై మెరుగైన ప్రదర్శన చేయడానికి ప్రయత్నిస్తాం. గత రెండు పర్యటనల్లోనూ ఆసీస్‌పై సిరీస్‌లు గెలిచాం. ఈసారి కూడా మెరుగైన ఆటతీరు కనబరుస్తామనే నమ్మకముంది. –రోహిత్‌ శర్మ, భారత కెప్టెన్

వాంఖ‌డే వేదిక‌గా భార‌త్‌-న్యూజిలాండ్ మ‌ధ్య మూడో టెస్టు మూడో రోజు ఆట ప్రారంభ‌మైంది. కివీస్ రెండో రోజు ఆట ముగిసే స‌మ‌యానికి 9 వికెట్లు కోల్పోయి 171 ప‌రుగులు చేసింది. క్రీజులో అజాజ్ ప‌టేల్‌(7), ఓ రూర్కే ఉన్నారు. న్యూజిలాండ్ ప్ర‌స్తుతం 143 ప‌రుగుల ఆధిక్యంలో ఉంది. భార‌త్ మ‌రో వికెట్ ప‌డ‌గొడితే కివీస్ ఇన్నింగ్స్ ముగుస్తుంది. టీమిండియా బౌలింగ్ ఎటాక్‌ను జ‌డేజా ఆరంభించాడు.

ఆస్ట్రేలియా టూర్‌ను భారత్‌ ‘ఎ’ జట్టు ఓటమితో ఆరంభించింది. మెక్‌కే వేదికగా ఆ్రస్టేలియా ‘ఎ’ తో జరిగిన తొలి అనధికారిక టెస్టులో 7 వికెట్ల తేడాతో టీమిండియా పరాజయం పాలైంది. 225 పరుగుల లక్ష్యంతో బరిలోకి దిగిన ఆసీస్ కేవలం మూడు వికెట్లు మాత్రమే కోల్పోయి చేధించింది.ఆసీస్‌-ఎ బ్యాటర్లలో కెప్టెన్ మెక్‌స్వీనీ(88), బ్యూ వెబ్‌స్ట‌ర్‌(61) ఆజేయంగా నిలిచి మ్యాచ్‌ను ఫినిష్ చేశారు. భార‌త బౌల‌ర్ల‌లో ప్ర‌సిద్ద్ కృష్ణ, మానవ్ సుత్తార్‌, ముఖేష్ కుమార్ తలా వికెట్ మాత్రమే సాధించారు.సుదర్శన్ సెంచరీ వృథా..ఇక సెకెండ్ ఇన్నింగ్స్‌లో భారత్‌ ‘ఎ’ జట్టు 100 ఓవర్లలో 312 పరుగులకు ఆలౌటైంది. సాయి సుదర్శన్‌ (200 బంతుల్లో 103; 9 ఫోర్లు) అద్భుతమైన సెంచరీతో చేలరేగగా.. దేవదత్‌ పడిక్కల్‌ (199 బంతుల్లో 88;6 ఫోర్లు) రాణించాడు. వీరిద్దరూ క్రీజులో ఉన్నప్పుడు భారత్‌ ‘ఎ’ 226/2తో పటిష్ట స్థితిలో కనిపించింది.కానీ ఆ తర్వాత లోయార్డర్ బ్యాటర్లు చేతులెత్తేయడంతో ఆసీస్ ముందు భారత్ భారీ స్కోర్ ఉంచలేకపోయింది. అంతకుముందు భారత్‌ ‘ఎ’ తొలి ఇన్నింగ్స్‌లో 107 పరుగులకు ఆలౌట్‌ కాగా... ఆస్ట్రేలియా ‘ఎ’ జట్టు 195 పరుగులు చేసింది. ఇక ఇరు జ‌ట్ల మ‌ధ్య రెండో అనధికారిక టెస్టు నవంబ‌ర్ 7 నుంచి మెల్‌బోర్న్ వేదిక‌గా ప్రారంభం కానుంది.చదవండి: IPL 2025: మరో జెర్సీలో ఊహించుకోలేను..ఎప్పటికీ ఆర్‌సీబీతోనే!

స్వ‌దేశంలో న్యూజిలాండ్‌తో టెస్టు సిరీస్‌లో టీమిండియా బ్యాటింగ్ వైఫ‌ల్యం కొన‌సాగుతోంది. తొలి రెండు టెస్టుల్లో నిరాశ‌ప‌రిచిన భార‌త బ్యాట‌ర్లు.. ఇప్పుడు వాంఖ‌డే వేదిక‌గా జరుగుతున్న ఆఖరి టెస్టులో అదే తీరును క‌న‌బ‌రిచారు.శుబ్‌మ‌న్ గిల్‌(90), రిష‌బ్ పంత్‌(60),సుంద‌ర్‌(38) మిన‌హా మిగతా అంద‌రూ విఫ‌ల‌మ‌య్యారు. దీంతో టీమిండియా త‌మ తొలి ఇన్నింగ్స్‌లో 263 ప‌రుగుల నామ‌మాత్ర‌పు స్కోరుకే ప‌రిమిత‌మైంది. అయితే ఈ మ్యాచ్‌లో కెప్టెన్ రోహిత్ శ‌ర్మ‌, హెడ్‌కోచ్ గౌతం గంభీర్ తీసుకున్న ప‌లు నిర్ణ‌యాల‌పై విమ‌ర్శ‌లు వ్య‌క్త‌మ‌వుతున్నాయి.ముఖ్యంగా మిడిలార్డ‌ర్ ఆట‌గాడు సర్ఫరాజ్ ఖాన్ బ్యాటింగ్ ఆర్డ‌ర్ మార్చ‌డాన్ని చాలా మంది మాజీ క్రికెట‌ర్లు త‌ప్పుబ‌డుతున్నారు. ముంబై టెస్టు తొలి ఇన్నింగ్స్‌లో స‌ర్ఫ‌రాజ్‌ను ఏకంగా 8వ స్ధానంలో బ్యాటింగ్‌కు టీమిండియా మెన్‌జెమెంట్ పంపించింది. అంత‌కంటే ముందు స‌ర్ఫ‌రాజ్ స్ధానంలో మొద‌టి రోజు ఆట‌లో మహ్మద్ సిరాజ్‌ను నైట్ వాచ్‌మెన్‌గా ప్రమోట్ చేసింది. కానీ సిరాజ్ తొలి బంతికే పెవిలియ‌న్‌కు చేరాడు. రెండో రోజు ఆట‌లో కూడా స‌ర్ఫ‌రాజ్‌ను ముందుగా బ్యాటింగ్‌కు పంప‌లేదు. అత‌డి కంటే ముందు పంత్‌, జ‌డేజాల‌ను జ‌ట్టు మెన్‌జెమెంట్ బ్యాటింగ్‌కు పంపిచారు.ఇక 8వ స్ధానంలో బ్యాటింగ్‌కు వ‌చ్చిన స‌ర్ఫ‌రాజ్‌.. ఆజాజ్ ప‌టేల్ బౌలింగ్‌లో ఖాతా తెర‌వ‌కుండానే ఔట‌య్యాడు. ఈ నేప‌థ్యంలో రోహిత్‌, గంభీర్‌ల‌పై భారత మాజీ క్రికెటర్ సంజయ్ మంజ్రేకర్ తీవ్ర విమ‌ర్శ‌లు చేశాడు.అదొక చెత్త నిర్ణయం.."స‌ర్ఫ‌రాజ్ అద్భుత‌మైన ఫామ్‌లో ఉన్నాడు. అత‌డు త‌న మొద‌టి మూడు టెస్టుల్లో మూడు అర్ధశతకాలు సాధించాడు. బెంగుళూరు టెస్టులో సూప‌ర్ సెంచ‌రీ(150)తో చెల‌రేగాడు. స్పిన్‌కు అద్భుతంగా ఆడుతున్నాడు.రైట్ అండ్ లెఫ్ట్ కాంబ‌నేష‌న్‌ను కొన‌సాగించ‌డానికి అత‌డిని డిమోట్ చేశారా? అతడి బ్యాటింగ్ ఆర్డర్‌ను ఎందుకు మార్చారు? ఈ విషయం నాకు ఇప్పటికీ ఆర్ధం కావడం లేదు. ఏకంగా అతడిని 8వ స్ధానానికి నెట్టేశారు. ఏమైనప్పటికీ భారత జట్టు మెన్‌జెమెంట్ ఓ చెత్త నిర్ణయం తీసుకుందని ఎక్స్‌లో మంజ్రేకర్ మండి పడ్డాడు.చదవండి: విధ్వంసకర ఇన్నింగ్స్‌.. భారత తొలి క్రికెటర్‌గా పంత్‌ రికార్డు

