బంగారం తగ్గుముఖం.. శాంతించిన వెండి!

దేశవ్యాప్తంగా బంగారం ధరలు తగ్గుముఖం పట్టాయి. క్రితం రోజున గణనీయంగా  పెరిగిన పసిడి రేట్లు ఈరోజు  (సెప్టెంబర్‌ 12) స్వల్పంగా దిగొచ్చాయి. దేశంలోని పలు ప్రాంతాల్లో బంగారం ధరలు నేడు ఎంత మేర తగ్గాయన్నది ఈ కథనంలో తెలుసుకుందాం.

తెలుగు రాష్ట్రాల్లో..
హైదరాబాద్‌, విశాఖపట్నం, విజయవాడ సహా తెలుగు రాష్ట్రాల్లోని వివిధ ప్రాంతాల్లో ఈరోజు 22 క్యారెట్ల బంగారం 10 గ్రాముల ధర రూ.100 తగ్గి రూ.67,050 వద్దకు వచ్చింది. అదే విధంగా 24 క్యారెట్ల బంగారం రూ.100 కరిగి  రూ. 73,150 వద్దకు చేరింది. బెంగళూరు, చెన్నై, ముంబై ప్రాంతాలలోనూ బంగారం ధరలు ఇదే స్థాయిలో స్వల్పంగా తగ్గాయి.

ఇదీ చదవండి: బ్యాంకులకు ఆరు రోజులు వరుస సెలవులు

మరోవైపు దేశ రాజధాని ఢిల్లీలోనూ ఈరోజు పసిడి ధరల్లో తగ్గుదల కనిపించింది. 22 క్యారెట్ల బంగారం 10 గ్రాముల ధర రూ.100 తగ్గి రూ.67,200 వద్దకు, అలాగే 24 క్యారెట్ల బంగారం ధర కూడా రూ. 100 క్షీణించి రూ.73,300 వద్ద​కు వచ్చింది.

వెండి ఇలా..
దేశవ్యాప్తంగా వెండి ధరల్లో గురువారం ఎలాంటి మార్పు లేదు. గత మూడు రోజులుగా వరుసగా పెరుగుతూ వచ్చిన వెండి రేట్లు ఈరోజు శాంతించాయి. హైదరాబాద్‌లో ప్రస్తుతం కేజీ వెండి ధర రూ.91,500 వద్ద కొనసాగుతోంది.

(Disclaimer: పైన పేర్కొన్న బంగారం, వెండి ధరలు సూచనపూర్వకమైనవి మాత్రమే. వీటిపై జీఎస్టీ, టీసీఎస్‌, ఇతర పన్నులు, సుంకాలు అదనంగా ఉండవచ్చు. ఖచ్చితమైన ధరల కోసం మీ స్థానిక నగల దుకాణంలో సంప్రదించండి)