చిప్స్‌ ఉండగా పూల చింత ఏల!

‘పెళ్లి ఉరేగింపు కారును దేనితో అలంకరిస్తారు?’ అనే ప్రశ్నకు టక్కున వినిపించే జవాబు... పువ్వులు. పూల కొరతో, ఖర్చు అనుకున్నారో.. వైవిధ్యం కోసమో ఏమో తెలియదుగానీ ఈ పెళ్లి కారును ΄పోటాటో చిప్స్‌ ప్యాకెట్స్‌తో అలంకరించారు.

సత్పాల్‌ యాదవ్‌ అనే ఇన్‌స్టాగ్రామ్‌ యూజర్‌ పోస్ట్‌ చేసిన ఈ వీడియో వైరల్‌ అయింది. చిప్స్‌తో ముస్తాబైన ఈ పెళ్లి కారు గురించి నెటిజనులు సరదాగా స్పందించారు.

‘΄పోటాటో చిప్స్‌ బ్రాండ్‌ను ప్రమోట్‌ చేసే పబ్లిసిటీ ఇది’
‘చిప్స్‌ అంటే ఎంత ఇష్టముంటే మాత్రం ఇలానా!’
‘చిప్స్‌కు బదులుగా ఫైవ్‌స్టార్‌ చాక్లెట్స్‌తో ముస్తాబు చేసి ఉంటే కారు వెంట జనాలు పరుగులు తీసేవారు’... ఇలాంటి కామెంట్స్‌ ఎన్నో కనిపించాయి.