టీమిండియా- న్యూజిలాండ్‌ మధ్య ముంబై వేదికగా మూడో టెస్టు రెండో రోజు ఆట మొదలైంది. ఓవర్‌నైట్‌ స్కోరు 86/4తో శనివారం ఆట మొదలుపెట్టిన భారత్‌ పటిష్ట స్థితిలో నిలవాలంటే కీలక భాగస్వామ్యాలు నమోదు చేయడం తప్పనిసరి. ఈ క్రమంలో రిషభ్‌ పంత్‌, శుబ్‌మన్‌ గిల్‌ దూకుడుగా ఇన్నింగ్స్‌ ఆరంభించారు.గేర్‌ మార్చిన గిల్‌, పంత్‌శుక్రవారం ఆట పూర్తయ్యేసరికి ఒక బంతి ఎదుర్కొని ఒక పరుగు మాత్రమే చేసిన పంత్‌.. 31 పరుగులతో ఉన్న గిల్‌ శనివారం గేర్‌ మార్చారు. కివీస్‌ బౌలింగ్‌పై ఆది నుంచే అటాక్‌ చేయడం మొదలుపెట్టారు. ఈ క్రమంలో గిల్‌ 66 బంతుల్లో అర్ధ శతకం పూర్తి చేసుకున్నాడు. అయితే గిల్‌ 46 పరుగుల వద్ద ఉండగా.. గ్లెన్‌ ఫిలిప్స్‌ బౌలింగ్‌లో అవుటయ్యే ప్రమాదం నుంచి తప్పించుకున్నాడు. ఫిలిప్స్‌ వేసిన బంతిని గిల్‌ లాంగాన్‌ మీదుగా తరలించగా.. ఫీల్డర్‌ చాప్‌మన్‌ క్యాచ్‌ పట్టేందుకు వచ్చి విఫలమయ్యాడు. దీంతో గిల్‌కు లైఫ్‌ లభించింది. పంత్‌ మెరుపు హాఫ్‌ సెంచరీఇక రిషభ్‌ పంత్‌ ధనాధన్‌ ఇన్నింగ్స్‌తో చెలరేగి మెరుపు హాఫ్‌ సెంచరీ సాధించాడు. కేవలం 36 బంతుల్లోనే యాభై పరుగుల మైలురాయి చేరుకున్నాడు. ఈ క్రమంలో 31 ఓవర్లు పూర్తయ్యేసరికి టీమిండియా నాలుగు వికెట్ల నష్టానికి 161 పరుగులు చేసింది. కివీస్‌ తొలి ఇన్నింగ్స్‌ కంటే ఇంకా 74 పరుగులు వెనుకబడి ఉంది.ఇప్పటికే సిరీస్‌ కోల్పోయిన టీమిండియాకాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25లో భాగంగా భారత్‌ సొంతగడ్డపై న్యూజిలాండ్‌తో మూడు మ్యాచ్‌లు ఆడుతోంది. ఈ మూడూ గెలవడం ఖాయమని.. రోహిత్‌ సేన సులువుగానే ఫైనల్‌కు చేరుతుందని సిరీస్‌ ఆరంభంలో అంతా అనుకున్నారు. కానీ అంచనాలు తలకిందులయ్యాయి.బెంగళూరు, పుణెలో జరిగిన తొలి రెండు టెస్టుల్లో భారత బౌలర్లు రాణించినా.. బ్యాటర్లు చేతులెత్తేశారు. దీంతో రెండింటిలో ఓటమి తప్పలేదు. ఫలితంగా పన్నెండేళ్ల తర్వాత భారత్‌ తొలిసారిగా స్వదేశంలో టెస్టు సిరీస్‌ కోల్పోయింది. దీంతో ముంబై వేదికగా జరుగుతున్న మూడో టెస్టు టీమిండియాకు మరింత ప్రతిష్టాత్మకంగా మారింది.తొలిరోజు ఆటలో రాణించిన జడ్డూ, వాషీ..కానీ.. ఇక్కడా టీమిండియా తడ‘బ్యాటు’కు గురైంది. తొలిరోజు బౌలర్లు శుభారంభం అందించినా.. బ్యాటర్లు దానిని నిలబెట్టలేకపోయారు. కాగా వాంఖడే స్టేడియంలో టాస్‌ గెలిచిన న్యూజిలాండ్‌ తొలుత బ్యాటింగ్‌ చేసింది. ఈ క్రమంలో భారత స్పిన్నర్లు రవీంద్ర జడేజా, వాషింగ్టన్‌ సుందర్‌ అద్బుత రీతిలో రాణించి కివీస్‌ బ్యాటర్లను కట్టడి చేశారు.జడ్డూ ఐదు, వాషీ నాలుగు వికెట్లు తీయగా.. పేసర్‌ ఆకాశ్‌ దీప్‌(ఒక వికెట్‌) కూడా తన వంతు సహకారం అందించాడు. ఈ క్రమంలో న్యూజిలాండ్‌ తమ తొలి ఇన్నింగ్స్‌లో 235 పరుగులకే ఆలౌట్‌ అయింది. దీంతో టీమిండియా అభిమానులు సంబరాలు చేసుకున్నారు. అయితే, ఆ ఆనందం ఎంతో సేపు నిలవలేదు.ఆ ఆనందం కాసేపట్లోనే ఆవిరిభారత్‌ తొలి ఇన్నింగ్స్‌ మొదలుపెట్టిన కాసేపటికే కెప్టెన్‌, రోహిత్‌ శర్మ(18 బంతుల్లో 18)పెవిలియన్‌ చేరాడు. ఆది నుంచే దూకుడుకనబరిచిన అతడు.. కివీస్‌ ఫీల్డర్ల తప్పిదాల వల్ల రెండుసార్లు అవుటయ్యే ప్రమాదం నుంచి తప్పించుకున్నాడు. అయినప్పటికీ అగ్రెసివ్‌గా ఆడి పేసర్‌ మ్యాట్‌ హెన్రీ బౌలింగ్‌లో టామ్‌ లాథమ్‌కు క్యాచ్‌ ఇచ్చి వెనుదిరిగాడు.ఇక వన్‌డౌన్‌ బ్యాటర్‌ శుబ్‌మన్‌ గిల్‌తో కలిసి మరో ఓపెనర్‌ యశస్వి జైస్వాల్‌ భాగస్వామ్యం నెలకొల్పే ప్రయత్నం చేశాడు. కానీ కివీస్‌ స్పిన్నర్‌ అజాజ్‌ పటేల్‌ జైస్వాల్‌(30)ను బౌల్డ్‌ చేసి.. ఈ జోడీని విడదీశాడు. అయితే, ఇక్కడే టీమిండియా మేనేజ్‌మెంట్‌ ఓ ప్రయోగం చేసింది. నాలుగో నంబర్‌లో నైట్‌వాచ్‌మన్‌గా పేసర్‌ మహ్మద్‌ సిరాజ్‌ను పంపించింది.ఆఖరి 15 నిమిషాల్లో అంతా తలకిందులుజైస్వాల్‌ స్థానంలో సిరాజ్‌ క్రీజులోకి వచ్చీ రాగానే.. అజాజ్‌ పటేల్‌ అతడిని వికెట్ల ముందు దొరకబుచ్చుకున్నాడు. దీంతో ఎదుర్కొన్న తొలి బంతికే సిరాజ్‌ డకౌట్‌గా వెనుదిరిగాడు. ఆ తర్వాత విరాట్‌ కోహ్లి(4).. రనౌట్‌ అయి వికెట్‌ సమర్పించుకున్నాడు. ఫలితంగా టీమిండియా 86 పరుగులకే నాలుగు వికెట్లు కోల్పోయి పీకల్లోతు కష్టాల్లో పడింది.ఇక తొలి రోజు ఆట ముగిసే సరికి.. తొలి ఇన్నింగ్స్‌లో న్యూజిలాండ్‌ కంటే 149 పరుగులు వెనుకబడి ఉంది. రిషభ్‌ పంత్‌ ఒకటి, శుబ్‌మన్‌ గిల్‌ 31 పరుగులతో క్రీజులో ఉన్నారు. నిజానికి శుక్రవారం 4. 45 నిమిషాల వరకు టీమిండియాదే పైచేయి. కానీ పదిహేను నిమిషాల్లోనే అంతా తారుమారైంది. జైస్వాల్‌, సిరాజ్‌, కోహ్లి అవుటైన తర్వాత కివీస్‌ పటిష్ట స్థితికి చేరుకుంది.భారత్‌ వర్సెస్‌ న్యూజిలాండ్‌ మూడో టెస్టు(నవంబరు 1- 5)👉వేదిక: వాంఖడే స్టేడియం, ముంబై👉టాస్‌: న్యూజిలాండ్‌.. తొలుత బ్యాటింగ్‌👉కివీస్‌ మొదటి ఇన్నింగ్స్‌ స్కోరు: 235 రన్స్‌.. ఆలౌట్‌👉తొలిరోజు ఆట ముగిసే సరికి భారత్‌ మొదటి ఇన్నింగ్స్‌ స్కోరు: 86/4 (19)తుది జట్లుభారత్‌: రోహిత్‌ శర్మ, యశస్వి జైస్వాల్‌, శుబ్‌మన్‌ గిల్‌, విరాట్‌ కోహ్లి, రిషభ్‌ పంత్‌, సర్ఫరాజ్‌ ఖాన్‌, రవీంద్ర జడేజా, వాషింగ్టన్‌ సుందర్‌, రవిచంద్రన్‌ అశ్విన్‌, ఆకాశ్‌దీప్‌, మహ్మద్‌ సిరాజ్‌న్యూజిలాండ్‌ టామ్‌ లాథమ్‌, డెవాన్‌ కాన్వే, విల్‌ యంగ్‌, రచిన్‌ రవీంద్ర, డారిల్‌ మిచెల్‌, టామ్‌ బ్లండెల్‌, గ్లెన్‌ ఫిలిప్స్‌, ఇష్‌ సోధి, మ్యాట్‌ హెన్రీ, అజాజ్‌ పటేల్‌, విలియమ్‌ ఓ రూర్కీ. చదవండి: Ind vs Pak: భారత బ్యాటర్ల విధ్వంసం.. అయినా పాక్‌ చేతిలో తప్పని ఓటమిInd vs NZ: చెప్పినా వినని సర్ఫరాజ్‌ ఖాన్‌.. రోహిత్‌కు వార్నింగ్‌.. ఆఖరికి!

