ప్రజలు అప్రమత్తంగా ఉండాలి

ప్రజలు అప్రమత్తంగా ఉండాలి తాడికొండ: వరద ప్రభావిత ప్రాంతాల ప్రజలు అప్రమత్తంగా ఉండాలని జిల్లా కలెక్టర్‌ ఏ తమీమ్‌ అన్సారియా అన్నారు. వరద ప్రభావిత ప్రాంతాల పర్యటనలో భాగంగా తుళ్లూరు మండలం తాళ్లాయపాలెం లంకలో ఆమె ఆదివారం పర్యటించారు. ఆమె లంక గ్రామాల ప్రజలతో మాట్లాడుతూ పునరావాస కేంద్రాలకు తరలివెళ్లాలని సూచించారు. ప్రకాశం బ్యారేజీ వద్ద 5.67 లక్షల క్యూసెక్కుల ప్రవాహం ఉందని, ఈ మేరకు రెండో ప్రమాద హెచ్చరిక జారీ చేసినట్లు చెప్పారు. ఇంకా ఎక్కువ వరద వచ్చే అవకాశాలు కూడా ఉన్నాయని ప్రజలందరూ అప్రమత్తంగా ఉండాలని అన్నారు. ప్రజలు ఎవరు నది దాటడానికి, దుస్తులు ఉతకడానికి గానీ, ఇతర పనులు చేయడానికి నది వద్దకు వెళ్లవద్దని అన్నారు. నదిలో చేపలు పట్టడం, పశువులను వదలడం తదితర కార్యకలాపాలు చేయవద్దని సూచించారు. అధికారులు తక్షణం వరద ప్రభావిత ప్రాంతాల్లో పర్యటించి ప్రజల్లో అవగాహన కల్పించాలని ఆదేశించారు. కొల్లిపర మండలం బొమ్మవానిపాలెం, అన్నవరంపాలెం లంక గ్రామాల ప్రజలు వరదల పట్ల అప్రమత్తంగా ఉండాలని అన్నారు. అధికారులు, సిబ్బంది ఇచ్చే సూచనలు పాటించాలని అన్నారు. జిల్లా కలెక్టర్‌ కార్యాలయంలో ఏర్పాటుచేసిన కంట్రోల్‌ రూమ్‌ 0863 2234014 ఫోన్‌ నంబరుకు సమాచారం అందించవచ్చని ఆమె సూచించారు. కలెక్టర్‌ వెంట ఆర్డీవో శ్రీనివాసరావు, ఎంపీడీవో కానూరి శిల్ప, డీఎస్పీ మురళీకృష్ణ, సీఐ శ్రీనివాసరావు తదితరులు ఉన్నారు. కృష్ణాతీరంలో పర్యటన