బిగ్గెస్ట్‌ రియాలిటీ షో బిగ్‌బాస్‌.. ఈ షోని ఆరాధించే అభిమానులతో పాటు తిట్టిపోసే జనాలు సైతం ఉన్నారు. అయితే ఎంత తిట్టుకున్నా ఆ మ్యూజిక్‌ రాగానే చాలామంది టీవీలకు అతుక్కుపోయి మరీ బిగ్‌బాస్‌ చూస్తుంటారు. అదే ఈ షో ప్రత్యేకత! ఒక్క మాటలో చెప్పాలంటే సెలబ్రిటీలు ఇంట్లో ఎలా ఉంటారో చూపించాలన్నదే దీని కాన్సెప్ట్‌. వారికి ఇచ్చే ఛాలెంజ్‌లు, టాస్కులు అదనం.. దీని ద్వారా చూసే జనాలకు కాలక్షేపం.. షోలో పాల్గొన్న కంటెస్టెంట్లకు కాసుల వర్షం. కానీ షో ముగిసిన తర్వాత నెమ్మదిగా జనాలు వారిని మర్చిపోతుంటారు. అటు కంటెస్టెంట్లు కూడా బోలెడంత నెగెటివిటీతో బయటకు వస్తారు. పైగా ఛాన్సులు, ఫేమ్‌ అందుకోవడం అందని ద్రాక్షగా మారుతూ ఉంటుంది. టైటిల్‌ గెలిచామన్న సంతృప్తి తప్ప ఏదో కోల్పోయామన్న లోటు మాత్రం అలాగే ఉండిపోతుంది. దాని తర్వాత మళ్లీ ఇప్పుడే అంత క్రేజ్‌! బిగ్‌బాస్‌ తెలుగు రెండో సీజన్‌, నాలుగో సీజన్‌ తర్వాత మళ్లీ ఏడో సీజన్‌కు ఆ స్థాయిలో క్రేజ్‌ వచ్చింది. కంటెస్టెంట్ల కోసం అభిమానులు సోషల్‌ మీడియాలో యుద్ధాలే చేశారు. అంతిమంగా ఈ పోరులో రైతుబిడ్డ అనే ట్యాగ్‌తో పల్లవి ప్రశాంత్‌ విజయం సాధించాడు. బిగ్‌బాస్‌ షో అనేది వ్యక్తిత్వ, మానసిక వికాస కేంద్రం అని అప్పట్లో బిగ్‌బాస్‌ ఓటీటీ విన్నర్‌ బిందుమాధవి తండ్రి అన్నాడు. అంటే మన గురించి మనం తెలుసుకోవడానికి, తప్పొప్పులు సరిదిద్దుకోవడానికి ఇంతకంటే మంచి వేదిక దొరకదన్నాడు. కానీ ఇక్కడే ప్రశాంత్‌ను తప్పుదారి పట్టించాడు శివాజీ. హౌస్‌లో ప్రశాంత్‌ తప్పు చేయబోయిన ప్రతిసారి శివాజీ అడ్డుకున్నాడు. అతడిని మాట్లాడనీయకుండా చేశాడు. టైటిల్‌ విజేత అరెస్ట్‌ అప్పుడే కనక శివాజీ అడ్డుపడకపోయుంటే ప్రశాంత్‌ స్వభావం అందరికీ తెలిసేది, తన తప్పులను సరిదిద్దుకునే అవకాశం వచ్చి ఉండేది. హౌస్‌లో ఉన్ననాళ్లూ మాస్క్‌ వేసుకుని నటించాడన్న మాట వచ్చుండేదే కాదు. బిగ్‌బాస్‌ గ్రాండ్‌ ఫినాలే (డిసెంబర్‌ 17) రోజు అన్నపూర్ణ స్టూడియో వద్ద ఎంత ఉద్రిక్త వాతావరణం నెలకొందో అందరకీ తెలిసిందే!  