ఐసీసీ అరెస్ట్ వారెంట్ పై ఇజ్రాయెల్ కొత్త వ్యూహం.. ప్లాన్ ఫలించేనా?

జెరూసలేం: తమపై అరెస్ట్ వారెంట్ ను రద్దు చేయాలని కోరుతూ అంతర్జాతీయ క్రిమినల్ కోర్టు(ఐసీసీ)ను ఆశ్రయించారు ఇజ్రాయెల్ ప్రధాని నెతన్యాహు, యోవ్ గల్లాంట్. ఈ మేరకు ప్రధాని కార్యాలయం ప్రకటనను విడుదల చేసింది. ఇదే సమయంలో ఐసీసీపై ఇజ్రాయెల్ ఘాటు వ్యాఖ్యలు చేసింది.

అరెస్ట్ వారెంట్ పై నోటీసుల కోర్టును ఆశ్రయించిన సందర్భంగా ఇజ్రాయెల్ స్పందిస్తూ.. అంతర్జాతీయ క్రిమినల్ కోర్టు మాపై జారీ చేసిన అరెస్ట్ వారెంట్లను సవాల్ చేశాం. మా అభ్యర్థనను కోర్టు తిరస్కరిస్తే ఐసీసీ మాకు వ్యతిరేకంగా వ్యవహరిస్తోందని అర్థం. ఈ క్రమంలో ఐసీసీ మా విషయంలో ఎలా వ్యవహరిస్తోందో అమెరికా సహా మా మిత్ర దేశాలకు తెలుస్తోంది అంటూ చెప్పుకొచ్చింది.

ఇదిలా ఉండగా.. కొద్దిరోజుల క్రితమే ఐసీసీ.. ఇజ్రాయెల్ ప్రధాని నెతన్యాహు, గల్లాంట్ కు అరెస్ట్ వారెంట్ జారీ చేసిన విషయం తెలిసిందే. ఇజ్రాయెల్-హమాస్ మధ్య యుద్ధం నేపథ్యంలో గాజాలో హత్యలు, హింస, అమానవీయ చర్యలతో పాటుగా  ఆకలి చావులు వంటి యుద్ధ నేరాలకు వీరు పాల్పడినట్టు ఆరోపిస్తూ ఐసీసీ వారెంట్ జారీ చేసింది. ఇజ్రాయెల్ దాడుల కారణంగా ఎంతో మంది పిల్లలు అనాథలుగా మారాలని పేర్కొంది. వారి మరణాలకు కారణమైందని ఐసీసీ ఆగ్రహం వ్యక్తం చేసింది.