టీమిండియా సీనియర్‌ క్రికెటర్‌ విరాట్‌ కోహ్లి వైఫల్యాల పరంపర కొనసాగుతోంది. ఈ కుడిచేతి వాటం బ్యాటర్‌ మరోసారి అభిమానులను తీవ్రంగా నిరాశపరిచాడు. న్యూజిలాండ్‌తో మూడో టెస్టులో రనౌట్‌ అయి వికెట్‌ సమర్పించుకున్నాడు. దీంతో ఫ్యాన్స్‌ సైతం కోహ్లి తీరును విమర్శిస్తున్నారు. ‘‘నీలాంటి దిగ్గజ ఆటగాడు కూడా ఇలా చేస్తే.. జట్టుకు నీతో ఏం ఉపయోగం?’’ అని ఆగ్రహం వ్యక్తం చేస్తున్నారు.స్వదేశంలో బంగ్లాదేశ్‌తో సిరీస్‌ సందర్భంగా టెస్టుల్లో పునరాగమనం చేసిన కోహ్లి.. రెండు టెస్టుల్లో నాలుగు ఇన్నింగ్స్‌లో వరుసగా 6, 17, 47, 29(నాటౌట్‌) పరుగులు స్కోరు చేశాడు. బలహీన ప్రత్యర్థిపై కూడా స్థాయికి తగ్గట్లు రాణించలేకచతికిలపడ్డాడు. ఈ సిరీస్‌లో భారత్‌ గెలిచింది కాబట్టి కోహ్లి విఫలమైనా పెద్దగా నష్టం జరుగలేదు.ఫామ్‌లోకి వచ్చాడనుకునేలోపుఅయితే, న్యూజిలాండ్‌తో టెస్టుల్లోనూ కోహ్లి ఆట తీరు మారలేదు. బెంగళూరులో తొలి మ్యాచ్‌ మొదటి ఇన్నింగ్స్‌లో డకౌట్‌ అయిన ఈ కుడిచేతి వాటం బ్యాటర్‌.. రెండో ఇన్నింగ్స్‌ 70 పరుగులతో ఫర్వాలేదనిపించాడు. ఫామ్‌లోకి వచ్చాడనుకునేలోపు.. పుణెలో జరిగిన రెండో టెస్టులో మళ్లీ ఫెయిల్‌ అయ్యాడు.ఆ మ్యాచ్‌లో కోహ్లి సాధించిన స్కోర్లు 1, 17. ఇక ఈ రెండు టెస్టుల్లో టీమిండియా ఓటమిపాలై.. మరో మ్యాచ్‌ మిగిలి ఉండగానే సిరీస్‌ను 0-2తో కోల్పోయింది. ఈ క్రమంలో భారత్‌- న్యూజిలాండ్‌ మధ్య శుక్రవారం నాటి మూడో టెస్టు మొదలైంది. ముంబైలోని వాంఖడే మైదానంలో జరుగుతున్న ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసింది పర్యాటక కివీస్‌ జట్టు.ఆది నుంచే ఎదురుదెబ్బలుభారత బౌలర్ల విజృంభణ కారణంగా 235 పరుగులకే తొలి ఇన్నింగ్స్‌లో ఆలౌట్‌ అయింది. స్పిన్నర్లు రవీంద్ర జడేజా ఐదు, వాషింగ్టన్‌ సుందర్‌ నాలుగు, పేసర్‌ ఆకాశ్‌ దీప్‌ ఒక వికెట్‌ దక్కించుకున్నారు. ఈ క్రమంలో తొలి రోజే బ్యాటింగ్‌ మొదలుపెట్టిన టీమిండియాకు ఆది నుంచే ఎదురుదెబ్బలు తగిలాయి.ఓపెనర్‌, కెప్టెన్‌ రోహిత్‌ శర్మ(18) దూకుడుగా ఆడి తొలి వికెట్‌గా వెనుదిరగగా.. మరో ఓపెనర్‌ యశస్వి జైస్వాల్‌(30)కూడా తక్కువ స్కోరుకే పరిమితమయ్యాడు. జైస్వాల్‌ స్థానంలో క్రీజులోకి వచ్చిన మహ్మద్‌ సిరాజ్‌ డకౌట్‌ కాగా.. భారత్‌ ఒక్క బంతి వ్యవధిలోనే రెండు వికెట్లు కోల్పోయింది.హెన్రీ డైరెక్ట్‌ త్రో.. కోహ్లికి షాక్‌ఇలాంటి సమయంలో జాగ్రత్తగా ఆడాల్సిన కోహ్లి ఊహించని రీతిలో రనౌట్‌ అయ్యాడు. భారత ఇన్నింగ్స్‌ పందొమ్మిదవ ఓవర్‌లో రచిన్‌ రవీంద్ర వేసిన మూడో బంతిని షాట్‌ ఆడిన కోహ్లి.. సింగిల్‌ కోసం గిల్‌ను పిలిచాడు. ఇద్దరూ క్రీజును వీడిన సమయంలో.. బంతిని అందుకున్న ఫీల్డర్‌ మ్యాట్‌ హెన్రీ కోహ్లి వస్తున్న నాన్‌ స్ట్రైకర్‌ ఎండ్‌ వికెట్ల వైపు బాల్‌ త్రో చేశాడు. నేరుగా అది వికెట్లను గిరాటేయడంతో కోహ్లి రనౌట్‌గా వెనుదిరగాల్సి వచ్చింది. అప్పటికి కోహ్లి డైవ్‌ చేసినా ఫలితం లేకపోయింది. కేవలం నాలుగు పరుగుల వ్యక్తిగత స్కోరు వద్ద కోహ్లి అవుట్‌ కాగా టీమిండియా కష్టాల్లో పడింది.ఇక శుక్రవారం నాటి తొలి రోజు ఆట ముగిసే సరికి భారత్‌ 19 ఓవర్లలో నాలుగు వికెట్ల నష్టానికి 86 రన్స్‌ స్కోరు చేసింది. గిల్‌ 31, రిషభ్‌ పంత్‌ ఒక పరుగుతో క్రీజులో ఉన్నారు.చదవండి: IPL 2025 Retentions: జాక్‌పాట్‌ కొట్టిన ఆటగాళ్లు వీరే..!There was never a run but Virat Kohli thinks he is the fittest and he should take a risk.Run-out in test cricket is the worst thing, he could have avoided that single.There was a whole day left to score runs.pic.twitter.com/QRyi86oG35— Sujeet Suman (@sujeetsuman1991) November 1, 2024

టీమిండియా స్టార్‌ క్రికెటర్‌ రవీంద్ర జడేజా నిలకడైన ఆట తీరుతో ఆకట్టుకుంటున్నాడు. న్యూజిలాండ్‌తో తొలి రెండు టెస్టుల్లో కలిపి ఆరు వికెట్లే తీసిన జడ్డూ.. మూడో టెస్టులో మాత్రం అద్భుత ప్రదర్శన కనబరుస్తున్నాడు. ముంబై మ్యాచ్‌లో కివీస్‌ బ్యాటర్లకు చుక్కలు చూపించిన ఈ స్పిన్‌ బౌలర్‌.. ఏకంగా ఐదు వికెట్లు కూల్చాడు.క్రీజులో పాతుకుపోయిన న్యూజిలాండ్‌ బ్యాటర్‌ విల్‌ యంగ్‌(71)ను అవుట్‌ చేసి భారత శిబిరంలో జోష్‌ నింపిన జడ్డూ.. టామ్‌ బ్లండెల్‌(0), గ్లెన్‌ ఫిలిప్స్‌(17)ల వికెట్లు కూడా తానే దక్కించుకున్నాడు. అదే విధంగా టెయిలెండర్లు ఇష్‌ సోధి(7), మ్యాట్‌ హెన్రీ(0)లను అవుట్‌ చేసి ఐదు వికెట్ల హాల్‌ను పూర్తి చేసుకున్నాడు.అయితే, వీరందరిలోకెల్లా బ్లండెల్‌ను జడేజా అవుట్‌ చేసిన తీరు హైలైట్‌గా నిలిచింది. శుక్రవారం నాటి తొలిరోజు ఆటలో భాగంగా కివీస్‌ ఇన్నింగ్స్‌లో 45వ ఓవర్‌ను జడ్డూ వేశాడు. ఆ ఓవర్లో రెండో బంతికి విల్‌ యంగ్‌ను పెవిలియన్‌కు పంపిన ఈ లెఫ్టార్మ్‌ స్పిన్నర్‌.. ఐదో బంతిని అద్భుత రీతిలో సంధించాడు.ఆ సమయంలో క్రీజులో ఉన్న బ్లండెల్‌ జడేజా సూపర్‌ డెలివరీకి క్లీన్‌బౌల్డ్‌ అయ్యాడు. సరైన లైన్‌ అండ్‌ లెంగ్త్‌తో జడ్డూ వేసిన బంతిని బ్యాక్‌ఫుట్‌తో డిఫెన్స్‌ చేసేందుకు ప్రయత్నించి బ్లండెల్‌ విఫలమయ్యాడు. రెప్పపాటులో బంతి స్టంప్‌ను ఎగురగొట్టడంతో బిక్కముఖం వేశాడు. నిజానికి బ్లండెల్‌ స్థానంలో ఏ బ్యాటర్‌ ఉన్నా ఇలాగే జరిగేది.. జడ్డూ వేసిన బంతి అలాంటిది మరి! ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది. కాగా కివీస్‌తో బెంగళూరు, పుణెలలో జరిగిన టెస్టుల్లో జడ్డూ మూడేసి వికెట్లు తీశాడు. ఇక ఈ రెండు మ్యాచ్‌లలోనూ ఓటమిపాలైన టీమిండియా సిరీస్‌ను 0-2తో కోల్పోయింది. ముంబైలో జరుగుతున్న తాజా టెస్టులో గెలిస్తేనే క్లీన్‌స్వీప్‌ పరాభవం నుంచి తప్పించుకోవడంతో పాటు.. రోహిత్‌ సేనకు డబ్ల్యూటీసీ ఫైనల్‌ లైన్‌ ఈజీగా క్లియర్‌ అవుతుంది.ఇక ఈ మ్యాచ్‌లో టీమిండియా కివీస్‌ను తొలి ఇన్నింగ్స్‌లో 235 పరుగులకు కట్టడి చేసింది. తొలిరోజే న్యూజిలాండ్‌ను ఆలౌట్‌ చేసింది. భారత బౌలర్లలో స్పిన్‌ బౌలింగ్‌ ఆల్‌రౌండర్లు జడేజాకు ఐదు, వాషింగ్టన్‌ సుందర్‌కు నాలుగు వికెట్లు దక్కగా.. పేసర్‌ ఆకాశ్‌ దీప్‌ ఒక వికెట్‌ తన ఖాతాలో వేసుకున్నాడు.అయితే, బ్యాటింగ్‌ మొదలుపెట్టిన టీమిండియాకు శుభారంభం లభించలేదు. ఓపెనర్లు రోహిత్‌ శర్మ(18), యశస్వి జైస్వాల్‌(30) త్వరత్వరగా పెవిలియన్‌కు చేరగా.. నాలుగో స్థానంలో వచ్చిన పేసర్‌ మహ్మద్‌ సిరాజ్‌ డకౌట్‌ అయ్యాడు. ఇక విరాట్‌ కోహ్లి(4) రనౌట్‌గా వెనుదిరిగాడు. దీంతో 19 ఓవర్లలో 86 పరుగులు చేసిన టీమిండియా.. నాలుగు వికెట్లు కోల్పోయి కష్టాల్లో పడింది.చదవండి: IND A vs AUS A: సెంచరీకి చేరువైన సాయి సుదర్శన్‌Jadeja stuns the Kiwis with a double strike 💥 Catch LIVE action from the 3rd #INDvNZ Test, on #JioCinema, #Sports18 and #ColorsCineplex!#IDFCFirstBankTestTrophy #JioCinemaSports pic.twitter.com/Gyy3vZgTz2— JioCinema (@JioCinema) November 1, 2024