ప్రశాంత్‌ను వెనక గేటు నుంచి వెళ్లిపోమన్నా ముందు నుంచే వెళ్తానన్నాడు. పోనీ, కారు ఆపకుండా వెళ్లిపోమని చెప్పినా లెక్క చేయలేదు. రైతుబిడ్డ అనే సింపతీ వాడాలనుకున్నాడు. పైగా అంతమంది అభిమానులు కనిపించడంతో మళ్లీ అదే స్టూడియో దగ్గరకు వచ్చాడు. దీంతో అక్కడ చెలరేగిన అలజడి అంతా ఇంతా కాదు. చివరకు ఏమైంది? పోలీసుల మాటల్ని బేఖాతరు చేసినందుకు అతడిని అరెస్ట్‌ చేసి జైల్లో వేశారు. టైటిల్‌ గెలిచిన ఒక్కరోజులోనే ప్రశాంత్‌ అప్రతిష్ట మూటగట్టుకున్నాడు. టాలీవుడ్‌ స్టార్‌ హీరో వల్ల ఇండస్ట్రీని వదిలేసిన హీరోయిన్‌ మరోవైపు తమిళంలో రన్‌ అవుతున్న బిగ్‌బాస్‌ ఏడో సీజన్‌ సైతం తరచూ వార్తల్లో ఉంటోంది. ఈ షోలో సీనియర్‌ హీరోయిన్‌ విచిత్ర పాల్గొంది. ఓ ఎపిసోడ్‌లో ఆమె ఇండస్ట్రీని వదిలేయడానికి గల కారణాన్ని బయటపెట్టింది. తెలుగులో ఓ స్టార్‌ హీరో పెట్టిన టార్చర్‌ వల్లే సినిమాలు వదిలేశానంది. ఆ హీరో తన గదికి రమ్మని పిలిస్తే వెళ్లలేదని.. దీంతో తనను షూటింగ్‌లోనూ చాలా ఇబ్బంది పెట్టారని చెప్పింది. తనను సెట్స్‌లోనూ అసభ్యంగా తాకాడని.. ఆ విషయం చెప్పినందుకు తన చెంపే పగలగొట్టారని వాపోయింది. ఈ విషయం సోషల్‌ మీడియాలో వైరల్‌ కాగా ఆ హీరో బాలకృష్ణయే అని పలువురు నెటిజన్లు అభిప్రాయపడ్డారు. Actor Who Harassed : #Balayya (Balakrishna) Telugu Film Name : Bhalevadivi Basu (2001 Release) Stunt Director : A.Vijay Nadigar Sangam Head Who Refused Action: Radha Ravi #Vichithra #MeToo pic.twitter.com/9rrxagpUwV — Analyst (@BoAnalyst) November 22, 2023 పారిపోయేందుకు యత్నం ఇక ఇదే హస్‌లోని కంటెస్టెంట్‌ కూల్‌ సురేశ్‌ ఓ రోజు బిగ్‌బాస్‌ ఇంటి నుంచి పారిపోయేందుకు ప్రయత్నించాడు. గోడ ఎక్కి పారిపోవడానికి యత్నించగా అది చూసిన ఓ కంటెస్టెంట్‌ పరుగెత్తుకుంటూ వచ్చి అతడిని కిందకు దింపాడు. ఇదిలా ఉంటే హౌస్‌లో కంటెస్టెంట్ల మధ్య వార్‌, బయట అభిమానుల మధ్య వార్‌ సహజమే! కానీ లోపల కంటెస్టెంట్లు ఏదో అనుకున్నారని వారి కుటుంబసభ్యులపైనే దాడి జరిగింది. నటి వనితా విజయ్‌కుమార్‌ కూతురు జోవిక బిగ్‌బాస్‌ హౌస్‌లో ఉంది. ఆమె ప్రదీప్‌ ఆంటోని అనే కంటెస్టెంట్‌పై తీవ్ర విమర్శలు చేసింది. #CoolSuresh try to escape .this week no elimination cool suresh self eviction. pic.twitter.com/hZqh8RDuwP — Jin (@Jin49486319) December 13, 2023 జోవిక ఆరోపణలు.. ప్రదీప్‌కు రెడ్‌ కార్డ్‌ ఆయన ఎప్పుడూ వాష్‌ రూమ్‌ వద్దే ఉంటున్నాడు.. ఆయన వల్ల ఇక్కడ ఉన్న అమ్మాయిలకు భద్రత లేదని జోవిక ఆరోపించింది. దీంతో కమల్‌ అతడికి రెడ్‌ కార్డ్‌ జారీ చేసి షో మధ్యలోనే అర్థాంతరంగా ఎలిమినేట్‌ చేశాడు. దీనివల్ల జోవికపై నెట్టింట విపరీతమైన ట్రోలింగ్‌ జరగ్గా దాన్ని తిప్పికొడుతూ వచ్చింది వనిత. ఓ రోజు బిగ్‌బాస్‌ షో గురించి రివ్యూ చెప్పి బయటకు వస్తుండగా ఓ వ్యక్తి తన ముఖంపై పిడిగుద్దులు కురిపించాడు. కంటెస్టెంట్‌ ప్రదీప్‌ ఆంటోని అభిమానే తనపై దాడి చేశాడని వనిత ఆరోపించింది. View this post on Instagram A post shared by Vanitha Vijaykumar (@vanithavijaykumar) షో మధ్యలో కంటెస్టెంట్‌ అరెస్ట్‌ కన్నడ బిగ్‌బాస్‌ 10వ సీజన్‌లో ఓ కంటెస్టెంట్‌ను షో మధ్యలో నుంచే పోలీసులు తీసుకెళ్లిపోయారు. వర్తూర్‌ సంతోష్‌ పులి గోరును మెడలో ధరించి దర్జా ప్రదర్శించాడు. దీంతో అటవీ అధి​కారులు అది నిజమైనదా? కాదా అని సెట్స్‌కు వెళ్లి మరీ పరీశిలించారు. అది నిజమైన పులి గోరేనని తేలడంతో అతడిని వెంటనే అరెస్ట్‌ చేసి తీసుకెళ్లారు. ఇకపోతే బిగ్‌బాస్‌ షోలోకి యూట్యూబర్లు, సింగర్లు, డ్యాన్సర్లు, నటీనటులు వెళ్తుంటారు. కానీ తొలిసారి ఓ ఎమ్మెల్యే హౌస్‌లో అడుగుపెట్టాడు. హౌస్‌లోకి ఎమ్మెల్యే కర్ణాటక కాంగ్రెస్‌ ఎమ్మెల్యే ప్రదీప్‌ ఈశ్వర్‌ కన్నడ బిగ్‌బాస్‌ హౌస్‌లోకి వెళ్లి కంటెస్టెంట్లను మోటివేట్‌ చేశాడు. కంటెస్టెంట్‌గా కాకుండా అతిథిగా షోకి వెళ్లి వచ్చాడు. ఇక ఇదే షోలో ఓ శునకం ఎంట్రీ ఇస్తుందని ప్రచారం జరిగింది. సదరు ఛానల్‌ కూడా 777 చార్లీ సినిమాతో ఆకట్టుకున్న చార్లీ అనే శునకం మొదటి కంటెస్టెంట్‌గా హౌస్‌లోకి వెళ్లనుందని ప్రకటించింది. కానీ పలు కారణాల రీత్యా ఇది కార్యరూపం దాల్చలేదు. ಕಲರ್‍‍ಫುಲ್ ಮನೆಗೆ ತಾಳ್ಮೆಯ ಬಿಳುಪು; ಎಂಟ್ರೀ ಕೊಟ್ರು ಎಮ್.