అంతర్జాతీయ క్రికెట్తో ఉన్న 25 ఏళ్ల అనుబంధంలో ఎన్నో అద్భుతమైన క్షణాల్ని ఆస్వాదించానని, అయితే వరుసగా 6, 6, 6, 6 బాది మ్యాచ్ను ముగించడాన్ని గతంలో చూడలేదంటూ ఆస్ట్రేలియా మాజీ స్పిన్నర్ షేన్ వార్న్.. టి-20 ప్రపంచ కప్ విజేత్ వెస్టిండీస్కు అభినందనలు తెలిపాడు. వాట్ ఏ ఛేజ్ అంటూ వార్న్ ట్వీట్ చేశాడు. ఆదివారం రాత్రి ఇంగ్లండ్పై కరీబియన్లు విజయం సాధించాక ట్విట్టర్లో అభినందనలు వెల్లువెత్తాయి. చివరి ఓవర్లో విండీస్ బ్యాట్స్ మన్ బ్రాత్వైట్ వరుసగా నాలుగు సిక్సర్లు బాది జట్టుకు అద్భుత విజయాన్నందించిన సంగతి తెలిసిందే.
 
 విండీస్కు అభినందనలు. ఇది నమ్మశక్యంగాని విజయం. అద్బుతంగా ఆడారు - విరాట్ కోహ్లీ
 వరుసగా నాలుగు సిక్సర్లతో మ్యాచ్ ముగించడం అద్బుతం. కరీబియన్లకు అభినందనలు- రాస్ టేలర్
 
 
  
 
 Seen a lot of things over 25 yrs being involved in international cricket. But nothing quite like that finish to a game 6 6 6 6 congrats WI !
 — Shane Warne (@ShaneWarne) 3 April 2016


 టి-20 ప్రపంచ కప్ విజేత వెస్టిండీస్ను క్రికెటర్లు, మాజీలు, అభిమానులు ప్రశంసల్లో ముంచెత్తారు. ఆదివారం రాత్రి ఇంగ్లండ్పై కరీబియన్లు చరిత్రాత్మక విజయం సాధించాక సోషల్ మీడియాలో అభినందలు వెల్లువెత్తాయి. వెస్టిండీస్ అన్ని విధాలా నిజమైన చాంపియన్స్ అని బ్యాటింగ్ దిగ్గజం సచిన్ టెండూల్కర్ ట్వీట్ చేశాడు. అండర్-19, మహిళలు, పురుషుల విభాగాల్లో కరీబియన్లు విశ్వవిజేతలుగా నిలవడం అద్భుతమని ప్రశంసించాడు. బ్రాత్వైట్ వాజ్ బ్రీత్టేకింగ్ అంటూ సచిన్ ట్వీట్ చేశాడు.  
 
 నిన్న రాత్రి విండీస్ గెలవగానే జమైకా స్టార్ స్ప్రింటర్ ఉసేన్ బోల్ట్ సంబరాలు చేసుకున్నాడు. బోల్ట్ చొక్కా విప్పి డాన్స్ చేశాడు. విండీస్ జట్టుకు అంతర్జాతీయ క్రికెట్ మండలి ట్విటర్లో అభినందలు తెలిపింది.
  
 
 WI all the way!! True champions, be it u19s, women's or men's championship! Super stuff by team WI! Brathwaite was breathtaking! #WT20Final
 — sachin tendulkar (@sachin_rt) 3 April 2016