కాంగ్రెస్‌ అగ్రనేత, వయనాడ్‌ ఎంపీ రాహుల్‌ గాంధీ చేపట్టిన ‘భారత్‌ జోడో న్యాయ్‌ యాత్ర’మణిపూర్‌లోని తౌబాల్‌ జిల్లా నుంచి ఈ యాత్ర ప్రారంభమైంది. ఈ సందర్భంగా ఏర్పాటు చేసిన సభలో రాహుల్‌ గాంధీ మాట్లాడారు. మణిపూర్‌ ప్రజలు తమ ఆవశ్యకత, విలువను పోగొట్టుకున్నారు. ఇక్కడి ప్రజలు ఏం కోల్పోయారో తాము చూశామని తెలిపారు. #WATCH | Congress MP Rahul Gandhi kickstarts Bharat Jodo Nyay Yatra from Thoubal, Manipur. pic.twitter.com/6F8hLDgAqa — ANI (@ANI) January 14, 2024 మణిపూర్‌ ప్రజలు ఏం కోల్పోయారో వాటిని మళ్లీ అందిస్తామని హామీ ఇచ్చారు. మణిపూర్‌ ప్రజల బాధలు చూశామని.. ఇక్కడి ప్రజలు ఎదుర్కొంటున్న ఇబ్బందులు, దు:ఖాన్ని తాము తొలగిస్తామని అన్నారు. ఇక్కడ ప్రజల్లో మునుపటిలా శాంతి, ప్రేమ, శ్రేయస్సును పునరుద్ధరిస్తామని రాహుల్‌ గాంధీ చెప్పారు.  #WATCH | Thoubal, Manipur: Congress MP Rahul Gandhi says, " You (people) have lost what you have valued but we will find what you have valued once again and bring it back to you. We understand the pain the people of Manipur have been through. We understand the hurt, the loss and… pic.twitter.com/RQ0d1OZ5Pe — ANI (@ANI) January 14, 2024 న్యాయం కోసం పోరాటం నినాదంతో సాగనున్న ఈ యాత్ర 15 రాష్ట్రాల్లో 100 లోక్‌సభ నియోజవర్గాల మీదుగా సాగనుంది. దాదాపు 67 రోజులపాటు 6, 713 కిలోమీటర్లు రాహుల్‌ పర్యటించనున్నారు. మొత్తం 110 జిల్లాల మీదుగా సాగే ఈ యాత్రను..  మార్చి 20 లేదా 21న ముంబైలో యాత్రను ముగించనున్నారు.   చదవండి:  ‘రాహుల్‌’ రాజకీయం.. కాంగ్రెస్‌ను వీడిన 11 మంది సీనియర్లు


 మణిపూర్లోని థబుల్ జిల్లాలో గత అర్థరాత్రి రెండు బాంబు పేలుళ్లు సంభవించి ఘటనలో ఒకరు మరణించగా, మరో ఆరుగురు తీవ్రంగా గాయపడ్డారని పోలీసు ఉన్నతాధికారులు గురువారం ఇంఫాల్లో వెల్లడించారు. మృతుడు పంజాబ్కు చెందిన లాలీ కుమార్ (30)గా గుర్తించినట్లు చెప్పారు. మృతుడు, క్షతగాత్రులంతా భవన నిర్మాణ రంగంలో కార్మికులుగా పని చేస్తు జీవనం సాగిస్తున్నారని పేర్కొన్నారు. అయితే బాంబు పేలుళ్లలో గాయపడిన వారిని రీజనల్ ఇనిస్టిట్యూట్ ఆఫ్ మెడికల్ సైన్సెస్కు తరలించినట్లు చెప్పారు.
  
 వారిలో కొందరి పరిస్థితి ఆందోళనకరంగా ఉన్నట్లు వైద్యులు వెల్లడించారన్నారు. బాంబుపేలుళ్లపై సమాచారం అందగానే హూటాహుటిన సంఘటన స్థలానికి చేరుకుని, నిందితుల కోసం గాలింపు చర్యలు చేపట్టినట్లు తెలిపారు. బాంబులను రిమోట్ కంట్రోల్ ద్వారా పేల్చారని పోలీసుల తెలిపారు. ఇది తీవ్రవాదుల దుశ్చర్యగా అనుమానిస్తున్నట్లు చెప్పారు.