రాజ్‌కోట్‌: కెప్టెన్ ఠాకూర్‌ తిలక్‌ వర్మ (44 బంతుల్లో 57; 5 ఫోర్లు, ఒక సిక్సర్‌) అర్ధశతకంతో ఆకట్టుకున్నా... సయ్యద్‌ ముస్తాక్‌ అలీ ట్రోఫీ టి20 టోర్నమెంట్‌లో హైదరాబాద్‌ జట్టుకు తొలి పరాజయం ఎదురైంది. గత మ్యాచ్‌లో మేఘాలయ జట్టుపై ఘనవిజయం సాధించిన హైదరాబాద్‌... గ్రూప్‌ ‘ఎ’లో భాగంగా సోమవారం జరిగిన రెండో మ్యాచ్‌లో బెంగాల్‌ చేతిలో 8 వికెట్ల తేడాతో ఓటమి పాలైంది. మొదట బ్యాటింగ్‌ చేసిన హైదరాబాద్‌ 18.3 ఓవర్లలో 137 పరుగులకు ఆలౌటైంది. టి20ల్లో వరుసగా మూడు శతకాలు బాది రికార్డుల్లోకెక్కిన తిలక్‌ వర్మ అదే ఫామ్‌ కొనసాగిస్తూ హాఫ్‌సెంచరీతో విజృంభించగా... రాహుల్‌ బుద్ధి (30; 4 ఫోర్లు, ఒక సిక్సర్‌) ఫర్వాలేదనిపించాడు. తన్మయ్‌ అగర్వాల్‌ (6) రాహుల్‌ సింగ్‌ (10), మికిల్‌ జైస్వాల్‌ (12), రవితేజ (0), ప్రతీక్‌ రెడ్డి (3), సీవీ మిలింద్‌ (0) విఫలమయ్యారు. బెంగాల్‌ బౌలర్లలో మొహమ్మద్‌ షమీ 3... షహబాజ్, కరణ్‌ లాల్‌ చెరో రెండు వికెట్లు పడగొట్టారు. అనంతరం బెంగాల్‌ జట్టు 17.5 ఓవర్లలో రెండు వికెట్ల నష్టానికి 138 పరుగులు చేసి గెలిచింది. అభిõÙక్‌ పొరెల్‌ (41; 3 ఫోర్లు, 2 సిక్సర్లు), కరణ్‌లాల్‌ (46; 4 ఫోర్లు, 4 సిక్సర్లు) రాణించారు. హైదరాబాద్‌ బౌలర్లలో రవితేజ, అనికేత్‌ రెడ్డి చెరో వికెట్‌ పడగొట్టారు. తదుపరి మ్యాచ్‌లో బుధవారం రాజస్తాన్‌తో హైదరాబాద్‌ తలపడనుంది. బెంగాల్‌ చేతిలో హైదరాబాద్‌ ఓటమి


 సాక్షి, హైదరాబాద్: క్రీసెంట్ స్కూల్ జట్టు బ్యాట్స్‌మన్ ఠాకూర్ తిలక్ వర్మ (107) సెంచరీతో రాణించాడు. దీంతో ఆర్. దయానంద్ అండర్-16 క్రికెట్ టోర్నీలో భాగంగా భవన్‌‌స జూనియర్ కాలేజ్ ‘ఎ’ జట్టుతో జరిగిన మ్యాచ్‌లో క్రీసెంట్ స్కూల్ 6 వికెట్ల తేడాతో విజయం సాధించింది. శుక్రవారం జరిగిన ఈ మ్యాచ్‌లో తొలుత బ్యాటింగ్ చేసిన భవన్‌‌స జట్టు 43.3 ఓవర్లలో 175 పరుగులకు ఆలౌటైంది. రక్షణ్ రెడ్డి (56) అర్ధసెంచరీ చేయగా... ప్రమోద్ మహాజన్ (31), తరుణ్ తేజ (33) రాణించారు. ప్రత్యర్థి బౌలర్లలో వివేక్ 3 వికెట్లు పడగొట్టాడు. అనంతరం బ్యాటింగ్ చేసిన క్రీసెంట్ స్కూల్ జట్టు 47.2 ఓవర్లలో 4 వికెట్ల నష్టానికి 177 పరుగులు చేసి గెలిచింది. తిలక్ వర్మతో పాటు జి. వివేక్ (30) బ్యాటింగ్‌లో రాణించాడు.
 
  ఇతర మ్యాచ్‌ల స్కోర్లు
 
  లయోలా జూనియర్ కాలేజ్: 216 (వైష్ణవ్ రెడ్డి 52, అభిషేక్ 54, వివేక్ సింగ్ 49; సాహిల్ 3/30), కాల్ పబ్లిక్ స్కూల్: 219 (సుధీంద్ర 109, ప్రణీత్ 90).
 
  సెయింట్ ఆండ్రూస్: 210 (అభిషేక్ పరాడ్కర 35, షణ్ముఖ్ 40; వైష్ణవ్ 3/47), హెచ్‌పీఎస్, రామంతపూర్: 137 (పవన్ సారుు రెడ్డి 53; వశిష్ట్ 6/24).
 
  చైతన్య జూనియర్ కాలేజ్: 263 (ప్రతీక్ రెడ్డి 62, అనిరుధ్ రాజ్ 75), లిటిల్ ఫ్లవర్ హైస్కూల్: 137 (రోనక్ 3/43).
  హెచ్‌పీఎస్, బేగంపేట: 82 (అబ్దుల్ అద్నాన్ 3/32), వెస్లీ జూనియర్ కాలేజ్: 83/2 (గణేశ్ 36).
 
  


 స్కూల్ క్రికెట్‌లో తిలక్‌వర్మ సంచలనం
 
  సాక్షి, హైదరాబాద్ : హెచ్‌సీఏ అండర్-16 వన్డే క్రికెట్‌లో హైదరాబాద్ కుర్రాడు ఠాకూర్ తిలక్ వర్మ (149 బంతుల్లో 201; 27 ఫోర్లు, 2 సిక్సర్లు) డబుల్ సెంచరీ సాధించాడు. దీంతో క్రిసెంట్ స్కూల్ 310 పరుగుల భారీతేడాతో ప్రిస్టన్ హైస్కూల్‌పై జయభేరి మోగించింది. బుధవారం జరిగిన ఈ మ్యాచ్‌లో ముందుగా క్రిసెంట్ మోడల్ స్కూల్ 50 ఓవర్లలో 3 వికెట్లకు 410 పరుగుల భారీస్కోరు చేసింది. సిద్ధార్థ్ (63), వివేక్ (52) రాణించారు. తర్వాత ప్రిస్టన్ హైస్కూల్ 100 పరుగులకే కుప్పకూలింది. శశాంక్ 5, యశ్వంత్ 4 వికెట్లు తీశారు.