హైదరాబాద్ : పాత్రికేయులు తమ బాధ్యతలు నిజాయితిగా చేపట్టాలంటే స్వామి వివేకానందుడి బోధనలను గుర్తుపెట్టుకోవాలని పయనీర్ చీఫ్ ఎడిటర్, రాజ్యసభ సభ్యుడు చందన్ మిత్రా సూచించారు. సమాజ నిర్మాణంలో మీడియా పాత్ర ఎంతో కీలకమైనది అని భావించిన స్వామి వివేకానంద ఆశయాలను కాపాడేందుకు యువత, ప్రజలు ముందుకు రావాలని ఆయన కోరారు. స్వామి వివేకానంద 150వ జయంతి సందర్భంగా ఏర్పాటు చేసిన సమావేశంలో చందన్ మిత్రా శనివారమిక్కడ మాట్లాడారు. సమాచార్ భారతి కల్చరల్ అసోసియేషన్ నిర్వహించిన సమావేశంలో వివిధ పత్రికలు, టీవీ ఛానళ్ల పాత్రికేయులు హాజరయ్యారు.