చిన్నారిపై వీధి కుక్కల దాడి

అగనంపూడి: గ్రామ సింహాలు చిన్నారిపై దాడి చేసి తీవ్రంగా గాయ­పర్చిన ఘటన విశాఖ­లో జరిగింది. జీవీఎంసీ 85వ వార్డు ఫార్మా­సిటీ నిర్వాసిత కాలనీ పానకా­లయ్య­పేట బో­నంగికి చెందిన సిద్ధ­నాతి నూక అప్పారావు కూలి పనులు చేసుకుంటూ జీవనం సాగిస్తు­న్నా­రు. శనివారం రాత్రి అప్పారావు భార్య లక్ష్మి ఇంట్లో పనులు చేసుకుంటుండగా, అప్పారావు పనిమీద బయటకు వెళ్లాడు.

రోడ్డు మీద ఆడుకుంటున్న వీరి కుమార్తె యక్షిత (3)పై రెండు వీధి కుక్క­లు దాడి చేయగా శరీరం వెనుక భాగం, మెడ, తలపై కూడా తీవ్రంగా గాట్లు పడ్డాయి.  స్థానికులు కుక్కలను తరిమికొట్టి పాపను రక్షించి కేజీహెచ్‌కు తరలించారు. ప్రాణా­పాయ స్థితి తప్పినట్లు వైద్యులు చెప్పారు.