ಎಲ್.ಎ ಪ್ರದೀಪು! ಬಿಗ್ ಬಾಸ್ | ಪ್ರತಿ ರಾತ್ರಿ 9:30 #BBK10 #HappyBiggBoss #KichchaSudeep #ColorsKannada #ಬಣ್ಣಹೊಸದಾಗಿದೆ #ಬಂಧಬಿಗಿಯಾಗಿದೆ pic.twitter.com/9FB9d1eVrd — Colors Kannada (@ColorsKannada) October 9, 2023 ప్రెగ్నెన్సీ టెస్ట్‌ బిగ్‌బాస్‌ షోలో దంపతులు పార్టిసిపేట్‌ చేయడం చూశాం. తెలుగులోనూ ఇలాంటి ప్రయోగాలు జరిగాయి. కానీ తొలిసారి ఓ మహిళకు హౌస్‌లో ప్రెగ్నెన్సీ టెస్ట్‌ చేశారు. హిందీ బిగ్‌బాస్‌ 17వ సీజన్‌లో అంకితా లోఖండే- విక్కీ జైన్‌ కలిసి పాల్గొన్నారు. హౌస్‌లోకి వెళ్లిన నెల రోజుల తర్వాత తనకు ఇంకా పీరియడ్స్‌ రాకపోవడంతో అయోమయానికి లోనైంది అంకిత. దీంతో ఆమెకు రక్త, మూత్ర పరీక్షలు చేశారు. అయితే ఈ ప్రెగ్నెన్సీ టెస్ట్‌లో ఆమెకు నెగెటివ్‌ వచ్చింది. ఇలా ఈ ఏడాది ఏదో భాషలో ఏదో ఒక వార్తతో బిగ్‌బాస్‌ షో ట్రెండ్‌ అవుతూనే వచ్చింది. చదవండి: బుల్లితెర జంట విడాకులు? ఇద్దరి తప్పు.. ఏడుస్తూ ఉండలేం కదా!

కోలీవుడ్‌లో బిగ్ బాస్ ఏడో సీజన్ జరుగుతోంది. ఇప్పటివరకు బావ చెల్లదురై, ప్రదీప్ ఆంటోని, అనన్య, విజయ్ వర్మ, వినూష, యుకేంద్రన్, అన్నభారతి, ఐషు, కనబాలా తదితరులు షో నుంచి ఎలిమినేట్‌ అయ్యారు. అక్కడి బిగ్‌ బాస్‌ ఓటింగ్‌లో నటి అర్చన టాప్‌లో ఉండగా మరో సీనియర్‌ నటి విచిత్ర కూడా రెండో స్థానంలో కొనసాగుతుంది. అలా టైటిల్‌ రేసులో 'విచిత్ర' కూడా దూసుకొచ్చింది. బిగ్‌ బాస్‌లో నటి విచిత్రకు మంచి మార్కులే పడుతున్నాయి. ఆమె ఆట తీరుతో పాటు చక్కటి మైండ్‌ గేమ్‌ స్ట్రాటజీతో ముందుకు వెళ్తుంది. అందుకే ఆమెకు తమిళనాట భారీగా ఫ్యాన్స్‌ పెరిగారు.   కమల్‌ ముందు ఉన్న ప్రశ్నలు.. బిగ్‌ బాస్‌ టాస్క్‌లో భాగంగా విచిత్ర చేసిన వ్యాఖ్యలు పెద్ద దుమారమే రేపుతున్నాయి. టాలీవుడ్‌ ఒక ఫేమస్‌ హీరో వల్ల తను దారుణమైన కాస్టింగ్‌ కౌచ్‌కు గురికావడం జరిగిందని.. పరోక్షంగా అతని వల్లే సినిమాలకు గుడ్‌బై చెప్పినట్లు ఆమె తెలిపింది. అప్పటికే విచిత్ర సుమారు 90కి పైగా చిత్రాల్లో నటించింది. ఈ నేపథ్యంలో విచిత్ర ఏం మాట్లాడిందో శని, ఆదివారాల ఎపిసోడ్‌లో కమల్ హాసన్ మరోసారి చర్చిస్తారా..? ఇంతకు ఆ తెలుగు హీరో ఎవరు..?  