న్యూజిలాండ్‌తో మూడో టెస్టును టీమిండియా మెరుగ్గా ఆరంభించింది. ముంబైలో శుక్రవారం మొదలైన ఈ మ్యాచ్‌లో తొలిరోజే కివీస్‌ను ఆలౌట్‌ చేసింది. స్పిన్‌కు అనుకూలిస్తున్న వాంఖడే పిచ్‌పై రవీంద్ర జడేజా ఐదు వికెట్లతో చెలరేగగా.. వాషింగ్టన్‌ సుందర్‌ నాలుగు వికెట్లతో సత్తా చాటాడు.ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25లో భాగంగా భారత జట్టు స్వదేశంలో న్యూజిలాండ్‌తో మూడు మ్యాచ్‌ల సిరీస్‌ ఆడుతోంది. అయితే, బెంగళూరులో జరిగిన తొలి టెస్టులో ఎనిమిది వికెట్ల తేడాతో ఓడిపోయిన రోహిత్‌ సేన.. పుణె మ్యాచ్‌లోనూ ఘోర పరాభవం పాలైంది. కివీస్‌ చేతిలో ఏకంగా 113 పరుగుల తేడాతో భారీ ఓటమిని చవిచూసింది. పన్నెండేళ్ల తర్వాత టెస్టు సిరీస్‌ కోల్పోయితద్వారా సొంతగడ్డపై పన్నెండేళ్ల తర్వాత టెస్టు సిరీస్‌ కోల్పోయిన తొలి భారత జట్టుగా నిలిచింది. ఈ క్రమంలో ముంబైలో జరుగుతున్న మూడో టెస్టు టీమిండియాకు కీలకంగా మారింది. డబ్ల్యూటీసీ ఫైనల్‌కు సాఫీగా చేరాలన్నా.. వైట్‌వాష్‌ గండం నుంచి తప్పించుకోవాలన్నా ఈ మ్యాచ్‌లో గెలవడం రోహిత్‌ సేనకు అత్యంత ముఖ్యం. లంచ్‌కు ముందు ఇలాఈ నేపథ్యంలో శుక్రవారం మొదలైన మ్యాచ్‌లో టాస్‌ ఓడిన టీమిండియా తొలుత బౌలింగ్‌ చేసింది. కివీస్‌ బ్యాటింగ్‌ మొదలుపెట్టిన కాసేపటికే ప్రమాదకర ఓపెనర్‌ డెవాన్‌ కాన్వే(4)ను అవుట్‌ చేసి పేసర్‌ ఆకాశ్‌ దీప్‌ శుభారంభం అందించగా.. స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ కెప్టెన్‌, ఓపెనర్‌ టామ్‌ లాథమ్‌(28), రచిన్‌ రవీంద్ర(5) రూపంలో బిగ్‌ వికెట్లు దక్కించుకున్నాడు.జడేజా విశ్వరూపంలంచ్‌ బ్రేక్‌కు ముందు వీరిద్దరు కలిసి మూడు వికెట్లు తీయగా.. భోజన విరామం సమయం తర్వాత మరో స్పిన్‌ బౌలింగ్‌ ఆల్‌రౌండర్‌ రవీంద్ర జడేజా విశ్వరూపం ప్రదర్శించాడు. విల్‌ యంగ్‌(71) రూపంలో తొలి వికెట్‌ దక్కించుకన్న జడ్డూ.. ఆ తర్వాత టామ్‌ బ్లండెల్‌(0)ను డకౌట్‌ చేశాడు. ఆ తర్వాత గ్లెన్‌ ఫిలిప్స్‌(17)ల పనిపట్టాడు.Jadeja stuns the Kiwis with a double strike 💥 Catch LIVE action from the 3rd #INDvNZ Test, on #JioCinema, #Sports18 and #ColorsCineplex!#IDFCFirstBankTestTrophy #JioCinemaSports pic.twitter.com/Gyy3vZgTz2— JioCinema (@JioCinema) November 1, 2024 అదే విధంగా ఇష్‌ సోధి(7), మ్యాట్‌ హెన్రీ(0) వికెట్లను కూడా జడ్డూ తన ఖాతాలో వేసుకున్నాడు. మరోవైపు.. వాషీ డారిల్‌ మిచెల్‌(82), అజాజ్‌ పటేల్‌(7)లను కూడా అవుట్‌ చేసి మొత్తంగా తన వికెట్ల సంఖ్యను నాలుగుకు పెంచుకున్నాడు. కివీస్‌ బ్యాటర్లలో విల్‌ యంగ్‌(71), డారిల్‌ మిచెల్‌(82) మినహా భారత స్పిన్నర్ల ప్రతాపం ముందు కివీస్‌ బ్యాటర్లంతా తలవంచారు. దీంతో 65.4 ఓవర్లలో న్యూజిలాండ్‌ 235 పరుగులు(తొలి ఇన్నింగ్స్‌) చేసి తొలిరోజే ఆలౌట్‌ అయింది. భారత బౌలర్లలో జడ్డూ ఐదు, వాషీ నాలుగు, ఆకాశ్‌ దీప్‌ ఒక వికెట్‌ దక్కించుకున్నారు.టీమిండియాకూ ఆదిలోనే ఎదురుదెబ్బఈ క్రమంలో బ్యాటింగ్‌కు దిగిన టీమిండియాకు ఆదిలోనే ఎదురుదెబ్బ తగిలింది. కివీస్‌ పేసర్‌ మ్యాట్‌ హెన్రీ బౌలింగ్‌లో భారత కెప్టెన్‌, ఓపెనర్‌ రోహిత్‌ శర్మ టామ్‌ లాథమ్‌కు క్యాచ్‌ ఇచ్చి అవుటయ్యాడు. దూకుడుగా ఆడిన రోహిత్‌ 18 బంతులు ఎదుర్కొని 18 పరుగులు చేశాడు.టీమిండియా వర్సెస్‌ న్యూజిలాండ్‌ మూడో టెస్టు(నవంబరు 1- 5)👉వేదిక: వాంఖడే స్టేడియం, ముంబై👉టాస్‌: న్యూజిలాండ్‌.. తొలుత బ్యాటింగ్‌👉న్యూజిలాండ్‌ తొలి ఇన్నింగ్స్‌ స్కోరు: 235 రన్స్‌.. ఆలౌట్‌.చదవండి: చరిత్రకెక్కిన జడేజా.. జహీర్‌ రికార్డు బ్రేక్‌.. అరుదైన జాబితాలో చోటు

