సామర్లకోట: సొంత పార్టీకి చెందిన వైస్ ఎంపీపీ, మండల అధికారులు తనను చులకనగా చూస్తున్నారంటూ టీడీపీకి చెందిన ఓ మహిళ ఎంపీపీ ఆవేదన వ్యక్తం చేసింది. మండల సమావేశంలో కంటతడి పెట్టి బయటకు వెళ్లిపోయింది. ఈ ఘటన తూర్పు గోదావరి జిల్లా రాజకీయ వర్గాల్లో హాట్ టాపిక్గా మారింది.  
 
 తూర్పుగోదావరి జిల్లా సామర్లకోటలో బుధవారం మండల సర్వసభ్య సమావేశం ప్రారంభమైంది. మండల సమావేశంలో ఎంపీపీ కొరత మార్త  ప్రసంగించారు. ఈ సందర్భంగా సొంత పార్టీకి చెందిన ప్రజాప్రతినిధులు తనను పట్టించుకోవటం లేదని...దళిత మహిళ అయినందునే అధికారులు చులకనగా చూస్తున్నారని ఆవేదన వ్యక్తం చేసింది. తనకు ఎటువంటి సమాచారం ఇవ్వకుండా కార్యక్రమాలు నిర్వహిస్తున్నారంటూ ఆమె తీవ్ర మనస్థాపనికి గురై సమావేశం నుంచి బయటకు వెళ్లిపోయింది.