ఆ సమయంలో నడిగర్‌ సంఘంలో ఏం జరిగింది..? వంటి ప్రశ్నలతో పాటు ఆమెకు సాయం చేసేందుకు ఎవరూ ఎందుకు రాలేదు..? వంటి విషయాలు ఆమె చెప్పిస్తారా.. అంటూ సోషల్‌ మీడియాలో ప్రచారం జరుగుతుంది. కమల్‌ రివీల్‌ చేస్తారా..? ఈ అంశంపై కోలీవుడ్‌ ప్రముఖ జర్నలిస్టు బిస్మీ మాట్లాడుతూ.. ‘ సినిమా ఇండస్ట్రీలో లైంగిక వేధింపులు జరుగుతున్నాయనడానికి విచిత్ర ప్రకటనే ఉదాహరణ.. దీనిపై శని, ఆదివారాల్లో బిగ్‌ బాస్‌లో హౌస్ట్‌గా కొనసాగుతున్న కమల్‌ హాసన్‌ ఏం చెప్పబోతున్నారో తెలుస్తుంది. నిజాయితీ గల రాజకీయ నాయకుడు, నిజాయితీ గల వ్యక్తి కమల్‌ అయితే విచిత్ర గురించి మాట్లాడాలి. ఆ వ్యక్తి ఎవరో ఆమెతో చెప్పించాలి..? అలాంటి వారిని సమాజానికి దూరంగా ఉంచాలి.. అప్పట్లో కేసు కూడా పెట్టినట్లు విచిత్ర చెబుతుంది. దానిని మళ్లీ తెరపైకి తీసుకురావాలి.' అని ఆయన అన్నారు. (ఇదీ చదవండి: తెలుగు హీరోపై కోలీవుడ్‌ నటి 'విచిత్ర' వ్యాఖ్యలు.. తెరపైకి వచ్చిన విజయకాంత్‌ పేరు) ఈ వివాదంపై కమల్ మాట్లాడక పోవచ్చని ఆయన అన్నారు. ఎందుకంటే విచిత్రపై కాస్టింగ్‌ కౌచ్‌కు పాల్పడిన వ్యక్తి చాలా ఫేమస్‌ అని ఆమే చెప్పింది.. అలాంటప్పుడు అతనికి కూడా  అభిమానులు ఉంటారు. అలాంటప్పుడు అతనికి వ్యతిరేకంగా కమల్ హాసన్ మాట్లడలేరు. ఒకవేళ ఆ  ఫేమస్‌ హీరోకు వ్యతిరేకంగా కమల్ మాట్లాడితే టాలీవుడ్‌లో ఆయన సినిమాలకు ఏమైనా ఇబ్బందులు రావచ్చు. దీంతో కమల్ కూడా ఈ విషయంపై అస్పష్టంగా మాట్లాడే అవకాశాలే ఎక్కువగా ఉన్నాయి.' అని ఆయన అన్నారు. ఏదేమైనా ఈ శని, ఆదివారాల్లో ప్రసారం  అయ్యే ఎపిసోడ్‌ కోసం ఆ ఫేమస్‌ హీరో అభిమానులతో పాటు కోలీవుడ్‌ బిగ్‌ బాస్‌ ప్రేక్షకులు ఎంతగానో ఎదురు చూస్తున్నారనడంలో ఎలాంటి సందేహం లేదు. (ఇదీ చదవండి: తెలుగు హీరోపై కోలీవుడ్‌ నటి విచిత్ర చేసిన పూర్తి వ్యాఖ్యలు ఇవే.. )

