న్యూఢిల్లీ: అన్ని రంగాల్లోనూ తమ ప్రభుత్వం తీసుకొచ్చిన సంస్కరణల వల్లే సులభతర వ్యాపార నిర్వహణకు సంబం ధించి ప్రపంచ బ్యాంకు ర్యాంకింగ్‌లో భారత్‌ 30 స్థానాలు మెరుగుపరచుకుందని ప్రధాని మోదీ అన్నారు. వ్యాపారానికి అను కూల వాతావరణం ఉండటం వల్ల పారిశ్రామిక వేత్తలకు, సూక్ష్మ, చిన్న, మధ్య తరహా పరిశ్రమలకు అవకాశాలు ఏర్పడతా యన్నారు. ‘భారత్‌ 30 స్థానాలు మెరుగు పరచుకుని 100వ ర్యాంకును సాధించింది. ఇది గొప్ప గర్వకారణం’ అని మోదీ తన లింక్‌డ్‌ ఇన్‌ ఖాతాలో పోస్ట్‌ చేశారు.


 సులభంగా వ్యాపారం చేసే అంశంలో మన దేశంలోని వివిధ రాష్ట్రాలకు ప్రపంచ బ్యాంకు ర్యాంకులు ఇవ్వగా, వాటిలో ఆంధ్రప్రదేశ్ రెండో ర్యాంకు సాధించింది. మొదటి స్థానంలో ఎప్పటిలాగే గుజరాత్ నిలవగా, మూడో స్థానంలో జరా్ఖండ్ ఉంది. గుజరాత్ స్కోరు 71.14 శాతం కాగా, ఏపీ స్కోరు 70.12 శాతం.
 
 ఇక తెలంగాణ రాష్ట్రం 42.45 శాతం స్కోరుతో 13వ స్థానంలో నిలిచింది. మొత్తం 29 రాష్ట్రాలు, మూడు కేంద్రపాలిత ప్రాంతాలకు ప్రపంచబ్యాంకు ఈ ర్యాంకులు ఇచ్చింది. అన్నింటికంటే చిట్టచివరి స్థానంలో అరుణాచల్ ప్రదేశ్ ఉంది. ఈ రాష్ట్రానికి వచ్చిన స్కోరు 1.23 శాతం మాత్రమే.