న్యూజిలాండ్‌తో తొలి రెండు టెస్టుల్లో టీమిండియా బ్యాటర్లు విఫలమైన తీరు మేనేజ్‌మెంట్‌ను కలవరపాటుకు గురిచేసింది. బెంగళూరు మ్యాచ్‌లో 46 పరుగులకే ఆలౌట్‌ కావడం సహా.. పుణెలోనూ నామమాత్రపు స్కోర్లు(156, 245) చేయడం విమర్శలకు తావిచ్చింది. మఖ్యంగా.. రెండో టెస్టులో కివీస్‌ బౌలర్‌ మిచెల్‌ సాంట్నర్‌ను ఎదుర్కోలేక చేతులెత్తేసిన భారత బ్యాటర్ల కారణంగా ఘోర పరాభవం ఎదురైన విషయం తెలిసిందే.పరువు కోసం.. ఫైనల్‌ కోసంపన్నెండేళ్ల తర్వాత తొలిసారి టీమిండియా స్వదేశంలో టెస్టు సిరీస్‌లో ఓటమిపాలైంది. జూనియర్లతో పాటు సీనియర్‌ బ్యాటర్లు కెప్టెన్‌ రోహిత్‌ శర్మ, విరాట్‌ కోహ్లి కూడా లెఫ్టార్మ్‌ స్పిన్నర్‌ సాంట్నర్‌ బౌలింగ్‌లో తడబడ్డారు. భారత బ్యాటర్ల పుణ్యమా అని అతడు తన టెస్టు కెరీర్‌లోనే అత్యుత్తమ బౌలింగ్‌ గణాంకాలు(13/157) నమోదు చేశాడు.ఇక ఇప్పటికే సిరీస్‌ కోల్పోయినా.. కివీస్‌తో కనీసం ఆఖరి టెస్టులోనైనా గెలిచి పరువు నిలుపుకోవాలని టీమిండియా పట్టుదలగా ఉంది. ప్రపంచ టెస్టు చాంపియన్‌షిప్‌ 2023-25 ఫైనల్‌ చేరుకునేందుకు మార్గం సుగమం చేసుకోవాలని కఠినంగా శ్రమిస్తోంది. ఈ నేపథ్యంలో టీమిండియా హెడ్‌కోచ్‌ గౌతం గంభీర్‌ భారత బ్యాటర్లను ఉద్దేశించి కీలక వ్యాఖ్యలు చేశాడు. టీ20 క్రికెట్‌ వల్లే బ్యాటర్లు విఫలంముంబైలో మీడియాతో మాట్లాడుతూ.. ‘‘ప్రపంచ వ్యాప్తంగా టీ20 క్రికెట్‌కు ఆదరణ పెరిగింది. అందుకే చాలా మంది బ్యాటర్లు డిఫెండ్‌ చేసుకోవడంలో ఇబ్బంది పడుతున్నారు. అయితే, విజయవంతమైన ఆటగాళ్లలో ఫార్మాట్లకు అతీతంగా మూడింటిలో స్ట్రాంగ్‌గా డిఫెన్స్‌ చేసుకునే వారే ఎక్కువ.వికెట్‌ పడకుండా జాగ్రత్తగా ఆడటానికి ఉన్న ప్రాధాన్యాన్ని మనం మరచిపోకూడదు. ప్రతిసారి ఆటగాళ్లకు ఈ విషయాన్ని గుర్తు చేస్తూ ఉండాలి. తద్వారా దీర్ఘకాలంలో మంచి ప్రయోజనాలు పొందవచ్చు’’ అని గంభీర్‌ పేర్కొన్నాడు. టెస్టుల్లో క్లిష్ట పరిస్థితుల్లో ఉన్న వేళ దూకుడు తగ్గించి ఆచితూచి ఆడాలని పరోక్షంగా బ్యాటర్లకు హితవు పలికాడు.బుమ్రా ఆడకపోవచ్చుఅదే విధంగా.. ప్రధాన పేసర్‌ జస్‌ప్రీత్‌ బుమ్రా న్యూజిలాండ్‌తో మూడో టెస్టు ఆడకపోవచ్చని గంభీర్‌ సంకేతాలు ఇచ్చాడు. కివీస్‌ సిరీస్‌ తర్వాత బోర్డర్‌- గావస్కర్‌ ట్రోఫీ ఆడేందుకు టీమిండియా ఆస్ట్రేలియాకు వెళ్లనున్న నేపథ్యంలోనే మేనేజ్‌మెంట్‌ అతడికి విశ్రాంతినిచ్చినట్లు తెలుస్తోంది. ఇక నవంబరు 1 నుంచి టీమిండియా- న్యూజిలాండ్‌ మధ్య ముంబైలోని వాంఖడే వేదికగా నామమాత్రపు మూడో టెస్టు ఆరంభం కానుంది.చదవండి: Aus A vs Ind A: ముకేశ్‌ దెబ్బకు.. ‘జూనియర్‌ రికీ పాంటింగ్‌’ డకౌట్‌.. కానీ

ఇంగ్లండ్‌ టెస్టు జట్టు కెప్టెన్‌ బెన్‌ స్టోక్స్‌ ఇంట్లో భారీ చోరీ జరిగింది. పలు ఆభరణాలతో పాటు విలువైన వస్తువులను దొంగలు ఎత్తుకెళ్లారు. స్టోక్స్‌ పాకిస్తాన్‌ పర్యటనలో ఉన్న సమయంలో ఈ ఘటన జరిగింది. ఈ విషయాన్ని ఇంగ్లండ్‌ సారథి సోషల్‌ మీడియా వేదికగా వెల్లడించాడు.ముసుగు దొంగలు తన ఇంట్లో ప్రవేశించి దొంగతనానికి పాల్పడ్డారని స్టోక్స్‌ తెలిపాడు. ఆ సమయంలో తన భార్య, ఇద్దరు పిల్లలు ఇంట్లోనే ఉన్నారని.. అదృష్టవశాత్తూ వారికి ఎలాంటి హానీ జరగలేదన్నాడు. ఈ పని ఎవరు చేశారో తెలియాల్సి ఉందని.. త్వరగా దొంగలను పట్టుకోవడంలో తమకు సహకరించాలని కోరాడు. పాక్‌ పర్యటనలో ఉన్న సమయంలోఏదేమైనా కష్ట సమయంలో తన కుటుంబానికి పోలీసులు అండగా ఉన్నారని.. వారికి ఈ సందర్భంగా ధన్యవాదాలు తెలిపాడు. ఈ మేరకు.. ‘‘అక్టోబరు 17, గురువారం.. ముసుగు ధరించిన కొందరు వ్యక్తులు నార్త్‌ ఈస్ట్‌లో గల కాసిల్‌ ఈడెన్‌ ఏరియాలో ఉన్న మా ఇంట్లోకి చొరబడ్డారు. నా భార్యా పిల్లలకు భయానక అనుభవంర్యా నగలు, విలువైన వస్తువులు ఎత్తుకుపోయారు. అందులో మా కుటుంబానికి అతి ముఖ్యమైన వస్తువులు కూడా ఉన్నాయి. దొంగలను పట్టుకునేందుకు దయచేసి నాకు సహాయం చేయండి. నిజానికి ఈ దుర్ఘటన జరిగినపుడు నా భార్య, ఇద్దరు చిన్న పిల్లలు ఇంట్లోనే ఉన్నారు. అయితే, వారిపై దొంగలు ఎలాంటి భౌతిక దాడికి పాల్పడలేదు. కానీ.. ఆ సమయంలో వారి మనఃస్థితి ఎంత ఆందోళనకరంగా ఉంటుందో.. దాని ప్రభావం ఎలా ఉంటుందో అర్థం చేసుకోవచ్చు.అందుకే ఫొటోలు షేర్‌ చేస్తున్నానా ఇంట్లో చోరీకి గురైన వస్తువుల ఫొటోలు విడుదల చేస్తున్నాను. వాటిని ఎవరైనా సులువుగా గుర్తించవచ్చు. తద్వారా దొంగలను పట్టుకునే వీలు కలుగుతుంది. మాకెంతో ముఖ్యమైన వస్తువులు పోయినప్పటికీ.. కేవలం వాటిని రికవరీ చేసుకోవాలనే ఉద్దేశంతో మాత్రమే ఈ పోస్టు పెట్టడం లేదు.ఈ పని చేసిన దుండగులు ఎవరో కనిపెట్టడం కోసమే వాటి ఫొటోలు షేర్‌ చేస్తున్నా. విపత్కరకాలంలో మా కుటుంబానికి స్థానిక పోలీసులు అండగా నిలిచారు. వారి మేలు మర్చిపోలేనిది. ఆ దొంగలను పట్టుకునేందుకు మేమంతా తీవ్రం శ్రమిస్తున్నాం’’ అని స్టోక్స్‌ ఎక్స్‌ వేదికగా తన ఆవేదనను పంచుకున్నాడు.పాక్‌ చేతిలో ఘోర ఓటమికాగా మూడు మ్యాచ్‌ల టెస్టు సిరీస్‌ ఆడేందుకు స్టోక్స్‌ ఇటీవల పాకిస్తాన్‌ పర్యటనకు వెళ్లాడు. గాయం నుంచి పూర్తిగా కోలుకోని కారణంగా తొలి మ్యాచ్‌కు అతడు దూరంగా ఉన్నాడు. అయితే, ఆ తర్వాత అతడు తిరిగి వచ్చినప్పటికీ ఫలితం లేకపోయింది. తొలి టెస్టులో ఘన విజయం సాధించిన ఇంగ్లండ్‌.. ఆఖరి రెండు టెస్టుల్లో పాకిస్తాన్‌ చేతిలో దారుణంగా ఓడిపోయింది. తద్వారా సిరీస్‌ను 1-2తో కోల్పోయింది.చదవండి: Aus A vs Ind A: రుతు, నితీశ్‌ డకౌట్‌.. అభిమన్యు, ఇషాన్‌ విఫలంpic.twitter.com/1nEmNcrnjQ— Ben Stokes (@benstokes38) October 30, 2024

