ఉయ్యాల జంపాల సినిమాతో టాలీవుడ్‌కు పరిచయం అయిన యంగ్‌ హీరో రాజ్‌ తరుణ్‌. తొలి సినిమాతోనే మంచి గుర్తింపు తెచ్చుకున్న ఈ యంగ్ హీరో తరువాత ఆశించిన స్థాయిలో సక్సెస్‌ కాలేకపోయాడు. సినిమా చూపిస్తా మామ, కుమారి 21ఎఫ్ లాంటి సినిమాలు సక్సెస్‌ అయినా  స్టార్ ఇమేజ్‌ మాత్రం అందుకోలేకపోయాడు. ప్రస్తుతం ఈ యంగ్ హీరో దిల్ రాజు నిర్మిస్తున్న ఇద్దరి లోకం ఒకటే సినిమాలో నటిస్తున్నాడు. తాజాగా సోషల్‌ మీడియా వేదికగా అభిమానులతో ముచ్చటించిన రాజ్‌ తరుణ్‌ ఆసక్తికర విషయాలను వెల్లడించాడు. తాను లవ్‌ మ్యారేజ్‌ చేసుకుంటానని చెప్పిన రాజ్‌ తరుణ్‌, త్వరలోనే తాను పెళ్లి చేసుకోబోయే రాణిని పరిచయం చేస్తానన్నాడు. Very soon :) https://t.co/jZDHmfmaSU — Raj Tarun (@itsRajTarun) 27 May 2019


  ‘ఉయ్యాల జంపాల’ జంట రాజ్‌తరుణ్, అవికా గోర్ మళ్లీ కలిసి నటిస్తున్న చిత్రం ‘సినిమా చూపిస్త మావ’. త్రినాథరావు నక్కిన దర్శకుడు. అంజిరెడ్డి, రూపేష్ డి.గోవిల్, బెక్కెం వేణుగోపాల్, రాజశేర్ రెడ్డి నిర్మాతలు. ఈ చిత్రం షూటింగ్ ప్రస్తుతం హైదరాబాద్‌లో జరుగుతోంది. ఈ సందర్భంగా ఏర్పాటు చేసిన విలేకరుల సమావేశంలో దర్శక, నిర్మాతలు మాట్లాడుతూ -‘‘అవిక, రాజ్ తరుణ్‌ల మధ్య కెమిస్ట్రీని మరోసారి బ్రహ్మాండంగా ఆవిష్కరించే చిత్రమిది. కథ కోసమే ఎనిమిది నెలల సమయం కేటాయించాం. ప్రసన్నకుమార్ సంభాషణలు నవ్విస్తాయి. శేఖర్‌చంద్ర బాణీలు అలరిస్తాయి. అందరూ చూడదగ్గ వినోదాత్మక చిత్రమిది’’ అన్నారు. మళ్లీ కలిసి నటిస్తున్నందుకు హీరో హీరోయిన్లు ఆనందం వ్యక్తం చేశారు. ఈ చిత్రానికి కెమెరా: సాయి శ్రీరామ్.