24 క్యారెట్స్‌ బంగారంతో ‘గోల్డ్‌ ఫింగర్‌’ బుల్లి కారు : ధర తక్కువే!

అగోరా మోడల్స్  అరుదైన బాండ్ సేకరణలలో ఒకటైన సూపర్‌ కారును  విడుదల చేస్తున్నట్లు ప్రకటించింది.   ప్రపంచంలోని అత్యంత ప్రసిద్ధ కారు 1:8 ఆస్టన్ మార్టిన్ డీబీ5 మోడల్‌ మినీ కారు ఇది.   మోడల్ ఇది. 1964 నాటి మూడో  జేమ్స్‌బాండ్‌ చిత్రం గోల్డ్‌ ఫింగర్‌లో ఈ కారు కనిపించింది. ఈ మూవీలో సీన్ కానరీ సీక్రెట్ ఏజెంట్ 007గా నటించాడు.  

24 క్యారెట్‌ బంగారం పూత కలిగిన మ్యూజియం క్వాలిటీతో బ్రిటన్‌కు చెందిన అగోరా మోడల్స్‌ కంపెనీ ఇలాంటి కేవలం ఏడు కార్లు మాత్రమే తయారు చేసింది. ఇయాన్ ప్రొడక్షన్స్ , ఆస్టన్ మార్టిన్‌ల సహకారంతో నిర్మించిన గోల్డ్‌ ఫింగర్‌ సినిమాకు 60 ఏళ్లు నిండిన సందర్భంగా దీనిని గురువారం లండన్‌లోని బర్లింగ్టన్‌ ఆర్కేడ్‌లో ప్రదర్శనకు ఉంచారు.  ఇందులో ఎజెక్టర్ సీట్లు ,రివాల్వింగ్ నంబర్ ప్లేట్ ఉంటాయి. అల్ట్రా-ఎక్స్‌క్లూజివ్ కారు ధర సుమారు రూ.27 లక్షలు.