న్యూజిలాండ్‌తో మూడో టెస్టుకు భారత జట్టులో ఎలాంటి మార్పులు ఉండవని అసిస్టెంట్‌ కోచ్‌ అభిషేక్‌ నాయర్‌ స్పష్టం చేశాడు. ప్రపంచ టెస్టు చాంపియన్‌షిప్‌(డబ్ల్యూటీసీ) ఫైనల్‌ గురించి తాము ఆలోచించడం లేదని.. ప్రస్తుతం తమ దృష్టి మొత్తం ముంబై మ్యాచ్‌పైనే ఉందని తెలిపాడు. అదే విధంగా.. కెప్టెన్‌ రోహిత్‌ శర్మ, విరాట్‌ కోహ్లిల విషయంలో ప్రతి ఒక్కరు సంయమనం పాటించాలని సూచించాడు. రోహిత్‌ సేనకు ఊహించని షాకులుగొప్ప ఆటగాళ్లందరూ ఏదో ఒక సందర్భంలో ఫామ్‌లేమితో సతమతమయ్యారన్న అభిషేక్‌ నాయర్‌.. రోహిత్‌- కోహ్లి తిరిగి పుంజుకుంటారని విశ్వాసం వ్యక్తం చేశాడు. కాగా డబ్ల్యూటీసీ 2023-25లో భాగంగా టీమిండియా స్వదేశంలో న్యూజిలాండ్‌తో మూడు మ్యాచ్‌ల సిరీస్‌ ఆడుతోంది. ఈ క్రమంలో తొలి రెండు టెస్టుల్లో రోహిత్‌ సేనకు ఊహించని షాక్‌ తగిలింది.బెంగళూరులో కివీస్‌ చేతిలో ఎనిమిది వికెట్ల తేడాతో ఓడిన భారత్‌.. పుణెలో 113 పరుగుల తేడాతో పరాజయం పాలైంది. దీంతో 0-2తో సిరీస్‌ కోల్పోయింది. ఫలితంగా స్వదేశంలో టీమిండియా పన్నెండేళ్ల టెస్టు సిరీస్‌ జైత్రయాత్రకు తెరపడింది. ఈ క్రమంలో నవంబరు 1 నుంచి ముంబై వేదికగా జరుగనున్న మూడో టెస్టు భారత్‌కు ప్రతిష్టాత్మకంగా మారింది. వైట్‌వాష్‌ నుంచి తప్పించుకోవాలంటే గెలిచి తీరాలి లేదంటే కనీసం డ్రా అయినా చేసుకోవాలి.జట్టులో మార్పులేమీ లేవుఈ నేపథ్యంలో యువ పేసర్‌ హర్షిత్‌ రాణాను మూడో టెస్టులో బరిలోకి దించనున్నారనే వార్తలు వినిపించాయి. అయితే, అసిస్టెంట్‌ కోచ్‌ అభిషేక్‌ నాయర్‌ వీటిని ఖండించాడు. బుధవారం మీడియాతో మాట్లాడుతూ.. ‘‘జట్టులో మార్పులేమీ లేవు. ఎవరినీ కొత్తగా చేర్చడం లేదు. ప్రతీ వారం.. ప్రతీ రోజు మాకు కీలకమే. డబ్ల్యూటీసీ ఫైనల్‌ గురించి ప్రస్తుతానికి ఆలోచన లేదు. ఇప్పుడు మా దృష్టి మొత్తం ఈ మ్యాచ్‌ మీదే ఉంది’’ అని అభిషేక్‌ నాయర్‌ తెలిపాడు.ఫామ్‌లోకి వస్తారనే నమ్మకం ఉందిఅదే విధంగా.. కివీస్‌తో తొలి రెండు టెస్టుల్లో విఫలమైన రోహిత్‌- కోహ్లి గురించి ప్రస్తావన రాగా.. ‘‘ప్రస్తుతం వాళ్లు గడ్డు పరిస్థితులు ఎదుర్కొంటున్నారు. అయితే, కొన్నిసార్లు మనం కాస్త సంయమనం పాటించాల్సి ఉంటుంది. ఓపికపట్టాలి కూడా! గొప్ప గొప్ప ఆటగాళ్ల కెరీర్‌లో ఇలా జరిగింది. ఇప్పుడు వాళ్ల టైమ్‌ బాగా లేకపోవచ్చు. అయితే, త్వరలోనే తిరిగి పుంజుకుంటారనే నమ్మకం ఉంది’’ అని అభిషేక్‌ నాయర్‌ విరాహిత్‌ ద్వయాన్ని సమర్థించాడు. కాగా న్యూజిలాండ్‌తో టెస్టు సిరీస్‌ ముగిసిన తర్వాత టీమిండియా ఆస్ట్రేలియా పర్యటనకు వెళ్లనుంది. బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడుతుంది. ఇందుకు సంబంధించిన జట్టులో హర్షిత్‌ రాణాకు చోటు దక్కింది.చదవండి: Ind vs Aus: 17 కిలోల బరువు తగ్గి.. ఆసీస్‌ టూర్‌కు ఎంపికైన పేసర్‌

టీమిండియా స్టార్‌ క్రికెటర్‌ విరాట్‌ కోహ్లితో తనకు ఎదురైన చేదు అనుభవం గురించి ఆస్ట్రేలియా ఆల్‌రౌండర్‌ గ్లెన్‌ మాక్స్‌వెల్‌ తాజాగా అభిమానులతో పంచుకున్నాడు. తాను కోహ్లిని వెక్కిరించిన కారణంగా అతడు తనను సోషల్‌ మీడియాలో బ్లాక్‌ చేశాడని.. అయితే, రాయల్‌ చాలెంజర్స్‌ బెంగళూరు(ఆర్సీబీ) జట్టుతో చేరిన తర్వాత తమ మధ్య స్నేహం కుదిరిందని తెలిపాడు. కాగా మైదానంలో టీమిండియా- ఆస్ట్రేలియా క్రికెటర్ల మధ్య సంవాదాలు, దూషణలు, వ్యంగ్య వ్యాఖ్యలు కొత్త కాదు.ఇక 2017లో ఆస్ట్రేలియా జట్టు భారత్‌లో పర్యటించినప్పుడు కూడా కోహ్లి, మ్యాక్స్‌వెల్‌ మధ్య అలాంటి ఘటన ఒకటి జరిగింది. అయితే, ఆర్సీబీలో చేరిన తర్వాత ఒక రోజు కోహ్లి ఇన్‌స్టాగ్రామ్‌ అకౌంట్‌ను మ్యాక్సీ ఫాలో అయ్యేందుకు ప్రయత్నించగా...అది సాధ్యం కాలేదు. నువ్వు నన్ను బ్లాక్‌ చేశావా?దాంతో సందేహం వచ్చిన మ్యాక్స్‌వెల్‌ ‘నువ్వు నన్ను బ్లాక్‌ చేశావా’ అని కోహ్లిని అడిగాడు. వెంటనే కోహ్లి...‘అవును...నాలుగేళ్ల క్రితం నువ్వు నన్ను వెక్కిరించిన తర్వాత ఆ పని చేశాను’ అని బదులిచ్చాడు.కాగా 2017 సిరీస్‌లో భాగంగా రాంచీలో జరిగిన టెస్టులో ఫీల్డింగ్‌ చేస్తూ కోహ్లి గాయపడ్డాడు. నొప్పిని భరించలేక కోహ్లి తన భుజంపై చేతిని ఉంచి ఇబ్బందిగా నడిచాడు. అదే టెస్టులో దీనిని మ్యాక్స్‌వెల్‌ అనుకరించి చూపించాడు. అదే ఇది కోహ్లికి ఆగ్రహం తెప్పించింది! అయితే, 2021లో మ్యాక్స్‌వెల్‌ ఐపీఎల్‌లో బెంగళూరు జట్టుతో చేరిన తర్వాత కోహ్లితో స్నేహం బలపడింది. మైదానంలోనూ, మైదానం బయట కూడా వీరిద్దరు ఎంతో సరదాగా ఉండేవారు.మాక్సీ ఆర్సీబీలో చేరడంలో కోహ్లిదే కీలక పాత్రనిజానికి ఆర్సీబీ కెప్టెన్‌గా ఉన్న సమయంలో మాక్స్‌వెల్‌ను జట్టులోకి తీసుకోవాలని కోహ్లి ఫ్రాంఛైజీకి సూచించాడు. ఈ క్రమంలో ఆసీస్‌ ఆల్‌రౌండర్‌ కోసం రూ. 14.25 కోట్లు ఆర్సీబీ ఖర్చు పెట్టింది. అతడి రాకతో బ్యాటింగ్‌ యూనిట్‌ విధ్వంసకరంగా మారింది. 2021, 2022, 2023 సీజన్లలో మాక్సీ వరుసగా 513, 310. 400 పరుగులు చేశాడు. అయితే, ఈ ఏడాది చెత్త ప్రదర్శనతో విమర్శలు మూటగట్టుకున్న మాక్స్‌వెల్‌ను ఆర్సీబీ విడిచిపెట్టనున్నట్లు తెలుస్తోంది.చదవండి: IPL 2025 RCB Captain: ఆర్సీబీ కెప్టెన్‌గా విరాట్‌ కోహ్లి..?

