శ్రీకాంత్ హీరోగా నటిస్తున్న ‘హంటర్’ సినిమా టైటిల్ మారింది. ‘వీడికి దూకుడెక్కువ’ అనే టైటిల్‌ని దీనికి ఖరారు చేశారు. ఇందులో కామ్నా జఠ్మలాని కథానాయిక. సత్యనారాయణ ద్వారపూడి దర్శకత్వంలో బెల్లం రామకృష్ణారెడ్డి ఈ చిత్రాన్ని నిర్మిస్తున్నారు. చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి. నిర్మాత మాట్లాడుతూ -‘‘శ్రీకాంత్ కెరీర్‌లో ఓ మైలురాయిలా నిలిచే సినిమా ఇది. త్వరలో పాటలను విడుదల చేస్తాం. చక్రి సంగీతం ఈ చిత్రానికి హైలైట్’’ అన్నారు. సింగపూర్, మలేసియాల్లో చిత్రీకరించిన పాటలు కనువిందు చేస్తాయని దర్శకుడు పేర్కొన్నారు. ఈ చిత్రానికి కెమెరా: సురేందర్‌రెడ్డి.