కఠ్మాండు: ఎంబీబీఎస్‌ చదువుతున్న భారతీయ విద్యార్థులకు ఊరట లభించింది. ఎంబీబీఎస్‌ వార్షిక పరీక్షలకు 32 మంది విద్యార్థులను అనుమతించాల్సిందిగా నేపాల్‌ సుప్రీంకోర్టు స్థానిక విశ్వవిద్యాలయాన్ని మంగళవారం ఆదేశించింది. ఇన్‌స్టిట్యూట్‌ ఆఫ్‌ మెడిసిన్‌ నిర్వహించిన ప్రవేశ పరీక్షల్లో పాసవకపోవడంతో వారందరినీ డిబార్‌ చేసిన కొన్ని నెలల తర్వాత ఈ మేరకు ఈ నెల 17న ఉత్తర్వులు జారీచేసింది. త్రిభువన్‌ యూనివర్సీటికి చెందిన  అనుబంధ కళాశాలల్లో చదువుతున్న ఈ విద్యార్థులు భారత్‌లో నిర్వహించే నీట్‌ పరీక్షలో  ఉత్తీర్ణత సాధించారని, ప్రత్యేకంగా నేపాల్‌ మెడికల్‌ కౌన్సిల్‌ నిర్వహించే పరీక్షలో ఉత్తీర్ణులు  కావాల్సిన అవసరం లేదని అత్యున్నత న్యాయస్థానం పేర్కొంది. త్రిభువన్‌ యూనివర్సిటీ అనుబంధ కళాశాలలైన జానకి దేవి మెడికల్‌ కాలేజీ గత సంవత్సరం డిసెంబర్‌ 20న  వీరిని పరీక్షలకు అనుమతించలేదు. దీంతో వారు ఒక విద్యా సంవత్సరాన్ని కోల్పోవాల్సి వచ్చింది. దీంతో త్రిభువన్‌ యూనివర్సిటీపై  బాధిత విద్యార్థులు సుప్రీంకోర్టులో కేసు దాఖలుచేశారు. ఈ నేపథ్యంలో శుక్రవారం విద్యార్థులు పరీక్షలు రాసేందుకు అనుమతించాలని ధర్మాసనం ఆదేశాలు జారీ చేసింది. విదేశి విద్యార్థులను పరీక్షలు రాయకుండా అడ్డుకోవడాన్ని తీవ్రంగా తప్పుపట్టింది.


 వినోదంతో కూడిన వినూత్న కథా చిత్రంగా ట్యూబ్‌లైట్‌ చిత్రం ఉంటుందని ఆ చిత్ర దర్శకుడు ఇంద్ర తెలిపారు. కార్పొరేట్‌ కంపెనీల్లో ఉద్యోగులకు శిక్షకుడిగా వ్యవహరించిన ఈ ఇంజినీరింగ్‌ పట్టభద్రుడు సినీ మోహంతో యాడ్‌ రంగంలో మొదట తన ప్రతిభను నిరూపించుకున్నారు. ఆ తరువాత చిత్ర రంగప్రవేశం చేసి తొలి ప్రయత్నంగా తెరకెక్కించిన చిత్రం ట్యూబ్‌టైట్‌. అంతే కాదు ఈ చిత్రానికి కథ, కథనం, సంగీతం బాధ్యతలతో పాటు కథానాయకుడి భారాన్ని తనే మోసిన చిత్రం ఇది. ఆస్ట్రిచ్‌ మీడియా ప్రొడక్షన్‌ పతాకంపై రవినారాయణన్‌ నిర్మిస్తున్న ఈ చిత్రంలో నటి అతిథి నాయకిగా నటించారు. ప్రధాన పాత్రల్లో సీనియర్‌ నటుడు పాండ్యరాజన్‌ నటించిన ఇందులో మలయాళ నటుడు ప్రవీణ్‌ప్రేమ్, త్రిభువన్, ధనుంజయన్, వినోద్, రమణి నూతన నటీనటులు ముఖ్య పాత్రలు పోషించారు.
 
  చిత్రం వివరాలను దర్శకుడు, కథానాయకుడు ఇంద్ర బుధవారం చెన్నైలో నిర్వహించిన విలేకరుల సమావేశంలో తెలుపుతూ పలు యాడ్‌ చిత్రాలను రూపొందించిన తాను కథానాయకుడిగా నటించాలని, అందుకు తగ్గట్టుగా ఆరేళ్ల క్రితం కథను తయారు చేసుకుని, దానికి మెరుగులు దిద్దుకుంటూ తెరకెక్కించిన చిత్రం ట్యూబ్‌లైట్‌ అని తెలిపారు. ఇది బయాలాజికల్, ఫిలాసఫికల్‌ ఎలిమెంట్స్‌తో కూడిన కామిక్స్‌ కథా చిత్రంగా ఉంటుందన్నారు. రొమాంటిక్, కామెడీ ప్రధానాంశంగా తెరకెక్కించిన ఈ ట్యూబ్‌లైట్‌ చిత్రాన్ని చెన్నై పరిసర ప్రాంతాల్లో చిత్రీకరించినట్లు చెప్పారు.
 
 ఈ చిత్రంలో కథానాయకి ఆర్థోథెరపిస్ట్‌గా నటించారని తెలిపారు. నిర్మాత రవి నారాయణన్‌ మాట్లాడుతూ తమ సంస్థకు తొలి చిత్రం కావడంతో ఒక ౖవైవిధ్య భరిత కథను ఎంచుకోవాలని భావించిన తరుణంలో ఇంద్ర ఈ ట్యూబ్‌లైట్‌ కథతో వచ్చారన్నారన్నారు. తను ఒక పుల్‌ప్లెడ్జ్‌డు కిట్‌తో రావడం, కథ తాము కోరుకున్న స్థాయిలో ఉండడంతో చిత్ర నిర్మాణానికి పూనుకున్నామని, ట్యూబ్‌టైట్‌ చిత్రం తాను అనుకున్న దానికంటే బాగా  వచ్చిందని సంతృప్తి వ్యక్తం చేవారు. ప్రస్తుతం నిర్మాణాంతర కార్యక్రమాలను జరుపుకుంటున్న ఈ చిత్రాన్ని త్వరలో విడుదలకు సన్నాహాలు చేస్తున్నట్లు ఆయన తెలిపారు.