హర్షిత్‌ రాణా త్వరలోనే టీమిండియా అరంగేట్రం చేయనున్నాడా? ఆస్ట్రేలియాతో సిరీస్‌ కంటే ముందే అంతర్జాతీయ క్రికెట్‌లో అడుగుపెట్టనున్నాడా? అంటే అవుననే సమాధానమే ఎక్కువగా వినిపిస్తోంది. ఈ ఏడాది ఐపీఎల్‌లో కోల్‌కతా నైట్‌ రైడర్స్‌ను చాంపియన్‌గా నిలపడంలో తనవంతు పాత్ర పోషించిన ఈ పేస్‌ బౌలర్‌.. టీమిండియా సెలక్టర్ల దృష్టిని ఆకర్షించాడు.ఆల్‌రౌండ్‌ షోతో అదరగొట్టిఈ క్రమంలో జింబాబ్వేతో టీ20 సిరీస్‌ సందర్భంగా తొలిసారి జాతీయ జట్టుకు ఎంపికైనా ఇంత వరకు అరంగేట్రం చేయలేదు. అయితే, బోర్డర్‌- గావస్కర్‌ ట్రోఫీ ఆడేందుకు ఆస్ట్రేలియా వెళ్లనున్న టెస్టు జట్టులో రిజర్వ్‌ ప్లేయర్‌గా ఎంపికయ్యాడు హర్షిత్‌ రాణా. భారత-ఎ జట్టులో భాగమైన యువ క్రికెట్లరు​ ఇప్పటికే ఆస్ట్రేలియాకు వెళ్లగా హర్షిత్‌ మాత్రం రంజీ మ్యాచ్‌ కోసం భారత్‌లోనే ఉన్నాడు. అసోంతో మ్యాచ్‌ సందర్భంగా ఢిల్లీ తరఫున బరిలోకి దిగిన హర్షిత్‌ ఆల్‌రౌండ్‌ షోతో అదరగొట్టాడు. మొత్తంగా ఏడు వికెట్లు తీయడంతో పాటు ధనాధన్‌ హాఫ్‌ సెంచరీ(4 ఫోర్లు, 3 సిక్స్‌లు- 59 రన్స్‌)తో ఆకట్టుకున్నాడు. ఈ నేపథ్యంలో హర్షిత్‌ రాణాను కివీస్‌తో మూడో టెస్టులో బరిలోకి దించాలని హెడ్‌కోచ్‌ గౌతం గంభీర్‌ భావిస్తున్నట్లు సమాచారం.ఆకాశ్‌ దీప్‌పై వేటు?ఆస్ట్రేలియా పర్యటన నేపథ్యంలో ప్రధాన పేసర్‌ జస్‌ప్రీత్‌ బుమ్రాకు విశ్రాంతినివ్వడం సహా ఫామ్‌లేమితో సతమతమవుతున్న మహ్మద్‌ సిరాజ్‌ను పక్కనపెట్టాలనే యోచనలో కోచ్‌ ఉన్నట్లు తెలుస్తోంది. ఆకాశ్‌ దీప్‌ను తప్పించి హర్షిత్‌ రాణాను ఆడించాలని ప్లాన్‌ చేస్తున్నట్లు వార్తలు వినిపిస్తున్నాయి. కాగా ప్రత్యర్థి బ్యాటర్‌ ఎంతటి ఘనుడైనా తనదైన శైలిలో బంతులు విసురుతూ వికెట్లు పడగొట్టగల సత్తా ఈ స్పీడ్‌స్టర్‌ సొంతం.అప్పుడు వాషీ.. ఇప్పుడు రాణాఇక కేకేఆర్‌ మెంటార్‌గా హర్షిత్‌ను దగ్గరగా గమనించిన గంభీర్‌.. ఈ ఢిల్లీ పేసర్‌కు కివీస్‌తో మూడో టెస్టులో అవకాశం ఇచ్చేందుకు సిద్ధమైనట్లు తెలుస్తోంది. కాగా న్యూజిలాండ్‌తో స్వదేశంలో మూడు టెస్టుల సిరీస్‌లో రోహిత్‌ సేన ఇప్పటికే రెండు ఓడిపోయింది. సిరీస్‌ కోల్పోయినా పరువు నిలబెట్టుకోవాలంటే నవంబరు 1 నుంచి ముంబైలో జరిగే ఆఖరి టెస్టులో గెలుపు తప్పనిసరి!ఇదిలా ఉంటే.. మొదటి టెస్టులో టీమిండియా ఓటమి తర్వాత రెండో టెస్టుకు వాషింగ్టన్‌ సుందర్‌ను ఎంపిక చేసిన చేసిన విషయం తెలిసిందే. పుణె టెస్టులో ఈ స్పిన్‌ బౌలింగ్‌ ఆల్‌రౌండర్‌ పదకొండు వికెట్లతో సత్తా చాటాడు. ఇప్పుడిక హర్షిత్‌ రాణా వంతు వచ్చిందేమో?!చదవండి: గంభీర్‌ సర్‌ వల్లే ఆరోజు అలా.. టెస్టుల్లోనూ రాణిస్తా: నితీశ్‌ రెడ్డి

పాకిస్తాన్‌లో చేదు అనుభవం చవిచూసిన ఇంగ్లండ్‌ తదుపరి మరో పర్యటనకు సిద్ధమైంది. మూడు మ్యాచ్‌ల టెస్టు సిరీస్‌ ఆడేందుకు న్యూజిలాండ్‌కు వెళ్లనుంది. ఈ నేపథ్యంలో ఇంగ్లండ్‌ క్రికెట్‌ బోర్డు మంగళవారం తమ జట్టును ప్రకటించింది. వికెట్‌ కీపర్‌ జేమీ స్మిత్‌ ఈ టూర్‌కు దూరం కాగా.. అతడి స్థానంలో జాకోబ్‌ బెతెల్‌ తొలిసారి టెస్టు జట్టుకు ఎంపికయ్యాడు.కాగా బెన్‌ స్టోక్స్‌ బృందం ఇటీవల పాకిస్తాన్‌లో మూడు టెస్టులు ఆడిన విషయం తెలిసిందే. పాక్‌ గడ్డపై జరిగిన ఈ సిరీస్‌లో తొలి మ్యాచ్‌ గెలిచిన ఇంగ్లండ్‌.. రెండు, మూడో టెస్టుల్లో ఊహించని రీతిలో పరాజయం పాలైంది. ‘బజ్‌బాల్‌’కు కళ్లెం వేసిన పాక్‌ స్పిన్నర్లు ఇంగ్లండ్‌ బ్యాటర్లను ఓ ఆట ఆడుకున్నారు. దీంతో 1-2తో ఇంగ్లండ్‌ పాకిస్తాన్‌కు సిరీస్‌ను కోల్పోయింది.కివీస్‌తో మూడు టెస్టులుఈ ‍క్రమంలో నవంబరు 28 నుంచి ఇంగ్లండ్‌ న్యూజిలాండ్‌ పర్యటనలో భాగంగా మూడు టెస్టులు ఆడేందుకు షెడ్యూల్‌ ఖరారైంది. క్రైస్ట్‌చర్చ్‌ వేదికగా ఆరంభం కానున్న ఈ సిరీస్‌కు ఇటీవలే తండ్రిగా ప్రమోషన్‌ పొందిన జేమీ స్మిత్‌ దూరమయ్యాడు. అతడు పెటర్నిటీ సెలవులో వెళ్లిన కారణంగా.. జోర్డాన్‌ కాక్స్‌ వికెట్‌ కీపర్‌గా వ్యవహరించే అవకాశం ఉంది.మరోవైపు.. ఇటీవల ఆస్ట్రేలియాతో పరిమిత ఓవర్ల సిరీస్‌లో రాణించిన ఆల్‌రౌండర్‌ జాకోబ్‌ బెతెల్‌ తొలిసారి టెస్టు జట్టులో చోటు దక్కించుకున్నాడు. ఫస్ట్‌క్లాస్‌ క్రికెట్‌లో 20 మ్యాచ్‌లు ఆడిన జాకోబ్‌ 738 పరుగులు చేశాడు. అదే విధంగా లెఫ్టార్మ్‌ స్పిన్నర్‌ అయిన అతడు ఏడు వికెట్లు కూడా తన ఖాతాలో వేసుకున్నాడు.ఈసారి అరంగేట్రం పక్కామరోవైపు.. కాక్స్‌ 53 ఫస్ట్‌క్లాస్‌ మ్యాచ్‌లలో 3194 పరుగులతో రాణించాడు. దేశవాళీ క్రికెట్లో పరుగులు వరద పారించినప్పటికీ అతడు ఇంతవరకు ఇంగ్లండ్‌ తరఫున అరంగేట్రం చేయలేకపోయాడు. శ్రీలంక సిరీస్‌ నుంచి జట్టుతోనే ఉన్నా ప్లేయింగ్‌ ఎలెవన్‌లో మాత్రం చోటు దక్కించుకోలేకపోయాడు. ఈసారి మాత్రం ఈ వికెట్‌ కీపర్‌ బ్యాటర్‌ టెస్టు క్యాప్‌ అందుకునే సూచనలు ఎక్కువగానే కనిపిస్తున్నాయి. ఇక కివీస్‌తో సిరీస్‌ ఆడే జట్టులో ముగ్గురు స్పిన్నర్లు జాక్‌ లీచ్‌, షోయబ్‌ బషీర్‌, రేహాన్‌ అహ్మద్‌లకు కూడా చోటిచ్చారు సెలక్టర్లు. కాగా 2008 తర్వాత ఇంగ్లండ్‌ ఒక్కసారి కూడా న్యూజిలాండ్‌ గడ్డపై టెస్టు సిరీస్‌ గెలవకపోవడం గమనార్హం. ఇక కివీస్‌ జట్టు ప్రస్తుతం భారత పర్యటనలో ఉంది. టీమిండియాతో మూడు టెస్టుల సిరీస్‌ను ఇప్పటికే 2-0తో కైవసం చేసుకుంది.న్యూజిలాండ్‌తో టెస్టులకు ఇంగ్లండ్‌ జట్టుబెన్‌ స్టోక్స్‌(కెప్టెన్‌), రేహాన్‌ అహ్మద్‌, గస్‌ అట్కిన్సన్‌, షోయబ్‌ బషీర్‌, జాకోబ్‌ బెతెల్‌, హ్యారీ బ్రూక్‌, బ్రైడన్‌ కార్స్‌, జోర్డాన్‌ కాక్స్‌, బెన్‌ డకెట్‌, జాక్‌ క్రాలే, జాక్‌ లీచ్‌, ఒలీ పోప్‌, మాథ్యూ పాట్స్‌, జో రూట్‌, ఓలీ స్టోన్‌, క్రిస్‌ వోక్స్‌.చదవండి: Mumbai Pitch: కివీస్‌తో మూడో టెస్టు.. తొలిరోజు వారికే అనుకూలం!?