కోలీవుడ్‌ నటి విచిత్ర ప్రస్తుతం తమిళ బిగ్‌ బాస్‌-7లో కంటెస్టెంట్‌గా కొనసాగుతుంది. ఆ షోలో ఆమె చేసిన వ్యాఖ్యలు ఇప్పుడు పెద్ద దుమారమే రేపుతున్నాయి. 1992లో కోలీవుడ్‌లో ఎంట్రీ ఇచ్చిన విచిత్ర..  ఎక్కువగా తమిళ సినిమాల్లోనే ఆమె కనిపించింది. అక్కడ సుమారు 90కి పైగా చిత్రాల్లో  ఆమె నటించింది. తెలుగులో మాత్రం కేవలం రెండు చిత్రాల్లో మాత్రమే కనిపించగా.. ఇందులో వెంకటేశ్‌ సూపర్‌ హిట్‌ చిత్రం అయిన 'పొకిరి రాజా' (1995)లో 'చిత్ర' పాత్రతో ఆమె మెప్పించింది. ఆపై 2001లో నందమూరి బాలకృష్ణ డిజాస్టర్‌ సినిమా అయిన 'భలేవాడివి బాసు'లో 'పుష్ప' పాత్రలో కనిపించింది. టాలీవుడ్‌ హీరోపై నటి విచిత్ర చేసిన వ్యాఖ్యలు 21 ఏళ్లుగా వెండితెరకు దూరంగా విచిత్ర తాజాగా బిగ్‌బాస్‌ షోలో తెలుగు చిత్ర పరిశ్రమ నటుడి గురించి ఓ షాకింగ్‌ విషయాన్ని బయటపెట్టింది. 2000 సంవత్సరంలో తనకు తెలుగు సినిమా ఛాన్స్‌ వచ్చినట్లు విచిత్ర ఇలా చెప్పింది. ఆ సినిమా షూటింగ్‌ సమయంలో ఒక ఫేమస్‌ హీరోను కలిశానని.. అతను తన గదికి రావాలని పిలిచాడు. కానీ నేను వెళ్లలేదు. దీంతో నాపై కోపం పెంచుకున్నాడు. ఆ హీరో రోజూ తాగి వచ్చి నా గది తలుపు తట్టేవాడు. అంతేకాకుండా ఓరోజు అడవిలో షూటింగ్‌ జరుగుతుండగా అతడు నన్ను అసభ్యంగా తాకాడు. అక్కడే నా జీవితంలోనే అత్యంత దారుణమైన క్యాస్టింగ్‌ కౌచ్‌ అనుభవాన్ని ఎదుర్కొన్నాను. దీంతో సినిమాలకు గుడ్‌బై చెప్పాశాను.' అని బాంబ్‌ పేల్చింది. ఈ వ్యాఖ్యలు ఇప్పుడు దేశ వ్యాప్తంగా వైరల్‌ అవుతున్నాయి. తెరపైకి వచ్చిన విజయకాంత్‌ పేరు..ఎందుకు..? ఈ వివాదం గురించి ఆ సమయంలో నడిగర్‌ సంఘానికి విజ్ఞప్తి చేస్తే..  అప్పట్లో నటీనటుల సంఘం అధ్యక్షుడిగా ఉన్న వ్యక్తి ఇవన్నీ మరిచిపోయి పని చూసుకోమన్నారని విచిత్ర తెలిపింది. కావాలంటే  పోలీసుల వద్దకు వెళ్లండి.. అసోసియేషన్‌కి ఎందుకు వచ్చారని ఎదురు ప్రశ్నించారని ఆమె వాపోయింది. ఆ తర్వాత చేసేది ఏమీ లేక సినిమాల నుంచి తప్పుకున్నట్లు విచిత్ర పేర్కొంది. అప్పట్లో నడిగర్‌ సంఘం అధ్యక్షుడిగా ఉన్న విజయకాంత్‌పై తాజాగా విమర్శలు వస్తున్నాయి. (ఇదీ చదవండి: తెలుగు హీరోపై కోలీవుడ్‌ నటి విచిత్ర చేసిన పూర్తి వ్యాఖ్యలు ఇవే.. ) 2001లో దక్షిణ భారత నటీనటుల సంఘం అధ్యక్షుడిగా విజయకాంత్ ఉన్నారు. 