ఉంగుటూరు: కృష్ణా జిల్లా రంగమ్మ పేరంటాళ్ల తిరునాళ్లలో అపశ్రుతి చోటుచేసుకుంది. ఉంగుటూరు మండలం తేలప్రోలులో తిరునాళ్లు సందర్భంగా జెయింట్ వీల్ ఏర్పాటు చేశారు. ఆదివారం రాత్రి 11 గంటల సమయంలో అది తిరుగుతుండగా ఒక చెయిర్ వద్ద బోల్టు అకస్మాత్తుగా ఊడిపోయింది. దీంతో దానిపై కూర్చున్న పది మంది యువకులు కిందపడి స్వల్పంగా గాయపడ్డారు. వెంటనే గాయపడిన వారిని ఆస్పత్రికి తరలించి చికిత్స్ అందించారు.


 'తిరునాళ్' చిత్ర కథ నచ్చడంతో వెంటనే అంగీకరించారట నటి నయనతార. ప్రస్తుతం నెంబర్‌ఒన్ హీరోయిన్ ఎవరంటే నయనతారే అంటారు ఎవరైనా. తనీఒరవన్, మాయ, నానుమ్ రౌడీదాన్ చిత్రాలతో వరుస విజయాలు సొంతం చేసుకుని హ్యాట్రిక్ సాధించిన హీరోయిన్ నయనతార. ప్రస్తుతం ఈ క్రేజీ నాయకి చేతిలో పలు చిత్రాలున్నాయి. అందులో ఒకటి తిరునాళ్. జీవా కథానాయకుడిగా నటిస్తున్న ఈ చిత్ర నిర్మాణం తుదిదశకు చేరుకుంది. ఎం.సెంథిల్‌కుమార్ నిర్మిస్తున్న ఈ చిత్రానికి పీఎస్.రామ్‌నాథ్ దర్శకత్వ బాధ్యతలను నిర్వహిస్తున్నారు. ఆయన చిత్ర వివరాలు తెలియజేస్తూ ఇది కుంభకోణం నేపథ్యంలో తెరకెక్కుతున్న విభిన్న కథా చిత్రం అన్నారు.
  
 రౌడీయిజం, రాజకీయం   ప్రధాన అంశాలుగా ఉంటాయని తెలిపారు. ఇందులో జీవాకు జంటగా నయనతార నటిస్తే బాగుంటుందని భావించి ఆమెకు ఫోన్‌లోనే గంటన్నర పాటు కథ వివరించానన్నారు. కథ విన్న వెంటనే యారడీ నీ మోహిని చిత్రం తరహాలో వినోదంతో కూడిన పాత్ర నచ్చిందని, నటించడానికి నయనతార అంగీకరించారని చెప్పారు. ఇందులో జీవా బ్లేడ్ అనే పాత్రలో రౌడీగా నటిస్తున్నారని, తరచూ ఆయన నోట్లో నుంచి బ్లేడ్ తీస్తుంటారని అన్నారు. ఒకసారి నయనతార కూడా నోట్లో నుంచి బ్లేడ్ తీస్తుందన్నారు. చిత్రం జనరంజకంగా ఉంటుందన్నారు. నయనతార పాఠశాల టీచర్‌గా నటిస్తున్నారని తెలిపారు. తదుపరి చిత్రాన్ని కూడా జీవా, నయనతార జంటగా నిర్మించనున్నట్లు నిర్మాత ఎం.సెంథిల్‌కుమార్ వెల్లడించారు.
  
 
  


 జీవా, నయనతారల తిరునాళ్ (ఉత్సవం) శరవేగంగా, కోలాహలంగాను జరుగుతోంది. ‘ఈ’ వంటి విజయవంతమైన చిత్రం తరువాత జీవా, నయనతార జంటగా నటిస్తున్న చిత్రం తిరునాళ్. పీఎస్ రామనాథ్ దర్శకత్వం వహిస్తున్న ఈ చిత్రాన్ని కోదండపాణి ఫిలింస్ పతాకంపై ఎం.సెంథిల్‌కుమార్ భారీ ఎత్తున నిర్మిస్తున్నారు. చిత్ర వివరాలను దర్శకుడు తెలుపుతూ తిరునాళ్ చిత్ర షూటింగ్ కుంభకోణంలో నిర్వహిస్తున్నట్లు చెప్పారు.
 
 ఇందులో జీవా పల్లెటూరి మొరటోడిగా నటిస్తున్నారని, నయనతార కూడా చాలాకాలం తరువాత గ్రామీణ యువతిగా నటిస్తున్నారని తెలిపారు. చిత్రం కోసం కుంభకోణంలో బ్రహ్మాండమైన సెట్‌ను వేసి నిత్యం వెయ్యిమందికి పైగా సహాయ నటీనటులతో ప్రధానపాత్రలో నటించే కీలక సన్నివేశాలను చిత్రీకరిస్తున్నట్లు వెల్లడించారు. దీనికి శ్రీ సంగీతాన్ని, మహేముత్తుస్వామి చాయాగ్రహణం అందిస్తున్నారని చెప్పారు.


 టీనగర్: త్వరలో షూటింగ్ జరుపుకోనున్న తిరునాళ్ చిత్రంలో జీవ, నయనతార నటిస్తున్నారు. ఎస్.పి. జననాథన్ దర్శకత్వం వహించిన ‘ఈ’ చిత్రం తర్వాత జీవా, నయనతార కలిసి నటిస్తున్న చిత్రం ‘తిరునాళ్’. కోదండపాణి ఫిలిమ్స్ అధ్వర్యంలో ఎం.సెంథిల్‌కుమార్ రూపొందిస్తున్న ఈ చిత్రంలో గ్రామీణ యువకుడిగా జీవా నటిస్తున్నాడు.
  
  చాయాగ్రహణం మహేష్ ముత్తుసామి, సంగీతం శ్రీ సమకూరుస్తున్నారు. ఈ నెలలో చిత్రం షూటింగ్ ప్రారంభం కానుంది. ఈ చిత్రం గురించి దర్శకుడు రామ్‌నాథ్ మాట్లాడుతూ కుంభకోణం పరిసరప్రాంతాల్లో జరిగే కథాంశంలో చిత్రం రూపుదిద్దుకుంటోందని, ఇందులో జీవా రౌడీగా నటిస్తున్నాడన్నారు. అయితే రౌడీయిజానికి సంబంధించిన కథ కాదన్నారు. చిత్రం స్క్రీన్‌ప్లే పకడ్బందీగా ఉంటుందని, నయనతార టీచర్ పాత్రలో, హోమ్లీ క్యారెక్టర్‌లో నటిస్తున్నట్లు తెలిపారు. అంతేగాకుండా కామెడీ, యాక్షన్ సమపాళ్లలో ఉంటాయ న్నారు.