న్యూజిలాండ్‌తో టెస్టు సిరీస్‌లో ఘోర పరాభవం పాలైన టీమిండియా.. ఆఖరి మ్యాచ్‌లోనైనా గెలవాలని పట్టుదలగా ఉంది. ఇందుకోసం రోహిత్‌ సేన పూర్తి స్థాయిలో సన్నద్ధమవుతోంది. మరోవైపు పిచ్‌ విషయంలోనూ మేనేజ్‌మెంట్‌ తగిన జాగ్రత్తలు తీసుకుంటున్నట్లు సమాచారం. వాంఖడే వికెట్‌ తొలిరోజు బ్యాటర్లకు పూర్తిగా అనుకూలించేలా రూపొందించారని వార్తలు వినిపిస్తున్నాయి.డబ్ల్యూటీసీ ఫైనల్‌ చేరాలంటేకాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25లో భారత్‌కు ఇంకా ఆరు మ్యాచ్‌లు మిగిలి ఉన్నాయి. స్వదేశంలో న్యూజిలాండ్‌తో ఒకటి, ఆస్ట్రేలియా పర్యటనలో ఐదు టెస్టులు ఆడాల్సి ఉంది. వీటిలో కనీసం మూడు గెలిస్తేనే తప్ప టీమిండియా డబ్ల్యూటీసీ ఫైనల్‌ చేరేందుకు మార్గం సుగమం కాదు. కాబట్టి న్యూజిలాండ్‌తో సొంతగడ్డపై మిగిలిన మ్యాచ్‌ గెలిస్తేనే.. ఆస్ట్రేలియాలో ఆత్మవిశ్వాసంతో అడుగుపెట్టగలదు.తొలిరోజు వారికే అనుకూలం!అందుకే ఏ రకంగా చూసినా న్యూజిలాండ్‌తో ఆడబోయే మూడో టెస్టు భారత్‌కు అత్యంత కీలకంగా మారింది. ఈ నేపథ్యంలో వాంఖడేలో స్పోర్టింగ్‌ ట్రాక్‌ తయారుచేయించినట్లు తెలుస్తోంది. ‘‘ప్రస్తుతం పిచ్‌ మీద కాస్త పచ్చిక ఉంది. తొలిరోజు బ్యాటింగ్‌కు అనుకూలించేలా కనిపిస్తోంది. రెండో రోజు నుంచి బంతి కాస్త టర్న్‌ అయ్యే ఛాన్స్‌ ఉంది. రెండో రోజు నుంచే స్పిన్నర్లకు అనుకూలంగా ఉండనుంది’’ అని విశ్వసనీయవర్గాలు తెలిపినట్లు టైమ్స్‌ ఆఫ్‌ ఇండియా పేర్కొంది. కాగా బెంగళూరు, పుణె టెస్టులో పిచ్‌ స్పిన్‌ బౌలింగ్‌కు బాగా అనుకూలించింది. ముఖ్యంగా రెండో టెస్టులో కివీస్‌ స్పిన్నర్‌ మిచెల్‌ సాంట్నర్‌ ఏకంగా పదమూడు వికెట్లు కూల్చి భారత బ్యాటింగ్‌ ఆర్డర్‌ పతనాన్ని శాసించాడు. టీమిండియా బౌలర్లలో వాషింగ్టన్‌ సుందర్‌, రవిచంద్రన్‌ అశ్విన్‌ తమ స్పిన్‌తో ఆకట్టుకున్నప్పటికీ బ్యాటర్ల వైఫల్యం కారణంగా 113 పరుగుల తేడాతో ఓడి సిరీస్‌ను చేజార్చుకుంది. ఈ క్రమంలో నవంబరు 1 నుంచి ముంబైలోని వాంఖడే స్టేడియంలో జరుగనున్న ఆఖరి టెస్టులో గెలిస్తేనే రోహిత్‌ సేన పరువు నిలుస్తుంది. చదవండి: IPL 2025: వాషింగ్టన్‌ సుందర్‌ కోసం ఎగబడుతున్న ఫ్రాంఛైజీలు

భారత క్రికెట్‌ జట్టును ఉద్దేశించి పాకిస్తాన్‌ మాజీ బ్యాటర్‌ అహ్మద్‌ షెహజాద్‌ ఘాటు వ్యాఖ్యలు చేశాడు. న్యూజిలాండ్‌తో టెస్టుల్లో రోహిత్‌ సేన మరీ స్కూల్‌ పిల్లల్లా ఆడిందని.. వీరిని ‘పేపర్‌ టైగర్స్‌’ అనాలంటూ విమర్శించాడు. అయితే, టీమిండియా అభిమానులు సైతం.. ‘‘మా జట్టు గురించి మాట్లాడే అర్హత మీకు లేదు’’ అంటూ షెహజాద్‌కు గట్టిగానే కౌంటర్లు ఇస్తున్నారు. కాగా భారత్‌ స్వదేశంలో న్యూజిలాండ్‌తో మూడు మ్యాచ్‌ల టెస్టు సిరీస్‌ ఆడుతోంది. ఈ క్రమంలో బెంగళూరులో జరిగిన తొలి టెస్టులో 46 పరుగుల(తొలి ఇన్నింగ్స్‌)కే ఆలౌట్‌ అయిన రోహిత్‌ సేన.. ఎనిమిది వికెట్ల తేడాతో పరాజయం పాలైంది. అనంతరం పుణె వేదికగా రెండో టెస్టులోనూ 113 రన్స్‌ తేడాతో ఓడిపోయింది. ఫలితంగా 0-2తో సిరీస్‌ను చేజార్చుకుంది. తద్వారా పన్నెండేళ్ల తర్వాత సొంతగడ్డపై తొలిసారి టెస్టు సిరీస్‌లో ఓడిపోయింది.ఈ నేపథ్యంలో టీమిండియా ఆట తీరుపై విమర్శలు వస్తుండగా.. పాక్‌ మాజీ బ్యాటర్‌ అహ్మద్‌ షెహజాద్‌ సైతం స్పందించాడు. భారత జట్టుపై న్యూజిలాండ్‌ ఆద్యంతం ఆధిపత్యం ప్రదర్శించిందని పేర్కొన్నాడు. రోహిత్‌ సేన పేపర్‌పై మాత్రమే పటిష్టంగా కనిపిస్తుందని.. మైదానంలో మాత్రం స్థాయికి తగ్గట్లు ఆడటం లేదంటూ వ్యంగ్యాస్త్రాలు సంధించాడు.ఏదో చిన్న జట్టుతో పోటీపడ్డట్లుగాఈ మేరకు తన యూట్యూబ్‌ చానెల్‌లో.. ‘‘న్యూజిలాండ్‌ ఇండియాకు వచ్చి టీమిండియానే ఈ స్థాయిలో ఓడించింది. ఏదో చిన్న జట్టుతో పోటీపడ్డట్లుగా సునాయాస విజయం సాధించింది. ఇప్పటి నుంచి టీమిండియాను చాలా మంది పేపర్‌ టైగర్స్‌ అంటారు.మొదటి టెస్టులో 46 పరుగులకే ఆలౌట్‌ అయినపుడు భారత కెప్టెన్‌ రోహిత్‌ శర్మ.. ప్రతి ఒక్కరికి చెడ్డరోజు ఒకటి ఉంటుందని చెప్పాడు. మేము కూడా ఆ విషయాన్ని అంగీకరిస్తాం. కానీ.. రెండో టెస్టులో మీరేం చేశారు? పూర్తిగా ఓ‍టమికి సిద్ధపడ్డట్లే కనిపించారు. బయటివాళ్ల మాటలు పట్టించుకోమని రోహిత్‌ శర్మ అంటున్నాడు.కానీ.. ఈ రెండు టెస్టులను చూస్తే మీరు ఒత్తిడికి గురవుతున్నారని స్పష్టమైంది. ఏదో స్కూల్‌ పిల్లలు ఆడుతున్నట్లుగా ఆడారు’’ అని అహ్మద్‌ షెహజాద్‌ విమర్శలు గుప్పించాడు. ఈ నేపథ్యంలో టీమిండియా ఫ్యాన్స్‌ బదులిస్తూ.. ‘‘పాకిస్తాన్‌ వరుస ఓటముల తర్వాత ఒక్క సిరీస్‌ గెలిచింది. మీ సంగతి ఏమిటి?మరి మీ జట్టు చిత్తుగా ఓడినపుడు మీరెందుకు ఇలా మాట్లాడలేదు. టీమిండియా తిరిగి పుంజుకుంటుంది. అయినా.. మా జట్టు ఇప్పటికే రెండుసార్లు ప్రపంచ టెస్టు చాంపియన్‌షిప్‌ ఫైనల్‌ చేరింది. ఈసారి కూడా టైటిల్‌ పోరుకు చేరువైంది. మరి మీ సంగతి ఏమిటి?’’ అంటూ కౌంటర్లు వేస్తున్నారు. కాగా సొంతగడ్డపై చిత్తుగా సిరీస్‌లు ఓడిన పాకిస్తాన్‌ ఇటీవల ఇంగ్లండ్‌పై 2-1తో టెస్టు సిరీస్‌ గెలిచిన విషయ తెలిసిందే. ఇదిలా ఉంటే.. టీమిండియా- న్యూజిలాండ్‌ మధ్య నవంబరు 1 నుంచి ముంబైలో మూడో టెస్టు మొదలుకానుంది.చదవండి: Ind vs Aus: 17 కిలోల బరువు తగ్గి.. ఆసీస్‌ టూర్‌కు ఎంపికైన పేసర్‌