2000-2006 సంవత్సరం వరకు నడిగర్‌ అధ్యక్షుడిగా ఆయన కొనసాగారు. ప్రస్తుతం విచిత్ర చెప్తున్న వివాదం కూడా 2000-2001 సమయంలో జరిగినట్లు తెలిపింది. కాబట్టి ఆమె ఫిర్యాదు చేసింది కూడా విజయకాంత్‌కే ఉంటుందని నెటిజన్లు తెలుపుతున్నారు. అయితే అన్యాయం జరిగిందని సాయం కోసం ఒక ఆడపిల్ల వస్తే  విజయకాంత్ ఎందుకు సపోర్ట్ చేయలేదని చెబుతున్నారు. విజయకాంత్‌ కూడా తెలుగు హీరోకు సపోర్టుగా నిలిచాడా..? అంటూ విమర్శలు గుప్పిస్తున్నారు. విజయకాంత్‌పై ఇప్పటి వరకు తమిళ పరిశ్రమలో ఎలాంటి విమర్శలు లేవు. ఒక రకంగా ఆయనపై ఇదే తొలి విమర్శ అంటూ నెటిజన్లు చెప్పుకొస్తున్నారు.

సీనియర్‌ నటి విచిత్ర తమిళంలో అనేక సినిమాలు చేసింది. సహాయ నటిగా తెలుగు, తమిళ, మలయాళ భాషల్లోనూ సినిమాలు చేసింది. పెళ్లి తర్వాత సినిమాలకు ఫుల్‌స్టాప్‌ పెట్టి బుల్లితెరకు షిఫ్ట్‌ అయిన ఈ నటి ఇటీవలే తమిళ బిగ్‌బాస్‌ ఏడో సీజన్‌లో పాల్గొంది. 21 ఏళ్లుగా వెండితెరకు దూరంగా ఉన్న ఆమె బిగ్‌బాస్‌ షోలో ఓ షాకింగ్‌ విషయాన్ని బయటపెట్టింది. సినిమాలు మానేయడానికి కారణమిదే 'అది 2000వ సంవత్సరం.. ఓ దివంగత నటుడు (పేరు చెప్పడం ఇష్టం లేదు) నాకు తెలుగులో ఓ హీరోతో కలిసి నటించే సినిమా ఆఫర్‌ ఇచ్చారు. ఆ మూవీ షూటింగ్‌ కేరళలోని మలంపుళలో జరిగింది. అక్కడే నా భర్త పరిచయమయ్యాడు. అక్కడే నా జీవితంలోనే అత్యంత దారుణమైన క్యాస్టింగ్‌ కౌచ్‌ అనుభవాన్ని ఎదుర్కొన్నాను. పెళ్లి చేసుకున్నాకే సినిమాలకు గుడ్‌బై చెప్పానని చాలామంది అనుకుంటున్నారు. కానీ అసలు కారణం అది కాదు. షూటింగ్‌లో నేను పడ్డ బాధ, నరకం వల్లే ఇండస్ట్రీకి దూరంగా వెళ్లిపోయాను. అది ఇప్పుడు మీతో పంచుకుంటున్నాను. తెలుగు హీరో తన గదిలోకి రమ్మన్నాడు ఒక తెలుగు హీరోను, నన్ను 3 స్టార్‌ హోటల్‌లో ఉండమన్నారు. ఆ హోటల్‌ జనరల్‌ మేనేజరే తర్వాత నా భర్తగా మారాడు. ఓ రోజు పార్టీ జరుగుతోంది.. అక్కడే ఆ ఫేమస్‌ హీరోను కలిశాను. అతడు నా పేరు కూడా అడగలేదు, కానీ డైరెక్ట్‌గా గదికి వచ్చేయమన్నాడు. నేను