విజయవాడ: రాజధాని పేరుతో టీడీపీ ప్రభుత్వం చేపట్టిన భూసేకరణను వెంటనే ఆపి వేయాలంటూ విజయవాడలో యువజన కాంగ్రెస్ ఆందోళన కార్యక్రమం చేపట్టింది. నగరంలోని సీఆర్డీఏ కార్యాలయం వద్ద శనివారం ఉదయం ముఖ్యమంత్రి చంద్రబాబు, మంత్రి నారాయణ వేష ధారణలతో కాంగ్రెస్ కార్యకర్తలు నిరసన తెలిపారు.
 ప్రజల భూములతో టీడీపీ నాయకులు వ్యాపారాలు చేసుకుంటున్నారని విమర్శించారు. దీంతో పోలీసులు అక్కడికి చేరుకుని వారిని నిలువరించారు. దీంతో రెండు వర్గాలు తోపులాడుకున్నాయి. యువజన కాంగ్రెస్ రాష్ట్ర అధ్యక్షుడు దేవినేని అవినాష్, జిల్లా కాంగ్రెస్ అధ్యక్షుడు కడియాల బుచ్చిబాబు తదితరులు పాల్గొన్నారు.