భారత టెన్నిస్ స్టార్ సానియా మీర్జా ప్రపంచ మహిళల డబుల్స్ ర్యాంకింగ్స్లో టాప్-10లోకి దూసుకెళ్లింది. సోమవారం ప్రకటించిన డబ్ల్యూటీఏ తాజా టీమ్ ర్యాంకింగ్స్ జాబితాలో సానియా రెండు స్థానాలు మెరుగుపరచుకుని తొమ్మిదో ర్యాంక్ సాధించింది. సానియా ఇటీవల ఎక్కువగా డబుల్స్ పైనే ప్రధానం దృష్టిసారిస్తోంది.
 
 ఈ వారంలో 26 ఏళ్ల సానియా ఏ ఈవెంట్లోనూ పాల్గొనకున్నా.. ఇటీవల చైనా ఓపెన్, పసిఫిక్ ఓపెన్ టైటిళ్లను వెంటవెంటనే సొంతం చేసుకోవడంతో ర్యాంక్ మెరుగైంది. హైదరాబాదీ భాగస్వామి కారా బ్లాక్ (జింబాబ్వే) కూడా ఓ స్థానం సంపాదించి 13వ ర్యాంక్ దక్కించుకుంది.