షాకయ్యాను. అతడి మాటను పట్టించుకోకుండా వెళ్లి నా గదిలో నేను పడుకున్నాను. ఆ తర్వాతి రోజు నుంచి షూటింగ్‌లో సమస్యలు చుట్టుముట్టాయి. తమిళ ఇండస్ట్రీలో ఇటువంటి సమస్యలు నాకు ఎప్పుడూ ఎదురవలేదు. తాగి వచ్చి న్యూసెన్స్‌ ఆ హీరో రోజూ తాగి వచ్చి నా గది తలుపు తట్టేవాడు. ఆ గండం నుంచి ఎలా బయటపడాలా అని భయపడిపోయాను. నా రూమ్‌లో ఉన్న ఫోన్‌కు ఎవరి దగ్గరి నుంచి కాల్స్‌ రాకుండా చూడమని హోటల్‌ సిబ్బందిని వేడుకున్నాను. హోటల్‌ మేనేజర్‌ పరిస్థితి అర్థం చేసుకుని చిత్రయూనిట్‌కు తెలియకుండా రోజుకో గదికి షిఫ్ట్‌ చేశాడు. నేను పాత రూమ్‌లో ఉన్నాననుకుని అతడు తాగి డోర్‌ తట్టేవాడు. ఒకరోజు అతడికి సహనం నశించి నాకు గుణపాఠం చెప్పాలనుకున్నాడు. ఓరోజు అడవిలో షూటింగ్‌ జరుగుతుండగా అతడు నన్ను అసభ్యంగా తాకాడు. అసభ్యంగా తాకాడు.. డైరెక్టర్‌ రెండో టేక్‌ తీసుకున్నాడు.. మళ్లీ అలాగే నన్ను అసభ్యంగా తడిమాడు. మూడోసారి కూడా అంతే.. ఇక నా వల్ల కాక అతడి చేయి పట్టుకుని లాగి స్టంట్‌ మాస్టర్‌ దగ్గరకు తీసుకెళ్లాను. అతడిని ప్రశ్నించాల్సింది పోయి ఆ స్టంట్‌ మాస్టర్‌ రివర్స్‌లో నా చెంప చెళ్లుమనిపించాడు. అందరూ చూస్తూ నిల్చున్నారే తప్ప ఎవరూ మాట్లాడలేదు. కోపం, ఆవేశం, బాధ.. ఏమీ చేయలేకపోయాను. చెంప మీద దెబ్బ తాలూకు అచ్చులతో యూనియన్‌ దగ్గరకు వెళ్తే ఈ సంఘటనను మర్చిపోమన్నారు. నీకు కనీస గౌరవమర్యాదలు ఇవ్వని చోట ఎందుకు పని చేస్తున్నావు? అని హోటల్‌ మేనేజర్‌ అన్నాడు. అతడు నాకోసం కోర్టులో సాక్షిగా నిలబడ్డాడు.. చాలా పోరాడాడు. నన్ను పెళ్లి చేసుకున్నాడు. నాకు ముగ్గురు అందమైన పిల్లల్ని ఇచ్చాడు' అని చెప్పుకొచ్చింది విచిత్ర. Actor Who Harassed : #Balayya (Balakrishna) Telugu Film Name : Bhalevadivi Basu (2001 Release) Stunt Director : A.Vijay Nadigar Sangam Head Who Refused Action: Radha Ravi #Vichithra #MeToo pic.twitter.com/9rrxagpUwV — Analyst (@BoAnalyst) November 22, 2023 చదవండి: త్రిషకు క్షమాపణ చెప్పను.. నేను మాట్లాడితే అగ్నిగోళం బద్దలవుతుంది: మన్సూర్‌